رواية قضبان الجنوب ( فصلية ) الفصل الثالث عشر 13 - بقلم Hend_AlBoor

ايـاك و زرع بـذور الامـل فـيّ
فـ انا ارض لم تعد صالحة للحياة

صفوان : جهااااااد .. جدددددي

قسمااااا بالله اردهااا لاااااهلهاااا ..

ااخ .. يابةة خاصرتي ..

بدر : اكعد .. انت وين طافر وراهم .. ما تكعد و تستـﭼن

صفوان : خالي الله ميرضى بالظلم .. شبيهم ميفكرون .. راح ااااتخبل

بدر : يا بوية ماكو ظلم .. هاذ مقابل هاذ شمالك كبرتها

صفوان : موو عدنااا اعرااض .. دارت علينا الدائرررة شلووون فهممممني

بدر : لا تتعصب و انت موجوع مو زين .. خلهم هم يفضون الامور

صفوان : مديفضوها و العباس عقدوها ما تنفض هيج

بدر : كوم بالسلامة و فضها انت .. خاب بس اكعد .. اكعد

صفوان : افضها .. خالي افضها .. اذا ما رجعتها لاهلها .. بس خل اكوووم .. تعبببت من المستشفيااات

جهاد : هااك .. جدددي هااذ ويانا ..! وياهم ...؟  انا كلت لك احسمها رجال برجال

الجد : اااااسكت .. اخذها غصب عن الزلمة و عن بو نمر .. و رجليهم فوك روسهم .. ششنييي جاي العب اناا .. ..؟

حياة : كعدت الصبح .. حتى ماتذكر شلون نمت من البجي .. بقيت بغرفتي ماتحمل اشوف وجه امي المليان الم  .. بقيت ساعات .. كمت ماميز الوقت و لا الايام من بعضها .. الدنيا واكفة بية .. و روحي مقبوضه ..

نزلت .. ركضت علية عبالك مشايفتني من سنين

ام حياة : حياة ..

ليش يمةة .. ليش هيج .. ليش ناوية تموتيني وراج ..

حياة : يمة .. اسم الله عليج بس هايهية القدر حكم ..

ام حياة : الف حل و حل عند الله يمه .. الله يعافيج لا تروحين .. يمة مو هينة هاي والله مو هينة

حياة : مريت بالاسوء يوم .. شيجي اكثر بعد الخسرته ..؟ اذا الموت فـ اني ميته و انتي تدرين بهالشي .. تدرين بية ابجي كل يوم لحد ما اموت مو لحد ما انام

الزم حنجرتي و انام يوم .. اريد اشلعه من العبرة لان تذبحني من توكف هنااا

تدرين بية اضحك جذب و داخلي محترك .. لتكوليلي محسيتي بنتج مابيها روح من زمان

يمةة اني مهدوومة من هذاك اليوم لليوم .. دوري بية امل ماكوو .. دووري

ام حياة : مو تشمرين روحج .. كولشي وية الزمن ينطمر يوم بس مو تشمرين روحج بالنار .. خلي الزلم تحلها ابوووس ايدج بنيتي

حياة : من عفت معاذ و كلت لج يوم لتخافين علية .. جنت جذابة بوقتها..

بس هسة اكولج لتخافين علية .. داحجيها الج بكل صدق .. ع اساس نار  لا ..؟

فرحانين هم بطلبهم .. احتركوا دمهم ع ابنهم الجوا التراب و ديحركون كلوبكم بية .. يمة خسرانين همه .. الـ دياخذوها جثة .. حتى اذا موتوني ماحس

بكل الاحوال مراح اطلع بخسارة .. طلعت من عز ابوية بحد ذاتها انتصار يوم ..

ام حياة : شدتفكرين .. شدتفكرين .. اويلي علية .. اووويلي ع حظي

حياة : كامت تبجي و تلطم ع وجهها خفيف .. رحت حضنتها ..

ع الاقل تلطمين ع بنتج و هي عايشة و لا تلطمين ع دم ابوية و اخوية .. اسم الله عليهم

يمة انتي فكري .. يمة اعتبريني اتزوجت بالبصرة .. ما اعترضتي ع معاذ .. اعتبري معاذ اخذني منج

ام حياة : مااكدر حياة مااكدر .. يمةة والله ماكدر .. اني اذا شفتج عروس ابجي اشلوون بية و انتي رايحة ضحية

طبت خالتي و ريمان

ام ريمان : مرريم شكوو .. شنوو هذا الحجيتي الي ..

ام حياة : ام علي بنتييي ضاااعت مني .. واااكفة كدااامي بكل دم باارد .. ضاعت مني ..

ام ريمان : لتلطمين .. كاافي مو زين عليج

حياة : تقديم نفسي قربان .. اهون علية من حالة امي و هي كدامي .. كمت ماسمع الاصوات و اني اشوفها تلطم وجهها و تبجي ..

ريمان : داااحجي ويااااج ردددي .. ردددي

حياة : حليني ريمان .. حليني روحي مخنوكة ..

ريمان : اتخبلتي ااانتي .. خلي الزلم تحلهاا .. اااانتي شكووو

فجاءة خالتي ركضت علية .. تتوسل بية

ام حياة : احجي وياهاا ريمان احجييي يمةة اقنعيهاا .. خلي تسحب روحهاا

حياة : يمة الزلم اذا حلوها يحلوها بالدم .. اني ما اموت يمة ..

مادري ليش كولشي بية سكن .. يبجن كدامي و عيوني ساكنه .. اني الـ جنت من اقل شي ابجي و ماكدر اسيطر ع دموعي ..

گلبي الطين .. صخر صار .. ما اجاه المزن و انمطر .. ما ورد گلبي معاذ ...!

حياة : مرن يومين و نگلب بيتنا بالرياجيل .. ناس منعرفها من العشيرة .. عمامي و حتى خوالي حضروا كلها تحجي انو هم مناوين ع خير جانت الفصلية امنية بهاي اللحظات

امي تلطم .. دانيال كاعد كعده الاموات بالطرمة .. اول مرة اشوفه مكسور .. ابوية لازم فونه و يتصل بالشيخ يحاول يتفاوض

ام حياة : هااا .. هااا شكالوووا .. حجووا وياااك ..
بقى ساكت و منزل راسه گامت تبجي و تضرب بي و هو يبجي

ام حياة : اااحجي .. احجي .. احجي .. لييييش ساااااكت ااااحجييييي .. كووول مااانطيهاااا ..

كوووول بنتج ااااالج موووو الهممم .. ااااني شلتهاااا ابطني راااائد .. ااااني .. اااني اقرر بيهااا مووو انتوووو .. بنتييي راااائد بنتيييي

حياة : اتمنيت روحي ميته من زمان .. و لا اشوفهم بهيج حال .. بقيت واكفه ابجي بجي الخرسان ..
گلبي ميريد يعوفهم .. و ميريد يخسرهم .. القدر خلاني بموقف حسيت حتى الموت هواي علية ..

تعذيب الروح شلون يصير ...؟

شافني ابوية .. امي بحضنه تعيط و كولشي بي يكول مانطيج ..

القوة خارت و الحيل انهد بيهم .. كل الضعف بين بيهم .. و اني اولهم .. مسحت دموعي ..

اذا ما انطيتني و ما اتنازلوا .. و هدروا دمك .. احسبني وراك مدفونه يابة

ركضت امي علية حضنتني

ام حياة : مااانطيهااا رااائد .. مااانطي بنتي .. لتسمعلهاا طفلةة متفتهم .. مااالتي راائد  ماا انطيهاا

حياة : حسيت هذا اخر حضن منها .. لان لو فصلية لو گبري
طب عمي كال وصلوا .. امي لمتني بحضنها لم .. مثل الطفل من يحب لعبة و ميريد ينطيها و ابوية طلع يركض متهستر يصيح دانيال

جهاد : وصلنا شفنا سيارات يمهم عرفنا بيهم عدهم خبر بجيتنا

اول ما نزلنا رفعت سلاحي .. اريد ارمي فوگ

الجد : اوووكف ..

جهاد : جدددي ..

الجد : مانبدي بالدم الا ما نشوف نيتهم شني ..

جهاد : طلع ابوها و الزلم كلها مسلحة .. انا ايدي ع سلاحي مستعد ..

ابو حياة : صلوا ع النبي .. اتفضلوا حياكم .. جوا يصير خير ..

جهاد : طب جدي .. رح يخبلني شماله هيج بارد اعصاب .. اخبره نار .. مانكدر نسوي شي الا باشاره منه ..

طبينا وراه بس كل الوجوه ناوية ع الشر .. لا احنا نتنازل و لا هم مأمنين بجيتنا ..

الجد : ما احترمتوا طلبنا .. و صبرنا عليكم و قد اعذر من انذر

ابو حياة : دنگت راسي .. شلون تطلع مني و اكوله بنتي معطية .. اخذوها .. اكو واحد ينطي روحه ضحية ..

لو ابني لو بنتي ...؟ و اني مارفع واحد منهم ع الثاني درجة بالحب .. اسلمها لله مو لعباد الله .. عباد الله مابيهم رحمة .. الك اسلمها ربي .. اتكفل بروحها مولاي

لو وكفت ع روحي جانت اهون علية .. لا حول و لا قوة الا بالله

ابو حياة : طلبكم مجاب ..

الجد : رجال و كفو .. بنتك مو فصليتي فصلية الشيخ بو نمر .. و هالزلم من القبيلتين تشهد ..

ام حياة تصرخ : مااا انطيهااا .. هااااي مراجعة لاي رجال بيكم .. هاااي مااالتي .. مو من حقكمممم تقرروووون بامرهاااا .. بنتيييي خافوووا الله ابنااااتكم .. اتقوووو الله .. الله ينتقم منكممم مااا انطيهاااا راااائد

جهاد : بقيت ساكت .. لكن هاذ العدل انكسار اهلها و حرگة گلب امها عليها يشفي حرگة گلوبنا ع خالد .. ما نريد ندفنها لكن هاذ المبتغى ..  الگلوب تفرغ من الحزن. 

حياة : خالاتي و عماتي لازمات امي و هي تعيط تريد تطلع عليهم
كعدت ع الدرج .. كل حركة بعد مابية .. الاصوات كمت ماسمعها و ماشوف .. ماحس بريمان من لازمتني و تبجي .. ما احس بشي ..

الجد : لكم مهلة تودعوها للعصر .. و احنا نجيب السيد و نعقد حتى تتطمنون انها بالحلال انوخذت .. و ع ذمة الشيخ

حياة : ماحسيت الا ع ابوية سحبني من ع الدرج و حضني .. ماعتقد راح اشتم هاي الريحة بحضن اي رجال ..

كمت ابجي بحضنه .. مابجي ع روحي لان اني فقدت روحي من زمان .. ابجي عليه .. اسمع صوت الالم بصدره من يبجي .. دگات گلبه سريعه ..

ام حياة : راائد انطيها الي .. رااائد بنتي .. بنتي انطينياها .. انطينياها اريد اشبع من بنتي ..

دانيال ببكاء : يمةة .. كافي الله يخليج ارحمي روحج يوم

ترجع على ابنها تمسح بوجهه و تبوس بي

ام حياة : رووحي .. متشوف الرحمة بعد .. هااي نص رووحي دانيال  .. منو بقالي يووم ماعندي بس هالبنية ماكوو بنات بالدنيا .. خلصن بنات الدنيا بعدها

رااائد ... راائد زفها .. زف بنتي راائد

ام ريمان : شدتحجين مريم .. شيزفون اهدي ..

ام حياة : متطلع بنتي هيج ام علي ... لااا لااا  متطلع بالاسود .. عروسة تطلع ..

رااائد .. وديني للسوك .. ااام علي انتي انتي وديني اريد اجهز بنتي .. بنتي عروس اريد اجهزهاا ..

شبييييكم وووودوووني راااح اتخبل

ابو حياة يحضنها : كاافي مريم .. كاافي گلبي ميتحمل

ام حياة تبجي بحضنه و تضرب بي :
انطيتهااا .. انطيتهااا اااانت يااا گلب عنددددك .. انطيييت بنتك ضحيةةةة

تركض على بنتها و تجرها

متطلع منااا بالاسوود .. ازفها رائد .. هاي وحيدتي .. كل يوم احلم بزفتها ..

ااام علييي امشششي اااامشي للسوك

ام ريمان : ابو دانيال ..

ابو حياة : اخذيها .. اي شي تريده خلي تاخذه

حياة : تركض و تركضني وياها .. من البجي احس عيوني اريد اشلعهن متوكع دموع خلصن .. العبرة ذبحتني اريد اشلع حنجرتي .. لزمت ركبتي من الالم ..

ام ريمان : حلي بنتج ..

ام حياة : لااا اخذها ويايا

ام ريمان : مريم حليهاا .. اني وياج نروح نجيب التردي ع السريع .. خلي البنية ترتاح شوفيها طولها مابيها تشيله .. هلكتوها

جهاد : راح جدي وية الزلم يجيبون السيد .. و انا بقيت وية ولد خوالي يم بيتهم .. طلعت امها وياها مرة ..

اباوع ع امها مبين تخبلت ع بتها .. حتى المشي ما كامت تمشيه ..

حياة : كعدت بالكاع .. احس بمرض .. بس شنو مادري .. روحي مريضه .. عماتي و خالاتي حولي .. اريد اطلع من هذا كله ..
ابالي شنو الذنب الارتكبته .. مو قدر هذا .. ذنب ...!
روحي بعدها تتعذب .. الم فوك الم .. مو حمل هذا اني
ذنب .. لو دعوة بشر بية ..

جتي ريمان گومتني تحجي مادري شتحجي ماسمع طببتني سبحتني و اني ابجي

ورا ساعتين اجني امي و خالتي .. اخذني للغرفة امي تلبسني البدلة و تبجي
نزلوني بالصالة تكولي السيد اجه جابلي كرسي مابية حيلي مهدود اريد اكعد بالكاع مخلني

ام ريمان : يمة اصعدي لمي كل الشغلات الي تحتاجها بجنطه جبيرة .. ع السريع

ريمان : صار يمة ..

حياة : من شفت روحي بالبدله .. كل لحظة وية معاذ من اول نظرة لاخر صرخه .. بدت تنعاد كدامي ..

مو تخيل  صدك داشوفها كلها .. ابتسم من داباوع بعيونه .. لبسني الحلقه و هو يتغزل بية

كمت امسح بالبدله .. راح التفتت و اشوف معاذ .. اي اشوفه .. مداروح فصلية اني دا انزف لحبيبي .. المقدر هيج .. خططنا ورا ميتخرج ننزف ..
هايهية خلصوا امتحانات .. و اجاني ..

ام علي : حيااة .. جاوبي .. حيااة يمةة

حياة : حسيت يهزن بجتفي

شنو

ام علي : كولي نعم اقبل

حياة : اي ..

محسيت الا ع صوت رجال يسالني هل تقبلين جاوبته .. و صوتي مخنوك ..

حضنتي امي و تبوس بية ..

ام ريمان : ريمااان .. وووينج راح ترووح .. كملتييي

ريمان : نزلت ركض و بالمو شايله الجنطة يمكن خليت كل الغرفة بيها اشمدريني كله تحتاجه اكيد ..

اريد اودعها خالاتي منطن مفكه و عماتها يسحبن بخالتي لازكه بيها ..

حياة : ضموا وجهي و طلعني النسوان .. يهلهن .. من بين كل الهلاهل اسمع دموع امي .. السعاده نفاق بهذا العرس .. بس دموع امي صدق ..

من صرت بالباب سحبني داني و حضني بنص الزلم .. و هو يشهك بالبجي ..

سلمني بيده للشايب .. الـ عقد علية .. اخذني من ايدي بالباب و نزع عبايته و خلاها علية  .. و صعدوني للسيارة ..

ام حياة : اخذوها رائد .. اخذو صغيرتي .. تعبي كله اخذوا بتقليد ظالم ..

جهاد : عقدنا لابو نمر عليها كونن جدي وصي السيد خذا بوصيته و عقد لان ابو نمر غايب ..

مشينا مباشرة توجهنا للبصرة .. جدي يمي بالصدر و هي ليورا ..

لسانها بالعته ام ناقص رجولة ....!!

حياة : مادري شكد الوقت دقيقه .. ساعه .. يوم .. اسبوع .. سنة .. مادري محسيت الا من نزلت و الدنيا ليل

طبيت لبيت .. اتلكتني بنية سحبت العباية و انطتها للشايب .. زوجي او خدامته بالوصف الصحيح

تين : صار الليل اتصل بية جهاد كال احنا وصلنا طبينا البصرة ..

الله يستر .. انا كلت لجهاد لا ينطي خبر لعماته و خالاته انهم جايبيها .. لان البيت ينخبص فوك راسي و محد وياي .. هلكت

حسبالك انا الفصلية و لا وحده من هالعمات و الخالات عاونني .. من يوم العزا لليوم

سمعت صوت سيارة طلعت انا و حبوبة .. زينة جانت نايمة ..

اتلكيت البنية .. حبوبة خذت جدي و راحوا .. خطية هلكان من التعب ..

اخذت جنطتها من جهاد و انا اباوع علية وجهه ما يتفسر ..

جهاد : شجاي تسوين انتي ..؟

تين : هاا .. الجنطة ..

راسا عفتها بالكاع .. جهاد انا فاهمته من يتعصب يحجي وياي بعيونه بحيث انا اتخردل من الخوف

و نظرته هاي معناها عوفي الجنطة لا ادفنج .. 😨

جهاد : عدها ايد و خل تشيلها .. انتي امشييي ..

تين : البنية خوما تبقى واكفه هنا ..

جهاد : هذيج غرفة .. و هي حرة هاان هناااك ..

تين : بس ..

جهاد : تيييييين ..

حياة : من عاط بيها جسمي كله فز .. عرفته من صوته الخشن ..

حمدت الله لان عقدت ع الشايب و لا ع هذا الجمرة ..

راحت و هو بقى واكف .. حيلي مهدود اريده يروح حتى باي مكان اكعد مخزن هنا بالشارع .. بس خلي يروح

جهاد : سحبت سلاحي من جتفي .. و لزمته بيدي ..

العادات تحكم انو ابووج مكانه الگبر .. و اضعف الامور هي تفك بمرة ..

و انا ما عندي اضعف الامور .. لكن حلتي بيني و بين مرادي انتي ..

تين : ركضت للمطبخ اباوع من الشباك و اخرمش بوجهي .. من شفته سحب سلاحه

عزا عزاا .. عزا العزاني .. ربي فدواتك اهدي ..

حياة : من سحب سلاحه .. ميعرف اني واصلة لمرحله لو راميني اعتبره حسنة من عنده ..

بس من ذكر ابوية وية كلمة گبر .. انعصر گلبي .. بلحظة ابد مندمت ع قراري هذا .. اني و لا ابوية ..

امنيتي انطي درس بالاخلاق .. بس بقيت ساكنه .. لان مو مال دروس بهذا الوضع .. حتى مرفعت راسي الحمدلله البرگع ضامني عنه

راح و جفاني شره .. بقيت واكفه الشارع طويل لحد ما وصل لبيتهم و اختفى ..

دنگت داشيل جنطتي .. شنو هاي .. شحاطتلي ريمان ..؟؟ حيل ثگيلة ..

شلتها و مشيت ع جانب البيت شفت غرفه من بعيد اكيد هاي المخزن .. ما اعرف شنو دينتظرني بهذا البيت و لا ايهمني ..

الـ عافت حبيبها و عافت اهلها .. ماعتقد بعد اكو شي يقهرها و يهزها

جهاد : هلكت تعب صعدت سبحت و نمت .. الطريق جان طويل و انا صار شهر ما ارتاحيت من مات خوية لليوم ماكعدت ..

حياة : طبيت للغرفة ارضية مابيها باب مرتبط بالبيت مباشرة للحديقة  فتحت الكلوب .. ريحته تخنك لان متروكة سرير بسيط و ميز صغير  غيرت هدومي و ضميت البدله ..

كعدت ع السرير .. صفنت ع حالي

وين وصلتي حياة .. معقولة الـ صار ..؟

وجه ثاني للحزن .. لو انتحار ..؟
شبيها الناس .. شبيها فجاءة كلها صارتلي وحوش ..؟

نمتي يمة .. لو بعدج ..؟

محسيت بعد .. صحيت الصبح ع صوت ..

تين : يبنية .. يبنية ..

حياة : هممم

كعدت ع حيلي .. جسمي ماحس بي .. فركت عيوني اريد اصحصح ..

تين : ليش هيج نايمة ..

حياة : اتجبجبت منها .. ما ردت اخذ و انطي بالحجي .. اريد اوكف مابية مابية سندتني وخرت عنها

مابية شي

تين : خايبة يا مابيج متدوده

حياة : منو انتي ..؟

تين : تين

من كلت لها اسمي رفعت حاجبها و باوعت بنظره فشلتني .. شسالفه فشرت و انا مادري ...؟

ماعندج دشداشه .. سوده؟

حياة : ليش ..؟

تين : الشيخ مطالعه اربعينه حتى .. انتي انتظري هنا اروح اجيبلج من دشاديشي

حياة : بس اني من اهل البيت حتى البس اسود ..

تين : هاذ الحجي مو هنا .. يرادلج وكت يلله تتعودين .. و انا جاي احميج من النسوان انتظري هنا و اسكتي دقايق و اجيج

طلعت ع السريع جان يصير بوجهي جهاد ..

صباح الخير عمري ..

جهاد : جنتي يمها ..؟

تين : منو ..؟

باوعلي بعيونه .. يمةةة

اي .. اي .. يمها .. كعدتها غير حتى تطلع تندل شي بالبيت ..

جهاد : جا وينها .. راكضه لحالج ..؟

تين : اجيبلها شي اسود تلبسه

جهاد : يلله فضيها ..

تين : انت وين رايح من الصبح تعال اريكك

جهاد : لا عندي شغل .. ارد اكضي من وكت لان وراي طلعة ابو نمر

تين : خوش يروحي .. مكضي ان شاء الله ..

وصلته للباب و رحت وديت دشداشة للبنية .. الحمدلله هي مثل مقاسي

حياة : بدلت الاسود و رحنا للمطبخ .. وكفت ع الطباخ و تسوي ريوگ .. اني وكفت لان شاسوي ..؟ مدافتهم ..؟

تين : البيت ميتعب شغله .. انا و زينة اخت خالد الله يرحمه لازمات المطبخ جانت زوجته ويانا ..

حياة : زين

تين : ماعرف شلون احجي وياج .. اقدر وضعج .. اي بنية متتمنى مكانج هاذ

حياة : ميهم .. مو جاية اطلب خطية احد هنا ..

زينة : و هاي منو ..؟

تين : البنية ..

زينة : عوض خالد ...؟؟؟  هييي هااااي .. هاااي الـ جدي ساواها بدم اخوووي

تين : زينة زينة

هجمت علية تضرب بية و تين تسحب بيها طلعتها برا

- خايبة اسكتي اسكتي السلف كله سمع صوتج شمااالج ..

حياة : اعتقد هاي بس البداية
درت وجهي عنهن لهيت روحي بديكور المطبخ ..

صفوان : طلعت من الصبح من المستشفى وصلت خالي لبيته .. مابقيت انتظرهم لما يلتمون و يجون .. باقي ع اعصابي هنا .. معزول عن الامة و الديصير ..

وصلت للبيت ركنت السيارة و نزلت طبيت رحت ع زينة و تين ..

تين : انا اجرجر بيها ارد ابعدها عن المطبخ لاكانا ابو نمر ..

هلاااا خوووية شلونك شوكت اجيت

صفوان : وصلت ليمهن دافتهم شصاير و هيج يتراكضن  ..

انتبهت ع المطبخ من شباكه

شفت ....... حياة ؟؟؟؟؟؟

شنو السالفة ..؟؟ دا اتخيلها لو شنو رب السموات ...؟؟؟