رواية قضبان الجنوب ( فصلية ) الفصل السابع عشر 17 - بقلم Hend_AlBoor

و مـا امـر ذلـك الـجـسـد ..؟
الـم يـقـوى ع حـمـل الالـم ..؟!

حياة : مديت طولي دانزل الملح ..

وية الصوت .. گلبي لزمني .. تركت الدبة و نزلت عيني ع باب الكاونتر القسم المعلق بالحايط .. انعكاس وجهه بي

ما صدكت لا الصوت و لا انعكاس صورته .. التفتت .. كل حيلي الـ لميته راح من شفته ..

معاذ : حياااة .. انتي شتسوين هنا ...؟

حياة : نفس صدري ثگل .. الزفير طول و الشهيق ثگل .. غرگن عيوني اريد اشوفه دموعي وكفن بين نظري و بينه ...

تين : تعرفها ..!

معاذ : هه .. ههه .. حياة شجابج .. جا هديتيني و انفصلتي ..؟

حياة : باوعت ع تين ايدي كامت تحجي اشرت عليه بـايدي .. اريد اكوللها منو ..؟ اختنكت اريد احد يطلعني منا ..

بعدني مطالعه من صدمة صفوان حتى اطب بهيج صدمة هدمت حيلي .. كل شي ابراسي يدور .. معاذ شنو .. و منو بهاي العائلة ..؟

تين : هاذ معاذ ابن عمة الشيخ

معاذ : باااااوعيلي هنااااا ..

حياة : گبيت كل جسمي فز من عاط ..

معاذ : انا كايلج تندمين .. كااااايلج .. هااا صددددكتيييي

صفوان : وصتني تين ع خضروات .. رحت براس الشارع البگال جبت منه و رجعت بضرف عشر دقايق .. رجعت شفت سيارة معاذ بالباب ..

طبيت ركض توجهت للمطبخ .. من گربت سمعت صوته يصيح عليه .. ما بقى بية عقل .. الا ما لكيت روحي كدامه .. ضربته بوكس گلبته ع الحايط ..

ياهوووو اااااالـ يندددددم لللللللك

حياة : بعد مابية اشيل جسمي .. هذا هواي ع وحده مثلي ..
لزمت الكاونتر بايد استندت لان مابية اشيل طولي و ايد الخ احاول اسكت شهكاتي و صوت البجي ، طبت زينة و امه شافتني انصدمت

زينة : خووويةةة ..

صفوان : مكااااااااانجن

معاذ : ضربني حيل الزلمة ما يوگع

ههه .. والله و طلعلك ريش .. و لا جنك هذاك الـ جيت تتوسل اتوسطلك

صفوان : اعصابي كلها ترجف .. صكيت سنوني عليه

قسما بالله تجيب طاريها ع لسانك اكصه و احش رجل كلمن يطلع وراااك

يمسح الدم و يباوع ع حياة يتقرب من صفوان و يبتسم :
دور بيها .. تلكي روحي لو روحك ..

صفوان : لزمته من ياخته و سحبته حيل علية

معاذ بالمووت لازم روحي .. ادفنك بارضك

معاذ : خسران انت .. انهدمت من شافت وجهي .. عاد انهدمت من شافتك ..؟

حياة : اسمع كلامه و هو يتفاخر باذيتي .. و هو يفسر دماري و هدماني حب .. هو حوله هدمان و ديتفاخر بي و لا كأنو خان و غدر .. و لا كأنو هدم و دمر
كمت اشهك بالبجي .. اريد اتحمل هذا .. احس بعد لهنا و خلاص .. من اوكع ملازم ارفع راسي و اتحدا .. الدنيا كلها ضدي ..

صفوان : عرفت هذا الخبيث جاي يستفزني .. دفعته حيل و حليته ..

قسمتي و رجعت لي

معاذ : هه هههههه خذها بس جسد بالعافية

حياة : طلعت ركض من المطبخ ..

صفوان : ضربته بوكس و عمتي جلبت بية .. نويت ادفنه

ام معاذ : بووو نمرررر دخييييلك .. مااات الولد .. دخييييلك .. دخيييل جددددك .. مااااات

حياة : كعدت بكبري اتمنيته كبري .. كمت ابجي بصوت عالي .. بعد مو مال اسكت روحي لان اموت .. اريد ابجي لحد ما اموت ..

هاي مو فصلية اوادم .. هاي فصلية الدنيا .. الدنيا الها ثار وياية و دتاخذه مني .. من روحي دتاخذه .. هلكت روحي
ماا اريد .. ما .. ما اريد .. ما اعيش .. فدوة ماا اريد .. ماريد ماريد

صفوان : هديته بحضن امه .. هاذ ما محسوب ع الزلم ..مابي يوكف ع طوله

طلعت مثل المخبل رحت عليها دفعت الباب و هي تبجي بصوت عالي ..

گوووومي ..

جريتها من ايدها جتي بيدي ركض حتى مانتبهت الي الا من سحبتها ..

حياة : سحبت روحي منه و كعدت و اني ابجي بصوت .. مابية اكوله عوفني .. خلي يعوفني ربي .. خلي يعوف

صفوان : جاااااااي اگوووووول گووووووومي

اعصابي منهارة .. هجمت عليها خليت اعصابي بيها دنگت و جريتها بيديني اثنينهن

هلكد ما حيلها مهدود و جسمها مرتخي .. اجت ركض بحضني من انا وكفت .. لميتها بحضني ..
كامت تون بالبجي بصدرها حيل تعبان من يسحب النفس

شگت گلبي و علي .. شگته مابقى شي صاحي بي

حياة : كمت ما اشوف و اسمع .. مابية اشيل جسمي .. محسيت بروحي الا بحضن شميت ريحة ابوية بي كمت اون مو بيدي .. صدري كام يون من الوجع ..

يون من وجع روحي .. حيل تمسكت بي .. ريحة حضن ابوية هاي .. رجعني لهذاك اليوم من حضني ابوية و اني اشهگ بحضنه ..

يابةة .. ياااابة .. عيووني يابة

صفوان : من صاحت بصوت يرجف و ببجي .. عصرتها حيل .. خليت ايد ع راسها و ضميته حيل لصدري ..

ام معاذ : كووم يمة كووم

زينة : عمةة شصاير ..

تييين .. شصاااار ..

تين : طلعت ريحة السمج .. بووووووية نسيته بالطاااااوة

شصاااااير ... جدددددي احتررررك .. ااااالسمج احترررررك

معاذ : ماا صااير .. حسابات بيني و بين الشيخ .. ااامشييي يمةةة

طلعوا و زينة وراهم

عمةةة سكينةةة جوااا

معاذ : خليهااا ارجعييي لا تطلعين .. نررجع عگب مرة ناخذهاا ..

ترجع ركض للمطبخ

خايبة شصاير ماتحجين ما تنطقين

تين : و انااا فاااهمة شي .. كل الـ اافتهمته بوووكس ابو نمرر لمعاااذ
و هاااذ ااالسمج الـ احترررگ .. شلون ويةة هاااذ اااليوم الاكشر ..

صفوان : بقيت واكف ع هالوضع نص ساعه .. ليحد ما سكنت من البجي و بس الشهگات بقت ..
جسمها كله يفز وية كل شهگة .. كامت بيدها تلزم صدري حيل من تاخذ الشهگة ..

هذا كله لان شافت معاذ .. تارسها وجع .. شكثر تحبه ..؟
سحبت راسها ارد اشوف وجهها .. صدتني .. و دفنت راسها بصدري دفن

حياة : خدر راسي وية كل شهگة احس روحي تطلع .. بيهن الم يهد الحيل
سحب راسي مردت ابتعد مردت الحلم يخلص ، اني بحضن ابوية مشايله جسمي هو لامني بحيله و واكفه اني

صفوان : و انا لامها بحضني .. ما دار براسي تفكير انو جسمها ع جسمي .. انا مجاي احس بجسمها بكد ما احس بروحي و روحها اول مرة يلتقن .. حتى من صدتني و مرادت تبتعد .. روحها الـ صدت مو حياة ..

حياة : دقايق رجعت لوعيي .. اذني كامت تسمع الـ حولها .. اول شي سمعته نبضه .. جان هادئ و سريع .. نبض دافي
ع ايقاعه استقر نبضي .. صدره من يتنفس كولني اندفع وية شهيقه و كولني انسحب وية زفيره ..
طفل اني .. و كاروك و ايقاع هادئ .. وراها محسيت بشي ..

صفوان : شلتها .. اريد اوديها لغرفتي .. انا ع اعصابي و هي هنا ..

تين : فات ابو نمر شايلها .. الظاهر طب من الديوان .. طلعت من المطبخ

هاا شمالها ..

صفوان :( بهمس ) هشش .. نايمة ..

تين : ( بهمس ) صدددك

صفوان : ( بهمس ) لا اجذب عليج .. كاتلها و صاعد اضم جريمتي ..

تين : خذاها و طار بيها فوگ

هاا ..!

صفوان : صعدت نومتها ع الجرباية و غطيتها ..

هالكه روحج .. شبيج وياها و هي روحي

نزلت ع تين ..

تين..

تين : هلة

صفوان : ماريد احد يعرف بكل الصار .. بلغي زينة بهذا الكلام

تين : شصاير شيخ ..؟

صفوان : مو شي مهم ..

تين : دفنت الولد الا اشوي يا مو مهم ..

صفوان : تين .. كلامي ما ينعاد

تين : ع امرك .. صار

معاذ : وديت امي للبيت .. اكلت راسي بالطريق .. وصلتها و هديت السلف ..احس مختنك .. ارد اصيح ارد اهجم الامة ..

صح جنت واكف كبال صفوان .. لكن عيوني و بالي و روحي كلهن يمها .. شفت هدمانها كبالي و انا عاجز

ليش هيج .. جااا شبيج .. لمن تحبيني هيج لييييش هددديتيني حيااااة

ثاني يوم صباحا

زينة : تين ..

تين : اسم الله الرحمن .. خايبه كحي اتنحنحي .. يبستي دمي ..

زينة : و صمغ طنطل انا و يبس دمج ..

تين : شبيج من صباح الله خير ..

زينة : ما نمت لج الليل كله كاعده

تين : يا ستار .. اكيد من ورا سالفه امس

زينة : رح اتخبل شني لصار و هيج هجم عليه ابو نمر .. و ياهي الياخذها جسد ..؟

تين : انا هم شغل بالي .. ما جت براسي غير حياة لان الشيخ خذها و معاذ عرفها

زينة : هاا جا هيج السالفه .. انا هم جت براسي هي .. لكن معاذ خاطب .. بوووية معقوله يحب ع خطيبته

تين : والله من الزلم كلشي توقعي .. مو عاد معاذو داير بالمدينة 24 ساعه

زينة : و هي شكو شامرة روحها ع زلمة مرتبط .. ما تشوفين الله هيج عمل بيها

تين : والله يا خية ماعرف .. معقولة هي هيج .. ما مبين عليها

زينة : لان انتي ع نياتج ما تشوفين عدل .. شمعرفنا شني ماضيها جابوها و شمروها علينا .. بنت ابليس

حياة : كعدت من الالم الـ براسي و جسمي المتكسر مابية اتحرك .. حسيت روحي ع جرباية سفينة مو جرباية .. غايصه بالفراش ..

فزيت كعدت ع حيلي .. اريد تذكر اشلون نمت البارحه مداتذكر .. انتهت ع صفوان نايم ع مسافه من يمي ..

من شفت ظهره كولشي ملابس .. طفرت جان اوگع بالگاع .. بقيت كاعده .. لزمت حلگي من الالم الـ برگبة رجلي ..

صفوان : ورا ما تعشيت صعدت بقيت اباوع ع وجهها و هي نايمه للـ 2 بالليل ..

اعرف ما الي مكان بگلبها .. من ردة فعلها واضح حبها لمعاذ .. ع قدر الوجع ينقاس الحب ..

غفيت .. صحيت ع صوت شلت راسي راسا .. باوعت ماكو .. دا اسمع نفسها ..

كمت من الفراش .. درت حول الجرباية .. شفتها كاعده لازمه حلگها باثنين ايديها

حياة : باوعت ع روحي بهدومي .. ردت روحي بجسمي ..

( بهمس ) الحمدلله .. الحمدلله

اني مدنگة راسي شفت رجلينه وكفت يمي .. وكفت ع السريع ..

ااانت ... اا

حرت وين اودي وجهي من شفته بدون قميص او تيشيرت .. كمت احس دينزل مي من وجهي ..

صفوان : وكعتي .. خما اتاذيتي ..؟

حياة : لاا .. لا

صفوان : گبت و رفعت ايديها بوجهي .. جا ما متقرب شبيها

شبيج مخبوصه ..!

حياة : انت شلون تجيبني هنا .. تخبلت انت ..

صفوان : تحركت جريت تشيرتي و لبسته ..

اكو بشر ينام بهذيج الغرفة ..؟

حياة : و هو شنو دخله بية .. عفته و مشيت للباب دافتحها لزم يدة الباب و نمردت ايدي بين ايده و اليده

حللل ايدك

صفوان : انا اعرف ما تتحاجين .. هاي غرفتج زين

حياة : ميخصك .. هذا الشي ميخصك .. انام وين ما اريد .. حلل

سحبت ايدي .. اذاها

صفوان : اانتي ع ذمتي شلون ما يخصني

حياة : تررة مو زوووجتك .. و لاا الك حق بيةةة .. اااني هنا فصل مو مرررة

صفوان : جا انتي الفاصلتني لو انا ..؟؟ دا اكولج ابقي هنا ما رايد منج حقوق

حياة : من اجيت هنااا .. ما اجيت علمود عطف احد .. و لا اجيت مدلله .. هاي حياتي اختاريتها ابدااا لتتدخل

صفوان : تركت الباب ..

مثل ما اختاريتي قبل ..؟

حياة : ضاق نفسي من حجى هيج .. عيوني غرگن

ابتعد عني ..

عفته و طلعت ..

صفوان : حالها تخربط بس جبت سيرته .. حجت بصوت مخنوك و راحت ..

و اني شنو الـ اريد اتاكد منه .. واضح مثل عين الشمس .. الحب شيضمه صفوان ...

زينة : هاا .. هاي وين جانت .. نزلت ركض

تين : بغرفة زلمتها ..

زينة : ما طايقه اشوفها اليوم مخنوگة ..

تين : خلج منها و ماعليج بيها .. لا تسويلنا عركه اليوم .. كومي نكمل الريوك ورانا هوسة ..

زينة : خلگي ضايگ من الصبح ..

تين : الله يرحمه .. ما يحتاج ضيگة خلگج و لا عرايكج .. بس الدعاء

زينة : الله يرحمه ..

حياة : رحت للغرفة كعدت مسحت دموعي

ماا اريد ابجي عليه كافي ، النذل

لبست الثوب و طلعت غسلت وجهي ..

اشو ما طلعوا اليوم للمزارع ..

رحت للمطبخ ..

صباح الخير

تين : صباح النور ..

حياة : ما تروحون اليوم

تين : لا .. اليوم اربعينية المرحوم .. ما نطلع .. اشوي و تلتم الوادم بالديوان ..

حياة : اها .. الله يرحمة ..

محسيت باحساس حلو .. احس اليوم مراح يعدي ع خير
اتريكنا و ع السريع نظفت البيت .. نهد حيلي لان جبير .. همزين الطابق الثاني كلمن ينظف غرفته ..
للظهر اجني عماتهم .. من كملت تين كالت اكعدي و لتطلعين من الغرفة ..
هي هم نفس تخوفي .. اتصلت ع امي .. طمنتها ..

اريد استوعب حالتي .. كمت ابجي و استرجع كل مواقف .. اريد اربط .. عقلي لا ديستوعب و لا ديربط شي ..

معاذ .. صفوان ..

ع هالصفعتين بعدها ماعتقد راح يوجعني شي بالدنيا .. اني عشت اسوء احتمالات ممكن اخليها ..

و مستحيل جان يجي ابالي هذا كله .. اني من اجيت فصلية كل الـ توقعته بس الرزايل و الاهانات .. افكر و افكر راسي راح ينفجر
مو هيج .. مو هيج اذية ربي .. لو بس الاهانات و الضرب عادي .. والله الذل اهون ..

اريد اتصل بريمان بس شاكوللها .. شاحجي .. بيني و بين نفسي ماريد احجي الصار .. شلوون ابدي وية احد
بقيت ساعات احجي وية روحي لحد ما نمت صحيت سمعت صوت الدنيا نگلبت عالم .. كله اصوات زلم باوعت ع ساعة الفون بتلاثة العصر
يمكن ديروحون لان تين كالت للعصر الزلم و الملاية و النسوان من العصر لليل

صفوان : نصبنا جادر و ذبحنا غنم ، للعصر الديوان و الجادر نملى زلم ، ما گعدنا انا و جهاد و ولد عماتي ..

جهاد : شماله معاذ ماهو حاضر

صفوان : ما وكف عليه امر .. شلك دخل بي

جهاد : تعرف جدي بهاذي الامور يدقق .. و انه يعتبر كل ولد عماتي كانهم ولده .. عشر مرات نشدني عنه ..

صفوان : سكتت .. لان اعرف ما بوجهه ماي و يجي يحضر .. و هذا شي خاص بيناتنا ما نويت ادخل احد

حياة : للمغرب هدا الوضع بس اسمع نواح نسوان .. طلعت للمطبخ خطية تين جانت مخبوصه و حيلها منهد

كلتلج ابقى اساعدج .. شصاير بيج

تين : خايبة هي جتي الملاية كلهن هدني و كابلنها .. انوب انا صرفت خالاتي ورا ما هدونا الزلم .. اندري يهدني الحريم وحدي

حياة : دعوفي اني اجهز الصواني و انتي ودي

طبت اختهت تنوح لزمتني من ايدي تسحب و تدفع بية

زينة : ارتااح .. ارتااح ابوج من ذبحه و خلاه جوا التراب ..
ماا تحجين .. اذاا فديتيه بدنيته منهو يفداه يوم القيامة .. ربج ما يسكت ع هاذ الظلم

حياة : اكوللها هذا حادث و قدر و ابوية ممتقصد .. تفتهم ..؟؟ تسمع و تهدا ..؟ اكيد لا .. اكوللها الظلم هذا الـ انتو سويتوا سبيتوني بدم بارد .. تقتنع ..؟
ليش احجي و هي براسها عقل و يفكر ..

ربيعه : اووويلي يااابة .. سووودة علية عيوووني .. عاافلج يتيمةةة يمةةة سوووسن .. هددج ارمله ..

سوسن : اوويلي ع شبابك خاااالد .. اووويلي يمةة ع سندي .. رااح الغااالي خذووو .. خذووو رااح

ربيعه تطلع تركض : اناااا ماااا ااااتحمل و گطعه من جتالة تتنفس بهاااذ البيت

حياة : طبن يركضن و سحبني ضرب و دفعني .. اني واكفه اروح هيج بديهن و اجي هيج .. لزكني بالكاونتر و هن يضربن بية بكل ايديهن ع ظهري و راسي .. حميت بس وجهي من ايديهن

تين : انا و عمة حليمة نسحب وحده تهجم الخ .. جا الملاية جاية حتى تفرغن همجن و غضبجن بهالمسكينة
انوب انا شبعت كتل .. غريبة و طبت بنص الگرايب .. اخذن كل حيفهن مني

حياة : من بين كل الوجوه شفت وجه ام معاذ و هي تضرب بية .. لو تدري بوجع ابنها التركه بية .. ربع منه ميعادل هذا غضبهن كله و اذيتهن
ما بجيت .. اني انطيتهن جسمي .. بعد ماكو مجال للضعف .. هنا قانون الغابة .. البقاء للقوي ..

صفوان : برا داتابع الشباب و هم يحملون بغراض الجادر .. جدي تعب من الوكفه طبيت اخذ كرسي من الحديقه سمعت صياح نسوان بالمطبخ ..
رحت ركض .. وصلت لباب المطبخ

عمةةةةةةة ...

تين : من صاح ابو نمر .. رج المطبخ بصوته كلهن يبسن .. لان يعرفنه اذا صاح معناها مو زينة

ربيعه : لااا تدخل بين الحريم .. اااانت زلمةةة ووو شييييخ

صفوان : اباوع عليها ما باقي بيها شي ناصح ..

قسماااااا بااااااالله اااالعظيييييم .. اشوووف اااايد تنمد عليهااا .. ااااحرگ اااالدنيااااا

ربيعه : و ثااااار خوووووك ..

صفوان : الحرررررريم ماااا تااااخذ ثاااار زلمةةةة ..

سوسن : هاااذي فصليتي انااااا .. ااانااا الراااح لهااا زلمتهااا .. لي الحگ بكلششششي

صفوان : سوووووووسن
كلااااامي يووصل كل من سمممع و يتعدااااه ..

ربيعة : بوووو نمررررر

صفوان : فاااااااارگن ..

تين : طلع اضرب من خالد و جهاد من يتعصب ..

صحتين ثلاثة كلهن تطشرن .. جا انا حتى ع ظهورهن صعدت و ما فاد .. ارد ادور ع فايدة الي ماكو .. شسالفة معقول انا رجل كرسي ...؟

حياة : ما التفتت عليه و هو يصيح .. كلت له مرايده عطف احد .. اني هنا فصل و كولشي اتحمل .سحبني من ايدي .. عطت من الالم ..

صفوان : رحت عليها جريتها من جف ايدها ارد اشوف وجهه .. ع لمتهن هاي ما ظنيته سالم ..
من عاطت و لزمتني حيل عرفت مكسور معصمها ..

هااااااا ياااااااالله .. هاااااااا

حياة : حتى الالم بيده يلله حسيت بي .. من صاح جسمي من الخوف كله فز و رجف ميطلع هيج صوت من انسان هادئ .. وجهه احمر دم

صفوان : تيين ..

تين : صاار .. ع امرك .. هلةةة

صفوان : لبسيهااا العباية بسررعة

حياة : ماا ارو ...

داحجي بس دار علية و عاگد النونة .. و عيونه مليانه غضب ماكو رحمه .. لا اراديا انخرست

تين : جريتها و رحت للغرفة ..

هااي النظرة انا اعرفها .. خايبة اسكتي لا يدفنج و يشفي گلوبهن

حياة : يدفن .. ميدفن .. خل يدفن .. ووين موديني ما اروح .. عووفي

تين : هشش هشش امشي .. يوديج لدكتور شمالج

حياة : الالم هاج بجسمي كله .. جان خدران من ضرب اديهن .. ما اروح

صفوان : تييييين

تين : كمزت و نسيت حياة

هلةةةة ..

لنص الحديقه و رجعت ركض .. خبلوووني ولد الشيخ ..

جاااا امشششي ااانتي

جهاد : طبيت ع صياح ابو نمر .. حسبالي تين جفصت بشي لو سوت شين

شماالك .. شمااالها تين ..

تييييييين

تين : يبووو .. عزا بعين حبوبتي

هلةةةةةة روويحتي

صفوان : ما بيها شي ..

تين : وصلت يمهم جهاد عاگد حواجبه علي و انا اوزع ابتسامات ابلاش ..

مو انا ..

اشرت ع حياة ..

طگنها الحريم ..

جهاد : التفتت ع حياة

اانتي مااا تبلعين لساانج هااذ .. جا حتى الحريم ما سلمن منه و طگنج

تين : سوده علية ما ردت و لا حجت ..

لطمت ع وجهي خفيف

بس عليك ترد ..

جهاد : خذاها و راح .. باوعت ع تين

الا ما حجت .. شمالهن طگنها ..؟

تين : الملاية شحنتهن .. و هجمن ما يشوفن كدامهن حتى انا انطگيت

جهاد : جريتها و حضنتها ..

بووية طگن گليبي .. عساهن بالكسر

بعلي لوما حريم .. لاكون مجطلهن هان كدامج

تين : جا تعلمني بيك .. فداك انا😍

حياة : وداني لمضمد موجود بنفس الفرع .. بس لزم ايدي عطت و دموعي يجرن ..

المضمد : سمي باسم الله ماكو شي .. فصخ بس ارد العظم مكانه ..

حياة : من كال هيج تخبلت .. سحبت ايدي

ماا اريد .. ماا اررريد .. هووو يرجع عوووفو

المضمد : كضها شيخ ..

حياة : لزمني .. قيد جسمي و اني اكمز من الالم

ماا اريد صفووان .. مااا اريد .. عووف .. عووفوني

من طگ المعصم روحي شاغت من الالم و عطت .. سكنت و بس ابجي ..

صفوان : لفيت ايدي عليها و حررت بس ايدها المفصوخه .. تكمز و تبجي بحضني .. تمنيت الالم بية و لا بيها

المضمد : انا لفيتها الها .. ما يصير تحركها لين تطيب .. و تاخذ هاذ العلاج بعد كل وجبه

صفوان : رجعتها الطريق كله تبجي .. انا دمي احترك .. كله منها .. كله منهاا

باجر ارتاحي .. لا تطلعين

حياة : الم جسمي كله كام يدك .. اريد بس اوصل حتى اتمدد .. وصلنا طبيت للبيت رحت ع السريع للغرفة بقيت اون من الالم للصبح .. مجاني نوم ..

صفوان : ماريد اضغط حرت راسي تعب و انا افكر بيها و بالحل .. لا هي القوة نافعه و لا اللين
نمت ساعتين بالليل و كعدت الصبح .. نزلت

صباح الخير

تين .. زينة : صباح النور

صفوان : وحده منجن لا تجي ..

زينة : ليش خوية

صفوان : حياة ماظنها گادرة و مايصير تبقى لحالها هنا

تين : صدك انا ما كعدتها

زينة : انا ابقى .. انتم روحوا

صفوان : خوش ..

تين : طلع ابو نمر ..

زينة الله يهديج اذا انج ناوية تعاركيها انا ابقى

زينة : ما تسكتين .. فاضيتلها انا .. بقيت لاني تعبانه راسي رح ينفجر من هوسة و بجي امس

تين : متااكدةة

زينة : خايبة فارگي .. اصلا ماخليها تشوفني و لا اطلع اشوفها

تين : خوش .. انا مراح اكعدها ..

حياة : كعدت الصبح .. مابية اشيل جسمي .. كمت اريد اكل لان مماكله صار يوم كامل من ورا سالفة معاذ ..

طلعت محد اكو .. اكيد راحوا شكد يحبون اللمة بالمزارع ، طبيت للمطبخ

يفتح الباب بهدوء و يدخل معاذ يتوجه للمطبخ

حياة : سويتلي لفة جبن و خليت القوري ع النار .. حسيت بشخص وراية التفتت ..

من شفته انجلطت .. شجابه و البيت فارغ .. ماكدر اطرده و هو ابن عمتهم .. طلعت ع السريع

معاذ : حياااة

حياة : اجه وراية بس لزمني اعصابي منهارة دفعته حيل ..

شترررريد ..

معاذ : اااحبج ..