رواية قضبان الجنوب ( فصلية ) الفصل السابع والعشرون 27 - بقلم Hend_AlBoor

ومـا لـِ هـذا الـتـراب ..
يـزاحـمـنـي علـى جـسـدك ..
قـد دفـتـنـك فـي جـوفـي سـابـقـا
الـسـتُ انـا مـن تـراب ..!؟

جهاز صفوان داخل السيارة

جهاد يتصل بك ... 📞

جهاد : بعد فترة من الكتل و التعذيب سلموني بمركز شرطه ع انه انا مغتصب و ذابح .. ارد احجي لكن من الكتل سگطوني .. تلبست براسي تهم انا مالي دخل بيها .. حولوني ع قسم الارهاب .. شفت تعذيب صار اسبوع ما يفكر بي ادمي ..

جمال ( 35 سنة .. اسمر بعيون بنية "

نــازك : نيازكي ترا البني نفسه جوزي ليش اغلبكم متعجبين انو الشخصيات اغلبهم عيونهم بنية .. نص الشعب عيونهم بنية ☹ نرجع لجمال الاسمراني☻ ...

طويل و ضخم الجسم .. شعر اسود خشن ..

: الله يسوود وجوهكم .. شمالكم مليتوا البلد

جهاد : جمال عسكري يوصلني لغرف التعذيب مو التحقيق .. و للصحيات ..

جنك ياخوي جنوبي

جمال : الا بصراوي و انت ياهو بينا

جهاد : جا ابن ولايتي و ياهو بيك

جمال : مانتشرف لا فيك و لا فامثالك ..

جهاد : ترا انا ولد شيوخ و ما تطلع منا شينة ..

جمال : جا ابن الشيوخ شجابه هان ابغداد ..

جهاد : ياخوي انا سالفتي  ..

يحجيله الصار
جمال : حسبنا الله .. الوادم تخبلت ..شمالك ما حجيت نطقت

جهاد : ياخوي حجيت و صرخت .. ياهو يصدك ..!

جمال : و انا شني يضمنلي انك صادك بهاذ كله

جهاد : ما تعرف الشيخ مجيد .. بو نمر

جمال : انا من الولاية .. مو هواي لنا بسوالف العشاير ..

جهاد : انا ما رايد منك شي بس اذا نزلت لاهلك ما تكدر تمر ع سلفنا

جمال : كلي و انا حاضر .. اذا تريد خابر ع احد منهم .. ما حافظ رقم احد

جهاد : جهازي جان وياي خذيتوا مني .. ادك ع اخوي .. رقم اخوي

جمال : ادخل للصحيات انا اخذ جهازك من مخزن الملحقات و دك .. لكن اسحبه منك

جهاد : متقصر يخوي ..

جابلي الجهاز مابي ذرة شحن .. سجلت شريحتي بجهازة و دكيت

ردد .. ردد يبن امي و ابوووي .. رددد

جمال : صوتك واصل لهان شمالك .. مارد ..؟

جهاد : مايرد دكيت عليه الف مرة ..

جمال : خلها ع غير مره .. انا اذا هو اتصل اجاوبه و اكله بالصار

جهاد : انطيته الجهاز .. رجعني للسجن .. كعدت بالكاع الزم براسي و اهلس بي من الاعصاب ..
ربي الفرررج .. اناااا عبددددك

حياة : صار الليل و صفوان ما رجع .. ادك عليه ماكو ميرد .. قلقت ربي فدواتك بقيت الليل كله سهرانه للصبح مجاني نوم بدونه
نزلت الصبح ماشوف كدامي من السهر راسي يوجعني ..

تين

تين : هلة حياة .. شمالج نكضانه ..؟

حياة : صفوان مرجع منمت بالليل من القلق ..

تين : جدي نشدني عنه كلت له ما شفته رد .. كال انه كايله له شغل و يتاخر

حياة : اي كالي اتاخر بس مكال ابات و ادك عليه ميرد مو عوايده گلبي وجعني

تين : لا تخافين يمكن انه مشغول و مايرد

حياة : الله يسمع منج ..

تين : يمعودة حتى الله ما يرضاها اذا ثلاثتهم يروحون هيج ..

حياة : يمةة اسم الله فدوة تين لا

تين : الله يحفظهم

حياة : آمين ..

گلبي ممتطمن .. القلق ياكل بي .. لا اكل و لا شرب كضيت اليوم .. للعصر اشتغل و فوني بجيبي .. كل شوي اطلعه اكول اخاف دك و مسمعت .. اخاف الفون طفى و مادري .. بس ماكوو ادددك و ماكو

اباوع ع ايدي ترجف .. اعصابي راحت ..

الجد : بوووووية ... انفجار ابغداد امس .. حياااااة

حياة : ع صوت جدهم ركضت

بلي جدي

الجد : دكيتي ع زلمتتتتجججج ..

حياة :راسا دموعي نزلن

اااادك ماكووو ، ماكوو

الجد : بووووية بووو نمرر ..

حياة : طلع يركض من الديوان و اني وراه .. حيلي كله يرجف

شصااير ،  شصاير جدي

الجد : اناااا ماااا ااعلممم شصااااير نهجممم بيتييييي ...

حياة : طلع براا و اني رجعت اركض و بيدي الفون ادك عليه

رددددد ... رددددد الله يخلييييك رددد و اررررحمنيييي ..

زينة : وووووين جددددي ..

حياة : رااح ، لييش راح شصاير زينة

زينة : انفجار امسسس ابغداد

حياة : ايدي ترجف حيل كمت ابجي اريد يرد انفعلت

لااا مابي شيي ،  مابي كااالي ارررجع مابي  ردددد صفوووووان

تين تصرخ : هلكناا ربي لاااا هيج دددخيلك .. لااااا اثنينهم

حياة : عزلت روحي بالمطبخ ادك عليه ما امل لحد ميرد  كل مرة يرد بسرعةةة  شبيك اليوم فدوة رد

ورا ربع ساعه الامة نكلبت و طلعوا لبغداد  النسوان اجن

ام معاذ : وينهاااا وينهاااا من طبت هجمت البييييت .. كرررررطتهم وينهااا

ربيعة : انااااا من كلت و حجيييت محد صددددك بيةةة .. كلت وووووجه الشووووم كللللللت ..

حياة : طبن علية يركضن ضربني وگع الفون من ايدي صحت
عوفني اني بياااا حاال ، كاافي

سوسن : بديتي بززززلمتي و ما كفااااج خذيتي جهااااد و هسةةة اااالشييييخ

زينة تصرخ ببكاء :  اسكتن كافي
اخوووتي يمةةةة  ، اخووووتي اووويلييي

حليمة : كاااافي تخبلن البنات ، جايات تواسن لووو تزيدنهاااا

ربيعة : شنواااااسي .. وووووج هالفگرررر ان مااااا هددددت اااااالبيت تااااخذناااا كلناااا

حياة : جرجروهن عني لزمتني تين و هن التهن يعاركن عمتهم حليمة زحفت ع الفون اخذته ادك و ابجي

تين : كوومي حياة ، امشي من هااان ما تشوفيهن

حياة : تين ميرد .. ميرد ميرد

حياة : صعدتني بالغرفة كعدت بالكاع منهارة اعصابي

عوفيني .. عوفيني فدوة .. رااح اتخبل تييين

لازمة الفون بيديني اثنينهن و ادك ادك .. كلما ما يرد ايدي تزيد رجفتها لدرجه بعد ماكدر الزم الفون يوكع من ايدي ..

صفووان ،  صفوان  فدوة صفوان ووينك ،  الله يخليك لااااا هيج ..

نمت بالكاع اريد اهدي روحي بالبجي تين تروح و تجي تجيبلي الاخبار انو الرياجيل طلعوا لبغداد يدوروا

بغداد

الجد : حنااا ما متاكدين ان مااات او لااا .. مااا ارووحن للمشفى ددددك عليه

نوار : جدي جااي ادك ما يرد ..

بدر : عمي خل ندور ع سيارته اذا هو قريب منا .. و اذا ما لكيناها يعني ماهو هنا

الجد : ااامشش .. امشش حررك

نوار : وووكف .. ووكف .. هااذ سيارته

الجد : ووووكف .. بوووو نمرررر

وووينه ، ليش ماهوو هناا اابني ووووين نوار

نوار يتصفح الجهاز

50 مكالمة وارده من نبضي .. 📞

💬 صفوان رد فدوة داموت .. وينك ليش مترد ..؟؟

💬 الله يخليك رد صفوان ..

جا هاذ ياهو .. الشيخ عاشگ شني ..؟

3 مكالمة وارده من جهاد ..📞

هااا .. جدددي .. جهاااد جددددي ..

يتصل على جهاد

الجد بانفعال : جهاد وينه ، شني نوار

نوار 📲: الووو جهااااد

جمال 📲: هالوو .. هاالوو .. ياهوو انت .. الشيخ ابو نمر

نوار 📲: ااانت ياهووو .. وووين جهاااد

الجد : عطني خااااب عطنييي ..

نوار : اصبر جدددي جاي نفتهم

جمال 📲: جهاد بالسجن .. ياهو انت من اهله ..؟

نوار 📲: سججججن .. ابن الشيوخ شودااه للسجججن .. اااانت ياااهو

جمال 📲: خوية انا عسكري ، سالفته طويله تعالوا گابلوه بسجن ..... ابغداد و افتهموا منه السالفه

نوار 📲: مشكوور ماااگصررت ..

الجد : شمااااالك سديت الاتصال خلنييي احجييي ويةة جهااد

نوار : جدي ماهو جهاد هاذ عسكري و يكول ان جهاد بسجن ابغداد

الجد يرفع راسه و ايديه للسما : احمدك يارب امش ودني عليه

سراج : جدي و الشيخ

الجد : وووين انطييي وجهييي .. اتيه واحد اوجد واحد .. ووووين ارووحن

بدر : عمي روح انت و نوار و حنا نبحث عن الشيخ و انتم طمنونا عن جهاد

نوار : علمونا ان وجدتم خبر عنه ، امش جدي

الجد : امش بويةة امش

جهاد : جاااي اكلك موو انااا ، موو انااا والله  من صار هااذ الانفجااار انااا يمكم بااالسجن

كل فترة تحقيق هي فترة تعذيب .. الزلمة يتمنى الموت فيها .. لو تعترف بجرائم انت ماسامع عنها لو تعيش تعذيب ما ينوجد بعقل الانسانية ..

مجهول يصرخ : ااااانت
منووو القتل فلان و فلان و فلان
احجي

جهاد : يشلعون باضافيري و انا من الالم روحي تكمز و ترجع .. و يقسموني عليهن

قسسسم بالله ماااعرفهم ماااعرفهم

مجهول : ااانت اااالـ فجرررت حسينية .!..!. ... اااااانت ..

جهاد يصرخ ببكاء و الم : مو انا وعلي ،  الموت وينه بوية وينه عني

مجهول : اخذوووو .. سجل عليه الجرائم .. من يصحى يوقع .. اليغتصب و يقتل كلشي يسوي

جهاد : جسمي ماعاد بي احساس فقدت و احس بيهم حملوني

اصبح غرفة السجن لي جنة ساعة الـ ارجع فيها كأني بجنة

حليمة بفرحة : وجدتوو وين؟

حياة : على صوت عمتهم طفرت من غرفتي

صفوان

حليمة تهتف بفرح : جهااد ، وج تينه گرررت عيووونج بزلمتج عااايش

تين : جهااااااد ... يمةةةةة .. يمةةةةة

كمت ادور ع امي من الفرح كمت ماشوف .. اركض هيج و هيج .. حضنت امي و انا ما مصدكه ..

يمةة رجعلي يمةةة الله مااخذه يمة گليبي ردلي

توگف و تنادي

اي اي انا ادري .. گلبي حااااس اااانه عاااايش .. ماااهديت دااااره و لا ررريحته .. ااااهد الدنيااا و مااا اهدددك جهااااد

حياة : بين الحزن و الفرح .. مشاعر تجلط .. بين سعادتي لخبر جهاد و موتي ع صفوان داموت و اعيش .. اني همين ماعوفه .. اعوف الدنيا و مااعوف صفوان ..
فدوة رجعلياه ربي

معاذ : جا شتعرف منهم كلهم محتركين ..

بدر : اصبر بس اصبر انت .. خلني نشوف محتوياتهم ..

سراج : ماااكوووو ماااكوووو ااامشششش

معاذ : شمالك انت اعصابك

سراج : معاااذ جاااي ااااكلك ماكوو

معاذ : خاااب ااااسكت خلني ندور بغراضهم

سراج ينفعل : و علي ان وجدناه هاان انا اهجم بغداد

الممرض : اخي لا تصيحون انتو بمستشفى .. هاك هذا صناديق محتوياتهم ، و كل غرض بي رقم الجثة ..

بدر : انتم اسكتوا شهرتونا

يبحثون بين الاغراض

سراج : ماكو عمي .. كممم كممم نبحث بالمجاريح ..؟

الجد : وليدي اكلك هااذ ولد ولدي شني ما يصير اكابله الا الخميس ..

الضابط : هاي القوانين حجي ..

الجد : انا جاي من البصرة لهن و تگلي قوانين ، يا قوانين هاذي

نوار : هدي جدي
سيدي اهو بشني متهم

الضابط : جرائم ارهاب

الجد يصرخ : هاذ ابن شيوخ  ،  ياهو ارهاب

الضابط : حجي شبيك تصيح انت بمكان حكومي لا تخليني اتخذ بيكم اجراء

نوار : سيدي جهاد مختطف و قبل مدة حنا بلغنا فيه مراكز البصرة و اكو شهود
انا بعيني شفتهم من خطفوا

الضابط : هذا الكلام تحجي من يجي موعد محاكمته قدموا للقاضي

نوار : مشكور سيدي
جدي امش

الجد : ما امش لين اشوف ولدي نوار ما احاي العب انا مضيع ضنا

نوار : نرجع جدي نرجع ، خلنا نفهم من محامي من ناس تفتهم و نرجع

يغادرون الغرفة

الجد : انا ما صدگت إني وجدته ، شسالفة نوار شجاي يصير

نوار : هدي جدي .. نكول الحمدلله لانه عايش بخير .. الباقي يهون .. احمدالله و هدي

الجد : الحمدلله يا بوية الحمدلله ، ولد عموتك وين ، ما اتصلوا ..؟

نوار : اتصل قبل شوي كال ماكو شي عنه و انهم بالمشفى هسة رايحين لهم

الجد : حفظت اسم السجن بوية ..

نوار : اي جدي

يدخلون المشفى

هاا سراج شالاخبار ..؟

سراج : ماا وجدناه بالجرحى و لا هو بالجثث لكن

الجد ينفعل : شني ، لكن شني

بدر : اكو جثة مجهولة .. لكن مافيها شي معلوم .. ماتعرفنه عليه جدي انت ادخل شوفه

يركض الجد و يحدث نفسه : ما هو ما ولدددي وينه كبل لا  اشاهدها اكولن ما هو

يدخلون غرفة الثلاجة يخرجه الممرض لا معالم واضحه

الجد : مو ولدي بدر وين بو نمر متاكدين بحثتو و ما وجدتوه

بدر : عمي  اذكر الله

الجد ينفعل : بحثتو بدر

بدر : بحثنا بكل غرف جرحى الانفجار و الجثث مالكيناه بس هاذ بقى و حتى انهم مالكو عنده هوية

الجد : هوية بو نمر وين

نوار : بالسياره كل غراضه

بدر : عمي فسر نفس كلامنا انا و معاذ .. اختفاء ابو نمر .. سيارته بمكان الانفجار ..!!! و الجثة المجهولة

الجد يفقد توازنه و يگعد : بو نمر

حياة : جانت مغربية شؤم و غصه .. مغربية موت ... من اجوي و التابوت وياهم .. نزلت اركض ع عياط النسوان ..

من نزلوه بالطرمة و التمن عليه .. اريد اوصله ماكدر .. رجلية ميمشن .. اريد اوصل للتابوت ..

داخلي يحجي وياي .. صفوان ميموت .. ميسويها الله بية ... لا مياخذه .. ميموت صفوان ..

طلعوا هذا مو صفوان طلعوا.

تين : حياة

تحضنها

لا تسوين هيج بحالج الله يخليج

حياة : مو هو تين صفوان ما يموت ما ياخذه الله و يخليني وحدي تين الله ما يظلمني هيج ، طلعوا

ربيعة : ااااااانتي ماااكووو غيررررج ياااا ووووجه الشووووم اااانتي خذذذيتيييي .. ااااانتي و ابوووج ذبحتوووا الشيووووخ

حياة : ماحركت عيني عن تابوته خلي تضرب ماكو وجع بعد اني جربت كل انواع الالم

اذا هو صفوان اذاني بموته .. انقهر من اذية الناس ليش ..؟؟

جان تابوتي هذا .. مو تابوت صفوان .. احس كولشي بية توقف .. النفس و النبض .. الحياة ماتت ..

ماعرف شلون خلصوني و منو خلصني .. ماحس باي الم عدا وجع گلبي .. لكيت روحي متمدده بالغرفة و مقفولة الباب علية ..

صفوان مات .. مات صفوان .. متت ..؟ ليش متت ..؟  متت .. متت

كامت تمر ساعات و اني احاول استوعب موته .. احجي ويا روحي و متتقبلها روحي .. مستحيل استوعب موته حتى اذا خلوه كدامي امدده جثته

الخالة : يمة تينة تعبتي ارتاحي

تين : شارتاح خالة ياهو الي يحير بكل هذا و عماتها فالحات بس باللطم و شعل الجبود

الخالة : صعدي لمريته شوفيها

تين : هل رايحة

تدخل الغرفة ظلام تشعل الاضوية

حياة

حياة : نايمة بالگاع التفتت عليها
طفيهن

تين : بووية حسبالي صارلج شي شمالج نايمة على الگاع

حياة : اتمنى اموت تين بس ما اموت ادري

تين : اسم الله .. حياة كافي

حياة : شفتوه  هو؟  متاكدين هو

تين : اهله شافوه ياهو الي يعرفه ازيد منهم

حياة : هو ..

تين : يكولن اهو

حياة : بس هو ميموت .. الله دزني هنا علموده .. ليش الله عافني وحدي و اخذه

تين : اذكرري الله .. ميصير هيج جاي تعذبي و اهو بكبره

حياة بانفعال و بكاء : اني داتعذب اني المفروض اموت مو هو

ليش ما اخذني ليش انشمر بعذاب و يخلصني بي و انوب ياخذه مني الموت الي تين 

تين : ما يصير لاا تحجين هيج

حياة : عوفيني فدوة ما اتواسه ، عرفيني تين اطلعي

تبجي ع بجيي گامت طلعت كعدت النفس ضاق زحفت لجهة مكانه من ينام ..

كعدت بالكاع و دفنت راسي بفراشه .. ريحته بعدها هنا .. كمت اشهك بالبجي

تعال اخذني صفوان تعال ادفني بنفس الگبر يمك

تمر ايام البيت كئيب ترجع المشيخة للجد 

تين : عمة الله يخليج لا تبجين انا گلبي من الحزن نمرد

حليمة : فراكهم جنه فراك اخوي .. نفس الوجع و القهر .. تحس ان گطعه منك جوا التراب نامت .. لا هوا و لا نفس .. لكن نكول الموت حگ و الله يصبرنا ع هاذ الفراگ

تين : الله يرحمهم

حليمة : امي

تين : طلعت بالديوان يم النسوان ، انا اخبرج عندهم بالديوان ..

حليمة : هلبت اجيت احتاجيت خلوة يبنيتي ..

تين : عمة شمالهن ما يصير ترا جدي كافي البيه حتى ان وجهه راح من القهر

حليمة : ما يسمعن حجي و هااذ هو يسمع و ساكت حتى ما يرد ، ما يحسن هن لو الا حنا نكول.  

تين : انا گلبي نفطر .. جا اهو شلون ..؟ و هاذ الولد الوحيد له و راح ترك له ثلاث .. و اهو يخسرهم واحد واحد .. الله يساعده و يصبره

حليمة : ابوي انسان مؤمن الله يگوي گلبه
انتي ما مريتي على حرمته ..؟

تين : جثة و گاعدة صار ثلاث ايام لا اكل و لا شي حابسه روحها و بجي

حليمة : انا شوي و امرن عليها

تين : عمة  والله انج طيبة و تعرفين مالات الله تعاملج يختلف معاها يوم دشت البيت

حليمة : لانها مظلومة و لاني اعرف موت خالد ابوي علمنا بكلشي قبل لا يدششها البيت 

تين : جا هن يخبرن بهاذ كله

حليمة : ياهو ما يعرف بعملية خالد و حتى ان تم ابوي ساكت و ما حجى كلنا نعرف بعلة الشيخ الله يرحمه

تين : و شمااالهن كلما طكت الطاسه هجمن كلنها للبنية ..

حليمة : النفوس متفاوته يا بنيتي محد يشبه احد

ربيعة : بووية تطلعهاااا من هاااذ اااالبيت لااا تجرررك ااالك .. اسمعنيييي بوووية

الجد : خلج منها مالي خلگ يبنيتي

ربيعه : الشيخ و خذاه ربه و اهي مكبورة مفصوولة لو انها حرمته ترد دار اهلها مثل سوسن لكن اهي فصلية و اخوه محبوس

الجد : ما هي مشكلتي هسة ربيعة فكي عن الموضوع انا دايخ بجهاد و مشكلته

ام معاذ : بوية انا اكول تحسم امرها قبل لا يتكلمون الناس

الجد : اهي بعدة زلمتها و ان تمت العدة ذاك يوم افصلهااا لاخووو

ام معاذ : و ان تم جهاد بالحبس يبوي .. معاذ يكول انه بتهمة ارهاب يعني اقل شي سنة يتم بوية مو سهله مشكلته

الجد : ان طوول بشووف زلمة من العشيرة و افصلها له .. ماااهي مشكلةة و تكبرنهااا

ربيعة : لا بوووية لا  دخيلك هاذي تكرط العشيرة واحد واحد

الجد : جا اهدهاا بالشارع و اهي فصل الوادم تاكل وجهي

ام معاذ : عطها لمعاذ اهو من العشيرة .. و انت تعلم اهو عاگد عليها من گبل .. يابوي قسمته و ردت له

الجد : هاذ معاذ يسترها  ،  كفيتي ربيعة

ربيعة : خاااايبة يمووووت عگب شهرررر و ااااذكرررنج

دكتور هاشم دكتور جملة عصبية

: بشرر شلوون صار سووبر ماان ....؟

صفوان : دكتور .. اريد اطلع منا ..