رواية قضبان الجنوب ( فصلية ) الفصل السادس والعشرون 26 - بقلم Hend_AlBoor

و مـا لـي حـريـةً فـــي بـــعـــدك
و الــكـــون دونـك .. ســـراب

نوار 📲 : شيييخ .. ااالحگ جهاد

صفوان 📲: شصااااير نواااار ..؟

نوار 📲: تعارك الصبح و هسه طبكت سيارات خذته ..

صفوان 📲: وووين انتووو ياااالله

طلعت اركض من المكتب .. ادك ع جهاد مغلق جهازه .. توجهت للسوگ .. لكيت ولد خوالي كالبين الدنيا

نوااار جهازه ادك عليه مغلق .. شصااير فهمنييي ..

ــــــ قـــــبـــــل ــــــ

جهاد : كعدت من الفجر انا متفق وية ولد خوالي اليوم نطلع سيارات المحصول نوصله للتاجر بالولاية ..

تين : رويحتي متتريك

جهاد : اتريك بالسوك .. راايح انااا

تين : ترجعلي بالسلامة گليبي ..

جهاد : ركبنا سيارتنا و توجهنا للبصرة .. اول ما دخلنا ازدحام الشوارع .. حاولت اكسر ع الطريق الثاني نضربت سيارتي من ورا .. مديت راسي من الشباك

مضفر ( تابع لتاجر سلاح و مخدرات ) : 

مااا تشوووف زمااااال و يسووووق

جهاد : لااااا تغلط شمااالك .. اااانت العااايل ..

مضفر ينزل يشوف الدعامية تفلشت :

عررررض اااالسگط .. نعلعلا واااالدددديه اااالـ سلمك سيااارة

جهاد : ياااهو هاااذ .. بعلي لاااا ادفنك

نوار : جهاااد اتررررركه

جهاد : نزلت من السيارة اعصابي نار .. يشتم عرضي هااذ الـ ماعنده اصل .. مشيت عليه اول ما وصلت له ضربته بوكس لزكته بسيارته .. لزمته من ياخته

عرررض من تشتتتتم لللللك
يضربه بوكس و يجره من ياخته ، 
مضفر : اخلص شغلتي و افضالك ابن السگط

جهاد : لللللك
دفعني و راح لزموني الزلم عنه

نوار : جهااااد .. ااااامش

جهاد : خاااااب هدددددو ارد ااااادفنه .. يشتمممم ابووووي

نوار : اااامش تاااخرنا ورااانا رزق

الحمدلله ان الزلمه صعد سيارته و راح .. و الا هاذ جان لزك الا يعلمه الاصول

جهاد : نهزززم الجبااان

نوار : خله .. ما قصرت بي ..

جهاد : وصلنا للسوك نصه للتاجر و نصه عرضناه مباشر بالسوك ..

للضهر وكفن سيارات مضلله حسبالنا يشترون .. نزلوا زلم منها جروني داخل ..

هدددد .. للللك هدددد ..

شخطت السيارات و انا اصيح بيهم و اصارعهم .. واحدهم ضربني ع راسي بشي بعدها ما حسيت بشي

ــــــ  رجــوع ـــــ

نوار : ماعرف حصلت عركه عادية الصبح بينه و بين زلمة .. و راح ما حصل شين .. لكن الظهر وكفن سيارات خذنه

صفوان : ماااعرفوا الزلمةةة سيااارته رقمهااا .. ارقااام السيااارات الـ خذنه

نوار : ماااا نعرفه .. ماندري رح يحصل شين

صفوان : ركبت سيارتي و وراي سيارات الحمل .. تخبلت ادور بالشوارع و الفروع

هسةةةةةة ووووين ااااالگييي يااااالله

جهاد : ماصحيت الا و انا بمخزن مقيديني ..

شسالفه .. انا وين .. مننننن هناااااك ... زلمةةةة خله يطلعععع

مضفر : لاه لاه لاه .. بعدك بقوتك خويي

جهاد : دخل علي هاذ ناقص الغيرة ..

هددددد اذااا ااانت زلمةةةة

مضفر : هسة رح اعلمك الرجولة ..

جهاد : كام يضرب ع وجهي و بطني .. لوما انه مقيدني والله لادفنه جواي ..

هددددد و اااااعلمهاااا للللللك ..

وكعت انا و الكرسي .. عافني و راح حجة وية رجاله

مضفر : دللوه .. لكن لا تموتوه .. اريده عايش

حياة : صارت بـ 1 الظهر و صفوان مرجع .. ادك عليه ميرد .. يمكن شغل زايد .. اخذت فوني و نزلت للمطبخ ..

ها صبيتوا الغدا ..

تين : غديت حبوبه و جدي .. انا انتظر جهاد ..

حياة : بعد مراجع ..؟

تين : اي يتاخرون بالسوگ ..

حياة : اها ..

طبوا سراج و معاذ و ولد عماتهم ركض للديوان ..

تين : يمةةة ياا ستااار شمااالهم

حياة : گلبي وجعني دكيت ع صفوان ..

رددد فدووة

📲: صفوووان .. شصاااير لييش متررد متت

صفوان 📲: حياااة جهااااد .. جهااااد راااح

حياة 📲: جهاد ..

باوعت ع تين و اني احجي وياه من سمعت اسمه طفرت ..

تين : شبيييييي .. جهااااد شبيييييي

الجد : بوووووية جهاااد .. شنييييي اختفى ااااابنيييي وووووين

تين : عزااا .. عزااا العزااااني .. عزااا العزااااج تييييين ..

طلعت تركض ورا الزلم و تصيح

ووووووينه جهااااد وووووينه .. شبييييي زززززلمتيييي

حياة : غير هالكلام بعد ما حجى سد الخط .. طفرت تين وراهم طلعنا وراها اني و زينة نسحب بيها .. كعدت بالگاع و تلطم

زينة : ماااااابي لاااا تلطميييين ماااابي كااااافي ..

تين : راااااح ززززلمتييييي ماااا سمعتيييهم ينشدوووون رااااح جهاااد

راااح .. رااااح .. خذذذذذ روووووحي ررررربييييي خذهاااا وراااااه

حياة : شككت ثوبها .. اني كمت ابجي عليها .. سحلناها جوا و هي تملخ بروحها

زينة : ماااا مااااات لجججج ماااا ماااات اخووووي ماااا مااات

حياة : شسيطر عليهن اثنينهن نهارن و يلطمن ع وجوههن .. اجتي بيبيتهم حضنت تين و تهدي بيها .. ابتعدت و كمت ابجي جسمي كله يرجف ..

تين : حبوبةةة مااات .. ماااات .. جهااااد ووووين

الجده : كاافي ياااا بنيتي .. كاافي ماا كالواا مات

تين : وووينه حبوبة .. وينه وينه .. شصاااير .. جهااد وين مااا رجع

حيااة حياااة .. زلمتج شكاااال .. ابوووس رجلج لااا تضميييين

حياة : اني ابجي و اجتي علية لازمه رجليني و تتوسل .. لزمت ايديها ..

ما كال مات .. مااا كااال

تين : بداااااعت اعزاااازج فدوووووة ااااحجي

حياة : والله ما كاااال مااات اهدددي

طبن عماتهم من الباب يعيطن .. روحها فرفحت  طلعت رررركض ..

ووووووينه .. وووين جهاااااد

ربيعة : رااااح .. رااااح .. عزاااا العزاااااج تينةةةة رااااح الغااااالي

تين : اووووويلي عليةةةة يمةةةةةة .. ارررررريده اررررررريده ررررربي خذذذذذني ورااااه

حليمة : كااااافي .. ماااا ماااات لاااا تفوووولين ع ززززلمتج

تين : عمةةةة لاااا تجذبوووون عليييي

حليمة : ماااا مااااات بسسسسس ..

زينة : عمتي حليمة متزوجه خالي .. ابنها وياهم ركضت عليها من شفتها متلطم

عمةةة بدرررر شكااال .. بدررر وياااه شكااااال عنه

حليمة : مااا ماات ..

تين : شصاااااااير فهموووووني ززززلمتيييي ووووين

حليمة : متعارك وية زلمه و خذاه كااافي تلطممممن و تفااااولن شر ع الزلمةةةة

تين : فدوووة فدووووة اااالـ جااااي تحجيييي صددددك

حليمة : تييييين هددددي .. من ايمتى اناااا اجذذذذب

تين : كمت عليها ابوس بيها و منهارة بالبجي حيلي كله يرجف ..

انااااا اصدددك اصددددك هايهيةةةة مااا مااات ززززلمتيييي عاااايش اي عاااايش

وصلت لحال حتى اذا عمة حليمة جانت تجذب علي حتى اسكت .. انا صدكت الجذبه .. اصدددك اااانه ما مااات لان ماااستووعب حتى اذاا مااات

ربيعة : هااااااذي وووووجه الشوووووم من دخلت الداااار و خذذذذتهم كللللهم

حياة : نفسيتي نهارت عليها .. وكفت بعيد اباب المطبخ و ابجي .. اجتي عمتها ركض علية كامت تضرب و تغلط زينه جرتها عني

زينة : كااااافي ... منهااااا لوووو من ااااالظلم .. ااااانتن تاااااذن و الخةتجووووبة بخووووي ووووكعت .. هدددددي

تين : من سمعت كلام زينة  .. اااي صح صح حوووبتها .. كمزت و ركضت عليها حضنتها

هددددي عمةةة هددددي .. لاااا تااااذيهااا فدووووة ززززلمتييييي ماكوووو

ربيعة : شجاااااي تخربطييييين ااااانتننن ... زينةةةةة

حليمة : البنية صادگه .. ظلم نفس مالها ذنب له حوبة .. و هاذ اولها ..

ربيعة : يبوووووووو عليييييك يخوووووي يبوووو يبووووو .. ااااگررررب نااااااسك يتشمتووووون بوووولدك يبوووو

حليمة : بسسسج لا باااارك الله بييييج .. بسسسسسج .. حناااا بياااا حااال و انتي وووووين

فارگي يمة .. لا تطلعين من غرفتج ..

حياة : صعدت فوك .. كمت ابجي عليهم و ع حظي .. ابجي ع صفوان هسه شصار بي و اخو ماكو ..

فدوة ربي رجعهم ..

صفوان : بلغت مراكز الشرطة .. بقينا كلنا لنص الليل نبحث .. لحد ما نشدوني ولد عمومتي انه تبقى للشرطه و ننتظر اتصال لانه خطف ..

رجعوا اهم و انا ما هوونت .. ادك عليه و افتر بشوارع البصرة .. تخبلت .. عقلي طار ع فقدانه من وصف بدر و نوار .. افهمت انه لو عصابه خذته لو حزب ..

رجعت ثاني يوم بالليل .. تعبت حيل كمت اسوق و انا غفيان .. من القهر ماحس بشي بجسمي ..

الجد : وووين ااانت ااالزلم كلهاا ردت و انت ماكووو ... ارحمووووني

صفوان : بوية تعباان حيل .. اريد اطلع جهاد من جوا الكاع بوية .. مخييي تعب ارررريد مكاااان اتوووقعه بي ماااكووو

هديت الديوان .. و انا كل دقيقتين ادك ع جهازه بكلي مفتوح .. الشرطه بلغوني ننتظر اتصال من الـ خذوا ..

تين : نزلت اركض من سمعت صفوان يصرخ .. تلكيته ع الدرج

ابووو نمررر زززلمتي ووووينه .. جهاااد وووين .. رررجعه ااااالي ابوووووس رجلك

صفوان : جهاااااد خذذذ حيييلييي تيييين .. خذااااه

تين : اووويليييي علي اوووويلييي ع زززلمتييي اووويليييي علييي يمةةةة

حليمة : يمة ارتاح انت هلكان .. تعاالي بنيتي .. تعاالي الله يرده سالم و يگرهن عيونج ..

حياة : بقيت بالغرفة و اني اسمعه تبجي و تعيط .. خفت اطلع لا عماتهم يسمعني كلام كدام صفوان و يضيق خلگه فوك همه ..

اول ما طب للغرفة و سد الباب .. صفن بوجهي .. وجهه شايل حمل و وجع جبل ميشيله ..

صفووان ..

كعدت دنگ راسه و ايدي ع راسه .. من تعبه حتى حذائه منازعه .. كعدت دا انزعه الحذاء سحب رجليه مني ..

صفوان : شجاي تسووين ..

حياة : انت هلكان صفوان ..!

صفوان : سحبتها و كعدتها يمي ..

مانج خدامتي .. حرمتي انتي حتى اذا جاي اموت انا انزعه ..

نزعته و دفعته جوا الجرباية ..

حياة : لا اسم الله عليك

ماعرف شاحجي .. شاكوله شصار ..؟ لكيته لو لا ..؟ هو وجهه ديحجي كولشي ..

شنو يوجعك ..؟

صفوان : اخوي .. اخوي يوجعني حياة .. حزام ضهري ..

حياة : كمت ابجي عليه لان يحجي بالم و خانگ دموعه .. عيونه صارن حمر

صفوان : سالفة سجاد عبرة لنا .. و هسة جهاد .. هاذ كله لان ظلمنا .. الله ما يقبل الظلم لعباده حياة

حياة : لاااا .. اااني ساااامحت لتحجييي هيييج

صفوان : و خاطر ابووج و گلب امج .. حياة هاذ ثمار الظلم سامحتي او لا .. ياهو تاب من الـ ظلموج ..؟

حياة : كمت ابجي بصوت ع كلامه .. حوبتي مابينت بمعاذ تبين بيهم ..؟ ماريد هيج حوبة .. ماريد

صفوان : لا تبجين .. انتي حرة .. حرة

حياة : مااا اررريد حررريتي .. امووووت واااالله

صفوان : جيرتها لحضني ..

و انا امووت حياة .. بدون جهاد و بدونج انتهي ..

حياة : لييش هيييج تحجييي .. مابي شي لتفكر صار بي شي .. جهاد رجال ميخاف من شي .. نسيييت اخوووك شنووو

صفوان : انام اشوي و كعديني ابحث عنه .. جهازي اذا دك صحيني حياة

حياة : مماكل شي اتعشا و نام

صفوان : ياهو له نفس ياكل لوما عقلي الرايد راحه انا اتم بالشوارع ابحث لكن غفيت و انا اسوق ..

مضفر 📲: شصار ع السلاح ..؟

هاا .. و بضاعه المخدرات ..؟

لا لا انا استلمهن .. انا حاليا ابغداد ..

اول .. لا .. لا اول ما استلم اوزع و اسافر ..

قفل خط رد دك

📲 : الوو .. انمااار

انمار ( احد رجال مضفر) 📲: سيدي .. وصلت البضاعه و تم الاستلام

📲: اصرف باقي الرجال

انمار 📲: و هذا الرجال نرجعه للبصرة لو انفذ بي  ..؟

مضفر 📲: لا صفي مثل ما كلتلك ..

انمار 📲: امرك

مضفر 📲: جهز جوازك و امشي بجراءات السفر ..

انمار 📲 : صار .. امرك

حياة : مر شهر ع فقدان جهاد .. ماكو خبر منه .. صفوان ما عاد نشوفه بالبيت

كلها يئست من رجوعه و من احتمالية حياته .. الا صفوان و تين ..

ام معاذ : بووية هااذ ماهو حااال .. الحرمة غريبة و زلمتها مفقود .. السلف كلاه لوجهنا

الجد : السلف يسكت و ما يتدخل .. يوم اقيم العزا ع ولدي و اشهر انه مات خل يفكون حلوكهم و يذمون

ام معاذ : و ان مات شتكول للناس .. مانعلم و بقت كل هالمدة بدون عدة و الشيخ زلمة طاب طالع

الجد : ان الله كتب هاذ .. بزوجها لبو نمر ..

ام معاذ : بوووية .. جاااا شمعنى سوووسن ما خذيتوهاااا

الجدة : لميعةةةة .. كضي لسانج بحضرة ابوووج

ام معاذ : يمةةة مااا يصييررر تاخذووون الغريبةة و تهدووون لحمكم

الجدة : بناخذ له سوسن .. اسكتي

زينة : وديت لهم جاي و سمعت الدار بينهم .. رجعت للمطبخ

والله ان عمتي لميعة قادرة .. حنا وين و هي حايرة فـ بنتها تريد تشمرها براسنا

تين : كلاني القهر ع جهاد .. مابقى بية لحم .. صرت عودان ع فراگه و ما اني هاده البيت  ..

شمالها ..

زينة : تنحش جدي ع الوادم .. و سالفة بقيتج هان و انتي غريبة و محلله ع ابو نمر

تين : وو اناااا ما اهد غرررفتي .. و ما البس اسود و ما الطم عليه .. يوم اشوف جثته اسم الله عليه هذاك الوكت ودوني بيت اهلي .. هذاااك الوكت اتحلل ع الشيخ و خل الناس تذم لان ماخذيت العده و ركدت ..
جهاااد ماا خذاه الله لين اشوف بعيني

صفوان : طلعت من مكتبي لمركز الشرطة .. ماكو خبر لا عليه و لا ع جثته .. رجعت للبيت العصر .. طبيت للديوان ..

السلام عليكم

الكل : و عليكم السلام ..

صفوان : استاذنت منهم و صعدت لغرفتي .. طبيت سبحت و طلعت

ها گليبي خلصتي شغل ..

حياة : اي هسه كملت عمري .. صعدت لكيتك بالحمام ..

صفوان : اتقربت عليها

و شمالج مستحية ..

حياة : هاا .. لاا .. ليش استحي ..

صفوان : انا اخر فترة دخت بسالفة جهاد .. خذت كل وقتي .. كمت ماشوف كدامي ..

و هذن التفاحات الـ كامن يضون الوان ..

حياة : و اني شفاضحني غير وجهي .. لزمني من خدودي و يكرص بيهن

سمعت راح يوهبونلك تين و سوسن

صفوان : و انا شلي بنسوان اخوتي .. مكتفي و عزة الـ خلقج و دوخني

حياة : بس يبقن نسوان ..

صفوان : كلهن زلم بس انتي مرة

حياة : ابتسمت ..

صفوان : فدوة انا و عشيرتي ..

حياة : ( بهمس) احبك

صفوان : قربت وجهي من وجهه ..

( بصوت هادئ ) عيدي ..

حياة :( بهمس ) ما ..

صفوان : بوية مشتاقلج .. تعااالي .. اليوم احرگهم واحد واحد ..

حياة : اتقرب مني .. بقيت جوا صدره نايمة .. احس حاضنه العالم .. نقطه ضعفي و سعادتي هنا .. غفى من التعب ..

اريد انسي المه و لو شي .. اشيل وياه همه ..  هواي اشتاقيتله .. خجلي و المصايب بعدتنا .. بس يكفيني وجوده يمي ..

معاذ : هاا شحالهم .. بعدهم ع امل انه حي

ام معاذ : اي عسى يرد يميه .. كاسره گلبي هالبنية ماتهد البيت

معاذ : كاسر گلبج لو خايفة انهم ينطوها لصفوان و انتي ابالج مخططات

ام معاذ : تأدب و انت تحاجي امك ..

معاذ : خلينا من الادب هسه .. جهاد مات جدي شقراراته ..؟

ام معاذ : جدك ما يهد حرمة جهاد و ان مات .. بينطيها للشيخ و برضاها .. اعرفها دكها و مدكوكها الشيخ و الا ليش ما تفارگ ..

معاذ : والله يا صفوان فصل و نسوان اخوتك .. بحلكك خاشوكه ذهب

ام معاذ : لا تحسب الفصل عليه حرمة .. اهي خدامة فبيتهم .. ماني شايله لها هم بكثر تينو النسرة ..

معاذ : بطت گليبي الفصل .. يكفي انا شايل همها كله ..

حياة : طلع ثاني يوم من الفجر لبغداد
نزلت للمطبخ شفت تين تبجي

تين ..

تين : هاا هلا گليبي صباحج خير

حياة : صباح النور .. ميصير هذا الـ تسوي بحالج .. شوفي شصاير بيج

تين : انا لو اموتن بعده .. ابرك لي .. هاذ محبوبي حياة .. هاذ محبوبي انا هديت الدنيا لعيونه .. خذوه مني الـ ما يخافون ربهم ..

حياة : حضنتها و هي تحجي و تبجي .. ما الومها و لا امنعها .. لان اني افدي روحي لصفوان و ماتردد ..

صفوان : طلعت لبغداد بشغل عقاري .. زرت الكاظم و صليت بحضرته .. دعيت الله يحفظ جهاد وين ما جان .. دعيت الله انه حي ..

طلعت لابو حنيفه .. صدري ينشرح و انا اتوجه ناحيته .. هنا الحب كله .. هنا انا ابتسم .. گلبي و روحي يبتسمن .. هنا انا مشيت ع محبوبتي و اجتني ..

صليت صلاة لوجه الله .. و دعيت لي و لجهاد و لمحبوبتي .. دعيت الله لا يفرقنا
طلعت لنص الطريق و خلص بانزين سيارة ..

هسةة انا وين الاكي بانزين خانه .. اقرب وحده ع مسافه ..

ع السريع خذيت بس فلوس من المحفظه و نزلت ادور ع احد يبيع ..

مشيت ع مسافه محلات ادور و اسال ع احد يبيع دلوني بواحد قريب منهم .. توجهت له ..

عسكري  : اوكف .. تفتيش

يخلي ايده ع خصره يحضنه العسكري و يصيح 

ممممممفخخخخخ

صفوان :  الناس كلها تركض .. مافتهمت شديصير ..

التفتت ع صوت الزلمــــ ........