رواية قضبان الجنوب ( فصلية ) الفصل الثاني عشر 12 - بقلم Hend_AlBoor

كـان كـل شـي قـدراً
الـاا عـذابـي .. ذنـبـاً ..!

معاذ :

جدددي .. هذااااك صفوووووان شمرهااا براسةةةة اااانا شكووو ...؟؟

ام معاذ : معاااااذ اااااسكت

الجد : ابنج و زلمتج وووين جانووو و الدنياااا مهجووومة ع روسنااا

جهاد : بووية .. عمتي لها الحشمة لكن زوجهااا غريب شدخله بمشاكلنه ..؟

الجد : يااهو الغررريب مهووو من العشيررررة لووو لاااا

ام معاذ : بوية زلمتي طالع بشغل للعمارة و ابني هاذ هو هيج بعده مايعرف

معاذ : يمةةة ياهو الما يعرف انا مالي صالح بهالمشاكل حدي تعبان من الدراسة

عفتهم و طلعت .. منها عليها انا شجايني من هالعشيرة غير المصايب

ام معاذ : معاااذ .. اااارجع ع جدددك

الجد : هااااج .. هاااذ دلالج فسد اخلااقه .. زلمةةة .. شنييي ماايعرف .. هدددي لا بارك الله بي .. هدددي

ام معاذ : بوية حاجيت ابو نمر

الجد :  حااااجيته .. مااااا يرررضى .. مااا راضي ع الفصلية من الاساااس .. اناااا كااادر ع ولدي حتى اكدر ع ابننننج

حليمة ( عمة جهاد الجبيرة) : بوية لا تصيح مو زين عليك ..

الجد : خبلوووني ولد اخووج حليمةةة رااح يجلطوووني

حليمة : الله اكبر عليهم .. الله اكبر .. هدددهمم بووية عااد هددهم خلك منهممم

يطلع جهاد منفعل يشوف النسوان يتراكضن

شمااالجن  ... شمااالجن

تين : جهااد .. فدووة استهدي بالله

جهاد : شمااالج .. كااافر انااا كااافر و تهديني

تين : اقبل بيها و فكنا من هالفصول و الدم و المصايب

جهاد : تييييييين

تين :

صار .. صار ..

جهاد : لج بابة اذا صارت ع ذمتي افعص راسها برجلي .. انااا جاي اتجفى شرررري ماريد ارتكب بيهااا جريمةةةة

تين : شمعرفني هيج تفكر .. انا سمعتك معترض و رايد دم من هاذ حجيت هيج

جهاد : لو بيدي اخذ الدم تين .. شگ گلبي وجه خالد البارد .. و اخوي الخ طلع من الموت بالقدرة .. لج انا جاي امووت تييين

تين : اسم الله عليك بية و لا بيك بعد روحي .. اوووف منين جتنا هااي

حياة : رجعوا ابوية و داني من الكعدية ساكنين .. بس لون ابوية مخطوف .. راحو لغرفتهم

ام حياة : شصار رائد .. شصااار فضت ..؟

ابو حياة : ما صار شي مريم .. تعبان حيل

ام حياة : اسم الله عليك .. بية و لا بيك

ابو حياة : لا بعيد الشر عنج .. ما تنفض ام حياة .. بس الله يفضها

ام حياة : ما رضوا .. مارادوا فلوس ..؟

ابو حياة : ما رضوا و لا تفاوضوا عليهن

ام حياة : شرادوا .. شنوو طلبهم ..؟

ابو حياة : مرة ..

ام حياة : شنووو ..

تخرمش وجهها ..

شنوو .. بنتك رائد .. بنتك

تكعدت كباله بالكاع ..  تلطم على وجهها و هو انفجر بالبجي ..

ابو حياة : ما انطيها .. ماا انطيها مريم .. لو ياخذون روحي ..

ام حياة : اوويلي عليج يمةة .. سوودة علية .. اوويلي ع شبابج رووحي

ابو حياة : ماريدها تعرف .. لتحجين كدامها .. بلكي الله يفرجها ..

حياة : من طب ابوية و امي للغرفة اني اركض ع الدرج ورا داني  ..

شصار متحجون ..شبيكم ساكتين .. اكيد قبلوا بالفلوس موو ...؟

دانيال : مصار شي .. اجلناها ع كعده لخ ..

حياة : اجلناها شنو .. هي امتحانات ليش مفضوها و خلصونا .. هو حادث و قدر و صار .. شدعوة هيج همة

دانيال : ميتفاهمون حياة .. الله يستر .. اريد ارتاح متكسر ..

حياة : راح لغرفته ..

اجلوها شنو .. خير ان شاء الله .. جان اخذوا فلوس و فضوها .. ابوية مو كال احسمها بالفلوس ..؟ معقولة طلبوا ازيد فلوس ..؟!

كمت امشي و احجي ويا نفسي ..

اووي شمعرفني بسوالف الزلم .. هففف الله يعديها ع خير و يخلصنا منهم

طبيت كعدت بغرفتني .. تمددت بفراشي
بمثل هذا الشهر قبل سنة انخطبت لـ معاذ

بدون ماحس كامن يجرن دموعي .. ع كل ذكرى مرت بية هو بيها .. ليش من ابجيه گلبي يوجعني .. ليش مداكدر اطلعه من حياتي ..

ليش دامشي ع جروحي .. بين فترة و فترة تجيني حالة انهيار و انعزل ابجي وية نفسي لحد ما ارتاح و ارجع اكوم ع حيلي

ربي من دعيتك تبقي اذا خير .. و تبعده عني اذا الشر .. ليش طلع شر ..؟ ليش شر معاذ .. ليش انت شر .. ليش انت من دون الناس كلها .. الله لا يوفقـ.... الله لا ..

نمت شايلة جروح .. جروح مالها اول و لا تالي
كعدت الصبح متاخرة .. نزلت للمطبخ ..

صباح الخير يوم ..

اصبح عليها مترد .. شبيها ..

يووم .. يمةة .. الو يا حلو

ام حياة : هاا .. عيوني يمة هلا صباح النور

حياة : شبيها الماما سرحانه ..؟

ام حياة : تعبانه اشوي ع ابوج .. كاسر گلبي ..

حياة : وينه بابة ..؟

ام حياة : طلع من الصبح للشغل

حياة : ليش ما اخذ اجازة هو هلكان تعب .. يمة محجالج شي .. شكالوا ع الفلوس ..؟

ام حياة : يمة ما اتفقوا .. يكول انطونا عطوة لخ .. و دننتظر لتفاوض ثاني

حياة : يمةة اسم الله بسلا رايدين دم ..

ام حياة : لا يمة .. فلوس بس يمكن اكثر

حياة : الحمدلله .. فلوس و لا دم .. الله يسهل يمة ..

داحجي وية امي نزل داني يوون  ..

دااني .. شبييك

ام حياة : يمةة شبيك .. اسم الله؟؟

دانيال : يمةة رااسي .. رااسي راح ينفجرر .. راح امووت من الالم

ام حياة : سوودة علية يمةة .. ارووح اجيب عبايتي .. يمةة حيااة امشي نودي

حياة : مو ركضت .. طرت ع الدرج .. لبست ع السريع و نزلت

اخذناها للمستشفى .. راسا غيروا الضماده و حولوه مفراس .. اخذت الاشعه و رجعنا لغرفة للدكتور .. جانوا اكو مراجعين يمه

اكعدي هنا يمة .. داني اكعد

كعدنا بالمقاعد الـ يم الغرفة .. داني لازم راسه و بس يون ..

هاك مي ..

دانيال : لاا ما اريد .. رااسي حيااة رااسي دياكلني من الالم ..

ام حياة : يمةةة سوودة علية بية و لا بيك ..

حياة : كمت اذب البطل بالحاوية باول الممر ..

جهاد : هلكت انا بهاي الايام .. مشفى بعگوبة ما قبلوا يطلعون ابو نمر .. خصوصا بعد ما عرف بوفاة خالد و سبب انهيار عصبي و ساءت حالته الصحية ..

رحت اليوم اريد اخذ الاذن بالخروج حتى انقله لمشفى البصرة لان حالته استقرت ..

جاي امشي بالاجراءات فتت بالممر .. شفت ابن الذبح خالد كاعد .. روحي صارت براسي ..

ماا جهزتوهاا .. راح تخلص العطوة

دانيال : عمي فكونا .. هو حادث متخافون الله

ام حياة : يمة وحدوا الله .. اذا الله بعظمته يعفو و يصفح ..

جهاد : انااااا ماااا احجيييي ويةةةةة الحررريم

حياة : من رجعت شفت هذا الولد يصيح ع امي .. هو و صوته الخشن ..! منو علمه انو الرجولة بالصياح ...؟؟ صرت وراه حجيت بلهجته

لازم امك ما علمتك تنصي صوتك من تحجي وية الحريم ..؟

دار علية و الشر كله بوجهه .. عگد حواجبه .. كلت راح يدفرني يرجعني لاول الممر ..

جهاد : امي ميييته لااا تجيبين طاريهااا ..؟

ام حياة : يمةة حياااة ..

حياة : رفعت حاجب واحد .. مادري الحركه صارت تلقائية

من هذا رجولتك ناقصه ..!

اتحركت من يمه .. وجهه كل ثانيه ينطي معنى للشر و الغضب .. رحت ع داني ..

ها عمري .. بعده يوجعك ..؟

دانيال : ديموتني حياة .. خلي يسوولي شي ... شنوو هذااا الااااالم

ابو نمر : طب جهاد يدردم ..

شبيك ..؟

جهاد : والله لانعل رسها لابو منين ما طلعت .. اصل فصل تاليها يكثروون حجي بوووجهي

ابو نمر : يا ستار يالله ..

حياة : طببته للدكتور .. الحمدلله طلع مابي شي مو زين .. و الالم سببه الخياط الـ براسه .. و لازم نغير الضماد كل يوم حتى ميلتهب مكان الخياط

وصفله مسكنات و ادوية .. من طلعنا اشتريتهن من الصيدلية الخارجية و رجعنا للبيت .. اول مرجعنا نام مثل الطفل .. هلكد ما الالم اذاه ارتاح ع المسكن و نام

تين : زينة ..

زينة : ها ..

تين : شنو هاي .. كافي ميصير هيج .. ليش جاي تبجين والله هلكتي روحج بهالبجي

زينة : ما جاي اصدك موته تين .. والله مجاي اصدك قبل بسبوع جان كبالي يسولف .. راح لخاطر عمليته بس مايدري راح للموت برجله تين .. انا جاي اموت كلما افكر هيج

تين : يا بعد روحي زرع الله و خذاه .. اول و تالي كلنا نموت منو باقي .. افرضي سوا العملية و مات ..

زينة : لا اله الا الله

تين : كومي .. كومي يلله ميصير هيج حابسة روحج .. هيج ماتنسين الموضوع و ما تطلعين من الحزن هاذ .. امشي افتري جوا اشتمي هوا

جهاد : نقلنا ابو نمر جانت حالته ما مستقرة كلش بس سحبنا من مشفى بعگوبة لضروف كونن المحافظة بعيده مانكدر رايحين جايين هلكنا ..

خليناه بغرفه خاصة بمشفى البصرة .. كونن عمليتين ردنا نتضمن اكثر انو بعناية زينة

صار يوم الفصل .. اخذنا زلم من العشيرة و رحنا .. ماعرفنا وين انصف سيارتنا الدنيا مگلوبة .. خليت سلاحي المرخص بالسيارة و نزلنا كعدنا ..

دانيال : انتظرنا لما جماعتهم يحضرون.   ورا عشر دقايق من جيتنا اجوي .. نفس كلام هذيج المرة نعاد ..

حاولنا نوكع الفصل و يتراجعون بخواطر منا منا .. بس ماكو قفل و قفلوا

الجد : انااا الدم بحلگي بعده مااا نشف .. مااا تنااازل و ان وصلت عندي اخليها دم للرجب ..

ابو محمد : خلك من الدم ابو سالم .. خلك ماتنحل هيج هدي

ابو حياة : بنتي مانطيها .. داكولك اذبحني و فضها .. اني هادر دمي .. ابني و بنتي مالهم دخل

الجد : الهممم ذنب كووونن انت ابوهم و اذنبت .. جااا ذبحت روح و ماتنطي فصل

ابو حياة : يا عمي مو ذنبي .. حادث و ولدك الغلطانين .. ما سئلت العاش .. ما كالك ع الصار ..؟؟ مو كلشي ينحل بالفصول و بظلم النفوس  ..

الجد : الاااا سئلته و كال اهوو الغلطان .. و هذي مطالبنا و ان ما صارت ما يحصل خير ..

ابو حياة : و اااني ما اااانطي .. و ااااذا دمي نهدر .. مرخووص ددددمي .. هذااا صدري و جيب سلاحك لاااا تدخل باقي النفوووس

دانيال : اني مصارلي كم يوم من طاب مكان الخياط براسي .. بالموت متحمل اصواتهم .. حتى مابية اسمع و احجي

الجد : ااااذبحك و ااااذبح تسعععع من قبيتلك ... اااااانتم ذبحتولي شيييييخ ..

ابو حياة : بيااا قانوون و شرررع هذااا .. منيلككك شرررررعك هذاااا

جهاد : هاااااااذ الشررررررع هاااااذ اااااالسن باااااالسن و الباااااادي ااااااااظلم .. هااااذ يمووووت

دانيال : واكف يم ابوية بس استمع .. من يحجون الكبار .. الخير النا نستمع و نتعلم .. فجاءة طفر من مكانه و دفعني و ضربني ..
من دفعني و لزكني بالحايط حيل ردت اصيح من الالم لان جتفي مخلوع  و يصيح بوجهي

الزلم كلها سكتت و ما تدخلت .. بقيت صافن عليه و ساكت ..  ردته يخلص صياحه .. سكت و يتنفس سريع هلك روحه بالاعصاب ..!

يا مشيخه علمتك الرجولة صياح ..؟

جهاد :  لاااا تحجي بالمشاااايخ و اااانت مااا طاااب دواووووين

دانيال : شلت ايدي و خليتها ع عضلة ايده

ابن رجال علمني الرجولة مو هنا ..

هنا ...

رفعت ايدي و خليتها ع راسه ..

الجد : جهاد ..

ابو محمد : ما نريد نوصل للتهور و نعالج الغلط بغلط .. احنا هنا كبار نحل المشكل بعگل ابو ساالم

الجد : و انا جاي وياكم و تنازلت عن الدم .. و هاذ اخر كلامي  شاوروا امركم بينكم و لكم عطوة يومين و اخذ المرة

و الا مهدور دم كل زلمة منكم و يكون الدم بين القبيلتين

يطلعون و يتركون المجلس

ابو حياة : التفتت ع دانيال .. لزمته من جتفه .. خوما اتاذيت ..؟

دانيال : لا يابة مو شي جبير .. الواگع حيله اهون من الوگعت اخلاقه ..

ابو محمد : و النعم من تربيتك ابو حياة

ابو حياة : الحل شيخ .. شاوروني بالحل

ابو محمد : ماكدامنا غير هالشي ..

ابو حياة : ما اشمر بنتي للنار .. مالها ذنب شبيكم .. منو يرضاها ع اهله

جبار : ابو حياة قدر و نكتب .. و احنا وياك اذا اصريت و ما انطيتها وياك .. خل توكع زلم فدوة لـ بنتنا  ..

ام حياة : يعني شلون .. ما اتفاوضوا .. رائد شلون ..؟

ابو حياة : مادري راح اتخبل مريم .. مانطي بنتي و لا اهدر دم ابني .. ياليتها جانت ع دمي و توكف .. يا ليتهم هدروا دمي

ام حياة : اويلي عليك رائد .. اويلي ع بنتي اويلي عليج يمةة .. ما شافت راحة بنتك لليوم تبجي من ورا خطيبها .. مادري بالجاي و الحاصل

مكتوب عليها متتنهى اويلي بنتي .. رائد لا ياخذوها ..

ابو حياة : ماريدها تعرف مريم .. لتحجين .. بلكي الله يحلها و يفرجها .. باجر اني و اخوتي نروح للبصرة اريد اروح لابنهم الثاني ..

حياة : كعدت قريب المغرب .. راسي يريد ينفجر .. كمت انام باوقات فراغي حتى اشرد من خنگة روحي و تفكيري ..

اشگد احاول اشغل روحي باشياء بس اول و تالي ترجع و تنتحب جرحها .. مرت سنة و الجرح و الحزن نفسه .. الجديد انو اتعودت .. تعايشت وية جرحي و كتمت ..

نزلت اريد اساعد امي بالعشا .. اني ع الدرج و سمعت امي و ابوية يبجون و يحجون ..

يمةةة بسلاا هدروا دم ابوية ..؟؟ فدواتك ربييي ارحم بي

وصلت للباب و امي تنوح بية .. طبيت عليهم ..

شصاير ..؟  يمة ليش تبجيني شبية اني ..؟ شنو الـ متريد اعرفه ...؟

يابةة شصار ..؟ شسووا ...؟ خوما هدروا الدم ..

ام حياة : حياة يمة كعدتي .. يلله امشي نسوي العشا ابوج و اخوج جوعانين

حياة : كامت امي راسا مسحت دموعها و دتسحبني من الغرفة .. منظر امي و ابوية وجعني .. و داني ساكت حرف مينطق .. ليش هيج نكلبت حياتنا كئابة

يمةة .. شبيكم اني مو بت هذا البيت لو شنو ..؟  شصاير ليش تضمون علية ..؟

ابو حياة : مصاير شي بنتي ماهدروا دم اطمني يابة

حياة : لعد شيريدون ..؟ اذا لا فلوس و لا دم شكووو بعد .. شيريـ....!

سكتت فجاءة .. مادري الافكار براسي اتلخبطت لدرجه مكمت اعرف احجي ..

ضحكت بهدوء و اني اباوع عليهم ..

ههه .. فصلية ..

ابو حياة : لا بنتي

حياة : احجي ابجي

يابةة ..

وجه ابوية ميتفسر و امي تريد تضم دموعها عني .. كعدت ع التخم و ضمت وجهها بيديها ..

شبيكم .. ليش هيج شبيكم  .. و اذا .. يعني جديد علية الظلم ..!

ابو حياة : ما انطيج بنتي .. متنظلمين ما اقبل

حياة : ماكو كدامك خيارات يابة .. اذاا الدنيا رادت ظلمني .. الدنيا واكفه ع اذيتي

ام حياة : لا تبجييين يمةةة

حياة : رحت ع ابوية و اني اريد امسح دموعي ميفيد متوكف ..

لوو دمك لو ذلي .. مووو ..

ذلي يابة .. ذلييييي ..

ابو حياة : حيااااة

حياة : ماكوو فرق يابةةة اني اصلااا ميتةةة من زماااان .. لتشوفوني قوية .. ترا اني داااخلي متحطم .. تعبببت و اني اكاااابر و ادوس ع وجعي ..

ذلي و لا دمك

ام حياة : لاا دمه و لا انتي .. الله ميرضاهااا .. محددد يروووح منييي حياااة

حياة : يمةةة اعتبريني اتزوووجت .. اتزووجت معااااذ و ذلنيييييي ..

اني بلحظةةةة فكرررت اعووف كولشي لخاااطره .. شكو بيها هسةةةة اذااا عفت روحي شكوو بيها اذا اتناازلت عني

يا كرامه .. يا عز كدام دم ابوية و اخوية .. اني بلحظة اتنازلت عن كولشي يمة .. صحيت من نطعنت .. مادريت بي عافني بنص درب متكسرة كل حيل مابية

اريد انسى .. تعبت و اني امثل نسيت و انتوو تمثلون انو صدكتوا و اقتنعتوا .. تعبببتتت يمةةة

ام حياة : يمةة بنتي اهدددي .. صغيرررتي مانطييج ااانتي تخبلتتتيي

حياة : لا يمةة .. لا .. ااني و لا دم ابوية و اخوية و ولد الناس .. مرااح يمووتوني يووم

بس يموتوون اهلي و ناس مالها ذنب ..

ياية اذا اني اوكف الدم .. انطي ..

ام حياة : حيااااة ..

رااائد ابوووس ايددددك لااا .. وحيدتييي  هااي رائد فدوووة لتسمممع كلامهااا ..

حياة : عفت امي تعيط و تلطم و ركضت صعدت فوك .. الم بگلبي ماعدت اتحمله ..

و اذا .. و اذا فصلوني .. اني نفصلت روحي قبل سنة ..  هذا و الانتحار سوا .. شكو بيها اذا انتحرت .. اني هيج هيج ميته .. ربي سااعدني .. لييش هييج ..

الاذية هااي فووك طاقتي .. بعدني ما طلعت من اذية معاذ الي حتى اوكع بهيج مصيبة .. داتعذب حيل فدوة لا هيييج ربي

اريد اخلص من كولشي بالدنيا .. اريد روحي ترتاح .. بعدني بنفس الالم بعدني عبالك البارحه شفته وياها مو قبل سنة .. والله عبالك البارحه ..

الجد : شلون صار الذيب ..

ابو نمر  ( الله بالخير .. اسمي صفوان عمري 27 سنة ماجستير هندسة .. طولي وية جسمي متناسق .. حنطاوي بعيون جوزية .. بالسلف يسموني بـ ابو نمر (كنية .. لقب)

و هاي لها قصة طويلة .. من طلعت للصيد وية جدي من جنت بعمر 7 سنين .. صاد وشق و اني عبالي نمر  مجنت اعرف الوشق .. بقيت اسبوع افتر و اكول صدت نمر .. جدي كام يناديني ابو نمر ..  و مشت علية الكنية لليوم ..

عشت ست سنين بالقسم الداخلي بديالى .. لهذا السبب اخذت لهجتهم و بعض اطباعهم .. عباس صديقي و ضلعي من خانقين .. جان بالسكن وياي

عشگت بنية .. و خسرتها قبل سنتن .. بعدها كورت نفسي بقوقعه حزن ..

اكول نسيت و هانت .. بس قصيده وحده من اشعار مهند العزاوي ترجعني رجوع لعيونها و اشتاگ ..

اقرب ناسي اخذها مني و غدر بية .. وعيت بس فات الاوان ..

و الله يسعدها وياه و يهنيهم .. بيت عمتي ماكمت اطبه حتى لا اسمع بفرحه جايهم طفل .. طفل منها جنت اتمنى ابني

يكولون الحب بالحالتين يترك اثر و بصمة .. و بفراگها خلت اثر بية .. اثر جبير لدرجة كمت ماشوف بنات بعدها ..

اثنين بالدنيا هدوا حيلي .. و كتلوا كل روح بية .. حياة و خالد

جدي حاجاني ع سالفة الفصلية .. و اني رفضت الموضوع كليا .. لان اعرف الناس ما غلطوا

: الحمدلله جدي .. شسويتوا .. فضيتوها ع خير ؟

جهاد : بوية نفذ الـ براسه .. لكن الانذال ماينطوها .. هين دم اخوي عدهم عزوا بنتهم و يريدون مانعز دم ابنا

صفوان : يااابة داكوولك العالم مالها ذنب .. الحادث من عدنا

جهاد : ااااطلع .. اااطلع اتووووسل بيهم و اااعتذر .. كللهم ااااسف ذبحتوا اخوووي الغلط من يمنااا ..

صفوان : جهااااد .. لتصيييير ظاااالم .. عوفووو بناااات اااالنااااااس

الجد : كااااافي اااانت ويااااه .. انااا ما جاااي اتناقش بااااالامر ..

جهاد : بوووووبة اسمع جاااي تسمعةةة هااااذ اهل المدينةةةة لعبوووا بافكاااره لععععب

الجد : لا ترفع صوووتك عليه و هو اكبررر منككك .. هااااذ الشييييخ بعددد اخوووك

جهاد : كلت لك انااا .. كلت لك حلها بالدم .. رجال برجال .. انا شسوي بالنسوووان

صفوان : لاااا بالدم و لااا بالنسوووان جهاااااد ..

بدر ( خال صفوان ) : هدي .. هدوا يا جماعة الزلمة بعده مو بحيله .. شمالكم الزلمة مريض

جهاد : استغفر الله ..

الجد : صفوان .. المرة ناخذها هاذ حگ دم اخوك غلطوا ما غلطوا .. ان سكتنا شتكول الوادم علينا

دفنوا زلمتهم و نامو ..

صفوان : يابةةة .. النااااس ماا عليهااا .. الله ما يسئلناااا شكااالت الناااس

الجد : انوخذت و اااانتهى .. فصليتك ماااا تنررررد

صفوان : كمت اريد اكعد الالم دمرني

مااا اخذ احد .. اااانطي المشيخةةة لجهااااد مااا اريدهااا

بدر : يمعودين هي مااال عررك هسةةة .. جايين تموتون الزلمة انتمممم

الجد : بووو نمرررر اااانت رااااسك يااااابس ع ااااابووووك ..

يطلع الجد و بعده جهاد

صفوان : جهااااااد .. جدددددي

قسمااااا بالله اردهااا لاااااهلهاااا ...