تحميل رواية قدك بقلم منه محمد pdf

في الفرح

حارث: عمي لو تعبت اقعد استريح

فاتح: لاء ياحبيبي انا مش تعبان انا فرحان

حارث بصلها بضيق وقالها: رشا لو تعبانه روحي اقعدي شويه, انا ههتم بعماد ولوجي بنفسي

رشا قربت منه اكتر وقالت بأبتسامه واسعه: لاء عادي خلينا نساعد بعض, اوكيه

حارث هز دماغه بهدوء: اوكيه

لوجين بصوت عالي للجميع: شايفه حارث ورشا متفقين جدا , ليه ميكونوش العرسان الجاين, ايه رايك يا بابي

فاتح ابتسم: والله لو الاولاد ليهم رغبه ,معنديش مانع

ابو عماد: والمره دي هطلب مهر كبير , جهز نفسك يافاتح هطلب طلبات بدون حدود

ام عماد: بتتكلم كأن العريس طلب ايدها , بس ياحارث لو طلبتها احنا نودهالك لحد عندك يابني

فاتح: انا شخصيا معنديش اي اعتراض ,بس الرآي الاخير لحارث

لوجين: شوشت جات مع والدها يا عماد

المرشدي: مبروك يا لوجي

لوجين: الله يبارك في عمرك يا اونكل

شوشت: مبروك يا احلي لوجي

لوجين بضحكه: الله يبارك فيكي بس ايه يا شوشو الحلاوه دي , جايه تخطفي مني الاضواء

شوشت: اليوم فرحك طبيعي تبقي الاجمل, مبروك يا قلبي وانت مبروك ياعماد

عماد بأبتسامه: الله يبارك فيكي

شوشت: خد بالك من صاحبتي , منا مش هقدر اهتم بيها دلوقت

لوجين: يله ناخد كلنا صوره عائليه مع بعض

المصور لقط ليهم كذا صوره مع بعض حتي المرشدي

لوجين بعد التصوير قالت: حارث رحب بشوشت كويس

شوشت : ازيك يارشا

رشا بوش بشوش: اهلا انتي حلوه اوي اليوم

شوشت بغرور: بجد وانتي كمان طالعه حلوه , وشكلك كبرتي وبقيتي مومزيل جميله

رشا بسعاده: ميرسي ياقمر بس في الحقيقه مجيش نصك حتي , انتي جميله جدا

شوشت: ثانكيو , حارث هو انا فعلا طالعه اليوم جميله زي ما قالت رشا

حارث بجديه: انتي جميله كل يوم

شوشت لزقت بجسمها فيه: ما تيجي نقعد جوه الفيلا شويه عايزك يله

رشا نطقت بسرعه وقالت: حارث لازم تقف تستقبل معايا الضيوف

حارث: هسيبلك المهمه دي دلوقت

رشا تابعتهم وهما ماشين واتغاظت جدا والغيره وكاله قلبها

..............قصص منه محمد كاتب............

شوشت: خلينا نقعد هنا

حارث: تعالي

شوشت قعدت لما فتحلها الكرسي وقالت له: ثانكيو

بنت ما لمحته: حارث مشفتكش من زمان , ماتيجي ناخد سوي صوره

حارث قام وقف: اه اوي

البنت طلعت الموبيل وحطته قدامهم وقالت بتغزل: قرب مني شويه, انت لسه وسيم زي زمان انت اختفيت فين, ليه مش بشوفك زي الاول ,ممكن اخد رقمك عشان ابعتلك الصوره

شوشت قامت وكلبشت في دراعه وبصتلها بغيظ وحقد

البنت بضيق منها: شوشت انا اسفه مشفتكيش

شوشت: حارث عطشانه مـ وت

حارث: حاضر هشربك

شوشت بصتلها: خلصتي صور مش كدا اصل انا وحارث بينا موضوع مهم اوي , روحي سلمي ع العروسه

حارث: خلينا نقعد يله

بنت تانيه لمحته راحت عليه: انت هنا ياحارث بقالي كتير مش شيفاك ممكن اخد صوره معاك

حارث بتكشيره: اسف مشغول حاليا ,بجد اسف

البنت كشرت وقالت :تمام عادي

شوشت ابتسمت بمياعه وقالت :وانت مشغول بايه ياحارث

حارث : مش عطشانه هجبلك حاجه تشربيها ا, قعدي هنا واستني

هي جات بالصنيه حطتها قدامهم لانها حضرت الفرح بطلب من جعفر عشان تراقب تحركات المرشدي وحارث اخد كاس عصير لشوشت مبتسم

شوشت اخدته من ايده ومبتسمه: ميرسي

حارث بياخد كاس لنفسه ولسه بيرفع عينه لقاها قدامه اتوتر والكاس وقع من ايده ع فستان شوشت الي اتحركت بفزع!

حارث بربكه: اسف غصب عني الكاس وقع , حالا انضفلك الفستان

جمره : هجبلك علبه مناديل حالا

حارث بص لشوشت بعتذار: انا حقيقي اسف

شوشت: حصل خير ياحارث

جمره جريت من قدامه وطلعت هبدت الصنيه جامد وقالت بغيره: امال لو كنت وسيم كنت عملت ايه يا مزعج يا بتاع البنات

رشا داخله الفيلا شافتها: هو انتي

جمره: ع فكره انا مبسوطه انك رجعتي

رشا ربعت ايدها وقالت: وليه مبسوطه انا دلوقت مليش علاقه بيكي

جمره :رشا

رشا بغرور: رشا هانم

جمره بلعت ريقها وردت بهدوء: رشا هانم , حصل ايه لكل العداء ده , لما كنتي مسافره بره كنا لسه اصحاب

رشا :عمر ما كان عندي صاحبه لعوبه زيك , وقت وعدي او كنت غبيه ومش فاهمه شخصيتك الواطيه

............قصص منه محمد كاتب................

جمره شربت كاس ميه ودخلت المطبخ تحط الصنيه لقت الي مسك كف ايدها

جمره : عماد

عماد من غير كلام سحبها في ركن بعيد عن العيون

جمره: قولي عايز ايه وبسرعه ,عشان اقدر اخدم ع فرحك

عماد: انا سعيد اني شوفت هنا

جمره بنرفزه:انا مش بهزر

عماد: تمام عندي مواضيع كتير عايز اتكلم معاكي فيها ,جمره انا اتجوزت لوجين لان بابا اجبرني عليها , والعلاقه الي بينا ممكن ترجع زي ما كانت ,ممكن ارجوكي

جمره: تمام يا عماد كل شئ هيرجع زي ماكان , لان مكنش فيه اي حاجه بينا , ودلوقت مش هيكون

عماد اتجنن ومسك ايدها وهي بسرعه البرق سحبتها منه بغضب شديد وحارث كان خارج ووقف يتابع الموقف والغيره ولعت قلبه وكأنه فيه جمره من نار

جمره: ياريت ترجع فرحك

عماد سابها ومشي مضايق انها صدته وشوشت كانت فوق واقفه وصورتهم وحارث اخد السلم جري

جمره لنفسها بصوت عالي قالت: كمان هكون عشيقه للعريس

حارث بنفعال: مظبوط وانا ضيعت طاقتي افكر فيكي بشكل كويس ,واتاري علاقتكم لسه مستمره وبتقابليه حتي يوم فرحه

جمره بنفعال: اه فعلا استريحت كدا

حارث بصلها بحتقار وسايبها وماشي وهي قالت له: استني

حارث لف بصلها: نفسي اعرف اخدتي ايه

جمره: مأخدتش اي حاجه , بس شوفت حاجات حلوه, انت مشهور بعلاقاتك كمان لما تكون فاضي اعزمني في راندفو ولا صعب تضيفني ع السته جنبهم

حارث الحزن لمع في عدسه عيونه : واضح انك متفهمه جدا لوضعي , عايزه تبقي من ضمن البنات الي كنت اعرفهم

جمره: عندي فضول اعرف حبه فيك ايه , غير كدا الاكس بتحوم تجدد العلاقه معاك وبالصدفه لقيت ذله امسكها عليك بزمتك مش شيء يجذب الانتباه و يثيرشغفي ولا نو

حارث: وانا بحذرك لوجين سماويه انتي مش قدها., الافضل تبعدي عنها _ بعد خطوه ووزع عليها عيونه وقال بوقاحه_ انتي لسه عيله صغيره , ابدئي حياه جديده

جمره بصقت عليه بغيظ وحارث طالع لمح المرشدي واقف مع نفس الشاب الي خبطه بالعربيه

................قصص منه محمد كاتب...........

في القسم حارث راح وطلب كاميرات المراقبه محتاج يتاكد لقاهم داخلين عليه ووشه كشر واتغير!!

رشا جريت عليه: هاي يا حارث

الصول لزميله: هي بتنادي الباشا بأسمه كدا عادي

زميله بهمس: ملناش فيه

رشا: هنتغداه مع بعض وجيت اعزمك , احنا الاتنين بس يله يا حارث

شوشت قربت عليه: حارث اطمن انا جايه بس اسلم عليك , غير كده عايزه اجدد البطاقه

بتاعتي, انتهت من مده بس لو مش فاضي اجيلك يوم تاني

حارث بجديه: اعذريني طالع مأموريه مهمه هادي تعال معايا

رشا قربت اوي منها وقالت بغيظ: شوفتك وانتي بتتصرفي زي الاشرار في الافلام

شوشت وسعت ابتسامتها الخبيثة : الاشرار بياخدوه كل حاجه هما عايزنها

رشا اتغاظت جدا منها وفضلت تلف ع حارث الي كان في الحمام مع هادي

حارث لهادي: خد رشا بعيد عن هنا

هادي: ليه اعمل كده؟

حارث: اعتبره امر

هادي رفع حاجب بتحدي: الطلب ده ميعتبرش امر لانه خارج العمل

حارث: عندي قضيه بشتغل عليها

هادي: غريبه انت بتتحايل عليا دلوقت

حارث بصوت عالي مصحوب بحده : دي مفاوضات يا حضره الرائد اسمها مفاوضات

هادي: انا بسمع

حارث : هطلب من عم جابر يروح السوق مخصوص عشانك الفطار والغداء والعشا هبعتهملك لحد الباب

هادي: لا ممكن اكلهم في بيتك

حارث: موافق اسبوع واحد وكل يوم طبق مختلف, يعني مسموح تيجي بيتي في اي وقت براحتك يله زحلقها

................قصص منه محمد كاتب............

قدام القسم

شوشت ماشيه جنبه: اني اجي القسم هنا بحس بالراحه كتير فيه ظباط محترمين وبيخلوا الواحد يحس بالامان

حارث بمغزي: اوقات ممكن دمروا الظابط المحترمين , دول بسبب اصحاب النفوذ والمال

شوشت : عندك حق الدنيا فيها ناس وحشه ,بس اكيد انت عارفيهم

حارث: مش عايز اتكلم عن شخص بألاسم في مكان الشغل

شوشت وقفت قدامه: نبقي نتكلم خارج ساعات العمل لسه قريبين مش كده

حارث مسك كتافها ومشي بيها لحد باب عربيتها وفتحلها الباب وقالها: سوقي ع مهلك يا شوشت

شوشت: باي

حارث راجع القسم لقاها كالعاده عامله مشاكل مع العساكر

جمره بتهديد : همشي دلوقت واشوفكم كمان اسبوع

العسكري :يله اتكلي

جمره : انت مش هتسكت الا لما اتحبس لما اتعصب عليك بالفم المليان

العسكري : اعمليها وانا احبسك لاني بصراحه هفرقع منك فقصري لسانك عشان هحبسك لو واخده بالك

عسكري اخر ضحك وقاله : بلاش تتتخانق مع جمره اتعامل معاها ع انها شخص عادي في القسم

جمره :همشي سلام يارجاله بلدنا

حارث جرها من ايدها وهي صرخت فيه: في ايه, انا مش مقبوض عليا هنا

حارث بيسحب فيها ع مكتبه: امشي معايا يا جمره

جمره بتحاول تفك ايدها عن ايده باستماتة: الحقوني اطلبوا النجده

حارث بيسحبها بقوه: تعالي

جمره للعسكري :الحقني منه ياشاويش

حارث: امشي معايا امشي

جمره : الحقوني يا داخليه بيخطفني مفيش حد ينجدني منه , الشرطه بتبهدل الشعب

حارث زقها: ادخلي هنا لازم نتكلم

جمره : مش عايزه اتكلم معاك ( شافت طبق فيه اكل اخدت منه وقالت_ اكل الاول وقولي في ايه , يكونش نسيت حاجه تقولهالي اخر مره وانت بتهزقني , لسه مش راضي عايز تكمل

حارث: لما كانت العربيه هتخبطني ازاي عرفتي ده

جمره: عرفت ايه

حارث :عرفتي ان العربيه هتخبطني

جمره شاورت ع نفسها بستهبال: انا اعرف ده

حارث زعق :جمره

جمره ببرود: ازاي اعرف ده مش شغلك, المهم انك عايش وده الاهم

حارث بشك: ولا بتتأمري عليا

جمره: لو انا كنت بــتامر بجد كنت هسيبك تموت في الحادثه, ليه اجري واساعدك واتأذي كده شايف سايب علامه اعمل ايه بسببك مش هقدر ادخل مسابقه للجمال

حارث: متخلنيش اتعصب واتكلمي معايا بالحقيقه , عرفتي ده ازاي

جمره: اممم اقولك ده ازاي انا بشوف المستقبل

حارث: بتشوفي المستقبل

جمره: مش ع طول يعني معاك انت بالذات ,واوقات بشوف العفاريت

حارث: تعرفي انتي لايمكن تكدبي وانتي جوه القسم

جمره: ولا تقدر تعملي حاجه انا محدش ماسك عليا زله , ولا ليكم عندي حاجه , الحاجه الوحيده الي ممكن اقولها الحقيقه وده الي عندي

حارث حط ايده الاتنين في وسطه وقالها : وانا مش مصدقك

جمره رفعت كتافها لفوق بلا مبالاه: متصدقنيش براحتك و لما تكون فاضي روح قدم عرض للمقدم الي قبلك

حارث لسه هيمسكها زقته وطلعت تجري ع بره ومعندوش علم ان المقدم الي قبله مات مقـ تول لما اتحري عن قضيه مخدرات

..............قصص منه محمد كاتب..........

دخلت قعدت في شقته وافتكرت الي حصل يوم الفرح وقررت تنتقم منهم اشد انتقام!

لوجين بتغير الفستان: شوشت شوفتي عماد مجاش يغير البداله

شوشت: شوفته بس معرفش مين الي كان واقف يتكلم معاها , شكلها جرسونه بس كانوا قريبين اوي من بعض

لوجين: قريبين ازاي يعني قوليلي

شوشت بمكر: معرفش اقولك لكن شوفي بنفسك صورتهم فيديو

حارث دخل: اهلا البيت نور

لوجين بصتله: اخيرا رجعت

حارث: ايوه بس غريبه ايه الي خلاكي تيجي بيتي كدا فجأه

لوجين: ابدا حبيت اشوف شقتك يمكن اقدر افهم ليه جيت هنا

حارث: وفهمتي

لوجين: لاء لفيت كل ركن في الشقه ومقدرتش اتنفس , ازاي طايق تعيش هنا

حارث: ده بيتي اشتريته بمجهودي , ومش هفضل عاله ع عمي طول العمر

لوجين: انت مالك قلبتها جد تاني, انت بقيت تتحسس كتير, انت ابن عمي وجزء من عايلتي وفلوسي هي فلوسك يا حارث , احنا واحد

حارث: عامله ايه في حياتك الجديده بعد الجواز

لوجين بستياء: عاديه لسه عماد زي ما هو اه بالحق قابلت رشا

حارث: لسه كنت مشغول في الفتره الاخيره

لوجين: مشغول ليه هو انت ع طول مشغول انت بقيت مقدم المفروض متبقاش مشغول تقعد وتأمر , اه صحيح بلغني الراجل الي شغالك عندك , انك بتاكل في مطعم بيعمل مسقعه حلوه اوي , خدني اكلني هناك بقالي كتير مأكلتش الاكل الشعبي

حارث: هقول لجابر يعملهالك في البيت انك تروحي مطعم شعبي الامر هيبقي صعب عليكي الوضع مش هيعجبك

لوجين جريت مسكت ايده: استني لحظه مفيش داعي تقوله مش عايزه اكل هنا عايزه اكل في المطعم خدني يله يله بقي ياحارث , وانا عارفه مش هتقدر ترفض لي طلب, يله ناكل اكل شعبي سوي

.................

لوجين بقرف : الجو حر جدا والمكان ريحته وحشه

حارث: قلت لك ها غيرتي رايك

لوجين: لا وبعدين مالك زي ماتكون مش عايزني افضل هنا , مخبي ايه ومش عايزني اعرفه

حارث تلفونه رن قالها: استني ارد ع التلفون الاول

حارث وقف بعيد وهو بيتكلم في الموبيل شاف جمره راكبه في عربيه عماد برق بعينه وبيلف يشوف لوجين ملقهاش واتفاجئ بصريخ جمره الي كانت غرقتها لوجين بميه مخلل وجمره عينها اتقفلت وحاولت تفتحها لكن مقدرش من الشطه الشديده

عماد بزعيق: ايه ده يالوجين انتي ليه هنا

لوجين بصريخ: جابني حارث لحد هنا عشان اشوف السفاله , والوقاحه , والخيانه بعيني جوزي ماشي مع واحده رخيصه, ايه عذرك المره دي يا سي عماد

حارث صرخ بجنون : كفايه لحد كدا وكفايه , وايا كان الامر خلينا نتكلم في البيت

لوجين صرخت بعزم طاقتها: مش كفايه

جمره بعد ما قدرت تفتح عينيها بالعافيه لفت عشان تمشي وتسيب المكان بضعف !

لوجين سحبتها من شعرها بعنف : رايحه فين يا شرشر اليوم هفضحك يا ساقطه بقيتي عشيقه لراجل متجوز اكيد وشك بجح ومكشوف كدا طول الوقت , بتنبسطي لما تكوني في السرير مع الرجاله المتجوزين

صاحب المطعم ركن عربيته ونزل: جمره ايه ده , حصل ايه

لوجين: انت صاحب المكان حلو, اعرف انك مشغل واحده شمال ماشيه مع الرجاله ومنهم جوزي , دي مومس مش غساله صحون ,ومسيرها هتخطف ابنك لو عندك في يوم

عماد بعصبيه: بس بأه بس

لوجين هجمت ع جمره وقعتها في الارض وحارث بيسلك زقته بعنف: سيبني

حارث: سبيها يالوجي بقولك سبيها

لوجين حدفت ايد حارث بغضب وصرخت فيه وهو اخدها من ايدها وخبها وري دهره

لوجين هجمت وضربتها بالقلم على وشها بشدة وعماد صرخ زي المجنون: بس بقي كفايه وقفي الجنان الي بتعمليه ده , حارث ليه جبت لوجين لحد هنا , خدها للبيت حالا

لوجين: مش راجعه البيت بعد ما كشفتك لسه ليك عين تبعدني عنها , رايح فين معاها , انطقي واخده جوزي ورايحه ع فين, انطقي يا بت

جمره عيونها جمعت دموع وشدت نفسها من ايد حارث ومشت

لوجين: ارجعي يا وقحه, رايحه فين يا صايعه , ارجعي هنا

حارث: بس بقي كفااااايه كفااايه

..............قصص منه محمد كاتب.........

مشي بسرعه بعربيته وراها ونظره عيونها المليانه بالدموع مش قادره تفارقه!!!

حارث نزل من عربيته ورحلها: اركبي العربيه

جمره لفت بصتله: لا مش هركب عربيتك بعد كده ابدا هتاخدني عشان اختك تضربني تاني

كل الي حصل ولسه مش راضين , بتمثل انك انسان كويس رغم كلكم وحشين

حارث: ده كفايه ياجمره متتكلميش معايا بالقسوه دي , انتي عايزها لما تشوفك مع جوزها تسلم عليكي وانتي طالعه من عربيته

جمره ببكاء: النهايه انت زي اختك بالملي بتتعاملوا معانا ع اننا اوساخ، روح خلي اختك تراقب جوزها بس ده مقرف ومشمئزة

حارث مسك ايدها :اركبي يله

جمره شدت ايدها من ايده وصرخت فيه: سيبني

حارث بقهر:بجد ! عايز اعرف لما طلب منك تركبي عربيته اتعاملتي معاه بعنف كدا

جمره: قلت لك له دين كبير عندي

حارث: دين بالمعروف ورد الجميل كدا بتردي الجميل تخربي بيته , مش حاسه انك عامله اي حاجه غلط

جمره نزلت دموعها سيول ع خدودها : انا عمري ما خريبت بيت حد ’وعمري ما بعت نفسي لعماد ولا لغيره وبعدين انت بأي حق تقف تحاسبني ولا عايز تبهدلني وتكمل بالنيابه عن بنت عمك هي عملت الي فيه الكفايه روح جيبها هنا خليها تضربني

حارث اتعصب: مررررام

جمره: اظن سبق وقلتلي انك بترد لي الجميل ,انا كمان مقدرش ارفض طلب عماد

حارث بقهر: انا حقيقي حاسس بخيبه امل كبيره فيك يا مرام

جمره طلعت منها شهقه مكتومه: متحطش امل ع واحده زي , مفكر نفسك انت الوحيد الي محبط , من وجهه نظرك انا بنت رخيصه بتبيع نفسها للراجل اللي يدفع اكتر, واحده كل الي يهمها الفلوس وبس , بص للواقع ومن دلوقت هبصلك ع انك ظابط وبس ,والي هاخد اذن منه بسبب نفوذ عمه, وبتمني تكمل حياتك الملعونه دي مع الناس الي بألف وش حواليك , خلينا لا نتقابل ولا نشوف بعض بعد دلوقت افضل حل لسلامي النفسي

حارث بعد ما سابته ومشت حس بغصه ووجع في قلبه المكسور والدنيا اسودت في وشه وكانها اخدت روحه معاها

بعد ما انهت شغلها في غسيل الصحون وايدها اتهلكت لبست هدومها وطلعت لقته واقف منتظرها

جمره قربت عليه مكشره: ازيك ياعماد , بس ايه الي جابك مش فرحك المفروض بعد يومين

عماد: اظن انتي عارفه الجوازه دي تأديه واجب مفروضه عليا , بابا مصمم اتجوزها والطرف التاني عند القوه والمكانه لو اتجوزتها ده هيزيد شغل بابا

جمره: ليه بتقولي كل ده

عماد: عشان عايزك تتأكدي ان مشاعري لسه زي ماهي ناحيتك , وصدقيني الجوازه دي مش هتغير الي بحس بيه

جمره دمعت: يعني عايزني اكون عشيقتك

عماد: ايه الكلام الفارغ ده

جمره: اعذرني مش بعرف اتكلم بطريقه جميله متذوقه , غير كدا انا تعبانه ومرهقه جدا فاريت تختصر وتقولي عايز ايه بشكل مباشر

عماد: تتجوزيني عرفي

جمره: انا موافقه

عماد بسعاده: بجد يعني معندكيش مانع

جمره: ايوه معنديش مش ده الي انت عايزه

عماد: بصراحه مكنش ده الي عايزه ومش عايزك تشوفي نفسك رخيصه لان عمري ما فكرت ولا شوفتك بالشكل ده ابدا

جمره: انا واحده بظروفي معندش وش حتي اتكلم في امور تخلي شكلي كويس حتي قدام نفسي انا بالعافيه بلاقي لقمه عشان اقدر اعيش بيها يومي , واكسب ملاليم ادفع ديوني بسبب ابويا الي طردني من البيت وعارفه كويس الي عايزه مني

عماد: بس عندك شرفك الي تفتخري بيه من يوم ما ارتباطنا رفضاني حتي امسك ايدك

جمره: اسمع ياعماد انا بحبك وبحترمك كتير لو عايز ده انا هعمله مجرد جسم لبنت من حي فقير وربما ملهاش قيمه كبيره , بس لو اتجوزنا بالطريقه دي وعملت الي انت عايزه نقطع بعدها الورقتين ومتجيش تشوفني تاني

عماد: شكلك فعلا مجهده روحي ارتاحي , وصدقيني مش عايز غير اني اشوفك عايشه مرتاحه

جمره لفت بجسمها وماشيه من المكان: شكرا ع لطفك معايا وانا عمري ما هنسي كل لطفك ده

عماد : جمره هو ممكن متشوفيش معاملتي معاكي ع انها امتنان ده حب ليكي

................قصص منه محمد كاتب..........

جمره قاعده مع ستات الحاره في دكان وبيتكلموا

ابراهيم ابن اختها طلع يجري بسعاده عليها لكنه غصب عنه زق ست عجوزه وقعت ع عربيه مركونه

الست بشخط: مش تفتح يا ولا , ولا عشان معندكش اب يعلمك

جمره جريت عليها بغضب:ايه يا وليه الي بتقوليه لابن اختي ده

الست خافت: كلمه وطلعت غصب عني , متاخذنيش ياجمره هو وقعني وضحك الناس عليا

جمره صرخت في وشها: لو غضب عني اترفعت ايدي ونزلت ضربتك , مش هتاخذيني

ريم اخت جمره : خلاص يا جمره متعمليش مشاكل هنا كمان ,حصل خير

جمره بزعيق : ازاي يعني معملش مشكله, وهي طولت لسانها ع ابن اختي

ريم شدتها : يله ابراهيم لازم يروح المدرسه

وبالفعل وصلوا ابراهيم لحد المدرسه وسلم ع امه وضم خالته الي ضمته ليها بحراره

ريم: لسه متعودتيش ع ان الناس تقوله يالي من غير اب

جمره: ازاي اقبل كلامهم , حرام ده عيل ذنبه ايه

ريم: انا مكسوف لك لما بتتخانقي عشاني

جمره: ريم انا مش بتكسف ابدا منك, انتي ذنبك ايه مش الجبان الي طلقك ورماكي متقوليش الكلام ده تاني, تعرفي امبارح غسلت كوم مواعين وعطوني فلوس كتير يله نروح ناكل في اي حته ونشرب كوكتيل ونتكلم

ريم: ده انتي غنيه بقي

جمره بأبتسامه واسعه: شنطتي مليانه فلوس جمدي قلبك ويله بينا

بالفعل دخلوا مطعم راقي وقعدوا وطلبوا كل الي نفسهم فيه وجمره طلبت اكل كتير لـ اختها

ريم: معني كده انك غنيه اوي بجد

جمره: هو انا لو غنيه شنطتي هتبقي قديمه بالمنظر ده

ريم: اه صحيح شوفتي الظابط الي جه يعيش عندنا في الحاره

جمره كشرت بستياء: حتي انتي بتتكلمي عنه , كل ما اروح حته يفضلوا يتكلموا عنه , والله شكله ما ظابط حرامي وعايز الي يقبض عليه

ريم: حرام عليكي ده وسيم وعايز الواحده الي تتجوزه ,اكيد شوفتيه امبارح

جمره: شوفته وبعدين انتي ليه مهتمه بيه اوي كدا , ايه عايزه يكون ابو ابراهيم

ريم: يابنتي انا بتكلم ع حاجه تانيه سمعت من امي انه كان امبارح شرف كبير للقوات اصل نادر لما يروح مقدم بنفسه يقبض ع تجار حشيش بشكل خاص

جمره: ساعات انتي وامك بتكونوا مضحكين اوي

ريم: اكيد وسيم اوي امي قالت لي ده ولا فلقه القمر

جمره: امك دي غريبه وبحالات , هي دي لو تعرف الوسامه كانت اتجوزت ابونا الي شبه الحرامي

ريم ضحكت: معني كده انه وسيم بجد

جمره: ايه الوسامه الي فيه مش وسيم ولا له علاقه بالوسامه ابدا

ريم: يعني مش وسيم زي فارس احلامك الي في تخيلاتك ,الي دافع عنك قدام ابوكي من سنين

جمره ارتبكت: ياربي فارس ايه التخيلي , متخلنيش اشتمك وانا باكل

ريم: قوليلي قابلتيه تاني ولا لاْ

جمره: هقابله فين , بس لو شوفته تاني همسكه واخليه جوزي

ريم : انتي بتتريقي عليا

..........قصص منه محمد كاتب............

في شقه حارث

جابر: اتفضل القهوه يا بني

حارث رفع عيونه من ع الموبيل بسؤال : فاضل كتير ع الغداء ياعم جابر

جابر مبتسم:لاء حالا اخلص يابني

حارث بهدوء:تمام بس ممكن متزودش الشطه

جابر : عيوني , اه بقولك ايه يابيه الشقه الي في وشنا جه شاب يستلف شويه سكر , وبصراحه انا عزمته ع الغداء عندنا اصله طلع ظابط

حارث: هو كمان ظابط

جابر: ايوه ومعاك في نفس القسم الي حضرتك شغال فيه , وبصراحه انتهزت الفرصه يعني وعزمته وقلت بالطريقه دي تتعرفوا ع بعض كاجيران ,ومتبقاش لوحدك وقدام تشتغلوا سوي بكل سهوله اتصرفت غلط يابني

حارث : لاْ اتصرفت حلو يا عم جابر , بس هو اسمه ايه

جابر : هادي عبد الرحمن

حارث كشر جدا لان هادي مش بيحبه وبيحقد عليه لانه دايما متفوق عليه في شغله

حارث: مفيش داعي تحضر اكل مش هيجي

جابر : شكله هو الي ع الباب

وبالفعل هادي دخل وسلم ع جابر بحراره وع حارث سلام عادي وقعدوا ع السفره وبدأ هادي ياكل بحماس

حارث بصله بغيظ: هو انت ماكلتش حاجه طول اليوم

هادي بحقد: مقدرش اكل كتير زيك اصلك ابن ناس من فوق , وانا ابن ناس تحت , والاكل عندي له قيمه كبيره ومينفعش يتحط قدامي واسيبه, زائد انا مش مكسوف منك

جابر : السلطه جاهزه معلش اتاخرت شويه

حارث لهادي: خلص اكلك وقوم امشي فورا

هادي : عم جابر شكلي هاجي هنا كتير, الاكل الي بتطبخه حلو اوي

جابر: تشرف وتنور يابني

حارث بصله بغيظ ورجع بص لهادي واخد طبق سلطه ياكل فيه

جابر لحارث :دوق البطاطس

حارث مكشر:مش عايز

جابر :طيب دوق لسان العصفور عملتها عشانك

حارث وهو بيقوم من مكانه:مليش نفس

جابر دخل وراه غرفه المكتب وقاله بأرتباك: يابني انت مأكلتش الاسلطه معقول شبعت

حارث: مشبعتش

جابر: اكيد هروح اغرفلك واجبلك صنيه لحد هنا استني دقيقه

حارث: مش عايز حاجه منك, فيه مطعم هروح اكل فيه روح انت رحب بضيفك اللذيذ

جابر بينه وبين نفسه: هو ماله مش طايق الجدع من ساعه ما دخل

..........قصص منه محمد كاتب...........

حارث ركب الموتسكل وراح للمطعم الي شغاله فيه جمره لمح عماد لف وراح له وهو اتخض

حارث: ازيك يا عمده

عماد وشه جاب الوان وبتوتر: حارث

حارث: بتعمل ايه هنا , وانت بيتك بعيد عن المكان

عماد ارتبك وملامح وشه واضح انها متاخده : اه اصل جاي هنا

حارث: عشان تاكل في المطعم

عماد: اه اكل اصل سمعت انهم بيعمله اكل حلو جدا , ومشهور كمان , وكمان سمعت انك عشت هنا , ده بجد انت ساكن قريب

حارث بهدوء: ايوه اخدت شقه قريبه من القسم , ياتري اكلت ولا ندخل وناكل سوي

عماد : لا مفيش داعي انا اكلت من بدري , اتفضل انت ادخل متشغلش نفسك بيا ,وانا همشي اشوفك بعدين

حارث شك لكنه محطش كتير في باله ودخل المطعم وطلب الاكل وانتبه لما المدير نداه اسم جمره تجيب شوك وملاعق حارث لما شافها اتكد ان ليها علاقه مع عماد وقرر يواجها وفضل قاعد منتظرها لحد ما تنهي شغلها وطلعت فتحت تلفونها لقت عمادبعتلها رساله انه اضطر يمشي لما جاله ظرف طارئ ورجع البيت وهي بتحط الموبيل في الشنطه لقت الي داخل فيها بموتسكل

جمره بشخط: ايه مش شايفني خوفتني انت ظابط ولا حرامي

حارث :ليه اتوترتي كده , انا جاي اقولك ان الشخص الي مستنياه رجع بيته من بدري

جمره :مين هو , انت مختل

حارث :عماد مش كدا

جمره : انت عارف عماد كمان

حارث: يعني فعلا مستنياه , رجع البيت , اصله اتفاجئ بوجودي هنا

جمره :ليه هو انت عفريت

حارث: انا اسوء من العفريت, انا الاخ الكبير للبنت الي هيتجوزها عماد

جمره ضحكت: مش مستغربه ليه رجع البيت

حارث : يعني مش همك

جمره :ليه هخاف منك مثلا

حارث : لازم تخافي , وهتكلم معاكي بشكل مباشر , عماد هيتجوز اختي ابعدي عنه وبطلي تجري وراه

جمره :انا

حارث :امال انا , انا عرفت انك بتدرسي وبتشتغلي بجد, اهتمي بمستقبلك مش

جمره قطعته بشده : مش ايه اسمع انا مش بجري وري حد , ولا عايزه ابقي عشيقه ,مش ده قصدك

حارث :معني كلامك انك معترفه باافعالك المخزيه , وانك انتي وهو ع علاقه مع بعض

جمره : ايوه ع علاقه بس عمره ما خليته يمسك ايدي

حارث: لما كدا ليه بتتصرفي بالاسلوب ده

جمره بقهر: اصل يا بيه الي زي معندهاش اختيارات كتير فاليه متصرفش بالاسلوب ده, بس لو عايزني ابعد عن عماد وانفصل عنه ليه متهتمش بيا بداله , انا اه مش غنيه عشان البهوات يهتموا بيا كتير وعايشه في اوضه صغيره جدا وبشتغل ليل مع نهار وبعمل كل حاجه وسعري مش غالي , وبما اننا نعرف بعض هحط عماد خصم ليك , ها تحب ولو مردتش هاخد بعضي وامشي حالا , ها هتهتم بيا اظن عجباك

حارث بصلها من فوق لتحت وسابها ومشي وهي عيونها رغرغت بالدموع

...............قصص منه محمد كاتب...............

في شقه حارث حدف نفسه ع السرير وحط ايده تحت دماغه وقال :ايه البت دي تطلب مني بكل بجاحه اهتم بيها مختله , بس لو عشيقه لعماد ليه واقفه تغسل صحون امر يحير

_باك

الست بصوت عالي : عيله لسه عمرها تسع سنين وتفكر تسرق , ازاي قطعتي شنطتي قولي للظابط ليه ساكته , اتكلمي ليه ساكته انطقي

حارث طلع ع صوتها العالي وقالها : ممكن تهدئي ايه الموضوع

الصول: المتهمه مش عايزه تعترف انها سرقت شنطتها

حارث : تمام سيب لي الموضوع ده

الست : ياحضره الظابط البت دي قطعت شنطتي

حارث قعد وبصلها بوش جامد : عارف الموضوع , بس مين الي قطعلها هدومها بالشكل ده

الست بنفس اسلوبها ونبره الصوت العالي : انا الي جايه اشتكي هنا لان الحراميه دي انت عايزه تهرب ,وانا شدتها وهدومها اتقطعت

جمره صوتها مخنوق بالدموع: ما تتكلمي عدل مين دي الحراميه

الست : انتي طبعا عيله سنها صغير واتعلمتي تبقي حراميه , وهطبطب عليكي لما تقطعي شنطتي وتسرقيني شايف ياحضره الظابط دي شنطتي قبل ما اطلع من الييت مكنش فيها خدش واحد

الصول :فعلا لما مسكت الحراميه شنطتها لقتها مقطوعه من كل حته

جمره: محدش يقول عليا حراميه

الست: لو مكنتش حراميه امال نسميكي ايه

حارث بص للعسكري: روحت للمكان الي حصلت فيه الواقعه

الصول : ملقتش حاجه غير محفظه الست, واقعه ع الارض

حارث نقر بصوابعه ع المكتب وقال: اممم يعني ملقتش اي اداه تثبت قطع الشنطه

العسكري : لا ملقتش اي حاجه

جمره بنفعال عليه: ازاي يلاقي , وانا معملتش حاجه

حارث لف بعيونه في الشنطه وقال: يعني لا فيه موس قطر سكينه تقطع الشنطه , والفتحات في شنطتك تقدر تتشاف بوضوح , ودي اتفكت بسبب خياطه الشنطه نفسها شايفه الخيط

الست خطفت من ايده الشنطه:خلاص يا حضره الظابط

جمره بشخط فيها: ماتسبيه يشوف الحقيقه

الست : سواء الحقيقه ولا لاء انتي مالك , حتي لو طلعتي منها النهارده بكره هتتمسكي بالاكبر واظن حالتك توضح انك متشرده , وخلاص مش هعمل فيكي بلاغ همشي

جمره قامت طلعت من القسم ذليله منكسره لقت الدنيا بتمطر طلعت وقفت قدام القسم لقت اتنين بيبصولها وعايزين ياخدوها وحارث طلع يبصلهم خافوا منه ومشيوا

حارث بعطف: ادخلي جوه ع ما الدنيا تبطل يله

جمره : انت ناوي تحبسني مش كده

حارث: لما تقريبا معملتيش حاجه غلط ليه احبسك

جمره: تقرييا لاء معلش مش داخله

: لاء مش هشغل دماغي بيها, انام احسن

.............قصص منه محمد كاتب.........

جمره طالعه من المدرسه وماشيه فوق الكوبري لقت طفل قاعد مقرفص ونايم صعب عليها جدا طلعت فلوس تحطهاله الولد رفع عينه يشكرها

جمره وسعت عيونها من الصدمه: نهار اسود ابراهيم ليه مروحتش المدرسه , ومين طلب منك تقعد تشحت امك عارفه رد عليا قوم معايا

راجل ما قرب عليها: استني انتي واخده الواد ورايحه بيه ع فين

جمره جن جنونها : ده ابن اختي اكيد انت الي مشغله

الشخص الي واخد الولد يشغله : انتي بتقولي ايه انا شوفتك , بتاخديه جيت اسئل بس , و

كويس انه طلع ابن اختك تقدري تحلي مشكلته لوحدك

جمره اخدت الولد وطلعت بيه ع القسم وداخله كأنها بتستوعب وايديها تترعش من الانفعال وشافها هادي وحارث

جمره: حضره الرائد ممكن اتكلم معاك ع انفراد لحظه

هادي اخدها ع مكتبه تحت نظرات حارث ودخلت المكتب وحكت له كل حاجه

هادي: طيب وجايه تتهمي مين؟!

جمره اخدت نفس واتنهدت بقوه : معرفش مين الي المفروض ابلع عنه, خايفه الامر يكبر ومش عايزه حد في البيت يعرف بالي حصل كمان, ابراهيم قول لحضره الظابط مين الي اخدك تشحت انطق يابني انت عارف كان ممكن يعمل فيك ايه يقطع رجلك ولا ايدك , انا وامك هنعيش ازاي اتكلم متخافيش يله قول

هادي :جمره مش كده اهدئ , مش طريقه تتعاملي مع طفل خايف ها ياحبيبي مين الي اخدك الكوبري هناك وطلب منك تتسول مش انت عايز تبقي ظابط

ابراهيم مسح دموعه وهو بيهز دماغه وهادي مد له ايده واخده قعده ع الكرسي ولبسه الكاب

هادي: ها ايه الحال انت قاعد هنا وكأنك ظابط بحق وحقيقي وعشان تكون ظابط لازم تقول الحقيقه يله قولي مين اخدك تتسول هناك

ابراهيم ببكاء: جدي الي اخدني هناك

جمره لطمت : نهار ازرق جدك قوم نتكلم معاه

هادي: مش كدا ياجمره اهدي واستنيني دقيقه بره هتكلم مع ابراهيم بيني وبينه

...............قصص منه محمد كاتب........

جمره طلعت وقفت بره وهي ع اخيرها نفسها تنتقم من ابوها وحارث خارج وماشي هي تخيلت ان عربيه هتخبطه وبدون اي تفكير جريت عليه اخدته في حضنها

حارث زقها عنه بسرعه: فيه انتي مجنونه ولا دي طريقه للتحرش

جمره: تحرش ايه انا شوفت العربيه هتخبطك لحقتك

حارث قالها بدون نفس : انا كنت معدي الطريق وانتي سحبتيني في حضنك بالشكل ده لو مش عشان تغريني اسميه ايه

جمره: سميه زي ما تسميه عندي متفرقش

حارث سكت للحظه ثم قال : ع العموم انا موافق اهتم بيكي عشان تبعدي خالص عن عماد

جمره: يعني معندكش مانع لده

حارث بتحذير : بحذرك اخر مره ياجمره تصرفاتك بالشكل ده مش هتخليكي بنت محترمه ده غير هتبوظي سمعتك

جمره حاولت تخفي وجعها جواها بعلامات جمود مصطنعه: وانت مفكرني مهتمه بشكلي , انا اتخلقت في الحياه اكل واشتغل عشان اصرف ع نفسي , اما بقي شكلي يبقي عامل ازاي دي مشكله الناس الاغنياء الي زيك

حارث : قيمه البني ادم مش بالفلوس

جمره: بتتكلم كده عشان كل نعم الحياه متاحه قدامك , جرب متلقيش الي تاكله وبعدها تعال اتكلم طبيعه اللانسان عايز ياخد كل حاجه ويقعد ويبقي حواليه ناس بتخدمه وتهتم بيه , مين فينا مش عايز ده ولو كانت قيمه الانسان مش بالفلوس مكنتش طلعت ظابط واستخدمت علاقتك عشان توصل وتبقي مقدم

حارث بصوت خشن : الزمي حدودك والا

جمره: والا ايه هتقبض عليا بتهمه التشهير , اتفضل اصل الكلام الي بيخرج من الناس الغلابه ملوش اي قيمه , وقدام علاقاتك القويه مقدرش اعمل اي حاجه , وعشان كدا مترجعش تقول ان فيه ناس متتقدرش بالفلوس

جمره بتتخانق مع ست في الحاره لقت واحد قاعد جنبها وبيضحك عليها

جمره بصتله: هو ممكن اسالك انت قاعد وعمال تضحك , بتضحك عليا

جعفر: انا قاعد هنا استريح من الشقا وبتضحك ع اسلوبك مع الناس

جمره: هو انت جيت شارعنا قريب ,عمري ما شوفتك قبل كده

جعفر: انا بقالي فتره فيه مصنع لتدوير المخلفات ,بروح ابيع لهم الحاجات القديمه الي بلمها

جمره: قصدك مصنع المرشدي الي اتبني ع اخر الشارع , يعني انت ساكن في منطقتنا هنا

جعفر: ايوه مأجر اوضه وبطلع استرزق انا ماشي تحبي اوصلك

جمره: لاء انا هقعد اكل واشرب الاول شاي ما تيجي تاكل ونشرب سوي

جعفر: اكلهم حلو

جمره: حلو اوي يله انا عزماك ع حسابي

جعفر: تسلمي يا رب

جمره: بس اسمك ايه

جعفر: اسمي جعفر وانتي اسمك ايه

جمره: اسمي جمره

جعفر مثل القرفه وقال بصدمه : اسمك ايه

...................قصص منه محمد كاتب...........

دخل زي المجنون يضرب ويكسر في كل حاجه وزقها وقعها ع الارض

ريم وقفت قدامه ببكاء: ابوس ايدك متأذيش امي

ابوها: لو مش عايزه تتأذي اديني فلوس بسرعه

اعتماد: معيش فلوس

ابوها رفع ايده وصرخ في وشها بجنون: بتكدبي

جمره دخلت تجري ع الصوت: متمديش ايدك عليها

ابوها لف بصلها: جمره مش انتي يابت الحرام قولت لي عمرك ما هتعتبي هنا تاني , ليه رجعتي دلوقت , مش فاكره قلت لك لو شوفت وشك هضربك لحد ما اموتك

جمره زقته لما كان داخل يضربها بحديده وقعته ع الارض وصرخت فيه: متخلنيش اؤذيك كفايه الاحساس الي جوايا ناحيتك

ابوها قام: والله منا سيابك

اعتماد: يا راجل حرام عليك سيبها وانتي ياجمره امشي متدخليش عايز فلوس مش ده كل الي يهمك

جمره: اياك تديلو حاجه وكويس انه هنا عشان عايزه اساله هو انت لسه من البشر عشان تاخد حفيدك تخليه يشحت من الناس ع الكوبري

اعتماد ضربت ع صدرها: ايه

ابوها مسكها حدفها بره في الشارع وقعت ع دهرها قدام جعفر وصرخت جامد وابوها طالع يكمل عليها واعتماد وريم مسكوه بقوه!

جمره صرخت بكل قوتها: يله اضرب مفكر الي زي هتمـ وت ع ايد واحد قذر زيك يله اضرب

ابوها بيعافر معاهم وبغضب شديد: انتي بتقوليلي الكلام ده ’ ده انا ابوكي سبوني هخلص عليها

جعفر: اقف قصدي اهدا التعامل مش كده

ابوها بحتقار: وانت مين انت كمان وتعرفها منين , انتم ع علاقه ببعض , هو جوزك مش كده فكرتك هتلاقي واحد احسن مني بس واضح انك اخترتي شحات زيك بالظبط , وانت لو عندك فضول تتحشر همسكك انت وهي وانزل فيكم ضرب

جعفر لقاه داخل عليه بحديده سحب بسرعه من ع التروسكل صنيه زنك قديمه حطها كدرع وابوها جاي يضربه كف ايده اتأذي وصرخ

جعفر: انا اسف مكنش قصدي

ايوها: غور من وشي

ست ما: يعني يا ابو ريم غاوي تعمل مشاكل وانتم يا اهل الحاره هتسبوهم لحد ما يقتلوا بعض

....................قصص منه محمد كاتب...............

خارجه من الكليه الي دخلتها بمنحه دراسيه لتفوقها ووشها كله كدمات من اثار الضرب

عماد بصلها: مين الي ضربك وبهدلك كده

جمره: مين غيره ابويا

عماد: الراجل ده زودها وانا هقف له , مش هخليه يلمسك حتي

جمره: متشغلش بالك ,جيت هنا في شغل , ولا فيه حاجه مهمه

عماد ابتسملها: انا جيت هنا عشان وحشتيني

جمره كشرت بستياء ووشها اتغير

عماد: بهزر , بجد جيت اقولك خبر حلو رشا راجعه

جمره قالت بفرحه كبيره: رشا اختك راجعه بجد

عماد ضحك: ايوه انتي فرحتي انها راجعه

جمره: وحشتني اوي , بس في الفتره الاخيره مكنتش بترد ع رسايلي خالص , وانت بدل ما كنت تيجي لي لحد هنا ,كنت اتصلت بيا

عماد: لو اتصلت بيكي كنت ازاي هقدر اشوف الفرحه الي ع وشك

في نفس الوقت حارث كان موصل لوجين للجامعة !

حارث: تحبي استناكي لحد ما تخلصي وتدي صاحبتك دعوه الفرح, واوصلك

لوجين: كارت الفرح مش هو السبب الاساسي , جيت هنا اشوف وش الحيه الي اسمها جمره

حارث بتفاجئ: هي في الكليه هنا؟!

لوجين: ايوه وطالما مش ناوي تساعدني هساعد نفسي

حارث: وهترجعي البيت ازاي

لوجين: هرجع مع عماد باي انت

عماد كانت بيحاول يمسك ايد جمره لحد ما لقاه صوت انثوي بينادي : عماد

عماد بعد ايده بسرعه والتفت وراه ناحيه صاحب الصوت وقام من مكانه بخضه: لوجين انتي بتعملي ايه هنا

لوجين رسمت ابتسامه مصطنعه: جيت اعزم عميده الكليه فاتن صاحبتي الانتيم, فاتن ده عماد خطيبي وهيبقي جوزي كمان يومين

فاتن بأبتسامه: اهلا يا عماد ,انت,احلي من الصوره ولايقين ع بعض

لوجين كلبشت في دراع عماد ومبتسمه وقالت: ميرسي يا روحي , ومين البنت دي ياعماد

عماد ارتبك قال: اه دي جمره صاحبه رشا من زمان

لوجين بصتلها: انتي صاحبه رشا فرحت بمقابلتك وواضح انك قريبه من رشا بدليل عماد جه يدور عليكي هنا

عماد: اه جيت عشان ابلغها ان رشا راجعه من لندن

لوجين: وانت معندكش موبيل ,بس اتس وكيه انا واثقه فيك , وبما انك صاحبه رشا بقيتي زي اختي ,فاتن خدي بالك عليها من فضلك عماد

عماد: نعم

لوجين: مجتش بالعربيه تعال وصلني البيت ,من حظي اني قابلتك هنا

عماد: اه يله

لوجين بتسحبه: يله خلينا نمشي

فاتن بصت لجمره وقالت: جمره انتي طالبه مجتهده وواخده منحه تكملي في الكليه ودرجاتك هايله كمان ولو استمريتي ع كدا هتتخرجي وتبقي حاجه في المجتمع غير انا عارفه بظروفك العائليه وانك بتشغلي جنب المذاكره بس المشكله ان شغلك لحد الليل هيأثر علي مستواكي الدراسي كتير وغير سمعتك هضري الحرم الجماعي , طلاب كتير نفسهم ياخدوا منحه زيك متخلنيش اعيد النظر بخصوص منحتك تاني

جمره لئلئت الدموع في عدسه عيونها وفهمت ان اكيد لوجين وصت عليها جامد تتحط تحت الميكرسكوب

...........قصص منه محمد كاتب.............

طلعت من الدرس بعد الشغل مشت السكه منتظره الاتوبيس ومعاها كتابها في حضنها عقلها هناك في عالم تاني ,كان هو واقف بعربيته يبص للبنات الي واقفه ع الرصيف بتبيع نفسها بصلهم لقاهم وحشين رجع بصلها وبص لجمالها الي خطفه. لكن مركزش خالص انها واقفه موجوعه من كتر الضرب ودموعها سيول ع خدودها مش مركزه مين رايح ومين الي جاي واقفه تايهه في اسلوب ابوها الغير ادمي معاها لحد ما سمعت حد بيبيسبس بصتله بتعجب

الشخص شاورلها: بقولك ايه قربي هنا عايز اسالك عن حاجه

جمره قربت ببلاهه من العربيه وقالت له بحذر شديد: تسالني عن ايه

الشخص: تحبي تقضي الليله معايا

جمره : ايه

الشخص بفراغ صبر: عايزه ولا لاء

جمره بساذجه : انت هتاخدني ع فين

الشخص: لو عايزه تروحي اركبي العربيه

جمره: مش لما اعرف الاول انت رايح ع فين

الشخص: ياستي هنروح اي مكان سوي

جمره: لما استعابت مقصده شخطت فيه بحده شديده : وليه اروح معاك انا مش شمال

الشخص لما لقاها بتبعد نزل بسرعه من العربيه ومسكها من ايدها: تعالي هنا لو مش شمال امال ليه واقفه هنا , مش هتعرفي تخدعيني اركبي العربيه , ولو بسطيني هدفعلك مبلغ كبير

جمره صرخت في وشه : سيبني يا مجرم , يا وضيع

الشخص مسك ايدها وشدها بستماته: مش كنتي رايحه تذاكري خلاص اذكرلك انا , وهدفعلك ثلاث اضعاف بس اركبي العربيه بسرعه

جمره بتحاول تجري منه: سيبنيييي

الشخص مسك دراعها بقوه : يابت متستقويش انا بحب المشاكسه الي اعافر معاها بس ع السرير,يله اركبي بسرعه

جمره بتحاول تشد ايدها منه والراجل بيعافر يدخلها العربيه لقاه الي مسك ايده وزقه بعده عنها

الشخص: مين انت انا شوفتها قبلك

حارث: البنت قالت لك مش عايزه

الشخص: وليه مش عايزه دي مراتي ليه تتدخل بين واحد ومراته

جمره: ده كداب

حارث بسخريه: هي مراتك بس غريبه فكرتها مراتي انا

الشخص بخوف: البت دي

حارث قطعه بصوته الغاضب: مسمهاش بت , ومتتكلمش عنها بالشكل ده

الشخص : طيب بما ان البنت دي مراتك ايه الي موقفها هنا

حارث: اصل جوزها مش راجل عادي ده ظابط شرطه واخدت رقم عربيتك واتهمتك بالتحرش ودلوقت يله بينا ع القسم , ولو هربت هقبض عليك بنفسي

الراجل ركب عربيته وانطلق بيها بسرعه وحارث ساب ايد جمره وبيلف يزعقلها لقاها بتعيط بصوت مكتوم مقدرش ينطق بكلمه من منظرها لانه اتأكد ان دموعها وراها كسره محدش يحسها ولا عمره هيفهمها اخدها معاه في عربيته

جمره: شكرا انك وقفت وساعدتني

حارث: هو انا ممكن اسالك سؤال ,انتي مين بجد

جمره: انا ممكن اكون اي شئ بس مش زي ما مفكر انت

حارث : لو انتي مش كده ليه واقفه في المكان المشبوه ده ,وبالليل ,انتي عارفه ان المكان للشمال

جمره صرخت فيه :انا مش ببيع نفسي ,وكنت راجعه من الكليه وفجاه

حارث اخد بريك مفاجئ وبسرعه مسك وشها وبصلها: ليه وشك متخرشم كده

جمره بنفعال:انضربت ارتاحت

حارث بص قدام: ومين السافل الي عمل فيكي كده

جمره حست بالدموع حرقت عيونها فدارت وشها الناحيه التانيه وردت بقهره: ابويا

حارث: ابوكي

جمره بتفتح الباب: هنزل هنا يبشا, ومتشكره ع التوصيله

حارث طلع بالعربيه لحد ماركن في مكان تاني ومسك ايدها لبسها الكلبشات في تاره العربيه

جمره بصدمه : انت بتعمل ايه قلت لك انا مش شمال

حارث: لما انتي مش كدا امال ليه طلبتي مني اهتم بيكي

جمره: سيبني انت اتجننت

حارث :افضلي هنا وخليكي عاقله بلاش تصرفات جنان

جمره : انت الي مجنون , ليه لبستني الكلبشات في ايدي كدا, انت ارجع هنا حالا , انت اسوء ظابط انا شوفته, ارجع يا بلطجي , اعمل ايه انا دلوقت افك ايدي ازاي

حارث رجع وفتح الباب ودخل قعد وفك الكلبشات من ايدها من غير ما يبصلها

جمره : هو انت عشان ظابط من حقك تعمل الي ع مزاجك للمواطنين انت معتوه

حارث حدف عليها كيس وقال : نضفي جرحك يله, اظن تعرفي لوحدك مش كده

جمره اتحرجت منه وبصت لقدام وهي مستائه من معاملته الفاظه معاها

حارث: يله اتعاملي دلوقت , وبعدها هوصلك للبيت

جمره :مفيش لزوم نزلني هنا

حارث: هو مش ممكن تجادليني ليوم واحد بس , اذا سمحتي خدي ده لدماغك امسحيه بيه

جمره : الي ضربني مش من باقيه اهلك, ليه تتحمل مسؤليتي

حارث :هو انتي لو وقفتي كلام لمده دقايق هتموتي قابلتي عماد اليوم

جمره : طبعا قابلته وواجهت مشكله كبيره بس عرفت ازاي

حارث :احكيلي ايه الي حصل معاكي

جمره : ابدا حاجه بسيطه هخسر المنحه الي اخدتها ,ولو معيش فلوس هبقي بنت ليل اكيد

حارث بغيظ: لو بطلتي تقابلي عماد ده مش هيحصل

جمره :خلاص روح انت كلمه يبعد عني ,ويبطل يقابلني

حارث: بسيطه لما يجي يقابلك ارفضي

جمره بجديه: انا مدينه لعماد بمعروف كبير, لايمكن اقدر اعمل كده يبشا ,يمكن انت متقدرش تفهم كلامي انك تكون مديون لشخص بجميل عمله ناحيتك

حارث مسك وشها وسحب منها القطنه وقالها : تعالي يله انا هعقملك

جمره :اه براحه شويه

حارث مسك وشها بقوه: بصيلي هنا

جمره قربت منه وقعدت تمثال لحد ما عقملها الجرح وحط لازق طبي وسرح في جمالها وخاف يضعف ويبوسها

حارث مره واحده زقها في كتفها بدفاشه : خلصت اقعدي عدل , فين بيتك قوليلي يله هوصلك لحد هناك

جمره قالت له العنوان ونزلت وشكرته وهو قالها :استني

جمره لفت له : عايز ايه

حارث :متنسيش تحطي مرهم ع وشك

جمره : عارفه وده مجرد جرح صغير

حارث: استني

جمره بنفاذ صبر :عايزه ايه تاني

حارث ابتسملها بمرح: خلاص تقدري تمشي

جمره لفت وابتسمت وجعفر شافها وحس انهم مقريبن من بعض وبكده هدفه بقي سهل كونه يوصلها لحد بيتها وقرر يبدأ مهمته من خلالها!!

.........قصص منه محمد كاتب...........

في اتاليه لفساتين الزفاف

لوجين :صاحبه المكان ده صاحبتي, ومصممه مشهوره جدا يا حارث , بتجيب القماش من بلاد بره وبالنسبه لفستان فرحي هتصممه مخصوص عشان قريبين من بعض جدا ,والاجمل من كده ان صاحبتي جميله جدا اياك تعاكسها قدامي مفهوم

حارث ضحك: مفهوم

مديره الاعمال :انسه شوشت في طريقها وجايه

لوجين: تمام

حارث :لوجي هي صاحبتك اسمها ايه

لوجين: شوشت المرشدي ليه انت تعرفها

شوشت دخلت مبتسمه: هاي يا جماعه

حارث بصلها وعرفها وقفل ملامحه بستياء

شوشت قربت عليه : هاي حارث _باسته من خده_ مبسوطه اني قابلتك

لوجين بسعاده :ايه ده انتم تعرفوا بعض

شوشت بصتله :من زمان كنا بنحب بعض

لوجين : مش قادره اصدق ان حارث وشوشت حبوا بعض قبل كده انتم تحكولي القصه من اولها قولولي كل حاجه بالتفصيل , عايزه بجد اعرف

شوشت ابتسمت : ايه التفاصيل الي عايزه تعرفيها

لوجين : كل حاجه عايزه اعرف عن غراميات حارث

حارث : لوجي لو عايزه تعرفي عني حاجه تساليني , احنا اتقابلنا في امريكا واتوعدنا لفتره بس اتسحبت من العلاقه مكنش بينا اي شئء عميق , سوري هروح الحمام

لوجين: استني هي دي النهايه ليه اختصرها بالشكل ده ,شوشت انتي قوليلي

شوشت بضيق: معني انه متكلمش معاكي يبقي اعتبرها مساله شخصيه

لوجين كشرت: ايه الرخامه بتاعتكم دي ,انا هاكل احسن

........قصص منه محمد كاتب............

دخلوا القسم شاف عمه خارج مع اللواء

حارث : فاتح بشا بنفسه هنا

فاتح بتواضع: لا انا عمك هنا كنت بوصي سياده اللواء عنك

اللواء: انا تحت امرك حارث بعتبره ابني

فاتح : تسلم يارب اتفضل روح كمل شغلك مش عايزين نعطلك

لوجين: فيه حاجه يا بابي

فاتح: لا جيت اخدك كفايه ازعجتي اخوكي وعطلتيه عن شغله

لوجين بضحكه : اظن ده واجب اخو العروسه الكبير ناحيه اخته , وتعرف ان ابنك سرق مني الاضواء , تعرف المصممه الي بتفصلي فستان فرحي كانت حبيبه حارث القديمه

حارث: لوجين

لوجين: لانك طول عمرك بتحب البنات ,فخليك حذر خلال فرحي مش هتقدر ترجع الوقت القديم

فاتح: المصممه الي بتعمل فستانك اسمها شوشت المرشدي مش كده

لوجين: ايوه انت فاكر اسمها

فاتح : طبعا فاكر البنت الوحيده لمجموعه منصور المرشدي , عيلتها مأثره في البلد

لوجين: ايوه فعلا ,ياريت شوشت تاخد حارث وتعرفه بنفسها علي والدها

.......قصص منه محمد كاتب.............

طالعه من الجامعه لقت عربيه بيضاء كبيره جدا واحدث موديل وقفت وحد فيها شدها جواها

جمره بصدمه :عم جعفر انت سرقت المصنع

جعفر: اسمعي انا عايزك في امر مهم جدا , ولازم اقلهولك

جمره: انت مين وايه الي عايز تعمله فيا , لا انت شوفتني بنت فقيره طمعت فيا , بس انا اقدر ادافع كويس عن نفسي , انا الاول كنت بعطف عليك لما شوفتك راجل غلبان بتبيع روبابكيا كل الي عايز تقوله يله قوله وخالي بالك اي حركه هرقدك في المستشفي , متلومنيش انا حذرتك

جعفر ضحك: انتي مخيبتيش ظني ابدا ,اسمعيني كويس انا ظابط

جمره بفزع: نهار اسود وقف العربيه

جعفر مسكها: اهدي مالك

جمره :بقولك وقف

جعفر: انا مش جايبك هنا امسكك ابدا ولا احبسك

جمره : يعني مش هتاخدني عشان بتخانق واشتم الناس

جعفر ضحك جامد وقالها: مش هاخدك عشان بتتخانقي مع كل الناس. انا عندي مشكله اكبر واهم من كل افعالك اهدي واقعدي

جمره بتحذير:انت وعدتني افتكر

جعفر :فاكر اطلع يابني ع المزرعه

...........قصص منه محمد كاتب..............

في المزرعه

جمره : انت جايبني هنا ليه قول وبسرعه

جعفر : عشان نتكلم براحتنا اتفضلي اساليني كل الاسئله الي عايزها وانا هجاوب

جمره بحذر: انت مين

جعفر : عقيد شرطه ,وعندي مهمه في الحي الي عايشه فيه , اقعدي الاول

جمره سحبت كرسي وقعدت: مهمه ايه

جعفر: الاول انتي عرفتي انا مين , هتروحي تقولي لحد عني

جمره: لا ء ياعم قصدي ساعده البشا , اصلي مش متاكده لو روحت قلت عنك اهل الحاره هيصدقوني وده ميخصنيش

جعفر :تبقي تقوليلي ياعم جعفر كالعاده

جمره : يعني اخد راحتي واسال ياعم جعفر

جعفر :اسالي بقلب جامد

جمره : انت فعلا عقيد شرطه بحق وحقيقي , بس ليه خفيت نفسك بالشكل ده ليه مبعتش حد بدالك

جعفر بجديه: محدش ينفع للمهمه دي غيري , اي حد هيروح هيشكوا فيه, اما انا راجل عجوز بيبع خرده محدش يشك ابدا انه ظابط سري , تعرفي منصور المرشدي الشخص ده هدفنا انا قربتك مني بالشكل الكافي لكن ازاي اقدر اثق فيكي

جمره : رغم انا بنت فقيره بس مش وضيعه ياعم , وانا كمان مش بطيق الي اسمه منصور المرشدي

جعفر: انا متاكد من كده بس الي بيعمله اكتر اهميه من اعجابك بيه الراجل ده بيشتغل في كل خاجه وفاتح المصنع ستار لانه بيروج المخدرات للشباب وده له تاثير خطير ع البلد شبكه كبيره والي بيحميه وزراء ورجاله في الدخليه

جمره : انت ليه بتتكلم كلام كبير, انا كل الي اعرفه ان شخص وحش بس مكنتش اعرف ان مشاكله بالحجم ده وبعد ما سمعت كلامك انا برضو مش فاهمه دوري ايه

جعفر : هقولك بس الشغل ده كله مخاطر لان اعدائنا حوالينا وفي كل مره بنخطط نوقعه فيها بيعرف الخطه قبل ما نوصله وانا مبقتش بثق في حد فاهمه الي عايز اقوله

جمره: ايوه اكيد حاسس بالخيانه بس انت برضو ليه بتكلمني عن الاسرار دي

جعفر: عشان عايزك تشتغلي معانا

جمره: ايه بتقول ايه ياعم جعفر اشتغل ايه

جعفر: عايزك تكوني مخبر سري لينا

جمره مره واحده طلعت تجري منه ورجالته مسكوها ورجعوها وقالت: انا مقدرش اعمل كده دي شغله مسؤل في البلد, انا اساعدك اذا كان مش قادره اعيش ع وش الدنيا لوحدي فسبني امشي بالحسني

جعفر:انا عايزك تفضلي زي ما انتي تغسلي صحون وهنديلك بضاعه تبعيها للبيوت عايز معلومات توقع منصور بكل الي معاه مش تهربي

جمره: معلومات ايه يا عم انت, انت اتجننت ولا بتخاطب متخلفه عقليا ولا بتستخف بعقلي , انا امي اعتماد اتقبض عليها من غير اي ذنب نتك ع العقل شويه

جعفر: وكل ده حصل بسبب الظابط حارث حب يثبت نفسه , ورأي الشاب ده غير عادي

جمره: انت من الاخر عايز ايه مني عشان افهم

جعفر:تبقي مخبر وتمديني بمعلومات ,وعايزك تدخلي البيوت وتعملي لنفسك زباين وتاخدي فلوس

جمره: يمين بالله انا خايفه

جعفر: انا معاكي مفيش داعي للخوف رجالتي كتيرحواليكي في كل مكان , تحسبا لـ اي خطر

..............قصص منه محمد كاتب...........

يوم جديد خلصت شغلها وطالعه لقته واقف قدام المطعم

عماد مبتسم: عامله ايه ياجمره اليوم كان متعب ولا عادي

جمره بضيق: متعب شويه

عماد: يله نتمشي شويه ونقعد في اي مكان

جمره: ملوش لزوم عماد انا شايفه مفيش لزوم تيجي توصلني بعد كده هرجع البيت لوحدي همشي سلام

حارث كان قاعد من بعيد بيراقبها وفرح جدا انها بدئت تصد عماد وسابته ومشت! وطلع وراها

حارث: لما جه ياخدك ليه مروحتيش في عربيته لحد البيت

جمره لفت بصتله: هو انت فجأتني

حارث ابتسم: مالك كل مره بشوفك فيها بتبقي متوتره زياده

جمره مسكت الموتسكل توقفه وقالت: اصل انت مش بتعرف تتعامل بـاللين وبساطة السلوك زي غيرك

حارث: تقصدي ايه اقف بعربيه احدث موديل واستني جنابك لحد ما تخرجي

جمره : والله احساس حلو جدا

حارث بفضول :طيب ليه مركبتيش معاه

جمره: مش انت قلت لي ابعد عنه ولما يجي ارفض يوصلني

حارث رفع حاجب : وهو انتي مطيعه وبتسمعي الكلام للدرجه

جمره وقفت وبجديه : عشان مش عايزه احط نفسي في مشاكل اكتر, وكويس اني شوفتك عشان اقولك ع حاجه كده ,وبتكلم بصراحه انا مجرد بنت عارفه قيمتي ووضعي كويس عايشه في حي فقير وانت وقريب عماد ممكن تسبوني في حالي اكمل طريقي الي حلمت بيه ومن فضلك روح بنفسك بلغ اختك تتجوز عماد حالا وتبطل تزعجني مره تانيه انا عايزه اتخرج بسرعه واشتغل بشهادتي محتاجه كل مليم فمن فضلك ابعدوا عني

حارث ربع ايده وفضل يبصلها

جمره: مالك مبحلق فيا كده ايه مشفتش واحده حلوه قبل كده

حارث: مين قال انك اصلا حلوه, ها جروحك خفت

جمره: خفت اصل بشرتي طخينه بس ايه هتفضل ماشي بالموتسكل ورايا , ولا عايز توصلني البيت اقعد عادي وراك

حارث: لاْ بيتي من الطريق ده واطمنت ان جروحك خفت همشي

جمره بصوت عالي: انت راجل مجنون , والله مجنون

............قصص منه محمد كاتب...............

حارث رجع البيت وحط كيس قدامه: عم جابر اشترتلك الاكل ده ليك

جابر : شكلك بقيت تحب تاكل في المطعم ده كتير , ومبقتش تاكل في البيت الفتره الاخيره

حارث: عم جابر ياتري حبيت قبل كده

جابر: طبعا حبيت المرحومه الله يرحمها كانت اول ست احبها ومحبتش ست بعدها

حارث: طيب لو عندك بنت في السر تعمل ايه

جابر بنظره كلها استغراب : مالك يابني انت اكلت ايه , ازاي يبقي عندي بنت في السر ,انا اساسا مخلفتش

حارث: ممكن اسالك سؤال

جابر: اه اتفضل

حارث: لو عندك بنت صغيره هتسيبها تسكن في اوضه متأجره

جابر: طبعا لا يمكن لو عندي بنت احطها جوه عيوني ,واخاف واحافظ عليها من النسمه

حارث: ومش هتسمح تغسل صحون تاني

جابر: طبعا مستحيل اسيبها تتبهدل , منا لو سبتها تواجهه كل الصعوبات دي يبقي فين اهتمامي بيها

حارث: مستحيل تسيبها صح

جابر :طبعا علشان كمان ميطمعش فيها الي في قلوبهم مرض

حارث طبطب ع كتفه: بس خلاص شكرا ياعم جابر

جابر تابعه وهو ماشي وقال بتعجب: جراله ايه

................قصص منه محمد كاتب.................

في القسم

جمره للعساكر: انا ماشيه وزي ما اتفاقنا هاجي كمان اسبوع اخد الفلوس

عسكري: ما تخليها اسبوعين نكون قبضنا

جمره: لا انت عارف انا محتاجه لكل قرش

العسكري: ده انتي قرده ومحتاله ونصابه

جمره: اياك تقول عليا محتاله تقدر تعتبرني سيده اعمال صغيره كدا هيكون التعامل بينا اسهل

العسكري: طيب ياريت متخلنيش امسكك متلبسه وارميكي في الحبس

جمره: طيب ابقي اشوفك بتشرب شاي عندنا في القهوه

العسكري طلع يجري وراها ويطلب منها تنتظره وهي بتجري منه ع السلم!

حارث طالع ع السلم شافها: ايه المشكله اليوم

جمره: ايا كانت المشكله خلاص انتهت ومش هنتكلم عنها من اول وجديد

حارث بهزار وألش : لو انتهت اتفضلي امشي , اما لو فضلتي هاخدك ارميك في القفص

جمره: نفسي مره تتكلم معايا بظرف, بلاش الزقه دي ياحارث بشا

حارث بصلها وابتسم وكمل طريقه

.........قصص منه محمد كاتب...................

قدام بيت منصور واقفين يعبيوا هي وهو الكراتين القديمه

جمره: معقول ياعم جعفر مش قادره اصدق تبقي عقيد ,وتخبي نفسك بالشكل ده

جعفر : بتشوفي الاخبار اوقات الشرطه بيتنكروا في زي حريمي في المواصلات شوفتي ده

جمره ضحكت :والله دي حاجه مسخره خالص ,معقول تبقي عقيد واصدق كلامك ده

جعفر بجديه: في بلدنا ولا في اي بلد في العالم فيه ناس مستعده تعمل اي حاجه عشان تحمي وطنها وعشان تمسكي المجرمين لازم تحطي خطه كبيره اكتر من المجرمين نفسهم

جمره :هو حلو بس انا مقدرش اعمل كده الصراحه

جعفر : بس مالك شكلك زعلانه هو فيه حاجه حصلت

جمره اتنهدت: فيه مشكله صغيره ,حذفه اسمي من قايمه المنح في الكليه ,يظهر الشهاده كتير ع الي زي معرفش اجيب مصاريف الكليه منين

جعفر: لو ساعدتيني في شغلي هدفعلك المصاريف وهتاكلي وتلبسي احسن الف مره من غسيل الصحون طول الليل

جمره بفرحه :بجد ياعم جعفر, بس ازاي عرفت اني بغسل صحون , واضح فيه حاجات كتير عارفها عني

جعفر ابتسملها: عارف كتير ولو عايزه تعرفي بخصوص ابوكي اقدر اساعدك

جمره :انا بكره اتجسس ع حد ازاي اقوم اشتغل جاسوسه

جعفر :يابنتي انتي هتساعدي بلدك ضد المجرمين الي خاربين البلد ,ده واجب ع كل فرد فينا اننا نساعد الناس يعيشوا حياتهم بأمن وسلام

جمره : طيب انت قولت لي ان الي بيوصله المعلومات ناس من القسم عندنا , تعرف مين هما رجاله منصور قولي عشان اصدق انك فعلا عايز تساعدني لازم يكون عندي معلومات تحمسني اخد قرار , مين الي بتشك فيه ياعمي قول

اثناء كلامهم سمعوا صوت عربيه ونزل منها بنت لابسه ميني جيب

جمره : دي حلوه اوي مين دي مشفتهاش قبل كده

جعفر :دي تبقي بنت منصور

جمره اتفاجئت لما حارث نزل من العربيه ووقف جنبها ع البوابه

جعفر : ده الظابط الي بشك فيه

.............قصص منه محمد كاتب............

في القسم بعد ما ابوها غاب عنه عقله وضميره ودينه وحاول يتحـ رش بيها لما رفضت انه ياخد ابن اختها يتسول بيه وهجمت عليه ضربته وحطت صوابعها في عينه بكل قوتها

جمره بغضب: ايه الفين جنيه ليه , ده انا مدفعش جنيه ,واضربه معقول هتبتزني وهو الجاني كمان

الصول: انتي كدا هتدفعي غرامه لـ اهانه الشرطه , اقعدي واهمدي كدا هنعمل محضر انك اتعديتي ع ابوكي بالسب والضرب ليه تبقي مجرمه حسني من اسلوبك شويه

جمره: انا مش مجرمه الراجل ده حط ايده ع الهنش عندي الاول

ابوها: انا يابنتي لمست هنشك , هو فيه ياعالم اب يلمس جسم بنته ازاي تتهميني بكده , انا طول عمري بخاف عليكي ازاي تفكري كدا انتي قهرتيني ده انا بحبك

الصول: عايزين ايه دلوقت تعمل محضر , ولا عايزين تفضلوا هنا

ابوها : يرضيك يا حضره الصول تحط صوباعها في عيني , كانت هتعميني وجايز مرجعش اشوف تاني, ده انا حاسس ان دماغي بتلف

جمره :بس كدب دي حركه عشان الناس تتعاطف معاك , ومش هدفعلك ولا مليم مش كفايه اخدت حفيدك وخليته يشحت ورجعت تاخده كمان النهارده وانا منعتك

الصول : هو فعلا اخد حفيده عشان يخليه يتسول

اعتمام دخلت وحطت ايدها ع بؤ جمره: خلاص وقفي تشويه في صوره ابوكي , ومفيش حاجه من دي ياحضره الصول انا هديله الفلوس وخلصونا من الفضايح بسرعه

حارث كان داخل وشاف جمره وناس ملمومه حواليها دخل مكتبه وسال العسكري

حارث :هو فيه ايه

العسكري :خناقه

حارث :ومين الراجل ده

العسكري :ده ابو جمره

حارث :وعارف ايه مشكلتهم

العسكري : كل الي عرفته ان جمره رفضت ابوها ياخد ابن اختها معاه, بس ايه اساس المشكله معرفش, بس الرائد هادي عارف لان جمره جات له مره قبل كده بابن اختها له تحب اتصلك بيه

حارث كشر بضيق : لا روح كمل شغلك

.........قصص منه محمد كاتب...............

خارج من القسم راجع بيته لمحها قاعده وحاطه دماغها ع دكه قرب منها

حارث بغيظ : يعني ده مكان تنامي فيه

جمره رفعت دماغها وبصتله: هو انت مش ممكن تظهرلي زي البشر العاديين , بس انت اصلا استحاله تكون انسان زينا فــ عادي

حارث: ليه مديتي ايدك علي ابوكي بالشكل ده , لدرجه عينه اتورمت وهيقدر يثبت ده في تقرير طبي

جمره رفضت ترد عليه لان معندهاش مساحه تسمع كلامه الفارغ ويزود عليها الالم

حارث تابع: هادي عارف كل حاجه وقابلته وعرفت مشكله ابن اختك, بس فعلا انتي متاكده ان ابوكي سلم ابراهيم لحد يتسول بيه لصالحه

جمره : ايوه متاكده , ولا انت مش مصدقني

حارث: لاء بس فيه اطفال بيتسوله من طلقاء نفسهم يلعبوا يشربوا او بسبب تاني وهو الحر

جمره: الحر !

حارث قعد قدامها: ايوه الحر ممكن اللاطفال تروح تقعد تحت التكيف في محل او مول تجاري ولما الناس بتشوفهم لابسين لبس قديم تعطف عليهم بفلوس ,وبعدها بيبقوا مدمنين ع الشحاته لدرجه عندهم استعداد يعملوا ده تاني وتالت

جمره : انت عايز تقول ايه

حارث بهدوء: عايزك ترجعي البيت وتهتمي بأين اختك, لما الطفل كل يوم يشوف جده وخالته في خناقه بيبقي متعقد ومش عايز يقعد ثانيه في البيت

جمره قامت من مكانها بكل انفعال : عايز تقول ان ابن اختي هو الي راح يشحت بمزاجه فوق الكوبري وكل ده بسببي , وعايزني اقتنع ان كلامك صح اني مذنبه انت فاهم انت بتتهمني بايه ولا بتهزي باي كلام وخلاص هو اسهل حاجه عندك اتهامي كدا , الغلط دايما بيقع ع الفقير ويبقوا مذنبين عشان مش قادرين يعملوا حاجه ,بيناموا حاضنين بعض طول الوقت زي الاغنياء صح بسبب الحر , الفقير الي زي في كل مره اشغل فيها مروحه اقعد افكر ياتري هقدر ادفع الفاتوره ولا مش هقدر , اما انتم مش شايلين هم التكيف احضنوا بعض طول الوقت

حارث: هو ممكن تاخدي الامر ببساطه واسمعيني للاخر الاول

جمره نطقت بحرقه : مش هسمع حاجه , سمعت للي زيك اكتر من الازم واكتفيت , نفس النغمه نفس الصوت ,نفس التبرير الي ملوش اي علاقه بالواقع , وبجد مليت اسمع للاشخاص الي زيك ومن كتر ما سمعتلكم بقت حياتي تعيسه, معنديش فلوس اكمل تعليمي وراح ابن اختي يشحت تحت الكوبري وانا مقدرش احميه بأي حاجه , واجي ابلغ الشرطه يقولولي ده غلطك دلوقت انت الي تسمعني لما مش هتحمونا يبقي ايه لزمتكم لينا , ونصيحه اخيره طول ما انت مش مكان المبتلي اتادب واسكت

............قصص منه محمد كاتب............

جمره كانت بتراقب كل تحركات حارث وتتاكد هل فعلا له علاقه بشغل منصور وهي واقفه قدام القسم لقت عربيه بتحاول تخبطه جريت عليه زي المجنونه وقعته ع الارض وهي فوقه

جمره بخضه عليه :انت كويس

حارث: هبقي كويس لو قومتي من فوقي

الصول جري: ايه الي حصل ياحضره المقدم اتأذيت

حارث قام يعدل هيئته وهو بيقول : انا بخير

العسكري الاخر: امال ليه وقعت ع الارض كده

سيده ما : شوفت عربيه كانت هتخبطه ,بس بنت الحلال دي لحقته قبل ما يحصله حاجه ربنا يكرمها ,ويكتر من امثالها

الصول: تحب نروح لدكتور

حارث :مفش لزوم انا كويس

الصول: مش قصدي حضرتك الانسه جمره

حارث لف بصلها لقاه كوعها بيزنف ومن كتر خوفه عليها سحبها بسرعه من ايدها وهي بتصرخ وقعدها عافيه في العربيه وكلبش ايدها في التاره

جمره بغضب : انت في ايه كل شويه تكلبشني, انا ساعدتك لو كنت اعرف ان ده الي هيحصل كنت سيبتك تمـ وت , يعني اعمل عمل بطولي , وده الي اخده اتكلبش

حارث بشخط: اخرسي واهدي عندي امور محتاج اوضحها معاكي

جمره بزعيق: ما توضح امورك معايا بلطف ليه تكلبشني كدا

حارث:انا بحب اتعامل كدا ولو مضغوطه عادي فرقعي

جمره جعدت وشها من اسلوبه وفضلت تنفخ في الجرح

حارث : بطلي نفخ فيها هتتلوث ويمكن يقطعهولك

...........قصص منه محمد كاتب.........

حارث ركن العربيه وبيسحبها رافضه تدخل البيت معاه اخر ما زهق شالها وطلع بيها شقته ودخل رماها ع الكنبه

جمره: اسمع يا كائن البطريق انت ليه جايبني هنا , مفكر نفسك عشان ظابط تقدر تعمل اي

حاجه

جابر دخل ومعاه شنطه اسعافات وهي رجعت لوري وهو مقرب منها وسألته بخوف: انت هتعمل ايه فيا

جابر: ولا حاجه شنطه هنضفلك جرحك , حارث بيه قالي انك مجروحه تعالي يابنتي وريني ياساتر ده جرح كبير يله اقعدي اعقمهولك

جمره بعناد: مش عايزه

جابر: مش عايزه ازاي , تعرفي جرح زي ده لو متنضفش واتعقم كويس لقدر الله يقلب بغرغرينه

حارث قعد: مش بتحس لحمها طخين زي ما قالت , سيبك منها ونضفلها الجرح ياحبيبي

جمره بغضب : اتكلم بأدب, بس استني انت قولت له ايه

حارث: نضفلها الجرح يا حبيبي

جمره: حبيبي

جابر: ايوه

جمره: حبيبي

حارث: ايوه

جمره: يعني انت وهو استفغر الله

جابرضحك: اصبري واهدي واضح دماغك راحت لبعيد, الامر مش كده انا مربي حارث بشا ولما يحب يدلعني بيقولي ياحبيبي عادي تمام فهمتي كده

جمره: فيه حد اسمه جابر دلعه حبيبي

حارث قفل ملامحه: وهو فيه واحده اسمها الحقيقي مرام ودلعها جمره

جابر: انتي فعلا اسمك الحقيقي مرام

جمره: ايوه مرام يا حبيبي

حارث بغيره مخفيه: ممكن تنضف الجرح بسرعه للانسه شعله

جابر: حاضر يابني

جمره بعد ما جابر ضمد لها الجرح اخدت شنطتها وماشيه

حارث: انتي رايحه فين

جابر: انا خلصت يابني هرجع الشنطه مكانها

حارث: مش قصدي انت ياعم جابر

جابر: تمام هروح اعملكم حاجه تشربوها

حارث: جمره اقعدي التلاث ايام الي فاتوا ليه كنتي ماشيه ورايا في السر

جمره: انا ماشيه وراك ليه مجنونه , مين دي الي تمشي وراك

حارث: انتي ماشيه ورايا ايه اشتقت لي_ غمزها_

جمره بنرفزه: قلت اتكلم معايا بادب ازاي امشي وراك وانت من يومين رميت اللوم عليا اني السبب ان ابن اختي يتسول ,انا لسه مضايقه منك وبدل ما تعتذر بتكابر

حارث: انا قلت الحقيقه ليه اعتذر , ودلوقت قوليلي ليه كنتي بترقبيني ولا انتي معتوه

جمره: انت الي جبتني لحد بيتك مفيش معتوه اكتر منك , وانا عايزه اروح بيتي حالا

حارث قام مسكها من وسطها: لايمكن تمشي

جمره: ليه مقدرش امشي

حارث: هو كدا مش قولتي عليا معتوه

جمره بترفض برجليها في جسمه بغيظ: ستين معتوه , مفكرني مقدرش اطولك برجلي

حارث مسك دراعها ولوي ايدها ورماها على الكنبه حاولت تتحرك وتقاوم هجومه بس هو قدر أنه يقضي على جميع دفاعاها و يشل حركتها وحط ايده ع دماغها وبيبعد جسمه عن تلطشها فيه : قدرتي توصليلي ولا لسه لو عايزني اسيبك تقوليلي الحقيقه , يله قولي

جمره بعناد : مش هقول حاجه

حارث: خليكي هنا لحد ما تنطقي

جابر: حارث بيه فيه ضيفه طالبه تقابلك

حارث ماسك جمره ولزق دماغها في المخده يكتم صوتها: مين الضيقه

جابر: واحده

حارث: اي واحده

جابر: دي

رشا دخلت: انا جيت مفاجأه , ايه ده يا حارث مين البنت الي بتعذبها

حارث ساب دماغ جمره وهي رفعت دماغها وابتسمت بفرحه: مين رشا _ورايحه تضمها

رشا زقتها وبصتلها بنظرات احتقار وقالت : ابعدي عني

استوب منتظره رايكم الجميل عبروني ع الروايا انا كبرت البارت لو مفيش تقدير هيقل كتير الاحداث الي جايه جميله فيه كدا منافسين لجمره رشا وشوشت ولوجين معاهم تخيلوا هيعملوا ايه وحارث هيسكت اكيد ابننا راجل من دهر راجل هيحمي منهم جمره

حارث بص لرشا بتهكم شديد: ايه المعامله دي

رشا: لما افهمك هتعرف ليه المعامله دي

جمره ببرائه: رشا انتي احلويتي اوي

رشا: رشا هانم

جمره: رشا هانم عامله ايه

رشا تجاهلتها وكلمت حارث : حتي لو فهمت معناه الي بتعمله معاها ده , متفكرش هكون مبسوطه اشوفك قريب من بنت تانيه وخصوصا البنت دي

حارث: وانتي ليه مش مبسوطه مش فاهم

رشا: رغم مش مهتم بالي بحس بيه ناحيتك, بس ع الاقل فكر في لوجي البنت دي سرقت فلوس من بيتي وكانت بتجري وري عماد

جمره بصدمه: انت بتقولي ايه

رشا: احنا عطفنا عليها انا وماما طول الوقت لما ابوها طردها ورماها في الشارع وانا وعماد عملناها احسن معامله وبعدها انا سافرت اكمل دراستي في الخارج وعماد خلاص هيتجوز عشان كدا طردت البت دي من حياتنا

حارث: عشان كدا راحت عاشت في اوضه متأجره

جمره نزلت دموعها وقربت منها: رشا انتي بتتكلمي عليا انا كده

رشا مردتش عليها وبعدت جسمها عنها كأنها عدوه هتقضي عليها

جمره: انا عمري ما جريت وري عماد انا فعلا حبيبتكم انتي واخوكي كتير وعمري ما نسيت معروفك معايا ابدا

رشا بكبر ونبره مهينه كلها تجريح: حارث بعد ما عرفت الحقيقه , لسه عايز تتعامل مع البنت دي

جابر: اسف هقطع كلامكم

هادي دخل وقال: لمين العربيه الحمره الي واقفه تحت

رشا: دي عربيتي

هادي: حركيها لو سمحتي مش عارف اعدي بعربيتي

رشا بتهميش: اصبر دقيقه انا مش فاضيه دلوقت

هادي بغيظ: عايزني افرقع الكوتش ولا اكلبشهالك

رشا: ايه انت قولت ايه

هادي: افرغ الكوتش او اكلبشها

رشا: انت بلطجي انا مع ظابط هنا

جابر: ماهو كمان ظابط

حارث: رشا لو سمحتي روحي حركي عربيتك

رشا: لا وليه اصلا اصدق انه ظابط بجد ياتري رتبتك ايه عسكري

هادي: رائد

رشا: بجد

هادي قرب وسحبها من ايدها واخدها بالقوه وهي فضلت تصرخ : حارث خلصني منه

حارث: استني انتي ياجمره

جمره: فيه ايه تاني

حارث مسك ايدها: تعالي معايا

جمره بملل: تاني

حارث شدها: تعالي

جمره: عايزه اروح البيت

جابر: هو اليوم الوطني للسحب والتعذيب ولا ايه

...........قصص منه محمد كاتب............

رشا حركت العربيه لقت حارث بيركب عربيته ومعاه جمره وانطلق بالعربيه وهي طلعت تجري وراه وتنادي عليه

جمره: يابشا انا لازم ارجع اشوف رشا انا قلقانه

حارث: في العاده مش بشوفك بتستسلمي لـ اي حد لكن عملتي كدا مع رشا وانتي كدا مع عماد وللسبب ده لوجي اختي فهمتك غلط

جمره : وعرفت منين انها فهمتني غلط مش جايز اكون ع علاقه بعماد فعلا

حارث: لو كدا ليه بتردي دلوقت وليه دايما بتقللي من قيمه نفسك

جمره :الناس مستويات وليهم سعرهم

حارث :دايما بتحكمي ع الناس من خلال فلوسهم ,متختلفيش كتير عن لوجي

جمره :مش عايزه اتكلم معاك

حارث كان وصلها لحد بيتها لقاه صاحبه البيت بترمي هدومها قدام الباب

جمره فتحت الباب ونزلت جري: في ايه يا حجا مش دفعتلك الايجار

الست : وانا مش عايزه ساكنه زيك في بيتي , انا واحده ليا سمعتي , ومعرفش عشيقه كام واحد

جمره صرخت بقهر: انا مش عشيقه حد , مين الي قالك الكلام الفاضي ده

الست :واحده جات لي قالت لي انك ماشيه مع ابنها وهو هيتجوز , وطلبت مني امشيكي يله امشي روحي اي مكان انا مش ناقصه مشاكل

جمره :والله انا ما كده

الست بصت لحارث وقالت: لها لما مش كده امال مين الشاب الي معاكي

جمره :يا حجا اسمعيني انا مش عشيقه حد , خليني افضل هنا ,ارجوكي اسمعيني

الست قفلت الاوضه بالقفل وسابتها ومشت وجمره نخت ترفع الشنط

حارث رفع عيونه وبصلها بحزن عميق: حطي حاجاتك في عربيتي

جمره برفض قطعي:مستحيل

حارث: ليه

جمره :عشان ترجع تلومني تاني , واني بحكم ع الناس بفلوسهم زي اختك , لا يبشا احنا مش شبه بعض ولازم احكم ع نفسي , لاني بنت مكافحه, و الناس الي زيكم يحكموا عليها ,بيستنوا يدوسوا ع دماغها في نص الطريق

حارث مسك ايدها بالشنط: استني واركبي العربيه يله ياجمره

جمره سحبت ايدها منه بغضب ومشت وفضلت تلف من مكان لمكان بدون هدف وحارث ماشي وراها بعربيته لحد ما سمع موبيله بيرن

حارث: ايوه يالوجي

لوجين :حارث ازاي تتعامل باللاسلوب ده مع رشا ,ومتدهاش وش , البنت لسه راجعه من بره بدل ما ترحب بيها وتهتم بيها ,تزع فيها كدا

حارث: لوجي ممكن تبلغي رشا ان المره الجايه متجيش بيتي وتسالني الاول هل انا مستعد استقبلها ولا لاء ,ولو مش هتعمل كده الافضل متجيش عندي تاني ,انا مش بحب الاسلوب ده

لوجين بصتلها وقالت مبتسمه :اكيد هعتذرلها بالنيابه عنك ,بس المره الجايه لما تروح بيتك تعاملها برقه زي ما وعدتني

حارث : ممكن اسالك سؤال

لوجين بوقاحه :اه انا الي عملت كده

حارث بعتاب: ليه كدا يالوجي ليه

لوجين بعدم اكترث : عملت ايه روحت اتكلمت مع مامه عماد وارتحت جدا لما عملت في خطافه الرجاله دي كده بس انت عرفت ازاي

حارث بصوت جامد: عشان انا معاها

لوجين بغيظ: وانت ليه مع الشرشر دي , بس لو كنت لسه معاها بلغها ان دي مجرد البدايه ولو مبعدتش عن سكتي هحول حياتها جحيم

................قصص منه محمد كاتب...........

في منزل عائله جمره خبطت ع الباب

اعتماد طلعت: جمره

جمره: ماما هو ممكن اقعد هنا فتره مؤقته

ابوها بصوت عالي: مين الي جه يا اعتماد بسالك يا وليه مين جه

ريم: دي بنت الجيران جايه تاخد شويه ملح يبه

اعتماد: مكنش الصح تيجي هنا انتي بقالك سنين مجتيش

ريم: خدي ياجمره فلوس وروحي اي بنسيون يومين ,ولما ابوكي ميكنش هنا هتصل تيجي

جمره ابسمت: خدي فلوسك انا لسه معايا بس ممكن اسيب شنطي هنا ولما يمشي ابوكي بلغيني

ابوها: انتي يا وليه ياعتماد

ريم زقتها بخوف عليها منه: امشي بسرعه قبل ما يشوفك

اعتماد: يله يا بنتي بالسلامه

................قصص منه محمد كاتب.............

ع الموبيل

عماد: خد بالك ياحارث جمره دي البنت الي بهتم بيها

حارث: باي طريقه بتهتم بيها

عماد: هي كانت صاحبه رشا في اعدادي

حارث: اظن مجاوبتش ع سؤالي

عماد: ولا حاجه لما جابتها تعيش في بيتنا حسيت بالعطف عليها لظروفها القاسيه

حارث: لو فعلا عطف مكنتش لوجي غضبت منك للدرجه

عماد: حاولت اشرحلها واقنعها ان مفيش اي حاجه حصلت بينا ومن شويه سمعت من لوجي انك مع جمره ده حقيقي فلو كنت معاها خد بالك منها

حارث: يعني واثق اني هاخد بالي منها طبعا ههتم بيها وههتم جدا بس ازاي اهتم بيك , ومش لازم اقولك ابعد عنها نهائي

لوجين دخلت :عماد بتتكلم مع مين

عماد ارتبك: لا ده الترزي بيقولي ان البدله جاهزه

لوجين : فكرت بتتكلم مع واحده غيري

عماد ضمها من وسطها: لوجي قلت لك اني محبتش حد غيرك , ليه مش عايزه تصدقيني

لوجين بخبث : حاليا هثق فيك , بس لو عايزني صدقك خليك ملكي انا

عماد باس خدها :انتي روحي وقلبي

لوجين : الامر متروك ليك ولو مش عايزني استخدم الاسلوب القذر, تقدر تعمل اي حاجه براحتك

............قصص منه محمد كاتب.............

وقفت قدام بنسيون معرف انه شمال بس مجبره معاهاش فلوس

جمره لنفسها: انتي مش جبانه ياجمره...... ادخلي ليله واحده المكان رخيص ......ايه الي خايفه منه مش ارحم من نومه الشارع

حارث وقف قدامها : فعلا عايزه تدخلي ,تحبي ادخل معاكي

جمره بغيظ: هو انت ظابط ولا شبح ,ماشي ورايا طول اليوم

حارث :متأفوريش انتي الي كنتي ماشيه ورايا ولا نسيتي ده

جمره : طيب ليه بتلاحقني لحد هنا

حارث : ملكيش مكان تعيشي فيه وجزء منه بسبب عايلتي

جمره :فعلا ده صحيح ولما انت عارف سيبني اعيش بطريقتي الخاصه ومتعمليش مشاكل ازيد

حارث :اتصل بيا عماد من دقايق ووكلني اهتم بيكي

جمره : مفيش داعي تسمع كلامه هو مش من باقيه اهلي اصلا

حارث: ولو قلت لك مش واثق في حد غيري

جمره :ممكن تختفي حالا من قدامي

حارث : ولو قلت لك مش مصدق كلام لوجي ورشا , وممكن تتخلصي منهم الاتنين, انا بس عايز اساعدك واردلك جزء انك انقذتي حياتي , وعايزني اتكلم معاكي بلطف انا اهو بعمله وبقولك الي عملتيه معايا لازم يكون له مقابل كنت هموت وانتي انقذتيني ودلوقت انتي واقعه في مشكله وواجب عليا ارد الجميل ها موافقه

جمره اتحركت معاه لحد بيته لان معندهاش حلول تانيه ولا قدامها اختيارات تانيه

جابر ابتسملها: جهزت اوضه الضيوف للانسه جمره

جمره: انا عادي هنام في الصاله ع الكنبه ,مفيش لزوم اوضه ليا

حارث: انتي بنت يستحسن تنامي في اوضه مقفوله عليكي

جمره: ليه هتيجي تبص عليا

حارث :ايه الي بتقوليه ده

جمره : انا بهزر بس ده لاني عمري ما نمت ابدا في بيت راجل ومحروجه كمان

جابر :حقك يابنتي بس لازم تنامي في اوضه مقفوله تعالي يابنتي

جمره :حارث بشا

حارث لف بصلها: اممم

جمره كرمشت ملامحها :شكرا

حارث: قوليها وانتي فارده وشك شكرا

جمره ابتسمتلو ابتسامه سمجه : شكرا

حارث اخد نفس ومسح وشه من الغيظ وسكت

جمره دخلت الغرفه وانبهرت بجمالها وجريت تبص ع الحمام الي اقسمت انه فندق خمس نجوم وقعدت في البانيو لقت موبيلها بيرن كشرت بضيق وقامت قعدت ع قاعده الحمام وردت

جمره : اهلا ياعم جعفر اختفيت فين كل ده , يعني لما اقع في مشكله تختفي تحت الارض

جعفر :سافرت ماموريه باريس

جمره شهقت: ايه باريس مره واحده

جعفر :عندي امور جيت اتعامل معاها بنفسي , انتي فين دلوقت

جمره :انا في البيت

جعفر: بيت مين

جمره :مش مهم بيت اي حد, انسي ده

جعفر :مفكره عطيتك تلفون محمول ومفهوش جهاز تتبع

جمره اتخضت وفضلت تبص في التلفون شمال ويمين وقالت : طيب لما انت عامل كده, ليه عمال تسالني عن مكاني

جعفر: في بيت حارث مش كده

جمره: ايوه تحب امشي ممكن امشي عادي من عنده

جعفر: لا خليكي وكويس انك هتعيشي هناك

جمره بستفسار :ليه

جعفر :الليله دي اتظاهري انك رايحه المطبخ تاكلي تشربي اي حاجه , وحاولي تلاحظي لو فيه حاجه مريبه عنده

جمره: انت بجد بتشك فيه

جعفر : كل امر متعلق بالمرشدي تجبهولي فاهمه

جمره بملل: ايوه فهمت

جعفر: وانا عارف انك شاطره وهتنجزيها

......................

هجم الليل وطلعت تتسحب تروح مكتب حارث تلاقي اي معلومه نزلت الدور الارضي الدنيا ضلمه فتحت الكشاف وصورت كام حاجه لحد ما فجأه النور ولع!!

جابر : جمره بتعملي ايه هنا يا بنتي

جمره :عطشانه ونزلت ادور عن ميه اشرب ,بس ملقتش مفتاح النور ياعم جابر

جابر: انا هجبلك

جمره : تسلم بس سيبني اتعامل بنفسي, كفايه ازعجتك وصحيتك من النوم

جابر ضحكلها :مفيش مشكله هنام بعد ما اجبلك الميه , وهطفي النور بعدها

جمره عوجت بؤها شمال في يمين: هتطفي النور

جابرلف بصلها بسؤال: تحبي ميه معدنيه , ولا تشربي عصير , كل حاجه موجوده

جمره :ميه عاديه

جابر :زي ما تحبي يابنتي

جمره اخدت كوبايه الميه وطلعت ودخلت غرفه مكتب حارث وفتحت الباب ودخلت لقت اللبوم صور فتحته لقت حارث متصور مع بنات كتير من كل بلاد العالم

جمره بغيظ : طلع بتاع بنات هو ده بجد ظابط ولا قواد كلهم بنات عريانه انا مالي

حارث شافها وفضل واقف لحد ما طلعت وسألها: بتعملي ايه في مكتبي

جمره: نزلت تحت اشرب ولما رجعت كانت الدنيا ضلمه

حارث كتف ايده حوالين صدره : ودخلتي اوضه غلط , بس انتي متأكده مكنش قصدك تدخلي اوضتي

جمره بغيظ: والله اهبدك بالكوبايه ولا يهمني , وبعدين انت الي بتعمل ايه في نص الليل ولا كنت بتتسحب لـ اوضتي

حارث :رايح اكل ايس كريم

جمره :ايه

حارث: تحبي تشاركيني ولا ملكيش فيه

حارث اخدها وراح جاب لهم علبتين بولا وقعد قدامها

جمره مكشره في وشه وقالت: متشكره

حارث: انطقيها كويس متشكره قوليها ووسحنتك مفروده

جمره بستفهام: هو انت بتحب التصوير

حارث :ايوه

جمره : امال ليه بقيت ظابط ليه مطلعتش مصور

حارث اتنهد بحزن وقالها: بابا كان مصور فوتوغرافي وكنت هطلع زيه بس مات قبلي , وعمي اخدني واهتم بيا وطلعني زيه

حارث فرقع المعلقه في وشها وطرطش علي وشها ايس كريم يضايقها

جمره مسحت وشها : انت عندك ربع طاير منك

حارث بجديه :تعرفي اوقات الاحلام مش بتتنفذ ع ارض الواقع

جمره بسخريه: اوعي الحيطان هترخ فلسفه علينا

حارث : وعنك انتي ايه هو حلمك

جمره : الاحلام دي للناس الي معاهم فلوس اما الغلابه الي زي كل تفكيرهم هياكلوا بكره ايه ده اقصي احلامي عشان كدا مش بحب افكر

حارث: عبط الاحلام ببلاش والله الناس الي زيك وغيرهم الي عاملين غباء في المجتمع

جمره: والناس الاغنياء الي زيك , اسهل حاجه عندهم الكلام اما الغلابه مجرد حلم بيكون مكلف بالنسبه لهم

حارث: لما كدا ليه مخلتيش عماد يصرف عليكي

جمره: وعرفت ازاي اني مقبلتش

حارث: ماهو لو كان بيصرف عليكي ليه واقفه تغسلي الصحون ولا هقول عليكي بعتي عذريتك بالمجان

جمره: اتكلم يا انت كويس مش معني اني فقيره من حقك تقول الي يخطر ع بالك

حارث: انتي الي تفهمي كلامي , والي اقصده انك تفتخري انك مخلتيش اي حد يلمسك او يقرب منك افهمي ده لو سمحتي

جمره: تاهت في اسلوبه وطريقته وخصا لما قام وميل اوي عليها وهي بعدت واتوترت فكرته هيبوسها

حارث خبط البولا في ايدها وقالها: جمره ارمي الكوبايه عشاني

جمره بغيظ: انت الي اكلت خد ارميها انا مش خدامه عندك

حارث وهو بيبعد عنها: ردلي الجميل لو شويه

في الفرح

حارث: عمي لو تعبت اقعد استريح

فاتح: لاء ياحبيبي انا مش تعبان انا فرحان

حارث بصلها بضيق وقالها: رشا لو تعبانه روحي اقعدي شويه, انا ههتم بعماد ولوجي بنفسي

رشا قربت منه اكتر وقالت بأبتسامه واسعه: لاء عادي خلينا نساعد بعض, اوكيه

حارث هز دماغه بهدوء: اوكيه

لوجين بصوت عالي للجميع: شايفه حارث ورشا متفقين جدا , ليه ميكونوش العرسان الجاين, ايه رايك يا بابي

فاتح ابتسم: والله لو الاولاد ليهم رغبه ,معنديش مانع

ابو عماد: والمره دي هطلب مهر كبير , جهز نفسك يافاتح هطلب طلبات بدون حدود

ام عماد: بتتكلم كأن العريس طلب ايدها , بس ياحارث لو طلبتها احنا نودهالك لحد عندك يابني

فاتح: انا شخصيا معنديش اي اعتراض ,بس الرآي الاخير لحارث

لوجين: شوشت جات مع والدها يا عماد

المرشدي: مبروك يا لوجي

لوجين: الله يبارك في عمرك يا اونكل

شوشت: مبروك يا احلي لوجي

لوجين بضحكه: الله يبارك فيكي بس ايه يا شوشو الحلاوه دي , جايه تخطفي مني الاضواء

شوشت: اليوم فرحك طبيعي تبقي الاجمل, مبروك يا قلبي وانت مبروك ياعماد

عماد بأبتسامه: الله يبارك فيكي

شوشت: خد بالك من صاحبتي , منا مش هقدر اهتم بيها دلوقت

لوجين: يله ناخد كلنا صوره عائليه مع بعض

المصور لقط ليهم كذا صوره مع بعض حتي المرشدي

لوجين بعد التصوير قالت: حارث رحب بشوشت كويس

شوشت : ازيك يارشا

رشا بوش بشوش: اهلا انتي حلوه اوي اليوم

شوشت بغرور: بجد وانتي كمان طالعه حلوه , وشكلك كبرتي وبقيتي مومزيل جميله

رشا بسعاده: ميرسي ياقمر بس في الحقيقه مجيش نصك حتي , انتي جميله جدا

شوشت: ثانكيو , حارث هو انا فعلا طالعه اليوم جميله زي ما قالت رشا

حارث بجديه: انتي جميله كل يوم

شوشت لزقت بجسمها فيه: ما تيجي نقعد جوه الفيلا شويه عايزك يله

رشا نطقت بسرعه وقالت: حارث لازم تقف تستقبل معايا الضيوف

حارث: هسيبلك المهمه دي دلوقت

رشا تابعتهم وهما ماشين واتغاظت جدا والغيره وكاله قلبها

..............قصص منه محمد كاتب............

شوشت: خلينا نقعد هنا

حارث: تعالي

شوشت قعدت لما فتحلها الكرسي وقالت له: ثانكيو

بنت ما لمحته: حارث مشفتكش من زمان , ماتيجي ناخد سوي صوره

حارث قام وقف: اه اوي

البنت طلعت الموبيل وحطته قدامهم وقالت بتغزل: قرب مني شويه, انت لسه وسيم زي زمان انت اختفيت فين, ليه مش بشوفك زي الاول ,ممكن اخد رقمك عشان ابعتلك الصوره

شوشت قامت وكلبشت في دراعه وبصتلها بغيظ وحقد

البنت بضيق منها: شوشت انا اسفه مشفتكيش

شوشت: حارث عطشانه مـ وت

حارث: حاضر هشربك

شوشت بصتلها: خلصتي صور مش كدا اصل انا وحارث بينا موضوع مهم اوي , روحي سلمي ع العروسه

حارث: خلينا نقعد يله

بنت تانيه لمحته راحت عليه: انت هنا ياحارث بقالي كتير مش شيفاك ممكن اخد صوره معاك

حارث بتكشيره: اسف مشغول حاليا ,بجد اسف

البنت كشرت وقالت :تمام عادي

شوشت ابتسمت بمياعه وقالت :وانت مشغول بايه ياحارث

حارث : مش عطشانه هجبلك حاجه تشربيها ا, قعدي هنا واستني

هي جات بالصنيه حطتها قدامهم لانها حضرت الفرح بطلب من جعفر عشان تراقب تحركات المرشدي وحارث اخد كاس عصير لشوشت مبتسم

شوشت اخدته من ايده ومبتسمه: ميرسي

حارث بياخد كاس لنفسه ولسه بيرفع عينه لقاها قدامه اتوتر والكاس وقع من ايده ع فستان شوشت الي اتحركت بفزع!

حارث بربكه: اسف غصب عني الكاس وقع , حالا انضفلك الفستان

جمره : هجبلك علبه مناديل حالا

حارث بص لشوشت بعتذار: انا حقيقي اسف

شوشت: حصل خير ياحارث

جمره جريت من قدامه وطلعت هبدت الصنيه جامد وقالت بغيره: امال لو كنت وسيم كنت عملت ايه يا مزعج يا بتاع البنات

رشا داخله الفيلا شافتها: هو انتي

جمره: ع فكره انا مبسوطه انك رجعتي

رشا ربعت ايدها وقالت: وليه مبسوطه انا دلوقت مليش علاقه بيكي

جمره :رشا

رشا بغرور: رشا هانم

جمره بلعت ريقها وردت بهدوء: رشا هانم , حصل ايه لكل العداء ده , لما كنتي مسافره بره كنا لسه اصحاب

رشا :عمر ما كان عندي صاحبه لعوبه زيك , وقت وعدي او كنت غبيه ومش فاهمه شخصيتك الواطيه

............قصص منه محمد كاتب................

جمره شربت كاس ميه ودخلت المطبخ تحط الصنيه لقت الي مسك كف ايدها

جمره : عماد

عماد من غير كلام سحبها في ركن بعيد عن العيون

جمره: قولي عايز ايه وبسرعه ,عشان اقدر اخدم ع فرحك

عماد: انا سعيد اني شوفت هنا

جمره بنرفزه:انا مش بهزر

عماد: تمام عندي مواضيع كتير عايز اتكلم معاكي فيها ,جمره انا اتجوزت لوجين لان بابا اجبرني عليها , والعلاقه الي بينا ممكن ترجع زي ما كانت ,ممكن ارجوكي

جمره: تمام يا عماد كل شئ هيرجع زي ماكان , لان مكنش فيه اي حاجه بينا , ودلوقت مش هيكون

عماد اتجنن ومسك ايدها وهي بسرعه البرق سحبتها منه بغضب شديد وحارث كان خارج ووقف يتابع الموقف والغيره ولعت قلبه وكأنه فيه جمره من نار

جمره: ياريت ترجع فرحك

عماد سابها ومشي مضايق انها صدته وشوشت كانت فوق واقفه وصورتهم وحارث اخد السلم جري

جمره لنفسها بصوت عالي قالت: كمان هكون عشيقه للعريس

حارث بنفعال: مظبوط وانا ضيعت طاقتي افكر فيكي بشكل كويس ,واتاري علاقتكم لسه مستمره وبتقابليه حتي يوم فرحه

جمره بنفعال: اه فعلا استريحت كدا

حارث بصلها بحتقار وسايبها وماشي وهي قالت له: استني

حارث لف بصلها: نفسي اعرف اخدتي ايه

جمره: مأخدتش اي حاجه , بس شوفت حاجات حلوه, انت مشهور بعلاقاتك كمان لما تكون فاضي اعزمني في راندفو ولا صعب تضيفني ع السته جنبهم

حارث الحزن لمع في عدسه عيونه : واضح انك متفهمه جدا لوضعي , عايزه تبقي من ضمن البنات الي كنت اعرفهم

جمره: عندي فضول اعرف حبه فيك ايه , غير كدا الاكس بتحوم تجدد العلاقه معاك وبالصدفه لقيت ذله امسكها عليك بزمتك مش شيء يجذب الانتباه و يثيرشغفي ولا نو

حارث: وانا بحذرك لوجين سماويه انتي مش قدها., الافضل تبعدي عنها _ بعد خطوه ووزع عليها عيونه وقال بوقاحه_ انتي لسه عيله صغيره , ابدئي حياه جديده

جمره بصقت عليه بغيظ وحارث طالع لمح المرشدي واقف مع نفس الشاب الي خبطه بالعربيه

................قصص منه محمد كاتب...........

في القسم حارث راح وطلب كاميرات المراقبه محتاج يتاكد لقاهم داخلين عليه ووشه كشر واتغير!!

رشا جريت عليه: هاي يا حارث

الصول لزميله: هي بتنادي الباشا بأسمه كدا عادي

زميله بهمس: ملناش فيه

رشا: هنتغداه مع بعض وجيت اعزمك , احنا الاتنين بس يله يا حارث

شوشت قربت عليه: حارث اطمن انا جايه بس اسلم عليك , غير كده عايزه اجدد البطاقه

بتاعتي, انتهت من مده بس لو مش فاضي اجيلك يوم تاني

حارث بجديه: اعذريني طالع مأموريه مهمه هادي تعال معايا

رشا قربت اوي منها وقالت بغيظ: شوفتك وانتي بتتصرفي زي الاشرار في الافلام

شوشت وسعت ابتسامتها الخبيثة : الاشرار بياخدوه كل حاجه هما عايزنها

رشا اتغاظت جدا منها وفضلت تلف ع حارث الي كان في الحمام مع هادي

حارث لهادي: خد رشا بعيد عن هنا

هادي: ليه اعمل كده؟

حارث: اعتبره امر

هادي رفع حاجب بتحدي: الطلب ده ميعتبرش امر لانه خارج العمل

حارث: عندي قضيه بشتغل عليها

هادي: غريبه انت بتتحايل عليا دلوقت

حارث بصوت عالي مصحوب بحده : دي مفاوضات يا حضره الرائد اسمها مفاوضات

هادي: انا بسمع

حارث : هطلب من عم جابر يروح السوق مخصوص عشانك الفطار والغداء والعشا هبعتهملك لحد الباب

هادي: لا ممكن اكلهم في بيتك

حارث: موافق اسبوع واحد وكل يوم طبق مختلف, يعني مسموح تيجي بيتي في اي وقت براحتك يله زحلقها

................قصص منه محمد كاتب............

قدام القسم

شوشت ماشيه جنبه: اني اجي القسم هنا بحس بالراحه كتير فيه ظباط محترمين وبيخلوا الواحد يحس بالامان

حارث بمغزي: اوقات ممكن دمروا الظابط المحترمين , دول بسبب اصحاب النفوذ والمال

شوشت : عندك حق الدنيا فيها ناس وحشه ,بس اكيد انت عارفيهم

حارث: مش عايز اتكلم عن شخص بألاسم في مكان الشغل

شوشت وقفت قدامه: نبقي نتكلم خارج ساعات العمل لسه قريبين مش كده

حارث مسك كتافها ومشي بيها لحد باب عربيتها وفتحلها الباب وقالها: سوقي ع مهلك يا شوشت

شوشت: باي

حارث راجع القسم لقاها كالعاده عامله مشاكل مع العساكر

جمره بتهديد : همشي دلوقت واشوفكم كمان اسبوع

العسكري :يله اتكلي

جمره : انت مش هتسكت الا لما اتحبس لما اتعصب عليك بالفم المليان

العسكري : اعمليها وانا احبسك لاني بصراحه هفرقع منك فقصري لسانك عشان هحبسك لو واخده بالك

عسكري اخر ضحك وقاله : بلاش تتتخانق مع جمره اتعامل معاها ع انها شخص عادي في القسم

جمره :همشي سلام يارجاله بلدنا

حارث جرها من ايدها وهي صرخت فيه: في ايه, انا مش مقبوض عليا هنا

حارث بيسحب فيها ع مكتبه: امشي معايا يا جمره

جمره بتحاول تفك ايدها عن ايده باستماتة: الحقوني اطلبوا النجده

حارث بيسحبها بقوه: تعالي

جمره للعسكري :الحقني منه ياشاويش

حارث: امشي معايا امشي

جمره : الحقوني يا داخليه بيخطفني مفيش حد ينجدني منه , الشرطه بتبهدل الشعب

حارث زقها: ادخلي هنا لازم نتكلم

جمره : مش عايزه اتكلم معاك ( شافت طبق فيه اكل اخدت منه وقالت_ اكل الاول وقولي في ايه , يكونش نسيت حاجه تقولهالي اخر مره وانت بتهزقني , لسه مش راضي عايز تكمل

حارث: لما كانت العربيه هتخبطني ازاي عرفتي ده

جمره: عرفت ايه

حارث :عرفتي ان العربيه هتخبطني

جمره شاورت ع نفسها بستهبال: انا اعرف ده

حارث زعق :جمره

جمره ببرود: ازاي اعرف ده مش شغلك, المهم انك عايش وده الاهم

حارث بشك: ولا بتتأمري عليا

جمره: لو انا كنت بــتامر بجد كنت هسيبك تموت في الحادثه, ليه اجري واساعدك واتأذي كده شايف سايب علامه اعمل ايه بسببك مش هقدر ادخل مسابقه للجمال

حارث: متخلنيش اتعصب واتكلمي معايا بالحقيقه , عرفتي ده ازاي

جمره: اممم اقولك ده ازاي انا بشوف المستقبل

حارث: بتشوفي المستقبل

جمره: مش ع طول يعني معاك انت بالذات ,واوقات بشوف العفاريت

حارث: تعرفي انتي لايمكن تكدبي وانتي جوه القسم

جمره: ولا تقدر تعملي حاجه انا محدش ماسك عليا زله , ولا ليكم عندي حاجه , الحاجه الوحيده الي ممكن اقولها الحقيقه وده الي عندي

حارث حط ايده الاتنين في وسطه وقالها : وانا مش مصدقك

جمره رفعت كتافها لفوق بلا مبالاه: متصدقنيش براحتك و لما تكون فاضي روح قدم عرض للمقدم الي قبلك

حارث لسه هيمسكها زقته وطلعت تجري ع بره ومعندوش علم ان المقدم الي قبله مات مقـ تول لما اتحري عن قضيه مخدرات

..............قصص منه محمد كاتب..........

دخلت قعدت في شقته وافتكرت الي حصل يوم الفرح وقررت تنتقم منهم اشد انتقام!

: شوشت شوفتي عماد مجاش يغير البداله

شوشت: شوفته بس معرفش مين الي كان واقف يتكلم معاها , شكلها جرسونه بس كانوا قريبين اوي من بعض

لوجين: قريبين ازاي يعني قوليلي

شوشت بمكر: معرفش اقولك لكن شوفي بنفسك صورتهم فيديو

: اهلا البيت نور

لوجين بصتله: اخيرا رجعت

حارث: ايوه بس غريبه ايه الي خلاكي تيجي بيتي كدا فجأه

لوجين: ابدا حبيت اشوف شقتك يمكن اقدر افهم ليه جيت هنا

حارث: وفهمتي

لوجين: لاء لفيت كل ركن في الشقه ومقدرتش اتنفس , ازاي طايق تعيش هنا

حارث: ده بيتي اشتريته بمجهودي , ومش هفضل عاله ع عمي طول العمر

لوجين: انت مالك قلبتها جد تاني, انت بقيت تتحسس كتير, انت ابن عمي وجزء من عايلتي وفلوسي هي فلوسك يا حارث , احنا واحد

حارث: عامله ايه في حياتك الجديده بعد الجواز

لوجين بستياء: عاديه لسه عماد زي ما هو اه بالحق قابلت رشا

حارث: لسه كنت مشغول في الفتره الاخيره

لوجين: مشغول ليه هو انت ع طول مشغول انت بقيت مقدم المفروض متبقاش مشغول تقعد وتأمر , اه صحيح بلغني الراجل الي شغالك عندك , انك بتاكل في مطعم بيعمل مسقعه حلوه اوي , خدني اكلني هناك بقالي كتير مأكلتش الاكل الشعبي

حارث: هقول لجابر يعملهالك في البيت انك تروحي مطعم شعبي الامر هيبقي صعب عليكي الوضع مش هيعجبك

لوجين جريت مسكت ايده: استني لحظه مفيش داعي تقوله مش عايزه اكل هنا عايزه اكل في المطعم خدني يله يله بقي ياحارث , وانا عارفه مش هتقدر ترفض لي طلب, يله ناكل اكل شعبي سوي

.................

لوجين بقرف : الجو حر جدا والمكان ريحته وحشه

حارث: قلت لك ها غيرتي رايك

لوجين: لا وبعدين مالك زي ماتكون مش عايزني افضل هنا , مخبي ايه ومش عايزني اعرفه

حارث تلفونه رن قالها: استني ارد ع التلفون الاول

حارث وقف بعيد وهو بيتكلم في الموبيل شاف جمره راكبه في عربيه عماد برق بعينه وبيلف يشوف لوجين ملقهاش واتفاجئ بصريخ جمره الي كانت غرقتها لوجين بميه مخلل وجمره عينها اتقفلت وحاولت تفتحها لكن مقدرش من الشطه الشديده

عماد بزعيق: ايه ده يالوجين انتي ليه هنا

لوجين بصريخ: جابني حارث لحد هنا عشان اشوف السفاله , والوقاحه , والخيانه بعيني جوزي ماشي مع واحده رخيصه, ايه عذرك المره دي يا سي عماد

حارث صرخ بجنون : كفايه لحد كدا وكفايه , وايا كان الامر خلينا نتكلم في البيت

لوجين صرخت بعزم طاقتها: مش كفايه

جمره بعد ما قدرت تفتح عينيها بالعافيه لفت عشان تمشي وتسيب المكان بضعف !

لوجين سحبتها من شعرها بعنف : رايحه فين يا شرشر اليوم هفضحك يا ساقطه بقيتي عشيقه لراجل متجوز اكيد وشك بجح ومكشوف كدا طول الوقت , بتنبسطي لما تكوني في السرير مع الرجاله المتجوزين

صاحب المطعم ركن عربيته ونزل: جمره ايه ده , حصل ايه

لوجين: انت صاحب المكان حلو, اعرف انك مشغل واحده شمال ماشيه مع الرجاله ومنهم جوزي , دي مومس مش غساله صحون ,ومسيرها هتخطف ابنك لو عندك في يوم

عماد بعصبيه: بس بأه بس

لوجين هجمت ع جمره وقعتها في الارض وحارث بيسلك زقته بعنف: سيبني

حارث: سبيها يالوجي بقولك سبيها

لوجين حدفت ايد حارث بغضب وصرخت فيه وهو اخدها من ايدها وخبها وري دهره

لوجين هجمت وضربتها بالقلم على وشها بشدة وعماد صرخ زي المجنون: بس بقي كفايه وقفي الجنان الي بتعمليه ده , حارث ليه جبت لوجين لحد هنا , خدها للبيت حالا

لوجين: مش راجعه البيت بعد ما كشفتك لسه ليك عين تبعدني عنها , رايح فين معاها , انطقي واخده جوزي ورايحه ع فين, انطقي يا بت

جمره عيونها جمعت دموع وشدت نفسها من ايد حارث ومشت

لوجين: ارجعي يا وقحه, رايحه فين يا صايعه , ارجعي هنا

حارث: بس بقي كفااااايه كفااايه

..............قصص منه محمد كاتب.........

مشي بسرعه بعربيته وراها ونظره عيونها المليانه بالدموع مش قادره تفارقه!!!

حارث نزل من عربيته ورحلها: اركبي العربيه

جمره لفت بصتله: لا مش هركب عربيتك بعد كده ابدا هتاخدني عشان اختك تضربني تاني

كل الي حصل ولسه مش راضين , بتمثل انك انسان كويس رغم كلكم وحشين

حارث: ده كفايه ياجمره متتكلميش معايا بالقسوه دي , انتي عايزها لما تشوفك مع جوزها تسلم عليكي وانتي طالعه من عربيته

جمره ببكاء: النهايه انت زي اختك بالملي بتتعاملوا معانا ع اننا اوساخ، روح خلي اختك تراقب جوزها بس ده مقرف ومشمئزة

حارث مسك ايدها :اركبي يله

جمره شدت ايدها من ايده وصرخت فيه: سيبني

حارث بقهر:بجد ! عايز اعرف لما طلب منك تركبي عربيته اتعاملتي معاه بعنف كدا

جمره: قلت لك له دين كبير عندي

حارث: دين بالمعروف ورد الجميل كدا بتردي الجميل تخربي بيته , مش حاسه انك عامله اي حاجه غلط

جمره نزلت دموعها سيول ع خدودها : انا عمري ما خريبت بيت حد ’وعمري ما بعت نفسي لعماد ولا لغيره وبعدين انت بأي حق تقف تحاسبني ولا عايز تبهدلني وتكمل بالنيابه عن بنت عمك هي عملت الي فيه الكفايه روح جيبها هنا خليها تضربني

حارث اتعصب: مررررام

جمره: اظن سبق وقلتلي انك بترد لي الجميل ,انا كمان مقدرش ارفض طلب عماد

حارث بقهر: انا حقيقي حاسس بخيبه امل كبيره فيك يا مرام

جمره طلعت منها شهقه مكتومه: متحطش امل ع واحده زي , مفكر نفسك انت الوحيد الي محبط , من وجهه نظرك انا بنت رخيصه بتبيع نفسها للراجل اللي يدفع اكتر, واحده كل الي يهمها الفلوس وبس , بص للواقع ومن دلوقت هبصلك ع انك ظابط وبس ,والي هاخد اذن منه بسبب نفوذ عمه, وبتمني تكمل حياتك الملعونه دي مع الناس الي بألف وش حواليك , خلينا لا نتقابل ولا نشوف بعض بعد دلوقت افضل حل لسلامي النفسي

حارث بعد ما سابته ومشت حس بغصه ووجع في قلبه المكسور والدنيا اسودت في وشه وكانها اخدت روحه معاها

قاعده بتقزقز لب وتتفرج ع التلفزيون ومعليه الصوت

اعتماد بصوت عالي: بت ياجمره انتي طرشه , انزلي اختفيتي فين يا مخفيه

جمره وهي نازله من السندره: في ايه يا اعتماد مستنيه اخد الاشاره ,عشان الحق اجري واهرب

اعتماد ضربتها ع كتفها: اه طبعا وقتها ما تصدقي ,عايزه تجري رايحه فين , تهربي مش كدا

جمره :في ايه يمه القمر ع الباب عايزه تعملي ليه مشكله , يعني حرام اتنفس شويه

اعتماد :ابقي غنيه الاول ,وقتها تقدري تتنفسي

جمره مصمصت شفايفها: حتي لو اشتغلنا قرون مش هنبقي اغنياء, ياتري من شغل القهوه ولا من لعب جوزك في القمار

اعتماد خبطتها ع راسها : لمي لسانك , متقدريش تقولي كلمتين حلوين , يله انا هدخل القهوه للزباين , وانتي راقبي الشارع واياك تهربي وتدخلي تقعدي في الحمام والبوليس يهجم زي المره الي فاتت

جمره: ماما هو ممكن تقفلي القهوه دي, او اقلبيها دكان اي حاجه

اعتماد: لو قفلتها هناكل منين ياقلب امك يا طموحه امشي اقفي بره, يله خلتيني الف عليكي طول اليوم ,فالحه بس تشتكي

دخلت جاره حامل: فيه ايه ياجمره كل يومين تعصبي امك , وصوتها يبقي عالي

جمره: انتي مالك , وبعدين كل ده حامل هو انتي حامل في انسان , ولا في فيل

الجاره ضحكت: يخيبك , اكيد حامل في انسان , ريحي امك

جمره: اه امي امي هي الي مش عايزه تريحني ابدا , المهم الوليه حماتك عاملت عمليه تجميل قبل كده , ما تروحي تساليها انا مش فاضيه بقزقز لب

الجاره: يا جمره متعيبيش ع حد بكره تبقي زيها ,ومتبقيش عارفه تخرجي

جمره: انا شايفه ان الي جواكي هو الي عايز يخرج , يا وليه ابنك بقي محجر في بطنك ,وبدل ما تقعدي تنصحيني اولدي وخلصيني ,بدل ما اولدك انا

الجاره: بطلي هزار يله اسمعي كلام امك

جمره :طيب اختفي من قدامي بدل ما خش ادور الضرب في ابنك

.................قصص منه محمد كاتب...........

في النادي للعب الجولف

حارث اتكلم بخنقه: ياعمي دول بقوا يجبولي في القسم هدايا كانهم بيرشوني , مين اعجب بيها اكتر

فاتح ضحك : ده كل الي مضايقك ياحضره المقدم , سبحان مغير الاحوال انت الي طول عمرك بتجري وري الحلوين , دلوقت بتهرب من البنات, انت يائس اوي كدا

حارث: لان الوضع زاد عن حده , ومش قادر اتعامل معاه , وغير كدا انا مهتم بواحده

فاتح: افهم انك بتحب واحده مين رشا ولا شوشت , هما كويسين الاتنين , بس لو ع ابوها ومركزه راي شوشت تناسبك اكتر

حارث: وانا مش شايف ده ابدا يا عمي

فاتح :يعني بتحب رشا عشان بنت صغيره صح

حارث :انا مش ساذج للدرجه

فاتح :طب قولي ايه هي مواصفاتك في شريكه حياتك

حارث جات في باله صوره جمره بس حاول يلعب بس خسر

فاتح: ده الفشل , وشكلها شتت بالك وجات حالا في دماغك , بس هو ده الحب اه صحيح اتكلمت مع لوجين

..............قصص منه محمد كاتب.........

في بيت عائله عماد تحديدا ع السفره

عماد دخل مبتسم: امال فين بابا

امه بهدوء: مشغول عنده اجتماع

عماد قعد : الله عمالين مسقعه كدا الواحد ياكل

لوجين : اصلي شيفاك بتحب الاكل الرخيص القذر, طلبت منهم يعملهولك ايه مش عجبك

امه بنرفزه: ايه الكلام ده

لوجين بنفعال: هو ده الكلام الي لازم تسمعيه انتي وابنك ع انك وافقتي ان واخده صرصاره تدخل البيت

عماد :وبعدين معاكي

لوجين :خايف اقول اسمها

امه قامت: اعذروني بنسحب

عماد: ليه عملتي كده

لوجين : قبل ما تسالني اسال نفسك يا استاذ انا معملتش حاجه انت الي روحت خنتني ( مسكت الطبق) وهغرف عشانك عايز ده مش بتحبه ريحته مش مختلفه عن ريحه الحمام

عماد ضرب التربيزه: بس

لوجين شدت المفرش بكل الاطباق الي عليه وصرخت: اياك تعلي صوت عليا , انا مراتك وانت اكلت الزباله قبل كده متعملش الاسلوب ده معايا يا خاين

...............قصص منه محمد كاتب..........

حس انها وحشته مقدرش مايشوفهاش دخل المول الي بتشتغل فيه وكانه لاول مره ياخد نفس ويعرف ان فيه اكسجين في الدنيا وقرب من مكانها

جمر وهي بتكتب: اتفضل قول طلباتك

حارث بصلها ومشي وهي عيونها هتتخلع عليه لحد ما اختفي وبعدين ظهر بصلها لفت وشها عنه بسرعه هو ابتسم لحد ما اشتري حاجاته ورجعلها يحاسب

حارث : اتعالجتي من الي انتي فيه

جمره مردتش خالص عليه وفضلت تكتب زي ما هي

حارث كرر: سالتك اتعالجتي من الي انتي فيه مش عايزه تتكلمي معايا اوكيه الحساب كام

جمره شاورت له ع الشاشه وهو قالها : سالتك بكام

جمره بصتله بغضب ورجعت شاورت له ع الشاشه

حارس : بكام

جمره رجعت شاورت له وراح هو مشاورلها ع الكاتشب ولما مردتش قالها: انطقي معمول من ايه الكاتشب ده

جمره: هيكون معمول من ايه من معجون الطمام ,ومش سبايسي

حارث ممكن تجيب لي السبايسي

جمره : عايزها تولع اكتر عايز تروح تديه لـ اختك ترميه في وش حد تاني

حارث : مرام هو مش ممكن تتكلمي معايا بشويه احترام , كنت مفكر اننا اصحاب

جمره ابتسمت بتهكم :اصحاب يبشا متنزلش من مستواك اوي كدا , احنا نبقي اصحاب ياحضره المقدم العظيم

حارث بنفاذ صبر:وبعدين معاكي

جمره :اشغل وقتك وفكر في قلب اختك ,هتعمل ايه وقتها لو عرفت انك مصاحب عشيقه جوزها

حارث حط الفلوس ع التربيزه بغل وقالها : تمام احنا من اللحظه منعرفش بعض

جمره اخدت الفلوس بنفس الغل وقالت بصوت عالي: ابقي تعالي نفعنا مره تانيه يا بشا

حارث طلع ع اخره وعطاه الكيسه للعامل وجمره شافته لما رجع يبص عليها ومشي بعربيته وغادر المكان

.............قصص منه محمد كاتب.............

في النادي قاعده تفر في الموبيل بهتمام شديد

شوشت بصتلها بعتاب: هو انتي جيباني عشان اشوفك وانتي بتلعبي

لوجين قفلت الموبيل وبصتلها:بشوف حاجه مهمه اسفه

شوشت: عماد وانتي لسه متجوزين شوفي وشك

لوجين بضيق :ده لاني زهقت وقرفت منه لو كنت اعرف كل ده مكنتش اتجوزته ابدا الموضوع مرهق بجد بفكر اطلب منه الطلاق

شوشت: تطلبي منه تطلقي اه ياخايبه وتسبيه للبت دي , لو اطلقتي ده معناه انك خسرتي جرالك ايه ليه هتسلمي بسرعه للوضيعه دي ,وتخليها تفوز عليكي

لوجين :مش بسلم , عايزني اعمل ايه وانا حرفيا مبقتش بطيق اشوفه قدامي كل يوم

شوشت: هسالك سؤال واحد ليه اتجوزتي عماد

لوجين :لانه مناسب ليا اسم ووضع اجتماعي , وكمان بحبه شويه

شوشت بخبث: خلاص استفادي من كل ده , خدي اجازه وسافري شهر عسل جديد وخالي يدفع روحي باريس ولا اروبا , انزلي في اغلي فنادق , اشتري هدوم غاليه دفعيه دم قلبه اخرجي اتفسحي وانبسطي واتصوري وبعدها نزلي الصور دي ع الصفحه , خليها تموت من الغيره بكده هتكسبي من الجوازه والمكانه والاسم

لوجين بحماس :حلوه الفكره دي انتي ناصحه, ميرسي ودوقت هدعمك تكوني مع حارث بدل رشا البت دي غبيه وتافهه , حاسه بتحسن كتير هسافر اجازه بدل مااعمل مشاكل

........قصص منه محمد كاتب...................

عرف ان لوجين بعتت بلطـ جي يهدد جمره بسـ لاح ابيض طلع من شغله علي فيلا عمه ودخل لقاها قاعده عند البسين بتشرب عصير

حارث بحده: ممكن اعرف ليه بتهددي جمره بالشكل ده

لوجين بصتله في منتهي البرود: بدل ما تدخل تسلم عليا , بس هقولك لانها مش عايزه تبعد عن طريق جوزي

حارث :بس الي بتعمليه تصرفات غير مقبوله وده يخالف القانون

لوجين :ولما البت الساقطه دي جات له يوم فرحي مطردتهاش ليه ياخويا ,ولا الي عملته ميخالفش القانون اكتر من الي انا عملته

حارث: لوجي لو بلغت عنك هنقف في ورطه

لوجين بعصبيه: انت اخويا المفروض تقف جنبي انا ,بس انت بتروح تقف جنبها هي

حارث : عشان مش عايز اختي تتحول بالشكل المرفوض ده ,ياريت تفهمي

لوجين لفت حواليه وقالت بتهكم: بغض النظر عن الاسلوب والطريقه المرفوضه, بس ده مجرد رد فعل اسوأ, فطبيعي يكون فيه هجوم وكل واحد وطريقه تعبيره , وطريقه اخد حقه

حارث: لوجين قبل ما تهجمي وتهددي وتحكمي عايزكي تهدي وتفكري , متبقيش متسرعه وتسيئ الظن وخلاص

لوجين بحقد: وانا مش هسيبها وبعرفك لو مبعدتش عنكم مـ وتها هيكون علي ايدي

اثناء كلامهم حارث جاله تلفون ان فيه جريمه قتـ ل ولازم يتواجد سابها ومشي غادر المكان

..........قصص منه محمد كاتب...................

في مسرج الجريمه حارث دخل علي الفريق وراح تحديدا لهادي بسؤال: في ايه يا حضره الرائد

هادي : اطفال بيلعبوا لقوا جـ ثه بنت مرميه في الترعه

حارث بص للجثه وقاله: اخدوا اقوال الاطفال الي لقوها

هادي: ايوه بس مقلوش معلومات كتير, الكل في حاله صدمه

حارث: الـ جثه واضح ان فيه حد غرقها لحد ما ماتـ ت , اصل مفيش شد عضلي ,ولا فيه مؤشر مقاومه قبل الوفاه

هادي :محتمل تكون ماتت قبل ما تترمي في الميه

حارث كمل بنبرة الخبير الواثق : ابعت الجثه للتشريح وبلغني بالتفاصيل بعد تشريحها فورا, وقتها هنعرف كميه الميه الموجوده في الرئتين بلغني بالنتيجه فورا

هادي هز دماغه: تمام

........قصص منه محمد كاتب....................

اعتماد بتصرخ : متخربوش المكان ابوس ايدكم

جمره دخلت زقتهم : جري ايه يا نطع منه له , بتعملوا ايه في بيتنا

اعتماد بتسحبها من قدامهم: اسكتي ياجمره متتكلميش

جمره بصراخ: بسالكم بتعملوا ايه في بيتنا

اعتماد ضربتها ع بؤها : يا بت اسكتي

الراجل :متطوليش لسانك وروحي اسالي ابوكي ده بقي بيت مين, قدامكم تلاثه ليالي لو مدفعتوش الفلوس الي ع ابوكم تغوره ,وخدي بالك

جمره :مين دول يمه

اعتماد :ابوكي رهن البيت للمرشدي

جمره : قلت لك الف مره ,بس انتي مش بتسمعيني

اعتمد بصتلها واخدت بعضها ومشت من قدامها مكسوره

جمره: شايفه عمايلها

ريم: انتي عارفه ماما مكنتش موافقه بس ابونا اجبرها ولو كانت رفضت هتضرب

جمره :والحل ايه , نعمل ايه دلوقت لو مدفعناش لرجاله المرشدي,احنا هنبقي في الشارع

ريم :هما عطونا مهله ثلاث ايام

جمره : تلاته ايام هنجيب منين 300 الف مفكره السماء هتنزلك فلوس

ريم: انا شايفه فيه طريقه

جمره بهتمام: ايه هي

ريم :منصور المرشدي طلب مني اشتغل عنده ,وقتها هيديني البيت الي ابوكي رهنه

جمره :انتي عبيطه ياريم شغل ايه الي هيديلك فيه مبلغ كبير زي ده , اكيد هيشغلك في الشمال

ريم: ياستي اهو احاول اعمل اي حاجه انا يعني ليا قيمه اوي

جمره: ريم اياك ترخصي من نفسك للدرجه , انتي احسن بنت في العالم متفكريش ,سبيني انا افكر واحلها

ريم : رايحه فين

جمره :هدخل اغير هدومي واقابل عماد

ريم :متقوليش انك هتطلبي فلوس منه

جمره بقهره: عمري ما كنت هعملها ,بس دلوقت مجبوره همشي دلوقت هو اساسا اتصل بيا معرفش عايز مني ايه

...............قصص منه محمد كاتب.................

في المطعم

حارث دخل بلهفه وخوف وشوشت قامت رحت له مبتسمه : حارث اتاخرت ليه الطريق زحمه

حارث رد بقتضاب : لاء , فيه ايه يالوجي جبتني ع ملا وشي فيكي حاجه

لوجي : اقعد يا حبيبي الاول اطمن , بس انت مشيت بسرعه وحسيت انك زعلت قلت اصالحك واعزمك ع الغداء اصلي مسافره اسبوع بره البلد

شوشت : يله ناكل ها تحب تشرب ايه الاول

حارث بتكشيره: ميه

شوشت :متر كوبايه ميه للبيه

المتر :حاضر

شوشت بمكر: انت هتشرب ميه بس ولا ايه

حارث بجديه: لازم ارجع شغلي

لوجين : الشغل , انت حتي لو فضلت طول عمرك تشتغل مش هتكون مليونير

شوشت : ايه الكلام ده حارس لما كنا في امريكا

حارث قطعها : لما اكون ظابط انسب الف مره غير ما اكون ,وبعدين ايه حكايتك يا شوشت مش انتي فاتحه مصممه ولا ناويه تبقي شيف وتفتحي مطعم

شوشت :انا مش بعرف اطبخ واظن عارف ده عني كويس_مسكت كف ايده_ الشيف الي هنا شاطر جدا , بس كبر في السن قفل المطعم والنهارده فتحه لزباينه المقربين منه ,جرب اكله ومتاكده انه هيعجبك ,حتي لوجين بتحب المكان هنا

لوجين :طبعا بحبه

شوشت :امال فين عماد ليه مجاش معاكي

لوجين بضيق: راح يخلص شويه شغل ,بيقول عايز ينهي كل حاجه قبل ما نسافر واتنمني يكون راح فعلا للشغل , مش حته تانيه

حارث رفع عينه وبصلها جامد واستأذن يدخل الحمام ولوجين جالها صور وعماد قاعد مع جمره سابت التلفون وقامت تجري

حارث رجع : امال راحت فين لوجين

شوشت مطت شفتها لقدام: معرفش مشت فجأه يمكن حبت تسيبنا لوحدنا

حارث جات عينه ع تلفون لوجي واخده فتحه شاف الصور وبسرعه اتحرك من المكان ووراه شوشت

................قصص منه محمد كاتب...............

في الكافيه دخلت بسرعه ولفت بعيونها في المكان لحد ما هو شاورله من بعيد قربت منه وقعدت قدامه مكشره

عماد : تعرفي انا مبسوط اوي انك جيتي تقابليني

جمره بتردد: عماد فيه موضوع محتاجه اتكلمه معاك

عماد: اتكلمي وخدي راحتك

جمره جات تطلب منه فلوس نفسها عزت اوي عليها ارتبكت وسكتت!

عماد بتشجيع :قولي ياجمره

جمره : ممكن متحاولش تقابلني ,ولا تتصل بيا تاني بعد كده ,ارجوك ممكن

عماد: ايوه بس ليه

جمره كانت لسه هترد لقت الي بينزل ع دماغها شهقت بصدمه

عماد قام بنفعال :انتي بتعملي ايه

لوجين : في كل مره هتقابل الساقطه دي مش هسيبكم ابدا, انت فعلا عايزها للدرجه ,خدها وابعدها عن البلد وعن وشي, يله خدها وطلقني بعدها ,يله مستني ايه

المتر: في ايه يا هانم فيه مشكله

لوجين صرخت فيه : اخرس انا هقفل المكان ده واظن اقدر مش كدا يا عماد ,مفكر لما تسيب مراتك بنت الحسب والنسب وتمشي مع الجربوعه دي هتقدر , بس امشي لانها رخيصه واقدر اعمل فيها كل الي انا عايزه

عماد: اقفي مكانك وكفايه

لوجين : هو ايه ده الي كفايه , الواحده الي عايزه تبقي غنيه من الشمال بيجلها مصايب كبيره تعرفي يا بت الشمابنا الي كبتها ع دماغك تمنها غالي اكب تاني يمكن ترجعي لوعيك وتفوقي من اوهامك تاخدي واحده تانيه ولا تلحسي ايدك ورجلك عشان تعرفي طعم الحاجه الغاليه

جمره وهي داخله عليها اتزحلقت ووقعت قاعده ع الارض

لوجين قطعت لها البلوزه وهي بتشدها وقالت : خليتك تركعي تلحسي رجلك وايدك , بس واضح انه معجبكيش عايزه تلحسي الارض ليه مقولتيش من الاول اسفه مفكرتش في كده ان حقيقيه الناس الي من طبقه وضيعه زيك اكيد بياكلوا في الاماكن الرخيصه , الكل هنا يسمعني دي اسمها جمره عشيقه جوزي يله صوروها وافضحوها عشان تعرفوها ومتقربش جنب رجالتكم , صوروها خطافه الرجاله قبل ما تخرب بيتوكم

جمره قامت من ع الارض والفلاشات نورت في عنيها لحد ما لقت حد رماه جاكت فوق جسمها يداريها لفت بسرعه لقته حارث

لوجين بغضب: حارث ليه بتحميها ,دي قذره ,ليه تحميها

حارث ملامحه شعللت بالغضب ونطق بحزم: لحد كده وكفايه

لوجين صرخت بنهيار: مش كفايه , وملكش حق تامرني باي حاجه , محدش له حق يحمي الحقيره عشيقه عماد

حارث ضم جمره وقالها بقوه: بس انا ليا كامل الحق احمي البنت دي, لاننا هنتجوز

لوجين وسعت عيونها بصدمه : حارث

جمره لفت بصتله اوي قفلت عيونها بشده ونزلت دموعها ع وشها البريئ بصمت تام قلبه وجعه لمنظرها وهي بالضعف ده واخدها وطلعوا من المكان تحت حقد شوشت!!

...............قصص منه محمد كاتب..............

دخلت تاخد شور وطلعت لابسه بورنس وحاطه ع شعرها فوطه لقته منتظرها

جمره وشها احمر جدا وبصتله بأحراج : متشكره انك دافعت عني , حتي لو كدا وكدا

حارث هرب بنظراته : اممم جعانه طلبت لك اكل , وشايف ماكلتيش حاجه من الصبح

جمره بحيره :بشا الطرف التاني مش مجرمه دي اختك وقريبتك , ليه موقفتش في صفها هي

حارث مدلها الكوبايه : اشربي الاول كوبايه العصير , وبعدين انا مدفعتش عنك بالمجان

جمره لمت صدرها :انت عايز ايه مني, انت حطت لي منوم في العصير

حارث خبط بصوباعه ع دماغها: بس , عندك دماغ فكري

جمره: امال عايز ايه

حارث :قلت لك بالفعل

جمره :امتي قلت لي قلت ايه

حارث بهدوء: قلت لك ايه تحت

جمره : يبشا الجواز مش هزار مهما كانت مشكلتك تقدر تحلها بنفسك , انا مليش علاقه بكل الهبد ده

حارث اتحرك بسرعة و جرها من دراعها وزقها رماها ع السرير : انا مش بهزر وبجد عايز اتجوزك

قاعده تاكل وتلفونها عمال يرن وتبصله ومطنشه

جعفر اتعدل بضجر: ماتردي عليه , وقوليله موافقه تتجوزيه

جمره : وانا مش عايزه اتجوز ,انا مش بحب الشرطه

جعفر: بس انا عايزك تتجوزيه

جمره بستنكار: ليه؟!

جعفر :ده هيفيد شغلنا

جمره : وعني انا ايه اروح فطيس , ايه الاستفاده الي هاخدها , فكر في الملاك الي هو انا , فكر

جعفر : حطي نفسك مكاني ياجمره

جمره :لا متتقوليش كده ,انا معنديش دماغ اتخانق معاك ,عمي هما الاغنياء الي معاهم فلوس بيروحه يتجوزه بالسهوله دي

جعفر :مش كلهم وراي عنده سبب تاني

جمره بحيره: سبب ايه

جعفر: لو عايزه تعرفي السبب يبقي اتجوزيه

جمره :يعني ياعمي عايزني استغل جسمي في التبادل

جعفر: هو انا بقولك روحي نامي معاه

جمره : ياسلام ياخويا , ده جواز راجل مع ست , افرض طلب حاجه خليعه , ازاي امنعه لا مقدرش ع التمثليه دي

جعفر: مش بتحبيه

جمره: طبعا مش بحبه

جعفر: لو مفيش حب خلاص اتجوزيه , بس انا شايف عنده سبب تاني , والاحسن تساليه يله اتحركي

جمره وقفت وشدت شنطتها بغيظ ومشت بضيق من جعفر!

..........قصص منه محمد كاتب.............

اعتماد مسكته: اقف ثانيه ازاي ترهن البيت الي اوينا , نترمي في الشارع

ابو جمره: معرفش حاجه عن الكلام الفاضي ده , وبعدين هو ده بيتي لوحدي , ماهو بيتكم كمان روحي اخلقي الفلوس وادفعيها , والا مش هيكون ليكم بيت

خادم المرشدي: ما يله خلصوني

ابو جمره: تعال لو عايز تاخد اي حاجه خدها , انا ماشي

اعتماد لريم بقهره : شايفه ابوكي

الخادم: احنا هناخد كل حاجه هنا

ريم جريت وقفت قدامه ببكاء: استني ابوس ايدك , اديني مهله يومين بس , معايا الف جنيه خدها دلوقت ,وبكره هجبلك تاني

الخادم: لايمكن عطيتكم مهله كافيه, يا طعمه لو ماخدتش اليوم 300 الف هطردكم حالا

اعتماد: هنجبلك المبلغ ده منين ,ولا عايزنا ننام في الشارع

الخادم : انا مالي دي اوامر منصور بيه , ماهو طلب من بنتك تروح تعيش معاه , ليه منفذتش كلامه , عندك عيل صغير مش بنت بنوت ع ايه شايفه نفسك ,روحي خلي ابنك ينام في الشارع

اعتماد مسكت فيه وصرخت في وشه: اتكلم بادب ,واياك تهين في بنتي

الراجل زقها بعنف: شكلك عايزه تموتي وقتي

ريم جريت عليهابخوف: ماما حصلك حاجه

ابراهيم ببكاء :ستي

ريم بعياط شديد: ابوس ايدك متاذيش امي , لو عايز اي حاجه خدها بس بلاش تؤذينا ارجوك

الخادم سحبها من دراعها : انتي لئيمه

حارث فتح الباب: نزل ايدك عنها

الخادم: انت مين

حارث: انا ظابط شرطه وبطلب من الكل الهدوء ,والا هتعامل بسفاله

............قصص منه محمد كاتب...........

قاعده فرحانه لما مشكله رهان البيت اتحلت واندفعت الفلوس

حارث : ها قولتي ايه يا ست اعتماد

اعتماد: هقول ايه بعد الواجب والكرم الي عملته معانا , احنا تحت امرك يبشا ومش عايزين فرح خالص كفايه كتب الكتاب, اما بالنسبه للمهر الي تدفعه

حارث :الي انتم تقوله عليا ياست اعتماد

اعتماد شافتها قامت عليها بفرحه : جمره جات تعالي يابنتي الحظ خبط ع بابك_ قعدتها جنب حارث وتابعت_ اقعدي هنا

جمره قعدت جنبه وبسؤال: في ايه يمه , وانت ايه الي جابك هنا

اعتماد وريم بصوله بتعجب ع اسلوبها الحاد معاه

حارث ضحك بعبط: مش عارف مالها تقريبا من اثار الفرحه

جمره شدته من ايده :انت قوم معايا

حارث :استني هنروح فين

جمره :في مكان شاعري قوم

حارث: مالك وخداني ع السخان ,انا عايز اقعد هنا هشرب الشاي

جمره: هنخرج نتكلم سوي دقيقه

حارث :هنرجع بسرعه يا حماتي

اعتماد: مستنياك يابني

...........قصص منه محمد كاتب.............

حارث بص للترعه وقالها: ده المكان الشاعري الي هنقف نتكلم فيه

جمره : ممكن اعرف جيت ليه

حارث: جيت اطلب ايدك

جمره :والله

حارث: اعملك ايه , عمال اتصل بيكي وابعتلك في رسايل وانتي مش بتردي عليا, ليه متجهلاني

جمره : تجاهل ايه احنا ملناش علاقه ببعض, ليه نتقابل ونتكلم

حارث: امال ازاي هنتجوز احنا الاتنين

جمره بعصبيه: بشا ممكن توقف هزار, انا بجد مش فيقالك

حارث : وانا مش بهزر طلبت ايدك من امك , وهي اخدت مني المهر خلاص

جمره: استني

حارث : مش هقدر استني , خلاص امك اخدت الفلوس مني

جمره : يعني كل همك ترمي الفلوس بسهوله, اه صح بترمي فلوسك ع الغلابه , بس المره دي مش هسيبك تحتقرني اكتر

حارث بجديه : مرام جيت اقابل والدتك لقيت ناس متهجمين عليها وبيطردوها من بيتها , حليت المشكله ودفعت الدين عشانك , وبعدها طلبت منها اتجوزك بشكل رسمي , ودفعت المهر واتكفلت بالفرح وبكل حاجه , ازاي ابقي بعد ده كله بحتقرك

جمره : اصبر شويه يبشا

حارث : مش هستني دقيقه وبعمل كده لاني بحترمك كتير , بدليل هكتبك ع اسمي , انما الشخص الي بيحتقرك هو نفسك انتي , وانتي عارفه ده كويس جدا

جمره بحيره: ليه بتعمل كل ده

حارث: عايزك

جمره :وانا مش عايزك

حارث :متقدريش ترفضي, امك اخدت مهرك خلاص , اتعاملي مع ده امر واقع

جمره :تمام انا هنهي الموضوع ده مع امي , استناني هنا واياك تروح اي مكان , ولا تيجي ورايا , امي بتضعف قدام الوسامه

حارث بغمزه: هو انا وسيم

جمره افأفت بملل وزهق: اوف استني هنا هرجعلك

..........قصص منه محمد كاتب............

جمره بغضب: انا مش موافقه دي مساله بيني وبينه انتي ملكيش علاقه بكل ده , ولو عجبك روحي اخلعي جوزك واتجوزيه

اعتماد : لمي لسانك هو فيه حد هيتقدملك احسن منه , ده انتي المفروض تفرحي ,يابنتي الراجل شاريكي ومش عايز منك حاجه ,دفع رهان البيت ورجع دفع مهرك , ولو سبتيه مش هتلاقي واحد زيه

جمره: ليه مالي مكسحه

اعتماد بدموع مغرقه عيونها: يابنتي انا كل يوم بشوف السواد والمرار اشكال واللوان, حتي اختك بتعاني معايا دي طلعت تنضف في البيوت عشان تقدر تصرف ع ابنها , ده صعب ولا سهل عليا , وانتي لوحدك ده مش صعب

جمره : لاء

اعتماد : نمتي فين امبارح , اسمعي الحياه مش بمبي عشان بتكملي علامك, بصي لاختك مقدرتش تكمل واتجوزت واحد خايب وطلقها, اما انتي مستقبلك احسن من بنات كتير اما الي زي وزي اختك حتي لو متنا حالتنا مستحيل تتحسن ابدا , اما للبيت عارفه كويس انه غلطي خليت ابوكي يرهنه , بس دلوقت رجعلنا ومش هنبات في الشارع , وده حصل بفضل الظابط لو مكنش هو كنا هنعمل ايه وقتها , كنا هنعيش فين واختك وابنها , وافقي يابنتي وعيشي مستقبلك احسن مننا , بعدها مش هيبقي مصيرك تعيشي مع ناس زينا في مستوانا , وتقدري تكملي مشوارك لو مكنتيش هتفكري و توافقي عشان نفسك, فكري فيا نفسي اطمن عليكي وارتاح

جمره قلبها وجعها لما ريم حطت إيدها ع بؤها تمنع شهقتها ودموعها نزلت ع خدها بحراره سابتهم وطلعت تدور ع حارث ملقتهوش واقف في المكان اتغاظت وركبت وراحت له ولسه هتضرب الجرس لقته فتح وبصلها بابتسامه

جمره بغيظ : هو انا مش قلت لك تقف تستناني مشيت ليه كدا , علي كلا انا جايه اقولك موافقه نتجوز

حارث :تمام تعالي ادخلي

جمره دخلت وبسؤال : بس الاول لازم اعرف سبب جوزاك مني

حارث : محتاج حارس للكلاب

جمره ضمت حواجبها: جات منين الكلاب

حارث بغموض : بعد ما نتجوز هتعرفي

جمره :يعني كلاب شرسه , وانواعهم ايه , وعددهم كام

حارث : ايه بتغيري

جمره : مبغرش, وليه اصلا اغير عليك

حارث :متهجميش زي الكلاب

جمره : ماشي بس اعرف هاخد ايه

حارث :مش هتتعرضلك لوجي بعدها , ولا عماد , وسمعت ان لوجي ع علاقه وطيده بعميده الكليه , ولو طلعت اخبار مش كويسه عنك هيفصلوكي نهائي , امتي امتحاناتك لـ اخر الترم

جمره :خلال 3 شهور تقريبا

حارث: اوكيه هنتجوز لمده تلات شهور وبعد ما اتاكد ان المشاكل انتهت هطلقك بعدها

جمره: تلات شهور ليه تلاته يعني

حارث :عايزه تتجوزيني العمر كله

جمره ارتبكت : لاء بس هنتجوز , طبيعي استمر مش ابقي مطلقه

حارث بخبث : مرام انتي مش هتتجوزيني عشان بتحبيني , ولا انتي مفتونه بيا

جمره: ازاي اثق انك هتوافق تطلقني

حارث :لان دي صفقه وانا متاكد انك واحده محترمه

جمره : صفقه معني كدا هاخد عليها فلوس

حارث بهدوء: قولي عايزه كام

جمره اتخصرت: مليون

حارث: لاء ده كتير جدا

جمره : خلاص ربع

حارث : هما تلات شهور كتير جدا جدا

جمره : في الزمن ده يبشا لو روحت اشتريت برطمان كريم يفتح تحت باطك مش هيكون بالسعر ده , وانا محتاجه البس واظهر ملكه جمال , ده انا هبعد عنك عض الكلاب , زائد هبقي مطلقه وهتفضل وصمه طول حياتي

حارث : مش يمكن اموت وتبقي ارمله

جمره : مين عارف الاعمار بايد الله , وبعدين انا عايزه اشتري بيت في حته حلوه ,وفلوس لتعليمي

حارث : انتي طماعه زياده , ماتطلبي اشتريلك فيلا في التجمع بالمره

جمره كشرت :مفيش لزوم للتريقه , انا بتكلم جد

حارث : وانا موافق انا بعمل كل ده عشان احمي نفسي , ولازم استفيد منك كمان

جمره : لايمكن تلمسني

حارث : هدفعلك 300 الف قبل ما نطلق, وهجبلك شغله محترمه , ولما اتاكد انك واقفه ع ارض صلبه هطلقك وقتها , موافقه ع كده

جمره : دي محتاجه افكر فيها شويه , دي مساله مصير

حارث : ماشي من بكره انقلي حاجاتك في بيتي

جمره : اليوم

حارث بصدمه: ايه

جمره: نعمل ده اليوم انا اصلا معنديش هدوم كتير هروح اجبها وارجعلك

حارث بصلها وفتح بؤه وهي بتجري بحماس كان منتظر يعملها فرح عائلي وتلبس فستان لكن لقاها مستعجله

...........قصص منه محمد كاتب............

قاعد علي السفره وشوشت بترن عليه وهو مطنشها

جابر حط الطبق قدامه: لو عايز عيش قولي

حارث: متشكر

جابر: لو قدرت توقف صوت تلفونك ليوم واحد هتقدر تعمل في حياتك حاجات كتير

حارث: اه بالحق ياعم جابر ممكن تفرش اوضه نوم جديده بسيطه

جابر: طبعا بس هو فيه ضيوف جاين

حارث: لاء جايه واحده توقف صوت الموبيل وازعاجه

جابر بتعجب: واحده هتوقف صوت التلفون

حارث رد ع موبيله: نعم ياعمي اه بلغتك لوجي طبيعي, اه هتجوز لاْ مفيش داعي ياعمي انا عارفها كويس متشغلش بالك انا عايزك تهتم بحاجه اهم البنت الي ماتت ورموها في الترعه اتضح انها كانت بتشغل في كباريه المرشدي.... وانا اتصلت بأهلها وعرفت المعلومه دي منهم.....تمام قدامي مهله تلات شهور وانهي القضيه دي ماشي سلام

جابر: انت بجد يابني هتتجوز

حارث بسعاده كبيره: ايوه

جابر: مين؟!

حارث ابتسم : هتشوفها كمان شويه

............قصص منه محمد كاتب............

دخلت حطت الشنط ع الارض ووقفت تبصله بعجرفه

حارث حط ايده في جيوبه وقالها: شكلك واثقه من نفسك اني موافق تيجي من اليوم

جمره : اصلي شيفاك محتاج لواحده زي تبقي مراتك , عشان تتعافي وربنا يشفيه

حارث : جابر

جابر :نعم

حارث :خد شنط مرام هانم طلعها فوق

جابر :حاضر

جمره : مفيش داعي ياعم جابر هاخدها بنفسي

حارث :سبيها لسه مخلصناش كلامنا امشي معايا

جمره وهي بتحاول تشد دراعها من ايده: سيبني اوعي, ليه تسحبني تاني اقدر امشي لوحدي

حارث قعدها ع الكرسي وحط قدامها ورقه خطه التعامل وهي قراتها

جمره : موافقه ع كل البنود تقريبا بستثناء البند الخامس

حارث: ايه الي فيه مش عجبك

جمره : عايزه اجازه مش من حق الزوجه تاخد اجازه ترفهه عن نفسها يبشا

حارث : بعد الست ما بتتجوز مفيش وقت شخصي ليها

جمره : انت متاكد ماشي موافقه عليه

حارث: فيه اي اعترض تاني

جمره : اه فيه لو فيه حاجه حصلت من وري التاني هلغي عقد الاتفاق , وفيه بند هنا لا مش عايزاه : لان ده مش هيحصل ابدا

حارث : اي بند

جمره قربت اوي منه : ده اقراه

حارث لما قربت منه اتوتر وحط ايده ع كتفها يبعدها عنه وقال: لاء هيحصل

جمره: لاء مش هيحصل

حارث: انا كتبت دي الاول اي راجل بيعيش مع مراته في اوضه واحده ممكن يحصل بينهم تقارب عادي المحطوطه مشروطه والحق ميزعلش

جمره: وانا رافضه البند ده , لاننا مش هنام مع بعض في اوضه واحده , فيه اربع اوض في الشقه ,عايزه اوضه لوحدي , واقدر انام في الاوضه الي كنت بنام فيها

حارث: لايمكن طلبت من عم جابر يغير الاوضه عشانا ,هيشك لما يلاقينا كل واحد في ناحيه

جمره : اطمن مش هيشك في حاجه

حارث :وعرفتي ازاي

جمره : لانه واقف هناك بيتصنت وسمع كل كلامنا , من البدايه لحد النهايه

حارث لف بصله وجابر قال بحرج: انا كنت عايز اسالك عن الاوضه الي عايزني احط فيها الشنط

حارث : ووقفت تسمع كلامنا

جابر :هكدب ايوه

حارث :امشي ياعم جابر امشي

جابر : حاضر همشي

.............قصص منه محمد كاتب............

دخلها تحط شنطها في غرفه نومه الخاصه

حارث: نامي في الاوضه دي

جمره: وانت هتنام فين

حارث اغلق الباب بالمفتاح: معاكي في نفس الاوضه

جمره: انت ناوي تعمل فيا ايه

حارث: هو مش الامر الطبيعي الراجل ينام جنب مراته في اوضه واحده

جمره: انت صح ممكن ننام في اوضه واحده

حارث ابتسملها : ايوه كدا خليكي زوجه مطيعه

جمره: الحضن بـ 200 جنيه وماسكه الايد بـ 500 ولمس اي جزء تاني مش اقل من الف جنيه وهيزيد السعر حسب الجزء الي هتلمسه , اما البوسه بـ 5000 والبوسه العميقه بـ عشره الف واي حاجه هتعملها معايا هتدفع لي 300 الف

حارث: حاجه زي ايه

جمره: حاجه اعمق يبشا عايز تعمل ده منفصل , ولا مره واحده اقدر اقسطلك المبلغ

حارث فتح الباب: امشي نامي في اي اوضه

جمره بعناد: لاء انا هنام هنا

حارث: امشي يامرام

جمره: نو

حارث بتعصب : مررررام

جمره بدلع ولطافه: اخص عليك فيه زوج يطرد مراته بالطريقه دي

حارث شدها: امشي

جمره مسكت الباب وقالت وهي بتتمايل بجسمها : طيب همشي مفيش لزوم تنفعل كده

..........قصص منه محمد كاتب................

يوم كتب الكتاب الي تم في بيت حارث وريم حضرت وهادي كشاهد

حارث بغيره: ليه جايبه هادي

جمره: عشان لازم يكون حد من اصحابي موجود

حارث : واصحابي انا فين

هادي: انا همضي شاهد

المأذون: مبارك انتم دلوقت متجوزين رسمي أسأل الله أن يبارك زواجكما، وأن يبارك عليكما، وأن يجمع الله بينكما في خير

جمره: مش هيحصل يجمعنا

حارث ضمها: الليله هيحصل ويجمع بينا

جمره: بشا

حارث: اصل مراتي كانت مستنينا نكتب الكتاب الاول وهديها افضل ما عندي

رشا دخلت بغضب: ايه الي بيحصل هنا ده

جمره وقفت: رشا

حارث بصلها وهمس في ودنها: ادي واجبك من دلوقت

رشا: مين اتجوز

المأذون : انا همشي

رشا: بسالك مين اتجوز

المأذون خاف فكرها مراته وقال: انا مليش دعوه , انا مأذون اديت مهمتي , والباشا طلب مني اكتب ع الانسه سلام

جابر ارتبك: اتفضل هوصلك لبره , اتفضل

رشا شدت العقد ورمشت بعيونها بعدم تصديق: ايه ده ياحارث عقد جواز ومراتك جمره اه ياغداره, ياخاينه

جمره عيونها نزلت دموع: اهدي واسمعيني الاول

رشا صرخت فيها: مش عايزه اسمع منك حاجه يا غشاشه , بتقولي بلسانك انك بتحبيني وبتخافي ع زعلي , بس اخدتي مني كل حاجه , حتي دلوقت بتاخدي مني حارث من غير كسوف ايه الي هسمعه

حارث ضم جمره لصدره وقال بقوه : رشا جمره مأخدتش منك اي حاجه , انا الي طلبت اتجوزها

رشا بحقد : مش مصدقه ليه حقرت من نفسك لدرجه تتجوزها, مش مصدقه عملتي ايه ياجمره حارث وعماد عايزينك, فيكي ايه نفسي افهم عرفيني

حارث اتعصب من كلامها ونطق بنرفزه شديده: رشا متحطنيش في نفس مكان عماد , واتكلمي بشكل كويس واحترمي مراتي الي احترامها من احترامي

رشا عيطت وزقت حارث بعنف ومشت وحارث بص لجمره لقاها بتعيط بقهره

حارث: مرام عامله ايه دلوقت

ريم: احسن هي جامده شخصيتها مش ضعيفه يبشا

حارث: بلاش تناديني بالبشا

ريم: ازاي ده المقامات محفوظة ومش عشان اتواضعت معانا نطمع ونحذف الالقاب ومتشكرين ع احتمامك لجمره هي تبان مجنونه شويه بس ده لانها شايله كل همنا وخاصه انا وهي معندهاش حد يهتم بيها لحد ما قابلتك

حارث: وانا ان شاء الله ابقي عند حسن ظنك

ريم: انا متأكده وجودك في حياه اختي الصغيره هتغيرها وماما مقدرتش تيجي هنا عشان خايفه تعيط وتضايق جمره بس طلبت مني احضر اصل احنا يعني عيلتنا في مستوي مختلف عنك وميكنش مرغوب في وجودنا بس احنا بنرحب بيك في عيلتنا

حارث عقد حواجبه وبصلها واتغيرت ملامح وشه للزعل وسكت

ريم اتوترت وقالت: يظهر اتكلمت بشكل مش كويسه انا اسفه , ياريت متهتمش بكلام واحده غبيه زي عن اذنك

حارث وقفها: ريم

ريم لفت له: نعم

حارث: لما تكوني فاضيه هاتي ابراهيم يلعب هنا عايز اللعب معاه

ريم: حاضر والف شكر همشي دلوقت

حارث: مع السلامه

............قصص منه محمد كاتب................

فتح الباب لقاها بتلبس الفستان وبسرعه لفت وشها الناحيه التانيه

جمره بشخط: فيه حد يفتح الباب كدا فجأه هما في بيتك متعلموش يخبطوا ع الباب

حارث دخل بخطواته: لو خبط ع الباب مكنتش هشوف المنظر ده

جمره: يا قليل الادب يا منحرف عشان تشوف جسمي لازم تدفع فلوس

حارث: ده ميتحسبش ومش هدفع طالما ملمستكيش واعملي حسابك ان المره الجايه مجبره تتكلمي بالطافه مع جوزك, انتي سامعه

جمره لفت بصتله: لو كنت كويس ليه هشخط فيك

حارث مسك ايدها: تعالي نتكلم في الشغل , يله تعالي هنا اقعدي جنبي

جمره: سيبني تقدر تتكلم وانا واقفه كده

حارث حط رجل فوق التانيه وقالها: تمام النهارده خلتيني احس بأحباط كبير بخصوص رشا لان واجبك ناحيتي دلوقت انك تمنعي البنات عني

جمره: هو ممكن رشا متكنش منهم

حارث: لا يمكن

جمره: بس يمكن فعلا رشا بتحبك بجد

حارث: مش صحيح

جمره: وعرفت ده ازاي

حارث: عنك انتي بتحبي كل الرجاله

جمره : بس رشا قدمت لي معروف كبير واظن قولت لك فتحتلي باب بيتهم لما مكنش فيه حد موجود يحميني

حارث: ودي فرصه كويسه ليكي تردلها الدين بالشكر

جمره قعدت قصاده: ازاي

حارث: تخليها تعرف انها مش بتحبني بجد , ومتفضلش مضيعه وقتها عليا

جمره: طيب لو طلعت فعلا بتحبك بصدق

حارث قام من مكانه: ده وقت ضايع وكلام فارع

جمره: ليه

حارث: لاني مش هحب حد ( ميل عليها) انا اصلا مش بؤمن بالحب

...........قصص منه محمد كاتب..........

راجع من شغله وبيركن العربيه لقاها طالعه ولابسه وقالت له: سلام يا حضره الظابط جوزي

حارث جري وراها ومسكها من دراعها : استني رايحه فين

جمره: رايحه للشغل الاسبوع ده ورديتي من بالليل

حارث: مفيش داعي تروحي

جمره: لا متفقناش ع كدا يبشا , المشروطه محطوطه ولا نسيت

حارث: قلت متتكلميش باللاسلوب ده مع جوزك

جمره بدلع مصطنع: تمام لو سمحت ممكن اروح اشتغل يا حضره المحترم جوزي

حارث: قلت مفيش مرواح هناك

جمره شدت دراعها منه: لو موفقتش اروح هصرف ع نفسي منين يا ظابط , ده شغلي ولو مروحتش مين هتروح

حارث: اي حد غيرك

جمره: دي انانيه منك انت كبير , المفروض تبقي عاقل

حارث شدها ولما عافرت معاه ساب ايدها بغل وقعت جامد ع الارض

حارث: ها حاسه بالوجع قومي ازاي تتجرئي تتكلمي مع جوزك بالشكل ده .انا جوزك وانتي مراتي دلوقت عايزه تسبيني انام بالليل لوحدي , مستحيل

جمره: جوزي المزيف ياتري افتكرت دي ولا نسيتها يبشا

حارث: سواء مزيف ولا حقيقي مش من حقك تطلعي من غير موافقتي , حالا اتصلي وخدي اليوم اجازه فورا, قوللهم تعبانه, مصدعه, او بتموتي , اياكان بس مش هتروحي الشغل ادخلي جوه البيت

جمره بعناد: هروح الشغل

حارث شدها من قفاها: ادخلي البيت

جمره: الشغل

حارث: ادخلي يا مرام

جابر شافها: الله لحقتي ترجعي ازاي بالسرعه دي

جمره كشرت بضيق: انا ممشتش اصلا

حارث: مرام اقعدي

جمره كتفت ايدها حوالين صدرها ونطقت بعناد: مش قاعده

حارث: روحي هات لي كوبايه ميه ساقعه

جابر: استني يابنتي انا هجبله

حارث: مش عايز منك يا جابر , مراتي هي الي تجبهالي

جمره بنرفزه: مستحيل

حارث بهدوء: روحي اقرئي البند الثالث من الاتفاق بيقول طيعي جوزك اظن فاكره

جمره ضربت الارض برجليها : خلاص هجبهالك حالا

حارث: وتعملي الغداء كمان وبسرعه , راجع جعان اكلي جوزك من ايدك , انتي عارفه برجع تعبان ومجهد من شغلي طول اليوم وانا جعان شهلي

جمره: مغشوش

حارث تابعها وضحك من قلبه لقاه جابر بيضحك عليها لف وشه وكمل ضحك في السر

..............قصص منه محمد كاتب..........

راجع من شغله لقاها قاعده نايمه ع الباب قدام باب شقته

هادي هزها من كتافها: يا انتي يا انتي انتي كويسه

رشا فتحت وبصتله: لاء

هادي: معقول قاعده هنا طول الليل

رشا: ايوة

هادي: لسه مش بخير

رشا: لاء

هادي: وليه مش بخير ليه حزينه من امبارح

رشا عيطت: عشان ميته من الجوع ومفيش حاجه اكلها , انا جعانه ومعدتي هتنفجر من الجوع

هادي اخدها شقته وبسرعه دخل المطبخ عملها سندوتشات ومج نسكافيه وقعد قدامها:

رشا: تعرف

هادي: عارف

رشا بغيظ : ازاي عرفت انا مقلتش حاجه حتي لما بتبسم

هادي: بكون حلو اوي مش كده

رشا: مقرف , انا مش بخير ازاي اكون بخير ليه حارث مخترنيش ليه خسرت قدام جمره عرفته قبلها وعرفها بعدي, بس انا الي كنت قبلها في حياته والكل قالولي انك لايقه معاه والعلاقه بينا كانت كويسه , وفجأه اتغير وهرب وراح اتجوز , مش فاهمه ليه عمل كده

هادي: جمره حامل

رشا صرخت بفزع: ايه

هادي: مش متأكد انا بخمن كده

رشا رمت عليه موزه وبكت: انا مش قادره اخسره , تعرف في اليوم ده قعدت وفضلت باصه ناحيه بيته طول الليل لايمكن انساه انا بحبه فاهم بحبه ياحارث بحبك والله

هادي: بطلي تحبيه

رشا: هو ده ممكن

هادي: ممكن لان الحب مش هتاخديه منه بالعافيه

رشا: بس انا عايزه

هادي: مجنونه

رشا رنت ع رقمه وهادي بصلها وسكت لحد النهايه

رشا: ليه مش بيرد ع اتصالي ليه

هادي: امبارح كان فرحه ليه عايزه تزعجيه

رشا: اسكت مش عايزه اسمع الكلمه دي انا متقبلتش الجوازه دي اصلا رد بقي ياحارث سامعني, انا رشا حد قالي انك اتجوزت انت مش بتحب جمره صح , معقول تحبها اكتر مني

هادي سحب منها الموبيل: لحد كده وكفايه اتصلتي كتير وهو مردش, ليه تهيني نفسك بالشكل ده

رشا: هو معقول يضايق مني, ليه يضايق

هادي: روحي بيتك

رشا: لا انا لسه مش كويسه, لازم انهي الحساب مع حارث , غير كدا مش هبقي كويسه

..........قصص منه محمد كاتب..........

ع السفره

حارث رفع الشوكه لفوق بصدمه: ايه ده

جمره: سبانخ

حارث: سبانخ ومالها طويله كده, وليه حبه قليلين يامرام

جمره: عشان وزعتها ع حصص

حارث: وفين التقليه

جمره: هحطها ع الجزء التاني

حتارث بعصبيه: مررررام

جمره ضحكت: يله كل اكلك قلقانه وعايزك تاكل بسرعه , انت كبير هتتخانق ع تقليه , يله دوقها وثق فيا يله كل بقلب جامد

حارث قلقان يدوقها ومتردد وهي قربت منه الشوكه: يله كل

حارث سماه بالله وبدأ ياكل بحذر وهي بتشجعه: يله كل

حارث اكل وقفل ملامح وشه وهي ضحكت: طالما عملت وشك كده تبقي عجبتك اكيد طعمها تحفه صح

حارث قام بسرعه يجري ع المطبخ يشرب ميه: Very Salty

جمره: ايه انت قلت ايه بالانجليزي شتيمه دي انطق

حارث حدف المنديل : حادق جدا جدا

جمره : يابشا دي سبانخ وجايز الصلصه اتحدقت شويه فين المشكله مش فاهمه

حارث بغيظ: لسه بتسميها سبانخ , انتي حاطه كيس ملح فيها , تعرفي كميه الملح دي كفيله تموتني بسرعه

جمره: لا متأفورش وتبالغ ., انا حطيت ذره ملح صغيره, يله كل وقفت وعملت لك الاكل المفروض تشكرني

حارث: اشكرك ع موتي

جمره: مموتكش عملت الصنف ده عشانك , ولازم تخلصه بأي شكل مليش فيه

حارث: مش مصدقاني خدي دوقيه بنفسك وشوفي حادق ولا انا بفتري عليكي ,يله افتحي بؤقك

جمره: لاء مقدرش اكل عندي حساسيه منها

حارث: حساسيه ايه , محدش بيجيله حساسيه من السبانخ

جمره: وعرفت ازاي , انا اول واحده اعاني من حساسيه منها

حارث: خلاص دوقي الصلصه وانتي تشوفي الطعم

جمره: قلت لك مقدرش اكل منها كلها انت

حارث مسك المعلقه واكل لكن قفل وشه وحدف المعلقه بسرعه

جمره ضحكت: شوفت لذيذه

حارث: لآء وحشه جدا جدا حاجه تسد النفس

جمره بهمس: ده البصه في وشك هي الي تسد النفس يبشا

...........قصص منه محمد كاتب..............

جابر حط الاطباق وقال: يله استمتعوا بالاكل يا ولاد

حارث: الف شكر

جابر: ولا يهمك

حارث: ده ياهانم الي اسمه اكل يتاكل

جمره بحماس: اه فعلا ده الي يتسمي اكل

حارث بغيظ: لسه ليكي نفس تتكلمي , من دلوقت تقفي تتعلمي الطبخ من جابر

جمره: انا , ليه لازم اتعلم , كفايه هو بيعمل اكل حلو ,مش كدا يا عم جابر

جابر: حاجه زي كده

حارث مسك ايدها عشان يمنعها تاكل لكن هي غفلته واكلت بالشمال وبعدها راحت قعدت قدامه تشرب عصير برتقال وبتتحرك شمال ويمين

حارث رفع عينه من الاب توب بستفسار:في ايه مالك , جالك عسر هضم

جمره: لاء

حارث: امال ايه

جمره مبتسمه: اصلي عمري ما اتعودت , يعني لما كنت في بيتنا مش بقدر اقعد بالشكل ده لازم اطلع اشتغل او احيانا اتخانق مع امي وساعات براعي ابن اختي , او ابويا يمسكني يضربني

حارث اضايق: تمام تمام عارف ده كويس

جمره: انا معشتش في بيت حلو زي ده قبل كده

جابر تدخل وقال: هتتعودي بعدين

حارث لف بصله بتحذير وهو خاف واخد بعضه ومشي وجمره حطت ايها تحت دقنها وفضلت تبصله

حارث عينه في الجهاز وقالها: هو ممكن احاسبك ع نظراتك عليا

جمره قامت قعدت جنبه: بشا انا بفكر في الكلام الي قلتهولي

حارث: بخصوص ايه

جمره: انك مش بتؤمن بالحب

حارث قفل الجهاز وربع وبصلها: ايه رايك قوليلي

جمره قلدته وربعت زيه: رآي انا زيك مش بؤمن بالحب, من يوم ما اتولدت بابا بيضرب امي وبيضرب ريم وبيضربني , وريم راحت اتجوزت واحد معدوم النخوه والضمير , وبعد ما طلعت حامل سابها ومشي

حارث: وبالنسبه لولدتك

جمره رغرغت عيونها بالدموع: امي عمرها ماوقفت جنبي ابدا, طول الوقت تهزقني , واوقات ببقي نفسي اتكلم وافضفض معاها براحتي, بس يظهر ده مش هيحصل ابدا , وعنك ليه مش بتؤمن بالحب يعني عيلتك محترمه ورايقين

حارث : فعلا بابا وماما كانوا لطاف جدا , عمرهم ما ضربوني مره

جمره بهتمام :امال ليه متعقد ,ومش بتعترف بالحب

حارث : لان الحب بيموت وفي النهايه مش هيقدروا يعيشوامع بعض , وبينفصلوا لان الموت بياخدهم من بعض

جمره بحناس شديد : افتكر احنا مناسبين لبعض ع الاخر, وهنعرف نتكيف

حارث: ليه

جمره : لانك مش بتؤمن بالحب , وانا زيك مش بؤمن بيه , ده مصيرنا اكيد لان مهما حصل بينا مش هنحب بعض يبشا, اي نعم اتجوزنا بس عشان شبه بعض , ها مناسبين بقي ولا لاء , انت هايل واختيارك لمراتك هايل زيك ,عظيم

حارض ضحك :اشمعني

جمره : ده معناه ممكن نعيش مع بعض ع الوضع ده, ونستمر اننا منحبش بعض حلو

حارث :طبعا حلو جدا

جمره : خلاص خلينا كدا ونفضل متجوزين , مفيش داعي للطلاق, ايه رايك في فكرتي

حارث : ليه

جمره: اصلي خايفه ادمن ع العيشه معاك , بشكل مستريح كده

حارث خبطها في دقنها برفق وقال وهو بيقوم من المكان: حيلك تلاته شهور يا مرام , تلات شهورهنعشهم مع بعض وبس

..........قصص منه محمد كاتب................

حارث خبط ع الباب بقوه شديده : اصحي ياهانم مرام , انتي صحيتي يامرام

جمره قامت ولسه هتقف افتكرت انها مفرشتش اسنانها وشمت نفسها لقت ريحتها عرق لفت الحاف عليها ولبست كمامه وراحت فتحت الباب

حارث بصلها بتفحص : هو انتي عيانه

جمره هزت له دماغها بـ لاء

حارث بجديه: حصليني ع مكتبي عايزك, بس هو انتي لابسه من غير سنتيان مفيش مشكله تقدري تنزلي قدامي كده, انا معنديش مانع

جمره اتغاظت وخلعت الكمامه عشان تهينه وبعدين لبستها بسرعه وهبدت الباب في وشه

شويه ونزلت له ولمت الجاكت ع صدرها ومكشره في وشه: هو انت هتجيلي كده كل يوم تصحيني الصبح

حارث بوقاحه: مفيش داعي تتكسفي مني , فاكر لمست صدرك قبل كده

جمره بشخط: بشا وقتها كنت مضطره اعمل كده

حارث :يعني بتعترفي انه كان انتي , زي ما توقعت , امسكي البسي دي

جمره: ايه دي دبله جوازي

حارث: اه دبله جوزاك, تحبي البسهالك بنفسي , واحطها في صوباعك

جمره لبستها بعناد وكلمت نفسها وهي بتتمعن في جمال ايدها: ايوه كده , لما يشوفوها هيقوله البنت المحتاله عاشت ولبست دبله حلوه

حارث: دي من الدهب الابيض , وبلاش تقولي ع نفسك كده

جمره بقهر: ليه مقدرش الكل بيقول عليا كده

حارث: من دلوقت مش مسموح لحد يندهلك بكدا ,اجباري يحترموا مراتي كمان

جمره بصتله واتحرجت ومشت بسرعه من قدامه وراحت للكمبيوتر وبصت في الصوره : ايه ده البنت دي اعرفها , مش دي البنت الي غرقت في الترعه انت شغال ع قضيتها

حارث لف الجهاز من قدامها وقالها بحده: متدخليش

جمره مسكت الاب توب بأصرار وقالت: استني اتعرف ع ملامحها, ايوه افتكرت شوفتها فين قبل كده

حارث بهتمام: انتي شوفتي البنت دي قبل كده , فين ,وامتي

جمره : بصراحه مره شوفتها في كباريه

حارث: وانتي ايه الي وداكي هناك

جمره: روحت انده ابويا لما عرفت انه هناك مره وشوفتها بترقص بس

حارث: اوكيه

.........قصص منه محمد كاتب............

يوم جديد كان هو راجع من القسم لقاها لابسه وطالعه من باب البيت

حارث: انتي رايحه فين , لو تحبي اوصلك يا مدام حضره الظابط

جمره:لا بحس بالراحه لما بمشي لوحدي _ لمحت هادي ع الموتوسكل_ حضره الرائد هادي انت رايح فين ممكن توصلني لمحطه الاتوبيس

هادي: الخوذه وري

جمره شاورت لحارث: باي اشوفك بعدين يا حاروثتي

هادي وقف بالموتسكل قدام محطه الاتوبيس هي نزلت وعطتله الخوذه!

جمره: متشكره رايح فين بعد كدا القسم

هادي مردش عليها وسابها ومشي وهي صرخت: قولي كنت رايح فين , هتموت لو قلت , زومبي

جمره فضلت تسال عن المكان الي جعفر حددلها يتقابلوا فيه وفضلت تسال الناس لحد ما وصلت بصعوبه ودخلت لقته بيفتحلها الباب

جعفر: ها المكان سهل اظن لقيته بسرعه

جمره: صعب جدا يا عم جعفر

جعفر: تعالي متأكده ان مفيش حد مرقبك

جمره: المكان بعيد مين هيجي هنا

جعفر يله الفريق مستنيكي جوه تعالي

جمره طلعت السلم وراه لقت المكان كله اجهزه وكاميرات مراقبه

جمره : عمي ممكن اخد صوره

جعفر : ايه رايك

جمره :بلاش قولي هي دي وحده خاصه

جعفر :مش وحده خاصه

جمره بحيره: امال ايه المكان ده

جعفر :مكان سري ولو جاهزه اقدمك للفريق

جمره: تمام ع بركه الله

جعفر ابتسم وفضل يعرفها برتب اعضاء الفريق لحد ما هو ظهر قدامها وهي اتصدمت

جعفر: اظن مش غريب عليكي

جمره بغيظ : مش غريب خالص ياعمي _ قربت منه_ عمري ما تخيلت انك تطلع واحد معندكش قلب وقاسي للدرجه , طلعت اناني احنا في نفس القارب ونفس المكان, ليه مأخدتنيش معاك ع هنا , عارف ركبت كام مواصله وبالعافيه وصلت وصرفت فلوس كتير

جعفر: جمره

جمره تابعت: ياتري سمعت عن سياسه الحكومه بتقول لو رايح لنفس المكان نروح سوي افتكر الكلام ده وبكدا نخفض التكاليف وقتها المجتمع هيتحسن لو عملنا ده ليوم واحد , سمعت ده قبل كده ولا مسمعتهوش

جعفر: جمره

جمره بصتله: ايه ياعمي

جعفر: رأي كفايه كده اظن تعرفي الرائد هادي , ومسمينه النعسان

جمره: والله اسم لايق عليه , ع طول ساكت كأنه نايم , واظن انت الراجل الغامض

جعفر: لاء سنو وايت

جمره ضحكت جامد: سن ايه , عالم ديزني

جعفر بشخط : بس كفايه

جمره عملت لايك: جميل

جعفر: وطبعا كلكم عارفين جمره عضو جديد للفريق , وشغلتها مراقبه المقدم حارث لانه ع علاقه مع بنت المرشدي ,ولقبها هو الدوج

جمره: يعني ما فيه اسامي حلوه كتير, ليه ابقي كلب

هادي: بس ده اكتر اسم لايق عليكي

جمره بغيظ : عايزه اشتمك بس لساني مش مطاوعني فهسكت احسن

...........قصص منه محمد كاتب...........

في منزل حارث

جابر فتح الباب وبصلهم بتعجب: مرام هانم مع الرائد , ليه راجعين سوي

هادي: شوفتها بالصدفه ع اول الشارع وصلتها معايا ,وجيت اخد شويه برسيل عندك ,اصله خلص من عندي وناقع الهدوم

جابر: حاضر اجبلك استني دقيقه , احطلك حبه في كيسه لحظه واحده

هادي زقها: اجري

جمره راحت ورجعت بسرعه وهو سألها: رجعتي بسرعه لحقتي

جمره: قافل اوضه المكتب

هادي: وانتي ليه معكيش مفتاح

جمره: انا لسه عايشه في بيته من يومين , هو هيديني مفتاح هديه منه , انت بصراحه بتسأل سؤال يغيظ انت بتدي مفاتيحك لـ اي حد

هادي: مستحيل , بس لازم تلاقي طريقه تحطي الجهاز الليله

جمره: حاضر وربنا يسهل

هادي رد ع تلفونه: الو تمام ( قفل وبيتحرك )

جمره مسكته: استني افهم الاول بتتكلم مع مين , ومين الي قفلت معاه بالسرعه دي

هادي: جوزك , تقدري تدخلي لازم اروح القسم

جمره: ماشي والمره الجايه ابقي تعال استلف الغساله بالمره

..........قصص منه محمد كاتب..............

قاعد بيشوف حيثيات الجريمه وفاتح صور للمرشدي والاب توب ع صوره الـجـ ثه

جمره خبطت وقالت بمرح: توك توك, بخبط ع الباب ومش مقفول اقدر ادخل

حارث ابتسم: ايه الموضوع

جمره دخلت وقفلت الباب وراها ومشت خطوات مايعه ناحيته

حارث: ايه السبوره دي ليه جيباها هنا

جمره: دي مساله تانيه فيه مساله اولانيه , قلت انك هتديني مرتب شهري ومطلعتش حاجه ممكن اخده دلوقت

حارث حط الاب توب بسرعه ع السرير وقام طلع محفظته وعطاها مبلغ في ايدها

جمره كشرت: ايه 2500

حارث: انتي مقلتيش اديكي كام ,هو ده كتير هاتيهم_اخدهم منها_

جمره خطفتهم من ايده لحضنها: اه مقلتش بس 2500 دول مش كتير ياشا , لو هاخد الملغ الصغير ده يبقي الاحسن سبني ارجع شغلي

حارس حدف نفسه ع السرير: لو طلعتي من البيت للشغل زي المره الي فاتت , هلغي الاتفاق خالص , وترجعيلي فلوسي

جمره بغيظ: تمام ننقل بقي ع المشكله التانيه ,دي مش سبوره دي لوحه عشان نحط النقط ع الحروف , وبما انك عطتني 2500 مرتب شهري ومغرمتكش اكتر من كده , ليه ميكونش فيه دخل اضافي زي مثلا لو ضايقتني احط علامه هنا عند 500 ع سبيل المثال الحضن هحط علامه عند 2000 والبوسه 5000 هتدفع كل ده مره واحده كل اول شهر , موافق ياحضره الظبوط

حارث قام يسحبها ع بره: تخاريف امش نامي , عندي شغل مهم بعمله

جمره: لمستني هحط العلامه

حارث امشي يا مرام متعصبنيش امشي بسرعه

جمره مثلت انها وقعت ع مسمار في اللوحه وصرخت

حارث اتفزع: مالك

جمره: انا بنزف معرفش هيكبر ولا ايه

حارث: انتي ليه مهمله للدرجه دي وريني

جمره: بشا عندك لازق طبي ولا معندكش

حارث: هقولك لجابر يجبلك

جمره بخبث: ممكن تجيبه انت بنفسك, متخلنيش اعمل ده وانا مجروحه انا بنزف جامد , اه

حارث اتوتر من صريخها وقال: حاضر هروح اجبلك

جمره بمكر: بسرعه متتأخرش

حارث طلع واغلق الباب وهي نطت بسرعه تدور ع اي مكان: احط البتاع ده فين

وهي بتحاول تلاقي اي مكان تحط الكام لقت اكره الباب بتلف اتخضت وصرخت: اه

حارث: لسه بتنزفي

جمره: بيوجعني اوي

حارث سحب كرسي وقعد قدامها : هو الجرح عميق

جمره: شايفه العضم

حارث: يله نروح نخيطه

جمره: لا مش شايفه العضم ,اللزقه كفايه

حارث مدلها ايده: هاتي ايدك الفهالك بنفسي

جمره لسه بتمد تحط ايدها في ايده هو لم ايده بسرعه وبسؤال : لو مسكت ايدك هدفع فلوس ع كده

جمره: ماسكه ايدي 5000 بس بلاش تبقي بخيل ساعدني اعوض مرتبي لو سمحت

حارث مسك ايدها: ده خربوش صغير , وعماله تصوتي كأن ايدك انكسرت

جمره: اصله بيوجع

حارث ثبت ايدها ع ركبته وحطلها اللازق الطبي وهي حست برعشه من لمسته وفضلت تتحرك برتباك من نظراته

حارث: ايه بوجعك

جمره: شويه

حارث: خدي بالك من تصرفات المره الجايه

جمره: هو انا يعني قصدي انت الي وقعتني لما زقتني

حارث نفخ في صوباعها وهي بتحاول تفك ايدها من بين ايديه

حارث: خلصت

جمره: انت ليه عندك صور منصور المرشدي هنا

حارث: ازاي عرفتي انه منصور المرشدي

جمره: ماهو ده الي رهن بيتنا , وعرفت ان ابويا اخد ابراهيم يشحت لحسابه , وهو نفس الراجل الي كان عايز يخبطك بعربيته

حارث: انتي متأكده

جمره: لاول مره من بعد ما اتولدت اتاكد , ايه المصيبه الي عملها

حارث لم كل الاورق وسحبها: يله روحي نامي

جمره: عايز تختصر الكلام

حارث: يله روحي نامي بسرعه يله

جمره لفت تطلع وقالت بمياعه : استني مش عايز تديني بوسه قبل النوم , سعرها 5000 وهعملك خصم

حارث مسك دماغها وحدفها بره وبعدها فضل يضحك ع خفه دمها الي جننته بيها

..........قصص منه محمد كاتب.............

فتحت الباب وبصتله: نعم عايز مين

الراجل فتح باب العربيه وفاتح بصلها ونزل وقرب منها: انتي زوجه حارث مش كده, انا عمه

جمره:اهلا وسهلا

فاتح صافحها بحراره: اهلا بيكي ممكن ادخل

جمره: ياخبر اتفضل ده بيتك

فاتح دخل وقعد وهي استأذنت منه واتصلت بحارث: حارث انت فين تعال البيت بسرعه

حارث: ليه في ايه

جمره: عمك هنا وانا في البيت لوحدي

حارث: حالا هجيلك, بس جابر راح فين

جمره: راح السوبر ماركت , وانت تعال بسرعه متتأخرش ,مش عارفه اتكلم معاه ازاي

حارث: خلاص يامرام مسافه السكه انتي بس رحبي كويس بيه

جمره قفلت مع حارث وخرجت ووقفت قدامه بخجل وكسوف

فاتح بحنيه: اقعدي يابنتي متقبلناش سوي قبل كده ,اسمك ايه

جمره: الحقيقي مرام

فاتح ابتسم: طيب الي مش حقيقي

جمره: جمره

فاتح تنح: ايه جمره

جمره: ايوه

فاتح بضحكه: طيب يا جمره تعرفي حارث من زمان

جمره: من فتره يابيه اشرب العصير وهقوم حالا اعملك الغداء بنفسي

فاتح بتواضع: لا ملوش لزوم , ومش عايزك تقوليلي يابيه ويابشا ,انتي مراه حارث تقوليلي ياعمي

جمره: حاضر ياعمي

جابر دخل: انا جبت لك الحاجه يامرام

جمره: عم جابر اتاخرت ليه

جابر: معلش حالا اجهز الغداء, اهلا وسهلا يا فاتح بيه

فاتح: ازيك انت يا راجل يا طيب ,عامل ايه

جابر: الحمد لله

فاتح: بقالي زمان مشفتكش

حارث دخل : اهلا ياعمي

فاتح: اهلا يا حبيبي

حارث قعد: بس ليه جيت من غير ماتقولي اعمل استعدادتي وارحب بيك بنفسي

فاتح: استعداد ايه هو انا ضيف , ده انا عمك جيت اشوف بيتك وكمان مراه ابني

حارث: بعتذر ياعمي اني مجبتش مرام تتعرف عليك , بس في الفتره الاخيره حقيقي كنت مشغول جدا

فاتح: حصل ايه بس مشغول في ايه

حارث: بقضيه البنت الي اتقتلت

جمره بعد ما كانت ماشيه رجعت قعدت مكانها تسمع وتعرف الاخبار

فاتح : فعلا قضيه غريبه والامر يظهر غرق عادي , بس فعلا قضيه معقده جدا

حارث اتنهد: والنتايج بتقول مش مسأله انتـ حار , من خلال كاميرات المراقبه الي لقيناها البنت دي كانت في عربيتها و سكت لما لقاها مصدره ودانها مع كلامه

حارث: فيه حاجه يا مرام

جمره اتوترت وقالت: لا عايزه بس اقول عملت البسبوسه دي لعمي , ممكن تدوقها عملت كل الي في وسعي

حارث قام من مكانه ومسك ايد فاتح: عمي قوم نكمل كلامنا في المكتب عندي , بعض المستندات عايز اورهالك

فاتح شد ايده : اصبر طيب نقوم واسيب البسبوسه الي عملتها مراتك, اكل حته

حارث: بلاش معدتك هتوجعك , قصدي سيبها هنا

جمره: ماتسيبه يدوقها

فاتح: هرجع ادوقها ولا تزعلي

جمره تابعت وهو ماشي قلدته بسخريه: تعال نتكلم في مكتبي مزعج

...........قصص منه محمد كاتب..........

قاعد في مكتبه بيراجع حيثيات القضيه من كل الجوانب مش عارف يوصل لحاجه

جمره: توك توك انا ع الباب ممكن ادخل يبشا

حارث قفل الملف وقال: عايز اقعد هادي , من غير ازعاج

جمره دخلت: عم جابر قالي انك مأكلتش , لو مش عجبك اكله, اعملك انا غيره

حارث عايز يضحك بينه وبين نفسه ع انها بتتكلم انها طباخه مفيش منها ع كوكب الارض

جمره ابتسمت: ابتسمت ده مؤشر هايل جدا ,يله كل الاول ولو مش بتحب المحشي غصب عنك لازم تحبه , الطبق ده عشانك تحب تاكل ورق العنب بالشوكه , ولا بالمعلقه

حارث : شوكه

جمره : مفيش غير معلقه يبشا خدها يله

حارث بتعجب: بس ايه اللطافه الي نزلت عليكي فجأه

جمره : عشان لازم اخليك ترضي عشان يبقي مزاجك رايق ,بس هو فيه حاجه ضيقتك اليوم

حارث : اليـ

جمره قطعته : مش لازم تحكليلي انا بكسل اسمع

حارث :مش عايزه تنولي رضايا

جمره : اه وعشان اعمل ده بلاش نتكلم في امور تضايقك , واعكنن مزاجك حتي, لو قلتلي ده هيغير من الامر نفسه , مش هنستفاد حاجه غير انك تبقي مش مبسوط

حارث بدأ ياكل: لما بيكون مزاجك مش رايق بتعملي ايه

جمره بطلقائيه: بدور ع امي لان لما بلاقيها هتدور ع حاجه تهزقني وتمسح بيا بلاط الارض وبالتالي انسي كانت ايه اصلا مشكلتي

حارث عيونه دمعت: انتي محظوظه عندك امك بتدوري عليها

جمره : الكفته دي اكلتي الي بعشقها , بس اليوم هدهالك يمكن تخليك تحس براحه

حارث ابتسملها : شكرا

جمره: تقدر تاخد واحده تانيه , معايا كتير

حارث: لاء مش عايز

جمره : خايفه تبصلي فيها لما اقوم اجبلك طبق

حارث قام ومسك ايدها :استني ممكن تقعدي معايا شويه

جمره :مش قلت عايز تقعد في هدوء

حارث ضمها من كتفها لحضنه: بكون هادي لما بكون معاكي

جمره: هاخد فلوس ع الحضن ده

حارث ضمها لحضنه اكتر :ضميني وانسي هموم الدنيا معايا

شرب من فنجان القهوة ورجعه تاني لمكانه وعيونه ع شاشه تلفونه المحمول لحد ما قربت وقعدت علي الكرسي الي قدامه بهدوء

حارث شاورلها تيجي تقعد جنبه : مرام ممكن تقعدي جنبي

جمره قامت: اه طيب

جابر: الكورن فليكس جه يا ست البنات , اتفضلي

جمره مبتسمه: تسلم ايدك ياعم جابر

جابر: بالهنا والشفا يا بنتي

حارث بغيره: ليه بتتكلمي كويس مع جابر

جمره: لانه لطيف معايا

جابر: طبيعي الي يتكلم معاكي يبقي لطيف

حارث : استني احطلك صوص شكولاته عليه هيبقي طعمه الذ

لوجين: صباح الخير ياحارث انا رجعت

حارث بصلها بتعجب: لوجي امتي رجعتي البلد

لوجين: امبارح وقلت اعدي اشوفك

جمره قفلت ملامح وشها واخدت الطبق وقامت تدخل تاكل في المطبخ

حارث بصلها بسؤال : انتي رايحه فين يامرام

جمره: هدخل افطر جوه وبعدها اروح اشوف امي

لوجين: ليه خايفه تقعدي تاكلي ع السفره قدامي

جمره بصتلها وسكتت وهي تابعت: حارث متنساش تطلب من خدامك يتأكد من حاجاتك الشخصيه بستمرار , محدش عارف لو كانت هتاخد منهم لعيلتها الفقيره ولا لاء

حارث بص لجمره الي ساكته

لوجين : اه انا جبت لك حاجات كتير معايا وسافرت شهر عسل والمره دي كان ممتع اوي والطقس جميل وصرفت ملايين ع الشوبنج , وعماد كان بيحاول يرضيني باي طريقه, ودلعني كتير واهتم بيا اكتر

جمره لفت بجسمها عشان تمشي من قدامها

لوجين: استني اظن سمعتي انا وعماد مبسوطين سوي

جمره : اه وفرحتلك جدا

لوجين: وانتي كملي في تعاستك لان من دلوقت عماد مبقاش عنده رغبه يرجع ياكل الاكل الرخيص

حارث بغضب: لوجين

جمره بخبث : ده كويس لان انا دلوقت باكل الاكل الغالي ( راحت قعدت ع رجل حارث وحوطت رقبته وتابعت_ وبقي المفضل عندي مغذي وله فوايد كبيره ,ومش هرجع اكل الاكل الرخيص تاني , مش كدا يا كل حياتي

حارث اعصابه سابت واتك ع اسنانه وبهمس : لحد كده وكفايه يامرام

جمره بصتلها وكملت ,: وهيكون افضل لو نديتني بعمتي, لان انا بقيت مراه اخوكي

لوجين بنفعال : حارث

جمره قامت وقالت : همشي باي

لوجين قامت ضربته بشنطتها في كتفه: شايف الي قالته

حارث قام بسرعه ودخل وري جمره لقاها باصه للطبق ولما شافته بدئت تاكل

حارث: مرام

جمره : اتكلم

حارث : انا مطلبتش منك تتكلمي كدا مع لوجي, طلبت منك تخلصيني من البنات التانيه , مش من اختي

جمره حدفت المعلقه : وايه بخصوصي, الطريقه الي اختك بتتكلم بيها معايا هو ده مناسب ليك اسمع انا هنفذ اتفاقي معاك وانت توعدني متخليش المحروسه اختك تضايقني بالشكل ده , والا هسمعها ربع مشكل مترجعش تزعل بقي

حارث تابعها وهي بتختفي من قدامه من المكان!!

..........قصص منه محمد كاتب............

قاعده بتاكل فشار وبتتفرج ع التلفزيون وحارث طالع من غرفته

جابر: تحب تفطر يابني

حارث: لاء مش جعان مليش نفس دلوقت شويه

جابر: تمام

حارث قعد وبصلها: مرام انا

جمره قامت وطفت التلفزيون ولسه بتلف لمحت موبيل محطوط داخل كيسه بصتله وبعدها مشت

حارث: مرام هو انا مش بكلمك , ايه مش سمعاني

جمره حدفت الطبق في الحوض وغسلت ايدها وطلعت غرفتها وهو فضل متابعها و شويه وقام دخلها غرفتها

حارث: ممكن اعرف ايه الي بتعمليه معايا ده

جمره: انا معملتش حاجه

حارث: والعجرفه الي بتتعاملي بيها مع حبيبك

جمره: امتي رايح القسم

حارث بستهبال: ايه

جمره حمحمت: قلت امتي رايح القسم

حارث قعد قدامها وابتسم: مش رايح اخدت اجازه عايز اقعد مع مراتي

جمره: هو يبشا التلفون المحمول الي كان معاك يخصـ

لوجين قطعت كلامها لما دخلت وقالت: صباح الخير يا حارث

جمره نفخت بضيق واخدت الطبق وقايمه

لوجين: انتي رايحه فين انا عايزكي

حارث بتحذير: لوجين

لوجين: متقلقش جيت النهارده بنيه حسنه وجبت معايا واحده تعرفها كويس

شوشت دخلت: صباح الخير يا حارث اهلا يا

جمره: جمره

لوجين ابتسمت وشوشت كتمت ضحكتها وهما بيبصوه لبعض

حارث بجديه: عايزه مراتي في ايه

لوجين: دي مساله بنات في بعض , بس الاول شوشت تقدم هديه جوازك

شوشت لحارث: دي ماكينه للعصير الفريش متأكده انك بتحبه من ايدي, بس دلوقت اطلب من مراتك تعمله بدالي

حارث اخدها وعطاها لجمره: مرام اتفضلي

لوجين بحتقار: وهي دي هتعرف تشغلها

جمره: بعرف يا روحي تحبي اعملك كوبايه من غير سكر

لوجين: معرفش عجبت اخويا في ايه

جمره: عشان بشد السيفون ع اي حد يقل مني

حارث بحزم : خلاص يا مرام

شوشت: لوجي احنا اتفاقنا ع ايه , اصل انا ولوجي اتفاقنا بما انك اتجوزت نبدء من دلوقت نجهزلك مراتك تحضر معاك المناسبات العائليه, وعايزه اساعدها احنا عيله رغم كل حاجه , مش كدا يا جمره

جمره عوجت وشها بقرفه : بلاش مش عايزه ازعجك ( بصت لحارث بغضب وزعقت في وشه_ هو ده بيت ولا سوق عطته العلبه امسك انا ماشيه

حارث مسك العلبه ورجع بصلهم بغيظ اما جمره طلعت من الشقه وهبدت الباب لوري بقوه لقت هادي بيرمي القمامه

هادي بصلها : في ايه مالك

جمره: مليت زهقت من المتطفلين الي جوه

هادي: مش انتي بس انا كمان رشا لازقه عندي مش مقتنعه بجوازكم وعسكرت في شقتي تشوف حارث

جمره داخله: هي فين

هادي شدها من دراعها : متهتميش مهما عملت , وخدي بس بالك

جمره تابعته وهو داخل شقتها وقالت: استني من امتي وانت قريب منها

جمره دخلت وري هادي ووقفت جنبه بضيق

حارث قالهم: اليوم انا اسف عندنا انا والرائد شويه امور قضيه لازم نشتغل عليها , متمشوش خدوا راحتكم ده بيتكم انا واثق في مراتي هسيبلك المهمه دي يا مرام

جمره مسكت كف ايده: اصبر وتعالي معايا

حارث: في ايه

جمره لزقته جامد في الجدار: انت هتسبني بجد مع الاتنين دول

حارث: انا اجرتك عشان كده

جمره: البت الي عامله شعرها كحكه لفوق حاسه بالقلق ناحيتها, لكن اختك مش هتمنعني ازعلها

حارث: اليوم هسيبلك الامر ده كله , لكن طالب منك حاجه واحده ان مفيش مخلوقه منهم تزعجني ده كل الي طالبه تمام . وانتي شاطره وهتعرفي تظبطي المسائل دي, وياريت متبقيش عنيده يله تعالي معايا , ياجماعه خدوا راحتكم اعتبره بيتكم

هادي: مش يله يبشا عشان نخلص شغلنا

حارث بصلهم وراح ساحب جمره وباس جبينها قدامهم وقال: هسيبلك الموضوع ده اتفاقنا

جمره ضربته ع ايده وهي بتضحك بهبل: اه اتفاقنا

حارث: حضره الرائد نمشي

جمره بصتلهم وقالت: تمام الرجاله مشت استريحوا والي عايزينه اطلبوه

جابر دخل: العصير

جمره: عم جابر متحطش لا اكل ولا عصير ليهم

جابر: حاضر

جمره ربعت قدامهم: ها قولولي عايزني مني ايه

لوجين لشوشت بحتقار: انتي قاعده ع المسطبه , قوليلي ازاي الناس الهاي كلاس يشوفه البيئه دي , ازاي هتتكلم معاهم , معرفش ازاي حارث اختار واحده من الشارع

جمره: كميه الغباء في بعض افكارك ان ولاد الناس يعني اغنياء , بعرف اتعامل مع كل الفئات ياعمري متقلقيش

لوجين باين غيظها ونطقت بغل : شوشت هي الي قلقانه قالت اكيد معندكيش هدوم تلبسيها و اتفضلت وجابتلك فساتين عشانك خدي لان لو ظهرتي في مجتمعنا بالحاله دي كلنا هنتحط في موضع اهانه , فا متتكبريش وترفضي

جمره ابتسمت ببرود: مين قالك هرفض حاجات حلوه وغاليه كده , ده الغبي هو الي يرفض ويقول مش عايز حتي الشنطه ماركه وغاليه اوي, ياوعدي خلوني اشوف

لوجين وقفت بنرفزه : مفيش حاجه تغيريها فيها , هستناكي في العربيه , انا مش بطيق ريحه الحمامات

جمره بصوت عالي: متتخلقيش كده , قطع غيارك مش موجوده في السوق

شوشت : جمره هانم لو فيه اي حاجه اطلبي استشارتي, احنا بقينا عيله واحده , وواضح ان حارث بقي جاد زياده , اصله كان معايا شقي , ياتري عارفه بكده , اتفضلي اشتريت دول عشانك اتمني يعجبوا حارث زي ماكان بيعجبه اي حاجه يشوفها عليا

جمره سابت الشنط ورجعت بدهرها لوري

شوشت بأبتسامه مزيفه: يله خديها رجاء خديها

جمره حدفت الكياس في غرفتها وراحت تتخانق مع حارث ودخلت بندفاع

حارث رفع عينه وبصلها وابتسم من تحت ضرسه: مش تخبطي ع الباب ياحبيتي

جمره: لاء يا حبيبي احنا عيله واحده ,تعرف واحده صاحبتي ماتت ولحد دلوقت مش عارفه ادخل صفحتها لمين الموبيل ده

حارث حط ايده ع الموبيل وهي بتحاول تاخده وبسؤال: انتي لابسه كدا , ورايحه ع فين

جمره : رايحه اعمل شغل خاص

حارث :شغل ضد القانون

جمره : ليه تضايقني انا اصلا ع اخري , خد بالك

حارث: مرام بلاش تروحي تقفي مع والدتك في القهوه

جمره: اطمن انا عارفه اني متجوزه ظابط بوليس, دلوقت همشي اشوفك المساء باي

هادي بصلها وابتسم وحارث اخد باله وحمحم

..........قصص منه محمد كاتب..............

فتحت الاكياس وطلعت هدوم داخليه جريئه وقمصان نوم وفستان اسود كاب وقصير للركبه

جمره رمت الهدوم : ده لبس صعب صعب , ايه ده كله خليع كده وعريان , احيه كانت بتلبسه قدامه المشخلع ده , يالهوي ده انا الي اسمي جمره اتكسفت لها سلفا

راحت المطبخ تولع النور لقت الي قاعد اتخضت ونطت لفوق!

حارث بسخريه: في ايه مالك شفتي عفريت

جمره: لا ولا حاجه

حارث: امال ليه وشك اصفر كده

جمره نفخت بضجر: العفاريت مخيفه اكتر من البني ادمين يبشا , وانت ليه مش عارف تنام بسمع صوتك في الدور التاني كل ليله تقريبا

حارث وهو بضيق عيونه وبمكر: هو انتي بتحققي معايا في شغلي , بطريقه خبيثه

جمره : مجنون مين هيبقي عايز يعرف شغلك , انت فكر مع نفسك وحل التايهه

حارث اتنهد بصوت مهموم: صعب عليا انام

جمره قعدت قدامه : ليه صعب بتفكر كتير _ خطفت منه البولا ايس كريم_ ده عيب الاغنياء

حارث سحب منها البولا واكل منها

جمره: اه صحيح فتحت التلفون ولا فشلت_ سحبت منه البولا_ انت هتخليني ادمن الايس كريم وهبقي كل جسمي بوظات , ومش هيبقي ليا مكان في مسابقه ملكات الجمال

حارث سحبها وحطها ما بينهم وبصلها تتعلم الذوق لكن لاحظت انه ووشه واضح عليه الارهاق والتعب

جمره اكلت : لمين التلفون ده , وليه متوتر كده

حارث حط المعلقه وقام ومال عليها وهي بعدت بقلق : انت هتعمل ايه متتهورش يبشا

حارث ابتسم وقرب ياخد بوسه من شفايفها

جمره بتحذير: هتدفع فلوس كتير, لو بوستني انا بقولك

حارث سحب منديل ومسحلها شفايفها المتحلوسه الايس كريم وقالها : في الوقت الحالي مش هلمسك معيش فلوس , وكمان ياريت تغسلي شعرك الصبح لما بوست دماغك كانت ريحته وحشه جدا , كنت هرجع

جمره صرخت فيه: بشا

حارث لف وابتسم انه غاظها وخرج مغادر المكان

جمره تابعه لحد ما اختفي وشمت ريحه شعرها وقالت : هو بيتكلم بجد ولا بيهزر ايه ده!!

..........قصص منه محمد كاتب.........

كانت نايمه وهجمتها في احلامها معاها موبيل وتكتب عليه ارقام

جمره بخوف: عايزه مني ايه قوليلي يا جثه , ليه بتلعبي في الموبيل , كده هفهم حاجه

الجثه انغام فضلت تكتب ارقام لحد ما جمره حفظتها وقالت لها : يعني بقيتي عفريته ولسه بتحبي تلعبي ع الموبيل , عايزه ايه مني بجد

الجثه هجمت ع رقبه جمره تخنقها بطريقه تخوف

جمره قامت من النوم بتصرخ وهي مفزوعه اتعدلت ولفت بعيونها في انحاء الغرفه ملقتش حاجه وعرفت انه كابوس بشع لكن فضلت تردد في الرقم لحد ما قامت كتبته ع ورقه ونزلت ع تحت

جمره: بشا انا

حارث قاعد ع اخره ورشا بتحضرله الفطار وطلعت ترص اطباق

جمره بتعجب : رشا هانم

رشا بحتقار: واضح ان مراتك مش بتهتم بيك , حتي في يوم اجازتك نايمه , المفروض تصحي تفطر جوزها ,انا معرفش فكرت ازاي واتجوزتها من غير فايده

جمره بصوت واطي: بشا انا مش عايزه اشتمها , عشان كانت في يوم صاحبتي ,فـ قولي اعمل ايه

حارث اتك ع اسنانه: اطرديها

جمره حركت دماغها برفض: مقدرش اعمل كده

حارث ضغط علي حروف الكلام بغيظ : لازم تعملي كدا يا مرام , ودلوقت

جابر لرشا : عايزه اي مساعده

رشا مبتسمه : مفيش لزوم كله كدا جاهز, اه سوري معملتش حسابك في الفطارياجمره

جابر بزعل : لاء مش للدرجه , شايف الاكل كتير ع السفره

حارث بص لجمره تتحرك قبل ما ينفجر فيها

جمره ابتسمت في منتهي البرود: عادي مفيش مشكله , ده يوم اجازه اعذروني هرجع اكمل نومي خدوا راحتكم سلامو عليكم

حارث: مرااام

رشا: حارث يله افطر, لكن قبل ما تاكل الاول تقولي شكرا ع عمايل الاكل

جابر نطق بداله :متشكر ع الاكل يمكن ده صعب ع الباشا فقولته انا

هادي: صباح الخير

حارث قام من الكرسي بسرعه: حضره الرائد جه , تعال اتفضل نفطر سوي

هادي بص لرشا بغيظ وقعد وحارث رد مبتسم: رشا متشكر ع الفطار وتعبك , بس انا والرائد عندنا شغل, لازم نعمله عشان كدا يـ

رشا قطعته: عادي معنديش مشكله , دي اجازتك وانا هقعد اعملك الغداء والعشاء بنفسي , انا هقف في المطبخ ومش هعمل دوشه

هادي: بس هو كان عايز يقولك خدي بعضك وامشي

رشا صرخت فيه: ايه الوقاحه بتاعتك دي , مش صحيح مش كدا ياحارث , حارث انسان ذوق ولطيف , لايمكن يجرحني بالشكل ده صح

اما جمره طلعت غرفتها وفضلت تكرر في الرقم وفجأه خطرت في بالها فكره تقهر حارث طلعت لابسه الفستان الكاب القصير واتكلمت بشقاوه: هالو يا حلوين

حارث اتصلب وعيونه وسعت ودخل في حاله ذهول من الكارثه الي واقفه قدامه

رشا بغيره من جمالها: انتي مجنونه ايه القرف الي لبساه ده

جمره اتكلمت بغنج : يا حبيتي حارث بيحب يشوفني كدا يوم اجازته , مش كدا حاروث , جميل عليا اوي مش كدا , مش انت يا قلبي بتحبني البس كدا

حارث اعصابه شعللت كتله نار واتك ع سنانه وبرقلها تمشي

جمره طنشته وقالت بأبتسامه : عم جابر ممكن واحد قهوه

جابر ابتسم : واحد بس حاضر

جمره صقفت بحراره: شاطر

حارث اتك ع اسنانه:مرام امشي حالا غيري هدومك

جمره : حارث لو فضلت بصصلي كدا هتحصل بلاوي كتير

حارث : امشي ميصحش حد يشوفك كدا , انا مذهول منك

جمره ضربت الارض برجليها : ياحارث ليه انا مكسله اروح اقلع وانا لسه لابساه بالعافيه اصله محزق اوي

حارث برقلها وضرب التربيزه بعصبيه

رشا زعقت فيها : انتي فعلا مختله , كلكم مجانين

جابر ضحك بشماته: هي رشا هانم مشت , مش كانت هتعمل الاكل طول اليوم , يله احسن اتفضلي القهوه يا ست البنات

حارث ضرب الترببيزه بحده: قلت امشي , غيري هدومك

جمره بجديه: طيب بس الاول فيه امر مهم , عايزه ابلغك بيه انت والرائد

حارث الانفعال مسيطر عليه بشده : امشي غيري الزفت الي عليكي الاول

جمره : ياعم الاول اسمعني دي حاجه مهمه

حارث قام من مكانه بحركة سريعة بغضب وسحب فوطه السفره ولفاها عليها وهو بيضمها: امشي معايا , جابر مش عايز اي ضيوف اليوم لو فيه حد جه يسال عليا قوله انا مشغول

جابر : حاضر يا بيه

حارث بيسحب فيها: امشي معايا غيري امشي, هادي خد راحتك بعد ما تفطر استناني في مكتبي

جمره :يابشا اسمعني طيب

حارث زعق فيها : امشي غيري المسخره دي يله

جمره اتسمرت في الارض وهو اخر ما زهق رفعها ع ايده وهادي قاعد مصدوم

حارث دخلها ورماها ع الارض ونطق بغضب مكتوم: انتي ايه معجونه بميه عفاريت ,اعمل فيكي ايه انا دلوقت, ليه لابسه الفستان الخليع ده

جمره بغيظ : غريبه مش انت بتحب المحزق والعريان , والي عطتهولي حبيبتك القديمه

حارث بستفهام: وعرفتي منين انها حبيتي القديمه

جمره : هي قالت لي بنفسها انك بتحب العريان القذر

حارث مسكها جامد من وسطها لحضنه وقال بوقاحه : مش بالبس بالشخص الي لبسه

جمره برتباك: انت عايز ايه

حارث حاصرها في الحيطه لما جات تجري منه ومثل انه هيبوسها

جمره زقته: ابعد يا مجنون

حارث زقها في الحمام وقفل الباب: مين المجنون هنا

حارث: قدرت اوصل لباقي التطبيقات , كل الي فاضل الشات بحاول اوصل لكلمه السر وبالمعلومات الموجوده ع التلفون مش قادر افتحه

هادي :ممكن اشوفه

حارث: اه اوي

هادي اخد الموبيل وفضل يكتب في ارقام لكن للاسف محاولاته كلها ادت للفشل

جمره دخلت بهيصه كامعتاد: بتعملوا ايه يا شباب

هادي: بندور عن طريقه ندخل بيها الشات

جمره : عملتلك قهوه وانت كمان يا حضره الرائد , هو ده تلفون البنت الي وقعت في الترعه وماتت

حارث: لاء

هادي: ايوه

جمره حطت ايدها تاخد الموبيل وحارث حط ايده ع ايدها ونطق برفض: لايمكن

هادي: ماتسيبها

جمره بصتله كدا وسحبت من تحت ايده التلفون وقعدت تكتب الارقام

حارث: مرام دي مش لعبه

جمره بثقه: ومين قالك اني بلعب

هادي نط: فتحته فعلا

جمره فرحت ان الرقم طلع صحيح

هادي: دي فعلا فتحت الدردشه

حارث بصلها وهنا بدأ يشك فيها يئما تعرف انغام معرفه عميقه يئما فعلا ذكيه ذكاء شديد غير المتوقع

جمره حطت الموبيل قدامه وقالت بثقه: ممكن تدخل الشات دلوقت اتفضل وانا همشي

حارث: استني عرفتي كلمه المرور منين

جمره لفت بصتله: مش مهم منين, المهم تدخلوا وتعرفوا البنت دي كانت بتكلم مين وقتها توصلوا للقاتل الحقيقي

حارث: بس انا محتاج اعرف ازاي عرفتي كلمه السر , انتي تعرفي القتيله شخصيا , وايه علاقتك بيها , مرام انتي مراتي , ولا مشتبه فيه

جمره بغيظ: انت مجنون, انا مراتك ازاي تشك فيا

حارث : جمره اتكلمي بالحقيقه عرفتي ازاي كلمه السر , انتي تعرفي القتيله

جمره: طيب بالمختصر المفيد زارتني روح انغام , وبقيت كل يوم بشوفها في احلامي وامبارح جات لي وكانت في ايدها تلفون وضغطت قدامي عشان كدا عرفت كلمه السر , بس كدا يبشا

حارث بستهزاء: اه ومطلوب مني اصدق العبث ده

جمره:لو مش منطقي كلمه السر طلعت صح ولا العكس

هادي: انا فهمت

حارث: لاء متقولش صدقت تخارفها دي

هادي بثقه: مصدقها

جمره لهادي: انت انسان هايل

حارث بغيره: مرام روحي للمكان الي كنتي ريحاله

جمره: مش عايزه امشي غيرت رأي , انا الي فتحته من حقي اعرف ايه الي جواه

حارث: مرررام

حارث بص في الشات هو وهادي وظهر اخر مكالمه تمت بينها وبين مين وبكدا قدر يوصل للقاتل

جمره لهادي: ها عرفت الاسم

حارث بصله بتحذير: اياك تقوله

هادي بعناد : قصدك ناجي

حارث بزعيق: مالك فيك ايه , ليه تقولها

هادي: لو استنتاجي طلع صحيح يبقي ناجي الشخص الي كلمته انغام وطلب منها تنزله

جمره: يعني عايز تقول انه ده المجرم الي متخبي في الضل , وممكن يطلع من رجاله منصور المرشدي

هادي: ده لو مش رجالته فعلا , دقق يبشا جايز تكون شوفت وشه قبل كده , انا بصراحه مشفتش وشه ولا مره

حارث: طيب لوناجي مكنش في العربيه ليه اختفي كدا فجأه , لازم نعرف ده ونتأكد ايه الي حصل بينهم في العربيه خلال الليله دي

هادي: وخايف يكون المرشدي امر بقتله عشان يقفله بؤه

حارث بصلها: انتي بتعملي ايه

جمره ببساطه: ببعت ملصق قلب

حارث بصلها بغيظ وسحبه منها: مرام الموبيل ده مش لعبه تلعبي بيه بالطريقه دي

جمره: انا مش بلعب يا ظابط , انتم الاتنين عمالين تسألوا بعض , امتي هناخد اجابه, ومفيش حد يجاوب غير ناجي

حارث: بس ده تلفون القتيله

جمره: وانا شايفه انه ناجي عايش ولو هتفضلوا بالبطئ ده ع الاغلب مش هتوصلوا لحاجه

هادي: انا راي من رايها نحاول نبعت رساله لناجي ع الاقل نعرف لو عايش ولا مات

حارث: مرام هاتي الموبيل

جمره مدتله التلفون وهو هيطرشق ع اخره وكتب رساله صوتيه لناجي محتواها انه لو ظهر هيحميه بنفسه وانه عايز يساعده , وياريت يتصل بيه

جمره سمعت صوت مسج مرسل بالهفه: ها رد قولي

حارث حدف الموبيل قدامها بغيظ وهي اخدته: نضاره شمسيه ماركه تبدأ بـ 2000 والله يابلاش سعرها حلو جدا ع فكره

حارث بعصبية : مرام حطي التلفون هنا

جمره : خلاص حطيته طول الوقت تدي اوامر, انت هايل في فرض الاوامر ,همشي

حارث طلع من المكتب بسرعه ووقف قدامها: رايحه فين

جمره: ورايا شغل اعمله

حارث: مرام

جمره: ليه بتناديني دايما

حارث: مفيش خروج ولعلمك مش عشان مراتي مقدرش اقبض عليكي

جمره: اه يا جوزي يا قانوني , اظن مراتك مش بتحب تعمل اي مشاكل , انا ماشيه في السليم همشي بقي

حارث: استني

جمره نفخت بملل: في ايه تاني ولا هتفضل طول اليوم تناديني, لعلمك كرهتني في اسمي همشي

حارث: يامرام يا مرام استني

.........قصص منه محمد كاتب............

علي الموبيل

فاتح: عامل ايه ياحارث

حارث: مشغول لشوشتي ياعمي لدرجه مش بنام

فاتح: ليه فيه حاجه جددت في القضيه

حارث: ابدا فتحت تلفون القتيله ومستني ناجي الي كان معاها يرد عليا

فاتح: افهم من كلامك لسه فيه شاهد في القضيه

حارث: ايوه بدل الي اتقتل في الزنزانه وضاع علينا خيط مهم نوصل للقاتل

فاتح: طيب هو محاولش يتواصل معاك ابدا

حارث: لسه , وبصراحه مش متأكد اذا كان عايش ولا ميت

فاتح: انا شايف الجريمه دي غير عاديه الي ماتت فيها وراها بلاوي مخفيه حارث انت قررت فعلا هتفضل تدور

حارث: ده معتمد لو بأمكاني القي شاهد تاني لازم اساعد العداله

فاتح: عايزك تاخد بالك وفتح لو كنت انا هعمل ده بالظبط لكن لو كنت انت هفضل قلقان عليك

حارث: حاضر ياعمي

........قصص منه محمد كاتب..............

طلعت من الكليه بعتت له رساله يجيلها ع محطه الاتوبيس وفضلت واقفه مده

جمره: هيجي ولا ارجع في تاكسي

حارث كان هنا وصل بعربيته الفخمه ووقف يزمرلها لحد ما ظهرت من زحمه الناس

جمره بسعاده: جه جوزي يوصلني

حارث زمرلها عشان تلف وتركب

جمره شاورت له: نزل الشباك نزله

حارث بصلها: يله اركبي

جمره: لا انزل شويه

حارث بعدم فهم : في ايه

جمره: يله حبيبي انزل

حارث خلع النضاره الشمسيه ونزلها مسكت ايده و لقاها بتقول للناس الي واقفه: جوزي خجول عشان وسيم اوي

الناس فضلت تباركلها والي تحسدها عليه لحد ما حارث شدها عافيه من وسطها: اركبي العربيه

جمره ابتسمت واتعلقت في دراعاه : ليه مكسوف ياحبيبي , هو كدا ع طول خجول

حارث ركبها وقفل الشباك من تصرفاتها المجنونه ومره واحده ابتسم: في ايه يامراتي قلت لي اجي اوصلك رايحه فين كده

جمره: مش رايحه في حته, عايزه ارجع البيت بسرعه

حارث: انتي متعوده تتصلي بالناس يوصلوكي

جمره: لا انت اول واحد ليه حاسس بالغيره

حارث: بس انا معتقد انك كنتي بتتصلي بعماد يوصلك

جمره بجديه: عمري ما عملتها قبل كده, مش عادتي اتصل بجوز واحده تانيه , لكن انت جوزي فعادي اتصل واجيبك

حارث: لثلاثه شهور وبس , استفيدي مني ع قد ما تقدري

جمره: متقلقش يبشا في التلاته شهور هستفاد اكبر استفاده لحد ما اجننك

حارث ضحك: انا اصلا من يوم ما قابلتك دماغي بايظه ع الاخر , وبعدين اتكلمي بشكل كويس

جمره: حاضر متقلقش يابشا , في الثلاثه شهور هستغلك لحد ما اخليك تحبني , ومتقدرش تستغني عني وهتشوف

حارث ابتسملها لكن فجاه صرخت: حارث خالي بالك

حارث اخد بريك جامد لانه افتكر حادثه ابوه وامه ماتوا بنفس الشكل

جمره زعقت للسواق : مش تاخد بالك يا حمار, ازاي تسوق تريلا بالشكل ده قدام عربيه صغيره : معتوه

حارث جسمه وايده تبتت ع الدريكسون

جمره بصتله: حارث مالك

حارث فضل سايق ع اعصابه لحد ما ركن ونزل من العربيه وهو لسه مصدوم

جابر: حمد لله بالسلامه

حارث مردش وفات من قدامه بسرعه وجابر سألها: هو فيه حد زعله

جمره: محدش ياعم جابر كان كويس طول الوقت لحد ما خبطتنا تريلا كبيره اتغير وبقي عامل كده ساكت طول الطريق وبقي بالشكل ده انت تعرف حاجه من الي بتحصله

جابر بحزن: ايوه عارف يابنتي

.........قصص منه محمد كاتب.............

حارث غسل وشه كذا مره عشان يفوق وطلع يدور عليها لقاها واقفه قدام الموبيل

حارث قرب منها: جيتي البيت بسرعه عشان التلفون

جمره: ايوه

حارث: ورد

جمره: لاء بس انت كويس دلوقت

حارث:امممم

جمره بقلق: بجد

حارث ابتسم: ايوه يله ناكل جابر مستنينا

جمره فضلت واقفه مكانها وهو سحبها: يله جعان يامرام

قعدوا ع السفره ياكلوا في صمت وبعدها حارث دخل غرفته محتاج يختلي بنفسه شويه هل فعلا حد كان بيحاول يقتله ولا دي مجرد صدفه مبقاش عارف لحد ما سمع صوت الباب قام فتح

جمره بأبتسامه واسعه وبمرح: قهوه شاي , ولا انا, بس هتدفع منين ما تلمسني , مش ببلاش

حارث ابتسم واخد منها المج وقال: عايز القهوه وبس

جمره مسكت منه الباب ودخلت بسرعه قعدت قدامه وبصله بترقب شديد

حارث قعد ع السرير وقالها: شكرا ع القهوه, بس هتقعدي قدامي كتير لما كنا بناكل فضلتي مبحلقه فيا كدا, ايه عايزني

جمره: لو انت عايز معنديش مانع

حارث ضحك وهي قالت: ايوه كده اضحك احسن, اه صحيح ممكن اسألك سؤال ليه هنتجوز تلات شهور

حارث: مش الاتفاق ما بينا ملكيش تسأليني اي سؤال

جمره: يله قول يبشا احنا قربنا من بعض قولي ليه

حارث: اوكيه عشان عندي شغل مهم ولازم اخلصه في اقرب وقت

جمره: بتحاول تقبض ع منصور ليه

حارث: لان الراجل ده السلطات فعلا استهدفته لفتره طويله , من ساعه ما كان عمي ظابط

جمره: يعني عايز تكمل حلم عمك

حارث: مش بالظبط , بس بقيت ظابط وده لان عمي حبني اكون كده , ولو قدرت اقبض ع المجرم الي عمي نفسه يمسكه ربما بكدا قدرت اسدد جزء من دين عمي

جمره: وبعدها هتعمل ايه بتتكلم كأنك مش عايز تكمل ظابط

حارث: يمكن

جمره: بجد طب هتشتغل ايه بعدها

حارث: مش عارف من ساعه ما اهلي ماتوا محدش سألني السؤال ده عايز تكون ايه( مسك ايدها

جمره: بشا هتديني 500 لمسكه ايدي

حارس قام وسحبها: تعالي بس

جمره: استني كل ما هتمسك السعر هيزيد انت هتعمل فيا ايه ابشا

حارث نزل بيها ودخلوا المطبخ ياكلوا ايس كريم

جمره قعدت: انت بتحب تاكل الايس كريم كتير , شكلك مدمن

حارث: ماما كانت بتحبه

جمره: ابوك وامك ماتوا في حادثه عربيه , وعشان كده مش بتحب تسمع صوت الفرامل العاليه

حارث وهو بيهز دماغه: امممم

جمره: انا كمان تصدق مش بحبها لما بسمع صوت الفرامل تحصل بعدها كوارث , ولما بتكون فيه حوادث اروح كتير بتروح , ده شئ فظيع اوي

حارث: لسه عايزه تقوليلي بتحلمي بالعفاريت

جمره: والله بحلم بيهم وبيزروني , انت مش مصدقني لانك مجربتش ده

حارث: انا كنت في العربيه لما اهلي ماتوا والحاجه الوحيده الي بحلم بيها مش العفاريت الحقيقه ولو كانت الارواح موجوده فعلا هيعرفوا ان انا بتعذب من فراقهم , ومكنتش عايزهم يسبوني ابدا ويمشوا, اخدوا حته من كياني معاهم

جمره عيونها دمعت لوجعه وقامت قعدت جنبه وطبطبت ع كتفها يمتص كل اوجاعه

حارث بعدم فهم: ايه

جمره: اسند دماغك ع كتفي

حارث: مجنونه ليه اسند ع كتفك انا تمام

جمره: يله استريح احنا ساعات بنكون في لحظه ضعف يا بشا , واوعدك مش هقول لحد ع ده ومش هاخد كمان فلوس هبقي كريمه معاك , يله متفوتش العرض الي ممكن ميتكررش

حارث حط دماغه ع كتفها وهي حست بأحساس غريب بس جميل وهو كذالك

جمره: ها كتفي مريح

حارث حب يشاكسها: عضمك ناشف جدا , تعرفي من اول ما اتولدت عمري ما سندت كتفي ع حد غير امي

جمره :بتسيب الغير يسندوا عليك

حارث : وبجد معاكي حسيت بالدفا , متشكر يامرام

جمره : مفيش مشكله , قلت لك في التلات شهور هخليك مش قادر تبعد عني

حارث بصدق: خليكي لو عايزه , تفضلي خليكي معايا

جمره بسعاده: بتتكلم بجد

حارث رفع عينه وبصلها وقدام جمالها وحنيتها ضعف وقرر يبوسها وهي قلبها دق دقه عنيفه و ضعفت وقربت شفايفها من شفايفه لولا فصلهم رنه موبيلها اتخضت ونطت خبطت حارث في وشه

جمره قامت: انا اسفه وجعتك

حارث فرك وشه: لاء عادي

جمره برتباك: صوت الموبيل خضني , انا بجد اسفه

حارث اتوتر وقال بابتسامة : انا داخل اوضتي

جمره وشها احمر جدا : تمام ماشي

حارث: ردي ع المكالمه

جمره: اه هرد عليها انت ادخل اوضتك تمام

حارث : تمام

جمره اتسحبت وطلعت في الشارع وردت : ايه الموضوع

جعفر :بالنسبه لموضوع انغام وناجي فيه طفل بيقوله انه ابنهم

جمره : يعني ناجي عند ه عيل من انغام

جعفر : ايوه ابنهم بس قايلين للناس انه ابن اخته

جمره :طيب هنعمل ايه

جعفر : تعرفي تاخدي تلفون انغام

جمره : اه هو موجود في مكتب حارث

جعفر : جميل ابعتي رساله لناجي منه وبلغيه يظهر قريب , او ابنه مش هيبقي في امان اكيد بيرقبوه هو كمان ولو عرفوا انه له عيل هيؤذوه اكيد , اطلبي منه يظهر مفهوم

جمره: اممم طيب لو سألني عرفت الامر ده منين, اقوله ايه

جعفر: بسيطه قوليله زارك عفريت انغام , فكري لوحدك , دي مساله بسيطه

جمره بعد ما قفل في وشها قالت: ليه يتعصب عليا , معرفش ماله, ماشي لما اشوفه هطلعه من تحت ايدي كفته , واعمل جنبه اندومي

................قصص منه محمد كاتب............

حارث دخل غرفته وهو مبسوط وراح حط علامه صح قدام مبلغ البوسه الي مطلهاش لقاه الباب بيخبط

حارث فُتح الباب بضحكه جميله : ايه عايزه البوسه

جمره بشقاوه: هتدفع ولا لاء يبشا عطته تلفون القتيله افتكر اني عملت افضل ماعندي رايحه انام

حارث رفع حاجب بدهشة وقال بحيرة : وازي عرفتي باللامر ده

جمره: مش انا عارفه كلمه السر , مش مصدقني ان انغام بتزورني في الحلم , وبدل ما تقعد تستجوبني اشكرني ع خدماتي

حارث دخل وحط الموبيل ع الكمدينو لحد ما سمع صوت رساله قام اخده بسرعه ولبس هدومه وراح لمكان مهجور ونزل بحذر شديد ولقاه ناجي بيشاورله

..........قصص منه محمد كاتب...............

لابسه الصبح ورايحه الكليه اخدت نفس عميق وراحت لقت الفطار محطوط ع السفره لكنه مش قاعد

جابر: مالك يابنتي انتي عندك مغص

جمره : لاء ليه بس ريحه البيض حلوه اوي يا عم جابر, ميرسي هو البشا مفطرش

جابر: الباشا خرج من بالليل ولسه مرجعش يظهر عنده امر طارئ جدا , يله اقعدي افطري براحتك ولو عوزتي حاجه اندهي عليا

جمره تلفونها رن وردت: ايه الحكايه يا سنووايت

جعفر: حارث قدر يوصل لناجي

جمره بغيظ: ده مستحيل يتغير وهو فينه دلوقت

جعفر عيونه محطوطه قدام الجهاز وقال: معرفش وراي جاتله رساله منه ع تلفون انغام بس كلمه من مكان تاني غير المكتب الي فيه جهاز التنصنت

جمره: يعني متقدرتش تتبع اشاره تلفونه

جعفر: قفل تلفونه

جمره: ليه

جعفر: اكيد عرف ان فيه حد بيراقبه في القضيه دي, جمره استني فتح تلفونه قدامي , وهو حاليا في القسم وعايز اعرف ايه الي حصل ليله امبارح , وفين اختفي مع ناجي , بلغيني بالتفاصيل الاهم من كده متثقيش فيه

جمره قفلت بعد المكالمه ولسه خارجه لقت عربيه وقفت قدامها ونزل منها مبتسم في وشها سلمت واخدته شقتها وقعدوا في الصالون

عماد: ممكن نروح مكان تاني نتكلم فيه براحتنا

جمره: ده انسب مكان يا عماد

عماد: لكن الكلام الي هقوله خاص جدا

جمره: تقدر تقول اي حاجه متترددش , مش كدا ياغم جابر

جابر: ايوه اتفضل القهوه

عماد بضيق: انتي مبقتيش تثقي فيه بعد الي حصل

جمره: الموضوع مش مسأله ثقه , مساله تعود اخر مره اتقابلنا فيها بشكل شخصي , طلعت عايشه ع وش الدنيا بالعافيه

عماد: وانا عايز اعتذرلك عن الي حصل

جمره: عادي دي غلطتي كنت عارفه انه المفروض مرحش اقابلك , لو شوفت جوزي مع واحده تانيه غيري اكيد هتعصب

عماد: اه صحيح نسيت انك متجوزه

جمره: صح متجوزه

عماد: ممكن اخد كوبايه ميه

جابر: اتفضل مجهزها

عماد بخنقه منه: ممكن اتكلم مع جمره ع انفراد

جابر بصلها وهي هزتله دماغها بمعني موافقه

عماد ساب الكوبايه وقام قعد جنبها : جمره انت وحارث فعلا بتحبوا بعض ,عايز اعرف ليه فجأه عشان بجد حبتيه

جمره: هو انت ولوجين بتحبوا بعض

عماد: هسالك السؤال بشكل تاني , انتي مبسوطه معاه_مسك ايدها_ ردي عليا

جمره سحبت ايدها: انا اسعد واحده يا عماد بيه, وعمري ماكنت بالسعاده دي, الا مع حارث

.........قصص منه محمد كاتب............

راجعه من الكليه حست بزغلله ودوخه شديده وقفت سندت جسمها ع شجره لقت الي بيحط ايده ع كتفها وهي اتخضت وصرخت

جمره ماسكه قلبها: هو انت

هادي: مالك

جمره: معرفش مره واحده حسيت بزغلله وصداع فظيع

هادي: اكيد من كتر المذاكره والتأمل في الكتاب

جمره: مش عارفه صحيح ايه بخصوص حارث قابلته , وقالك ايه

هادي: قابلته في القسم بس رفض يقولي انه قابل الشاهد

جمره: ليه بس يكدب علينا

هادي: معرفش بس اياك تثقي في حد , حتي لو حارث

جمره مسكت دماغها: اه دماغي بجد هتنفجر

هادي: ادخلي البيت وشك مخطوف

جمره: تمام

هادي: طيب انتي سخنه وريني _ حط ايده ع جبينها وحارث كان راجع شافهم وشعلل الدم في عروقه وراح مزمر بالعربيه بجنون ودخلوا وقعدوا كلهم ع السفره وهادي بيبصله بضيق انه مداري عليه مكان ناجي وحارث محتاج يهدي من ثوره غيرته

حارث: هتفضل تبصلي كتير , قولي الي عندك

هادي بعصبيه: الي المفروض يتكلم هو انت

حارث بنرفزه: معنديش الي اقوله

جمره ضربت السفره : بس كفايه , ليه تتخانقوا , احنا كلنا في نفس القارب

هادي بص لحارث بنظرات غريبه وقال: مبقتش متأكد من كده

جمره: بشا ممكن اسالك سؤال بصدق قابلت ناجي

حارث : ايوه

جمره: ليه مقلتلناش طيب

هادي: هو فين وليه خبيت علينا مكانه

حارث: هو في مكان امن , مفيش داعي تقلقوا بخصوصه

هادي: ليه بتتصرف بالشكل ده

حارث قام من مكانه بعصبيه وبصلهم بغضب واخد بعضه ومشي

هادي: راقبيه كويس اوي

جمره: هو انت فعلا مش بتثق فيه

هادي بص للفراغ وقال: لحد ما نقبض ع المجرم الحقيقي انا مش هثق في حد( دب الشوكه واكل)

جمره كرمشت ملامحها بقرفه : ولسه ليك نفس تاكل

.........قصص منه محمد كاتب.............

حارث خبط ع الباب: ممكن ادخل

جمره: هتقولي فين مكان ناجي

حارث : اكيد

جمره: يبقي ادخل

حارث: لسه مصدعه

جمره: فين ناجي

حارث: المره الجايه لما يكون عندك صداع قوليلي انا او جابر , مش تقفي تقولي للناس قدام الباب

جمره: مين ده , اه تقصد حضره الرائد , دماغي كانت فعلا بتوجعني وعشان

حارث قطعها: شوفت وده معجبنيش

جمره: انت بتتوهم مفيش حاجه بينا , وبعدين متغيرش الموضوع

حارث: انتي الي بتغيري الموضوع مش انا

جمره: بشا لحد هنا وكفايه متغيرش الموضوع , ممكن تقولي خبيت فين ناجي

حارث: هو قالي اني مقلش مكانه لـ اي حد , حتي لو كان من رجاله الشرطه , هو مش بيثق فيهم ده كل الي اقدر اقلهولك , ولازم تثقي فيا لانك هتعرفي قيمه ده بعدين , اتفضلي برشامه واستريحي

جمره اخدت منه البرشامه والميه وقالت: متشكره

حارث رفعها ع ايده وهي بتساله هيعمل ايه لحد ما حطها ع السرير ومال بجسمه عليها وهي فكرته هيعمل حاجه معاها لكن هو لفها باللحاف كويس وقعد قدامها

جمره بتعجب: انت بتتعامل معايا بحنيه, انت مفتون بيا

حارث لو تعرفيني اكتر وبقيت مفتون بيكي ربما متفكريش فيا بالطريقه دي نامي يله ومتحلميش و بأشباح وعفاريت , سافري في حته حلوه

جمره: ليه

حارث: لان الدواء الي اخدتيه هيخليكي تنامي بعمق , يله اقفلي عينك

جمره: اقفل الباب وراك

حارث: عارف

..........قصص منه محمد كاتب..............

فضلت قاعده منتظراه عشان تغريه يمكن يضعف ويعترف بمكان ناجي ورقدت ع الكنبه وبعدين قوست جسمها بطريقه تضحك

حارث دخل وبصلها: مالك

جمره: مالي

حارث: تصرفاتك غريبه

جمره اتعدلت وفضلت تلعب في خصل شعرها بتوتر

حارث: مالك يا بنتي فيه حاجه حصلت

جمره رمت الكتاب والقلم وزقته بعنف وطلعت تجري ع فوق

حارث مذهول من القلبه دي وطلع وراها وخبط ع الباب رفضت تفتح خبط بقوه

جمره بشخيط : مش عايزه افتح الباب امشي

حارث فتح بالمفتاح الاحتياطي الي معاه ودخل بقوه

جمره: فيه ايه يبشا

حارث: ايه الي حصلك جات لك هوبا في دماغك , ولا جاتلك الدوره الشهريه, ومتقوليش عيب ياقليل الادب يا سافل , ده مش بيعجبني سامعه

جمره: انا كمان مش عجبني تصرفاتك

حارث: عملت ايه انا دلوقت

جمره: عند ك سر لايمكن اثق فيك

حارث: وانتي معندكيش اسرار

جمره عيونها زاغت وطالعه تهرب منه مسكها وزقها: اقعدي هنا , اقعدي خلينا نتكلم ونفض الموضوع ده , مالك بقي

جمره: ليه تسألني انت عارف ايه مشكلتي, انا مش زيك تروح تدور ع الشاهد وتكتم ع الخبر

حارث: يا هانم وظيفتي مش ببيع بضاعه زيك , واقول للكل ع بضاعتي طول الوقت

جمره وقفت بنفعال: انت بتهين شغلي

حارث شدها تقعد: مش كده عملت مقارنه عشان بس تفهمي

جمره بقهره: وملقتش الا شغلي تقارن بيه , انت كمان بتحتقرني زي اختك متفرقش عنها

حارث: انتي مالك النهارده, ليه مش فاهمه كلامي

جمره بحده : مين الي مش بيفهم , انا سالتك ليه خبيت ناجي, احنا بدئنا ده سوي

حارث بصلها وقال بهدوء : ايه هو الي بدئناه سوي , انتي شغاله في الشرطه, ليه شاغله نفسك بالقضيه دي ده امر كله خطوره, انا وظفتك هنا تبعدي المشاكل عني , مش تعمليلي مشاكل

جمره قامت وهو شدها: اقعدي

جمره طوحت ايده بعنف عيونها جمعت دموع : انا اسفه من دلوقت ههتم بشغلي وبس , ومش هدخل في شغلك تقدر تمشي

حارث: ليه الامور بينا بقت كدا يامرام , مش احيانا بنفهم بعض ايه الي اتغير

جمره : انسي ده , واضح اتخطيت حدودي معاك , امشي دلوقت عايزه اذاكر

حارث فضل واقف مكانه لحد ما هي راحت ناحيه الباب وشاروت له يخرج ولما خرج انفجرت في العياط وهو فضل واقف قلبه موجوع علي الفجوه الي حصلت ما بينهم