تحميل رواية قدك بقلم منه محمد pdf

جمره ضربته بغل وعـ نف : ابعد عني عشان انا غشيمه

حارث : يابنتي عايز اتكلم معاكي كلمتين , فاهدي واسمعيني الاول

جمره بصوت عالي: سمعت الرعد في ودانك , متعصبنيش لان انا مجنونه

حارث : عادي وانا اتعودت ع جنانك

جمره بتحاول تحرر نفسها من حضنه وتخرج من سطوته: سيبني , يا بوليس حد ينجدني , هصرخ وافرج الناس عليك صدقني

حارث كتفها جامد : حتي لو جبتي المطافي مش هسيبك عمري

جمره استكانت لما لقته فوقها ومقرب يبوسها بكل شوق الدنيا

لحد ما دخل وقال: اقف عندك, البوليس محاصر المكان

جمره نطت من فوق السرير وقالت بخوف : عمي مقلتلوش عن اي حاجه , ولا حتي جيبته هنا

حارث: اهلا يا افندم

جمره بدهشه: هو انت تعرف عم جعفر كمان

جعفربصلها بغيظ :هو انت مش سهل تتراضي , كويس اننا جينا في الوقت المناسب , وانت زيها , الشغل اولا والباقي تعملوا في وقت تاني

جمره: لاء لحظه انتم مع بعض محتاجه افهم

جعفر: ايوه ده المغوار الي كنت منتظره ينضم لينا

جمره بصت لحارث : انت المغوار

جعفر: ايوه هو وشغال معايا من فتره , واسف لو داريت عن الجميع الامر ده

هادي بسؤال : وليه داريت عني الموضوع ده بالذات

جعفربهدوء: كنت عايز اتاكد هل المقدم هيعرف يتقرب من منصور من غير ما حد يشك فيه وخصا من خلال جمره وخاف انها متتعاملش مع الامر بسهوله

جمره بدهشه : وانا ليه هعمل كده

جعفر : ولسه بتسالي بجد ع اساس انك مش فضوليه جدا

هادي لحارث : هو انت كنت عارف بامر جمره

حارث: اممم لما لقيتها حطالي جهاز تصنت في اوضتي

جمره بذهول : يعني مسكت بيا من اول ليله

هادي : ولما عرفت نواياها ليه خليتها عندك

حارث: لان الموضوع كان ممتع سيبتها تكمل اللعبه

جمره برقت له: بشا ممكن نلم نفسنا

حارث بهدوء: في الاول مكنتش متاكد قلت انها شغاله لحساب منصور, لحد ما لقيت ابن اختها بيتسول عشان الفلوس, اتاكدت مش تابعه لمنصور, بس مكنتش عارف هي بتتعامل مع مين لحد ما في يوم عرفت انها شغاله معاك يا فندم من الاب توب الخاص بيها

جعفر ضرب ع وشه : اه ياغباوه مالهاش اخر, هو انا مش حذرتك اياك تسيبي جهازك ابدا , ومتخليش حد غيرك يوصل لمعلومات عننا

جمره : كانت الليله ضروره قصوي يا عمي , لو كنت رجعت اخدت منه الاب توب كنت خسرت عذريتي اكيد

حارث ضحك ورجع كشر لما لقاه الكل بيبصله وتابع وقال بجديه : في جنازه الملازم انور قابلت ظابط قديم بلغني بخصوصك انت وعمي , ومن هنا بدأت احقق بخصوصك, لحد ما اتقابلنا وانت جاي ورايا لحد بيتي

جعفر : وانت متاكد انك هتقدر تقرب من منصور

هادي: وبخصوص الفيديو المنتشر بتاعك ونوح بيقع تحت رجلك هتعمل فيه ايه

جعفر: انا والمقدم كان بينا معاد عشان ندرس الموضوع ده , وده هيعتبر جزء من مهمته السريه

جمره : والمره دي هينجح ياعمي , دي تاني مره يلفقوله جريمه قتل , انا بقيت شايفه الموضوع بقي مرعب اكتر

جعفر: ان شاء الله ننهي اللامر ده , كل الي فاضل ازاي هينتهي , وده يعتمد ع الله ثم علينا

جمره : وانا كمان هبقي معاكم

هادي : اكيد ازاي نقدر نسيب الكوين

جعفر : لا انتي لازم ترتاحي مهمتنا دلوقت نص ناجحه , اتمكنا نعرف عن شبكه المجرمين وكل حاجه ماشيه تمام وبشكركم جميعا

حارث وهادي فضلوا يبصوا لبعض نظرات حاده كلها غيظ ومستنكرة تعبر عن أشد درجات الغضب المكتوم

جعفر بصلهم : ليه بتبصوا لبعض كده

هادي :مش بنبص

حارث بصله نظرة مباشرة وقاسية: انت اهانتني لما قولت عليا اني بقيت ظابط بسب علاقاتي المشبوه

هادي: لان في الوقت ده مكنتش عارف الحقيقه

جعفر بهمس: دول بيتخانقوا مع بعض بجد

حارث : ودلوقت عرفت فالمفروض تعتذرلي

هادي بعناد :لا مش ضروري

حارث: لا ضروري

هادي: لا

حارث ضرب سطح التربيزه: لا هتعتذر

جعفر بحزم: بس كفايه خلونا نتكلم في الشغل وحلوا المسائل الشخصيه دي بعدين, ها ايه رايك بخصوص الفيديو ياتري كان فيه كام كاميرا في المستودع

حارث : حتي لو مكنش فيه انا متاكد انه حطها للغرض يقتـ ل نوح ويلبسهالي

جعفر : امم يعني مش هتقدر اثبات برائتك من الكاميرات التانيه

حارث: لكن الفيديو مخلصش لو له تكمله هتشوف ان نوح انضرب بالرصاص من زاويه تانيه وهيثبت طريقه ضربه ان فيه اشخاص تانيه غيري كانوا موجودين في الاوضه

هادي: بس طبعا مش هنقدر نشوف وشوشهم, ازاي ممكن تستخدم ده دليل والشهود كمان من رجاله منصور حتي عمك معاه واحتمال مؤكد هيقدر يهرب من الجريمه دي كمان

جعفر : هو فيه طريقه واحده لبرائتك من الجريمه دي , انك تنجح في مهمه القبض ع منصور المره دي الامل النهائي الي قدامنا هو بعد بكره سمحلك منصور تشرف ع كل حاجه

هادي : وشايف انه ع الارجح لو حتي اتمسك من المحتمل ان اي راجل من رجالته يتحمل مسؤليه كل حاجه

جعفر : وشوشت حضرت الاتفاق ده

حارث: لا محضرتش وواضح انها مش عايزه تتورط في اعمال ابوها , برغم انها بنته الوحيده الا انه مش بيثق فيها , وقال انها ضعيفه وهشه

هادي بسخريه: ضعيفه شوشت ضعيفه

جعفر: شوفت البضاعه بعينك

حارث : ايوه كميه كبيره من المخدرات وكمان بنات وستات الي منهم بييع اعضائهم او يجبروهم بظروفهم يشتغلوا في الدعاره شغل ابالسه وشياطين

هادي : منصور ده شيطان رجيم استحاله يكون بني ادم ده جبروت يستاهل الشنق

جمره: وانت الصادق الاشكال دي متبعين حبال الشيطان

حارث : وفي وشه واضح انه مش حاسس بالذنب حتي , ومعتقد انه كدا بيحرر الناس الغلابه من معاناتهم

جعفر: الي يقدر يقتل امه عمره ما يحس بالذنب

جمره شهقت وبرقت عيونها: ايه قتل امه ازاي

جعفر: انا حققت في امره واعتقد انه اول واحده سمها لحد ما موتها هي امه , وبخصوص مراته ماتت بعد ما ولدت شوشت وهو اصر ع عدم تشريح الجثه بحجه انه لايمكن يقبل تقطيع جتتها وكان زعلانه ع بنته , اما بخصوص نوح اكتشف انه مريض فموته لانه مبقاش له منفعه منه

حارث : عشان كدا سممه وقتله زي ما قلت , هو اعتقاده انه يقدر يحرر الناس من المعاناه سياده العقيد لازم تكون حذر جدا , لان منصور اتاكد مش انا الشخص الي فتش في غرفه قاتل ناجي وسال عمي بخصوصك

جعفر : وانت من دلوقت ايا كان الي هتعمله خد بالك جدا رجاء , وهتنتهي القضيه دي قريب وبالنسبه للقبض عليك هحاول تاجليه لاطول وقت ممكن , جايز يكون عند منصور طرقه الخاصه

حارث : الف شكر يا فندم

جعفر شاور له بعيونه ع جمره وقاله : ودي ناوي تعمل فيها ايه

حارث ابتسم : هاخدها معايا

جمره بنرفزه : مين هتروح, انا مش عايزه اروح معاك

جعفر : معقول عايزه تسبيه يمشي لوحده مش حاسه بالقلق عليه

جمره : ازاي امشي معاه يا عمي وانا مش مراته , وغير كدا معيش هدوم

حارث : جهزتلك كل حاجه معايا في شطنه العربيه

جمره : وانا مش عايزه اشوفك

جعفر : انتي عايزه متظهريش عكس كدا

جمره : عمي استني

جعفر زقهم وقالهم : يله مع السلامه ورايا شغل

حارث بصلها: لسه زعلانه مني

جمره : متتكلمش معايا خالص ماشي

حارث: معقول لسه مش مفهوم قدامك

جمره :ايه هو الي مفهوم

حارث : اني بحبك

جمره : مفيش داعي تكدب وتقولي بحبك, انا شوفت شوشت بعيني شبه عريانه وخارجه من اوضتك وعايزني ااقتنع بالكلام ده , ولا ناوي تجنني

حارث : قلت بحبك

هادي خرج : مين بيحب مين انتم لسه ممشتوش انا رايح السوبر ماركت عايزين اي حاجه اجبهلكم من هناك

حارث تابعه لحد ما اختفي وبصلها وقال: مرام شوشت لبست قميصي عشان عايزه تفصل واحد ليا عشان كدا عطتهولها واتفاجئت بيها لابساه, انا مقربتش اصلا منها , وعارف وفاهم من حقك تزعلي, انا اسف

جمره: انا مش زعلانه ده انا مقهوره

حارث: كان لازم اكدب مش عايزك تتعرضي للخطر بسبب شغلي

جمره : انا كنت دايما بقلق عليك

حارث قرب منها ومسك ايدها وباسها : وانا عشان بعشقك خفت عليكي يله بينا

جمره: اه يله بينا

.............قصص منه محمد كاتب..........

في غرفه النوم واخدها جوه حضنه وساكت كأن حضنها مسكن لكل الالم والتعب الي جواه

جمره بصتله: حارث محتاجه اتكلم معاك

حارث : بخصوص ايه

جمره : ابويا الحقيقي

حارث : احكيلي ايه الي حصل بخصوص ابوكي

جمره : بابا الله يرحمه كان اعجب بماما جدا بعد ما اطلقت من الراجل الي ادعي انه ابويا

حارث: لا فهيميني واحده واحده يعني امك كانت متجوزه قبل ابوكي صح كدا

جمره لئلئت الدموع في عيونها وبصوت مخنوق: ايوه صح وجوزها ابو ريم دخل السجن في خناقه انتهت بالقتل واتحكم عليه بعشر سنين ماما كانت حامل في ريم واطلقت منه بقضيه خلع وبعدها قابلت بابا كان ساعي بريد اعجب بيها وهي كمان اعجبت بيه ولما عرف ظروفها اتجوزها واعتبر ريم بنته ورباها واهتم بيها لحد ما طلعت حامل فيا وكان فرحان وقبل ما تولدني بيوم ظهر الحقير وهدد ماما تطلق منه ويرجعلها ولما رفضت راح ضرب بابا بالفاس ع دماغه ع خوانه واجبرها تدفنه معاه يئما هيبلغ عنها ويقول انها شريكه في الجريمه او يقتلني وماما وقتها خافت عليا واضطرت تسكت عليه , واخدوا بابا دفنوه بس كدا

حارث: وطبعا عشان انتي مش بنته كان بيخليكي تتسولي ويبهدلك

جمره نزلت دموعها : بالظبط وكنت حاسه اني مستحيل ابقي بنته لحد ما خلصت منه للابد

حارث ضمها ع صدره بحنان: خلاص كفايه كلام ولو عايزه تنامي نامي

جمره دفنت وشها في صدره: بس انا لسه مخصماك

حارث ابتسم : ممكن تصالحيني بكره , وقلت لك هقنعك انتي بس نامي الليله , لسه خارجه من المستشفي واكيد لسه تعبانه

جمره ضربته براحه ع صدره: اه صح, ليه مجتش تزورني في المستشفي , انت واحد قاسي

حارث باس جبينها: روحت ازورك , ازي مقدرش اشوفك واطمن عليكي

جمره: كنت قلقان عليا

حارث: قلقان انا مغفاش ليا جفن وانا كل يوم بفكر فيكي ياتري بقت كويسه ولما عرفت انك بخير فرحت ع الاخر

جمره: طبعا منا جوهره

حارث ضحك: عارف

حارث اتاكد انها راحت في النوم و اخد العلبه ومسك ايدها ولبسها الدبله وباس ايديها

...............قصص منه محمد كاتب............

فضل طول الليل قلقان وعرف من الاخبار ان منصور وعمه اثبتوا برائته من الفيديو المنسوب اليه ووشه اتحول للحقد والكره لحد ما لقاها طالعه بتدور عليه طفا التلفزيون بسرعه وابتسم

حارث رسم على شفايفه ابتسامه: ايه بس الي صحاكي _بيتحرك من قدامها_ انا جهزتلك الفطار

جمره مسكت ايده توقفه: حارث انت كويس

حارث مسك كتافها ومبتسم: تصوري وحشني السؤال ده بجد , وتعرفي انك الوحيده الي بيسالهولي دايما لو كنت كويس او كنت لاء

جمره : ده لاني بقلق عليك

حارث باس دماغها :متشكر لقلقك وخوفك عليا

جمره رفعت صوبعها قدامه: ممكن اعرف ليه رجعت الدبله دي لايدي

حارث بصصلها ولمعان عينه من غير ما يتكلم يزيل اي خلاف ويفتح باب التصالح وقال: لان الي حصلنا مؤخرا زي الكابوس , عايزك تصحي وتشوفي الحقيقه وبس , الحقيقه اني بحبك وعايزك انتي وبس

جمره باست شفايفه بسرعه ورمت نفسها جوه حضنه وهو ضمها لصدره بكل قوته

حارث : وممنوع تخلعي الدبله من ايدك مره تانيه , اصبري لحد ما انهي القضيه دي وهنبدا من جديد وهتجوزك بس جواز حقيقي من غير بنود ولا شروط , مرام انا بحبك وعايز اكمل عمري كله معاكي

جمره ابتسمتله ابتسامة كلها حب: وانا كمان عايزه اكمل حياتي كلها معاك , انت الراجل الوحيد الي حبيته من كل قلبي

حارث قرب يخطفها شفايفه لكنه بعد عنها وقال: لو عملت كدا هتمنعيني

جمره: وانا لو منعتك هتبعد ومش هتقرب

حارث: للاسف مش هقدر_ رفعها ع ايده واخدها لغرفه النوم وبعد لحظات ساخنه بينهم لكن في حدود قعد يبصلها ويضحك ضحكته الحلوه

جمره بغيظ: ممكن افهم بتضحك ع ايه

حارث مسك ايدها بين ايديه وقال: مش قعدتي في مره تقوليلي اني بحب التباهي ومش فالح ولا حتي في البوس

جمره: انا امتي قلت كده يا كداب يا ضلالي

حارث مسح ع شعرها: بجد متشكر ع اجمل هديه اخدتها منك

جمره: ع ايه انك حبيت واحده فقيره من حي شعبي

حارث: اياك تاني مره تقولي الكلام ده ع نفسك , انتي بالنسبه لي ليكي اهميه كبيره وقيمه غاليه في حياتي

جمره: ازاي اتكلم اكتر ياحارث عايزه اسمعك

حارث: ازاي ساعات ببقي مخنوق بس بمجرد ما بطبطي عليا بايدك وتحني عليا بعرف انها مش مجرد شكليات ده نابع من قلبك

جمره: امال ليه اوقات بحس انك بتزهق من سؤالي

حارث باس جبينها بوسة طويلة: عمري بالعكس ببقي مبسوط وسعيد ومش بمل منك ولا بزهق وبلاقي نفسي تلقائي ببتسم

جمره: وانا ابتسامتك بالنسبه لي حياه بستمد منها قوتي

حارث عيونه لمعو بعشق : وانا في ابتسامتك بشوف الجنه وبنسي كل همومي وضغوضاتي

جمره بعدت عنه: انت هتعمل ايه

حارث باس شفايفها وعيونه لمعو بعشق وهي اتفاعلت معاه لكن فصلهم رنه موبيلها الي صدعت في المكان!

جمره نفخت بزهق: ليه التلفون الغلس ده بيرن عند البوسه , حتي دي ياربي مش عارفه اوصلها

حارث مسك وشها بين ايديه الدافيه يكمل قبلاته الشرسه الملتهبه

جمره بعدته: حارث مش عارفه اركز لازم ارد ده عم جعفر

حارث: اوكيه ردي

جمره : ايه الموضوع.....مجنون اي ازعاج ده كلام فارغ عايز حارث معاك

حارث: نعم يا فندم

جعفر: امبارح نسيت اسالك عن امر مهم انت متاكد انك عايز تنهي المهمه المره دي

حارث ليه بتسالني عن ده

جعفر: لان منصور امبارح حب يخلص علينا كلنا في المقر , معني كدا عمك هيتقبض عليه معاه

جمره جات تقوم من جنبه ياخد راحته لكن هو مسكها وشاورلها بمعني خليكي

حارث تابع : يافندم حضرتك اتاكد لاني كنت ضد اعمال عمي فتره طويله

جعفر :ايوه لان ده واجب اي شخص شغال في الشرطه

حارث : وانا كمان هقوم بواجبي واقدر اعمل ده لانه الصح متقلقش يا فندم , مش هسيبك زي عمي ما عمل قبل كده

جعفر : هستني واشوف ياحضره المقدم

جمره: انت كويس يا حارث وشك ميطمنش

حارث هزلها دماغه واتنهد وسكت

جمره حست انه فيه حاجه ومخبيها بس ما حبتش تضغط عليه : خلاص هفير السؤال انت متوتر

حارث ضمها: ايوه متوتر , متوتر جدا

جمره: بلاش تتوتر هتتعب بعدين وخلال كام يوم هتروح استني انت بتحط ايدك فين

حارث دخل ايده تحت هدومها: مش انا متوتر سبيني اخفف من ضغطي بحاجه تانيه

جمره: تصدق طلعت منحرف

حارث سحبها لحضنه واخدها في رحله عشق طويلة كلها مشاعر فياضة ورغبة

.........قصص منه محمد كاتب.............

يوم تسليم البضاعه بوجود حارث ورجاله منصور الي حملت الصناديق واخدوا الاطفال والنساء لبيع الاعضاء

راجل دخل بفزع: منصور بيه الحق البوليس

منصور بص لحارث: انت

حارث سحب ايده يجري بيه من المكان وهو بيقول : انا هاخد منصور واهربوا يله يامنصور مفيش وقت

منصور بيجري معاه: هنجري لفين

حارث: فاضل القليل

منصور: والرجاله الي معايا

حارث: اقلق ع نفسك الاول يامنصور _ زقه جوه العربيه وبسرعه لبسه الكلبشات في ايده

جعفر ظهر وقاله: اخيرا وقعت يامنصور

منصور بص لحارث نظره كلها حقد وشر وحارث ابتسم وحط المسدس في جنبه والعربيه انطلقت بيهم

منصور بغضب: مكنش الصح اثق فيك يا حارث زي ما نصحني نوح , قولي ايه الغلط في الي عملته انت مفكر ان انا عملت كل البلاوي دي نفس الي بعمله بيعمله غيري بس بطرق مختلفه وزي الي بتعملوه كلكم انا بحقق العداله والمساواه , بوهب للناس الي ملهش فرصه يعيشوا كويس

جعفر خبطه بالمسدس في كتفه وقاله: بطل كلام انتهي كل شئ

منصور صرخ بجنون: ازاي يعني انتهي يا سياده العقيد , فكرت كويس لو كان غلط ليه عم المقدم جه واشتغل معايا , عمك شخص نضيف وشريف مش كده ولا انت بتحتقروه , معقول مش عايز تشكر الراجل الي رباك لحد ما بقيت مقدم , قلبك مخلوق من ايه

جعفر خبطه ع دماغه: بطل كلامك ده ومحاوله اقناعه

منصور بتسم: سيد جعفر كان نفسي اشوفك من زمان انا معجب بيك جدا انا واحد من مشجعينك بس قلقان بخصوص امر واحد في الفتره الاخيره كنت مستخبي فين

جعفر: كنت براقبك عشان اقبض عليك , ودلوقت قبضت عليك

منصور: هو انا هتسجن بجد , وانتم وخدني ع فين, انا مستعد اديك كل الي تقولي عليه انت عايز المركز والمال ممكن اديلك كل ده ياحارث , شوفت عمك عطيته فلوس كتير لو عاش اضعاف عمره مش هيقدر يحقق ربع ثروته ولا سياده العقيد جعفر, الي اكيد غضبان مني لان الوقت ده متعاملتش معاه , ده غلطي انا اسف بس ممكن نبدأ من جديد وبشكل صح مستعد اديك اضعاف الي عطيته لفاتح وقصاده مترمنيش في السجن ابوس ايدك

جعفر ابتسم بتهكم : تمام مفيش داعي تروح ع السجن

منصور بسعاده: ايوه كده

جعفر: انا هطلب يعدموك ع طول

منصور ضحك بقهقه: ده حلو جدا كدا بتكلم مع ظابط شريف, انا بحترمك رغم صاحبك خانك والمقدم خان عمه , ايه كل ده حاسس بالملل روحوا انتم الاتنين قدموا شكوي هناك

العربيه وقفت لانها للاسف اتحاصرت ونزل منها رجاله منصور معاهم اسلحه وفتحوا عليهم النار وهنا نزل فاتح وحارث ارتبك شوي ووشه اتخطف وجاب كميه الوان

منصور: شوفت جبتلك مين ياجعفر صاحبك اكيد وحشك

حارث بص لجعفر بصدمه لحد ما فاتح فتح الباب وبأمر: انزلوا قلت يله انزلوا

حارث نزل ووراه جعفر

فاتح: خدوا المسدسات منهم

حارث: استسلم يا عمي

فاتح: جعفر سلملي منصور

جعفر: في يوم عطتهولك وسيبته يهرب المره دي مستحيل اكرر الغلطه مرتين فاكر ليه يا فاتح طلعت ظابط

منصور بنرفزه شديده : قولولي امتي هيخلص المسلسل ده , اعملوا الي هتعمله بسرعه عشان انا زهقت

السواق الي من الشرطه كان رافع المسدس ع منصور في العربيه

فاتح لجعفر: السواق لو ضربه بالنار هموتك مش هتردد ثانيه

حارث بقهر: مش قادر تنضم لينا ياعمي , ده انت الي علمتني ابقي ظابط شريف , وعلمتني احارب عشان احقق العداله, انت الي وهبتني الحياه

فاتح: وجه الوقت الي ترد لي فيه الجميل بأنك تسلملي منصور رد الجميل مقابل تربيتك ورعايتك لحد ما بقي عندك تلاتين سنه

حارث نخ ع ركبه ع الارض وحط المسدس قدامه ومنصور صقف بستفزاز

فاتح: متشكر ياحارث لانك سمعت كلامي

حارث فك الكلبشات عن ايد منصور لكن جعفر خطف المسدس من ايد فاتح وحارث لف ايده حوالين رقبه منصور لحد ما واحد من رجاله منصور ضـ رب جعفر بالمسدس ع دهره اتأوه جامد

حارث رفع المسدس في وشه وهو لسه خانق رقبه منصور وصرخ بجنون: ابعد وارمي سلاحك في الارض , يله الكل يرمي سلاحهم ع الارض , والا هفجر دماغه

منصورصرخ فيهم : بسرعه ارموا سلاحكم يا شويه اغبياء, مش شايفين ارموا

فاتح: تمام ياجعفر لو اتقبض عليا اتمني انت الي تسلمني

جعفر: عشان فخر وشرف الشرطه سلم نفسك وهكون شاهد لصالحك

منصور في لحظه غدر ض رب حارث وحدفه لبعيد بعنف وحط المسدس في وشه

فاتح: اقف عندك يامنصور

منصور: انت اتجننت

فاتح: متشكر ياجعفر خلتني اعرف ليه طلعت ظابط_ ضـ ربه طلقه في رجله وتابع_ بس لا يمكن ارجع مستحيل

حارث خطف مسدس من ايد واحد وحطه في وشه: عمي

فاتح رفع مسدسه: تعال معايا ياحارث عشان رد الجميل لرعايتي فيك , امشي معايا

حارث نزل مسدسه وكذالك فاتح لحد ما رصاصه دخلت في صدر حارث من منصور ووقع من فوق الكوبري في الميه كانت جمره وصلت مع القوات وشافته وهو بيتحدف في الميه وحصلها حاله انهيار وفضلت تصرخ بأسمه وهادي مسكها قبل ما ترمي نفسها وراه لحد ما كل الغطاسين نزلوا دورات لا حس ولا اثر لجثمان حارث لحد الليل ما ليل ونزلوا تاني لحد ما هادي رجع معاهم وهي بصتله هزلها دماغه انه ملوش اي اثر وهنا خارت قواها ووقعت من طولها في حضن جابر واعتماد ع فراق حارث

شوشت هترجع تنتقم من جمره ولا جعفر هيحميها السؤال الاهم ابننا حاث فين يارب يلاقوه حتي لو جثـ ه خلينا ندفن الواد

في الاتاليه

لوجين دخلت مهروله: شوشت اعمل ايه انا دلوقت ليه ابوكي عمل كدا في باباي

شوشت بصتلها: عمل ايه ابويا

لوجين بغرابه: خلاه بابي محتال وحارث انضرب بالنار منه

شوشت: لو جايه تتكلمي معايا في المشاكل دي امشي احسن

لوجين: شوشت

شوشت بحقد عجيب : ازاي هتعيشي ده ميخصنيش وابوكي كان شر لوحده متلوميش بابا ع ده لو كان ابوكي شخص كويس مكنش رباكي بالشكل ده

لوجين: تقصدي ايه

شوشت: اقصد طلعك مستهتره ومدلعه

لوجين بصتلها بدهشه ع اسلوبها الغريب: انتي ليه بتتكلمي معايا بالاسلوب ده , هو احنا مش اصحاب

شوشت: اسالي نفسك احنا اصحاب , ولا انا مجرد خدامه, طول الوقت ده كنت صبوره معاكي لان بابا كان بيتحايل عليا بس دلوقت مبقاش ضروري استحملك ولو عايزه تهيني ابويا فابوكي اوحش منه

لوجين: بس دلوقت انتي الوحيده الي بقايلي لي

شوشت: عيشي من دلوقت مع نفسك , يله امشي متخلنيش اطردك بنفسي

لوجين : مكنتش اعرف ابدا ان الضربه هتجيلي منك انتي

شوشت بحتقار: غوري من خلقتي وامشي

............قصص منه محمد كاتب..........

في غرفه حارث نايمه ع مخدته مفيش دموع بتنزل كانها تايهه مش مستوعبه ولا مصدقه وعقلها اتوقف وقلبها جمد زي ما يكون طوبه اتحدفت علي دماغها وعرفت ان ربنا مع البلاء بينزل اللطف ع القلب والعقل عشان ميحصلناش حاجه وبيدي الصبر ع قد الابتلاء لحد ما الباب اتفتح عليها وحد حط ايده ع كتفها كانت اعتماد وهو واقف وراها

جمره اتعدلت: عمي

جعفر: جيت اخدك نطلع ابوكي

جمره: بابا انت لقيته

جعفر: ايوه هنخرج جثته من المكان الي اندفن فيه

اعتماد طبطبت ع دهرها بحنيه : يله يا بنتي قومي ويربط ع قلوبنا الصبر

وبالفعل جعفر اخدهم هو وهادي وكلهم وقفوا اثناء الحفر ع قدم وثاق!

جعفر قال : اتمني تكون الجثه متحللتش كلها

اثناء الحفر لقوا هيكل عظمي وجمره واعتماد وريم دخلوا في مرحله انهيار تام واخدوه يدفنوا في المقابر بعد ما صلوا عليه..!!!!

اعتماد قعدت قدام القبر وقالت ببكاء: محمود وحشتني كل يوم مش قادره اعمل اي حاجه من غيرك انا اسفه

جمره: ماما بابا مش زعلان منك متلوميش نفسك

اعتماد ببكاء من نياض القلب: عايزك تعرف اني بحبك وكنت عايزاك تفضل معايا ومع بناتنا بس مقدرتش احميك منه سامحني , واسفه غصب عني

ريم ضمتها: كفايه يا ماما عشان صحتك

جمره: ادعيلوا يبقي في مكان اجمل

اعتماد: جمره دعينا لـ ابوكي يله ادعي لجوزك واتعاملي مع الوضع بقلب راضي

جمره فضلت تدعي بدموعها الغزيره لرحيل اغلي انسان ومعاها صوره حارث تبصلها وتبكي لحد ما لقوا الي واقف بطوله قدامهم كلهم شهقوا في نفس واحد وجمره وقفت مكانها مصدومه وهو واقف يبصلها بأبتسامته الجذابه فتحلها درعاته تدخل في حضنه وهي جريت عليه بسرعه البرق وضربته لكمه قويه في انفه

حارث: يا بنت المجانين

جمره: ايه قلت ايه

حارث : قلت يا بنت الحلوين

جمره بصريخ: انطق اختفيت فين كل الوقت ده

اعتماد شدتها: جمره يا جمره مش كدا

جعفر شدها يمنعها من اي تهور : اهدي ايه ده , احنا في المقابر معقول تعملي كده

حارث بصلها بغيظ وقال : المرمطه الي اتمرطمها دي حقها عند مين

جعفر: امسحها فيا

حارث قعد وطلع منديل ومسح انفه من الدم وبدأ يحكلهم

اعنماد: يعني القروين دول هما الي انقذوك طيب ليه غبت شهرين

جمره: المهم الي انقذك راجل ولا ست

جعفر بصله وابتسم : هتعمل ايه يا حضره المقدم , الام وبنتها الاتنين غضبانين بشده

حارث: مش مهم مين المهم اني فعلا كنت هموت بس لحسن الحظ ان الرصاصه مصابتش اي اعضاء حيويه ولما وصلت المستشفي وقف قلبي مرتين بس الدكتور عمل انتعاش واتكتب لي النجاه , مرام انا خلاص رجعت للحياه ليه ماسكه صورتي في ايدك

جمره دخلت السلسله جوه صدرها وبصتله بغيظ رغم قلبها بيصرخ بالحب

هادي: وليه مرجعتش لما بقيت بخير او حتي اتصلت

اعتماد: ايوه صح مراتك كانت هتموت من زعلها

جعفر : عشان حارث طلب مني اخبي , كان عايز الاول يتم توضيح كل القضايا اولا

اعتماد : يعني انت كنت عارف انه عايش

جعفر : افهموا ده طلب حارث

حارث : اسف للجميع بخصوص ده لان بعد الي حصل واتقبض ع عمي كنت محتاج شويه وقت اقعد مع نفسي افكر واراجع كل الاحداث

جمره : كان ممكن تبلغني ليه خبيت عليا , جالك قلب ازاي تعمل فيا كده

جعفر بهدوء: جمره حارث مكنش بيثق فيكي اصلا , من يوم مادخلتي بيته

جمره : ايه كلامك ده ياعمي

جعفر: مش استنتاجي صحيح يا حارث

حارث:الموضوع مش عشان مش واثق فيكي , بس انتي مش امينه تكتمي السر

اعتماد طبطبت ع دهرها: خلاص ياجمره متزعليش منه والحمد لله انه رجع

جمره : انا مش زعلانه , بس متحطتش في الموقف ده قبل كده , ولرجوعه انا مبسوطه جدا قلت هبقي ارمله

حارث ابتسم وهو بيقوم يقرب منها: مش هسمحلك تبقي ارمله, انا عايزك تبقي مراتي في اقرب وقت ممكن

اعتماد : علي مهلك ع مهلك ارجع مكانك

جعفر: استني دقيقه واقعد مش قدامنا

جمره: المره دي تطلب ايدي قدام الناس دي كلها

..........قصص منه محمد كاتب.............

قدام فيلا لوجين

حارث لف بصلها: انتي متاكده مش عايزه تستني في العربيه

جمره ماسكه التي شيرت: متاكده منين ما تروح انا معاك

حارث : حيث كدا بحذرك مش مسمحولك تعملي مشاكل

جمره بستعباط : مين دي انا , ده انا ملاك , والملايكه مستحيل يخلقوا مشاكل مع البشر

حارث بسخريه لاذعه: لاياشيخه

جمره: ايوه

حارث ضرب الجرس ولوجين جريت دخلت في حضنه وجمره قلبت وشها وقالت بقرفه: ريلاكس ياجمره , ريلاكس

لوجين سحبته من ايده: تعال ده انا قلت مبقاش ليا حد بعد كده

حارث : حبيبتي متزعليش من ابوكي

لوجين بقهر: لا زعلانه وزعلانه اوي, ازاي يعمل كده , ده غير الي عمله معاك ليه مفكرش فينا انا هخجل من التصرفات الي عملها

حارث: لوجين اهدي

لوجين بدموع: انا هسافر اعيش مع عمتو في انجلترا , لايمكن اعيش هنا مش هتحمل نظره الناس ليا تعال انت كمان معايا

جمره ضغطت جامد ع كتف حارث وهو قال: انا مش عايز اسافر خدي عماد معاكي

لوجين: اه نسيت متقدرش تسيب البلد هنا انتي رهيبه الكل عايز يفضل هنا عشانك

عماد بنرفزه : لوجين عدي وقت كتير ع الكلام ده , ممكن تنسي الموضوع كله

لوجين : حاضر هنسي وهتعامل معاها بكل سهوله

حارث شاورلها: مرام متتكلميش

جمره زقته: لا ارجع كدا يا حبيبي احنا ضربنا بعض عايزنا نكون اصحاب وده مستحيل يحصل

لوجين: لاي درجه عايزني ابقي ودوده وناكل سوي ونعمل شوبنج مع بعض ونتعامل بلطف

جمره: لا يا روحي انا واحده عايشه الواقع مش الخيال بتعاك , الانسان مش عيب يغلط بس العيب انه يتمادي في غلطه ويبقي بجح انتي طلعتي تعيبي فيا وفي شرفي وعرضي ومش انا الي اتجرء احضنك واتسامح لاننا مش مجبرين ع كده وده هيكون صعب اننا نسامح بعض , وعشان ده يحصل محتاج وقت طويل يا هانم اديني شويه وقت افكر

حارث بصلها اوي وهمس: ممكن متنشفيش دماغك , وتوافقي للتصالح

جمره تابعت: خلاص موافقه احنا اصلا مفيش بيني وبينها اي مشاكل قبل كده وهي عملت كدا عشان بتحب عماد ولو كان هين ومش منشف دماغه يمكن كنا انا ولوجين كويسين وبنتعامل مع بعض بشكل محترم حتي لو شويه

لوجين: فعلا شويه

حارث: لوجي ناوي تسافري امتي انجلترا

جمره: مع عماد اكيد مش كدا ياعماد

عماد رفض يرد ولف وشه ولوجين كشرت وبصت لجمره بقرفه

............قصص منه محمد كاتب..............

عماد راح وراها: هسافر انجلترا معاكي انا قررت بالفعل

لوجين: لو كان قلبك لسه مع البت دي بلاش تيجي ع نفسك , سيبني اسافر وطلقني

عماد: انا مش هكدب انا كنت فعلا بحبها وعايزها بس زي ما قلت لي الاشخاص الي مش من البشر بيعملوا امور مفيش فايده منها ولما بفكر في الامر ده مره تانيه انا كمان مبقتش متاكد اني عايزها ولا مجرد عايز اكسب المنافسه وخلاص

لوجين ومين الي عايز تفوز عليه

عماد: يمكن امي وانتي كمان, الكل عمال يتصرف كأني مش موجود , لوجين ساعات ببقي نفسي احكي واقول مالي ايه الي خانقني ومحتاج لحد يسمعني محتاج حد يكون حنين عليا يسمع رغي معاه و ميزهقش ولا يمل مني , وجمره هي الانسانه الوحيده الي بتهتم بيا وبتسمعني برغم بتعمل كل ده لمجرد ترد لي الجميل

لوجين: هو انت بتحبني ياعماد

عماد: قلت لـ اخوكي مره الراجل مننا لو مش بيحب الست مش هيتجوزها ومستحيل ياكل لقمه مش ع مزاجه , لان الحياه الزوجيه مشاركه فيها زراير لو كان زرار غلط كل الزراير هتكون غلط وعنك انتي فعلا حبتيني بجد

لوجين: ايوه حبيتك من اول مره شوفتك فيها عشان كدا بقيت مجنونه بيك للدرجه

عماد مسك ايدها: انا اسف تعالي نبدأ من اول وجديد خلينا نعيش احنا الاتنين وبس نروح نتعلم ازاي نعيش حياه هاديه ومستقره مفيش لزوم لللناس تدخل فيها ومفيش لزوم نختلط اوي في المجتمع خلي حياتنا مقفوله علينا انا وانتي وبس ها موافقه

لوجين: تمام خلينا نجرب ونشوف ومش هفتح موضوع جمره ده مره تانيه

عماد مسك ايدها بين ايديه: متشكر يا لوجي انك سمعتيني وتفهمتيني بهدوء

لوجين اتمسكت اوي في ايده وهو ابتسملها بكل امتنان!!!

..............قصص منه محمد كاتب..............

قدام فيلا جمره

انوار: اقف يا عريس عشان تدخل لازم تدفع

جعفر ضحك: هو احنا جاين نطلب ايد العروسه وندفع كمان

انوار: طبعا عروستنا مش هتلاقيها في اي حته ولو مدفعتش مش هتدخل

جعفر: طلع فلوس وفرقها عليهم ودخلوا قعدوا في الصالون

جعفر: اليوم انا هنا وبمثل حارث وبطلب ايد بنتكم الكريمه لحارث بس هي فين العروسه

ريم: جمره بتلبس هدومها وهتكون جاهزه بعد شويه

جمره دقايق وطلعت لابسه تي شيرت ابيض وعليه بنطلون جينز ازرق وفارده شعرها

رشا: هو انتي لابسه ايه

انوار: ايه ده ياجمره فين الفستان

رشا: معقول عروسه تلبس تي شيرت وبنطلون

انوار: ده انا بعتي خاتمي الدهب عشان اشتري فستان لليوم ده وانتي بتقابلي جوزك بلبس الرجاله

حارث قام وقف: ثانيه _ خلع جاكت البدله وكان لابس نفس التي شيرت

ريم : فهمت شكلهم متفقين ع خطه

جعفر بجديه : خلاص كفايه خلونا نتكلم في المهم , عندي موضوعين عايز اتكلم فيهم مع الست اعتماد الاول بالنيابه عن حارث عايز اطلب ايد جمره تكون مراته ع سنه الله ورسوله , هما حبوا بعض من مده طويله وغير كدا حارث بيحترم عايله جمره , وعايز يتجوزها بشكل جدي العروسه عندها اي اعتراض

جمره ضمت امها من كتفها: الراي راي امي

اعتماد بدموع : انا موافقه حارث يبقي جوز بنتي

حارث: وانا اوعدك هحطها في عيوني وكل فرد من اهلها, هخليها اسعد انسانه ع قد ما اقدر

جعفر : بالنسبه للامر التاني عايزه جمره تكون بنتي بجد وهتكفل بكل مسؤليتها مدام اعتماد عندك مانع

اعتماد: ايوه عندي

جعفر: ايه

اعمتاد زقت حارث : امشي روح جنب مراتك , الموضوع لان جمره عندها ام ولو عايز تبقي مسؤل عنها لازم تتجوز امها

جمره بشخط: ايه العك ده

اعتماد ضحكت: ايه انا بهزر مجرد كلام , بس توعدوني بعد ما تتجوزه يكون عندي حفيد

حارث: حفيد

اعتماد: اه ابنك من بنتي ولا يا جعفر مش عايز

جعفر بمرح: بصراحه عندي حساسيه من القطط

............قصص منه محمد كاتب.................

حارث قعد جنبها وضمها لصدره: اشتقت لريحتك اوي يامرام

جمره لفت ايديها حوالين رقبته و هي بتقول بدلال : وانا كمان اشتقت لحضنك الدافي في غيابك حرفيا بنهار يوميا قبل ما انام وكل حاجه بتتعاد قدامي زي شريط من اول وجديد ومش قادره اتعايش عايزه افضل قافله ع نفسي , وكنت مش بخير وبمثل طول اليوم اني كويسه بس من وقت فراقك وانا كل يوم بعيط بالليل وانام معيطه وبقيت عصبيه بطريقه بشعه , علاقتي باهلي وصحابي بقت متوتره , وحرفيا بتلكك للي حواليا للخناق مش طايقه اقعد مع اهلي خمس دقايق ع بعض , بفتكر الي حصلي من غير ما احكي وحقيقي مش بخير ومش قادره اقول لحد اني مش بخير , كاني مش محتاجه مواساه خالص من حد

حارث مسح على شعرها: وانا مش عايز غير اعيش معاكي واموت في حضنك انتي وبس

جمره : بعيد الشر و متبصليش كدا عشان بجد بتكسف

حارث ابتسملها: بتامل مراتي الي بحبها

جمره : بتحبني قد ايه

حارث : مش هعرف اوصفلك انا بحبك اد ايه , ومهما قلت انتي قلبي وعيني

جمره : حبتني كل الحب ده امتي بالظبط

حارث : حبيتك من اول مره شوفتك فيها , فيكي حاجه بتخطفني ,مكنتيش بالنسبه لي بنت عاديه كنتي مختلفه انا قابلت بنات كتير اوي في حياتي كانوا كلهم مجرد نزوه عابره وبتعدي , عمري ما فكرت احب حد فيهم, ملقتش حد يستاهل حبي , اما انتي حاجه تانيه خالص

جمره : طيب وشوشت

حارث : مالها شوشت زيها زي اي حد فتره وعدت وخلاص

جمره : بس هي بتحبك

حارث : وانا بحبك انتي , مش عايز اي حد يكون في حياتي غيرك انتي وبس

جمره : وانا مش عايزه راجل غيرك كل رجاله الدنيا في كفه وانت في كفه

حارث وسعت ابتسامته: وانا بحبك ومش عايز من الدنيا غيرك تبقي شريكه حياتي

جمره: ايه اكتر صفه شدتك فيا

حارث: بجد انتي ماشاء الله دمك خفيف عندك قبول رهيب واول مره اشوف واحده حلوه ودمها خفيف وعثل

جمره: بس ليه وشك اتغير لما ماما قالت عايزه حفيد مش عايزنا نخلف اطفال

حارث مشي ايده ع خدها بحنان : انتي عايزه

جمره: فيه بنت في الدنيا منفسهاش تبقي ام, بس خايفه

حارث: وانا كمان خايف , بصراحه معرفش العايله المثاليه بتبقي ازاي

جمره: سمعت الناس بيقوله ان الاسره هي المكان اكتر امان مهما حصلت لك بتلاقي مكان تلجأله وترجعله وانا عمري ما حسيت الاحساس ده قبل كده , يمكن اكون من الاقليه الي حسوا ان البيت مش ائمن مكان ليهم , لا غطا , ولا امان , ولا رحمه

حارث ضمها لحضنه وباس شعرها : من دلوقت هحاول اخلي بيتك الملجأ والامان ليكي هبقي الزوج والاب والاخ والصديق والحبيب واهتم بيكي

جمره باست ايده : وانا كمان هحاول اكون عيلتك المثاليه , بس مش عارفه ممكن اعمل ده

حارث مسح ع شعرها بلطف: لو بقي عندنا اطفال هنحاول نربيهم احسن تربيه, بس ليه منبدأش من دلوقت

جمره: نبدا أيه

حارث داعب أرنبة أنفها بصوابعه وقال : ان يكون عندنا اطفال ماهو لو قعدنا مؤدبين بالشكل ده مش هيكون عندنا اطفال

جمره: انت مستغني عن عمرك صح , مستحيل تاخد مني اي حاجه تاني , استني بقي بعد ما نتجوز

حارث مسكها : استني وبعدين رايحه فين

جمره: راجعه بيت امي

حارث: مش عايزه تخليكي معايا الليله هنا

جمره: لا لو قضبت معاك الليله هنا هتعملها دخله

حارث: استني شويه

جمره: مش هتقرب

حارث كتفها : انتي كدا بتزعليني ومش هسيبك الليله

جمره زقته في كتفه وانفجرت فالضحك : حارث ابعد لاء

حارث بيدغدها: لاء ومتنشفيش دماغك

ضحكوا الاتنين ضحكه ترج المكان وجابر سعيد وفرحان برجوعهم لبعض لحد ما حصل😗😗😗😗😋 واستوب ومنتظره رايكم ونتقابل والاخيره🥹

في السجن

فاتح: الحمد لله انك مامتش

حارث نبره هاديه للغايه: غريبه رغم كان نفسك اموت

فاتح : كنت بقول زمان ليه مموتش في الحادثه مع ابوك وامك , ورغم كدا اخدتك وربيتك ومش مهم هطلع اد ايه العم الكويس ولا ايه مدي نجاحي , بس كل فرد في غايلتي عمرهم ما شكره في نجاحي ده ابدا

حارث: لما كنت صغير بابا قالي عنك انك راجل عظيم , لدرجه عمره ما هيبقي زيك ابدا وجدي كان فخور بيك

فاتح بدهشه: جدك كان فخور بيا بس عمره ما ظهرلي ده , ولا اعرف عنه حاجه, انا الي حقدت وكرهت اخويا لسنين طويله لانه ابويا عمره ما حبني كان دايما يعمل مقارنه ويفضله عليا باي شكل من الاشكال , واليوم الي مات فيه قبل ابوك وامك كنت مبسوط جدا ولما اخدتك اربيك ربيتك بشكل افضل من لوجين واستوليت ع معظم ميراثك عشان ميبقاش لـ اخويا اي حاجه في الدنيا بس الدنيا دي مش عادله مش كدا ياحارث

حارث: انا ممتن ليك جدا لانك ربتني بالشكل ده , حتي لو كنت بتكرهني من وفاه اهلي كنت انت الشخص الوحيد الي عندي وبشكرك لانك مسبتنيش وانك بذلت كل جهدك

فاتح بصوت مخنوق حزين : انا غلطت في حقك وفي حق الجميع , واليوم اكيد لوجين بتدعي علي وبتلعني وجوزها احتمال كبير يطلقها لان ابوها في السجن بتهمه مخزيه , وهي معندهاش حد تاني وكل ده بسببي كله بسببي

حارث: وانا مش هسيب اختي الصغيره, لان هي فعلا اختي وههتم بيها اوعدك بكده

فاتح مسح دموعه: الف شكرا ياحارث

حارث لف وسابه ومشي لكن فاتح دخل الزنزانه وخلع التيشيرت وشنق نفسه ومات بعاره

............قصص منه محمد كاتب...........

في المستشفي بعد حاولت تنتـ حر وتمـ وت نفسها دخل وبصلها لحد ما قامت وفتحت عيونها

شوشت بصتله: حارث

حارث: صحيتي عامله ايه حاسه بوجع

شوشت ببكاء: ليه مسبتنيش اموت

حارث: متقوليش كدا ده كفر والعياذ بالله

شوشت: وانت مفكر انا كدا عايشه انا بموت كل يوم ع مراحل مره لما اتحرمت من امي ومره لما ملقتش حد يحتوي وجعي ومره لما حسيت ان وجودي عبئ انا مبقاش ليا اي حد

حارث: انا لسه عندك , نفسك الي ليها عليكي حق و مطلوب منك تهتمي بيها كويس لو مش قادره بلغيني اساعدك تعدي المحنه الصعبه دي

شوشت بعيون دامعه: هعرف اعيش في الدنيا دي بعد الي حصلي وابص في وشوش الناس عادي

حارث : هتعرفي تعيشي صدقيني

شوشت: اهو كلام مسكنات

حارث : لا مش مسكنات شوشت الدنيا عياره عن طريقين عكس بعض , الطريق الغلط والطريق الصح , وع الانسان يختار طريق واحد عشان يعيش حياته فيه , وماينفعس يختار من طريق كام حاجه غلط ويسيب الباقي , وبرضو ما ينفعش يختار كام حاجه صح , الي يحط رجله في طريق الغلط هيفضل فيه طول عمره غصب عنه , الدنيا زي السوق نتجول فيه زي ما نحب وناخد منها الي عايزينه وهنتحاسب ع كل شئ اخدناه منها

شوشت مد ت له ايدها وقالت بخبث: انا اسفه ياحارث ع كل الي حصل مني

حارث بعد تردد شويه حط ايده في ايدها لما مدتهاله لحد ما الباب خبطت ودخلت غصب عنها

شوشت بتحاول تبتسم : تعالي ياجمره بجد عايز اشكركم لانكم قررتوا نكون اصحاب

حارث ابتسملها: مفيش شكر بين الاصحاب انتي كنتي كويسه جدا معايا

جمره لفت وشها ومثلت انها عايزه تتقيئ لانها مش مصدقاها !!

شوشت بمكر: انا حقيقي اسفه ع كل الامور الي حصلت معاكي بس انا كنت متوتره بسبب باب ومتوتره عشان حارث بس دلوقت هحاول مفكرش في كل لامور دي ممكن نبدء من جديد وعشان كدا هبقي مبسوطه وانا بفصل بنفسي فستان فرح جمره ع سبيل الشكر

جمره نطقت بسرعه : لا مفيش لزوم تتعبني نفسك, لان انا وحارث مش هنعمل فرح كبير

حارث حط ايده ع كتف جمره : ده صحيح هنعمل فرح عائلي ع الضيق جدا

شوشت حست بنار الغيره لكن رسمت ابتسامه مزيفه وقالت : لا يمكن مهما حصل جمره بنت ناس ومن حقها تفرح هي من عايله وحقها عليك تقدرها وتعمل فرح يليق بسمعتها ووممكن تقلبلوه مني هديه اصلك مش جايه من الشارع وانت ياحارث لازم تدفع هي مش واحده قليله

حارث ضم جمره عليه وقال : وانا معنديش اي مشكله, انا مستعد اجبلها الدنيا والراي لعروستي

شوشت بأبتسامه كلها حقد وغيظ: ها تحبي الفستان يبقي عامل ازاي

جمره: انا عايزه فستان بسيط خالص مش غالي

.............قصص منه محمد كاتب...............

اتصلت بيها تعمل ع الفستان بروفه وبعتت لها اللوكشن لكن المكان كان غريب رتبت نفسها ولبست بلوزه بيضه وبنطلون اسود وعملت شعرها كحكه فوضويه وراحت

جمره لفت بعيونها في المكان ورجعت بنظرها عليها وقالت: ده المكان المناسب نجرب قياس الفستان

شوشت بنبره غريبه : اظن قلتلي فيه موضوع مهم هتتكلمي فيه معايا ,وهنا مفيش جنس مخلوق يقدر يزعجنا , ها عايزه تساليني في ايه

جمره: عايزه اعرف مين الي مكمل شغل ابوكي لان فيه بنت اتخطفت من الحاره

شوشت رفعت عليها المسدس وقالت بصوت ثابت ونظره متحجره: اوه سوري غيرت رأي اصلي مكسله ارد عليكي

جمره صرخت في وشه: ليه بتعملي كل ده

شوشت بنظرات من فوق لتحت : بعمل ايه قصدك اقتلك ولا ليه مكلمه شغل ابويا الاجرامي يا فضوليه , عايزه تساعدي البنت بس كل الي هنا عباره عن حشرات وبيشتغلوا في الدعاره , ولا انتي واحده منهم عشان كدا الرجاله عايزينك بس لما اموتك هرتاح وابقي في امان , مش واحده وضيعه زيك مفكر نفسك مين انتي حشره قذره يمكن احقر واحده , مفكره ممكن تفوزي ضدي يا غبيه مفكره عايزه جوزك وهموت عليه لدرجه الجنون , لا مش عايزه طبعا ليه اعوزه , هو فيه راجل بيحترم الست مننا مفيش , بما فيهم جوزك والاول وهوجع قلبه زي ما وجع قلبي وبعدها هبعته يحصلك لان انتم الاتنين اغبياء جوزك وبابا وانتي حتي لو عشتني انتي مجرد زباله موتي

جمره اتحدفت ع الارض من قوه صوت الرصاصه وفكرت نفسها ماتت لحد ما شوشت المسدس طار من ايدها ونزفت

شوشت بخوف ورعب: حارث انا مجتش جنبها هي الي عايزه تموتني

جمره قامت وصرخت فيها : ماتبطلي كدب بقا واللعبي غيرها لان لعبتك مفقوسه اوي

شوشت بنظراتها الغلويه: هو انا مش قلت لك متقلهوش

جمره: ليه انا هطله كان لازم اقوله , وانتي جايبني هنا تموتيني انت فعلا غبيه ولا دي شخصيتك

حارث وهو بيلبسها الكلبشات : استسلمي يا شوشت مفيش طريق تهربي له يله امشي

شوشت : حارث انت بجد هتقيض عليا

حارث صرخ فيها بعصبية : بسألك ليه عملتي كدا , انطقي ليه عملتي كده

شوشت: انا كنت عايزها تموت لان موتها الحاجه الوحيده الي هترجعك ليا كنت المفروض ابقي انا مراتك مش هي

حارث: قلتهالك قبل كدا انا بحب مرام ومش هحب حد غيرها وبسالك تاني ليه عملتي كدا وخطفتي البنت

شوشت: لاني عايزه بابا يشوف قدراتي , واني قادره اعمل كل حاجه وابقي احسن منه كمان ابعد

حارث بنظرةٍ قوية: بس نسيتي انك بتأذي الستات الي زيك اشد انواع الاذي

جمره: متسمهاش ست امثالها مش من البشر

شوشت بصقت عليها وجمره بعزم قوتها ضربتها بالقلم وبصتلها بقوه عين

حارث ماسكها من ايدها وبيسحب ويشد فيها بقسوه: امشي يله

............قصص منه محمد كاتب...............

حارث عمال يدلق ميه ع كفوف ايدها وهي تغسل وشها كذا مره

جمره: ايه القرف ده اخيرا خلصت منها عارف انا اكتر بنت عندها مغامرات من ساعه ما اتولدت بس عمري ما تفيت ع حد ابدا ايه التخلف الي بقا في الناس ده عيله واطيه الصراحه عندها هبل وراثي ع عبط معدي دي عباسيه ع الاخر

حارث من كتر حركتها الي حرفيا بتفطسه ضحك كاتم ضحكته عنها بالعافيه

جمره : بتضحك ع ايه لو كانت ضربت الرصاصه ع دماغي كان زماني الله يرحمني دلوقت

حارث: والحمد لله لحقتك

جمره: لا عشان انا الـ قادره ع التحدي والمواجهه مش زي البنات الهايفه تضرب رصاصه وتموت

حارث: لحظه يا مرام هانم اظن لازم تشكريني, انا الي انقذتك وقلت لك مستحيل اسيب حاجه تحصلك

جمره: وهي عملت كدا ليه مش عشان نفسها تتجوزك يا بيه

حارث: واظن انا مش حقي اتجوز اربعه

جمره: حقك بس انا عندي استعداد اعوضك عن الاربعه

حارث: ازاي ده

جمره: اقدر اكون مراتك ام ولادك وصديقتك الي تشاركك همومك وافراحك وحبيبتك لاني عارفه بتحب ايه وبتكره ايه وهبقي حريصه البي احتياجاتك وطلباتك واحترمها اكون مرايتك اهتم بمظهرك واكلك

حارث: بلاش موضوع الاكل ده , لان انتي مش شاطره فيه

جمره : حارث بلاش تخليني ازعق اذا سمحت

حارث : عندنا الست في المجتمع متزعقش حتي لو مضغوطه تفرقع عادي

جمره : هو انت مشتاق اوي للشتيمه

حارث ابتسم ابتسامة واسعة : لو منك ع قلبي زي العسل

جمره: والله هرزعك كف

حارث بضحكه: هيبقي احلي رزع منك

جمره: خد بالك انا لما بقلب ببقي شبه امشير بايظه في كل الحالات

حارث: اهي خفه دم اهلك دي هي الي وقعتني فيكي انتي رهيبه ملكيش حل اقسم بالله

جمره : بتوصفني بضمير اوي يا حوحو ربنا يباركلك , وعشان تعرف ملونه حياتك ومن غيري متعرفش تعيش

حارث: وانا مكنتش حرفيا عارف اعيش حياه طبيعيه كل يوم بياخد جزء من اعصابي ونفسيتي من الرعب الي عايشه من كابوس اذيه منصور للناس الي بحبهم نفسيتي تحت الصفر مرام انا فعلا في غيابك كنت بعيش أيام كئيبة وأحداث مُكركبة ،ساعات مُملة ودقايق مُخيفة ،لحظات حزينة وايام في غاية التعاسة امارس حياتي كانسان الى ، بعمل الي واجب اعمله , واكمل بقيه يومي هربان بالتلفون لحد ما يغلبني النوم , مفيش شئ مميز في يومي ، لا ببكي ولا بضحك ولا بحزن

جمره : وللاسف عودتني عليك وعودتني اكون مطمنه في وجودك وفجاه من غير اسباب سبتني وبقيت لوحدي حاسه حياتي ممله

حارث: انتي عارفه سيبتك غضب عني للاسف عرفوا انك نقطه ضعفي وداسوا عليها وهيؤذيني بيها, مرام انتي احلي حاجه حصلتلي انتي بالنسبه لي الالماظه الي للازم احافظ عليها ربنا يخليكي ليا

جمره : ويخليك ليا ده انا كنت من غيرك كنت ضايعه في بلاد العجايب

حارث ابتسم : تعرفي لما بعدتي عني بقيت شبه المجنون مش مدرك باي حاجه حوليا , في نار جوايا مش عارف تهدها واصعب حاجه ابقي عاجز والتفكير هلكني نفسيا . انتي هتفضلي ساكنه في قلبي وعمري ما افك العهد الي في ايدي هفضل احبك لاخر نفس فيا ياجعفر عمري

جمره : وانت بقيت بالنسبه لي زي الادمن محتجالك بشده عطتني اجمل احساس في الدنيا بتكلم معاك وبفضفض كل الي جوايا من غير خوف او كسوف

حارث مسك ايدها وباسهم : وانا كمان بلاقيكي فاهمه دماغي لما بحكي من حاجز او كسوف

.............قصص منه محمد كاتب.................

حارث بص في ساعته بنزعاج: مرام بتعملي ايه كل الوقت ده جوه الحمام

جمره بصوت عالي عشان يسمعه : ممكن تصبر

حارث : ممكن بس اتمني متغبيش

جمره طلعت لابسه قميص نوم ع هيئه ممرضه مبتسمه في وشه وقالت :ايه رايك يله تعال اقيسلك درجه حرارتك

حارث قام من مكانها و شالها من وسطها بايده الاتنين : استني انا مش مريض, انا الدكتور تعالي اطمن عليكي

جمره بتحاول تخرج من ضمته :استني بس

حارث شدها ع السرير بكل قوتها وطلع فوقيها : انتي تعبانه دلوقت وانا هعلجك

جمره بتدفعه من صدره: متلعبش معايا

حارث : يابنتي سبيني اتاكدت من حرارتك

جمره :انا الممرضه انا الي اقسلك الحراره

حارث بيدغدها :وانا قلت انا الدكتور هنا

جمره بعدته عنها و مسكت وشه بين كفوفها وقالت: كفايه بجد الف شكر

حارث: ليه بتشكريني

جمره : بشكرك انك حبتني بالطريقه الي انا استحقها وشكرا انك اخترتني وانك اتجوزتني واهتميت بيا

حارث بص جوه عنيها في منتهي العشق : انتي كمان اتجوزتيني واهتميتي بيا وده اعظم شئ قدمتي ليا من اول دخولك في حياتي

جمره : انا

حارث: قبل سابق كنت شخص مش بيؤمن باي حاجه , عالمي اسود ورمادي لحد ما قابلتك

جمره: انا

حارث: ايوه لونتي حياتي ومبقاش عالمي مجرد اسود ورمادي , وحقيقي سعيد وانتي السبب في سعادتي دي

جمره : قبل ما اقبلك كنت حياتي يائسه وكل الناس بتيبصلي بحتقار لدرجه فكرت اني لا يمكن اكون اي حاجه , بس بعد ما قابلتك خلتني احس اني بحب نفسي والمشاعر دي الي بتخليني بجد مبسوطه

حارث باس جبينها وضمها لحضنه

جمره : حارث قلتلي قبل كدا انك مش بتؤمن بالحب دلوقت بقيت بتؤمن

حارث بغمزه جريئه:عايزني اثبتلك ده

جمره اتعلقت في رقبته و ابتسمتلوا : معنديش مانع اثبت

النهايه لما تيجي تختار الشخص الي هيشاركك الباقي من عمرك اوعي تختار شخص قاسي مهما كنت بتحبه ومتعلق بيه .......دور دايما ع صفه ((الحنيه)) .....الشخص الحنين الي يهون عليك صعوبه الحياه ومشاكلها ,,وضغطها...... الشخص الي بيعرف يطبطب ويداوي ويحتوي ويحس بيك ويراضيك....... الشخص الي لما تقع ميدكش فرصه تدور ع ايد غيره عشان تستند وتقوم كل حاجه ممكن تهون..... الفلوس بتروح وتيجي ......والشكل بيتغير وبنكبر ومش بيبقي غير القلب الصادق الحنين ......مش بيبقي غير الحب ,,والاحتواء ,,والحنان ,,,والرحمه ,,والونس والدفئ ......وهما دول اهم حاجه في العلاقات .....دمتم بخير وكل سنه وانتم طيبين ولو عشت نكمل في روايا جديده