تحميل رواية «قدري اللطيف» PDF

_ أنا نزله الشغل يحبيبي عايز حاجه ؟

يزن : لا يحبيبتي شكراً

_ عندك كام محاضره النهارده

يزن : اتنين

_ ماشي يحبيبي باي

مشيت قدر علي المكتبه اللي ورثتها من باباها اللي مات في حدثه هو ومامتها وبدأت قدر تشتغل فيها علشان تصرف على اخوها يزن وعلى نفسها

علي الناحية التانيه في شركة غيث المهدي ..

غيث : يعني اي الشركه أفلست ؟؟.

_ في حد لعب في اوراق الصفقه يا فندم

غيث : يعني كده خلاص مبقاش فيها شركه

_ للأسف يا فندم ده كل الشركات اللي تخص حضرتك هتعلن إفلاسها وكمان هيتم حجز القصر

غيث : اطلع بررررررره

دخل مراد صاحب غيث واللي يعتبر دراعه اليمين في الشغل واللي عارف كل حاجه عن الشركه

مراد : في أي يا غيث بتزعق ليه ؟؟

غيث : خلاص يا مراد خسرت كل حاجه الشركات والقصر وبقيت فقير وانا مبحبش الفقر يا مراد مبحبش الفقر وهعرف مين اللي عمل كده وحياة امي ما هسيبه

مراد : كل حاجه هتتحل

غيث : اطلع بره يا مراد

مراد : نعم

غيث : غوررر يا مراد دلوقتي

رجع غيث القصر وبدأت يحكي لأمه اللي حصل

رحمه : فداك الدنيا دي كلها يحبيبي

غيث : ماما انتي مش مستوعبه بقولك ممكن نقعد في الشارع

رحمه : وأي المشكلة

غيث : هنرجع للفقر تاني

رحمه : وماله الفقر سيبك بقا من الماديه اللي انت فيها دي وبلاش تتكلم كده اهو ربنا فقرك وريني بقا هتعمل اي

غيث : مش الفقر ده كان سبب في .....

سكت غيث وراح طلع على أوضته وبدأت يفكر مين اللي ممكن يعمل كده وللحظه جات ساره علي باله ..

ساره واحده مغروره مش بتحب غيث بتحب فلوسه وقوته مع أنه شخص عصبي وغير محبوب تماماً علي الرغم من أن ساره غنيه بس طبعاً مش بقدر غيث اللي عنده فلوس اكتر من ساره بمراحل

غيث : بتعملي أي هنا يا ساره ؟

ساره : وحشتني يا غيث

غيث : مش عليا يا ساره الكلام ده

ساره برقه : هشرب معاك عصير وامشي ينفع ولا لا

غير بنفاذ صبر : طيب

طلب غيث العصير وبدأ يشرب هو وساره وفي خلال كام دقيقه كان غيث مشوش ونص غايب عن الوعي و ....

يتبع ....

ُمنيه_محمود

كان غيث مشوش ونص غايب عن الوعي

ساره حاولت كتير تفتح الخزنه ولكن مش عارفه

غيث بلا وعي الباسورد ******

ساره مكنتش مصدقه نفسها وقدرت ساره تفتح الخزنه وتاخد اوراق الصفقات اللي تجيب غيث الأرض

نرجع تاني لغيث ..

قام غيث جاب اللابتوب وبدأ يشوف تسجيل كاميرات المراقبة اللي في المكتب واللي طبعاً محدش يعرف عنها حاجه وعرف بالفعل أن ساره هيا اللي عملت كل ده

وفجأة تلفون غيث رن وكانت ساره

ساره : الو غيث لسه عارفه الخبر حالاً

غيث : خبر اي

ساره : خبر إفلاس الشركات على العموم لو احتجت اي حاجه كلمني

غيث : ده اكيد يا ساره يلا باي

والله لعلمك الأدب يروح امك بس مش وقته

رحمه : غيث انا لقيت بيت

غيث : فين يا ماما

رحمه : في ... المكان هناك رخيص

غيث : انا مش هعيش في أماكن زي دي

رحمه : براحتك انا هعيش على الأقل هكون في راحة بال

فكر غيث شويه وبعدين وافق ما هو معندوش حل تاني

علي الناحية التانيه في شقة قدر ..

يزن : يا قدر انا جعان

قدر : خلاص انا جايه اهو

يزن : تعرفي أن الشقه اللي جنبنا دي هتتأجر ؟

قدر : بجد

يزن : اه والله

قدر : عرفت إزاي ؟

يزن : وأنا راجع سمعت عمي محمد وهو بيتكلم

قدر : يارب بس يكونوا ناس كويسين

المهم انا هنزل اجيب جبنه من السوبرماركت

يزن : تمام

_ هيا دي الشقه اللي قولت لحضرتك عليها يا مدام

رحمه : تمام يا استاذ محمد شكراً

رحمه رنت على غيث علشان ياجي يشوف الشقه

وغيث بعد لف كتير في أماكن شعبيه وصل بس مش عارف العماره فين بظبط

غيث : انتي انتي استني

قدر : انا اللي هو إزاي يعني

غيث : فين عماره رقم 9

قدر : الشارع اللي بعد ده

غيث كان هيمشي بالعربيه ولكن

قدر : مفيش شكراً ولا عشان راكب عربيه مرسيدس بقا

غيث : مبقولش شكراً للأشكال دي

قدر بصدمه .....

يتبع ......

ُمنيه_محمود

غيث : مبقولش شكراً للأشكال دي

قدر بصدمه : نعم

غيث : ششش انتي هتتكلمي معايا ولا اي

قدر : انت قليل الذوق انت مفكر نفسك مين

غيث مشي بكل برود وقدر مستغربه ازاي لسه في أشخاص كده

رحمه : اهي يا غيث الشقه

غيث : انا مش عارف ازاي هعيش هنا وكمان مفيش عفش في الشقه واكيد مش هنام على الأرض كمان ده حتى العربيه اللي معايا اتحجز عليها انا بجد تعبت

رحمه : متقلقش انا معايا مبلغ يكفي نجيب عفش

في شقه قدر ...

يزن : ده كله في السوبر ماركت

قدر : لا ما انا كنت بتخانق

يزن : الله اكبر

قدر : اسكت بس وانا احكيلك

كنت نازله اجيب الجبنه زي ما قولتلك

يزن : اه وبعدين

قدر : في حد سألني على العماره بتاعتنا قولتله وكلمني وحش جداً لدرجة اني معرفتش ارد عليه

يزن : لا وانتي مش بتعرفي تردي اووي

قدر : تخيل اني معرفتش فعلاً

يزن : قدر استني بس كده

قدر : اي ؟؟

يزن : مش انتي قولتي سأل على العماره بتاعتنا

قدر : اه وأي يعني

يزن : مكنتش اعرف انك غبيه

قدر : اخلص وقول

يزن : يبقا يا ذكيه ده اللي هيسكن في الشقه اللي جنبنا

قدر : لا طبعاً اكيد ده مش هيسكن في مكان زي ده

يزن : ليه يعني ؟

قدر : انت مشوفتش هو عامل إزاي وراكب عربيه عامله إزاي

شويه وكان في صوت دوشه في العماره ..

رحمه : غيث انا جبت العفش بس مش معايا فلوس اجيب ناس تتطلعه

غيث : يعني اي يا ماما هشيل كل ده

رحمه : انا هساعدك يبني

غيث : لا طبعاً

نزل غيث وبدأ يشيل الحاجات البسيطه ولكن كان عايز مساعده من حد

يزن : ممكن اساعدك ؟

غيث لسه هيقول لا ولكن بص على الحاجات ووافق أن يزن يساعده

بدأ يشيل غيث ويزن كل الحاجات

يزن : كده خلاص خلصنا

غيث : تمام شويه وهبعتلك فلوس

يزن بعدم فهم : فلوس اي ؟

غيث : مش انت بتساعدني علشان الفلوس

يزن : لا حضرتك انا شوفتك لوحدك قولت أساعدك مش اكتر

غيث : طيب يلا بقا مع السلامه

يزن : انت بتكلمني كده ليه

غيث : هو انا كده

يزن : علي نفسك يحبيبي

وبدأ يزن وغيث يتخانقوا و .....

يتبع .....

ُمنيه_محمود

طيب يلا بقا مع السلامه

يزن : انت بتكلمني كده ليه ؟؟

غيث : هو انا كده

يزن : على نفسك يحبيبي

وبدأ يزن وغيث يتخانقوا و ...

طلعت رحمه وقدر اللي اتصدمت من وجود غيث لا وكمان بيتخانق مع يزن أخوها

قدر : يزن يزن في أي

يزن : الحيو**ان ده لقيته لوحده بيشل العفش قولته هساعدك وبعد ما سعته بيقولي بتعمل كده علشان الفلوس وبدأ يغلط

غيث : وأنا قولتلك تعالي ساعدني يا ***

يزن : لا ده انت متخلف عقلياً بقا

قدر : بس خلاص وحضرتك احنا مش شغالين عندك علشان تعاملنا بالأسلوب ده بجد عيب

غيث ببرود : انتي تتطولي تشتغلي عندي

قالها غيث ومشي

رحمه : أنا آسفه انا بجد مش عارفه اقولك اي

قدر : ولا يهمك يا طنط بس بجد الشخص ده قليل الذوق

يزن بسخرية : قليل الذوق بس

رحمه : أنا آسفه يبني ومكنتش حابه أول لقاء بينا يبقا كده

قدر : ولا يهم حضرتك ولو احتاجتي اي حاجه انا موجوده

رحمه : شكراً يبنتي

غيث : هاا عملت اي ؟

_ ساره فعلاً هيا اللي عملت كده

غيث : ما انا عارف الكلام ده

_ بس يافندم ساره بتتعامل مع حد في الشركه لأن هيا مش هتعرف تعمل ده لوحدها

غيث : ما ده اللي عايز أوصله انت خليك برضوا زي ما قولتلك ولو في جديد كلمني

_ تمام يافندم

رحمه : انت ازاي تعمل كده

غيث : ماما اقفلي على الموضوع

رحمه : الولد مش غلطان أنه ساعدك

غيث : لاااا ده انا أقوم انام أحسن

في مكان تاني .....

... : عمل اي ؟؟

... : متقلقش يا كبير خسر كل حاجه زي ما طلبت

... : هو فين دلوقتي

... : قاعد في شقه كده في ___

... : حلو اوي ده بقولك بقا اسمع كده وفتح عينك كويس

... : تحت امرك

... : عايز يتروق عليه

... : بس كده من عيني طيب وأمه

... بغضب : اياك تمس شعره منها يلا غور

... : حاضر

في الليل بعد ما الناس كلها نامت ..

اقتحم أشخاص على شقه غيث

رحمه بخوف : انتوا مين وعايزين اي ؟؟؟؟

فاجأه كانت رحمه في الأرض نتيجة البخاخ اللي أطرش في وشها علشان متعملش اي صوت ولأن مش مطلوب منهم لمسها ..

ظهر غيث من ورا ضهر واحد وضربه الباقي هجم على غيث وبدأ غيث يحاول يدافع عن نفسه وبالفعل كان قدر عليهم بسبب جسمه الرياضي وكمان لأنه دارس دفاع عن النفس وعارف إزاي يدافع عن نفسه كويس

ولكن ظهر شخص وضر*ب غيث على دماغه ومشي حاول غيث يقاوم لحد ما راح عند قدر

قدر بصدمه .....

يتبع .....

أُمنيه_محمود

حاول غيث يقاوم لحد ما راح عند قدر ....

قدر بصدمه : مين عمل فيك كده

وبدأت قدر تنادي على يزن

قدر : يزن يا يزن الحقني

يزن : في أي مين اللي عمل فيه كده

قدر : مش عارفه اطلب إسعاف لازم نساعده

يزن بتفكير : بعد اللي عمله معايا

قدر بزعيق : مش وقته حرام عليك انت معندكش قلب

يزن : ماشي خلاص

قدر : طنط اكيد هيا كمان حصل ليها حاجه

جريت قدر على الشقه تشوف رحمه لقيت رحمه بتفوق

رحمه : غيث الحقي غيث

قدر : متقلقيش طلبنا الإسعاف

وبعد مرور 15 دقيقه كانت الإسعاف وصلت ونقلت غيث على المستشفى

الدكتور : لازم نعمل إشعات نتأكد أن الخطبه مش مأثره على الدماغ

رحمه بعياط : مش معايا فلوس

قدر : متقلقيش يا طنط

يزن روح هات فلوس من البيت

يزن : حاضر

وعمل غيث الإشاعات والحمدلله طلع كويس

رحمه : انا بجد مش عارفه اشكرك ازاي

قدر : متقوليش كده انتي زي ماما

رحمه : هيا فين نفسي اتعرف عليها وأشوف مين اللي جابت الجمال ده كله

قدر : الله يرحمها

رحمه : انا اسفه مكنتش اعرف ومن هنا ورايح اعتبرني زي مامتك

قدر : ماشي يحبيبتي

يزن : إبنك حضرتك فاق وعايزك

رحمه : غيث حبيبي انت كويس

غيث : انا كويس يا ماما المهم انتي

رحمه : الحمدلله الفضل كله يرجع لقدر وأخوها

دخلت قدر ويزن ..

قدر : حمدالله على سلامتك يا استاذ ...

رحمه : غيث اسمه غيث

قدر : تمام انا ماشيه يا طنط حضرتك تأمري بحاجه

رحمه : لا يحبيبتي تسلمي

ومشيت قدر مع يزن

وتاني يوم ....

غيث خرج من المستشفى ورجع الشقه

رحمه بدموع : مين عمل فيك كده يحبيبي مش هتتكلم بقا

غيث : لسه مش عارف وبعد ما أعرف هقولك

في المكان التاني

... : هاا عملت اي ؟

... : زي ما طلبت يا باشا وخرج من المستشفى النهارده

... : طيب اسمع اللي هقولك عليه انت هتعمل ____ مفهوم

... : مفهوم

قدر بتخبط على الباب

رحمه : أهلاً يحبيبتي اتفضلي

قدر : لا أنا كنت عامله شربت خضار وقولت اذوق حضرتك

رحمه : ده كفايه الريحه بس وشكراً يبنتي على كل حاجه

قدر : لا شكر على واجب بعد اذنك همشي علشان عندي شغل

رحمه : شغل اي ؟؟

قدر : عندي مكتبه كده

رحمه : ربنا يوفقك يبنتي

عند غيث ..

_ الو يافندم

غيث : في جديد ؟

_ في يافندم

غيث : ما تنجز وتقول اي البرود ده

_ ساره ومراد اتخطبوا

غيث بصدمه : ....

يتبع ...

ُمنيه_محمود

_ساره ومراد اتخطبوا ..

غيث بصدمه : اتخطبوا

_ اه يافندم

غيث : كنت شاكك في ده وكويس أنه حصل

_ طيب يا فندم بالنسبه للفلوس ؟

رحمه : غيث يا غيث

غيث : طيب اقفل انت دلوقتي

اي يا ماما

رحمه : تعالي علشان تاكل

غيث : حاضر

وبدأ غيث ياكل هو ورحمه

غيث : تسلم ايدك يا ماما طعمها حلو

رحمه : مش انا اللي عملتها

غيث بعدم فهم : آمال مين

رحمه : قدر

غيث : قدر مين دي

رحمه : اللي حضرتك ضر'بت أخوها واللي دخلت حضرتك المستشفى

غيث : اه اه خلاص افتكرت وياريت يا ماما متتعمليش مع أشكال زي دي

رحمه : أشكال اي دول ناس محترمين

غيث : على نفسهم

المهم أنا هنزل أشوف اي شغل بدل ما الناس هتتصدق علينا بالأكل

رحمه بضحك علشان تفك الجو : ايوه كده اتعود

غيث : هتعود بس مش على الفقر

مشي غيث علشان يقابل خالد من أهم رجال الأعمال في البلد

خالد : أهلاً وسهلاً يا غيث

غيث : أهلاً بيك هدخل في الموضوع علطول من غير اي مقدمات

خالد : اتفضل

غيث : كنت عايز منك مبلغ ...

خالد : بس ده كتير اوي يا غيث وانا سمعت انك أفلست ومش معاك تاكل اصلا

غيث : لو مش عايز خلاص اعتبر نفسك مسمعتش حاجه

خالد : طيب المقابل

غيث : المقابل هو ......

عند قدر ...

خلصت شغل وكانت راجعه البيت بس فاجأه حست بتعب وأغمي عليها

الناس بدأت تتجمع وتفوق فيها في الوقت اللي كان غيث طالع فيه الشقه

غيث : هو في أي ؟؟؟

أغمي عليها وهيا راجعه من الشغل

غيث مشي بكل بردو وقسوة من غير حتى ما يطمن عليها

يزن : قدر قدر انتي كويسه

قدر : كويسه

طيب يلا نطلع فوق علشان ترتاحي

عند غيث ...

رحمه : حبيبي انت وصلت

غيث : ايوه يا ماما

رحمه : طيب تعالى شوف مين عندنا

غيث : مين ؟؟؟

مراد : ازيك يا غيث

غيث بصدمه : انت بتعمل اي هنا

مراد : احم احم انا جي اطمن عليك احنا مش صحاب ولا اي ؟

غيث : واطمنت ؟

مراد بخوف من غيث : اه الحمدلله

محتاج اي حاجه

غيث : هحتاج منك اي بعد ما كنت انا بديك

مراد : طيب ساره

غيث : مالها

مراد : خطبتها

غيث بصدمه مصطنعة : يا راجل الف مبروك يا صاحبي بجد فرحت ربنا يخليكم لبعض

مراد : يعني انت مش زعلان مني

غيث : لا خالص هزعل ليه مكنش في بينا حاجه يتزعل عليها

مراد : تمام ، استأذن أنا

غيث : اتفضل

وبدأ يتكلم غيث في نفسه ويقول

هفضل سابق خطوه

في المكان التاني ..

... : روحت عنده البيت

... : روحت وقولتله

... : برافو عليك يا مراد

مراد ....

يتبع ...

ُمنيه_محمود

... : برافو عليك يا مراد

مراد : .....

في بيت قدر ...

يزن : تعرفي أن غيث كان موجود لما أغمي عليكي وسابك ومشي عادي جداً

قدر : أعمل اي يعني مش فارق معايا

يزن : آمال احنا بنساعده ليه ؟

قدر : عادي علشان احنا مش زيه

يزن : طيب المهم انتي أغمي عليكي ازاي

قدر : عادي كنت راجعه من الشغل وتعبت

يزن : انا لازم انزل أشتغل

قدر : لا طبعاً وجامعتك ؟

يزن : مش هقصر والله متقلقيش ، وكفايه عليكي كده انتي تعبتي علشاني كتير

قدر : بس

يزن : مفيش بس وعايزه تنزلي المكتبه هما ساعتين وخلاص تمام يا قدر

قدر بضحك : تمام يا يزوون

عند غيث ...

رحمه : رايح فين يا غيث ؟

غيث : نازل الشغل

رحمه : شغل اي ده انت لقيت شغل ؟

غيث : هشتغل في كافيه

رحمه : ربنا يصلح حالك يحبيبي

غيث وهو نازل شاف عربيه سوده ماشيه وراه ابتسم وكمل طريقه عادي لأنه متوقع ده

في المكان التاني ...

... : وصل لحد فين

مراد بضحك : بقا شغال في كافيه

بضحك ... : حلو اووي ده بكره هتروح انت وساره نفس الكافيه

مراد : بس

... : بس اي خايف صح

مراد : لا طبعاً هروح

... : تمام يا مراد

قفل مع مراد وقال في نفسه كلب فلوس يا مراد بعت اللي بتقول عليه صحبك علشان الفلوس بس اهم حاجه عندي إني ادمرك يا غيث زي ما دمرتني

عند قدر ...

رحمه بتخبط على قدر

قدر : اتفضلي يا طنط

رحمه : ممكن تاجي تقعدي معايا شويه

قدر : هو ..

رحمه : غيث مش موجود وأنا قاعده لوحدي

قدر : تمام وأنا كمان يزن مش موجود

رحمه بفرح يبقا يلا بينا

ودخلت مع رحمه شقه غيث وقدر كانت مبسوطه من تعامل رحمه ست جميله وبسيطه على عكس أبنها تمام اللي معندوش قلب ده

رحمه : ممكن اسأل سؤال رخم شويه

قدر : اتفضلي

رحمه : هما اهلك ما'توا إزاي ؟

قدر والدموع في عينيها : حد'ثه

رحمه : طيب وانتي عايشه انتي وأخوكي بس

قدر : اه مليش غيره وده الوحيد اللي ممكن اعمل اي حاجه علشانه حتي لو هضحي بنفسي

رحمه بشفقه على قدر : ربنا يخليكم لبعض يبنتي

وحاولت رحمه تفك الجو شويه وقالت لقدر قومي كده في صندوق صور في الأوضه دي ممكن تجيبيه

قدر : حاضر

غيث : ماما

رحمه : تعالي يحبيبي انا هنا

غيث : لا تعبان هدخل أنام

رحمه : استنا

غيث بعصبية : انتي بتعملي اي في اوضتي ؟؟؟

قدر : أنا أنا ....

يتبع ....

ُمنيه_محمود

غيث بعصبيه : انت بتعملي ايه في اوضتي ؟؟

قدر : انا انا ...

غيث : انتي اي ردي عليا بتدخلي الاوضه ليه اكيد عايزه تسرقي

رحمه : في اي يا غيث انا اللي قلت لقدر تجيب صندوق الصور من هنا

غيث : صور اي ؟

رحمه : صورك وانت صغير نتفرج عليها

غيث : هو انا فرجه ليكم ولا اي مش فاهم ؟؟

ومش انا قولتلك يا ماما ما تجبيش الأشكال دي هنا البيت بدل المره اتنين وتلاته

رحمه : انت إزاي تتكلم معايا كده

قدر بعياط : انا اسفه انا اسفه

ومشيت قدر وهيا بتعيط ورحمه ضربت كف على كف ومش عارفه تقول اي

عند قدر ...

يزن : قدر قدر انا جيت ولقيت شغل في كافيه حلو اوي .. اي ده مالك انت بتعيطي ؟؟

قدر : لا يا حبيبي تعبانه بس شويه

يزن بشك : متأكده

قدر وهيا بتحاول تداري دموعها : متأكده

المهم الشغل ده كويس

يزن : اه كويس جداً

قدر : مبروك يا يزوون

يزن : الله يبارك فيكي ياروحي

تاني يوم ...

غيث كان نازل الشغل وهو نازل شاف قدر واللي بصتله بقرف ضحك عليها وسابها ومشي

وكان نفس العربيه بتراقب غيث

دخل غيث الكافيه واللي بص بذهول لما لقي يزن شغال في نفس الكافيه اللي هو شغال فيه

غيث : انت بتعمل ايه هنا ؟؟؟

يزن : انا شغال زيي زيك

ويزن مشي عشان ما يتخانقش مع غيث ويحصل مشاكل في أول يوم شغل ليه

مراد : لو سمحت ممكن قهوه

غيث : انت اي اللي جابك هنا ؟

ساره : شوف شغلك يا أسمك اي انت

غيث بضحك : اسمي اي اه تحبي اعرفك اسمي اي ؟

مراد : لو سمحت اتكلم معايا انا بدل ما انادي على المدير

غيث بسخريه : لا وعلى أي يا مراد باشا احنا تحت أمرك

ساره وهيا بتبص لغيث : شكراً يا مراد على الخاتم حلو اوي يحبيبي

قدم غيث ليهم القهوة واللي النار بتاكل في جسمه وحلف لينتقم منهم على كل ده

في المكان التاني ...

... : عملت اي يا مراد

مراد : كل اللي قولت عليه حصل

... : ليك عندي مكافحة كويسه

مراد : شكراً يا كبير

ساره بدلع ومياصه : طب وانا يا كبير

واللي خلى مراد يتجنن من اسلوب ساره لما اتكلمت معاه

... : قلب الكبير اكيد مش ناسيكي

ومشي وسابهم

مراد بغضب : انتي واحده مش محترمه ازاي تتكلمي كده وانا واقف معاكي

ساره بسخريه : خلاص هبقا اتكلم كده وانت مش واقف .. فوق يا مراد كل اللي احنا فيه ده بنعمله علشان الفلوس إذا كان انا او انت فمتعملش فيها خطيبي قوي يعني

يلا يا حبيبي باي باي

عند يزن وغيث ...

واللي خلصوا شغل مع بعض

وخلاص ماشيين ولأنهم ساكنين في نفس العماره فكانوا ماشيين من نفس الطريق حب غيث يستفز يزن وقاله

بس بقول لك اي يا يزن عيون اختك حلوه قوي يزن لما سمع كده اتضايق جدا ونزل ضر'ب في غيث و ...

يتبع ....

ُمنيه_محمود

بس بقولك اي يا يزن عيون اختك حلوه اوي

يزن لما سمع كده اتضايق جداً ونزل ضر'ب في غيث و ...

غيث بتعب من الضر'ب : بس بس خلاص يا يزن ، كنت عارف أنك انت جدع وهتقدر تسد معايا بص بقا يا سيدي انا عايزك في حوار كبير اوي بس محدش يعرف عنه حاجه تمام

يزن بغضب : حوار اي وقرف اي ده مش مبرر للي انت لسه قايله دلوقتي

غيث : انا اسف ودي أول مره أقولها لحد بس أنا حقيقي محتاجك معايا وبصراحه انا معنديش حد اثق فيه غيرك

يزن : اشمعنا انا يعني

غيث : علشان جدع , بس أنا اجدع منك

يزن : صبرني يا رب انا ماشي

غيث : لالا استنا

هحكيلك .. بص يا سيدي انا كان عندي مجموعة شركات كبيره ودلوقتي الشركات دي افلست والسبب في إفلاسها يعتبر من اقرب الناس ليا وهو صاحبي واللي كان دراعي اليمين في الشغل وواحده كده كان المفروض انها بتحبني والاثنين دول قدروا يغيروا اوراق صفقات مهمه وده اللي خلى الشركات افلست

يزن : ايوه وبعدين وأنا مالي بكل ده

غيث : دلوقتي هما في حد بيساندهم وانا عايزه اعرف مين الحد ده

يزن : ايوه وانا يعني هشتغل مخبر عند حضرتك ولا اي مش فاهم ؟

غيث : اسمع يا يزن هم دلوقتي مفكرين انهم قدروا ينتصروا عليا

يزن بسخرية : طب ما ده اللي حصل فعلاً

غيث : هو حصل اه بس أنا قدرت اني اتصرف في مبلغ كويس من رجل أعمال مقابل أنه هيبقا شريك معايا وقررت إني أبدا من جديد واقف على رجلي تاني وهفتح شركه علشان محتاج اعمل حاجه معينه

يزن : طب اما انت معاك مبلغ كبير وهتفتح شركه امال شغال في كافيه ليه ؟؟

غيث : لازم اعمل كده حمايه ليا ولأمي

يزن : بس انا برضوا مش فاهم المطلوب

غيث : المطلوب أنك هتشتغل في الشركه وأنا هقولك تعمل اي بظبط علشان انا متراقب ومش هعرف اروح واجي على الشركه

يزن : بس انا مش عندي خلفيه عن أي حاجه

غيث : قولتلك هبقا معاك ولو عايز تجيب حد معاك يشتغل انا معنديش مشكله المهم أنه يكون ثقه

يزن : قدر

غيث : نعم

يزن : قدر شطره جداً في الموضوع ده وكمان بتتكلم 3 لغات يعني اكيد هتحتاجها

غيث : اكيد مش هتوافق

يزن : انا هشرح ليها كل حاجه وهبلغك

غيث : تمام يا يزن شكراً

يزن بضحك : اخر حاجه كنت أتوقعها

عند قدر ...

قدر : رجعت يحبيبي

يزن : ايوه يحبيبتي ممكن اتكلم معاكي شويه

قدر : خير

يزن : انا جبتلك شغل

قدر : شغل اي ؟؟

يزن : شغل في شركه كويسه تبع غيث وأنا هكون معاكي وهو هيفهمنا كل حاجه

قدر : استنا بس كده أنا مش موافقه

بدأ يزن يقنع قدر ويفهمها كل حاجه وحكالها عن كل الكلام اللي قاله غيث وبعد تفكير كتير من قدر وافقت

غيث بيخبط جامد على شقة قدر

قدر : هو في أي !!!

غيث : ماما عندك ؟؟؟

قدر : لا

غيث بصدمه ....

يتبع .....

ُمنيه_محمود

غيث بيخبط جامد على شقة قدر

قدر : هو في أي !!!

غيث : ماما عندك ؟؟؟

قدر : لا

غيث بصدمه : يعني هتكون راحت فين ؟؟

قدر : اهدى بس شويه يا غيث ممكن تكون نزلت تجيب حاجه وراجعه تاني

غيث : لا

مشي غيث بسرعه وهو مش عارف يعمل اي ؟

قدر : روح معه يا يزن يمكن يحتاجك

يزن : حاضر

بص غيث كده وكده لحد ما شاف العربيه اللي بتراقبه دايماً وجري عليها

غيث للشخص اللي في العربيه وهو بيضر'به : انت تبع مين ؟؟ رد عليا ؟؟

رد عليه الشخص بعد ما خلاص تعب من الضر'ب ومش قادر يقاوم غيث .. أنا أنا تبع مراد بيه هو اللي قالي اراقبك بالله عليك ما تأذيني انا عندي عيال انا عبد المأمور والله يا بيه

ساب غيث الشخص ده واللي لاحظ وجود يزن معاه انت بتعمل ايه هنا ؟؟

يزن : انا هنا عشان اساعدك

غيث : وانا مش عايز مساعده

يزن : بس انا هاجي معاك برضو

ماأهتمش غيث ومشي ويزن مشي معاه

عند مراد ...

'كده يافندم كل الأوراق جاهزة

مراد : تمام

'حضرتك هتحضر الإجتماع بتاع النهارده ؟؟ مراد : 10 دقايق وهكون جاهز

'تمام يا فندم

غيث بغضب وعيون حمرا وهو بيقتحم المكتب : مرررررررررراد

مراد من الرعب كل الأوراق وقعت من أيده : في أي ؟؟ انت ازاي تتدخل مكتبي من غير ما تخبط على الباب

قالها مراد وهو بيحاول يداري خوفه من غيث

غيث : امي فيييييين يا مراد

مراد : نعم انت عبيط ولا اي وانا اي عرفني ؟

غيث : وحياة امي اقت'لك يا مراد لو ما قولت هيا فين

وبدأ غيث يضر'ب مراد لحد ما الأمن كان علي الباب واللي حاول يزن يمنعهم ولكن مقدرش لأنهم كتير

الأمن بعَد غيث عن مراد بالعافيه

غيث : مش هسيبك يا مراد والله ما هسيبك

سند يزن غيث لحد بره و غيث قرر أنه يروح عند ساره

مراد بحده : انت اللي خطفت أم غيث ؟؟

... : اه أنا

مراد بحده : ده كان هيمو'تني ابن ال*** انت بتخطف أمه ليه انت اتجننت ؟؟؟

... بغضب : وانت مالك ياروح امك انت هتعلي صوتك عليا ولا اي متنساش نفسك يا كلب الفلوس انت وقفل في وشه بغضب

عند ساره ...

واللي راح غيث عند بيتها ولكن مراد كان لحق يبلغ ساره باللي حصل وإن اكيد غيث هيروح عندها

ساره عملت حراسه شديدة عند بيتها خوفاً من اللي غيث ممكن يعمله

غيث حاول كتير يوصل لساره ويزن ساعده وبدأوا يتخلصوا من كل الحراس

غيث بصوت عالي : ساااااااره

ولكن ساره استخبت من غيث

وفجأة التليفون رن

غيث : الو

... : "ليا الحق فيها زي ماليك الحق فيها"

غيث بصدمه : علي ...

يتبع ...

ُمنيه_محمود