تحميل رواية «قدري اللطيف» PDF

... : "ليا الحق فيها زي ماليك الحق فيها"

غيث بصدمه : علي !!!

علي : ايوه علي اللي انت رميته في السجن

غيث : ماما

علي : متخفش اووي كده ما هيا أمي برضو ولا اي

غيث : انت ازاي خرجت من السجن ؟

ضحك علي بصوت عالي وقال

علي : لا ما أنا ما قعدتش كتير انا حاولت اخرج بسرعه عشان اجي وانت'قم منك

غيث بغضب : ومش فاكر انا عملت فيك كده ليه يا ***

قفل علي في وش غيث

علي : نورتي بيت ابنك يا امي

رحمه بعياط : أخرس انت مش ابني بعد اللي عملته انا مش عندي إلا غيث أنا عايزه غيث وديني لغيث

علي : متخفيش أنا مش هأذيكي بس انا مش هسيب غيث في حاله انا هنت'قم منه علشان تكوني عارفه

رحمه بعياط : بس ده اخوك

علي : شششش مش عايز أسمع صوتك

تعرفي يا ماما أن أنا اللي دمر'ته وخسرته كل حاجه ولسه كل ما هيحاول يقوم على رجله هخسره

رحمه بعياط : أنا عايزه امشي

علي : لما أنا أحب وبعدين ده بيت ابنك يا ست الكل ولا اي ؟؟؟

وراح غيث يحضن رحمه ولكن رحمه زقته ورفضت ده وسبته ومشيت بعيد عنه

علي بسخرية : عادي مش فارق معايا حضنك

عند غيث ...

يزن : في أي يا غيث ؟؟ عرفت هيا فين

غيث : عند اخويا

يزن : اخوك ؟؟ اخوك مين هو انت عندك أخوات

غيث سابه ومشي ورجع البيت تاني

قدر بقلق : هاا يا يزن عرفته هي فين ؟؟

يزن : اه عند اخوه

قدر : طيب الحمدلله

يزن : الحمدلله اي ده وشه جاب ألوان وأتصدم لما عرف انها عند اخوه

قدر : ليه يعني ؟؟

يزن : مش عارف بقا أنا داخل أنام

قدر : ماشي

وتاني يوم ...

رحمه : الو

غيث بنوم : الو

رحمه : غيث

غيث بخضه : ماما حبيبتي انتي كويسه ؟؟

رحمه : انا كويسه متخفش عليا

غيث : الحيو'ان ده عملك حاجه

رحمه : ميقدرش أنا أمه

غيث بسخريه : أمه اه يعني اللي عمل فيه كده مكنش ابو ...... وفجأة الخط قطع

نفخ غيث ورن على يزن

غيث : ايوه يا يزن عملت اي في حوار الشركه

يزن : تعالي أفطر معانا وبالمره نتكلم ونفهم كل حاجه

غيث : تمام

قدر : قالك اي ؟؟

يزن : جي

شويه وكان غيث وصل

قدر : اتفضل

غيث وهو بيبص لقدر بتركيز لأول مره وقد اي هيا حلوه : شكراً

يزن : تسلم ايدك يحبيبتي

قدر : حبيبي

بص غيث عليهم قد اي هما أخوات حلوين بيحبوا بعض وبيخافوا على بعض وكل واحد ممكن يضحي علشان التاني مش زيه هو وعلي

قدر : غيث

غيث : نعم

قدر : هيا طنط عامله أي ؟؟؟

غيث : كويسه

قدر : هيا فين ؟

يزن بص لقدر علشان تسكت ولكن غيث اتكلم

غيث : عند اخويا

قدر : اه ربنا يخليكم لبعض

غيث بغضب : بس ، انتي متعرفيش ده عمل اي وبدأ يطلع كل اللي جوه من سنين علي ده هو اللي قت'ل ابويا

قدر ويزن بصدمه ....

يتبع ....

ُمنيه_محمود

غيث : علي ده هو اللي قت'ل أبويا

قدر و يزن بصدمه : ايييييي !!!

غيث : زي ما سمعته كده علي كان مد'من مخد'رات وكان ممكن يعمل اي حاجه اي حاجه ممكن تخطر على بالكم عشان الفلوس لدرجه انه خد الأدويه بتاعة ابويا اللي كان تعبان وعنده كانسر وباعها علشان يجيب مخد'رات وتكررت مره والثانيه وأنا كنت بتعب وبيطلع عيني علشان اجيب حق العلاج ، أما هو كان بياخد العلاج يبيعه عشان يجيب المخد'رات مكنتش اعرف الكلام ده بس عرفته في يوم كنت راجع من الشغل بدري بسبب اني كنت تعبان شويه ، اتصدمت لما لقيت علي بيخد من ابويا العلاج بالعافيه ، وانا براقبه من بعيد ، ولما ابويا قاله انا تعبان ومش هديك العلاج المره دي ، يا ابني انا تعبان لازم أخذ العلاج لأما همو'ت ، تعرفوا رد عليه وقاله اي؟؟؟ قاله يبقا تموت احسن وخب'طه بالس'كينه في قلبه

قالها غيث وهو بيشهق وقدر و يزن اللي واقفين مصدومين قدر كانت بتعيط في صمت

وكمل غيث وقال : مكنتش عارف اعمل اي وقتها .. مكنتش عارف اتصرف ازاي ؟؟ بس لما شفت المنظر قررت اني ابلغ عن اخويا وبالفعل بلغت عنه وتحبس بجريمتين جريمه قت'ل وجريمه تعاطي مخد'رات ، مكنتش اتخيل في يوم ان اخويا يبقا كده او ان أنا اعمل كده في اخويا ، بس كان غصب عني ، تعرفوا ده كله بسبب اي؟؟؟ بسبب الفقر علشان كده انا بكره الفقر عشان لو معايا فلوس مكانش ابويا ما'ت ، كنت عرفت اعالجه و مكانش اخويا هيبقا كده ومن وقتها وانا بقا اهم حاجه عندي الفلوس اعمل اي حاجه علشان اجيب فلوس ، بس اخويا رجع تاني وخسرني كل حاجه ودلوقتي خد ماما بس تعرفي يا قدر تعرف يا يزن مش خايف لأنه بقى معاه فلوس فمش مضطر يقت'لها كل اللي هو عايزه دلوقتي ان ينت'قم مني على اللي عملته فيه وأنا مش ندام على اللي عملته انا عملت الصح مع علي

خلص غيث كلامه

قدر بدموع : __

مشي غيث قبل ما تتكلم لأنه مكنش عايز حد يشفق عليه هو بس طلع اللي جواه اللي كان كاتمه من سنين وحاسس أنه أرتاح شويه لما اتكلم معاهم

عند علي ورحمه ...

رحمه : علي انا عايزه اطمن علي غيث

علي بجمود : لا

رحمه بدموع : قلبي وربي غضبانين عليك ليوم الدين يا علي

علي بضحك : ماشي

بس قوليلي يا ماما يعني انتي عايزه تسيبي القصر والخدم دي كلها وترجعي للخرابه دي تاني

رحمه : اه على الأقل دي حاجه ملكي مش حاجه سر'قها

علي : أنا مسر'قتش حد

رحمه : لا سر'قت ده مال اخوك اللي تعب علشان يعمل ده كله اللي كان بيشتغل بالأيام ومش بينام علشان يحاول ينسى اللي انت عملته

علي : بس بس خلاص أن هرجعك لغيث تاني عيشي في الفقر ده وافرحي براحتك

تاني يوم عند غيث ...

غيث راح الكافيه وهو راجع للبيت شاف قدر ولكن حاول يتجاهل وجودها وطلع على شقته

غيث بصدمه ماما ....

يتبع ....

ُمنيه_محمود

غيث بصدمه : ماما انتي كويسه ؟؟ ازاي جيتي؟؟

رحمه : أنا كويسه يحبيبي ما تقلقش

غيث : علي ازاي سابك ؟؟؟

رحمه بخوف على غيث : علي مش عايزني انا يغيث علي عايز ينت'قم منك انت ، خلي بالك من نفسك يا غيث

غيث خد رحمه في حضنه وبدأ يطمنها

عند مراد ...

ساره : مراد أنا عايزه عربيه جديده

مراد : ما انتي لسه مغيره العربيه من شهرين

ساره بزعل مصطنع : خلاص يا مراد مش عايزه حاجه

مراد : خلاص يا ساره هجبلك علشان أنا مقدرش ازعلك

ساره : بجد !! انا بحبك اووي يا مراد

مراد : وأنا بحبك اكتر يا قلب مراد

عند قدر ...

قدر بحب : وحشتيني اووي يا طنط

رحمه بنفس الحب : وانتي كمان وحشتني اوي وانت يا يزن كمان

يزن : حبيبتي يا طنط

غيث : هنعمل اي في الشغل يا شباب مش كل يوم هنأجل كده

رحمه باستغراب : شغل اي ده مش انت شغال في كافيه ؟؟؟

بدأ غيث يحكي لرحمه كل حاجه عن موضوع الشركه

رحمه بحزن : كان نفسي علي يكون زيك

قدر علشان تفك الجو شويه : ايوه يا غيث يعني انا هشتغل اي برضو ؟

غيث : بصي يستي يزن قالي أنك بتتكلمي 3 لغات ودي حاجه انا مش مصدقها بصراحه

قدر بضحك : ليه يعني

غيث : مش عارف طيب هعملك إختبار دلوقتي عندك مشكله

قدر : لا طبعاً

غيث : 3 لغات هما انجليزي والماني وفرنساوي صح

قدر : اه صح

وبدأ غيث يسأل قدر شويه اسأله وهيا بصراحه فاجئته ومكنش متوقع ده

غيث : حلو أوي انتي كده هتبقي مسؤوله عن عن الصفقات اللي مع الدول التانيه وكمان مديرية الشركه بنيابة عني

قدر بذهول : أنا

غيث : اه

يزن بضحك : طب وانا

غيث بضحك : لا انت كده ملكش لازمه ولا اقولك هتبقا المساعد بتاعها

يزن بضحك : اتفقنا

غيث : معلش مش عايز تفهموني غلط بس ممكن ننزل نشتري لبس

قدر : ليه يعني ما إحنا عندنا لبس

غيث : لازم لبس فورمال انتوا هتبقوا واجهة الشركه

ووافقت قدر ويزن ونزلوا مع غيث وبدأ غيث يطمن أنا مفيش حد بيراقبه ولما اتأكد بدأ يشتري لبس من افخم المولات لأنه عنده خلفيه في الموضوع ده

يزن : اي ده كله انا تعبت انا هروح اجيب حاجه اشربها حد عايز

غيث وقدر في نفس الوقت اه

يزن : تمام عايزين اي ؟

غيث وقدر في نفس الوقت لتاني مره قهوه

يزن بضحك : حلو التفاهم ده ، انا هروح اجيب

غيث : احم بتحبي القهوة ؟

قدر بكسوف بعض الشيء : اه مشروبي المفضل ، وشكراً على اللبس بس اكيد ده كله هيتخصم من المرتب

غيث بهزار : فكك بقا من الفقر اللي انتي فيه ده

قدر بغضب : الفقر عمره ما كان عيب ولا حرام يا غيث ،انا رايحه ليزن وسبته ومشيت وهيا ماشيه خبطت في حد

قدر : أنا آسفه

علي هو بيبص لقدر من فوق لتحت بأعجاب : ولا يهمك ، ابتسمت قدر ومشيت

علي : شوفلي البت دي مين وساكنه فين ....

يتبع ....

ُمنيه_محمود

قدر وهيا ماشيه خبطت في حد

قدر : أنا آسفه

علي وهو بيبص لقدر من فوق لتحت بأعجاب : ولا يهمك

ابتسمت قدر ومشيت

علي : شوفلي البت دي مين وساكنه فين ؟؟

عند يزن ...

يزن : في أي يا قدر ؟؟

قدر : لا مفيش حاجه لقيتك اخرت بس مش اكتر

يزن : طيب يلا

اتفضل يا غيث القهوة

غيث : شكراً

غيث كل الوقت يبص على قدر بس مش قادر يتكلم معاها لأنه حس أنه جرحها بالكلام

في الليل ...

قدر كانت قاعده بتقرأ في كتاب ما على السطح

غيث : انتي بتعملي اي هنا ؟؟؟

قدر بخضه : ايييييي

غيث : انا آسف

قدر : ولا يهمك انا بس كنت مندمجه واتخضيت

غيث بضحك : ممكن اعرف مندمجه في أي ؟؟

قدر بنفس الضحكه : لازم

غيث : اه

قدر : ده كتاب للمبتدئين في تعليم اللغه التركيه

غيث : اي حبك في تعليم اللغات

قدر بضحك : تقدر تقول هويه ، تشرب قهوه

غيث : اشرب

قدر بضحك : ساده مش كده

غيث بنفس الضحكه : كده

غيث وهو متردد يتكلم

قدر : مفيش داعي تتكلم وتقول حاجه

غيث : ازاي عرفتي إني عايز أتكلم ؟؟

قدر : إحساس

غيث : قدر أنا مش بعرف اعتذر من حد انا حاسس ان هنا 'شاور على قلبه' هنا في حجر ولا بيحس ولا بيحب ولا بيعرف يتعامل مع حد

عارفه يا قدر ؟؟

قدر بتركيز كبير في كلامه : اي ؟

غيث : إحساس وحش أوي لما تسمعي الناس بتتكلم عليكي وبتقول عنك كلام وحش وأن أنا شخص قاسي ، انا عمري مكنت محبوب من حد بخاف أقرب من حد علشان بخاف اخسره في يوم من الأيام

قدر بنظرة حب وهيا بتحاول تخفف عنه : انت شخص كويس يا غيث ، بس حاول تنسي اي حاجه من الماضي علشان تقدر تكمل ، حاول تتكلم عادي اصل كلنا بشر مش لازم تبين أنك احسن من حد اقل منك واكيد انت فاهم أنا بتكلم على اي

غيث : اكيد تقصدي أول لقاء بينا

قدر بضحك : بصراحه كان دمك تقيل وكنت عايزه ارد عليك بس معرفتش

غيث : اهو انا كده علطول يستي مع كل الناس

قدر : اوعدني انك هتحاول تغير ده

غيث : اوعدك ، انتي شخص لطيف أوي ، تعرفي أنا عمري ما اتكلمت مع حد كده

قدر بضحك : علشان انا مش زي اي حد

غيث : طيب يلا يحلوه نامي علشان تمشي على الشركه بدري

قدر : حاضر

عند علي ...

علي : عرفت حاجه عنها ؟؟؟

' لسه يباشا

علي بغضب : مش عايز اشوف وشك غير لما تعرف عنها كل حاجه

' حاضر

عند غيث ...

خلص الشغل واللي طول الوقت بيفكر في قدر وقد اي هيا شخص لطيف وارتاح في الكلام معاها ، رجع غيث البيت

رحمه : حمدلله على السلامه يحبيبي

غيث : الله يسلمك يا ماما ، ماما بقولك ؟؟

رحمه : نعم

غيث : هما أهل قدر فين ؟

رحمه باستغراب لأن غيث عمره ما اتكلم عن حد او اهتم اصلاً بحد ولكن حكت لغيث : أهلها ما'توا يحبيبي في حد'ثه ومش عندها حد غير اخوها يزن وبدأت رحمه تحكي لغيث عن قدر ...

غيث بجدية : ماما انا عايز أخطب قدر

رحمه بصدمه ....

يتبع ....

ُمنيه_محمود

غيث : ماما أنا عايز أخطب قدر

رحمه بصدمه : قدر !!! انت بتتكلم جد يا غيث

غيث : اه يا ماما هو في حاجه ؟؟

رحمه وهيا لسه مش مستوعبه : لا مفيش

غيث : بس شايفك مبسوطه

رحمه بضحك : جداً

غيث بضحك : ده ليه يعني ؟؟

رحمه بضحك : ده بعيد عن أن هيا جميله اكتر مني بس كل ما اشوفها بتفكرني بنفسي وأنا صغيره

غيث بحب : مفيش اجمل منك يا رحوم

رحمه : حبيبي ، بس انت اتغيرت كتير مش واخد بالك ؟؟ ممكن اعرف ده سببه اي؟؟

غيث : والله ما عارف يا ماما ، بس حسيت أن هيا دي اللي ممكن أكمل معاها حياتي وأنا مطمن ، وكمان حسيتها متعرفش يعني اي حقد ولا كر'ه وبتتعامل على طبيعتها طول الوقت ودي حاجه حببتني فيها وبرغم أن أنا إتعملت معاها هيا ويزن بطريقة مش كويسه إلا أنها مسبتنيش لما كنت محتاج لحاجة ، وموقف العملية ووو كتير ، فهمتي أنا عايز اخطبها ليه ؟

رحمه بدموع : انا مبسوطه من كل الكلام ده وكنت متأكده أن هياجي يوم وتتغير

غيث بضحك : وأن بصراحه مكنتش واثق أن هياجي يوم واتغير

رحمه : طيب هنروح النهارده ماشي

غيث : تمام هكلم يزن ونروح عندهم بليل

عند قدر في الشركه ...

قدر : كل أوراق الصفقه دي تكون عندي لو سمحت ؟

حور : تحت امر حضرتك يا فندم

يزن : قدر هو .. اي ده معلش مكنتش اعرف ان معاكي حد

قدر : تعالي يا يزن ؟

حور : استأذن أنا حضرتك تأمري بحاجه تانيه

قدر : لا اتفضلي

يزن بغمزه : مين الحلوه ؟

قدر : اتلم يا يزن

يزن : مين بجد ؟

قدر : دي حور غيث بعتها وقال إنها شاطره وكانت بتشتغل معه قبل كده في الشركه بتاعته

يزن : تمام

غيث رن علي يزن

غيث : بقولك لو انت عند قدر اطلع بره

يزن : ليه

غيث : اخلص

قدر : في حاجه يا يزن ؟؟؟

يزن : لا هكلم واحد صاحبي واجي

غيث : انا جي انا وماما عندكم بليل

يزن : ليه في حاجه ؟؟

غيث : جي اتقدم لأختك

يزن : نعممممم يخويا

غيث : مش موافق ولا اي ؟؟؟

يزن : انا مالي قدر هيا اللي هتقول موافقه ولا لا دي حياتها

غيث : خلاص اتفقنا المهم قدر متعرفش حاجه تمام

يزن : تمام يا غيث

يزن قفل مع غيث وشاف حور

يزن : صباح العنبر ممكن النبر

حور : اي

يزن بجديه : بقول لحضرتك اسمك اي ؟

حور : اسمي حور

يزن بابتسامه : تمام ، ومشي

حور ابتسمت على اللي قاله لأنها سمعته

عند مراد ...

مراد : الو

ساره : نعم يا مراد

مراد : ممكن تنزلي نخرج شويه

ساره بقرف : مليش مزاج يا مراد

مراد : ليه يا ساره مالك ؟

ساره بقرف وضيق : مليش

مراد : في حاجه حصلت

ساره : مفيش

قفل مراد التلفون في وش ساره لأنه اتخنق من تعاملها معاه بطريقة دي وعايز يعمل اي حاجه علشان يراضيها ولكن هو مش شايف منها اي حب او اهتمام

عند قدر ...

واللي يزن بلغها أن غيث ورحمه جايين بس من غير ما يقول السبب

قدر : اتفضلو

غيث بص لقدر بأعجاب ومتكلمش !!

رحمه : زي القمر يا قدر

قدر بكسوف : شكراً يا طنط

غيث : انا هتكلم في الموضوع علطول بدون اي مقدمات

قدر باستغراب : موضوع اي يا غيث ؟

غيث : قدر أن جي النهارده علشان اطلب إيدك

قدر بصدمه ومن غير تفكير : أنا مش موافقه

يتبع ....

ُمنيه_محمود

قدر بصدمه ومن غير تفكير : أنا مش موافقه

غيث : ليه ؟؟؟

قدر : أنا لسه مش عرفاك كويس يا غيث

رحمه : تعالي يا يزن احنا شويه وسيبهم يتكلموا براحتهم

يزن : تمام

غيث : قدر طيب ممكن تتديني فرصه ؟؟ دي فتره هنعرف بعض فيها لو حسيتي أن أنا مش الشخص المناسب تقدري تبعدي

قدر بتفكير : لالا انا مش موافقه

غيث بنظرت حب واللي خلي قدر تصدق كلامه : مش هتندمي انا ما صدقت اشوف حد زيك بجد

قدر بتفكير : طيب ماشي

غيث بفرح : خلاص يوم الخميس هنعمل خطوبه على قدنا كده انا وانتي وماما ويزن

قدر : بالسرعه دي

غيث : يعني موافقه ولا لا

قدر بكسوف : موافقه

تاني يوم ...

غيث كان نازل الكافيه وقدر ويزن على الشركه

غيث بأبتسامه : صباح الخير يا قدر

قدر : صباح النور يا غيث

يزن : مفيش صباح الخير يا يزن ولا اي ؟؟

غيث بضحك : صباح الخير يا يزن

يزن بضحك : بعد اي بقا ، المهم

غيث : خير يا يزن ؟؟؟

يزن : مش الخطوبه يوم الخميس الجاي

غيث : اه

يزن : ما تخليك جدع وتعزم حور

غيث بضحك : وده ليه

يزن بأحراج : عادي صحاب في الشغل

غيث بضحك : صحاب اه ، بس تمام هقولها

يزن بضحك : تسلم يا غالي

قدر : الشغل يا جدعان هنتأخر

غيث بغمزه لقدر : اه يلا بينا

عند علي ...

ساره : وحشتني اووي يا علي

علي وهو بيبص لساره من فوق لتحت : بصي يا ساره انتي اخرك معايا نقضي يوم حلو مع بعض وانتي بتاخدي مقابل ده غير كده لا

ساره : بس أنا بحبك

علي : تؤتؤ قولي بحب فلوسك يا علي

ساره : طيب اي رأيك نعمل النهارده ...

علي : مليش مزاج لما ابقا عايز هقولك

ساره : الو يا مراد في حاجه ؟؟

مراد : انتي فين ؟؟

ساره : في المول بجيب لبس

مراد : تمام ، وقفل مراد

علي بضحك : مش سالكه انتي برضو يا ساره

ساره ضحكت ضحكه بدلع : امال اي يباشا ده أنا أعجبك اووي

في الشركه ...

' بقولك اي بص القمر اللي جاي علينا ده

' اي ده انت تعرفها ؟؟؟

' اه دي المديره بتاع الشركه ، ليه في حاجه ؟؟

' لالا مفيش بس هيا الشركه دي بتاع مين ؟؟

' الشركه تبع خالد بيه

' طيب لازم امشي دلوقتي اشوفك بعدين ...

الو علي بيه

علي : ايوه في أي ؟

' عرفت البنت اللي بتدور عليها شغاله فين

علي : بجد ؟؟ فين؟؟

بعد عشر دقايق كان علي في الشركه ...

' في حد عايز حضرتك بره يا فندم

قدر : خليه يتفضل

علي : ازيك يا قدر

قدر : أهلاً بحضرتك

علي : مش فكراني ولا اي ؟

قدر بعدم تذكر : لا

علي : انا الشخص اللي خبطي فيه في المول فاكره

قدر : اه افتكرت أهلاً بحضرتك اقدر اساعدك ازاي ؟

علي بصي يا ستي انا عندي شراكات .. وكنت عايز اعمل صفقه كويسه مع الشركه هنا

قدر : تقدر تسيب حضرتك الأوراق ادرسها

علي : تمام فكري وردي عليا ، ومشي

قدر : الو غيث

غيث : نعم يحبيبتي

قدر : احم في شخص اسمه علي المهدي عرض على الشركه صفقه كويسه جداً

غيث بصدمه : علي مين ؟؟

قدر : علي المهدي

غيث : ده علي اخويا

قدر بصدمه ...

يتبع ...

ُمنيه_محمود

غيث : ده علي اخويا

قدر بصدمه : علي

غيث : اه اسمعي يا قدر احنا لازم نقبل الصفقه دي لازم لازم انتي فاهمه ؟

قدر : انت بتقول اي يا غيث لا طبعاً ؟؟ ازاي يعني بعد كل اللي علي عمله فيك وفي الآخر عايز تعقد صفقه معاه انت بتفكر ازاي؟؟؟

غيث : دي الفرصه الوحيده اللي هقدر ارجع كل حاجه علي خدها مني

قدر : مش فاهمه ؟؟

غيث : لما اجي هفهمك كل حاجه تمام

قدر : تمام

في الليل عند قدر ...

قدر : هاا يا غيث ممكن افهم هنعمل اي ؟

غيث : تمام وانت يا يزن ركز معايا علشان هتكون مع قدر في كل حاجه

يزن : تمام

غيث : بصي يا قدر طبعاً انتي بتقولي أنه عرض عليكي صفقه كويسه وانتي طبعاً هتوافقي ويوم الأتفاق هتخلي علي يمضي على أوراق التنازل من غير ما ياخد باله

قدر : ازاي هو اكيد مش غبي وأنا مش هعرف أعمل حاجه زي كده

غيث : عند البنات الحلوه بيكون غبي

قدر بصدمه : انت مجنون انت عايزني أعمل اي ؟؟

يزن بغضب : اي اللي انت بتقوله ده

غيث : اسمعوني بس ، هنعمل معاه زي ما ساره عملت معايا قدر هتعزم علي على عصير او قهوه اي حاجه من دي وطبعاً علي مش هيقدر يقول لقدر لا ، وبعد ما ده يحصل ويغيب عن الوعي يزن هيدخل ويكون موجود ده علشان الأمان يا قدر والحيو'ان ده ميحولش يقرب منك وبمساعدة يزن هتقدري انتي تتكلمي معاه وتخليه يوقع على التنازل وبكده اقدر ارجع كل حاجه

قدر : حاسه أن مش هقدر اعمل ده كله بجد

غيث بحب : مفيش حد هيقدر يساعدني غيركم

يزن : أنا معاك يا غيث وربنا يستر

قدر بحب : وأنا معاك

غيث : من هنا لحد الأسبوع الجاي مش هنفكر في حاجه خلينا دلوقتي نفرح بالخطوبه

يزن بضحك : ايوه بقا

كل ده وغيث بيبص لقدر وقدر بتحاول تهرب من عينه اللي معها في كل حركه بتعملها وكل كلمه بتقولها

عند علي ...

مراد : عليييييي علييييييي

ساره بخضه : ده ده مراد هنا ، مراد هنا يا علي اعمل أي ؟؟

علي : استخبي يلااا في أي مكان ومتخفيش هو اصلاً مِستوي على الاخر

نزل علي لمراد

علي : عايز اي يا مراد

مراد : اديني اي حاجه بسرعه همو'ت مش قادر دماغي هتتفر'تك

علي بضحك : ما قولتلك الصنف ده تقيل عليك

مراد : لو بتحبني يا علي اديني اي حاجه ارجوك

علي بسخريه : ده انا مش بحب اخويا هحبك انت

مراد وهو ماسك دماغه : اخوك مين ؟؟

علي : ده كله ولسه مش عارف غيث يبقا اخويا

مراد بصدمه : غيث اخوك انت

علي بضحك : اااه

ومر كام يوم من غير اي تغيير ودلوقتي يوم الخطوبه

في شقه قدر ...

يزن : بسم الله ماشاءالله قمر

قدر : بجد يا يزن

يزن : بجد يا عيون يزن ، قدر عايز اقولك حاجه

قدر : قول يا يزن

يزن : غيث شخص كويس علفكره وأنا ملاحظ أن هو اتغير كتير علشانك ولو مش متأكد أن هو شخص كويس أنا مكنتش وافقت عليه

قدر بدموع : ربنا يخليك ليا يحبيبي

يزن : لالا مش عايز عياط النهارده ده انا ما هصدق اخلص من عياطك ده

قدر بضحك : ماشي يا رخم

الباب خبط وقدر هيا اللي فتحت الباب

غيث بصدمه : ....

يتبع ...

ُمنيه_محمود

الباب خبط وقدر هيا اللي فتحت الباب ..

غيث بصدمه : اي ده !!! انتي حلوه اووي

رحمه : احم احم زي القمر يا حبيبتي

قدر وشها احمر من الكسوف وقالت : شكراً

غيث حس بالإحراج جداً ودخل الشقه وكان بيفكر إزاي يختفي في خلال 3 ثواني من اللي قاله وبيتمني الأرض تتشق وتبلعه

يزن : هيا فين يا غيث ؟؟؟

غيث : هيا مين دي ؟؟

يزن : حور

غيث : ياعم فكك مني دلوقتي

يزن بضحك : بصراحه كان شكلك وحش اوي

غيث : بجد

يزن بضحك : اه والله ، المهم جايه ولا لا ؟

غيث بضحك : جايه جايه اطمن

شويه وكانت حور وصلت وكانت جميله جداً

يزن : يخربيت الرقه هو لسه في كده

حور وهيا عامله نفسها مش واخده بالها : ازيك يا يزن

يزن : أنا الحمدلله كويس

حور : ماشاء الله قدر طالعه حلوه أوي

يزن بضحك : طالعه لأخوها طبعاً

ابتسمت حور على طريقة يزن في الكلام

اليوم مشي كويس والأجواء كانت حلوه والكل مبسوط من قلبه وغيث خد الكل وطلعوا اتعشو بره

حور : ألف مبروك ربنا يتمم على خير

قدر وغيث : الله يبارك فيكِ عقبالك

حور : لا مش بفكر في الموضوع ده دلوقتي

يزن : لا أنا كده ازعل

حور بعدم فهم : نعم

يزن بالإحراج وتوتر : بقولك كده هزعل علشان يعني هتمشي وكده فاهمه ولا اي

حور بضحك : اه فاهمه ، بس لازم امشي بقا علشان اتأخرت

يزن : اوصلك ؟؟

حور : لا شكراً

يزن : لا هوصلك ، سلام ياحلوين

قدر و غيث ورحمه ضحكوا على يزن

غيث : ده شكله واقع

قدر : باين كده

حور : بس هنا شكراً

يزن : عايزه أقولك حاجه من ساعت ما شوفتك النهارده

حور باستغراب : اي ؟؟؟

يزن : انتي حلوه اوي النهارده

حور اتكسفت ومشيت من غير ولا كلمه

يزن لنفسه : فوق يا يزن في أي مالك كده

عند قدر و غيث ...

غيث : مبسوطه

قدر : اه مبسوطه جداً

غيث : يعني مش ندمانه أنك وافقتي عليا

قدر : لا طبعاً

غيث بحب : طيب بحبك

قدر بكسوف وهيا بتحاول تتكلم : احم ، ممكن اسألك سؤال خايفه منه

غيث باهتمام : سؤال اي ؟

قدر : خايفه بعد ما نعمل الخطه وتنجح وعلي يمضي على أوراق التنازل تتغير وترجع زي الأول

غيث : من حقك تقولي كده بس أنا اتغيرت يا قدر وبقيت إنسان جديد بعد ما شوفتك كل حاجه اتغيرت ازاي وليه ؟ أنا مش عارف بجد بس يمكن علشان حبيتك

وفي الشركه بعد مرور أسبوع ...

علي : هاا يا آنسه قدر كل حاجه جاهزة

قدر بتوتر نوعاً ما : اه بس لازم تشرب حاجه الأول

علي : تمام يبقا قهوه ساده

وبعد شويه القهوه وصلت وبدأ علي يشرب وهو بيقلب في الأوراق قال يعني رجل أعمال وفاهم كل حاجه وهو مش فالح غير في تجارة المخد'رات ومع مرور الوقت بدأ علي يغيب عن الوعي و حاول يلمس قدر ويقول كلام مش كويس بس يزن دخل في الوقت المناسب وكان هيضر'به ولكن قدر قالتله يكتفي أنه يمسكه وينتبه

علي بتوهان : انا بحبك انا نفسي تكون معايا ولاحظ علي وجود الدبله في ايد قدر

علي بدموع تمثيل نتيجه غيابه عن الوعي : اي ده ؟ انتي مخطوبه ؟؟ قولي مين علشان اقت'له محدش يقدر يخدك مني

قدر : هقولك مين بس بشرط تمضي هنا

علي بتوهان : حاضر حاضر وبدأت يمضي كل الأوراق

قدر : خطيبي يبقا غيث المهدي اخوك ؟

علي بصدمه : ........

يتبع ....

ُمنيه_محمود

خطيبي يبقا غيث المهدي اخوك

علي بصدمه : انتي بتقولي اي ؟؟؟

قدر : زي ما سمعت كده

علي : لالا مستحيل يكون غيث خطيبك

وفقد علي الوعي خالص وبعد مرور ساعتين

علي فاق ولكن مش فاكر اي حاجه من اللي حصل

قدر : حمدلله على السلامه

علي : اي اللي حصل ؟؟

قدر : أغمي عليك وأنا أجلت الإجتماع

علي بعدم تذكر : ازاي ده ؟؟ عمرها ما حصلت معايا

قدر : لازم ترتاح

علي : اه اه لازم ارتاح

ومشي علي ، وقدر رنت على غيث وطمنته ان كل حاجه مشيت تمام

عند غيث ...

غيث : هاا عملت اي ؟؟؟

' مشيت وراها وعرفت بتروح فين زي ما طلبت مني

غيث : ووصلت لأي ؟

' ساره بتخون مراد مع علي وأغلب الوقت في البيت عنده ومراد مش عارف حاجه طبعاً

غيث : برافو عليك أنا كده عرفت أن هعمل اي ؟

' تأمرني بحاجه تانيه

غيث : حالياً لا

وقفل غيث مع الشخص اللي كلفه بمراقبة ساره

نرجع تاني لقدر ...

يزن : قدر أنا بحب حور

قدر : طب ما أنا عارفه بس مش هينفع

يزن : ليه مش هينفع ؟

قدر : انت لسه في الجامعه

يزن : ما دي اخر سنه وبعدين أنا هتقدم واعمل خطوبه بس

قدر : متأكد من الخطوه دي يا يزن

يزن بفرح : متأكد طبعاً

قدر بحب : تمام هكلم غيث يشوف الحوار ده

يزن : يلا طيب دلوقتي

قدر بضحك : مجنون

رنت قدر على غيث وبدأت تقوله وفرح غيث جداً بالقرار ده لأن حور بنت كويسه ويزن كذلك ورن على أهل حور وخد معاد لبكره

يزن : أنا مش مصدق نفسي

رحمه : مبارك يحبيبي

يزن : الله يبارك فيكِ يطنط

قدر بعياط : مبروك يحبيبي

يزن : شش ما تشوف خطيبتك يا غيث اللي كل حاجه تعيط دي

غيث بضحك : في أي يا قدر ؟

قدر : فرحانه

غيث بضحك : عيوطه

ضحكوا عليها لأنها بتعيط في كل الأوقات سواءً في حاجه تفرح او حاجه تزعل

في بيت حور ...

كل حاجه مشيت طبيعي وأهل حور مكنش عندهم اي مشكله وده طبعاً بعد ما سألوا على يزن زي اي بيت مصري عادي وكان شاب مناسب طبعاً ومحترم وكمان غيث أكد لأهلها ده ، وكل شيء كان تمام ويزن فرح جداً

يزن : بحبك يا حور

حور بكسوف : وأنا كمان بحبك يا يزن

يزن بضحك : الله أكبر وأخيراً

عند غيث ...

غيث : الو مراد ازيك

مراد بتوهان : مين ؟؟

غيث : لا يا مراد مش معقول تكون نسيتني لا ولا خلاص بقيت مدمن ونسيت اللي حواليك خلاص

مراد بصدمه : غيث اي اللي فكرك بيا دلوقتي ؟؟

غيث بضحك : مش عيب تسيب خطيبتك كده عند علي لا بجد عيب عليك يا مراد مكنتش اعرف انك إريل

مراد بعصبيه : انت بتقول اي ؟؟ انت مجنون

غيث : لو مش مصدقني روح هتلاقي ساره عنده دلوقتي ويبقا سلملي عليها قالها غيث وهو بيضحك ،

مراد قفل مع غيث وطلع على بيت علي بسرعه واللي عرف يدخل بكل سهوله لأن مكنش فيه اي حراس وهنا كانت الصدمه لما دخل اوضه النوم ، وشاف ساره وعلي مع بعض مراد جن جنونه

مراد بزعيق : بتخونيني

ساره بخوف : مراد اسمع

مراد : اسمع اي ؟؟ ورفع السلا'ح عليهم

علي : مراد انت بتعمل اي ؟ اهدي بس وأحنا هنتفاهم ولكن مراد مظهرش منه رد فعل غير أنه

ضر'ب نا'ر على ساره وعلي ، ولكن مقدرش يستحمل المنظر وضر'ب نا'ر علي نفسه و ...

يتبع ...

ُمنيه_محمود

مراد ضر'ب نا'ر على ساره وعلي والكن مقدرش يستحمل المنظر وضر'ب نا'ر علي نفسه و ، وحده من الخدم شافت اللي حصل وبلغت الشرطة في خلال 10 دقايق كانت الشرطه والإسعاف موجودين ساره ومراد ما'توا ، وعلي كان لسه عايش اتنقل علي المستشفى واللي أجرت اختبارات وفحوصات كتير لعلي واللي أثبتت أنه مختل عقلي الي جانب إدمان المخد'رات

عرف غيث الخبر وطلع على المستشفى هو وقدر ...

غيث : طمنا عليه يا دكتور

الدكتور : الحاله مش خطر الضربه كانت بجانب القلب إحمد ربنا أنها مجتش في القلب وإلا كان مات في وقتها زي ساره ومراد

غيث : الحمدلله

قدر : هو هيفوق امتي يا دكتور ؟؟

الدكتور : بليل هيكون فاق أن شاء لله

قدر : تمام يا دكتور شكراً لحضرتك

في الليل ...

رحمه بقلق وعياط مهما كان ده ابنها : هو كويس

قدر : اطمني كويس

غيث : تعالي نطمن عليه

دخل غيث ورحمه عند علي ولكن علي مكنش موجود

رحمه : هو فين ؟؟ فين علي يا غيث ؟

غيث سابها وطلع واللي عرف أن علي هرب

غيث : إزاي أنا غبي كده إزاي ؟ كان لازم يكون في حراسه عند اوضته

قدر : اهدي بس يا غيث

وبعد مرور يومين ومازال علي لسه مش موجود ...

قرر غيث أنه يرجع يعيش حياته طبيعي جداً ورجع للشركات والأقصر وكل حاجه تقريباً إلا قسوة القلب بقا شخص كويس جداً وقدر ويزن شغالين معاه في الشركات الأساسية بتاعته أما الشركه اللي كانت قدر ويزن شغالين فيها واللي كان خالد يملك نصها أصبح بيملكها كلها وده كان إتفاق غيث معاه من البدايه أنه مقابل شركته مع غيث هيصبح مالك الشركه كلها فيما بعد

قدر : هاا يحبيبي وصلت

غيث : اه وصلت ، بقولك بس حبيبي منك ليها طعم تاني

قدر بكسوف : ليه أول مره تسمعها

غيث بضحك : لا بس اعتبري دي أول مره

قدر بضحك : بحبك

غيث : لا أنا كده لازم اقفل علشان قلبي الصغير لا يحتمل

قدر : سلام يحبيبي

غيث بحب : سلام ، لسه غيث داخل القصر ولكن لقي رساله قدامه محتواه الرساله

"عرفت كل حاجه وعرفت انك اتفقت مع خطيبتك عليا بس هتشوف هعمل فيك اي يا اخويا"

وبدون تفكير غيث عرف أن ده علي

في منتصف الليل ...

رحمه بصراخ : غيييييييث غييييييث

غيث نزل جري من الاوضه على تحت و

غيث بصدمه : علي

علي بتوهان : هقت'لك ، وصوب المسدس علي غيث وضرب نار ولكن رحمه وقفت قدام غيث وللأسف اختر المسدس دماغها وتوفها الله في نفس اللحظه

أما بالنسبة لعلي بقا في مستشفى الأمراض العقليه الي جانب الحكم عليه بالإعدام

وفي الوقت ده وبعد اللي حصل ساءت حالة غيث جداً وكان رجع لقسوته تاني ولكن قدر فضلت جنبه ومعاه واستحملت غيث كتير جداً لحد ما رجع شخص كويس من تاني

وبعد مرور 5 سنين ...

تميم : بابي چميله بنت خالو يزن اخدت اللعبه بتاعتي

چميله : هو كسر اللعبه بتاعتي يا عمو غيث

غيث بضحك : معلش يا چميله ، وانت يا تميم هجباك واحده غيرها

قدر بصوت عالي : غيث يزن حور تميم چميله يلا الأكل جاهز

حور : تسلم ايديك يا قدر بجد الأكل جميل جداً

يزن : اتعلمي بقا انا زهقت من أكل بره ، ما تتكلم يا غيث

غيث : اتكلم في أي انا كل يوم باكل احلي اكل في الدنيا وبص لقدر بحب

قدر بكسوف : بحبك

غيث بضحكه مع نظرة حب : لسه هتفضلي تتكسفي في كل مره بتقوليها بس الحقيقي أن انا اللي بحبك ، بحبك يا "قدري اللطيف"

« ساقتني الأقدار جبراً إليكِ .. فكنتي أنتي قدري اللطيف »

نستفيد اي بقا من الرواية ؟؟؟

أولاً : أن الفلوس مش كل حاجه وأنا الفقر عمره ما كان عيب ولا حرام زي ما قدر قالت وأن تفكير غيث من البداية غلط حتي لو كان معاه فلوس وربنا أمر أن ابوه يمو'ت مقتو'ل علي ايد اخوه فهو هيموت سواءً بكانسر ولا من غير كانسر

ثانياً : التفريق بين الأولاد مش يمكن رحمه كانت مفرقه بين غيث وعلي او بتظهر حب اكتر لغيث عن علي ، وعلشان كده من الممكن أن علي أصبح مدمن لعدم الاهتمام بيه

ثالثاً : أن غيث تفكيره عقيم لأن معظم الناس عايشه في احياء فقيره واكيد كلهم مش مدمنين مخدر'ات لأن ده بيرجع لتربيه ، اه معاكم البيئه بتأثر تأثير كبير لكن الأسرة تأثيرها اكبر بكتير

رابعاً : لازم أن الأهل يصاحبوا اولادهم ويكونوا معاهم ثانيه بثانيه في كل حاجه بيعملوها حتي لو ملهاش لازمه بنسبه ليك بس اكيد ليها لازمه بنسبه ليه وبتفرق معه وده علشان يكون شخص سوي وغير معقد

خامساً : "اتمني تكون الرواية عجبتكم وخصوصاً أن دي اول رواية اكتبها اكيد مش احسن حاجه بس أنا مبسوطه بيها وأنا گ أمنية بشكر كل حد قالي كلمه حلوه لأنها فرقت معايا شكراً بجد على كل حد وصل معايا لآخر الرواية وما تنسوش تقولوا رايكم"

ُمنيه_محمود