تحميل رواية «قضية طلاق» PDF

مرحبا حبايبي ..

قضية طلاق ..

بقلم Aseel ..

بارت٢٢..

بارت لعيونكم ..

......

كمت اتلوة ..واصارخ بصوت تعبان ..

محسيت غير اندفر الباب..

مشفت منو .. جان النظر مغوش وبديت اشوية اشوية افقد ..

الم بطني كان مو طبيعي .. جنت فاقدة بس احس بالم ببطني ...

صحيت واني بالمستشفى وامي فوك راسي تبجي وابوية حاط ايدة على راسة وكاعد على كرسي. . واخواني واكفين ..

رشا :ماما ..وبجيت .

ام سامر ليش ماما هيج هنت عليج .. هيج تكرهيني وتريدين تحركين دمي ..

رشا: ماما والله تعبت بعد مااتحمل .. بشر اني مو حجر... مهيمن بعد ميريدني .. خسرت كلشي اني ..

ابو سامر: يعني اذا هوة ميريدج واحنة شنو .. المن ربينة وكبرنا حتة تموتين روحج علمود شخص مصارلج سنة من عرفتي ..

مع الاسف عليج .. عبالي انت الي على كلبي..طلعت مااهمج ولا الي بكلبج مكان ..ما درتي بال لاحد ..

رشا: بابا والله اسفة .. اختنكت واحس بذنب مو طبيعي ..تعبت كل مااريد افرح لازم يجي شي يخرب فرحتي ..

سامر: دكومي كومي ام فرحة ... هية هاي المسلسلات التركية شحصلنة منها ..

خل اروح اشوف الدكتور شوكت نطلع حتة تتحضرون .

رشا: راح سامر يشوف الدكتور .. احس معدتي تخبط من وجع ولعبان نفس

ماما بطني دتموتني ..

ام سامر: لعد هينة الي سويتي .. الله يساعد معدتج على الحبوب الشاربتها .. زين ما صارت قرحة ..

رشا :صيحي احد خل يضربني مسكن ماكدر اتحمل الوجع ..

ام سامر :هاي مال غسيل المعدة الي سووه الج .. خليج هيج تتوجعين حيل بيج حتة كل متفكرين تعيدها تذكرين الوجع ..

رشا :عمي والله ماعيدها بس خلصوني ..

ام سامر : مو زين اي دوة حاليا اتحملي اشوية لا تصيرين مايعة ..شلون تريدين تصيرن ام لعد

رشا: وشجاب الام بالنص متكليلي..عمي ماريد بطلت حلو الوجع يخبل ..

درت وجهي بتعب وحاولت انام ...

اسمع ابوية يحاجي احد بتلفون بس سويت روحي نايمة اريد اعؤف شيحجي..

ابو سامر: لا حالتها مستقرة ..

اي الحمد لله لحكنا عليها باخر لحظة .

اي والله منعرف شلون نجازيك لوماانت مخابر جان ماتت وملحكنا عليها ..

ولو عندي عتاب وياه بس هلة بي .

اي بعدنة بالمستشفى..

هلة بيكم .. الله وياك.

رشا :ماكلكم كلبي شلون كام يركص ويضرب دقلات..

عرفت الي يحاجي مقداد لان بس مقداد حاجيتة اخر مرة ..

يربي يكون الي ببالي صحيح وميهمن يجي وياهم ..

اجة سامر ..

سامر :يكول خلوها تبات اليوم هنا وباجر الصبح تطلع

رشا: ليش هسة شنو ..

ام سامر: هسة عصر ..

رشا: يعني اني من البارحة لهسة نايمة ..

ام سامر :اي واحنة من البارحة لهسة كاعدين فوك راسج .

رشا :يمة حتعيريني لخاطر الله متصدكين تلكيلج شي علية .. شبيج شادة وياي هليام

ام سامر :لان تصرفاتج متعجبني ..

رشا :ماما والله مابية حيل اسولف ..اجلي العركة للبيت

اشوية واجو عيالي جان جاي مقداد وعمتي ورفل ..

ضليت اباوع وراهم بلكت مهيمن جاي وياهم ..

بس ماكو .. وصلو يمي وتحمدو للسلامة ..

رفل :انتي صدك خبلة اكو وحدة تسوي هيج علمود مهيمن ..

رشا :دنكت وفشلت لان ابوية ومقداد وخواني كاعدين ...

رفل: والله عمي مهيمن نيالك على هيج حب وين تلكاها ..

رشا :دتحجي وانفتحت الباب طبتلي ريم تركض ...

ماكلكم شنو جان احساسي بس انتو تخيلو ..يصير وياكم هيج شي .. شخص يزعل منك ويروح ومتعرف اخبارة ويطبلك فجأة...

اذكر شهكت بجي من حضنت ريم وراها طب مهيمن ..سلم على اهلي . وعيوني تركض وراه..اريد احصل كلمة منة الي ...

ابو سامر :يلة خل ياخذون راحتهم .. بلكت يتصافون ويفضونا عاد ..

مقداد :اي والله لعبت نفسي من المكالمات صرت مرسال حب بينهم ..

رشا: طلعوو ... واجة مهيمن كعد على الجرباية ..

فتحلي ايدة واني ماصدكت حضنتة وشابكة بي وابوس بركبتة .. واقوي بحضنتي واعصر بهدومة ..

عبالك راح يطير .. اشم بي وابجي .. وهوة هم جان حاضني قووي .. جانت ايد بضهري وايد على راسي شابكني بيها ..

اشهك بصوت عالي وخرني ولزم راسي ..كال .

مهيمن :ليش تعذبني .. ينطيج كلبج انحرم منج وتموتين نفسج ..

رشا: مو انت عفتني .. ماكدر بدونك مهيمن .

مهيمن: مجنت اتصور لهدرجة تحبيني ..

رشا :واكثر بعد انت روحي من الدنيا ..

مهيمن: ياروحي انتي ..

رشا: يعني سامحتني ..

مهيمن: اني مازعل منج حتة اسامحج ..بس جنت محتاج اكعد وحدي واصفي دماغي اشوية ..

رشا: ٣ اشهر واشوية لعد لو هواي شكد تضل ٣ سنوات..

مهيمن: بعد ما تتكرر.. بس ماريد بعد جذب .. نرجع لبيتنة وتحجيلي كلشي ..من البداية للنهاية.

رشا :سد الموضوع حباب.

مهيمن :اذا تريدين نسد الموضوع لازم نحجي بي ونخلص منة حتة منفتحة بعد ...حتة مااضل كل اشوية اتذكرلي سالفة واسألج ونضل هواي .

رشا: ماشي الله كريم ..

هيج انطاك كلبك متشوفني ..

مهيمن: واني اكدر ماشوفج هوة اسبوع والباقي جنت اراقبج من بعيد ..

رشا: يعني جنت هنا .. ممسافر ..

مهيمن :اول اسبوع رحت لاربيل بس مكدرت بلياج رجعت وجنت كاعد ببيتنا بس محد يعرف ردت ابقة وحدي .. بس مقداد يعرف

رشا :وانطاك كلبك تعوفني اتلوع عليك ..

لزمني من اذاني وجرها ..

مهيمن :حتة تتوبين تضمين علية شي مهم مثل هذا

رشا :اسفة والله

مهيمن: بس تدرين شغلة ...اول مرة اعرف اني عزيز عند احد لهدرجة ..

رشا: وشمدريك بية اني ردت اموت

ميهمن :جان مقداد يمي من انتي خابرتي ..

وعرفت بيج خبلة فاتصلت على سامر يلحك عليج ..

رشا: ترة زعلت منك هسة اني ..

مهيمن :وليش بالله زعلانة ..

رشا: هيج ينطيك كلبك متشوفني كل هلمدة ..

ميهمن: ترة للعلم يومية اراقبج تروحين وتجين ..بس ردت اسويلج درس .. والصراحة اني الي زعلان منج .

ليش هاملة دراستج خابروني الدكاترة يشكون من مستواج ولا محاضرة داخلة واذا دخلين تتصفنين..

رشا :ماكدر بدونك انشلت حياتي وانت ماكو ..بعد لتسويها وكمت اضرب بصدرة .. لتسويها بعد اموتك اموتك ..

ضحك وحضني .. كال..

مهيمن :يلة جيبي الصحيبة ..

رشا: ضحكت ومديت اصبعي الصغير وسوينا مثل الجهال تصاحبنا ... تصاحبنا اني ومهيمن ..

..يشهد الله لو جنت اعرف من البداية اسوي هيج حتة اشوفك ..

مهيمن :دنجبي انجبي .. دسويها بعد حتة اذا متموتين اني اموتج بيدي..

رشا :لا توبة ..بس اذا عفتني اموت روحي..

ضل وياي لليل وبات وياي والصبح طلعت لاهلي حتة الم غراضي ..

تغدينا ورجعنا لبيتنا .. بس اني ومهيمن ...عمتي اخذت ريم يمها كالت انتو اليوم عرسان وراحت لبيت مقداد ..طبيت لغرفتي شفتها نظيقة وفرشة جديدة .

رشا :هااي شنو منو منظفها ..

مهيمن: مو عيب علية عروس ودخلين لغرفة متربة .

خليت رفل تنظفها الج..

رشا :خطية ليش هيج متعبها ..

مهيمن: وانتي هم خطية تتعبين اليوم ..

رشا: ليش شكو اليوم .

مهيمن: ترة هاي دروبج مو علية ...

رشا: ههههههه ترة هستوني طلعت من المستشفى..

مهيمن :مشكلتج مو مشكلتي ..

رشا: اوكف خل اسبح خل ابدل ريحتي كلها احسها مستشفى..

ميهمن :يلة انتظرج مو تتاخرين ..

رشا: ماشي .. اخذت البرنص لان ماحب ابدل بالحمام .. سبحت وكملت وطلعت ..

رحت للغرفة لكيتة مشغل التدفئة الجو يجنن دافي مال نوم وساعة تقريبا ب١ ونص الظهر يعني جو ينعس ..

صاحني ورحتلة ...

...........

جنت نايمة على ايدة وحاضني من ورة ..

ميهمن :صايرة ضعيفة مابيج لحم ..

رشا :من الراحة غير ..

مهيمن: هيج فراكي يعذبج ..

رشا: كافي مامليت عبالك مامصدك ..كلساع هيج فراكي وهيج فراكي ..

درت وجهي عليه ...اي فراكك عذبني وموتني وضعفني وجنت مستعدة اموت ولا افاركك بعد ..رتاحيت ..

لكفني ببوسة بشفتي ودارني صعدني فوكة ..حط شعري الي نزل على وجهي ورة اذاني ..كال ..

مهيمن :الله لا يحرمني منج .. احبج ياحلى حب بحياتي ..

رشا :ولا يحرمني منك يا عشكي انت ....

........

حجيت لمهيمن كلشي طبعا بس شلت البوسة من السالفة لان يشعل جدجدي .. (مو تكولولة )

مرت الايام احلة من العسل حياتنا كلش حلوة ..

ساعدني مهيمن اعدل درجاتي وتوسطلي للدكاترة يعيدولي الامتحانات.. الحمد لله عديت المرحلة الثانية وخلصتها ...

فديوم خابرت امي كالتلي عرس عماد هلاسبوع ..

فرحت يمهم ثاني يوم حتة نبدي تحضيرات للعرس ..

رحت لاهلي واجواء فرح مو طبيعية لان لمة حبايب .. طبعا مايخلة الحجي بسالفة ليش ماحبلتي ..

اكتفي بكلمة اكمل دراسة يلة ..

مع العلم متشوقين اني ومهيمن حتة يصير عدنة اطفال بس هلشي بيد الله ..

قبل يوم الحنة اخذني مهيمن وتسوكت ورحت عدلت شعري بالصالون...طلعت عروس من جديد خاصة بهاي الفترة وزني رجع وخدودي تفحن اكثر

مهيمن متخبل على شكلي خاصة من سويت شعري اطرافة ثلجي وجان قليل الي يسوي هيج صبغ واني تجرأت وسويتة برز ويا شكلي مو طبيعي ..

رجعت بعد مااشتريت فستان  فضي قصير والظهر مفتوح .. يجنن تصميمة .. شغلة كرستال .

صارت الحنة وتونسة من صدك لبست فستاني ومكيجت سموكي اسود وحمرة حمرة ..

غيرت من لوكي اشوية .. طلعت غريبة قليل عرفوني لان ممتعودين على جرأتي

المهم طلعت ملكة الساحة .. اجت زهرة وصايرة تخبل خاصة من حملت وسمنت وحلوت اكثر الظاهر مرتاحة ويا ابن عمي ..

مصار حدث غير عادي بالحنة .. مرت بخير وسلام وونسة وسوالف ورحنا حنيناها .. طبعا مجان شكلها عبالك عروس لان متعودين على شكلها بالمكياج يعني ماكو تغيير

طبعا بغض النظر على لبس بناتهم صار منظرهم عادي ...

بس بليل من رجعنة فاجأني مهيمن من طلع بية كبل لبيتنة ..

رشا :وين مهيمن بس لا تريد تاخذني للبيت .

مهيمن :لعد افوت هلحلو مني ..

رشا :لا مهيمن عليك الله لا تسويها ..اليوم البنات يباتن كلهن مشتاقة للمتهن ..

مهيمن: يعني بربج .. ممشتاقة للمتنة صارلج اسبوع يالظالمة ماحنيتي علية ..

رشا: بس اليوم حبيبي انتة ..والله باجر بس يزفوهم ارجع وياك ...

مهيمن: لا حبي اني مسافر باجر بليل ..

رشا :وين مسافر اشو ماكتلي ..

مهيمن :اختي عذراء الي بالبصرة متعاركة ويا عيالها بيت عمي وخابرتني تبجي تريدني اجيبها ..

رشا :يا خطية .. وليش مارحت اليوم ..

مهيمن: لا عيب شلون اعوف العرس علمود زعلة مرة وعيالها .. كتلها باجر اجيج..

رشا: زين رجلها وين ..ليش ميجيبها ..

مهيمن :رجلها عسكري .. مخابرتة كايللها خل اخوج ياخذج لان يعرف امة متنطاق

هسة انتي وين وديتينا بالسوالف ..

يلة نزلي وكبل للغرفة بدون متسوين شي غير تذبين الصاية وبس اجي الكاج بالغرفة ..

رشا :ماشي يلة بس عيب من امك ..

مهيمن :امي هيج وكت بسابع نومة اطمني ..

رشا: طبيت للبيت وصعدت بوجهي للغرفة ..نزعت الصاية وعدلت شكلي بحركات سريعة وعدلت شعري ..

طب مهيمن ..

مهيمن: هذا كلة وتريدين تحرميني يا حقيرة ..

رشا :انت متبطل غلط ..

مهيمن: والله من اغلط عليج ابرد ناري الي شاعلتها .

رشا: اوووف شنو هلنار لعد الي متطفة الا بالغلط ..

تقرب مني وسحبني الة ودنك يبوس بركبتي ..

مهيمن: تعالي اشوفج النار مالتي شلونها ..

رشا :ضحكت بهمس... اخاف تشتعل ماتطفة ..

..................

كعدت الصبح ب٧ تقريبا .. طبيت سبحت وكعدت مهيمن هم ضل يبوس

كافي مهيمن ماضل وكت ..

مهيمن: شبيج بس شوية حبابة ..

رشا: اهوو يلة كوم اسبح ماضل وكت ..هم يلة نروح قبل الهوسة عيب والله ..

مهيمن: دتعالي اشبع منج واكوم عود ..

رشا :يمعود سابحة وكتلني البرد ..كوة دفيت ..

ولا كانو احجي سوة الي يريدة ..

.......

تقريبا ب٩ وصلت لاهلي ..

اشتغل الغمز والبسامير والنصب والضحك من البنات

بالكوة سكتتهن خاصة من شافن شعري مبلل وحايرة بشسوار

خلصنا تحضيرات واني لبست رسمي بنطلون قماش وسترة لون ماروني ومطعم بكرستال  لان مهيمن طلب مني هيج حتة اخذ راحتي ومااتضايق بلبس..

خلصت الزفة بخير وسلامة وزفيناهم للفندق .. ودعني مهيمن من وصلني لاهلي وكالي يومين ويرجع ..

طبعا حضرتلة غراضة الصبح حتة ميضل حاير رغم كلي انو هوة يحضرهن ..

راح ودرت مي وراه ودعيتلة يردلي بسلامة ..

طبيت للبيت وبلشنا تنظيف اني وسهام خلصنا ب٩ تقريبا .. رحت سبحت ونمت بغرفتي. .

ثاني يوم الصبح جابوهم وهم هوسة وخطاطير مافضت لليل .والي كتلني بنات خالاتها ادري مشايفات ..

مكابلاتها من الصبح لليل وين متروح يروحن وياها ..

ب٨ او هيج راحو كلهم ...هم نظفنا...

هلكت تعب ..وخطية سهام تركض للتنظيف وتركض لبناتها الي حاطتهن يم امي ..

كملنا رحت سبحت وسولفنا اني ومهيمن اشوية وكالي انو باجر بليل هوة يمي انشالله..

ثاني يوم نزلت لكيت سهام وامي ديحضرن الريوك ..جانت ب٩ تقريبا ..

التمو كلهم.. امي وابوية وسامر وسهام بس بناتها نايمات يكعدة ورة ال١٠ ..

اشوية ومنحس غير نازلة سجى بسيت نوم وردي وفوكاه روب ستن قصير .. بس شنو احس الكمة كوة طبت ..

دنك سامر وعاط...

سامر :استغفر الله يالكعبة ...اشتغلت رحمة الله ..

رشا :والي يقهر ماهتمت جتي علينة وصبحت حتة وجها مامغسلتة ..

سجى :صباح الخير .. وتتمعصر بجسمها مال نوم ..

سهام :تعالي سجى وياي ..

رشا: طبعا سهام كامت عليها بعد ما سامر شمر خبزتة بالماعون واستغفر ربة وطلع ..

................

يتبع ...

لا تنسون التصويت .. والدعم ..

وعلى كولة سامر اشتغلت رحمة الله .. صوتو حبابين

يعني المشاهدة تعبر ال١٥٠ والتصويت بس بالعشرينات حتة الكائنات مترضاها ...

احبكم ...

تحياتي Aseel.

♥️♥️♥️

مرحبا حبايبي ...

شلونكم ..

قضية طلاق ..

بقلم Aseel..

بارت ٢٣...

.........

سجى :صباح الخير .. وتتمعصر بجسمها مال نوم ..

سهام :تعالي سجى وياي ..

رشا: طبعا سهام كامت عليها بعد ما سامر شمر خبزتة بالماعون واستغفر ربة وطلع. وابوية كذلك وكال لامي ..

ابو سامر: علميها على طبعنا ماريد اسوي شي ميعجب

سحبتها سهام

من زندها بس بخفة .. وهية هدت ايد سهام وعاطت ..

سجى: اووووي شبيج شكو .

سهام :انتي ماتستحين تطلعين هيج كدام سامر ..

سجى :والله محد كلة يباوع اني هذا لبسي..

امي راحت عليهن بعد ماسمعت جواب سجى.

ام سامر: شنو محد كلة يباوع عيب هلحجي ترة انتي كاعدة ببيتنا وواجبج تحترمين طبعنا .. اذا انتو عدكم عادي التشلح كدام لزلم هنا بيت محترم ..

سجى :يعني قصدج اني اتشلح كدام الزلم .. والله عيني كلمن يشوف الناس بعين طبعا ..

سهام :ايا طايحة الحظ شلون تردين عمتي هيج .

سجى :لا بالله (بس جرت الكلمة ) وانتي شنو يمة ..

سهام :احترمي نفسج ترة انتي اول يوم ونكول متعرف طبعنا بس تأدبي عيب ..

سجى :وانتي منو حتة تعلميني العيب يمة ...

ام سامر :صعدي سجى بسرعة بدلي ملابسج ونزلي مثل الاوادم ..

سجى :ترة اني بس رجلي يحكمني .. وما ابدل لحد ماهوة يكلي ..

ام سامر :(عاطت ) ادبسزز ..شنو هلاخلاق هاي ..امشي ولي صيحيلي رجلج ..

سجى : اي ليش لا.. اصحية عليكم .

ام سامر : اللهم طولج ياروح ...

رشا: طبعا اني جنت ماخذة دور الصامت لان اعتبر نفسي خطار وسهام كفت ووفت .. بس انصدمت من الحقارة الي شايلتها هاي اول يوم هيج وتعاند باجر شلون ..

هاي مستحيل تعاشر امي لو امي تقبل بيها جنة ...

اعرف تاليتها لو هية مخبلة امي لو امي مخبلتها ..

راحت ونزلت العيون حمر وعماد يهدي بيها ...

والمصيبة ما مبدلة ...

نزل هاد على سهام ..

عماد: انتي نعال انتي شنو وتتجاوزين على سجى .

سهام :احترم نفسك شنو نعال .. عندي اسم ..

وبعدين مرتك نزلت بروب النوم ليجوة وخلت سامؤ وعمي يكومون من ريوكهم بسببها ..

عماد: وانتي شلج دخل ترة كلج خلك جنة بلبيت مثل مانتي تحاسبين هية هم تحاسبج ..

سهام :اني مغلطانة بشي حتة احد يحاسبني محترمة نفسي بلبسي ولساني ..

ام سامر: اشو انت جاي هاد بدون متدري شكو ترة مرتك تجاوزت حتة علية وسهام دافعت ...

وسهام مو جنة سهام بنتي مثل رشا ولا فد يوم اعتبرتها جنة ..والها الحق تسوي الي يعجبها والي ميعجبة يولي من هذا البيت ..

عماد :سهلة .. بسيطة انتي (يأشر على سهام )

اذا ما اطلعلج كلب ..

سهام: عماد ترة هواي تجاوزت وساكتة لخاطر سامر ..

عماد: دولي انتي وسامر .. ويمة حطيها ببالج هذا بيتي مثل ما بيت سامر .. الي حصة بي وغصب ع الكل باقي بي.

ام سامر :يبوووو ولك ابوك عدل وتدور حصص.. لا غسلت ايدي منك انت دماغك فاري فر ...حسبي الله ونعم الوكيل بس.

عماد: يلة سجاوي بدلي وسويلي ريوك من ايدج الحلوة ...

سجى :تدلل حبيبي..

رشا: راحت تسوي ريوك ولا كانو سوت مشكلة وامي عصبت وطبت لغرفتها من شافت تصرف عماد الا مبالي ..

مر اليوم عادي مثل كل مرة ...

وسجى مانزلت بعد حتة الغدة نزل عماد صعدة الهم ومن كملو نزل هوة الصينية ..

الظاهر مغسول الولد ..سهام انهضمت من عماد حيل بس ماجابت سيرة لسامر حتة ما يتعارك ويا اخو بسبب نسوان ..

بلعتها وسكتت لخاطر امي الي راح تموت من القهر

لليل اجة مهيمن كعد سلم على اهلي .. وصبيت جاي ونزلت سجى هية وعماد لابسة دشداشة لزك كل تفاصيلها مبينة مهيمن سلم ودنك لان عيب يرفع عيونة بعد وهية كاعدة كبالة  ..كعدنا سوة كلنة ..بس ضلت تحوص عبالك فلفلت دودتها ...

ماطول مهيمن وترخص جنت متحضرة لابسة بنطلون وقميص .. ومحضرة جنطتي ..سلمنا وطلعنة

بالسيارة ...

مهيمن : ولج مشتاقلج

رشا: حتة اني مشتاقتلك كلش حيييل هواي ..

مهيمن هاي شلون صايرة ..

رشا :يعني حيل هواي كلش كلش..

مهيمن: هوة اني فهمت الاولى حتة افهم الثانية ..

رشا :يبوووو علية عمي مشتاقين بكدك واكثر .

مهيمن: اي هيج كوليها ..

رشا: ههههه ماكتلي شسويت على سالفة عذراء ..

مهيمن: جبتها وياي ..لحد ميرجع رجلها ويشوفلها حل هاي مرت عمي متنطاق ...

اول ماوصلت ضلت تلعلع .. والله لما درب بعيد وتعبان جان جيت بنفس اليوم ..بس خفت اسوي حادث ..

رشا :هههههه يعني استقبلتك بالاحضان ..

مهيمن :اي شلون احضان كلاص مي ماشربت كوة بس طلع الفجر دكيت على عذراء نزلت حتة ماكلنالهم رايحين ..

رشا: يعني لهدرجة صعبة عمتها ماتتحمل يجي رجلها وتتفاهم ويا ليش هيج تطردها ورجلها ماكو ..

مهيمن: ترة لا عبالج كل العمات مثل امي وامج .. ترة اكو عمات ياكلن بشر من الوكاحة ..

بس الصراحة اختي هم مو قليلة ترادد ولسانها طويل ..

رشا :يعني الغلط بيمن هسة باختك لو بعمتها ..

مهيمن :ثنينهن يكولن هية العالت .. بقت يم الله هوة ادرى

رشا :ضلينا نسولف ووصلنا للبيت نزلت وطبيت سلمت عليهم ..

عذراء ما ملتقية بيها غير مرتين بس من تزوجت لهسة لان بصرة وطريق بعيد ..

سلمت عليها ووياها ولدها ثنين يطع عمرهم ١٥ و١٣

يعني ماشاء الله شباب شكو زعلانين ويا امهم ..

سلمت وكعدت وياهم وترخصت حتة اروح اسبح وابدل ..

صعدت طبيت للغرفة شبكني ميهمن من ورة لان جان واكفلي ورة الباب..

ميهمن: لزمتج ... ولج صارلي بالساعة مسموط جدي انتضرج هنا ادري حمضتي يمهم ..

رشا :والله استحيت اعوفهم .. شيكولون علية

ميهمن: يكولون مشتاقة لرجلها ..

رشا :منو يكول ..

ميهمن: اني اكلج هسة ..

...............

ثاني يوم نزلت كالعادة ابدي يومي ..واسوي ريوك ..

التمو على الريوك ماكفة الميز ففرشت بالكاع ..

عذراء :لعد اشو ماحبلتي ..

رشا :فزيت من سؤالها المفاجأ بدون مقدمات ..حتة مهيمن فز ..

شنو .

علت صوتها

عذراء :دكلج اشو ماحبلتي لعد ..

رشا :بيد الله خالتها على الله ..قاطعني مهيمن

ميهمن: رشا عدها دراسة حاليا تلحك على الخلفة ..

واني مامستعجل اريدها تاخذ الشهادة وتتفرغ للجهال ماريدها تتعب ..

عذراء: يااا شلون خلفيلج ولد على الاقل يكون سند الج ..

مهيمن :اي مو شفنة السند مالج بكبر الثور واجو وياج لان يخافون ... يهي يالله ..

عذراء :مشكور اخوية هيج ولدي ثكال عليك ..

مهيمن: اني ماقصدت ثكال بس عيب واحد بطول الثور وجايين ويا امهم زعلانين ولج الي بعمرهم يرد حق امة مو يبجي يكوللها لا تعوفيني ..

رشا :ولدها مو يمهم السالفة ياكلون ولا عبالك عليهم الحجي محد رفع راسة من ماعونة ..

عذراء: لان مرت عمك ماترحم اذا عفتهم ..

رشا :كملنا ريوك وكامو كلهم ..

خلصت شغلي وحطيت الغدة وصعدت امدد اشوية ..

طب مهيمن يحضن ويشبك ..

مهيمن :لا تزعلين حبيبتي هية هيج حجيها متفكر بالحجي كبل تطلعة ..

رشا: لاوالله حبيبي موببالي اصلا ..

بس مددت شوية احس رجلي راحت من الوكفة بعدني بتعب العرس ..

مهيمن: حبيبي اطلب منج طلب عنوني..

رشا :كول حبيبي.

مهيمن: اريد شتحجي عذراء تطببي منا وتطلعي منا (ويأشر على اذني ) تحملي لخاطري هية كم يوم عما يجي رجلها ويشوفلها حل ..

رشا: لخاطرك كلشي اتحمل ..

ميهمن: يمة فديت ام الخواطر ..تعالي احاجيج..

رشا :طفرت قبل لا يلزمني .. الغدة حيحترك ..

ميهمن: دتعالي مو جدي احترك ..مو الاكل ..

رشا: بس اطفي واجي ..

مهيمن :لتخافين طفيتة واجيت حاسب حسابي ..

دتعالي مو شلعتي كلبي .

............

طلعت من الغرفة وركضت للحمام اسبح ..

من طلعت من الحمام لاكتني عذراء ..

عذراء :اووع شهلعبان النفس .. متشبعون .

رشا :ليش شسوينا ..

عذراء: والله على سبحكم جان هسة مخلفين درزن جهال ..بس لعبان نفس ماكو نتيجة ..

رشا: عفتها ومشيت للغرفة ابدل ..بس حيل انهضمت منها ..

ميهمن: جان يلعب جهازة شافني بالمراية ملامحي سيطر عليها الحزن ..

اجة يمة ودارني عليه ..

ميهمن :شكو شبيج منو وياج ..

رشا :ماكو احد .. ودنكت ..

مهيمن :اكيد عذراء مو .. هم سمعتج كلمة ..

رشا :ماحجيت ضليت ساكتة ..

مهيمن :على الجهال مو ...اني مو كتلج لا تهتيمن تحمليها خطار وحتروح والله هية طبعها هيج لسان بوخة صدكيني بس كلبها ماكو اطيب منة ..

رشا :اني ماحجيت شي ليش هيج تحجي ..شفتني جيت شكيتلك شفتني حجيت شي ضوجك ليش تكلي لا تهتمين شفتني هتميت ..

جنت احجي مادري بروحي دموعي تنزل واحجي ..انتبهت من مسحهن مهيمن وحضني ..

مهيمن :ليش تبجين يابعد روح مهيمن .. انتي مرتي وهية اختي

رشا: مهيمن والله مامهتمة انت مكبر الموضوع ترة انتي دتخليني اهتم بهيج سوالف ..

مهيمن: يلة سدي الموضوع حبيبي .. وكملي وصبي غدة وصيحيني عما اسبح ..

رشا: من عيوني ..

مهيمن :هوة شخبلني غير عيونج اني ..

رشا :عفتة ونزلت .. مجنت متقصدة اسمع بس صوتها جان عالي ..

عذراء :يمة حتخبليني صارلهم اشهر متزوجين ولهسة ماحبلت اذا ماطلعت عاقر تعالي عاتبيني ..

ام مهيمن: شنو هلحجي هذا عيب ماما البنية عدها دراسة .. ومهيمن عاجبة الوضع شسويلة ليش ادخل بحياتة ..

رشا :دخلت للمطبخ وسويت روحي ماسمعت ..

صبيت غدة وصحت لمهيمن حتة يتغدة حاولت مابين ... قاومت بحيث حسيت دموعي حتطلع من خشمي من كدما تنكت .. عيوني تغوش وارجع افركها حتة متنزل دمعتي .. واني اذكر تكول علية عاقر ...

مرت يومين وعذراء تكوم وتكعد تسمع حجي فلانة حبلت وفلانة جابت ..

بيوم كاعدين ورة العشة نتعلل فتحت موضوع ..

عذراء :اكول مهيمن متاخذ رشا لدكتورة (.....)

يكولون تفهم بسوالف تاخر الحمل ..

مهيمن :وليش شعدنة رايحيلها ..

عذراء :ترة مبينة الشغلة من رشا والا انت حبلت نور من ليلتها ..

رشا :يبووو يدموعي الي فضحني ..ماتحملت كمت ..

شلون بشر هاي .. متحس ..

طبيت لغرفتي واطلقت الحرية لدموعي كمت اشهك وابجي ..

اجة مهيمن وجهة احمر من الاعصاب ..

مهيمن :عليج الله لا تضوجين حبيبتي .. خلتولي ماريد اطفال عندي انتي وريم تسوون الدنيا ..

رشا :مهيمن اني اريد اروح .. اريد يصير عندي طفل مليت اكابر .. اريد اشوف ليش .. بية علة لو لا ..

تعبت من البسامير وحجي النسوان ياهو الي اشوفها ليش ماحبلتي .. خاف متحبلين .. خاف مسويلج عمل .. خاف بيج علة ..

تعبت ياناس .. يعني مصارلي كم شهر هيج كامو يحجون اهلك .. بعد سنة لو ثنين يمكن يزوجوك ..

مهيمن: باجر اخذج حبيبتي لا تضوجين يعمري انتي ماريدج تبجين لهذا السبب .. ..

رشا: تعبت مهيمن والله تعبت ..

مهيمن: تعالي يروح مهيمن تعالي نامي ..

رشا: جرني ووداني على الجرباية ومددني نمت صفح ..راح طفة الضوة وجاب غطة ومدد بصفي وغطانة ... ضل يمسد براسي لحد ماغفيت ...

.......

ثاني يوم العصر رحنا لدكتورة الي كالت عليها عذراء طبعا بعد جر وعر وتحاليل وسونارات..

طبيت للدكتورة ...

كعدت وحجت ..

الدكتورة : شوفي ماما انتي عندج تكيس بالمبيض وهوة هذا سبب تاخر الحمل ...

رشا :يعني مااخلف بعد ..

الدكتورة: لا ماما بس يرادلة علاج .. ووقت طويل يلة تحملين لان من زمان عندج وانتي مامنتبهة لروحج ..

رشا :شكد يعني .. يعني ياخذ سنين ..

الدكتورة :حسب استجابة جسمج للعلاج والباقي على الله .. كتبتلج دوة استمري عليه والشهر الجاي تعاليلي انعيد التحاليل ونشوف الاستجابة ..

رشا: مشكورة دكتورة ..

الدكتورة :العفو ماما..

رشا :طلعت والعيون احسها طلعت من كد الاحتقان ..

ماحجيت شي انطيت الراجيتة لمهيمن واني صعدت بالسيارة احس عيوني نار وبطني تلويني ..

حطيت عكسي على الباب ورجيت ايدي على خدي.

بجيت بدون ماارمش .. بس دموعي تجري...

اجذب اذا اكلكم ماخفت لا والله خفت وخفت حيل هم .... افكر اخاف عذراء تضل تزن براسهم وتخلي يتزوج ...

يمة اموت والله ولا اخلي مرة تاخذة مني احركهم بليلة العرس ..

حسيت على ايد مهيمن تمسح خدي ..

ماحسيت عليه من طب للسيارة . .. لان جنت مشغولة اخطط شلون احرك مهيمن ومرتة الجديدة بس قطع سلسلة افكاري اليهودية ..

مهيمن :شبيج شكالتلج الدكتورة ..

رشا :كتلة على حجي الدكتورة واني ابجي بهدوء ..

ماشهكت وانرعصت مثل كل مرة ابجي بيها ...

مهيمن :لعد ليش تبجين .. كالتلج استمري وهاي هية ..

مصارت .... اسفرج وافررج دكاترة العالم .. بس لتضوجين 

رشا :اخاف تتزوج علية ..

مهيمن :هههههههه وعلى هاي تبجين يخبلة .. هوة اني شعندي غيرج ...

والله تخسى مرة تاخذ مكانج .. انتي هنا (ويأشر على كلبة ) متربعة ومددة وتتمرغلين بكيفج هم ..

رشا: هههههههه يعني شلون اتمرغل ..

مهيمن: فدوة لعمرج اضحكي لا تضوجين .. اريد اشبع منج قبل لا يصير عدنة طفل وتهمليني ..

رشا :من هسة اشتغلت الغيرة ..

ضلينا الطريق كلة نسولف وكدر يغير مزاجي مثل كل مرة ... رحنا وفررني بالسيارة بدون ماننزل بس هيج ..

وراها رحنا للكرادة وتعشينا بالسيارة وبردنا بموطة واخذنا ويانا موطة سفري الهم ..

وصلنة للبيت وطبينا جانو يتعشون طبينة وسلمنا ..

عذراء :ها متتعشون خوش عشة يفوتكم ..

رشا: بالعافية تعشينا قبل لا نجي ..

عذراء :لازم النتيجة تبشر اشوف وجوهكم تضحك ومعشيج برة ..

رشا: حجيتلها على سالفتي اشو هاي لطمي على صدرج ..

عذراء: عزة العزاني ....يمة مهيمن سودة علية .. راح يضل طول عمرة على ريم لاعندة ولد يشيل اسمة ولا يسندة ..

مهيمن :هيييييي شبيج حولة متسمعين ... كنالج مرض ويطيب مو عقم .. شو مدري شلون تحجين انتي ..

ام مهيمن: يعني اكيد اكو امل .. لو تضحكون علينة ..

مهيمن: يمة شنضحك عليج ..تعالي باجر ويانا وناخذ التحاليل لغير دكتور وسمعي بأذنج .

ام مهيمن: لا يمة عليمن .. طالما القاضي راضي الحكام شعليهم ..

مهيمن: يمة شبيج كافي عاد رحموني ورحموها عود هاي انتي المتدينة وتخافين الله ..يعني متعرفين الطفل رزق مو بيد بشر ..

ام مهيمن :وشبيك كمت ترجف عيني على مرتك .. شحجينا .. عمي اسفين نعتذر ..

مهيمن: يمة مو قصدي بس اني اعصابي مشدودة وانتي تزيديها علية ..

رشا :كمت ورحت للغرفة طلعتلي هدوم وكبل بوجهي للحمام ..كمت ابجي بدون صوت ... طلعو العشة سم علينة ..

ربي شوكت اتمم فرحتي تعبت .. لازم ابجي .. متمر ضحكتي على خير لازم ابجي ..

خلصت وطلعت بوجهي للغرفة لفلفت روحي بالبطانية ونمت على السبلت ...

اجة مهيمن :سويت روحي نايمة .. بدل واجة حضني ونام .. هوة جذاب واني جذابة ثنينة منايمين ..

وواحد يدري بالثاني جذاب بس مغلسين ..

بعديت صدك غفيت ..ثاني يوم مر عادي بالنسبة الي صار البسامير بفلس حتة عمتي انكلبت علية من ورة عذراء ..

صار الها ١٠ ايام والمفروض اليوم رجلها ينزل .. يعني كبل لاهلة .. وثاني يوم يجي عليها بعد ميشوف حل

ماكللكم شلون شعوري من عرفت حتروح بودي اشد وصلة واركص .. راح ارجع لحريتي ..

مماخذة راحتي من يوم الي اجت .. حتة لبسي غيرتة لان ولدها مو راحة واكثر من مرة انتبهلهم حركاتهم مو حلوة مال اكبر من عمرهم ..

يعني من امسح وادنك الكة واحد منهم صافن علية ..

لو من ادنك اشوف الثاني يرفع راسة بلكت يلمح شي من صدري بس اني ادري بهاي السالفة لذلك البس رياضي جوة الملابس حتة من ادنك ميطلع شي ..

اجة ثاني يوم وماخليت شي ماطبخة لرجلها .. في سبيل اخلص بلكت ياخذها ..

اجة وسلمو  وغدة وجاي ...كعدو يشوفون حل ..

جنت اسمعلهم من المطبخ الصوت مسموع ..كلهم يمة .

مهيمن: سلام وتالي ويا امك .. يعني مو عيشة هاي يومية كابة العيطة .

سلام: يعني مهيمن شسوي ١٠٠ مرة كتلها لاختك من تسمع امي خل تعبرلها امي مرة جبيرة وتحجي هسة اذا حجت حينقص من عمرها ... بس شلون ست عذراء لازم ترد اعتبارها ..

عذراء: لعد اسكتلها من تغلط علية ..

سلام :يعني عجبج الوضع هسة .. من انطردتي واني ماكو ..

عذراء :وشقررتو هسة عيني هم ارجع للضيم ..

مهيمن :عذراء اسكتي وخل يسولف .. وخزرها .

سلام :تعاركت وياهم وطلعت ..شلون يقبلوها يطلعون مرتي واني ماكو ..

مهيمن :وهسة شلون وين حتروحون لعد ..

سلام :ولو نزحمك نبقة هنا لحد ما اشوفلي بيت وانقل غراضي لان بعد مالي رجعة ..

رشا :يمة اني سمعت هيج اني انخمط كلبي ..

لا يالله .. لا يالله يعني انوب رجلها وياها .. مكافي ولدها الي مقيديني ..

يلة الله كريم اتحمل ..

اجة مهيمن ..

مهيمن :حبيبي انتي وعذراء نظفن الغرفة الجوة جتة منا وهيج ينامون بيها هية ورجلها وولدها بالاستقبال ..اخذي المفتاح من امي ..

رشا: مااشي حبي .

مهيمن:  خما ضجتي ..

رشا :ليش اضوج حبيبي بيت ابوها هذا بس خفت لان راح اتقيد اشوية ..

مهيمن: لا حبي مو سوية هواي تقيدي ..

رشا: يعني شلون ..

نصة صوتة ..

مهيمن: رشا ابد لا تطلعين كدام سلام لان عينة فارغة ويباوع على النسوان .. وماريد يباوع عليج لان يجوز اذبحة ..

رشا :يعني كاعد ابيتنا ويباوعلي شنو هلصلافة ..

مهيمن: ماكلج يباوعلج اكيد بس ماريدج تفترين كدامة وابد ابد لا تنطين وتاخذين وياه بالحجي ..

رشا: من عيوني حبيبي تامر امر ..

مهيمن: يلة فدوة استعجلي خطية مبين تعبان ..

رشا :ماشي يلة ...رحت لعمتي واخذت المفتاح وبدينة نرتب ونظف اني وعذراء .. وفرشناها ..

وصاحتلة ينام .. بعد ماحطتلة مروحة ارضية بين ميسوي مهيمن المبردة بليل كال لان مدعندة شغلة ..

صعدت لغرفتي طلعتلي هدوم وسبحت اخذتلي كسرة صغيرة واجتني ريم ..

ريم :عمة عمة ...عمة

رشا: ها حبيبتي ..

ريم: بيبي تكول نزلي سويلنا عصرية ..

رشا :يلة جاية ..

كمت بتململ .. هسة مو بنتها يمها متكوم تسوي لرجلها ..

كمت وامري لله .. لبست دشداشة اشوية بيها عرض ونزلت ..

سويتلهم جاي وطلعت كعك ..

حضرت الصينة وطلعت سلمت على سلام رجل عذراء جانو كاعدين بالحديقة ..

حطيت الصينية ودطب جوة صاحتني عمتي كالت

ام مهيمن :وين تعالي ويانا على الواهس .

رشا: لا عمة شبعانة ..

ام مهيمن: دتعالي مهيمن وماكو عليمن خاتلة بغرفتج تعالي محد غريب .

رشا :رجعت كعدت يمهم .. بس فد مزعج هذا سلام ..

يعني يسولفن وعينة علية ..

كمت كعدت بسد عمتي يعني ميكدر يشوفني الة يحني راسة ..

متحملت ترخصت وكمت ..

رحت وكفت على السنك لكيت مواعين مدري منين مع العلم نظفت وصعدت ..

دغسلهن احس نفس حار وراية انداريت لكيتة سلام واكف بظهري ..

سلام :اسم الله شبيج ..بس اريد اغسل ..

رشا :تفضل عفتة وصعدت لغرفتي .. صوجي نزلت

..........

يتبع ...

تحياتي Aseel ..

لا تنسون التصويت والدعم فديتكم..

هم كولو قصير ... عوضتكم ترة ..

احبكم يابعد كلبي وقلاقيلة ...

😍😍♥️♥️

مرحباااااا شلونكم ..

قضية طلاق ..

بقلم Aseel..

بارت ٢٤...

_________

رحت وكفت على السنك لكيت مواعين مدري منين مع العلم نظفت وصعدت ..

دغسلهن احس نفس حار وراية انداريت لكيتة سلام واكف بظهري ..

سلام :اسم الله شبيج ..بس اريد اغسل ..

رشا :تفضل عفتة وصعدت لغرفتي .. صوجي نزلت

طبيت للغرفة وكلبي يدك سريع من الخوف ..هذا الكلب خرعني ..

ضليت بالغرفة لليل لحد مااجة مهيمن .

ميهمن: هاي حبيبي شو هنا ..

رشا: مانزلت انت مو كتلي لا تشوفين وجهج لسلام ..

وهوة بالبيت ماريد اتصادم ويا .

مهيمن :يلة تعالي ننزل حتة نتعشة جبت عشة وياي ..

رشا :ماشي حبيبي روح واني اجي وراك ..

مهيمن: لا ننزل سوة يلة .

رشا: ماشي ...

نزلنا وبوجهي للمطبخ .. حضرت السفرة وسويت زلايط وحضرت كلاصات ..

اجة مهيمن اخذهن .. فرشو بالصالة ..

رشا: مهيمن اني ماريد اتعشة مارتاح بوجودة اللكمة متطب .

مهيمن :كعدي بسدي ولا تباوعين عليه .. تحملي ياروحي عيب من اختي خطية وين تروح ..

رشا :تمام .. اغسل واجي ..

مهيمن: يلة حبي راح احجزلج بصفي ..

رشا :غسلت ورحت كعدت يم مهيمن وهوة جان كاعد بصف مهيمن بالجهة الثانية .. يعني مهيمن حاسب حسابة لكلشي بحيث ميكدر يسوي شي لو يباوع ..

كملنة عشة وراحو الولد بالاستقبال ...

عزلت المطبخ .. واشوف عذراء تطب وتطلع تنافخ ..

رشا :شبيج عذراء محتاجة شي..

عذراء: هاي لعايزة انوب .. بكيفي بيت ابوية شريد اسوي..

رشا: شبيج اني شحاجيتج .. كتلج محتاجة شي ماكتلج ليش تفترين ..

عذراء :عوزج حتة مااكلب البيت عليج .

رشا :عذراء شبيج .. اسفة يلة اعتبريني محجيت شي ...

عفتها ورحت صعدت ...قهرتني الحقيرة ..

مدري شبيها فيوزها ضاربة كامت تشمر حجي عامي شامي ..

رحت نيمت ريم وغطيتها وطلعت وبعدين غسلت وتحضرت لمهيمن ....

اتاخر لل١ يلة صعد .. كبل لف راسة ونام ..

رشا :هنودي .. حبيبي.

مهيمن : همممم ..

رشا: شبيك حبيبي ..

مهيمن: مابية شي بس نعسان ومالي خلك ..

رشا: شبيك يعمري.انتة.... منو وياك حاجيني ..

مهيمن :رشا عوفيني هسة من اهدئ اسولفلج كلشي ..

رشا: دنام حبيبي ...

مدد بحضني وضليت العب بشعرة لحد ماغفة ..

ملامحة مبين عليها مزيج بين الحزن والغضب والهم ..

معرفت شبي ... اول مرة يصعب علية فهم مهيمن ..

حضنتة ونمت ..

كعدت ثاني يوم نفس الروتين اكعد اول وحدة ...

احضر الريوك واكمل الشغل بين ميكعدون حتة بس يتريكون اني اغسل المواعين واسوي غدة ..لان يتاخرون بالكعدة واني متعلمة اكعد الصبح ..

كملت ونزل مهيمن وصبح علية ..

واشوية اشوية التمو ..

بس انتبهت طول الكعدة محد حجة ياكلون بهدوء ..

كملنة ومر اليوم عادي ..

مرت يومين نفس الحالة ..

بعدين اخر شي من صعدنا دنام ..

رشا :مهيمن حتضل هيج .. احجي شمضوجك ياعيوني ..

مهيمن: تعبان يارشا .. حاير منين ماجيبها سودة مصخمة ..

رشا :اسم الله شبيك حبي..

مهيمن: .. تدرين عذراء شتريد ..

رشا :شبيها ..

مهيمن: تريد تسكن ويانا تكول الي حصة بالبيت وتريد تجيب رجلها ابو النسوان ويانا ..تعبت لا بيدي اكلها لا لان بيت ابوها .. ولا اكدر اكلها اي لان رجلها مو راحةويومية حيجيبلنا طلابة ..

رشا: زين ليش متبني بالحديقة الي ورة البيت كلش جبيرة وهم ينعزلون عنة ..

مهيمن: عبالج مافكرت بيها .. تدرين شتكلي..

رشا :شتكول ..

مهيمن : تكولي شنو تريد تخلي بيت شكبرة شكدة لمرتك هم ياريت عندك ولد شي حتة نكول ميخالف هية بس بنية وباجر تتزوج تبقة انت ورشا بي..

وامي اذا تمرضت منو يداريها وانت ومرتك دوامات ..

رشا :لهدرجة حاقدة علية والله مامسويتلها شي..

مهيمن :رجلها يوسوسلها والة هية ماعدها هيج سوالف بس من تزوجت سلام انجلبت ..

رشا :زين امك شتكول ..

مهيمن: ماتقبل امي لان تعرف رجلها مو راحة بس كالت خليهم هنا فترة لحد ماتصفة ...

رشا :عذراء درت بقرارك ..

مهيمن :اي درت وكلبت وجهها علية هية ورجلها فوكاها هية ام الراهي دنكللها يابة مرتي غريبة ميجوز يكعد ويانا ..

تمد لسانها شطولة وتلعلع خايف على ست الحسن من حورها من جمالها هلعاقر لو بيها حظ جان خلفتلك ولد يسند كبرتك ..

والله عمي حقها عمتها متريدها مجنت متصورها لهدرجة وكحة..

رشا :عوفها حبيبي على الله هية تصفى ..

مهيمن :المشكلة اخاف تحاربج الج حتة تخليني اقبل.

رشا: حبيبي الله موجود وانت هم ..لتخاف علية اتحمل كلشي منها لعيونك ..

مهيمن :اروح فدوة لعيونج .. كومي طفي الضوة وتعاليلي مشتاقلج صارلي يومين مامرتوي منج ..

رشا: انت الي مالك خلك والا اني انتظرك...بس انت تجي كبل تنام ..

مهيمن: وهسة منتظرتني لو لا ..

رشا: لا ..

مهيمن: تعالي احاجيج لعد ..

..................

مر كم يوم والوضع كما هوة .. محد يحاجي الثاني ..

وفعلا كلام مهيمن كامت تحاربني ..

توصخ البيت وتعوف المواعين بالسنك ..من انظف واصعد بليل اصبح الصبح ماكو ماعون نظيف .. حتة عمتي كلبت علية ..

خواتها من يجن جيتهن خفيفة ياكلن حتة مواعينهن يغسلنهن الا هاي .. شادة وياي حييل ..

واكثر من مرة يحجن وياها حتة تشيل وصخها بس ماكو ويا حايط ..بس تكتفي تكول ..

عذراء :والله بيت ابوية اجي بي معززة مكرمة ..

شريد اسوي عسما افلشة هسة محد يحجي..

رشا :اسمعها واعرف قصدها تسمعني لان عبالها اوصل الحجي لمهيمن ..

فديوم نزلت بليل للتواليت ..

سمعت صوت بغرفتهم وسمعت اسمي بالنص ..

ماجذب واكلكم ماصار عندي فضول حتة اسمع..

سلام :دصيري مثلها شوفي شلون تهتم بروحها ..

عذراء :طبعا تهتم لان لا خلفة ولا شي حتة تركض وراه وحتة ريم كلة على امي ..

سلام :عوفج من الخلفة هسة هم شفتيها فديوم ضلت على نفس لبستها لخاطر الله يومين صارلج بنفس الدشداشة هم الواحد تبزع روحة ..

عذراء :يعني قصدك وصخة اني ...وهذيج نظيفة ..

سلام :مادكلج وصخة بالعكس ريحتج طيبة وتخبل بس هاملة روحج اشوية اني هم الي حق عليج اريد اشوف مرة تهتم بية.. والله عمي هنيالة مهيمن ..

عذراء: انت شنو بس لا حاط عينك عليها ترة افكسها لعينك ..

سلام: دنامي نامي .. .

عذراء :نام انتة ..

........

رشا :ركضت كبل للحمام قبل لا تطلع ..

عزة هذا منتبه لكل تفاصيلي حتة لهدومي ..هذا يخوف صايرة ..

اشوف عذراء شادة وياي اثاري يقارنها بية ..

كملت عسريع وطلعت .. وكبل بوجهي للغرفة بس شنو احس كلبي طبل من الخوف ..

ثاني يوم قررت اروح لاهلي مرايحتلهم من زمان من السبعة مال عماد وهم طلعت سم ورجعت ..

مهيمن وصلني بعد ماستأذنت من عمتي ورحت

ذبني بباب البيت .

رشا: لعد.متنزل ..

مهيمن: لا من اجي اخذج اسلم عليهم هسة عندي شغلة مستعجلة وهم دسوي اوراق التسجيل مال ريم احضر كلشي حتة الصبح كبل اروح اقدم

رشا: ديلة حبي على راحتك

نزلت وهوة راح ..

طبيت للبيت جانت ساعة تقريبا ب١١ ...

كبل فتحت الباب وطبيت .. دخلت للمطبخ هدوء والاكل يتهدر .. دكيت الباب .. واصيح ..

رشا :يااهل الدار .. متريدون خطار ..

طلعتلي سهام تتلكاني مثل عادتها ..بوستها وطلعت امي هم سلمت عليها..رحت بدلت وجيت ..

كعدت على الميز .. ويسولفن ..

سهام: ماكلتي حماتج شوكت تروح لعد ..

رشا :يمعودة سكتي لا تذكرني كلبي خلصان لعبت خلقة بية ..

ام سامر: ليش يستار شكو ..

رشا: يمة موتتني .. بس تناكر وتبسمر ..

والوصخ لا كلج ولا تكليلي ريم انظف منها والله جزعتني

ام سامر :يمة تحملي بيت ابوها يعني المرة شعدها غير بيت ابوها بعد بيت رجلها تروحلة ..

رشا: يمة هية اتحملها بس رجلها مو راحة عوينجي حسرة علية افوت من يمة يفصلني تفصال حتة اكلي قل من وراه لعبها لنفسي .. .

سهام :يمعودة هونيها تهون .. خليها على الله تصفى متضل هيج ..

رشا :انشالله ...

صبتلي جاي .. وكعدنة نشرب ..

رشا: لعد بناتج وين مالهن حس ..

سهام :مكابلات طيور بيبي وخانسات عليهن .

رشا :فدوة لطولهن ..

سهام: شالعات كلبي ديطلعلهن سنون وبس سهال موتني ..

رشا :مو كتلتي روحج على الجهال ..هذا الجاهل ..

سهام :يمة اتحمل كلشي منهن ولا لوعة ال٥ سنوات..

رشا: الحمد لله الله عوضج بيهن وانشالله يزيدون بعد ..

دنحجي ونزلت سجى لازمة بطنها والايد الثانية ظهرها ..

شفتها من بعيد ..

لا تكلولي سجى حامل ..

سهام: اي شمدريج ..

رشا :ضحكت .. ولج لازمة ضهرها .

سهام :ولج البارحة حللت ..وطلعت حامل .. حتة بعدة الطفل نقطة ..

ام سامر: يمة عوفنها ختولي لتحطن بالجن وياها .تروح تشد وياجن ..

رشا :ضحكت من تقربت علية وسلمت ..

سجى :والله البارحة متت تقلصات مال حمل كتلتني ..ولا نمت ..

رشا: بالخير عليج الحمل بس بعدج وينج وين التقلصات ..

سجى: وانتي شمفهمج .. دحبلي وشوفي شلون ..

ولو نسيت انتي متخلفين ..

رشا :منو كلج ماخلف يمة .. ترة مابية شي اني ماجلة الموضوع لحد ماخلص دراسة ..

سجى :اي خطية صدكت ..

رشا: عافتني وراحت تسوي ريوك .. مدري ريوكيش ب١ ..

بس قهرتني .. انهضمت حيل بس مابينت ماريد اخليها تتشمت بية مثلت القوة ..

اجة ابوية .. وراها خواني .. والتمو صبت امي وسهام الغدة .

جان تشريب لحم وتمن برياني ..

تغدينا وشربنا جاي ..صعدت فوك ..وكعدنا اني وسهام ..

رشا :ماكلتيلي شسويتو وراية من رحت بالسبعة ..

سهام :يمعودة بالكوة نسيت زين ماانجلطت وراج ..

رشا: ليش شصار ...

سهام :هوة مو اول شي من طبت امها وخالاتها وبناتهم ..هاي من كامن يعيبن على الغرفة وليش مو هيج وليش هيج ..

انتي من جنتي موجودة وكبت العيطة بين عمتي وامها لان ممودية بنتها لصالون على ابو احنة ناس يجونا عالم وتالي بنتي تطلع مرايحة صالون ..

رشا: اي ادري لحكت على هاي الهوسة بس وراها ماكتيلي شصار ..

سهام: دصبري جايتج بالحجي..

بعد مافضت السبعة انتي رحتي مالحكتي ..

اشو امها من طلعت كومي واخذي نص الهداية وياج ..

عمتي وكفتها ..

ام سامر :عيني بلا زحمة شلون تاخذين هذن لغراض هذني هداية عرس ابني ..

ام سجى :والله هذني كرايبي جابوهن مو كرايبج معايزين عليها .. واني الي اوجب كرايبي .. لذلك اخذهن على الاقل مستفادة من واجبي ..

ام سامر: ترة اني معايزة عليهن. بس عيب على الاقل ورة السبعة هية ترجعهن الج اذا كاتلة روحج على الواجب ...

ام سجى :وانتي شكو بنتي ام الانة قبلت ..

ام سامر :والله عمي حقج علينة .. اسفين .

سهام :عافتها عمتي وطبت وهذيج طلعت

.

رشا :صدك عود .. يعني اخذت الهدايا مال السبعة الي جابوهن كرايبها .

سهام :اي والله هسة روحي وطبي لغرفتها بس هداية كرايبنا موجودة هاي اذا مو هم اخذت منهن .

رشا: يمعودة العينة فارغة ميترسها بس التراب ..

سهام :بس تعالي كليلي .. شنو سالفة رجل حماتج

رشا: ولج بزعت متت من التقيد وين ماروح الكاه بوجهي .. وانوب اخاف اكول لمهيمن لا تكب العركة وتعالي شيخلصني انوب ..

سهام :رشا اذا يتحرش بيج لا تسكتين عسما تصير دم ترة لازم تكولين لمهيمن عليه خاف يذبولج تهمة ..

رشا اني هم اكول هيج بس هوة يدري بي عوينجي ..

ولج تصدكين كل مااوكف على السنك الكاه وراية واكثر من مرة يطخني ويسوي نفسة يغسل .

سهام: وانتي مكيفة .. بابا هذا يجيبلج تهيمة وخاصة هسة مسوين عليج حرب .. ديري بالج لا يذبولج تهمة يخلون مهيمن يطردج حتة يعشعشون بالبيت ..

رشا: اووف اني ادري منين طلعولي هذولة مو جنت مستقرة ومرتاحة لازم تطلع من خشمي الراحة ..

سهام: الله كريم تفض .. بس لازم مهيمن يعرف كلشي ترجعين من عدنا تكعدين ويا تكتيهن كلهن ..بس لا تكليلة يطخج لو شي يروح يكتلة ويتورط بي.

رشا :انشالله الله كريم ..

...

خلصت اليوم عادي يمهم واجة مهيمن بليل حتة ياخذني ..طب جوة وسلم وكعد وسهام راحت تجيبلة الجاي ..

اشوية وطبت سجى .. اشو ضاربة المكياج واللبس والعدسات ..

مهيمن دنك بعد ماسلم ..

اجت سهام جايبة الجاي وقدمت لابوية ولمهيمن ولاخوتي..

من وصلت لمهيمن كاللها ..

مهيمن: رحم الله والديج ام زهراء ..

سهام: ووالديك ابو ريمة ..

سجى :صدك مهيمن مابباركتلي .. اني حامل ..

رشا: ضلينا اني وسهام وحدة صافنة عثانية يعني شجاب السالفة بالنص .

ميهمن: بالخير عليكم انشالله ..يتربى بعزكم .

سجى :يوم الالكم .. اووه نسيت رشا متخلف .

مهيمن: ليش العفو شبيها احد كلج بيها شي ... ترة رشا تعالجت بس اني مانعها من الحمل حتة تكمل دراسة وتصير احسن من عندي حتة ..

ورشا عندي تسوة ابو الجهال مو بس الجهال ..

واذا اريد طفل فعندي رشا وريم احلة من كل الاطفال..

يلة رشا كومي .. ماضل وكت .

ابو سامر :وين ابني توك طبيت ..

سجى :ترة مو قصدي دشاقة ترة والله .. لا تزعل فدووة (طبعا تتموع بالحجي وتجر المصارين وياها)

مهيمن: مزعلان من شنو ازعل محد يسوة يزعليني ..

خلصتي حبيبي..

رشا :اي كملت عيني يلة ..

طلعنة وحتة سودة علية جاية مشربة ..

طول الطريق وهوة ساكت .. بس حاط ايدة وعاضها بحلكة ..

رشا :مهيمن لا تضوج فدوة ترة تعودت اني ..

مهيمن: ترة اني مضجت من هاي .. ضجت علمودج ..

رشا :والله ماتأثر بية بس لا تضوج حبيبي..

مهيمن: الله كريم ..

رشا :وصلنا جانو كلمن بغرفتة صعدت فوك .. غسلت وبدلت وانتظرت مهيمن....

مر كم يوم .. الحياة نفسها روتين والخوف يزيد من عذراء وزوجها ..

فبيوم كملت شغلي مثل عوايدي جانو الكل نايمين الظهاري ..بعد ماتغدو ..

شفت الحديقة والطرمة وصخات لان قل غسلي الهن من يوم ماجوي عدنا ..

رحت طلعت عدة التنظيف .. رفعت دشداشتي اشوية حتة اتحرك براحتي ..

نظفت الحديقة وسكيتها ..وبلشت بالطرمة ..

لهناك واندار على صوت عذراء من شباك الاستقبال المطل على الطرمة ..

عذراء: ايا حقير يا نذل عليمن تباوع ..

على عرض اخوية ...

رشا :هية ثواني من سمعت صوتها ومن جتي تجر بشعري ..

عذراء :ياطايحة الحظ .. تسوين اغراءات ..يالشريفة.

ولج اخوية ميقبل يبقيني من وراج يخاف عليج وانتي تستعرضين كراعينج ..

رشا :دفعتها ووكعت بالكاع ..احترمي نفسج .. استعرض شنو فد نعال هوة حتة استعرضلة ولج ميوصل لتراب نعالة لمهيمن ..

ضبي رجلج مو كادرة علية ..

سلام :لج احترمي نفسج لعد لما انتي جتني تغمزين وتبتسمين كل متشوفيني اباوعلج من الشباك ..

رشا :لطمت على وجهي .. عزة العزاك ولك هاي شوكت يا حقير..

عذراء: ها يالشريفة ..

رشا :حاولت تلزمني دفعتها وركضت للغرفة وقفلتها علية .. ادك على مهيمن مشغول ..

وكتك هسة ... ضليت ادك وادك اخر شي رد ..

مهيمن :الو ها رشا

رشا: مهيمن الحكني .. عذراء راح تكتلني ..

مهيمن :خير شكو شبيكم ..

رشا :الحك وانت تفهم بسرعة حباب ..

كامت تدكدك وتعيط ..

عذراء :افتحي يا ام الزلم ..

مهيمن :جايج جايج لا تفتحين الباب.

رشا: سمعها لعذراء لان جان صوتها يلعلع....

ضلت يم باب الغرفة متحلفتلي دقايق واسمع صوت مهيمن فتحت الباب ..

لكيتها بوجهي تلكتني تريد تاكلني فلتت منها وركضت للدرج تراطمت ويا مهيمن صرت وراه ..

هاي الهوسة كلها وعمتي تصيح

ام مهيمن :ولكم شكو احجو شبيكم..

مهيمن :شكو شبيكم ليش هادة على رشا شصاير .

عذراء: هاي ام الزلم مشلحة وصايرة نادرة تستعرض كراعينها الزرك كدام سلام ..

مهيمن: انجبي لج شنو ام الزلم ترة هاي مرتي الي دتحجين عليها ..

عذراء :اسألة هوة كال تضحكلي وتغمزلي جانت ..

مهيمن :وانتي تصدكين برجلج العار .. اني مرتي اثق بيها اكثر مما اثق بيج وبرجلج ..

عذراء: ولك تجذبني مهيمن اني اختك الجبيرة .

مهيمن :من تطعنين بشرف مرتي بوكتها ماعندي اخت .

عذراء: وسفة عليك ياخوية ..

مهيمن: تعالي كليلي رجلج شلكيتي يسوي فهميني.

عذراء: لكيتة فاتح البردة مال شباك الاستقبال ويتفرج على استعراض الخانم الي رفضت تعيشني ابيت ابوية لخاطر تاخذ راحتها ..

مهيمن :رجلج وين .

عذراء :طلع مدري وين ولة..

مهيمن: شوفي عذراء انتي تعرفيني ماامد ايدي على مرة .. ولايوم مديتها عليج. .. لذلك راح اكلج اخر مرة ..رجلج ميجي لهنا بعد ابد فهمتي ابد ...

واذا اجة انتي تطلعين ويا وماعندي اخت اسمها عذراء تبقين هنا معززة مكرمة لحد متنحل سالفتج ..

بس رجلج ميجي هنا لو على موتي ..

والكلام الي حجيتي على رشا راح اعذرج عليه لان مبين كلبج محروك من رجلج بس متريدين تطلعين الصوج بي..

عذراء :ولك مهيمن شنو تريدني احجي واني اشوفة يباوع لعرضك

مهيمن :مو كتلج اكثر من مرة من كتلتي روحج عليه كتلج عوينجي وابو نسوان لو مكتلج ..

بوكتها طلعتيني زعطوط وماافهم وماصدكتيني وجان عمري ١٨ يعني فاهم كلشي مو زعطوط مثل مجنت بنظرج ..

انتي تتحملين نتائج اغلاطج ..

رشا: طول مايحجون اني لازمة قميص مهيمن عبالك هوة يحميني اذا هديتة راح انكتل .. جانت عيونها تريد تاكلني ..

والقران يعذراء وداعت امي وابوية مجنت ادري بي يباوعلي .. اصلا من شفت الكل راح نام كلت انظف لان الحديقة جانت كلش وصخة ..

عذراء :انتي لتحجين شي لا عبالج افوتها الج اصطبريلي.

مهيمن: هيييي شبيج اني واكف وتهددين مو بعينج ..لاتشوفيني سكتتلج عبالج ماكدر اسويلج شي.. ترة اكسر راسج اذا احطج ببالي .. احترمي البيت الي كاعدة بي .. ورشا خط احمر افتهمتي ..

اعرفها واعرف اخلاقها .. واعرف اخلاق سلام .ولهذا السبب رفضت تعيشون ويانا دائما ..

هذا الموضوع ينسد .. وماريدة ينفتح بعد ابد .. وسلام يحرم يوصل لهنا ترة متحلفلة وحسابة ثكل .

رشا: حجة وعافها ومشة واني لازكة بظهرة طبينا للغرفة ..

والله مهي......قاطعني .

مهيمن: اشششش ماريد اسمع صوتج ..

رشا: انصدمت من ردة فعلة ... بس لا يصدكهم .. صوجي ماكتلة على تصرفات سلام .. عززة شلون بية ..

جنت احجي بيني وبين روحي واشوفة يحضر ملابسة حتة يسبح ..

طلع من الغرفة وضليت ساكتة وكاعدة ونظري للفراغ الي كبالي وبحياتي الي متصفة كل مااكول هانت تصعب اكثر ...

دفكر ودك تلفون مهيمن رقم غريب ..

مجاوبت شعلية بي..

ضل يدك اكثر من ٣ مرات وراها جتي رسالة بس انعرضت بشاشة ...

(ليش متجاوب عود هاي كتلك مشتاقة اسمع صوتك )...

رسالة خربطت كياني .. خلت اصابيعي ترجف عيوني غوشت كلبي وجعني ..لوية بمعدتي ..

هيج جان احساسي .. ماكو فكرة سودة مااجت ببالي .

فتحت الموبايل ودخلت على الرقم جان مكالمات هواي اكو مكالمة ٣ دقايق بالوكت الي بيه العركة جانت ...واتص بيه ويطلعلي مشغول

بس الي مرت بهذا الشعور تعرف شعوري شنو ..

طب مهيمن شافني لازمة تلفونة ..

باوعتلة وعيوني مغرغرة دموع بس ميقبلن ينزلن ..

سحب التلفون مني ..

شاف الي جنت اشوفة..

مهيمن :رشا خل افهمج ..

يتبع ....

..........

حبايبي اعذروني لان تاخرت بس والله جنت مريضة وماكدرت اكتب هذا البارت صارلي من الثلاثاء لهسة يلة كملتة ..

اتمنة تعذروني ... احبكم ..

تحياتي Aseel

مرحبااا مشتاقتلكم موووت ..

قضية طلاق ...

بقلم Aseel..

بارت ٢٥ ....

...........

فتحت الموبايل ودخلت على الرقم جان مكالمات هواي اكو مكالمة ٣ دقايق بالوكت الي بيه العركة جانت ...واتص بيه ويطلعلي مشغول

بس الي مرت بهذا الشعور تعرف شعوري شنو ..

طب مهيمن شافني لازمة تلفونة ..

باوعتلة وعيوني مغرغرة دموع بس ميقبلن ينزلن ..

سحب التلفون مني ..

شاف الي جنت اشوفة..

مهيمن :رشا خل افهمج ..

رشا: بعيون مدمعة وبحة بصوتي الي اختفة من صدمتي ...

شتفهمني ... مهيمن شتريد تفهمني ..

مهيمن: رشا والله هية لازكتلي ..

رشا: ٣ دقايق ولازكتلك مهيمن ..

عفتة وطلعت حاول يلزمني دفعتة من صدرة مدري منين اجتني القوة ...

رحت للحمام وقفلت الباب علية ...فتحت دوش بارد وطبيت بملابسي ..اسمعة يحجي من ورة الباب..

مهيمن: رشا والله هاي وحدة لازكتلي .. اطلعي وافهمج كلشي والله ..

رشا: روووووح ماريد اسمع كلمة منك ..

مهيمن: وحق هو الله اذا مافتحتي راح ادفرها واكسرها واطب اسحلج .. دكلج طلعي خل اكل خرة وافهمج ..

رشا: بصوت شبه اختفى من كثر البجي والغصة .

مهيمن عوفني  ... ماريد اسمع شي ...

جنت كاعدة حاضنة رجلي والدوش فوكاية ..احس نار كلبي متطفة ...

محسيت غير الباب اندفر .طب وتفاجأ من منظري ...

كبل ركض للمنشفة جابها واجة سد المي ولفلفني .. ادفع بي وانرعصت بين ايدة ..

حسيت حرارة طبعت بخدي واذاني صوفرت ..

مهيمن: اهدي لا تتخبلين ..لعد اني ليش ماكتلج عليها لان متوقع هاي خبالاتج

رشا: ضليت ساكتة وفاتحة عيوني من ضربتة احس خرسيت ...

جرني من الحمام وطببني للغرفة نزعني ملابسي ..

وطلع كلابية ولبسها الي بدون اي شي ..

ولف شعري بالخاولي ... يحرك بية مثل اللعابة خفت من ضربتة جانت كفيلة بفقداني النطق والحركة..

كمل كعدني عل الجرباية وكمبر كبالي كال...

مهيمن :ترة هاي صارلها يومين تلح .. ودزلي رسايل حتة اجاوب ..

فمرة جنت دسوق واتصلت علية .. جاوبت بدون مااشوف عبالي انتي ..

فتحت خط كلت

..الو .. جاني صوت ناعم ومايع ..

-الووو همزين حنيت وجاوبت ..

رفعت التلفون جان اشوف نفس الرقم ..

-نعم تفضلي خير ..

-..انت ليش هيج ثكيل .. بس اموت على ثكلك ..

-..وانتي منو بلة .

-... اني وحدة حموت على نظرة منك ..بس اوووف من ثكلك نيالها لرشا عليك .

-... منين تعرفين مرتي ..

-... اعرف كلشي عنها وعنك ..واعرف انت شلون خطبتها ..

-... انتي منو .. احجي حتة استمر وياج ممعقولة تريدين نظرة واني ماعرف منو ..

-... هههههه ( ضحكة كاولية اصلية ) مو علية هاي حركاتك نووودي ..

-....بربج رجال شكبرني وتكليلي نودي .. شو دولي ..

-... دست الخط جان اشوف رشا تتصل ..

بس كملت كلامها ... كالت ..

-.. ترة اكدر اأذي رشا اذا ماسمعت كلامي .. بحركة اصبع مني اخفيها ورة الشمس هية وبنتك .

-...ولي ولي ...طبكتة وخابرتج ..

والله يارشا هاي جان حجيي وياها ضليت اخذ. انطي وياها بالكلام حتة اعرف منو هية بس جانت ذكية ومبينة خبرة ..

رشا :وتريدني اصدك ..

مهيمن: رشا لا تضوجيني .. تريدين اتصل بيها ..

رشا: لا عليمن ميهمني بعد .. كمت وكفت ..

جرني كعدني ..

مهيمن: انجبي وكعدي بعدني ممكمل ..

رشا: لا تتجاوز .

مهيمن: اتجاوز واشك حلكج عندج مانع ..

رشا: مو بكيفك عساس ..

مهيمن: رشا حتصل كدامج بس ابد لا تطلعين صوت ..

رشا: معلية بيك كتلك ..

اتصل كدامي ..

اجة صوتها ...

-الوووو شعجب حنيت ..

مهيمن: اسف بالغلط دكيت اشتبهت ..

-.. لا. عليك الله لا تسدة بس اشوية اشبع من صوتك ..ولك والله ليلي ماانامة اتحلم بيك واتخيلك نايم وياي ..

-.. كافي كافي تورطت دكيت على هيج شكولات ..

-... راضية بيك وميتة عليك حتة لو تغلط لو تضربي فدوة الك ولك بس تعال وطفي ناري..

رشا :اني كبل اخذت الجهاز ولطشتة بالحايط ..

مهيمن: انتي تخبلتي شنو هاي التصرف .

رشا: لعد انتظرها تكمل حجيها وياك حتة الكاك منتهي وياها ..

مهيمن: احترمي نفسج شنو شايفتني زعطوط حتة ادور سوالف مراهقين اشو انتي مدري شلون تحجين .

رشا :هاي البنية عرف صوتها مو غريب .. واذا سمعتك راجع محاجيها اكلبها كلاب عليكم والله ..

مهيمن: اي مو امشي بكيفج .. ترة لو اريد احاجيها اكدر امسح المكالمات من اكمل ..او للسهولة اشتريلي جهاز مخفي عنج .. ترة كلشي اكدر اسوي بس موببالي هلسوالف ..

رشا :انسد الموضوع بس اني اخذت اشوية موقف ..

رجعت الحياة لطبيعتها .. بين حروب عذراء وبين التحضيرات لبداية الدوام ..الي باقيلة اقل الشهر ..

فمرة  سمعت عمتي تسولف ويا مهيمن .. بغرفتها واني بية طبع من اسمع اسمي الكة اذاني ماشية وحدها ولازكة بالباب مثل الجهال ..

مهيمن: يمة الف مرة كتلج اني مامستعجل ..

ام مهيمن :يمة انت كبرت ليوين تبقة بس على ريم ..

والله يمة لو ترجع نور وخليهة بس تخلف الك وابقة انت ويا رشا محد لازمك .

مهيمن :يمة تحجين صدك انتي .. لما بنفسج شفتي الي صار .. يمة ترة اني من سديت سالفة نور مو معناها ناسيها لا والله لحد هسة متحلفلها .. واكلجيها من الاخير .. بس اشوف نور اكتلها ..

الي ترخص روحها علمود رصيد ابو ال٥ ماتصيرلي مرة لو يصيغوها ذهب ..

ام مهيمن: يمة عوف نور ملازم هاي عندك بنات خالات وعمات كومة اختار واستنكي وبنات بيوت ..

مهيمن: يمة رشا ماابدلها بكل نسوان الارض ..ماتزوج عليها لو تنزل فتوة بهذا الشي رشا مرتي وبس ..

ام مهيمن: ييمة راح اموت وابقة بحسرة الطفل ..

اريد اشوف ولدك ... اريد اشيلهم اناغيلهم ..

ليش تخليها غصة بكلبي ..

مهيمن: يمة الف مرة كتلج رشا مابيها صوج .. تعالجت والدكتورة كلتلها رحمج نظف ومستعد للحمل .. بس الظاهر رب العالمين بعدة ممقررلنة الرزق .. انتي تأمنين بالله عود المفروض تتفهمين ..

رشا :طفرت قبل لا اسمع الباقي لان الواضح وصلو للختام .. بس بداهلي فرحة لان سمعت مهيمن مراح يتخلة عني ..

خلة عندي امل انو رب العالمين مراح يخذلنا ومراح يكسر بكلبي .. يكفي الي شفتة ..

بدة الدوام وريم هلسنة اول ابتدائي .. جهزناها اني ومهيمن احلة جهاز مدرسة ...

جنا نطلع سوة اني ومهيمن وريم عدها خط لان دوامنة  يتاخر مرات اني وياه ..

مر اول شهر عادي مثل اي بيت ..بس بهذا الشهر حسيت خمول مو طبيعي ... ارجع بس اريد انام .. ومهيمن ماارغبلة .. يجيني يتقربلي ماعندي اي لهفة الة .. جامدة ويا صرت ماعرف ليش .. احس الفراش صار واجب مو رغبة وحب مثل قبل ...

لحد ما استفقدت الدورة صارلها ب٩ ايام مجايتني .

من طلعنا من الدوام كلت المهيمن ..

رشا: مهيمن خل نروح للمختبر احلل ..

مهيمن: خير حبي شبيج تشكين من شي ..

رشا :لا بس دايخة وخاملة احس بية فقر دم ..

مهيمن :يلة ماشي ...

رشا :طبعا مهيمن اخذ مني موقف اشوية لان ماابادلة بالمشاعر وحس اكو تغيير بية .. بس ماحسسني

وصلنة وطبينا للمختبر ومن سأل نوع التحليل جاوب مهيمن ..

مهيمن: فقر دم ..

رشا: كملت على كلامة

..وحمل ..

فتح عيونة وشفت لمعة فرح بيهن 

همسلي ..

مهيمن: صدك لو تشاقين ..

رشا :صدك .. فايتتني صارلها ٩..ايام .

مهيمن: وليش مكتيلي ..

رشا: حتة اشوف هاي نظرة الفرح بعينك وهم اشوفك منصدم مثل ملامحك هسة ..

مهيمن: يعني متاكدة حامل ...

رشا: هههه شبيك لو متاكدة مجان جيت حللت ..

مهيمن: انشالله خير انشالله ..

رشا :نص ساعة واخذت النتيجة ..

مهيمن: دمعت عيونة من عرف الاختبار ايجابي..

ولج ممصدك ولج حيصيرلي طفل منج.. حيصير ثمرة حبي وصبري ..

رشا: الله يعديها على خير ..خابر عمتي وبشرها ..

مهيمن: لا اريد انطيها التحليل بيدها .. اليوم انتي اميرتي اطلبي شتريدين شمشتهية بس كولي اجيبة الج ..

رشا :اممممم خل افكر .. اريد موطة ام االجاكوج بس لون اخضر وبي كرصة حموضة ..

مهيمن: هاي شلون صايرة منين موطة بهلبرد ..

بس يلة امشي نروح للفقمة وتدللين طلب خاص النة اخلي يسوي  

رشا: يمة فدوة للي يدللني ..

رحنا للفقمة وطلب الي مشتهيتة وجابة الي ..

اوويلي موطة خضرة وحموضتها طيبة وتكرص اشوية .. رغم الجو جان بارد وثلج بس استلذيت بيها واحسها طفت البوخة الي بجسمي

رجعنا للبيت وهوة طب قبلي حتة ماانتظرني انفوت سوة جانت فرحتة مو طبيعية ..

اول مطبيت جانت عمتي تهلهل .. وعذراء ابتسامتها مال فرح جتي بوستني ..

عذراء: بالخير .. بالخير والف مبروك والله يتمم على خير.. متدرين شكد فرحتلكم .. .

ام مهيمن: عساج بفرحة مولودج مثل مافرحتينا هسة ييمة الله يكومج بسلامة ...

رشا: جتي عمتي حضنتني وباستني وباست مهيمن هم ..

جان حملي متعب بس فرحتي بي خلتني اشوفة احلى من العسل .. اهتمام مهيمن بية خلاني اتدلل اكثر رغم انو اني مارغبلة صايرة .. عمتي تكلي البكر تكوم تكره زوجها ..

ماعرف شبية من يكون خارج البيت اشتاقلة وارغبلة واموت علية ...ومن يطب اكره وجودة احسة شي مكروه ..

اكثر من مرة يريد يتقربلي بس اول ميجيني اكوم اركض اتقيئ... لحد ما ابتعد عني وعذرني بسبب وضعي ...

وكل ما زاد حملي كل مزاد معاناتي ...

لحد مطبيت شهر الخامس وجنت بوقتها مخلصة دوام ..

تعبت حالتي حيل وتأزمت ... واضطريت اكمل باقي حملي يم اهلي ...

فأستمريت يم اهلي وجان مهيمن يجي يومية او بين يوم ويوم .. وبس الخميس يبات يمي هوة وريم وثاني يوم يروحون ..

عمتي جانت تجي .. ومرات عذراء وياها...

طبعا عذراء طلعت من البيت بعد مازوجها اجر بيت يمنا .. واتدخل بينهم طرف محايد وصالح مهيمن وسلام .. بس رغم هذا بقى طبت البيت محرمة على سلام ...

مر تقريبا شهر على وجودي ببيت اهلي .. وبهاي الفترة .. لاحظت سجى متكشخ غير بس من يجي مهيمن ..

حتة اوقاتة صارت تعرفها .. مجنت حاطة ببالي هلشي .. بس حطيتها ببالي من شفت مهيمن الي مجان يحجي وياها غير السلام هسة صارت شقة وميانة  ...

جنت افسرها انو جان مستحي .. وهسة اخذ عليهم ..

حتة اهلي جان عدهم هذا الشي عادي .. الة سهام ..

دائما تنبهني اخلي بالي منهة لان مو راحة خاصة انجلبت من طرحت ابنها وهية بعدها ببداية الشهر الثاني .. اصلا انشك بيها جانت حامل اساسا ..

كل ميمر يوم مهيمن تكثر جياتة وكعداتة ويا سجى .. خاصة تتعمد تضل يمنا والاكل كلة هية تسوي ...

جنت استغرب تصرفاتة جان ميطيقها ...

وصار حتة من يجي بس شلونج وشلون النونو .. وامي تسلم عليج ..

مجان غير هذا الكلام بيناتنة ...

جنت افكر بحملي وبس ... انقطع اتصالاتة الي جانت بنص اليل ويخابرني مشتاق لصوتي .. لو يكعد يسولف وياي سوالف همس تالي اليل ..

لحد مصار اتصال ماكو بيناتنة نهائيا ...

حتة كام ميجي يمنا ... قليل .. واذا يجي مالحك علية بس امي تكول اجة ولكاج نايمة ومابقة هواي ..

صرت احسة يتعمد يجي واني نايمة حتة ميشوفني ..

جنت ابررلة انو اني اخذ الامور بعظمة لان حمل..

طبيت الشهر الثامن واني الهث من امشي خاصة وزني زاد حيل ... وانفخت لان صار عندي زلال حمل .. جان النفس بصعوبة اجرة ..

فمرة اتأزمت حالتي واختنكت حيل واحس كلبي يخفق سريع .. اتصلت عليه حتة اروح لدكتورة ..

كل مااتصل مشغول .. ورة النص ساعة من اتصالاتي ..يلة جاوب ..

الو مهيمن .. صارلي ساعة اتصل وينك ..

مهيمن :شكو  خما اكو شي .. شصاير.

رشا: يعني الة يصير شي يلة تجاوب ..

مهيمن: احجي رشا بسرعة ماعندي وكت ..

رشا: ليش شعندك ..

مهيمن: هسة دحجي ..فضيها ..

رشا :مهيمن تعبانة واريد اروح للدكتورة ..

مهيمن: يلة تحضري فد ساعة اشوف اذا كدرت ..

رشا: يلة انتظرك لعد ..

سدة كبل .. طبعا تعلمت على اسلوبة الجديد مجنت مهتمة لغير حملي بس اريدة يخلص ..

صارت الساعة والساعتين والاربعة  والسبعة ساعات..

مهيمن ماكو اتصل ميجاوب لو مشغول ..

اخر شي جاوب ..

مهيمن: شكوووو ثبرتيني شبيج متكليلي ..

رشا: هاي شبيك مهيمن .. كمت ابجي بسرعة لان عيطتة جتي ترس بأذني .. واحس دخلت بروحي ..

مهيمن: شبيج يعني مدجاوبج يعني مو فارغ شبيج انتي ..

رشا: والدكتورة مهيمن .. نستني ..

مهيمن: مصارلي مجال .. روحي هسة بعدين عود شوفي احد من اخوتج يوديج ..

رشا: مو صوجك صوج الحيوانة الي تتصل بيك ..

سدة بوجهي ...هوة ابو الراهي فوكاها ..  

عفتة وشمرت جهازي اذا مااخلي يتوسل حتة اجاوب واشلع كلبة مثل مشلع كلبي..

ثاني يوم رحت للدكتورة وسويت تحاليل وطلع الزلال نسبتة عالية اكثر ويرادلي عناية خاصة حتة يخف من كمية الزلال والا الطفل راح يموت ببطني قبل لا ينولد ..

يعني من ناحية الاكل والحالة النفسية واكثر من الحركة وشرب مي حتة الزلال يطلع ويا الادرار ..

استمريت على العلاج اسبوع وجانت حالتي تزيد متنقص لان حالتي النفسية تدهورت حيل ببعد مهيمن الي تغير ...

احسة مو مهيمن الي يتنفس هواي ...

حيل تغير علية واحس بي شي مو طبيعي..

والمشكلة من نتلاكة اني وياه حتة اني اكوم ماارغبلة ..

جنت احتاجة هواي بس ماالكاه ...

اشتاقيت لكلمة محتاجة شي حبيبي..

مجان يتصور شكد ابجي وحدي بليل .. شكد اشتاق اسمع صوتة واني اتصل وميجاوب لو يرفضني ...

... هيج جان يمر علية الليل...

كعدت الصبح مثل العادة كوة اكوم من الجرباية الي هية جربايتي نزلوها الي بغرفة امي لان وزني كلش زاد وصرت بصعوبة اكوم واكعد ..

رحت غسلت وكملت لحد ماوصلت المطبخ اني نفسي مسدود ..

سهام :صباح الخير ..

رشا: اشرتلها بمعنى انتظري.... صباح .. النور ..

سهام: ولج والله صايرة فيلة ... بس يلة هوة الولد ياخذ حلات امة..

رشا: عمي مرايدة حلاة لا الي ولا الة بس خل اجيب واخلص تعبت والله... كمت ابجي..

سهام :ولج هاي شكو من الصبح .. متكليلي شبيج صايرة بس تبجين اذا واحد حاجاج ..

رشا :تعبانة نفسيتي حييل ومهيمن ابتعد عني ماعرف شبي... صوجي جيت هنا وعفتة

سهام :هوة من ناحية صوجج صوجج صدك. ...

المفروض متعوفين بيت رجلج ابد حتة لو يطلعوج جنازة .. متعرفين النسوان شسوي .. وهوة ماشأء الله مال وجمال وشهادة دكتوراه .. وكشخة هم ..

والله لو منج انام على كلبة .

رشا: يعني شنو قصدك مهيمن عندة وحدة .

سهام: والله هذا مبرر تصرفاتة ...

ولج نسيت اكلج غير عماد حيطلك ..

رشا :لا صدك بربج ليش شكو خير شصاير..

سهام :شمدريني اشو راحت لاهلها قبل سبوع وهسة عماد يكول تريد تطلك .. ولج كالبها مناحة عماد .. كسر كلبي..

رشا :واني ليش مادري ..

سهام :دحيري بروحج اول ..

رشا: لا والله احجي شكو ..

سهام: شمدريني اشو فجأة كلبت .. كامت تتحجج.. واخر شي راحت لاهلها وكالت اريد طلاك ماارجع ..

رشا :زين مكالت السبب..

سهام :يمعودة هذولة عائلة كاولية .. تلكيها شافتلها واحد غيرة ..

رشا :لا شنو هلحجي حرام اذا مشايفين شي..

سهام :ولج دسكتي انتي شمدريج شكو بالدنيا حايرة بكرشج ..

هية غير عمتي راحت لوحدة ام الخيرة طلعت بلاوي صايرة. واحنة مندري..

رشا: خير ياستار شكو انوب .. ولج خوفتيني..

سهام :اوكفي خل اجيب الريوك ونكعد نسولف ..

رشا :شوقتيني والله ..

راحت جابت الريوك وكعدنة نتريك وتسولف..

سهام :ولج غير طلعت هاي الشفية لاعبة لعب بالسحورة ...

رشا :لا صدك ..

سهام :هوة شنو لا صدك اصلا جنا متوقعين هذا الشي ..بس المشكلة منكدر نحجي لان الكل طابك وياها خو ابوج سكتي وخليها صايرة اعز منج عندة شحدة الي يحجي وياها ..

رشا :زين امي متسوي شي ليش عايفة هيج الوضع ..

سهام :انطتها بطل مي وخل مقروء عليه كالتلها رشي البيت منة يهدى النفوس .. بس شنو الفايدة اذا شبعانين بالاكل والشرب.....

رشا :يمة شنو السالفة.... زين هاي وين صايرة ..

سهام :ليش شتريدين منها ..

رشا: اريد اخذ لمهيمن اريد اشوف ليش متغير وصاير ميرغبلي..

سهام :والله اشك برجلج مسويلة عمل لان ممعقولة هيج من كيفة يعوفج وهوة كتل روحة حتة تقبلين بي ومو من النوع الي يحب الونسة ...

رشا :والله خايفة حيل .. ماكدر اتصور مهيمن يتركني .. او يتغير علية ..

سهام :شبيج كمتي ترجفين اهدي ..

رشا: مدرجف شبيج لتخوفيني ...

جنت باثناء ما اسولف وياها تجي لويات بظهري . ..

بس عبالي عادي .. جنت متحملتها واعصر بروحي لان جانت تجي بفترات ...

سهام: رشا دتحسين بشي .. احجي لا تكتمين شبيج وجهج اصفر وترجفين ...

رشا :ماكو شي بس هاي الاوجاع الي دائما تجيني ..

سهام: تشاليع قصدج ..

رشا: اي بس اليوم تاذيني اكثر ..

سهام :انتي شكد الج بالثامن ..

رشا :٢٣ يوم ليش شكو .

سهام: خل اروح اكعد عمتي تاخذج للمستشفى ايجوز بداية ولادة يلحكون عليج موزين تجيبين هسة ..

رشا: يمة سم الله شبيج .. ابيش مفاولتني ..

سهام :رشا كومي تحضري عما اخبر سامر يرجع ياخذنة ...

رشا :كمت ابجي ..

سهام: هسة شكو تبجين والله حتخبليني ..

رشا: ماعرف خايفة مو يكولون الي يجيب هسة يموت ..

سهام: اسم الله شبيج ماكتلج ولادة كلت خاف عندج بداية ولادة .. لا تكبرين السالفة وبعدين عبرتي نص الشهر مو اني هم مثلج .. متذكرين ....

دخابري مهيمن خلي يجي ..

رشا :ماكدر انتي خابري اعصابي ترجف ..

سهام :يلة حخلي سامر يتصل بي استحي احجي ويا..

رشا :كعدت امي سودة علية بلا ريوك راحت وياي بعد ماسامر اجة اخذنة .. رحنا اني وامي وسامر ..

رشا: ماما جان اكلتي شي لا تتخربطين عيني ..

ام سامر: يمة سوتلي سهام لفة بالجنطة اشوية واكلها لتخافين .. اقري ايات بكلبج وادعي ماكو شي ..

رشا :انشالله يطلع بس تشاليع ..

اكلك سامر خابرت مهيمن حتة يجي ..

سامر :اي خابرت كال يتلكانة هناك هوة وامة ..

رشا: انشالله .. ضليت ادعي واقرة ايات مال تسهيل وانخة بكل الائمة انو ميطلع ولادة بس الاوجاع كامت تزيد واحس روحي تطلع من الوجع جنت ويا كل لوية اعصر ايد امي واعيط ..

ام سامر: يمة استعجل هاي مبينة راح تولد ...

رشا: يمااااا احس شي نزل علية الحكي ..

ام سامر :ولك الحك اختك سامر ...

...

يتبع ...

شلونكم حبايب قلبي .. اعذروني للتاخير لان سبق وكلت جنت مريضة .. واشكر كل الي دزولي رسايل بالخاص واطمنو علية .. ..

الحمد لله رجعت صحتي تمام وهذا بارت وانتظروني راح اكتب بعد وانشرة تالي الليل انشالله ..

احبكم فديتكم ...

لا تنسو التصويت وجثرولي تعليقات ....

تحياتي Aseel.❤❤❤❤

مرحباااا بارت هدية ..

قضية طلاق ..

بقلم Aseel...

بارت ٢٦ ....

...............

رشا: انشالله .. ضليت ادعي واقرة ايات مال تسهيل وانخة بكل الائمة انو ميطلع ولادة بس الاوجاع كامت تزيد واحس روحي تطلع من الوجع جنت ويا كل لوية اعصر ايد امي واعيط ..

ام سامر: يمة استعجل هاي مبينة راح تولد ...

رشا: يمااااا احس شي نزل علية الحكي ..

ام سامر :ولك الحك اختك سامر ...

رشا :مرت ثواني احس بيهن سنين من الوجع ..

وصلنة وراح سامر يركض يجيب سدية لان ماكدر امشي فضيحة اصير ..

اجة مهيمن تلكانة وعمتي تصلي على النبي ..

مهيمن: شبيج شجاج متكليلي ..

رشا: راح اموت مهيمن ..

مهيمن :اشش ماكو شي لا تخافين اني يمج اصبري ..

رشا :مهيمن لا تعوفني ابقة يمي ..

مهيمن :باقي يمج والله هياتني ..

رشا: لزم ايدي واني كل متجيني اللوية اعصر بيها ..

اجة سامر وشالوني من السيارة ونيموني بالسدية ..

ماتركت ايد مهيمن ولا هوة تركني نسيت الوجع الي سببه الي ونسيت تغيرة علية نسيت اهمالة الي ..

كل الي فكرت بي هوة وجعي ووجودة بجانبي بهاي اللحظة الي جانت كفيلة تمحي كل ذنوبة باتجاهي ..

طبيت جوة واني كوة رضيت اهد ايد مهيمن عبالك راح يطير اذا اهدة .. اتمسكت بي لحد ما امي جرت ايدي ودخلتني بالردهة جنت فاقدة من الوجع مااحس بالي اسوي ...

طبيت للدكتورة .. فحصتني ..

الدكتورة: بسرعة للولادة الطفل راسة مبين ..

رشا :اني سمعت هيج كلبتها مناحة ..

الدكتورة :شكو ليش تبجين ترة عادي ..

رشا :بس الطفل بعدة بالثامن ..

الدكتورة: معليج احنة نهتم بي انشالله مابي شي

رشا :دخلت للولادة جانت من اصعب لحظات حياتي ...عمري مراح انسة من الوجع الي شفتة لو من طلعو ابني ازرق ويضربون بي وميتنفس ... احس شي قبط على كلبي ...

نغزة براسي .. وعيوني غوشت..

اخر كلمة سمعتها ...

...دكتورة لحكي هاي دتنزف ....

...........

فتحت عيوني اشوية اشوية ..

ماما .... اريد مي ... حلكي يابس ..

مهيمن: الحمد لله على السلامة خوفتينا ...

رشا: ركزت شفت مهيمن لازم ايدي والايد الثاني يمسد بشعري ..

بس انطوني مي ...

مهيمن: اتحملي عيني بس يخلص المغذي واشربي ميصير ..

رشا: تذكرت الي صار كمت ابجي ..

مهيمن ابني وين .. عليك الله احجي ... وامي ليش مو يمي احجي صاير شي ..

مهيمن: اهدي ماكو شي والله بس اشوية حالتة تعبانة وبالخدج حطوه لان الرئة بعدها مكاملة كلها .. لان اجة قبل اوانة ..

رشا: يعني مابي شي ..والله ..

مهيمن :شبيج رشا يعني الي خلك هسة اتشاقة وياج ..

رشا: لعد امي وامك وين اشو ماكو ..

مهيمن :اي غير يم الطفل قابل يعوفنة ياعيني...

اشبيج مدري شلونها اسألتج

رشا: اخاف عليه ... متدري شلون شفتة من طلعوه ..

مهيمن: ادعي يكوم بسلامة ..

رشا :مصارلي مجال اسألك شراح تسمي .. لان مجنت موجود حتة اخذ رأيك بالاسم ..

مهيمن: بكيفج انتي ..

رشا :خلي امك تسمي مو هية جانت تريد ولد خلي هية تسمي حتة يصير عزيز عدها ..

مهيمن :انشالله محتاجة شي حروح اشوفهم شمحتاجين ..

رشا :لا ممحتاجة بس سلامتك ..

طلع واني غمضت عيوني وغفيت ..

حسيت اصوات يمي وبوسات بخدي ..

فتحت عيوني واشوف حبيبتي زهرة .. حضنتها واني نايمة ...

رشا: اووف شكد مشتاقتلك حقيرة هيج عفتيني بس تزوجتي ..

زهرة: شسوي غير انس ميقبل اطلع خاصة لبيتكم ..

وهم ايات شالعة كلبي بالطلعة هسة بالموت كدرت اجي وربع ساعة وارجع ..

رشا :عليج الله تعالي ترة تعبانة ومحتاجتج يمي .

زهرة :انشالله يعمري اذا كدرت والله .. متدرين بابن عمج عقدة ..

رشا :وشجابرج متكليلي ..

زهرة: ممجبورة بالعكس مرتاحة ويا حيل مدللني واهم من هذا ... حلو جنة حلقومة .. الله يخلي الي ..

رشا: الله يحفظة الج ..

زهرة: يلة اني حروح حبيبتي .. ماريد اتاخر انس واكف برة يم الولد ووصاني اسلم عليج ..

رشا: الله يسلمة سلميلي وبوسيلي ايات ..

دنكت بوستني وكالت ..

زهرة :يوصل عيوني .. دربالج على روحج حبيبتي ..

رشا: انشالله ..الله وياج .

طلعت زهرة واجتني امي وعمتي يسولفن وياي واني ريكي احسة كام يلزك من العطش والمغذي مناوي يخلص ...

يمة دخت من العطش بس اريد مي راح اموت ..

ام سامر: يمة تحملي ٥ دقايق ويشيلو وانطي الج مي والله..

رشا: امري لله ..

ام مهيمن :شراح تسمين حفيدي ..

رشا :عمة انتي سمي هذا حفيدج ..

ام مهيمن: لا شلون انتي انتو اهلة ..

رشا :انتي بيبيتة اولى بي راح يصير عزيزج فسمي انتي ..

ام مهيمن :اذا هيج اسمي مصطفى ..

رشا :حلو ... يجوز متصدمين جنت مفكرة بي والله.

ام سامر :اكو احلة من اسم النبي

رشا :يمة ابني وين شوكت اشوفة ..

ام سامر :مو هسة حبيبتي فد ١٠ ايام يلة يطلع وضعة تعبان اشوية ويرادلة عناية طبية ..

راح اروح اصيح لممرضة تشيل المغذي قبل لا يخلص ..

رشا :ووياج مي يمة ترة حموت والله ..

ام سامر :"انشالله يمة .

رشا :راحت وضليت امطك على مي ..

جتي الممرضة وشالت المغذي واني عيوني على بطل المي العركان من البرودة واتخيل شلون اشربة ..

اول مراحت الممرضة جريتة من امي وشربتة كلة احس روحي ردتلي مجنت عايشة هسة عشت ..

مر على دخلولي ٣ ايام استقر وضعي لان جان عندي فقر دم ونزيف ..

جان مهيمن رغم اهتمامة بس احسة بارد ... اهتمامة مال واجب مو مال حب ولهفة ..

كلت كلشي يهون الي راح مضى وخل يولي ..

راح ارجع لبيتي وارجعة لحضني ..

كتبولي خروج .. وطلعت للبيت واني صدري يوجعني .. وكلبي بنغزني على ابني الي ماشفتة غير مرة وحدة بالخدج ..

جان احمر حيل وكلش صغير وملفلف بقطن واجهزة هواي بي ..

تدمع عيوني من اذكر منظرة سودة علية ..

طبيت للبيت وذبحو جوة رجلي ذبيحة...

طبيت لغرفة امي الي بيها جربايتي ..امي جانت وياي ...عمتي ومهيمن ضلو يم ابني ..

طبينا وسلمو علية وكرايبنا جانن كلهن موجودات يتحمدولي بسلامة ....

مر اليوم عادي .. وهم اجة الليل .. واخ ياليل ..جنت اتحسر على مهيمن هس ابني وابوه ..

جنت هناك مامنة بنفس المكان حتة مهيمن مجان يبقة يمي بليل امي تضل وهوة وامة يروحون بالخدج يم الطفل .

اتصلت بي اشتاقيتلة كلش واحس اختنكت .. جانت الساعة تقريبا ب١ ونص ..

طلعلي مشغول .. هنا كلبي راد يطلع .. اتصلت مرة ثانية هم مشغول .. صار بية هوس اتصل واتص واتصل بالساعة والساعتين ...

اخر شي اتصل طلع رنين لغاه وانطفة النت عندة ..

محد يعرف شنو جان شعوري بلحظتها .. مدري قهر مدري وجع مدري الم ... والله حسيت بوجع كلبي .. احس النفس يوجعني ..

لازم ارجع لبيتي .. قبل لا اخسر مهيمن

ماتحمل فكرة خسارتة او فكرة وحدة ثانية تشاركني بي..

مرت ال١٠ ايام امر من المر .. كل يوم يزيد عذابي .. من اشوفة مشغول .. حتة مااتصل وكلي شمحتاجة ..

عمتي تتصل واتمنة بس اسمع صوتة من تحاجيني ..

بس ماكو .. كل مااكللها وين مهيمن تكلي برة يدخن ..

ارجع اتصل عليه يطلع مشغول ..

شكد مااحجي ماراح اكدر اوصل المي بهذيج اللحظة ...جنت محتاجتة باعز اوقاتي ...

هاي اللحظات الي ابقة اتذكر تفاصيلها للموت ..

اليوم يطلعون ابني واترس حضني بي ..

جنت متلهفة عليه ...حاطة كرسي وواكفة بباب المطبخ البرة ..

ام سامر: ولج يمة مو زين عليج انتي نفسة طبي تلفلفي ..

رشا :يما خليني هنا حيجي ابني ..

ام سامر: ادري يعني من تطبين جوة مراح يجي ..

رشا :لا يمة الثانية عندي بسنة ..

ام سامر: الله يحفظة الج ..

رشا: طب مهيمن ووراه عماي جايبة ابني مصطفى ..

وملفلف مامبين شي منة ..

كمت ركضت عليهم .. واخذتة من عمتي واني ابوس واشمشم بي ..

اخذتة وطبيت جوة ..

مهيمن مدار بيني وبينة كلام لان اخذت منة موقف من اخر شي سواه وياي ..

والي هوة جان قبل ثلاث ايام من اراسلة مجاوب حتة لو يقراهن ..

اخر شي طكت روحي كتبتلة لو تموت بعد مااهتملك ..ردلي بلايك صغير ..استفزني اكثر ..وحلفت مراح اهتملة لحد ماارجع للبيت وارجع رشا الاولية ..

طبيت ركض للغرفة وطلعت صدري حت ارضعة ميقبل ياخذة .. بسرعة دمعت عيوني كالت عمتي ..

ام مهيمن :ولج ماما مو هيج كبل الطفل تعلم على الممة ...

رشا :لعد شنو مراح يرضع مني ابد ..

ام مهيمن :لا ماما مو هيج بس اول شي حطي حلاة حتة يسلذ بي وياخذة ..

رشا :وصدك حطيت مي وشكر وكام يرضع .. صح وجع احس بس عندي بالدنيا ..

كمت ارضع بي واني ملامسة خدة شكد ترف .. جان وردي على حمار وبوجهة شعر ناعم قريب للون الابيض ..

مجنت مصدكة هذا الي .. هذا ابني الي صارلي ١٠ ايام متلوعة على شوفتة ..

طب مهيمن وسلم علية مرديت ...رفعت راسي شفتة صافن علية ورافع تك حاجبة ..

اعرف هاي الحركة يعني ضاج من تصرفي ..

هز ايدة وكال ..

مهيمن :يلة يمة خل نروح نجي باجر تعبان اريد اسبح وارتاح عدل ..

رشا :حجة وطلع ..حتة مكال في امان الله..محتاجين ممحتاجين هوة ابو الراهي .. هم عاجبتة روحة...

ابو الوصخ تريد تسبح لو تريد تحاجي الدايحة ..

اني الك بس خل اكوم على حيلي اصطبرلي ..الة اعرف كرعة ابوها منين هاي بنت الكلب ..

....يتبع ...

ولكم عيوني راحت كمت اشوف ثنين ثنين ...

بس فدوة الكم ..

ملاحظة اكثر من مرة اغفة على الجهاز من التعب والنعس ... في سبيل اوصللكم الاحداث بصورة تخليكم تحسوها وتعيشون وياها.

تصوييت ..تصوييييت تصوييييت ..

اعذروني على التقصير .. وهاي قفلة مابيها شلل ..

تحياتي Aseel.

احبكم ❤❤❤❤❤❤❤

مرحبا حبايبي..

قضية طلاق ..

بقلم Aseel..

بارت ٢٧...

..........

رشا :حجة وطلع ..حتة مكال في امان الله..محتاجين ممحتاجين هوة ابو الراهي .. هم عاجبتة روحة...

ابو الوصخ تريد تسبح لو تريد تحاجي الدايحة ..

اني الك بس خل اكوم على حيلي اصطبرلي ..الة اعرف كرعة ابوها منين هاي بنت الكلب ..

مر كم يوم على ولادتي التهيت بالخطار والي يبارك والي يتحمد بالسلامة بالنهار وسهر وتعب بليل .

مهيمن جان يجي احسة تادية واجب .. يلعب صوفي ..وشلونج ماسمع غيرها .. ولهسة ماحاجيتة ..

مارد عليه اذا حاجاني .. ردت اشوفة شكد يبقة يكابر ..تحملت في سبيل اكسر كبرياءة ..

صار الي ٢٠ يوم على ولادتي ..ردت اروح لبيتي بس امي وعمتي عارضو  والقران حتة كضيت باقي الايام على اعصابي .. امي كملت جهاز الطفل لان ملحكت تجهز عدل بسبب ولادتي المستعجلة حتة بيوم الولادة اذكر سهام طلعت هدوم بناتها مال نفاس ..

جتي فترات كرهت ابني بيها لان حسيتة هوة سبب بعدي عن مهيمن .. لوما حامل جان مابقيت يم اهلي ومهيمن تغير ..

ارجع استغفر واتعوذ من الشيطان ..

اجة اليوم الي صار لازم ارجع لبيتي .. جنت متحمسة حيل ...  بعد ما نظفت روحي وطلعت عروس ..

اخذنة مهيمن .. طول الطريق ساكت ميحجي جنت لازمة سلسلة كلادتي واني اتذكر عيد زواجنة قبل لا احمل ..

شكد جنا فرحانين بيومها .. عزمني مهيمن على مطعم وتعشينا بي وراها  فاجاني وجابولنة كيكة

واحتفلنة قدملي احلة هدية هية سلسلة ذهب بيها ميدالية على شكل قلب وابطنة قلب وبداخلة هم

قلب بس منفصلات يعني يفترن بداخل بعض ..

بوكتها سألتها عن معناها كال ..

مهيمن: هاي معناها انتي ملكتي كلبي كلة ..

رشا: فدوة لكلبك .

مهيمن: بس ماشفت هديتي شنو ..

رشا: هديتك بلبيت معبالي هنا نحتفل..

مهيمن: لعد خلصي بسرعة حتة نلحك نشوف هديتي ..غمزلي .

رشا: لتخاف مو الي ببالك ابد ..

كملنا ورحنا للبيت طب للغرفة جنت مزينتها ..

الصراحة مو. اني زينتها .. بس اتفقت ويا سهام حتة من نطلع ارمشلها تروح لبيتنا تزينها الي وهية مقصرت ...

بس الحقيرة جانت حاطة على الجرباية  سيت جديد هية جايبتة .. بس شنو يخبل عبالك فستان ..

مهيمن :هاي شنو .. ولج جنية شوكت لحكتي تسوين هذا الشي ..

رشا :بعد هذا تخطيط نسائي بوقت الشدة ..

متريد تشوف هديتك ...

مهيمن: يعمري انتي... انتي هديتي ...

رشا :جرني من خصري لحضنة وكام يشم بركبتي ..

انتظر ثواني بس ..

مهيمن :شكو شعندج بعد ..

رشا  :اطلع اشوية وتعال ..

مهيمن: لا بلة .

رشا: شبيك حباب .. بس شوية والله .

مهيمن: امري لله نشوف تالي هلليلة شنو ..

رشا :يلة شبيك .. كمت ادفع بي وهوة يدردم بتذمر ..

قفلت الباب حتة ميطب ويخرب المفاجاة .

لبست عسريع الي جابتة سهام .. وطلعت من الثلاجة كيكة صغيرة .. وهديتي جانت سوار فضة منحوت اسم مهيمن عليها .. ووياها عطر رجالي اسمة دراهم .. جنت جاطتهن ببوكس هداية لان طلبتة من النت

حطيتهن على الميز الي محضر بشكل رومانسي ..

ورحت فتحتلة الباب طب كبل حضني وحاول يجرني للجرباية ... توسلت بي حتة بس نحتفل اشوية ..

مهيمن: ترة والله مامحتاج هدية انتي هديتي ..

رشا :بس على الاقل افتح الهدية ..

راح وهوة يتأفأف ..احتفلنة بسرعة ...لان اذا طولت بعد اكيد حيكتلني ...

فزيت على صوتة ..

مهيمن: هيوووو متنزلين شبيج صافنة ..

رشا :شبيك مهيمن هيو شنو حيوانة كبالك ..

مهيمن :اي مو صارلي ساعة اكلج وصلنة يلة ..

رشا: مانتبهت جنت صافنة ..

مهيمن: وهسة انتبهتي .. متنزلين شمنتظرة ..

رشا :نزلت بدون مااحجي ..تلكتني عمتي وبوستني واخذت مصطفى مني ..

واني رحت اطبب الغراض جوة .. جان مهيمن ينزل ويحط بالباب مال كراج  واني ادخلن لداخل البيت..

طبيت للبيت وبوجهي لغرفتي الي صايرة عبالك مهجورة .. امبين حتة مينام بيها ..

خليت الغراض برة الغرفة وبلشت انظف بيها ..

شلت الفرشة الي متروسة تراب .. والبردات ..شمرتهن بالغسالة وشغلتها ...

رحت نفضت ومسحت وفرشت جديد وفتحت الشبابيك احس ردت روحي جانت مقبوضة من الوصخ ..

كملت ورحت شريت الفرشة والبردات..

نزلت شغلت بخور احب عطرة بعد التنضيف ..

طب مهيمن عبالي متلهف علية ويحضني ..

رحت عليه عاط بية ..

مهيمن :شنو هذا الخرة الي مشغلتي .. طفي راسي حيطك منة ....

رشا :هذا بخور اكو اطيب من عطرة ..شلتة وشمرتة بسطلة المسح الي جانت بباب الغرفة ..

يلة طفيتة رتاحيت ..

مهيمن: وشنو الفايدة الغرفة متروسة ريحة صارت ..طفي السبلت وفتحي الشبابيك خل يتبدل الجو ترة لعبت نفسي من الغرفة ..

رشا: ماشي  ميخالف .. رحت اتقربت عليه .. حاوطت ايدي على ركبتة ..

يعني ممشتاقلي ..

وخر ايدي وكال ..

مهيمن: اني طالع من تروح الريحة صيحيني حتة اجي اناملي اشوية كاعد من الصبح ..

رشا: عافني وطلع اني هنا احس صار شلل بكلبي من الفشلة .... فشلني .. ممعقولة هذا مهيمن ..

رحت سويت الي كلي عليه ومن تاكدت الريحة راحت مال بخور ..

صحتلة حتة يجي ينام جنت مشغلة السبلت ومبردة الغرفة والضوة خفيف ..

رحت جبت مصطفى جان نايم يم عمتي مشبعتة ونايم بحضنها ... شلتة بالكريكوت مالتة وصعدتة بغرفتي ..

لكيت مهيمن نايم .. رحت ع السريع سبحت وبدلت دشداشة مال نوم تصير بدون ردان وقصيرة حصر .

فتحت البطانية وطبيت ويا ..

جان داير ظهرة مديت ايدي وحضنتة من ظهرة ماتحرك .. ولا كانو بشر وراه .. جان بس اسوي هاي الحركة يندار ينيمني بحضنة. 

كعدتة:..مهيمن... مهيمن

مهيمن: امممممم شتردين ..

رشا: بردانة دفيني ..

اشو هذا دفر البطانية وكام طفة السبلت ..

مهيمن :يلة طفيتة نامي انشوف شنو حجتج ..كافي ارريد اناام .

رشا: انصدمت بهذا فعلة ..

شبيك مجان داعي تطفي قصدت تحضني ..

كمت شغلت السبلت لان الجو كلش حار جان ..

ورجعت مديت ايدة ونمت عليها اريد اشوفة شلون يتهرب ..

نمت على ايدة وكمت ابوس بي بركبتة ..

مهيمن :ترة حنزل انام جوة والله ...

نامي عاد تعبان كتلج اريد انطمر كافي سوالف الجهال هاي ..

رشا: اسفة عبالي مشتاقلي لان صارلي اشهر يم اهلي .. ..

درت وجهي دمعت عيوني بس مسحتها ماردت اضعف .. لازم اصير قوية ..

صح هاني اهانة قوية ومو اي وحدة تتقبلها خاصة بوضعي اشهر مشايفني ولا متقربلي المفروض هوة يجي متلهف واني ادلل عليه ..

جنت دايرة ظهري واني اتخيل شسوي اذا حضني بس خاب ضني من سمعت صوت شخرة ..

درت وجهي لكيتة نايم على بطنة ومو يمة السالفة ..

كلت ماشي بليل الله كريم البس واتحضر .. اذا ماسوة شي بعد فلا اعرض روحي وانزلها ..

غفيت والدمعة بعيني .. ورة اشوية كعد صوفي مابية ارضعة جنت نايمة نومة حلوة .. سويتلة ممة شربها ونام ..

رجعت نمت حسيت على بوسات بركبتي .. وبخدي ..

فتحت لكيت مهيمن فوكاي .. جان يبوس كعدت لحيلي ..

رشا: مهيمن شبيك ..

مهيمن: اششش اسكتي ..

رشا: رجع نومني وسوة الي يريدة جنت ابادلة بلهفة بس هوة جان يبادلني بشهوة وغريزة بس ..

كمل كام اخذ هدوم الة بدون مينطق حرف ..

راح سبح واني رجعت نمت تعبانة جنت ومخنوكة ومالي واهس اباوع لوجهة ..

حسيت ايد ناعمة تفتح بعيوني بس هية دتفكس مو دتفتح .. وصوت همس طفولي

ريم: عمة .. عمة

رشا :هلو حبيبتي .. حضنتها وصعدت تنام يمي ..

ولج وين جنتي مالكيتج من جيت ..

ريم: جنت يم بيت عمي هسة ابوية جابني واجة ..

مشتاقتلج هواي ..

بابا كال جابلي اخو الية وينة ..

رشا: كمت فتحت الضوة وشلت الكريكوت الي جان بالجهة الثانية بصف جهتي ..

حطيتة يمها على الجرباية ..

ريم: واو هذا لعابة الي ..

رشا: لا هذا مو لعابة هذا اخوج

ريم: يعني يلعب وياي ..

رشا: من يكبر يلعب وياج هسة بعدة صغير

ريم: شسمة ..هوة .

رشا: اسمة مصطفى بس صيحيلة صوفي

ريم: اني احب صوفي .

رشا :واني هم احبج ..

ريم: يووو. نسيت بيبي كالتلي صيحي عمة رشا تجي تتعشة ..

رشا :باوعت لتلفوني لكيتها ساعة ب٨ .. طفرت

عززة ...روحي كليلها جاية درضع مصطفى ..

طبعا هوة جذب حتة الحك اسبح وابدل وانزل ..

شكد عيب .. عمتي تسوي عشة واني هنا نايمة ..

رحت سبحت بسرعة ...وبدلت ولميت شعري الي صاير واصل لنص ظهري ...

وسويت ممة لمصطفى ونزلتة وياي ..

لكيت عمتي حاطة الاكل على الميز ودياكلون جيت كعدت يمهم وخليت صوفي قريب علية

رشا: والله محسيت على روحي طولت بنومتي ..

ام مهيمن: والله حقج المرة مترتاح الة بغرفتها .. اني جنت اذا اطلع ببيت ماانام لحد ماارجع لغرفتي ..

المرة بس تتزوج تصير غرفتها مملكتها ..

رشا :والله حجيج صح صارلي هواي منايمة نومة هيج طويلة ..

ضلينة نسسولف ومهيمن يلعب بتلفونة وياكل ..

كملنة ورحت غسلت وانطيت صوفي لعمتي وكمت اشيل بالمواعين ..

ريم فدوة لطولها صايرة مرة عود وتشيل وياي ..

مهيمن اختفة ماعرف وينة ..

غسلت المواعين وسويت جاي وصبيت الي ولعمتي.

احس روحي بعدني منعسة ..

بدلت لصوفي حفاظة وكملت شغلاتي .. عمتي راحت نامت هية وريم ..

بقيت انتظر مهيمن لل١٢ ومااجة ..

قفلت حيل صعدت لغرفتي نيمت صوفي الي بس مكضيها نوم ... وبليل يكعد اكثر شي بس ميطول يرجع ينام خطية خامل بعدة ..

تحضرت ولبست ومكيجت .. بقيت انتظرة لل١ ونص وماكو..

غفيت واني اباوع للساعة ..فزيت على طبكة الباب باوعت للساعة لكيتها ب٣ ونص ..

مهيمن وين جنت ليش لهسة .

مهيمن: وانتي شكو يمة .. وبعدين جنت برة بالحديقة ادخن ..

رشا :ادخن !! وانت من شوكت تدخن ..

مهيمن :عجبني ادخن عندج مانع ...

رشا :لا ماعندي .. مهيمن شنو مشكلتك ..ليش هيج وياي .. نسيت حبنا ..

مهيمن :اهوووو حتبدي باسطوانتها القديمة ..

رشا: شنو اسطوانة انت شايف روحك .. هاي تصرفات واحد مشتاق لمرتة صارلها اشهر بعيدة عنة ..

اذا هيج مراغبلي ليش مكتلي حتة مارجع ابقة هناك ..

مهيمن :يعني انتي كاتلج بس النومة ... لعد تعالي ..

رشا :جرني ويحاول ينزع بهدومي دفعتة ..

شنو كاتلني نومة كافي ترة تحملت هواي تصرفات منك ممجبورة اتحملها ..

مهيمن: رشا مالي خلكج .. نامي لا اعيط بيج هسة اخلي الطفل يرفس ..

رشا :عفتة محجيت .. رحت نزعت الي جنت لابستة الة ولبست دشداشة نوم ..

نمت واني دمعتي مغركة المخدة حسيت على ايدة تتلمس جسمي بطريقة اشمئزيت بيها ... عبالك ديتحرش بوحدة ...

فزيت ودفعتة ..

وخر اني مو لهدرجة رخيصة حتة تهيني وترجع تريدني .

مهيمن: انجبي لج مرتي وغصبن عليج ..

رشا: واني ماريدك بعد ..

جرني من شعري وحاول يسوي الي يريدة بس جنت ادافع عن كرامتي ماريد ارضخ .. بس مكدرت ..وهذا الشي خلاني اكره حتة روحي ..

جان صوفي يبجي بس هذا الشي مامنعة يكمل الي يسوي ..

كمل وكال .

مهيمن: كومي سكتي ابنج ترة لعبها لروحي اريد انام لو ماكو نومة بعد منا وهيج ..

رشا: كمت تلفلفت بهدومي ورحت اسويلة ممة شربها ولبست دشداشتي .. وبدلتلة حفاظتة ..

عيوني مانشفت من الدمع .. حسيت بأهانة كلش قوية واني اشوف انوثتي وكرامتي الي مسح بيها الكاع ..

حسيت بداخلي شي انكسر .. هذا مو حبيبي هذا واحد ثاني ..

طار النوم من عيوني رحت سبحت ونزلت واخذت وياي صوفي حتةاشتغل بالبيت الهي روحي وهم حتة اذا كعد يكون يمي واسمعة ..

ضليت اكرف كرف .. جان البيت يرادلة اشوية تنظيف لان عمتي تقريبا صارت تتعب من تنظف مو مثل ماجيتهم .. احسها كبرت بهاي السنتين ٢٠ سنة ..

ماعرف شنو الي جابرني ابقة هنا واني شفت معاملتة الي من اول يوم ..بس شي بداخلي رغم الانكسار ينطيني حافز استمر ومااتخلى عنة ..

لان اعرف هوة ميعرف شديسوي ..كلت اتحمل بس انقل انام بغرفة ريم حتة احتفظ بالباقي من كرامتي ..

خلصت شغل وبلشت ريوك ..كعدت عمتي وريم .. وتريكنا ..

جنت احط لكمة واصفن بالثانية ..

ام مهيمن :شبيج يمة اشو من جيتي لهسة وضعج معاجبني لا انتي ولا ابني .. شبيكم صاير شي ..

رشا: مادري عمة .. مهيمن متغير حيل .. صاير ميرغبلي ...

ام مهيمن :واني هم لاحظت هلشي .. ها صدك ذكرتيني اليوم عازمة بناتي واولادي همة وعوائلهم ..

حتة يستقبلون الحفيد الجديد..

رشا: انشالله اني خلصت شغل البيت بقة بس تنظيف..

ام مهيمن: اي وهم حتة مرت عدي حماج .. تشوفلج الفنجان هاي كلش قوية بيه .. هم نشوف شبي الولد مطايق حتة بنتة ..

رشا: يعني ريم هم عايفها ..

ام مهيمن: اي لعد شعبالج اصلا ميدري بيها وين شامرها الدهر وين جان كل ميطب يسأل على بنتة ..

حتة اني الي جان كل ميطب ينام على رجلي صار كلامة وياي بس جواب لسؤال اني اسألة .. شلونك زين جوعان لا..

احس بي شي ابني مو مهيمن هذا ..

رشا: كمت ابجي .. عمة متدرين شلون هاني البارحة وجرح كلبي..المشكلة ماكدر اعوفة بهيج وضع لازم اتحمل لحد ماترجعة مهيمن القديم ..

ام مهيمن: الله يخليج ويحفظج بنيتي لان انتي بنت اصل وطيب .. المرة الزينة تتحمل كلشي لخاطر تحافظ على بيتها ورجلها .. ومتخلي شي يفرقهم ..

رشا: انشالله .. الله يهدي ...بس عمة مكلتي شراح نسوي غدة وشكم نفر هم تقريبا ..

ام مهيمن: بيهم بال٢٥ واحد ماعدانا .. كلت اطبخ دجاج وتمن وتاجينة ونوصي على ١٠ سمجات مشويات وكيلو كباب ..

رشا: يلة لعد بس اكمل المواعين ابلش حتة نلحك ..

ام مهيمن :سوي التمن والتاجينة  واني اخابر على المطعم يحضرلنا الباقي  عما اسوي الدجاج محضرتة من البارحة ...

رشا: كمت بدلت هدومة لمصطفى .. وحفظتة ونيمتة وحطيتة بغرفة عمتي ...

بلشنا تحضير الغدة .. تقريبا بال٩ ونص بلشنا ..

صارت ب١١ ونص كملنة كلشي .. بدو يجون حمويني ونسوانهم وجهالهم ..

طبعا اني اول مخلصت صعدت بدلت اهدومي وترتبت ونزلت ..

اجوي وبدت السوالف والضحك .. وكلها تسأل على ابو البيت .. الي صارت ب١ وهوة نايم ..

صعدت اكعدة لان عيب ..

سمعت صوت سوالف بالغرفة ... طبيت كبل ..

شافني وفز سد التلفون كبل ..

مهيمن: انتي شبيج مدكين الباب ..

رشا :بس هاي غرفتي والي بيها رجلي ليش ادك الباب..

رفعتلة تك حاجبي ..

مهيمن: هذا نزلي الحاجب لو ازينة الج بموس والله .

رشا :دخلص وانزل يريدوك جوة يبو البيت ..

محسيت خير نسحلت من شعري ..

مهيمن: وشبيج تستهزءين يمة ..

رشا: اااخ دهدني ..شبيك منو مستهزء .. بس اكو ابو البيت عايف خطارة ونايم للظهاري..

مهيمن :بكيفي عسما ابقة هنا لليل محد الة شغل بية ..

رشا: اني معلية بيك بس اخوتك يسئلون عليك منتظريك على الغدة ..

مهيمن: دولي من وجهي هسة اجي وراج ..

رشا: طلعت من الغرفة ولمحتة رجع اخذ موبايلة ..

صار عندي فضول اعرف منو الي يحاجيها تالي الليل ..

اتصنع الغباء وبداخلي بركان ..

بس جنت اصبر روحي اكول تاليها ينكشف واخلي اصير اني ام الحق ماريد يطلعني غلطانة ..

نزلت وحضرت السفرة وبدينا نفرش وننكل الغراض ومحسيت بتعب .. جانن البنات وياي ..

بس عذراء الوحيدة رجلها مااجة وياها .. والي يسألها تكلة عندة شغل غير يوم يمر ..

لان محد يعرف بسالفة زعل مهيمن وسلام ..

صبينا غدة ونزل العريس يتثاوب ..

كوة من ورة خشمة يسولف .. عبالك مجبور ..ولو هوة صدك مجبور ..

كملنة غدة واني اباوع لزلم شلون يجبون ويحطون يم نسوانهم واني العريس مالتي بغير عالم ..

جانت هاي القطات متفارقني .. وهسة صرت اتحسر عليها ..

اووف يمهيمن وين وصلتنا ...ابوعلة شلون ياكل ابد مافكر يباوعلي اكلت لو لا ..

جنت كاعدة على الاكل بس اخذ نظرات من كل زوج وزوجة .. واخذ نظرات من مهيمن بلكي ينتبه الي ويحس ..

بس شنو عود يجاوب الي يحجي وياه لا والله بالة بغير مكان ....

كملنا غدة وكفكفن وياي المطبخ وصبيت جاي .. وكعدنة التمينا كلنا بالصالة وضحك وسوالف .. حسيت مهيمن اشوية فك ... ورجعت اشوف ضحكتة الي مشتاقتلها ..

جنت سارحة بغمازتة الي بطرف خدة الايسر .. اووف شكد مشتاقة ابوسها ...

صار العصر وانطوني الهداية والواجبات وسلمو وراحو ....

رحت ضميت الاكل الزايد بالثلاجة .. وبقيت اشوية للعشة ..

ورحت مددت اشوية بغرفتي لان مهيمن طلع من طلعو .. حطيت صوفي بكريكوتة بعد مارضعتة .... وضل صافن بالسكف ...اني غفيت ... مدري شكد نمت فزيت لكيتة غافي بمكانة خطية ..

نزلت اسوي عشة واحضرة .. صارت ب٨  عمتي جاعت ومهيمن مااجة ..

رشا: عمة مهيمن مااجة ..

ام مهيمن: لا ميجي كال معزوم برة على عشة ...

رشا: انهضمت منة ... بس مابينت لعمتي ادري بيها حست بية لان تصرفات مهيمن بالنفر مني صارت واضحة حيل..

سويت عشة وتعشينة اني وعمتي وريم ....

خلصتركل شغلي وصعدت حضرت فراش الي يم ريم ..

رحت فرشت يمها بدون متدري هية لان جانت غافية ..

هية مرات تنام بغرفتها ومرات تغفة يم عمتي اعوفها بس اعدل نومتها ..

فرشت وكملت ونيمت صوفي باوعت لساعة ب١١ ولهسة مهيمن مااجة ..

رحت بدلت هدومي لان توصخن من الصبح لهسة بيهن ..

ورجعت للغرفة بعد مالبست تراك بيت عادي ..

طبيت بفراشي واني ميتة نعس منايمة قبل يوم والنهار كضيتة شغل ...متت هلكت ..

نمت نومة كلش عميقة .. حتة صوفي ماعرف شوكت رضعتة شوكت نيمتة بليل ..

كعدت على صوت صوفي يبجي باوعت الساعة ب٩ الصبح .. كمت بدلتلة حفاظتة وسويتلة ممة وضليت اهز بي بالكريكوت .. والله بعد بيها نومة البيت نظيف وعمتي مو هسة تكعد ..

رجعت كملتها محسيت غير على دفرة بخاصرتي شاغت روحي بيها ..

رشا :اااخ يمة .. شبيك تخبلت انتة .

مهيمن؛ كومي نايمة للظهر شعندج ... جايبج هنا تنامين .

رشا: شبيك انتة ماعندي شي بيت نظيف وطبخ موجود زاد من البارحة ..

مهيمن :حتة لو تكومين تكعدين وتنجبين .

رشا: اني مو خدامة افتهمت ..

مهيمن: لا خدامة ونص وشوكت ميعجبني اعتبرج زوجة .. وهسة يلا بسرعة كومي نزلي سويلي زقنبوت ..

رشا :كول من البداية هيج .. ماكو داعي تتجاوز ..

مهيمن :اتجاوز وبكيفي كومي ولي بسرعة اريد اولي ..

رشا :ماحجيت كمت اخذت صوفي الي سودة علية فز من عيطتي لما ضربني مهيمن ..

نزلت غسلت وانطيت صوفي لعمتي الي مستغربة شغلي الي مورم من البجي ومخنوكة حيل ..

ام مهيمن: عمة تحملي .. الله يهدي الج هذا ماسمعتي مرت عدي شكالتلج ..

رشا :عمة تعبت ليوين اضل اتحمل .. كلبي خلص .

ام مهيمن: ياعيني مو كالتلج الولد مشرب ومو بوعية ..اتحملي بس لحد مااشوف حل الة .. لا تتخلين عنة اتحملي لخاطر بنتة وابنكم ..

رشا: هوة متحملة لحد مااشوف تاليتها واعرف منو الي ورة هاي السالفة ...

سويت الة اكل جانت الساعة ب١٢ ..

صحتلة ونزل اكل وصعد بدل واجة كاشخ والعطر يكفخ ..

حزت بكلبي ماسألني ليش نايمة بغرفة ريم ...جنت متمنية الكة اثر لمهيمن حبيبي بهذا الوحش الي كبالي ..

مر اليوم بملل عجيب .. مالي خلك ابد ونعسانة ..

بية حالة محلوة من انقهر اكوم بس انعس ..

صعدت نمت بفراشي الي بغرفة ريم ...

صوفي ضل يلعب حللت كماطة كلت من يبجي اكعد ارضة وانيمة عدل ..غفيت وحسيت بعيطتة كمت باوعت الساعة ب ١١ ونص ... يعني اني نايمة بس نص ساعة ...

نيمتة وكمت اشوف مهيمن اجة لو بعدة ..

باوعت من الشباك الفوك الي يطل على الطرمة لكيت سيارة موجودة يعني هوة هنا ..

رحت اتصنت بالغرفة اريد الكف طرف خيط بس ..

بس جانت الغرفة هدوووء مو طبيعي بس صوت شخرتة ..

فتحت الباب وجريت موبايلة من الشحن الي محطوط بالنقطة القريبة عل الباب ..

سحبتة وركضت لغرفة ريم ..

لكيتة طافي ... اشوفة نايم اثاري مخلص شحن ..

فتحتة وحاولت ادك الرمز بس مافتح ...طلع مغيرة ..

اجت ببالي فكرة ..رحت جبت تلفوني .. وسحبت الشريحة ودخلتها بجهازي ..

وحملت البرامج الي مرتبطات بالشريحة ...

فتحتهن على الخط لان هوة عندي ...

المفاجأة فتحن كلهن وطلعت رسأئل كومة الة بس كلهم شباب .. الة وحدة مكتوب اميرتي ..

كلبي وكف بس قريت الاسم ...دخلت على المحادثة

شفت الكلام كلش مقرف .. كلام استحي اسمعة مو اكولة ..

حتة تفاجأت بكلام مهيمن عبالك ابن شارع مو دكتور ومثقف ..

كمت اصعد بالرسائل .. واني معدتي صارت تكلب من القرف الي اقراه ...

وصلت الصورة لجسم ... وراها صورة صدر ..

ضليت اصور بجهازي المحادثات والصور اسحبهن ..

اخر شي وصلت لصورة شلت حالي .. وخلتني افقد النطق الثواني .. اذاني اسمع صوت صفارة بيها واني اشوف كبالي الي خايني زوجي ..

هية سجى مرت عماد ...

يتبع .....

كل عام وانتو بخير ياحلى متابعين ..

..........سنة سعيدة عليكم .............

لا تنسون التصويت ...

احبكم كلش ❤❤

تحيااتي Aseel

مرحباااااا...

قضية طلاق ..

بقلم Aseel...

بارت ٢٨ ....

..............

كمت اصعد بالرسائل .. واني معدتي صارت تكلب من القرف الي اقراه ...

وصلت الصورة لجسم ... وراها صورة صدر ..

ضليت اصور بجهازي المحادثات والصور اسحبهن ..

اخر شي وصلت لصورة شلت حالي .. وخلتني افقد النطق الثواني .. اذاني اسمع صوت صفارة بيها واني اشوف كبالي الي خايني زوجي ..

هية سجى مرت عماد ...

دموعي غوشن على المنظر الي داشوفة .. .

مدري انقهر على روحي لو على عماد لو على مهيمن الي فاقد عقلة وميعرف شصاير بي ..

خرجت بسرعة وطلعت الخط ورجعتة لمكانة ..

بس بقيت البرامج بتلفوني مفتوحة ..

رحت رجعت الجهاز وطفيتة وخليتة ع الشحن ...مثل ماجان ..

امشي واسحل بروحي .. صارت لوية ببطني واحس بطني تتكطع ماعرف ليش ..

ماعرف وين اروح ...

اتصلت على سهام .. هاي الملجأ الوحيد الي حاليا .

اتصلت ودك ... طولت يلا جاوبت ..

سهام :الووو ها رشا شلونج.

رشا :بصوت بجي وخنكة وغصة كوة يطلع صوتي ..

سهام الحكيني ..

سهام: ولج رشا احجي شبيج عيني .. مهيمن سوالج شي احجي شبيج ..

رشا :سهام .. مهيمن ... يخوني ويا ... طكيتها بجية متحملت ...

سهام :ولج احجي ويامن احجي ...لتخبليني ..

رشا: ويا سجى ..

سهام ولج ياسجى يمعزاية ..

رشا :شكم سجى نعرف احنة ..

سهام: انهجم بيتج يرشا .. ولج شلون عرفتي ..

رشا: فتحت الصفحة مالتة وشفت الكلام وال.... اختنكت بدموعي وصرت كوة اطلع الكلمة ..

سهام :اهدي حبيبتي بس يصبح الصبح اجيج والله اني وسامر وخل يولي لا تبقين يم هذا النذل ..

رشا: سهام مهيمن مو بوعية .. انتي تصدكين مهيمن يدور خيانة وفوكاها ويا متزوجة وانتي تعرفين عقدتة شنو ...

ماكدر اعوفة الها .. ماكدر ..

سهام: لعد تضلين ملطشة الهم لحد ميجيبها فوكاج ..

واني اكول ليش تريد تطلك هلكلبة هاي

رشا :ماعرف شسوي احس بنار تشتعل بصدري ..

شوفيلي حل راح اموت راح انفجر ماعرف

حدزلج المحادثات وكولي لسامر يسويلي حل بدون ما مهيمن يعرف وفهمي للوضع مال مهيمن ..

ماريد احد يجبرني اعوف مهيمن .. هوة هسة بحاجتي حتة لو ميريدني بس لازم اساعدة .. مستحيل اتخلة عنة ..

سهام :انشالله حبيبتي الله يهدي الج يبعد عنكم هلحية هاي .. احتمتل باجر اخذ سامر ونشوف شيخ سيد لازم نلكة حل وانتي ابتعدي عن المشاكل لا تخلي يصير عصبي عليج ويعاندج ..

وديري بالج تكليلة كشفتك لو عرفت منو هية خليج هيج سوي روحج غبية .. ترة بس يدري بيج يسويها شغلة عناد ويكوم كبالج يحاجيها ..

رشا :اموت غير ..حروح اسبح اشوية راح اموت من البوخة احس نار تطلع من اذاني ..

سهام :يلة حبيبتي سبحي بمي بارد وارتاحي ..باجر لصبح نمرلج ..

رشا: انشالله .. مع السلامة .

سديتة منها ورحت اخذت برنص وسويت ممة لصوفي شربتة وهوة نايم حتة نومتة تطول اريد ابقى بالحمام هواي ..

رحت سبحت وبقيت صافنة بالحمام ماكو دمعة تطلع بس هيج واكفة جوة الدوش .. والمي بارد والفجر راح يطلع .. واني بالحمام ..

مر شريط ذكرياتي من طفولتي لهسة .. مافد يوم فرحت بشي لازم اخسرة ..

كملت سبح ولفيت روحي بالبرنص وطلعت امشي سحل ماعرف رجلي شلون اخذتني لغرفتنا ...جان نايم على بطنة وراسة باتجاه الباب ..

رحت وكفت يم راسة وكعدت على ركبي ...

شتاقيت اشم عطرة .. حيل مشتاقتلة ..

قربت يم ركبتة حتة اشم ريحة ركبتة الي ياما وياما جنت اذوب بيها ..

بهفوة مني بستة بوسة خفيفة من ركبتة ..

فتح عيونة بنعس جرني ونومني بحضنة صار وجهي بوجهة ..

ضليت اتامل بوجها وامسد بلحيتة الي جانت عشقي ..

فتح عيونة حجة ووياي ..

مهيمن :حبيبتي وين جنتي مشتاقلج هواي ..

رشا: يمك اني بس انت عايفني ..

مهيمن: شوكت نرجع لبيتنا .. والله شتاقيت لهاي النومة ..

رشا: ليش هذا مو بيتنا ..

مهيمن: لا هذا البيت مامرتاح بي .. اريد نرجع لبيتنا الاول ..

رشا: انت دتحجي ويامن ..

مهيمن: وياج غير ..

رشا :اني منو ..

مهيمن :. حبيبتي رشا ..

رشا :لعد شبيك ليش ممرتاح بهذا البيت ..

ميهمن: ماعرف احس روحي غريب .. اريد اطلع لغير بيت نعيش مثل قبل وهم حتة ترجعين وياي للبيت كافي هواي طولتي علية ..

رشا: جنت احجي وامسد بلحيتة وهوة يلعب بشعري ..حسيت بهاي اللحظة انو مهيمن القديم يحجي وياي .. دمعت عيوني ونزلت على زندة ..

ميهمن: ليش حبيبتي تبجين .. تعالي يمي والله مشتاق لحضنج .. يومية افز بليل ادور عليج .. وبالنهار ماشوفج ليش مترجعين .. تعبني فراكج ..

رشا :مسح دمعتي وباسني بحلكي .. وضل يبوس بية وكام يتجرأ .. ويا كل حركة منة جنت ازيد بدموعي ..

ميهمن: شبيج ليش تبجين .. ضايجة مني

رشا: لا مضايجة بس مشتاقتلك حبيبي .. متتصور شكد مشتاقتلك ..

مهيمن: مو بكدي والله ....

...............

رشا: بعد ما كملنة رجع نام بعد ما ضل يشبك بية وحضني حيل ويتوسل ماعوفة .. حسيتة طفل وتايه ميعرف وين يروح ..

حسيت بي محتاجني .. ولازم احارب وارجعة الي ..

اليوم حسيت بامل انو ترجع حياتي مثل قبل ويرجع حبيبي الي ونتهنة بابنة الي لهسة ماشاف شي من حنان ابوه ..

اشوية وحسيت صوفي يبجي ..

تسحبت بدون مايحس ورحت جبتة وجيت بعد ماسويت الة ممة .. جان حلمي ارضع بس من الشوطات نشف صدري .. وصار ميريدة ..

بدلتلة بسرعة ونيمتة وانطيتة ممة .. ورجعت نمت بحضن مهيمن واني فرحانة ..

جنت اعرف هذا الوضع مؤقت بس حبيت اشبع منة لاخر ثانية ..

كملت نومتي وكعدت الصبح وضليت صافنة بوجهة وامسد بلحيتة وابوس بركبتة ..

جان يحضني اكثر وهذا الشي فرحني اكثر وخلاني استمر بالي دسوي ..

فتح عيونة على كيف ..

رشا :صباح الخير حبيبي.. وبستة بشفتة بوسة خفيفة .

فتح عيونة حيل .. وكام لحيلة كعد ..

ميهمن: انتي شسوين هنا ..

رشا :انت كتلي ابقي ..عرفت اجتة الحالة ..

ميهمن: امشي طلعي برة ماريد اشوف شكولج .. انتي شنو حتة تنامين يمي انتي خنزير تفهمين شنو يعني خنزير .. تلعب نفسي منج ..

رشا: اسفة راح اطلع ..

ماريد اتعارك وياه لان عرفت مو بوعية .. اخذت صوفي وطلعت الي فز على عياطة ..

اخذتة واسمعة يعيط بالغرفة ..

ميهمن: اطلعي انتي حيوانة ماعندج كرامة ماريدج ماريدج بعد ... اخخ. راسي ... الحكولي ... يمممة ..

رشا :سمعت صوتة يعيط .. حطيت ابني بالكاع وركضت عليه اشوفة لازم راسة ودمارات وجهة كلها طالعة وعيونة حمر ..

رحت ركض لعمتي اكعد بيها ماعرف شبي ..

خطية كوة صعدت واني رحت خابرت سامر حتة يجي ياخذة ..

رشا :الو سامر .. الحكلي فدوة ميهمن تخربط ..

سامر: يلة جاي جاي بس ابدل ..

رشا: رحت ركضت لميهمن اشوفة يتقيئ ويعيط من بطنة وراسة ...

وعمتي لازمتة تقرة ايات ...

رحت ركضت عليها ..

رشا :عمة كافي دتأذي مدتساعدي ..كافي تقرين براسة ..

ام مهيمن :ولج الولد حيموت ماكو مشافي غير القران ..

رشا :عمة ابنج مسحور مو بيدة  .. القران يأذي عوفي متشوفين وضعة ..

ام مهيمن: .. لعد اعوفة هيج ولج هذا ابني الجبير ..

رشا: خابرت سامر حيجي ياخذة ..

ام مهيمن: ولج خابري اخوتة مو عندة اخوة ليش تخابرين اخوج ..

رشا :عمة ولدج بعاد وعما يجود اخاف تسوء حالتة سامر جاي هيانة بيتنا ..

ضلت عمتي تبجي وتمسد براس ابنها الي شبه فقد من التعب والتقيئ...

صوجي خليتة اعصاب .. لو كايمة قبل لا يكعد ويزهك وتصير هيج حالتة ..

ضليت اعاتب بروحي واندب حظي ..

اجة سامر ركضت فتحتلة الباب جان جايب وياه سهام ..

شمرت روحي بحضنة ..

سامر الحلكي راح يموت .. فقد وصار ازرك .

راح يركض وصعد فوك واني عما لبست جبة وحطيت شال على راسي من شالات عمتي .. جنت بوضع مو مال ابدل ..

نزلنا اني ومهيمن كوة يمشي .. عبالك واحد سكران شامر روحة علينة وبس يون ..

صعدنا بسيارة .. وعمتي صعدت ويانا وسهام ضلت يم الجهال ..

رحنا كبل بوجهنا للمستشفى ..

سوولة تحاليل .. وسونار .. بس كلها نظيفة ..

دخلو مفراز هم ماكو شي .. الدكتور كال احتمال قرحة بالمعدة بس ممبين شي ..

حطولة مغذي حتة يعوض الي فقدة بالتقيئ.. جان يتقيئ شي اصفر وحتة بالمستشفئ من يفحصون بي تقيئ عليهم ..

جنت صافنة عليه وهوة نايم بالسدية ولازمة ايدة ..

جنت اتمعن بوجهة الي جان ابيض هسة صاير ازرك مطعون ..

وسواد جوة عيونة ..حتة ضعفان ... ولحيتة الي طولانة وشعرة مهوس ولا عبالك مهيمن ابو الاناقة والكشخة ..

جنت صافنة ودموعي تنزل وعمتي كاعدة على الجرباية الي مقابيلنا وايدها على خدها وتمسح بايدها الثانية دموعها .. اسمعها تناشغ ..

اجة سامر جايب النا اكل ..

سامر: هاج رشا اكليلج لكمة حبيبتي .. جبتلكم ريوك .موزين عليكم تتعبون ..

تفضلي ام مهيمن ..

رشا :منو الة نفس ياكل .. شوف حالة شلون ..

ام مهيمن: اعذرني خالة .. ماحط لكمة بحلكي وابني يموت كبال عيوني ..

سامر : همس باذني ..رشا ترة عرفت الوضع سهام كالتلي .. بس لازم تاكلين لخاطر مهيمن متريدين تساعدي .. وخطية عمتج لا تتخربط ..

خليج قوية انتي اخونة السبع ماتذكرين .. ياما وياما صبرتي وحاربتي .. لا تضعفين هسة مهيمن بحاجتج

رشا: انشالله الله ينطيني القوة ..

سامر :هاج اكلي وروحي قنعي عمتج تاكل .. قبل لا تجي الهوسة ..

رشا: منو راح يجي ..

سامر :خابرت على اخوانة .. وراح يجون كلهم وامي وابوية .. يعني بعد متكدرون تاكلون وحتضلون لليل ...

رشا :كمت بدون ماجاوب اخذت لفات اثنين ورحت يم عمتي وكتلها ..

رشا :عمة هاج اكليلج لكمة ... ترة مهيمن يزعل من يدري بيج ماماكلة .. والله يعمة تعبت اني وماكدر اتحمل شخص ثاني عزيز علية  يصير بي شي ..

ام مهيمن: ولج كلبي ميطيني والله ..

رشا: والله اني هم مينطيني .  بس لازم نتقوة ..هاج حبيبتي .. اكلي حتة تسندين نفسج ..

ام مهيمن: انشالله ...بس اكو مي احس ريكي ناشف .

رشا: اي هاي موجود .. انطيتها شربت مي واكلت نص اللفة وماكدرت لا اني ولا هية نكمل .. جنت اكل واباوع لمهيمن وتذكرت اخر ليلة النة سوة الي هية البارحة ..

شلون جان متمسك بية حتة ماعوفة ..

رحت كعدت يمة وكمشت ايدة ... وعصرتها ..

همست يم اذنة ..

يمك اني وماعوفك ابد .. بس لا تستسلم ..

جان نايم هوة بفعل المسكنات بس حس علية ولزم ايدي وضل لازمها ...

اجو اخوانة وتشكرو من سامر على وكفتة ..  ضلينا لليل يلة طلعو ..

جان ميريدني اتقرب منة لا اني ولا امة .. ولا حتة سامر ..

الشخص الوحيد الي يريدة هوة اخوانة ..

تحملت لاجل راحتة ماريد يتعصب ..

دخلو بالبيت واخوانة ساندي .. نيمو بغرفة عمتي ..

عمتي تريد تحضنة يعيط بيها ويكلها وخري عني اكرهج..

ضلت تباوعلة من باب الغرفة وهمة ينيموه .. ومقداد قرر يبات يمة هليلة ..

اهلي جانو كاعدين بالاستقبال .. رحت سويت جاي ..ورحتلهم ..

اجة مقداد طب يمنا ..

رشا: ها نام مهيمن ..

مقداد :اي نام .. ممكن احد يفهمني شديصير وليش هيج اخوية صاير ترة وضعة مو منطقي ..

رشا :ماعرفت شلون ابديها ماريد انزل من قيمة عماد ..

بس نقذني سامر .. كال ..

سامر :شوف اخوية مثل متكول غيرة نسوان .. واكو وحدة مسويتلة سحر وانت انسان مؤمن وتعرف السحر حتة بالقران انذكر ..

ولازم نشوفلة حل ترة يموت .. وهاي كدام الكل ..من اليوم لازم نبدي بعلاجة والموضوع يضل بيناتنة ....

منريد احد خارج هايي الغرفة يطلع الحجي .. نريد نعالجة حتة الي سوة هلشي ميدري بي تعالج ..

نريد نفضحة بس بطريقتنا ..

مقداد :يعني افهم من كلامك انتو تعرفو مو ..

سامر: اي نعرفة بس كتلك شغلة نسوان وماكدر احجي اكثر من هيج ..

مقداد :واتريدني اشوف اخوية يموت وكتالة معروف وماتصرف ..

سامر: الي تريدة يجرالك بس بلاول نعالج مهيمن ونتخلص من الي كان السبب وراها اسلمة بيدي الك مو بس هاي حتة دلائل وياه .. ها شكلت ..

مقداد :اي شي يخلص مهيمن اني وياك بي.. بس كون يتعالج ..

ابو سامر: اسمحولي بوية .. باجر ناخذة نزورة للعباس ابو فاضل وللحسين وهناك نسأل على شيخ او سيد يعرف بهالسوالف ..

ام سامر: بس لا تكلولة رايحين نزور ترة يمانع المسحور يعارض شكو علاج الة ..

رشا: اني اروح وياكم ماكدر اعوفة وحدة ..

سامر: لا رشا انتي ابقي هنا وديري بالج على  جهالة ..

هوة هيج او هيج ميريدج .. ليش تعذبي وتعذبين روحج ..

ناخذة نشوف شكد نضل هناك ونعالجة .. .

ام مهيمن :ييمة وليدي راح يموت ييمةةولك مقداد اخوك موات كلبي ناغزني والله ...

مقداد :يمة هاي ابدال ماتدعيلة لخاطر الله .. خليج مؤمنة اشوية ميصير هيج ..

ام مهيمن :ولكم كون الزم الي سوة هيج وطفة شمعة شبابة الي ماتهنة من يوم ما تزوج الاولى وحتة بالثانية ماسلم من الحياية .. ربي الطف بحالة راضية عليه دنيا واخرة .....

ابو سامر :حجية الشغلة سهلة انشالله الولد ياخذوه ويعالجوه ويرجع احسن من قبل بس لازم يحتاجلها صبر وقوة ..

رشا: جنت اسمع وادموعي تنزل ... هاي تاليتك يمهيمن .. هيج يابو طول الحلو يالهيبة .. تاليها توكع بيد النسوان الي متخاف الله .. جنت احجي بكلبي وصافنة ..

حسيت على سهام ضمت راسي لصدرها .. بوكتها جنت محتاجة هيج شي .. شهكت شهكة ضلو الكاعدين يباعون عليةة..

ولك ربي كافي عااااد ارحمنا .. تعبت والله شوكت ارتاح كل مااكول فرجت .. ترجع اسوء من قبل ..

كمت املخ بروحي واهلس براسي ...

اجو لزموني .. وابوية لازم ايدي وسامر مجتفني .. كعدوني وسهام جابتلي مي ..

سهام :هاج شربي حبيبتي اهدي ميصير هيج ..

رشا :مهيمن ضاع مني .. حيموت ومحد يكدر يسوي شي للحية .. اريد اذبحها بس كون اعرف مكانها ..

اريد اشعوط كلبها على عزيزها .. اريدها تحس بلوعة كلبي على مهيمن ..

جنت احجي وارافس اريد اروح الها كل ضني بوكتها انو بس اتحرر منهم اروحلها ..

سامر: اهدي لا تتخبلين كلنا باجر ناخذة .. هاي عود فهمتج بالمستشفى ..

ام سامر: عوفها يمة خل تطلع الي بكلبها ..

سامر: مو حيطلع حتة كلبها ..

رشا :سامر اريد عماد ... اريد هوة يشوف حل مثل مجاب هاي الحية اريد هوة يطلعها ..

ابو سامر :انتي تخبلتي .. عود هاي كلنة متطلع السالفة تريدبن توصليها لعماد الي ميندل دربة منين ..

سامر :كومي سهام شوفيلها حباية فاليوم وشربيها خل يهدء خبالها ..

ام مهيمن: يمة بنيتي شوفي بجنطة. ادويتي تلكين كلشي .

سهام :صار حجية ..وين حاطتها ..

ام مهيمن :حطيتها قبل اشوية على الكاونتر ..

رشا: جابتلي سهام حباية شربتها وورة اشوية احس اعصابي ارتخت .. بس ماكدر انام واحس بس جسمي خدران ..

ابني ماعرف وينة حتة ماذكرتة .. رحت امشي كوة واسحل بروحي ..طليت عليه من ورة الباب .. شفتة شلون نايم كتمت صوت بجيي بايدي ...

سودة علية جان نايم على ظهرة .. ويلوب وهوة بنومتة .. مامرتاح .. جنت مشتاقة اله .. واحس بي بحاجتي واني اتذكر كلامة وياي الصبح ..

اووف ياروحي انت .. كون احضنك هسة واسحب شكو وجع بيك واحطة بية راضية اموت ولا اشوفك تتوجع ..

سديت الباب وكملت دربي .. رحت لغرفتي وشبعت بجي .. اجتني سهام مبدلة ..

رشا: سهام ضلي ماكدر ابقة وحدي ..

سهام: والله ماكدر يعمري والله لو بيدي ابقة يمج بس البنات وحدهن عفتهن يم اختي ولهسة ماعرف عنهن شي اكلن شربن ..

انشالله منا وهيج اجيبهن وياي لحد ماتتحسن اوضاعكم انشالله..

رشا :احس بي محتاجني ..

كعدت اسولف الها على الي صار وياي الفجر ..

سهام كلبي يكلي راح يموت .. ماعرف جنت احس هاي الليلة اخر ليلة الي وياه ..

سهام :لا تحجين هيج اسم الله لا تفاولين عل الرجال ..ادعيلة .. وكومي صليلة ..

رشا :والله نذر علية اتحجب والتزم بس يطلع منها مهيمن ..

سهام :انشالله بس خل يرجع سالم باجر راح يغبشون يجون ياخذو .. واجي وياهم واجيب بناتي واجي هنا ..ابقة يمج ماعوفج .

رشا :شلون راح انام اني وهوة يتعذب ..

سهام :تكضي حبيبتي خلي ايمانج بالله جبير ..

يلة ديري بالج على روحج .. وابنج .. لا تنسيه

رشا: انشالله

سهام :يلة تحملي بس اليوم وحدج باجر اجيب هوستي واجي .

رشا :هلة بيج بس حبابة لا تتاخرين ترة احتمال اموت من الخوف .

سهام :يلة الله كريم بيباي .

رشا: عافتني ونزلت رحت لصوفي بدلتلة ونيمتة .. خطية اليوم مشافني .. ضليت حاضنتة ونيمتة بحضني....

ضليت اتخيل شلون اتصرف شسوي اذا صار على مهيمن شي حلفت اروح اكتلها بيدي ..

صارت تقريبا ب٤ الصبح ..

سمعت صوت دك الباب شلت صوفي من حضني ونزلت افتح الباب .. جان جاي سامر ..

سامر :السلام عليكم .

رشا :هلة سامر . . ها حتروحون هسة ..

سامر :لا دنتظر مقداد .. هسة على جية حتة ناخذة .

رشا :وابوية ميروح وياكم ..

سامر: لا يمعودة كوة قنعتة يبقة يروح يتعب ورانة طريق ومبيت وبهذلة .. وين بي حيل يروح يوكع علينة نحير بي بمهيمن ..

رشا :هم صحيح .. ماكتلي شحضر مااحضر غراض ..

سامر: لعد انتي لهسة محضرتي ..

رشا :ماعرف شحضر .. صدك وين سهام مو كالت اجي ويا سامر الصبح ..

سامر: يمعودة البنات يتمرضن مطلعهن هسة .. ب٧ هيج تجي هية وامي لتخافين محضرة صرة هدوم مبينة باقية يمج ..

رشا: انشالله بس مكتلي شحضر..

سامر: هدوم لبستين وداخليات .. وخاولي وصابونة يعني غراض سفر .. كلشي يصير ..

رشا :اكل تريدون ..

سامر :شنو السالفة ترة احنا رايحين كربلا مو للصين ..

واكو مطاعم وفنادق ترة مرايحين للجول.

رشا :وشبيك اكلتني غير بالي مشغول وياكم ..

سامر :ارتاحي واطمني ..

رشا :انشالله كمت فتحت الباب من سمعت صوت هورن .. طب مقداد وشايل جنطتة وياه ..

مقداد: السلام عليكم ..

ردينا وعليكم السلام ..

مقداد :ها يلة مكملين حتة نروح من وكت هم يلة قبل الازدحامات..

رشا: شنو متبدلون ملابسة . .. جان بدلتلة بس تدرون ميريدني اتقرب منة ..

مقداد :يلة هسة اطب احضرة .. منو يمة نايم ..

رشا: بس عمتي .. تالي الليل من رحت حتة تحضر غراضك كالت ماكدر اعوفة ..

مقداد: يلة لعد جيبيلي ملابسة خل احضرة ماريد نتاخر ..

رشا: يلة ...

رحت انطيتة ملابس ورحت ركض حطيت القوري وسلكت بيض ..وقسم طكيتة بدهن وسويتلهم الريوك ..

سامر: هاي شمسوية ولج منلحك نتريك ..

رشا: لعد تطلعون هيج ..

سامر: لا ناكل بالطريق ترة كلة طريق اكثر شي ساعتين ...

رشا: لعد خل اسوي سفري ...

سامر :يلة بكيفج ..

رشا :ع السريع لفيتة سفري وحطيتلهم الجاي بالترمز ..

اخذو مهيمن وطلعو وعمتي تدعي وتحصن بيهم من الطريق وتوصل سلام وياهم للائمة ..

درت مي بارد وراهم عسى يرجعولي بسلامة ..

ضليت اباوع للسيارة من مشت لحد مصارت نقطة واختفت ..

اجتي سهام وامي طبن جوة واني ضليت اراقب ..

طبيت وطبكت الباب وراية وضليت منتجية عليها ..

بجيت بوكتها احس دموعي ناشفات .. مينزلت .. حتة عيوني تعبن .. اريد اشوف غوشن كعدت يم الباب وغمضت ..اريد اريحهن ..

حسيت على ايد تسحب بية حتة اكوم ..

كوة فتحت عيوني لكيت الشمس قوية وتضرب بالراس ..

سهام :بالله انتي مخبلة عاقلة نايمة هلنومة ..

والله لما الطفل اسمعة فاحط وانتي ماكو جان مااستفقدتج ..

رشا :مادري بس حسيت بتعب وردت اريح عيوني معبالي اغفة ..ماخابرو وصلو لو لا..

سهام :اي من زمان وصلو .. وحاليا كاعدين بفندق يرتاحون اشوية ويطلعون يزورون ويدورون على سيد قوي يكدر يعالج حالتة ...

رشا :مكالج سامر شلونة مهيمن ..

سهام :يكول نايم حتة الطريق كضاه نايم ميدري وين ماخذي وحتة ماسأل واول ماوصلنة هم رجع نام ..

رشا :سودة علية ... والله كلبي يوجعني عليه ..

رحت لتلفوني انتظر اتصال من احد ..

طلعت المحادثة مال مهيمن ويا سجى لكيتها دازتلة رسايل عتب ..

(ليش مجاوب لازم احد يمك )

(ولك ميتة عليك تعال وشبعني منك )

(شنو رأيك نتشاوف اليوم )

(ولك خبلتني ليش مجاوب )

( ترة راح اسوي شي ميعجبك اذا مترد )

(اوك ماشي براحتك )

رشا :طبعا الرسائل باوقات كلش بعيدة يعني بين رسالة ورسالة اقل شي ساعتين ..

شايفين من يكون عدوك حاط سجينة بركبة بحبيبك ومتكدر تسوي شي لان تخاف لا ينذبح بيدة ..

هيج جان شعوري اشوف شلون تسولف وي حبيبي وماكدر احجي لان اخاف تسوي شي لمهيمن ..

اريدة يتعالج بالكامل حتة اتخلص منها ..

......

مر اكثر من اسبوع واني حالتي حالة .. لا اكل ولا اهتمام ..ابني شبه نسيتة .. الة تذكرني بي سهام الي معافتني ابد .. وكفت وياي اكثر من اخت ..

جانت هية مهتمة بشغل البيت فوك حمل الجهال..

اما اني التزمت الصلاة .. وبس ادعي ..

يمكن لو قبل كم شهر لو واحد كلي راح تصيرين ملتزمة جان كتلة انت مخبل ..

مجنت اتصور بيوم من الايام اصير هيج .. السجادة متفاركني ..كلة في سبيل ربي يستجيب دعائي ويشفي مهيمن ..

جانو تلفوناتهم مغلقة .. محد يتصل .. بس نسمع الاخبار من ابوية .. انو وضعة صار اسوء ..

جنت اكضيها بجي على سجادة الصلاة واني اناجي ربي يرحم بحالنة ..

مجنت رايدة شي بلحظتها غير بس يرجعلي مهيمن ..

خل يرجع مثل قبل ميريدني بس ماريدة يموت ماريدة يتعذب ...

جنت اسمع شلون اوضاعة تصير من يبدي السيد يرقي بي ..من عياط وضرب  وتقئ مادة لزجة وحتة يكول سامر سلابيح تطلع ..

بس وضعة كاعد يسوء .. والسيد يكول لازم الشغلة يرادلها صبر ...

واني صابرة ..ومؤمنة بقضاء الله .. بس عندي امل انو فد يوم يرجع مهيمن الي ..

الاسبوع صار شهر  ... وبدة الدوام .. اخذت الة اجازة مرضية ومقداد خابر العميد حتة يكدر ياخذ اجازة مفتوحة لمهيمن لان محد يعرف شكد تطول شغلتة ..

جنت دائما افتح رسايل سجى .. بس مااجاوب.

هية سامعة انو هوة مسافر ويا سامر .. بس متدري وين ..لان عماد صاير مخبر الها ..

هذا هم يرادلة جلسة وحدة بس مو وكتها لان مهيمن وضعة اسوء من عماد ..

بدينا نداوم اني وريم الي صارت ثاني ..

ودائما اتهرب من اسألتها شوكت بابا يجي ...

جنت دائما ابررلها غير جواب ...لو تريد تسمع صوتة ..

اخلي ابوية يحاجيها ومن تسالة على صوتة يكلها مريض والجو بارد ..

جنت ابجي واني اشوف فرحتها من تسمع صوت عبالها ابوها ..  جنت اتمنة اسمع صوتة ...

منعرف وضعة شنو .. ينطونة بس مختصر .. بس احس بي دايتعذب .. 

احس كلبي بين فترة وفترة ينغزني .. احس مهيمن محتاجني واني مو يمة ..

جنت اداوم لخاطر مهيمن ماريدة يزعل. . ذبيت حملي بالقراية .. ولبست الحجاب .. لان جان هذا نذري لله حتة يشافي مهيمن ..

مر الشهر وصار كم يوم ..

وماكو خبر .. كلبي نار .. وعمتي ماخلت دعاء مادعتة ..ولا نذر .. حتة اذكر جانت كاتبة النذورة بورقة لان هواي ..واتكول اخاف انسة نذر ويصير بركبتي ..

فديوم كاعدين العصريات ..

لازمة السبحة بيدي وصافنة .. بفراغ ..

هيج جانت ايامي من راح مهيمن لهسة ...

جانت عمتي تثرم بصل وخضرة حتة تسوي كباب عروك ...

وسهام لازمة ابني الي نسيتة ونسيت مسؤوليتة ..

بناتها جانن يلعبن يمي ..

اندك الباب وراحت سهام تفتح ..

باوعت للساعة ب٤ ونص العصر ...

هيج وكت جية ابوية يجي يشوفني هوة وامي ..

دائما يجون العصر ..

واني دايرة راسي للساعة ...سمعت صوت هلهولة سهام ..

عمتي كامت وكلبت الغراض بكومتها ..

اني اتجمدت بمكاني جنت كاعدة يم باب المطبخ ..

درت راسي للباب باوعت سامر جاي وسهام حاضنتة ..

وكعت السبحة من ايدي محسيت بيها من وكعت..

احس جسمي خدر ..

نزلن دموعي واني اشوف  ابو بيتي يمشي بطولة ..

راح  شايلي .. واجة يتمختر بطولة ...

اريد اكوم ماكدر ...احس رجلي انشلت ..

كمت اتحسر بس اريد اكوم لحيلي ..اشوف عمتي ركضت عليه وتشابكو ووكعو بالكاع ...

اباوعلهم واني عاجزة ماعرف شبية ..

باوعلي  وكام لحيلة واجة يمشي باتجاهي ..

كرهت روحي بهاي اللحظة ...

مدري شبيهن رجلية .. حطيت ايدي على وجهي وكمت ابجي ..

حسيت بايدة لامست ايدي .. مثل الكهرباء سرت بجسمي وبكل اطرافي ..

وخر ايدي من وجهي وكعد مقابيلي .. ابتسملي بتعب ..

جان وجهة ضعفان وكلش اصفر مو مثل قبل ابيض

مهيمن :مامشتاقتلي ..

رشا: اني هوة كال هيج اني طكيتها بجية وشبكتة ..

ضل شابكني ويشم بركبتي مثل قبل ...

وخرت منة ولزمت وجه بثنين ايدية اباوعلة وممصدكة هذا مهيمن رجعلي ..

رشا :ضعت بلياك ..

مهيمن :بعز شدتي واني اشوفج وياي .. طيفج مافاركني ....

رشا :مهيمن رجلي ماكدر اكوم ..

يمكن انشليت ... ممصدكة رجعتلي ..

مهيمن :ههههههه هاي من الفرحة كومي اني اشيلج ..

رشا :شالني ووداني بالهول .. والكل فرحان بوكتها ..

لزم صوفي وضل يبوس بي .. جان بوكتها هسوتة بادي يكبر وينشنش .. وخدود عندة لان الله يخليها سهام تجيب وتحط بحلكة مميات ..

سامر :راح يجيب عشة .. ماقبلت عمتي كالت اني اسوي .. بس سامر اصر لان يكول هاي فرحة من العمر ...

رشا :اباوع لمهيمن شلون شايل ابنة .. وريم مجلبة بركبتة ...

مهيمن ..

مهيمن :عيونة ..

رشا :شراح نسوي ..

مهيمن: اووووف الله كريم يجيج الصافي ..

........

يتبع ...

مشتاقتلكم حبايب .. عذروني ..نزلت اعتذار ..

وهاي بارت طوووووويل ..

باقي بارت واختم انشالله ..

طبعا اختصرت هواي .. بس حتة اكملها ومااكون ضالمة اكثر من هيج ... طبعا طولت بهاي الفترة انطيها حقها للرواية ..

تحياتي Aseel

احبكم .😍😍😍

مرحبااااا شلونكم..

قضية طلاق ..

بقلم Aseel...

بارت ٢٩ والاخيررررررر....

.......

مهيمن :الفترة الي ضاعت من حياتي ماجنت اعرف شلون مرت .. مااذكر منها اي شي .. مرات تجيني شرايط مامفهومة ...

الي ستفاديتة من الي صار هوة عرفت معدن رشا ..

وحدة غيرها جان تطلكت وعافتني ..

بس هية بقت وحاربت وصبرت ... في سببل متتخلة عني وماتتركني اتدمر ...

رغم الي جنت اسوي بيها بس هية ضلت وياي ..

ماعرف شلون اجازيها ..

لذلك قررت اخذ حقي بيدي ..

مااسمح لاحد يأذي رشا واسكت حتة لو جنت اني. ..

رجعت لسجى .. جنت احاول اتصرف طبيعي. .

طبعا هاي جانت الخطة من سامر ...

ورشا ماعدها علم بالي صار ماحبيت اقلقها ..

خابرت سامر ..

الووو ها سامر .. شلونك .

سامر :هلة بيك .. ها بشر لوين وصلتو .

مهيمن: بعد مفاتح وياها موضوع الطلاق ..

سامر :يمعود شمنتظر .. ترة عماد منتهي ..

مهيمن: انشالله بليل اكللها .. لان ترة اني الي لعبت نفسي من هلحالة .. يااخي مااتقبلها .. معدتي تكوم تكلب على درجة الانحطاط الي بيها هاي ..

سامر :اني ادري منين لفت علينا هلحية ..دمرت اخوية والله ..

مهيمن: كلشي محسوب حسابة بس خل اول شي نخليها تتطلق وتتنازل عن كلشي ..

سامر :اخاف متقبل تعوف غايبها هاي طماعة ..

مهيمن :اني اقنعها .. احاول اقشمرها بفد شي ..

سامر: الله يسهل انشالله .. بس دير بالك تكول لرشا هاي تضل تزن براسك وتخليك تبطل كلشي ..

مهيمن: هههههه لا توصي حريص .. يلة سلمنة .

سامر :يوصل في امان الله ..

ميهمن :ختمتة منه ورحت راسلت سجى ..

اتفقت وياها انو نتصل كامرة بليل ..

سديتة منها وحاير شلون اخابرها بليل ورشا موجودة

هاي تفضحني ..

رحت لسامر للبيت ..

سامر :ولك هستوني جنت اخابر بيك .. شجابك ..

مهيمن: هي هاي التفضل مالتك ..

سامر: هههه مو غريب انتة حتة اكلك تفضل .. البيت بيتك ترة ..

ميهمن: تسلم حبيبي... بس اريد منك شغلة ..

سامر :كول عيوني الك ..

مهيمن :اريد منك تجيب ام زهراء وتجونا ..

سامر: ليش شكو .

ميهمن :مو اتفقت ويا سجى تفتحلي كامرة .. اريد اسجل كلشي ..واخاف لا رشا تطب علية وتخرب الاول والتالي ..

سامر: زين احنة شكو جايين .

ميهمن: مو حتة سهام تبقة بالغرفة وتبات وياها .. واني بحجة مرتك يمنا انزل انام جوة ..

سامر :واني شنو ذنبي انحرم من مرتي ..

مهيمن :عمي عود تعال بات انت هم ..بس فضنا شكلت

سامر :والله هية فكرة حلوة بس تضوج ..

يلة ب١٠ نجيكم ..

مهيمن: ولك يا ١٠ .. هوة اختك تنام ب٩ ..

سامر :ههههه دروح هسة ونجي وراك خل نتحضر نكول لاهلي ..

مهيمن : اوووف .. ترة حدك لل٥ اذا ماجيت اجي اسحلك انت وياها .. مو تكول ماكلت ..

سامر :عمي والله جايين انشالله وراك بنص ساعة نجي بس خل نحضر اوضاعنة ..

مهيمن: يلة ماشي اخيك اني .. ترة تورطت ونسيت رشا استخبارات وماكدر اكعد بحديقة ..

سامر: عمي والله فهمنة .. جاييييين اعيط بعد .

مهيمن: ههههه لا ميحتاج سمعت ..

رحت من يمهم للبيت ..

طبيت واستقبلتني حبيبتي .. صايرة تخبل من سمنانة ..

رشا :هلة الله يساعدك .

مهيمن: ويساعدج .. بستها وطبيت سلمت على امي .

ها شلونكم .

ام مهيمن: هلة يمة هلة  شلونك يبعد امك ..

مهيمن: الحمد لله .. مددت على رجلها وتلعب بشعري ..

اكوول يمة ..

ام مهيمن: كول يبعدها لامك ..

مهيمن: غالية .. يمة ادعيلي ايصير الي ببالي ..

باوعت كبل لرشا ..

شفتها رفعت تك حاجب .. ونزلت راسها ونظرها بعدة باتجاهي ..كانما تكول شنو هاي انوب ..

ام مهيمن :الله ينطيك على كد نيتك ..

مهيمن: لا يمة جفصتي بالسالفة كلها .. اذا على كد نيتي فنيتي. تعبانة .. (طبعا احجي بكلبي )

ام مهيمن: بس مكتلي ييمة شنو الي ببالك وتريدة يصير .

مهيمن: يجي وكتة يمة .

شفت رشا دخنت وطلعت ..

كمت وراها .. شفتها طبت للغرفة رحتلها ...

حضنتها من ورة واهمس بركبتها ..

شبي الحلو ضاج .

رشا :مابية شي ..

مهيمن: يابووية ... كل هذا الدخان وتكولين مابية شي ..

رشا: كتلك ماكو شي وخر ..

مهيمن: درت جسمها علية .. حطي عينج بعيني وكول مابية شي...

بس صفنت بية دمعت عيونها ..

ليش تبجين متكليلي ..

رشا: انت شنو الي ببالك .. هم حترجع مثل قبل .. ترة مابية حيل..

مهيمن: رشا اني كلشي مراح اكولج .. غير بس كلمتين ..

رشا انتي تثقين بية ..

رشا: هذني اربعة اذا احسب اسمي كلمة وياهن ..

مهيمن: هههههه لا بس همة هيج يكولوها ..

هسة كليلي انتي تثقين بية لو لا ..

رشا :صفنت بعيونة وتذكرت الي سواه بية ..

ماكدر مهيمن .. الي صار مو هين ..

مهيمن :يعني شلون نكضي عمرنا بالشك .. اذا متثقين بية ليش باقية وياي اني خاين وكلب ابن كلب ..

طلعت وطبكت الباب وراي ..

رغم الي صار والي تعرفة بس بقت متخوفة مني ..

مالومها .. اي شخص بمكانها يسوي الي سوتة .. ويجوز اكثر ..

بس اني ماكدر اتحمل ماتثق بية .. .

لازم انهي هاي السالفة ماابقة طول عمري اعيش واعيشها بشك ..

ضليت جوة ماصعدت بعد للغرفة حتة ماحاجيتها .. صارت تقريبا ب٤ اجوي سامر وعائلتة ..

بين سوالف وضحك وعشة مر اليوم ..

مهيمن: سامر خل البنات ياخذن راحتهن بالغرفة واني وياك ننام هنا ..

سامر :يمة مريتي ياخذوها مني ..

رشا: وشدعوة عيني .. ترة هية الايام كلها يمك ومابقت على هليوم ..

مهيمن: يمعود خل ياخذن راحتهن .. غمزتلة بس ولا فاد .

سامر: لا عذروني اني مانام دون مرتي ..

مهيمن: احس اذني دخنت من الاعصاب ..وكوة كاتم غضبي .. سامر شنو السالفة .. شافني فتحت عيوني ..

سامر: يلة هلمرة سماح .. بس غير مرة لا والله نجي سوة انام سوة نروح سوة ..

مهيمن: يلة رشاوي .. جيبيلنا فراش وانتو صعدو الجهال فوك .. 

رشا: ماشي كايمين اخذووو راحتككمممم .

مهيمن :وشبيج عيني انغثيتي ..

رشا :وعلى شنو انغث ... يلة كومي سهام ..

مهيمن :طلعت رشا بس مبينة شاكة بشي ..

ضلينا نسولف اني ومهيمن سوالف عادية بين مكملو الفراش وسدينا الباب ..

انت وتالي وياك متبطل شقة ..

سامر: ليش شسويت ..

ميهمن: يعني لما جيتك واتفقنة تباتون حتة سهام تنام يم رشا ..

ليش تخليني هسة اكوم اشتم سابع جد .

سامر :هههههههههه والله اموت ضحك على منظرك من تتعصب تصير هيج احمراني .وعيونك يطلعن ..

مهيمن: يمعود اني على اعصابي متحمل هاي البلوة ..

والله تجيني ساعات اريد اروح اسحلها وكطعها تكطع..

سامر: يمة يمة صاير عنيف .. معرفتك هيج قاسي اوووي .

مهيمن: سامر بلة شقة ..ترة روحي طالعة اني

سامر: ههههه يلة اوك .  بس شراح تسوي ..

مهيمن: اول شي روح انت شوف الوضع نامو لو لا حتة نأمن الوضع مو بنص السالفة ووحدة منهن تنبص ويانة وتخرب الامة .

سامر :ومتروح انتة هوة بيتك لو بيتي ..

مهيمن :شكد شفت اغبياء مثلك مشفت .. غير مرتك نايمة فوك شلون اروح .

سامر :ها هم صح ... اعذرني والله الفراك ياأذيني ويخليني ماعرف اشوف درب..

مهيمن :غير يكعد مجنون ليلى ..  دمشي فضنة يمعود ..

راح سامر يأمن الطريق .. واني راسلت سجى ..

الووو موجودة ..

سجى: هلوو موجودة حبيبي جنت انتظرك .

شلونج

سجى: زينة انت شلونك

.....

اجة سامر ..

ها بشر امان لو لا ..

سامر :امان بس هم نصي صوتك لا وحدة منهن تكعد وتجي تتصنت .. ترة هذني جنيات ..

مهيمن: تعلمني باختك ..

سامر: يلة كمل سوالفك بين مااكلب بالفيس اشوية ..

مهيمن: رجعت راسلت لكيتها دازتلي ..

سجى: الووو وين رحت ..حبيبي .

الو ها وياج بس رحت جبت جكايري ..

سجى :اممممم

مهيمن: شكو

سجى :لا ماكو شي بس كلش مشتاقتلك ..

مهيمن: (حسيت بقرف من روحي من اجاوبها .) اني هم مشتاقلج .. يلة افتحيلي كامرة اريد اشوفج حبي...

سجى: ثواني خل اصعد فوك واتحضر ..

مهيمن: اجة ببالي نور .. هم جانت تحجي هيج .  هم جانت تتحضر ..

جنت ممقصر وياها .. ولا هسة عماد مقصر ويا سجى بس ليش تدور غيرة .. شنو هلطمع ..

اجتي كالت ..

سجى :جاهزة يلة اتصل ..

مهيمن: بس اكلج اني ضلمة يمي ماكدر افتح الضوة

سجى :عادي بس انت شوفني ..اهم شي اروي عطشي بصوتك ..

مهيمن :بسرعة دفرت سامر الي جان نايم جوة رجلي ..

سامر: ولك شكووو .

مهيمن بسرعة افتح تصوير بجهازك راح افتح كامرة

سامر: وقبل اشوية كتلي اني غبي .. ولك بابا اكو برنامج يصور الشاشة فيديو ..

مهيمن: لا بربك .

سامر: والله .. تعال خل اسوي الك .

مهيمن: اخاف يطول ..

سامر: خليها تستوي .. حتة تصير احلة ..

مهيمن :سوالي البرنامج وهاي خبصتني بالرسايل ...

سجى :وينك شنو بطلت ..

الووو وينك ليش متجاوب .

جاوبتها ..

هياني جيت جنت اجيب شاحنتي جهازي صفر شحن .

سجى: اممممم يلة اتصل محضرتلك مفاجأة ..

شنو هية ..

سجى :اتصل  وشوف ...

مهيمن :صحت سامر شغلي التصوير .. واني اتصلت .

ردت بصوت مايع يكرهني بشكو انثى ..

سجى: الوووووو ..

مهيمن :هلوو .

سجى: اروح فدوة لهلصوت .

مهيمن :يلة افتحي كامرة مشتاق اشوفج ..

سجى :اوك ..

مهيمن :هية فتحت واني جنت حاط اصبعي على الكامرة الامامية .  ماريد وجهي يطلع ..

فتحت الكامرة وراحت وكفت بعيد حتة تشوفني شلابسة ..

ماكلكم شكد كرهت روحي لان حجيت ويا هيج وحدة رخيصة .. اباوعلها شلون تستعرض واني اتخيل نور ابدالها ..

كوة ضبطت اعصابي .. اجة ببالي عماد .. هم مثلي من جنت غشيم ..

عايفها زعلانة يم اهلها وهوة مخلة شي مسواه حتة ترجعلة .. حتة باس ايدها ..

اكوول حبي ..

سجى :كول حبي .

مهيمن: الى متى نبقة هيج .. ترة بعد مااصبر ..

سجى :وشنو الي تريدة .. كول واني اسوي .

مهيمن: اريدج الج ..

سجى :واني تحت امرك شوكت متريد اجيك بس انت متقبل ..

مهيمن :شكد جانت بنظري رخيصة بس هسة نزلت اكثر ..

لا اني ماريد حرام .. اريدج مرتي ..

سجى: بس ميصير اني متزوجة شنو نسيت ..

مهيمن: اتطلكي منة واني اساعدك .

سجى: لا يمة واعوف عماد ..

مهيمن: شنو تحبي ..

سجى :لا اييع شنو علزعطوط احبة بس مثل متكول هذا حاطتة جوة ايدي للزمن اخاف اعوفة والزمن يشمرني بيد الي يسوة والي ميسوة ..

مهيمن: اطمني من هلناحية .. اني انطيج وعد .. شتريدين اسوي .. حتة تثقين انو بس تتطلكين اني اتزوجج..

سجى :امممم اي شي اي شي ..

مهيمن: اي شي ..

سجى :اوك اذا هيج .. اريد تسجل بيت من بيوتك باسمي واشوف العقد يلة ..

مهيمن :يرخصلج البيت وصاحبة ..جنج على بيت .

سجى :اوووي فدوة لحبيبي..

ترة اني ماابالي فلوس لو شي بس اريد اضمن حقي ..

مهيمن :لعد انتي مو اول مزعلتي ردتي تطلكين ..

سجى :والله جنت عصبية ولحظة غضب مافكرت بالمستقبل .. بس زوج امي فهمني وقنعني ابقة ويا ..

مهيمن :امممم امبين يفتهم رجل امج ..

سجى: ايييي كلش ... اوووف ..

مهيمن :شكو جريتي حسرة صاير شي ..

سجى :لا مصاير .. بس هيج ..

مهيمن :هسة المهم باجر تطلبين طلاق واني ابدي بمعاملة البيت ..

سجى: ماشي حبي ..

مهيمن: يلة حروح اني ..

سجى :وين بعد وكت لعد المن متحضرة اني ..

مهيمن :اممممم لا دشوفج عبالي نسيتي ليش متحضرة ..

بدت تسوي حركات وتسولف سوالف علاقة ..واني اسجل .. 

جنت لازم اعصابي كوة .. المفروض غيري ينسجم من يشوف هيج شي خاصة هية جسمها مثالي .. بس ابد مااثرت بية ... لان جنت اشوف عماد بعيوني ..

ولمصلحتة لازم اخلصة منها ...

كملت وسديتة منها ..

سامر :ماجنت متصور بقمة الانحطاط هاي ..

مهيمن :اوووف ادعيلي بس الله يصبرني .. وماافضح روحي لان واصلة حدها ..

سامر :تعال كلي شنو سالفة البيت بس لا تريد تسويها صدك ..

مهيمن: هية هاي العايزة اسجل بيت من تعبي للكحاب ..

سامر: لعد شلون ..

مهيمن :عادي اسوي عقد مزور .. مو فد مشكلة ومبينين الجماعة ثولان واهم شي عدهم الفلوس ...

سامر :الله يكضيها على خير من دون خسائر ..

مهيمن :انشالله ..

بعد مدة عرفت طلبت الطلاق .. واكيد حاولت اقنعها تعوف كلشي وتتنازل على الغايب مالتها حتة تخلص بسرعة واني اعوضها ..

ماصدكت لحد مشافت العقد بيدي ووعدتها بس تتطلك يصير العقد الها ..

اطلكت سجى من عماد ..

وهسة صار وقت انتقامي منها ...

المشكلة مو هنا المشكلة اني اعرف الي تتطلك تلزم عدة .. بس هاي ولا كانو .. اصلا صارت اجرء من قبل... وهلشي ساعدني هواي بالتسجيل..

بعد مدة واعدتها حتة بشقة صاحبي ..

طبعا هية قبلت كبل .. بس فهمتها انو اعقد عليها هناك اول شي ..

جنا ننتظر اني وسامر ...

دكت الباب ورحت فتحتلها ...

طبت جوة وشافت سامر كاعد على. ..التخم

سجى :مهيمن .. هذا شيسوي هنا ..

مهيمن :غير لازم شهود على العقد

سجى: وملكيت غير هذا تجيبة ..

سامر: وشبي هذا معاجبج ... اصلا المفروض تكيفين حماج موجود .. حتة يشهد على سوالفج ..

سجى :كامت ترجف ..ياسوالف ..

مهيمن :رحت قفلت الباب هية تعيط ..

سجى :وخر افتحها شدسوي ..

مهيمن :لو تعيطين منا لباجر محد يسمعج .. محد غيرنا يسمعج لان الشقق معزولة عن الصوت .. يعني لو تلطخين راسج محد يدري.

سجى: انت تخبلت .. جانت تحجي بهستريا ..

وخر حيوان اني صوجي اجيت ..

مهيمن: رحت جبت صوندة يابسة ...من هاي الي تعجب الامهات ..

شافتها وشهكت وكامت ترجف ...

سجى :هاي شدسوي ... اياك تلزمني والله اكلبها كلاب ..

سامر :اي ويابة شسوين هم تسحريلنا ..

مهيمن: اباوع عليها كامت تنطي الوان ..

سجى: ياسحر .. اني ماعندي هاي السوالف ..

مهيمن: لا يابوي .. ضربتها على زندها شاغت روحها ...

احجي ليش هيج سويتي ...

شنو جان ناقصج وخربتي حياتي ..

جانت ساكتة زبس تشهك من الضربة ...

ضربتها مرة ثانية على فخذها ..

عاطت بكل حيلها ...

سجى: لاااا حباب كافي ...والله مجبورة ..والله مجبورة ..

مهيمن :غمزت لسامر الي جان بس صافن ويباوع عليه ..انتبهلي ... معناها افتح كامرة وسجل ..بدون متدري .

احجي شنو الي جبرج احجي ..

سجى: اريد اخلص من رجل امي اريد اخلص منة كلت ماكو غيرك يخلصني ..انت عندك قدرة تسافر لاي مكان اذا تريد ..

مهيمن: ليش عماد شناقصة ...

سجى :ناقصة فلوس .. كلشي ناقصة .. اصلا غلطة عمري اتزوجتة .. واحد زعطوط ميفتهم كلشي  ..ههههههه هوة حتة ميعرف البنية من المو بنية ...

مهيمن: فتحت عيوني .. شلون يعني انتي جنتي متزوجة قبل ..

سجى: لا طبعا ..

مهيمن: لعد مافهمت شنو مو بنية يعني انتي مو بنية ..ضربتها حيل على رجلها ... احجييي لا تكفريني..

سجى :اخخخخ كافي تضرب والله احجيلك. كلشي بس لا تضرب ..

مهيمن: احجي لعد ..

سجى: لا مو بنية .. وعماد لان جان اعمى ماعرف بية .. جان همة بس يتزوجني ..

مهيمن: شنو مو بنية ..

سجى :ههههههه يعني وحدة عايشة وية واحد سكير ونسوانجي .. تريدني ابقة بنية واحافظ على نفسي..

مهيمن: يعني رجل امج ..عندج علاقة وياه ..

سجى :غصب والله غصب .. ردت بأي طريقة اتزوج واخلص منة .. انت شايف شنو شعور وحدة يغتصبها واحد .. وعايش وياها بنفس البيت ..

لو من يكمل من امي يجي علية .. وريحتة كلها عرك ...تدري شنو حالتي من يخلص مني .. تدري شكم مرة حاولت انتحر ..

والله ماجنت هيج .. بس امي جابتة النة ماعرف منين ..

مهيمن :وماكلتي لامج مارحتي لعمامج ...

سجى :ومنو يصدكني من عمامي .. اذا امي بيوم الي كلتلها يتحارش بية شبعتني كتل وحاولت تحركني لما هوة وكفها ..

وراها هوة هم كتلني .. تعرف شنو شعور لذل .. متعرفة لان عمرك مراح تعيشة ...

لو هسة من تطلكت ..

مهيمن: كامت تشهك حيل ... عطت بيها ..

احجييي كملي ..

سجى :شتريد اكمل .. هاا كلي شتريد .. تريدني اكلك كام يجيب اصدقائة حتة ينامون وياي .... هيج تريد تسمع ..

عرفت ليش كاتلة روحي على الفلوس .. اريد انهزم اريد اعيش بكرامة .. ولك صرت موزينة بس حتة واحد ياخذني وينطيني فلوس اسافر بيهن ..

مهيمن: الصراحة اشفقت عليها .. حياتها مو سهلة .. 

ويجوز هواي مثلها واكثر ..  بس هذا ميبرر الي سوتة بينا ...

شوفي سجى راح انطيج فلوس بس اريدج تختفين بيها من الوجود .. بس اريد يكون بعلم اهلج .. مو عبالهم خاطفيج ..وين متريدين تروحين روحي .. المهم مااشوف وجهج ..

وشغلة ثانية كل مكالمة .. وكل محادثاتج وياي مسجلة وحتة هذا اعترافج ... سجلتة ..

يعني بس اسمع بيج بديتي تتحارشين بواحد من معارفنا حتة لو عماد .. كبل هلفيديو لعمامج ..

سجى: والله .. يعني حتنطيني فلوس اسافر بيها ..

والله ماتشوف وجهي .. بس اسافر اني الي ماريد اشوف احد بعد ...

اسفة على كل الي سويتة وياكم بس والله من ضيمي ..

مهيمن: ترة مو محبة بيج راح اعوفج .. بس اني بشر وعندي ضمير .. وضميري ميسمحلي اأذيج اكثر مما انتي متأذاية .. 

باجر اخابرج وانطيج موعد اسلمج فلوس بيها ..

بس على اتفاقنة .. مااشوف وجهج بعد ..ماااااشي عطت بيها ..

سجى: ماشي والله .. ممنونة منك

مهيمن :نزلت تبوس ايدي .. دفعتها .. مو لخاطرج لخاطر بيتي ماريد اهدمة

فتحتلها الباب وراحت تركض سديتة وراها واجيت كعدت يم سامر الي جان ماخذ الوضع الصامت ..

هااا خيرك الصفنة مو الك ..

سامر :والله مادري شكول بس شغلة تعجب .. يعني شلون امها متصدك بيها ..

مهيمن :والله صعبة حياتها جنت ناوي اشوهها بس من حجتلي سالفتها ... تندمت لان ضربتها ...

سامر: لا هية تستاهل الضرب .. بس الي عجبني عماد .. شلون ماعرفها بنية او لا..

مهيمن: انت مو سمعتها تكول جان اعمى .. احتمال هية سوتلة شي خلتة ميشوف ..

سامر: اكول اشو سوالفك صارت مال نسوان كلة بالسحورة تحجي ..

مهيمن :هههه ليش الي صار ويانة قليل ..

سامر :والله الله يساعدكم ...

مهيمن :رحت للبيت وحضرت مبلغ زين .. صح جبير بس لازم اسوي شي حتة تبتعد .. هسة اني اكدر مااساعدها واهددها وغصبن عليها تعوفنة بس غيرتي متسمحلي بعد الي سمعتة ..

مهما يكون تبقى مكسورة .. لا اب ولاام براسها خير .. وباقية للجلاب تنهش بلحمها .. مااصير اني والزمن عليها ..

صح هية غلطت هواي واغلاط ماتغتفر .. بس لو مامجبورة متسوي هيج ..

ثاني يوم واعدتها ورحت واني وسامر انطيناها الفلوس .. وضلت تتشكر منا ووقعت على تعهد انو متتقرب من اي احد من العائلة ..

رحت للبيت واني بالي مرتاح .. هسة اكدر ارجع لحياتي بدون قيود او واجبات .. لازم ارجع انظم حياتي ..

......

رشا :بعد الي صار ويا مهيمن رجعت حياتنا حلوة .. بس مهيمن جان اشوية يتصفن ..

واحس اكو غموض بحياتة .. 

جنت متضايقة من تصرفاتة .. ومرات اشك ..

ويتعارك وياي .. بس مو بيدي . الي صار وياي خلاني افقد الثقة ..

طبعا سامر سولفلي بعدين كلشي صار ويا مهيمن وحلفني مااكولة شي الة هوة يفتح وياي الموضوع ..

فعلا بعد مدة صارحني مهيمن وسويت روحي متفاجأة عود ...

شكد كرهت روحي بوكت الي شكيت بمهيمن ...

.......

بعد مرور  ٣ سنوات ..

رشا :مهيمن دكوم حباب ماضل وكت كوم وصلني للصيدلية راح اتاخر ..

مهيمن :اهوووو ولج اليوم مجاز ماعندي دوام ..روحي وحدج ..

رشا :اووف مهيمن يومية نفس الحجي دكوم عاد ياعيني ليش تسوي هيج بية يعني انت مجاز مافكرت منو يوديني ..

مهيمن: عوفيها اليوم لا تفتحيها الصبح اني عود بشفتي افتحها العصر

رشا :مهيمن اني نازلة اسوي ريوك هدومك محضرة عود ..

عفتة ونزلت ..

يومية هاي العركة .. ميقبل يوديني للصيديلة الي فتحناها اني ويا.. اني الصبح .. بوكت الي هوة يكون بالجامعة .. وبعدين نرجع الظهر ويا رجعتة يرجعني .. نتغدة ويرتاح ويرجع يفتحها العصر ...

صار عندي ولد ثاني اسمة مؤيد .. مدري منين جابة مهيمن هذا الاسم يكول يوالم اسمي ..

سهام حامل حاليا ومندري شنو بيها ..

امي وابوية الله يحفظهم ويطول بعمرهم بعدهم بنفس طيبتهم .. وعمتي كذالك

عماد .. هذا جان حالتة حالة .. حتة بعد مااتعالج من سحر سجى وعرف الي سوتة بينا....بس بعدة لهسة يبجي عليها .. يمكن جان يحبها صدك .. بس هية ضيعتة من ايدها ..

لحد هسة رافض فكرة الزواج .. وضال يدور عليها الي اختفت ومحد يعرف وينها .. كل الي يعرفوه انو هية سافرت ...

ولهسة مامل من البحث عليها .. حبة غريب .. رغم ماانطتة شي .. بس هوة جان منطيها كل روحة ..

حتة كمت اضوج اروح لبيت اهلي بسببة .. اشبع قهر .... من اشوفة مكابل صورة عرسهم وصافن بيها ويبجي ..

اتمنة فد يوم يلكة حب حقيقي ..

ويرتاح وياها ...

لهنا وتنتهي قصتي ..

انشالله تعجبكم ..واكون خفيفة عليكم ..

قصتي يجوز لبعض يكول خيالية وماكو هيج شي ..

بس اني اكول اي اكو وصار وياي ..

كل واحد الة حياتة .. وكل واحد عندة معاناة وقصة بيها الف عبرة ..

ادعولي الله يوفقني بحياتي .. ويحفظلي اولادي وزوجي..

اودعتكم في امان الله ...

مع السلامة ..

......

وجااان تخلص القصة .. اتمنة عجبتكم ..

واتمنة تعذروني اذا في يوم اتاخرت عليكم .. بس تدرون كل انسان والة ضروفة .

تحياتي ..Aseel..

انتظروني بقصة جديدة ..

احبكم ..

تعديل /اعتذر على التاخر بس كل ظني انو اني نشرت البارت الاخير ويا بارت ٢٨ .. هسة من فتحت تلفوني طلع البارت ممنشور .. جدا اعتذر .

راح اشتاقلكم ..😍😍😍😍😍😍😍😍😍😍😍😍😍😍😍😍😍😍😍😍😍😍

مرحبا حبايبي..

قضية طلاق ..

بقلم Aseel..

بارت ٢٧...

..........

رشا :حجة وطلع ..حتة مكال في امان الله..محتاجين ممحتاجين هوة ابو الراهي .. هم عاجبتة روحة...

ابو الوصخ تريد تسبح لو تريد تحاجي الدايحة ..

اني الك بس خل اكوم على حيلي اصطبرلي ..الة اعرف كرعة ابوها منين هاي بنت الكلب ..

مر كم يوم على ولادتي التهيت بالخطار والي يبارك والي يتحمد بالسلامة بالنهار وسهر وتعب بليل .

مهيمن جان يجي احسة تادية واجب .. يلعب صوفي ..وشلونج ماسمع غيرها .. ولهسة ماحاجيتة ..

مارد عليه اذا حاجاني .. ردت اشوفة شكد يبقة يكابر ..تحملت في سبيل اكسر كبرياءة ..

صار الي ٢٠ يوم على ولادتي ..ردت اروح لبيتي بس امي وعمتي عارضو والقران حتة كضيت باقي الايام على اعصابي .. امي كملت جهاز الطفل لان ملحكت تجهز عدل بسبب ولادتي المستعجلة حتة بيوم الولادة اذكر سهام طلعت هدوم بناتها مال نفاس ..

جتي فترات كرهت ابني بيها لان حسيتة هوة سبب بعدي عن مهيمن .. لوما حامل جان مابقيت يم اهلي ومهيمن تغير ..

ارجع استغفر واتعوذ من الشيطان ..

اجة اليوم الي صار لازم ارجع لبيتي .. جنت متحمسة حيل ... بعد ما نظفت روحي وطلعت عروس ..

اخذنة مهيمن .. طول الطريق ساكت ميحجي جنت لازمة سلسلة كلادتي واني اتذكر عيد زواجنة قبل لا احمل ..

شكد جنا فرحانين بيومها .. عزمني مهيمن على مطعم وتعشينا بي وراها فاجاني وجابولنة كيكة

واحتفلنة قدملي احلة هدية هية سلسلة ذهب بيها ميدالية على شكل قلب وابطنة قلب وبداخلة هم

قلب بس منفصلات يعني يفترن بداخل بعض ..

بوكتها سألتها عن معناها كال ..

مهيمن: هاي معناها انتي ملكتي كلبي كلة ..

رشا: فدوة لكلبك .

مهيمن: بس ماشفت هديتي شنو ..

رشا: هديتك بلبيت معبالي هنا نحتفل..

مهيمن: لعد خلصي بسرعة حتة نلحك نشوف هديتي ..غمزلي .

رشا: لتخاف مو الي ببالك ابد ..

كملنا ورحنا للبيت طب للغرفة جنت مزينتها ..

الصراحة مو. اني زينتها .. بس اتفقت ويا سهام حتة من نطلع ارمشلها تروح لبيتنا تزينها الي وهية مقصرت ...

بس الحقيرة جانت حاطة على الجرباية سيت جديد هية جايبتة .. بس شنو يخبل عبالك فستان ..

مهيمن :هاي شنو .. ولج جنية شوكت لحكتي تسوين هذا الشي ..

رشا :بعد هذا تخطيط نسائي بوقت الشدة ..

متريد تشوف هديتك ...

مهيمن: يعمري انتي... انتي هديتي ...

رشا :جرني من خصري لحضنة وكام يشم بركبتي ..

انتظر ثواني بس ..

مهيمن :شكو شعندج بعد ..

رشا :اطلع اشوية وتعال ..

مهيمن: لا بلة .

رشا: شبيك حباب .. بس شوية والله .

مهيمن: امري لله نشوف تالي هلليلة شنو ..

رشا :يلة شبيك .. كمت ادفع بي وهوة يدردم بتذمر ..

قفلت الباب حتة ميطب ويخرب المفاجاة .

لبست عسريع الي جابتة سهام .. وطلعت من الثلاجة كيكة صغيرة .. وهديتي جانت سوار فضة منحوت اسم مهيمن عليها .. ووياها عطر رجالي اسمة دراهم .. جنت جاطتهن ببوكس هداية لان طلبتة من النت

حطيتهن على الميز الي محضر بشكل رومانسي ..

ورحت فتحتلة الباب طب كبل حضني وحاول يجرني للجرباية ... توسلت بي حتة بس نحتفل اشوية ..

مهيمن: ترة والله مامحتاج هدية انتي هديتي ..

رشا :بس على الاقل افتح الهدية ..

راح وهوة يتأفأف ..احتفلنة بسرعة ...لان اذا طولت بعد اكيد حيكتلني ...

فزيت على صوتة ..

مهيمن: هيوووو متنزلين شبيج صافنة ..

رشا :شبيك مهيمن هيو شنو حيوانة كبالك ..

مهيمن :اي مو صارلي ساعة اكلج وصلنة يلة ..

رشا: مانتبهت جنت صافنة ..

مهيمن: وهسة انتبهتي .. متنزلين شمنتظرة ..

رشا :نزلت بدون مااحجي ..تلكتني عمتي وبوستني واخذت مصطفى مني ..

واني رحت اطبب الغراض جوة .. جان مهيمن ينزل ويحط بالباب مال كراج واني ادخلن لداخل البيت..

طبيت للبيت وبوجهي لغرفتي الي صايرة عبالك مهجورة .. امبين حتة مينام بيها ..

خليت الغراض برة الغرفة وبلشت انظف بيها ..

شلت الفرشة الي متروسة تراب .. والبردات ..شمرتهن بالغسالة وشغلتها ...

رحت نفضت ومسحت وفرشت جديد وفتحت الشبابيك احس ردت روحي جانت مقبوضة من الوصخ ..

كملت ورحت شريت الفرشة والبردات..

نزلت شغلت بخور احب عطرة بعد التنضيف ..

طب مهيمن عبالي متلهف علية ويحضني ..

رحت عليه عاط بية ..

مهيمن :شنو هذا الخرة الي مشغلتي .. طفي راسي حيطك منة ....

رشا :هذا بخور اكو اطيب من عطرة ..شلتة وشمرتة بسطلة المسح الي جانت بباب الغرفة ..

يلة طفيتة رتاحيت ..

مهيمن: وشنو الفايدة الغرفة متروسة ريحة صارت ..طفي السبلت وفتحي الشبابيك خل يتبدل الجو ترة لعبت نفسي من الغرفة ..

رشا: ماشي ميخالف .. رحت اتقربت عليه .. حاوطت ايدي على ركبتة ..

يعني ممشتاقلي ..

وخر ايدي وكال ..

مهيمن: اني طالع من تروح الريحة صيحيني حتة اجي اناملي اشوية كاعد من الصبح ..

رشا: عافني وطلع اني هنا احس صار شلل بكلبي من الفشلة .... فشلني .. ممعقولة هذا مهيمن ..

رحت سويت الي كلي عليه ومن تاكدت الريحة راحت مال بخور ..

صحتلة حتة يجي ينام جنت مشغلة السبلت ومبردة الغرفة والضوة خفيف ..

رحت جبت مصطفى جان نايم يم عمتي مشبعتة ونايم بحضنها ... شلتة بالكريكوت مالتة وصعدتة بغرفتي ..

لكيت مهيمن نايم .. رحت ع السريع سبحت وبدلت دشداشة مال نوم تصير بدون ردان وقصيرة حصر .

فتحت البطانية وطبيت ويا ..

جان داير ظهرة مديت ايدي وحضنتة من ظهرة ماتحرك .. ولا كانو بشر وراه .. جان بس اسوي هاي الحركة يندار ينيمني بحضنة.

كعدتة:..مهيمن... مهيمن

مهيمن: امممممم شتردين ..

رشا: بردانة دفيني ..

اشو هذا دفر البطانية وكام طفة السبلت ..

مهيمن :يلة طفيتة نامي انشوف شنو حجتج ..كافي ارريد اناام .

رشا: انصدمت بهذا فعلة ..

شبيك مجان داعي تطفي قصدت تحضني ..

كمت شغلت السبلت لان الجو كلش حار جان ..

ورجعت مديت ايدة ونمت عليها اريد اشوفة شلون يتهرب ..

نمت على ايدة وكمت ابوس بي بركبتة ..

مهيمن :ترة حنزل انام جوة والله ...

نامي عاد تعبان كتلج اريد انطمر كافي سوالف الجهال هاي ..

رشا: اسفة عبالي مشتاقلي لان صارلي اشهر يم اهلي .. ..

درت وجهي دمعت عيوني بس مسحتها ماردت اضعف .. لازم اصير قوية ..

صح هاني اهانة قوية ومو اي وحدة تتقبلها خاصة بوضعي اشهر مشايفني ولا متقربلي المفروض هوة يجي متلهف واني ادلل عليه ..

جنت دايرة ظهري واني اتخيل شسوي اذا حضني بس خاب ضني من سمعت صوت شخرة ..

درت وجهي لكيتة نايم على بطنة ومو يمة السالفة ..

كلت ماشي بليل الله كريم البس واتحضر .. اذا ماسوة شي بعد فلا اعرض روحي وانزلها ..

غفيت والدمعة بعيني .. ورة اشوية كعد صوفي مابية ارضعة جنت نايمة نومة حلوة .. سويتلة ممة شربها ونام ..

رجعت نمت حسيت على بوسات بركبتي .. وبخدي ..

فتحت لكيت مهيمن فوكاي .. جان يبوس كعدت لحيلي ..

رشا: مهيمن شبيك ..

مهيمن: اششش اسكتي ..

رشا: رجع نومني وسوة الي يريدة جنت ابادلة بلهفة بس هوة جان يبادلني بشهوة وغريزة بس ..

كمل كام اخذ هدوم الة بدون مينطق حرف ..

راح سبح واني رجعت نمت تعبانة جنت ومخنوكة ومالي واهس اباوع لوجهة ..

حسيت ايد ناعمة تفتح بعيوني بس هية دتفكس مو دتفتح .. وصوت همس طفولي

ريم: عمة .. عمة

رشا :هلو حبيبتي .. حضنتها وصعدت تنام يمي ..

ولج وين جنتي مالكيتج من جيت ..

ريم: جنت يم بيت عمي هسة ابوية جابني واجة ..

مشتاقتلج هواي ..

بابا كال جابلي اخو الية وينة ..

رشا: كمت فتحت الضوة وشلت الكريكوت الي جان بالجهة الثانية بصف جهتي ..

حطيتة يمها على الجرباية ..

ريم: واو هذا لعابة الي ..

رشا: لا هذا مو لعابة هذا اخوج

ريم: يعني يلعب وياي ..

رشا: من يكبر يلعب وياج هسة بعدة صغير

ريم: شسمة ..هوة .

رشا: اسمة مصطفى بس صيحيلة صوفي

ريم: اني احب صوفي .

رشا :واني هم احبج ..

ريم: يووو. نسيت بيبي كالتلي صيحي عمة رشا تجي تتعشة ..

رشا :باوعت لتلفوني لكيتها ساعة ب٨ .. طفرت

عززة ...روحي كليلها جاية درضع مصطفى ..

طبعا هوة جذب حتة الحك اسبح وابدل وانزل ..

شكد عيب .. عمتي تسوي عشة واني هنا نايمة ..

رحت سبحت بسرعة ...وبدلت ولميت شعري الي صاير واصل لنص ظهري ...

وسويت ممة لمصطفى ونزلتة وياي ..

لكيت عمتي حاطة الاكل على الميز ودياكلون جيت كعدت يمهم وخليت صوفي قريب علية

رشا: والله محسيت على روحي طولت بنومتي ..

ام مهيمن: والله حقج المرة مترتاح الة بغرفتها .. اني جنت اذا اطلع ببيت ماانام لحد ماارجع لغرفتي ..

المرة بس تتزوج تصير غرفتها مملكتها ..

رشا :والله حجيج صح صارلي هواي منايمة نومة هيج طويلة ..

ضلينة نسسولف ومهيمن يلعب بتلفونة وياكل ..

كملنة ورحت غسلت وانطيت صوفي لعمتي وكمت اشيل بالمواعين ..

ريم فدوة لطولها صايرة مرة عود وتشيل وياي ..

مهيمن اختفة ماعرف وينة ..

غسلت المواعين وسويت جاي وصبيت الي ولعمتي.

احس روحي بعدني منعسة ..

بدلت لصوفي حفاظة وكملت شغلاتي .. عمتي راحت نامت هية وريم ..

بقيت انتظر مهيمن لل١٢ ومااجة ..

قفلت حيل صعدت لغرفتي نيمت صوفي الي بس مكضيها نوم ... وبليل يكعد اكثر شي بس ميطول يرجع ينام خطية خامل بعدة ..

تحضرت ولبست ومكيجت .. بقيت انتظرة لل١ ونص وماكو..

غفيت واني اباوع للساعة ..فزيت على طبكة الباب باوعت للساعة لكيتها ب٣ ونص ..

مهيمن وين جنت ليش لهسة .

مهيمن: وانتي شكو يمة .. وبعدين جنت برة بالحديقة ادخن ..

رشا :ادخن !! وانت من شوكت تدخن ..

مهيمن :عجبني ادخن عندج مانع ...

رشا :لا ماعندي .. مهيمن شنو مشكلتك ..ليش هيج وياي .. نسيت حبنا ..

مهيمن :اهوووو حتبدي باسطوانتها القديمة ..

رشا: شنو اسطوانة انت شايف روحك .. هاي تصرفات واحد مشتاق لمرتة صارلها اشهر بعيدة عنة ..

اذا هيج مراغبلي ليش مكتلي حتة مارجع ابقة هناك ..

مهيمن :يعني انتي كاتلج بس النومة ... لعد تعالي ..

رشا :جرني ويحاول ينزع بهدومي دفعتة ..

شنو كاتلني نومة كافي ترة تحملت هواي تصرفات منك ممجبورة اتحملها ..

مهيمن: رشا مالي خلكج .. نامي لا اعيط بيج هسة اخلي الطفل يرفس ..

رشا :عفتة محجيت .. رحت نزعت الي جنت لابستة الة ولبست دشداشة نوم ..

نمت واني دمعتي مغركة المخدة حسيت على ايدة تتلمس جسمي بطريقة اشمئزيت بيها ... عبالك ديتحرش بوحدة ...

فزيت ودفعتة ..

وخر اني مو لهدرجة رخيصة حتة تهيني وترجع تريدني .

مهيمن: انجبي لج مرتي وغصبن عليج ..

رشا: واني ماريدك بعد ..

جرني من شعري وحاول يسوي الي يريدة بس جنت ادافع عن كرامتي ماريد ارضخ .. بس مكدرت ..وهذا الشي خلاني اكره حتة روحي ..

جان صوفي يبجي بس هذا الشي مامنعة يكمل الي يسوي ..

كمل وكال .

مهيمن: كومي سكتي ابنج ترة لعبها لروحي اريد انام لو ماكو نومة بعد منا وهيج ..

رشا: كمت تلفلفت بهدومي ورحت اسويلة ممة شربها ولبست دشداشتي .. وبدلتلة حفاظتة ..

عيوني مانشفت من الدمع .. حسيت بأهانة كلش قوية واني اشوف انوثتي وكرامتي الي مسح بيها الكاع ..

حسيت بداخلي شي انكسر .. هذا مو حبيبي هذا واحد ثاني ..

طار النوم من عيوني رحت سبحت ونزلت واخذت وياي صوفي حتةاشتغل بالبيت الهي روحي وهم حتة اذا كعد يكون يمي واسمعة ..

ضليت اكرف كرف .. جان البيت يرادلة اشوية تنظيف لان عمتي تقريبا صارت تتعب من تنظف مو مثل ماجيتهم .. احسها كبرت بهاي السنتين ٢٠ سنة ..

ماعرف شنو الي جابرني ابقة هنا واني شفت معاملتة الي من اول يوم ..بس شي بداخلي رغم الانكسار ينطيني حافز استمر ومااتخلى عنة ..

لان اعرف هوة ميعرف شديسوي ..كلت اتحمل بس انقل انام بغرفة ريم حتة احتفظ بالباقي من كرامتي ..

خلصت شغل وبلشت ريوك ..كعدت عمتي وريم .. وتريكنا ..

جنت احط لكمة واصفن بالثانية ..

ام مهيمن :شبيج يمة اشو من جيتي لهسة وضعج معاجبني لا انتي ولا ابني .. شبيكم صاير شي ..

رشا: مادري عمة .. مهيمن متغير حيل .. صاير ميرغبلي ...

ام مهيمن :واني هم لاحظت هلشي .. ها صدك ذكرتيني اليوم عازمة بناتي واولادي همة وعوائلهم ..

حتة يستقبلون الحفيد الجديد..

رشا: انشالله اني خلصت شغل البيت بقة بس تنظيف..

ام مهيمن: اي وهم حتة مرت عدي حماج .. تشوفلج الفنجان هاي كلش قوية بيه .. هم نشوف شبي الولد مطايق حتة بنتة ..

رشا: يعني ريم هم عايفها ..

ام مهيمن: اي لعد شعبالج اصلا ميدري بيها وين شامرها الدهر وين جان كل ميطب يسأل على بنتة ..

حتة اني الي جان كل ميطب ينام على رجلي صار كلامة وياي بس جواب لسؤال اني اسألة .. شلونك زين جوعان لا..

احس بي شي ابني مو مهيمن هذا ..

رشا: كمت ابجي .. عمة متدرين شلون هاني البارحة وجرح كلبي..المشكلة ماكدر اعوفة بهيج وضع لازم اتحمل لحد ماترجعة مهيمن القديم ..

ام مهيمن: الله يخليج ويحفظج بنيتي لان انتي بنت اصل وطيب .. المرة الزينة تتحمل كلشي لخاطر تحافظ على بيتها ورجلها .. ومتخلي شي يفرقهم ..

رشا: انشالله .. الله يهدي ...بس عمة مكلتي شراح نسوي غدة وشكم نفر هم تقريبا ..

ام مهيمن: بيهم بال٢٥ واحد ماعدانا .. كلت اطبخ دجاج وتمن وتاجينة ونوصي على ١٠ سمجات مشويات وكيلو كباب ..

رشا: يلة لعد بس اكمل المواعين ابلش حتة نلحك ..

ام مهيمن :سوي التمن والتاجينة واني اخابر على المطعم يحضرلنا الباقي عما اسوي الدجاج محضرتة من البارحة ...

رشا: كمت بدلت هدومة لمصطفى .. وحفظتة ونيمتة وحطيتة بغرفة عمتي ...

بلشنا تحضير الغدة .. تقريبا بال٩ ونص بلشنا ..

صارت ب١١ ونص كملنة كلشي .. بدو يجون حمويني ونسوانهم وجهالهم ..

طبعا اني اول مخلصت صعدت بدلت اهدومي وترتبت ونزلت ..

اجوي وبدت السوالف والضحك .. وكلها تسأل على ابو البيت .. الي صارت ب١ وهوة نايم ..

صعدت اكعدة لان عيب ..

سمعت صوت سوالف بالغرفة ... طبيت كبل ..

شافني وفز سد التلفون كبل ..

مهيمن: انتي شبيج مدكين الباب ..

رشا :بس هاي غرفتي والي بيها رجلي ليش ادك الباب..

رفعتلة تك حاجبي ..

مهيمن: هذا نزلي الحاجب لو ازينة الج بموس والله .

رشا :دخلص وانزل يريدوك جوة يبو البيت ..

محسيت خير نسحلت من شعري ..

مهيمن: وشبيج تستهزءين يمة ..

رشا: اااخ دهدني ..شبيك منو مستهزء .. بس اكو ابو البيت عايف خطارة ونايم للظهاري..

مهيمن :بكيفي عسما ابقة هنا لليل محد الة شغل بية ..

رشا: اني معلية بيك بس اخوتك يسئلون عليك منتظريك على الغدة ..

مهيمن: دولي من وجهي هسة اجي وراج ..

رشا: طلعت من الغرفة ولمحتة رجع اخذ موبايلة ..

صار عندي فضول اعرف منو الي يحاجيها تالي الليل ..

اتصنع الغباء وبداخلي بركان ..

بس جنت اصبر روحي اكول تاليها ينكشف واخلي اصير اني ام الحق ماريد يطلعني غلطانة ..

نزلت وحضرت السفرة وبدينا نفرش وننكل الغراض ومحسيت بتعب .. جانن البنات وياي ..

بس عذراء الوحيدة رجلها مااجة وياها .. والي يسألها تكلة عندة شغل غير يوم يمر ..

لان محد يعرف بسالفة زعل مهيمن وسلام ..

صبينا غدة ونزل العريس يتثاوب ..

كوة من ورة خشمة يسولف .. عبالك مجبور ..ولو هوة صدك مجبور ..

كملنة غدة واني اباوع لزلم شلون يجبون ويحطون يم نسوانهم واني العريس مالتي بغير عالم ..

جانت هاي القطات متفارقني .. وهسة صرت اتحسر عليها ..

اووف يمهيمن وين وصلتنا ...ابوعلة شلون ياكل ابد مافكر يباوعلي اكلت لو لا ..

جنت كاعدة على الاكل بس اخذ نظرات من كل زوج وزوجة .. واخذ نظرات من مهيمن بلكي ينتبه الي ويحس ..

بس شنو عود يجاوب الي يحجي وياه لا والله بالة بغير مكان ....

كملنا غدة وكفكفن وياي المطبخ وصبيت جاي .. وكعدنة التمينا كلنا بالصالة وضحك وسوالف .. حسيت مهيمن اشوية فك ... ورجعت اشوف ضحكتة الي مشتاقتلها ..

جنت سارحة بغمازتة الي بطرف خدة الايسر .. اووف شكد مشتاقة ابوسها ...

صار العصر وانطوني الهداية والواجبات وسلمو وراحو ....

رحت ضميت الاكل الزايد بالثلاجة .. وبقيت اشوية للعشة ..

ورحت مددت اشوية بغرفتي لان مهيمن طلع من طلعو .. حطيت صوفي بكريكوتة بعد مارضعتة .... وضل صافن بالسكف ...اني غفيت ... مدري شكد نمت فزيت لكيتة غافي بمكانة خطية ..

نزلت اسوي عشة واحضرة .. صارت ب٨ عمتي جاعت ومهيمن مااجة ..

رشا: عمة مهيمن مااجة ..

ام مهيمن: لا ميجي كال معزوم برة على عشة ...

رشا: انهضمت منة ... بس مابينت لعمتي ادري بيها حست بية لان تصرفات مهيمن بالنفر مني صارت واضحة حيل..

سويت عشة وتعشينة اني وعمتي وريم ....

خلصتركل شغلي وصعدت حضرت فراش الي يم ريم ..

رحت فرشت يمها بدون متدري هية لان جانت غافية ..

هية مرات تنام بغرفتها ومرات تغفة يم عمتي اعوفها بس اعدل نومتها ..

فرشت وكملت ونيمت صوفي باوعت لساعة ب١١ ولهسة مهيمن مااجة ..

رحت بدلت هدومي لان توصخن من الصبح لهسة بيهن ..

ورجعت للغرفة بعد مالبست تراك بيت عادي ..

طبيت بفراشي واني ميتة نعس منايمة قبل يوم والنهار كضيتة شغل ...متت هلكت ..

نمت نومة كلش عميقة .. حتة صوفي ماعرف شوكت رضعتة شوكت نيمتة بليل ..

كعدت على صوت صوفي يبجي باوعت الساعة ب٩ الصبح .. كمت بدلتلة حفاظتة وسويتلة ممة وضليت اهز بي بالكريكوت .. والله بعد بيها نومة البيت نظيف وعمتي مو هسة تكعد ..

رجعت كملتها محسيت غير على دفرة بخاصرتي شاغت روحي بيها ..

رشا :اااخ يمة .. شبيك تخبلت انتة .

مهيمن؛ كومي نايمة للظهر شعندج ... جايبج هنا تنامين .

رشا: شبيك انتة ماعندي شي بيت نظيف وطبخ موجود زاد من البارحة ..

مهيمن :حتة لو تكومين تكعدين وتنجبين .

رشا: اني مو خدامة افتهمت ..

مهيمن: لا خدامة ونص وشوكت ميعجبني اعتبرج زوجة .. وهسة يلا بسرعة كومي نزلي سويلي زقنبوت ..

رشا :كول من البداية هيج .. ماكو داعي تتجاوز ..

مهيمن :اتجاوز وبكيفي كومي ولي بسرعة اريد اولي ..

رشا :ماحجيت كمت اخذت صوفي الي سودة علية فز من عيطتي لما ضربني مهيمن ..

نزلت غسلت وانطيت صوفي لعمتي الي مستغربة شغلي الي مورم من البجي ومخنوكة حيل ..

ام مهيمن: عمة تحملي .. الله يهدي الج هذا ماسمعتي مرت عدي شكالتلج ..

رشا :عمة تعبت ليوين اضل اتحمل .. كلبي خلص .

ام مهيمن: ياعيني مو كالتلج الولد مشرب ومو بوعية ..اتحملي بس لحد مااشوف حل الة .. لا تتخلين عنة اتحملي لخاطر بنتة وابنكم ..

رشا: هوة متحملة لحد مااشوف تاليتها واعرف منو الي ورة هاي السالفة ...

سويت الة اكل جانت الساعة ب١٢ ..

صحتلة ونزل اكل وصعد بدل واجة كاشخ والعطر يكفخ ..

حزت بكلبي ماسألني ليش نايمة بغرفة ريم ...جنت متمنية الكة اثر لمهيمن حبيبي بهذا الوحش الي كبالي ..

مر اليوم بملل عجيب .. مالي خلك ابد ونعسانة ..

بية حالة محلوة من انقهر اكوم بس انعس ..

صعدت نمت بفراشي الي بغرفة ريم ...

صوفي ضل يلعب حللت كماطة كلت من يبجي اكعد ارضة وانيمة عدل ..غفيت وحسيت بعيطتة كمت باوعت الساعة ب ١١ ونص ... يعني اني نايمة بس نص ساعة ...

نيمتة وكمت اشوف مهيمن اجة لو بعدة ..

باوعت من الشباك الفوك الي يطل على الطرمة لكيت سيارة موجودة يعني هوة هنا ..

رحت اتصنت بالغرفة اريد الكف طرف خيط بس ..

بس جانت الغرفة هدوووء مو طبيعي بس صوت شخرتة ..

فتحت الباب وجريت موبايلة من الشحن الي محطوط بالنقطة القريبة عل الباب ..

سحبتة وركضت لغرفة ريم ..

لكيتة طافي ... اشوفة نايم اثاري مخلص شحن ..

فتحتة وحاولت ادك الرمز بس مافتح ...طلع مغيرة ..

اجت ببالي فكرة ..رحت جبت تلفوني .. وسحبت الشريحة ودخلتها بجهازي ..

وحملت البرامج الي مرتبطات بالشريحة ...

فتحتهن على الخط لان هوة عندي ...

المفاجأة فتحن كلهن وطلعت رسأئل كومة الة بس كلهم شباب .. الة وحدة مكتوب اميرتي ..

كلبي وكف بس قريت الاسم ...دخلت على المحادثة

شفت الكلام كلش مقرف .. كلام استحي اسمعة مو اكولة ..

حتة تفاجأت بكلام مهيمن عبالك ابن شارع مو دكتور ومثقف ..

كمت اصعد بالرسائل .. واني معدتي صارت تكلب من القرف الي اقراه ...

وصلت الصورة لجسم ... وراها صورة صدر ..

ضليت اصور بجهازي المحادثات والصور اسحبهن ..

اخر شي وصلت لصورة شلت حالي .. وخلتني افقد النطق الثواني .. اذاني اسمع صوت صفارة بيها واني اشوف كبالي الي خايني زوجي ..

هية سجى مرت عماد ...

يتبع .....

كل عام وانتو بخير ياحلى متابعين ..

..........سنة سعيدة عليكم .............

لا تنسون التصويت ...

احبكم كلش ❤❤

تحيااتي Aseel

مرحباااااا...

قضية طلاق ..

بقلم Aseel...

بارت ٢٨ ....

..............

كمت اصعد بالرسائل .. واني معدتي صارت تكلب من القرف الي اقراه ...

وصلت الصورة لجسم ... وراها صورة صدر ..

ضليت اصور بجهازي المحادثات والصور اسحبهن ..

اخر شي وصلت لصورة شلت حالي .. وخلتني افقد النطق الثواني .. اذاني اسمع صوت صفارة بيها واني اشوف كبالي الي خايني زوجي ..

هية سجى مرت عماد ...

دموعي غوشن على المنظر الي داشوفة .. .

مدري انقهر على روحي لو على عماد لو على مهيمن الي فاقد عقلة وميعرف شصاير بي ..

خرجت بسرعة وطلعت الخط ورجعتة لمكانة ..

بس بقيت البرامج بتلفوني مفتوحة ..

رحت رجعت الجهاز وطفيتة وخليتة ع الشحن ...مثل ماجان ..

امشي واسحل بروحي .. صارت لوية ببطني واحس بطني تتكطع ماعرف ليش ..

ماعرف وين اروح ...

اتصلت على سهام .. هاي الملجأ الوحيد الي حاليا .

اتصلت ودك ... طولت يلا جاوبت ..

سهام :الووو ها رشا شلونج.

رشا :بصوت بجي وخنكة وغصة كوة يطلع صوتي ..

سهام الحكيني ..

سهام: ولج رشا احجي شبيج عيني .. مهيمن سوالج شي احجي شبيج ..

رشا :سهام .. مهيمن ... يخوني ويا ... طكيتها بجية متحملت ...

سهام :ولج احجي ويامن احجي ...لتخبليني ..

رشا: ويا سجى ..

سهام ولج ياسجى يمعزاية ..

رشا :شكم سجى نعرف احنة ..

سهام: انهجم بيتج يرشا .. ولج شلون عرفتي ..

رشا: فتحت الصفحة مالتة وشفت الكلام وال.... اختنكت بدموعي وصرت كوة اطلع الكلمة ..

سهام :اهدي حبيبتي بس يصبح الصبح اجيج والله اني وسامر وخل يولي لا تبقين يم هذا النذل ..

رشا: سهام مهيمن مو بوعية .. انتي تصدكين مهيمن يدور خيانة وفوكاها ويا متزوجة وانتي تعرفين عقدتة شنو ...

ماكدر اعوفة الها .. ماكدر ..

سهام: لعد تضلين ملطشة الهم لحد ميجيبها فوكاج ..

واني اكول ليش تريد تطلك هلكلبة هاي

رشا :ماعرف شسوي احس بنار تشتعل بصدري ..

شوفيلي حل راح اموت راح انفجر ماعرف

حدزلج المحادثات وكولي لسامر يسويلي حل بدون ما مهيمن يعرف وفهمي للوضع مال مهيمن ..

ماريد احد يجبرني اعوف مهيمن .. هوة هسة بحاجتي حتة لو ميريدني بس لازم اساعدة .. مستحيل اتخلة عنة ..

سهام :انشالله حبيبتي الله يهدي الج يبعد عنكم هلحية هاي .. احتمتل باجر اخذ سامر ونشوف شيخ سيد لازم نلكة حل وانتي ابتعدي عن المشاكل لا تخلي يصير عصبي عليج ويعاندج ..

وديري بالج تكليلة كشفتك لو عرفت منو هية خليج هيج سوي روحج غبية .. ترة بس يدري بيج يسويها شغلة عناد ويكوم كبالج يحاجيها ..

رشا :اموت غير ..حروح اسبح اشوية راح اموت من البوخة احس نار تطلع من اذاني ..

سهام :يلة حبيبتي سبحي بمي بارد وارتاحي ..باجر لصبح نمرلج ..

رشا: انشالله .. مع السلامة .

سديتة منها ورحت اخذت برنص وسويت ممة لصوفي شربتة وهوة نايم حتة نومتة تطول اريد ابقى بالحمام هواي ..

رحت سبحت وبقيت صافنة بالحمام ماكو دمعة تطلع بس هيج واكفة جوة الدوش .. والمي بارد والفجر راح يطلع .. واني بالحمام ..

مر شريط ذكرياتي من طفولتي لهسة .. مافد يوم فرحت بشي لازم اخسرة ..

كملت سبح ولفيت روحي بالبرنص وطلعت امشي سحل ماعرف رجلي شلون اخذتني لغرفتنا ...جان نايم على بطنة وراسة باتجاه الباب ..

رحت وكفت يم راسة وكعدت على ركبي ...

شتاقيت اشم عطرة .. حيل مشتاقتلة ..

قربت يم ركبتة حتة اشم ريحة ركبتة الي ياما وياما جنت اذوب بيها ..

بهفوة مني بستة بوسة خفيفة من ركبتة ..

فتح عيونة بنعس جرني ونومني بحضنة صار وجهي بوجهة ..

ضليت اتامل بوجها وامسد بلحيتة الي جانت عشقي ..

فتح عيونة حجة ووياي ..

مهيمن :حبيبتي وين جنتي مشتاقلج هواي ..

رشا: يمك اني بس انت عايفني ..

مهيمن: شوكت نرجع لبيتنا .. والله شتاقيت لهاي النومة ..

رشا: ليش هذا مو بيتنا ..

مهيمن: لا هذا البيت مامرتاح بي .. اريد نرجع لبيتنا الاول ..

رشا: انت دتحجي ويامن ..

مهيمن: وياج غير ..

رشا :اني منو ..

مهيمن :. حبيبتي رشا ..

رشا :لعد شبيك ليش ممرتاح بهذا البيت ..

ميهمن: ماعرف احس روحي غريب .. اريد اطلع لغير بيت نعيش مثل قبل وهم حتة ترجعين وياي للبيت كافي هواي طولتي علية ..

رشا: جنت احجي وامسد بلحيتة وهوة يلعب بشعري ..حسيت بهاي اللحظة انو مهيمن القديم يحجي وياي .. دمعت عيوني ونزلت على زندة ..

ميهمن: ليش حبيبتي تبجين .. تعالي يمي والله مشتاق لحضنج .. يومية افز بليل ادور عليج .. وبالنهار ماشوفج ليش مترجعين .. تعبني فراكج ..

رشا :مسح دمعتي وباسني بحلكي .. وضل يبوس بية وكام يتجرأ .. ويا كل حركة منة جنت ازيد بدموعي ..

ميهمن: شبيج ليش تبجين .. ضايجة مني

رشا: لا مضايجة بس مشتاقتلك حبيبي .. متتصور شكد مشتاقتلك ..

مهيمن: مو بكدي والله ....

...............

رشا: بعد ما كملنة رجع نام بعد ما ضل يشبك بية وحضني حيل ويتوسل ماعوفة .. حسيتة طفل وتايه ميعرف وين يروح ..

حسيت بي محتاجني .. ولازم احارب وارجعة الي ..

اليوم حسيت بامل انو ترجع حياتي مثل قبل ويرجع حبيبي الي ونتهنة بابنة الي لهسة ماشاف شي من حنان ابوه ..

اشوية وحسيت صوفي يبجي ..

تسحبت بدون مايحس ورحت جبتة وجيت بعد ماسويت الة ممة .. جان حلمي ارضع بس من الشوطات نشف صدري .. وصار ميريدة ..

بدلتلة بسرعة ونيمتة وانطيتة ممة .. ورجعت نمت بحضن مهيمن واني فرحانة ..

جنت اعرف هذا الوضع مؤقت بس حبيت اشبع منة لاخر ثانية ..

كملت نومتي وكعدت الصبح وضليت صافنة بوجهة وامسد بلحيتة وابوس بركبتة ..

جان يحضني اكثر وهذا الشي فرحني اكثر وخلاني استمر بالي دسوي ..

فتح عيونة على كيف ..

رشا :صباح الخير حبيبي.. وبستة بشفتة بوسة خفيفة .

فتح عيونة حيل .. وكام لحيلة كعد ..

ميهمن: انتي شسوين هنا ..

رشا :انت كتلي ابقي ..عرفت اجتة الحالة ..

ميهمن: امشي طلعي برة ماريد اشوف شكولج .. انتي شنو حتة تنامين يمي انتي خنزير تفهمين شنو يعني خنزير .. تلعب نفسي منج ..

رشا: اسفة راح اطلع ..

ماريد اتعارك وياه لان عرفت مو بوعية .. اخذت صوفي وطلعت الي فز على عياطة ..

اخذتة واسمعة يعيط بالغرفة ..

ميهمن: اطلعي انتي حيوانة ماعندج كرامة ماريدج ماريدج بعد ... اخخ. راسي ... الحكولي ... يمممة ..

رشا :سمعت صوتة يعيط .. حطيت ابني بالكاع وركضت عليه اشوفة لازم راسة ودمارات وجهة كلها طالعة وعيونة حمر ..

رحت ركض لعمتي اكعد بيها ماعرف شبي ..

خطية كوة صعدت واني رحت خابرت سامر حتة يجي ياخذة ..

رشا :الو سامر .. الحكلي فدوة ميهمن تخربط ..

سامر: يلة جاي جاي بس ابدل ..

رشا: رحت ركضت لميهمن اشوفة يتقيئ ويعيط من بطنة وراسة ...

وعمتي لازمتة تقرة ايات ...

رحت ركضت عليها ..

رشا :عمة كافي دتأذي مدتساعدي ..كافي تقرين براسة ..

ام مهيمن :ولج الولد حيموت ماكو مشافي غير القران ..

رشا :عمة ابنج مسحور مو بيدة .. القران يأذي عوفي متشوفين وضعة ..

ام مهيمن: .. لعد اعوفة هيج ولج هذا ابني الجبير ..

رشا: خابرت سامر حيجي ياخذة ..

ام مهيمن: ولج خابري اخوتة مو عندة اخوة ليش تخابرين اخوج ..

رشا :عمة ولدج بعاد وعما يجود اخاف تسوء حالتة سامر جاي هيانة بيتنا ..

ضلت عمتي تبجي وتمسد براس ابنها الي شبه فقد من التعب والتقيئ...

صوجي خليتة اعصاب .. لو كايمة قبل لا يكعد ويزهك وتصير هيج حالتة ..

ضليت اعاتب بروحي واندب حظي ..

اجة سامر ركضت فتحتلة الباب جان جايب وياه سهام ..

شمرت روحي بحضنة ..

سامر الحلكي راح يموت .. فقد وصار ازرك .

راح يركض وصعد فوك واني عما لبست جبة وحطيت شال على راسي من شالات عمتي .. جنت بوضع مو مال ابدل ..

نزلنا اني ومهيمن كوة يمشي .. عبالك واحد سكران شامر روحة علينة وبس يون ..

صعدنا بسيارة .. وعمتي صعدت ويانا وسهام ضلت يم الجهال ..

رحنا كبل بوجهنا للمستشفى ..

سوولة تحاليل .. وسونار .. بس كلها نظيفة ..

دخلو مفراز هم ماكو شي .. الدكتور كال احتمال قرحة بالمعدة بس ممبين شي ..

حطولة مغذي حتة يعوض الي فقدة بالتقيئ.. جان يتقيئ شي اصفر وحتة بالمستشفئ من يفحصون بي تقيئ عليهم ..

جنت صافنة عليه وهوة نايم بالسدية ولازمة ايدة ..

جنت اتمعن بوجهة الي جان ابيض هسة صاير ازرك مطعون ..

وسواد جوة عيونة ..حتة ضعفان ... ولحيتة الي طولانة وشعرة مهوس ولا عبالك مهيمن ابو الاناقة والكشخة ..

جنت صافنة ودموعي تنزل وعمتي كاعدة على الجرباية الي مقابيلنا وايدها على خدها وتمسح بايدها الثانية دموعها .. اسمعها تناشغ ..

اجة سامر جايب النا اكل ..

سامر: هاج رشا اكليلج لكمة حبيبتي .. جبتلكم ريوك .موزين عليكم تتعبون ..

تفضلي ام مهيمن ..

رشا :منو الة نفس ياكل .. شوف حالة شلون ..

ام مهيمن: اعذرني خالة .. ماحط لكمة بحلكي وابني يموت كبال عيوني ..

سامر : همس باذني ..رشا ترة عرفت الوضع سهام كالتلي .. بس لازم تاكلين لخاطر مهيمن متريدين تساعدي .. وخطية عمتج لا تتخربط ..

خليج قوية انتي اخونة السبع ماتذكرين .. ياما وياما صبرتي وحاربتي .. لا تضعفين هسة مهيمن بحاجتج

رشا: انشالله الله ينطيني القوة ..

سامر :هاج اكلي وروحي قنعي عمتج تاكل .. قبل لا تجي الهوسة ..

رشا: منو راح يجي ..

سامر :خابرت على اخوانة .. وراح يجون كلهم وامي وابوية .. يعني بعد متكدرون تاكلون وحتضلون لليل ...

رشا :كمت بدون ماجاوب اخذت لفات اثنين ورحت يم عمتي وكتلها ..

رشا :عمة هاج اكليلج لكمة ... ترة مهيمن يزعل من يدري بيج ماماكلة .. والله يعمة تعبت اني وماكدر اتحمل شخص ثاني عزيز علية يصير بي شي ..

ام مهيمن: ولج كلبي ميطيني والله ..

رشا: والله اني هم مينطيني . بس لازم نتقوة ..هاج حبيبتي .. اكلي حتة تسندين نفسج ..

ام مهيمن: انشالله ...بس اكو مي احس ريكي ناشف .

رشا: اي هاي موجود .. انطيتها شربت مي واكلت نص اللفة وماكدرت لا اني ولا هية نكمل .. جنت اكل واباوع لمهيمن وتذكرت اخر ليلة النة سوة الي هية البارحة ..

شلون جان متمسك بية حتة ماعوفة ..

رحت كعدت يمة وكمشت ايدة ... وعصرتها ..

همست يم اذنة ..

يمك اني وماعوفك ابد .. بس لا تستسلم ..

جان نايم هوة بفعل المسكنات بس حس علية ولزم ايدي وضل لازمها ...

اجو اخوانة وتشكرو من سامر على وكفتة .. ضلينا لليل يلة طلعو ..

جان ميريدني اتقرب منة لا اني ولا امة .. ولا حتة سامر ..

الشخص الوحيد الي يريدة هوة اخوانة ..

تحملت لاجل راحتة ماريد يتعصب ..

دخلو بالبيت واخوانة ساندي .. نيمو بغرفة عمتي ..

عمتي تريد تحضنة يعيط بيها ويكلها وخري عني اكرهج..

ضلت تباوعلة من باب الغرفة وهمة ينيموه .. ومقداد قرر يبات يمة هليلة ..

اهلي جانو كاعدين بالاستقبال .. رحت سويت جاي ..ورحتلهم ..

اجة مقداد طب يمنا ..

رشا: ها نام مهيمن ..

مقداد :اي نام .. ممكن احد يفهمني شديصير وليش هيج اخوية صاير ترة وضعة مو منطقي ..

رشا :ماعرفت شلون ابديها ماريد انزل من قيمة عماد ..

بس نقذني سامر .. كال ..

سامر :شوف اخوية مثل متكول غيرة نسوان .. واكو وحدة مسويتلة سحر وانت انسان مؤمن وتعرف السحر حتة بالقران انذكر ..

ولازم نشوفلة حل ترة يموت .. وهاي كدام الكل ..من اليوم لازم نبدي بعلاجة والموضوع يضل بيناتنة ....

منريد احد خارج هايي الغرفة يطلع الحجي .. نريد نعالجة حتة الي سوة هلشي ميدري بي تعالج ..

نريد نفضحة بس بطريقتنا ..

مقداد :يعني افهم من كلامك انتو تعرفو مو ..

سامر: اي نعرفة بس كتلك شغلة نسوان وماكدر احجي اكثر من هيج ..

مقداد :واتريدني اشوف اخوية يموت وكتالة معروف وماتصرف ..

سامر: الي تريدة يجرالك بس بلاول نعالج مهيمن ونتخلص من الي كان السبب وراها اسلمة بيدي الك مو بس هاي حتة دلائل وياه .. ها شكلت ..

مقداد :اي شي يخلص مهيمن اني وياك بي.. بس كون يتعالج ..

ابو سامر: اسمحولي بوية .. باجر ناخذة نزورة للعباس ابو فاضل وللحسين وهناك نسأل على شيخ او سيد يعرف بهالسوالف ..

ام سامر: بس لا تكلولة رايحين نزور ترة يمانع المسحور يعارض شكو علاج الة ..

رشا: اني اروح وياكم ماكدر اعوفة وحدة ..

سامر: لا رشا انتي ابقي هنا وديري بالج على جهالة ..

هوة هيج او هيج ميريدج .. ليش تعذبي وتعذبين روحج ..

ناخذة نشوف شكد نضل هناك ونعالجة .. .

ام مهيمن :ييمة وليدي راح يموت ييمةةولك مقداد اخوك موات كلبي ناغزني والله ...

مقداد :يمة هاي ابدال ماتدعيلة لخاطر الله .. خليج مؤمنة اشوية ميصير هيج ..

ام مهيمن :ولكم كون الزم الي سوة هيج وطفة شمعة شبابة الي ماتهنة من يوم ما تزوج الاولى وحتة بالثانية ماسلم من الحياية .. ربي الطف بحالة راضية عليه دنيا واخرة .....

ابو سامر :حجية الشغلة سهلة انشالله الولد ياخذوه ويعالجوه ويرجع احسن من قبل بس لازم يحتاجلها صبر وقوة ..

رشا: جنت اسمع وادموعي تنزل ... هاي تاليتك يمهيمن .. هيج يابو طول الحلو يالهيبة .. تاليها توكع بيد النسوان الي متخاف الله .. جنت احجي بكلبي وصافنة ..

حسيت على سهام ضمت راسي لصدرها .. بوكتها جنت محتاجة هيج شي .. شهكت شهكة ضلو الكاعدين يباعون عليةة..

ولك ربي كافي عااااد ارحمنا .. تعبت والله شوكت ارتاح كل مااكول فرجت .. ترجع اسوء من قبل ..

كمت املخ بروحي واهلس براسي ...

اجو لزموني .. وابوية لازم ايدي وسامر مجتفني .. كعدوني وسهام جابتلي مي ..

سهام :هاج شربي حبيبتي اهدي ميصير هيج ..

رشا :مهيمن ضاع مني .. حيموت ومحد يكدر يسوي شي للحية .. اريد اذبحها بس كون اعرف مكانها ..

اريد اشعوط كلبها على عزيزها .. اريدها تحس بلوعة كلبي على مهيمن ..

جنت احجي وارافس اريد اروح الها كل ضني بوكتها انو بس اتحرر منهم اروحلها ..

سامر: اهدي لا تتخبلين كلنا باجر ناخذة .. هاي عود فهمتج بالمستشفى ..

ام سامر: عوفها يمة خل تطلع الي بكلبها ..

سامر: مو حيطلع حتة كلبها ..

رشا :سامر اريد عماد ... اريد هوة يشوف حل مثل مجاب هاي الحية اريد هوة يطلعها ..

ابو سامر :انتي تخبلتي .. عود هاي كلنة متطلع السالفة تريدبن توصليها لعماد الي ميندل دربة منين ..

سامر :كومي سهام شوفيلها حباية فاليوم وشربيها خل يهدء خبالها ..

ام مهيمن: يمة بنيتي شوفي بجنطة. ادويتي تلكين كلشي .

سهام :صار حجية ..وين حاطتها ..

ام مهيمن :حطيتها قبل اشوية على الكاونتر ..

رشا: جابتلي سهام حباية شربتها وورة اشوية احس اعصابي ارتخت .. بس ماكدر انام واحس بس جسمي خدران ..

ابني ماعرف وينة حتة ماذكرتة .. رحت امشي كوة واسحل بروحي ..طليت عليه من ورة الباب .. شفتة شلون نايم كتمت صوت بجيي بايدي ...

سودة علية جان نايم على ظهرة .. ويلوب وهوة بنومتة .. مامرتاح .. جنت مشتاقة اله .. واحس بي بحاجتي واني اتذكر كلامة وياي الصبح ..

اووف ياروحي انت .. كون احضنك هسة واسحب شكو وجع بيك واحطة بية راضية اموت ولا اشوفك تتوجع ..

سديت الباب وكملت دربي .. رحت لغرفتي وشبعت بجي .. اجتني سهام مبدلة ..

رشا: سهام ضلي ماكدر ابقة وحدي ..

سهام: والله ماكدر يعمري والله لو بيدي ابقة يمج بس البنات وحدهن عفتهن يم اختي ولهسة ماعرف عنهن شي اكلن شربن ..

انشالله منا وهيج اجيبهن وياي لحد ماتتحسن اوضاعكم انشالله..

رشا :احس بي محتاجني ..

كعدت اسولف الها على الي صار وياي الفجر ..

سهام كلبي يكلي راح يموت .. ماعرف جنت احس هاي الليلة اخر ليلة الي وياه ..

سهام :لا تحجين هيج اسم الله لا تفاولين عل الرجال ..ادعيلة .. وكومي صليلة ..

رشا :والله نذر علية اتحجب والتزم بس يطلع منها مهيمن ..

سهام :انشالله بس خل يرجع سالم باجر راح يغبشون يجون ياخذو .. واجي وياهم واجيب بناتي واجي هنا ..ابقة يمج ماعوفج .

رشا :شلون راح انام اني وهوة يتعذب ..

سهام :تكضي حبيبتي خلي ايمانج بالله جبير ..

يلة ديري بالج على روحج .. وابنج .. لا تنسيه

رشا: انشالله

سهام :يلة تحملي بس اليوم وحدج باجر اجيب هوستي واجي .

رشا :هلة بيج بس حبابة لا تتاخرين ترة احتمال اموت من الخوف .

سهام :يلة الله كريم بيباي .

رشا: عافتني ونزلت رحت لصوفي بدلتلة ونيمتة .. خطية اليوم مشافني .. ضليت حاضنتة ونيمتة بحضني....

ضليت اتخيل شلون اتصرف شسوي اذا صار على مهيمن شي حلفت اروح اكتلها بيدي ..

صارت تقريبا ب٤ الصبح ..

سمعت صوت دك الباب شلت صوفي من حضني ونزلت افتح الباب .. جان جاي سامر ..

سامر :السلام عليكم .

رشا :هلة سامر . . ها حتروحون هسة ..

سامر :لا دنتظر مقداد .. هسة على جية حتة ناخذة .

رشا :وابوية ميروح وياكم ..

سامر: لا يمعودة كوة قنعتة يبقة يروح يتعب ورانة طريق ومبيت وبهذلة .. وين بي حيل يروح يوكع علينة نحير بي بمهيمن ..

رشا :هم صحيح .. ماكتلي شحضر مااحضر غراض ..

سامر: لعد انتي لهسة محضرتي ..

رشا :ماعرف شحضر .. صدك وين سهام مو كالت اجي ويا سامر الصبح ..

سامر: يمعودة البنات يتمرضن مطلعهن هسة .. ب٧ هيج تجي هية وامي لتخافين محضرة صرة هدوم مبينة باقية يمج ..

رشا: انشالله بس مكتلي شحضر..

سامر: هدوم لبستين وداخليات .. وخاولي وصابونة يعني غراض سفر .. كلشي يصير ..

رشا :اكل تريدون ..

سامر :شنو السالفة ترة احنا رايحين كربلا مو للصين ..

واكو مطاعم وفنادق ترة مرايحين للجول.

رشا :وشبيك اكلتني غير بالي مشغول وياكم ..

سامر :ارتاحي واطمني ..

رشا :انشالله كمت فتحت الباب من سمعت صوت هورن .. طب مقداد وشايل جنطتة وياه ..

مقداد: السلام عليكم ..

ردينا وعليكم السلام ..

مقداد :ها يلة مكملين حتة نروح من وكت هم يلة قبل الازدحامات..

رشا: شنو متبدلون ملابسة . .. جان بدلتلة بس تدرون ميريدني اتقرب منة ..

مقداد :يلة هسة اطب احضرة .. منو يمة نايم ..

رشا: بس عمتي .. تالي الليل من رحت حتة تحضر غراضك كالت ماكدر اعوفة ..

مقداد: يلة لعد جيبيلي ملابسة خل احضرة ماريد نتاخر ..

رشا: يلة ...

رحت انطيتة ملابس ورحت ركض حطيت القوري وسلكت بيض ..وقسم طكيتة بدهن وسويتلهم الريوك ..

سامر: هاي شمسوية ولج منلحك نتريك ..

رشا: لعد تطلعون هيج ..

سامر: لا ناكل بالطريق ترة كلة طريق اكثر شي ساعتين ...

رشا: لعد خل اسوي سفري ...

سامر :يلة بكيفج ..

رشا :ع السريع لفيتة سفري وحطيتلهم الجاي بالترمز ..

اخذو مهيمن وطلعو وعمتي تدعي وتحصن بيهم من الطريق وتوصل سلام وياهم للائمة ..

درت مي بارد وراهم عسى يرجعولي بسلامة ..

ضليت اباوع للسيارة من مشت لحد مصارت نقطة واختفت ..

اجتي سهام وامي طبن جوة واني ضليت اراقب ..

طبيت وطبكت الباب وراية وضليت منتجية عليها ..

بجيت بوكتها احس دموعي ناشفات .. مينزلت .. حتة عيوني تعبن .. اريد اشوف غوشن كعدت يم الباب وغمضت ..اريد اريحهن ..

حسيت على ايد تسحب بية حتة اكوم ..

كوة فتحت عيوني لكيت الشمس قوية وتضرب بالراس ..

سهام :بالله انتي مخبلة عاقلة نايمة هلنومة ..

والله لما الطفل اسمعة فاحط وانتي ماكو جان مااستفقدتج ..

رشا :مادري بس حسيت بتعب وردت اريح عيوني معبالي اغفة ..ماخابرو وصلو لو لا..

سهام :اي من زمان وصلو .. وحاليا كاعدين بفندق يرتاحون اشوية ويطلعون يزورون ويدورون على سيد قوي يكدر يعالج حالتة ...

رشا :مكالج سامر شلونة مهيمن ..

سهام :يكول نايم حتة الطريق كضاه نايم ميدري وين ماخذي وحتة ماسأل واول ماوصلنة هم رجع نام ..

رشا :سودة علية ... والله كلبي يوجعني عليه ..

رحت لتلفوني انتظر اتصال من احد ..

طلعت المحادثة مال مهيمن ويا سجى لكيتها دازتلة رسايل عتب ..

(ليش مجاوب لازم احد يمك )

(ولك ميتة عليك تعال وشبعني منك )

(شنو رأيك نتشاوف اليوم )

(ولك خبلتني ليش مجاوب )

( ترة راح اسوي شي ميعجبك اذا مترد )

(اوك ماشي براحتك )

رشا :طبعا الرسائل باوقات كلش بعيدة يعني بين رسالة ورسالة اقل شي ساعتين ..

شايفين من يكون عدوك حاط سجينة بركبة بحبيبك ومتكدر تسوي شي لان تخاف لا ينذبح بيدة ..

هيج جان شعوري اشوف شلون تسولف وي حبيبي وماكدر احجي لان اخاف تسوي شي لمهيمن ..

اريدة يتعالج بالكامل حتة اتخلص منها ..

......

مر اكثر من اسبوع واني حالتي حالة .. لا اكل ولا اهتمام ..ابني شبه نسيتة .. الة تذكرني بي سهام الي معافتني ابد .. وكفت وياي اكثر من اخت ..

جانت هية مهتمة بشغل البيت فوك حمل الجهال..

اما اني التزمت الصلاة .. وبس ادعي ..

يمكن لو قبل كم شهر لو واحد كلي راح تصيرين ملتزمة جان كتلة انت مخبل ..

مجنت اتصور بيوم من الايام اصير هيج .. السجادة متفاركني ..كلة في سبيل ربي يستجيب دعائي ويشفي مهيمن ..

جانو تلفوناتهم مغلقة .. محد يتصل .. بس نسمع الاخبار من ابوية .. انو وضعة صار اسوء ..

جنت اكضيها بجي على سجادة الصلاة واني اناجي ربي يرحم بحالنة ..

مجنت رايدة شي بلحظتها غير بس يرجعلي مهيمن ..

خل يرجع مثل قبل ميريدني بس ماريدة يموت ماريدة يتعذب ...

جنت اسمع شلون اوضاعة تصير من يبدي السيد يرقي بي ..من عياط وضرب وتقئ مادة لزجة وحتة يكول سامر سلابيح تطلع ..

بس وضعة كاعد يسوء .. والسيد يكول لازم الشغلة يرادلها صبر ...

واني صابرة ..ومؤمنة بقضاء الله .. بس عندي امل انو فد يوم يرجع مهيمن الي ..

الاسبوع صار شهر ... وبدة الدوام .. اخذت الة اجازة مرضية ومقداد خابر العميد حتة يكدر ياخذ اجازة مفتوحة لمهيمن لان محد يعرف شكد تطول شغلتة ..

جنت دائما افتح رسايل سجى .. بس مااجاوب.

هية سامعة انو هوة مسافر ويا سامر .. بس متدري وين ..لان عماد صاير مخبر الها ..

هذا هم يرادلة جلسة وحدة بس مو وكتها لان مهيمن وضعة اسوء من عماد ..

بدينا نداوم اني وريم الي صارت ثاني ..

ودائما اتهرب من اسألتها شوكت بابا يجي ...

جنت دائما ابررلها غير جواب ...لو تريد تسمع صوتة ..

اخلي ابوية يحاجيها ومن تسالة على صوتة يكلها مريض والجو بارد ..

جنت ابجي واني اشوف فرحتها من تسمع صوت عبالها ابوها .. جنت اتمنة اسمع صوتة ...

منعرف وضعة شنو .. ينطونة بس مختصر .. بس احس بي دايتعذب ..

احس كلبي بين فترة وفترة ينغزني .. احس مهيمن محتاجني واني مو يمة ..

جنت اداوم لخاطر مهيمن ماريدة يزعل. . ذبيت حملي بالقراية .. ولبست الحجاب .. لان جان هذا نذري لله حتة يشافي مهيمن ..

مر الشهر وصار كم يوم ..

وماكو خبر .. كلبي نار .. وعمتي ماخلت دعاء مادعتة ..ولا نذر .. حتة اذكر جانت كاتبة النذورة بورقة لان هواي ..واتكول اخاف انسة نذر ويصير بركبتي ..

فديوم كاعدين العصريات ..

لازمة السبحة بيدي وصافنة .. بفراغ ..

هيج جانت ايامي من راح مهيمن لهسة ...

جانت عمتي تثرم بصل وخضرة حتة تسوي كباب عروك ...

وسهام لازمة ابني الي نسيتة ونسيت مسؤوليتة ..

بناتها جانن يلعبن يمي ..

اندك الباب وراحت سهام تفتح ..

باوعت للساعة ب٤ ونص العصر ...

هيج وكت جية ابوية يجي يشوفني هوة وامي ..

دائما يجون العصر ..

واني دايرة راسي للساعة ...سمعت صوت هلهولة سهام ..

عمتي كامت وكلبت الغراض بكومتها ..

اني اتجمدت بمكاني جنت كاعدة يم باب المطبخ ..

درت راسي للباب باوعت سامر جاي وسهام حاضنتة ..

وكعت السبحة من ايدي محسيت بيها من وكعت..

احس جسمي خدر ..

نزلن دموعي واني اشوف ابو بيتي يمشي بطولة ..

راح شايلي .. واجة يتمختر بطولة ...

اريد اكوم ماكدر ...احس رجلي انشلت ..

كمت اتحسر بس اريد اكوم لحيلي ..اشوف عمتي ركضت عليه وتشابكو ووكعو بالكاع ...

اباوعلهم واني عاجزة ماعرف شبية ..

باوعلي وكام لحيلة واجة يمشي باتجاهي ..

كرهت روحي بهاي اللحظة ...

مدري شبيهن رجلية .. حطيت ايدي على وجهي وكمت ابجي ..

حسيت بايدة لامست ايدي .. مثل الكهرباء سرت بجسمي وبكل اطرافي ..

وخر ايدي من وجهي وكعد مقابيلي .. ابتسملي بتعب ..

جان وجهة ضعفان وكلش اصفر مو مثل قبل ابيض

مهيمن :مامشتاقتلي ..

رشا: اني هوة كال هيج اني طكيتها بجية وشبكتة ..

ضل شابكني ويشم بركبتي مثل قبل ...

وخرت منة ولزمت وجه بثنين ايدية اباوعلة وممصدكة هذا مهيمن رجعلي ..

رشا :ضعت بلياك ..

مهيمن :بعز شدتي واني اشوفج وياي .. طيفج مافاركني ....

رشا :مهيمن رجلي ماكدر اكوم ..

يمكن انشليت ... ممصدكة رجعتلي ..

مهيمن :ههههههه هاي من الفرحة كومي اني اشيلج ..

رشا :شالني ووداني بالهول .. والكل فرحان بوكتها ..

لزم صوفي وضل يبوس بي .. جان بوكتها هسوتة بادي يكبر وينشنش .. وخدود عندة لان الله يخليها سهام تجيب وتحط بحلكة مميات ..

سامر :راح يجيب عشة .. ماقبلت عمتي كالت اني اسوي .. بس سامر اصر لان يكول هاي فرحة من العمر ...

رشا :اباوع لمهيمن شلون شايل ابنة .. وريم مجلبة بركبتة ...

مهيمن ..

مهيمن :عيونة ..

رشا :شراح نسوي ..

مهيمن: اووووف الله كريم يجيج الصافي ..

........

يتبع ...

مشتاقتلكم حبايب .. عذروني ..نزلت اعتذار ..

وهاي بارت طوووووويل ..

باقي بارت واختم انشالله ..

طبعا اختصرت هواي .. بس حتة اكملها ومااكون ضالمة اكثر من هيج ... طبعا طولت بهاي الفترة انطيها حقها للرواية ..

تحياتي Aseel

احبكم .😍😍😍