رواية كفي والمنجمه الفصل العشرون 20 - بقلم Leo Alfatlawi

كفي والمنجمه

بقلمي: leo Alfatlawi

بارت التاسع عشر ***

ما اطلكني مو لعد خليك اني هم مراح اضل وياك

صعدت على الشرفة غمضت  عيوني اخذت نفس  صدك ردت اخلص  من روحي مااكدر اكمل وياه ماشفت منه بس وجع الكلب وادري ماراح يتركني بحالي راح اضل مثل العبدة بيدة واني مستحيل اقبلها على روحي
         
اسمعة يدك على الجام وراي ويتوسل انزل وصوت مصطفى يصيح غزل انه اوديج بيدي بس نزلي
مااهتميتلهم لان كلبي خلصان من جذبهم وحياتهم المخربطة خلوني حتى بنفسي مااصدك عايشه بحكم ظالم وياهم ولازم اسكت لااعارض ولااجادل
اخذت نفس دااشمر روحي صاح مؤتمن اطلكج بس نزلي

انداريت اشوفه واكف يباوعلي بترجي شايل اديه يريدني  ابطل  عن الدا اسوي

-يله طلكني

-التردي شنهو طلبي  امج ارجعها والتردي يجرالج

-مااريد شي بس مااريدك

-نزلي غزل العالم منا لاتفضحينه دخيل ربج نزلي اي شي اطلبي انفذه

-كلتلك مااريد شييييي

عمتي- يمه مؤتمن دخيلك طلكهه    تاليهه مثل ابوها هاي خبله هم تنتحر

-بعدددي يمه طلعي منا  وانتي بويه بس هدي  كالها واجه للجام

-مؤتمنننن لاتكسر الجامة والله اشمر روحي وخرررر

-بطلتتت  وهاي راجع ليوره  بس نزلي

مصطفى- غزل خويه وداعت الاعزاز انه اوديج بيدي لاتتخبلين ولج راح اتفلتييييين ومنا العالم كعدت على صوتنا نزلي ابروح ابوج

درت وجهي عنهم اخذت نفس اريد اشمر روحي متاكده مؤتمن ماراح يعوفني وراح اعيش ويا بعذاب جان عندي امل ماما وبعدوها عني هسه حتى الامل طيره من انانيته كلشي يريدة اله وتحت امرة حركت رجلي

واسمع صوت مصطفى يصرخ بمؤتمن يكله طلكهااااااا لك راح تشمر روحها مؤتمن طلكها ابروح عمك ولك راح اتموت

-عمتي-  يبووو راحت البت تخبلت

حركت روحي وشاهدت ربي سامحني راح اجي يمك مااكدر اضل عايشه بظلمة

بابا حجيك هسه عرفت لويش سجلت بأسمي كلشي لان ناس باطلة وظالمة تدري راح يحرموني من كلشي

بس اني مااريد اي شي بس ارتاح وهذا الشي مااكدر احصلة عدهم هواي عذبوني حركت روحي واسمع
صوت مؤتمن بس بي رجفه ومجروح كال انتي طالق

حسيت كلمته شكت كلبي لويش موهاي الردتيها لويش هيج دتحسين

رجعت انداريت  وادموعي بعدهن ينزلن لكيته واكف وره الباب امتاني انزل من الشرفه شايل اديه يخاف افلت يباوع لرجليه يااشرلي على كيفج نزلي

-روح منااا

-ميخالف بس على كيفج غززل لاتفلت رجلج بويه كعدي اول

مصطفى- خويه اهدي لاتندارين خليج على وضع ونزلي

نزلت راسي وكعدت نزلت مسحت ادموعي واخيرا اتحررت منك اتأكد نزلت وصلت يم الباب عافني وطلع

فتحت الباب دخلت سحبني مصطفى واخذ نفس ارتاح

-شنهو العملتي  خرب بشكلج

-خلصت من ظلم اخوك كلتها وشهكت كعدت بالكاع

-من انعل عشيرة اخوي اتموتين لخاطر اتخلصين انتي هم عندج عقل

-لعد اتريدني اضل كل عمري عايشه عبده جوه ايده

-وعلاساس هسه انتي اتحررتي استلمي الراح يجرالج

-لويش شحيسوي اكثر من السواه اتزوجني غصب واتزوج عليه وسفر ماما وحرمني منها شنو بعد اكثر حيسوي

-ذني قليلات بالراح اتشوفي انتي دمرتي روحج بيدج جان اتكدرين اتغيرين كلشي بعقل بس باين عقلج كلك من اكلج طفلة ومتفتهمين اتزعلين غزل العملتي  غلط لوطالبة منه بهدوء جان رجع امج واخلاج اتعيشين طبيعي بس هسه شنهو الاستفاديتي راح اتضلين محبوسة وامج لوبالحلم بعد متشوفيها

-جنت تدري هيه مسافر موو

-وشنهو اليفرگ ادري لولا مؤتمن اقل عقوبة ردها الها بعد تحريضج حتى تنهزمين جان هاي خلي تحمد ربها بس خلاها تطلع منا سالمة

-اني مسويت غلط ماكدرت اكمل ويا رجعت الماما

-موش قليله غزل زلمه معروف ابن مشايخ مرته تشرد وتفضحه بالديرة تره كل غلطاتج وحده اكبر من الثانية مااكلج انه ماغلطت وياج بالعكس الغلط الاكبر جان مني المفروض انه امنعج بس لكيتج مصرة ان جان انه اوديج لو غيري راح اتسويها مااعرف ابوكتها شنهو جان تفكيري من ساعدتج بس جنت مااشوف غير الانتقام بعيني

هيفاء دخلت كالت جدي يصيحلكم تعالي بسرعة

المصطفى- استلمي وهاي اول شي راح تواجهي يلا ست غزل خلي انشوف وين راح تصفى

-مصطفى لاتعوفني فدوه

-افا وانه اخوج اشلون اعوفج تعالي خويه اشحده اليحجي وياج  چلمه حرام اشعل عشيرته

مد ايدة كمشتها وكمت نزلنه بس كلبي يدك شنو راح يسويلي جدو بس مصطفى جان يامني يكول لاتخافين اني وبظهرج

دخلنه لغرفة جدو لكيت مؤتمن كاعد امدنك متجي على رجلي وجدو مشتعل نار اشرلي تعالي رحت وكفت يمي مال شنهو العملتي

-مسويت شي

-والفضيحه جدام العرب حرمتهم على السطح تشمر روحها

-لعد ميطلكني شنو اسوي اتريد اضل عايشه ويا  غصب مااريده وجنت مقرره من صدك اشمر روحي

-شنهو الصار وخلاج هيج اتعملين

-بعدني عن ماما شمر عليها شكوه خلاها ممنوع تجي يعني محشوفها بعد كلتها وبجيت

-امج وسهله شغلتها لوجايه كايلتلي اخلي يسحب الشكوه وترجع بس انتي رعنه تربيت فريال ورادلج تجسير راس

-مسويت شي حتى اتحاسبني لويش متحاسبة تره اني موحيوانه وتقررون مصيرها ابكيفكم لويش وداها  علمود ياخذ راحته اضل جوه ايده مدمغة ماعندي احد اروحلة موو

-اشش حسج مااهيسه  بس يطلع النهار تردين الذمته مصطففففى حضر روحك يطلع النهار اتجيب شيخ يعقدهم

دااكله ماارجعله بس سبقني مؤتمن كام كال جدي مااردها لذمتي بعد

-عليش يجدي اهااا مؤتمن وهاي انت الجبير تريد العالم تاكل وجوهنا

-متاكل وجهك هاي يمك خليها  اتخلص عدتها اشمرها على اي واحد زوجها بس الي بعد متصير حرمتي كالها وطلع

خلاني جامده بمكاني وجدي مصدوم اكثر مني باوعتله اشرلي اطلعي عيونه جانت تطلع منها شرار مامتوقع من مؤتمن يرده ويكسر كلمته

مصطفى سحبني بسرعة خاف جدي يسوي شي طلعت شلت راسي كال هاي وحده لاتباوعلي هيج

-شنو يعني

- لويصبوج ذهب مؤتمن ميردج موش مؤتمن اليذل روحه لوحده هانت كرامته بهالشكل تراج للمرة الثانية اتهيني

-يعني شنو هسه

-هسه يحبابه ترحين لغرفتج  وتهدئين ومتحجين ويه كائن يكون حرمات بيج المفاجئه الجان امحضرها الج  يلا خويه روحي

-اخاف اصعد ويدخل يضربني

-بعد العملتي امني ماراح يباوع بوجهج ابد لو تنكلبين من الملائكه

اجت سماح كالت يلا غزل على غرفتج جدي معصب حيل لايرد يطكج

صعدت غرفتي سماح وياي صافنه على رد فعل مؤتمن خايفه  لا جدو اعناد بيه يزوجني لاي واحد عزا العزاني اني اشسويت  بروحي

دخلت سديت الباب  كعدت ورا  مابيه حتى اوصل للجرباية  صافنة على السويته  صحيح احترك كلبي واني دوم متسرعة بأخذ قراراتي بس هو خلاني اتصرف هيج تصرف

خليت راسي على الباب غمضت عيوني اريد اخذ نفس اهدء سمعت  شي انكسر  بغرفة تهاني وراها صوت مؤتمن عالي بس ماانتبهت على شنو صرخ دقايق طلع وركع الباب وراه يمكن من شدة القوة مالة الضربة انشلعت الباب احس ركعها بكلبي

سماح- شنهو الخلاج تنفعلين  هيج انفعال واسوين هيج

-مااعرف بس يمكن من شدة الصدمه والخذلان الشفته منه هو السبب

-بس اجيتي اتموتين نفسج وانتي ماحاسه ولج بس لا شربتي شي من ايد تهاني

-ماادري  بسةلا يمكن  مثل مكال الدكتور حالتها النفسيه تعبانه اي يمكن والا اني عمري متصرفت هيج تصرف عنيف شنو الديصيرلي لويش هيج حالتي

-غزززل  جاي اترجفين

رفعت اديه كدام وجهي شفتهن يرجفن 

- عليش منهاره موش انتي  جانت امنيتج تتطلكين   منه يلا هاي انتي اطلكتي  واخذتي حريتج
بس مافكرتي حيرتج وانتي ابين هالوحوش البشرية اشلون راح اتمارسيها جان مؤتمن حاميج منهم هسه شنو راح تسوين من غيره

-لاهو جان مأذيني اكثر من حمايتي

-وخري غزل خلي اطلع ضلي بعقلج هذا وخليها ابالج مؤتمن جان واكف بوجه الكل لخاطرج وانتي دمرتي روحج خلي عود امج اتفيدج

عافتني وطلعت  ضليت ارجف واحس راسي يريد  ينفجر مااعرف السويته صح لوغلط بس خايفه من المستقبل حسيت روحي ادمرت بعد اكثر مااني مدمره
كلامهم خوفني الكل يلومني محد حاس بالمريت بي كلمن امه يمه وعايش بهدوء

حسيت كلبي تعب كمت لفراشي اتمددت 
صار الصبح واني عيني مااخذت نوم وحتى مؤتمن ماسمعته رجع لغرفته ماادري وين 

لويش هيج خايفه عليه نسيتي اشلون هنتي كدام اهله اي بس هو سوه الأاكثر من هذا هواي اذاني ومستمر بأذيتي

بين تفكير وين خوف استسلمت للنوم

مر يومين الوضع كلش متازم  الكل واحد مطايق الثاني
مؤتمن ميجي حتى وكت الاكل يجي تالي الليل ويطلع الصبح للمصنع

الوحيدات الفرحانات بهذا الشي  بيبي وعمتي ام مؤتمن وتهاني جانن طايرات من الفرح خلصن مني بس يوم عن يوم كلبي يوجعني واشتاقله اكثر مااعرف شحس من سويت هيج

الكل داخل انذار ويه مؤتمن يخافون اي غلطة لان صاير اعصابة  متنحمل حتى اكثر من قبل

مصطفى يكول حتى بالمصنع العمال يصيحون الغوث منه

دز خبر انزل جوه انام يم هيفاء بعد ممنوع اصعد الغرفتي اخذت غراضي ونزلت يم هيفاء انطتني باب من كنتورها خليت اشيائي وكاعده النهار وليل بغرفتها حتى طلعة من الغرفة مااطلع مااريد اشوف الشماته بعيونهن اشلون رفضج وبعد ماردج اله

سماح زعلانه مني على السويته محد يقدر المريت بي ولاواحد يحس بشنو حسيته وقت انو عرفت ماما بعدها وهيه هاي كل عائلتي ضعت بدونها بس شنو الاستفاديته هسه ضايعه من كل الجوانب باوعت لهيفاء نايمه همست -هيفاء

-همم

-اريد الفون مالتج

-غزل مكافي المشكله الصارت خليني انام عندي كعده من الصبح

-فدوه بس اخبر ماما والله كلبي طاك عليها

-ميقبل مؤتمن

-ولج حموت فدوه مراح يدري مؤتمن اصلا نايم

-اي صح مثل القبلها صار يومين ميحجي وياي سوده عليه كل مااذكر بسببي هيج حالته اموت قهر

-فدوه هيفاء هسه اني شنو ذنبي الدسوو بيه يعني حابسيني وماخذين الفون ومانعيني من ماما شنو والله مؤتمن ضايج اشويه

-غزل ضايج اشويه ولج روحي شوفي اشلون حالته ميلفي للبيت بس وكت النوم ويجي كاره الدنيا اليوصل صوبه اله ميريد روحه حتى جدي بعد ميحجي ويا يتجنبه

-خلص مااريد الفون اسفه واذا على مؤتمن لاتخافين علي الله اعلم شديدبر من مصيبه راح يسحلني بيها ادري ماراح يفوتها الي بالساهل

-غزل لاتزعلين والله احبج من محبته بس اخاف هم اتصير شغله واوكع بيها اني

-شنو حيصير اكثر من الصار خلص مااريده هيه ضلت عليج يله نامي اسفه زعجتج

-لاتزعلين هاج بس بداعت امج لاتسويلي مشكله ويه مؤتمن بس شوفيها اشلونها ورجعيلي النقال

اخذت الفون دخلت على صفحه ماما اتصلت ماكو رجعت كررت الاتصال هم ماردت زين هسه عدها بعد وكت لويش مترد يجوز طالعه

كمت خليته على الشاحن رجعت نمت بس ميجيني نوم ضليت اتكلب ساعة لمت مليت كمت خليت شي على راسي كلت اطلع بالمزرعه اشويه بلكي انعس

فتحت الباب على كيفي طلعت البيت نفس مابي كلها نايمه طلعت برة بالحديقة كعدت الجو بي كسره 

شلت راسي شباج تهاني على الحديقة صاير ضواها مشتغل  يعني بعدهم كاعدين اشكد اشتاقيتلك مجنت اتصور هيج البعد عنك صعب شنو الخلاني هيج اتعلق بيك

اسمع انفتح الشباج الفوك شلت راسي شفت مؤتمن واكف يدخن

كمت بسرعة مااريد ينتبهلي

دخلت جوه رجعت لفراشي لكيت الفون يضوي اخذت شفت ماما تتصل خليت السماعة ورجعت اتصلت بيها لان انقطع من يمها امبين من زمان تتصل

ردت كالت ولج اخذتي كلبي وين يماما

-هياتني بس جنت بره اتصلت بيج مارديتي كلت يجوز طالعة

-اي غير رجلج دزني اشحنلج علاجج

-اشوكت

-الصبح اتصل كال علاجها خلص دزي كميه هواي لاتضلين ادزين اشرطه عاد كلتله ماعندي افلوس غالي حولي مبلغ استوني طلعت سحبته واشتريتلج راح ادزه الج باجر

-تره مؤتمن طلكني

-عزا ابعينه اشوكت اشو ماكلي

-بيوم الي اتعاركنه

-يله بعد احسن خلصي علمود جيتج اتصير سهله رجعت قدمتلج على الجواز بس تعتازين ترحين للسفاره الامريكيه بالشمال طلبين مناك واني ادزلج المستمسكات منا

-عوفج من السفر ماما هسه مووكتها بعدها الشغله حاميه ماعدهم مانع يذبحوني كليلي هذا العلاج الدا اخذه زين لولا وبعدين اشعرفه خلص هو صار كم يوم مويمه

-ماادري و اي ماما هذا الدتاخذي علاج زين بس اكو علاج اقوه منه مجان عندي افلوس اشتري الج هسه اشتريتلج كم واحد هذا قوي كال الدكتور يفتح الشريان بدون عملية

-لعدماما منيلج انتي والله مامعتازته تره صحتي زينه احسن من قبل مدااحس بشي

-ولج يمتى مني من خبرني كلتله عليه بس ماكلتله يفتح الشريان خلي هيج خايف عليج بس كلتله راح يحسن حالتها ولج سكتي خليتج بينج وبين الموت شبر

-عزه بلكي لنه ماخذني للدكتور وكاشف عليه وتطلع جذبتج

-وانتي لويش ثوله لاترحين خليني العب على اعصابه اشويه ارتاح من اسمعه يحجي وياي وهو محتار وخايف

-ماما بعد هذا الحجي صار قديم هسه ميشتريني بفلس بعد السويته بي صار كم يوم طافره روحه

-لويش اشسويتيله

-طيرت كرامته سحولت بيها الكاع ماخليت غلطة ولااهانة ماكلتها بحقه كدام اهله وخليته يطلكني غصباً عنه مصطفى يكول لويصبوج ذهب بعد ميردج اله

-يستاهل خلي يولي انتي الف واحد يتمناج اشو جمال اصغيره يلا بلكي الله مدى واتخلصين فرد مرة وترجعيلي

-الله  كريم يلاماما هسه لازم اغلقه لان حيصير الصبح واني منايمه وهنا الكعده عدنه  ويه الفجر

-يله حبيبتي وانتي لاتكطعين بيه كل فتره خبريني

-تمام ماما كل مااشوف مجال اخابرج باي

…الصبح الكل عاد دنتريك طبعا جدو ميباوع بوجهي وحتى بيبي رغم فرحتها بطلاكي بس هم هيج لله كارهتني

مصطفى خطيه على الواكف اتريك وطلع ويه مكرم يكولون عدنه شحنه لازم نتحضرلها

دااصب جاي لجدو نزلوا من فوك مؤتمن ومرته شفته خطف كلبي دنكت كملت الصب سويت روحي مامنتبها اجوا يمنه صبح على الكل وكعد يم جدي وهيه يمه شالت الجاي داانطي لجدو بس ايدي مااعرف اشبيها ترجف وكلبي دكاته متسارعه

ياربي دخليج مااريد احس يحس بيه انداريت لجدو داانطي شفتها كاعده ابصفه حشك وايدها على ضهره تمسح علي اشتعلت شعل من اشوفها بهالقرب منه انطيت الجاي لجدو اخذه مني شافني ايدي ترجف كال اخذتي علاجج يبه

- لاجدو خلصان

جان امدنك مامنتبهلي بس من حجه جدو شال راسه باوعلي جان عاكد حاجبه

جدو- هسه اخبر واحد من الولد يجيبلج بس انطيهم الوصفه

مؤتمن- اليوم يوصللها دزيت خلي ترجع لغرفتها ترتاح بين ما يوصل واكو نوعيه راح اتكون قويه اشويه لاتضل اطفر خلي تركد

جدو- شنهو هذا خاف يأثر عليها يبوي عوفوا زينه صحتها البت لاتجثر بالدوه

مؤتمن- لاكتبه دكتورها صح قويه اشويه وراح تتعب بالبداية بس اذا استجابت للعلاج راح تستغني عن العمليه

-الله كريم جاانت اليوم متاخر عن دوامك

- طالع عندي شغل ويه شيخ علون بعد نص ساعة

ضلوا يسولفون على الشغل بس هو جان عينه بيه امبين قلقان عفيه عليج ماما والله نقذتيني جان صرت هسه مضحكه لوشايفيني ارجف من القهر خليها على المرض ولاغير شي وانوب مقتنعين خطيه وشايلين همي استغفر الله كمشتني الضحكه واني مقهوره والله لويدرون جذب جان شنقني مؤتمن بالصاله هسه

دااكل اجت سماح جايبه بعد بيض حار خلته كدام الاجلح واجت كعدت يمي جنت خاله خاشوكت الجاي وامشيها على الماعون مااشهي اكل بس الهي روحي علما يكملون لان روحي طافره واني اسمع اشلون اتحاجي بهمس وهو يبتسم كوه امصبره وكاعد بس واحد يوصل يمي انفجر بي الهوا كوه كمت اسحبه احس اختنكت من شفتهم ملتهين يتهامسون

كالت غزل بيج شي

-ها

-اشبيج خيه  اشصابج 

-مابيه شي بس اختنكت اشويه هسه انام حصير زينه

-ديلا كومي

-موداريدهم يخلصون علمود اغسل اماعين وبعدين انام

دااحجي وكال مؤتمن خلي اتكوم اتنام انتن كملن مجانها جان يحجي وهو امدنك ياكل ماشال راسه واصلا الكلام مواتكول اموجه الي لعد اشكد مامعتبرني

اني هم كمت رحت للغرفة دخلت وسديت الباب وبگلبي شكرا ماما على هذا الشي جان هسه كال كاتله روحها عليه

اتمدتت على الفراش خلصت من شغل اليوم حمدت ربي لان نعسانه من البارحه منايمه بس شي بكلبي يمنع عيني من النوم هذا اشلون كدر بكم يوم هيج يستغنى عني وينساني ونازل طبيعي  ويه مرته ومكمل  لعد لويش اني دااحس هيج كلبي يوجعني

غمضت انفتحت الباب دخلت سماح كالت غزل خيه بيج شي

-لاوالله مبيه لويش

-هاا لاماكو شي بس اجيت اطمئن عليج

-لعد موزعلانه انتي اشلون دتحجين وياي

-والله زعلانه عليج موش منج عليش دمرتي روحج شوفي عايش ومتونس وياها وهسه اتنسي ومتخلي يذكرج بس انتي دمرتي روحج راح اتضلين امعلكه لاطايله لاسمه ولاكاع

-لعد السواه موقليل

-وانتي اشعرفج عليش هيج سوه عليش ماسالتي بالبداية وشنهو الفادج هسه من اطلكتي اشو حتى غرفتج خذوها وشمرج جوه الله اعلم شنو راح يسوي بيها قبل اشويه اسمعها اتكله اسويها للبيبي يمكن عدها طفل

-عزا اشلحكت

-لاتخافين عليها تحبل واتلحك

-وهو شنو رد من كلتله هيج

-رد  الله كريم خلي يجي وسهله

-يعني مااعترض

-وعلى شنهو يعترض مره وطلكها شنو بعد من بقيت الغرفة خالية غززل خيه ابروح اهلج سكتي ماخليتي كاع ماسحلتي كرامته بيها 

-هم صدك اكولج فدوه خبري عمه خلي تجي اروح وياها والنبي حنفجر راح اموت ولج دااشوفه وياها اكوم اغلي خلي تاخذني بلكي ارتاح

-يااا ومنهو كلج يقبل

-وهو شنو دخله بعد موطلكني ماله علاقه بيه

-اي عود باجر هسه يخليج محبوسه يكرهج بعيشتج وهاي الحرية الي اطالبين بيها يخليج اتشوفيها سجن موش حسبالج  اطلكتي ارتاحيتي انتضري الجاي يعمري هذا مؤتمن اذكرج اذا ناسيه

-انتي بس خبريها فدوه اني اقنعها واخليها اتقنع جدو

-بسيطه هسه اخابرها تجي والله هيه اتفرح ضايجه وحدها هناك

-لعد تمام وانتي شنو ماعندج شغل اشعجب عمه ساكته عنج وضاله يمي

-سكتي مؤتمن كلي روحي يم غزل لاتخليها وحدها اخاف تختنك ومتكول ثوله هاي   عمتي سمعته بعد متكدر تحجي ضلت تهاني تشتغل مجانه

-اي حيل بيها تستاهل بلكي عمه اطلع بطولاتها اليوم بيها

-لاتخافين ذني صافات سوه خافي على روحج

-هو طلع

-اي قبل اشويه طلع عليش

-خلي اكوم اسبح صار يومين مداخله للحمام وانتي خابري عمه علما تجي  خلي اخذ ملابس بقن فوك ذني خفاف الجوه

-غزل تره الغرفة الفوك مقفوله تعالي انه انطيج مني عندي كلبيه جابتها امي بس شكلها مال اصغار استحيت البسها

طلعنه سديت الباب وراي هيه راحت قبلي بين  ماطلعت وراها سمعت بيبي اتصيح على عمه رحت اشوف شكو دخلت للغرفة مالة بيبي لكتها خاله عمه واترزل بيها اشلون اتشغل تهاني وهيه اتشك ابروحها حامل وذيج اتكلها اذا اجنايني كلهن نايمات منهو يشتغل

-هاي بت فريال اصحه من الحصان عوفي تهاني

-هاي بيها عاهه تالي اتموت ويشمروها براسي

-مابيها شي عياره على امها نسيتي اسويلفات امها اشلون جانت تسحب روحها من الشغل اخذيها وياج وعوفي البت نايمه يمي واليحجي وياها  اجسر راسه

عمتي  لكتها من الله كالت يله عالمطبخ لج بلا لغوه للاماعين

اني هم بدون لااحجي رحت للمطبخ لان ادري حتى كتل انكتل ومحد يوكف بوجهه بعد
دخلت  غسلت الاماعين ونظفت المطبخ ساعه ونص اني اشتغل متت تعب  سماح تطبخ يمي واخيرا خلصت كلتلها يلا سموح خلصت اريد الكلبيه خلي ادخل للحمام   قبل لايدخل  احد  ويخلص المي الحار

-روحي خيه بالغرفة محضرتها تلكيها ايدي مافارغه

رحت الغرفتها دخلت فتحت كنتورها اشكد امرتبه ونظيف  شفت الكلبيه عازلتها اخذتها وسديت الباب فتحت كنتور الثاني اشتاقيت لعطر مؤتمن لكيت ملابسه امعلكهن سحبت قميصه اشتميت عطره احسه دخل بكلبي  ضليت اكلب بملابسه

حسدت سماح على صبرها وتحملها الي خلاها ابحضنه لحد هسه واني بغبائي خليته يعوفني شلت الغتره مالته حضنتها سمعت خطواتها جايه بسرعة رجعتها وسديت كنتوره طلعت لكيتها بالباب كالت ها شفتيها

-ايي هياتها اخذتها

-شوفي عمتي شتريد منج قبل لادخلين للحمام كالت خلي تجي

-وينها

-بالطارمه روحيلها

طلعت للطارمه شفتها بالحديقه واكفه اتعدل صاحت بيدج يلا اخذي الصونده وغسلي الطارمه بسرعة

-عمه والله تعبانه

-يلاااااا لج ثواني واجي اسحلج بعد منهو توكفين ابظهره اذا ماجسرت ضهرج مااطلع ام مؤتمن

-يلا عاد اشلون جنت مدلله بعهده

اني ميته تعب وهاي طلعتلي صفح بس ماعاندتها اخذت الصونده وبلشت اغسل طارمتنه كولش جبيره واني نادره بهيج شغله غطيت بالمي لراسي سبحت ويه الطارمه كمت اطكطك  كوه خلصت داادخل كلتها عمه خلصت

- اي تعالي نظفي هاي يم الشجر صايره هوسه

-عمه والله اتبللت خلي ادخل  اغير واجي

-من فهاوتج تعالي يلا نضفي ولي غيري

ميفيد لواضل اتجادل للصبح اتضل مصره كلت خلي اخلص فرد نوب رحت وياها اكرف ورد ليورا متت وبعده ماخالص اجت وراي واكفه تهاني تضحك بصوت عالي وتحجي ويه عمتي يااا والله نعسانه يعمه البارحه للصبح ماخلاني انام
رديت عليها تره كولش قديمه هاي شوفيلج غيرها

-لاحبيبتي القديمه يمج هاج شوفي

-عيع اشكد متستحين درت وجهي بس جذب مو لانو المنظر ماعجبني لادخل بنص كلبي وهيه اتراويني اثار على ركبتها اريد اشتغل بعد مااعرف كمشتني الرجفه واني اسمعها اشلون تحجي ويه عمتي ميخيلها اتنام وشلون يتغزل بيها وعمتي اترد الله يسعدكم ييمه بس جيبيلنا الفرخ واخليج تاج على روس النسوان اله اخليهن جوه رجليج يخدمن

استاهل اني الجبتها لروحي اشتغلي غزل وانتي ساكته اشلون جان امدللج يلا اكليها هسه
كملت اشلون مجان لان احس روحي بهتت من التعب كوه كمت افتح عيوني اني غاطه بالطين والوساخه لراسي وهمه اجوا

ركضت تلكته تهاني باسته من خده وسحبت ايده  خلتها  وره ضهرها ودخلوا اصلا لاانتبهلي اويمكن شافني وماعبرني  رحت كعدت على الدنكه بالحديقه تعابنه اجه مكرم كال هاخويه اشلونج شلت راسي تعبانه مابيه ارد اشرتله زينه

-هاج هذا العلاج  استوه وصل

-شكرا

-غزل خويه اتحسين بشي بروح اهلج اذا بيج شي كولي مابينه ركضه للمستشفى هسه

-لاوالله مابيه شي بس تعبت اشويه

-يلا دخلي  جوه عليش هيج غاطه بالمي

-جنت دااغسل بالطارمه وين مصطفى

-بقى بالمصنع عنده شغل بعد يله كومي لاتضلين هنا كالها وراح دخل قبلي

رحت للغرفة بدلت حتى للحمام مابيه ادخل احس اعظامي اتصل  اخذت العلاج ونمت اسمع هيفاء اتكعد بيه اكوم اتغده اشرتلها بعدين مااكدر عافتني وراحت

لليل واني على نومتي كعدت بس معدتي تحركني مااكدر اتحرك امبين صدك هذا العلاج قوي واني ماماكله كمت طلعت لكيتها الكل نايم اشكد لعد نايمه اني رحت للمطبخ جوعانه لكيت مصطفى يخابر ويضحك دخلت  بدون لااحجي كال حيه الله النشامه انداريت لكيته يضحك ويباوعلي

-هلو مصطفى

-شكو تفترين بالمطبخ جنج بزون

-جوعانه

-اي والله ابروح اهلج سوينله مخلمه من مالتج الفاهيه

-لعد شنو ماتعشيت انت

-لاتعشيت ورجعت جعت تره الساعه ب١٢

-عزاا لعد اشكد نمت يلا هسه اسوي

وكفت اسويه المخلمه اسمع يكلها لاوالله يمه غزل الثوله …اي نفس الجهره بالمصنع وبالبيت لاميتغير غثه  …الله ياخذ صبوحه على هالتربى …يمعوده حاملي شنسوي يله عندي كعده  قبل السبعه ايي في امان الله

-منو هاي

-وانتي ثوله موش اتسمعيني اكلها يمه

-ممم

-غزل كملتي المخلمه لوبعدج تره طفيت

-خلصت

جبتها وخليتها على الميز بس ردت اكل ماكدرت احس معدتي تحركني كال بيج شي عليش متاكلين

-ماادري مااشتهي

-ديله بس لفه لاتتمندلين

كوه اكلت ويا لكمه دخل مؤتمن كال شكو كاعدين

-والله اني جاي اتعشه وهسه داخل انام وهاي امتيها اهلها ماادري

كمت قبل لايوجهلي السؤال لان مااعرف شجاوبه ولااكدر اباوعله قبل لااطلع دخلت تهاني وهاي صايرتله مثل ظله مامصدكه بقالها وحدها
صاحت ويننن عيني نضفي المطبخ موهوستي

-الصبح انظفه

-لاحبيبتي هسه عمتي اذا كعدت الصبح اتضل تحجي متقبل المطبخ وسخ وساختج تنسيها يم اهلج

مارديت لان ادري اتريد اطولها وياها ومؤتمن ضايج موبعيده يكتلني

رجعت شلت الاماعين وغسلتها مصطفى ماراح ضل امتانيني ومؤتمن اول مادخل للمطبخ طلع وراها على طول ليبره وهيه لحكته كملت تنظيفه على السريع وطلعت رحت للغرفة كعدت ماجايتني النعسه اباوع الساعة وحده ونص يعني هسه العصريات يم ماما خلي التهي وياها غيرت ملابسي واخذت الفون مالت هيفاء واتمددت اتصلت بيها ابسرعه ردت كالت هاماما وصلج العلاج

-ممم بس تعبت

-اي حبيبتي گال  اول الايام تتعب وصلا راح اتعبين اكثر لان هواي على عمرج

-لعد لويش دااخذه

-موعلمود اتخلصين من العمليه انطاج علاج بي نسبه منوم هذا يخفف ويخليج فتره نايمه علمود ترتاحين

-اي اليوم من الصبح لسه نايمه اكول لويش

-لاماما موزين هلكد اتنامين لازم تاكلين

-مااشتهي والله

-لج  ماما جرعي الاكل كوه

-ماما والله داموت قهر كلتها وبجيت احس كلبي يوجني من اشوفه ماما

-عززا غزل ماما اتموتين ولج يوم هذا علاج للقلب مو وكت حب هسه ولج بنتي لاتخوفيني لعد تركي لاتاخذين لويش ياحبيبتي هو انتي اشفتي منه وحبيتي ياماما

-مااعرف بس داموت من اشوفه وياها وهيج مهتملها هسه اخذها وطلع بره يونسها

-يطبهم مرض عوفيهم حمدي ربج خلصتي ولج لومتورطه ويا بطفل طفلين اشلون حتكون حياتج اقلها هسه فارغة تكبرين واتخذين واحد من مستواج واتنسي حبيبتي اذا تردين اتعيشين سعيدة تاخذين واحد لومن مستواج لواحسن ياماما هذا مومن طبقتج راح اتعبين هواي ويا ياحبيبتي لااتخلين بالي يمج ولج عقلي

--ماما والله موبيدي اني رافضته مااريد اكمل ويا بس كلبي ديوجعني عليه دااشتاقلة

-هاي نزوه فتره مراهقه عاملج كم مره حلو وحجه كم كلمه خربط مخج بيها اتخيلتي روحج اتحبي بس تبتعدين عنه اشويه راح تنسي

-لعد مانسيتي بابا كل هالسنين لاتكولين نسيته تره جبيره اني واسمع عمو يتعارك وياج حتى يتمم زواجكم

-ابوج يختلف هذا حب عمري ومأذاني مثل ما ماسوه بيج  مؤتمن  يماما انتي اذا اتضلين هيج راح يوكف كلبج انسي اعتبري شي مره بحياتج واتخطيتي

-هو هم هيج حروح يم عمه اضل

-اي حبيبتي احسن

-يلاماما لازم اسد لان حيطلع الصبح واسمع دخلوا هسه واحد يلكفني

غلقته ويه ماما خليت راسي بس صوت شقاهه  واصل يمي اسمعه يكلها صوتج بويه لايكعد احد وهيه تضحك اتكله شيلني

-بويه بعدي خلي اصعد  يمكن دتدفع بي لان اتكله شنو اشو متتحرك مودكول ذابه حيلي بيك وهو يرجع يصيح بيها يريدها تسكت

ضميت راسي جوه المخده مااريد اسمع صوتهم بس من سمعت صوتها وهيه اتكله مؤتمن مااصعد لمن اتشيلني وهو ضحك واستغفر

متت اختنكت اسمع خطواته على الدرج لاخطواته يدوس ابكلبي عصرت وجهي بالمخده عن لايطلع صوتي بجيت بقهر اريد ارتاح حيل بيه  استاهل

اريد انسه منضره لوصوته ميرضن يرحن كمت ادور بالدوه وين هذها المنوم التكول على ماما اكثر العلاج اعرفه بس ذني اثنين مااعرفهن جدد ياهو القوي وياهو المنوم اخذتهن اثنينهن شيصير خلي يصير بلكي اخلص

صدك اقل من ربع ساعه وبعد مااحس
ثاني يوم الضهر يالله كعدت بس متكسره تعبانه كوه كمت احس الدنيا تفتر بيه طلعت بره صارت عمتي بوجهي صح النوم عيني بت فريال للضهاري نايمه متردين اجيبلج الاكل ليمج

-عمه تعبانه فدوه وخري

-ياااا ان امك يمؤتمن ولج اتطرديني

--عمه شطردج متكليلي والله تعبانه مداكدر حتى امشي

-روحي اتزقنبي وتعالي كنسي البيت واكو ملابس وسخه هم غسليهن يله

-تمام

رحت لامطبخ غسلت وجهي وحميت الجاي صبيت كوب كعدت ماااشتهي اكل دخلت سماح صباحو يحلوه

-هلو

-شنو شو صفره ولج

-مالي خلگ تعبانه وانوب وراي كومه شغل عمتج صار ساعة اتغرد

-عليش عيني متروح لذيج جنتها بعدها نايمه

-لاذيج لليل متصحى لان البارحه للصبح ويه مؤتمن يلعيون

-وانتي اشدراج ولج بس لا تجسسين عليهم غزيلان

-ولي بس صوتهم جان قوي ماخلوني انام

-لاحبيبتي موش قوي بس هاي متقصده اتسمعج هو مؤتمن وينه وين الشقى بس هيه گوه تتحارش اتريد اطلع صوته حتى اتسمعين

-اصلا بالي مويمهم

-ديلا اتريكي وكومي امي خابرت كالت العصر اجي كملي شغلج بلكي الله يهدي يخليج ترحين وياها والله هيه فرحت من كلتلها

-يله هسه اصلاً مااشتهي هسه كمل على السريع شغل

رحت بلشت كرفت البيت كله احس ضهري طبك من التعب خلصت غسل الملابس نزلت السنيوره من فوك كالت اي همزين واكفه عالغساله هاج ملابس مؤتمن وياج

-تره انتي مرته اني شكو اغسلهن

-موش مالحگ اريد اطلع مواعدني بطلعه حبيبي

-اي لعد خلي يلبسهن وسخات ماطول طالع وياج هم يالله نفس الدزاين اطلعون

-غزززل لاتنعدلين ولاتتاادبين لمن تنطگين اعرفج

-ولي لج انكتل غير اغطج بالغساله اطيح وسخج كله
صدك ولج متجين اخذلي فوم بيج بلكي طلع لونج

-لاحبيبتي انتي دخلي اني اسبحت ويه مؤتمن الصبح

-عيع اشكد متستحين هيج امور شخصيه المفروض متنحجي بس شنسوي للجهل

-ماكو جاهله غيرج ولج ابكد نعالي انتي وجايه اتكولين جاهله

-تره اكو فرق بين الجهل والجاهل يالغبيه

-عمممممه تعالي سمعي اشلون تتجاوز واتكولين مالج شغل بيها

هيه كالت عمه وذيج لبت النداء عزا اشلون عرمات وانوب عمتي اجت اتعد واتصف لوبيج حظ مااطلكتي لومتربايه عدل جاعرفتي مااتردين على الجبير وووو لمن كلتلها تره محجيت شي اشبيج
دخل مؤتمن صاح صوتجن شكووو

بدت تهاني تنعني وهو صافن ينزع بسترته شمر مفتاح السياره على الطبله وسترته يمها واجه احس كلبي يدك حيل اتوترت من قربه كالتله هاي الهوسه لان كلتلها ماطول واكفه على الغساله غسلي ملابسه

-اي وشنو

-يبووو غير طلعتني بت شوارع وغلط وسب

-بسج لغوه ويله على غرفتج كالها وصعد اصلا لاباوعلي ولاعبرني 

عفت الغساله واريد ارجع للغرفة صاحت عمتي اوكفي

-شكو عمه

-اتغسلين الملابس كلها

-مابيه حيل تعبانه

-وروح ابوي اصعد اصيحه واخلي يجنزج بالحزام انضبي وغسلي الملابس بسرعة

مااهتميت عفتها  اجت وراي سحبتني  كالت مواحجي وياج وكفت بس هم ماحاجيته مااريد يطلع صوتي وينزل مرة ثانية لان كوه عاصره روحي خاصه من شفته صعد وياها

-يلاااا عالغسالة واريد اشوف اشلون متغسليهن اصعد اشوفهم اشمعتازين انزل الكاهن مغسولات

سكتت كوه كمشت دمعتي عن لاتنزل حسيت بالهضمه تاكل بروحي فتحت الغسالة وشمرت الملابس وخليت زاهي وفريتها بس كوه امسيطره مااريد اتفشل وتنزل الدمعه

نزلت تهاني تركض بيدها بعد ملابس كالت ذني بطريجج يكول مؤتمن  شمرتهن وصعدت

طلعت ملابسه وخليت الوجبه الثانيه شفت حتى ملات النوم مالتها اغسل واعصر بروحي لحدمن اضل ساكته ومتحمله بس شنو بيدي الي اسوي اي كلمة اكولها راح يكتلني لان متحمل ويريد مني بس احجي

كملت غسل بيهن  الحركه احس روحي شايطه نزل امغير ملابسه وهيه هم مستعدين يطلعون دنك اخذ السويج امه كالتله يمه مااتغديتوا

- لانتغده بره يمكن انبات لايضل بالكم

-بطريج السلامه تتهنون

مارد طلعوا هيه حلكها شكاته وتركض ورا يعني ولايوم سواها وياي وطلعني كضاها كتل وحبسه وياي  اقوة طلعه جانت للمستشفى ساحلني

اجت سماح كالت ها كملتي غسل لوبعدج خيه همي ايدج

-سماح احس طاقتي خلصت فدوه سكتي خلي اشر ذني مااكدر حتى اوكف

-غزل انتي جبتيها من ايدج سكتي احسن

-واني منجبه وساكته بس عتقوني وعلى شنو جبتها من ايدي شنو الشفته منه  ولويش هيج ديسوي وياي خلاني اكره روحي حسسني بالنقص من صدك 

--واشلون تردي  يعاملج  بعد ماهنتي وخليتي يطلكج غصبا عنه غزل تره العملتي ميتسولف
 

-وهاي سواني خدامة لمرته اني اشدخلني بكرهم  لماما وهيج ديأذوني  وخري سماح خلي اشر الملابس مابيه بعد احجي

شلت ملابسها اشرهن   اشكد انقهرت على روحي رحت كعدت على الصبه وين جنت اشلون عايشه

اطلع العب مدرسه ونسه مولات صديقات احلام مستقبل كلها اتبخرت وصرت خدامة لمرت زوجي وهم موزوج بس انحسبت عليه زواجة طليقي

كلبي ينغزني حيل كمت للغرفة نسيت اخذ العلاج اليوم اخذته بس احس توازني مامضبوط بعد مااكدر افتح اعيوني شنو هذا ماما دزته اشو بس ينيمني وكطع شهيتي وفوكاها احس كلبي كام يوجعني لووجعه من مؤتمن

رحت لفراشي انسطرت احس سماح اتكعد بيه وصوت عمه يمي بس مااكدر اكوم النعاس مأثر عليه هنه هم ملن وكامن

ضليت على نومتي لثاني يوم كعدت مصدعة كبل للحمام رحت اريد افيق شنو هالحاله العدي صارت لويش دوم مثل السكرانه

كعدت بالحمام ساعتين بسبب شعري  من صدك كرهته اشكد صاير ممل ومتعب طلعت شفتهم استوهم داخلين شايلين كومه علاليك اخذتهن وصعدت وهو حتى ماسلم راح للمطبخ الساعة جانت عشره راحت سماح ورا

رجعت للغرفة مشطت وشلت شعري طلعت اتريك دخلت للمطبخ لكيته ياكل ردت اطلع كلت من يخلص ادخل صاحت عمتي وين يلا عيني كملي ريوكج وطلعي نضفي الطارمه

سماح- تعالي خليتلج  جبن   تعالي ويانه ماطولنه نتريك

باوعتله مدنگ ياكل رحت كعدت عيني بالماعون ماشلتها صار ٣ ايام مااكدر اكل مااعرف اشبيه كوه اكلت لكمه فركت كصتي احس راسي يفتر بعد مااخذ دوه هذا ثولني شكو عليهم مؤتمن وماما يجربون براسي علاجات

دخلت تهاني كعدت يمه راد يكوم بس عمتي  ام مكرم اجت امبينه بايته عدنه لان دخلت اتلف ابشيلتها سلمت وكعدت كالت وينج البارحه اكعد وانتي ماكو

-مااعرف عمه دنام هواي ومدااحس على روحي يمكن العلاج بس منوم

-يلا ميخالف بلكي يفيدج

تهاني -بس مؤتمن يكول حالتها صعبة مااتصور تطلع منها

رفعت راسي متعجبه شنو ذوله ديحجون صارت عيني بعينه شنو ضامي هو وماما عني لويش مصرين اخذ هيج علاج قوي

دنك عينه ابماعونه وعمتي كالت يمه اسم الله على ابنيت اخوي مابيج شي يعمه لاتخافين

-شنو مابيه شي اصلا ادري مابيه شي حجيته واني ارجف شنو الضامة من نبرت صوتي شال راسه باوعلي كال مالج شغل بالحجي بويه اصحى مني انتي

هزيت راسي بس احس مثل الواحد اخذ روحي كمت داعبر من يمه بس امشي بلاشعور كمش ايدي انداريت باوعتله كال لاتضلين اتفكرين وروح عمي مابيج شي

هزيت راسي بس ادموعي غدرني نزلن سحبت ايدي وكملت مشتي حسيت صاعقه ضربتني دخلت للغرفة واسمع المطبخ اتكسر

وصوت مؤتمن وهو يضرب تهاني وعمتي كامشته وتتوسل يعوفها هنا عرفت ضامين عليه شي

بس ماما اكدت مابيه اي هيه كالت اخوفه بس لويش داتعب بهالشكل كعدت  بالكاع يم الميز احس رجليه بعد متعيني لميت رجليه وخليت راسي بحضني انفتحت الباب ودخلت سماح كعدت كدامي
- غزل هاي اتجذب تره لاتضلين اتفكرين

- متجذب صدك دتحجي تدرين جنت اكول المؤتمن من اموت انت راح تغسلي لان اتغار متخلي احد يوصل يمي بس جنت اتشاقه جذب  اخاف مااريد اموت

كلتها وبجيت هيه حضنتني وبجت تتوسل اسكت اتكول واداعتج اتجذب اسمع الميز الي بالصاله انكسر وصعد الدرج حيل عرفته جان واكف يتسنط شنو احجي

سماح ضلت يمي اتسولف واجت عمتي فاتت وسدت الباب هم كعدت يمي سكتت وهنه غيرن السالفة سماح تحلف اتكول انتي اشلون ثوله واتصدكين بيها ولج مؤتمن يضم سر يم وحده مثل هاي  ولج جا كلي وحتى لوانه مااريد اكلج خو مواشوفج هلكد تشتغلين واسكت واعرف مريضه جابينت وانه ادافع عنج

عمتي- وداعت جهالي يعمه مابيج شي لاتوجعين كلبي عليج هاي من غلها هيج حجت لان اسمعها من اشويه اتكول لعمتها انحسبت عليه طلعه وهو گضاها بالعيادات يراجع بتقاريرها

سماح- اي والله حتى اجه فرحان كال ماعليها خطر وضعها طبيعي  بس من سمهن لبالهن ماراح تتشافين يردن يقلقنج

ضلت عمتي وسماح يقنعني وغيرن السالفه صدك نسيت وضلينه انسولف بس احس روحي مختنكه

عمتي- ولج شلع خصله من شعرها اجت بيده شمرها ورجع جرها من الجهة الثانية نسه حسباله غزل بيده وشعرها قوي ميدري كامشله شعفه مال صخله بس تستاهل كلت خوش كتله طلعت الطلعه من خشم اهلها وانوب صعد مرة ثانية وراها كلت ماتت كوه سحبتها من ايده اخر نفس

سماح -يااا يمه ماخليتي يكتلها بلكي نخلص

-ولج يع جااحنه انخاف على مشاعر هاي انموت ذيج يله يعمه هسه اكله بلكي يقبل  تعالي وياي هناك ونسيني

-والله الوا عمه صدك ضايجه

سماح- يااا وانه اضل وحدي

-تعالي ويانا

-اي واجيب مؤتمن خو موش اخلي ويه الحيايه

-اكولج لويش متجيبين صبوحه خلي تكمل

عمه -غزيلان هاي امي

-يااا عمه والله انسه غير اتنبهيني وبعدين وين لاكيه واحد يدلعها مثلي

-اكو الفرده الثانية مالتج مصطفى

-هههه والله مشتاقتله صار كم يوم مشايفته

-يمه انه اخذ واحد منكم انتوا ملحه البيت وانه بيتي فاهي ميصير بيت بي ٢وبيت ماكو

-اي عمه اخذيني صفاوي خلي يونس بيبي

-ياخوفي من كثر ونستها يجلطها خلي اكوم اشوف مؤتمن بلكي الله يهدي

كامت طلعت وسماح  كالت يلا لاتتكسلين طلعي وياي اختنگت من الكعده

هزيت راسي وكمت وياعا طلعنه للمطبخ وكفت  اساعدها بالاماعين  وهيه ايد وياي وايد  بالطبخ

هيفاء خطيه  طالعه بره تخبز دخلت  عمتي ام مكرم  كالبه خلتها امبين مؤتمن امسمعها حجي

اشويه ودخل وراها جان يخابر بس امبين المتصل ويا غاثه بالحجي وصل يمي انطاني الفون كال هاج هاي امج وياج

دفعته وانداريت على السنك

-يابه هاي امج اخذيها اتأكدي من الحجي اخاف اتكولين اجذب سأليها شنو التحاليل

-ماكو داعي اثنينكم نفس الطينه والاذيه وگعت  بينكم

سديت البوري وخرت من يمي دااطلع من المطبخ مااسمعت غير ركع الفون من قوت الصوت لبالي وگع بيه

انداريت  لكيت رايح وجامة الطباخ صايره نصين   عرفت ماراح نخلص من عمتي استغفرت سماح وكعدت اتلم الكزاز وتنافخ وصوت السيارة بره انشخطت وطلع سريع

عمتي -عليش ييمه ماخابرتي امج

-عوفج من امي ذوله اثنينهم جذابين تره نفس الخلقه متعرفين ياهو اليحجي صدك وياهو اليجذب كليلي قبل اروح وياج

-لاوالله يكول ماتطلع للباب بس… المهم

-بس للكبر مو حلو خوش حظ عندي

-يمه دعوفج من الموت اشجلبتي بي تعالي شوفي هاي الفوك نايمه تنزف مااعرف اشبيها

-مابيها شي مؤتمن كتلها وهسه تطلع حامل واتسقط يعني موجديده عليه ويكول لويش ميصير عنده جهال هو خبل وشامرها براس النسوان

-هسه انه ادري اشبي هالولد ايده والضرب ميبطل هالحاله

-مومالاكي احد يرده

-يااا والله اذا عرفوا اهلها غير يلعبون بحاله بس هو ميكعد لو يعرف وراها جتله هم يطگ

-لعد عوفي خلي يفش غله بيها لويش اتخلي ضايج خطيه

-يله جااني اتوكل للبيت ماطول ماتجين وياي هسه مكرم على جيه

سماح- انتظري يمه خلي اصبلكم تاخذين وياج
متلحكين تطبخين وخطيه يجي جوعان

عفتها اتصب ورحت يم هيفاء اشكد هادء وحبابه وكفت الم الخبز وياها خلصت كعدت يمها اسولف
اشويه اجت عمتي كعدت يمنا  كالت خابرت مكرم يجي يتغده اهنايه ويه مؤتمن

هيه تجي واني  اريد افتح عيوني مااكدر يمكن ضعف لان مااكل مستمرات  يسولفن واني بغير عالم افرك براسي احس الدنيا ادور

نسمع ترحيب حي لله بالجانه اندارينه شفنه العرافه حيلل من اشوكت ماجايه  راحت لبيبي سلمت ضليت على كعدتي مااتحركت لان الجو  حلو وهاي كمت اخاف منها حجيها صدك راح اتضل تاكل بعقلي اشويه واجت يمنه سلمت وفرشت بالكاع كعدت ضلت عمه اتسولف وياها ويضحكن

هيفاء- شوفيلي بختي

-تعالي يحلوه كعدي وشمري الحصوات

شمرتهن هيفاء

- بختج جدامج بس بي روح ضحيه

-منهو واشوكت قبل البخت لوبعده

-لابعده ومن الگريب عينج بي وماهو بعيد النصيب يصيب مامنه مفر

المشكله هاي العرافه تحجي الغاز مااعرف شنو بس هنه يمكن يفتهمن عليها

طلعت تهاني تركض كعدت كدام العرافه

باوعت لهيفاء همست  لعد موكالو مريضه وتنزف اشو مابيها شي

- دشوفي وجها بعد سنه ميرد لوضعه شوفي اشكد تنطيها افلوس ولج

-من الاجلح اخوج قابل من بيت ابوها

-سكتي خلي نسمع شنهو تحجي وياها

العرافه.-اعمالج سوده لاتطيحين بيها

-يا ومنيلي عمل اسود اسم الله

ماردت العرافه عليها كالتلها جايج خبرين حلوات بالطريج

-الله يسمع منج الج الحلاوه

- بس هنه موش من نصيبج لاتفرحين چثير

-يع خوفتيني عليش موش من نصيبي

-الشر مايدوم يبنيتي بطلي التعملي ماراح يطول چثير الكلب عشك الغير  والعشك بس الموت يهوده

-لايتهود لاتخافين وموش بس اهوده حتى امحي كالتها وكامت

العرافه باوعتلي كالت تعالي اشرتلها لااا

هيه هم شافتني ماراغبه بطلت  ضلت عمتي كاعده يمها اسولف لحدما دخلوا الولد اجه مكرم ومصطفى شافوها ضحكوا

مكرم- لازم خلصن افلوسج الي لفيته هنا

- تعال جاي اشوفلك بختك

-لابختي  امبين ميعتاز تشوفي كالها و كعد اشويه عني

بس مصطفى اتربع يمها كلها عوفج منه شوفيلي الي

شمر الحصو وهيه تقراله- يمه قسمتك امعثرة راح اتعبك بس اتضل وراك تماطل اتحصل تتهاون تروح منك عينك بعيده وگلبك يتكلب عگلك موش هنا

-حلو هاي عرفناها عوفج منها متسويلي استداع لعزرائيل كله ناسيلك وحده هنا

عمتي ضربته بحجاره كلتله ولك ابيش طالب المرة كم

طفر من مكانه يضحك اندارلي كال يالثوله اكيد بختج مثل وجهج

-ماشفته

-لاكومي ولج خلي نضحك

-ميحتاج اضحك على روحك بختث امعثر دتكلك

-جاهو اليشوف وجهج ميتعثر بخته كومي يلا انه ادفع

-والله اخاف هاي شنو اتكول يطلع صدك مرتين اجيت اموت كالت دمج بيده وصدك جان متت بيده

-يله حلت الشغله وبعدج عايشه دكومي ولاتصدكين بهيج خرافه تره جاي نضحك كومي تعالي خلي اشوف هالمرة بيدمن راح اطيحين

ضل يلح  لمن كمت كعدت يمها فرشت الحصو بس احس التحجي صدك اباوع لحلكها شنو حتكول هالمرة خايفه من كلامها باوعت

وشالت راسها كالت كلبج هودتي  والعملتي صح  بعدي اشكد متكدرين كربج نهاية

رجعت دنكت  وشالت راسها  رادت اتكمل عكدت حاجبها  وسكتت

باوعت شفتها اتباوع وراي  كالت خلص كومي

-شنو اكوم شنو دشوفين تره خوفتيني

-كومي كومي مااشوف شي

كمت لان متقبل تحجي انداريت شفت مؤتمن وكف يورث جكارته على جهه

شنو شافت وهو سكتها  لويش يخاف من جيتها يمكن تعرف عنه اشياء رحت كعدت يم مكرم صافنه كال يخويه لاتخلين بالج كلها خرافات هاي يسموها بالديره نذيرة الشوم ادور مصايب

-لعد كالتلي مرتين وطلع صدك

-صدفت

-مااعرف بس شنو تقصد نهايه

-امبينه تتعاركن انتي وتهاني وحده تضرب الثانية سجيه وتولن سوه

مصطفى- منهو هاي  الفاهيه تجتل ولك كل قوتها جفجير

همه يضحكون واني بغير عالم صافنه اجه مؤتمن كلها يله لمي شغلاتج وتوكلي واذا لمحت ضلج هنا ميصير خير جان واكف يحجي وياها بتهديد هيه هم  لمت غراضها  وكامت

- گليبك بيدي  ماراح خليك توصل صوبه لمن تشوف الندم بعيونك

-عود سهله يلااا اتوكلي وبعد لاتجين

--انت برجليك راح تدوس بساطي بديك دم   بس راح تتعب چثييير  كالتها   وطلعت بسرعة

عمه-اشبيك وياها عليش هيج خطيه المرة تسترزق قابل صدك التحجي نعرفه جذب بس انكول خطيه انماشيها وننطيها كم دينار

-عمه اكو ثولان ياخذون بحجيها بعد ممنوع اشوفها هنا

عاف عمه تحجي وراح جوه لحكته تهاني دخلت ورا ولااتكول مكتوله عزا اشكد كرامه ماعدها صار وكت الغده دخلنه جوه كالعاده مااكدر اكل كوه لكمه وحده

لااكدر احجي ويه مؤتمن يشوفلي العلاج شنو يم ودكتور ثاني ولااكدر اسكت  وفوك هذا كله كاعد كدامي وهيه اتفلس اللحم واتخليله بماعونه ياكل  وكل اشويه مااعرف شتهمس وتضحك جان يكتفي بالابتسامه ميضحك

مصطفى اشرلي اشبيج هزيت راسي ماكو شي وقررت بعد مااكعد اكبالهم واكل عليمن  هالحركان الدم الي اني بي على شنو

كملنه اكل وكبل لغرفة هيفاء الايام اتمر على السريع كم مره خبرت ماما على العلاج اتكول لازم تاخذي بس كون تاكلين

سماح خطيه مامقصره كامت اتجيبلي اكل للغرفة تدري بيه مااكل بره  دخلت بيدها علاكه اشكبرها شهكتني ولج شسوي بيها صدك دتحجين هنه ذنيج بعدهن

-موش مني خيه ابحالج انه هاي مصطفى دزهن كال كون ارد بليل واشوفهن بعدهن ماماكولات حتى احط راسها بجيس الجبس واخنكها

-خلي يطير البارحه مكرم جابلي خطيه ولسه بعدهن مااشتهي كوه اكلت نستله صدك وين تهاني شومالها صوت

-طلعوا عدهم شغل هيه ومؤتمن

-قصدج اخذها يونسها

-تره مؤتمن من زمان هاي طبيعته يحب يطلع جنه انه ويا دائما هيج بس من اجيتي انتي بطل الطلعات على عينج يمكن ميريدج اتشوفين احد اخاف اتحسين بفرق العمر البينكم وتضوجين

-ماادري لويش هيج يحس مع العلم موكلش هواي اكبر مني هو 15 سنه وهذا الشي عادي بس هو يحسه هواي

-موش يشوفه هواي بس يشوفج انتي ماطايقته جان دوم عاصر روحه لاتعيري خايف اتركي ابسبب هيج سالفه ديله كومي خلي انكمل شغل قبل لاتجي عمتي وتضل اتعيط

النهار دك شغل بس صحتي جاي تتراجع ماما اكدتلي اول الايام تتراجع صحتي وبعدين اتعود بس مجاي اشوف اي تحسن بالعكس دتزود حالتي مااعرف بس عندي احساس ماما راح تنتقم من مؤتمن بيه احس روحي عايشه بغابه والكل يستعملني اداة للانتقام

اغسل بالطارمه وعمه اتصيح وراي عيديها يالعوجه هذا هم شغل

-عمه كوه دااسحل بروحي وانتي واكفه على راسي فدوه رحميني

سماح- جيبي خيه انه اكمل

عمه- لاع اتكملها واتعيدها غصباً عنها وخلي اشوف اتعارض حتى ادوس راسها

-لعد وين تهاني عمه تره ميصير احنه نكرف وهيه اربعه وعشرين ساعه نايمه

-بعد عمتهه تعبانه ضهرها يوجعها اضن الي بالي صار هيج وكون صدك غير نذر اطش جكليت بالديره كلها

-امم مو راح يجيكم توم اكروز هو ابن تهاني ومؤتمن محترك مثلهم اكيد يلا خلصت بعد مااعيد لان النفس كوه اسحبه

-وييين تردين للديوانية عدل نضفيها اريدها تبرج وحتى البردات تنغسل  احسن مااغسل حضج

- عمه والله تعبانه

-غزززل عليش اتخليني اروح لجدتج واخلها اتجسر العصه على راسج اشتغلي وانكتمي يلا

سكت اخذت ادوات التنظيف وبوجهي عالديوانيه لان ميفيد الحجي

دخلت  اباوعها اشكبرها هسه هاي اشوكت اخلص منها وانوب اتريدني انزل برداتها اغسلهن طلعت جبت الدرج خليته صعدت نزلتهن طلعتهن ذبيتهن بالغسلالة  رجعت للتنظيف   مااكمل كنس غير بطلاع الروح مسحت طبلاته وعفت الفراش مافرشته كلت اروح اشر البردات وارجع  طلعت  دخل مكرم يصيح منهو جانت بالمضيف

-اني لويش

-وين البردات

-غسلتهن هياتهن دااشر

-خرب بوجهج ولج جاينه عالم وكت غسلج

-لعد اشعرفني عمتي كالتي

-ياعمتج ولج من الصبح امنبه اتكملوا كلت جاينه خطار  ياعالممم يانااااااسسس

-لعد والله مكالتلي

-ديحيبهن

اجه سحلهن وراح يركض يعلكهن هنه مبللات دخل احمد  ناطه اعصابه اجه يمي سحلني من شعري كال من يمتى صرتي نظيفه لوتردين اتفشلينه

-لعد والله عمتي كالتي مااعرف

-غززززل غزززل انتي اذا ماطلعينه سالفة يومية فاضحتنه بيها مترتاحين مشي ولي اذا لكيتج جايه ناحيه الديوانيه مرة ثانية اطيح حضج دفعني وراح يركض يعدل ويه مكرم

مؤتمن جان واكف يباوع بس ماحجه خال اديه بجيوبه وصافن

رحت للمطبخ ابجي فوك ماانظف انكتل نسوانهم  نايمه واني اكرب فوكاها يهيني ويكتلني اشوفهم يتراكضون منو الجاي وهيج مسبين هيفاء شافتني  كالت غزل حبابه سكتي موزين عليج تبجين

-هيفاء روحي طالعه فدوه عوفيني

-والله ميشوفون  كدامهم اذا عصبوا وانتي الله يسلمج فاهيه بشغلج ساعة يالله اتكملين الشي  وهسه جايه شيخ علوان هذا جبير ويحسبوله  الف حساب من الصبح نبه علينه نحضر الديوانية اجوا لكوج  كالبتها ومو خرة البردة طبعاً يتخبلون

-لعد اشعرفني هاي امج ورطتني

-مسحي ادموعج وتعالي حضري وياي الضيافة حبابة

رحت وياها بس كلبي ياكلني من القهر حضرنا الضيافة والكهوة وووو هواي اشياء اتكول جايه وزير الداخلية مو شيخ دخل مكرم اخذ الضيافة ومؤتمن  ورا داناوش المكرم صار كدامي اخذهن مني جان يباوع لعيوني يريد يشوفني باجيه لولا بس ماحجه دنگ وطلع 

ضلينه بالطبخ اخاف واحد يعتاز شي بس احس راسي يفتر كمت اخذت العلاج ورجعت للمطبخ بلكي يهدء

دخلنا انذار بين ما طلع الشيخ متنا نزلت من فوك تهاني نورت البيت راحت جهة الصالة

لفيت شعري شلته  وكملت غسل المواعين على السريع لان بعد رجليه متشيلني وطلعت من المطبخ لكيت مؤتمن كاعد على القنفه وكدامة تهاني جان ضهرها الي ماسمعت شنو كالتلة لان جنت بالمطبخ بس من طلعت صار بوجهي مؤتمن وهو يرفع حاجبه بعلامة استفهام ضحكت بصوت عالي وهو ضحك  على ضحكتهااجت بوجهي بسرعة دنكت سويت روحي مامنتبها هو هم دنك بس جذب اذا ماانتبهت جان امنيتي اخلي سجينه بكلبه واخلص منه

رحت الغرفة بيبي احس كلبي اغلي غلي كعدت يمها كالت شكو كاعده متكومين اتشوفيلج شغلة

-عتقوني راح اموتتت

-ياع واشبيج تموتين

-بيبي اني موحفيدتج لويش اتكرهيني هلكد

-انه اكرهن امج  وعبن نسله مثلها مينراد خذت ابني ودولبته خلته يروح مني

-لعد اني اشدخلني بكل هالمصايب

-انتي بزرتها نفس الطينه الخبيثه

-استغفر الله خليت راسي على القريولة مال جدو غمضت مااكدر اجاوبها روحي احسهه تنسحب مني مؤتمن بعيني اشوفة مغمضة ومفتحة

شنو ديصيرلي مو دشوفي اشلون يضحك لمرته بعد شنو غزل لويش ماكو احساس وكرامة عوفي لحدمن اتضلين تحتركين

دخل مصطفى كال كومي سوي مجال اريد اكعد

-مصطفى مااكدر فدوة شوفلك مكان

-اشمالج  يخوي

-ماادري بس تعبانة هذا العلاج ديموتني

صاحت بيبي متموتين مثل امج صل

-امني حموت ماضل شي لاتشيلين هم داحس قربة الشغله بس والله ظلم انتي عايشه واني اموت

-ياع شوف البت بيش طالبتني مال المرض

-هو هذا المرض دياكل بيه ميعتاز تدعين

جنت احجي كوه فاتحه اعيوني احس طاقتي خلصت

مصطفى- كومي ادويج للمستشفى عليش باقيه هيج حالتج

-ميعتاز اتخسر روحك روح لاخوك كله اشكد باقيلي علمود اتحضرون ارواحكم ولو اشك اتسوولي فاتحة

-غزززل خويه كولي يالله

مارديت غمضت النوم غلب عليه

اسمع حس مؤتمن يم بيبي اجه غطاني وكعد يمها
مصطفى يكله راح احجزلها يم واحد زين مااتضل خو هيج

-ننتظر كم يوم ونشوف وعلاجها قوي شي اكيد تتعب

-كل عقلك انت

-شعمممل متكلييي ماخليت زمال مارحتله كل اليشوف تقاريرهااا يكول لازم عمليييه ومتصير اله تدخل السن القانوني

-ردها لامريكا

سكت مارد عرفت من كثر انانيته اموت كدامة ولايرجعني الامي

وكت الغده العشة اروح الغرفة هيفاء مااريد اشوفه اصلا اختصرت شوفته اكلش هواي لان احترك من اشوفه خاصه من توكف يمه لو اتحجي وتضحك ويا  الموت اهون الي بالنهار  ينتظرون بس يطلع ويستلموني دك شغل وكرف واني هم مااوصله الحجي متانيه بلكي يوكف كلبي واخلص

تجي عمه ام مكرم جانت ماراضيه على الوضعيه بس متكدر تحجي تشوفني اشلون اكرب كم مرة شكت لمؤتمن ورادتني اروح وياها صح يطلع يتعارك ويه امة وهيه ماتخلي معصوم ماتحلف بي جذب بس اشوف عمتي ام مكرم تطلع مغثوثه من يمه لامايقبل يخلني اروح وياها

اليوم راحوا يحللون اجت طايره  طلعت حامل
وبيبي طارت بعد متشيلها الكاع حتى الاكل كامت سماح تصعد الها فوك بعد متنزل وملابسها اتنزلهن نغسلهن وابن ابو اليحجي لو تعترض ملابسي خفاف وصار كم يوم اكول اريد اجيب غراضي من فوك بس هو قافل ممنوع احد يصعد كوه قنعت سماح تصعد اتكله ماطوله فوك

راحت صعدت اشوية وانزلت بيدها المفتاح كالت هاج ومن تخلصين جيبي انه ارده لاترحين غرفتهم

اخذته وصعدت فوك دخلت لغرفتي حييل صار اشكد مداخلتها سديت الباب وكعدت اشكد مشتاقتلها

لاوالله مشتاقه لايامي ويه مؤتمن كلبي قبظني منها حسيت بشتياق جان كافي بكتلي غزل وياها هسه انسي كافي مونساج وانتي ردتيها

لااني ردته الي وحدي الغيره خلتني هيج اتصرف  ماردت اتشاركتني وحده بي جان تصرف اناني مني بس ماعرفت راح اخسره للابد بهذا تصرفي
مسحت دموعي وكمت

اخذت الاشياء الي اريدها كل شي اشيله جان اله ذكرى بي لعابتي على الجربايه خليتها مكانها ماشلتها

ماردت ذكره منه اباوع للغرفة شنو شفت بيج فرح حزن الم سعاده اشتياق اول مره احس بكرهك واول مره ينبض كلبي الك هنا

خلص اسد باب كلبي ويه سدت باب الغرفة مؤتمن انتهى من حياتي

انسي وعيشي غزل مثل ماهو  عايش وفرحان بأبنه ومتاني يوم يوم حتى الغرفة راح يحولها اله بعد حتى ذكرى الج ويا ماكو

طلعت وسديت الباب صارت بوجهي باب غرفته جانت مفتوحه
وعرفتها متعمده هيج سوت جان واكف ينكث  بشعره طالع من الحمام وهيه بملابس النوم تريد تدخل للحمام

شافني بسرعة اجه للباب يريد  يسدها جانت نظراته الي مااعرف افسرها بس حسيت اخذت كلبي 

دنكت وكملت طريقي صرت قريبه من الباب  شمرت المفتاح يم بابه عصرت روحي  وتعديته وهو اسمعه  سد الباب بكل حيله  بس بعديش لمن زرفت كلبي نزلت جوه على غرفة هيفاء شمرت غراضي وكعدت اريد اهدء

لااريد اكسر اريد اصرخ اريد اطلع قهر گلبي 
الله ينتقم منك مؤتمن

مر ٣ ايام واني مااطلع من الغرفة بس اشتغل واعرف اشوكت جيته ادخل فبل لايجي مااريد اشوف وجهه 

كم مره اجت هيفاء اتكول جدو يصيحلج بس اعرفة هو كاعد يمه وهو الي يدزها مااطلع

بليل متمددين اني وهيفاء نسولف قطعت كلامنا  وكالت غزل اذا اتقدملج احد توافقين

-مااعرف هذا السؤال تكول لاخوج مو الي

-لاالبارحه جدي كله رجعها لذمتك لاتخليها هيج معلكه رد كله عليش معلكه اذا عليه انه بعد مااريدها يجي نصيبها انطوها

-هو هيج كال الله عليج

-اي والله حتى جدي اكد علي كله موش تجي تعترض وكتها اتخلص العده ازوجها كله لامااعترض غزل متصيرلي مرة بعد

-تمام لعد خلي يجي نصيبي واشوف هالمرة شنو حيكون ههههه هذه الثالث خرب بحظي

-اي حظ ناس اثلاثه  وناس حسرة عليها الواحد

-ولج شنو حصلت من الثلاثة هو اخوج وشبعت كتل جابني سحل من الشمال للبصره من كفشتي تره ينضرب بيه المثل من يكولون نسحل بيك العراق كله قصدهم عليه  اني طبقتها

-ههههه بس ميخالف اقلها انحضنتي مرتين

-اي والله لويش الجذب بس  والدفو والعنف جانن يختلفن خلي اشوف الثالث اشلونة

-يعني سيف هم جان يحضنج

-ووو كومه كم مرة يلكفني وكوه افلت من ادي

-اشوكت مكرم يلكفني وهيج احس

-عيع ولج والله احساس مقرف موحلو

-لامكرم يختلف اوووف بس خلي يسويها حلو موحلو قابله

-شكلج مورثه على الاخر نامي كمت اخاف على روحي وياج

-هاج هاي امج تتصل

كمت اخذته وضليت اسولف ويه ماما سالتني عن صحتي كلتلها تمام ردت لعد شو مؤتمن خبصني يكول هذا الدكتور يمكن ازمال صحتها دترجع ليورها

-اشوكت كلج

-البارحه اتصل وضل يسب ويغلط كال مجاي تصحى التقارير اتكول شكل وهيه حالتها ترجع ليورا  راح اخليها تترك العلاج واعالجها هنا بلكي تصحى

-لاماما مالج شغل بي بس احس مرات بدوخه وهاي صار كم يوم مااطلع من الغرفة لباله مريضه عوفج منه

-لعد رحت للدكتور وحجيت ويا خابر مؤتمن وراح يحجزلج يمكم وينطي تعلمات علمود تتعالجين هناك

-عوفي مالج شغل بي لااروح ولا اجي خلي يطفر وحده عالاساس خايف عليه استغفر الله

-لويش اكو شي جديد

-لاماكو على وضعنا بس كايل لجدو اذا اجه نصيبها انطيها

-حلو سيف يجي للعراق ويخطبج خلي انشوف ابو النصيب شيكول

-ههههه علمود طلقه براسنه يخليها سوه مايخسر اكثر يوكفنا واحد وره الخ ويضربها

-لويش عيني مو ميريدج بعد شنو والله الي يسمعة البارحه اشلون يحجي بحرگة ويسب ميكول هيج كايل

-مودااكلج عوفج منه هذا واحد عقله طاير يلا ماما لازم اغلق لان اخاف احد يلزمنا

غلقته لان اشرتلي هيفاء كالت اسمع صوت بس والله افكار ماما جهنميه ارجع لسيف اي شنو ولويش لا خرب غير ينجلط مكانه

اتعدى اليوم وهم ماطلعت خلصت شغلي ودخلت اول ماشفت سيارته وكفت يم الباب هيج احب ادقه خلي اشوفة شيسوي لليل وجدو صاحلي كال خلي تجي تتعشى ويانه

بعد مابيها مجال لان كالوا عصب كمت غيرت ملابس وطلعت رحت سلمت لكيته كاعد بيده سبحه ومدنك بلعب بيها بس اشوفه متوتر
كعدت يم جدو سالني عن صحتي اشرتله زينه

-تعتازين نحجزلج يم دكتور بويه

-لاجدو ماعندي شي بس دوخه وشويه احس نغزه تجي وتروح مرات اتعب يعني قليل بس من اشتغل هواي

-اي شي تحسين بي كولي لاتضلين ساكته وعليش وجهج اصفر وين راحت الاخدود المورده

-ترجع جدو بس يخلص العلاج

كام مؤتمن  يغسل اديه واجت تهاني كعدت مقابيلي تحجي ويه مصطفى بس مصطفى جان خازرها يريدها تسكت  وهيه مستمره

لمن كالت لجدي ماضل شي عن السفر كمل مؤتمن كل الإجراءات وحتى الفيزه طلعت

شلت راسي شنو دتحجي هاي شفت مؤتمن واكف كدامنه ادي بجيوبه يباوعلي خايف من  رد فعلي
دنكت كوه حبست الدمعه جدو يلكها بيها الخير وتوصلون سالمين بلكي تحصلون اقامة مينشلع كلبكم

-اي جدي وابني يصير اجنبي وبعد ما نتحاجة وياكم ؛هاي الكلمة  جانت كافيه بكتلي…

لاتنسو التصويت❤️