رواية كفي والمنجمه الفصل الثالث والسبعون 73 - بقلم Leo Alfatlawi

جانت الضربة القاضية من سمعتها كالت: "لا بابا لا تجي". هو باسها، وهيه سكتت، هياتها دتضحك ويا. بعد هالكلمة ضليت كاعدة ما گدرت اتحرك. اخذ الفون سيف ضحك كاله: "اشلونك أبو غزل؟ "هلا والله، لا عليش أسلم من النقال؟ هسه جايك وسلم وجه الوجه." "لا لا تزحم روحك، كافي الفون. بس إذا حاب تشوف أطفالك، لا ما اعترض، هلا بيك بيتي وأني متانيك، تلكيني بالباب." "كونك تطلع زلمة وتكون كد كلمتك." "ههه وين أروح قابل؟

غير هذا بيتي، ترى أطفالك رابين يمي مو أني يمهم. وياريت تجي من وكت لأن الضحى أريد آخذهم وأطلع، بنوتاتي ضايجات." "مسافة الطريق ما أتأخر، انتظرني." كالها وغلق الفون. هو يحجي وأني أحس روحي ميتة، نبرة صوته كافية تعبر على الي بداخله والي ناوي يسوي. ضحك سيف كال: "اشبي رجلج صدك يحجي؟ "شسويت؟ عزا العزاني سيف هذا يكتلنه سوة بدم بارد! "شنو بابا تايها اشبيج اصفريتي؟ أنتم مو انفصلتوا؟ بعد شكو ماله حق يحجي؟

خلي يفتهم أنتي بعد صرتي حرة، ما تابعة اله، من حقج كلشي تسوين." "وين ماما؟ عزا العزاني أني اشسويت بروحي؟ وين أروح؟ هذا إذا راد يرحمني كلش يذبحني." "لويش هيج خايفة؟ ترى كولشي ما يكدر يسوي، وخلي يحمد ربه لحد الآن ضالة بدون علاقة." "ولك أنت صاحي؟ هذا مؤتمن تعرف شنو يعني؟ الخبل اعقل منه! سيف الله يخليك كوم روح لفندق لبيت صديق، وين ما جان بس اطلع، إذا اتعزني صدك كوم." "ترى ما يخوف جلبي هذا، اشبيج بنتي؟

هذا واحد بوخة بايع رجولة هناك يم بيته مو يمي." شفت الحجي ما يفيد ويا، أني البيه كافيني وهذا مستهزئ. كمت ركضت صعدت ليفوك، ماكو غير أخابرهم يلحكونه. دخلت للغرفة أركضت للفون، اتصلت بسماح. هو يرن وأني أكل بأضافيري، ألف شغلة براسي. أعرفه ماكو براسه غير فكرة رجعت لحضن سيف مقابل رجعت دعاء لحضنه. غمضت تخيلت من ضرب فهد طلقة بس لأن حجه وياي، نكثت راسي أباوع للفون ماكو رد لأن نايمة. رجعت اتصلت هم رن قبل لا تخلص المكالمة،

ردت بصوت ثكيل كالت: "ها غزل خير؟ "ولج لحكيني بمصيبة أني! "خير يا رب اشبيج؟ "وين مؤتمن؟ "يم دعاء اليوم." "فدوة كومي شوفي الله يخليج بسرعة، شوفي نزل لوبعده؟ "أي كايمة بس احجي شنهو الصار؟ كامت طلعت وأني أحجيلها، وصلت نص الطريق ولطمت كالت: "أصخام الصخمج يا غزل! ولج يذبحكم اليوم! "ولج صعدي لحكي عليه والله ما صار هيج شي، والله ولج بوسة بالهوا دزها وأني أصلاً محجبة، وين لمس شعري؟ "هسه صاعدة انتظري."

صعدت تركض وصلت دكت الباب، فتحته دعاء كالتلها: "ها سماح." "وين مؤتمن؟ "يعني وين هو؟ اشوكت أجه حتى تجين تسألين إذا موجود لو لا؟ روحي تلكي مكابل الشط يركع جكاير كالعادة، تكول امتيه ولفه هناك، شرايدة؟ "ما أريده شي، رجعي نامي." "منهو وياج هاي غزل؟ "لا." كالتها ونزلت لغرفة مصطفى ركضت، وكفت بالباب ضلت تدك لمن طلع: "خير أم ملاك اشصاير؟ "الحگ أخوك راح يذبح غزل! "أي خرب بشكلها! اشطول عمرها خلي نخلص." "ولك صدك موش جذب!

"عليش شعاملة؟ "بنته متصلة بي كايلتله سيف باس غزل! "خرب بيها وبنتها! وينها هاي هيه عالنقال وياج؟ "أي." "جيبها من أنعل أبوها لأبو أمها! لج خررره، أنعل أبو شرف أمج وين لكيتي ابن النعال متكليليييي! "والله مصطفى جذب، كيوت جذابة. أنت اشتعرف عني أني هيج أسوي؟ ولك مصطفى الحكني، والنبي دز بوسة بالهوا، تعرفه سيف هاي أسوالفه عنده عادي." "استغفر الله ربيييي! منين طلعتيلنه أنتي؟ ولي خلي أشوف وين." "مصطفى! "خرب بيج وبمصطفى!

امشييي لج! شمر الفون على سماح ردت كالت: "خيه وين أمج؟ عمج خلي يتصلون بي يكلوله جذب." "نايمين ما يدرون." "غزل أنتي اشوكت اتعقلين ما تكليلي؟ زلمة كاعد وحده شكو كاعدة ويااااا؟ "ولج والله ديلعب، كيوت تعرفين تتعطل بالنوم وأني ضليت وياهم." "دروحي خلي اتصل بمكرم، لا يسوّيلنه مصيبة وإحنه استونه خلصنه من وحده." غلقت الفون ولميت رجليه كعدت وصافنة، شنو حيسوي مؤتمن هالمرة؟ أكيد يموتني، لا بس أني ما سويت شي وهو شعرفه؟

كيوت أجذب. يا ربي دخيلك يا ربي اهدي. كمت أروح وأجي بالغرفة امتانية واحد يصل يأمني، ماكو. أحس روحي بهتت وماكو أحد اتصل. تذكرت كيوت عايفتها جوه، فتحت الباب طلعت أجيت أنزل لكيتها نايمة يم سيف، باوعتله نايم براحة ماكو شي على كلبه ولا مهتم. رجعت لغرفتي لكيت فوني يرن، ركضت شلته مصطفى كال: "ها غزل." "احجي شنو حصلته؟ حجيت ويا؟ "أي بس ما كدرت احجي ويا لأن متحول، بس لا تخافين مكرم جان كاعد يمه وطلع ويا." "عزا يعني جايني!

وين أولي مصطفى فدوة الحكني! "لا تنزلين من غرفتج، خليج فوك لو شما صار سمعتي؟ "أني حتصل بمكرم." "لاااا ديري بالج! كلتله أصلاً نايمة موش يمهم. أمها اتصلت كالت كيتي هيج لغت، بس هم للأمان لا تنزلين. يلا روحي واشويه وهم أرجع اتأكد." سديت الفون رحت للحمام غسلت وجهي، أريد آخذ نفس بعد هالمفاجأة الصارت. رجعت تمددت وكامشة فوني أباوع للساعة، أحسب الدقايق لجيته، وأتخيل اليسوي. أني شورطني ويا مؤتمن؟ شنو الجابني عليه؟

أحس الساعة تمر من عمري، حتى النومة طارت من كثر القلق والتفكير. الساعات تمر، صار الصبح وأني على گعدتي، اشكد حاولت أهدئ نفسي وأنام ما كدرت، لمن سمعت الجرس يرن كمزت عرفته أجه. ركضت للباب غرفتي قفلته، رحت للشباج وخرت البردة، بعد النهار مو كلش طالع بس ضويات واضحة. طلع سيف فتح الباب، صار كدامي مؤتمن مدنگ يحك بلحيته، شال راسه ما أشوف غير بوكس بنص وجه سيف شمره مسافة بالگاع. شهكت غصباً عني، خليت أيدي على حلكي عن لا يسمع.

أباوع دنگ شاله من الكاع ودفعه داخل البيت. دخل مكرم سد الباب، كاله: "أي الحمد لله على سلامتك." ورجع هفه بوكس ثاني رده للكاع كعده كعود. سيف: "ما أرد عليك بس لأنو ببيتي." "لا ابن دواوين صدگ! ما تطلع منك العيبة، كوم تعال بره حتى تاخذ راحتك." كالها وشاله من بلوزة رفعه، صح سيف طويل بس جسمه ضعيف تاه بيد مؤتمن، الي بس عرض زنده يمكن بي ثنين من سيف، سحله وصل للباب. دفعه سيف ورجع ليورا بسرعة.

كاله: "لا العالم نايمة ما راح أردها الك." "لا أنه أريدك تردها، تعالي." كالها وجره طلع يسحل بي. ركضت نزلت لغرفة ماما دكيتها، طلعت كالت: "شكو؟ "ماما لحكي أجه مؤتمن! "عزا اشجابه بهذا الوكت؟ "ماما كعدي عمو لأن طلعله سيف بسرعة." "وشنو وإذا طلعله سيف؟ غير بيته لعد وين يروح؟ "ماما فدوة كعدي عمو، أنتي استحي أدك بابهم." "هسه دا كعده، روحي اشبيج تبجين ماما؟ على شنو خايفة صاير شي؟ "لا ماكو بس خفت من مؤتمن لأن أجه."

"دروحي اشلون جبانة! خفت أكلها عالصار هسه تلومني لويش ضليت كاعدة ويا. رجعت كعدت عالدرج امتانية عمو وأندعي شندعي هسه؟ مات سيف بيد مؤتمن؟ طلع عمو كال: "لويش ما دخل مؤتمن؟ "ما أعرف عمو سيف يمه، اطلع بسرعة عمو." "يله بابا طالع، بنتج غطيها مكشفة." طلع عمي وأني وكف وره الباب، أجت ماما كالت: "شما أشوف وراج سالفة." "ماما طلعي شوفي شنو اكو." "طالعة خليج هنا هسه يشوفج يتخبل، ما معوزين اخبال منه بعد."

طلعت أحس حيلي انهد، كعدت وره الباب بعد ما بيه اوكف. أقل من عشر دقايق أسمع عمو يضحك يرحب بيهم. أباوع دخل عمو ورا مؤتمن ومكرم يسولفون عادي ويضحون بس سيف ماكو. دخل للصالة حتى ما كدرت اتحرك من مكاني انشليت، ضليت على وكفتي. دخلوا سلموا على ماما وكعدوا حتى ما باوع بوجهي. عمو: "لعد وين سيف؟ مكرم: "راح يجيب صمون يمكن." "لعد اشلون خلاكم بالباب؟ "لا حجي غير هذا بيتنا صدك تحجي؟

"أي والله بابا أنتوا مثل ولدي، بس اتصل بي أشوفه وين حتى بطريقه يجيب ريوك." راح عمو للغرفة، أباوع لمكرم غمزلي وأشر على أيد مؤتمن، باوعلها يفتح ويسد بيدها ومدنگ. همست: "وين سيف؟ شال راسه مؤتمن باوعلي، أخذ نفس وعدل كعدته انتجه واجتف يباوعلي مارد. "شنو وين وديتوا؟ لويش ما تحجون؟ عزا بس لا كتلتوا؟ مكرم: "لا افا، نجتل شنهو إحنه أوجه جتل؟ "لعد وين؟ "حب يسبح، وتدرين ما عدنه هنا مسابح، قابل انخليها بنفسه؟

"شنو يعني وين وديتواااا؟ أشر عالمجاري وضحك. كعدت من الهبطة كلتله: "كتلتوا يعني مات وشمرتوا بالبلوعة؟ "لا يابه تبلينه، أنتي منهو وصل صوبة؟ "شفت مؤتمن ديضربه حكول لعمو." جان مدنك شال راسه ورفع حاجبه يباوعلي، اندار لمكرم أشرله: "شفتني؟ رد: "لا." وضحك. أباوع لعمو من بعيد بغرفته يصل وماكو،

كمت لمؤتمن كلتله: "والله والنبي الگالته كيوت جذب، والله مؤتمن شوفني محجبة أصلاً ما حجيت ويا بس هيه يمكن ديحجيها على القديم وهيج بمخيلتها." "شنهو يا عمري اشبيج؟ اكو شي صاير؟ "مؤتمن وينه؟ " كلتها وبجيت. "منهو بويه؟ كمشت أيده كلتله: "مو؟ عصر أيدي وكال: "على شنهو تحجين؟ "وينه وين وديته؟ شفتك تضرب بي مؤتمن، والله جذابة أنت يعني تعرف أني هيج أسوي؟ "بويه اشبيج؟ اندار لمكرم كله: "افتهمت شي؟ شايل أيديه مكرم يأشر: "أبد."

"كومي ابنيتي غسلي وجهج وردي نامي، الظاهر سهرانه جنتي." "ترى عنده جواز أمريكي هسه يشتكي عليك." "منهو هذا بويه؟ شمالج شنهو حلمانة؟ عفته كعدت مسحت وجهي، خلاني اشك بروحي والصار أتخيل. أجه عمو كال: "ماكو اتصل ما يرد." مكرم: "حجي تركه، يجوز شاف واحد من جماعته وراحله، يجوز اتذكر شغلة، اتركه براحته." "أي يمكن راح يأكد عالحجز لأن اليوم السفر." "بيها خير توصل سالم." "بابا غزل كومي جيبي صمون."

ما رديت أباوعلهم ولا أبرد منهم، كاعدين ويحجون بهدوء بس مؤتمن كل شوية يفتح ويسد بيده. كمت أخذت فلوس من ماما وطلعت، أجه مكرم كال: "ردي أنه أجيب." "مكرم وين وديتوا؟ "غزل انكتمي أحسن ما يوصلج السره، ودخلي يلا حضري روحج." "وين؟ -ما أدري، روحي يم مؤتمن جاي يحكي وافهمي منه. دخلت لقيته صدق يسولف ويا ماما، يقول لها: عمتي مريضة ما تقدر تجي. ماما: عزا، لعد غزل وين تروح؟ وجهالها منو لهم؟ هاي ما تعرف كل شيء. -تجي وياي.

-شنو مؤتمن؟ عمة لا تزعل بس ورا ما طردتها بعد ما لها ردة إلك. -ومنهو قال لك أريد أردها؟ ترى لخاطر جهالي استقبلها بس حد سفرتكم وأردها قبل لا تجون بيوم. -لا، أنا أخابر أختي تجي يمها. -وأنا ما أثق بأحد يبقى يم جهالي، تروحين أنتي، آخذها وياي، ما تردين لما تجين، ما أجيبين أحد يمها، ماكو هيج حكي. قلت له: أنا ما أروح وياك. -ترى لا تحسبين بحالك، أنتي والقندرة سوا، وحدة من نسواني أظفرها براسك، تنكتمين ونص كلمة ما أسمع منج.

ماما: ياا، هاي بعدها ما واصلة بيتك. -عمة لا تدخلين، جهالي يجون يمي، غيرها ماكو، قطعي الكلام ويلا صعدي أنتي لمي غراضك، تجي أمك أشمرك هنا، فضيني وراي طريق. -ما أروح. ما رد بس باوع لي باستهزاء ورد دنق. ماما: زين أختها خلي تجي يمها. -ياااابه، شبيج؟ أتركيهن وحدهن بالبيت، صار على جهالي شنو؟ والله حضرت جنابها الكسيف كرامتها ما تسمح لها تنجب كم يوم ببيتي. -على كيفك لا تصرخ، نشوف حل. -اقعدي لا تسافرين. -شنو أقعد؟

لعد بعد ما حجزت وخليتني أكمل المعاملة وأقدمها هناك، ليش ورطتني إذا هيج ناوي ترد بالاتفاق؟ -ثمّني كلامك مرت عمي، ويا اتفاق تحجين عنه؟ -مو قلت لك تجي يمها أم أحمد وأنت وافقت. -أي وانسطرت، شنو العافية بجيبي؟ شوفي عمة، خلي أنطيها لك من الأخير، جهالي أأمنهم يم أحد شيليها من راسك، ويلا فضيني عندي شغل. تركته ورحت لغرفتي، صعدت دخلت أحس روحي مخنوقة، هذا شنو ناوي صدق يحكي؟ سيف مختفي وأنا يريد ياخذني ويا، شنو اللي براسه؟

دخلت ماما قالت: شتقولين غزولة؟ -شنو ماما؟ صدق تريديني أروح ويا؟ -لعد شبييدي أسوي؟ يقول لك ترجعين أول ما نجي. -جذاب هذا، ياخذني هسه يسحلني هناك وما يرجعني. -لا بعد مو بحالك، أنا قاعد أشوفه أصلاً ما يباوع لك، خلصت نزوته، تفكيره كله يم أطفاله، وأنا هم ماما قلبي يظل يمهم وهم ما أقدر أترك عمك بهيج ظرف، وكملت الحجز وقدمت من النت المعاملة، كله حقي يروح إذا ما رحت، ترى ورطتيني أنتي. -ماما ما أروح. -لعد قولي شنو الحل؟

وين تروحين؟ -لبيت أخوي. -أحمد يقول ما أتحمل مسؤولية جهال مؤتمن، يصير ما يصير أنا ما أبتلي. -عزا، ذوله متفقين. -لا ماما أنتي تتوهمين، وهسه عمك هم أوصاه عليك، قال له: لا ما عليهم بيها، تظل بغرفتها حتى أكلها يصعد لها لحد ما تجون. يلا يا ماما والله مضطرين، ماكو حل ثاني، واليوم السفر، لا تقلقيني عليك. -ما أروح ولا أدخل بيته. -غزززل، لعد شلون يا ماما؟ بس خمسة أيام ولج، عمك مريض ياما وقف ويانا، تالي من تمرض نتخلى عنه؟

وعلمود شنو؟ لخاطر كم يوم تظلين هناك. -راح يعذرني. -لا، من فتح الموضوع مؤتمن بسرعة باوع لي يريد يشوف راح أتركه وحده لو أجي ويا، ترى له حق علينا وهو خايف لا تشوفيه هيج يسولف، وأنا هم الصراحة ما مستعدة أخسر فلوسي هناك، هاي إذا ما صارت عليه مخالفة وتالي أتعرض لمشكلة. -هاي هيج تخليتي عني؟ -وين أتخليت عنج؟ أقول لك بس خمسة أيام وهو يقول تظل بغرفتها محد يوصلها لحد ما تردين وأردها، لو اكو حل ثاني. -شنو؟

-تعالي وياي وجهالك خليهم يمه ما عليهم. -يمه، أترك جهالي، غير أرجع ما ألقى ولا واحد؟ هاي إذا ما سوت سالفة بيبي ودعاء وخلوا يسجلهم باسمها حتى فرد مرة أنتحر وأموت. -غزل، ترى حيرتيني، أقول لك كم يوم ماما، لو ما مضطرة ما أطلب منج هالشي، ترى أنا أكثر وحدة كارهة مؤتمن وما أريدج تردين كل عقلك أسويها، بس هال تشوفين ماكو حل.

-تمام، بس شرطي عليه وخلي يحلف أول شيء ما يحاجيني منا لما أرجع، وثانياً يرجعني أول ما تجون، لا وروح بابا ما أتحرك. -وداعتك هسه قلت له ذني كلهن، أجه ببالي قال بدون لا تقولين قلت لك لخاطر جهالي، لا تحجين غير حكي غزل من زمان انتهت بعد ما تصير لي مرة، لا تفكرين يجي يوم وأردها. -هو هيج قال؟ -أي. صاح من جوه: يلااا يابه فضونا ورانا طريق. ماما: هسه عمة بس دقايق. -ماما ما أروح، ما أريد أروح ويا، أروح لعمتي.

-استغفر الله، هي أشوفه بلكي يرضى. نزلت ماما وأسمع صوته من جوه: هي تنزل؟ لا بالعباس أصعد أشمرها من الشباج، لج غززززل لك دقيقتين وروح أبوي صاعد لك. ماما: على كيفك يا عمة. -لا الظاهر أنطيها مجال زايد وأخليها تطلع رون سايد، خلي تتعطل أكثر من دقيقتين وشوفي شلون أردها للدرب عدل. صعدت ماما قالت: ولج هنه كم يوم يا ماما، أتحملي هذا متخبل على جهاله يخاف عليهم، يلا يا أمي الله يهديك، وأنا قبل لا أجي أخبرك، يلا حبيبتي.

-لعد أخذي جوازاتنا والتنازل أخاف يصير شي لو يكمش بينا أقلها أخلي مصطفى يشردني. -يله خليهن بجنطتي وكملي فضيها. سحبت جنطتي أخذت شنو أحتاج، سديتها غيرت ملابسي، ماما حضرت الجهال، خلصت وقفت باوعت لماما وبجيت، أجت شبكتني قالت: ليش يا ماما؟ -حأشتاق لك. -كلها كم يوم ونجي، بس غزل فدوة لا تنزلين من غرفتك لحد ما نجي، ما نريد مشاكل، ما طوله الله هداه وقبل بشروطنا خلي يكمل ويانا هيج.

-تمام ماما، توصلون سالمين، بستها وخرت، نزلت لقيتهم يتريقون ولا تقول اكو شي صار ولا الولد مختفي قاعدين كلش عادي، بس مؤتمن كل شوية يحرك أيده ويشيل عيونه اللي صايرات دم، يباوع لي ويرد يدنق، عرفته ضام شغلة سيف بقلبه. شلت الجنطة نزلت دموعي لأن من صدق حسيت روحي وحدي، ماكو أحد يوقف لي، ماما فضلت عليه فلوسها وعمي خوفه على صحته، ومؤتمن استغل أطفالي وحصرني بيهم. مكرم: جيبي الجنطة خلي أخليها بالسيارة.

أخذها وأنا ظليت واقفة، قام مؤتمن سلم عليهم شال كيوت وطلع. سلمت أخذت يُتم وطلعت وراه، طلعت ماما ورانا سلمت وسدت الباب بدون حتى لا توصي، ما أعرف خافت من عصبيته لأن مبين مفول، لو خافت أرد وياها وأخرب السفرة وتالي تخسر فلوسها هناك. وقفت يم باب السيارة صاح: هوووش ما تصعدين؟ شنو منتظرة أفتح لك البااااب؟ باوعت له وبجيت، مسح وجهه أشر: شكو؟ قلت له بشهقة: ما أريد أروح وياك. -غززل صعدي، لا وروح أبوي أجي أدفنك مكانك يلااا.

درت وجهي أجه فتحت الباب وجرني دخلني للسيارة، ركض مكرم لزمه وصاح: يابه على كيفكم وأنت غزل خويه وين موديك للمذبح؟ هنه يومين وراديك. دفعه مؤتمن، اندار صعد وأنا طبقت الباب حيل، صاح: ثووووول، أنعل شرف أهلك بت الزمالة الباااااب. -لا تغلط ترى أنززززل والله. اندار عليه حكى من بين أسنانه: غزل والحمزة أذبك جوه التاير وأنعل أبو أصلك نفس ما هيسل لك. -ما أريد أرجع وياك، خليني أروح لعمتي يله و... بعدني أحكي

واندار كمش وجهي عصره قال: شحكيت هاااا؟ حسيت وجهي طق بيده، شهقت، دفعني -لزمي أبنك عدل، قالها واندار شغل سيارته، صعد مكرم، مشينا شوية قالت: كيتي بابا جوعانة. -هسه بابا نوصل مطعم وأشتري لك. -أريد مي. -سهلة بس صبري. -أريد عصير. -كيتييي، ثولتينِ، قلت لك هسه أوصل ونزلي أخذي اللي تريديه. -ما أحبك بعد. هز أيده قال: ظلت عليك، كمليها بويه. وصلنا يم مطعم نزل راح دخل بس على الطريق أباوع له يسد ويفتح بيده. -مكرم شبيها أيده؟

-ما بيها شي بس وجه هذا الزمال بيها عظام أذت أيده. -وجهه عورت أيده؟ وين وديتوا؟ ترى هسه يشتكي عليكم ويذبكم سجن. -بي حظ وزلمة يعملها، خلي أشوف أمريكا شلون تحمي من يوصلها، أبنك بچى سكتي وأنكتمي لأن أجه أحسن ما يخليك تلحقي. صعد السيارة، اندار أعطاني علاقة قال: ووكلها. -ما أقدر هذا قاعد يبكي. -سكتيه. -ما أعرف. -شنو اللي ما تعرفيه غزل؟ -هو كل مرة هيج أدق له يسكت بس ما أعرف شنو بي.

-يا ربي صبرك، وين أنهزم وأخلص من هالبلوة اللي طاحت على راسي، قوم خويه سوق مجاني الظاهر أنا أجيب الهم النفسي بيدي. مكرم. يله خويه دكوم، ابنك راح ينط وهاي ثوله كلشي ماكو. كام مكرم أخذ مكان مؤتمن، ومؤتمن أجه يمه صعد أخذ تيم خلاه على صدره ويمسح على ظهره. -أخاف جوعان. -ما أعرف هسه حسويله منه. -شنو التعرفي أنتِ متكليلي؟ يلا بسرعة. مكرم -ههههههه سلملي عالمضيف. -والله إمبينة الشغلة راح آكل تبن.

سويت الممه انطيتها باوعلي وهز إيده أخذها خلاها بحلكه، صدك طلع جوعان شربها نام. خليت راسي عالجامه ولميت رجليه غمضت لأن تعبانة والليل كله كاعدة، رحت بالنوم. أول طسة انضربت فزيت انتجيت ورجعت غفيت، حسيته سحب راسي خلاه على متنه، ردت أسحبه عصره همس "تتحركين يجيج كف أسطرج بالجام". عدلت راسي عالكشن وغمضت مارجعت للجام، أعرفه يريد حجة حتى يكتلني.

ما كعدت لمن وصلنه، حسيته يمشي إيده على خدي، فتحت عيوني أخذ نفس وكال "يلا وصلنه، كومي نزلي". نزل، لكيت مكرم ماكو نازل هو وكيتي، نزلت رحت دخلت وراه، صارت أمه بوجهنا كالتله "ردها منين ما أجيت". -بعد يمه. -شنهو أبعد؟ صدك تحجي جايبها لهنا؟ -جا وين أوديهاااا؟ لا تخبليني. -ما أعرف، لنار جهنم هاي متدخل بيتي. -يا أمه الأسلام! لا تخبليني، إنه أدري تالي أخلي طلقة براسي وأخلص. -ولك تصيح بوجهي؟ مؤتمن، كلتلك هاي ما أريدنها.

-وهيه ما راده، أسبوع وراجعة لأهلها ونص جلمة ما أريد أسمع. خلص اقطعوا الكلام، وأنتي! يلا لا توكفين هيج، على غرفتج. عفتهم وصعدت، صارت دعاء بوجهي كالت "لا هلا أجيتي". -وخري دعاء، روحي طالعة. -يله هم تفيدينا بالشغل لأن حبيبي ميخليني أنام الليل، تدرين بعد ما بيه أشتغل، همزين جابج تفيدينا. دفعتها وصعدت دخلت للغرفة، أعرفها تريد تغثني ما اهتميت.

وكفت أباوع لغرفتي ابتسمت، شكد مشتاقة لمكاني، نفس ترتيبها ونظيفة، إمبينة تتنظف يوميه لأن تلمع. شمرت الجبة لأن أحسها خنكتني، رحت للحمام غسلت وجهي. طلعت تمددت، دخل مؤتمن شايل تيم خلاه بقريوله كيوت وسد الباب. أجه يمي عرفته أجه وقت الحساب، كمزت كلتله "والله والله كيتي جذاب حتى جيبها وسالها". -شوداج يمه؟ -والله مؤتمن ماسويت شي.

-لا تخافين ما أطكج لأن أصلاً متهميني، بس جهالي، يغزل إذا بس لمحتج موش شفتج لو أسمع واصلين وحاجين ويا أحركج وأنتي عايشة، سمعتيييي؟ -مم هو أصلاً ميجي لوما أضطر لخاطر أبو. -ما أعرف، يجي ينعل أبو هاي موش يمي، سمعتي الحجيته؟ أشرت "أي"، طلع ودفر الباب وراه، أخذت نفس الحمد لله، رجعت شمرت نفسي. دخلت سماح كمزت لبالي "هو"، ضحكت كالت "لا إنه أمني". -عزا متت، وين كيتي؟ -يم أبوها تلعب طايرة، ما مصدكة. بشري راجدي دفره؟

-لا ماكو شو أني هم متعجبة. -وهو هم ما جاب سيرته الموضوع خيه متعجبة، شو عادي يمشي ويسولف. صدك إش جابج؟ -يكول خاله مريضة متكدر تجي. -ها أي صح خطية ضغطها صاعد، أحمد البارحة بليل جان هنا وكال. يله بعد أحسن، مشتاقيلج أكلها نشوفج فد أسبوع. -عمتي إش سوت وراي؟ -ما حجت خافت من مؤتمن لأن شافته معصب، سكتت بس دعاء كلبتها مناحة، بت الكلب اتكله "أخذها وديها لأخوها هاي اتسويلنه مشكل هنا وخاف على طفلي هم يروح". -شنو حامل؟

-ما أعرف شو هسه عرفت أول مرة أسمع حتى مؤتمن كال "إشلون صار هذا؟ -لعبة جديدة، حلو همزين كلتيلي، خليني داده هنا ما أتحرك لحد ما أرجع. -أحسن حتى مؤتمن گال "لا تخليها تنزل حتى أكلها صعدوا". -لويش هيج خايف على دعاء مني؟ -لا خيه، ميريد مشاكل يكلك "هو أسبوع خليني أشبع من جهالي موش أكضي معارك". أجيب لج شي تاكلي؟ -لا والله تعبانة أريد أنام، وين مهرة؟ -حيل من إشوكت راحت؟ -عزا لويش؟

-خيه ما نعرف، إشو وره مدة من رحتي، دخلوا مصطفى ومؤتمن أخذوها للغرفة، ساعة وطلعوا أخذوها وراحوا، لليل ردوا كالوا "إطلقت انطيناها حگها وراحت ويه أمها لبيت خالها". يلا أخذي راحتج. كامت طلعت، تمددت من التعب رحت بالنوم، ما كعدت غير بالعشرة بليل، كمت جوعانة بس ما أكدر أنزل لأن لعبانة نفسي منهم وهم ما أريد أشوفه.

رحت ألهي روحي، أخذت الجنطة رتبت ملابسي، أجه أبالي كلامه "أني القندرة مو مؤتمن"، سهلة أريد أشوف إشكد تتحمل وتخليني هنا. وروح بابا إذا ما خليتك باجر توديني لبيت عمتي أطلع ما أفتهم، لباله هم جابني وفترة تعود وأتقبل الأمر الواقع، إذا ما كرهتك بعيشتك أخليك تحلم بالراحة. أخذت أترك ورحت للحمام سبحت ولبسته، طلعت نشفت شعري وسويت ميكب.

كعد تيم، ظليت ألعب ويا لمن سمعت صوت مؤتمن صعد، تمددت خليت تيم على بطني وأدغدغه وهو يضحك بصوت عالي، أتخبل ضحكته. دخل مؤتمن شايل كيوت نزلها، باوعت للغرفة صفكت فرحانة كالتله "وأخيراً رجعنا بابا". -ههههه فرحانة يبعد ابوج. -أييه بعد ما أروح بيت بيبي أبقى وياك. -يبعد ابوج وعشيرته، أبقي يلا هسه نامي. -لا ألعب. -شنهو أتلاعبين؟ ما أشبعج اللعب الجوه؟ -حباب. -لا بابا عندي دوام الصبح لازم أنام. -نام يمي.

-لا عندي غرفة أنام بيها والصبح أجيج. -ؤك. -هههههه دخيل ربج إنه، دنك باسها وطلع، أسمع فتح غرفة دعاء. أحس النار فورت بكلبي، عرفته يريد يحرك كلبي لأن البارحة يمها. ضحكت إشكد بطران، لباله بعدني غزل القديمة الي أغار وأظل أبجي لمن أرده لغرفتي. باوعتلي كيوت كالت "ماما أنام". -لاا اليوم ماكو نوم، اليوم فري إزعاج للصبح، كون هيج ويه الفجر يشمرونا بالشارع. -يعني شنو؟ -أني أكلج بس وخري.

كمت فرشت التيم بالكاع وأخذت كيوت كلتلها "كولي لأبوج نوم العوافي و انطلقي طفري". ضحكت وصعدت ما مصدكة، كلتلها "لا تنامين". صعدت وراها والتطفر والضحك اشتغل، وتيم يباوعنله هم يضحك على ضحكنه. سويناها هوسة وكيوت عيد وجابه العباس الها، خبصنا الأمة. شغلت أغنية "بفراكه سهر ضنيت أخلص اليوم". ونغني وياي بعلو صوتنا ومنطربين، ما نسمع غير الباب اندفرت ودخل مؤتمن وكف متفاجئ كال "إش جاي أتعملن؟ كعدت وكيوت يمي كلتله "كولشي ماكو".

-بوييبه أريد أخمد، الساعة إبيش؟ انطمرن. -أي حنام يلااا اطلع. هز إيده وطلع، سعته دخل للغرفة، سديت الباب ورجعت كلتلها "يلا عليت الصوت". شلت تيم وصعدت، رجعنا انطفر، أخذنا بالنص ساعة تعبنا وهو ماكو، هذا عرفنا نريد نزعجه. كعدت خليت تيم، باوعت لكيوت كلتلها "ننزل جوعتي ماما؟ -أي جوعانة. -يلا ننزل جوه انسوي انقلاب. وأخذتها وعلى الدرج انطفر لمن خلصنا، دخلنه للمطبخ.

طلعت بطل مي "هاج صعدي بس مو هيج طفري وطلعي صوت، غني، هوس أي شي خلي بالغرفة وتعالي بسرعة". -ؤك مامي. أخذته وطلعت ركض، أخذت خبز وطلع وراها ركض لأن خفت ظلمة وحدي، صعدت أركض طلع مؤتمن كال، صار بوجهي وكفت. -خلصتن لو بعدجن؟ -شنو تره جوعانين نريد ناكل، شنو هم ممنوع ناكل؟ -لا يابه اتسممن براحتجن، غزل على غرفتج إذا سمعتلج صوت أفلش وجهج. -أي وخرررر. -شنهو ولج؟

-مو وياك. كلتها ورحت للغرفة أركض، يريدنا نسكت، إشكد بطران منو كلك أجيبنا؟ والله يالله كيوت. -ها. -مدي راسج شوفي دخل للغرفه لو لا. -أخاف يعيط عليه. -لا ما يكدر أضربه أني. -لعد أنتي طلعي. -لا مو هو يسحلني، طلعي أنتي. مدت راسها أشرت "ماكو"، تعالي. طلعي ركضي نزلي جوه بسرعة وأني وراج.

-ؤك مامي، كالتها ونزلت تركض وتضحك فضحتني الثولة. مديت راسي لكيت غرفته مسدودة، نزلت ركض وراها، وصلت للدرج كملتها أطفر، خلصت ركضت للمطبخ طلعت جبن. -يله حبيبتي للغرفة بسرعة ومثل من ساعة. -يله وأنتي؟ -أني وراج، يله لج بسرررعة. -حروح باااي. طلعت تركض وصوت ضحكتها يكعد الميت. أخذت الماعون وراها صعدت كملت الدرج وأشوف مؤتمن شايل كيت أشر "تعالي". -تره جبنه الجبن، إش بيك بعد ما نطلع؟ آخر مرة هسه ناكل وننام.

-حلو كيوت بابا، إذا طلعت لا تطلعين وياها هاي إمسودنا، خليج أنتي الجبيرة تفتهمين، أكلي ونامي بسرعة تركيها وحده. -أي بابا أنام بسرعة. -بعد أبوج، باسها ونزلها، أجه كال "إذا لمحتج بعد بره أخذج من شعرج أمسح بيج البيت كله، سمعتي؟ أشرت "أي" وركضت للغرفة، دخلت سديت الباب أشرت لكيوت "إشش". انتظرت دخل سد الباب، أشرتلها "يلا" ضحكت. طلعت مدت راسها ودخلته بسرعة كالت "شافني". -عزا سدي الباب بسرعة. -انتظري هسه.

وكفت شوية مدت راسها كالت "ماكو راح". -لعد يلا انطلقي. بعدني ما امكمله نزلت طلقة، مديت راسي ماكو، نزلت وراها ركض، دخلنه للمطبخ ماكو شي ناخذه. صفنت كالت "ماما خاشوكة ما عدنه". -عفيه تربات مصطفى، خرب بشكلج وأني واكفه مثل الثولة. يلا أخذي هاج خاشوكة وانطلقي. -وأنتي؟ -هسه أشوفلي شغلة.

وكفت أباوع ما لكيت غير كدر أخذته ورحت وراها أركض، صعدت لكيتة ماكو، أمنت دخلت أركض للغرفة وأشوفه واكف منتجي عالكنتور ومتجتف كال "خلصتي لو بعدج؟ -تره نزلنا نريد أشياء معتازيها. -حلو بنتج خاشوكة وما أعرف شنهو محلها، وأنتن تزقنبن جبن، أنتي هذا الكدر شتعملين بي؟ كلت ثولة بس توصل بيج الحالة لهنا ما تصورتها.

-ها بالغلط جبته، يلا هسه أنزله. انداريت سحبني من شعري كال "إنه أنزله وكون المحج نازلة بعد، إذا ما توبتج ما أطلع ابن أبوي، يلا ولي". دفعني سحب الكدر وطلع. كعدنا شوية، أشرت لكيوت مدت راسها باوعت أجت تركض كالت "فاتح الباب مال غرفته وكاعد يشرب جكاير". -عزا بعينه هذا راح يزعجنا ميخلينه براحتنا. -ماما أنخلي سم فار ونكتله مثل جعمور الجان ياكل ملابس جدو. -لا ماما ما يصير، هذا مو جريدي أبوج. -اها يعني الأبو ما يصير؟

-لابس لازم اكو طريقة انطفرة بيها وانخليه يرجعنا. -أي نجيب سطل زبالة وبالخاشوكة انسوي طم طا مثل صافو. -يمه فدوه مو أكلج تربات مصطفى، تخترعوها للخباثة. جيبي السطل وكلبي يله. كمت ذبيت الترواكة، بعد ما بيها طلعة، نثرت شعري وهيه جابت السطل كلبنا، أني أدك وأغني وهيه تركص، لا أني أعرف أغني ولا هيه تعرف تركص بس مستمرين رغم الصعوبات. أخذنا بالساعة تعبنا، كالت "تعبت". -شوفي بابا نام لو بعده بس مدي راسج. -ؤك.

طلعت مدت راسها أجت كالت "لا ديباوع بالفون". -حلو بعد نص ساعة عن الأذان شنو انسوي؟ -نكتل دعاء. -ماما إش بيج سفاحة جنك أبوج ما عندج غير الكتل، شوفيلنه طريقة غيرها. -نشمر بابا من السطح. -لا هذا رادله تريلة يالله اتشيله، شي كون تروح النعسة. -يلا ماما غني خلي أركص، كالتها وهزت وأني رجعت أغني بصوتي العذب لمن تعبنا، صار وكت الأذان، شمرنا الأغراض وتمددنا على الجرباية.

هيه نامت جفي فكت حلكها وأني بصفها، سمعت تيم بجه عفته ما بيه حيل أكوم، بجه بصوت عالي دخل مؤتمن شاله صاح "غززل غزززل كومي ابنج يبجي". مارديت. أجه هزني من متني كمت باوعتله رمشت، باوعلي أشر بيده كال "تشوفيني بويه؟ عفته ورجعت نمت على وجهي، هز إيده أسمعه خابر سماح مالها "صعدي لغرفتي". ظل شايل تيم ويفتر بي لمن دخلت سماح همست "شكو؟ -لا بويه أحجي بصوت عالي، ذني لو تجيبين شفل وتسحليهن بعد ما يحسن. -هههههه أسمع ركضتهن جوه.

-يا ركضتهن غير كلبنها ملها، أنوب مشغلات أغنية عالنوم وهنه يطفرن، شنهو الربط ما أدري، حتى بهاي ثولات، حرام صار عشر دقايق من خمدن ما خلني أغمض عيني من صوتهن. -مم وأنت إش عجب اليوم بالبيت وانوب فوك؟ -سماح انكتني وسكتي الفرخ. -جيبه خلي أركعه. أسمعها كعدت ترضع تيم وهو يسولفلها على كيتي يكلها "جنها بزون تمد راسها تشوفني نمت لو بعدني حتى تطفر". -موش هاي أمنيتك ترجع ضحكتهن؟

-كلت ضحكتهن موش سوادينهن، ولج هاي البت مسودنة أكثر من أمها. -ههههههههه غير تربات مصطفى إش تطلع؟ -أي بالله، غباء أمها وخباثة عمها، يله نام هذا أخذي وياج هاي انسطرت. -دشوف إشلون نايمات، يلا بالله هاي ماده رجلها امدندلة بالكاع وهاي نايمة على بطن أمها، لا عيني خليك يمهم كلشي أتوقع منهن هسه يمشون هنه ونايمات يشمرن روحن من البالكون وهم عينك بابنك أخاف يكعد. -أخذي وياج.

-يبووو إذا كعدت لكت ابنها ماكو شيخلصني من لسانها، لا جهالها ما أقرب الهم، أفرش وأنام يمهن. خلت تيم وطلعت وهو فرش بالكاع نام، رحت بالنوم بعد ما أدري. كعدت على أصواتهم جوه، كمت أتمغطت صار وقت اللعب الجد. كعدت الجهال بدلتلهم ونزلنا، وصلت للدرج باوعت لكيوت وضحكت كلتلها "أوكفي مكانج". نزلت أركض صارت سماح كدامي واكفه اتسولف ويه مؤتمن، انطيتها تيم وصعدت أركض حتى ما لحكت تسأل.

كمشت إيد كيوت ونزلنا اتطفر، سماح تضحك ومؤتمن واكف صافن، أجه مصطفى صاح "هلا بالزين هلا بشيخة الجنوب هلا بتاج روس المعفنه". -مصطفى وخر خلي انكمل. -كضيها ولج عدل لا أطيح. كملنه شالها يمدح بيها بكلمات أصلاً ما موجودة بالقاموس العربي، وهيه اتباوعلهم بطرف عينها عود لن مهمة مو من مستواهم، إشكد تافهين يا ربي. مؤتمن -سماح استكان جاي ثگيل بروح ابوج، راسي راح ينغجر. -أخاف ما نمت عدل. -هو العده هيج زوج مخابيل يعرف النوم شنهو؟

صحت "محد كلك رجعنا". -أمشي لج لا بالعباس أجي أعدل ملامح وجهج. عفته رحت للمطبخ، دخلت هيفاء شافتني هلهلت كالت "ولج كالولي رجعتي ما صدكت". -لا تفرحين هواي، راجعه والله يالله، بعد ست أيام و أرجع لبيتي. -ياا يعني صدك من كال مكرم؟ -امم بس يله هم ست أيام كافي نتونس بيها. -أي والله مشتاقين لسوالفنه، تعالي خلي نتريك ولج ونسوالف. طلعنه كعدنا وياهم. أجه مصطفى شايل كيوت كعد، نزلت كالته "بابا اشتريت". مؤتمن -ألف عافية بابا.

-أطيك لو تاخذهن هاي المعفنه؟ -عيب بابا لا تكولين معفنه، تتقبلين واحد يكلج هيج؟ -أني حلوه مثل غزل مو مثل هاي المعفنه. -أستغفر الله، كيتي إذا سمعتج تكولين هيج أعاقبج، كولي خاله. -امم هاك، بس لا تنطي الخاله المعفنه. -يلا بالله الله يطيح حظك مصطفى، عيبك خليتها بالسانها شيغيرها بعد. دعاء -مؤتمن طكها. مصطفى -على شنهو يطكها؟

تراها ما غلطانة، بس أريد أفتهم من تكعدين إشلون مؤتمن يتعرف عليج وأنتي رادلج نص نهار حتى ترجع ملامح وجهج. -ما أرد احترام الك. -ههه قديمة، أول مرة أشوف بشر يكعد من النوم طابع بوجها نقشة المخدة، إش بيج ما شايفه مخدة؟ كيوت -صافو أني أريد مثلها نقشة. -ميصير بابا هاي بس المصلبخين، أنتي وجهج جنه سيراميك الكاظم. -مثل غزل. -أي عفيه مثل غزل، موش مثل هاي جنها زرافة أرملة. -شنو أرملة؟ -يعني ميت رجلها.

-عززززا بعينج غزل. اندارت كالت "مو كلتلج انحط سم فار ونموته هاي مات وحده حرمات". باوعلي مؤتمن رافع حاجبه وباوع لكيوت، ما سيطر ضحك، سحبها شالها كال "ولج تتفقن على كتلي؟ -لا بابا مترضه تكول جريدي، هذا أبوج شوفي غير طريقة. باوعلي سويت روحي ما أشوفه، أشر "أي" ورجع يبوس بكيتي يضحك على اسوالفها. أجت عمتي صاحت "مؤتمن ولك راسي طبل، شوفلك مكان أخذهن بي إنه ما أحملهن ذني هنا". -سهلة يمه. -شنهو سهلة؟ اتسكتني؟

-يمه هنه بقن كم يوم، حمليهن لخاطري. -يبووو وديها لعمتها لأخوها، شنهو ابتلينا؟ -شبتليتي؟ تراهم جهالي موش جايبهم من الشارع. -عساهم طبك بساعة وحده ثلاثتهم ونخلص، هم يمه ذوله كون الله يخلصك منهم. -إش بيج من صباحيات الله يابه؟ بيج شييييي أنتي؟ -جا شنهو قحط راح يجوك ثلاثة، مكانهم خلي نخلص من شرهم. -لا حوّال الله يا ربي، دخيل رب العباد. مصطفى -يابه عليش هالدواعي زاعجيكم، أخذهم للبيت صاحبي ما عنده بس أمه وهو يروح لبيت أخته.

مؤتمن -موش رجلها شهيد وتفرفرون بيها؟ -جا ما تسمع أمك مؤتمن؟ تره لخاطرك ساكت، بالعباس مره ثانية يصير غير حجي. -ما يصير إن شاء الله، كمل الكتلك علي وسهل الباقي. -كمل ما ظل شي بس شوف إشلون راح أتحلها. -تنحل لا تخاف بس فضني. ما أعرف على شنو جانوا يحجون بس إمبين سر بينهم ميردون أحد يعرف، بس جانت سماح اتباوعلي، شكيت تعرف شيقصدوني.

خلصنه الريوك كلمن كام لشغله والبنات كمشن شغلة، أجت دعاء، عرفت عمتي دازتها اتريد مشكلة وهسه مو وقتها. أخذت جهالي وعلى غرفتي عفتها تنبح وحدها، دخلت سديت الباب دكن رادن صيحت عمتي سويت روحي ما أسمع. نيمت جهالي ونمت، كعدت ويه أذان الظهر، غيرت ملابسي وعدلت خلقتي لأن أعرف وقته، حلفت أكرهم بحياتهم أعيشهم أسوء أيام إله أخليهم من ينذكر أسمي يكولون "أعوذ بالله".

فتحت قفل الباب على كيفي وطفيت الأضوية، سديت البردات حتى ما يكعدون ورجعت نمت. بين نايمة وبين كاعدة سمعت باب الغرفة انفتحت، دخل وسد الباب، أسمع خطواته على كيف، أجه كعد يمنه، أحس بطرف أصابيعه يحركهن على شعري. دنگ صار نفسه على ركبتي، أتحركت وخر بسرعة، انقلبت على بطني ونمت، رجع وخر شعري على كيفه من ظهري ومشه أصابيعه على بشرتي، أحس بوسات خفيفة، وصل لركبتي أخذ نفس طويل.

حكيت ركبتي بطل، كعد تيم كام شاله يبوس بي، أجه غطانه عدل وأخذ تيم طلع. كمت شلت شعري ردت أطلع ورا لأن ما مبدلة الحفاظة، خفت اتندي، وصلت يم الباب وأسمع دعاء تحجي ويا كالتله "حبيبي تيم وأخيراً راح تصير ابني". مؤتمن. بعدي خلّي أنزل. اشوكت نروح نكمل المعاملة ويصير هذا الحلو ابني قانونيًا؟ سمعتها، إيدي رخَت وهدّيت يدة الباب. أحس الدنيا اندارت بيه، كعدت ورا الباب كمشت راسي وأني أسمعها تكمل حجيها اتكله:

أنت وعدت أمك لا ترد بالوعد. يا وعد! إنتي زمالة، وخري يابه. مؤتمن، من كلت أسجله إلك مجان ابنك الراح. منو كالج؟ لا تضلين تغربين وتنحدرين بالحجي، كل عقلج أسجل ابن غزل باسمج؟ روحي بويه، الظاهر صار المخج شي. لا ما صار، وعدت عمتي وكلتلها. يابه اشبيج جلبتي؟ اشوكت وعدت؟ استغفر الله.

مؤتمن، احنا صعبة علينا الأطفال، وهاي زعطوطة حرمات نضيّع هيج أطفال بيدها. على شوفة عينك جا ضيعتهم بالسياقة قبل كم يوم، وأنا أتعهد لك أخليهم بعيوني وأصير لهم أكثر من أم، وحتى كيتي أكدر أنسيها أمها بفترة قليلة. ههههههه، منو كيتي؟ حرام بالحرمة اتنسيج أهلج وما تتنسى أمها. ولج، إذا أنطيها مجال هسه تاكلج. روحي بويه وشيلي هالسالفة من راسج لا تتخبلين. يعني شنو؟ ما راح تسجلي واحد منهم؟ اشبيج؟ اتخبلتي؟ ولي من وجهي. أسجل؟

اشكد سهلة تحجيها. عليش ما ترضى؟ شنو اللي يمنعك؟ أنت موش تكول غزل بعد ما أريدها؟ جا اشلون تعوف جهالك؟ ناخذهم حتى لو ما رضت، غصبًا عنها تاخذ فترة وتتقبل مثل ما تقبلت فراكك، وهسه أصلاً ما تذكرك. مؤتمن لخاطري. ركزي على "لخاطري" مم... دعاء، غزل وجهالها لا تخليهم براسج. لا وحق الخلَق رب الكون أسحك راسج وأنعَل أبو اللي يطلع وراج. عليش؟ بس لأنو كلت نستك هيج احتركت؟

كول ما نسيتها وما أكدر بدونها وجاي أضحك عليكم أكول ما أريدها. تانيته يرد بس سكت. أسمع نزلته وهي وراه. جنت ما مستوعبة السمعته، خذت مؤتمن وتفكر بأطفالي. أحس كلبي دقاته سريعة، لمن أروح؟ منو اللي أشكيله؟ منو يوكف وياي؟ يا ربي دخيلك، كلشي ولا أطفالي. لميت رجليا وخليت راسي عليهن، أريد أعرف شنو أسوي. آخذهم وأنهزم؟ بس وين أروح؟ وابني حتى جواز ما عنده. يمه، أموت ولا تأخذ واحد من أطفالي. يا ربي ما عندي غيرك ساعدني.

سمعت كيوت كعدت تتنحس، كمت شلتها وحضنتها. كالت: جوعانة ماما. يا روحي، يردون ياخذوج مني. وين آخذج وأنهزم؟ أموت غير إذا صارت مستحيل أضل عايشة وراكم. ماما جوعانة. إي حبيبتي هسه أكوم. كلتها وحضنتها، دموعي تنزل والشهكة بكلبي. انفتحت الباب دخل مؤتمن شافني وكف متعجب. كال: عليش تبجين بويه؟ ماكو شي، جيب تيم مؤتمن رجعني. منو وياج؟ محد بس أريد أرجع. سكتي لا تبجين، خلي أفهم منو وياج. هسه عفتجن نايمات، أمج بيها شي؟

لااا مؤتمن، ما أريد أضل وياك، دا أكلك رجعنييي. بسج بويه، بنتج خافت شوفيها اشلون تبجي وياج. وين تردين أردج؟ منو يبقى يمج؟ عمة تجي وياي. غزززل، لا تسودنيني. جهالي ما آمنهم بيدج، وأمج ماكو. انتظري كلها كم يوم ولي. أني ما أريد أبقى، ما داتسمعني شنو أحجييي؟

غزززل، تنكتمين هواي أحسلج. رجعة مالج لحد ما ترد أمج. تبقين هنا برضاتج وإن غصبًا عنج. ونص كلمة ما أريد أسمع. هاج ابنچ غيريله يلا. وإنتي بابا تعالي وياي لا تبجين يا روحي. خله تيم وأخذ كيوت طلع يسكت بيها. شلت محتارة ما عرف شسوي. رحت للحمام سبحته وغيرتله وكلبي يوجعني. أتخيل ياخذوه مني، حضنته وبجيت بكلب محروك. بس لا، ما معقولة مؤتمن يسويها؟ ولويش ما يسويها؟ مو شمرني؟

هم يدبرون سالفة وياخذن أطفالي مني. بس لالا، مؤتمن ما ينطي كلبه ياخذهم مني، أعرفه. انفتحت الباب دخلت سماح. كالت: شمالج خيه تبجين؟ منو سمعج كلمة؟ محد، طلعي سماح. لا احجي منو؟ دعاء أكيد مو؟ لا ما دخلت غرفتي، بس أني مخنوكة. الصبح تضحكين ما بيج شي خيه، بداعة ابنچ كولي. سماح، جهالي لحد يحلفني بيهم. وهااا، كليله لا يفكر بيهم، والله أكتلهم وأكتل روحي وراهم. ولا أخلي واحد يوصل يمهم، كافي أذية الشفتهاااااا منه.

كعدت بجيت وكلتلها: أني ما أذيت، لويش ديسوي بيه هيج؟ ولج، شيأذيج؟ غير شمر روحه بتهلكة وتحمل بعدكم من روحه بس لخاطر يحميج. ولج وعلي، نزل محتار كلي صعديلها شوفيها شمالها. حتى غده ما اتغده، خال كيتي وكاعد صافن يكلي ما سمعتها كلمة ولا وصلت صوبها، شنو الصابها على ساعة؟ ما بيه شي، هيج اشتاقيت لماما، هسه أخبرها أرتاح. روحي أنتي. وينها أمج؟ هي كم يوم وترجع يا عيني. دكومي نزلي اتغدي وبعدين خبريها.

لا روحي سماح، أني أنزل وراج. لا تلحين، دا أريد أحجي وياها براحتي. طلعت، أخذت الفون اتصلت بماما. أول ما ردت بجيت. كالت: اشبيج ماما؟ ماما يردون ياخذون أطفالي مني. منو ياخذهم ولج؟ دعاء سمعتها تكول لمؤتمن خلي ناخذهم، حرامات بيها. لا تبجين، مؤتمن ما يسويها. ماما حتضل تزن براسه.

حتى لو زنت، مؤتمن صح السواه ما يغتفر، بس من توصل لأطفالج لا. أمجرب لجمة فكد الابن وهم يعرف اشلون تعبتي بيهم، مستحيل ياخذهم منج. لا تفكرين، عزا بعينج وكفتي كلبي لبالي صارلهم شي. بس هاي دعاء راد لها قرصة أذن. شسوي؟ عوفيها، اكو منو يقرص أذنها. أني أخبره، أنتي أهم شي خلي عينج بأطفالج. وأني احتمال أرجع من وكت لأن عمج كالوا راح نضل على العلاج ويا زوجته. صدك سيف شفتوا؟

إي طبعًا، اجه ويانا. بس سودة بوجهي مسوي حادث متحطم المكرود. كوه اجه ويانا، ما باقي لا وجه ولا إيد. يلا المهم طلع سلامات. نرجع لحجينا ماما غزولة، وما أوصيج على أطفالج. واتركي دعاء تعوي وحدها، هاي ناوية غير نية مو أطفالج تره. شنو يعني اتفكر؟ هاي تريدج تموتين. تعرف إذا أخذت جهالج تتخبلين وتسوين شي بروحج، وهيج تخلص منج فرد مرة. وهم تاخذهم على الحاضر لأن الظاهر متخلف ولاعبتها بيهم ما تكول. إي ماما، كالتلي ريم بس محد يصدك.

خليها وحدها تلغي، وآمني من جهة مؤتمن. صح انفصل عنج بس ما يحرك كلبج على أطفالج، ما توصل بيه هيج. كافي يا ماما لا تبجين. لا خلص ماما بطلت، بس رجعوا من وكت لأن دا أحس روحي ما داتحمل بعد. إن شاء الله أول حجز نحصله نجي. يلا ماما أخذي راحتج، لازم أنزل أتغده. سلمت وسديت الفون. مسحت عيوني. سهلة دعاء، إذا ما خبلتج قبل لا أرجع ما اطلع غزل. تردين أطفالي وتموتيني؟ مو سهلة.

غسلت وجهي، سويت ميك آب خفيف حتى ما يبين باجية. شلت شعري كباية، أخذت ابني ونزلت. لكيتهم يتغدون، كيتي جانت بحضن دعاء توكل بيها. اجيت أكعد، عمتي كال: ماكو مكان، روحي للمطبخ هناك خاليلج أكل. مؤتمن: كولي يالله، هاي الصالة اشكبرها. عمتي: إذا كعدت أنا أكوم، وجهها ما أريد أشوفه. لا عمة خليج، أروح للمطبخ.

ردت وجهي، رحت للمطبخ. دخلت لكيت القدور كلها خالية. كون تاكلين سم. خليت تيم، طلعت خبز وجبن لأن ميتة جوع مو مال أتاني استوني أسوي لفة. دخلت كيتي تركض. لويش اجيتي ماما؟ بابا كام اتعارك ويا بيبي وطلع، وأني ما أريد أكل وياج. ماكو أكل، رجعي لصافو أكلي ويا. شنو بيدج؟ لفة جبن. إي أني هم لفة. سويت لها لفة، شلت تيم أخذتها وطلعنه للحديقة. فرشت مفرش، خليت تيم انطيتها اللفة. كعدنه أكلنا.

خلصت وهي بعدها تاكل. كمت أفتر يمهم أباوع للشجر. هوست: شيليني. دنكت شلتها على خصري. كالت: هاي مو طيبة. لويش أكلتها هسه؟ ما بيها شي. مالح. لعد هسه كلتي من خلصتيها؟ يلا ما بقى بس شوية كمليها حتى أسويلج حليب. مااا، مو طيب هاج. لعد ماكو أكل، اتحملي الجوع وانجبي. أسمع صوت مؤتمن وراي. كال: هاي خير أبوها اشكده اتضل جوعانة عليش بويه؟ انداريت لكيته واكف. سكتت. أخذت اللفة من إيدها نزلتها. راحت تركضله، شالها. كالها:

شنو تردين أجيب لج؟ حليب. الحليب ما يشبع بويه، موش تكولين جوعانة؟ هئ أكلت ويا غزل بعد حليب. تركي الحليب وأجيب لج أكل طيب. هئ بابا حليب. عفته يقنعها ودخلت للمطبخ سويت لها ممه. طلعت لكيته كاعد يم تيم وهي نايمة بحضنه. أنطيها الممه. كال: شتردون أجيب لكم؟ ما أريد، أكلنا الحمد لله. كلتها ودنكت شلت تيم. ما رد بس دنك فرك كصته. دخلت جوه لكيتهن ينقلن المواعين. باوعتلي هيفاء دنكت خجلانة من الصار. ما حاجيتها، شذنبها هي؟

طلعت للصالة صارت بوجهي عمتي ودعاء ابصفها يباوعلي ويضحكن شمتانات. رحت كعدت يم مصطفى، أخذ تيم يلعبه. كال: ما خاللاتلج أكل مو؟ امم. ناقصات وعينهن ضيجة. الغسل حسبالهن أهم شي الأكل والجفن للوجوه المعفنة. الصوج مو منهن، من مؤتمن السكت. ما يخرب كل هالتعب والقهر الحمله لخاطر شغلة تنحل بلفة. شنو يعني؟ سلامتج ولا تركزين جثير بكلامي. عرفتج ثولة لا تخربين فكرتي عنج. أطلب لي يلا جوعانة. أطلب لج سم وين رجلج؟

رجلي يريد ياخذ ابني يسجله باسم دعاء، أصلاً مو بحالي. ههههاي، حلوة هاي النكتة. والله أول البارحة يكلي مو بحالك تره حالج حال القندرة. هاي معناها وصلت الغيرة يمه لجهنم، ما كالج ولي من وجهي. إي كال. هذا لا تفرطين بي. أخوي عنده مفهوم الحب بالمكلوب، هاي من يريد يعبر عن اللي بداخله بس هو حمار. كلما تسمعين غلط أكثر كلما تتأكدين يحبج أكثر. وين بنتج؟ يم أبوها بالحديقة. يلا جوعانة. شنو أكوم أسويلج أكل لو شرايدة بالضبط؟

لا أطلب لي بيتزا. أطلب لج نعال أبو الاصبع ولي من وجهي. مصطفىى! منو هذا مصطفى؟ احنا نحجي وكالت دعاء لعمتي: عمة أم كرار اجت من العمرة لازم نروح. عمتي: -أي يبعد عمتج، جا انتي الشيخة وانتي أم الواجبات، حضّري ارويحتج وانه وجدتج نروح وياج بس خلي يجي مؤتمن حتى نروح سوه. -أي كلتله، كال هسه اجي حضرن بس عمه تره انه اكعد بالصدر من هسه.

-أي يبعد عمتج غير انتي مريته، طبعًا يمه اشحلاتكم من تنزلون سوه، الله يحفظكم من عيون المسمومات ويرزقكم باليفرح كليبكم. -آمين ياربي، وين هيفاء خلي تنظف البره اشوف بي تراب. -يمكن بالمطبخ تغسل اماعين، هسه كايمه اصيحها، انتي روحي غريفتج حضري اروايحتج. باوعت لمصطفى اشرلي اغلس، همس: -هذا يلعب بعداد عمره، اشلون راح تخليني ابلش بيها أول بشر. اجت سماح ويانه كعدت، كلتلها: -وين كيتي؟

-أبوها اخذها وطلع ماادري وين، مايتعطل هسه يجي لان عنده واجب العصر لازم يطلع، جايين بيت أبو كرار من الحج. -أي كالت دعاء، لعد لويش مترحين انتي واجبات ويا، لويش خالتها. -موش هيه الشيخة نسيتي، خليني ساكته غزل تركي السالفة. -أوك واني هم نعست أريد أنام.

-طبعًا إذا الليل كله اطبلون على راسنا، كومي نامي حتى تكعدين بليل انتي وفروخج كعده عدله، على كولت مؤتمن يكول خفافيش بالنهار يدورون ظلمة يختلن بيها وبليل يسهرن على ازعاج البشر. -هههههه يلا اتحملونه، مابقى كم يوم ونرجع. ماردت تحسرت ودنكت، اخذت تيم وصعدت غرفتي، سويتله ممه اخذها ونام، غطيته تمددت، مشيت ايدي على مكان مؤتمن، ابتسمت واني اتخيله اشلون جان يتحركش حتى اضوج وأمنعه علمود يعاقبني وياخذني لحضنه وهو يضل يضحك.

اخذت نفس، صرت ذكرى او اصلا بعد ماتذكرني، صار عندك حياتك الخاصه ومنتظر أطفالك الي حلفت بغلاتي ماتسويهم من غيري، ماعرفت غلاتي يمك مثل عدمها. غمضت أحاول أبعده عن مخيلتي مثل مابعدني عن حياته، ماعرف شكد ضليت ورحت بالنوم. كعدت على ايده وهو يوخر شعري عن وجهي على كيفه، حسيته دنگ وصارت انفاسه قريبة من ركبتي، اخذ نفس طويل رجع باسني بطرف شفتي. بطرف أصابعه يمشيهن على أصابيعي وصل للحلقة، اتحسر وهمس: -مشتاقتلج بكد رحمة الله.

اندكت الباب، كام بسرعة غطاني عدل وراح فتح الباب، دخلت سماح كالت: -دعاء امتانيتك جوه حتى ترحون. -أي هسه جاي، دخلت خليت كيوت نايمه. -جبتلهن شي ياكلنه وهاي المجعوصه أم لسان أكلت. -أي جبتلهن بس ماقبلت تاكل، خليته هنا يكعدن وياكلن. -أي خطية شبعت خبز سودة عليه، الله يهدي عمتي هسه حتى ما مأذياتها عليش هيج كارهتهن ماادري. -تركيها خليها تطلع الي بكلبها كله، ماضل شي هانت.

-ياا شوف منهو كعد، فدوه تيم يلا بالله اليشوفهم يصدك ذوله تابعيلك. -هههههه لاروح ابوي، لااسم ولاشكل مايمدولي بأي صله. -دشوف عيونه اشلون تزرزر جنه بزون بعد أمه. -باوعيله بلكي يطلع أخو يشبها. -لاتتأمل، مايطلع عليمن يطلع متكلي، إذا جدته أمي وانه أمه، هاي أمه كيكه وجدته اتكول قوز قزح املونه حگه من يطلع هيج. -دخذي وطلعي وعينج بي، خبري مكرم خلي يجيبله حليب. -أي هسه اخذه لا يكعدهن بصوته.

-لاامني ذني نفس الصنف، إذا كعدن ماينامن اله اطكيهن طلقه، وإذا نامن مايكعدن لو تسحليهن بكرنك، تكول توم يبجن يضحكن يسولفن كله سوه أمبرمجات سوه. -هههههه أي والله انه هم منتبها الهن بس كيتي هواي متعلقه بأمها. -طبعًا نفس السوادين والخلقة، اشلون متتعلق، يلا روحي بويه سويله ممه. -مؤتمن بعدك امصمم الي براسك، ينطيك كلبك تتركهم. -الهم رب يحميهم ومصطفى ماراح يقصر. -خلي أحمد لو مصطفى مجانك، اقلها فارغ بروحه.

-أحمد جبان ومصطفى ماشاف من الدنيا شي، اشلون ترديني اخلي يروح وهو مامتهني بشبابه واعرفه ماراح يقصر وياهن. رادت تحجي كاللها: -يله بويه خلي ننزل لايگعدن. طلعوا وسدوا الباب، سمعتهم نزلوا وصوت ضحكة دعاء الي ماامصدكه بروحه صايره تطلع ويه مؤتمن وصايره الشيخة كدام العالم. بس حقها هذا حلمها، سحبت العلاكه شفت لفات ولبن، اكلت ورجعت نمت، ماكعدت غير على صوت كيوت. كمت، كالت: -جوعانه. -هياته الأكل كومي اكلي. -سويلي لفه.

-هسه دكومي غسلي وجهج بين مااسويلج. غسلتها وسويتلها لفه، خليتها تاكل بين مارتبت روحي، اخذتها ونزلت. صار بوجهي مؤتمن واكف ودعاء بصفه شايله تيم يلاعبوا، نزلت كيتي ركضت لابوها، دنگ شالها واني رحت كلتلها: -جيبي. -تركي شنهو راح ناكله. -لا أخاف يخترع ماشايف مصلبخين قبل. -لاتخافين راح يتعود واصير الكل بالكل، هاج كمشي عدل لايوكع لنج ثوله. -اني هم اكول هيج. اخذت ابني وشمرته على أبو، كلتله: -بس اكمشه دقيقة.

رجعت لدعاء جريتها من شعرها وعضيتها من خدها، اسمع الصريخ وراي ومؤتمن يجر بيه بس جنت فاقده من الحركه وكلبي يفور. سماح تصيح بجهة وعمتي من جهة، مؤتمن كمش اديه حيل وعصر وجهي حتى اهدها، سحبني حيل اجه خدها بسنوني والدم طفر. طاحت بالكاع كامشه خدها وتصرخ: -تشوهت لحكونييي. عمتي يمها، مؤتمن مجتفني يريدني أعوفها بس أحس غليلي ماشفى منها، انداريت ضربته گله بصدره وسحبت روحي حيل فلتت من ايده.

وركضت دفرتها بنص بطنها بكل حيلي خليتها اتزوع الماكلتها. اركض مؤتمن جتفني ورفعني من بطني، اجه مكرم بسرعة هدني من ايده كاله: -تركها الحك ذيج. لدعاء شال وجهه وهيه تصرخ: -راح وجهي تشوهت. -انطيني مجال بويه اشوفه ايدج وخريها. -اتشوهتتتتت يا مؤتمن راح وجهيييي هسه ارتاحيت من رديتهااااا. -بويه خلي اشوفج ولج ايدج شيليها -خرب هاي تعتاز خياط. -راح وجهي يا مؤتمن انتهيييت انه الحكنييي راح امووت.

-اشتعلت عشيرته لمؤتمن على هالقسمة كومييي بسرعة. كومها والدم يبز بز من وجها، عالسريع يطلع، مسحت حلكي يظهر ايدي، اخذها وطلعوا بسرعة ويا عمتي كامشه خدها حتى يبطل نزف. مكرم: -يلا بالله متكليلي اشوكت تعقلين. -تره هيه بلشت. -دروحي غسلي حلكج كله دم وحسبي احسابج وراها حساب معدل تره تشوهت البت. -مو بكيفه يحاجيني تره جان واكف من غلطت عليه. سماح: -بت الاوادم كالتلج ثوله بس جامصطفى يكومج ويكعدج بالطراكات شو متحجين.

-سماح اني ماكتلتها لان هيج تره جانت شايله تيم. مكرم جان شايل تيم سمعني كال: -ياستار نزل تيم عالمده كال تره شلته عن الاينسحك لااكثر ولااقل. سماح: -دخيل ربج عمي بعد محد يكرب يم جهالج. -ولي سماح عينج بكيتي بس اغسل حلكي عن دمها الزفت اول مره اشوف دم اسود. بيبي: -حلك الجفن عبنها تسوه راسج هيج حاقده عليها، بس يجي مؤتمن اخلي يدوس راسج ويردج لامج لان متنعدلين. -أي والله بيبي تسوين فضل رجعونا.

-ماكو تردين بحيدج، افروخنا مننطيهم. -اهااا هنا الحجي، تمام كل التكدرون علي سوه لاتقصرون، كلتها ورحت غسلت حلكي. اخذت جهالي وكعدت بالصالة، الوقت متأخر وهمه ماكو، امبين متحطم وجها الي تأخروا لسه، ردت اروح للحمام، احتاريت اشلون اترك جهالي. باوعت كدامي بوحه كاعد يم الباب صحتله اجه يركض، اندعيت لمصطفى جابه ورانا. وصل يمي مسحت على راسه گعدته وخليت تيم جوه رجلينه وكيتي يمه، كلتلهم:

-لاتتحركون، بوحه شكو واحد يجي اكله، سمعت لاتخليهم يتحركون، ضربته وخليت ايده عليهم هو الحمد الله متعلم. كمت صعدت لغرفتي بين ماطلعت من الحمام وغسلت وجهي سمعت اصواتهم. طلعت لكيت عمتي ودعاء تبجي ادخلها لغرفتها خدها كوله امضمد. عمتي: -ماضل شي يغزل إذا ماخليتج تبجين دم مااسمه ام مؤتمن. -ميخالف عمه كمشي جنتج لاتوكع بس اووف اشلون مؤتمن حيباوع بوجهك بعد عيع مقززه صرتي. دعاء: -لاتخافين خيوط تجميل اسبوع وارد احسن.

-يلا هم زين منا لمن اروح استمتع بشكلج واضحك. -أي ضحكي اشكد ماتكدرين مااوصيج، جايج الدور يلا عمه تعالي. اخذتها ودخلت للغرفة، سدن الباب، رحت ردت انزل بس الفضول خلاني اتسنط، خليت اذني عالباب اسمعها اتكلها: -موش بس تيم حتى كيتي. -مايقبل مؤتمن، اثنينهم خليج على تيم كافي. -لااريدهم اثنينهم كون متطلع منا صاحيه أريدها تموت، وإذا على كيتي انه اعرف اشلون اسحبها الي، وصيت يجيبولي قريوله من باجر انيمها يمي. -ومنهو يخليج.

-انه مريضه ومؤتمن لازم ينام يمي، وبحجت بنته تبجي اخذها يمنه اعودها وانسيها امها، بس انتي هالمره قنعي مؤتمن اثنينهم. -سهله بس كون الله يهدي ويسمع. -لاغضبي عليه هو يخاف من الله أهم شي عنده رضاتج بس هددي راح يقبل، موش كلتلج قبل وسواها رجعها لاهلها تذكرين من ماصدكتيني. خوشمرها هسه عيديها وكليله أحفادي يمي يبقون هاي اتضيعهم، هيه نفسها امضيعتها وأنت مريض منهو يكول بعد يصير عندك جهال غيرهم. -بعده نفس حالته.

-نفسه كلما احجي ويا ينطيني ظهره، اعرفه مرتفع السكر عنده ويخجل يحجي، بس حجيت ويه أمي راح تجيبله اعشاب ترد صحته بيها. -تركي شغلة النومه هسه عملي، اول مره الي اتفقنا عليه وإذا مانجحت لخاطر نعمل الطريجه الثانية. -باجر الصبح اتفقت ويه حمزيه تجينه، بس انتي هم خليج وياي كلشي نعمل كون هالايام يسجلهم باسمي قبل لاتجي أمها لان أمها نغله متخلينه.

واكفه اسمع والنار تطلع مني يعني خالات الشغله براسهن ومتفقات، ردت اسمع اكثر بس صوت الجلب ينبح خلاني انزل خفت على جهالي. نزلت لكيت مؤتمن كاعد نص كعده يم الجلب ويتوسل بي ينطي تيم ومصطفى يضحك يكله: -إذا زلمه جرب تسحب تيم منه. -ولك بهاي ماكو رجوله، دشوفه اشلون فاك حلكه. سماح: -ههههههههه ارجع اتوسل بلكي ينجسر خاطره وينطيك واحد. مؤتمن:

-شتوسل سحلت روحي وماكو يمعود، أبو الغيره بالعباس انه أبوهم بس هذا اقلها الصغير امروتك، خرب بلشتك مصطفى منين جبته. -تذكر من كلتلك يحميها وضحكت عليه، يالله اوصل صوبها وشوف اشلون يفترسك. اباوع لمؤتمن مد ايده على كيف جر رجل تيم من جوه الجلب وهو حس عليه كام نبح طفر مؤتمن من مكانه رجع سحب تيم من ملابسه وكف عليه. مؤتمن: -ولك اخاف يخنكه روح طلعه. -جا عبنك هيج حنين مااطلعه انت. تهاني:

-صدك تحجون طكوا طلقه طلعوا الفرخ راح يموت. مصطفى: -حتى غزل بنفس السلاح اطكج طلقه براسج وتاخذ فديه من أهلج فوكاها. مؤتمن: -كيتي بابا جري تيم من جوا. كيتي: -لاغزل متقبل. -تعالي انتي. -بوحه ميقبل. -خرب بيكم ولج أخوج راح يموت جري. -تعال انت مياكلك بس يعضك. -لاسهله إذا عالعظ بت الزمال شوفي اسنونه هذا عضه وحده يفصم راسي وين هالثوله لج غززززل. نزلت كالته: -شكو دتعيط. -خرب بيج جهالج اختنكوا هذا كاف عليهم. -لعد مارحت طلعتهم.

سماح: -ههههههه والله حاولنا بس تعرفين الروح عزيزه خيه وجلبكم اكبر من البشر. رحت يمه وهمه كلهم متكترين يخافون، كعت يمه لكيت كيتي بصفه، ضربته على وجها كلتله: -موكلتلك خليهم جواك لويش كيتي بعيده. مؤتمن: -استلم إذا الجلب هيج اطكه هاي شتترجه منها بويه ابني طلعي من جوه واتحاسبوا بعدين. جريت الجلب من اذاناته كومته وطلعت تيم يضحك خليته بحضني، گالت سماح: -يا صدگ من شدهتنا نسيت أسألكم عن دعاء شلون وجهه.

باوعت لمؤتمن لبالي راح يحاسبني بس اتفاجات من اجه دنگ اخذ تيم مامهتم اصلا ولارد، رجعت سماح گالت: -شنهو ردت لو راحت لاهلها. مؤتمن: -بويه شخبصتينا مابيها شي يمكن خيطوها. -يمكن؟؟ المهم اليوم لتهاني مو تنسى. مارد ضل يلكف بتيم، طفرت كيتي كالتله: "بابا صار الليل." "هلا والله استلم، أنوب تبشرني يعني صباحي اليوم؟ "ييي، اليوم ألعب بالترملين." "باب غرفتي بعد أبوچ ولو متعتازين توصيه، معروفة الشغلة." سماح:

"إنه أودعكم من هسه، عندي كعدة الصبح وأنت أعانك الله على ما ابتلاك." مصطفى: "أتحمل يخوي، كله إلك بي أجر." راحوا كلمن غرفته، وبقت تهاني امتانيته يروح وياها لأن اليوم إلها. اشرلها: "روحي جاي وراج." عفته يمهم رحت للمطبخ أسوي ممه لتيم، طلعت أخذت تيم منه وكيتي كاعدة تلعب ويا جلبها. كال: "صعدوا فوك لا تضلون جوه." "هسه بس أرجع تيم وأصعد، خلي كيتي تشبع لعب ويا بوحه."

باوعلي أخذ نفس وكام باس كيتي وراح غرفته، دخل سد الباب. أحس روحي اختنكت، مسحت وجهي أريد أهدأ. انتجيت تذكرت حجي دعاء. شنو هذا؟ صدك مريض وبعد ما يكدر لو يمثل؟ بس لا مؤتمن أبو النفس الزايحه، شلون يمثل؟ أكيد مريض أي والله تهاني صارلها قرن عنده ولسه ما حبلت، وهيه طبيعتها من أول بوسه تحبل. قطع تفكيري مصطفى وهو يطلع شرب ماي واجه، رفع كيتي بالهوا وباسها، كالها: "وين أبوچ؟ "بالغرفة نام." "لا يا ثوله! ولك شلون خليتي ينام؟

هسه كلتله تهاني ومات." "عززا." "روحي كعدي بالباب لطمي عليه وصيحي: يبووو يبويه، حيل." "أي يو بو بابا." "لاااا، يبوووو يبويااا يا مؤتمننن، يبووو هيچ." "يبوو مؤتمن يبوو." "عفيه، وهيچ بأديچ لطمي." عكس أديها ولطم كدامها ويا ورا، كاموا يصيحون ويلطمون لمن علمها صح وضبطها. شالها خلاها باب مؤتمن وأشرلها: "يلا." دخلت وسد بابا غرفته وكيتي بلشت هيه وجلبها، كالته: "اعوي وأني ألطم بابا مات." كل صوت تصيحه تطرم الأذن، تصيح:

"يبووو يابابا بويوووووو ماتتت يووووو." وجلبها ينبح طالع. مؤتمن بالبنطلون وكف باوعلها ومسح وجهه، انتجه عالحايط واتجتف كال: "عالخير مات أبوچ." "أي يبوووو." "امم، اشتعل أصلك مصطفى." كعد بالكاع وانتجه عالحايط، طلع جكاره ورثها، كالها: "صيحي بعد أبوچ صيحي." "بيووووو بااابااا." "أعلى." "يوووو مؤتمن." "اشتعل مؤتمن على هاي القسمة، كملي لطمي حيل يبعد أبوچ." "بوياااا." "اشتعل أبوچ كملي."

أباوعله وكوه كاتمه ضحكتي، يمسح بوجه ويدخن وهيه تصيح مستمرة. طلعت على صوتها سماح وعمتي، كالت: "صاحت الصيحه على أمج وأهلها، ولك بيش امفاولة على ابني؟ "ماتتت." "منهو المات بت الزمالة؟ "ابنج يبيبي يبووو." "يبووو عليچ إن شاء الله." مؤتمن: "هاااا يمه، كولي يالله شمفاولة على بنيتي؟ "ولك ما تسمع شتصيح؟ "ردي نامي يمه، دخيل ربج مالج شغل يلا."

ردت عمتي لأن شافته عصب، وسماح واكفه تضحك وكيتي مستمرة ساعة توكف تلطم واتكمز وساعة تكعد. اجت سماح كالتلها: "ولك بسچ." "بابا مات، لتمّي يا ماما." "يااا، چاهذا منهو؟ "لا هسه يموت تاكله تهاني." "هههههههه أخ يمه منهو كلچ؟ "صافو." مؤتمن: "اشتعل عمچ، والله عرفته. يلا أقلها امنت، شفت مستقبلي من أموت خوش تاخذ عزاي." سماح: "ههههههههه والله يا كيتي تكفي وتوفي حتى ما تنطينا مجال نلطم وياها." "وين ملاك؟

"ياا، ذيج چنها دجاجة تنام من المغرب." "يلا أقلها تعوض عن أختها، كافي عندي هالهم هم يا الله أشيله. روحي بويه نامي هاي الطلابة للصبح متأكد منها." "لا كافي كيتي، بابا تعبان صار يومين ما نايم خطيه خليه ينام." "أي بالله بس ساعة والله كافي بس جيب اليفهم." كالها وباوعلي، صارت عيني بي وبغرفته المفتوحة ورا، أحس روحي انعصرت درت وجهي وهو دنك مثل الحس. سماح: "كافي كيتي حبيبتي، يلا روحي نامي." "أي بس ألعب تم بنين." "شنهو ولك؟

"هياته." "يمه صدقة، أنوب تحجي بغدادي. بعد أمچ تعالي أبوسچ." ركضت شبكت سماح، باستها كالتلها: "نلعب؟ "لا إنه تعبانة، ذوله أهلچ العبي وياهم." "لعد غزل ألعب وياها، جيب هاي." "شنهو؟ ركضت جابت الترمبلين خلتها باب مؤتمن وصعدت اتطفر وتضحك. سماح كالتله: "لا، ميؤس من شغلتك إنه أروح أنام." وهو طلع جكاره ثانيه، عكس وحده من رجليه طبكها وحده مدها وعدل كعدته، أشر روحي لسماح، ردت لغرفتها تضحك.

كمت رحت للمطبخ أكمل خباثة بنتي بلكي واندعي كون يمل ويوديني لعمتي لحد ما ترد ماما، خليت تيم عالطبلة ورحت سويت مخلمة بس كل حاجه أطكها طك بالمطبخ حتى يطلع صوت عالي. أطبخ وأغني وأدك بالجفجير، دخل مؤتمن كال: "أعلى شويه لأن جدي بالديوانية ما يسمع." "شنو؟ "ومرض، أشوكت ناويه تخلصين أريد أخمد؟ "هسه بس ساعة أكل وأوكلهم وأنام." "غزل من الأخير، أضربهم في أشكد حتى أحسب حسابي أشوكت أنطمر؟

باوعتله ودرت وجهي، انفتح شعري، خليت الجفجير عالطاوه، ردت ألمه حسيت أيديه على شعري همس: "تركي إنه ألمه إلچ." ابتعدت عنه كلتله: "وخر مؤتمن." أخذ نفس ما رد، شال تيم وطلع بره ورا كيتي تهوس. خلصت طبخ خليت الطاوه، دخل مصطفى كال: "اييي والله وكته، ميت جوع." "تعال أكول يلا قبل لا يبرد." "وين مؤتمن؟ "بره ديلعب جهاله." "هههههههه راحت النومة."

"محد كله جبنه، يتحمل غصبا عنه. يلا ما بقى يومين وحنروح، هاي إذا مو باچر لأن ماما جايه." "أي والله يا ريت من وكت ترحين." "لويش؟ شنو الصاير؟ "سامر مريض حيل، خايف عليه وما أكدر أضل يمه. يا ريت ترحين حتى قريبة منه." "عزززا، اشبي؟ لويش ما كلتلي؟ "شكلچ وأنتي شنو تكدرين تسوين؟ "شنو بي؟ أني أشوفه خطيه دوم تعبان." "عنده فشل كلوي، معتاز عملية من زمان." "لعد ما تسويله؟ "والله جاي ألم فلوس، رادلها هواي." "بيع سيارتي."

"لا يابه، إنه ألمهن." "مصطفى أني عندي سيارت ماما أروح وأجي بيها، لعد نعوفه يموت صدك تحجي؟ فدوة باچر أعرضها وبيعها لا تعترض خلص." "متأكدة غزل من التحجي؟ "طبعا، وجيب أني أوقعلك لهنا إذا انباعت قبل لا أرجع." "تركچ السيارة، إذا عندچ ذهب أفضل." "لا والله كله بعته، ما ضل حتى فلوس صفرت يا معود بيعها. هسه ما تكلي شنو قحط؟ دا أكولك سيارة ماما عندي." "هاي هيه تمام، باچر أعرضها." "لويش طلقت مهرة؟

"خلصت ورقتها يمنا وذني هم ما ضللهن، بدأ العدد التنازلي. راح تتفجر العبوة الزرعنها بيهن بس كون عاد الله أخوي السبع يتحمل لا يفجره الشوك قبلهن ويريح كل تعبنا بالخالي بلاش." "شنو يعني؟ "تركچ منهن، مسلم اتبنوا عائلة." "يمه فدوة بس كون زينين وهو يتعود عليهم."

"والله ما ينطيني كلبي أنطي بس شفتهم خوش ناس، رجال جبير ومرته ما عدهم خلفة. رحت وياهم للبيت لكيت حتى غرفة خاصة عامليله، ضل يمهم نهار كامل. رجعت لكيته فرحان ويطفر عاد كملت المعاملة." "الله يحفظه." "أحمد يطالب بيچ، يكول عليش ما تبات يمه؟ "ههههه كله ما ضل شي بس أرجع أنوب حتى أبات... دخل مؤتمن سكتنه بسرعة، اجه يمنا باوعلنا من الخوف كطعت حتى النفس، عيني بمصطفى اللي مو أحسن من حالتي. باوعتله رفع حاجبه كال: "خلصتي لو بعدچ؟

أخذت نفس براحة يعني ما سمع، رديت: "خلصت جيب تيم." "خلي كايتي إنه أنيمها، صعدي نيمي هذا." أخذته عفت المطبخ على هوسته، أخذت ابني طلعت رحت صعدت لغرفتي. انفتحت غرفة دعاء كالت: "هيي وين مؤتمن؟ انداريت رديت: "جوه." "وبنتچ؟ "ويا." "نزلي صيحي كليله نسيت موعد الدوه، يلا بسرعة." "شلون اتخليني أنهش خذها الثاني؟ "مؤتمننننن." عفتها عرفتها تريد حجه حتى يصعدلها، قبل لا أسد باب غرفتي صعد مؤتمن، دخلت وسديت الباب أسمعه دخل غرفتها.

حسيت النار بكلبي هو وبنتي يمها، دقايق وأسمع ضحكتها عرفت شنو تقصد بيها، تركتها هنه يومين بقن أتحملهن وأرجع. خليت تيم بقريولته، سويتله ممه، أسمعه فتح الغرفة ونزل. رحت للحمام سبحت طلعت نشفت شعري، أباوع الساعة صايره ثنتين أكيد كيتي نامت يم سماح هسه. طفيت الضوه وتمددت، رحت بالنوم ما حسيت غير على نفس بركبتي، حركت روحي بطل. رجع مشه أصابعه على شعري، سحب خصله باسها، دنك حسيت بلحيته على بشرتي وهو يبوسني على كيفه.

أيده صارت على بطني تلمسها بأطراف أصابعه ودنك باسها على كيفه. شال راسه صعد لشفتي باسها بهدوء، فتحت عيوني ردت أدفعه، كمش أيديه كال: "رحميني." "وخر مؤتمن." "راح أموت، ما ضلت طاقة أتحمل كل هالعذاب." "وخررر مؤتمن، لا تخليني أصرخ وأفضحك، اطلع منا واحفظ كرامتك." "ما أكدر غزل، تعرفين شنو ما أكدر خلص صبري." دفعته حيل، ردت أسحب أيديه ما كدرت، دا أصرخ، سد حلقي كال: "وروح أبوي بعد ما أكدر."

كالها وخله راسه بركبتي، رفست ردت يعوفني ما كدرت. أصرخ ما يطلع صوتي، ضاغط عليه أحس ركبتي كامت تحركني. بجيت بطل، شال راسه وخر أيده مسح دموعي بأصابعه، ردت أكله وخر ما لحكت، أخذ شفتي بلهفه، ضربته دفعته، دخلت أضافيري بظهره. حرت شسوي بي، ردت يتركني لأن حسيتها انملخت، كمت أون بصوت عالي وأضرب بكل قوتي ولا تكول ويا ما تركني، لمن حسيت بطعم الدم صار بحلقي.

وخر رجع وبسرعه سد حلقي ولزم أيديه رفعهن ونزل على ركبتي، جان يعاملني بعنف على لهفه على شوك، كلما أحاول أدفعه يزيد بضغطه عليه. تعبت وأني أحاولي أحرر نفسي منه، ما تركني لمن أخذ اليريده، وخر لميت روحي بالجرجف وأني أشهك كارهه نفسي، ضميت وجهي بحضني وبجيت من كلبي. كعد أخذله دقايق ساكت وهمس: "شنهو التريدي؟ "أريد أرجع لبيتنااا."

"بطلت مارايد شي، متنازل عن كل حق، تعبت روحي وإنه أراقبچ من بعيد وأتحسر ما أكدر ألمسچ، لا إنه الميت ومرتاح ولا إنه الكادر أخلص البديته، تعبت غزززل تعبت." "وأني بعد ما أعيش وياك بعد لو يصبوك ذهب لو تنكلب نبي، وروح بابا أكتل روحي مؤتمن وداعة جهالي إذا ما رجعتي لماما وبس فكرت تطلب مني أضل وياك مو تجبرني، أنتحرر تعرف شنو أنتحررر." خله راسه بين أيديه، بجيت بصوت مسح وجهه، أخذ نفس وكام، دنك شال تيشيرت من الكاع وطلع.

مسحت دموعي، اشكد حقير وحيوان، كمت للحمام والشهكه بكلبي، سبحت وطلعت. وكفت كدام المرايه ركبتي صايره مجزره وشفتي مجروحه حتى بطني مشوهه، اشكد حيوان ما عنده أحساس. لفيت شعري حتى بلا تمشيط، سحبت الفون خبرت ماما ما ردت، دزيت مسج: "ماما حروح باچر للبيت تعالوا كافي بعد ما أتحمل." سديت الفون وقررت أروح الصبح، وحلفت إذا منعني أنتحر، الموت أهون بهواي من عيشته القذره.

تمددت تغطيت ونمت. كعدت الصبح على صوت كيتي، كمت غسلتلهم وسويت ممات، شفت الفون واصله مسج فتحته لكيت ماما دازه: "اليوم نوصل." فرحت سحبت جنتي بسرعة، سفطت ملابسنه، كالت كيتي: "ماما وين؟ "نروح بيتنا." "وبابا؟ "بابا هنا يضل يم نسوانه." "خطيه." "كيتي سكتي، ذني سعلوات ياكلنچ وما يخلوچ تلعبين، هناك تلعبين براحتچ محد يكلچ وين." "أريد بابا." "يجي يشوفچ يوميه، شفتي البارحه صرخ بوجهچ يريدچ تنامين، هناك تلعبين محد يصرخ بوجهچ."

سكتت وأني كملت ألم بالغراض. انفتحت الباب دخل مؤتمن باوعلي وباوع للجنطه. سديتها وكمت شلت تيم أغيرله كال: "وين على خير؟ "ماما اجت حترجع." "اشوكت اجت؟ "ما أعرف بس دازتلي مسج من البارحه كالت كم ساعة ونوصل، يعني هسه على وصول." كيتي: "بابا حنروح بعد، حتنام محد يكعدك ما تضوج أبد." دنك شالها وحضنها كالها: "ما أضوج يا بابا من تكعديني." باسها ورد حضنها. "بابا تجينا كل يوم؟ "تردين تركيني كيوت؟

"غزل ما تقبل نبقى، أنت تعيط تريد تنام وتيم يبچي ما يخليك." "أنتوا النظر يبعد أبوچ، ما أعيط عليكم." "بابا غرفتنا سدها لا تفوت بيها." "كافي يا بوي." كالها أسمع صوته اتغير، حضنها وباسها كالها: "نزلي بابا يم عمو متانيچ." نزلت تركض. اجه يمي رد يكمش أيدي، ابتعدت عنه كال: "شنهو التريدي تبقين؟ "ما أبقى مؤتمن، لا تتعب روحك."

"ما راح أعتذر ولا راح أكولچ عليش هيچ عملت لأن ما راح تفهميني، بس ثقي بالله جرعت كل أنواع الوجع وحملت أشياء حتى الحيوان ما يحملها بس لخاطر أحميچ." "صح من طردتني لخاطر تردها؟ مؤتمن يا ريت اتخليك كلمتك مره وحده وياي، ما رايده غير شي واحد زين أحجي لأطفالك بالمستقبل." "ويه الدنيا كلها كلمتي ما تصير أثنين، بس وياچ لا لأن كل عهد يعادل الموت أضعاف وروح أبوي بعد ما أكدر أشوف غرفچن خالية، ما ضل حيل يحمل كل هذا."

"أنت الردت هالشي." "موش بيدي غصبا عني وحك داحي باب خيبر غزل بعدتچ بس حتى ما أذيچ وياي." "اشكد سهلا من تحجيها مؤتمن، ما أريد أعاتبك لأن فات وقت طويل على هذا الشي وأنت اختاريت حياتك، خلص كلمن يكمل بالطريق الاختاره." "يا طريق تحچين عنه؟ شتعرفين عني ولك؟ أيام وليالي وإنه كاعد أمكابل الباب أتأملكم ترجعون، أشهر وإنه أسمع ضحچجن بخيالي.

لا تكولين عانيت، أنتي ما مريتي ولا حسيتي بربع المر عليه، ولچ وصل مرحله أحسب بالثواني يطر الفجر وأتحمل مسافة الطريق بس حتى ألمحچ وأنتي طالعه تكولين أنت الردتها، ما چان اكو حل ثاني." "لا اكو، لأن أني ما سويت هالشي بس أنت ردت اتصدك، لأن أنت مليت من وجودي وردت بأي طريقه تردها لحضنك. خلص مؤتمن كلتلك ما أريد أذكر شي، يلا اتوصلني لو أروح؟

"شفت نفسي عاجز، خفت أفقد وحده منچن، ما لكيت غير هذا الحل، غصباً عني عملت هيچ، ردتچن تعيشن بأمان لحد ما أعرف وين ترسي وياي بس ما أكدر." "مؤتمن أني ما تركتك، أنت التركتني ورجع هم صحتلك، ردت أحجي وياك بيت ماما شنو السويته تذكر لو لا؟ أنت أنطيتني ظهرك ورحت." "رحت لأن عرفت روحي ما راح أتحمل عتبچ ولا أشوف دمعتچ، أدري راح أفقد وأخذچ لحضني ووكتها يضيع كل العملته والتحملته بغيابچ غزل.

ما راح أتفهمين اشكد ما حجيت بس يجي يوم وتعرفين عليش هيچ عملت." "وهسه شنو مؤتمن؟ أني ما أكدر أكمل وياك بعد، مستحيل أرجعلك." "وإنه ما أكدر أكمل بدون جهالي، خليچ كارهه قربي أوعدچ ما أتقربلچ." "ما تكدر بدون أطفالك؟ خلص أخذهم أني أرجع وحدي ما أريدهم." "هيچ وصلت بيچ تتخلين عنهم بس حتى أتركيني؟ "أي لأن أصلا كرهتك وكرهت شوفتك." "لا تكوليييين كرهتك، جذاااابة." "لا كرهتك، لويش ما تريد أصدك؟ كرهتتتك."

سكت أباوعله، عيونه صارت دم، عصر جف أيده كد الغضب، دماراته باينه، صدره يصعد وينزل أمبين الحرگه طالعة من كلبه. درت وجهي ردت أمشي، جرني حيل، دفعني عالكنتور، عصر وجهي ودنك وعض شفتي حيل. ضربته زاد ضغط عليها، شهكت وخر وسحبني لحضنه، عصرني حيل حسيت عظامي تكسرت بين أضلوعه، خله راسه بركبتي كال: "وحك علي أعشكچ وما أكدر بدونچ، رحميني دخيلچ." كمت أشهك بصوت، حضني أكثر كال: "التريديه يجرالج بس لا تتركيني." كمش راسي وخر عني كال:

"أحبچ وكلام الله غزل، آخر نفس أنتي الي." عيوني صارت بعيونه، چانت نظرته تعب على ترجي، همست: "ما أريدك وروح بابا، كارهه العيشه وياك، إذا اتحبني صدك رجعني لأن ما أكدر أكمل وياك بعد." رجع ضمني لحضنه عصرني حيل وأخذ نفس وهدأ، عرفته ديودعني، استوى يوخر عني، اندكت الباب حيل وصوت سماح كالتله: "الحك مؤتمن، كيتي اختفت...