رواية كفي والمنجمه الفصل الرابع والسبعون 74 - بقلم Leo Alfatlawi

كفي والمنجمة

بقلمي:  leo Alfatlawi

بارت الاخير جزء /١/

على صوت سماح عافني وركض فتح الباب كالها وين راحت

-هسه بالمطبخ جانت فجأه لكيتها ماكو

-شنهو ماكو دوريتها اخاف بالغرف

-ماكو الكل يدور والباب مفتوحة  مال الشارع

طلع يركض واني من الهبطة كعدت مكاني اجت تبجي كمشتني كالت لاتخافين هسه يلكوها الولد طلعو كلهم

-راحت بتي سماح

-لاوالله خيه هسه نلكلها لاتخافين

دفعتها وكمت نزلت اركض لكيتهن كلهن مخبوصات والولد طالعين عماتي طالعات هم

وبيبي بالباب صاحت ها يخوثه يالفاهيه ريحتي بتج من اكلهم هاي متحافظ عليهم محد يصدكني ريحتيها هسه ارتاحيتي راحت ابنيت مؤتمن

-اشلون طلعت بتي متطلع بالشارع

-ابوي طلع من كبره وطلعها غير من فهاوتج نايمه للظهاري ومتيهتها

دعاء- غبيه طفلة ماعرفت اتحافظ عليها يمه ابنيت مؤتمن سودة عليه انوب انه عيني عليها بس خلي ترجع منهو يكول ترجع سالمة وهاي نسمع اشكال موحمزه انجتل لهيج شغله بس لا واحد يلكفها مثله

سماح- برد شرج انعل يومج على هذا الفال

-عليش شنهو وحد اشكد نسمع بالديره من انكلكم زعطوطه متعرف للجهال مترضون يلا هيج احسن والنوب تريد تاخذهم وترد لبغداد حتى فرد مره اتيهم

بيبي- ماكو اترد وحدها ماكو فروخنه يبقون عبنها خوثه

-اي جده سودة عليها مؤتمن طلع ميندل دربه يركض جنه طار عقله

هنه يحجن واني صافنة احس جسمي متبنج وبالي بارد دخلت عمتي اتهفي بعباتها كمت اباوع لحلكها اريدها تحجي غمتني وكعدت

صاحت راحت فرخت ابنيي راحت ام اللسان الحو كله من وراج يالفاهيه جنتي نايمه مووو من انعل ابو اصلج انتي مال بزر انتي مال اصخام ابنص وجهج

دعاء- جا يعمه حظوظ  متنميه ريحه الطفل وهيه الله منطيها

-اي خوش منطيها صعدي جيبي ذاك اخذي كون اريدها اتمانع حتى اكوم افترسها ريحت الفرخه بس يرجعون بيها بعد متشوفهم انتهت كون اريدن مؤتمن يعارض اله اغضب عليه ليوم الدين

يمه امنيلي كلب يومية فاكده واحد من احفادي هسه من كثرهم اشو عيونه تصير بيض حتى انشوفله طفل

دعاء- عمه لاتفرفحين روحج يلكوها بس هم اتضيعهم ندري بيها مخلصتها نوم واتطفر هاي

-ياع وانه امسودنا اخليهم الها ولج صعدي جيبي الفرخ هسه هم يكلب ويختنك وهاي فاكه حلكها

دفعتني وصعدت تركض اني على وضعي فاقده  مكاني بالي مويمهم بس باوع بعيوني مااكدر حتى اتحرك اجت هيفاء تبجي كعدتني غسلت وجهي كالت والله يلكوها لاتخافين

اشرت لا

-ولج والله يلكوها الديره كلها تعرفها دوم تطلع ياويه عمها ياويه ابوها وهيه لسانه تعرف بت منهو

اي واحد يلكاها تعرف اتكله منهو هيه

نزلت دعاء بيدها تيم وممته كعدت بالصاله خلته بحضنها اترضع وتبوس بي

خليت راسي على متن هيفاء مااكدر افتح عيوني مرت ربع ساعة ناس داخله وناس طالعة واني فاقده عن العلم

بس كيوت بعيوني دخل مؤتمن اتكلنه كالنه هاابشر سكت اجه يمي كعد نص كعده كدامي كال نلكاها لاتخافين

همست راحت مؤتمن  موو

-لايروحي متروح بسج بويه اندار لسماح كالها مي جيبي راح اتوكع

وخر شعري عن وجهي اجت عمتي تصرخ بوجهه اتكله فوك شينها كاعد امجابلها

-كافي يمه

-ولك تيهت البت من فهاوتها ماكو بس تلكاها وهاي اذا لكيتوها سالمة اتردها لامها مااريدن اشوف جهرتها

-سهله بس بعدي

-ولك مؤتمن راحت بتتتك يمصخم الله اعلم اشجاي يعملون بيها

اني سمعتها وعصرت ايد مؤتمن وهو صرخ ابوجها كالها بسسسسسج يمه دخيل ربج كافييي حسيت روحي رخت كمشني صاح ماييي

غسل وجهي خلاني بحضنه كال والله نلكاها بويه لاتخافين

-بنتي مؤتمن

-ماعليها هسه يجيبوها شباب الديره كلها ادور

-كوم روح دورها مؤتمن كلبي ديوجعني يعني دتبجي خايفة

حضني وسمع نفسه كوه يجره  وبرجفه جسمه كال ماعليها لاكيوت سباعيه متخاف

-الله شور بيه الصبح بجيت متريد اتعوفك واني صحت بيها اخذها مني

-كافي غزل رحمه لدينج سمااااح تعالي يمها كام مسح عيونه وراح يمشي بسرعة

اجت سماح خلتني بحضنها تمسج على راسي مابيه حتى اكعد بس دموعي تنزل وجسمي يرجف

دعاء- وين حفاضات   تيم اريد ابدله

سماح- بالجرارة

عمتي- نكلي شكو غراض لغرفتج لاتخلين شي بغرفتها بعد ماتستاهله

-اي عمه هسه اخذ حتى كريوكه لان نعس حبيبي يلا الحمد الله من لحكنه على هذا زين ماروحتهم اثنينهم

-جااتعملها  حسبالج ماتعملها موش هاي راحت الفرخه

سماح- يمه يمه وين مخافة الله يعمي دخيل ربي ولكم البت راح تموت على بتها بسجن خلن الله بين عيونجن

تهاني- جاحجن قابل جذب صدك كم مره اشوف الفرخ كالب على خشمه واتلاحكله وانوب عايفته بيد الجلب يربي بي

دعاء- بعد ماكو بعد عمري اخلي بين عيوني واربي بروحي هذا العزيز ابن العزيز شيخ الشباب ذياب

هيفاء- امم انوب حتى اسمه غيرته عوده ماتت امه ورثته بت الشيخ

دعاء- هو مؤتمن من زمان ضايج من اسمه يوو انه شكو احجي وياجن خلي اصعد الم غريضاته

هيفاء- غزل خيه تسمعيني

سماح- سوده بوجهي شفافها بيض

هنه يحجن ويبجن وذنيج وحده اتسد وحده اترد متشمتات ولاتكول بتهم هاي الضايعه

اني كله هذا موابالي بس ضحكت كيوت بخيالي وكمزتها مرت كل حركاتها كدام عيني

من تطفر وتمد راسه اتشوف ابوها وتشهك تذكرت البارحه من تصيح على ابوها وتلطم

كعدت مااتحملت بعد احس كلبي وجعني كامت سماح كالت ستحسين خيه

-حموت سماح مااكدر تنفس

-ولج والله يلكوها يبوو ولجن لحكني راحت من اديه

احس الخنكه عصرت صدري سماح تغسل وبوجهي وهيفاء تفرك بصدري بعد ماحسيت بروحي

فتحت عيوني واني بحضن مؤتمن يمسح على شعري ومصطفى  گدامي  شايل كيتي شافني صحيت اخذ نفس

مصطفى- اشبيكم ماتكلولي بت راحت تتسوك انخبصتوا شكو

باوعتها نزلت دموعي مامصدكه كعدت ساعدني مؤتمن كلتله انطينياها

عمتي- اي هسه اجتها المحنه ماكو متنطيها واروح الاعزاز  اخذها وانهزم بس اشوفها بيدها

مصطفى- ههه جافادتجن من شوية

اترد لواتشمريها بالقمر حرام طير زاجر اصيل بالاضافة  عدها قرون استشعار يعني شيلوا الفكره من روسكم

انتجيت على صدر مؤتمن احس روحي بهتانه

مكرم- كومنه خويه ناخذها للمستشفى هاي تعبانه

مؤتمن- الانخفاض  بالضغط ماعليها سماح ماي وملح كالها وعدل كعدتي تجاني عدل وضل فرك بجف ايدي

دعاء- وين لكيتوها

مكرم- لكيت بالسوك  بنص  جوم شباب وهيه  خالتهم وتسولف عرفوا واصل السره لبوحه يعني شارحه قصة العائله كلها

-اشلون وصلت  للسوك

-والله علمي علمج بيدها افلوس وطالعة

-ياع ومنين جابت الفلوس ياااا جوزدان عمتي عالميز تريد تطلع للسوك سمعتها باكتهن وطلعت

شلت راسي كلتلها متبوك كيوت  افلوس

-امم متبوك اخافن مثل امها الله يرحم وكت الخزنه چامنين تطلبها

مصطفى- وانتي شدراج بالخزنة وبوكت الفلوس وانتي ماجنتي

-هااا عمتي كالتلي

-هيه عمتج متدري انه العايش وياهم نفس البيت ماادري لوماغزل تكلي خويه تأكدي مرة ثانية من السالفة يالله اتشمريها خليج حذره يالذيبه كالها وباوع لمؤتمن وغمزله اخذ كيوت وراح

مكرم- اشدلاها بالسوك

كلتله والله متطلع هناك الباب مفتوح دوم لان احنه كراج بس عمرها ماطلعت اذا ماوياها واحد جبير

-يله المهم رجعت سالمة الحمد الله والشكر مطلوبين ذبيحه واليوم

مؤتمن- سهله بويه الذبيحه خلي تكوم امها

-هاي امها وانت اشمالك متندل دربك

-هههه حگك مامجرب فكد الضنه الله يحفظلك سند يخوي ماضل بعد حيل لهيج شي

-لااسم الله عليهم الله يحفظهم الك ويجثرهم

-ان شاء الله

كعدت هيفاء انطتني المي والملح شربت منه شوية عدلت دلعت التيشيرت كالت احسب سبع اشهر يخوي ويشرف اخو البزازين

خزرتها رفعت حاجبها همست كافي مي وملح موش زين على شفتج رجعت الكلاص ضحك مؤتمن وحك گصته

وخرت عن مؤتمن عدلت كعدتي وانتجيت عالحايط
كام مؤتمن راحوا هو ومكرم يذبحون فجر دم

كعدت هيفاء كالت اي هسه انسولف جانن كلهن كاعدات عرفتها تقصدني خزرتها

دارت وجها كالت اكو ناس بايعتها علينه زعلانه وهمه توالي الليل يدورون زوايه يتخشخشون بيها

-كافي هيفاء

-منهو جايب سيرتج قابل كلت شفتج مشكوكه لو كلت ركبتج مشوها اووو خو البطن لحد يجيب سيرتها

سماح- هههههههه انه كاضيتها اسحب التيشيرت اضم صدرها تطلع البطن اضرب اضم البطن يطلع الصدر خرايط خيه اشمالكم

هيفاء- سوده عليه خو اخيي لاباقي جتف لاضهر كلها امشخطه امبين المعركه جانت حاميه

دعاء- وهاي اشوكت تره ماكو هيج شي ذني الشخوط مني لاتضحك عليكم وهاي تلكيها هيه تسوي بروحه هيج حتى تجسر خاطره ويردها

سماح- انه هم كلت خيه بالاخص العضه الي ابظهرها هاي جانت اشويه بقساوه امسويتها حتى تكسر خاطره اكثر

تهاني- اشوكت تردين لاهلج انتي

كعدت عدل ضميت صدري اكثر كلتلها اليوم لميت غراضي

سماح- بغلات امج

-امم عالاساس هسه احنه هناك لوماضيعه كيتي

دعاء- سهلا بعدها بأولها هسه الولد يوصلوج عمه شوفي انتي بعد هاي تريد لاهلها

عمه- اي يمه هسه اصيحن كاظم يردها

راحت عمتي ام مكرم كعدت يمي كالت صدك يغزل ترحين يمعمه

-اي عمه

-ماجسر كلبج ابوهم وهبطة كلبه اليوم على بنته وهيه راحت نص ساعة عنه اشلون تردين تحرمي منهم

-مااكدر عمه ابقى ويا

-عليش يعمه اذا على ذني انه اعرفن اذا رجعتي ميوصلهن بعد

-لامااريد ابقى

نحجي وسمعنا الصلوات اجت  سماح تركص كالت كومي تعالي شوفي سحبتني كمت حتى مابيه امشي من كد الخوف والهبطة اخذتني وياها سحل  طلعت

بدوا  يرمون وعمه تهلهل كاظم يذبح
مؤتمن واكف يلكف بكيتي بالهوا  ويضحك

سماح- ابربج تردين تحرمي منها يغزل

-تدرين اشطلبت منه حتى ابقى ويا

-اطلكينه ثلاثتنا

-اشعرفج

-هو كال اول مااجيتي كال راح تطلب هيج حتى يكون طلب تعجيزي تدري مااكدر اطلكج

-وعالاساس راح يطلكهن

-جربي وشوفي

-مااريد اجرب من الاصل بعد مااكدر اكمل ويا بعد السواه بيه

-تاذه اكثر منج وهااا اخاف حسبالج اتخلى عنج هيج لاحبيبتي من يوم الطلعني بي اشترى كاع وصار كم شهر يبني بيها حتى ياخذنا انه وياج نعيش هناك لان يعرف بعد ويه امه ماكو عيشه

-اي وهنه هنا ويقسم مو

-والله شگلج على هذا الشي ماكال

-اشكد حلو عدكم هيج سهل

عفتهم وصعدت غرفتي دخلت لكيت كريوك تيم ماكو ماخذته ونابشه الجنطة هم مخربطه كعدت رتبتها وسديتها من جديد سحبتها طلعتها بره شافتني ضحكت كالت هاا واخيرا راح نفتك من شملج

-امم جيبي تيم

-شنهو خوماكو شي لاحبيبتي جدتي كالت الج

-دعاء كلش مالي خلكج جيبي وانجبي

-غزل خليني اكلج من الاخير تريدن اتسكتين وتتقبلين الامر انطيج واحد منهم اتضلين تلحين احرمج منهم اثنينهم صح مااحب بنتج تذكرني بيج بس هم اخذها منج هيج بس حتى اجسر خشمج

-هااا يعني انطيج تيم تخليني ارجع بكيتي

-عفيه

-تمام خلي لعد الج اني هم مالي خلك اربي بعد اصغير

-اي عفيه هيج اريدج اخذي بنتج واتوكلي يله كاظم امتانيج جوه

-ؤك

نزلت لكيت مؤتمن امشله ارداناته ويكطع باللحم هو وكاظم رحت يمه كلتله يلا حاضره اني

مؤتمن- ها يعله كلبي امري

-دعاء اتكول مؤتمن يكول يلا متانيج حتى يوصلج كاظم

-وين يوصلج

-لبيت ماما

-اهاا كالها وكام كال هسه خلي انخلص انطيني صبر واردج  

-مؤتمن

-غززل بويه العالم يمنه لاتخجليني بين ناسي لخاطر كيوت هسه يابه موش لخاطري خليها فرحانه برجعتها ابينا

-وينها ماشفتها

-مصطفى شايلها ويكدي بيها واجبات

-هههههههه

-فدوه لهالضحكه رحت

اجت هيفاء صاحت هااا ترانه يمكن

-روحي خويه اخذي اللحم وحضروا غراضكم يلا ماضل وقت

رحت لغرفة بيبي كعدت دخلت عمتي صاحت هاا ماوليتي

-مؤتمن يكول بس اخلص اوصلج

-خوش حجي جا ابقى اتزقنبي ولي وبعد مااريد اشوف ركعت وجهج واخذي بنتج وياج هم مانريدها

دخلت ام دعاء ومرت ابوها سلمن امها عبرتني ماسلمت بس ريم باستني وتحمدتلي على سلامة كيتي كعدنه

دخلت دعاء لامها تركض كالتها شوفي ابني

-يايمه صلوات على محمد ربي يحفظه الكم شنهو شوهاي هنا

-اي هسه يردها مؤتمن لبيت امها

باوعتلي بطرف عينها كالت والله شفنه كرامه ماكو مثلكم ماشفت

دعاء- يمه مؤتمن يكول يتيمه ميخالف نكسب ثواب

ريم- لاالشيخ مشهودتله ابو اليتامة ميكصر امبين ماامكصر حيل من هاي ركبتها

باوعتله عضيت شفتي كالت هوبج لاتفتحيها مفطوره امبين حيل ذاب روحه بالثواب

-عزا بعينك مؤتمن فضحني

ريم- شنهو كلتي شي

-هئ

-يمه عالفهاوه مالتج انه لولكفتج املخج حگه خيه اي دعيوه شنهو ناويه اتخاوي تبقين علي

-اذا مقسوم اخاوي عليش لا اخاوي

-والله امبين اخو جاي بالطريج مايخطي

تحجي وتباوعلي ضحكت لان دعاء ضلت تاكل بشفتها عرفتها شنو قصدت

اجه مؤتمن ومكرم شايلين گدر جبير مااعرف شنو بي ودوا للمطبخ صاحتله دعاء مؤتمنننن تعال امي اتسلم عليك

اشر جاي رد يسولف شويه واجه هيفاء يمنه وهو دخل يسلم

اباوعله واكف مدنگ ساد الباب بعرضه وام دعاء عينها بي ضحكتها شاكه حلكها مامصدگه  صفى الهن  كامت دعاء شايله تيم راحت يمه دنگ عليه باسه بحضنها باوعتلهم حسيت بكسره هذا ابني وهذا زوجي بديها شال راسه لكاني اباوعلهم بطل ابتعد

هيفاء- يخوي الكدر الثاني جيبوا

-ويين ظهري طگ شوفي رجلج ومصطفى

-حگك يخوي اشمالك اشحال لوماعندك هلكد نسوان جااشعملت صح كيكة بس على كيفك ويه ارويحتك

ضحك وضربها على راسها وطلع يجيب الكدر  صاحت ام دعاء وينه المكرود اشو السكر ماخذ حيله

-اي والله يخاله بالاخص البارحة فول عنده كلش بحيت الصوت السحله وصلت للصوب الثاني لان نسبه حلاه الكيكه قوية جانت

-هو موش كال راح اطلكها عليش ردت

-منهو گلج ردت بس بنيت عمنا صاحبة واجب سمعت بي مريض اجت تأدي الواجب وهم بطريجها تشوف نسبه المرض وهاي مثل ماتشوفين طلع سوده عليه صدك عاجز

ريم- لاتظلمي خيه ترا هو السكر هيج يشتغل حسب الحاله النفسيه موش بيده مرات يفول ومرات يهبط حسب الاكله

-اعرف يخيه بس جيبي اليصدگ وداعت سند من سمعت بي المرض مأثر على صحته من همشته روحي ركضت لمكرم كلتله اخذه للطبيب اخي بعده شباب عليش هيج حالته كال درديله غزالته وشوفي اكص ايدي اذا ماصبحتي حاجزتله  يم دكتور العظام موش الصحى وهاي صدگ سوده  عليه صبح ضهره طاگ

عمتي- لخاطر تصدگون من اگلكم مسحور

-اي يمه سوده عليه عمل اسود ماينفك غير على الفهاوه والترافه خو اذا سمع النعوصه لاهنا الشياطين والمشعوذه تتربع جدامه مايفك اله وهو اخر نفس

دعاء- شقصدج

-ماقصدي خيه جاي نحجي عالسحر صدگ انطري غزل تروح ودخلي غرفتها يمكن صدك الصوج بالمجان

ريم- كلشي من ريحه الغوالي يوجر الروح ههههههههه

ام دعاء - عبنجن ماتستحن زلمه هيبته وعافيته تسد السلف كلها

ريم -هيبته ما اختلفنا  عليها بس عافيته شو اشهر ما سمعنا  ولاشفنه منها اثر غير اليوم ههههههههه

ضحكت وندارتلي كالت شو ولج زيحي التيشيرت اشويه خلي نتأكد لخاطر يلحكون عليه اخوته

باوعتلها ضايجه  صعدت تيشيرتي عدل وهيه طكتها ضحكه شكبرها ودعاء وامها انكلب وجهن اسود

بيبي بسرعة غيرت السالفة ضلت تحجي عن الواجبات ؛ نسوان ماعزموا بس اهل دعاء والباقي زلم للعصر البنات والولد كلها تفتر لمن خفت العالم دخلوا تعبانين كلمن اخذله مكان تمدد وكيتي لحد هسه ماكو

حبيبه- جاوينها كيتي

مكرم- يم مصطفى اخذها واختفوا

-يااع انوب اثنينهم

كاظم- لاتخافين محد يخطفهم اثنينهن اسوء ماخلق رب العالمين محد يجرعهم

ام دعاء- مؤتمن شنو صدك السمعته

شال راسه كال شنهو عمه ؟؟

-راح اتسجل تيم باسم دعاء

عمتي- بدون لايحجي مؤتمن هذا شرطي عليه

مؤتمن- شرط شنهو ؟؟

-من ذاك الوكت سكطت مرتك دعاء انتهى حكها من ابنها من صار كلت ميخالف اسجله لو رجعت بچلمتك

-استغفر الله ربي كالها ورجع عدل نومته

ام دعاء- موش كلتلكم بس حجي والله حسبالي صدك

دعاء- شنهو بس حجي والله اجتل روحي بس ياخذه مني خلاني اتعلق بي وياخذه من حضني غير اموت وبعدين البارحه من شوهت وجهي سكتت لخاطر تيم كلت مهما يكون مطيتني ابن مااحاجيها

-اي والله ييمه مدمر وجهج سوده بوجها اشلون بت مجلوبه

صحت بوحه

طفر مكرم  صاح لادخليج غزل خويه  هدي تالي ياكل حتى تيم بطريچه

-لعد خلي العالم اتلم روحها

دعاء- مؤتمن شو ساكت

اخذ نفس مسح وجهي واتجتف نام

هيفاء- هسه ماتشوفي تعبان بسج اشبيج

دعاء- اذا ماتنطك هاي متوب

-هسه شويه ورايحه لاهلها كافي

دخل مصطفى شايل كيتي كعد بنصهم بيده علبة وكفها فتح العب بيها كومه اشياء خلاها بالگاع طلع مداليه وبلش يلبس ويغني

ياصايغين الذهب حبيت ادلعها
شوفولي خاتم حلو يستاهل اصبعها
مو بس خواتم ذهب تستاهل عيوني
خلوني يهل الهوا على كيفي خلوني

للبس واشيك وادلعها
واخلي حتى البنات لك من تمشي تتبعها

هيه فرحانه تتمايل ويه اغنيته وهو يطلع بهالذهب ويلبس

لا خال بتوت ولا مداليه حتى حجل يجنن لبسه ورفعها بس رجليها وحضنها كالها اوووف يبويه يبعد العمر انتي

سماح وعمتي ام مكرم نزلت دموعهن

هيفاء- ابروح ابونا لوانه الضايعة اجيبلي هيج يابه مارايده بس ترجيه

-هااا لايابذات والعكرب والحيه نسيتيهن

-هههههههه لاوالله دوم اطلعهن وانضل انه وعمتي نضحك

-جا انجبي ولج ترديت تجين بمعزت هاي ولج هاي عمري كله غير الاوكسجين العايش بي بويه شصار بحالي اليوم لاتذكروني عين بيها وعين بالخبله

اخاف ارجع اسالكم لكيتوها وتالي اشوفها جدامي اتكلي وين بنتي خرب بيجن اي والله

دعاء-  لومافاهيه جاماتيهتها بس لانها تنام للظهاري

من قهري نسيت حتى انو الولد كاعدين كلتها ماجنت نايمه جنت بحضن مؤتمن الي ماخله مكان مادنك عليه باسه  و يتوسل بس حتى ابقى ويا

مؤتمن- هووووب يابه هوووب وين دخلتي

-لعد سكت مرتك لاتضل اذب حجي اكبر من راسها

-انكتمن اثنينجن

-يلا اشوكت اتوديني مرتين ماما خابرت وصلت من زمان

-خلي ارتاح شوية

عمه ام مكرم- هايمه نويتي

-اي عمه اروح

-بكيفج بعد

مصطفى- خلي تولي خلصونا خرب بالشتهن مايخلنه للصبح انام

تهاني- اي والله موتنا موش يومين سون صداع عندي

-اووي ام الصداع جنج برميل امزنجر تعرفين شنهو صداع لوبس كلتلها

-امم لاعفنا الكم الثقافة

اشر لكيوت افتهمت على كامت تفلت بوجه تهاني كالت هاي من صافو ورجعت بحضن مصطفى

الي باسها من تفلتها عيع اشكد مقرفين

مؤتمن- ونعم التربية

مصطفى- احمد ربك عالتربيه اسمع شحاجيه اليوم عنكم  هيه الشيخه كايتي بت ابوها

الي متزوج دعاء المعفنه  وتهاني  برميل امزنجر والخرسه سموح وغزل الفاهيه

مؤتمن-  هلا يبعد ابوج بعد شمخرطه

-والله هواي اكو اشياء متنحجي مثل بابا يدخل للغرفة غزل اطرده

مكرم- راحت هيبتك يشيخ مؤتمن

-ودعاء المعفنه  تغسل رجلين بابا وتشرب ميهن حتى تصير بيضه لان بابا شيخ هيه زرافه ارملة متصير بيضه بس اطول

سماح- هههههههه ولج وانه شحاجيه عني

-ماكالوا بس ذكروا لباس صبوحه تكول كل الي يتمرض يمسح وجه بي يطيب

هيفاء- هههههه ههههههههه اخ يمه بطني بروح ابوك منهو كلك

-ولج احمد ابن ابو معتز جان واكف وياهم يكول الله يستر عليها موش بت لسان دلاله فضحت عائلتها كلها

اتكلهم بابا مشط لغزل كالها يلا هسه انطيني بوسه ركعته بالفرجه بنص وجها وطردته

مؤتمن- لا يابت الزمال اشوكت هاي

مصطفى- مؤتمن لو تجيب النبي العربي وتحلف بي هم محد يصدكك اسكت هواي احسلك انه اكول اتذب اعگالك افضل فشله تلبسه وتطلع بي

شحسيت بالله من تنطك على جهرتك صدك جذب هاي انت الشيخ وجبير اخوتك

-وروح ابوي اجذب

-كومي كيتي ابوج انطك لولا

كيتي -بابا البارحه كمش  شعر غزل كالت هيي واطلع وطردته

-استلم انوب هاي جديده

مؤتمن- بت الكلب اشوكت

-شهكت وصاحت يم الطبااااخ

مصطفى- بسج يبويه بسج مصدكيج  كوم وديهم هواي احسلك اقلها احفظ ماتبقى من ماي وجهك

-انكتم لاكوم ادوس راسك

-دوس يخوي دوس كدرتك عالفقره الله يرحم الطاوات والجفاجير

مارد مؤتمن تمدد وغمض عيونه وبيبي كالت اشوكت ترحين تره الوكت بطى

-هسه بيبي بس يرتاح شويه حتى يوصلني لان الطريق بعيد

مصطفى- حضرتي غراضج خويه

-اي بره خليتهم بس البس جبتي ماعندي شي

-بيها الخير توصلون سالمين كالها وباوع لمؤتمن الي ياكل بفشته وصافن على حايط  يسمعلنه

شال كيوت خلاها كدامه كمش ايدها وغنى

مؤتمن- يلا بويه اتاخر الوقت كوموا

كمت صعدت غرفتي حتى البس طلعت جبتي والشال حضرتهن طلعت احذيه دخلت كيوت وراي لبستها ضل تيم تانيته يجي حتى يجيبه سمعت صعد دخل كلتله جيب تيم دالبسه

-هسه دقايق حضرتي

-اي حضرت كلشي

-امج متاكده موجوده

-اي خبرتها العصر كالت وصلنه

-تمام هسه اجيب تيم

طلع راح لغرفته دعاء واسمع اعياطها عله وراها صوت ضربه قويه وركعت باب

فتحت الباب خفت على ابني لكيته شايله يبوس بي  اجه انطانيا كال حضروا هسه جايكم راح نزل

اخذت تيم غيرتله اتعده الوقت وماكو خبرته مايرد خبرت سماح ردت ها غزل

-وين مؤتمن

-ماادري موش جان يمج

-نزل كال دقايق واجي شو راح وصار ساعة وفوگ ماكو

-يجوز راح يخلي بانزين لو عنده شغله هسه يجي خيه بعد وكت

-يابعد وقت تره صارت ال١١

-روحي خيه هسه يجي

غلقته ضليت امتانيه مرت ساعة والجهال نعسوا اتصل مريد اخر شي قفله نامت كيتي فرشتلها وغطيها وراها تيم هم نام

اتصلت بمصطفى رفض رديت اتصلت رد كال شرايده

-مؤتمن وين

-روحي غزل شويه وجايين

-تاخرنا فدوه يمك

-غزل موش وكتج روحي بويه كالها بعصبيه وغلقه

ماعرفت اشبي اني هم طفيت خليت راسي عالمخده عود بس تمدد تالي رحت بالنوم

كعدت على ايده يمشها على خصري فتحت عيوني الضوه مطفي انداريت ردت اكوم طوقني ردني لحضنه كلتله مؤتمن فدوه وخر مابيه اتجادل وياك

-خليني احجي وياج بهدوء واذا مارضيتي الج حلگ ترحين ماراح اوكف بوجهج

-بدون لاتحجي مؤتمن تذكر شنو سويت لولا

-اي صح رجعتهن بس وداعت عيونج على عهدي وياج غزل اعرف جسرتج وادري كارهتني بس ثقي بالله كل العملته ظاهري بس لخاطر احميج وهم ماكدرت اكمل خلص كل صبري وانه اباوعلج من بعيد ومشتاگ لكل لمسه منج

-واني ماامشتاقتلك ولااريدك وخر ولاتفكر يجي يوم اردلك لو اعرف النفس يصير بيك افضل الموت عليك تعرف شنو افضل الموت وصلت لمرحله اتندمت على كل لحظه نمت بيها بحضنك واتمنى ينعاد بيه الوقت بس علمود مااغلط ذيج الغلط برجعتي الك

-شنهو التردي بيت وحدج اجيبلج احسن بيت  وطلكهن هسه اكوم جدام الكل ارمي اليمين وهاي الاخير مالهن رده بعد كولي اي شي طلبي راح انفذه بس لاترحين

-مااريد اطلگ اني ماابقى وياك مؤتمن اني مااكدر اعيش وياك بعد افتهم شنو دااحجيي كرهتك ادري مدتصدگ بس اني كمت اشمأز من حضنك وشوفتك كدامي

باوعلي بتعب اخذله شويه واشر اي گام فرك راسه وهمس هاي هيه  بس الليله ضلي والتردي يجرالج

- انطيتني كلمه اول ماترد ماما ترجعني

-وانه بعدني عليها بس الليله باجر راح تنامين بحضن امج

كام راح  للبالكون مافهمت شنو كل عقله هذا اذا ضليت الليله راح احن عليه اشكد واثق مايدري لو اشوف جنازته كدامي كلبي ماراح يرفله

درت وجهي حضنت مخدتي  شوية واسمعه يخابر بس بهمس كوه اسمع كله يكله تمام بس لاتغفل …هاي هيه خويه لاتخلي فكري وراك بالك على نفسك …لا سكتت يله في امان الله

رد سده وبدأ يراسل اخذله بالربع ساعة ودخل اخذ مخده وتمدد بالكاع اتجتف غمض عيونه

رجعت نمت بس جذب اذا عرفت النوم شنو مااعون الصبح اشوكت يصير ورجع لايجلبون بجهالي

كل شويه احس بي يكوم ياعلى صوت تيم يهزه حتى ينام على على غطه كيوت يكوم يعدل نومتها ويغطيها لان مبعثره بنومتها اخر شي شالها خلاها على صدره وغطاها  نام ؛ مر شريط اول مره نمت يمه جانت نفس المعاناة مانام لمن جتفني بحضنه ابتسمت وغمضت مااعرف اشلون نمت ماكعدت غير على دخلت دعاء بسرعة بدون حتى حجي اخذت تيم وطلعت احس روحي اشتعلت

كمت غسلت وكعدت كيتي استوني اغسلها رن فوني رحت لكيت مصطفى يتصل رديت كال غزل لاتحجين ويه احد خليج بغرفتج

-لويش

-ماكو شي بس عملي مثل مااكلج واذا سألوج اشوكت ترحين ابد لاتردين سكتي وانه العصر جاي

-مؤتمن كال الصبح اوديج

-تركي مؤتمن وعملي مثل مااگلج عليه سمعتيي

-تمام

غلق الفون اخذت كيتي نزلت لكيت الوجوه مكلوبه
ومؤتمن ماكو ماعرفت شنو السالفة اني هم ماحجيت دخلت للمطبخ لكيت سماح كالت اي هيج عين العگل عفيه بيج

-شكو ؟؟

-من عقلتي وبقيتي عفيه بيج هذا بيتج يالشيخة

اجيت ارد تذكرت مصطفى سكتت يمكن خاف ياخذون اطفالي هذا هسه يهزمني منهم

اتريكت اخذت بنتي وتيم ردته مارضت دعاء وعمتي هم صرخت  تباوعلي بغضب كالت رديتي بت فريال موش سهله

بجت دعاء كالتلها عمه شنهو صدك مؤتمن نوه يطلكنه وياخذ فرخي

-على جثتي هاي تضل وانتن تطلعن

-عمه كال حضرن غراضجن واليوم بليل كلمن ترد لاهلها

-اي لخاطر المفهيه تاخذ راحتها بالبيت يبوو على حضي

-لاعمه دخيلج هاي الاخيره جا ابوي من خلا شيخ يعرف ماتروح بعيده وانه اكون الشيخه من بعد امي وجهالي ياخذها من بعدهم

-وماجذب غيرج ماتصير شيخة ومثل ماجبتج ودخلتج هنا غصبا عنه تضلين وتصيرين الشيخه وام البت اجباري عليه لو الله يعرف شعمل

-اسمعة كال لعمتي ام مكرم الخميس تعملين استقبال لحريم الديرة بمناسبة ردت شيختهم وعمتي گالته متاخر يعمه المفروض من اول يوم استلمت بي صدر الديون  تقدمها الهم يعمه يكللها مايعتاز اقدمها الكل يعرفها هاي  بت گلبي وهسه كملتها وصارت ام الراح يستلم الشيخه من بعدي

-على جثتي الولد ابنج والشيخه ماتطلع منكم موش ذنبج هيج حالته فوگ ماصابره وراضيه تعيشين بدون ضنه

-على ايدج خو رضيت وتوسلت كلتله اعمل طفل انابيب واتحمل كل التعب شفتي شعمل وكتها وانت هم طبكتي ويل

-يااع وشعرفني حسبالي صدك مريض  كلت انحرج ويخاف اطش السالفة بالديره بس اااخ من بت ابليس طلعت تارسه راسه سم ومدوهنته بسحورها

-وراس ابوي حتى امي من سمعت هم اختاضت كالت جا على شنهو ردج اذا راكنج هيج لايكرب منج ولايرضه تجيبيله طفل انه راح اكول لابوج يشوفلنه حل ويا موش ماخذج من الشارع

-اتركي ابوج انه احلها  ومن اليوم بليل مثل مارد هاي غصبا عني يدخل يمج  ويحسبج حالج حالها غصبا عنه وكون يتحجج مثل كل مره لخاطر من صدك اغضب عليه وهذا تيم عوضج مجان الطفل الريحته مرته

باوعتلي وبتسمت بخبث  دنكت  اخذت ابني  وصعدت بدون لاارد  هنه كم ساعة اتحمل لحد مايجي مصطفى

خليت ابني عالفرشه وكعدت شنو يطلك هذا كل عقله راح ابقى ويا لاوالنوب يريد يسويلي حفله لباله هاي هيه اذا سمعت راح اطير مايدري هو وديرته مااشتري بفلس بعد السوا بيه

ضليت اني وبنتي نتفرج بالفون للعصر اتصلت بمصطفى رد كال غزل خويه سمعي الراح اكوله

-شكو لاتكول ضلي تره اخبر ماما

-غزل بروح ابوح اشهر طاح حظ ابو ابوي يالله وصلت للخيط بروح موتاج بس سمعي وفتهمي

-شنو مداافهم احجي على كيف

-مااريدج تفتهمين مااطلعين من الغرفة ابد حبسي كيتي لاتخليها تعتب الباب والاكل سماح اجيبه

-لحدمن مصطفى لحدمنننن

-استغفر الله انه جدي مشعول وهاي ادور كرامة ولج مؤتمنننننن راح يرووووح وانتي اتشلين بالحجي

-شكو تره قلقتني

-ماكو شي بي سمعي عملي مثل مااكلج الباب لاتعتبيها لحد ما افرغ حتى اوديج لبيت امج سمعتي

-تمام

كلتها وسديت الفون شويه ودخلت سماح بيدها علاكه حبشكلات وصينيه اكل

اسمع عمتي عاطت تخدمن بت فريال يبوووو على حضي وين نايم هاي تاليتك ياموتمن اتخليني نخدم

سماح كاتمه ضحكتها خلت الاكل وكالت شنهو معتازه

-شنو حتحبسوني

-لاخيه مصطفى عنده شغل ومافارغ ويخاف وحده تاذي كيتي كال لاتطلع دزلج ذني

-صدك راح يطلكهن مؤتمن

-ماعرف خيه بس ماتخلي عمتي هسه تذبح روحه اذا دعاء تحركت منا غير تاخذها وتفتر واجبات بيها متشيمه وين اتخلي يردها هيه ناويه نتطيها حتى تيم لخاطر تثبت الشيخه الهم تجي اطلكها مستحيل

-يلا هنه نفس الصنف بس اريد حليب لكيوت ماكو

-ولج خيه بنتج جبيره شنهو ممه

-عادي اني هيج اسجلت بالمدرسه وبعدني اشرب ممه بعدين تركتها تلقائي خليها تشبع حليب متحبه بالكلاص

-يلا بكيفج بعد

مر يومين واحنه ماطلعنا بس بليل يجي مؤتمن يفرش بالكاع يخلي كيوت بحضنه وينام كلمة وحده مايحجي اشكد اعيط واصرخ مايرد يسمع وهو مغمض لمن امل وحدي واسكت يصير الفجر يطلع

اتصل بمصطفى مايكول غير  صبري اليوم بليل اوديج ارد اتصل بماما نفس الكلام بليل امر عليج واني ضاله لافتهمت شكو ولالويش هيج ديسون وياي ماكو غير صوت عمتي وبيبي النهار كله يلعلع بين دواعي اشلون يدخلولي الاكل للغرفة  وبين عركة ويه مؤتمن وين وعدك اشوكت تسجل تيم

للساعة ثنتين  الظهر كتلني الجوع ومحد دك الباب اباوع كيتي غفت غطيتها ونزلت  البيت هادء ماكو احد نايمين

رحت للمطبخ سويتلي لفه سمعت طكطكه بالحديقة خفت رجعت بسرعة عبرت غرفة عمتي واسمع صوت ونه خفيفة 

  الفضول شدني رحت للغرفة دنكت اباوع من زرف الباب وشفت شي اقشعر جلدي وكمشتني الرجفه …

لاتنسون التصويت ⭐⭐⭐⭐⭐