رواية كفي والمنجمه الفصل الثامن 8 - بقلم Leo Alfatlawi

كفي والمنجمه

بقلمي: leo Alfatlawi

بارت السابع ***

دفعهن واجه اتجاهي ماحسيت غير سحبني من شعري صاك على اسنونه كال صح موش زلمه لان خليتج لحد الان بأسمي

ركضت عمتي كمشته تتوسل يعوفني باست حتى ايده دفعني حيل انلطشت بالكنتور

-يله طلكتج ارتاحي  خلي اشوف تشلون راح اتعيشين وياهم كالها وندار  راد يطلع

مااسمع غير صوت عمتي وهيه اتصيح الحگ امريتك راحت

راسي صاير طبل اريد افتح عيوني مااكدر غواش  عليهن كوه فتحتهن اشوف عمه كاعده يمي ومؤتمن منتجي عالحايط مجتف  بس واكف على اعصابه يباوعلي بكره درت وجهي وهمست
-عمه وين اني

-ها يعمه بالمستشفى هسه  جيك وضعج الطبيب وكال  مابيها شي   بس منتظرين التحاليل ويخلص السيروم

-شنو الصار اشجابني هنا

-الله يهديج بسج يعمه سكتي

مؤتمن.   عمه حضريها بين ما اشوف النتيجه  واجي اشوفجن حاضرات نطلع لبسيها حجابها عدل

-اي يعمه روح وانتي يمه غزل كومي لبسي الشال عدل

كمت بس راسي دايخ كوه امسيطره هيه ساعدتني البس الدنيا اتروح يمي وترجع كوه كملت كملت كعدنه منتظري  يرجع

اتذكرت هو طلكني يعني اني هسه حره غمضت احمد ربي ودخل مؤتمن شلت راسي جان بيده ورقه ويضحك اشر لعمتي

-شنهو يمه

-هههه واخيراً راح يشرف ولي العهد

-يمه صلوت  على محمد گرت عينك ييمه صدك  ولك راح انشوف بزرك  دخيلك يابو الحسن ماگصرت

-هههههه لاطيحين يمعوده

-يبعد عمتك ولك ماامصدكه بعد السنين هاي كلها وهيج يجي ويفرحنه بشوفته  كالتها وبجت ضحك باسها من راسها وحضنها صارت عينه بعيني راحت ضحكته كالها يلا حضريها خلي نطلع 

رجعت اليه هيه تبارك واني كلبي طفر من مكانه اشلون حامل  معقوله من ليله وحده اشلون صار
حسيت الدنيا ظلمت ابعيني يعني انتهيت راح ابقه عمري كله هنا ماراح اخلص منهم  نزلت ادموعي غصبا عني گالت عمتي-يمه اسم الله عليش تبجين

-وخري عمه خليني اكوم

-ياوين اتكومين غير تجي وحده اتشيلج السيروم

مؤتمن - بعدي  اني اشيله اجه يمي بس جان ميباوعلي وفوكاهه كالب خلقته راد يشيله كمشت  ايده بيدي الثانيه همست على كيفك بدون لايرفع راسه صاح شيلي ايدج

وخرتها شال السيروم وكال العمتي لفيها زين قبل لاطلعين عافنه وطلع

عمه -كومي يعمه شهالفال عليش البيجي يايمه

-انتهيت عمه دمرت حياتي ومستقبلي  يعني راح اضل وياكم عايشه بكابوس ماراح اصحى منه

-يااسم الله وشبينه احنه وهيج متردينه

-عمه مستقبلي مثلج  احلامي كلها راحت  ادمرت دااشوف روحي بيج هيج حكون

-ماراح اصيرين مثلي لاتخافين يجي يوم وتشيخين عالبيت بت فريال محد يتجرء يگرب صوبج

-مااريد كلشي مااريد لااشيخه ولااريدكم من الاصل الطفل انزله لو اعرف اموت وراه هم مااخلي

-يبوو لايسمعج يعمي والله يذبحج سكتي بروح ابوج غير يكتلج ويكتل روحه ولج اسنين متاني يشم ريحه الطفل  وانتي بكل برود هيج تحجين

دخل مؤتمن  كال وين صرتن  فضنها شافني ابجي دنگ   مسحت ادموعي  وكمت حسيت الدنيا افترت ردت ارجع اكعد اجه بسرعه  كمشني

-وخر مؤتمن عنييي

-صوتج بويه واثبتي لاتوكعين  

مااوگع  مابيه شي كلتها ودفعته عدلت روحي

عمه - استندي عليه يعمه لايصيرلج شي

-مايصيرلي شي اكدر امشي بس وخروا

طلعنه رحت وياهم للسياره جان ليل وظلمة وصلنه صعدت هو شغل ومشى ابكد مااشوفه فرحان وطاير ابكد مااني محترك كلبي واحس رايحه للضيم والتعاسه برجليه علي طول الطريق ادموعي تنزل جان كلما  يباوعلى بالمرايه الاماميه يشوفني ابجني يستغفر ياخذ نفس ويدير وجهه

عمتي جانت فرحانه اكثر منه كل اشويه و اتگله يمه على كيفك سوق ديربالك طسات

هو يرد سهله عمه اخفف

فرحانين  راح يجيهم حفيد من الثوله الوراهم الله يحركم بنار جهنم  ويدمركم مثل ما دمرتوني بس والله اذا مانزلته وخليتكم اتلطمون ورا مااطلع بت فريال
وصلنه نزل اجه فتح باب السياره كال لفي شعرج عدل

-مؤتمن وخر فدوه مابيه احجي

دنگ نزل الشال ولفه عدل وسحبني طلعت من السياره كال صيري وراي منا العالم

-مدااشوف ظلمه

-لحظه لاتتحركين لاتوكعين  هسه اشغلج النقال لزميني من ضهري

جانوا الناس بعدها دخلنه اني وعمتي اول مادخلنه للصاله هلهلت  صاح مكرم.- خيرر ان شاء الله

-ولك غير راح اصير خال

-كولي والله ايييييي واخيرررا كالها وضحك راح حضن مؤتمن  اشوف الكل فرحانه وتهوس اتباركله وهو على وكفته اديه داخل اجيوبه وعيونه تروح وترد عليه ولااتكول هو صاحب هاي الفرحه همه فرحانين اكثر  اشكد ثگيل يفت الكلب

عفتهم ودخلت غرفتي شويه اسمع صوت الضرب عرفت علمود مؤتمن هذا جدي

خليت ايدي على بطني اتحسس الطفل شنو ذنبك واتكوين بين اهل ماعدهم غير الظلم والحرمان حتى راح تنحرم من امك مثل ماحرموني من ماما

حتى لو كانت هيه الغلطانه ماكو بشر يغلط اذا ماشاف الظلم وعجز عن اخذ حقه

عذرتها بعد ماعشت وياهم وشفت بعيني شنو من عالم

متاكده راح ياخذون الطفل ويسجلوا بااسم سماح ومن راح يكبر راح يكلوله امك انهزمت وتركتك
بس ماراح اخليهم يوصلون لليفكرون بي مستحيل اخليهم ياخذوا

الاحساس متخربط يمي وحتى تفكير بعد مااعرف افكر لان شغله مفاجئه صارتلي مااحاسبه هيج احساب

الباب تندك ودخلت سماح كالت صدك ولج حامل

-امم

-ولج ماامصدكه كلبي راح ينط من الفرح هيج واشوف ابن مؤتمن ابحضنه

-ان شاء الله متشوفي

-يمه اسم الله على ابنيه ربي يجيبه سالم ويكمل فرحته ولج غزل وروح خالي يكول مااصدك هيج اصير ابو حلم هلكد ماقديم نسيته

-ههه اخاف لبالكم صدك راح اجيبه الكم اذا ماحركت كلبه مثل ماحرك كلبي وارجعله السواه بيه

-شنهو شعمل تجاوزتي سكت عنج كلتي ماريدك ابتعد كل عمله تعرفيها تجوي كلبه ركضتي عمليتها هاي كلها بس لان ماخلاج يم السكير وجابج بين اهلج واخر شي ختمتها من طكيتي بت العالم بيته وصرختي انت موش رجال

-طلعي سماح

-غزل عقلي وتعالي يلا جدي يريدج

-مابيه حيل اريد انام وبعدين الولد كلهم هنا استحي اطلع كدامهم  دااحس كلهم عرفوا اشلون صار الطفل

-هههههه استغفر الله ولج غير رجلج على شنهو مستحيه

-سماح فدوه والله تعبانه

-نامي خيه كلشي ولاتعبج اني اكله نايمه خلي امباركتها للصبح صدك ورانا كعده من الصبح باجر يذبحون الذبابح لخاطر الشيخ الزغير

-اكلج فدوه طلعي كملي فرحتكم واحلامكم بره بعيد عني

طلعت واني غيرت ملابس واتمددت نمت لليل واحس مؤتمن يمي عرفته من العطر احسه دخل بنفاسي عطره موتني مااعرف من كرهي لمؤتمن لو  ابسبب الحمل كعدت معصبه علي كلتله شسوي هنا

-شنهو شسوي نامي بويه

-انت موطلكتني بعد شنو

-طلاكنه باطل جنت بحاله عصبيه وبعدين موبحالج لوماالنسوان تارسه البيت ماادخل  ولااباوع بجهرتج

-تره حتى زواجنا جان باطل

-غزل رجعنه لنفس اللغوه انطمري بويه مااريد اطگج

-لعد كوم اطلع روح نام بالاستقبال

-ويگلك عليش تتحيون

-مااكدر انام تره كاره وجودك هنا خاصتا عطرك موتني

استغفر وكام طلع من الغرفة حمدت ربي  طلع خلصت منه رجعت ردت انام  دقايق وشفته دخل مره لخ بس بيده ملابس اصلا ماعبرني ولاحجه وياي كبل دخل للحمام اشويه وطلع سابح ومغير ملابسه باوعلي كال بعد شنهو تردين

نكث شعره واجه وخر الغطه قبل لااحجي كال اذا هيست حسج افلش جهرتج انطمري بسرعه 

-ادنى  للطرف مالة الجربايه اريد انام براحتي

-استغفر الله اشلون اطلابه هاي بويه انطمررري

غمضت بسرعه مالي خلك اتجادل ويا وادري هو التمشي حجايته غصبآ عني وخاصتا هسه بعده مابرد من العركه مال العصر مستعد يسحلني لايعرف طفل ولامريضه شنو

بعدني مانايمه واسمع جهازه يرن اول شي رفضه بعدين ضلت مستمر امبين المتصل يلح كام يم الشباج فتحه ورد عرفتها تهاني من كال  شصايرلج موهسه عفتج مابيج شي

…امم لانايم جنت… الصبح الله كريم …والله يابويه نايم …  اي  الله يبارك بيج …ماكو فرگ منج من غيرج نفس الشي…  ههههه لايابه اهم شي انتي  كالها وباعلي مستهزء بيه

هو يحجي واني افور طير النومه وماحاسب اي احساب كمت صحت مؤتمن تره اكو حماره وياك بالغرفة

عاف الفون وصفن كال اي والمطلوب شنهو ؟؟

-تره طيرت نومتي واني تعبانه شنو متحس تريد اتخابر اطلع خابر بره امبين شغلتك امطوله واني نعسانه

-غزل نامي  بنيتي  الله يهديج

-شنو مخبله والله يهديني

عافني ورجع يخابر وانوب اطور كام يسولف ويضحك بصوت عالي يعني من صدك دقني خلاني اطفر من القهر 

ردت انام ماكدرت واني اسمعه اشلون يحاجيها ويتغزل اشكد ميستحي

اتذكرت اني بدون عشه كمت گلت خلي اكل علما يخلص تفاهتهم قبل لااطلع صاح ويين اموليه

-اروح اكل جوعانه

-لبسي شي الولد بالبيت

-امم هسه

رجعت لبست بشت على ملابسي وطلعت رحت للمطبخ فتحت الثلاجه سويتلي لفه اكلت اشويه حسيت معدتي كلبت يمكن من البرد عفت الاكل  غسلت اديه ورجعت للغرفه بس ردت تستقر لان احس روحي تطلع من تجيني هاي الحاله لوادري ماطالعه وماكله فتحت باب الغرفه لكيته على وضعه بعد يخابر

رجعت للفراش بس احس روحي اتريد تطلع كوه كاعده اخر شي مااتحملت ركضت للحمام اتقيء اجه وراي كال شصارلج

-كله من وراك كعدتني وخر مؤتمن كلتها وبجيت

-اعصابج   تعالي رجعي لفراشج هسه اصيحلج عمتي

-شسوي بعمتك بس وخر هسه اصير زينه

-يله يابه بس هدي موش يمج

رجعت لفراشي وهو غلق جهازه بس الحقيره ضلت تتصل وهو يفصله اخر شي حجيت بتوسل  مؤتمن اطلع خابر بره فدوه والله تعبانه ومن صدك ماعندي طاقه بعد اتجادل

غلق جهازه وكال نامي بويه على راحتج ماراح ازعجج اتحمليني بس هاي الليله

استوني اغمض اعيوني حسيت ايده على بطني ردت اوخره كمش ايدي كال ابروح ابوج بس خلي اتلمسه هم اتحسين بي
-هئ

-غزل اتكتري عن اهلي خليج بعيده لاتگربين صوب احد

-لويش

-من غير لاتسألين

-اتخاف على ابنك

باوعلي وصفن اخذله ثواني  ورجع اندار انطاني ضهره كال نامي بويه 

غمضت عيوني وماحسيت بعد للصبح لان نمت بتعب

كعدت على صوت الضرب عرفت كعدوا العرسان كمت بس عندي خمول كوه رحت للحمام غسلت وغيرت ملابسي دااطلع اتذكرت راح تجي تهاني مااريدها اتشوفني بهذا منظري رجعت للمرايه خليت ميكب وعدلت  غيرت ملابسي وشلت شعري طلعت شفتها صاير ملحمه من الناس ولا واحد اعرفه

رحت لغرفة بيبي دخلت سلمت ردن السلام بس  ام مؤتمن ماردت كالعاده كامت اجت يمي جنت بعدني بالباب دفعتني  اجيت اوگع  كمشتني عمتي ام مكرم  واشرتلي اشش 

دخلت جانت الوجوه مگلوبه حتى العجوز نفس الشي نزلت سماح من فوگ شافتني كاعده اجت تضحك دخلت  كالت اشلونه النونو

-تمام

-اجيبلج حليب

-هئ مااكدر من الصبح اشرب شي

العجوز - كره عينج ييمه والله صبرتي واجاج الفرج

سماح- مشكوره يجده ربي يجيبه سالم ويفرح كلبنه كالتها  و راحت شبكتها وباست ايدها

ذوله من كل عقلهم يحجون راح انطي ابني   عفتهن ورحت للمطبخ اريد اتريك دخلت سمعت وحده اتكول يااا هاي ام غزل الاجت

حسيت كلبي وكع بالكاع بدون لااحجي ركضت طلعت لكيتها واكفه تتوسل ومكرم يمها مانعها من الدخول  ويكلها بلا صوت العالم هنا رجعي منين مااجيتي لاتفضحينه اتعرفين روحج غير مرحب بيج عليش اتذلين ابنفسج هلكد

ركضت وصلت يمها حضنتها احس اريد ادخلها بروحي  ابكد مامشتاقتلها حضنتها وبجيت من كل خاطري لمن مكرم سحبني منها كال رجعي لغرفتج غزل وانتي يلا اتوكلي

-بس اشويه اشوفها فدوه لخاطري حباب مكرم خليها والله حموت لشوفتها  بس هالمره فدوه
بس

-غزززل خويه دخلي جوه وانتي يله بلامشاكل ابروح اهلج هسه يجون واتصير مصيبه

ماما -ولك بس اشوفها  لويش تحرمني منها هاي اوحيدتي

دفعني وسحبها يطلع بيها يكلها انطاج جدي  انذار بس امبين انتي بعدج جنج ابليس متمشين غير الي ابراسج

اباوع ماما كدامي تتوسل وهو يدفع بيها واحمد جان واكف انوب هذا يباوع لماما بس يريد يفترسها اشكد عائله حقيره لمن طلعها من البيت بدمعتها

رجعت كمشت مكرم احجاي بتوسل فدوه مكرم لاتوجع كلبي خليني اشوفها اشويه انت ضل واكف يمنه بس اشويه فدوه اروحلك اني اكول لجدو مراح يزعل منك فدوه

ضليت اشكد الجي واتوسل شفتها راحت واني انهاريت لان بعد مااشوفها متاكده راح يحرموني منها اباوعها صعدت السياره واني متت

راحت ماما ومالحكت حتى اسولف وياها واشبع من حضنها اشكد كرهتهم وحقدت عليهم حلفت ماراح اخليهم يرتاحون

رجعت للغرفه دخلت وسديت الباب  واني كلبي يفور عليها اسمع بره ضحكهن وسوالفهم كعدت ضميت وجهي بالمخده احس الدنيا طالعه من عيني  كلما يمر يوم حقدي يزيد اكثر للمغرب واني على حالتي حسيت كلبي تعب هلكد مابجيت

انفتحت الباب دخلت سماح كالت غزل سويتلج حليب كومي شربي

-مااحبه وطلعي يلا منا سماح لاتجين غرفتي بعد

-موش ابكيفج هسه يجي مؤتمن وهو يتصرف وياج

-تره انتوا مامشتريني سماح طلعي ولي

-غزل انتي امخبله شنهو ذنب الطفل اتموتي جوع

-وانتي شكو ابني ابكيفي اموته اخلي عايش ميخصكم

-هسه اروح لجدتي وهيه تتصرف وياج لان الضاهر موش بعگلج انتي تردين واحد يعقلج

عافتني وطلعت ضايجه يطبج مرض نفس الطينه همها كله بس الطفل

دقايق ودخلت هيفاء كالت كومي جدي يصيحج

-شيريد جدج

-يريدج يكول خلي تجي

-لويش لازم سماح فتنت تره مااشتهي موحتى الاكل اتغصبوني علي

-مااعرف غزل فدوه كومي هسه يضل يعيط عليه

كمت طلعت وياها اريد اشوف وين توصل وياهم  دخلت للغرفة جانوا كلهم مجتمعين شافني جدو اشرلي اجي يمه

رحت وصلت يمي كال كعدي بويه عندي حجي وياج

-اي جدو كول اسمعك

-اول شي شايفه الخير واتكومين بالسلامه يبويه

-شكرا

-وثانيا انتي طلاكج اتأجل هسه ميصير لان حامل لمن تولدين يالله تطلكين ولو اني ماراضي بس هاي رغبتكم اثنينكم

-مم جدو شنو الجديد

-انعدلي من احجي ولاتعلين صوتج

-تمام اسفه

-عليش متاكلين وانتي مريضه

-مومريضه اني حامل والطفل مااريده اريده يموت

-عليش يبويه اتموتين روح

-مااريده جدو موراح اتطلك بعد شكو خالته

-غزل  شوفي بويه خلي اكلج شي خلي براسج تردين اتشوفين امج واترجع تدخل لهنا مثل قبل حفيدي اشوفه كدامي

-اجيبلكم الطفل  بس خلوني ارجع لماما

-رجعه مترجعين بس راح ترجع امج تدخل  وانتي ترحيلها كل فتره

-تمام راح اجيبه ميخالف بس خليني اشوف ماما هسه والله جدو حموت مشتاقتلها لاتكول بعد تسع اشهر فدوه جدو

-لاراح اخلي مؤتمن كل فتره ينطيج نقال خابريها ومن اتكومين بالسلامه هديتج شوفتها

-تمام مسحت ادموعي حسيت اخدودي تحركني هلكد مابجيت اليوم دااكوم شفت مؤتمن صافن ابوجهي حس دنگ عفتهم وكمت للمطبخ اكل لان سلامة الطفل مقابل ترجع ماما تجي لهنا  بلكي تكدر دبرلي شغله وتاخذني منهم واخلص بس هسه لازم احافظ عليه

مرت الايام واني مخلصتها بين الحمام والنوم جان وحامي كلش صعب صايره اكره كلشي بالاخص مؤتمن اشوف ابليس ولااشوفه لواشتم عطره حتى هو بطل بعد ميخلي عطر بس مااعرف حتى لو شفته احس معدتي تكلب بالحمام واكفه عالمغسله   ودخل للغرفه جاب اشياء اموصيته عنهن شافني اجه كال وعلي راح اتموتين انتي بويه غيري ملابسج خلي اخذج للمستشفى

-لا بس ذني العطور اليمك فدوه شيلهن مااكدر اشوفهن

-سهله هسه اصيح سماح اتشيلهن كالها واجه كمشني من ضهري يمسح عليه غسل وجهي شلت راسي الدنيا تفتر

-شتحسين

-مختنگه

-استغفر الله ربي تعالي بويه ردي لفراشج ولاتضلين بالحمام 

-وخر ذني الشامبوات والصابون مااريد شي هنا كله شيله ولااتكول سماح بيها بخور مااكدر اشوفها

-بس ردي مچانج لاطيحين واني اشيلهن

رجعت اتمددت غطاني وسحب وحده من العلاكات اني خاله ايدي على خشمي واشرله وهو يخليهن لمن صفينه الغرفه فتح الباب شمرهن وسده  اجه يمي كعد كال عليش متخليني اخذج للمستشفى بلكي ينطوج شي تخلصين من الوحام

-هئ ميروح عمه اتكول 3 اشهر ويروح وحده

-منا لثلاث اشهر تنتهين

-مؤتمن

-ها بويه

--راح تاخذه وتنطي لسماح مثل ماكال جدو مو

خله ايده على بطني كال موش كل الينگال يتنفذ 

-يعني ماراح يجي يوم وتاخذه مني

-ماصارت يوم وظلمت احد واخذت تعبه

-لعد اشلون اخذتني من ماما

-ههههه يجي يوم تعرفين عليش عملت هيج

هو يحجي وحسبت معدتي كلبت دفعت الغطه وركضت للحمام اجه وراي  وخر شعري وغسل وجهي دفعته كلتله اطلع فدوه كارهتك اكثر من العطور

-والله ماحاط  شي

-حتى لو مؤتمن فدوه اطلع مدااكدر اباوعلك حموت

اتحسر وطلع ضايج سد الباب وره رجعت لفراشي
كل يوم احسه من عمري هو بعد مادخل لان كل مااشوفه  تكلب معدتي مااعرف لويش بس صدك كرهته

وهو هم صايره اخلاقه مزفته يفوت للبيت ويطلع يتعارك متعرفه شنو يريد حتى جدو  كام يشكي من عصبيته ومحتار بي يخاف علي يتمرض لان اعصابه مفوله  مرات اسمعه يتعارك ويه تهاني ويغلق جهازه حتى هاي صاير ميحملها عود حبيبته هو نفسه محاملها يحمل حبيبته

جنت كاعده على الدرج علمود شمس  كمت ادور دفو ساعه بروده اني بنفسي مااعرف شنو اريد امخربطه اوضاعي وصايره اتنرفز من كلشي
اجه راد يصعد غرفته كمت وخرت عنه صعد كم درجه رجع نزل انطاني  الفون كال خبري امج بس لا اطولين

اخذته ورحت للغرفه دخلت قفلت الباب صح محد يفهم لغتنه بس ردت  براحتي احجي

اتصلت بيها فيديو  اول مكالت ها ماما بجيت اشكد مشتاقه لصوتج فدوه

-حبيبت امج غزوله والله يماما اتمرضت وراج اشلونج

-الحمد الله ماما بس مشتاقتلج

-فدوه لعمرج ولج لويش ماما صايره جنج عجوز لويش هيج امبهذله وجهج اصفر

-لان حامل

-عزا ابعينج غزل اشحبلج

-مؤتمن

-ادري اصخام مؤتمن ماخذتي مانع اصخام اشلون اتسوين هيج شي بروحج

-والله ماما هيه ليله وحده مااعرف اشلون صار

-يداده وينج وين الحمل يماما انتي طفله ومريضه

-لاماما حياخذوا وينطوا لسماح

-عزا راح يعيدون الماضي من رادوا ياخذوج وينطوج لام احمد لج غزل ماما لاتوافقين

-لعد شنو اسوي هو اني مااريده بعد احسن  بس جدو واعدني كال من تولدين اخلي امج تدخل  واني وافقت خلي ياخذوا بس ارجع الج

-والله يماما اتموتين ورا هسه اتكولين مااريده بعدين يصير اعز من روحج ديري بالج  توافقين

-لعد ماما شنو اسوي اني مااكدرلهم  بس بلكي مؤتمن ميخليهم ياخذوا لان هو ماراضي

-غزل ماما سمعيني  اني داامشي بالمعامله بس اسدد المطلوبتهن واسقط الدعوة   اخذج حبيبتي مااخليج يمهم بعت شقتنه  والذهب وعمج قتيبه راح يدبرلي الباقي بس اريدج اتسوين شي

-شنو اسوي

-اتنزلين الطفل حبيبتي هذا يدمر مستقبلج وانتي بعدج اصغيره ومؤتمن مومال مرة ويقدرها ولاانتي اتكدرين اتعيشين وياهم بعدج متعرفين شنو من بشر همه

-لاماما عرفت ومؤتمن اصلا راح يتزوج

-عزا ابعينه ماعنده مانع يخليج بس اتجيبيله اطفال واتخدمين والله كلشي يطلع منه

-ماما اعرف هو ناوي يسوي هالشكل وياي بس مااعرف شنو اسوي مطايح بيدي شي اهم شي هسه اريد ارجع يمج اذا على الطفل مومشكله اجيبه وانطي بلكي يعوفوني

- لج ماما غزل ميعوفوج لاتخبليني متعرفين شنو من بشر ذوله دمروني اني وابوج ولج ابوج جان ميت عليه وماكدرلهم موانوب هذا هو يريد يدمرج

ضلت باساعتين اتعلمني طرق انزل الطفل بيهن وتنصحني شنو اسوي لمن اقتنعت اسويهن لان من صدك مااكدر اضل وياهم وخاصتا اذا اتزوج مؤتمن هو هسه اشلونه انوب يجيب وحده لخ ويا ومكايد؛
قنتعتني بس غلقت الفون خليت ايدي على بطني حسيت كلبي وجعني اشلون اكتله خطيه شنو ذنبه يعني لان ابو مؤتمن لعد شنو افرق عنه اني واحجي علي اذا اريد اسوي نفسه

مااعرف بس جان شعور يخوف من اجه ابالي افقده تراجعت عن فكرة الاسقاط مستحيل اكدر اكتل روح ماله ذنب

  كمت اريد ارجع الفون شفت مسج اجه اني موتمام بالعربي بس اعرف اقره فتحت المسج شفته من تهاني  حجي يفشل مو ينكال عيع لعبة نفسي هاي اشلون تحجي ويا هالشكل راح اجيب منه طفل ولحد الان استحي اباوع ابوجهه مو اتجرء واحجي ويا

الفضول خلاني ادخل عالرسائله كلها هيه دازتله اشعار حب وغزل واكثر الرسائل توسل اشكد ساحله روحها وهو ولامسج داز بي شي كله مجرد كلام عادي اشكد غثه هذا اذا حبيبته هيج يحجي وياها بجمود لعد شو من يوكف يمي ويخبرها يختلف الحجي يصير

موطبيعي هالبشر  هسه اشدخلني اشكد فضوليه

كمت رجعت باوعت وجهي بالمرايه صدك صايره امبهذله رحت للحمام اخذت دوش بس صابون ركي لان مااتحمل غيره طلعت  عدلت وجهي وشلت شعري شفت حتى نفسيتي استعدلت

اخذت الفون وطلعت شفت سماح صارت كدامي كالت  وين طالعه

-اريد ارجع الفون لمؤتمن وافتر اشويه لان مليت من النوم

- ردي نامي اتحملي هالاشهر  اني اوديله النقال

-سماح تره زوتيها وخري عني مالج شغل انام اكعد لاتدخلين

-هسه اصيح مؤتمن واشوف الحجي اشلون يصير

-اني رايحتله لويش اتعبين نفسج وينه هو

-بالبستان

طلعت للبستان لكيت احمد ورجاء ويمهم سمر كاعدين يسولفون وهاي سمر رجع الامل الها من عرفت راح اطلك اشكد عيع ونفسها وصخه

احمد- وييين هوششش وين حجابج

-مؤتمن صاحلي هياته دااردله الفون وارجع

- بسرعه لاتضلين اتسرحين

رحت للجهة الثانيه لكيته واكف امجتف يباوع للزرع وصلت يمه كلتله شكرا

-اندار كال على شنهو ؟؟

-الفون

-اها العفو يابه  عليش بلا حجاب

-ماكو احد غريب والبستان امسيج

-ميخالف غزل اشوكت تتعلمين عيب اطلعين هالشكل وعليش شعرج ينكط مي هسه
تتمرضين

-خايف على ابنك مو

-عوفج من ابني هاج هاي الغتره خليها على راسج

خليت ايدي على خشمي كلتله اخاف بيها عطر

-لايابه مابيها كطعنه العطور لبسيها

خلاها على راسي  وضحك كال صايره اتلبسيها اكثر منه

-امم غير انت لاطشلي بيها صدك لفها الي مثل متلفها انت

--گربي صوبي

لفها على راسي وبتسم  كال والله جايه وياج تمام

-يعني طلعت حلوه

-ماتغير بيج شي جمالج نفسه من اول يوم اجيتي بي للدنيا وهاي زادتج حسن نزعيها لايشوفج احد

-لالاعوفها خليها خلي اخذ صوره

اخذت الفون وضليت اخذ صور بس والله طلعت اللفه حلوه دزيتهن لماما

جان واكف يباوعلي ساكت رجعتله الفون انداريت للزرع كلتله يجنن الخظار

-جنتي تنهزمين من اهلج وتجيني وكت الضهاري اتكعدني من اعز نومه حتى اجيبج هنا اتلعبين

-اكيد تضربني وترجعني مو

-ههه لااجيبج وانجلف ابسبتج

-منو يضربك

-مااتذكرين شي غزل

-هئ اصلا مااعرف عندي اهل

-ماسألتي امج ماخطر ابالج عليش عايشه بروحج

-امم ماما كالت متزوجه واحد بالعراق ومات ماعنده اهل واجينا لامريكا وخلص بس

-عايشين بيت واحد كلكم

-هئ احنه شقه وسيف من صار عمره 18 طلع شقه وحده اني هم جنت امقرره اطلع وحدي بس ادخل بالسن القانوني  امم ماكلت منو يضربك

اخذ صفنه وخذ نفس وگال تعالي نكعد لاتعبين

طلع كدامي يريد يشرد من الماضي حسيته اختنك واني هم مالحيت من شفته اتغير رحت وراه وصلنه يم احمد شفنه مكرم جاي شافني ضحك كال كملت بعد هواي ضلت الغتر اتعلمتي اتلفيها

-هههه هذا مؤتمن سوها الي

-اهاااا وصلت للفه لا هواي طلكج اي اليوم اشوفج طالعه اشعجب طلقوا صراحج

-اختنكت جوه واليوم صحتي احسن وخبرت ماما

-لاابربج -الله اليستر من الجاي

-لويش هيج دتحجي

-لاسلامتج ماكو شي خويه روحي كعدي لاتضلين اطفرين

انداريت شفت سمر عينها بمؤتمن ويه كل حركه هيه ويا

وين عنج تهاني اتشوف اشلون اتباوعيله  عجبني  العب بأعصابها رحت يمه كلتله ادنه خلي اكعد يمك

-تعالي بويه

كعدت  عدل كعدته انتجيت على زنده 
اشوفه صار وجهه اسود من ماهو هسه استغفر الله هاي عاقله اتفكر برجل اختها دخل كاظم هو واختي الشفيه الثانيه وهاي ثاني مره التقي وياها اجت سلمت من وره خشمها وكعدت يم اختها الجميله يمكن شمس البصره متخصصه بس لحرك اوجوه خواتي

همس مؤتمن غزل فتحي الغتره ولبسيها عدل

حبيبه - اي مؤتمن اشوكت نفرح بيك شو طولت

-قريب ان شاء الله

-هالمره انريد حفله لان العروس تستاهل خوموش هم سكتاوي

-الله كريم

-جبتوا الاخشاب اكيد اتخبل خو  ذوق تهاني معروف

قبل لايرد مؤتمن كلتلها لامبين ذوقها من حبت  مؤتمن  محترك وطكيتها ضحكه اول شي رفع حاجبه ماعجبه و بعدين ضحك على ضحكتي وضربني على راسي خفيف كال عندج سماري وتقلدين بت بغداد

استلمه مكرم تصنيف من الله لكاها وطبكت ويا وضلينه نضحك اشكد ماهو جان ثكيل وميرد لان ميهتم لهيج حجي  بس جان يضحك لان مكرم صنفه تصنيف متت اخر شي كال كافي ولج لايوكف كلبج 

سماح- مؤتمن جدي يريدك

-ااهو  نسيته اليوم عدنه مشيه اتروح مكرم ويانا

-لايخوي اني ابقى هنا اخاف احد يجينه

-خوش كاظم يروح ويانه

كام شلت راسي كلتله مؤتمن  اتريد الغتره

-لاخليها  بس لاطولين هنا دخلي جوه

-تمام هسه اشويه وادخل

همه راحوا اجت سماح كعدت يمي تسالني عالحمل وهذا السؤال اسمعه الف مره باليوم كرهتني بالحمل اكثر مااني كارهته مرات ينكسر خاطري عليها من اشوفها اشلون متلهفه لشوفه الطفل بس ارجع واكول اخاف اتعلق بي وياخذوا مني وتالي اموت ورا ؛

ضليت بحيره شنو اسوي احس روحي بدوامه وياهم قاطعتني حبيبه وهي اتگول  والله وجبر خاطرج يسماح وراح يجيج طفل صدك بأسم منهو راح يسجل

-الحمدالله خلي يجي بالسلامه هسه  وبعدين انفكر بأسم منهو  يسجل

-اكيد بأاسمج انتي ومؤتمن

رديت لويش امه ميته واتبرعتي بي

-لابس جدتي سمعتها كالت كل طفل يصير ننطي لسماح

-موابكيف جدتج هو

-چا خلي اسمعج

-وشنو تره مخايفه اني

عفتهن وكمت رجعت للغرفه لان كعدتهن صايره كولش مزعجه واني منا كوه حامله نفسي وذني حتى بخور بيهن عطرهن خرافي مطايح بيها غير ارجولتهن خطيه اشلون حامليهن ردت ادخل  وكمزني صوت عمتي ام مؤتمن صاحت  وييين وموليه

-عمه للغرفه تعبت دااريد انام

-وشنهو بس انتي حبلتي اشوكت ناويه حضرتج اطلعين تشتغلين لوعجبتج النومه والخدم مدايرج

-مااعرف مؤتمن ميرضه اطلع حتى هسه كال يله دخلي

-شوفي لج مالج  غير 3اشهر اتنامين بيهن انوب اتكمشين نوبه ويه البنات بس يثبت الطفل

-تمام كلتها ورحت للغرفه واسمع دعاويها كون الله ياخذها بيوم الولاده واطش جكليت بحضرت العباس

عفتها مارديت رجعت لفراشي اتعودت على الحجي مالتهم اهم شي عندي هسه النوم اشكد انام  مااشبع  مااعرف اشبيه  مرت ايامي سحل بسحل وكلمااخبر ماما نفس الموضوع نزلي الطفل لاتورطين روحج وانتي صغيره وراح دراسه لاتضيعين مستقبلج

كمت حتى اضوج اخابر لان نفس الحجي ينعاد

اما مؤتمن يوميه ينزلي كومه حلويات وفواكه وعصاير ميخلي شي ميجيبه ويخلي بالثلاجه ودوم يسالني شنو مشتهيه اجيبلج حتى نص الليل يكعدوني اكل

صرت صدك بطه من الاكل والنوم مر الشهر الثالث  عمتي اصرت ناخذ سونار بس اخاف ادخل  للدكتوره صار عندي فوبيا منها اشكد اتوسلوا كلتلهم والله فلااوصل وخاصتا بالعياده ريحه ديتول لواموت مااوصل شنو يريد يجي خلي يجي

مؤتمن بده يجهز الغرفة مالته اجت شافت جهازها اباوعلهم يخبلون وكفتهم واشلون واحد يباوع للثاني اتحسها  اتريد تاكله هلكد مااتحبه  طلعوا جابوا الذهب وجهزوا ومابقى شي للعقد 

صعدن البنات يعدلن الغرفه صار عندي فضول اشوفها صعدت وراهن الغرفه صايره مقابيل غرفه سماح  شفت سماح واكفه بالباب وعيونها حمر كسرت خاطري رحت يمها كلتلها تره تتعودين موهسه اتشوفيني وعادي هم اتصير عادي عندج

-اشفايتلي لو مثلج وهيج كلبي بارد ولج جاي اشتعل نار

-هذا كلبج اذا بقه وره مؤتمن اتموتين بنتي ميسوه تره اتضوجين علموده

-ولج غزل راح اموت من اشوفه سهران وياها للصبح يسولف وهيه تتطلب وهو يكله تامرين ولج مااتخلي ينام لاطشتله وهيه يم اهلها هاي اذا اجت بعد مااشوفه

-يله هم يجيبها ويمل منها ويسفطها ويانا ويدور الرابعه

-هههه هم صدك مؤتمن مزاجي

-اشوفها اتحبه اكثر ماهو يحبها

-متحبه خيه اتعبده هاي  صدك اصعدج درج

-عزا عفتي مؤتمن رجعتيلي ولج رجلج راح يتزوج وانتي امجلبه بيه تعالي خلي انشوف شنو جايب للمسعده

دخلنه للغرفه ماخال شي مجايبه وهيفاء اترتب اباوع امسويها موغرفه متحف صاحتلي سماح كالت تعالي شوفي شنو بالميز ؛رحت شفت علبه متروسه ذهب اشكد يحبون هالاشياء  جنت شايله السوارات بيدي دااباوعهن دخل اتفاجى شافنه انكلب بغراضه بسرعه رجعتهن لمكانهن استحيت هسه احنه اشكد فضوليات انفوت غرفه الرجال

-خير شكو هنا

سماح- انساعد هيفاء بتعزيل الغرفه

-همم يله اذا كملتن طلعن روحي حضريلي الحمام عندي واجب

طلعت سماح دااطلع كمش ايدي شلت راسي باوعتله كال شنهو تردين اجيبلج

- كلشي عندي مامعتازه شي

-لاماجبتلج ذهب شنهو اتحبين اجيبلج

-مااريد اصلا مااحب البسه ذهب

-جاشنهو تحبين  هذا حگج كولي واني حاضر

-والله مااريد تره بس هيج  حبيت اشوفهن موقصدي شي ثاني  وبعدين مجان خال شي بنفسي

-منهو هذا الي ماخال شي بنفسج

شفته انكلب وجها خفت هسه اني اشخربطت بالحجي اريد يجي شي براسي ينقذني من الصخمته ماكو كلتله ها اء

سحبني فتح الباب وشمرني كال ولي لغرفتج غزل  لاابتلي بيج

نزلت ركض تالي صدك انسحل هو مكسور خاطره عليه والله هادي واني اكله ذاك ماخال شي ابنفسي اشكد ثوله الحمد الله كمش اعصابه وماضربني

نزلت رحت للمطبخ لكيت امه واكفه عالطبخ اول مشافتني كال ايدج وياي بت فريال

-ايي عمه شنو تردين اسوي

-غسلي هالاماعين الوسخات

…وكفت اغسل اماعين دخل احمد يركض صاح مؤتمن وين

عمتي-  يمه اسمه الله ولك اشصاير

-عمه مؤتمن بسرعه اطلابه

بغرفته فوك احجي ولك شكوو

مارد راح  صعد يركض دخل مكرم ورا نفس الشي هم صعد يركض سمعنه فوك صار صياح ركضنه انشوف شنو نزل مكرم واحمد يسحبون مؤتمن يمنعوا ينزل وهو يدفع بيهم يريد ينزل مكرم يكله والله يجتلوك لاتنزل

-والك هيه يجتلوها ياناگص وابن زنه العملهااا وحگ الكعبه انعل عشيرته اليوم

دفعهم وطلع يركض مكرم رجع اخذ سلاح وطلع يركض ورا مافهمنه شنو الصار عمتي وسماح كعدن يلطمن خافن ينكتل مؤتمن للعصر وهمه ماكو خبر عنهم كلمااتخابر عمه ينطوها رفض

لمن دخل احمد ركضت عمتي ام مؤتمن تسأل كاللها واصله ورسايل لهل تهاني عن مؤتمن وتهاني اكو علاقه بينهم قبل الخطبه وهسه صايره اطلابه اخوتها يردون دم

-يمه اصخام ابوجهي منهو وصلهن

-مااعرف يمكن واحد مهكر صفحته والله مانعرف احنه هم محتارين

-ولك هسه وينهم

-مؤتمن وجدي اخذوا ولدنه وراحولهم يردون يحلوها

-ولك هسه يچتلوا اشلون يروح برجلي

-ابكيفهم يچتلوا جاماكضوا بتهم هسه الشرف نزل عدهم غير انسويها دمايه وياهم

راح لغرفته يجيب سلاحه واني من الهبطه بعد مااكدر اوكف سماح اندارت باوعتلي عرفت ماما السوتها اني دزيتلها السكرينات مالته عزا ابعيني اسويت بس لا يكتلوا لو يكتلوها

اشلون ماما اتسوي هيج ماكالت واحد ينكتل ذوله عرب ميسكتون هاي شنو ناويه اتسوي من فكرت بهيج فكره

سماح-  غزل تعالي وياي

صعدت رحت وراها دخلنه لغرفتها

-موش انتي غزل

-لاوالله مواني بس يمكن ماما

-غزل تدرين شنهو راح يصير هسه

-والله ماادري هيج اتسوي ردت بس اخوف تهاني من دزيت السكرين لماما خفت يمسح مؤتمن يضلن ذني اهددها بيهن ماادري ماما هيج اتسوي

-هسه شنهو يفيد الحجي لويجتلوها لويچتلوا وبالاثنين مؤتمن راح يروح بيها

-هسه اشدعوه واذا عدها علاقه بي اشصار

-ولج انتي وين عايشه غزل هاي بيها اركاب اخوتها ميسكتون

-مااعرف سماح ماادري فدوه عوفيني راح اموت من التفكير

رحت كعدت على جربايتها وافكر بمؤتمن اخاف يكتلوا صدك خطيه بعد صغير يموت ابسببي خليت ايدي على بطني يموت وهو مشايف ابنه كلبي وجعني اني اشسويت صح اذاني بس متوصل ابسببي يموت  

ضلينه لليل عالكعدتنه بس صوت عمتي ليفوك واصل باللطم والنوح احس بعد مااكدر حتى اكعد روحي اتلوب من اتخيل مؤتمن يفوت بتابوت يمه عزا اسم الله

راسي انسطر دخت خليت راسي على المخده اجه عطره بخشمي هاي مخدته عرفتها من عطره نزلت ادموعي ياربي رجعه سالم خطيه امه وابنه ماشايفه بعده لااتخلي يموت وهذا يصير يتيم

-غزل بيج شي يمعوده مابينه حيل حبابه لايصيرلج شي موش وكتها

-هئ مابيه شي بس دخت اشويه

دنحجي وسمعنه صعدن الدرج سريعه ودفرت الباب طفرت من شفت مؤتمن كدامي سد الباب واجه كال منهو العملتها منجن الرسائل القديمه ماسحها اشلون وصلن لاديجن

سماح -تعرف محد يگرب صوب نقالك

-ومحد يعرف الرقم السري غيرج اشلون دزيتنهن لابوها

-والله مؤتمن موش اني

اشوفه نزع الحزام واجه يمها اول ماضربها شفتها شالت روحها وركعتها بالكاع من الالم  كاللها منو العملتها

-والله موش اني رجع ضربها صرخت كالت اني بس فتحت النقال وغزل  حجت  وياها بس ماحجيت ويه ابوها

انداري رجع ليورا  اشر شنوو

-والله مسويت شي مو اني راسلتهم اصلا مااعرف اكتب عربي اشلون ادزلهم

-اشوصلج لنقالي  عليش هيج عملتي

-والله مسويت شي مؤتمن بس اتصلت بيها

-لااتخبلنيييي منهو دزلت لابوها منهن تحجن لاوحگ الكعبه انهيجن سوه

رجع شال سماح من شعرها وهيه صرخت بصوت عالي واتكله موش ااني تعرفني مااسوي هيج

-اشلون وصلن ااااالهم

--هاي ام غزل دزتهن لان غزل دزت شكو شي بنقالك لامها ابيوم العركه

اندارلي  قبل لايحجي ركضت للباب فتحتها ونهزمت بس جان اسرع مني مالحكت انزل اول درجه خليت رجلي سحبني من شعري مااعرف اشلون سحبت شعري منه  وفلتت من ايده ورجلي راحت بالخالي ماحسيت غير وگعت  من الدرج اريد اكمش بشي ماكو لمن وصلت للكاع حسيت ضهري نصين صاير  الدم من خشمي وحلكي سو يطلع ؛
نزل مؤتمن يركض شال راسي جان يباوعلي بخوف اول مارفعني حسيت ضهري طك 

عمتي صاحت ولك ماتت البيت اصخام بوجهك مؤتمن جتلتها

-مكرممم شغل السياره كالها وشالني قبل لايطلع عمتي كمشت بيده كالتله لاتوديها بس تطلع يچتلوكم

-بعدددددي عمه

-ولك مؤتمن اتروحون بيها يعمه يحركون السياره بيكم اتروح حتى امريتك

هيه تتوسل  وهو شايلني ومكمل طريقه ميسمعلها    بعد مااحس بشي فقدت

حسيت احد يمسح بوجهي بالمي فتحت عيني لكيت عمتي ومره يمي واكفه عجوز بس بعدني بغرفتي مااموديني حسيت وجع ابطني موطبيعي احسها تتملخ صرخت عمتي كالت هسه ترتاحين بس تحملي اشويه

-عمه حموت لحكيني

-ولج هسه اتنزله الج وترتاحين جاي اتسقطين يملطمه

-عممممممه بعد مااتحمل احس بطني دتتگطع

ويه صرختي سمعنه رمي وصوت عمتي ام مؤتمن صاحت يبووووو

لاتنسون التصويت ⭐⭐⭐⭐⭐