رواية كفي والمنجمه الفصل السادس والسبعون 76 - بقلم Leo Alfatlawi

كفي والمنجمة

بقلمي leo Alfatlawi

بارت الاخير /٢/

تهاني نايمة ويمها مرة الجبيرة بيدها دم وشي   اسود وعمتي واكفه على راسها

بس تهاني جان وضعها يخزي ماحسيت غير واحد من وراي سحبني وسد حلكي

كمت ردت ادفعه ماكدرت سحلني

دنگ همس بأذني اشش  صوت مصطفى انداريت اشر ولانفس

-صافو ديس--

-اشش غزل على غرفة سماح مااريد المحج

-تره اكو واحد بالحديقة هسه شفته

همس من جماعتنا اختفي بسرعة كالها ودفعني على الغرفة

رحت اركض من الخوف حتى ماصعدت رحت لغرفة سماح ردت اسيطر على الي بجسمي من الهبطة

دخلت لكيت مؤتمن كاعد على الجرباية خال راسه بين اديه

من دخلت شال راسه كام اجه بسرعه سحبني وسد الباب ردت احجي  اشرلي  انكتمي 

-شنو الصاير شدتسوون

حجه من بين اسنونه كال شحجيتتت

خفت كعدت وهو يفتر اديه بجيوبه بس امبين التوتر كل شويه يطلع فونه ويرده

لمن اجاه مسج اخذ سلاحه واندار كال التجي وراي منجن اخلي طلقة براسها  وطلع يركض ردت اللحگه كمشتي سماح كالت غزل لاتطلعين

-لويش شنو الصاير غير افهم

-بعدين اتفهمين خلي يكملون شغلهم

-تره عمه هيه وتهاني دي-

-نعرف وصار اشهر مراقبيهن شلت كلوبهم يالله وصلوا لهذا اليوم وياها

-ولج تهاني امصلخه ومرة دتسويلها اشياء بالدم وتقرا مااعرف شنو

-سحر اسود هذا بالنكاسه جاي تعمل

-عززا لويش

-حتى تخبلج وتخليج تنتحرين مثل اختج

-يمه ومؤتمن شعرفه اكيد مصطفى كله لان ميعترف بهيج امور

-من يوم الطلعوج  منا وهمه يشتغلوهن  بس مصطفى ذيب عرف ماراح يكدر يصيدهن   تالي  فجر القنبله يمهن وخلاهن يتوازن

-اشلون يعني

-بيوم الضاعت كيتي بليل حجه جدام عمتي من صعد مؤتمن يمج كال كمل بيت مؤتمن راح يعزل ويطلگ نسوانه نفذ شرطها حتى ترجع بعد مايكدر بدونها

عرفت نفسها راح تفقد كلشي وشافت الشغل البرا مايجيب نتيجة كامت جابت المشعوذه هنا حتى السحر يضبط اكثر

-خلي اروح اشوف شنو وخري

- وييين غزل كالتها ولزمتني وخرتها اشكد رادت تمنعني ماكدرت دفعتها وطلعت رحت لكيت الباب مسدوده وهدوء شنو وين راحوا ذوله

رحت يم الباب طلع مصطفى خزرني اشر رجعي

-بس اشوف فدوه

همس من بين اسنونه غزززل رجعي

-شنو الصاير

-استغفر الله غزززل

شفته عصب عفته رجعت صعدت بس خليته رجع للغرفة نزلت رحت هالمره على كيفي امشي على اطرف اصابيعي حتى لحد يحس

وصلت واسمع  تهاني تبجي وعمتي تتوسل دنكت اشوفه كاعده بالكاع يم رجلين مؤتمن  تبوس بيهن   واتكله امك ورطتني

عمتي- اصخام الصخمج هذا عملج قبل لاتجين لبيتي شورطتج

-لاتصدك مؤتمن وداعت بنتي هيه جانت تاخذني وياها لابو عسكر الدجال حتى تسويلك اعمال تخرب  بينك وبين غزل من اول يوم عقدت عليها بي

-يااا شوف البت ولك مؤتمن اصدك هاي وتجذب امك

-اي طبعا يصدكني جا منهو الجان يشرب غزل حتى تتخبل وتجتل روحها كم عمل سويتي الها وهسه تردين تذبيها براسي تردين اتخلصين مني وتبقى دعاء مجاني

-مؤتمن طلكها يمه موش ادمية صح انه غلطت بس مااذيك لو أذيت افريخاتك هاي شر جنها شيطان خلي تولي

اباوع مؤتمن على وكفته اديه بجيوبه بس يأشر اي

-اي طلكها وخلها تولي مااريدها ابيتي

تهاني- هيج يعمه هاي تالي تعبي وخدمتي الج تردين تخربين بيتي جا منهو الورطني وجاب هاي لهنا غيرج تردين اتشمريها براسي عليش

-ماعملت شي وانه ماعرف هالمرة  اصلاً انتي خبرتيها وجبتيها  مؤتمن يمه اسأل المرة اندارت للمره كالتها احجي منهو ندهج ودخلج لهنا

-هاا هسه انه الدخلتها موش اذا حجيت واخليج تصفين بالشارع خليني امستره القديم وضامته

-لاتسمعها يمه تريد بس تخرب هاي بينه هاي تخرط يلا يمه ارمي اليمين

-لالالا مؤتمن والله اعيش خدامة جوه رجليك

اباوع لمؤتمن عدل وكفته اجتف ويضحك

عمتي-. طلكها لو اشيل ايديه واغضب عليك يامؤتمن يبن بطني لاتغضب ربك بيه احجايه والثانية وارفع ايديه بالدعاء يلا ارمي اليمين

تهاني- هاا يعمه خليتي غضبج بطلاجي ماطول هيج جااسمع الراح احجي عليها حتى تعرف منهو ناسك

مؤتمن- وانه اسمع والج جلمه مني محد يكرب صوبج ولايجلمج نص جلمه احجي بويه

عمتي- مؤتمن لاتسمعلها ولك هاي تخرط ولك طلعها من بيتي كالتها وراحت لجهة تهاني جرتها وتسحل بيها تريد اطلعها

مؤتمن اشر لمصطفى راح مصطفى سحب عمتي كالها بس اكعدي خلينه نسمع شتمخرط محد يصدگ  سحب تهاني من ايدها ودفعها

ركضت نامت على رجل مؤتمن كالتله انطيني جلمه اتخليني على ذمتك وانه اكلك اشعملت

عمتي -لاتصدك يمه هاي ابليس تخرب حياتك اشمرها على اهلها استلمتك سحور من انت ومراهق لخاطر تاخذها بس ربي حشا منه ولاسحر ثبت عبنها شيطانه

-منهو الشيطان الي عملت عمل اسود لام غزل حتى تخلص منها لو من دخلت واحد عليها حتى رجلها يطلجها لخاطر سبب جتلت عمك هيه

-جذب لاتصدك انه امك اشتعرف عني وانتي اصلا ماموجوده

-امي كالتلي تعرف كل اسرارج

-جاماكالتلج هيه الدخلت واحد على غزل بليله عرسج لوضمضمتها

-مؤتمن وروح ابوي مالي ذنب هاي امي وهم اتندمت بعدها

جان بس يباوع وساكت كلشي هادء كانما يعرف كل هذا موشي جديد لان اي ردت فعل ماكو 

انتبهت لايده مصطفى فاتح الفون عرفته يسجل
شال راسه باوع لمصطفى وضحك

عمتي-  شمالك ييمه تضحك صدكت يبن بطني انه عامله كل هذا شوف يا مؤتمن الم اغريضاتي واهج لاخوتي اذا بقت هاي ابيتي خلك انت وربك اشوف اشلون تعيش وامك ماراضيه عليك

تهاني -وروح ابوي كل الحجيته صدك حتى هيه ودعاء الي اتفقن ويه حمزيه تضيع بتك حتى اطلك غزل وياخذن فرخك

-مم حلو كملي

-ومن شافت ماكو نتيجة جابت المشعوذ هنا لان كالت السحر النعمله ماجاي ينجح هناك بلكي هنا اذا صارت نجاسه يشتغل

عمتي-جذب اجذب لاتصدكها

مؤتمن- الي فهمته   منج حاليا انتي نجسه جا روحي بويه سبحي بسرعة حتى احلفج على كتاب الله مااظلمج 

اباوعها ماصدكت اخذت دشداشه عمتي من الكنتور وراحت للحمام تركض عزا بعينها هاي كلها امسوياتها بينه شنو هالحقد

عمتي كاعده تباوع لمؤتمن وجها اصفر وترجف بس مؤتمن كلش بارد ولا كانما صار شي

اشر لمصطفى شفت  اندار للباب وبيده فون

كمت رجعت للخلف ماكو كدامي غير غرفه بيبي ركضت الها دخلت وكلبي يدك كالت شمالج يمصكوعه

-سكتي بيبي لايسمعونه

-شكو شنهو الصار

-غير طلعت جنتج الي كاتله بابا ومسويه سحر لحفيدج حتى اسودنه

-جا غير احد يصدكني عبن خوثان

-بيبي تره مو ماما عمتي ام مؤتمن دااحجي عليه وهسه بغرفتها ديتعاركون

-شنهو ولج كالتها وكامت تسحل بروحها ترجف  راحتلهم تركض وتنجبح شويه واسمع مصطفى صاح يالله طريج لحد يطلع

كعدت  واسمع العيطه كبت فتحت الباب  واشوف الرجال  طالع ساحل تهاني 

وراه مؤتمن كاله قبل لاتطلع النه حك يمكم

-انت تفصل واحنه نلبس اليوم يمكم كالها واخذها سحل وهيه تتوسل طلعوا

ركضت عمتي اتجر بيده تبوس اتكله مالي شغل لاتصدك

دفعها كالها لا انه مسودن   من كاعي حتى الزلمه الي جتلته بطارة موش انتي السبب

هو طلع رحت ورا وعمتي كامت تريد تاكلني كمشها مصطفى دفعها كالها بالعباس مؤتمن يخلي جيله براسج بعد عنها

هو يحجي ومانسمع غير دبه قويه اندارينه ونشوف بيبي طايحه ركضنالها مابيها نفس كعدت يمها شلت راسها بحضني كلتله الحك مصطفى بيبي ماتت

كعد شال راسها من حضني وهو اتخبل طلع يركض وعمتي ام مكرم كعدت تلطم دقايق ودخل مصطفى كال طريييق للزلمه خلي انشبلها

خليتها بحضن عمه وصعدت غرفتي اسمع هوسه شويه وخفت عرفت اخذوها خفت انزل بعد

شنو ويامن  جنت عايشه شنو من ناس هذوله يمه دخيل الله

اباوع لجهالي عزا جان ناويات يضيعن بنتي حتى اطلك صدك يحجن كله بس حتى دعاء ترضى عن عمتي

تكوم تضيع طفله بدون رحمه ؛
رحت يمها اخذتها بحضني عصرتها حيل الف الحمد الله والشكر من رجعلياها

اباوع لبنتي بعد امها جان انتي هسه ماكو دخيل ربي

للعصر وانفتحت الباب دخلت ماما كمت ركضت حضنتها كلتلها اجابج

-رجلج خبرني كال تعالي يم غزل بين متفض السالفة

-مو بليل يجيبني مصطفى

-مااتصور اكو اطلابة  صايره لان هسه من اجيت لكيت هوسه بالديوانية يمكن وناس وعكل مخبوصين

-لعد خليج يم الجهال  اخاف اتركهم وحدهم ميتأمنن ذني خلي انزل اشوف شكو

خليتها ونزلت لكيت المطبخ هوسه دخلت كلتلهم شكو

سماح- مشيه خيه اهل تهاني جايبين مشيه لمؤتمن لخاطر ذيج الشغله الصارت قديم

-وبيبي ماجابوها

-لاوالله خيه جلطة قوية امي يمها حتى ولا واحد من الولد فارغ يروحلها 

احنه نحجي ودخلت هيفاء تركض كالت لحكن ولج

-شكو

-اخو تهاني طكها جيله بظهرها راحت البت

-عزززا لويش

-لان مؤتمن طلكها وهمه متباهين نسيبهم شيخ تالي رد بتهم بفضيحه هيه وامها وهذا اخوها شايخ بجاه مؤتمن اتخبل كوم طلع سلاحك وطك اختك

-وهسه ماتت

-لاخذوها للمستشفى ماتموت طاكها طكه تسكيط موش موت صدك ولج امج هنا

-اي فوك يم جهالي مخبرها مؤتمن من الصبح

-خوش هم عينها بالجهال بعد ما يأمن من ضيعه بنتج 

سماح- تركن الحجي وايدجن وياي ولج هيفاء حضري كاسات مي وانتي يلا غسلي الاستكاين

-وين دعاء

-نايمه الشيخه محد يحاجيها

-لعد وين مؤتمن لويش ساكت

-خيه هو مؤتمن وين غير ماشفت وجها مخبوص ماعرفن شوراهم صار اسبوع هو ومصطفى مانشوف اوجوهم فضينه غزيلان

ضلينه بالمطبخ نحضر بالضيافة ونرد ليورا لليل لمن فضت روحنها خلصت

دخلوا الولد  بليل وياهم شهم واحد مااعرفه شافته سماح نزلت دموعها

-منو هذا سموح

-ابوي خيه

-لعد مترحين تسلمين خطيه

-مايعرفني اصلا شوفي مكرم اشلون داير وجه عنه عبنه مايستاهل سلامنا تركنا  وماسأل بعد

-ميخالف بس خطيه ولج روحوله يضل ابوكم

-تدرين هذا بسببه مكرم جان راح خلاه يوقع على اوراق مشروع موش قانوني لو مامؤتمن يلحك جا راح اخيي بالسجون كضه عمره وبعد لحد الان جدي يهدده يشتكي عليه اذا مال عن ايده شوية

-الله يلعنه جدو مايصير ادمي صدك شكو جايين وين مؤتمن شو ماكو

-جدي خبرهم يجون ياخذون عمتي ام مؤتمن وياهم بعد مايريدها ابيته ومؤتمن خيه مانعرف لاهو ولامصطفى خلصت المشيه اختفوا

طلعنه بره واشوف عمتي ام مؤتمن كامشه ايد جدو تتوسل وتبجي دفرها وكالهم اخذوها

-لايعمي دخيلك لاتطلعوني بيتي هذا تعب عمري   عليش تصدكون بشيطانه  دخيلك فريخاتي واحفادي  

جدو-اخذوها هالمره دزيت عليكم حسبت حك العشره وهيه ام احفادي واله المفروض مااردها الكم ادفنها

شهم- حگكم يابه  كولي اليرضيكم انه اعمله

-اخذها ما نريد شي حكنه ناخذه بأيدنه وهاي اذا شفت وجها مرة ثانية اردها محمله بتابوت الكم

-هاي هيه  حگم على راسنا الكم شي يمنه ركبنا سداده تفصلون واحنه نلبس  كالها  وصارت عينه فوك اباوع  لاارادي عصر المدالية بيده

ترخص دنگ سحلها من شيلتها وطلع

اشوفه اشلون يسحل بدون رحمه وجه شيطاني مابي اي ملامح تدل عالرحمه

جلبت بالباب دفرها بطنها ورد كمل سحل هو واخوا وهيه اتكله دخيلكم ولكم انه اخيتكم رحموني

هيفاء ضلت بالمطبخ تبجي ماعدها كلب تطلع تشوفها عذرتها  امها مو قليل

نزلت ماما شايله تيم شافت جدو كالته ها يعمي طلعت براءتي

-انتي هم موش شريفه لو ماسترج الماشفناه ماانجتل ابني

-الحمد الله من طلع الكتال منكم وبيكم

-شتعملين هنا

-جايه اخذ بنتي واحفادي وارجع

-يجي زلمتها و كليله لاتصرفين من راسج

ماردت راحت للمطبخ يم سماح

كعدت عالدرج نزلت دعاء كالت شنهو خلصت الهوسه

-امم

-شكو كاعده هنا

-دااشوف عدالة السماء   اشلون دتصير والعالم دتتصفه

-يوصلج السره يحلوه

-اشقصدج

دنكت وهمست شنهو شبعتي من حضن مصطفى  لازم گصر وياج الي رديتي لمؤتمن

-انتي والله مريضه مااكلج غير الله يعينج

-حسبالج ماسمعتكم بالمطبخ من حجيتوا عالبيتوته ترانه حتى امصورتكم وين سيارتج هاا ومنهو حمود بعد عاد مصطفى مشهودتله يموت عالفلوس ابربج نيمج بحضن كم واحد غيره بغياب مؤتمن

-انتي تشوفين روحج لبالج الكل مثلج

-غزل تيم مقابل سكوتي بعد بقت يمج هاي

كالتها وراحت

كمت صعدت فوك ركض خابرت مصطفى رد ها غزل مافارغ خويه

-بس اسمع

-شكو احجي بسرعة

-دعاء مصورتنا من جنه نحجي بالمطبخ وتكول اذا ماتنازلتي عن تيم اتهمكم انتوا سوه

-كليلها موافقة بس خلي تسكت شغلتها سهله يله خويه روحي

-وين انت صافو

-روحي خويه وعينج بجهالج لاتنزلين  كالها وغلق الفون 

سديته دخلت ماما بيدها لفات كالت اضن اليوم ماكو عشه سويت ذني تعالي اكلي

-مااشتهي

-بكيفج هاي يمج اشوكت ماجعتي كالتها واخذت الجهال وراحت للجربايه كعدت

-ماما اشوكت نرجع

-مااعرف بس مؤتمن كال خليج يمها اخاف احد يأذيها واني مافارغها

-لعد ما وداني يمج لويش جابج

-ماادري رجلج ماعرف شنو براسه

-لاتكولين رجلج ماما خلص بعدماكو هيج شي

-يوم العيد غير

تذكرت  شهم رحت كعدت يمها باوعتلي كالت شكو اتباوعيلي هيج

-ماما فدوة اريد سألج سؤال بس ادري مو وكته

-شنو كولي

-لاتضوجين بس والله بنفسي اعرف

-كولي شكو

-من ساعة دخل عمو شهم شفته المداليه بيده يباوع ليفوك ويعصر بيها لان عرف انتي هنا شنو قصه المداليه فدوه اخر سؤال وماراح افتح الموضوع

-ولو مومن حقج هيج سؤال بس لايضل بنفسج

-اي والله ماما كولش بنفسي سألت سماح ومارضت تكول

- هاي مدالية سيارته مره جنت صاعده ويا وعجبتني شلعها ونطانياها مر وقت تعرفت على ابوج وحبينا بعض ماعرف فد يوم نسيتها بسيارته ثاني يوم لكيته مشكلها بمفتاحه خجلت اكله رجعها تركت السالفة

-لعد شرجعها لعمو

-ماادري الضاهر شايفها وماخذها بس الكلب بدون تفاهم اجه حامي و

-ضربج كف مو هههههه كالت سماح ماما غير منطيج هديه اشلون تنطيها لبابا

-كافي غزل عرفتي قصتها سدي السالفة بعد شي مضه عليه سنين  وين عرف اني هنا

-يمكن شافج من دخلتي لان عينه جانت فوك طول وماهو يسولف ويه جدو

-كل عقله هذا بعده عايش بالماضي

باوعتلها وصفنت اشرت شكو همست مؤتمن كاتل واحد

-الي لزمه بغرفتي

-اشلون ماعدموا

-طلع لان اعتبر قتل غير متعمد  وكفله الشيخ علوان دفع الفدية ووكل احسن محامين حتى سنه بالسجن ماخلاه

-لويش من جنت اسأله يكول لا

-جان خايف تخافين منه وتكرهي اكثر ما انتي ماطايقته

-الشيخ من ذاك الوكت سانده

-اتربى بمضيفه حسبه ابنه من ذاك الوكت

-من هيج مايرفضله طلب

-هاي نقطه بحر بالي سواه علوان اله

دنكت عرفته مستحيل يجي يوم ويطلك دعاء

ضلينه لتالي الليل كاعدين نعست ماما نيمت الجهال ونامت واني ضليت منتجيه عيني بملابس مؤتمن الي معلكه غمضت مر شريطه وهو خالني بحضنه ويكول لاتسمعين لاحد ولاتخافين مني لو أذي  العالم كلها انتي احميج بروحي

سمعت صوت جوه كمت نزلت لكيتهم بغرفة بيبي دخلت لكيت مؤتمن كاعد نص كعده يم بيبي جايبيها وخال راسه  بصدرها  هيه نايمه لاحول ولاقوه

رحت يمها لكيها حلكها معوج  ايدها على صدره ماتتحرك ودموعها تنزل دنكت بستها من راسها همست سلامتج بيبي

شال راسه مؤتمن باوعلي عيونه حمر مبين عليه التعب ابتسم بكسره ورد باوع لبيبي

دخل مصطفى صاح ها صبووووحه سلامتج يابه صدك جذب ماتكليلي شصابج

كعد يمها دنگ باس راسها كالها سلامتج يالعزيزه متلوكلج النومه جده

مؤتمن- تكوم ماعليها كلها ايام وترد صحتها بس حبت تشوف اشكد  معزتها بكلوبنا

-جده تركج من مؤتمن وين افلوسج انه حفيدج الصغير المدلل بداعت هالخدود الي خير الديره كلها بيهن وتاركتنا جاتلنه الجوع

-هههه اتركها لك خليها ترتاح

-يااتركها صدك تحجي ولج غزل العصه مالتها وين صبوحة اعترفي وين ضامتهن 

كلتله ياذكرتني بالعصه والله طلعتلي جلد ثاني بيها صبوحه الي نص الفلوس تعويض

احنه نضحك وياها وهيه تباوعلنه بقهر  كسرت كلبي اشرت لمؤتمن دنگ عليها ماعرف شحجت ويه مؤتمن مامفهوم بس امبين فهم عليها باس راسها كالها تم من عيوني ارتاحي  تراهم   ذوله ثولان مايخلون بكلبهم 

اباوع لمصطفى الدمعة تلمع بعيونه ضحك وكاللها طيبه يجده ان شاء الله  دنك باسها وگام طلع

كعدت يمها همست بأذنها  والله ماكو شي بكلبي عليج امني انتي من ريحة بابا

وخرت راسي لكتها تبجي ومسحت دموعها

-لاتبجين بيبي فدوة كلنه الج نروح منريد منج بس تكومين حتى من نجيج تردين تركضين ورانا بعصتج

باوعت لمؤتمن وردت باوعتلي اشرت لااا بتوسل عرفتها شتقصد ابتسمت دنكت بستها وكمت انداريت المؤتمن كلتله يله اشوكت  اترجعنا

صفن بوجهي اباوعله تعبان حيله مهدود اخذ نفس وكال بس اليوم  انفض السالفة اردجن

اشرت اي ورحت صعدت لكيتهم كلهم غاطين بالنوم نمت بصف ماما

يومين ونفس الطلابه ناس داخلة وناس طالعة ومؤتمن ومصطفى مختفين  مانعرف شكو يجون ساعات يرتاحون مصطفى يروح لغرفته ومؤتمن يتمدد يم بيبي واكيد تركضله دعاء بكامل اناقتها تمرغله رجلي وتحضرله الحمام حتى سماح ماتخليها توصله تحتار اشلون تخدمة حتى نعاله تخلي جوه رجلي اكثر الاوقات اشوف سماح تتحسر بغصه وتروح عرفت دعاء سيطرت على البيت كله وصارت ام الكل ومؤتمن اصلا مو يمنه بغير عالم  مخلصها متجتف وصافن اول مايرن فونه يشيل سلاحه ويطلع ثواني ويلحگه مصطفى

اشكد حجيت ويا ماما نرجع  جانت ترفض تكول صبري من اسنين انتظر هاي اللحظه لاتخربيها عليه بستعجالج اول وتالي رادين

مكرم وشهم كلما  يدخلون للبيت ياخذون جدو ويرحون للديوانية شوية وتصعد اصواتهم تصير هوسه وترجع تنصه

كاعدين بليل بالصالة  ودخل مصطفى يركض لغرفته دقايق وطلع كال اريد الكل يختفي التنزل من غرفتها اخلي جيله براسها يلاااا

گام جدو گله ها يبوي حصلتوا راد بعصبه اي يجدي كضينا وانتن يلااااااااا

على صوت صرخته الكل اطافر  صعدنا دخلن للغرفة دقايق واجت سماح دخلت كالت ام غزل مؤتمن يريدج جوه

- اي هسه خبرني نازله خليج يم غزل كالتها وكامت طلعت

-شكو سموح وين راحت ماما

-ماعرف خيه بس هو كال صيحيها

-ولج اخاف يتعاركون

-لالااا خالي شهم ويا لاتخافين تعالي كعدي

انفتحت الباب دخلت دعاء عاضه شفتها اشرتلها شكو

-مؤتمن كال خليكم كلكم بغرفه وحده

-لعد گعدي مكانج لاتتقربين زايد

-مم اكعد وعليش لا صدك اشوكت ترجعين موش جنج طولتي

سماح- دعاء ماتنكتمين

-صدگ خابرت ابوي لان عمتي مرتين اتصلت بيه حتى اتوسطلها يم مؤتمن عاد حجيت ويا وكلتله مااكدر الزم البيت وحدي هم واجبات وهم خطار كال ميخالف انه احجي ويا بيوم الي يرد غزل لبغداد اجيبها ودخل عليه بعد مايكدر يردني مهما غلطت اتضل امه وام البيت

-مم خيه هو البيت صفى الجن بالعافيه

-صدك موش كال اشتريت بيت لسماح اشوكت ترحيله
-وشعدي رايحه وزلمتي هنا

-هم صدك خليج تفيديني بالشغل مثل ماتعرفين مالحگ الخطار داخل طالع وانه الشيخه كون اربعة وعشرين ساعة اضل باناقتي

-اي خيه اعرف كملتي يله سكتي لان راسي راح ينفجر

-ههههه على شنهو  بس لاضغطج صعد على الخبر

-يا خبر بعد خير اشو صارن هواي

-امم اسوين روحج ماسمعتي لو ماتردين اتسمعين الباقي عالعموم من خابر ابوي وعتب اشلون جاسر خاطري مانعني عن الخلفه من دونجن رد مؤتمن من فدوه لطوله كله بس تخلص الطلابه اخذها لاحسن دكتوره وان شاء الله ربي يرزقها بدل الراح وتفرحك بحفيد عن قريب 

-ان شاء الله 

-جاي افكر انقل غرفتي لهاي الغرفة لان واسعه وبيها بالكون وانتي اخذي غرفتي لان غرفتج اريد اسويها لاستقبال الحريم الصراحه غرفه جدتي موشي تفشل واحنه العالم الي تجينا فايخه بالاخص جماعة مؤتمن فدوه اروحله قبل يومين سوده عليه اباوعله حتار وين يگعدهم لان جدتي نايمه

-اخذي البيت كله بس فكيني بشج خيه شنهو ماتعرفين اتسكتين وانتي خيه غزل شبلاج صافنه

هيه تحجي واني عيني بدعاء اشكد اشوه بيها واشكد سويت بيها سوايات بس بعدها حلوه بالاخص عيونها كبار كلش من غير جسمها مرتب ولسانها من هيج مؤتمن ملزم بيها صدك تصلح شيخه يكشخ بيها بالواجبات

درت وجهي صارت غترته كدامي معلگه اتخيلته من يوكف يلفها واني اطفر اريد اللوحها اخربها وهو يضحك  ويكول من هيج ربي مانطاج طول يعرف خبالج

ابتسمت مر شريط  واني  اعضه من ظهره وهو يندار يعصر وجهي يصيح بطلي بويه ويرد يدنگ يعض شفتي يخليني اكمز

نكثت راسي غزل موشلتي من عقلج هاي مرته الي فضلها عليج اصحي

اباوعلها واكفه يم الميز تحرك اصابيعها على غراضه وتبتسم

اخذت نفس انداريت احجي ويه سماح لكيتها صافنة وتفرك بيدها بحاله توتر حسيتها  موخالية لعب كلبي والفضول فول  وانوب ماما تأخرت كمت ردت  اطلع كالت وين

-بس انزل اشوف ماما

-غزل اذا نزلتي مؤتمن يطكج  خليج هنا كال ممنوع وحده تنزل

-لويش شنو الصاير

دعاء- ههههههه ماتعرفين  امج وين وشنهو الجاي يصير

خزرتها سماح رادت تحجي فتحت الباب ركضت خليتها تصيح وراي 

نزلت جوه هدوء ماكو احد نزلت سماح كالت شحجيت غزل اله تنطكين

-وين ماما وين راحوا

- لاتخافين امج هسه ترد تعالي نصعد فوك لان طلعوا موش بالبيت

صدك البيت هدوء وخالي ماكو احد اجيت اصعد
اول ماخليت رجلي عالدرج و سمعت صوت صرخت مؤتمن جايه من البستان

دفعت سماح وطلعت اركض استوني اطلع واشوف كدامي مؤتمن واكف ساحگ على راس رجال امربط وماما كامشه ايده وتبجي  صاحت سماح - غزل لايشوفوج ردي بروح ابوج

-منو هذا لويش هيج ساحگ على راسه

-مالج شغل تعالي كالها وسحلتني

-هذا الكتل بابا مو الجانوا يدورن عليه طول هالاشهر 

--خيه انتي مريضه لايصيرلج شي

-راح يذبحه مو ؟؟

-ماعرف كالتها وسحبتني

دفعتها  وصحت وخرري عنيي

سدت حلكي بسرعة وكفت تجر بيه وتهمس بترجي ارجع قبل لايشوفونه واني عيني بمؤتمن الي اباوع  كل دفره ينطيها للرجال اتطلع روحها

وخرت ايدها عالكيف وفتحت عيوني على كبرهن وهيه شهكت لان يأست ادخل وياها

اباوعله دنگ شال راسه من شعره مااسمع شنو حجه لان مسافة بعيده ولدنا كلها واكفه اتباوعله

اشوف الرجال  ضحك ومؤتمن تفل بوجهه وكام دفره براسه دفره كلت سكت

بلش يدفر كل دفره يدفرها يخلي  يتلوه

مصطفى متخصر يباوع وشهم يمسح بوجهه

ماما كمشت مؤتمن من ايده وحجت ويا تبجي سحبها لحضنه ضم راسها بصدره بأيده الثانية  وجهه السلاح على راس الرجال

غمضت واني اسمع الطلقة ثارت…

فتحت عيوني ماما يمي تبجي ومصطفى كاعد يمي سيروم معلكه  بايدي

تذكرت الصار باوعت لمصطفى وشهكت  همست  لويش كتلتوا

-هذا جتال ابوج يستاهل

-انتوا منو وتقررون هذا اخوك وحشششش موبشر الرجال جان يتوسل اشلون كتله

-بس هدي خرب بشكلج عليش ترجفين

-مو بشر انتوا مستحييييل كلتها واحس روحي انعصرت اجه كبالي الرجال يرفس والدم اطشر على ملابس مؤتمن احس برعب وروحي اختنكت

شافتني ماما- صاحت ولك مصطفى اركض صيح الدكتور  راح تموت

-كم مره حجيت ويا كلتله لاتجيبه للبيت اصر اله بنفس المجان يجتله يلا هسه هيج احسن

-ولك الحگ بنيتي راح يوكف كلبها من الخوووف

مارد طلع يركض اريد ابعده عن مخيلتي مااكدر صوت الرجال بعيوني ومؤتمن لازم السلاح وجه مابي رحمه

غمضت جسمي متبنج والنفس ضيگ خليت ايدي على صدري اريد بس اسحب النفس  بديت افقد

دخل مصطفى يركض  ويا دكتوره اجت بسرعة دنگت فتحت عيوني باوعت بيهن رجعت ضغطت على صدري مثل الفتحت التنفس شهكت الهوا ونزلت دموعي  طلعت ابره ضربتها بالسيروم مابيها شي بس لازم اطلعون تخلوها ترتاح هاي عدها نهيار عصبي  

مصطفى-عمه ردي ويه مكرم للجهال وانه يمها

-ياااشلون اخليها وحدها

-انه يمها عمه ماعليها روحي لذولاك لايصيرلهم شي
اجت باستني وهيه تبجي بدون لاتحجي

طلعت واني بعد ماادري بديت اغفي  لان مااعرف شنو انطتني الدكتوره

كعدت على لمسات خفيفه على وجهي

فتحت عيوني لكيت روحي وحدي بالغرفة ومؤتمن يمي باوعتله وبسرعة كمزت رجعت ليورا من الخوف

كال هدي بويه 

كمشتي الرجفه اريد احجي مااكدر  شافني كام يأشرلي بأديه يردني اهدأ همس -غزل بنيتي اهدي وسمعيني

نزلت دموعي وصرخت  لحكونيييي ؛لميت الجرجف لحضني كانمأ احمي روحي بي ما اشوفه مؤتمن لااشوفه مجرم ماعنده رحمه  واديه كلهن دم

شافني هيج دنگ يفرك براسه  سديت حلگي حيل ماعرف شنو الصارلي بس حسيته رعب كدامي مر شريطه وهو واكف يضرب فهد وهو لازم سلاحه ويكلهم بس تركوني اكتلها واخذوني صوت ماما وهيه تكله انت ذبحته فتحت عيوني على كبرهن واني اشوفه خال رجله على راس الرجال وصوت الطلقه ثارت

اتقرب  يريد يحجي رديت اصرخ بعلو صوتي 
دخل مصطفى  يركض وهو طلع وركع الباب ورا حيل

اجه مصطفى كال هدي يخوي شصابج

همست كتلهم كلهم

-ماجتل احد غزل اهدي خويه

-اديه كلهن دم

-غزل غزل بويه بس اهددي شبيج عليش هيج ترجفين

غمضت رجعتلي الحاله نفسها  جسمي مااسيطر عليه دخلت الدكتوره رجعت انطتني مهدأ بعد ماحسيت

ضليت يومين عايشه على المغذي وبر المهدئة  

بليل اشتم عطره قريب بس مااكدر افتح عيوني وحس بلمس اديه وهو يحرك شعري انفاسه قريبه مني اشكد احاول اصحى بس النعاس مسيطر عليه

…فتحت عيني مصطفى نايم خال رجلي على السديه مالتي وراسه  صاير  وره الكرسي حركت رجله طفر كال خرب بشكلج طفرتيني شكو

-همست بتعب ماكو لبالي بيك شي

-اشلونج اليوم

-مابيه شي وين جهالي

-يم امج

-لاتخلي مؤتمن يوصل يمهم

-مايوصل صوبهم شمالج يخوي هيج تعبتي

باوعتله وبجيت اخذ نفس اجه كال غزل صح الموقف صعب بس تراه اخذ حگم من جتال ابوج

شهكت اشتغفر وكعد كال شوفي خويه

- انتي جبيره المفروض تفتهمين الصار وعليش هيج عمل مؤتمن صح امقدر موقفج اول مره تشوفين هيج شي  بس ترا اول واحد عرض روحه للموت هو لخاطركم حسبالج راح يتركوا لا غلطانه هو خله روحه بنص النار بهاي عملته لاتزيديها عليه

-مااريد اشوف وجها

-غزل اخاف ينجتل وتالي اتضلين تاكلين بروحج

-هذا مجرم محد يكتله

-لامو مجرم وايامه معدوده لاتاكلين كلبه دخيلج خلي يشبع منج ومن جهاله

-مااريده بعد لاتخلي يجي اريد ارجع لبيت ماما

-غزل خويه وروح ابوي تارك  الدنيا كايمه كاعده ومكابل المستشفى ليل نهار صاحي خايف عليج ولج عيونه اتغمض ميت تعب مايهون يسدهن لحظه ضال بس يراقبج

-كافي مصطفى روحي احسها رايحه لاتحجي بلعومي ديحركني

-من وكاحتج هلكد ماعيطتي زين مافقدتي صوتج

-اشوكت اطلع

-خلي يجي الدكتور يشوف حالتج ونطلع

-ماارجع وياك تاخذني لبغداد

-خلي تفض السالفه وناخذج

-ماارجع اجذبون عليه

-لانردج لاتخافين محد يكمش بيج بعد هاي هيه

-لشوكت اضل يمكم

-لحد مايجتلون واحد منه مانعرف منهو الورقته واشكت على السقوط

شهكت كلتله لويش هيج ضيعتوا روحكم

-افا تردينه انشوف جتال عمنا بينه ياكل ويشرب من خيرنا ونسكت لاهاي جبيره بحكنه لاحسبالج بس ابوج جاتل هذا تراه اميتم 4 عوائل

-اريد اطلع اريد جهالي

-هسه اشوف الدكتور انتظري لحظه

كالها وكام طلع كمت احس ضهري طاك ماعرف صار اشكد نايمه

شويه ودخل الدكتور جيك الوضع كال اهم شي حالتها النفسيه تبتعد عن التوتر

-لاهاي سهله اي توتر ماكو يمنه غيرها شنهو بعد

- وهاي مجموعه مقويات وهم تاخذوها خاص اتجيكون وضع قلبها

-اهاا يعني احجزلها على مستشفى ثانيه

-اي اذا شفتوا وضعها مااستعدل لباجر لازم تاخذوها اجيكون وضعها

-سهله

-يلا الحمد الله على سلامتها كالها وطلع

كمت عدلت حجابي سندني مصطفى طلعنه صعدت بسيارته اباوع سيارتين ويانه ماعرفت شنو

رجعنا للبيت نزلت دخلت اتلكتني عمتي ام مكرم ركضت حضنتني كال اشلونج يمه

-زينه وين ماما

-بغرفتج يم جهالج تعالي يعمه لاتوكعين شمالج ترجفين هيج

-ماعرف عمه اشلون انتوا عدكم الوضع عادي تره اكو بشر هنا انكتل يمكم

-اووف يعمه تراه نفس المجان شفنا ابوج مجتول وانتي واكفه تبجين على راسه تعالي يعمه

-وخري عني عمه امبين كلكم نفس الكلب ماعدكم شي اسمه رحمه

-ولج يعمه شي ماعشيتي وماحسيتي بجسرته لاتسولفين بي

-ماااريددد مااريد احس كافي الشفته راح اموت بهذا البيت ماعرفه شنو من بيت ماضل شي ماصار بي

-بسج يعمه راح توكعين

دفعتها ماعرف شنو يحسون ذوله شي عادي الصار ولاكانما اكو شي

صعدت لكيت مؤتمن ينزل رجعت ليورا ردت اوكع من الدرج

نزل بسرعة كمشني كال بس على كيفج

-وخر مؤتمن كلتها وبجيت

مارد باوعلي عيونه صايرات دم اخذ نفس بتعب  وكمل نزلته

صعدت دخلت لكيت ماما كدامي صرخت  اشلون اعترفتي عليه اشلون انطاج كلبج ويكتله كدامج

-مو هو الكتله بس هو اخذ حقنا

-لاهو الكتله اني شفتتته

-ترا هذا نفسه الكتل ابوج

-لعد وذاك الكتله قبل شنو بس لا غلط وهيج عدكم روح البشر ماكو ارخص منها

-ذاك دخل عليه بالغرفه يصير اخوه بعد ماكتله  مؤتمن  ابوج كاشف لعبتهن القذره كامن دزن اخوه كتل ابوج وكالوا انتحر وسدوا السالفه

-لويش هيج سون

-حقد وكراهيه علمود هذا البيت رادته الها رادت العز والفلوس والاملاك كلهن الها رادت باي وسيله تخلص منه

-وسمر نفسه هو كتلها

-لا سمر طلعت منتحره صدك بيها صحوت موت منتحره

-اريد اطلك مستحيل اضل ويا بعد

-مووكتها هسه خلي تخلص الهوسه ونشوف يجوز ينكتل ميضل عايش

-لاماما لاتكولين ينكتل اسم الله بس هم مااكدر اعيش ويا بعد مستحيل اعيش ويه واحد كاتل

-تعالي ارتاحي وبعدين انشوف هالسالفة

مر يومين واني خاله جهالي يمه منعتهم حتى من النزول اخاف عليهم وقافله حتى الباب خفت عليهم حتى من مؤتمن احسه اسوء بشر عرفته بحياتي ماعرف اشلون جنت انام بحضنه وغفه مطمئنة وهو بهالوحشيه خلال ثواني تغيره نظرتي اله من حب لخوف

حتى ماما ضاجت من وضعي لبالها بكيفي ماتدري غصبا عني احس روحي ضايعه وداخل حلم منتظره احد يصحيني ويكول جذب كل الشفتي مومؤتمن  الي جان يضمج بروحه مسوي كل هذا

دائما جنت احس بي مريض بالغيره ودائما جان يهددني بالموت بس ماجنت اصدك يكدر يكتل بهيج سهوله جنت متصورته بس يخوفني

لازمه راسي وكاعده صافنه على غراضه اريد استوعب هذا نفسه مؤتمن الي يشاقيني ويحضني وهو يهمس احبج مو ادفنج فززتني ماما وهيه تكولراح اخذ الجهال انزلهم شويه اختنكوا

-ماما اخاف عليهم

-ولج انتي مخبله يله اليوم نروح ماضل شي خلي  يشبعون من اهلهم لان ادري بعد ماراح اتخليهم يجون

-طبعا شنو اتخبلت اجيبهم لهذا البيت

-لعد جيبيهم اطلعهم شويه كالتها وطفرت كيتي كالت اي بيبي اريد صافو

-تعالي يبعد بيبيتج نروح لصافو

اخذتهم وطلعت استوني داارجع للفرشه واندكت الباب وصوت مؤتمن وراه يكول غزل گاعده

-شرايد 

-فتحي الباب خلي احجي وياج

-مؤتمن اريد ارجع دخيلك والله مااكدر اكمل وياك وروك بابا مااكدر اسمع صوتك

-بس دقايق سمعيني

-مااريد اسمع ولااكدر اكمل وياك مؤتمن ارحمني والله كمت اخاف اباوع بوجهك اذا باقي ذره حب النه بكلبك خلينه نرجع نعيش براحه

-مااكدر غزل وكلام الله  اموت بدونكم ولج والله ماضل حيل لفراكم

حسيت شي بداخلي خنگني  مشاعري متضاربه شي يحن اله وشي خايف من قربه ماعرف شرد كعدت وره الباب شهكت حسيت بي هم كعد كال اعرف غلطت جثير واخرها ختمتها بالموت بس اذا احلف كل هذا عملته لخاطرج راح تصدگيني

-ماجنت رايده شي منك كل الطلبته انام يمك واني مأمنه

-اضمج بروحي وكلام الله اعوضج عن كلشي شفتي وياي انطيج جلمه عهد الدمعة ماخليها تمر بعيونج

- مااكدر اتقبلك بعد

-شعمل لخاطر تنسين الصار

- طلكني

-لاتكوليها مااكدر اعمل اي شي تردينه بس لا اتكولين طلكني

-مااكدر اعيش وياك مؤتمن والله دموت مختنكه الله يخليك خلي ارجع لبيت ماما مااكدر اشوف وجهك مااريد اكرهك اكثر كافي تظلم بيه هواي دمرتني خليني اكمل حياتي بعيد عنك مااكدر اكمل وياك وداعت كيتي

-اعرفج اذيتج جثير  ماخليتلي شي زين حتى   يشفعلي عندج بس لا حبيت ولا نبض هذا الكلب لغيرج اتمنيتج يوم واحد اتبادليني ولو جزء بسيط من حبي اعرف ما راغبتني ولاراح يجي يوم تحبيني  بي بس وحگ داحي باب خيبر اعشكج

-لعد اتركني خلي اروح اذا اتحبني صدك

-روحي ماراح اوكف بطريقج  بس خليني اشبع منكم دخيلج خايف اغمض عيني وانه بحسرت ريحتكم دخيلج غزل والله معتاز حضنج وحك علي تعبان  ادري بروحي مااستاهل بس فات الوقت ماضل وقت للاسف

-مااريدك مؤتمن دااختنك من اسمع صوتك مااكدر اوصل يمك ولااكدر اتخيل روحي بحضنك مره ثانيه لخاطر جهالنا انت حياتك كلها امخربطه راح ادمرنه وياك خلينه نرجع اذا مو لخاطري لخاطرهم  مالهم ذنب يعيشون ويه ابو قاتل وبديه دم وعنده ثار

اخذ حسره وكال حگكم بويه حقگج كل الحجيتي انه حياتي مخربطه وماراح تتعدل راح تتأذون وياي هاي هيه عملي التردي بس طلب اخير قبل لاترحين بس احضنج  مشتاك لحضنج اخر طلب غزل لاترديني حجاها بنكسار

-مااكدر مؤتمن كرهت حضنك بي دم كلتها وبجيت

اسمع صوته اتغير بي بحه مخنوگ كال هاي هيه بسج  لاتبجين كومي بويه

راح واني كمت عالسريع لميت غراضي وحضرت الجنط لو جنت اعرف الراح يصير جان مارديته مكسور كلبه جان خليته بكلبي وضميته منهم

اتصلت بمصطفى كال ها اخذتوا قراركم

-اي كال روحي

-على راحتكم يلا هسه جاي بالطريق نزلي الجنط

غلقته فتحت الباب طلعت الجنط نزلت لكيته نايم بالصاله راسه بحضن كيوت وخال تيم على صدره 

اشوف لمعه بعيونه بس مااكدر مو بيدي درت وجهي مااريد اضعف القرار الاخذته هو الصح هذا حياته امخربطه مااكدر اخاف على اطفالي مستقبلهم مجهول ويا

نزلت الجنط كام حضن تيم واخذ نفس منه طويل باسه وانطاه لسماح شال كيوت باسها وحضنها كاللها صيري حبابه لاتضوجين ماما

-لابابا مااريد اروح

-حبيبتي انه اجي اشوفكم

-لالا اضل وياك كالتها وبجت

رجع حضنها همس لاتبجين يبعد ابوج ردي ويه ماما خطيه اتضل وحدها

-لابابا احبك لاتخلي غزل تاخذني منك اريد ابقى وياك حباب والله مااضوجك ولااطلع صوت ابد انام من وكت لاترجعني لبيت بيبي

باوعلها ومارد  حضنها حيل اخذ نفس منها نطاها لسماح طلع اشوفه يمسح بدموعه وهيه اتفرفح ورا

اجت شايتها وهيه ترافس تريد ترجع لابوها  كالت عليش هيج تعملين ولج ماجسروا كلبج

-خلص سماح هاي هيه بعد اخذت قراري لاتخافين بس نوصل تنسى وتسكت

كيتي -لاماما حبابه اريد بابا مانروح والله مااضوجكم حبابا

-كافي كيت لاتخليني اضربج

-باباااااتعال كالتها وشهكت ترفس اتريد سماح تهدها وتركضله

اجت دعاء كالت هاا واخيرا راح نخلص اي خيه احسن شي عملتي من اخذتي هيج قرار اشلون تبقين ويه واحد يمشي ويذبح بالعالم اله يوم هم يذبحج كالتها وخزرتني عرفتها على شنو تقصد

مارديت

سماح- ها غزل حسمتيها

اشرت اي وتقدمت اريد اسلم عليها اودعها ومانسمع غير رمي بالباب وصوت مكرم يصيح بالكككك يخوييييي

طلعنه نركض واشوف مؤتمن بالكاع غارك بدمه ومكرم واكف يباوعله صافن

بدون شعور ركضت  كعدت يمه شلت راسه خليته بحضني كلتله لامؤتمن لاتموت الله يخليك

-همس حلليني

-لالا مااحللك لاتتركني لامؤتمنننن

ابتسم ايده ترجف عصر جف ايدي وغمض حيل متوجع رجع فتح عيونه همس  ماحبيتج انه عشكتج كالها وغمض راح

حضتنه وصرخت بكل حيلي اريده يكعد اهز بي ماكو نفس

نزل مصطفى من سيارته وكف صافن بهتان كلتله بكسره  مات

-لااا لا لامؤتمن مايموت كالها وجه اخذه مني خلا بحضنه يحرك بي نكثه ضربه على وجهه ماتحرك   رد نكثه  ماكو اي رد فعل دنگ على صدره اباوعله بتوسل منتظره يكلي بعد عايش ضغط على قميصه و رفع راسه صرخ لك لااااااااا 

غمضت احس روحي بهتت واني اسمع صريخه يصيح بحرگه ولك اصحى  يخووووي ولك جهالك بعدهم صغار ولك مؤتمن ما شبعت منهم ولك خويه موش تكول مااكدر على افراكهم عليش تركتهم 

خليت راسي على صدره وحضنته ما اترك مؤتمن بس ارجع والله ما اتركك افتح عيونك

اسمع صرخت كيت شلت راسي شفتها حاضنته وتصيح كوم بابا

اجه مكرم وولد  يركضون سحبوا منه  واني مكمشه مااريدهم ياخذ منه اصرخ بيهم واتوسل اكلهم تركوا لاتاخذوا فدوه اروحلكم عايش ماميت اعرفه مايتركني

-بعدي يخوي البت راح تموت ولكم شيلوها من ابوهااااا

فقدت مااحس همه يدفعون واني حاضنته اريد ادخله بداخلي ما احس بالموجودين

مااعرف منو شالني من الزلم كمش اديه وهمه شالوا اشوفه مابي نفس مو هذا مؤتمن لا مؤتمن ميموت ويتركنا ورا

ركضت كيت كمشت رجله تلكهم لاتاخذون بابا عوفوا

شالها واحد من الولد

وهمه دخلوا بالسياره  دفعت الولد حيل وركضت ردت اصعد مارضه صاح رجعييي

-والله اكتل روحي خلوني اروح ويا

-ولج خلي انلحكككك ردي

دفعته وصعدت يمه شلت راسه من الكشن خليت  بحضني ومصطفى دفع مكرم وصعد  شغل السياره حتى الباب ماسده وشحطها بكل سرعته

خاله راسه بحضني وامسح بوجه عن الدم اريد يتنفس لو يرد ماكو  اتوسل يفتح عيونه مسحت شعره وعصرته بحضني

همست بأذنه مؤتمن بعدني معتازه حضنك ماشبعت منه والله جنت اجذب عليك اكلك كرهتك  والله مشتاقتلك والله اموت بدونك لخاطر حبي الي بكلبك ارجع

مو تكول اعشكج ماكو واحد يحب يترك محبوبه دخيلك ولك كيوت تموت وراك يوم اذا ماشافتك تبجي اشلون تريد تتركها للدوم

مؤتمن تركها وراك تصرخ مؤتمن تموت وراك لاتتركنا منو النه

مو تكول ثوله مادبريها وحدج لعد اشلون تأمن جهالك يمي كوم انربيهم سوه لاتتركني

مصطفى-. غزل غزززززل  حركي حيييل ولج حركي خلي يتنفس 

-ماتت ماكو مصطفى مات كلتها والشهكه طلعت  من كلبي

صرخ لاااااا لالا مؤتمن اخيك لا انضيع وراك لايخوي لا بداعت الخوه لااا

حضنته حيل اريد ادخله بضلوعي مااريد اصدك مات مؤتمن

همست  ابنك بعده ماحس بحنيتك ولاوعه عليك موهذا امنيتك من الدنيا جنت تريده ابنك الثاني ماشفته يجي للدنيا شنونكله ابوك  اشلون جان يحب اخوتك وانت اتخلى عنك وراح ولك مصطفى راح مؤتمن

مصطفى جان فاقد يسوق بدون شعور بس دموعه تنزل وصوت بجيته عاليه

والولد يستغفر كاعد كدام

وصلنه للمستشفى

نزلوا يركضون يردون يشيولوا مايكدرون

مصطفى كعد بالكاع باوعله بكسره كاله مااكدر حيلي انهد  مااكدر اشيلك كوم بداعت الخوه ولك والله مااكدر 

فزعت العالم شالوا دخلوا كوه كام يسحل بروحه راح ورا دخلو الطوارئ    التموا الاطباء كالوا عالعمليات بسرعة

دخلوا كبل للعمليات وسدوا الباب كعدنه يمه خليت راسي على متن مصطفى همست خلص يعني

-لاتكوليها غزل ولج جان يكعد للصبح عالشط يكول كلبي مختنك يخوي مشتاقلهن مااكدر يومية يتهدد يردجن ميت على شوفتجن وكوه امنعه اكله ماضل شي اتحمل ولج ليله مانام

-لعد اشلون تركنه هسه كتلها وشهكت يعني بعد محد يصيح عليه ولايكلي ركدي يبويه مصطفى بعد محد يكلي اعشكج وحك علي

اخذ راسي لحضنه بجه بصوت عالي لزمته من قميصه همست بكسره بلكي ميموت لاتبجي اعرفه بعده ماشبع من جهاله

-يضحك للصبح على اطفرجن كال يردن يزعجني مايدرن بهاي تصرفهن يخلني احبهن اكثر

-لعد لويشششش تركنا

مكرم كدامنا مو احسن من حالنا كاعد خال راسه بحضنه ويبجي

-قهرت كلبه جان كاعد وره الباب يتوسل اضل ويا يكول مااكدر اريد اشبع منجن

بس ماكلي راح اموت ماكلي ايامي معدوده لويش ماكال جان ماخليته يطلع جان ضميته بحضني بسببي شافني نزلت راح اتركه كام طلع جان خال جهاله بحضنه اي اني بسببي

-اخ غزل كافي روحي راح تطلع ولج  كالها انتجه مايكدر ياخذ نفس يفرك بصدره اباوعله وجها صفر وشفافه صارت بيض لزمته اشرت شبيك باوعلي ماعرف شنو راد يحجي وغمض فلت من ايدي وكع بالكاع   ركض كاظم والولد شالوا

مااكدر اتحرك شفت روحي كاعده وحدي اني شنو بدونهم شفت روحي ضايعه غريبه حسيت روحي لاشي بدونهم 

كلمن بغرفة واني كاعده اتصفن بس دموعي تنزل

اذا راحوا منو الي وين صفيت معقوله ارجع مثل  اول مره اجيت غريبه ماعندي سند

راحوا مني شنو جنت بحلم وفجأه صيحت لو شنو بس لا كلبي يوجعني مو حلم اي اني جنت ابينهم اطفر واضحك مؤتمن يحاسبني ومصطفى يمنعه ميخلي يعيط عليه ويردون يضحكون عليه

اباوع كلمن بغرفة لويش عودتوني عليكم ورحتوا

دخلت سماح تركض وتنجبح شافتني كالت لاتكولين مات

بجيت كعدت يمي كالت غزل لااا لا بروح ابوج مااكدر اعيش من غيره

-راح مؤتمن

-لالا ميموت هو كال غزل ما تعيش بغير حضني ميتركج اعرفه ميخلي كلبه هنا ويسكن التراب

-راح يسكن تركني

-ابنه بعد ماشايفه اسنين واحنه نتمنى يصير ويشوفه شنهو من كربت هونت عليش ولك

موش جنت اتكول امنيتي اشوفلي طفل منج جا هذا منهو يستقبله بالدنيا عليش يا مؤتمن هيج تعمل بينه

موش هاي غزالتك وبنيتك تركتها وراك بالبيت تنوح وراك محد يعرف يسكتها ولك كلبك ماحسك كوم لجهالك جا انت جبت حگ غزل منهو يجيب حگ كيتي عليش تعيد الغلط نفسه

ضميت راسي بحضني الدنيا تفتر وروحي بهتانه سماح ساعة تعتب و ساعة تنعى واني بس دموعي تنزل اكثر من ساعة ونص على كعدتنا مانعرف شنو الجوه احس كلبي خالي شعور ضايع ماكو اي احساس

طلع مصطفى يسحل بروحه بيده كانونه اجه كعد يمنه انتجى همس ماكو خبر

اشرتله لا

رد راسه غمض بدون صوت

انفتحت الباب ولاواحد گام من الرهبه  انباوع لحلگ الدكتور نخاف نسال طلعت روحنا لمن كال اندعوله  حالته صعبة

مكرم- شنهو يعني مابي امل

-خلوا املكم بالله كدامنا اربعة وعشرين  ساعة ونحدد وضعه

-شنهو وضعه امروتك انطينه امل كالها وبجه

- وضعه صعب بس ماكو شي بعيد اندعوا كالها وراح

احسه اخذ حيلي رجعت راسي على متن مصطفى مابيه افتح عيوني

المسشتشفى انترست عالم وشيوخ اشكد رادوا يرجعوني كمت اصرخ تركوني مصطفى اشرلهم تركوها اخذه راسي  لحضنه وانتجه

مرت الساعة والثانية مرت ساعات واحنه اي خبر ماكو

كام مصطفى راح للغرفة البيها مؤتمن  كمت ورا وكفت يمه اباوع من الشباج جوه الاجهزه كلتله هذا نفسه مؤتمن الجان ماخذ العلم بصوته

-اندعيله غزل انتي كلبج نظيف بلكي الله يسمع منج

-اذا راح شنو حيصير بينه

-جان حاسب حساب هيج شي بعدجن خاف وحده منجن تتأذى خاف مايكدر يحميجن ويفقدجن بسبب عيشته اشكد حاول يكرهج بي مارادج تنزلين دمعتج ورا بس الشوك جتله ماكدر يحمل بعدج راد بس يشبع عينه منج

-اتوسل كال بس احضنج اخر حضنه مصطفى كسرت كلبه وطردته تعرف شنو اني كسرت كلبه كال بس اشتم عطرج

-كافي بروح ابوج ولج مااكدر اسمع كافي كالها وشهك كعد خله راسه بحضنه يبجي

خليت راسي عالجام باوعله وصافنه اتذكر من وشمنا اسامينه وتعاهدنه منترك بعض لعد وين عهدك لويش تركتني

احس الدنيا افترت ماحسيت اله واني عالسديه فتحت عيوني لكيت سماح يمي گالت ها خيه اشلونج

-مافاق مؤتمن

-لاخيه حالته  فر مره صارت

غمضت حسيت شي نغز صدري واني اسمع صوتهم برا مخبوصين شلعت السيروم وكمت بسرعة طلعت اركض اشوفهم كلهم ملتمين يم الباب  استوني وصلت يمهم طلع  الدكتور   كال البشاره 

بسرعة سجدوا بالكاع مصطفى ومكرم

-بس لازم انقله لغرفة خاصه وممنوع الزياره لان طلع بأعجوبة من الموت هو وصل منتهي بس باين اكو من الي يندعيله بنيه صافيه وربه نجاه لخاطره

نقلوا بغرفه خاصه منعوا الدخول
خمس ساعات واحنه بالباب كاعدين  كلمن ماخذ كتر

لمن طلع الدكتور يضحك كال منو غزل

كمت

-اها جنت اتوقع بنته بس مبينه مورمه كلبه من طلع من  لسه ينده بأسمج

-اكدر ادخل والله مااطلع صوت بس اكعد

-ممنوع الزياره حالياً خلي تستقر حالته

-والله اتعقم ومااطلع نفس فدوه كلتها وبجيت اني حالتي يرثى واباوعله بتوسل شافني كال اي صوت اطلعج

ركضت ويه الممرضه عقمتني رحت اركض فتحت الباب اباوعله  جوه الاجهزه نايم

دخلت على كيفي دنكت بسته دمعتي نزلت على كصته مسحتها على كيفي  كعدت كمشت جف ايده احس بحركه اصابيعه همست حسيت بيه والله حلفت اردلك لو اتعيشني بحجيم قابله بس كوم

دقايق ودخل مصطفى باوعتله اشر اشش واجه يمه دنك باسه من راسه وكعد يمنه

اخذنا بالساعة واني عاصره ايده مدنگه لساني يلهج بذكر الرحمن واتوسل بالأمة  لمن حسيته عصرها هو رفعت راسي لكيته يباوعلنه واني بعد مااعرف اشلون اكوم هيه صرخه وهيه طفره حضنته همس اااا وخرت نزلت دموعي  ابتسم روحه رايحه

كام مصطفى كاله اوووف بويه خرب بالخوه اخذت حيلنه كالها ودنگ باس راسه الحمد الله على سلامتك تنذكر ماتنعاد

اشر براسه

طلع صاح للدكتور دخل جيك وضعه كال تمام بس هم ممنوع الزياره خلوا يرتاح ضربه ابره لخ وطلع رد نام من جديد عاد اخذنا نفس وأمنه

مر وقت واني على كعدتي  وكامشه ايده

همس مصطفى- خويه ايدج شلت ايده بعديها موش بسج

-لاتدخل كوم اطلع دتطلع صوت

-موش صوجج صوج المطي الدخلج بويه ايده عاصر المغذي تركيها راح تجتلين الزلمه

-طلقه ماكتلتله اكتله بعصر ايدي

-نكي بت فريال جتلي مال ارفس ابطنج

حرك كلبي ضربته بطنه عصر وجهي كال

-لاتتجاوزين بالعباس اجنزج

-شوف لك اخاف اتكول مؤتمن نايم واتولاج تره اسحلك

-تسحليمن بت فريال لاتخليني اطلعج بره واعلمج اشلون تلغين

-تجرب كوم اني اعلمك ردت اسحب ايده عصرها مؤتمن انداريت لكيته يبتسم  همس اشلون متبطلون انتم

-مؤتمن دتشوفه

-يعلة كلبه لمؤتمن

كمت حضنته احسه اخذ نفس مني رفعت راسي بجيت مسح دموعي كال عليش تبجين

-زعلانه عليك هيج تموتني وراك

-انتي طلبتي من الكاظم وهو انطاك

-ماكلته يموت ردت بس يبعدني عنك

-شنهو الفرگ ترا رحمني بالموت

اندار لمصطفى الجان صافن كأنما قرا همس بتعب ابداعت الخوه اتركهم

مصطفى -سهله

-مصططفى مابيه احجي يخوي انكاوم لاتجتل يكفي الصار خلينه نعيش براحه

-وداعت بنتي اذا ماطلعت كل دمعه نزلت منها منهم ما تسمى عالزلم

-ههه بجت وراي ابنيتي

-موش هيه قبل كم يوم نصبتلك مأتم  هسه كملتها بجي

-الله يحفظكم اليه يبويه كالها وسحب راسي لحضنه باسني وكال كومي ردي لجهالج

مصطفى- يلا غزل امني عليه بعد ردي لان العالم اتريد تدخل يمه

اشرتله اي كمت بست مؤتمن همس بترجي لاتردين لبيت امج دخيلج

-لا راح اتانيك بيتنا اني وجهالك  دنكت بسته

رحت طلعت رجعني كاظم وصلت لكيت الجو مخبوص العالم تارسه البيت الشيخ ومكتول طبعاً

رحت عدل لغرفتي سبحت وشمرت نفسي من التعب ماادري بروحي

مرت خمس ايام حالته بعدها تعبانه بالمستشفى  بس الولد يومية يجون يأمنونه وبليل مصطفى يفتح مباشر وياي اسولف ويه مؤتمن شويه من اشوفه يتعب ابطل

دعاء كامشه البيت والناس اني مالي شغل بهيج شي لان مااعرف شنو احجي ويه العالم ولااشلون استقبلهم وهيه هم مامصدگه ماتمشي عالگاع طايره وامها تباوعلها وترد تباوعلي بشماته عود بنتي الصارت ام الكل

مرتين ادخل للغرفة بيبي اسمعها تحجي وياها اشلون علوان رايح مشيه لاهل المكتول وتكفل بكل الفديه بس لخاطر تنحل وماطالب من مؤتمن بس يفرح كلبها بطفل ويعاملها بما يرضى الله

اباوع لسماح تباوعلي بكسره تعرف بعد السوا الشيخ مؤتمن مايكدر يرد بنته وهيج راح ارجع اتركه وبالفعل قررت انهي كلشي لان تعبت من الوضع وادري دعاء ماراح تستسلم لان هذا امنيتها الحانت تحلم بي مو هسه صارت بحضنه وتتباهه بي كدام البنات هيج تتخلى عنه بسهوله

اليوم مؤتمن يطلع والذبايح والعالم ملتمه كلها واكفه نزلت دعاء ضاربه مكياج ولبس خليجي اخر كشخه واكفه بصف امها يحجن على كيف يباوعلي ويضحكن متأكدات  اليوم راح اخير مؤتمن وهو بعد السوا ابوها مايكدر ينفذ

ريم تباوعلي ضايجه وسماح اشوفها محتاره كلما اشيل راسي تباوعلي بترجي  كل عقلها راح اقنع بالكالته  متنازله حتى عن الضهر الاسبوع كله يمي بس يوم يروح  لدعاء ماراح يأثر عليه

كاعدين واسمع السيارت وكفت الرمي حرك الجو

كمت واشوفه سانده مصطفى ومكرم وكاظم يذبح ويا واحد

خالين كومه عجول بس ذبحوا واحد ودخل لان تعبان ميكدر يوكف ؛دخلو بغرفة سماح نام

دخلت باوعلي وضحك اشرلي رحتله جر ايدي كعدني وسحبني  حضنته

اخذ نفس طويل كال  اوف بويه مشتاقلج بكد رحمة الله

-واني هم بس  ماراضيه عليك

-التردي يجرالج بس انسي الصار

-لويش رجعتها

-ههه هاي فكرت الزمال التك الثاني مالتج كال ماراح تروح اذا ماعملت هيج  اعرفك اذا تركعها كف وتشوفها تبجي تنعل ابو السالفة  وتردها لحضنك

-لويش ماكلتلي خليتني اشهر واني ميته

-موش ابكدي وداعتج  ولج اشوفج وكاضيها حسرات اشكد مشتاق لعطرج بس مااكدر اكرب اشمه باقي بحسرت الحضن

-مؤتمن

-هسه ارمي اليمين

-لا هسه تصيحها  وتكللها اسجل تيم بأسمج وترد نفس السويته بيه بيها

-غزل بويه

-هذا شرطي صح ماراح اكلك انسى السويته بيه من شفتك زافيك  ولاراح اكلك اسامحك من كلبي بس لعل شويه تبرد النار البيه لوانت متهون بيها لان هاي مو غزل

-وداعتج مامعتبرها مره من اول ثانية صارت بأسمي بس ابني اخاف عليه مااريده يضل بنفس احد

-هذا شرطي يعجبك اني يمك اتكول لا كلمن طريق
كلتها وكمت طلعت اعرفه رجولته ماتسمحله يسوي هيج  بس والله لسحلك انت وكرامتك واردلها نفس الوجع اضعاف

مر 5 ايام مؤتمن مانشوفه بالديوانيه من زخمت العالم ومصطفى مبتلي بي

كم مره بليل دز سماح عليه يريد يحجي وياي ادير وجهي عنها اسوي روحي مااسمع هيه هم تيأس وتروح الكل لباله اتقبلت بالامر وراح اضل على نفس تقسيم قبل محد يدري بطلبي شنو

دعاء كلما جايها تشيخ اكثر بالاخص من تشوف امها مستلمه استقبال النسوان يم بيبي وابوها المضيف ويه مؤتمن ماطايحه بيها غير سماح تكرب وهاي تتأمر على راسها حتى مؤتمن من يدخلو بليل تركضله ماتخليها تتقرب منه هيه تغسل رجليه وهيه تعدله فراشه كم مره اسمعه يطردها بس ولاكأنما وياها تسمع وتغلس اتضل الليل كله كاعده جوه رجلي تتخاز ويه سماح مخاز وبيبي تأيدها سباعيه زلمتج لاتقصرين ويا

نزلت من فوگ دخلت للغرفة لكيت ماما كالعادة كدام بيبي بالتراك الاحمر  خاله رجل على رجل ومكنكه وبيبي تطحن اباوعلها وتريد تاكلها بس مشلوله باقية بس اتباوع

اجيت يمها خليت راسي بحضنها كالت رحتي لمؤتمن

-لا واذا مانفذ شرطي ارجع وياج

-ينفذ لاتخافين بعد خلص شغله منهم ماكو غير شغلتج كاتل روحه يريد بس يشوفج مو انوب يخليح تردين وخاصه هسه كيت امكابلته اربعة وعشرين ساعة تردي يتخلى عنها

-يخجل من الشيخ اعرفه متردد

بيبي - شتلغثن سمعنا

ماما -سلامتج دنترايا على اسم مستشفى لعلاج الجلطات

-فريال خلي البت ماشيه عدل تركيها لاتلعبين براسها وانتي جده ابتعدي عنها خليج ورا زلمتج وسمعي كلامه امج ماوراها بس الخراب

اشرت اي

-عفيه يبعد جدتج هيج اريدج وتصيرين انتي ودعاء اخيات وبس يكوم بالسلامه تكليله يگسم حگ الله. لخاطر لاتخلي يخش بالحرام وانت تعرفي هو يحبج ماراح يقصر عليج

-وبعد ماتردين اسجل تيم بأسمها

ام دعاء-غصبا عنج بنتي گطعت البزر بسببج شنهو ضاله هيج بس للخدمة ماكو انه حجيت ويه الشيخ كال بس تتحسن حالته احجي ويا لو ياخذها ويسافر بره يعالجها لو يسجل واحد من فروخه بأسمها بدل الجهال الراحوا وهو اول وتالي ضال الفرخ يمهم قابل راح تاخذه وتنهزم بس لخاطر الشيخه ماتروح لغيرنا

دعاء- يمه هسه موش وكت سفر والعالم داخله وطالعه وانه هم تعبت من العلاج اريد ارتاح شويه راضيه ينطيني تيم واخلي يسويلها غيره بس لحي على ابوي لان مؤتمن قافل

-موش بكيفه قافل وابوج البارحه هم حجيت ويا يكول خلوني افض سالفه الحكومة والفصل وبعدها احجي ويا وان شاء الله مايردني وانت يمه غزل هاي هم اخيتج ابنج يمج وزلمتج يعدل بينجن وعيشن مرتاحات عليش ياخذه غصبا عنج مثل ماعمل وتزوج دعاء وتعرفيها يعملها ولايرد الشيخ خلي كلشي برضاتج وبدل ماتزعلين وترحين يم اهلج وافقي ارضي زلمتج مهما يكون احنه مانرضه بالخراب

باوعت لماما اشرت اي ابتسمت اتجتفت

بيبي- لاغزل خوش بت وتسمع حجي جربت گبل وعوجت شافت شنهو جرالها بعد ماتعيدها ودعاء صارت موش شريجتها اختها ومثل مالها حگوك يم مؤتمن دعاء هم الها تريد تضل تمشي عدل لخاطر اضل راضيه عنها

ردت احجي عصرت ايدي ماما سكتت باوعتلي دعاء وانتجت تبتسم بشماته دارت وجهه لبيبي تحجيلها على النسوان الي اجن ادن الواجب  ومنو بعد ماجايهم وبيبي طايره بيها مامصدگه انتقلت المشيخه بداخل بيتها وصار اسمهم بالديره هو الماشي

هنه يحجن ودخلت شعشبونه تبجي ركضت نامت على رجلين بيبي تتوسل كالتلها   انتي تكدرين تكليله يرجعني يعمه دخيلج

يعمه انه جنتج ام احفادج بعد هاي العز امشغليتي خدامة جوه رجلين نسوانهم

ماما- لويش مو ذوله اخوتج الجنتي تتباهين بيهم شنو التغير

-انتي كله منج كله بسبتج انتي وبنتج

-بسببي لو بسبب طمعج والجشع ماانملت عينج

-راده وغصبا عنج كومي طلعي من بيتي

-والله هذا البيت مال نسيبي وحاليا صار الي هو وصاحبه احجايه زايده اسحب حتى جبيركم   الصمي احسن

-ورح ابوي اذبحج ولااخليج تتهنين كالتها وردت تتوسل بيبي وتبجي دخل جدو كامت طاحت على ايده كالتله يعمي دخيلك غلطت سامحني ماعندي عقل انه ماافتهم بهيمه وربي يسامح سامحني دخيلك

جدو- وييين الولد خلي يجون يطلعوها كومي دعااء صيحيهم

-لايعمي والله اتبهذلت وخذت جزاتي بيتي وفروخي دخليك لاتحرمني منهم شوفني اشلون اتبهذلت اهون عليك

-كومي طلعي ولج الشيطان ماعمل عملتج ريحتيلي زلمه والثاني جا هم راح من اعمالج القذره

-اتندمت يعمي سامحني ومش انه الكلت روح اجتل هو الجتل واخذ ثارهم

-ماتتغيرين شر اعوذ بالله كالها ودفرها طلع يخابر اخوتها

اباوعها متبهذله وين عمتي الجانت معدله ونظيفة هسه عبايتها مسحتله وشيلتها وسخه والوجه اسود باقيه تتوسل وتبوس برجلين

كامت  دعاء سندتها وكعدتها يم امها تسمح بوجهه ومااسمع شنو تحجي وياها بس حسيتها اتقنعها راح اتخلي ابوها يردها

هيه عين وياهن تتسنط وعين بماما اشلون خاله رجل على رجل مكنكه اخر شي ماتحملت دفعت دعاء وكامت اجت تركض تريد تكتلها  خفت مااعرف اشلون احميها

بس العجبني ماما ما نهز منها شعره على كعدتها بس شالت راسها كالتها جربي تمدين ايدج كلمة مني اخليج مو خدامة لااتنامين ويه المواشي

عضت ايدها بحركه حييل وكعدت يم بيبي وام دعاء تتوسل وتبجي

دخلت هيفاء شبكت امها تكلها يمه ذولوني ولج اكعد من الصبح اخدم نسوانهم ولج حتى طگ يطكني واذا اتنفست اخوتي يطكوني

بس اااخ وروح ابوي اطلعهن كلهن منج تحجي وتباوع لماما

شويه نسمع ياالله صوت شهم يمكن بالمضيف جان

كامت ماما طلعت صارت بوجها ماعرف شهمست يمه ضحك بستهزاء ضربته على صدره كمش ايدها عصرها كمت ركضت كلت انكتلت

شافني ترك ايدها  دنگ حجه وياها على كيف  وكاحتج اشوكت اتبطليها يبويه

دفعته وراحت ضايجه صعدت فتحت عيوني على كبرهن كاتله الرجال ورايحه زعلانه امداي لعد اشبيه اني

كال بعدي بابا لاتتعورين

رجعت ليورا دخل دنگ سحل عمتي من شيلتها رادت تمنعه دفرها وشمرها كدامه مشه وصل يمها رد دنگ شالها من شيلتها وطلع يسحل

صفنت علي اشلون يجر بيها بلا رحمه هذا شنو كالتله ماما الي هيج سوه عززا هاي ماما واصله مرحلة

صعدت ورا ماما لكيتها تعدل بشعرها كلتلها شنو راد لويش عصبتي

-الج الصافي اذا ماذليتهم واحد واحد بسيطه

-ماما منو بقى اشو العائله كولها اتطشرت

-لاحبيبتي لبالج صبحه وعمتج انسالهن طلعتي بذيج الليل واني مضروبه وماخوذ حقي اتركها الهن وانوب دتلح على حركه كلبج وهو مشلوله مال المرض

-مامصدگه صارلها اسم والناس تجي تشوفها منو بحالها لو مالشيخ ينطي اسمه لمؤتمن وبنته وهيج خله العالم تنخبص بي

-مم وهو وينه مؤتمن ذاك الي نهار وليل يتوسل بلكي تحنين علي وترحيله

-اذا ماوكف كدامهم وكال اسجل تيم بأسم دعاء مايشوف وجهي وشرط بنفس المكان  ونفس الوكفه الي وكف بيها كدامي بصباحية عرسه

-دروحي هسه خابرني كال خلي تجي اريد احجي وياها

-مااروح اريد انام راسي يوجعني فدوه من تنزيل اخذي تيم وياج

-ولج ماما خطيه طالع من الموت دشوفي

-هسه خطيه نسيتي هذا نفسه الي تدعين عليه

-ميخالف من اخذ ثارنا وضحى بروحه سامحته دورحي شوفي شيريد

-والله لومااعرفج تردين تاخذين ثارج من بيبي فلا كلتي سامحته

-هههه هو هم لو مايريد بس يردج لحضنه جان ماخلاني لسه بالبيت يلا روحي شوفي

-ما -كلتها ورحت نمت وماما اخذت تيم ونزلت

غمضت تعبانه بسرعة رحت بالنوم كعدت على نفس بركبتي فتحت عيوني   لكيته مؤتمن

دفعته كال يجوالج التردي  ولج مشتاق لحضنج شنهو من كلب شايلته صار كم يوم اتوسل عليش هيج تاركتني

-اجل اشتياقك للتنفيذ

اشر اي وجرني لحضنه عصر وجهي ودنگ يعضعض

-مؤتمن انت مريض تره مصارلك عشر ايام والطلقه بظهرك

-انتي كلتيها بظهري يعني يجوز سببتلي عجز خلي اجرب اشوف روحي

-يعني شنو

-يعني مشتاقلج وراح اموت وروح ابوي صارلي اشهر اتصفن بت الزماله

-لعد منين حبلت سماح

-خرب بسماح هذا الفرخ صار بالدفرات شوفي وين وصل بيه الحال كالها ورد خله راسه بركبتي

-عزززا مو طبيعي انتي موجنت ميت يمعود لايصيرلك شي تره بس عشر ايام مر عليك هسه تسكط شووو دوخررر

-يلا بله استلم طايحتلي بنسواني طلاك وهيه مابيها فايده

-هذا كل حيلك بعد غرد كول ماخذج للفراش بس

ضحك وكال وروح الاعزاز الراحوا ماشوفج هيج
حسبالج اقربلج بطريجه الشهوه لاوداعت جهالي بس من حبي الج تقربلج اريدج دوم قريبه يمي حلمي كله هيج كون اتضلين ملاسقه بيه اريدج بين ضلوعي اضمج داخل روحي

-بعد استمر بس هم راح ماكو  وفر كلامك وخر يله

-منهو واصل صوبج بويه

-لالا مؤتمن عوف هالكلمة كلتها وطفرت بس مالحكت انسحلت وسد حلكي وبلش اشكد دفعته  وخرمشته ولا اهتم مستمر تالي كسر كلبي من شفت يتالم وبنفس الوقت مايكدر يبطل جاي بلهفة مال واحد صدگ صارله اشهر محروم
تركته براحته من شافني هدأت وخر ايده واجاني بهدوء…

-مؤتمن حتوسخ الفرشة تره متنك بي دم

-حتى تعرفين اشكد ماذيتني وساكتلج

-اذيتني هواي وسكتتلك هواي

-شنهو اليرضيج وتنسين الصار ولو يائس بس اجرب بلكي تنسين

-اتسجل تيم باسم دعاء ورجعلها السوته بيه ولا تكول غزل مايصير

-بويه موش من شهامتي هيج اعمل عيب هذا شغل اطفال

-خايف على مشاعرها بس ماخفت على مشاعري من جبتها لهنا ودخلتها بالبدله واني كدامك ميته

-لوعمر يمر ويصير عدنه احفاد لاراح تنسين زواجي من دعاء ولا البدله البيضه الحرمتج منها راح اتضلين حاقده

-اجذب عليك اذا اكلك لا والله كل ماتمر ذكرتهن بعقلي احقد عليك اكثر

-ماراح يجي يوم وتنسين ؟؟

-ما انسى بس يمكن ابرد شويه اذا سويت الگلتلك عليه واخذت ويانه دعاء للمحكمة  باجر وسجلت تيم بأسمها

-غير مره اخذها موش باجر

-لعد باجر راجعة ويه ماما وهااا لاتحجي انطيتك اكثر من فرصة وعرفت معزتي عندك اكثر من مره ولهنا خلص وانسى كل الطلبة منك

كلتها وردت اكوم لزمني گال هاي هيه الج التردي

-يله كوم انزل هسه كللها 

اشر اي وسحب فونه اتصل طلع اسم دعاء بنت الشيخ رن سحبت الفون بسرعة قطعت الاتصال وحضرت الرقم اتصلت بسماح

باوعلي ساكت

-لاتباوعلي هيج رقمين بجهاز ميصير اذا شفت رقمها بجهازك موبس احذف رقمي منك لااحذف حياتي بكبرها

اشر اي وسحب الفون لان ردت سماح كالتله ها مؤتمن رايد شي

-دعاء يمج

-اي هاي كاعده يم جدتي تريدها

-كليلها خلي باجر تحضر نفسها تجي وياي للمحكمة

-مؤتمن صدگ تحجي والنبي يغزل تحرك البيت بينه

-روحي بويه
راد يسد الفون اخذته بسرعة منه خليته على اذاني واسمع ام دعاء هلهلت وضحكت دعاء وصلت وين وهيه تكول لسماح غصبا عنها مثل مادخلني راح ينطيني ابنها لخاطر تعرف وين تخلي راسها

وغلقته وباوعتله همست سمعت بأذنك

-لو بس ضاله ذاك الوكت وماتاركتني  جان عرفت هيه مكداها شنهو ويه منهو خلت راسها

-بداعت كيتي لو راجعه من المطار بسرعة الخابرتني  جان طلكتها

-على ذيج حرگه كلبي وكلام الله حتى سماح اطلكها

-مؤتمن اذا سمعتك اتكول لوحده غيري بويه اسويلك مصيبه

-اكثر من هالمصايب ما اظن تعالي بنيتي كالها وسحبني خلاني على صدره باس راسي ونام صفح  ما يگدر على ظهره

كعدنه الصبح على صوت الباب كام فتحها وجفت دعاء ولاتخجل ولاتستحي ابد

بسرعة سحبت الجرجف ضميت جسمي ونكلبت على بطني كملت نومتي سمعت مؤتمن كال شكو قبل لايكول بويه شلت راسي خزرته ضحك حگ گصته ماكمل رجعت خليت راسي

دعاء -شنهو شكو تراها الساعة ثمانية

-وشنهو اكو بالثمانية

-غير اليوم المحكمة موش  البارحة گلت ومصطفى بليل كال قدمت الاوراق  باجر الموعد  يلا فضوها ماطلعت هاي ذله شتكولين غزل

-حبيبي لابس بنطلون لوطالع هيج عيب تره و مابيه اشيل راسي اشوفك

مؤتمن-  انكتمي غزل وانتي يلا ولي بعد وكت

-لاتتاخر مؤتمن تره لبسنه وصدك شكو مكرم مخابر  ابوي شرايد منه اشو كال تعالي اليوم شنهو اكو

-ماكو شي يلا طلعي من نرجع من المحكمة تعرفين شكو

شلت راسي باوعت لمؤتمن حسيت الشريط مر من كدامي من كال ضلي يم امج وتزوج سواها مفاجئه 

شافني دفع دعاء سد الباب سحبني لحضنه كال انتي الطلبتي مني هيج غزل كافي الهم الشايله بروح ابوج

بجيت بقهر

-استغفر الله اكوم اطلگها هسه عليش تبجين

-لامطلكها اتسوي بيها مثل ما سويتوا بيه حسبي الله ونعم الوكيل بيكم بكد ماحركتوا كلبي

-استغفر الله ربي كومي غزل سبحي وغيري خلي نروح

كمت مسحت دموعي باوعلي رجع سحبني لحضنه كال دخيلج لاتبجين

انعل ابو الشيخه لابو الشهامه  ولابو اليفكر بعد بيهن كومي غزل

-موشيخ علوان راح يزعل

-صح مااكدر جثيره  افضاله عليه بس من توصل لعائلتي انعل ابو علوان لابو الشيخة

-يعني عرفت دعاء وره ضيعة كيتي

-كومي غزل هاي مصطفى دبر امرها 

كمت رحت للحمام سحبت طلعت لكيته يخابر يمكن محامي واوراق مااعرف شنو شافني كمل عالسريع وغلقه دخل للحمام كسر كلبي واني اسمع صوته ونته من الالم

كعدت رتبت وبلشت بشعري امشط طلع كال عفيه بويه حيييل سحبي

-تره صارر طويل مؤتمن انت مدااتحس بالتعب

-انطيني المشط اريد اشوف وين التعب

-انتظر خلي الفلك الجرح بالله هذا اشوكت حيطيب وانت غاط بالمي

-لاتركي لفيته فوكاني شويه ويجي المضمد يبدل الضمام تعالي كربي

اخذ وكفت مشط اشكد بطران اباوعله يمشط على كيفه ومستمتع  كل خصله يسحبها بهدوء اتكول بيده شي ترف يخاف عليه مو كفشتي

-كافي كافي تره حركت كلبي

-ههههه اشبيج بويه

-تره اتشل الكلب انت شعر صار ممل ويتعب وانت مكمش بي هسه شمستفاد متكلي

- اول شوفه الج اتمنيت اكض  خصله منه وشتمها موش تردين لمن تحققت وصار بيدي اتكصي غزل اخاف يجي يوم واشوفج اعاملتها حرام  ازينج صفر

-يلا تاخر

-ويييين وجهج غسلي

-تره خاله قليل

-غزل عليش تخليني احك وجهج بالحايط اشيل حتى ملامحج موش بس الصخام البي

-بس وخر خلي اروح

-منهو واصل صوبج بويه

-لااااا موتمن  كلتها ودفعته وطلعت اركض اسمع ضحكته وراي

اشكد صار عندي عقده من هالجملة
نزلت لكيت سماح اتفاكك بين كيتي وملاك لاوالله بس كيتي لان ملاك بالكاع لاحول ولاقوه وهاي مفترستها

سماح- غززززل تعالي لصخمتج موتتها

-لج كيتيييي ولج سموح سحليها من شعرها

-يبوو حتى تصيح لبوحها يسحلني انه واهلي

-مؤتمنننن تعال لكيتيييي

طلع  مؤتمن على صوتي يدكم بقميصه اجه اشر شكو

-شوف كدامك

دنگ عالصالة  شافهن نزل  شال كيتي كالها عليش بابا

-بابا فاهي هيه

-اي جا اذا فاهيه اطكيها

-اي ماجابت مي

-خرب بأهالج امشغلتها جوه ايدج بابا هاي اختج الجبيره ميصير اطكيها

اندارت على دعاء تفلت عليها كالتها من مصافو

مؤتمن-. عيييب بابا

-لااا صافو كال لا

-حظج وحظ صافو 

شهكت وردت على ابوها عضته من متنه لان غلط على مصطفى  لايكدر يهدها يخاف ياذيها ولاهيه تعوفها ضل محتار لمن طلع مصطفى صاح كيويييه

عافت ابوها ونزلت تركضله شالها وشمرها بالجو وهيه اتكركر اخذها راد يطلع اندارت على دعاء كالت تف معفنه من صافو

مصطفى -يبعد صافو وعشيرته باسها من تفلتها عيع طلعوا اشكد مقرفين

دعاء ماهامها طايره  بتيم ماخذته من ماما شايلته وتفتر تبوس بي  فرحانه وامها كدامها تباوعلي بشماته وتضحك على ضححكت بيتها

انتبهت لمؤتمن عينه بدعاء اشلون تلكف بتيم وتضحك خفت يرد بحجايته

اجيت يمه كلتله مثل فرحتها جنت شايله كيتي بطني ومنتظره الوقت يمر حتى اوصل وابشرك

-يلا غزل خلي نطلع

طلعت قبلنه صعد بالسياره صعدت يمها لان مصطفى وكيتي كدام

حرك السيارة  مشه اباوعلها على طول الطريق تبوس بي وتباوع لمؤتمن وترد تباوعلي  عاضة شفتها كوه كاتمه ضحكتها عود هم اخذته منج

درت وجهي للجام اباوع للشارع لمن وصلنه للمحكمة لكينه مكرم وهيفاء واكفين

نزلنا راحت قبلنا دخلت ويه مصطفى تركض ركض مامصدگه باوعت هيفاء كالت اووف اشوكت اشوكت

-ماضل شي

-ولج صدك غزل وشوف دموعج نفسهن بعيونها

مؤتمن- يلا بويه فضنها

-لامو نفسهن لان ماجان نفس الاحساس ولا الحب

-غزل بويه يلا كافي وموش نعلتي ابو اهلي   ماضلت روح تحمل كل هالعتب

رحنه لكينه المحامي مكمل كلشي دخلنه   اباوع والشريط ينعاد كدامي وضحكت دعاء بالباب بيوم الصباحيه  شافني كال دعاااء كومي تعالي

-يلا جايه كالتها وكامت طايره 

مارد طلع قبلها اجت سحبت ابني من ايدها كلتلها امتانيج روحي وقعي على استلام الطفل

مم يعني هيج من البداية اله غصب

-هه تذكرين وكفتح ورا مؤتمن بيوم الصباحيه من جنت واكفه  ابجي بقهر وانتي تضحكين بشماته مسنوده بأبوج

-فدوه لطوله مثل ماسندني هسه وخله مؤتمن غصبا عنج يسجله بأسمي وهاا انتظري مثل مااخذت ابنج اخذ مؤتمن وهذا اليوم بالاسبوع خلي يفيدج گال ابوي يايقسم بالعدل يااخذج وكلمن يروح بجهه واكيد تعرفين ابوي اذا شال ايده من مؤتمن شيصير

-اكو شغله ماتعرفيها او لايمكن اكثر وحده انتي تعرفيها لان قبلتي على نفسج الذل وعشتي حالج حال الحيوان ونسحگ على راسج اكثر من مره وتحملتي بس لان تحبين مؤتمن بس ماحسبتي حساب هاي مشاعرج اضعافها عد مؤتمن الي

-شقصدج

-قصدي اشكد عشتي شنو ستفاديتي بس ضيعتي عمرج بالاهاين لايوم خلاج بحضنه مثل اي اثنين متزوجين لايوم همس كلمة بأذنج حتى لو مو  حب بس كلمة رضه بعد الذل الي ذله الج جازفتي ودخلتي حياتنا وانحسيت عليج زواجه فقدتي امومتج وسمعتج كدام  الديره طلگج كم مره وبعدج جابره نفسج عليه

-كله يتعوض اهم شس صرت بأسمه  شايفه من اكعد بليل واشوفه نايم يمي ودنگ اشم عطره هاي عندي بالدنيا كلها ومستعده اعيشله العمر بطوله نفس العيشه وعليش نفس العيشه هاي ابنه وصار الي والايام تتقسم عدل وانه اعرفن اشلون اشوف شغلي ويا واجيبه للطريج وهو لهفان كالتها وغمزتلي

ضحكت كالت ضحكي على نفسج لو ماميته غيره وتعرفي عينه مني ما عملتي كل هذا

-ماكلج ماحترك كلبي بالبداية مو لان ماواثقه بي مايحبني لو لان حسيته فضلج عليه لااا ذني كلهن ماموجودات لان اعرف لبسوج براسه تلبيس وجبروا عليج وجنت على طول اشوف الندم بعيونه وهو يتوسل اردله  بس الي مس كلبي وبعدني  عنه اسمج تساوه ويه اسمي  يم اسمه ومواني الي ارضاها على نفسي حتى لو جنتي  لاشيء ماحاسبج مره

-وهاي راح نتساوى  حتى بالحضن اذا ماجان الي الحصة الجبيره لان حس الفرك بينه اشكد جان ظالمني و انه الي اتحمله واوكف بظهره والكل انتبه موش. بس انه بلش يمل منج وعيونه عليه بس رايد رضاتي وهاي ثبتها من اخذ ابنج غصبا عنج وخلاه بأسمي مثل مادخلني عليج  بس جيبي اليحس

ردت احجي وقاطني صوت مكرم وهو يصيح بويه وييينج فضيها

غمزتلي وراحت تركض فرحانه اعرف ماراح اتحس ربع الحسيته وكتها بس اقلها يبرد نار كلبي شويه

هيفاء- بيت عمي لو اكول بت فريال

-شخليتوا  لفريال طلعت امج مشتغلتها اكس مربع

-ياخوفي تاخذ جبير العائلة وتجلط امي فد جلطة

-لاامني ماتعيد الغلطة نفسها ماعونت تشرد منكم

-والله انشوف لان البارحه مكرم يكول عمي كال اذا اتقدمتلها توافق

-هسه تنعل اصله بالشروط هم مره بليل سمعته خبرها بس جانت تهمس ماعرفت شنو اخر شي عصب وغلقة

-يخاف هم تفلت من ايده مثل قبل

-مااتصور تقبل هيه تتمنى اليوم قبل باجر مؤتمن يتركني مو انوب تاخذ خاله حتى تكمل

كاعدين انسولف واجه مؤتمن امبين مغثوث ودعاء وراه تبجي وتتوسل انطيت ابني لهيفاء وكمت كلتها اشلونها المفاجئه

-غززل خلي يرجعني احسلج

-عرفت الدنيا تندار بس بهالسرعة ماتصورتها 
هسه ياحبابه ترحين دورين رجل بس للاسف ماكو شيخ هو مؤتمن وتحرم عليج استغفر الله يلا اشبي الفلاح لو ترحين يم زهراء وهيه تقوم بالواجب

اجه مؤتمن سد حلكي كال موش بسج يلا بويه العالم تسمع

دعاء- دخيلك مؤتمن والله وروح ابوي اي حقوق مااطالب بيهن  موش كلت اردج واي حگ مالج يمي وافكت بعد عليش هيج عملت وداعت ابوي حلكي ماافكه اعيش خدامة  جوه رجليكم بس ردني

باوعت لمؤتمن ورجعت باوعتلها كلتها -لاااا هاي جديده يعني راده بلا حقوق  لعد كرامه وتقسيم عدل وللصبح كاعد واني واني  اووي والله كسرتي خاطري جنتي بس تخدمين

-دخيلج راضيه اعيش مثل ماجنتي ماموجوده مااريد كربه بس كليله يردني وداعت امي اصيرلج خدامة غزل والله اموت دخيلج خلي يردني

مؤتمن-روحي بويه خلص اتحرمتي عليه بعد مايصير رميت اليمين

-لالا انطونه مهله ابوس رجلك والله اخدم مرتك وماافك حلكي خليني اخدم جدتك بس ردني موش معتازين وحده انه راضيه

-مكرررم خويه ردها لاهلها كالها وسحبني طلعنه باوعلي ابتسم كال  خليتيني اعمل عمل مال جاهل بلا اخلاق

-ارجع مؤتمن رجعها لاتضل تذب حجي

-يعلة كلبي كل الصار وبعدج شايله عليه

-وعمري ماراح انسى الصار

-اعرف ومتأكد وابصملج بالعشره لاراح تحبيني ولاراح تنسين الصار

-اشحسيت من شفت دموعها ماذكرتك بيه وبصدمتي

اخذ نفس وكمش وجهي كال الدموع نفسها بس عصرت كلبي وخوفي  لا

يلا صعدي وراي رجعه للمستشفى وهم اشوف امج شمصخمه

صعدنا واشوف مكرم يسحل بدعاء الي تلطم بثنين اديها تريد بس يهدها حتى تجي تحجي ويه مؤتمن

باوعله مصطفى وكله  نفس الموقف بس اختلاف قليل هاي تلطم تريد تجي تبوس رجلك بلكي تردها وغزل تلطم تريدك تخليها تروح

-كملت امشي

-لااا ذكرت وعلي هذا شكلك من كالت راح اصعد الطياره

باوعله بسرعة رفع اديه يحمي وجهه ضحك مؤتمن وكفخه على راسه

شغل سيارته رجعنا بس طايره الطريق كله  مشغل اغاني وكيوت تركص فرحانه

وصلنه نزلت دخلنه وعمتي طشت جكليت على روسنا وهلهلت ضحك مؤتمن كال ها عمه

-جاعمه واخير راح تستقرون مامصدكة صدك وهيج خلصت كل مشاكلكم

مصطفى- لايابه لاتضحكون علينه بالجكليت مؤتمن ذبيحه وزفه لابالعباس افضحك فضيحه ولج غزيلان تدرين رجلج على شنهو مقدم

مؤتمن- ابن ال…استوني طلگت وحده   بيك شي انت

-جااحضر ذبايحك

-تره اللحم ميفيدك كد الفلوس صدك خبروني من المطار كالوا وصلوا الجماعة خلي يجي روبن هود روح خويه والحمد الله على سلامتهم مقدمه كالها ودخل

خلانا اني ومصطفى واحد صافن بوجه الثاني
طلع مصطفى مستعجل دخلت وره مؤتمن لغرفة بيبي

لكيت ماما منوره  رحت بست بيبي  الي عيونها حمر عرفتها على طلاگ دعاء وانوب ماما كاعده اكبالها هيج يمكن مطول اسبوع من الحركه هاي

رحت يم مؤتمن كعدت لزمت ايده همست لاتزعل

-على شنهو بويه

-تره ردنه انكلك بس خفنا لان مصطفى شغله مو قانوني

-ههههه هو مصطفى كله على بعضه موش قانوني تردين شغله قانوني لابويه موش زعلان بس الصراحة تفاجأت بيكم زوج ثولان هيج يطلع شغل عدهم

-اشوكت عرفت

-من اول منحه اجت المؤسسة يعلة كلبي

-عززا هاي انت الجنت ادز لعد لويش ماكلتلنه

-اريد اشوفكم وين راح توصلون

-امم اشلون شفتنا

اخذ نفس وكال اطيب اثنين الله رزقني بيهم مااشوف روحي بدونهم كالها وحضني باسني

ماما- مؤتمن عمه اني اريد ارجع لبغداد

-شعدج عمه راده منهو عندج هناك خليج هنا يم بنتج اشو البيت فارغ بس سماح بي

-عمه اني مااكدر  اضل اختنك اريد اطلع اريد اتنفس هنا انتم خانكيني

-انتي بس ضبطي حجابج ومحد يخنكج وهاي بنتج تراها ماتكدر لبزرتها هيه اتريد واحد يلزمها موش تلزم اثنين هاي اذا موش الثالث بالطريج

-لعد موكلت عندي بيت وينه

-بيتي موجود بس اشلون اخليج بي وحدج وهذا البيت مااكدر اتركه مضيفي واهلي  بويه الله يهديج غرفتج موجوده سماح تصعد فوك وانتي رديلها ومحد يحاجيج نص جلمة بعد شرايده اكثر من هذا

باوعت لماما بترجي سكتت ماردت دخلت عمتي ام مكرم كالت ها يمه اشوكت تروح  للطبيب

-فد ساعتين الحجز

-خوش جا ازبگ اروح للبيت اجيب اغريضاتي واجي

ماما- لعد لويش غراضج هناك

-غير بيتنا خيه

-لعد اذا انتوا هنا خو جيبوهن واستقروا شعدكم رايحين وجاين

مؤتمن- لاحاجيت مكرم كال راح انقل غراضنا ونرجع هنا

ام مكرم- صدك ولك هاي اشوكت اشو ماادري انه

-البارحه عمه البيت رادله وحده تلزمه يجونا ناس لازم موجوده اربعة وعشرين ساعة واجبات زوار خو موش نضل كل شوية دازين وراج

-يلا جاخوش اكعد هنا يم امي

-لااخذي غرفة امي هسه اكلهم يفرغوها الج كالها واخذ نفس وكام طلع امبين مقهور هم حقه امه هاي

بيبي بدت بالعلاج الطبيعي وعمتي مبتليه بيها خلصنه من هوستها دوم بغرفتها

ماما استقرت اخذت غرفة سماح لان غرفتها بالاصل جانت علاقتها حلوه بعمتي صدايق

بس النهار ولليل امعارك ويه مؤتمن رويسيه واخاف يهدون شويه لازم مصطفى ينبش ويطلعلهم سالفة يردون يتعاركون

دعاء اجت هيه وامها اشكد ذلت روحها اتوسلت وبجت حتى مؤتمن يتراجع عن قراره ومايكمل معاملة الطلاق

طردتهم ماما وطلكها للمرة الثالثة وخلصت منها طرت واخيرا خلصت من الكابوس دعاء

كاعدين العصر ماما تلعب بكيوت واني يم عمتي تمشط شعري اندكت الباب فتحته سماح دخلت مرت شهم هاده اجت تركض كالت شناويه يفريال

-هييي شكو داخله بيتي هاده شنو ما تعرفين الاصول

-صار بيتج

-اي حبيبتي بيتي ومنو سمحلج ادخلين

-فريال تركي شهم لا وروح الموته انبشج وطلع موتاج واحد واحد

-مم وبعد

-ام الرجوله الي بلا ستر اخذتن البيت والزلمه من امه وهسه جاية تاخذين رجلي اشوكت تنهدين

-من اتسمعين الخبر الجديد تذكرين من طلعت من هالبيت اشلون لو اذكرج اشكد اتوسلت تنطوني بنتي وبجيت تذكرين اشلون سحلتيني وطلعتيني انتي وام مؤتمن وشمرتني بالشارع

-حقد موتي شهم مايكلبج

-عود ميخالف يلا حبابه بيتي يتعذر هيج عالم
كالتها وراحت لغرفتها دخلت مرت شهم لغرفة بيبي تلطم ماعرفنه شنو السالفه

رحت وره ماما لغرفتها واسمعها تخابر كالته خمس دقايق اريدك مزروع كدامي

ربع ساعة ودخل مؤتمن وشهم كال وين امج

-بغرفتها سوده عليه مرت عمو ضربتها وهانتها

شهم-منهووو

-عمو مرتك وهسه بغرفة بيبي دتحيل بيبي حتى مؤتمن يطرد ماما

ردا يروح وراها طلعت ماما واني  صفنت هاي منو مو همه؛ فشلتني اني اكول مكتوله وهيه لابسه تراك ربع ردن احمر برموده والشعر شايلته وميكب تكول لعابة كالت شهم اني موافقه بس عندي شروط

مؤتمن- عمه روحي  للديوانية وهناك احجوا على راحتكم والله اليستر من شروطج

همه راحوا واني لطشت بمؤتمن كال بويه شكو

-غير اني امها مرت بن اخو زوجها انتظر هو شنو اصير منها حتى تصيرلي كلمة عليها

-حبيبي بيج شي

-شنو يعني اني اصير …

ما خلاني اكمل باس راسي وكال سلامتج بويه شصابج تعالي وياي

-لالا اروح وياها

-بنيتي تركيهم براحتهم يله تعالي حضريلي ملابسي عندي كعده

-يم سماح اني مااعرف روح

هز ايده وصعد

رجعت لعمتي كعدت تكمل ضفيرتي خلصت كمت شلت تيم طلعت للحديقة

شفت ماما واكفه ترزل بعمو شهم وهو واكف اديه يجيوب بنطلونه امدنك يسمع ويبتسم مايرد

اريد اسمع شنو تحجي ماكو تحجي على كيف لمن ضربته بصدره كالتله اطلع

كمش ايدها وخزرها  دفعها ودخل جوه رحت يمها كلتلها  عززا ماما اشلون تضربي

-لان حقير ومستفز

-ماما تره هذا خبل مثل مؤتمن تالي يضربج

-اذا رجال خلي يسويها حتى اندمه

-على شنو اتعاركتوا شنو ما وافق على شروطج

-غززل لا تدخلين ولي يله كالتها ودخلت ضحكت هاي ماما شنو اشو ماعدها خوف

دخل مصطفى صاح هاا ثوله شكو هنا

-اسكت فاتك العشق الممنوع

-شنهو ولج

-ولك عمو شهم وماما جانوا هنا خاتلين  تالي ضربته ورزلته دخل وهو انعم من الدخن

-ههههههاي والله جنه هذا هم طاح على وجه عمي انتن ذيبات ادورن الروس الكبار اسحلنهم

-جانت دتشرط عليه ماعرفت شنو طلبت

-تعالي اكلج شنهو شروطها

-بداعت كيت تعرف

-غير البارحة بليل كله نبحث على مارهمناهن

-شنو كول الفضول حيموتني

-اول شرط يطلك مرته والثاني يسجل كاع ابوهم بأسمها يدفع حصص اخوته ويعتبرها مهر يعني خير شعشبونه ورزقها ورزق اخوتها كله بجيب امج يصير  والثالث والاهم تتزوج بغرفة ابوج هيج لزك بوجه صبوحه حتى يوميه تصبح بوجها طالعة من غرفة ابنها وهيه بحضن غيره

-وبعد

-شعشبونه يوديها عد ابو مكرم تعيش وهاي مرته حتى الشيطان يخجل من يشوف اعمالها وهيه دم اسنونها شعشبونه وروح ابوي تعيد تربيتها من جديد اتنيمها ويه الهوايش

-اي والله سمعت ماما كالتلها تره كلمة مني انيمج يم المواشي

-عبنها ذيبه جامثلج امفهيه

-اكيد يحبها هسه يوافق ويدللها الله والله حلوين

- بعلي يكومها بدفره ويكعدها براجدي يخليها تترحم على ايام قتيبه مثل بتها وهاج هذا حگ كيت

-شنو هذا

-تنازل بالغايب والحاضر مال دعاء

-عزززا اشلون كدرت

-غير اخذت حمزية والوياها ورحت لابوها حلفتهم عالقران كلهن خليت وجه ابوها بلون حذائي تالي طلع شريف كال مثل ماسودتي وجهي تتنازلين عن كلشي اخذتي منه 

-حيييل يعني بس انحسبت زواجة كاشي مااستفادت

-بس لانج طيبه وكلبج فطير ربج يجيبها عدله وياج كومي خويه

رجعنه جوه لكيت هيفاء تبجي كعدت يمها كالت غزل انتي تكدرين تاثرين على مؤتمن كليله خلي يردها ولج والله جسرت كلبي  هسه اجيت منها لكيت خالي طاكها

-اكلج مؤتمن استوني علاقتي صارت زينه وياي فدوه بعد لاتدخلوني بمشاكلكم خلوني بعيده

-هم حگج خيه شبعتي ضيم عوفج والله يهديهم على امي كالتها وكامت

مرت الاشهر  انحلت مشكلة مؤتمن من جانب الامن وطلع براءة اتنازلوا اهل المقتول بعد مااخذوا فديه لان الولد طلع اصلا ماميت ضاربه مؤتمن ضربة تسكيط وهو هم ماضل من استلموا اهله كم يوم وداخل عليه واحد كاتله وضاع دمة محد يعرف منو الكتله لان عنده مصايب هواي

الايام تمر  يوم احلى من الثاني البيت من بعد ماجان كله عركات ومصايب اتحول جنه لامتنه عمتي بمحنتها وماما مستلمه  الجهال  والبيت هيه وصافو غيروا ديكوره  كله وبيبي تطحن بس اتباوع

ماما اترتب بالغرف واني اباوع رجعت بذاكرتي لاول يوم دخلت بي لهذا البيت منا دخل مؤتمن ساحبني واني اتصفن خايفة

انداريت هاي اول غرفة النه واول مره ينبض كلبي بي اله

صارت كدامي غرفة دعاء وكفتها حسيت كلبي وجعني ورديت ضحكت تذكرت من نمت بغرفتها وطفرت ومؤتمن يدخن كسرنا جربايتها

شلت راسي غرفه تهاني واول ليله زواجها من اخذته بحيله وخليتها تبجي شفادتج السحور وانتي مشلوله هسه لاحوله ولاقوه

كمت افتريت بلبيت هنا عمه ورجاء ارتبكن عليه وخلنه يكتلني

انداريت لغرفه بيبي هنا اول مره اتعرف على صافو وغمزلي وهو يتوعد لصبوحه

عمه ام اكرم وهيه ضامتني حتى لايكتلني لان كلبت استكان الجاي عليه 

غمضت وحسيت واحد حضني من وراي وباسني بركبتي كال وين صافنه

-دااسترجع ذكريات القديمة

-لا دخيلج ذكريات القديمة كلها موخوش انسيها تعالي نعمل ذكريات جديده

-واشلونها ذكرياتك الجديده اتخبل تره البارحة ضربتني كف

-موش بس اطكج حتى اشلع لسانج بت فريال لاتعلين صوتج كالها وعصر وجهي كاز على اسنونه عرفت نيته مو تمام

اني ادفع وهو يسحب صاحت هيفاء  شمالك يخوي تر عندك غرفة شنهو كل شوية وحاصرها بزاويه

خجل عافني وحك كصته كوه كمشت ضحكتي كل شويه كامشي ولايبطل

همزين نقذه مصطفى دخل  وهو يصيح كناااافة يابه وينج شوفي ذني الثريات

راح بسرعة للمطبخ يشرب مي وماما اجت گالت

- اي همزين وصلن يلا بقت بس غرفة صبحه

-اخاف تموت المره تركيها معتازيها للصدمه الجديده

-ولك ماعاجبتني غرفتها البيت كوله صار حديث بس غرتها نشاز

-هيه صبحه كلها نشاز دتركيها وتعالي شعملتي ويه اخال الثور

-بعد معاند ميرضه يجي هنا يكول فشله اشلون اعيش عد ابن اختي  حتى لو كان اشهر بس مااكدر اني هم كلتله خليك اني ما اترك بيتي

-يجي وداعتج يجي وهاي الضربة الاخيره لصبوحه

مؤتمن يباوعلهم  بس مايسمع شنو يتفقون  لان بعيد  رحت يمه كال جانت عايز والتمت امج ومصطفى  وجهان  لعملة واحد

-اتركهم وجيب الجهال من الروضه طلعوا

-لاراح مكرم يجيبهم منهو هاي التصرخ كالها وكام راح لغرفة سماح بسرعة

ركضنا على صرختها دخلنه لكيناها تطلك ومخبوصه اني من يمي جمدت تذكرت ولادتي طلعت ماباوعتلها رجعت للمطبخ تكول گالولي راح تعدين

اخذوها للمستشفى امها ومؤتمن  للعصر دخلوا عمتي بيدها ذياب ومؤتمن ساندها باوعتلي وشهكت ضحكت ركضت حضنتها غصبا عني نزلت دموعي  مامصدگه واخيرا صارت ام

دخلناها سندتها نامت خلينه الطفل يمها وكف مؤتمن يباوعله ويرد يباوعلها ويضحكون مامصدكين صار عدهم شي مشترك

سبحان الله بعد هالعمر الله فرحهم هالفرحة وعوضهم عن شهم

مر وقت ورجعت علاقة الشيخ بمؤتمن واحد ميكدر يستغني عن الثاني

طلع اربعين ذياب  واليوم  عدنه زياره للامام  يكملون نذرهم

بيبي بقت يمها عمتي وحنه طلعنه سيارتين وصلنه وتفاجأت بيت الشيخ امتانينه هناك باوعت لمؤتمن ضحك كال يابه اتحرمت والبت انخطبت خلص

-الله عليك المن انخطبت

-هسه يجي زلمتها وتشوفي لايجتلج الفضول

شفتها تباوعلنه جريت مؤتمن من قميصه  ضحك وخله ايده على متوني ضمني اله شايل تيم بأيد وايده حاضني

كيوت تركض كامشه ملاك كدامنه وصلنه عافني اتصافح ويه الشيخ سلم اندارلي الشيخ سلمت عليه كال اشلونها شيخة الديره

-تمام عمو بخير

-دوم يبويه ان شاء الله جايج بطلب كونج ماترديني

-كول عمو شنو

-اريدج تبريلي الذمة يبويه ادري الصار مايغتفر بس يبويه صارت بعد والعمر مابقى بي واخاف اروح لربي وراي دمعة يتيم

باوعت لمؤتمن دنگ كلتله لاعمو مبريه مثل ماكلت سالفة راحت

-من كلبج يبوي اريد اتحلليني

-محلل عمو من كلبي

اتحسر ودخلوا اجه مؤتمن ضحك دنك باس راسي كال وانه اشوكت ترضين عني

كمشت ايده كلتله باوع للامام وكول ماراح احب غيرج

- لاحبيت ولاراح يدخل هالكلب غيرج

-ماتصير بعد بأسمك غيري

-وماراح اتصير باسمي غيرج انتي وسماح بعد

-ماتباوع غيري

-عساني بالعمى اذا صارت وحده بعيني غيرج من شفتج لسه

اني احلف بي ومانسمع اله وصوت مكرم ورانه
كال احلف بعد اخوك احلف هاي تاليتك  بكد بجهالك  موكفتك تحلفك بيك

-هههه اشوكت وصلتوا

-من اول يمين بربك هسه .من اروح  احجيها بالديره اكو واحد يصدكني

-يلا يخوي كلمن العائلته لايتيهون يله بنيتي دخلي لاتيهين

مكرم.- يلا انقلعي لج  ويه امج  صدك  حاجيتيها على عمي

-اي حتى دتفرني مالي شغل  روح انت حاجيها

مؤتمن- هذا اشبي خالي صدك يحجي اشاف من فريال وهيج جاتل روحه وراها

-مثل ماشفت ابت فريال وجتلت روحك وراها روح يخوي

دخلنه للامام زرت طلعت لكيتهم كاعدين

مؤتمن تيم بحضنه وسماح ذياب بحضنها وبناتي يلعبن يم ابوهن لاوالله مو يلعبن كيتي تكتل بملاك ومؤتمن مبتلي يهدها

تغافله ترجع تكفخها وتصيح  صيري نادره مثلي

حبيبه اتباوع وميته ضحك اتكلها بعد خالتج ابد موش فريال انتي

كعدت يم مؤتمن  انتجيت على متنه كال هايروحي تعبتي

-هئ بس نعسانه لان طلعنه من وكت -مؤتمن

-هلا

-تذكر ذاك المكان من كلتلي رجعيلي 

- اشكد توسلت وسحلت نفسي ماجسرت كلبج اشكد كلبج حجر

-وهنا اول مره جبتني للزياره من كعدت وخطبوني منك

-خرب بلشتها هو انه كوه كاعد اقرالج اليتيمه بلكي تباوعيلي وتقنعين بيه  واجتني هاي صفح خلتني اطلع الموته من كبرهم

- شوف منو كدامنا

-حمم

-هههههه دتباوعلك عززا لويش دتبجي هاي صدك متستحي شنو بعدها عينها بيك والله اكوم امرعطها

-بوبه تركي البت راحت بحال سبيلها

رجعت راسي على متنه  اباوعلها شلون تباوعله ودموعها تنزل بحرگه وامها يمها تبجي وياها ابتسمت موشماته بس ذكرت الموقف من سوت الحيله وخلت مؤتمن ينجبر يعقد بيتها وهاي دموعي جانت نفسها

باوعتلي بغضب ورفعت اديه تدعي وابتها ضمت وجهه تبجي بقهر  وريم ضامه وجهه تضحك 

اجه مصطفى تمدد وصاح كيوووي تعالي

اجت تركض صعدت على بطنه

-غزل شوفي هذا الزلمه الي يم ابو سماهر

-وينه

-ذاك ثوله

-اي اشبي

-هذا خطيب دعاء

-عزززا هذا جبير بكد جدو

-حييل جااشعبالج ربج يكطف بحجار هم هواي وياها هذا بعد ماشوهتي  وجها منهو ياخذها غير ما ضل مجان صاحي بيها

-مؤتمن هاي لواني كدامك وهيج خطيبي كدامي جان شنو سويت

مؤتمن -حييل والله احلامج بعيده وانه هيج اخليج تشتمين هوا لحد مااشوفكم مخطوبين

مصطفى -بس والله لايكلها دشوفه اشلونه جنه جدي طبر

مؤتمن- بطل اترك  العالم وهاك هذا كالها وشمر مفتاح

-شنهو هذا ؟؟

-موش مركز بس احسن من مجانكم طابقين بنيته تكدر تعزل الولد عن البنات رتبته خوش ترتيب وجهزته الهم هم قريب على محافظتنا تكدر تنقلهم من باجر بس غيرت الاسم ماراهم 

-لا بروح اهلك كالها وكام حضن مؤتمن ضحك مؤتمن كله يابه اشبيك العالم اتباوع

رجع مسح دموعه نزلت دموعي عليه  ماامصدك دكدك على متنه مؤتمن كله لاهاي مارجيتها منك جا لو اكلك خصصت نسبه من ارباح الشركه شهرياً لك شتعمل

-ابوس عمتك

-خرب بيك وبعمتي دشوفها اشلون محتاره بالجادر ههههههه

-اترك عمتك وشوف خالك راح ينفجر لاياالنجر طاح بيها صار ساعة يتصفن كرامته ماتسمحله يتوسل وابقي يجدح نار

-والله لو اتخضر   نخله براسه خالي متاخذه فريال اذا ما تمشي جلمتها

-لاتخاف يخوي احسب دقايق يسحلها  ويصحونه شهدوا

-كونه بي حظ يعملها ويسحلها

باوعتله كلته اشبيكم انتم صدك تحجون شنو ماعدكم غيرنا اتسحلونه

-اذا الله منطيجن جمال وخبال وبلانه بيجن شنهو الحل بربج

-تركونا حلوه والله ما انريدكم شنو اجباري

-كومي لج روحي يم امج

-هههه هيه اجت

اجت كعدت يمنه كالت اختنكت هذا ضيك

مصطفى- انتي منهو الورطج واجيتي كعدتي يم مؤتمن

-لاعيني  حرجع لبغداد متت

مؤتمن- حمدي ربج على عيشت مؤتمن لاتوكعين بالانكس

-لاتخاف مو غزل اني اعرف اشلون ادبر اموري

-عود باجر كالها وضحك غمز لمصطفى اندار شاف عمو شهم اجه سلم وكعد  ماباوع لماما اصلا جان ضايج يحك بلحيته كال يلا كومونه نعقد

ماما- وشنو اليضمن تنفذ الطلبته

-كل الطلبتي عملته والاوراق يم مؤتمن كاملات

مصطفى- يلا ماطولنه بالامام كومو ا فضونه لاترد بجلمتها ماتتامن هاي

رحنه للعقد اباوع لشهم عيونه تلمع واكف يرجف جا اشكد يحبها الي هيج واكف وكفه

تفاجئنا  بالرقم الخاله حاضر وغايب ماما باوعتله وبتسمت

خلصوا عقد باس راسها ونزع كلاده من ركبته فلت حلقه كاللها صح قديمة بس اكثر من عشرين سنة وانه احلم يجي هذا اليوم واخليها بأصبعج

لبسها ورجع باسها

طلعنه كعدنه بره اباوع لمؤتمن يلكف بتيم ويضحك

سماح اتكمط بابنها

ماما وعمو شهم يسولفون ويضحكون

اخوتي كلمن اهله يمه الي يتشاقه والي ياكل 

مصطفى يلعب بكيوت لاوالله يعلمها على سوالف مكسره حديثه

صافنه ماامصدكه عائلتي كدامي عايشين بهيج هدوء وراحه

اجه مؤتمن كعد يمي ودنگ يدكم قميصه فالته دگمه منه همست ارحم نفسك بعد الملابس ماتكفيك

-بس شيلي عينج وانه اعرف منين اجيب قياسي

-ياقياس مؤتمن تره بس زندك صاير بكدي مرتين

-ياساتر غزل بويه  عندي جهال

-باوعتله وابتسمت اشر شكو

-ماامصدكه فرحانه واخيرا استقرينا

مصطفى- منهو الاستقرت صدك ثوله ولج رجلج البارحه هدوله وحده جا ماكلج امداج كالها وشال كيوت وراح

درت وجهي وفتحت عيوني على كبرهن  كال وروح ابوي يجذب

-مؤتمن

حضني باس راسي كال ولج دفعت عمري حتى اعيش هالحظه

-ماراح تحب غيري

-مااحبج وحگ علي اعشكج يعلة كلبي

لهنا خلصت قصتنا  عشنا وياهم 

شاركناهم باحزانهم وافراحهم

وصار الوكت انودع

ضحكه غزل وشقاوة مصطفى

غيرت وحب  مؤتمن وحنيه ام مكرم

ادراما كايتي

وصبر سماح

ونتمنالهم حياة سعيده

لاتنسون التصويت ⭐⭐⭐⭐⭐