رواية خبايا الروح الفصل العشرون 20 - بقلم نازك الحمراني

❤مسائكم رحمه❤
.....نازك الحمراني....

سكت وشغل سيارتة ورجع لهدوئه
ولا كأنما هتوه چان شعلة من الغيرة والعصبية....

وصلنا للمطعم....وشفت من بعيد سيارة عمر ركنها صفح ويباوعلي
دخلنا للمطعم البراني مالته ممر...
شفت سيارة عمر...وهو دينزل...
ياسر وهو لازم ايدي .....سحبتها
وكفت وهو ديمشي وايده بجيبه....

بعد خطوتين عني صار.....
اندار عليه....
وهو يرجعلي ...نزع مناظره...
وبقيت أمتمت....معرفت شطلع كلمه...الى أن كال

-أي طلعيها للدره...شجاي أدكولين حبي..
وترى هذا ممشى...واكفين بنصه زحمه..ديله عيني

عمر من بعيد لمحته واني مدنگه...
ماارید یاسر یدري عمر جاي لهنا....
لازم نطلع......جاوبته

-أريد أرجع للبيت الهبطه مال أصطدام...
لساها بالي....
ماأكدر أكل ولا لكمه....
واني منزله عيوني....ايده اتقربت من ايدي
وهو يلمسها....
شبگ اصابعا بآصابعي...وهو يحتظن أيدي..
وأبتسامته الجانبيه الواثقه...وكلماته الحسيسه..

-لا حبي شنو الأصطدام ...الي يخرب طلعتنا
بنتي مكافيچ دلع....
مادام آنتي ويايه..أذن أنتي بأمان
لچ روحي فدوه الروحچ.....وهو حاظن ايدي...سحبني
بهدوء اكمل مشي....
دخلنا للمطعم....
چان هادیء
صدك مو راقي مثل ذاك....بس هل مطعم هدوئه...هادىء
ومن دخلنا صاله كبيره....بيها عائلتين...فقط
وبيها سطر مال طاولات مفترقات.....وسطر مقابيلهن

اخذنا النادل....الغرفه جانبيه...بيها طاولتين..
سحب ياسر الكرسي...وكعدت عليه
ورجعه بهدوء...كعد مقابيلي
الحجز مالنا چان داخل غرفه نازکه تابعه للمطعم وبیها شاشة بلازمه عل حايط....مشتغل
وطالعه أغنيه
أغنيه....قولي احبك كي تزيد وسامتي
صفنت عليها الحظه....
وتذكرت عمر من مشغلها بسيارته....واني كاعده يمه
وهو يدندن وي الكلمات.....بصوته الحلوه
وتقرب باس خدي....وانتعشت بخجل..
صفنت وقطع صفنتي....هل صوت الخشن بس هل مره
قطعه بنبرة يأس واحباط...

-افف ياهنيال الماخذ بالچ....عیوني له
وصافن عليه...وبعيونه سؤال وحسره....جاوبته

-حتى الصفنات تحسبها عليه...وتريد الها تفسير
دا احس انت تقيدني....وتريد تقرا افكاري المرهقه

مااعرف شلون جاوبته...وليش تكلمت هيچ
رجی ظهره عل كرسي...وايد عطاوله...
وايده الاخ....يلعب بشاربه.. وصافن عليه
زفره حسره حاره...وهو ينتچي بثنين ايده عطاوله

-ازل حبي مااقصدي أتطفل على أفكارچ..
بس دا احس صفناتچ هواي....
حلو لو تسولفيلي همچ..ومشاگلچ
یعني ورانا حياة زوجيه...واحد يساعد الثاني

أجى النادل وبيده المنيو...فقطع کلامنا
طلبنا مقبلات..اولآ

وبين ما چان ياسر ديطلب المقبلات ونادل یکتب
....جفلت بخوف
شفت عمر دي يدخل.... و معاه زوجته...یمنا

افنان بنتهم ماكو..مو وياهم اكيد يم امه بقت
سويت روحي العب بلفون....وذا عند امه شعلي
لازم اشيله من فكري....وعقلي...

منزله عيوني...و ياسر ديرسل رساله بفونه
بس رفعتها....شفته عمر كاعد مقابيلي... يباوع
وزوجته بظهر كرسي ياسر...
بگلبي اگول هذا تخبل يتبعني....رجعت اباوع
وشوف عمر. يغمز بعينة.....وهو يعض شفته
نزلت راسي...واكول هذا ليش هيج يصرف
وين رزانته....هدوئه.... لك تغيرت عمر
عندك زوجة،وبنت...
وبعدك تفتر عليه..
معقولة دتتعقب حركاتي..

و جودك هنا مو صدفة جيتك للمطعم.... لا ممعقولة،استغفر الله ......
استغفرت بهمس...اجى نادل جاب الطلبات
وبدينا ناكل....واني وي كل لكمه...صفنه....
الى ان شفت بيد ياسر شوكه وبيها قطعة فاكهه....يوكلني
وهو يكلي..

- حبي وين صفنتي ؟
خجلت...من صفناتي من صدك....

- لا هيج ماكو شي اممم اروح اغسل واجي
كمت وياسر يمد ايده وهو يلزم ايدي
ويقربها من شفايفة وباسهة
حسيت برجفت ايدي بين صابيعة وشفافة
رفعت راسي
وشفت عمر بعيونه نظرة ....
خلتني أسحب ايدي....من بين ايده
ا

ابتعدت وبخطوات هادئه....
واشوف ياسر ينظرلي....وعيونه تتبعني

وبهل نظرات ؤاسر شاف عمر....

الكاعد بطاولة بجانب طاولتنا....بمسافة اربع امتار
الطاولات بشكل جانبي
تتلاقا ببعد اربع مترات

أشوف ياسر نظرة ثقة وغرور العمر...
وما بين انو ضاج منه او اهتم،ابد
مبين شي ياسر بس مجرد علا صوته الخشن..

- حبي انتظرج على احر من الجمر.

اني امشي انداريت الصوته...ونظرتله...بخجل...
واشوف ياسر عجبةخجلي...
وكلامه ...الي اثر بيه....
صار وجي احمرا...وياسر الي بطرف عينه يغز عمر

الي بين الغيظ بوجهة،
كام ياسر وهو يقترب مني ويكض ايدي من جديد
و كرصها بلطف و وكال
- انتظرج حبيبة

حسيت بأحراج وخنكه
شنو هل الموقف..و شنو هل صدف
الي تخلي خطيبي السابق والحالي يلتقون
واني بأتعس وأحرج موقف.

ابتسمت الياسر وبحركة بعيوني سريعه شفت لارا تحضن ايد عمر

جريت نفس حسيته حار
و لمست ايد ياسر الي بطرف اصبعي..
يمكن ردت اكول رساله خفية يفهمها عمر..
-شوف اني هم اكو من يحبني
شوف انت تخليت عني
و هسة تريدني حبيبة
وتريد زوجتك بنفس الوقت
حسسته انت خسرتني
واني حشوف حياتي .

اخذت جنطتي ورحت للحمامات...
صوت خطوات بوراي...و ياسر صار يمي
قبل لا اوصل الطريق الحمام....كال

- حبيبة حدخن جكارتي برا بالحديقة مال المطعم
الى ان تجين...ارد آشوف هل يوم كيف يعدي

شفت حيرته...وهو بيده القداحه الذهبيه..
ويطلع باكيت الجكاير....جاوبته برود

- اوكي بالتريدة "ياسر"..
واني خطواتي للحمامات وياسر بجكارته
الي بين صابيعي سوالي اشارة سلام ...

قبل لا ادخل خلعت ثوب التماسك والقوه
ما اريد انهار
خصوصا لارا موجودة
ما آريدها تصورني تعيسة وبعدني احب زوجها.

بعدني بالممر دا اريد ادخل للحمام سمعته سمعت همسته بصوت ناصي.اسمي بلسانه من ينطقة
اسمي الي عشقته منه...

- ازل ايقونتي اوكفي

ظليت واكفه منطيتة ظهري بس درت راسي بنكسار واني اباوعلة من بين اكتافي

- عمر

من كولت اسمه لأول مره احس نفسي مذنبه
ولأول مره احس روحي حقيره..
حسيت بكل حرف انطقة جان بيه خطأ
اني مزوجه..
أني بذمة رجل ثاني
وعيب علي اخذ وانطي وي واحد ثاني

جاوبته.. يفك ياخه مني
عمـ .. رر عمر روح
ما يصير اني مزوجة.. حرام
وانت عندك زوجة وبنت
روح لا تظل تتعقبني انساني...مثل مانسيتك
كلتها بلسان وبصدق....بس قلبي يكلي كذب

دااريد أمشي...ابصوت مكسور...وبتوسل

-لج شنسى انسى حبنا..الي طوله اربع سنين
لو مواقفنا...المضحكه"والمحرجه..
لو غزلنا بلخطوبه..

لچ كوليلي شنسى...لچ والله مااکدر
تعبت واني أراقبچ....متت واني اشوفچ
لچ تدرین ترخصت لارا هسه
وکالت تخابر ماما تطمئن على بنتي افنان..
لکیتها فرصه وآ جيتچ...
روحي بيچ.....آزل..
ا فسخي زواجچ... واني اعوضچ..
وراس بنتي أفنان ....وغلاوتها عندي..
بس تفسخين....اترك كلشي لاجلچ....حتی آهلي.

- لج شنسى واني كل ليلة احلم،بطعم شفايفج
نسيتي ذاك اليوم ازل
نسيتي قبلات العاشقين بينا
لچ... .
متحملت رغم تعمدت ابين اني ممعصب ولا مهتم
لچ...
واني مطيه ظهري...ولساتني مدايره..
لان مااريده يشوفني..ابچي على كل كلمه...وحرف
ينطقه.....
وبنفس الحظه....ضايجه من نفسي..لأن اسمعه..

هل صوت الخشن...الي يجي بلا وقت
بلا موعد...اجاني وبعصبيه...من غير سابق أنذار...كال

- ازل اذا خلصتوا معاتبكم يلة ترى جعت...

حسيت گلبي بين اقدامي..من الرعب.
وهمات من الاحراج...ياسر سمع.....
انداريت.واشوفه
بورى عمر...وهو كاز أسنانه...وصام ايده حيل
عيونه حمر...جمر..

جاي اتقدم له...واتعدى عمر...الي من وصلت يمه
وجاي اتعداه...كالي عمر وهو يتمادة اكثر

- لچ شفتي ابد ميغار عليچ ، ما اصدك تعيشين وي واحد بارد.....
احترك گلبي من كلام عمر...ردت أغلط

ماأحس اله وانسحبت ايدي
حسيت اصابيع ياسر دخلن بلحم
واول مره احس بقسوة اصابيعه تخترق زندي .

صحت من الوجع
- ياسر ايدي....ارجوك وهو يغز عمر..

-يلة حبي اكيد انتي هم جعتي حطلب وجبة غدة دسم شنو رأيج....
واحنا اول خطوتين نمشيهن

وانظر الياسر وبكلبيى اكول
- هذا شلون يسيطر هيج
ما يطك راسي.... براس عمر...
والله عجيب بروده...واحنا نمشي
تفاجأت بكلام عمر جان جدا مستفز ...وهو يكمل

-سيادة الضابط...
اني اول انسان باس ازل
لو تدري شلون،جانت مايعة بين ادية
ما اعتقد انت حتذوب ازل بين ايديك مثلي
لو تدري شكد جان ذاك،اليوم حلو
وشكد تفاعلت وياي وتجاوبت هههة
تصور حتحبك انت
ازل اني ملكت شفايفها
و جنت العب بشعرها و جنت احضنها هههههه و جنت.... ،

جنت احاول ابعد صابيعة عن زندي واحنا نمشي حسيت حيكسر ايدي
وهذا عمر زودها كعد يوصف شي خاص بينا
من جنا مخطوبين...كرهته
بس ملحك عمر يكمل..واشوف ياسر ابتعد عني

التفتت..وما اشوف الا عمر بالكاع مشلول الحركة بثواني
صار الموقف
و ياسر كض شفايف عمر....
جنة يريد يشلعهن اله .....وهو يسبه..

- يا عار اعلمك منو ياسررررر لك شكد نذل وماعندك غيره

لك ياسر رح يخليك...تنسى اسمها...

عيوني تراقب ياسر...الي بحركه من رجلي ضرب
رجل عمر....وشل حركتة لثوان
بدون مقدمات......كز اسنانه وعمر يصيح

-چانت خطیبتی.....ضربه بوكس وصاح

-ياااااااااااااديوث ضابط عليك..وعل خلفك
لك امك هم فرحت بيك

لك اني عسكري..
هسه ياعار رح تبقى مشلول...عشر دقائق..
عشر دقأئق بضربه وحده...
لك لاتندك بيه...

خفت على عمر الي يريد يكوم...ميكدر
انحنة ياسر له و لزم شفافة من جديد..
وظل يفرك بيهن
جانت ايد عمر تحاول تبعد ايد ياسر عنة،..
اشوف عمر يريد يقاوم...يضرب..
وياسر مجرد واكف فوك راسه....وايده بجيبه
وضاغط على اقدام عمر...
ياسر كله..

-دلوع ماماة اكدر اشل حركتك هسه
لك انت مو بس دلوع مامته
طلعت واحد خيخة

صوت عمر...وصياحه . وتوسالته
ألي على صياحة انداريت واشوف يمكن التم نص الناس بالمطعم علينا

وعمر يكله...بعصبيه

- لك عوفني غبي... جاي تتمظهر مراجل عليه
لك انت الديوث...

وعمر حاول يخلص نفسة من ياسر بس مكدر
من شفت الدم يصب من شفايف عمر
صرخت وضربت ياسر بايده

- عوفة حتموتة..حرام شنو دتعرض عضلاتك

دفعني ياسر ..واني اصيح..ولكم عمر
كله ياسر....وبعصبيه...وهو يضرب بيه

- دربالك بزر نستلة تتقرب لشي اليه...ويخصني
دربالك مجرد تلمح طيف ازل...
لك ديوث....استحملت صفاقتك.. وتالي تجاوز

احس عمر اتأذه... من ضغط ياسر على اقدامه
وهو يضرب بيه بوكس...واحد ورى الاخ
صحت على ياسر..وبعصبيه..

- لك مكروه لك شنو انت همجي دتعرض عضلاتك
اتركه حرام دينزف...صوت عمر وهو يتكلم
وحلكه يجري دم...

- لك بعد رجلك عن رجلي حتنكسني..
اعتبرني ما شايف ازل ولا... اعرفها ..
وخر مني ....نكستني..

اتفاجات من كلام عمر..خليت ايدي على شفافي
واني افتح عيوني...
بدهشه
هاي ثاني مرة يتخلة عني...ويبيعني
بالاول يجوز حجته مقبولة...
وانطيه العذر بس هسة شنو
هذا باقل موقف يبيعني.....

چنت أجر بياسر....نزلت ايدي عنه
الي ابتسملي بغرور..
وابتسامة جانبيه....
و چنها يكللي... ها شكتلج هذا حبيب الكلب
باعج بكل سهولة
مجرد حركة برجلي شليت عضلة رجلة باعچ....
آي...هيچ...ابتسامته الجانبیه..کالت

صوت لارا وهي...تبچي
التفتت على صوتها
وشوفها لارا تبجي و هي تتوسل ياسر

- فدوة خوية صاحب بنية
لا تكسر رجلة فدوة حاخذة ونطلع بس عوفه
ادري غلط...سامحه....مثل مااني سامحته..

انتچیت عل حایط...
واني اشوف ياسر...الي كل الارا

-الخاطر بنته فقط...اله هو میستاهل
بعد ياسر رجلة عن عمر ..
وباوع علیه...واني مصدومة...

اجاني ياسر وهو يشبخ عمر....و كضني من ايدي
وسحبني لخارج المطعم...
چان شرایین وجه بارزه......
وهو یتمتم کلمات سمعتهن

آشلون باسچ...
وشلون تجاوبتي معاه..
وشعرچ... چان يتلاعب بيه
ا شلون ذبتي بين ايديه....اخ گلبي...

خفت وهو حافظ كلام عمر...طريق السياره
صار موتي...وهو يجر بيه...

اندار عليه...وبنضرة خلتني ارجف حيل
بلعت ريكي....واني اكله

- خل نرجع للمطعم.... وين ماخذني وانت معصب
جاي نوصل للسياره...كال

- شبعت منج و من خطيبج زقنبوت

- زين فدوه وين ماخذني...تقتلني
صرت مثل سعفة ارجف حيل..فتح باب السياره
ودفعني داخلها....
واني اقرا...."جعلنا من بين ايديهم سدآ"
چنت مغمضه عيوني...وحسيت اهتزت السياره
معناها ركب...حركها
وحتى وهو يسوق ظليت خايفة
متوجسة كاضة بالباب... بس ميفتح

ساق هيچ عشر دقائق...
ولساتني مغمضه وكفت السياره
وهو يركنها بمكان،منعزل وهاديء
آخاف أفتح عيوني...وكول ياخذني للسجن
أو يحط طلقه براسي....
أو يحط بيدي حبل ويسحلني بشارع
هواي افكار اجتي براسي....
افكار...على خبال...على خوف..مااعرف..
الرعب ملاحقني..بكل مكان

واني بلحظتها فرحت كلت من يسوق يهدأ
بس الظاهر چانت السیاقه تزيد بآعصابة

حسیت بيه سحبني...وردت اشاهد

وما احس اله أشفافه على شفافي..وهو يمتصهن
اشفافه حطمت احلامي الوهميه
احلامي وحساسي بذيچ القبل الاولى من عمر
الي ظنيتها بوسه بحق

اختنكت...وحاولت إجر نفس
بس هو چان،يسحق شفايفي بعقوبة
و ايده سحبت الحجاب للنص..
وتتلمس بشعري..
والثانية تمشي ع ظهري بحركة
خلتي انسى اسمي..
محسيت الا وانا أتجاوب وياه....
كل جسمي...ينفض...يرجف...وي نغزت أشواربه
الي اضافه...للشفافه الي تسحق اشفافي
اشواربه...تنغز اطراف شفتي...
احس مو بوسه هاي....هاي مخدر...
حشيش
انتشلني...العالم..بين العالمين...
واخذني...الأرض...بين الأرضين....

وصرت بوسة ياسر....حمامه طايره فوك الغيم...
مثل حمامه تايه
اختنكت.....كلش وشفافه مطبقهن عليه..
اختنكة مثل الي جوه البحر.....يريد اوكسجين
ماتركني...اله وحسيت بطعم الدم...من شفتي

بقيت أمدنكة وأرجف...مو من برد...لا
ارجف من شعور ثاني....مااعرف شنو

كل كياني مقلوب وسؤال بداخلي

ليش اتجاوب وي ياسر
واني ومااحبه....
بس اكيد غالطت نفسي بالجواب

لأنو الكل شخص غريزته
وهذا خبرة مثل ماكالت ماما
وضابط ومزوج سابقا
اكيد يحطم دفاعاتي..

بس لا اليوم شفت الوجه الاخر...للهل حايط
وهو الغيور ياسر....

انتبهت عليه...كامش الستيرن...وهو صافن عليه
وابتسامته الجانبيه...وهو يمسح بطرف اصبعه
بقايا حمره....ورديه مني......

دنك راسه عل استيرن وهو يكول..

لچ ليش بس طلعت من المطعم
واني اشرب جكارتي
خمس دقايق بس
کلت كافيه اهديء النار الي داخلي واطفيها

- اخ يا ازل لج شنو. كلبي یحمل هذا ينظرلج
و يتمعن بمفاتنج كدامي؛

کلت لككك ياسر شنو من صبر عندك
شلون ظليت متماسك
وزوجتك وخطيبها السابق يتبادلون،النظرات
ياسر لشوكت اتظل لابس قالب ثلج بس بالظاهر
بس داخلك نار وجمر .

لچ...حتی ‌مكملت جكارتي
طفيتها ودخلت کلت اكيد ازل تنتظرني
وخلصت تغسل
لچ بس دخلت ملكيتچ
و بصورة الية باوعت لطاولة عمر
جانت لارا ماكو ولا عمر

ردت اكعد بس شفت لارا رجعت بحدها
بيدها نقالها الظاهر جانت تتصل
ووكفت يم طاولتها....
وهي مثلي تتلفت تدور عمر
فعرفت متعرف وين ولى
بس اني عرفت هذا المنحط
عينه على مرتي كمت ورحت باتجاه الحمامات .
خفت ازيد واني اشوفكم
واحد مقابل الثاني. .
وتحملت يوصف مريتي
وهو يكول شكد خدرت بين ايديه
حسيت بعد ما اكدر
يمكن جنت استخدم سيطرتي عالنفس كعسكري متدرب لكن بعد ما اكدر الا اطيح حظة هل عار

لچ الدمایه الی جرت منه...مطفي نار قلبي..

وهسه...مالچ حجه بعد...وماتعاندینی..
زواجنا خلال هل سبوع....

وهسه اتأكدت انتي اتحبيني...ومثل ماوعدتچ
حققت وعدي...
خلاص نزوج وبلقريب...خدودچ الطماطه..
خلني اعرف انتي تحبيني....

چنت صافنه...علی کلامه..وهو یتکلم بثقه

جاوبته....وشفافی تآذيني...

-انت غصبني اني متجاوبت...لا تنغر..
اقترب وهو يكور وجهي بيده...واني احس حرارتي
دتصعد...وهو يقرب جبهته...على جبهتي..

-لچ احبچ..حسي بيه....رن الفون مالته.
الساعه...عشره ليل.....اكيد بابا....
قبل لا يفتح الفون...كال..

-يلعن الحظ...چان خلیتچ...بعد اذوبين بايدي
ساق السياره....
وهو كامش ايدي.....ويسوق...
اثنينا ساكتين....الحد ماوصلنا البيتنا...
فتح الضوه مال السياره.....جاي انزل...كال

-اشفافچ...وارمات..حبي
خلي حمره..غطى اثاري..حرجني بكلامه
ونحرجت من نفسي..
ليش استسلمت له.....

طلعت حمره...وخليت للشفافي...وهو ينظرلي
وچان صافن....انداریت علیه

-ها وهسه امبین....فدوه...رفع راسه وهو یضحك

-لا حبي...نزلی...

نزلنا....ودکینا الباب...طلع بابا....

-هلا بابنی....هلا بنتی اتفضلو...
جاوب ياسر...

-لا عمي مشكور....بس حبيت اخبرك..

ازل ادكلي الزواج خلي السبوع الجاي..
واني كتلها اسئل والدچ...عیب انقرر عنه
شدکول عمي...جاوبه بابا وبظحكه...

-بكيفك ابني مادام مستعجلين براحتكم..

خجلت من هل مستفز...وهو يبتسم الي ويغمز
انتبه بابا علينا...ضحك..كال

-هاي هيه ابني...لاتاخر الموعد...مادام ازل رادت

دخل بابا واني بقيت ابناري...واخاف اعانده
ويرجع العركة عمر....طفت الكهرباء...

ومااحس اله اشفافه تحتظن اشفافي..
ونسيت خوفي من الظلام....

اتلمس ظهري...بايده...وباطراف اصابعه..

حظني وهو يكلي..

-لاتخافين حبي اني يمچ...
رجع رن الفون مالته.....وهو حاظني بعده..

اجتي الكهرباء....باوعلي بضوجه..

-حبي ازل حضري نفسچ..زواجنا اسبوع الاخ
وهسه رایح...عدنا واجب خارج بغداد
ادعيلي ارجع اكمل الماكملته بسياره؟؟
......

طبعا ادكول ازل مغني ياسر المفضل ديمس روسس دائما يهدي اليه اغانيه
وهاي منهن

.................
البارت هذا برعاية راهبة الكاتبات
خيتي العزيزه...ام الصوف تحيه