رواية خبايا الروح الفصل التاسع عشر 19 - بقلم نازك الحمراني

❤مسائكم محبه❤

...نازك الحمراني...

أتاجل العرس شهر.....بسبب حالتي
كعدت بغرفتي واحاظنه رجلي ولايت بيدي
اطفي واشعله....برغم الوقت نهار...وضوه الشمس
ديدخل من الشباك...على ارضية غرفتي
أجى بالي ياسر من شالني بأيده..
عيونه بيها خوف عليه...

هل شي خلاني أعرف أنو يحبني اليه
مو شفقه..يريدني
بس بالي ليش يحب هيج انسانه متحبه....
أنسانه مانطته كلمة حب...ولا موقف حب..
انسانه متعرف حبيب بقلبها غير عمر..

عمر...الحب النابض بقلبي..ولي دكاته كلها له..
اقارن بين عمر..وياسر..
عمر طوله حلو....وكلشي بي نازك وحلو. حتى طوله
كلامه...كله يلائمني..
وعمره.. مقارب العمري
ومثلي ....أو اول حب اني له..
شغله حلو....يراقب شركات والده من بعيد..
يعني مايعرف شنو....سلاح
مدلل اهله...مثل مااني..

ياسر الهيبه...وطوله المبالغ بيه..ملامحه البارزه
وشواربه الحاده..وحواجبه المقوسه
وعيونه السوده..القاسيه
كلامه ماأحبه.. برغم حنيته..بس صوته خشن مرعب
عنده تجربتين بحياته...
شغله عباره عن قتل...ودم..

حرت بهل معادله الكيمائيه....الي تفاعلها وصحتها
يعتمد على قلبي...وبل نتيجه مشاعري
قلبي العمر...
بس هسه هو مزوج...وماوكف معاي بمحنتي
ضجت منه...واحاول انهي من قلبي

عقلي يكلي ياسر...بس مااحبه كيف أستمر معاه
وهو خطيبي الي بمحنتي وكف معاي..
واكبر من عندي بتلطعش سنه..
بس رجل صاحب مواقف..

صوت الباب انفتح....دخلت ماما وهي تكعد يمي

-شلونج بنتي أزل...صارلج يوم كامل بلا أكل
شني سالفتج...قوي روحچ....
صیري اقوى من كل سحر...
وين عقلچ ال نشط
ارادتج القويه.....ارجعي النفسچ بنتي..
رفعت راسي...
واني اسمع كل كلمه منها..وكل الي تتكلمه
هو صحيح.....
عقلي الي مخلاني اغلط وي عمر..جاوبتها

-المر علیه مو قلیل...صعبه ارجع اني..
وأني ضعت وي اني..
تعرفين منو اني .
اني عمر...تقربت مني بعصبيه
وايدها على كتفي....وتهز بيه واني متوتره..شلون تكلمت هيچ‌‌..‌کالت بعصبیه وصیاح ناصي..

-أبوچ مریض أياچ اسمع اسم عمر على لسانچ..
وتری اذا نطقتي أسم رجل..غريب يم زوجج..
فتوقعي مارح يسكت....
لأن محد يرضاها على نفسه..
زوجته تذكر غيره
وخصوصآ ياسر رجال عسكري...
يعني بايع ومخلص.. يجنزچ الجنز
.ومیرحمچ..
اصحي على نفسچ..‌قبل لاهو یصحیچ..
بس اظاهر
أحنا دللناچ زیاده.....
حسچ عینچ والدچ یسمع كلامچ..جلطتین بیه...وهسه
رح يجي ياسر ياخذج للشيخ......
بلکن یغزر بیچ تعبه...یل ثوله..

ترکتني بصدمتي من كلامها...
ماما أول مره..تتكلم
وتتعصب مني...وعلمود منو.. ياسر..
كمت ابدا ملابسي...
حضرت نفسي واحس روحي
لعبت نفسي ايدي على حلكي داريد أتقيء..
وصلت الباب الهول...
بعد اقدامي تعبن..

كعدت بلكاع أتقيء..بلحاويه الزغيره....
اشوف قدام اطوال
بنطلون جينز...رفعت عيوني...ياسر
وهو يمد أيده الي.....
واني مستحيه من منظري..
وريحة التقيء مقرفه...مديت ايدي له..وكمت...كال

-معافات حبي...يله غسلي وجهج...
رحت وياه دنغسل
وكفت يم المغسله وهو بيده الصابونه..يوخفها بيده
ويغسل ايدي وحلكي مثل الطفل.....

طلع من جيبه عطر مربع ابيض..عطر جيب..
رش على صايتي...وايدي...
عيوني تلاحق حركاته
شنو ديسوي هيچ....شفقه اني حساسه
..ابتعدت منه
واني اصعد السياره.....تبعني وبتسامته الجانبيه
الي تستفزني..كلي..وهو يسوق

-أزل ترى كلما تعاندين حبي الچ...
آزید تحدي عنادچ
فلا تعتقدين انو رح انسحب....
وعدتچ آخلیچ تحبینی‌‌...وعد العسکري دين..
عيوني تلاحظ غروره.....

-وانت رح اطبق عسكريتك عليه...عجيب منك
وثانيآ بطل تتكلم وياي..وتبتسم صفح..دستفزني
وتختبر..جنوني الكاتمته....نفس الابتسامه..

-فدوه الهل جنون..الي اعشقه..
لچ حتی من تتعصبین
یصير وجهچ طماطه.
يلعن ابليسك ياسر عطماطه اليمك
بس شنو داحس تتعمديمن..اصيرين حمره يمي..
وحتى لو متتعمدين ترى اني دماغي يفكر شمال..
عمره مايصفي النيه....لو یروح المکه
كالهاوهو يرفع حاجبه....درت وجهی..واهمس

- مستفز بكلشي..
سكتت منه لان احس اتعب معاه
وصلنا..
صف السیاره‌...
نزل بسرعه یفتح الباب الي فتحته
قبله ونزلت...حسيت انتصرت عليه...كتله

-شعبالك فزت اني اسرع منك....ضحك بعلو صوته يرفع راسه من ضحك...

-يلعن شيطانچ...مو اکلچ طفله مصدكين..تنرفزت
واني اسد باب السياره حيل....

-كافي يلمستفززز يلمغرور...
ايده بجيبه وهو يقترب

-لاتنكرين اني فزت...ردتي تحركين گلبي بسدت الباب
بس اني حركة گلبچ اکثر...اني فزت...
حجى هل كلام وكف يدك الباب مال شيخ زركشي..
اقتربت منه...

-اذا اني طفله لويش دتخلي عقلك بعقلي
...همس

-مو انتي ادكولين عليه كبير بلعمر..
حبيت اتصرف مثلچ...
عصبني بزايد...جاي أحچي..انفتح الباب
واني مخنزره بعيون له....وياسر يبتسم..الشيخ كال

-استهدو برحمن...ياما بعد المحبه عداوه..تفضلو
خطواتنا الغرفة الشيخ وبعد السلام...كعد ياسر..يتكلم

-شيخنا..هل طفله..اقرانا عليها وحرز للعناده
الزركشي بيده الكتابه
وعيونه تتفحصني..كمش سبحه وهو يتمتم كلام
غمض الزركشي عيونه...وبدا يتكلم

-يابنت ليش تتكلمين بصوت مسموع بلحمام
أنتي ارض خصبه...للمس وتلبس
لأن تعرضتي السحر اسود...
وهل سحر تبقى اثاره
متروح اله بعدت قوانين...ومنها
ميجوز تتكلمين بصوت مسموع داخل الحمام
كل مكان اله ملك...وشياطين..وجن
اجى يصير بيچ عارض...مع الظلام......فتح عيونه

لو لا تدخل الشخص الصح...بلمكان الصح جان رحتي بيها؟

طلع الزركشي من جيب ثوبه كلاده
على شكل خيط بريسم اسود.بيها جلده...طلع شيشه..
كتب شغلات ودخلها بجلده ونطاني ياها...البسها

-هاي الكلاده ابد لاتنزعيها...وبعد صرتي تمام
كلشي انتهى.. الحمدالله...
بس الخوف من الظلام...يبقى عندج
الله وياكم...كومو شوفو حياتكم...الحياة حلوه
يباس الراس...وحرب الكلام بطلوها
العناد...يتعبكم..

وأنتي ازل ربي يحفظج كدامچ مستقبل حلو
بس انتکلي على خالق الكون....مو على شغلي
بعدچ صغيره بلعمر...لادمرين نفسچ بتفکیر عقیم..

من کال بعدچ صغیره...یاسر ظل يكح ويبتسم عود يكلي حتى الشيخ يكول طفله

تشكرنا منه واحنا خطواتنا خارج..واني ضايجه
باوعلي ياسر وهو يفتح باب السياره ويضحك..

-لويش ضايجه الزركشي كلچ بعدچ صغیره
آني شكو....رفع راسه للسما..واستمر بكلامه

-مكرود ياسر..الزركشي يكلها طفله...ياسر يتحاسب
ابتسمت على حركته وهو يصنع دور البريء
من صعد ديسوق....رجعت الضوجتي منه
مااحسيسه ظحكت...

............................ء
مرا سبوع...واني حالتي تمام..تفوقت بدراستي
عمر... ابتعدت عنه تمام بظاهري
برغم شال فكري...
يلاحقني بكل مكان.....واني اصده..
حتى جاي البيتنا...وبابا ضايج..
بيومها
اجتني غدير للجامعه...خلصت اجازتها..

جاي اطلع اشوفها تتكلم وي عمر....الي ينظرلي
وهو.درت وجهي منه
صعد سيارته واجتني غدير..
والفضول يقرا عندي الف...بشنو يحجون
..كالت

-هل عمر طلع ذوق تباركلي بولادتي..وكلي
على يوم يجي البيتنا..لان البارحه جاي
والدج رافض جيته وحده..
لمحتله مامجبور..

يزن يرفض جيتك
كالي شلون مااجي يزن تباركلي بنتي
واجى ويايه للمستشفى..
احنا مو بس اصدقاء..خوان....هذا كلامه

ماهتميت..ويجوز فرحت..وصلنا للبيت
خابرني ياسر....الو ياسر تفضل..

-زاد فضلچ...خلي نقدم الموعد..مال زواج
اشو انتي مخلصه متحانات...والمحاظرات اخذيهم
من اي ابنيه...

-هو اخذتهم....بس اريد ارتاح ياسر ارجوك
اريد اتهيء نفسيآ للزواج...

-براحتچ حبي ولا تهونين... بس باچر عازمچ علی مطعم..ها وغیر مطعم ..خاف دکولين..

-شكرا بسبعه باچر احضر نفسي...غلقته منه
وبدیت ارتب جنط النیشان...سدیتهم..
رحت اساعد ماما بلعشی...والدي صاحلي..رحت له
لكيته ديتابع الاخبار....
كعدت يمه..

-هلا أبو يزن...شلونك اشو ملتهي بسهير..
وكوه تتكلم معاي....ظحك وهو يبوس راسي..

-الله اشتاقیت الأزوله..درة ابو يزن..عدل كعدته
وهو يباوعلي فرحان..انتجى على يدة القنفه

-شوفي بنتي ابو ياسر...وعائلته من العوائل
الي تنحط بلگلب..
مااریدچ تفشلینی یمهم...
وخليني..مثل مارافع راسي بيچ وانتي عندي
ارفع راسي بيچ....وانتي بيت زوچچ

اریده بعد سنه من زواجکم..یکلولي...
خير ماربيت...من ابنيه
مو يكلولي....بنتك متعبه..
وكتلهم ترى ازل حساسه...ودمعته بطرف عينها

عيوني البابا الي چنه یعرف داخلي..زفرة حسره
واني ابتسم له..

-صار بابا...لا تهتم بنتك كدها...بست ايده
جاي اكوم هو كاظها...

-وزوجج رجال فاهم و حليم.يسامح مره مرتين
بس اذا انفجرة حوصلته
مو هو يزعل اني....ابتعدت من بابا
جبت علبة الحبوب نطيته حبوب القلب..وطلعت

نمت واني اجهز نفسي اطلع...لبست مانتو عادي
جاي اطلع للصاله سمعت صوت عمر...شركت
وكلبي يخفك تلعثمت"ارتبكت..
بس عمر مو وحده وياه صوت زوجتة
الي اكيد اجت تتفاخر ببنتهه
وبعمر الي ملكتة وخذته الها..
هيچ فسر عقلي...لأن لارا متجي حتى لو غدير
على صداقة،وي لارا
شفت بابا طلع

عرفت ضايج من،جيه عمر و زوجته
هو امس من اجة عمر على يزن
لمحله بابا انو مو اصول جيته لهنا ولوحدة
فعرفت عمر تعمد يجيب زوجته
حتى يدخل لبيتنا...بقيت اراقب الوجوه..
يزن جان محرج من هل موقف كلة..
تركتهم ورجعت لبست بنطلون جينز...وتونك

هذا التونك👇👇منو سئلتني

دخلت للصاله حاولت اكون قوية جدا
بعد ما تأنقت وعدلت نفسي كلش
عكس كل مرة
واني اتظاهر حتى اعجب ياسر هيج لبست
الي دا انتظره يجي...
رحت سلمت وكعدت و اني متحملة صفاقة لارا
الي تتعمد تحجي بعمر و مواقفة..
كا أب و اهتمامة.... ببيته كا زوج...

عمر يتلاطف وي يزن...واني مقابيلهم
دنكت مكدرت اواجه عيون عمر
الي حسيت بيها عتاب..
لاني رفضت ارجعلة....

أستعاديت قوتي
قوة ازل...واني العب بحلقتي الي تذكرني
اني ملك لرجل اخر...صفنت عليها...
كد ما جنت صافنه بغير عالم
منتبهت لابوية كام يفتح الباب
حتى مسمعت دك الجرس
ولا اهتميت بسوالف امي ومجاملاتها..الهم

الي انتشلني من صفنتي مثل كل مره
صوت ياسر الخشن...
بلحظتها مدري ليش كلبي رجف من هل موقف خطيبي السابق و الحالي يلتقون وجه لوجه
شكد صعبه عليه....ياسر كال
- سلام عليكم
ازل تاخرنا اذا جاهزة يلة

رفعت راسي وصار وجهي بعيون عمر..تلافيته
وحسيت بنظرات عمر جانت مو،بريئة اليه أنحرجت
ونداريت الياسر
الي جانت نظراته باردة وجامدة
بس حسيتة يشد على شفايفة بحدة.
طلعنا وهو كدامي
ركبنا بالسيارة هو ساكت
انتبهت عيون ياسر مرهقة چنة ما نايم زين
تجاهلتة وظليت افكر واقارن بينه وبين عمر
ثنينهم باردين وبهدوء...
بس ياسر مبين جوات عيونة،السود جمرات غضب بس يتكتم عليه..
عرفت جان يظهرلي الجانب الهاديء و البارد
بس بأسلوب مستفز
بس احس جواه شخص ثاني
ميتقبل فكرة انو مااحبه...لعد ليش متحملني
راقبت ايدة وهي تشد عالستيرن مال السيارة
من كد ماضاغط عليها...صايره بيضه
ووجهة جان كلش هاديء...حبيت اقتل الصمت
واحچي بهدوء

-ياسر شو اليوم مو على بعضك شكو.

باوعلي و ابتسم بطريقة عصبتني نفخت..
- افففف براحتك؟
كز على اسنانه...يتصنع الهدوء...

- ازل من يجي عمر يزور اخوج حاولي متفترين تراوينه طولج...

وسعت عيوني معقولة قالب الثلج الرجل المستفز يهتم...
حاجيته بنتر و من ورى خشمي
حاولت اتكلم،باسلوبه بس غصبن عليه
معرفت اقلده
اجة كلامي بيه حدة وعصبيه

- مفهمت قصدك ؟
اني جنت اجامل زوجتة لاجل يزن
لان مكدروا يجون قبل يباركون ليزن عالطفلة
لان بنتهم،تشم نفاس
بعد اكو ناس هيج معتقداتها شنو المشكلة ؟

ضغط الستيرن اكثر...وجه احمر...وتكلم بحيره

- حبي لا تهتمين، انسي السالفة

ظليت اباوع من الشباك
اشو شبيه ياسر اليوم مو على بعضة.

انداريت له اريد اقراء عيونه شيفكر..
حسيته كلش مهموم بداخلة
وكاتم اعصابة ..
لأن اذكرت هسه
اي تذكرت البارحه
اجتني غدير كالتلي جنت واكفه بلبباب

وياسر شاف عمر بالباب علمود يزن.
بس مدري شنو همس عمر له..بس سمعته
كال الياسر وبستهزاء

-حلوة الزيتونيات مو ههههه بالعافية عليك تعيش وي وحدة تحب غيرك..
ياسر مجاوبه بس ابتسم له وهو ينفخ بجكارتة بكل برود ....وراح
رجع عمر صاح على ياسر...كله

-مسوي روحك ماتهتم ؟
نسيت هي جانت خطيبتي نطلع وووو...
فا قاطعة ياسر بكلمة،وحدة
وهو بدخل سيارتة بكل ثقة
وكله
- تافه....انت
خليت ايدي على شفافي
واني اذكر كلام غدير...وهسه ياسر وتصرفاته
ويسوق بسرعه جنونيه...
حسيت جنه قرا افكاري.....
تاملته زين اشوف ياسر شارد ذهنه ويسوق
اني همات شردت بافكاري يم عمر وين يريد يوصل
وما ا احس الا سيارة حتصادم ويانا
فصرخت واني بعدني بتاثير افكاري
محسيت اني صرخت باسم عمر
من الخوف....جاي اكله ياسر لا تسوق حيل..
صحت برعب
- عمررررر لك حنندعم

مال السيارة بطريق جانبي و دخل بوحده
من الافرع و وركنها للسياره... بعيد عن الشارع
ايدي على كلبي وهو صافن عليه يلهث وعيونه حمر
جبينة يتعرق...مالومه ابد هل لحظه

لان خلال يومين يشوف عمر يجينا
و كلام عمر اله الي كالته غدير اليه......
خفت شرح يسويلي ياسر ..اندار عليه..وجهه مقابلي

كض زندي وضغط حيل
وبكل برود همس...

- ديررررباااااااااااالج بعد تحجين باسمة مرررررررررره لااااااااااااااخ فاهمة
اني ياسر حبي...
ياسر
ياسر
ياسر موووووووووووو عمر حفظيه زين
لا وحق الله ااااااتتتتحفظج ياه بنفسي،

اول مرة غلطتي باسمه كدامي فوتتها
كلت ميخالف ..

جنتي تعبانه
بس تكرريها لااااااااااا ممسموحلج،
و مدتلاحظين جياته الكم مو لائقة
بعد ما فسختوا و صرتي بذمتي ؟
ترك ايدي واني جنت الحظه احس حيقتلني

عيونه الشباك السياره وهو يكول

-استغفرالله ربي واعوذ من وسواس الشيطان
لزكت نفسي عل باب..
واني افرك ايدي واحس برهبة منه
واحس بيدي العصرها توجع ...جاوبته وابچي
اي بچیت بخوف...

-یاسر آفهم بوكتها من اجة‌ماادري
لان اجى يشوف يزن،
بس بابا الي طلعلة وتعذر منه وكلة
يزن طالع مموجود
كايلة يزن اجيت اباركلة عالطفلة
بس بابة مفهمة الاصول يجيب زوجته وياه
فأجت زوجته لارا و ام عمر وياه
يعني مو وحدة فأكيد اكعد معاهم
ومن اجيت انت ترخصت اني واجيت وياك
والله ياسر هذا الصار...وسولفتلي غدير

زفر حسره حاره...وباوعلي..قرب ايده مسح دموعي

- ازل حبي لااااااااأاا تبجين اني رجل
لچ من شفته البارحه
من العصر لليل بس افتر بسيارتي..طكيت الواجب
افتر دون هدف وبكلبي نار محد يدري بيها
وظليت اوعد نفسي واهلوس
واكو ازل اذا ما اخليج تموتين بيه وتحبيني
ما اسمة ياسر....وشاربي ازينه
لچ هیچ اهذي كمت...

كلامه بيچ خلاني ما أنام ابد
بس اتكلب بفراشي وفكر شنو عمر شيريد
لو ماا تركه وقاطع كلامه بيومها..
اي قطعت كلامه وكتله تافه...لان کارهه

بس نضرة هل عار اليه
بيها تحدي وثقة
معقولة هذا بزر النستلة
دلوع مامته يغثني بكلمتين
لا وبعينه نظرة تحدي معقولة ؟
لچ هل عار شنو راد يكول
كالي من چانتي خطيبته
ونطلع و...
شنوو ...الوو
ازل تمنيت لو ما مقاطعة
ازل من تغلطين باسمه كدامي
لو تدرين النار الي بكلبي لج بركان هايج..مو گلب
بس قدرت ضروفچ... و مردت اضغط عليج

وانتي وصيت والدچ...القائد مالتي..واحترمه

بس اخ ما اتحمل هل تجاهل منج
ما اتحمل اسم عمر بطرف لسانچ
.
تدرین ازل اول مره
أكعد الصبح مثل الضايع
وكل ما اصفن يجي ببالي كلام عمر
ونضرات التحدي يلمحلي انو انتي
متحبين بحياتچ اي رجل غيرة .

و من اجيتچ تفاجأت بي هو وزوجته
و حسیت چن يتعمد يغيظني

و صعب علي ترى تنطقين اسم رجل غير اسمي والاصعب انو جان خطيبج و حبيـــ... ،

مااكدر اتكلم...يلعن الحظ..
ويلعن گلبي الحبچ...
عدل کعدته...

وهو یحرک السویچ
سكت وشغل سيارتة ورجع لهدوئه
ولا كأنما هتوه چان شعلة من الغيرة والعصبية....

وصلنا للمطعم....وشفت من بعيد سيارة عمر ركنها صفح ويباوعلي
.........

.