رواية خبايا الروح الفصل الثاني 2 - بقلم نازك الحمراني

نازك الحمراني
البداية
واني بطرف السرير كاعدة رجلي للكاع..
ايدي مكتفتهم
أصوات أبأذني مثل الوشه.....مافرزنت شنو..
بس كاعده على السرير أريد أكوم مااكدر...
الفون يرن يمي بلشاشه ظهر اسم عمر حبيبي
ماما تصيح بأسمي.
الوشه بدماغي...ونغمة الفون...وصوت ماما ضوضاء
غمضت عيوني صرخت بصوت عالي كافي كافي سكتو لحد يتكلم
خليت ايدي على أذاني الأصوات اختفت
هدوء ماكوشي
الفون توقف عن الرن
بس حسيت شي جالس يمي
أخاف التفت يطلع شي مرعب
رجلي ثكيله منزلتها للكاع
يمي صينيه مال أكل عل ميز....
موجود صينية تفاحة كوب عصير
ماعون كباب بيت طماطه حلقات خيار
الله جوعانه
اريد امد أيدي أكل شفت ظل أسود فوك الاكل..
بعدت أيدي بخوف وجوع لأن الظل مخيف
دخلت ماما وعيونها ذابله.....

-كومي أزل حبيبه...خطيبج أجى
غسلي وجهج
وبدلي هذا التراك مالتج أزل عيب لا يجي يله
ترى الولد كل مايجي انتي مطلعين له.
وذا طلعتي تخرمشي وضربي.
فرحت الكلام ماما واني على كعدتي...صحت بهمس

-عمر اجى وينه وينه...ماما ترى مشتاقه له ليش اتأخر عليه وهو يحبني
اشوكت خرمشته اني محتاجه العمر...
أشوي وأجاني صوته من يم باب غرفتي.

-اجيت ياعيون عمر اني مشتاق لج.
رفعت عيوني للباب..دخل بأناقته المعهوده...
وهو لابس قميص أبيض...وبنطلون ماروني
عيونه السود بيهن لمعه حلوه رغم ذبولهن
طوله المتناسق مع جسم المرتب...اتقدم خطوات
واني اريد أكوم له...ماكدرت.
عيونه الي والماما...الي جاوبت عمر بصوت يأس

-أبني على كعدتها لساتها بلكن تكعد يمها توكلها..
ولو أنت تعبت ويانا بس كله الك أبني...
ماعرفت ماما شنو الي دتقصده...وهي تتكلم عني...
بس جواب عمر..صدمني...جاوب

-لا خاله أزل حبيبتي أصبر عليها
الى أن ترجع مثل قبل...مااتخلى عنها بأذن الله....
هاي حبيبتي أزول

فكري يودي ويجيب..
عيوني تنتقل من عمر..الماما
واني على كعدتي لازم أكوم شنو يتكلمون
هيج عني...
حركت رجلي كوه الي جانت متيبسه الحظه
الظل يمي دفعته من الصينيه
جريت كبابات أربعة بجفي..
خليتهم بحلكي دفعه وحده والوج بيهن
بقوه مدهوشين صحت عليهم

-شوفو دا أكل...أشبيكم عليه
شنو دا تحجينه ماما
اخذت العصير شربته بجرعه طويله وعيوني الهم
وكع عصير من حلكي على ملابسي...وتلفت
اقتربت العمر
-أكلت شوف..عمر أنداريت الماما....

-طلعي يوم....اريد ابقى يم عمر وحدي.
مسحت حلكي....بأيدي....جاوبت ماما

-شلون بنتي ميصير باوعتلها بتوسل

-فدوه ماما اشوي اريده يمي هو زوجي ترى
باوعتلي وهي تهز براسها طلعت وسدت الباب

تركتني وحدي يم عمرالي واكف يم الباب
تقدمت له..واني اعض شفتي.
وأيدي اجتي على السحاب تراكي مال الصدر...افتحه
وي كل خطوه مني أغمزله وافتح السحاب....كال

-أزل عيب والدتج لا تدخل.شدا اسوين
عيونج...وضحكتج تكفيني بلا هل سوالف
وصلت له وايدي حاوطت ركبته..
واني اريد أجذبه نزلت ايدي بهدوء على ركبته اشتم عطره الي احبه.نزلت ايدي
أفتحت اول دكمتين من قميصه..
وعيوني الركبه وشعر صدره المتناثر الي برز
واصبع سبابتي يرسم دوائر على  صدره
خليت نبرت دلع  بصوتي..

-شنوو ماعاجبتك قبل فتره كنت تتنمى لمسة ايدي
هسه جاي أحضنك ترفض رديت حاوطت ركبته
ايده على أيدي يريد يبعدني واني متمسكه بيه

-عمر حبي اريدك ليش تبعدني
ليش محلوه اني...

جنت رافعه راسي حتى أتصير عيوني مقابل عيونه
قرب وجهه مني متردد
شفت وجه مرعب بوجه
افتحت عيوني على وسعهم من الخوف....
بعدت  ايدي عنه
دفعته واني أضرب بصدره وهو واكف ومئيس
عيونه بيهن دموع يباوعلي بحزن ماتحرك ابد
جني أضرب بحايط برغم ضرباتي قويه..
ما بعدني ولا حاول يبعدني
أبتعدت منه  شردت بزوية الغرفه...
وهو رجع أنتجى عل حايط....ورافع راسه.
وايده على راسه ويشد بشعره من ورى..ويزفر

بقى دقيقه...هيج واكف...
عيونه الي اتقدم وهو يقترب مني
كعد على رجله مقابيلي يجر حسره

-شبيج حبي أزل فهميني وين ضحكتج
وين عيونج الحلوه...مسح دموعه بأيده
قبل لتوكع الخده...
جر أيدي خلاها على وجه..

-أريد حبيبتي أزل وينها دموعه توكع على ايدي
دخلت والدتي مرحبا وهو كام طلع منديل من جيبه
مسح أدموعه وسد دكم القميص الفوكانيات..بتوتر
كال الماما

-أسف خاله نسيت نفسي المفروض ماانهار يمها ماما وهو يسولفون عني
واكول اشبيهم.
أجى يطلع واني محتاجته وصل للباب...صحتله

-عمر حبيبي اريدك لا تروح الله يخليك..
أندار عليه مدنك راسه

-كل مره أدكوليها واجيج وطردني وضربين
وكل مره اجي يمج وتنهارين....ليش أزل
ارحميني ارحمي نفسج أجى يطلع..
الظل صار وراه
تعصبت من الظل لأن هو السبب
جريت تحفيه عاج چانت عل میز يم الصينيه
شمرتها عليه انطك الظل اجتي براسه فرحت اني اضحك
فرحانه....ضربته
وكع للكاع وايده على راسه ينزف
شفت الدم أقتربت منه واني اتلمس راسه بسرور كتله

_ضربتك وبعد راح اقتلك
دخل والدي جر أيدي وكعدني على السرير يعاتبني
-ليش بنتي عمر شمسوي عمر يحبج بنتي
ليش هيج تأذيه بنتي
اريد افهم بابا اني ضربت الظل لان يريد ياذي عمر حبيبي

بس طلع بابا يسند عمر اخذه وسد الباب
واني رافعه أيدي الي كلها دم من راس
الظل لا من راس عمر
فرحانه...ضربت الظل....تخلصت منه

رجعت للسرير نمت فرحانه ضربت الظل...
مااعرف اشكد نمت لان فرحانه
بس اني نمت الظهر...
كعدت شفت الساعة عل حايط بتسعه ليل
ولي كعدني صوت صياح قوي هذا صوت أم عمر...
أسمعه تحجي بصوت عالي....فتحت باب الغرفه
كلامها...يتردد بأذني...

-أبني هواي صبر على بنتكم كافي أبو يزن
بنتكم أزل مجنونه
واني هل وحيد طلعت بيه من الدنيا على تلث بنات
أبني مامسبلته
ولا متبريه منه....ابني صيدلاني
والكل تحلف بأخلاقه وجماله
وبنتكم الله يعوضكم
يعني ضربته اربع اخياطات براسه..
وعيونه جان راحت ونفكسن بس ربك ستر

الكلام يوصل الأذني طلعت اتمشى  حافيه
آتمشی بهدوء وبالي اشتقصد أم عمر
صوتها يعلى اني نقذت عمر حبيبي..من الظل
مديت راسي للصاله واشوف بيدها علاكه
وعلبه مال حلقة نطتها البابا بيده وتحجي

-أبويزن....الذهب حلال عليكم لأن احنا العايفين
وهاي الحلقه الذهب الي جبتوها العمر.
ونعم الله عليكم....
أبني كوه جبرته يترك ازل
اريد ارجع له بسرعه
لأن تركته حالته حاله ومنهار...
وبس يبجي على بنتكم...برغم خياطات راسه
يبجي عليها ويكلي مااعوفها
والله يعلم شلون..تعدي عليه هل سالفه
ساعدوني خل يتركون بعض.
أخذ بابا العلبه وخلاها عل ميز وطلع هو وماما
يزتون أم عمر للباب
واني أتمشيت للصاله....أخذت العلبه مال حلقه
ورجعت الغرفتي قفلتها عليه....
بيدي العلبه فتحتها هاي حلقة عمر
خليتها كبالي
حظنت رجلي وراسي ساندته عليها..
واني صافنه عل حلقه
عمر عافني عمر تركني
اني نقذته ليش هيج
اريد عمر عمرررر
رجعت جريت الحلقة واني أذكر من لبستها اله..

أذكر اول ماشفته
قبل ست سنين تحديدآ سنة الفين وثمانيه..
جنت راجعه من مدرستي والشارع فايض
أمريه كبيره بالعمر وياها طفله عمرها ست سنوات
هل مريه العجوز تريد واحد يعبرها....
لأن الطفله عبرت الرصيف وتركتها يم الفيضان
عبرت طابوكات جانن مصفطات فوك الماي
وصلت للمره من تقربت منها عرفت انو هيه كفيفه...كتلها بعاطفه فطريه

-حبوبه انطيني ايدج اعبرج اني مدت ايدها الي..
اشرت الصديقاتي وبنت عمي يرحن..
لأن اوصل المريه العجوز
وفعلا بقيت ماسكه ايدها والطفله أدليني عل بيتهم
عرفت من العجوز اسمها ام مازن.
وضايجه فطالعه هي وحفيدتها تتمشى...
بس وحفيدتها معبرتها على شارع فايض.
ودردم عليها والطفله ضايجه...
وصلت المنطقتهم جانت راقيه ولو معروف عن منطقة هاي هيج بيوتها
أقتربنا من  البيت طلع بعد ارقى الباب رئاسي كبير
دكيت الباب وجاي أروح أنفتح والمريه الهجوز تشكرتني

-ربي يستر على شبابج بنيتي..
نزلت من درجات الباب واجاني صوت..

-يابه نشكر منج بس ماعرفت اسمج...
انداريت له  وضايجه لان صوت شبابي
وعيوني اجتي للشاب توه خاطه شواربه
ولحيته الخفيفة. بدي ابيض لابس قمصله جلد بنطلون اسود
بيده كتب قريت منهن
كيمياء للصف الخامس العلمي
يعني ابكدي ومثل مرحلتي...
صاحتله المريه

-بيبي عوفها هاي خوش ابنيه احسن منك قابل أنت الي تركت جدتك تطلع وحدها.
مااعرف ليش بوقتها بقيت واكفه اباوع له
دنك يبوس راسها.......

-ام مازن مو كتلج حفيدج عنده امتحان
باجر اطلعج بس الحلوه عندت...
مدري عدها موعد ويه رجل سبعيني

ضحكت على كلامهم ورجعت امشي بسرعه..
واشوف الولد وراي يمشي...
وكفت معصبه اشوفه يمي وصل

-ليش تبعتني مو عيب...
دضيع سبيل المعروف بتصرفك هذا...
رفع كتبه وهو يأشر بيده...الي

-عزيزتي هذيج مدرستي
بس مااعرف طريق الها غير هذا الطريق
ابد ماقصدي اتبعج...

خجلت فشلانه منه
لان صدك اهنا مدرسه ولد اعدادي عكس دوامي
وبهل لحظه شفت بابا اجه عليه....

-ها بنتي ازل بنت عمج كالت بقيت اساعدين عجوز
فدلتني على طريق وين جنتي
اقترب الولد يسلم على بابا
وبابا يرد عل ولد.... ويكله

-شونك ابني عمر.....؟؟؟

.........
شونكم حبايب....ولو تاخرت عليكم....
يله شجعوني....بتعليقاتجن الحلوه.....
ترى القصه مو مرعبه ابد😁القصه قصة سحر
...البطله وياكم....اتابع
اذا شفت تفاعل حلو....انزل كل يوم  .....
غيرت الصوره...شدكولون