رواية خبايا الروح الفصل الثالث 3 - بقلم نازك الحمراني

💗💗نازك الحمراني💗

....

-شلونك عمي  سلم الولد على بابا...
-شونك ابني عمر....

-بخير عمي..يزن شلونه

-الحمد الله وهسه مستعجل عود تعال اليوم يمنا ننتظرك..

-أنشاء الله عمي واني أترخص رايح للدوام...

دنك وهو بيده كتبه وكأنما اني مموجوه
...حتى ماصد عليه
وبالي شايف روحه لأن زنكين...كطع صفنتي بابا

-وين شارد ذهنج بنتي...خل نرجع اشرت براسي متوتره  تمشينا للبيت اني و بابا
....وسئلته

-بابا منو هذا الولد شكله مألوف يجوز جاينا قبل ..

-جوارين بس  انتي شلوز وصلتي الحجيه أم مازن..شوداج يم بيتهم مو انتي متعرفيهم

-بابا مو المريه خطيه تكسر الخاطر  وترى
مو كلش بعيد بنهاية الركن...منين تعرفهم

-بنتي ذول ناس معروفين بلمنطقه
ومن معاميل والدتج..
لابد انتي شايفه أم عمر....الي اجتنا من اسبوع...
وانتي فتحتي الها الباب....ورادت جدرية دولمه من امج

-ها بابا....اي صح اذكرت....طلبت من ماما تجهز غداء
ودولمه وكبب....وسمج شوي....لأن خطار جاييها....
ومن جهزت ماما الطلبات...أجتي سياره راقيه...
واخذت الطلبيه......

-اي بنتي هي هاي...وهل شاب ابنها...
صارلهم فتره هنا....وابنهم صديق اخوج بنفس النادي
كلاوچيه شوداج عليهم....باوعت البابا بظحكه

-ابو يزن ترى مجرد وصلت الحجيه...ام مازن..
مادامنا دنتمشى....كمل شلون تعرفت بماما....

-لج بابا عيب ادكولين أبو يزن...بنتي انتي كبرت..
كولي بابا .....

-صار ابو يزن الحلو... مو لحتى مااكبرك حبيبي
المهم...كملي قصة حبك انت وماما.....

-ماتنسين شي....على امج....وين وصلنا بلقصه

-وصلنا من لبست الزيتوني وصعدت رتبة ضابط...
ونقلو وحدتك الكركوك ونسيت جارتك
....الي تحبها وشفت ماما....

-اي صح المهم نقلو دوامي الكركوك...
وصارت وحدتي هناك.....بعد ماترقيت
ونطوني نوط الشجاعه....
ابوكتها لبست الزيتوني...وهندسة نفسي.ومفتخر برتب
لأن شباب..ودنيا النا والضابط اله هيبه....بذاك وكتنا

فحبيت اشوف شوارع...كركوك...مارحت وي جماعتي
رحت للكراج مال فورتات..
وجاي أصعد الفورت(والفورت هو باص بس أزغر)

الي ذبني على طريق وحدتي...وجانت الفورت أزدحام....ومقبطه...
فصعدت أمريه كبيره....وياها بنيه حلوه
المريه بيبتج الله يرحمها..والبنيه امج...
بقآ واكفات....واني من باب الذوق...
كمت واشرت البيبيتج تكعد مكاني...وكفت مقابل امج
وأول ماشفتها...انعجبت بيها
بيضه وشعرها طويل ليل...سرح
ولابس تنوره سوده قصيره....وقميص..كلوشه
فجانت البنات بذاك الوقت أغلبهن سفور...
ذيج من ذيج محجبه....ويجوز نادرا تلكى محجبات.
تعوذت من الشيطان....
لأن جنت توني طالع من تجربه...
صاحت امها للسايق يوكف الفورت....
وهن نزلن...اخذت جنطتي...على جتفي وتبعتهن...
وبقيت أمشي وراهن.....امج حست عليه...
لساتها زغيره...هيج يطلع عمرها خمسطعش سنه...
حسيتها خافت مني...اسمعها ادكل البيبيتج....

-يمه هذا الضابط الأشكر يتبعنا.....
خففت من مشي وراهن...لحتى متخاف
وعقلي كال هل ابنيه الي مو الغيري....
فتبعتهن بهدوء الى ان وصلن البيتهم....
وامج من دخلت وشافتني... سدت الباب حيل بوجي
لأن متعصبه
برغم سافره....بس عجبتني اخلاقها....
رجعت داومت بوحدتي.....ومتاني الأجازه تخلص وخلي والدي يخطبها الي....
لأن حلوه وزغيره......وخفت تروح من ايدي...

فعلا بس خلصت الاجازه....ومن نزلت للبصره..
رحت بوجي الوالدي...وسولفت له....
ماقصر الله يرحمه....ورحنا اني وياه...
وعمج ابو قتيبه وجدي..
رحنا الكركوك ودليتهم عل بيت...والدتج
طلعو ناس مضيافين....وستقبلونا...
ومن حجينا بلخطبه....ابوها وافق....
بس جدها اشوي رافض...
لأن بذيج الفتره...الثمانينات..
وقبلها بفتره...
جانت اكو حرب بين الاكراد... والجيش العراقي..
ومن عرف جدها اني ضابط رفض...
وخصوصآ وحدتي بكركوك....
طلعنا ضايجين....بلا نتيجه...بس ما أيست
بقيت مصر على امج....
ومن اروح التحق للوحده...لازم امر واشوفها..
الحد مافاتت سنه كامله...
واخذت والدي ورحت مره لاخ اخطبها....
ولكينا جدها متوفي...
والدها عرفنا شارين بنته..فوافق
وصارت الخطوبه.....وزواج....وجبتها للبصره....
وامج نعمه الزوجه....صبرت عليه
لان اجازتي كل شهر....أنزل اسبوع...
بنص التسعينات...اطول يله أنزل...
عمج ابو قتيبه أزوج بنت عم...والدتج..
أمي الله يرحمها...خطبتها اله.....لان حبت امج...
من ازوج عمج...ورانا...بشهرين...
احنا تأخرنا بلخلفه...وخمس سنين ماعدنا..طفل
ورى خمس سنين...يله صار يزن بسنة ثمانيه وثمانين
أما عمج...فصار عنده قتيبه....ومجدي...
وحملت امج بيزن...وزوجة عمج حملت بغدير....
فغدير.....ويزن صارو نفس اليوم....
وهاي قصتي وي امج...
ورى السقوط....حالونا للتقاعد....
تغيرت أمورنا....التقاعد ميكفي..
امج بقت تشتغل...بلكبب لأن هي معدله
واني بدولارات لطوني ياهن....
جمعت وشتريت التكسي..
بس ميحصل هواي....
واحنا انريد منقصر عليكم
يعني نزلت من ضابط صاحب خدمه ورتب...
السايق تكسي..
وامج شما اتكلم عنها مااجازيها....

جان يعجبني كلام بابا عن ماما...دائما يمدحها..باوعتله

-ربي يديكم خيمه...النا تخبل بابا قصتكم
كلما سولفها الي...احس توني سامعتها

وصلنا للبیت... وحضرت دروسي...وتمددت اشوي..
رحت للمطبخ ساعدت ماما بلف الكبب...
لأن جايها طلبات هواي.........
جهزنا الطلبيه...وبقت الكليجه...ترخصت من ماما
لأن عندي دراسه....

بقيت اراجع بدروسي...خلصت دراسه..
حضرت ملابسي وملابس يزن أكويهم....
واجتي زوجة عمي..ام قتيبه سلمت علينا دكل ماما

-أم يزن خيه اريد صينية كبة حلب...عل عشاء
لأن سويت الحماج ماعاجبه بس الكبه مالتج...
اندارت عليه...وهي تحجي....

-ازل عفيه ماتجين تقرين غدير كلشي ماكو..
هاي السنه الثانيه الها بلخامس..يعني وياج صارت
أنتي ويزن....ربي يستر عليكم شايلين راس امكم
كدام ابوكم....
اما اني فقتيبه وغدير مخزيني بدراستهم...
شسويلهم حتى مدرسين خصوصي خليت....
وهما بالهم مو بدراسه....وانتي واخوج بدون مدرسين
وماشاء الله عليكم.....شطاره وذكاء....

ماما جاوبتها...وهي تشتغل

-لاضغطين عليهم ام قتيبه...على راحتهم..
ترى هي لا بدروس ولا بلفلوس...على واهسهم..

دخل عمي ابو قتيبه...وهو يصجم زوجته.

-هم طالعين عليج...ماخذين غبائج..ههههه
احسها اتفشلت...رجع كال..

-صارلج اشكد أكلج طبخي مثل طبخ زوجة اخوي..
لا تعرفين اسوين مثل كبتها ولا مثل طبخها...
وانتن بنات عم....يعني نفس العائله هههه
ماما جاوبت عمي...وهي دافع الزوجته

-لا خويه ام قتيبه هي الخير والبركه...
وطبخ أم قتيبه لا يعلى عليه....وبزرك ربي يحفظهم الك...اخلاق وادب....ونعمه التربيه

طلعت زوجتي عمي عصبيه...لأن عمي دائما يغزها...
طلعت وراها...بس مالحكت بيها لأن تبجي...
بابا ظل يدك هورن.....فتحت الباب له...
ودخل سيارته للبيت...
جهزنا العشاء اني وماما....وعمي بقى يمنا تعشا
واجوي غدير وقتيبه....ويانا
بقيت ألاحظ نظرات بين يزن...وغدير
وهل نظرات من زمان....بس اخوي اشوي متزمت
يعني ميعترف انو يحب غدير...بس اني اعرف يحبها گمت للمطبخ اسوي چاي

أندك باب بيتنا والكل ملتهي بسوالف
طلعت للطارمه صحت

- منو..

اجاني صوت من ورى الباب جن أعرفه....

-ممكن اعرف يزن موجود أني صديقه عمر وصار ساعه أدك بلباب

ابالي هذا عمر المغرور...اشجابه النا
رحت اليزن اخوي...ديتعشى وكتله

-يزن صديقك بلباب....طلع يزن من الصاله واني طكيتها ركضه باوعت من الشباك
رغم متعجبه بتصرفي...
وعيوني تراقب عمر....الي يمشي بركازه...ويبتسم اليزن
دخلو للدوانيه....وحضرت الجاي الهم..
وارتب بلصينيه مدري اشبيه ستخفيت
واني بلمطبخ اجى يزن

-بسرعه خيتي سوي عشى سريع...
لأن الولد ممتعشى... ذاك اليوم رحتلهم حارو شيقدمون....وشيخلون اليه.....

-صار خويه هسه اجهز....طلع يزن من يمي
جهزت مخلمه لحم
وبطاطا چاب وجاي...وزلاطه وخبز
وخليته بصينيه...واخذه يزن.....

صاحتلي ماما.... اخذ الخاولي الجديد من كنتورها...
اخلي عل مغسله....
رحت الغرفة ماما.....طلعت خاولي
تصميم طرمتنا أزغيره تقريبآ عشرين متر
بيها بابين بلوجه باب للمطبخ
وباب للدوانيه....
بزويه مالتها الي يم باب الدوانيه..
موجوده المغسله...
يعني مكان حصيره يادوب يكفي النفر....
بين ماجاي اعلك الخاولي....عل تعلاكه الستيل

مديت ايدي أعلك الخاولي....أنداريت بسرعه سمعت باب الدوانيه أنفتح بدورتي
صار بوجي عمر....الحظه بقيت صافنه...
خجل توتر..
مااعرف...
اتسمرت...رافعه راسي لوجه....وعيوني له...
أتعلثمت...
وماعرفت اجمع كلمات....
ارموشه طوال....
يجوز صفنت بيهن....ماشايفه مثلهن
طاخات يم الهالات شعرعه سرح يموت

اكو غباء...يجي بلحظات حرجه....
غباء يخليك تنطق...من دهشه...او من صدمه..كتله

-هاي رموش لو...هاي رموشك...أبتسم وهو مطبق شفافه...
ابتسامة غرور...خجلت وهو يتكلم..

-العفو شنو كلتي...ممكن تعيدين...

-ها...اني...اي...الخاولي....خليته..هنا...

رحت بسرعة عدائه صرت...
يجوز ركضت...
اي ركضت...للمطبخ شفت غدير واكفه وهي فرحانه....
جريت ايدها....وخليتها على وجي.....صاحت

-اشبيج شسويتي...بعدني مغطيه وجي بيدها..
جرتها من عندي...

-ولچ أحجي شنو صاير....

-شكلج والله ممتقصده...بس كتله رموشك....
هيج وحده حلكي نطق....اشلون عيب
...قهقهت بصوت

-ههههه لج اصير بارقى البنات...وأغباهن...
أني فرحانه....اخوج يزن ضحك بوجهي بعد معانات....فرحانه

اريد اشيل الخجل من بالي.....رحت للسنك بللت وجي

-كولي والله ضحك ....مبروك غدوره
..اليوم ضحكه
باجر يحبج...ههههههههه شردت منها...
وصار يزن بوجي.....وهو يحجيه بحديه
..بس يقصد غدير

-صوتج عالي...اني اشكلت قبل أشوي
..باوعت الغدير

-اي خويه گولها...توني اكلها صوتج عالي....جاوبته

-لا يزن بس أختك.......زفر يزن وعينه الها..
-اختي اعرف ضحكتها....بس انتي انتبهي تركنا وطلع

اجى عمي بو قتيبه...اخذ غدير....وطلعو....
واني افكر اشلون هيج تكلمت.....
بقيت ارتب المطبخ...وماما شالت التخت
ومسحت الكاونتر ...

يزن دخل بيده السبحه ماما سألته

-شلون تعرفت عل  عمر خوش يطلبون طلبات ....
جاوب ماما واني اركز على كل كلمه..
أنو متعرف بيه من فتره شهرين...
لأن هم جدد بهل منطقه....
والده تاجر....
وامه ناشطه مدنيه تعرف بيه ن يروح للنادي يدرب
الي قريب عل مدرسه...
وهناك صايرين أصدقاء....

برغم أخوي يزن مرحله اولى كليه..وعمر خامس عدادي
بس هل شي مااثر أنو يكونون اصدقاء....
لأن عمر...بسبب اتهجرو فتره من منطقتهم..
تارك الدراسه
مدت سنتين......فهو لو مكمل جان هسه اول كليه...
وهل شي متعجبت بيه...لأن ضخامته وطوله شكيت..
يزن انتبه عليه شلون مركزه معاهم...تقرب مني يهمس

-أزوله حبي روحي نامي...وراج كعده...
ونبهي على غدير...ماتلبس الصدريه السوده...
لاتنسين....اشوي ضيكه

-صار خويه...اكلها..تدلل شكم  يزن عندي
بس خو انت كلها....ميبسها وياها...

-شعليج بسوالف الكبار...كليلها وخلاص..

.............................
الصبح كعدنا نتريك....اجتني غدير من وكت...
وادري بيها جايه حتى تلحك بيزن الجامعه مالته بعيده....فيطلع من وقت..
من دخلت مثل كل مره اتونس عليها
أستشعر حبها....وي جمود أخوي
الي دائمأ من يشوفها....بس ينتقدها وتطلع ضايجه
دخل يزن شافها...واشرلي بعينه...اكلها....
سلم عليها...
-صباح الخير غدير.....طلع حتى قبل مجاوب..
ماعرف ليش يصرف هيج...وياها
................................

بقيت ملتهيه بدراستي...وبالي فارغ...
مايوم فكرت أنو انعجب بأي شاب.....حتى بعمر
واحاول انسى موقف الخاولي.....
لأن اشوف غدير شلون تعبانه بحب أخوي...
غدير مو بس بنت عمي لا هي صديقتي واختي....

بيتنا وبيتهم حايط على حايط...او بلأحرى بيت مقسم
وتقسم من سنين قليله....
بابا يغار على ماما كلش....وجادل هو وعمو ابو قتيبه
لأن عمي بحكم شغله بلكراج مال سيارت...
فيزورو اصدقائه دائمآ.....
فجادل بابا وي عمو....وقسمو البيت.....

طلعت من البيت...واحنا نتمشى اني وغدير..
جانت اسولف على يزن...
بس صار الفرع مال بيت عمر...كبالي...
درت وجي....
مااريد افكر...
واحد مغرور....دخلنا للمدرسه...
وانطونا جدول الأمتحانات الفصليه.....
خلص الوقت..

وطلعنا من المدرسه...
الجوه بيه بروده حلوه......
الشهر الثالث.
واحنا دنمشي...غدير ضربت ايدي...

-لج هذا أبو رموش...واكف على الرصيف..
شوفي أمتانيج....

-ولي شنو متانيني...اصلأ ميهمني...
واحنا نقترب...عيونه عليه..وصلنا يمه...
عبرنا...وعطره اتخلل خشمي...صوت غدير يمي

-الله ضايعه بلعطر.....لو برموش...

-ها لا شنو قصدج..روحي مااكلج اشكال يزن
دتقلدين....

-لا حبابه كولي....الجبل نطق...فدوه شحجى..

-كال بعد لا تلبس الصدريه السوده...لأن مخصره..
ويبين جسمها...
وذا شفتها لابستها اشككها عليها....

-ليش اخوج هيج يتصرف.....رفعت حاجبي الها

-لج يحبج...ويغار...ويجوز يريد يخلص دراسه
ويتقدملج.....

...................
العصر.....طلعنا للسوك اني وماما...
نسوك شغلات لان عدنا طلبية أكليجه...
واثناء مااحنا نسوك...شلت العلاكه...
اشوف واحد دنك يجرها من ايدي...وهو يهمس..

-ميصير ادنكين...بسوك..رفعت عيني بخجل
والرموش..والحواجب المتذمره....

اتقدمت ماما....وهي تتكلم

-شلونك عمر ابني...لا تعب روحك ماما..
انت كاشخ ودشيل هل علاليك..
عيوني الماما...وشنو كاشخ...اني همات
صايه حلوه..وجنطه بلون الشال...شو مدكلي هيج
انداريت اريد اعرف شلابس...

وعيونه تتمعن...البسه قاط رصاصي برباط
وتسريحه رافع شعره السرح...بشكل جانبي...
مثل الطالع من صالون حلاقه...
أو يجوز عريس......

ماانكر...نعجبت بيه....قربت ايدي...اجر العلاليك منه
بس هو ماسكهن بقوه....
رجع رفع حواجبه بتذمر...من دون ميتكلم معاي
عيونه الماما...

-خاله هيات السياره قريبه....اهنا انتظري..
اجيبها وارجع الكم...يعني شنو قصده بس ماما تركب

بقينا واكفين...واجتي سياره جيب عاليه كلش
لونها اسود...وبيها لايتات من فوك...
نزل بشكل سريع....واخذ العلاليك....
فتح باب الصدر...كعدت ماما......وركبت..
فتح الباب الورى....وهو يتكلم بهدوء...

-انسه أزل حاولي تتحكمين...بأعصابج..
من جريتي العلاليك...
هاي الحركه ابدأ محلوه...
ركبت...وحاول مااتعصب منه....شكد فشله..
وين اطم روحي...افكر بغدير...هي اكلها...اي
يسولفوي ماما...من الفشله...ماسمعت شيتكلمون

وصلنا للبيت...وهو يفتح الباب الماما
....نزلت قبلهم

فتحت الباب قبل لا يفتحه الي حتى اتوبه ميفشلني

ولان الجام مظلله...فتحت الباب بسرعه
ونظرب الباب بشي سمعت صوته...

-خرب أبليسج...نزلت واشوفه حلكه مضروب..
وبيده جفيه...يمسح حلكه...
شفت دم قليل نازل الحيته.....

هو متاكده الغباء موهبه....
بس غبائي  وصل بيه اريد اتوبه...
مو أعوره.....دموعي وكعن كتله بچیه

-تعورت ،دم والله مامتقصده...بجيت اناشخ.....
ماحچی مثل كل مره...صعد السياره ضايج مني شخطها...

دخلت فشلانه....وافكر شلون أتسامح منه...
دخلت الغرفة يزن....جان نايم
اخذت الفون...واتصلت اول رنه كطعته...
رجع اتصل....اجاني صوته

-ألو الو...ليش متتكلم يزن...
اطلبك فصل....اختك جرحت شفتي الجوه...

خفت لا يكول اليزن...

-لا حبابه لا دگوله اکولگ انت متأذي
.....جاوب

-اي هو جاي اروح للطبيب...

-صدك الله عليك عمر....ظل ساكت صمت بس نفسه

-عمر الو....اجاني صوته...

-طبت عيون عمر.....سمعت حچایته وطیور الحب ابسرعه فترت على راسي سديته
رجع أتصل....فتحت خط

-لا لتخابر هذا فون أخوي....خلاص مابيه شي...

-انتي لا تخابرين...ماشي...انتي اخت صديقي..
يعني عرضه من عرضي...
اعتبري نفسج مسمعتي شنو گلت ..
ولا اني سمعت شنو حچیتي ماشي....

تعصبت منه اوووف ربي هم رجع فشلني.
شمرت الفون على سريري......وصوت الرنه بالي

حركت رجلي وكعت الحلقه من ايدي...
بقيت أباوع للحلقه.....

معقوله تركني عمر...
طلعت فوني....اتصلت عليه...جاوب

-شلونج حبي أزل...ماما أجتكم...ماادري ازوله
مااتخلى عنج...
حبي...
انتي الحب البكلبي..جاوبته

-وين انت حبيبي...شي ويعصر بيدي...وجع قوي
صرخت عااااااااااا.....عااااااااااااا
ابتعد عني صوتك مرعب....حقير...صوت عمر اجاني

-أزل حبي ماابتعد عنج...احبج ازوله...
مالچ علاقه ماما لا تنهين كلشي

اسمعي حبي...ماما مالج علاقه بيها....بس ارجعي الي

الوجع زاد....واحس لحم زندي يشلع صراخي زاد...
وصوت البجي مال عمر...بأذني واني ادفع الظل
اريد اسحب ايدي...منه...كتله

-اتركني اتركني.....اكرررهك؟؟

‏وستبقى اخر كلماتي عنكِ
عيوبك،جنونك،كلامك لو عابها الكُل آنا آحُبِها لأنها صادره

.............