رواية خلف القضبان روح يتيمة الفصل الثاني 2 - بقلم الكاتبة جيهان آغا

#خلف القضبان روح يتيمة
# بقلم الكاتبه جيهان آغا

﷽

_
_

هلا هلا ياحلوين مشتاقه لكم كومايات كومايات
قبل مانبدي روايتنه الحلوه كُلش
صلو على سيدنا محمد

( اللهم صل على سيدنا محمد وعلى ال محمد )

ويلا تعالو نبحر بقاربنه الصغير
في امواج روايتنه الجميله
قراءة ممتعة

_
_

_____________________

أروع ما في حبنا
أنهُ ليس لهُ عقل ولا منطق
أجمل ما في حبنا أنهُ
يمشي على الماء ولا يغرق
الحب ليس روايةً شرقيةً
بختامها يتزوَّجُ الأبطالُ
لكنهُ الإبحار دون سفينةٍ وشعورنا
أن الوصول الى المحالُ
وبرغم الريح وبرغم الجو
الماطرُ والإعصارُ الحبُ سيبقى
في قلبي اجملُ من الخيالِ
إني عشقتك واتخذت قراري
فاليمن ياترى اقدم اعذاري

فألرأي رأيى والخيار خياري
والحبُ حبِ والعشقُ كان اختياري
أُكرّرُ للمرَّة الألفِ أنّي أُحبُّكِ كيف
تريدينني أن أفسِّرَ ما لا يُفَسَّرْ في الانظاري ؟

_
_

ستمضي للأيامِ وتتخلّى عن أشياءَ أدمنتها،
ستترُكُ أحدًا، وستُلغي حُلمًا وأخيرًا ستتقبّلُ
واقِعًا، إنها الحَيَاة تقف في محطة القطاري
بين قصة وَروايه وها قد عدنا لكُم وَالآن
اروي لكُم قصة حُب لكن لا اعلم هل هيَ
حقاً قصة حُب ام شيء أعمق من ذالك
بين رفوف الذكريات وقطرات الامطاري
اروي لكم

رواية 《 خلف القضبان روح يتيمة 》

بقلمي انا جيهان آغا ✍

_______________

الموصل الجانب الأيسر الساعة 8 صباحً
_

______________

نور - جنت نايمه وماحس غير نزل عليه مي بارد
ثلج والدنيا شتاء وثبة بانزعاج من نومتي فتحت عيوني واني ارجف من البرد جانت واكفه فوك راسي وبيدها عوده كالت وهيَ تعلج وتفر بحلكها

منال - لججج كومي يلا شعندج بعدج نايمه
اي عيني مو بيتي فندق واني ما ادري

نور - مارديت عليها كمت واني ارجف من البرد وجان تضربني بالعودة على رجلي صحت من الوجع
شبيييج حرام عليج

منال - تحرم عليج عيشتج كوومي يلا اريد
البيت يلمع لمع اليوم البنات يرجعن كومي

نور - راحت واني ابجي ماجنت اتمنى اكوم من النوم يوميه قبل ما انام ادعي تكون اخر نومه الي وماكعد بعد من حياتي يلي عايشتها كمت سبحت وبدلت بدون اكل وشرب بديت انظف وامسح واكنس واطبخ صار ساعه بال11 خلصت كل الشغل رحت اطبك التمن وجان تدخل كتلها
عمه شوي ويخلص الأكل

منال - عمه العماج يلي يسمعج يكول هازه كاروكج
يلا استعجلي شوي ويجون البنات

نور - ابتسمت وكتلها حاظر
راحت واني كملت التمن وسويت المقبلات وطلعت الطرشي وخليتهم بالكاسات رحت اكمل شوي السمج بره وهوى بارد والجو امبين راح تمطر خلصت بسرعه قبل ماتمطر رحت افرش السفره وارتب المقبلات وهيَ كاعده عل تخم خاله رجل على رجل وتكول جيبي هذا هنا ودي هذا هناك واني كله اكول

حاظر
تم
ماشي

واني ارتب السفره سمعت صوت سياره كتلها

عمه عمه يمكن اجو

منال - من طاح حظج لاتكولين عمه من عمه التعميج بنت الفكوره روحي صبي الأكل يلا بلا حجي زايد

نور - ما جاوبتهَ
رحت اكمل الشغل وجان يدخلن
البنات كمت بعدني اريد اتقدم اسلم عليهم

شهد - كعدي كعدي ايييع تردين تبوسينه وانتِ كلج ريحة اكل كملي شغلج

نور - قهرتني بكلامها وجان سوزان ترد عليها

سوزان - شبيج ليش هيج تكولين البنيه مو كافي متحمله امج انوب انتِ وبعدين شبيها ريحة الأكل وشكو بيها مو راح تاكلين هذا الأكل
فا ال ايييع شنو معنى عود فهمينا ست شهد

شهد - على كيفج عيوني
اكلتيني حاصل فاصل شبيج
وبعدين شهل دفاع يلي يسمعج يكول امها
عشتو على اساس تحبيها

سوزان - انجبي وتعالي ساعديها البنيه مو خدامه يمج ويم امج مثل ما هذا بيت ابوج بيت ابوها

نور - اسمع كلامهم واشتغل نزلت دمعه من عيوني
قبضت ايدي وكلت مو كتها نور اهدي مو وكتها مسحت الدمعه ورجعت ابتسمت الهم وكلت

: عادي حبيبتي احنا خوات ماكو بينا زعل

هيج كلت وجان تهجم عليه شهد بالحجي

شهد - شنووو عيني منو كلج خوات
لا احنا مو خوات انتِ مو اختي ولا اعترف
بيج بيوم من الأيام

نور - صدمتني بكلامها التفتت على سوزان
لطمت على خدها

سوزان - ياااا ولج شهل عين الصلفه العندج

شهد - صراحه هاي لو تموت ماتصير اختي

سوزان - اي ولا تاكلين من اكلها

شهد - ترا امج عافتها تخدم بينا مو لسواد وجها

نور - من هيج كالت كمت بسرعه بعد
ماتحمل كلامها كلت
سوزان كملو انتو اني اروح اخبز

سوزان - حبيبتي ياخبز تعالي اكلي ويانه
بعدين نخبز سوا

منال - يلا وين الأكل

شهد - اي يمه هسه نجيبه

منال - عيب من زلمتكم يمه لا تتأخرون
ونور روحي خبزي نريد خبز حار يلا استعجلي

سوزان - يمه خلي البنيه تاكل ويانه مو مهم الخبز جبت وياي صمون حار

منال - انتِ مالج شغل وانتِ كومي خبزي يلا

نور - كمت
غسلت ايدي وطلعت اخبز سمعت سوزان تكللها

سوزان - يمه حرام عليج نور بعدها صغيره
ليش هيج تسوين بيها نور حالها حال بناتج
ابوي كلج بأمنتج وين الأمانه

منال - انجبي ومالج شغل من تجين اطلعين عينها
خليها تشتغل شنو بيتي فندق تاكل وتشرب بلاش

شهد - اي صدكتي زين تسوين بيها خلي تولي
ماحبها اموت منها

سوزان - والله عيب عليكم وحرام عليكم
هذا اسمه ظلم نور تبقى اختنه

منال - لا مو اختكم ومالج شغل بيها

نور - اسمع كلامهم ودموعي تنزل
اخبز والدمعه بعيني اجه زوج شهد وكف بيده
موبايله شافني ابجي بسرعه مسحت دموعي حس
عليه واجه وكف يمي وكلي

- نور شلونج

نور - الحمد لله

- خويه ليش تبجين

نور - ها لا لا منو كال ابجي بس
شي دخل بعيني

- شلون جاي تخبزين بهل برد خويه دير بالج على نفسج

نور - ابتسمت وكتله
متعوده

اني هيج كلت وجان شهد تجي كامت
تصيح على زوجها

شهد - هااااا خير شعندك واكف هنا

- اسلم على نور

شهد -وانت شكو تسلم على خدامه

نور - من هيج كالت كدام زوجها كلش انقهرت
التفتت على زوجها فشل وكال

- لا بويه نور وين اكو منها شوفي خبزها
شكبره تعلمي منها

شهد - اني اتعلم من نور اييييع
دشوف ملابسها تكول مال مجادي

نور - على كلامها باوعيت على ملابسي انقهرت كُلش ونزلن دموعي مسحتهم وكتله خوي هذا الخبز حار روحو اكلو الف عافيه

- وانتِ تعالي اكلي

شهد - عوفها تكمل شغلها

- خلي البنيه تاكل ويانه

نور - لا اروح عندي شغل انتو اكلو الف عافيه

اخذته شهد وراحو واني ركضت وره البيت عندنه مخزن صغير السقف ماله جينكو رحت هناك وشبعت بجي ملخت روحي بالبجي كل ما اذكر كلامها من تكول اييع ملابسها هيج وخدامه انقهرت كدام زوجها غريب هيج كسرت بيه واني والله احبهم واكول ذوله خواتي بس شهد ماتحبني لييش اني مو بشر مثلهم ليش تكول عليه اييع ليش اني شبيييه

ضليت ابجي وصوت المطر فوك راسي محد حتى سأل وكال نور وين شصار بيها ليش ماتجي تاكل محد بحالي ضليت ابجي واعاتب امي
يلي عافتني واني صغيره واعاتب ابوي ليش
عافوني وحدي ليييييش

_
_

____________
في مكان اخر
《 بغداد 》

رعد - رجعت للبيت احظر نفسي
باجر التحق

شفت سيارة عمران
بالكراج والحراس واكفين

شوكت رجع عمران

- استاذ قبل ساعه

رعد - عفتهم ودخلت جوه رحت
للمطبخ اشرب مي جانت

تيلا الشاغله الفلبينيه تنظف المطبخ
رحت اخذت تفاحه من الثلاجه وشربت مي

تيلا شلونج

- انا زين بابا

رعد - شنو طابخين اليوم

- بابا كبير طلب سمك ودجاج كبير وبعد اكل مايعرف شنو انا اسم

رعد - ليش منو يجينه

تيلا - بابا كبير كال ينزل ضيوف

رعد - خوش كملي شغلج

- حاظر بابا

رعد - وصلتني رساله طلعت من المطبخ
والموبايل بيدي اشوف هذا ركان دازلي
صورته كاعد بمسبح مال اطفال ضحكت علي
وجان اسمع صوته

عمران - هلا بسيادة الضابط

رعد - هلا بيك
ردت اطلع فوك لغرفتي وجان يكول

عمران - ماكو سلام وكلام بس هلا بيك
حتى الحراس رحبو بيه وانتَ
هيج ترحب بيه
راح يصير شهر اني غايب عنكم

رعد - التفتت علي
والله يمكن يا استاذ احنا اغرب من الغريب

عمران - هيج صارت
اكو ابن يكول لأبو استاذ

رعد - ضحكت
ليش مستغرب استاذ عمران انتَ العلمتني
هيج اكون وهسه مستغرب

جوان - يمه رعد سلم على ابوك اول
مارجع سئل عليك

رعد - ههههه اي صدكت يمه يكول المثل
مو كل عصفور ينكال لحمه

عمران - الله يهديك بس هيج اكول

رعد - ويهديك وياي

عفته وصعدت فوك واسمع امي تكله

جوان - لاتضوج منا مايقصد شي
بس تعبان من شغله اعذره

عمران - الظاهر ماربيتي جهالج شلون
يحترمون الاكبر منهم

جوان - ويجوز انت ماعلمته شلون يحبك

عمران - كلهم مابيهم شي بس هذا شايفه نفسه
شوفه

جوان - لاتنسى شاف هواي بحياته حقه
كَلبه يموت

عمران - ابقي غطيله سوالفه
وبيض صورته هو هذا هم تسمي ابن

رعد - ضحكت على كلامه
رحت احضر ملابسي دخلت بتول

بتول - سيادة الضابط بشنو مشغول

رعد - هلا بويه جاي احضر الملابس باجر
التحق

بتول - برطمت
خويه شنو هاي شبسرعه تلتحق شوكت
نشبع منك

رعد - والله ياخويه شسوي غير هذا شغلي

بتول - ااخ من شغلك هسه روح اسبح
اني احضرلك الجنطه

رعد - ماشي بعد اخوج
قبل لا ادخل الحمام كالت

بتول - خويه اليوم

رعد - ابوج رجع اعرف

بتول - صدك يعني شفته

رعد - اي

بتول - خويه انت وابو

رعد - ماخليتها تكمل
يلا خويه اني مستعجل عندي شغل

بتول - ابتسمت وكتله
ماشي خويه دقايق واخلص

رعد - عفتها ورحت سبحت شوي وطلعت نشفت
شعري ولبست جينز اسود وبلوز اسود ونسقت عليهم هاف بوت رجالي سشورت شعري ورشة
عطري المفضل لبست ساعتي وهسه تمام

اخذت المحفظه والموبايل وطلعت برا
اول مانزلت جانو كلهم كاعدين بصاله

تبارك - هلا هلا شهل جمال

بتول - فدوه لهل طول عمي اطك بالكاع شني هاي

رعد - صدك خوش اذا هيج لاتخلوني اصير مغرور

حيدر - هههه لا كلشي ولا غرورك يمعود

احمد - خويه فدوه شنو اسم عطرك يجنن

بتول - عزيزي سر مايصير يكوله

احمد - هم حجت ست بتول ماتعرف تسكت
كل كلمتيني بتول الثالثه

رعد - ولك غير هاي فرحة البيت

بتول - رحت حضنته
اوووي فدوه اروح لي اخويه الصاك

جوان - بسم الله ماشاء الله
يمه وين طالع وهيج كاشخ

عمران - رايح للعربده

حيدر - لا بويه شنو السالفه

رعد - عوفه كل ضنه الناس تشابه
وتمشي على نفس النهج

عمران - شنو تقصد

رعد - اضن فهمت قصدي

عمران - راح تندم على كلامك واذكرك
علمود تتعلم شلون تثمن كلامك ويه الاكبر منك

رعد - صدك خوش انتظرك

جوان - يااا يمه شبيكم

رعد - رحت بست راسها وكلت
عندي جم شغله ماطول يالغاليه

جوان - دير بالك على نفسك يمه

رعد - تم على هل خشم ادللي

حيدر - اكلك وصلني بدربك يم صديقي
سيارتي يم المصلح

رعد - تعال هلا بيك

التفتت علي ضل يباوع

بنظره عدم الرضه على كلامي عفته
وطلعنه اني وحيدر اخوي

طول الطريق ساكت وفجأه كال

حيدر - ليش هيج تتعامل ويه ابوك

رعد - غير الموضوع

حيدر - ماغير

رعد -

حيدر - رعد جاوبني على سؤالي

رعد - اكلك يمكن اليوم الجو حار اشغلك

المكيف

حيدر - يامكيف والدنيا شتا شبيك جاوبني
لاتغير الموضوع

رعد - خويه اني الف شغله براسي غير الموضوع

حيدر - كافي اعقل لشوكت تبقى هيج بس كلي

رعد - ليش شبيه

حيدر - بيك كل المصايب رعد راجع نفسك

رعد - انت اخوي وهيج تشوفني اشكرك

حيدر - تعرف كُلش زين شنو اقصد رعد
خويه رضا الله من رضا الوالدين
غير تعاملك ويه ابوك

رعد - يا اب اني ماعندي اب

حيدر - مايفيد الحجي وياك

رعد - اي شفت خلي نغير الموضوع احسن

حيدر - بس لو اعرف ابوي شمسويلك
هيج حاقد علي

رعد - ابوك وراه اسرار بس الله يعلم
كول شنو مامسويلك

حيدر - شقصدك لاتحجي كلام مشفر

رعد - ههه لا صدكني هاي حقيقة ابوك ولو ابوك
محد يعرف حقيقته ........................

_
_
__________

علامة الاستفهام ( ؟ ) هوايه بروايتنه
بس متأكده راح تعجبكم
مثل ماعجبتني شي اكيد اول بارت كلشي
مافهمتو لكن في البارتات القادمه كلشي
راح تفهمون

قلبي اريد تفاعلكم حتى اطول البارت وانزله اسرع لاتنسون التصويت بالنجمة وتعليق بين
الفقرات

وكتبولي شنو رائيكم في اول بارت ؟

وتابعو حسابي واتباد

Jehan-Stories

وحسابي انستجرام انشر هناك
كلشي يخص الرواية 👇

وضيفو الرواية عندكم في المكتبه حتى من انزل
البارت القادم يوصلكم الأشعار

والآن ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر

"""""""""

#خلف القضبان روح يتيمة
#بقلم الكاتبه جيهان آغا