رواية خلف القضبان روح يتيمة الفصل الثالث 3 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
___________________

_

رعد - ههههه ابوك وراه اسرار بس الله يعلم
بيها

حيدر - شقصدك لاتحجي كلام مشفر

رعد - ههه لا صدكني هاي حقيقة ابوك ولو ابوك
محد يعرف حقيقته شنو

حيدر - رعد غير اسلوبك ياخويه والله مايصير هيج يبقى ابوك

رعد - وين اوصلك

حيدر - تعال صدك انتَ وين رايح

رعد - كلك ابوك وين رايح

حيدر - صدك تحجي تخبلت انت لو شنو

رعد - ههههه لا بعدني

حيدر - بطل سوالفك

رعد - لا حوله ولا قوة الا بالله
واحد يحير وياكم شلون يحجي

حيدر -  لاتحير نزلني هنا

رعد - شبيك

حيدر - نزلني هنا اكلك ميفيد الكلام وياك

رعد - والرجعه شلون

حيدر - اخابر السايق ارشد هو يرجعني

رعد - ماشي خويه

حيدر - رعد ماوصيك دير بالك على نفسك ولا تسوق سريع اعرفك

رعد - خوش بعد بنشو تأمرني

حيدر - لا خلص روح ولا تتأخر ولو ماعرف وين رايح

رعد -  هههه لا تخاف مو البالك

حيدر - اذا هيج زين

رعد - ماشي خويه يلا في امان الله

حيدر - الله وياك

رعد - رحت طول الطريق ساكت
وضائع بين افكاري اخذتلي سيجاره
ادخن صفنت بيني وبين نفس
افكر شنو راح تكون ردة فعلهم
اذا عرفو اخواني الحقيقه اااخ يارعد
شوكت ترتاح بحياتك الضائعه

صفيت السياره وصعدت فوك دكيت
الباب دكه وحده وفتحت الباب مصدوم من شكلها شمسويه بنفسها

ريتاج - بدلع /
حبيبي تاخرت ضل بالي

رعد - المهم جيتج
دخلت جوه اشوف الشقه نظيفه
ومحضره شموع و ورد عل طاوله ضحكت

كل هذا الي

تقدمت عليه وعينها بعيوني وايدها تتلمس وجهي
وشواربي

ريتاج - تستاهل اكثر

رعد - اها حلو اكثر مثل شنو

تقدمت اكثر وهمست

ريتاج -  احبك

رعد - ريتاج

ريتاج - ها يا روح ريتاج انتَ ها ياقلب ريتاج انتَ
تروحلك فدوه  وفدوات ريتاج

رعد - سحبتها من ايدها وكل تركيزي عل
الشفه ولج شمسويه بنفسج

ريتاج - ههههه غير يستاهل زوجي حبيبي
ابو بيتي
ا

خذت نفس اشم عطره

رعدي 

رعد - عيونه

ريتاج - احبك

رعد - وبعد

ريتاج - واحب عطرك الموتني بحبك

رعد - هههه جيد
عفتها ورحت اخذت تفاحه
وكعدت عل تخم

اي شلونج شكو ماكو

ريتاج - ماكو شي جديد بس حبك بكَلبي يزيد

رعد - حلو

ريتاج - فديت هل عيون ااااي رعد مشتاقتلك
شنو السالفه

رعد - امبين من الأجواء التعبانه عليها
تقدمت كعدت مقابيلي واطراف اصابعها
تتلمس شواربي وجهي 

ريتاج - حبيبي

رعد - عيونه

ريتاج - احبك رعدي

رعد - عيونه

ريتاج - انت ليش هلكد حلو بس كلي

رعد - هههه

ريتاج - فدوه لهل ضحكه

رعد - وصلتني رساله سحبت الموبايل اشوف

منو هذا

ريتاج - رعدي

رعد - عيونه

ريتاج - فدوه اروح لعيونك
تعال ناكل فدوه عوف الموبايل اليوم
م

سويتلك شلون دجاج متبل يلوك لهل وجه

رعد - جيد اجه بوقته جوعان

ريتاج - يخسى الجوع وانت يم ريتاجك

_

________________
في مكان اخر

نور - خلص اليوم كله شغل بشغل نكسر ظهري
والقهر منال اطلعلي شغل من جوه الكاع
كلشي مايعجبها تعبت رحت اكمل المواعين

خلصت اشوف ساعه 12 بالليل عزه من الصبح
دقيقه ما كاعده رحت توضيت علمود اصلي قيام
الليل اني من عمري 16 تعلمت اصلي قيام الليل صليت ورفعت ايدي لسماء ودعيت ودموعي تنزل وصوت المطر قوي

يارب

ادعو باسمك الذي تحب وقد نفضت يدي من الناس لأقول لك وحدك سبحانك بأنني أحتاج معيتك لتأذن وقدرتك لأكمل وفضلك لتهبني العطايا قد سُدًت الأبواب وجئتُ أرتجي بابك وانغلقت المفاتيح وجئت أشحذ فتحك وتعقدت الأمور وجئت اسألك فرجك وحسن تدبيرك اعجزتني الحيل ولا يعجزك شيء في السماوات والأرض وخانتني خياراتي فأسلك خيرتك ومشيئتك وتركتني الأيادي وارجو منَّتَكَ لترافقني في الطريق لا أملك الآن غير التوجه إليك ولا يسعني أن ادعو سواك ولا افتقر لغير رحمتك بأن تنظر لي نظرة رضى فترضى عني وترضيني اللهم امين
_

ابجي وادعي واعرف ربي راح يفرحني كتله
يارب اني يتيمه ومظلومه بحياتي ربي تعبانه
تعبانه فرحني يارب

خلصت دعاء ورحت اقره قرآن واذكر ربي
اذن الفجر صليت ورحت انام من التعب ماجنت اكدر انام كل شويه اذكر كلام شهد اغمض عيوني وتنزل دموعي ضليت على حالتي ساعه ونمت كمت
على شي يرفس ابطني فتحت عيني اشوف هاي منال ترفس ابطني

منال - بنت الفكر كومي سوي ريوك يلااا

نور - خليت ايدي على بطني وكتلها
شبيج ترفسين

منال - كومي حضري ريوك

نور - كايمه بس
لاترفسين جاي تأذيني

منال - اوي عشتو جاي اذيج نازوكيه ماعرفتج
لج يلا كوومي بلا حجي زايد يلا

نور - كمت بس روحي هسه اجي

منال - دقيقتين اذا ماالكاج بالمطبخ
ياويلج مني

نور -كايمه والله
راحت واني ماسكه بطني من الوجع نزلت
دموعي وكلت دعوة مظلوم يارب حسبي
الله ونعم الوكيل

كمت غسلت وجهي عيوني صارن حمر من البجي ماسكه بطني واحضرلهَ الريوك جتي كعدت بالمطبخ
تحجي ويه بناتها بالموبايل واني حالتي حاله سدت الخط شافتني ماسكه بطني من الوجع كلت
راح تحن عليه وتقلل الشغل بس جان العكس

منال - عشتو عود تعبانه وماسكه بطنج
اليوم سوي حمله عل بيت البارحه الجهال
وصخو البيت

نور - بس البارحه نظفته كله

منال - نظفي مره ثانيه وثالثه ورابعه شعندج

نور - تعبانه

منال - ههههه بنت الفكوره هم تتعب

نور - انقهر من هيج تكلي كتلها

كافي تعيدين هل كلمه

كامت خلت ايدها على خصرها وايد تفر
العلج بي اييييع هيَ وحمرتها الحمره تكول
عندها عرس

منال - هذا العندي عاجبج تبقين تخدميني ابقي ما
عاجبج الباب شكبره كدامج هجي شتسوين روحي
سوي محد لازمج البيت بيتي واني حره
بمزاجي اكعدج وانومج واشغلج خوش

نور - نزلت دمعتي كتلها

بس هذا بيت ابوي قبل لا يكون بيتج

منال - هههههه على كولت المصريين دا كان زمان
هسه البيت بيتي وينه ابوج شو كليلي وينه
يعني هسه بيتي مو بيته كثر الله خيري ملفيه مجديه مثلج ابيتي يلا يلا كملي شغل اليوم يجون صديقاتي اريد البيت يلمع لمع

نور - طلعت واني ميته قهر كعدت بالكاع ابجي
وكلمة ملفيه مجديه ضلت ترن براسي اني اني مجديه احجي واشهك من البجي

وجان يدك موبايلها نسته بالمطبخ شفته منو
هاي سوزان

لا ارادين فتحت الخط واني اشهك من البجي

سوزان - الو يمه شبيج الووو

نور - حجيت بصوت مبحوح من البجي

س س سوزان اني اني مجديه
وطكيتها بجيه وهيَ تريد بس تسكتني

سوزان - نور هاي انتِ ياعمري شهل حجي
اكيد لا شبيج حبيبتي ليش تبجين نور حبيبتي
ردي عليه شبيج منو هيج كلج

نور - ا ا امج ت ت تكول عليه مجديه

سوزان - ااااخ من امي
الله يهديها بس هيج اكول شدعي عليها تبقى امي
شنو بيدي عليها بس حبيبتي يمكن تشاقه وياج لا تزعلين

نور - لا لا ماجان شقه

سوزان - حبيبتي تعرفين امي وسوالفها
الله يهديها لا تنقهرين ياكَلبي انتِ احلى
ورده شفتها بحياتي ابد لاتنقهرين

نور - ياعمري سوزان احبج

سوزان - واني هم احبج احلى نور

نور - ضلت تحجي وياي وتهدي بيه
صرت احسن على كلامها

ماشي اروح اني عندي شغل

سوزان - حبيبتي نويره الحلوه دير بالج على نفسج

نور - ان شاءالله
سديت الخط وكملت الشغل تغدينه وجوي صديقاتها العصر رحت اسوي جاي اول ماقدمتلهم وحده من صديقتها شافتني كالت

- ما شاءالله ولج منال شكد حلوه بنت زوجج

منال - اي حلوه على جهالي طالعه

نور - رحت اجيب الكيك سمعت وحده منهم
كالت

- ليش مازوجيها وتخلصين من مسؤوليتهَ

منال - مو بعدها صغيره

- ليش شكد عمرها

منال - 18 سنه

- لا وينها وين الصغر يلي بعمرها جهال
بيدها

- خيه بنات هل وكت مسؤولية

منال - لا من هل ناحيه ماخاف عليها نور فقيره

- اني اكول زوجيها ويبقى البيت وحدج ازوجي
وعيشي حياتج

- صدك بعدج صغيره ازوجي

نور - نصدمت من كلامهم التفتت على منال
اشوفها خجلت وكامت تلعب بشعرها الأصفر
عاجبها كلامهم

منال - ها اي صدك بعدني صغيره
خوش فكره بس عوفيها خليها تخدمني
هسه ويجي يوم ادفعا واخلص منها

- اي واستفادي من مهرها

منال - اي هوَ هيج اسوي بس خلي
اشوف الوقت المناسب

- ليش ازوجي خلي تخدمج انتِ وزوجج

منال - اشوف والله حبيت فكرتج

نور - فتحت كل عيوني كلت بس هذا الباقي
تجيب رجال غريب للبيت ياربي
شسوي رحت للمطبخ وكَلبي مقبوض

_
_
________
في مكان اخر

رعد - صار الصبح فتحت
عيني يبووو نمت هنا هسه امي ضل بالهَ
عليه اريد اكوم سحبت ايدي

ريتاج - بنعس /
حبيبي لا تروح بعد وكت

رعد - ولج يابعد وكت كومي هسه البيت
محترك عليه

ريتاج - هههه خلي يحترك مايهمني
اليهمني انت وبس

رعد - الكلام يفيدج اني كايم اسبح

ريتاج - شنو هذا النشاط من الصبح سبح

رعد - متعلم يلا كومي طلعي ملابسي
رتبيهم وعطريهم

ريتاج - يدلل حبيبي

رعد - عفتها ورحت اسبح خلصت طلعت سشورت
شعري وبدلت لبست ساعتي

ريتاج - حبيبي راح اشتاقلك شوكت تنزل

رعد - ماعرف حسب

ريتاج - فدوه لا تتاخر عليه

رعد - من انزل امرلج

ريتاج - احبك

رعد - عدلت شعري ماهتميت تقدمت
تريد تبوسني ابتعدت واخذت الموبايل

مو وكت هاي السوالف مستعجل

ريتاج - رعد اني زوجتك
ومثل ما الك حق عليه
اني هم الي حق عليك

رعد - دير بالج على نفسج وماوصيج
ماكو طلعه بره الشقه اي شي تحتاجين
خابري السايق انور هذا رقمه وهوَ يجيبلج

ريتاج - غير الموضوع

رعد - شنو
علي صوتج ماسمعت

ريتاج - اكول حتى مول ماكو

رعد - احجي فرنسي لو عربي اكلج
ماكو طلعه بره الشقه

ريتاج - خلص بس لا تصير عصبي

رعد - عفتها وطلعت شغلت السياره وخابرت
سيف

سيف - ووولك وين جنت مو كتلك لا تتاخر

رعد - جان عندي شغل

سيف - شنو شغلك بس فهمني

رعد - هاشبيك اكلك عندي شغل وخلص
ليش تلح

سيف - تعرف حيدر وابوي سئلو عليك كتلهم رجع

رعد - وليش اجذب عليهم قابل اني اخاف منهم
شبيك ابني

سيف - مو صوجك صوج اليستر عليك

رعد - مامسوي جريمه علمود تستر عليه عندي
شغل وتأخرت ماكو داعي تكبر الموضوع
هسه اريد منك جيب جنطي بره علمود التحق
و أريدك بموضوع

سيف - وامي

رعد - شبيها

سيف - شلون تلتحق بدون ماتشوفها

رعد - ابوك بالبيت وماريد اشوفه مالي خلك
مشاكل

سيف - ماشي

رعد - يلا خويه لا تتأخر نص ساعه واني يمك

سيف - ماشي خويه

رعد - شغلت السياره شويه وصلت
شفته واكف يم الحراس

اجه صعد بسياره

سيف - اي كول 

رعد - دير بالك على امي ماوصيك
اي شي تحتاج لاتقصر وياها واخذ هاي الفلوس
من تشوف امي وحدها انطيها

سيف - رعد شبيك تره ابوي يلعب لعب بالفلوس
وامي مامحتاجه اخذ فلوسك انت تحتاجهم

رعد - ضحكت
اي يلعب لعب ومحد يعرف حقيقته شنو

سيف -  شنو

رعد - انسى

سيف - اكلك انت َصدك تحجي يلي يسمعك
شيكول ترا ابوي مو من هذا النوع 

رعد - اي صدكتك
هسه المهم اهتمو بأمي بغيابي ماوصيكم

سيف - حاظر ادلل وبعد سيدي بشنو تأمر

رعد - سلامتك

سيف - بغمزه / هسه تعال كلي وين جنت
ويه منو سهران احجي اعترف

رعد - شعليك انت مو شغلك

سيف - سرك ابير بس كلي ماكول لحد ههه

رعد - اي صدكتك

سيف - بايد خويه بايد

رعد - اي ابايد ليش لا هسه انزل

سيف - اخر كلام راح تكول لو لا
ويه منو جنت

رعد - راح اهفك براجدي يفر وجهك فر انزل
اتأخرت

سيف - هههه سهله بس ارجع
واعرف شلون اطلع الحجي منك

رعد - خوش ديلا انزل

سيف - نازل دير بالك على نفسك خويه

رعد - ان شاءالله وانتو هم

سيف - ماشي

رعد - نزل شغلت السياره

واني داسوق وجان يدك الموبايل

والصدمني طلع عمران غريبه مايخابر الا اذا
اكو شي مهم جاوبته

خير

عمران - بدون سلام وكلام خوش تربيه متربي

رعد - احجي شعندك مشغول

عمران - مو جنك نسيت اني ابوك

رعد - هههه اي عل ورق

عمران - غير اسلوبك وياي بعدين
راح تشوف شي مايعجبك

رعد - شفت هواي وربك وكلشي صرت اتوقع منك

عمران - ليش وكفت الشغل

رعد - ياشغل

عمران - اي غشم روحك عبالك ماعرف سوالفك

رعد - لا ماغشم وماعرف شي ومالي شغل بشي

عمران - ررعد تربايتي واعرفك لاتخليني اخليك
براسي تره وربك وكتها صدك تشوف وجهي الثاني

رعد - اول شي اني مو ابنك ولا اعترف بيك
ثاني شي شتسوي سوي ماخاف غير من ربي

عمران - سهله يارعد سهله

رعد - يكول المثل اعلى مابخيلك اركبه

عمران - لازم اربيك من جديد

رعد - ههههه منو يربي روح راجع نفسك
يلا تعال ربيني

عمران - وانتَ داتعيد مسيرتي لا تنسى

رعد - بحلمك لو اموت ماسوي السويته

عمران - نشوف

رعد - اي شوف .........................................

_
_
____________
يكول

عيونك الحلوه والف لام
عشكَتك مو عشك قصه ولا أفلام
ألف حسدوني بحبك وألف لام
وألف شامت رضه بهجرك عليه
عشگتك عشگ مو مثل اليعشگون 
اكول ابعيد وانته بوسط العيون
وي نبض الكَلب چا وين اخليك
تتأمر عليه وانا الك ممنون
علمني حبيبي عل اليراضيك
اذا قيس بزمانه چان مجنون
انا بهل الزمان تسودنت بيك

_
_

تتوقعون منو راح يجنن رعد ؟

حسب تفاعلكم راح ينزل البارت القادم
لاتنسون التصويت بالنجمة وتعليق بين الفقرات وتفاعلكم مع الرواية واحبكم هواااي

وتابعو حسابي واتباد

Jehan-Stories

_

وحسابي انستجرام انشر هناك
كلشي يخص الرواية 👇

وضيفو الرواية عندكم في المكتبه حتى من انزل
البارت القادم يوصلكم الأشعار

ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا