رواية خلف القضبان روح يتيمة الفصل الثاني والأربعون 42 - بقلم الكاتبة جيهان آغا

بتول: سموا أول واحد وعد، نور كُلش تحب هذا الاسم. ركان: نسميك أبو وعد، والله حلو، أني شوكت أصير مثلك؟ بتول: ياااا، شديحكي هذا؟ أشرت له يسكت. رعد: ماتستحي كدامي هيج تحجي؟ ركان: هههه ليش استحي؟ أقصد شوكت أصير أب؟ شعور حلو يكولون. رعد: اي، خلي أجرب وأكلك حلو أو لا. بتول: باوع عليَّ ركان غمزلي، خزرته ضحك. عفتهم ورجعت يم أمي. مر. *** في مكان آخر: نور: جنت أدعي وبلغتني الدكتوره لازم عملية، وأني وافقت.

دخلوني لغرفة العمليات، انطوني بنج نصفي. شوي واستلقيت على السرير بغرفة العمليات، وكَلبي ينبض بسرعه لدرجة حسيته راح يطلع من مكانه من التوتر مدري خوف، ما أعرف، شعور غريب. ناظرت سقف الغرفة، جانت الغرفة مليئة بالأضواء الساطعة والأصوات الطبية المتناثرة بين الحديث السريع للأطباء والممرضات. شعور غريب نزلن دموعي. جت وحدة من الممرضات كالت: لا تخافين، ما راح تحسين بالألم. نور:

أخذت نفس بتعب وكلت: خايفة على أطفالي، خايفة يصيرلهم شي وما ألحگ أفرح بيهم. هيج كلت، نزلن دموعي. باوعت عليَّ ابتسمت كالت: لا تخافين، ما نطول دقايق وتلكيهم بحضنج. كولي يا الله. نور: يا الله، يا رب سهّل يا رب. الممرضة: أول ولادة صح؟ نور: اي. الممرضة: ما شاء الله توأم وأول ولادة، متعب، ما تعبتي؟ نور: طلعت روحي، شلون ما تعبت؟ بس الحمد لله، فدوه لعيونهم يهون كل التعب، بس ينورون حياتنا بخير وسلامة، كله يصير ذكريات.

الممرضة: أكيد إن شاء الله. هسه حاسة بشي؟ نور: شلون؟ الممرضة: أقصد حاسة بألم؟ نور: صفنت شوي، كلت: اي اكو ألم بس مو مثل ألم المخاض. ابتسمت الممرضة وكالت: هاي عملية قيصرية، ماكو داعي للقلق، راح تحسين بتحسن وبدون ألم، وبسرعه نخلص. بس لا تخافين علمود ضغط الدم ما يصعد، تمام؟ نور: مو قصة خوف، بس شعور غريب، حمل وولادة وفجأة لازم عملية، صعبة بصراحة.

الممرضة: أكيد حبيبتي، وتوأم، الموضوع معقد أكثر، بس ولا يهمج، بسرعه نخلص. الي عليج فقط ادعي وخليج قوية، الموضوع كُلش سهل إذا تسهلي على روحج. نور: ابتسمت رديت عليها: ربي وياي، هو يسهل كل أمر متعسر في حياتي. الحمد لله على كل شيء. ابتسمت الممرضة وراحت. أخذت نفس بهدوء أخفف من توتري وبقيت أذكر ربي وأدعي.

رغم تلقيت تخدير موضعي، مع ذلك حسيت بالضغط في منطقة البطن، كأنما شيء ثقيل يضغط على بطني. حاولت أتنفس بهدوء بس كلبي بعده يسارع نبضاته من دون إرادة مني. جت الممرضة ثبتت غطاء قطعة قماش طبية يفصل بيني وبينهم حتى لا أشوفهم أثناء العملية، وأني دموع الخوف تنزل بدون صوت. شوي ودخلت الدكتوره كالت: أمي أنتِ، احنا على وشك أن نبدأ، راح نخلص بسرعه، نحن وياج ويمج لا تخافين، استرخي وتأملي، ماشي؟ نور: إن شاء الله.

راحت الدكتوره. أغلقت عيني بهدوء ودموعي تنزل، أحاول أركز على كل لحظة وصوت أسمعه بالغرفة. صار هدوء لبضع دقائق وفجأة حسيت بحركة غير مألوفة، أتوقع فتحوا بطني. بقيت أدعي وأسمع أصوات الممرضات والدكتوره، والدقائق تتسارع، والتوتر والخوف يقرأ ألف. وجان أسمع صوت الدكتوره تكول: الطفل الأول جاهز. نور: أول ما كالت هيج، سمعت صوت الجنت انتظره تسع أشهر من الألم والتعب. سمعت صوت صرخة ابني.

شعور عمري كله ما أكدر أوصفه. شعور جميل جداً، شعور غريب وجميل ومؤلم وحزين مختلط. جانت الصرخة قوية مليئة بالحياة، نزلت دموعي، بجيت وحمدت ربي وشكرته: يا رب لك الحمد والشكر، يا رب سهّل، يا رب فرح كَلبي بيهم، يا رب نورلي حياتي بيهم، يا رب. رغم أني ما شفت وجه الطفل بعد، بس حسيت كلبي سبحان الله انفجر حب وحنين وسعادة، مشاعر عميقة بكل معنى الكلمة. كالت الدكتوره: الطفل الأول بخير، احنا يمج لا تخافين. نور:

رديت بدموع: إن شاء الله، الحمد لله. حسيت بيهم أخذوا الطفل ينظفوه والطفل يبجي، كلت: ابني بخير؟ ليش يبجي؟ ردت الدكتوره: اي بخير، أكيد يبجي، أمر طبيعي. وهسه نبدي بالثاني، لا تخافين، خليج قوية. نور: إن شاء الله. أخذت نفس وأدعي وأصبر بنفسي: الله يسهلي، ربي ما يعوفني وحدي، وهو أقرب إلي من حبل الوريد. رجعوا استمروا وأني أدعي ودموعي تنزل. شعوري بهاي اللحظة بأن الرحلة لم تنتهِ بعد، جنت أنتظر ابني الثاني ينور حياتي.

مر الوقت، حسيت الساعة توقفت. تعبت نفسيتي، توتر، قلق، خوف. الانتظار متعب. بعد دقائق، حسيت حركة داخل جسمي في منطقة البطن، وجان أسمع صوت صرخة طفل، بس هاي الصرخة جانت غير، جانت مميزة، مختلفة، وكأنها تملأ الغرفة بالحياة. أسمع ودموعي تنزل وأدعي ربي وأشكره على هاي النعمة، ودعيت الله يرزقها لكل شخص يتمنى الذرية الصالحة. بين صوت الصريخ كالت الدكتوره: الحمد لله، الطفل الثاني هم بخير.

نور: نزلت دموعي بس هاي المرة دموع الفرح والشكر لله. جت نفس البنية الممرضة، ابتسمت كالت: مو كتلج أنتِ قوية وإحنا بسرعه نخلص، ألف مبروك. نور: ابتسمت نزلن دموعي كتلها: حبيبتي تسلمين، الله يبارك بيج. أريد أشوفهم فدوه. أني هيج كلت، التفتت الممرضة على الدكتوره، كالت الدكتوره: أكيد بس ينظفوهم، وأنتِ نبضات كلبج لازم تستقر، ارتاحي شوي، دقايق وهما يمج. نور: تمام.

طلعت الدكتوره. بقوا الممرضين يخيطون الجرح. أخذوا أطفالي برا الغرفة. ابتسمت، تخيلت شكل رعد من راح يشوفوهم برا. شوي وخلصوا، وبدت الأضوية تخف بالغرفة. جهزوني وأخذوني لغير غرفة حتى أرتاح. *** بتول: تقريباً مر ساعة، أقل هيج شي، وجان ينفتح الباب، طلعت الدكتوره. ركض رعد بتجاهها كال: ها دكتوره بشري؟ بتول: أخذت نفس وكالت بتعب خوفتنا.

الدكتوره: حاولنا قدر الإمكان تكون ولادة طبيعية، لكن حالة الأم الصحية لا تساعد، أتوقع عندها مشاكل في القلب زوجتك. بتول: صفر وجه رعد، رد عليها: اي عندها. الدكتوره: واضح من نبضات كَلبها. المهم صارت الولادة عملية قيصرية، الحمد لله على سلامة زوجتك ومبروك على التوأم. رعد: يا الله صدك تحجي؟ الحمد لله، الحمد والشكر الك يا رب. زين دكتوره نور والأطفال شلونهم؟ يعني خلص صرت أب؟ الدكتوره: كلهم بخير، اي أكيد صرت أب لتوأم.

بتول: هيَ هيج كالت، حسيت دموع رعد نزلت. رعد: يا رب الحمد والشكر الك يا رب، يمه صرت أب، ابنچ صار أب. جوان: وأحلى أب وأحن أب، من أروحلك فدوه يا يمه. ألف مبروك، الحمد لله. بتول: حضن أمي ونزلن دموعه. ما توقعت بيوم أشوف رعد تنزل دموعه وبهيج موقف عاطفي. نزل دموعنا وياه. من أجمل المشاهد الصادفتني ويه عائلتي. نزلت دموعي، دموع الفرح. وكفنا ننتظر يطلعون. شوي وطلعوا الأطفال بس ما خلونا نشوفهم، بسرعه أخذوهم.

وجان تطلع نور، جانت مثل الحاسه وما حاسه، مبين عليها التعب، كوه تفتح عينها خطية. راح رعد مسك ايدها وباسها وباس راسها. نادت بصوت منخفض متقطع من التعب: رعد. رعد: ها يا روح الرعد، ها يا كلب الرعد أنتِ. نور: هيج كال، نزلت دموعي. مسك ايدي باسها. كالت الممرضة: عفواً، ممكن تبتعد، المريضة محتاجة لراحة، من تنقل للغرفة شوفوها. رعد: ماشي. نور: هد ايدي رعد وأني ما عندي طاقة أحجي، ما عندي طاقة أرمش من التعب.

دخلوني لغرفة خاصة. شوي ودخلوا رعد وبتول وخالة جوان. ما قبلوا البقية يدخلون. غمضت عيوني من التعب. حسيت بي تقدم بتجاهي كال: بويه شلون صرتي؟ نور: همست بتعب: بنت كلبك تعبانة كُلش. أني هيج كلت، ردت الممرضة: أكيد تعبانة، أمر طبيعي، لازم تنامين وترتاحين. نور: كلت بتعب: وين أطفالي؟ أريد أطفالي، وينهم رعد؟ أريد أطفالي. رعد: اي صدك وينهم؟ حتى احنا ما شفناهم. الممرضة: عيوني دقايق بس يكملون الإجراءات الطبية وبيدي أجيبهم الكم.

نور: فدوه لا تطولون، أريد أطفالي. الممرضة: إن شاء الله حبيبتي. نور: طلعت الممرضة. جت خالة جوان باست راسي: الحمد لله على السلامة بنيتي الحلوه، ومبروك على التوأم يا يمه. نور: رديت بتعب: حبيبتي خالة الله يسلمج. بتول: ولج نويرة صرتي أم، عجزتي من أول يوم. كومي اصحي وراج مشوار طويل هههه. نور: آخ بتول، تعبانة وأحس الوجع ديزيد شوي شوي، مفعول البنج دينتهي. بتول: حبيبتي سلامتج من التعب، وألف مبروك والحمد لله على السلامة.

نور: يا عمري الله يسلمج، عقبالكم أنتِ وركان إن شاء الله. بتول: حبيبتي إن شاء الله. نور: غمضت عيوني نعسانة. اجه رعد سحب الكرسي وكعد يمي وماسك ايدي، تقدم همسلي بصوت منخفض: أحبج بنت كَلبي، ما أريد أشوفج تعبانة. نور: ابتسمت بتعب وهمست: أحبك. كلتها وغمضت عيوني، حيل نعسانة. انفتح الباب، فتحت عيوني. رعد: جنت كاعد يم نور أحجي وياها. وجان يدخلون الممرضات وشايلين الأطفال بيدهم. كمت صفنت على الأطفال. كالت الممرضة: تفضل.

رعد: حسيت بشعور غريب، كتلها: ذوله أطفالي؟ الممرضة: اي. تفضلي حجية. جوان: جيبيهم يمه، بسم الله ما شاء الله. بتول: يمه فدوه شكد حلوين، شوفي خدوده. جوان: اي يمه ما شاء الله كُلش حلوين. بتول: ما شاء الله. أمي أخذت واحد منهم. أباوع على رعد صافن عليهم، وبعده الثاني يم الممرضة، كتله: يااا خويه شبيك؟ داخذه من البنية. جوان: ههه ها يمه شبيك صافن؟ بتول: ضل يباوع عليهم ويباوع على نور. كُلش حلوه نظراتهم لبعض.

كالت نور: رعد، ثمرة حُبنا، حضنه بيدك لا تخاف. ما رد عليَّ، ضل يباوع وساكت بس داخله ألف حديث يدور اباله. زوجي وأعرف بطبعه. أخذ نفس، وبهذا النفس من سالفة دارت اباله. أخذ الطفل من الممرضة، أول ما شاله تقدم باس راسه. نزلت دمعة من عينه، مسحها قبل لا يحسون عليَّ بس أني حسيت. رعد: جنت صافن والسؤال اليدور ابالي: معقوله صرت أب؟ ولطفلين؟ شعور غريب. صفنت تذكرت كلام صادفني ويه ركان بيوم من الأيام. *** رعد: هههه اي صدك، تعرف شنو؟

ركان: شنو؟ رعد: اني ما أريد أصير أب بيوم من الأيام. ركان: ليش؟ رعد: ما أريد ابني يعيش ويشوف الأبو شافه. ركان: ليش شبيك أنت؟ رعد: هههه كله البله بيه، كول شنو مابيك. ولك آآآآآخ بس آآآآخ. ركان: بكَلبك حجي هواي، أحجي بعد أخوك أحجي. رعد: ما مرتاح يا ركان، والله ما مرتاح. ساكت والسوالف البيه مال صياح. ركان: رعد خويه لا تسوي بروحك هيج. يجي يوم وتفرح وتزوج وتكون عائلة حلوة وتنسى كلشي، صدكني وأذكرك. رعد: أفرح هههههههههه؟

يا ناس ركان يكول أفرح؟ هو ووين الفرح؟ ياهل الفرح شراي ورب الكعبة شراي، بيعوني الفرح، دلوني الفرح وين الكه... *** أخذت نفس بتعب، نزلن دمعة من عيني وأني أذكر كلامي. خجلت حيل، خجلت من كرم رب العالمين ونعمته الأنعم بيها كَلبي. أخذت واحد منهم بست راسه، نزلن دموعي. ابتعدت صفنت على الطفل وسؤال يراود عقلي: أني استاهل؟

يا رب هذه النعمة، أو لا، يا رب ذنوبي هواي، وخجلان من كرمك وياي. أعتذر منك يا رب، أعتذر على كل ذنوبي وأستغفرك وأتوب إليك. نور: رعد بقى صافن على الطفل وعيونه تلمع بيها دموع فرح، حزن، توبة. ما حبيت أخذه منه، قلت لخالة جوان: خالة انطيني الطفل اللي يمك. جوان: أي يمه، خذيه بس على كيفك شيليه. نور: تمام.

تقدمت، أنطتني الطفل. أحلى وأجمل شعور أعيشه بحياتي. صفنت أناظر بوجهه، ما شاء الله تبارك الرحمن شكد حلو. بست راسه، نزلن دموعي، دعيت بصوت منخفض، صوت تعبان وفرحان بنفس الوقت: اللهم لك الحمد حتى ترضى، ولك الحمد إذا رضيت. أخذت نفس، نزلن دموعي فرحانة كملت الدعاء: ولك الحمد بعد الرضا. رفعت راسي، باوعت على رعد، ابتسمت. أجه يمي كعد على الكرسي باس راسي وكال: بنت كلبي صرنا عائلة حلوة. نور: ابتسمت كتله:

وتخيل ثمرة حُبنا بيدنا، شعور يجنن والله. رعد: أحلى ثمرة، الحمد لله. نور: الحمد لله، أشوف اللي عندك يمه فدوة أروح لابني. أقلج خالة، حيل يتشابهون ما أفرقهم. جوان: هههه أكيد يا يمه، بعدهم صغار وتوأم. بتول: ما شاء الله شكد حلوين، خليني أصوركم لحظة. نور: بتول وربي شكلي مو مال تصوير. بتول: ههه تخبلين للذكرى يا عمري. نور: تمام لعد صوري. بتول: يلا ابتسموا يا أحلى عائلة. نور: ابتسمت وابتسم رعد وصورتنا بتول. كالت أمه جوان:

يمه رعيد كبر بأذانهم. رعد: تمام. نور: كام رعد أخذ الطفل اللي عندي واللي عنده وكبر بأذنهم اثنينهم. هو يكبر وأني دموع الفرح تنزل. آخر شيء كال: يا رب أكون كد هاي النعمة، الحمد والشكر لك يا الله. نور: يا قلبي آمين فديتكم. التفتت على بتول قلت لها: تولة صوري رعد ويه أطفاله، كلش حلوين فديتهم. بتول: ههه أي والله يخبلون، لحظة هسه أصورهم. نور: صورتهم بتول. اجت خالة جوان يمي كالت:

يمه نويرة خطية هسه جوعانين، حاولي ترضعيهم من حليبك. نور: اكو حليب هسه؟ جوان: أي شوفي. نور: ماشي. وأني دأبعد الشال من رقبتي حتى أرضعهم، صاح بيه رعد، فزيت من مكاني: شدا تسوين؟ نور: خالة تقول رضعيهم. رعد: ممنوع، خلي الشال على راسك ورقبتك، يلا بويه. جوان: جيبيهم خلي ترضعهم، محد ماكو هنا. نور: أخذت الطفل من عندها خالة جوان والثاني أنطته لبتول. جوان: حاولي يمه ترضعيهم. رعد: يمه قلت ممنوع، ناس طابة طالعة ما أقبل.

جوان: ولك شنو ما تقبل؟ منو اكو هنا غيرنا؟ شبيك يا يمه لا تخبلني. رعد: شلون محد ماكو؟ ما تشوفين كل شوي ممرضين داخلين طالعين. بتول: هههه بهاي كذب، لحد هسه كلهم بنات ما شفت ولا ممرض. رعد: ما يخالف حتى لو بنات ما أقبل. جوان: ولك لشوكت تبقى هيك؟ راح أموت من قهرك، أموت. رعد: يمه فدوة لعيونك، قلت لا يعني لا، سدوا الموضوع. نور: ما قبل أرضعهم، متت من القهر علمود الأطفال خطية. قلت له: رعد حبيبي خطية شبيك؟ أخلي الشال على صدري.

رعد: ممنوع، من نرجع للبيت رضعيهم. نور: أويلي على حظي وتالي وياك، راح أموت من قهرك. شلون من نرجع؟ ما يصير، جوعانين، لا تخبلني. علا صوتي بدون ما أحس، صاح بيه: نووور صوتك! نور: شبي صوتي؟ يحكي الحق. جوان: يلا تعاركوا هنا هم، شبيكم؟ نور يمه مو زين عليك، اهدي عوفي ما يفيد الحكي. نور: سكتت بس حيل انقهرت. ضليت أباوع عليه، كال: يمه طالع برا، أي شيء تحتاجون خابريني. بتول: أني هم أجي وياك بس لحظة.

كان واحد من التوأم بيدي، ما شاء الله كلش حلوين. بسته براسه وأنطيته لأمي. يمه خذي هذا الجمال فديته، هسه أجي بس أروح أشوف ركان يبقى أو لا. جوان: ماشي يمه جيبي بس على كيفك انطيني. بتول: أي. أنطيتها الطفل بحذر، صغار كلش جنهم عجينة فديتهم. التفتت على نور قلت لها: حبيبتي هسه أجي، لا تنقهرين. نور: آخ الله كريم، خذي راحتك يا قلبي. بتول: الله كريم. نور: راحوا بتول ورعد، بقينا أني وخالة جوان. قلت لها: خالة هسه شلون خطية؟

جوعانين، شسويلهم؟ جوان: هسه رضعيهم قبل لا يرجع. نور: شلون؟ والله ما أحب أسوي شيء بغيابه. أوووف منا راح أموت من سوالفه، لو بس أعرف شلون يفكر. راح أتخبل ويا، شنو ذنب الأطفال خطية جوعانين؟ جوان: أي والله جوعانين، شنسوي؟ آخ من سوالف أبوهم العوجة. ماكو غير حل، أنطيهم حليب العادي مال أطفال. نور: لا خطية، أريد أعلمهم على حليبي. فدوة احكي وياه من يجي، حاولي تقنعيه أخلي الشال على صدري والله. ليش هيك ديسوي؟

والله تعبانة، ما لي خلق حتى أتناقش وياه. جوان: ما تعرفين ليش؟ هو هذا حتى بحبه مو مثل العالم. نور: راح يموتني بهذا طبعه، راح أموت. جوان: قولي يا الله يا يمه، خلي يرجع أحكي وياه لا تضوجين. نور: الله كريم، الله يهديه. التفتت على أطفالي نايمين فديتهم والله حلوين. قلت لها: خالة أطفالي حلوين برأيك؟ على منو طالعين؟ جوان: والله يمه أمهم وأبوهم حلوين، أكيد عليكم. نور: ابتسمت، حسيت بألم قوي ببطني مكان العملية:

آآآخ بسم الله بسم الله آآآخ يا رب سهل. جوان: ها يمه موجوعة؟ نور: أي والله روحي، قوليلهم ينطوني إبرة أو حباية تسكن الألم. جوان: أي يمه هسه أروح. نور: فدوة لعيونك خالة، استعجلي الألم فضيع. جوان: ماشي يمه رايحة. نور: خلت الطفل بالسرير، مدري شسمه مال مستشفى خاص مال أطفال وراحت. وأني الألم يزيد ما ينقص، ضليت أصبر نفسي بالأدعية. شوي واجت خالة جوان والممرضة، شكلت إبرة بالمغذي. سألتها خالة جوان: يمه اليوم نطلع؟

الممرضة: لا حجية، صعبة اليوم بس باجر إذا الدكتورة وافقت تطلعون. جوان: ماشي بنيتي تسلمين. نور: راحت الممرضة، قلت لها: خالة منا لباجر ما يصير يبقون هيك، فدوة أقنعي رعد. جوان: ما يخالف يمه، أني أقول له مو بكيفه. بس يمه ريحي بالك، أنتِ مريضة مو زين عليك الحزن والتفكير يأثر على الحليب. نور: إن شاء الله.

بقى واحد من الأطفال بحضني والثاني يم خالة جوان. والألم ببطني موتني بس ساكتة، كوه دأتحمل. شوي واجه رعد وركان وبتول والحجية أم ركان وتبارك. خليت الشال على راسي. أم ركان: اللهم صل على محمد وآل محمد، مبروك يمه، ألف مبروك حبيبة. نور: حبيبتي خالة، الله يبارك بيك. ركان: ألف مبروك خويه الذرية الصالحة إن شاء الله. نور: تسلم خويه، عقبالكم إن شاء الله. ركان: آمين، يعني نسميك أم وعد؟ نور: والله ما أعرف. بتول: رعودة شنو رأيك؟

نور: باوع عليه، كال: كان طلبك اسم وعد، نسمي أول واحد وعد. بتول: آآآلله شكد حلووو، أم وعد أبو وعد والله حلو فددديت. تبارك: هههه حبيبتي أم وعد، الحمد لله على سلامتك وألف مبروك. نور: ابتسمت من قالت أم وعد، قلت لها: حبيبتي تسلمين، الله يبارك بيك. ركان: أنتوا اليوم تبقون صح؟ رعد: أي. ركان: لعد احنا نترخص، عندي شغل وبتول عندها دراسة، إن شاء الله باجر نرجع. رعد: أكيد ضلعي، خذ راحتك ما قصرتوا. جوان: يمكن باجر نطلع.

ركان: إذا طلعتوا أجيكم للبيت، وأي شيء تحتاجون أني موجود تمام ضلعي. رعد: ماشي تسلم. بتول: يعني أني هم أرجع؟ ركان: أي عندك دراسة. تبارك: حتى أني هم راح أرجع عندي شغل، يمه ما تحتاجوني؟ جوان: لا يمه كلكم رجعوا، أني ورعد نبقى كافي. تبارك: ماشي. أم ركان: نويرة يمه ديري بالك على نفسك. نور: إن شاء الله حجية. باست راسي أم ركان، وسلموا عليه البنات وراحوا. بقى بس رعد وأمه. شوي ورجعوا. كالت أمه:

يمه رعيد ابني، أقول لك شيء، اسمع كلامي ولا تعاند. رعد: قولي يمه. جوان: يمه خطية أطفالك جوعانين، خليهم ترضعهم وتخلي الشال على صدرها. كلهم راحوا، وإذا ما تقبل حتى أني أتواجد، أطلع برا من تخلص أرجع بس خلي ترضعهم، خطية ذوله الجهال شنو ذنبهم؟ لا تعاند. رعد: يمه شنو هذا الحكي؟ أني ما أقصد أنتوا، أقصد كل شوي الممرضات داخلين طالعين، ينفتح الباب، شهل مهزلة؟ جوان: ولك يمه تخلي الشال على صدرها لا تخبلني. نور: أباوع عليه، سكت.

باوعت عليه أمه كالت: ما يفيد الحكي نويرة، الله يساعدك بس هيك أقول. نور: آآآخ يا خالة خليني ساكتة. رعد: يعني إذا ما أريد أحد يشوفك صرت آآآخ؟ نور: أي آخ ومية آآآخ، ليش منو شايفني؟ ماكو أحد هنا. سكت ما حكى شيء، ما يفيد. راسه يابس، طبعه غريب وصعب. أول مرة أشوف هيك طبع غريب، راح يخبّلني ويا. سكتت ما عندي طاقة أناقشه، تعبانة. شوي وهو كال: ما لي شغل، خلي ترضعهم. نور: هيك كال وطلع برا. أمه خربت من الضحك.

جوان: هههههه ديلا وهاي قبل يلا رضعيهم. نور: أي. طلعت صدري، حاولت أرضعهم ما عرفت. خالة جوان ساعدتني بالبداية، وما كانوا يتقبلون. بعدين شوي شوي تعودوا. خليت الشال على صدري، رجعت راسي لورة، غمضت عيوني. تعبانة وألم بطني يزيد ما ينقص، والمسكن أحسه ما هل كده يسكن الألم بس شوي يخففه. كالت أمه: يمه والله هلكتي، أكلي شيء. نور: خالة الألم يموت، ما أقدر آكل. جوان: بلا يمه، لازم تاكلين. أروح أشوف رعيد وين، خلي يجيب شيء ناكله.

نور: تمام. راحت خالة جوان. شوي عدلت كعدتي، ما أقدر أتحرك من الألم. أخذت نفس بتعب، رجعت أباوع على الطفل، تأملت وجهه فديته ما شاء الله شكد حلو. ضليت بيدي أتلمس وجهه وراسه، حرير مو بشرة عادية فديتهم. شوي ودخلت خالة جوان كالت: كال يطلب دلفري. نور: تمام وينه هو؟ جوان: هسه يجي، كان يحكي بالموبايل بموضوع الشغل يمكن. نور: تمام. رجعت أتلمس بوجه الطفل وأهمس: يمه أروح فدوة لابني حبيبي، شهل جمال يا قلب أمكم أنتوا.

وأني ملتهية ويه الطفل دخل رعد. كالت الحجية: يمه كافي هذا، رضعيه الثاني، أني هسه أجي بس أخابر بتول أشوف وصلوا للبيت بالي يمهم. نور: ماشي خالة. راحت أمه، وهو كعد على الكرسي القريب مني. ما حكى شيء. ابتسمت، قلت له: حبيب الروح. رعد: نعم. نور: تعال خذ هذا مني وأنطيني الثاني. كام تقرب ياخذه مني، همست بأذنه: حتى بزعلك أحبك. ما رد عليه بس حسيت بي شوي ابتسم، عباله ما شفته.

أخذ الأول وأنطاني الثاني. طلعت صدري للجهة الثانية وبديت أرضع الثاني. وهو على أساس الموبايل بيده وعينه عليه، سويت نفسي ما مهتمة. شوي وكال: خلي الشال على صدرك. نور: ماكو أحد هنا. رعد: ما يخالف، كل شوي ينفتح الباب. نور: ابتسمت قلت له: ماشي تدلل. ما رد عليه على أساس ما عاجبه الوضع. قلت له: حبيب الروح. التفت عليه، قلت له: ممكن تجيب لي هذا البطل اللي يمك؟ أريد أشرب مي عطشانة. ما رد عليه، كام أنطاني البطل كان على الميز.

قلت له: شربني أنت، أني ما أقدر حاضنة الطفل. ما رد عليه، شربني البطل. خلصت، قلت له: رعد. رعد: نعم. نور: تعال شوف ابنك شلون يبتسم. تقدم صار قريب عليه يناظر بالطفل. تقدمت بسته بخده وهمست: أحبك. التفت عليه، صفن شوي يناظر بعيوني. تقدم باسني بهدوء، ابتعد كال: ليش تعاندين وتعلين صوتك؟؟ نور -تقدمت بسته، ابتعدت. قالت: والله مو عناد، بس الأطفال ما يصير يبقون بدون حليب مو زين عليهم. رعد -حسابج بالبيت مو هنا. نور

-هههه يعني أنتَ زوجي وحبيبي وكلبي وعمري وحياتي وسندي من بعد ربي وأهلي ودنيتي كلها، وفوق كل هذا أبو جهالي، دتتخيل وجودك بحياتي شكد حلو؟ عيونه بعيوني، رجع باسني، ابتعد، قال: رعد -إذا أني وجودي فقط بحياتج هلكد، أنتِ كل حياتي، أعشقج شعندي غيرج يا دليلي. نور -يا كلبي فديتك، الله لا يحرمني منك. رعد -ولا منج. نور -ابتسمت، التفتت باوعت على الطفل البحضني، قال: رعد -أي بويه شبعوا من حضن أمكم، وأني محد بحالي، خلص دوري. نور

-خربت ضحك على كلامه، قلت له: نور -ههههه صدك جذب تغار من الأطفال. رعد -ليش ما أغار؟ هاي أول يوم أخذوج مني. نور -هههه تعال أقول لك شيء. تقدم باتجاهي، تلمست وجهه وشواربه وشفته، تقدمت بسته، ابتعدت، قلت له: نور -ولك أنتَ روحي، تعرف شنو يعني روحي؟ محد يكدر ياخذني منك. ابتعد، توتر، هههه شكله يضحك. رعد -اشتعلوا أهلج، مشكلة بالمستشفى ما أكدر، بس نرجع أشوف شغلي وياج. نور -هههه شنو تسوي مثلًا مثلًا؟ رعد

-نرجع أقول لك شسوي، قول وفعل. نور -غمز لي ويحكي، قلت له: نور -ههه منحرف ما يفيد وياك. رعد -على أساس أنتِ فقيرة مو؟ نور -جنت أي، بس من وراك طلعت عيني. رعد -ههه لعد هم زين طلعت. نور -أي. رعد -غطي صدرج بويه. نور -تمام، بعد اكو أوامر سيادة النقيب؟ رعد -اكو، بس السكتة أولى، شنسوي. نور -هههه شو تحكي بحسرة. رعد -خليني ساكت. نور -هههه خوش لعد اسكت. عدلت الشال، أباوع على ابني حبيبي شكد حلو نايم، قلت له: نور

-حبيبي أي واحد بيهم أكبر بالدقائق؟ هذا لو ذاك؟ رعد -يمكن اليبحضنج أكبر بدقيقتين مدري دقيقة، ما أعرف هيج فهمت. نور -يعني البحضني وعد؟ رعد -أي. نور -تمام. رجعت أباوع على الطفل، أتلمس بخدوده الناعمة، دخلت أم رعد، قالت: جوان -يمه شصار بالأكل؟ نور ما ماكلة شيء. رعد -هسه أروح أشوف. جوان -أي روح. نور -قام باوع علي، غمز لي، خزرته، ضحكنا سوا، وخالة جوان بيدها الموبايل ما حست علينا، راح رعد وأني بقيت على حالي، شوي وقالت أمه:

جوان -يمه كافي نامي شوي ارتاحي. نور -ماشي. بست رأس الطفل بهدوء وأخذته خالة جوان، عدلت كعدتي، قلت لها: نور -خالة بس شوي أنام، كوميني لا تخليني أطول علمود الأطفال ودير بالج عليهم فدوة. جوان -يااا ولج يمه بعيوني أخليهم، نامي وارتاحي. نور -حبيبتي تسلمين. غمضت عيوني ونمت، حيل تعبانة جنت. في صباح يوم جديد: نور

-وأشرقت أول صباح وأطفالي بحضني، جانت أول ليلة مؤلمة بسبب العملية ومتعبة بسبب الأطفال، ثنينهم الليل كله يبجون وسبحان الله واحد يبجي الثاني يبجي ويا، ومن يسكتون سوا يسكتون، جانت أول ليلة صعبة وحلوة بنفس الوقت. جتي الدكتورة شافت الفحوصات ونبضات القلب وسألتني أسئلة وأني رديت، آخر شيء قاست ضغط الدم، جان كل شيء جيد الحمد لله. قالت تكدرون تطلعون اليوم، البيت أحسن الها تاخذ راحتها أكثر، هيج وقالت وراحت الدكتورة.

وإحنا جهزنا نفسنا حتى نطلع. في مكان آخر: بتول -كل شوي موبايلي يرن، ظل يرن وأني أسده عبالي منبه، جنت نايمة ما حاسة على نفسي، وجان تكومني تبارك. تبارك -ياااا ولج كومي كافي نوم توله، كومي كافي ما حمضتي من النوم. بتول -بنعس: بس شوي فدوة. تبارك -كومي ركان خابرني يقول بتول ليش تسده بوجهي؟ شبيها؟ كومي خطية عباله صاير شيء. بتول -فتحت عيوني، قلت لها بنعس: منو شنو شوكت خابر؟ تبارك -دشوفي سجل المكالمات تعرفين شوكت؟

كوومي كافي نوم. بتول -كايمة بس شوي. تبارك -أويلي على عنادج، كومي خابري. بتول -أي بعدين فدوة. تبارك -كوومي أني اليوم أسافر. بتول -من هيج قالت كعدت صحصحت، قلت لها: وين تسافرين؟ تبارك -لشمال معرض أربيل الدولي، عندي شغلي هناك. بتول -أخذيني وياج فدوة. تبارك -يااا أقول لك عندي شغل مال منظمة مو رايحة لسياحة. بتول -دروحي واحد أبد لا يحتاجج، عشتو عندها شغل. تبارك -هههه خلي ركانج ياخذج، يلا كومي أني أكوم أسبح وأحضر جنطي. بتول

-شوكت ترجعين؟ تبارك -يومين أكثر، ما أعرف حسب الشغل. بتول -تمام، درب السلامة يا عمري. تبارك -حبيبتي يلا كومي تريقي، فد شوي وأمي ونور يرجعون. بتول -صدددك؟ تبارك -أي والله، هسه أني خابرتهم، قالت شوي ونرجع. بتول -أي الحمد لله، لعد هسه أجي بس أشوف ركان شيريد. تبارك -ماشي. بتول -راحت تبارك، سحبت الموبايل، عززه شكد مخابر وأني فاصلة ومرات، وما أعرف كم مكالمة لم يرد عليها، يبووو خابرته شوي ورد. ركان

-بنت الـ لا حول ولا قوة إلا بالله، ما أكدر حتى أغلط ووينج، أخابر تفصلين بوجهي، أني أعلمج يا بتول، هيج بسهولة تسديه بوجهي بسيطة. بتول -يبووو أكلتني حاصل فاصل، خلي أحكي على كيفك، أول شيء صباح الخير حبيبي، ثاني شيء جنت نايمة والله، وكل ظني منبه، جنت أفصله، آسفة والله بدون قصد. ركان -يا صباح ولج، كلبي مثل النار، قلت أكيد صاير لج شيء، وأنتِ نايمة ومرتاحة وتكولين آسفة، آسفج وين أصرفه؟ بتول

-حقك، بس والله تعبت البارحة وما كدرت أنام بسرعة، وأخذتني النومة، مشيها هاي المرة، والله مو بقصد يا عمري، شلون أفصله بوجهك؟ ركان -آخر مرة ما تنعاد. بتول -وعد آخر مرة ما تنعاد. ركان -أحبج مجنونتي. بتول -أحبك مجنونين. ركان -تعرفين شنو أريد؟ بتول -شنو؟ ركان -آخذج ونتزوج ونسافر لمكان وحدنا، بس أني وأنتِ. بتول -ابتسمت، قلت له: بتول -ااالله، وتخيل أنتَ تسوق وأني أخلي راسي على كتافك وتنشبك (تتمسك)

أيدي بيدك وتشغل أغنية هادئة. ركان -وأتلمس أيدج الناعمة وأشم ريحة عطرج التترس السيارة، وأسحب أيدج بهدوء وأطبع عليها بوسة. بتول -أوووي فدوة ركاني، شكد أحبك. ركان -العشق أنتِ. بتول -يا كلبي، زين سؤال، شوكت نتزوج؟ ركان -آخ هو أني لازم أسأل، غير أنتظر دراستج تكمل. بتول -زين شكو بيها نتزوج هالفترة وبعدها أكمل. ركان -لا بويه ما يصير، كملي دراستج أول، وبعدها فرغي وقتج الي ولأطفالنا، هيج أحسن، بعد الأيام كدامنا، الله كريم.

بتول -صح كلامك، تفكيرك أحسن من تفكيري، يلا كلبي أروح أغسل وجهي، هسه نور وأمي يرجعون. ركان -ماشي بويه، دير بالك على نفسك. بتول -وأنتَ هم ركان. ركان -روحه. بتول -أحبك. ركان -أعشقج. بتول -ابتسمت، سديت الخط، قمت غسلت وجهي ورتبت نفسي، نزلت جوه، راحت تبارك وأني رحت بلغت تيلا ترتب غرفة نور وتنظفها قبل لا ترجع.

راحت تيلا وأني كعدت بالصالة، أجه أحمد وسيف كعدنا نحكي عن الدراسة، وجان نسمع صوت سيارة رعيد، طلعنا برا، نزلوا رعد وأمي ساعدوا نور تنزل، انطتني أمي الأطفال جانوا خاليهم بالكركوت الأصغار اليدوي مال أطفال. جوان -يمه أخذيهم فوق لغرفة رعيد. بتول -تمام. عفتهم وأخذت الأطفال وصعدت فوق لغرفتهم، شوي وأجوا وراي، تمددت نور ساعدها رعد، ما تكدر علمود بطنها خطية مبين متوجعة بس ساكتة، أجوا سيف وأحمد يباركون لنور ورعد. سيف

-مبروك رعيد خويه، وأخيرًا صرت أب. رعد -حبيبي الله يبارك بيك يوم الك. سيف -إن شاء الله. الحمد لله على السلامة خويه نور، يتربون بعزكم إن شاء الله. نور -الله يسلمك خويه، اللهم آمين. أحمد -رعوده صار أب وأني أحلى عم، نيالهم جهالك عندهم هيج عم حلو مثلي. رعد -هههه أي صدك نيالهم. أحمد -حبيبي مبروك والحمد لله على سلامة نور والأطفال. رعد -الله يبارك بيك تسلم. نور -الله يسلمك تسلم، تعالوا شوفوهم. أحمد -يصير أشيلهم مرة وحدة؟ نور

-أي طبعًا تعال أخذهم. تقدموا أحمد وسيف، كل واحد بيهم شال طفل. أحمد -يشبهوني حلوين مثلي. سيف -دنجب شجابهم عليك يشبهون أبوهم. أحمد -دروح يشبهوني أني غير عمهم، دشوفهم شكد حلوين منين له حلا أبوهم. بتول -هههه ولك كل هذا الجمال وتكول منين له؟ رعد -أندري. أحمد -هههه أهم شيء يشبهوني. سيف -إذا يشبهوك من هسه أغسل أيدي منهم. بتول -يااا هههههه شبي حمدمد ليش تحكي علي؟ رعد -بس أبو البنات هههه. أحمد

-استلم منو ديحكي، تخلوني كوة أجفص. رعد -انجب قابل من نفسي أحكي، هو يقولون الي اسمه أحمد أبو البنات. أحمد -من أمداني إذا مرقم بنية، من ورا الدراسة ألحك أشوف بنات، أصخم ألطم، الكلية كلها مكبلين بس أني صافن على الكتاب وأغم بكصتي. بتول -هههه سودة علي، أنقهر على الاسم مدري ليش صيته طالع هيج. أحمد -أي الله والقهر ماكو شيء، تجيك التهايم وأنتَ نايم هههه. نور -هههه. ظليت أضحك على سوالفهم، قالت أمهم: جوان

-يلا يمه كافي هوسة، عوفوا نور والأطفال يرتاحون شوي، بعدين شوفوهم. بتول -ماشي يمه حبيبتي نور، أي شيء تحتاجين خابريني أصعد لج بدقائق. نور -ماشي يا عمري إن شاء الله. راحوا كلهم، بقى رعد وخالة جوان، قالت: جوان -يمه رضعيهم هسه إذا تكدرين. نور -ماشي خالة. طلعت أمه هم وأني أخذت واحد منهم أرضعه، ورعد تعبان متمدد على التخم بالغرفة ومغمض عيونه، قلت له: نور -حبيبي كوم اسبح ونام، أعرف بيك تعبان. رعد

-أي والله ما نايم اليوم، هسه أكوم بويه. نور -تمام. حسيت بألم بطني، قلت له: نور -رعد إبرة المسكن وين؟ رعد -ليش بويه موجوعة؟ نور -أي. رعد -ماشي يمي الابر، راح أنطيج وحدة، يلا أروح أسبح. نور -تمام حبيبي. قام طلع برا، شوي ورجع شكل الإبرة بالمغذي، التفت علي، قال: رعد -رايح أسبح، إذا أحد دخل خلي الشال على صدرج انتبهي تمام بويه. نور -بس بتول وأمك ماكو أحد غريب. تقدم باس راسي وقال: رعد -ميخالف، سوي الكلت لج علي. نور -تمام.

راح يسبح وأني شبعت سعد الصغير، خليته يمي على السرير وأخذت وعد أرضعه، صافنة على جمالهم فديتهم والله، كلش حلوين ما شاء الله. نور -حبيبي كلبي فديت وعدي كلب الماما، فديت خدودكم، أنتوا ليش هيج حلوين يا ماما، يمه فدوة لهالجمال. وأني دأحكي وياهم اندك الباب، خليت الشال على صدري وقلت: نور -تفضل. انفتح الباب، جانت بتول، قالت: بتول -نور حبيبتي اكو مرة جبيرة بالعمر تريد تشوفج. نور -تشوفني أني؟ بتول: إي. نور: منو هاي؟

جان كتيلها ما أكدر ومريضه. بتول: إي، تكول بس أسلم عليها وأروح بالليل أسافر علمود هيج، بس أشوفها. نور: تمام حبيبتي، بس يطلع رعد من الحمام جيبيها وتعالي. بتول: ماشي داده. نور: راحت بتول وأني مئة سؤال دار أبالي، منو هاي وشلون تعرفني؟ بين أفكاري وجان يطلع رعد من الحمام، وكف ينشف شعره بالمنشفه. رعد: ها جهالي متعبيج؟ نور: حاليًا لا، بس إذا بالليل ما يتعبوني زين.

رعد: أووو، أني أهج أطلع برا أنام، مو كافي اليوم ما نايم بسببهم. نور: ههههه، بعدك ما شايف شي أبو التوأم. أحبلج بتوأم، أحبلج بتوأم، استلم ذوله التوأم، أتحملهم. رعد: شمدريني هيج يسوون بالليل؟ نور: ههه، بعدهم صغار، كل الأطفال أول أيام هيج. أكلك حبيبي، بتول تكول اكو مره جبيره بالعمر تريد تشوفني، كتلها بس رعد يطلع من الحمام خلي تجي. رعد: منو هاي؟ نور: ما أعرف، وكلبي ناغزني ما مرتاحه. رعد: لا، ماكو شي إن شاء الله.

نور: إن شاء الله. رعد: هسه أنشف شعري وأبدل، خلي يجون، بس انتبهي من المره، خلي عينج عليها. نور: تمام يا كلبي إن شاء الله. باوعت على وعد حبيبي نايم. نشف شعره رعد ولبس تراك، تعطر، أجه يمي، شال سعد باس راسه. رعد: يابه جهالي حلوين، هي كوه. نور: يااا، كول ما شاء الله. رعد: قابل أحسدهم؟

نور: حبيبي، العين حق مذكور بالقرآن، وأكو مثل شعبي يكول ما يحسد المال إلا أصحابه، يعني مو شرط تحسد بنيه خبيثه، مرات بدون ما تحس تصيب العين، لازم تذكر الله قبل. رجع سعد بهدوء على السرير وكعد يمي، تقدمت أنفاسه الحاره تضرب بوجهي وهو يناظر بعيوني وشفتي كال: رعد: أروح فدوه لعقلج خوش. نور: ابتسمت، تقدم باسني وحط راسه برقبتي، كال: رعد: نور ميت شوك. نور: يا روح نور فديتك أنت وشوكك. أخذت نفس من رقبتي، كال:

رعد: شيصبرني من هسه ملتهيه بالتوأم. نور: هههه، ولا يهمك، ألتَهي بيك وبيهم. يشم برقبتي ويحجي: رعد: ستري عليه لا تضحكين. نور: هههه ماشي. شوي واندك الباب، ابتعد صاح: رعد: موقتته تيلا أعرفها. نور: ههههه. رعد: حظي، ما تعرفين عدلي شالج بويه. نور: تمام هههه، الله يساعد تيلا من لسانك. رعد: كولي الله يساعدني أني. نور: هههه. عدلت الشال، فتح الباب، طلعت بتول، باوع عليه كال: رعد: الظاهر صار تغيير بالإعدادات. نور: هههههه يمكن.

بتول: خير شكو، تغيير شنو؟ رعد: انسي خويه ماكو شي. بتول: ماشي نويره، المره تريد تروح تكول بس أسلم عليها. نور: إي خلي تجي. بتول: ماشي. رعد: أني أصعد فوك أنام، غرفة النوم مفروشه مو؟ نور: إي حبيبي، بس أخذ مخده. رعد: تمام، أي شي تحتاجين خابريني ماشي بويه. نور: ماشي حبيبي.

راح رعد، غمضت عيوني شوي وسمعت صوت العكازه تنضرب على الأرض ويه المشي، توقف الصوت، رفعت راسي انصدمت من الشفته، نزلن دموعي، باوعت عليه هي هم نزلن دموعها، تقدمت بتجاهي وأني بعدني مصدومه، باستني من راسي وكالت: -شلونج بنيتي؟ نور: بقيت صافنه، دموعي تنزل بهدوء، ما كدرت أنطق وأرد عليها، كعدت يمي على أطراف السرير تبجي وتحجي كالت: -يمه كبرتي وصرتي أم، فدوه أروح لج الذرية الصالحة إن شاء الله بنيتي. نور: غمضت عيوني ودموعي تنزل،

كتلها: -شلون تذكرتيني؟ نزلن دموعها كالت: -ليش كدرت أنساج يا يمه حتى أذكرج؟ نور: إي واضح كلش، سوده عليه لا ليلكم ليل ولا نهاركم نهار. أخذت نفس بتعب، هزت براسها بهدوء وكالت: -اليدير يدري والما يدري ما يدري، حقج يمه شنو تحجين حقج. نور: حقي؟ هههه ضحكتيني، وينه حقي؟ على أي حق تحجين؟ هنا هواااي على يا حق تحجين؟ على حق عندي خوال وجده وأهل وصرت خدامه جوه أيد مره أتاجر بالمخد.رات وزوجها راد يغت.صبني؟

لو حق مرضي بسبب ظلم مرت الأب؟ لو من جوه المطر نمت والدنيا بااارده وأنتو جنتو مدفاين ببيوتكم؟ على يا حق تحجين؟ حشى السامع، جلب الشوارع جان يعيش براحه أكثر مني، تركت دراستي من جانو باقي أحفادج يتخرجون، تركت حياتي بعز شبابي وصغري من جانو أحفادج عايشين طفولتهم بين أهلهم. جنت أخبز جوه المطر من جانو أحفادج يلعبون جوه المطر، خدمت اليسوى والما يسوى، جانو يتنمرون عليه وعلى شكلي من التعب والشغل. أخذت نفس بجيت ما تحملت كملت:

-مددوني على الأرض والتمو عليه دفرات على بطني، محد طلعني من أيدهم، ما جان اكو حضن يلمني من أنت جنتي حاضنه أحفادج، على أي حق تحجين؟ نزلن دموعها، غمضت عيوني وكلت بتعب: -وأني عايشه أبيت أبوي تهموني بشرفي وأخلاقي، اتهام ظلم عيني عينك من جنتي أنت فرحانه بعرس أحفادج، شحجي وشما أحجي، إذا أعدد للصبح ما أخلص، على يا حق تحجين؟ وينه حقي بس فهميني؟

فوك كل هذا تأملت أجي يمكم، نسيت تقصيركم بحقي، نسيت كل شي وفرحت كلت عندي جده باقيه أروح أعيش يمها من ريحة الغاليه هاي، ومن جيت ودكيت بابكم انصدمت بكل عين، طردتوني مو بس هيج ههههه لا كذبتوني هم، بس كليلي وين حقيي؟؟؟ أحجي وأبجي وهي تبجي وياي، هزت راسها بكل انكسار كالت: -أنعمت عيني الغفت وعافتج بهذا الظلم، أنعمت عيني عليج يا يمه، شما تحجين حقج، بس والله يا يمه ما عرفت بيج، والله لو أعرف ما جان خليتج تتعذبين ولا يوم.

نور: عدلت كعدتي وخليت وعد على السرير يمي، التفتت عليها ودموعي تنزل كتلها: -فدوه أروح لج شنو الما عرفتي؟ ليش شوكت سألتو عليه علمود تعرفون؟ شوكت مذكريني علمود تعرفون؟ ومن جيتكم وحجيتلكم وعرفتو اكتفيتو بطردي من بيتكم وكذبتوني، شنو الما عرفتي؟؟ ليش بقى شي ما عرفتو؟ بس عادي عفتوني ويه رجال غريب يم ناس غربه، ضميركم تقبل وكملتو حياتكم وهسه جايه تكولين ما عرفت وما نسيتج؟ أني أحجي وهي تبجي، ما ردت عليه، بقت تبجي وتهز براسها،

كتلها: -شنو تريدين مني؟ ليش جايه؟ رفعت راسها عينها بعيني، كالت بتعب: -أبريلي الذمه، ما أريد شي ثاني. نور: نزلن دموعي، كتلها: -هسه جايه تردين أبريلي الذمه؟ وين جنتي لعد من متت ورجعت من الموت وتمرضت وانهانيت وخدمت وانضربت، وين جنتي بوقتها؟؟

-والله كلت لخالج خلي ناخذها نربيها ما قبل يا يمه والله ما قبل، أني عايشه وياهم ما كدرت أفرض كلمتي عليهم، بس والله يوميه جنت أكله وجان يرفض لحد ما تعبت، بس وربج يا يمه ما نسيتج بالدعاء. ودوم أحاول أخذ أخبارج وأطمئن عليج، أنت من ريحة الغاليه شلون أنساج، بس الظروف يا يمه الظروف تحكم، حقج عليه حقج شما تحجين، أني مقصره وياج أعترف حيل مقصره.

نور: إي واضح، الله لا يعوزني عليكم، ما شفت شي منكم ولا أريد أشوف، خلص اعتبرتوني ميته، اعتبرتكم ما موجودين من الأساس. ما عندي لا عمام ولا خوال ولا أهل أم ولا أهل أب، عندي ربي ومن بعده زوجي وأطفالي وبس، ما عندي غيرهم، أهل زوجي صارولي أهل، محد قصر وياي. أما أنتو من زمان ميتين بالنسبه الي. نزلن دموعها، قامت تبجي: -لا تكولين هيج. نور: ما ألومج، الحقيقه مره لسمع، لعد شتكولين للعاشها؟

-يمه أعتذر منج على كل أذيه عشتيها وما وكفت وياج وساعدتج وحميتج، بس والله ماكو شي بيدي، كلبي مثل نار عليج من طلعتي من بيتنا ودموعج بعينج وما كدرت أسوي شي ما كدرت، الله ياخذ حقج مني، أستاهل أني أستاهل. نور: تحجي وتبجي وأبجي وياها، كتلها:

-أني تعبانه، الله يخليج لا تزيدين فوك تعبي تعب ثاني، خليني أنسى الماضي وأعيش حياتي، خلص نكرتو معرفتكم بيه بكيفكم، احتاجيتكم مره وحده بس مره، محد وكف وياي، لو أموت ما راح احتاجكم مره ثانيه، خلوني أرتاح، خلص ما تردوني، أني هم ما أريدكم، كافي لهنا وبس، تعبت منكم كلكم. حسبتكم ميتين حتى ما أشوه صورتكم بقلبي، رغم كل شي ما شفت منكم، أنتو بطريق وأني بطريق. باوعت عليه انقهرت من كلامي، مسحت دموعها كالت:

-خلص يا يمه حقج كل الحق وياج، جيت أشوفج آخر مره، رايحه للموت، أبريلي الذمه قبل لا أروح، فدوه لطولج، أبريلي الذمه خلي أرتاح، بردي كلبي بآخر أيامي. نور: من هيج كالت ما أعرف شصارلي، سألتها بدون تفكير: -شبيج ليش هيج تحجين؟ أخذت نفس بتعب وكالت: -كالها رب العالمين (فَأَمَّا الْيَتِيمَ فَلَا تَقْهَرْ) . حوبتج يا يمه طلعت بيه، أعترف والسرطان هد حيلي، هد مسافره يم خالتج أتعالج ولو صعبه أتحسن بس الله كريم.

نور: انصدمت من هيج كالت، نزلن دموعي، حتى اتندمت على كلامي وياها، كالت: -أبريلي الذمه، أعرف نفسي ما مطوله، متأخر عرفت بمرضي. نور: قامت بهدوء أباوع على أيدها شلون ترجف، تقدمت حنت ظهرها باست راسي وكالت: -خليني أروح يم أمج وأني مبرية الذمه يا يمه، الله يرضى عليج، خليني أموت وأني مرتاحه. نور: نزلن دموعي، سحبت أيدها وبستها وكتلها وأني أبجي: -مبرية الذمه وسلامتج، وأعتذر إذا تجاوزت بكلامي وياج بس من قهر كلبي.

-لا يمه ما تجاوزتي، كلمة الحق تنكال. نور: حضنتني تبجي وأني أبجي، أباوع رعد وخاله جوان والبنات كلهم واكفين يبجون، إلا رعد جان عينه عليه ويهز براسه. بتول: كنا واكفين كلنا، شبعت بجي ويه نور، خطيه ما توقعت لهل درجه جانت تعبانه بحياتها، فعلًا بطله، اجت تيلا كالت: تيلا: سياره يكول برا ماما كبير يروح. بتول: تمام حجيه، أتوقع جايين عليج. -إي يمه هسه أجي. نور: ابتعدت باست راسي وكالت:

-أني لازم أروح يا يمه، الله يوفقج ويفرح كلبج بجهالج وزوجج، الله يعوضج بيهم يا يمه، دير بالج على نفسج بنيتي، إذا تحسنت أرجع أشوفج، وإذا صار بيه شي أبريلي الذمه. نور: مبرية الذمه والشفاء العاجل بإذن الله. هيج كلت وبجيت، باست عيوني ورفعت أيدها الترجف ومسحته على راسي وكالت بتعب: -الله يرضى عليج يا يمه، الله يفرحج مثل ما فرحتيني. نور: التفتت على رعد كلتلها:

-دير بالك عليها، لو تفر العالم كله ما تلكه أحسن منها. لا تعيد غلطتنه (فَأَمَّا الْيَتِيمَ فَلَا تَقْهَرْ) (فَأَمَّا الْيَتِيمَ فَلَا تَقْهَرْ) نور: هيج كالت بدموع وراحت، وأني طكيت من البجي، اجوي رعد وأمه يمي يسكتون بيه، ماكو فائده، جان يوم جدًا صعب مو بس صعب. رعد وأمه بقوا يمي وحجوا وياي، صار الليل ومرت من ضمن أصعب الليالي في حياتي، بريتها الذمه لأن الله غفور ورحيم، إذا الله يسامح، نور منو علمود ما تسامح؟

**بعد مرور سنتين** بتول: يمه والله هذا أحلى. جوان: منيله حلو يا يمه، ذاك أحلى. بتول: نور احجي شي فدوه. نور: خاله خليها تاخذ التريده، بعدين راح تاكل كلبج بالبيت. بتول: ياااا ردتها عون طلعتلي فرعون. نور: ههههه أعرف طبعج. جوان: إي والله نحسه، مدري على منو طالعه. بتول: أفَاا، أني نحسه؟ بسيطه وأنت عليه ويايه؟ نور: هههه، نص ونص. بتول: خوش، تعرفون شنو أحسن شيء؟ آخذ رأي حبيبي، ذوقه مهم أكثر منكم.

جوان: أي روحي، دوخي، الله يساعده. نور: هههههه. بتول: فديته يتحملني فوق خبالي. نور: راحت بتول تحكي ويا ركان يختارون فستان الحنة، وإحنا بالمحل التفتت شفت فستان أحمر يخبل، ينرسم على الجسم رسم، وبي فتحة طويلة للفخذ ومن فوق تعلاكة كله كريستال، يخبل يخبل بس جريء شوي، ما لابسة هيج شيء من قبل، قلت لخالة جوان: "أكلج خالة." جوان: كولي يمه. نور: هذا الفستان كُلش عجبني، ما تسألي لي بيش؟ جوان: يا واحد؟ هذا الأحمر؟ نور: أي، حلو؟

جوان: أي والله حلو يا يمه، هسه أشوفلك شكد سعره. نور: يا ريت. راحت تسأل، دق موبايلي كانت تيلا، أكيد الجهال قاموا، عفتهم يم تيلا وجيت أحضر نفسي لعرس بتول وركان بهذا الأسبوع. رديت، أجاني صوتهم يبجون: "ألو تيلا." تيلا: ماما أنتِ وين؟ أنتِ وين؟ نور: بالسوق. تيلا: ماما بس يبجي، ما يعرف، أنا ما يعرف. نور: يبووو على حظي، رعد وين؟ وديهم يمه. تيلا: بابا نايم، ماما تعالي، أنا ما يعرف.

نور: ميخالف، هسه أنا أكومه، روحي أخذيهم يم أبوهم يسكتون يمه. تيلا: حاضر ماما. نور: سدته، طلعت رقم رعد، خابرته، شوي ورد. "رعد حبيبي، شتسوي؟ رعد: نايم. نور: حبيبي قوم، جهالك يبجون يم تيلا، أخذهم يمك يسكتون، شوي وأرجع بس أكمل ما أطول. رعد: بعدك بالسوق؟ نور: أي. رعد: ماشي، وينهم؟ نور: يم تيلا، شوف العب وياهم يسكتون، وقول لتيلا تنطيهم سيريلاك، جوعانين هسه. رعد: ماشي، لا تتأخرين، ما أقدر عليهم. نور: لا ما أتأخر، شوي وأرجع.

رعد: تمام. نور: ماشي حبيبي، روح. صاحتني خالة جوان، سديت الخط، رحت يمها: "ها خالة." جوان: يمه تعالي جربي شوفي شلون عليج. نور: ماشي. أخذت الفستان ورحت لغرفة التبديل لبسته، بصراحة طلع يخبل بكل معنى الكلمة، كُلش حلو، ما قدرت أطلع بي لأن ما يصير أنا محجبة، فبدلت بسرعة وطلعت، كانت منتظرتني. جوان: ها يمه، شلون كان عليج؟ نور: يخبل، بس أحس بطني كبرانة، برز بطني أكثر. جوان: يا شهر هسه أنتِ؟ نور: الخامس.

جوان: لا زينة، بطنك مو جبيرة، بالتوأم كان أكبر. نور: هههه، أي والله على قولة رعد، عبالك دب كنتي. جوان: هههه، بس هذا حملك أسهل من التوأم. نور: بهواااي نعمة والله، هسه خالة هذا شكد سعره؟ جوان: هدية مني لكِ. نور: لا والله ما أقبل، أمانة شكد سعره؟ جوان: عوفي يمه، حساب بيني وبين رعد. نور: إذا هيج، ماشي.

خليت الفستان بالكيس وخالة جوان دفعت حقه، رحنا للقسم الثاني، أباوع بتول بعدها فاتحة الكاميرا، ودتشوف ركان وهو يقول هذا أحلى من ذاك، متت ضحك عليهم، كُلش حلوين، رحت يمها: "ها أم لسان نحيسة، بعدك ما اختاريتي؟ بتول: ولج داده، هو أنا لو النحس الثاني خابرته يساعدني، طلع أخرب مني. نور: ههههه. بتول: ولك ركان، وربي راح أرجع، كولي هسه هذا لو ذاك. ركان: أخذي اثنينهم. بتول: لا ما أريد، آخذ واحد كافي.

ركان: أخذي ذاك مستور أكثر، ما أحب شيء مشلح. بتول: هممم خوش، يلا باي. نور: سدت الخط وأخذت نفس وقالت. بتول: أوووف تعبت. نور: ههههه، طبعًا صارلك ساعة حايرة بالفستان مال حنة، حتى مو عرس. بتول: شسوي، موسوسة بهيج شغلات من صغري، عود مخابرته يساعدني، هذا طلع أخرب مني. نور: هههه. بتول: دائمًا أم وعد، وأنتِ شنو تاخذين؟ نور: أخذت واحد أحمر كُلش حلو عجبني، بالبيت أشوفكِ بس خلي نرجع، الجهال طلعوا عيون تيلا خطية هههه.

بتول: هههه، الله يساعدكِ داده، أنا ما أعرف شلون تقدرين عليهم، وفوقاها الثالث بالطريق، ورعد رابعهم، يبووو الله يساعدكِ. نور: سكتي وخليها، التعب يقرا ألف. بتول: حقكِ والله، صدك نويرة ليش حبلتي بسرعة؟ التوأم خطية بعدهم صغار، هسه دخلوا السنتين. نور: آااخ، هو أنا لو أخوكِ، لا تخليني أحكي، خلص وربي حالفة آخر طفل بعد ما أريد. بتول: هههههه، والله عاد إذا على أخويا يومية يحملكِ. نور: سكتي وخليها، هسه خلصتي مو على مود نرجع.

بتول: أي هسه بس آخذ الفستان وأجي، روحوا أنتم. نور: تمام يا قلبي. طلعت من المحل، جتِ خالة جوان هم وقفت يمي، شوي وجت بتول، خابرنا السائق أجا ورانا. أنا رجعت للبيت ويا السائق، وهما راحوا لصالون، بتول قالت أصبغ شعري وتبارك رايحة قبلهم، هيَ هم تصبغ شعرها، أنا رجعت للبيت أول ما رجعت رحت للمطبخ كانت تيلا تغسل مواعين: "كواج الله حبيبتي." تيلا: أهلًا ماما. نور: هلا بيكِ، تعبوكِ التوأم مو؟

تيلا: كتير كتير، أنا ما يريد ما يريد ما يعرف. نور: هههههه، خلص بعد ما أخليهم يمكِ، وينهم؟ تيلا: خليت أنا بابا رعد. نور: قصدكِ يم رعد فوق؟ تيلا: نعم ماما. نور: ماشي. أخذت الكيس مال فستان وصعدت فوق، دقيت الباب، شوي وانفتح. رعد: وينكِ يمعودة تأخرتِ. نور: أباوع رعد شعره مخربط وشايلهم هما الاثنين، أو وعد يجر بشعر أبو، متت ضحك، صاح: رعد: اشتعلووو أهلج، على شنو تضحكين؟ نور: على شكلك هههههههه، كُلش تضحك.

رعد: ولج خبلوني، شنو ذوله؟ نار مو جهال. نور: دخلت جوه، شمرت الكيس مال فستان وأخذت سعد من عنده، قلت له: "توأم توأم، هذا التوأم حبيبي، اشبع منهم." رعد: شنو اشبع؟ غير طلعوا عيني، ما خلوني أنام مثل العالم، عمي أرجع ألتحق أحسن لي والله. نور: بست سعد وقعدت على التخم بالصالة، رضعته سكت، جوعانين جهالي وأعرفهم، قلت له: "لعد منو كان يقول نور أحملكِ بتوأم ثاني، أريد بعد جهال هههه." رعد: ما أريد بعد.

نور: أي خوش، لعد ابقى على كلامكِ هههه. أنا أخذت سعد، وعد قام يبجي، قلت له لرعد: "رعد أخذه واطلع برا، ألهي لبين ما أنيم هذا وأجي أرضع ذاك." رعد: ماشي بويه. نور: أخذه رعد ونزل جوه يم أهله. عدلت قعدتي، سحبت الموبايل أتصفح على الإنستا، مر نص ساعة يلا نام سعد على صدري، بعدته بهدوء وشلته خليته بالسرير ماله، بست راسه وغطيته. لفيت الحجاب ونزلت جوه آخذ وعد، كانوا قاعدين كلهم بالصالة مشغولين بعرس بتول وركان.

رعد: أي أنا أقول يوم الخميس أحسن. جوان: شوف هو ركان شوكت ينزل يلا اتفقوا. سيف: والله الخميس الجاي أحسن وقت، أنا هم ما عندي شيء. رعد: أشوف ركان شيكول. نور: رحت يمهم وقفت، بس شافني وعد قام يبجي، أخذته وصعدت فوق أسكت بي: "حبيبي الماما يا روح الماما، جوعان يا قلبي."

أحكي ويا ماكو فايدة بس يبجي، صعدت للطابق الثالث، سديت الباب، رحت للغرفة النوم تمددت على السرير، رضعته سكت، تعبوني ذوله التوأم، كنت أسمع تربيتهم صعبة بس ما توقعت لهل درجة، الحمد لله على كل شيء. شوي وكملت بدلت له وخليت له باودر مال أطفال وهو يضحك حبيبي: "يمه فدوة أروح لهل ضحكة، شبعت يا ماما، أروح فدوة لابني الحلو وهسه نمشط شعر حبيبي."

قمت جبت مشط خاص مالهم للأطفال، مشطت شعره، دخل رعد أول ما شاف رعد قام يضحك، أجا رعد شاله حضنه ويبوس بي، وعد متعلق برعد أكثر مني وسعد متعلق بي أكثر. رعد: شنو هذا الجمال وشنو هاي الريحة الطيبة، بعد أبوك طالع عليه. نور: وأنا شنو دوري عيوني؟ رعد: هههه، تعرفين شنو؟ نور: قمت أعدل السرير، قلت له: "لا شنو؟ تقدمت بتجاهه، صار قريب عليه. دفن راسه برقبتي، أخذ نفس وكال: رعد -أنتِ أنفاسنا، بدونج احنا نضيع. نور

-يا قلبي، أروح لكم فدوة. ابتعد، كال: رعد -شنو شتريتي اليوم؟ نور -أووف شلون فستان يطك بالكاع، يخبل يجنن! رعد -حلو، روحي البسي علمود نشوفه. نور -لا، أريد يوم الحنة ألبسه ويه المكياج والشعر وأشوفك اللوك النهائي. رعد -خوش، مستور مو؟ نور -هممم، خليها مفاجأة. رعد -خوش. نور -يلا قلبي، تعال نيم وعد، أروح أسبح وأكمل شغل البيت. الصالة هوسه من ورا ألعاب جهالك. رعد -ماشي بويه، روحي. نور -فديت حبيبي قلبي.

بسته بخده ورحت للحمام سبحت. كملت، طلعت أشوفهم ثنينهم نايمين، رعد ووعد. فديتكم ربي يحفظكم إلي، شكد حلوين ما شاء الله. عفتهم ورحت نشفت شعري، مكياج بسيط، لبست تراك صيفي خفيف الجو حار. رحت للصالة نظفتها ورتبتها، ورحت على المطبخ لفيت جدر دولمة على العشاء. اندك الباب، رحت أفتحه، طلعت بتول. بتول -يبوووو تعبانة تعبانة، ميتة تعب. نور -أششش ولج، صوتج! الجهال نايمين. بتول -يبوو ما عرفت. هسه تعالي فدوة شسوي؟ نور

-هههه شصاير وياج عجيزة؟ بتول -ولج داده، يكول باجر الحنة وبعدها بيومين العرس، بربج هذا حجي؟ نور -عزة بعيني، حلفي! بتول -وربي. نور -صخام الصخمني، ولج ما مجهزة نفسي، لا حف ولا صخام. بتول -لعد أني شكول؟ العروس وهلا هلا شوفي وجهي، لا عناية لا صخام براس ركان. نور -هههه مو قلتوا الأسبوع الجاي، شبيكم مستعجلين؟ بتول -آااخ ولج، أني لو هو خبلني وربي! شكد رعد منحرف، مو كل مرة تكولين أخوج منحرف؟

ركان أضرب منه خبلني. أكله بس اصبر، يكول كافي صار لي سنين صابر. أكله بس أسبوع، ما يقبل. باجر ينزل ويريد نعرس هاي النزلة. نور -هههه خطية، هو هم حقه، صار لكم سنين، مو زين قبل تكملين. بتول -أي والله، هسه شسوي؟ باجر ينزل وأني وجهي شوفي شكد تعبان. نور -ليش ما سويتي اليوم؟ بتول -ياااع باع هاي شسوي؟ هو شعري صبغته بسرعة ورجعنا، زوجج خبصنا خبص. نور -هههه ليش؟ بتول -شمعرفني؟

كل شوي رجعوا ورجعوا. جان عنده شغل بأمي. هسه شسوي فدوة؟ باجر حنتي، يبوووو صخام براسك ركان. نور -هههه. متت ضحك عليها، فد تضحك. قلت لها: -بعد العشاء أقول لرعد يودينا، أنا هم أريد أحف. أنا هيج قلت، قامت تبوس بيه من الفرح. بتول -فديتج، أنتِ شنو وردة؟ لا يابه أحلى من الورد بهوااااي، أحلى مرت أخ. نور -هههه حبيبتي أنتِ وردة، عروستنا الحلوة. بتول -أووي لا تخجلوني فدوة، ما أعرف أخجل. نور -هههه. بتول

-هههه يلا داده، أروح أكمل باقي التجهيزات. صدك ريحة شنو هاي؟ شطابخة؟ نور -هههه دولمة. بتول -آااح شهيتيني، عود دزي لي ماعون. نور -من عيوني، تدللي. بتول -سالمات عيونج داده، يلا بااااي. نور -ههه باي. راحت كملت شغلي. شوي شوي جسمي ثقيل علمود الحمل متعبني شوي، بس أحسن من التوأم، أحسن بهواااي.

رحت للصالة شغلت التلفاز وخليته على القرآن، عليت صوته وبخرت البيت وعطرته ورحت أقرأ صفحتين قرآن. مر الوقت أذن المغرب ورعد والجهال بعدهم نايمين، طفيت نار الطباخ، الدولمة استوت. رحت صليت ورتبت طاولة العشاء بالمطبخ. شلت حصة بتول بماعون، كل ما أسوي شي أوديلهم وياي، ما آكل شي بدونهم. نزلت جوه انطيتهم الماعون وصعدت فوق. رحت للغرفة، كومت رعد وسعد كام ويا أبوه. كام رعد غسل وأنا رجعت نومت سعد. ورحت للمطبخ تعشينا، قلت له:

-حبيبي، تكدر تودينا على الصالون أنا والبنات؟ رعد -ليش؟ نور -باجر الحنة وبتول خطية جتّي هنا تبجي وتكول ما ألحك، قلت لها أنا أقول لرعد ياخذنا حتى أنا أريد أحف وجهي. رعد -ماشي بويه، ورا صلاة العشاء آخذكم. نور -تمام يا قلبي. رعد -وجهالك وين توديهم؟ أنا أطلع. نور -نايمين، أخليهم يم أمك. رعد -خوش. نور -أي.

كملنا الأكل، خلصت المواعين ورتبت المطبخ. أذن العشاء، راح رعد يصلي بالجامع. مرات يصلي العشاء بالجامع والباقي بالبيت الحمد لله. من حبلت بالتوأم لحد هسه تارك المشروب والتخدين. قلله، كل ما يدخن أسحبه من ايده وأطفي. ما أقبل يدخن لأن مضر لصحته وحرام لأنه مضر، وبصراحة تعبت وياه لأن جان كُلش مدمن على التخدين، بس شوي شوي ديتركه، أنا ما أجوز منه.

بس شغله ما تركها، العصبية خبلني بأعصابه. ما ترك العصبية نهائي، والغيرة شوي قللها شوي. مرات يعاند ومرات يمشيها هههه. رحت جهزت نفسي. لبست بشت خليجي يجنن لون بني وأبيض، ومكياج بسيط ويه رشة عطر. كملت، رحت كومت الجهال، رضعتهم وطفيت الأضواء مال البيت. أخذت الموبايل والفلوس وأخذت الجهال ونزلنا جوه، كعدنا بالصالة نتتظر. رعد يرجع شوي وجتّي تيلا قالت أجه. عفت الجهال يم خالة جوان ورحنا أنا وتبارك وبتول للصالون.

حفينا وأنا صبغت أول خصلتين من كذلتي لون أشقر بلاتيني، بس أول خصلتين والباقي عفته على لونه الطبيعي. شوي طولان شعري مو كُلش. وبتول وتبارك حفو وسووا عناية بالبشرة، أنا هم سويت وياهم. كملنا، أجه أحمد رجعنا للبيت ومر اليوم عادي. صار الصبح، الكل مخبوص. الحنة راح يسووها ببيتهم والعرس بالقاعة. أجو شركة التنظيم زينوا ورتبوا غرفة الضيوف، الحنة هناك تصير. بين الشغل والجهال وتجهيزات الحنة.

مر الوقت، صارت بالخامسة العصر. لازم نروح للصالون. رضعت الجهال ونظفتهم ونيمتهم وبقيتهم يم خالة جوان ورعد ودّانا للصالون. وبدأوا يجهزونا. بتول اختارت تسريحة رفعت كل شعرها ويه مكياج وسط لا غامق ولا فاتح. وتبارك فتحت شعرها سوته كيرلي ويه مكياج غامق شوي. وأنا اختاريت تسريحة نصه رفعته والباقي نزلته. منه خصل طلع حلو ويه حمرة أحمر غامق مو فاتح أبو الماركة.

وظل ترابي فاتح، أول مرة أحط هيج مكياج يجذب النظر. رحت لبست الفستان، ساعدتني تبارك علمود التسريحة لا تخرب. رفعت السحاب، ابتعدت تبارك صفنت، قلت لها: -ها، ما حلو؟ تبارك -يموووت! لا لا مستحيل يقبل رعد تلبسيه. نور -قولي غيرها يمعودة. تبارك -وربي يجننن عليك هذا. بلا شي يغار، أنوب هيج تلبسين، إلا ينجن وحقه بصراحة هههه. نور -رجعت باوعت على نفسي بالمرايا، صدك حلوة طالعة. -تعرفين هاي أول مرة ألبس هيج نوع من الفساتين. تبارك

-حبيبتي بالحالتين حلوة تخبلين. نور -يا عمري تبو، أنتِ الحلوة. يعني معقولة رعد ما يقبل ألبسه؟ تبارك -والله هو عادي لأن فقط بنات، بس تعرفين بعد غيرة رعد وعندكِ الحساب. نور -هههه يكول من الهوا أغار. تبارك -لعد داده، حيل صعبة يخليكِ تلبسيه، إلا إذا عندكِ أساليب خاصة، هذا شي ثاني هههه. نور -غمّزت لي وحجت، قلت لها: -هههه أي ليش لا، نحاول. تبارك -هههه حاولي. يلا نروح نشوف أم لسان وين وصلت. نور -أي يلا.

طلعت من الغرفة. شافتني بتول، صاحت بصوت: بتول -ولج نويرة، نيال رعيد على بياضاج، شنو أنتِ؟ عزة بعينكِ. تبارك -يااا صوتكِ، منا الناس! قولي ما شاء الله. بتول -أي ما شاء الله ما شاء الله. نور -نياله مو هههه. بتول -أي والله هههه. نور -هههه خوش ما قلتي شلون طالعة. بتول -تخبلين، صاروخ مو مرة. نور -ههه حبيبتي. عفتهم، رحت صورت سيلفي ودزيت له. شوي وشافه، كتب: -منو هاي الحلوة التشل القلب شل؟ نور -منو بنظرك؟

-ما أدري بس تتربع بالقلب. نور -كتبت: -خوش، أبقى هيج، استفزني تمام. رجع كتب: -ترى تخبل الخدود والحنج مال عض، والشفة موضوع ثاني. نور -أي خوش، بعد وكت حبيبي. شافه ضحك. سديت الموبايل وأضحك على سوالفه المنحرفة. خلصت بتول، طلعت تخبل ما شاء الله وهيَ حلوة والمكياج برز جمالها أكثر. خابرت على أحمد علمود يرجعنا للبيت.

قالت هسه يجي. قمت لبست العباية الخليجية وشمرت الشال على راسي، والبنات هم لبسوا العباية والشال. شوي وأجه أحمد رجعنا للبيت. أول ما رجعت رحت للغرفة أشوف التوأم نايمين، فديتهم بستهم وعفتهم بغرفة خالة جوان. طلعت برا قلت لها: -خالة رعد وين؟ جوان -يمه، يمكن فوق، كال أبدل وأطلع. نور -تمام، بس الجهال خلي تيلا تكعد يمهم، هسه أجي. جوان -ماشي يمه. نور -عفتها وصعدت فوق. فتحت باب الصالة ناديت: -رعد أنت هنا؟ ما رد. رجعت ناديت:

-حبيبي وينك؟ ما رد. قلت لعد طالع. سديت الباب. نزعت العباية والشال ورحت للغرفة أدور على كعب تكرمون يناسب الفستان. دورت بالكنتور لقيت واحد أبيض كريستال حسيت حلو راح يطلع ويه الفستان. لبسته، باوعت بالمرايا، طلع كُلش حلو. وجان ينفتح باب الغرفة. التفتت، طلع رعد. انصدم من شافني. ظل يباوع، ضحكت، قلت له: -ها حبيب الروح، حلوة؟ ظل يباوع مصدوم، كال: رعد -شنو هاي؟ نور -شنو؟ ظل يباوع عليه من فوق ليجوه. أشر على الفستان كال: رعد

-شنو هذا الفستان؟ منين أخذتيه؟ نور -ابتسمت، رحت وكفت يمه، قلت له: -حلو مو؟ رعد -ولج يا حلو؟ غير راسم جسمكِ رسم! ملابس نومكِ مو هيج. بس لا أحد شافكِ؟ نور -يااا مو لهل درجة شنو السالفة، غير راح أنزل بي لحفلة الحنة! رعد -شنووو بهذا تنزلين؟؟ تحلمين. نور -لا فدوة والله عاجبني. رعد -نور روحي بدلي بويه. نور -رعد فدوة. رعد -قلت بدلي بدون عناد. نور

-باوعت عليه. تقدمت بتجاهه، حاوطت ايدي على رقبته وتقدمت أكثر. شميت رقبته، ريحة عطره. بسته بهدوء بخده قريب من شفته. ابتعدت، مسكنت روحي، قلت له: -فدوة اقبل، بس بنات والله. هاي أول مرة ألبس هيج شي. فدوة اقبل، والله فرحانة بي، عبالك حنتي مو حنة بتول. لخاطري حبيبي اقبل ولا تكسر بخاطري. ظل يباوع عليه ما حجه شي. رجعت بسته بخده، قلت له: -إذا تقبل أي شي تطلبه أكدر عليه أسويه لمدة يوم كامل وتدلل، بس اقبل فدوة.

باوع على عيوني و شفتي، كال: رعد -وربي هذا مو فستان ولج، سيت نوم. لا تخبليني. نور -والله العظيم فستان. رعد -لا حول ولا قوة إلا بالله، وتالي وياج. نور -دفنت راسي برقبته حضنته. -فدوة اقبل بس هاي المرة، بعد ما ألبس هيج شي. ابتعدت. رجع باوع على الفستان، كال: رعد -بويه والله ما يصير. صدركِ وظهركِ ورجليكِ كله طالع. لا تخبليني. منين ماخذة هذا الفستان؟ من طيح الله حظ الصممه. نور -هههههه. رعد -أنوب تضحك. دخيلك ربي صبرني. نور

-هسه شلون نبقى هيج؟ اقبل فدوة. رجع باوع عليه. تقدمت بتجاهه، باوعت بعيونه بفقر. مسكنت نفسي. سحبني، التفت ايدينه على خصري. تقرب يشم برقبتي، كال: رعد -بعد خبليني بسوالفكِ، ما أوصيكِ. نور -ههههه لا حبيبي، الخبال مو هسه. ورا الحفلة أخبلّك ولا يهمك. رعد -اشتعلو أهلج. نور -هههه. رعد -لا تضحكين. نور -حاضر. أخذ نفس ثاني. ابتعد. باوع على عيوني وشفتي. تقدم باسني شوي وابتعد، كال: رعد -أحبكِ. نور -أعشكك.

واحنا دنحجي، خابرتني خالة جوان. رديت: -هلا خالة، منو؟ والله أي هسه أجي. لا جوعانين! أي هسه أجي ماشي. سديته وهو يشم برقبتي، قلت له: -رعدي، جهالك جوعانين. أروح هسه، قبلت مو؟ ابتعد كال. رعد: روحي بالليل أعرف شغلي وياج، وأعلمج لغير مرة شلون تختارين فساتين مستورة. نور: ههههه. رفعت نفسي حتى أوصله، بَسته بخده وهمست: ولا يهمك، أنت فصّل ونور تلبس، مو تدلل؟ شِعندي غيرك يا دليلي؟ رعد: اشتعلوا أهلج! فلا تكعدين راحة. نور: ههههه.

ابتعدت، لبست العباية والشال ونزلت جوه. يسسس، أخيرًا قبَل. هههه. رحت يم الجهال بدلتهم، أوكلتهم سيريلاك وشوي لبن وشكر، أنطيتهم، شبعوا. خليتهم يم خالة جوان. ورحت كملت باقي الشغل ويه البنات. طلعوا كل الزلم، بقينا بس نسوان بالبيت. جوي الأقارب والأصدقاء والحجية وخوات ركان. بدت الحفلة. هما ملتهين بالركص، وأني جنت كاعدة يم الحجية وخالة جوان والجهال بحضني، وكل شوي تجي مرة تسأل منو هاي ومنو هاي؟

وخالة جوان تكول: جنتي مرت رعد. وهما يستغربون لأن ما يعرفوني، مو مثل مرت حيدر، مرت حيدر بخطوبتها الكل عرفها. جانت أجواء حلوه، الكل يركص وفرحانين. خالة جوان لحّت عليه أركص وياهم، وبتول جتي كومتني، شوي ركصت ورجعت يم التوأم، فرحانين هما هم ويانه فديتهم. جانت حفلة جميلة، بسيطة، مرتبة بالبساطة. بتول ما بالغت بالتنظيم للحفلة، كلشي جان بسيط.

خلصت الحفلة وصعدت فوق، بدلت التوأم ونيمتهم. حسيت بتعب علمود الحمل، كعدت شوي أرتاح. دخل رعد حط موبايله ومحفظته على الميز وأجه يمي. رعد: شبيج بويه؟ نور: تعبانة اليوم حيل تعبت. رعد: طكوج بعين مو تعبتي؟ نور: هههه، خوش أكوم أسبح. رعد: يا سبح؟ كعدي. نور: بسرعة أطلع ما أطوّل. رعد: كعدي أكلج، عرضي أطشر بين النسوان، من وصلت يمي تريد تسبح؟ لعد هذا لمنو لابسِته ولمنو مكَيجه؟ نور: هههه، إلك ولعيونك. رعد: أستاهل؟ نور: كُلش.

بعد مرور يومين. نور: أجه يوم عرس بتول وركان، كلنا انخبصنا وياهم وجهزنا نفسنا. جان العرس بنفس القاعة مال خطوبة حيدر. جان عرس حلو وراقي. بتول طلعت تخبل. هواي ركصنا وضحكنا بالعرس والجهال فرحوا. جان مختلط بس الغُربة قليلين بي، أكثر شي عائلي، وأني لأن مختلط اتحجبت. خلص العرس، بالأخير كال أحمد: أحمد: يلا تعالوا نصور صورة جماعية. سيف: إي يلا.

نور: رحنا كلنا وكفنا بترتيب حلو. أني شلت وعد ورعد شال سعد، والتقطنا صورة جماعية. وبعدها رجعنا للبيت وبتول وركان راحوا للفندق. مرت الأيام والأشهر والسنين. حيدر صار عنده بنية أولد، وتبارك انخطبت لواحد وياها بالدوام، وسيف تخرج وصار جراح وخطبله دكتورة ويا تخصصها أشعة وسونار وهو جراح. وأحمد بعده يدرس، لا حب ولا ازوج، حياته عبارة عن سفر ودراسة، ورعد ما مقصر وياهم صارلهم أحن من أبوهم، وبصراحة كلهم يحترموا.

وتولة لولة أم لسان تخرجت وصار عندهم طفل سموا آدم. وأني كملت دراستي بطلوع الروح. ما قبل كلية، كال روحي معهد لأن قليل بسرعة يخلص. رحت معهد تخصص صيدلة، أهم شي كملت. بقيت بالطابق الثالث والثاني والأول موزع على باقي الولد هما وزوجاتهم، بس حيدر حب يعزل، طلب مرته فَعزل، أخذ بيت قريب بنفس المنطقة. وخالة جوان حبيبتي صايرة أم لكلنا، الجناين والبنات والولد، الله يحفظها النا.

وجدتي توفت الله يرحمها. أما منال وزوجها بعدهم بالسجن، وسمعت منال صاير بيها مرض السل هناك. وعمامي وخوالي ما أعرف شي عنهم. مرت الأيام والأشهر. ونورة حياتنا لوجين. وبيوم جنت نايمة أوعد وسعد نايمين بحضني على السرير، ولوجين نايمة بالكركوت قريب مني على السرير. ورعد ملتحق، دك الموبايل مرتين ما حسيت من التعب، هواي أتعب ويا التوأم. رجع رن حسيت علي. جان على الميز اليم السرير، سحبته بنعس فتحت عيوني شوي أشوف رقم رعد، رديت:

نور: هلا حبيبي. رعد: ووينج؟ أخابر ما تردين؟ نور: هم عصبي! يبووو على حالي وياك. رعد: شلوون ما أتعصب؟ تعرفين هاي چم مرة أخابرج وأنتِ ماكوو؟ نور: والله جنت نايمة تعبانة، جهالك هلكوني هلاك. رعد: ميخالف بس ردي، ليش تخليني بقلق؟ ألف فكرة أجت أبالي. نور: آسفة، حقك بس ما سمعت صدكني. رعد: اليوم نازل. نور: صددك؟ مو كتلت أتأخر؟ رعد: خلصت الشغل وركان يكمل الباقي. نور: شوكت توصل؟ رعد: ساعتين هيج شي. نور: تمام يا كلبي.

رعد: ماشي يلا بويه أسده هسه. نور: تمام حبيبي أنتظرك. سده. باوعت على الساعة، أوو 12 بالليل. شلون نمت هيج بسرعة؟ خليت الموبايل على الميز. التفتت على وعد وسعد، فديتهم شلون نايمين چنهم ملائكة. بست راسهم وكمت أشوف لوجين فاتحة عيونها تباوع على السقف وساكتة. نور: هههه، من أروح فدوة لهل عيون، بنوتي الحلوة. جوعانة يا مامي؟ تعالي يا كَلب مامي، تعالي يا عمري. شلته، بستها. نور: آآح يمه فدوة لهاي البوسة.

خليتها بحضني أرضعها، كُلش حلوة أم خدود، عمرها صار 10 أشهر. كمت طلعت دشداشة صيفية قصيرة. التفتت أباوع الغرفة مخربطة، جيت أنوم التوأم نمت وياهم بدون ما أحس. ذوله التوأم خبلوني، أني أرتب البيت وهما يخربون، على أبوهم طالعين. لوجين بحضني وأني أرتب الغرفة شوي شوي علمود لا يكُومون التوأم، عندهم طبيعة واحد يكُوم مباشرةً الثاني يكُوم. خبلوني فوق تعبي، أحب أتعب وياهم فديتهم.

خلصت ترتيب الغرفة، عطرتها وشغلت مبخرة مائية تغير جو وريحة الغرفة. أباوع على لوجين ساكتة: نور: هههه ها مامي مو كافي حليب؟ أحجي وياها بس تباوع. نور: يلا بنوتي الحلوة كافي، تعالي أنومج وأروح أسبح. خليتها بالسرير بجت. يبووو على حظي، ليش تبجين يا يمه؟ شلتها تبجي تريد حليب، رجعت مرة ثانية رضعتها، سكتت. تمددت شوي تعبانة من الصبح أكوم أركض منا ومنا، مسؤولية كثرت. الحمد لله على كل شيء.

ضلت لوجين شوي ونامت على صدري، كمت على كيفي شوي شوي نزلتها بالسرير، وأخيرًا نامت. التفتت التوأم هم نايمين، غطيتهم وأخذت ملابسي ورحت على الحمام، سبحت بسرعة ورحت للغرفة الثانية نشفت شعري بالسشوار علمود الجهال لا يكُومون. خلصت تنشيف الشعر وعدلته شوي تسريح بسيط ورجعت للغرفة النوم. خليت مكياج بسيط شوي حمرة على الشفة والخدود والحنج ويه مسكارة وأيلاينر رسمة نازكة كُلش بنهاية العين حتى ينطي سحبة. تعطرت وعدلت شعري،

باوعت على نفسي ابتسمت: نور: وهسه تمام. كمت أشوف الجهال نايمين، سحبت الموبايل راسلته واتس كتبت: نور: ها حبيبي وين وصلت؟ مر 5 دقائق يلا شافه، دزلي بصمة بصوته كال: رعد: ربع ساعة وأني يمكم إن شاء الله. نور: كتبت: نور: إن شاء الله يا كلبي. خليت الموبايل على الميز، رجعت باوعت على نفسي بالمرايا كلشي تمام. طلعت أرتب الصالة والمطبخ شوي، كله ألعاب التوأم تارسين البيت ألعاب.

شلتهم شوي اندك الباب، عرفت هو. رحت ركض رشيت مسك على رقبتي وعدلت شعري. وفتحت الباب أباوع علي حبيبي، مبين تعبان من وجهه. جان بيده جنطة مال غراضه حطها على الأرض. ابتسمت بوجهه كتله: نور: حبيب الروح، مشتاااكين كُلش هواااي. ابتسم حط ايده على خصري وسحبني إله. رعد: ميت شوك صدكي. نور: يا كلبي. وكفت على أصابع رجله حتى أوصله، حضنته وهو كذلك.

سد الباب وأني بعدني حاضنته، ثبتني على الحائط. ابتعدت شوي أباوع بعيونه، أتلمست عيونه ورموشه وشواربه وهو يباوع بعيوني. تلمست شفته تقدمت بسته وهو يناظر بعيوني وايده على خصري. شوي وابتعدت. باس راسي وخله راسه على جبيني، ابتسم. تلمست رقبته وأشم ريحة عطره الدوختني، كال: رعد: مشتاكلج حد النخاع. نور: وكلبي بس بأسمك يدك. ابتسم حط راسه بركبتي يشم بيها، كتله: نور: تعرف أني كُلش أحبك؟ لا، أنا أعشقك مو بس أحبك.

أخذ نفس من رقبتي، وتسارعت دقات قلبي، خليت إيدي على صدره حسيت بدقات قلبه هو هم. قال: "شايفة الحرب والسيوف اللي تجدح عطش لدم؟ "إي." "أحبك مثل السيف اللي يجدح عطش لدم، أنا هيج أحبك وأكثر." ابتسمت، حاوطت إيدي على رقبته وهو يشم برقبتي، كتله: "رعدي." "بنت قلبي انتِ." "وابن قلبي هوَ." ابتسم، أخذ نفس ثاني من رقبتي، كتله: "روح اسبح، حضرت ملابسك وهسه أسويلك شي سريع تاكله، وارتاح شوي أكيد تعبان." "راحتي بقربك صدكي نور."

"عيونها." "شو حليانة." ابتسمت، وجان أسمع صوت الجهال، كتله: "رعد الجهال يبجون." ابتعد، كال: "إلا هسه يبجون! شنو المسهرهم لحد هسه! ضحكت، بسته وكتله: "غير فرحانين برجعة أبوهم." "اشتعلو أهلج." هههه، عفته بالصالة ورحت للغرفة، جان سعد يبجي. "حبيبي إلماما ليش يبجي؟ يمه فدوة أروح لابني، تعال يا ماما تعال حبيبي." رحت شلته بيدي وأسكت بي: "أنا يمك يا قلب أمك، كافي حبيبي."

ضليت أحجي وياه علمود يسكت ما فاد، حسيت بي جوعان، خليته على السرير، تمددت يمه، رضعته سكت، رغم عمرهم مو صغار كلش، بس بعدني أرضعهم ويه لوجين، بس لوجين أكثر أكيد. هما مرات من يبجون هواي وقتها أنجبر علمود أسكتهم، لأن دائمًا أحسهم علمود حملي من لوجين ما شبعوا هواي من حليبي قليل جنت أرضعهم، وسألت الدكتور بوقتها كال إذا جانت صحتج جيدة وما تعانين من أي مشاكل وقلبك وضعه مستقر فيجوز أن تستمرين في إرضاع التوأم أثناء الحمل، فضليت أرضعهم بس قليل بس من أريد أسكتهم من يبجون وقتها فقط أرضعهم.

باوعت عليه، حبيبي يباوع عليه ويبتسم: "جوعان حبيب أمه، فديت هاي الخدود." لعبت بشعره وخدوده، ما شاء الله رموشه شكد طوال مثل رموش رعد، دخل رعد نزع ساعته وجاكيته، كال: "من أقول ماخذيج مني تكولين لا." هههه، أحبلك بتوأم وأحبلك بتوأم، استلم ذوله التوأم أتحملهم. تقدم يمي، باس راس سعد وكال: "متحمل أمري لله." "ونعمه بالله." كام راح باس لوجين، راد يشيلها، كتله: "لا عوفها فدوة، هسه تكوم تنيمني وما تنام." "بس أبوسها."

"والله تكوم، بوس إيدها بس." "شهل الشغلة الميتة." "إي، جهالك مثلك يتعبوني وياهم، شسوي أنا." "هههه، مو خوش سالفة." "هسه يلا عرفت." ضحك، باسها وراح باس وعد. "ليش خشمه مجروح؟ "منو؟ "وعد." "مخرمش نفسه، أظافره طولانه." رجعت باوعت على سعد، نام، بست راسه، بعدته من صدري وعدلت نفسي وملابسي وغطيته حبيبي. ورحت طلعت ملابس رعد وجهزتله الحمام، طلعت أشوف رعد بعده يبوس بوعد وسعد، كتله بصوت منخفض: "ررعد كافي راح يكُومون والله."

"غير مشتاقلهم صارلي جم يوم مبتعد عنهم." "ميخالف يا قلبي، باجر من يكُومون شبعهم بوس والعب وياهم، هسه روح اسبح." "ماشي." راح للحمام، وأنا رحت للمطبخ، حضرتله سلطة وشويت برجر، طلعت الصمون دوائر قطعته وخليت عليه شرائح الجبن وحلقات الطماطة والطرشي وخليت البرجر عليه ورتبته. طلعت قواطي البيبسي ورتبت طاولة السفرة، صار مثل مال مطاعم، شوي وطلع من الحمام لابس تراك أسود وحاط المنشفة على رقبته ينشف بشعره، دخل للمطبخ.

"شنو هاي الريحة الطيبة؟ "ريحة البرجر." "سويتك شلون برجر مثل مال مطاعم، يلا كمل وتعال ناكل قبل لا يبرد." "عاشت إيدج عروق قلبي، هسه أجي." "تمام حبيبي." راح للغرفة الثانية ينشف شعره، شوي واجه كعد، أكلنا سوا، كملنا شلت المواعين، ردت أغسلهم، اجه وكف يمي ظهره جان عليه، خلى راسه برقبتي، كال: "تعال ننام حيل تعبان ونعسان." "إي يا قلبي، روح أنت هسه أجي." "ماشي."

راح وأنا بسرعة لميت المطبخ ورحت للغرفة، جان متمدد يم التوأم، رحت شلتهم بهدوء وخليتهم بالسرير مالهم قريب على سريرنا، بعدني أنومهم يمنا، أكول بعدهم صغار، التوأم تقريبًا عمرهم 3 سنوات ولوجين 10 أشهر. تمددت على السرير، سحبني لحضنه، شوي وما حس نام، وأنا بعدني ما نايمة، مع العلم شكد تعبانة، ضليت مغمضة ما كدرت أنام، كمت باوعت الجهال نايمين، رجعت على السرير أتلمس عيونه الرعد ورموشه، دفنت راسي برقبته، حضنته ونمت.

صار الصبح، كمت قبل كلهم، نظفت البيت وحضرت الريوك، رحت أكوم رعد أشوف لوجين تبجي، رحت بسرعة شلتها وطلعت للصالة حتى ما يكُومون التوأم بسبب صوتها، أريدها تسكت ماكو بس تبجي، نظفتها وبدلت ملابسها، شوي سكتت، رحت للغرفة أكوم رعد بهدوء ولوجين بحضني: "رعد حبيبي كوم تريك." ما رد عليه، سحبت الغطاء وصحته بصوت منخفض: "رعد كوم لا تتعبني، كوم وتالي وي نومك، كوم." تحرك، فتح عيونه، كال: "ساعة شكد؟ "10." "حيل نعسان، بالـ 12 كوميني."

"لااا، كوم حضرت الريوك." "نعسان يا ريوك." "تريك وارجع نام." "ماشي." "يلا رايحة أنا انتظرك لا تطول." عفته ورحت للمطبخ، كعدت على الكرسي ولوجين بحضني، شوي واجه تريكنه. ومرت حياتنا هيج، المشغولة ويه جهالها، والمشغول ويه عائلته، وأنا مشغولة ويه بطلي وأميري وزوجي وحبيبي وأبو جهالي وجهالي الحلوين. وهاي جانت قصتي وياكم، شكرًا لكم على حبكم، إن شاء الله كنا خفيفي الظل عليكم. والآن أترككم مع آخر مشهد في روايتنا:

جنت متمددة على التخم بالصالة وبيدي كوب القهوة، سحبت الموبايل دخلت على الواتباد أقرأ بارتات قصتي، رعد جان برا صدفة رجع وأنا ما حسيت عليه مندمجة بالرواية، اجه كعد على التخم الثاني. "ها بويه وين الجهال؟ "يا هلا نايمين حبيبي." رديت عليه بدون ما أشوفه مندمجة بالقصة، كال: "نور." "عيونها." "وينهم عيونها، حتى ما تباوع عليه، بشنو مندمجة؟

ما رديت عليه لأن ما سمعته، طلعلي مشهد ركان من يحجي ويه أمه ورعد يوم عقد قرانه، خربت ضحك وجان ينسحب الموبايل من إيدي. "مو دا أحجي وياج، ليش ما تردين وعلى شنو تضحكين؟ عصب، كتله: "حبيبي آسفة، جنت مندمجة، شنو كلت؟ "بشنو مندمجة؟ "انطيني الموبايل أشوفك." أخذت الموبايل من إيده وخليته على غلاف واسم الرواية قبل لا أدخل للبارتات، كتله: "تفضل اقرأ شنو مكتوب." سحب الموبايل يقره وما فاهم الموضوع. "خلف القضبان روح يتيمة، شنو هذا؟

كمت وكفت مقابيله، حاوطت إيدي على رقبته، كتله: "قصة حب حلوة صارت أجمل رواية." "قصة شنو؟ "لحظة هسه أشوفك." أخذت الموبايل وخليته على بارت المشهد، أشرت على السطر من تغزل بيه، كتله: "اقرأ شنو مكتوب." أخذ الموبايل يقره وأنا أتلمس بوجهه. "مشتاقلج حد النخاع وقلبي بس باسمج يدك؟ قرأ السطر انصدم، كملت أنا: "أحبك مثل السيف من يجدح عطش لدم، أنا هيج أحبك وأكثر عروق قلبي ابن قلبي أنت." باوع عليه استغرب كال: "قصة منو ذوله؟ تقدمت،

بسته بخده وهمست: "قصة حبنا." وانتهت أجمل قصة حب كتبتها يدي، إلى هنا وصلنا نهاية المحطة وصار لازم ننزل من القطار، يؤسفني انتهاء الرحلة لكن وصلنا إلى محطة هادئة من حياتهم، نتمنى لهم السعادة وراحة البال. غلاف روايات جيهانكم مو غلاف عادي، كل صورة ترمز لسر وحدث مهم في الرواية، واسم الرواية أيضًا. اختصرت الغلاف في رواية "خلف القضبان" بـ 3 صور فقط وهي: النار: ترمز إلى نار قصة رعد مع عمران، وكلمته بالرواية، جان دائمًا

يكول: "نحركهم حرك، أحركهم حرك"، وحركنا كلنا وياه وبقصتنا الجميلة. العسكري: ترمز إلى عمل البطل أو مهنته. يد متماسكة بقضبان السجن: ترمز إلى قوة إيمان نور بربها في أصعب المواقف، كانت شبه سجينة عند منال، ومن دخل حياتها رعد أيضًا تعبت بسجن رعد، سجن نار الغيرة المفرطة وأعصابه وتملكه. ومع ذلك بقت قوية مصممة لحوحة بالدعاء ما تمل، عندها إصرار وعزيمة ما شفتها عند غيرها، عن نفسي كلش حبيت هذا الشيء بيها وتعلمت منها.

آخر صورة لعشاق اثنان: تعبر عن مدى عمق وعشق وحب نور ورعد، حبهم ما جان مجرد رواية شرقية بختامها يتزوج الأبطال، لا، حبهم جان سبب في هداية لطرف وسبب في تغيير طرف وسبب في جبر قلب الطرفين وسبب في حماية طرف منهم وسبب في استقرار طرف منهم وسبب في سعادة الطرفين، حبهم متعب جدًا لكن جان قوي، والحب القوي عمره ما يموت. قلتها في المشهد إذا تذكرون: "هل حقًا هي قصة حب أم شيء أعمق من ذلك؟ وفي البارت الأخير أرد على السؤال وأقول:

"شيء أعمق من ذلك، أعمق بكثير! ومعنى اسم الرواية: "خلف القضبان روح يتيمة" خلف سجن الظروف روح يتيمة تربط بين روحين يتيمين كان اسمهم (نور ورعد) كتبولي شنو حبيتوا وأثر بيكم بالرواية؟ يقول: "أروع ما في حبنا أنهُ ليس لهُ عقل ولا منطق أجمل ما في حبنا أنهُ يمشي على الماء ولا يغرق الحب ليس روايةً شرقيةً بختامها يتزوَّجُ الأبطالُ لكنهُ الإبحار دون سفينةٍ وشعورنا أن الوصول إلى المحالُ وبرغم الريح وبرغم الجو الماطرِ والإعصارُ

الحبُ سيبقى في قلبي أجملُ من الخيالُ إني عشقتك واتخذت قراري فلمن يا ترى أقدم أعذاري؟ فالرأي رأيي والخيار خياري والحبُ حبي والعشقُ كان اختياري أكرر للمرة الألفِ أني أحبكِ كيف تريدينني أن أفسِّرَ ما لا يُفسَّر في الأنظار؟ يوم الثلاثاء 2025/1/14 تم اكتمال الرواية بفضل الله. البارت 11618 كلمة ما شاء الله. استودعتكم الله الذي لا تضيع ودائعه. كلنا في النهاية حكاية، كلنا سنكون ذكرى، أعمالنا هي التي تبقى معكم.

ثقلوا ميزان حسناتكم بذكر الله. سبحان الله، الحمد لله، لا إله إلا الله، الله أكبر.