رواية خلف القضبان روح يتيمة الفصل الحادي والأربعون 41 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
__________

رعد - منوووو هذا

نور - تعصب كتله
: مو مهم خلي نرجع فدوه

كرم - اذا اني يمج مو مهم بس انتِ يمي كُلش مهمه

نور - هو هيج كال وجان تجي ضربه من رعد
وكعه على الأرض

رعد - شوووو ماخذ راحتك انت شنو مهم مو مهم
شديحجي هذا

نور - رعد فدوه عوفه خلي نروح

رعد - كتلج منووووو هذا ردي

نور - نزلن دموعي ماعرفت شحجي
كام كرم باوع عليه بحقد و رد على رعد

كرم - حبيبها عندك مانع

نور - صخام الصخمني شديحجي هذا

هو هيج كال ورعد تخبل نزل علي بضرب
الناس التمت بس يردون يفكو ماكو فقد علي

رعد - وووولك ياحقير انت منوووو وهيج تحجي
على عرضي وووواحد مثلك حقير ونذل شلون هيج يحجي

نور - طلعت ام زينب تبجي رحت يم زينب كتلها

: فدوه احجي شي كليله الحقيقه

كالتله

زينب - اي اي اخويه جذااااب والله يجذب نور ماعندها علاقه ويا ووولك كرم حرام عليك ليش تجذب تخبلت

نور - ماهتم لكلامها كتله
رعد عوفه خلي نرجع

مايسمع كلامنه صاحت ام زينب

- يمممه ابني هدووو انت يامخبل هد ابني

نور - صارت هوسه كتله واني ابجي

: رعد فدووه اروحلك عووفه الله يخليك لخاطري
عوفه والله العظيم جذاب لا تصدك بي

صاح بعصبيه

رعد - ااااامشي ولي لسياره بسرررعه

نور - باوعت على زينب ابجي وهيَ تبجي
رحت لسياره شبعت بجي عود جايه افرح صارت الفرحه مشكله شكبرها انوب اخاف والله اخاف احجي ويا وفهمه باوعت عليهم من الجام مال سياره مضلله من برا بس من الداخل يبين

فكوهم الناس ورعد اتحلفله مايسكت على كلامه اجه بتجاه السياره بعصبيه فتح باب السياره صعد شغل السياره وركع الباب كتله

: رعد فدوه

رعد - ولا كلمه ما ااااااااااسمع

نور - بس خلي افهمك

رعد - مااااريد اسمع حتى النفس كااافي سكتي

نور - يحجي وجان ينزل دم من خشمه ضرب الستيرن بعصبيه

رعد - شووووكت ارتاح شووووكت

نور - ماحجيت شي بس ابجي بدون صوت
وكف السياره سحب كنلكس رجع راسه وره
ومسح الدم غمض عيونه اباوع عروق ايده
ورقبته بارزات من العصبيه وجه صار احمر
وعيونه حمر والله يخوف من يتعصب

شوي ونزل يدخن برا واني دموعي تنزل بهدوء مر نصف ساعة يلا رجع شغل السياره وطول الطريق لا هو يحجي ولا اني مع العلم اتأخر الوقت بس توجه لبغداد ماقبل يبقى ولا دقيقه بالموصل

وصلنا بالليل لبغداد اول مادخل السياره للكراج كال

رعد - بدون صوت او كلام مباشرة تروحين للغرفه ماريد اشوفج جوه نزلي بدوون كلام

نور - بس

رعد - كلت ماااريد صوت يلا نزلي

نور - نزلن دموعي نزلت من السياره دخلت للبيت كلهم جانو كاعدين سلمت عليهم وصعدت فوك حسو عليه يوميه مشكله والله تعبت

____

بتول - جنا كاعدين اني وامي وتبارك بالصالهد فجأه دخلت نور امبين من عيونها باجيه
سلمت علينه وصعدت فوك

جوان - يااا شبيها نور

تبارك - معقوله متعاركين مو اتصالحو

بتول - اندري

امي رادت تكوم تروح تشوفها دخل رعد صاير عصبي صاح بصوت رج البيت رج كال

رعد - مااااااااريد احد يتقرب من الغرفه ومن نور مفهووووم لو شمايصير لحد يجي وهاي حذرتكم

بتول - محد حجه ركض فوك خفنه منا لصراحه

: عزه العزانه وربي صاير نارر

تبارك - الله يستر يمكن الموضوع جبير

جوان - سوده عليه شبيهم

بتول - الله يستر

___

نور - اول مادخلت للغرفه فتحت الشال
شمرت روحي على السرير حضنت المخده وابجي بحركة كَلب ااابجي ماكدر اطلع صوت مخنوكه
شوي وانفتح الباب صاح

رعد - كووومي

نور - كمت وكفت يم السرير قفل الباب
بلعت ريكي تقدم بتجاهي عيونه حمر كال

رعد - احجي ااحجي كُل شي قبل لا افقد اعصابي وامد ايدي عليج ااااحجي شنو جان بينكم اااحجي

نور - ابجي ماكدر احجي اخاف من عيونه من هيج
يصير عصبي صاح

رعد - كلت ااااااااحجي لا تسكتين اااحجي

نور - كتله بصوت يرجفف من البجي

: والله العظيم ماكو شي بينا جان ياخذنه
اني وزينب للمدرسه وبيوم عرفت بي يحب يتقدملي رفضته والله قبل لا يطلبني رسمي
رفضته

التفت ضرب بوكس على المرايه كسرها اطشر الكزاز واني شكد اخاف من هيج اصوات كال
بعصبيه

رعد - لعد شلوووون يكول صخامها شلوووون

نور - احجي وابجي كتله

: والله العظيم جذاب لا حبيبي ولا اعرفه والله العظيم وانت سمعت اخته شكالت

تقدم مسك ايدي عضلة العضد عصرها كل قوته وكال

رعد - وووولج وين اضمج ووووين وتكولين مانروح نسافر ومانطلع وانت تغاااااار وانت متملك وانت وانت وانت دشووووفين شديصير من نطلع
ووووين اضمج بس فهميني ووووين

نور - فاقد من العصبيه ويعصر بأيدي اذاني كتله
: رعد ايدي جاي تاذيني

عصرها اقوى نزلن دموعي وكال

رعد - ووووانتِ دتموتيني مو بس تأذيني

نور - نزلن دموعي كتله
: ليش هيج دتسوي هدني اني شنو ذنبي

مارد عليه سمعت صوت امه واخوانه وره الباب يريدون يفتحون الباب مايكدرون مقفول

جوان - ووولك رعد افتح الباب يايمه شجاك

سيف - رعد افتح الباب خويه

نور - ماهتم لصوتهم هدني كسر شكو شي كدامه ويغلط ويصيح صاير نار ومنا اهله يردون يفتحون الباب صارت هوسه خليت ايدي على بطني ابجي بس لا جهالي يحسون بهاي ألاجواء

ابتعدت من يفقد كُلش يخوف خفت لا يضربني بدون مايحس ويصير شي لجهالي

كتله بصوت مخنوك من البجي

: رعد فدوه بس اهده والله العظيم ماكو شي بينا

رعد - هذاااااا الحقير اعتبرو انتهى اااااااااانتهى بسيطه اني اله

نور - كام يغلط على كرم وعلى نفسه خليت ايدي على اذاني وابجي شوي وفتح الباب وطلع برا كعدت على الارض ابجي دخلو البنات واخوانه راحو وره رعدجتي امه حضنتني

جوان - كافي يايمه عوفي خلي يولي كافي تبجين مو زين عليج بنيتي

بتول - ياعمري نور فدوه اروحلج كافي
تيلاااا جيبي كلاص مي

تبارك - نور حبيبتي اهدي ياعمري

بتول - كلنا نحجي وياها وهيَ تبجي مشكله
مانعرف شنو سالفتهم امي حاولت تهديها

جوان - كافي يايمه فدوه اروحلج كومي وياي

نور - خاله والله تعبت والله دشوفين حالتي والله تعبت ليش هيج ديسوي بيه لييش

جوان - ميخالف يايمه كومي وياي هنا كله كزاز
بتول يمه صيحي تيلا خلي تجي تنظف الغرفه

بتول - ماشي

جوان - وانتِ يمه كومي وياي

نور - كومتني واني دامشي جان يدخل كزاز برجلي الأرض كله كزاز مطشر ماهتميت طلعت من الغرفه ودتني لغرفة البنات شافت رجلي تنزف كالت

جوان - ياااا عزه منين هذا الدم

نور - كزاز دخل رجلي ماكو شي

جوان - اجيب معقم هسه اجي

نور - تمام

راحت واني بقيت بالغرفه ابجي نار كَلبي شوكت
تنطفي ماعرف والله تعبت رفعت اردان التراك
مكان مسكت ايده صاير ازرك عصر ايدي كل قوته نزلن دموعي يوجعني حسبي الله ونعم الوكيل عليك ياكرم اني شنو ذنبي

دخلت امه وبتول جتي تعقم رجليه صح الجرح جان مو كُلش غميج بس نزف هواي كعدت امه يمي واني ابجي بهدوء كالت

جوان - يمه فدوه اروحلج بس فهميني انتو مو اصالحتو مو رحتو تتونسون شجاكم يايمه عين وصابتكم ماتكوليلي شجاكم يا امي

نور - ابجي واحجي

: اااخ ياخاله هو اني شوكت الحك افرح والله مالحك اضحك تمطر عليه دموع

جوان - سوده عليه يايمه كافي تبجين

نور - حضنتني تبوس بيه شكد حنينه كالت

جوان - شبي هذا الارعن ااخ من اعصابه راح بخبلني اربعه وعشرين ساعه عصبي بس لا ضربج
هذا من يفقد يفقد بعد كل شي يطلع منا

نور - نزلن دموعي كتلها
: لا ماضرب

جوان - هم زين
يمه احجيلي شصار وياكم وهيج تعصب

نور - ابتعدت مسحت دموعي حجيتلها كل شي صار لطمت على خدها مصدومه

جوان - عزه بعينه هذا شلون هيج يحجي

بتول - صخام ويم منو يحجي منو يخلصه
من ايد رعد

نور - ابجي واحجي

: يعني اني شنو ذنبي بس فهموني اني شنو ذنبي
هيج سوه بيه كام يكسر ويشمر والله خفت تجيني ضربه على بطني وجهالي يتأذون اني شنو ذنبي هيج يسوي خاله والله تعبت ويا خلص احس طاقتي انتهت مداتحمل هاي مو حياة يوميه مسويله مشكله

جوان - لا مالج ذنب بس يمه لو تجين للواقع الشي السمعه ماتوقع اي رجال غيره يتقبل هذا الكلام
فمابالج هو العصبي شنو تتوقعين منا بس انتِ مالج
ذنب ابني غلطان ااااخ يارعيد اااخ

لا تنقهرين يايمه ماكو شي ان شاءالله من يهده صدكي يتندم ويرجعلج ابني واعرفه

نور - خاله الله يخليج شسوي بندمه والله تعبت
بس فهموني علموني شلون اتصرف ويا لان مدافهمه بعد كم شهر اطفال ثنين يكبرون
ويانه مايصير يشوفون هيج شي

بتول - صح اي والله مايصير

جوان - الله كريم يمه الله كريم

بتول - حبيبتي انتو اكيد تعبانين من السفر
نامي وارتاحي وباجر الله يحلها لا تنقهرين

جوان - اي يمه نامي

نور - مسحت دموعي

اصعد فوك انام

بتول - وحدج ؟

نور - اي ماريد اشوفه نهائي

بتول - اني اجي يمج ماعوفج وحدج

جوان - اي يمه خلي بتول يمج احسن
يمكن كُل شي كامل فوك مو

بتول - اي بس اخذ فراش

نور - لا اكو بالغرفه مجهز

بتول - اي لعد يلا كومي نروح

نور - اي

راحت خاله جوان كلت البتول

: اروح اسبح بلكت شوي ارتاح

بتول - اي حبيبتي سبحي
واني وداحجي انتبهت على رجليها كله دم
مع العلم هسه عقمته ولفيته بالشاش كتلها

: نور رجليج تنزف هواي

نور - انتبهت
: هسه مو ضمدنه ؟ والله دخت

بتول - بلا هسه اني لفيته بالشاش الظاهر جرحج غميج اروح اشوف سيف وينه خلي يجي يشوفه اذا غميج خلي ياخذج خيطي مايصير هلكد ينزف

نور - ماشي

راحت بتول تكول السيف واني لبست ملابس الصلاة لان لابسه تراك مايصير علمود سيف
شوي واجه هو وام رعد وتبارك

سيف - هاخويه شبيج

نور - والله ياخويه ماعرف واني داتطلع
من الغرفه دخل كزاز برجليه طلعته وشمرته
وماعرف بعد

سيف - بس اشوفه

نور - اي

اجه فتحت الشاش
شافه الجرح جان قريب على كعب القدم كال

سيف - لا ميحتاج خياط بس يراد زين تضمدي
بتول بعد اخوج الشاش لا تلفي قوي ولا راخي خلي متوازن يميل شوي لشده حتى الجرح
يتضمد وبنفس الوقت ماينحصر الدم او ينزف بكثره

بتول - تمام

جوان - اكلك يمه رعد وين راح

سيف - ماعرف مالحكت علي بسرعه شخط السيارة وطلع

جوان - اااخ قهر هذا الولد موتني

سيف - الله كريم يلا اروح سلامتج خويه

نور - تسلم خويه

نزل سيف وخاله جوان هم نزلت بقينه اني وبتول وتبارك ماعرف وينها ساعدتني بتول ضمدنه الجرح مره ثانيه كتلها

: بتول راح انام هنا مابيه حيل اصعد فوك

بتول - اي حبيبتي احسن نامي واني اروح اشوف

نور - ماشي حبيبتي

نزلت جوه واني تمددت اريد انام بس ماكدر مامرتاحه ااااخ يارعد شكد تعبانه وياك

______

بتول - نزلت اشوف امي وسيف وحيدر بالصاله ضايجين رحت يم احمد كتله

: شكو ليش الكل ضايج

احمد - رعد طالع وقافل موبايله ومتوجه
للموصل وامج خايفه لا يروح يسوي شي لذاك
الولد وندخل بسين وجيم لا اله اول ولا اله اخر

بتول - عزه شلون رجع للموصل

احمد - بعد هذا خبال اخوج من يتعصب

بتول - مرته ماتعرف

احمد - اي امج كالت لا تخلوها تحس مو زين عليها الهبطات

بتول - لا حول ولا قوة الا بالله مشاكل رعيد ماتخلص

احمد - لا وكولي شنو

بتول - شنو

احمد - مسجل البيت بأسمه قبل لا يموت ابوي

بتول - احلف

احمد - والله

بتول - شو ماكال

احمد - هيج سوا علمود يغث ابوي وابوي مات
يغث منو بعد طبعاً مايحجي علمودنه

بتول - يعني هذا البيت كله صار بيت رعد

احمد - اي بس امي كالت كلنا النا حصه بي
بس البيت بأسمه

بتول - مو مهم لا بيت ولا صخام صار سنين
حياتنه جحيم ومشاكل بس نرتاح مثل الناس
مو مهم قصر لو خيمه

احمد - اي

بتول - اباوع سيف وحيدر يجون ويروحون متوترين كال حيدر

حيدر - مايصير نبقى هيج واكفين

سيف - لعد شنسوي

حيدر - تعال نروح نشوفه وين دايح بلكت يقبل يرجع ويانه

سيف - صدك تحجي حبيبي هذا رعد مو اني وانت
ولك هذا عناد والاعصاب العنده يسمع كلامنه هو لو يسمع جان ماشفت هذا حاله

حيدر - لعد نبقى هييج يروح يسويله سالفه ويه الرجال صدك ينسجن لا رتبته تشفعله ولا منصبه

سيف - اي والله يمه انتِ شتكولين

جوان - بدموع : صح كلام حيدر روحو شوف وينه بلكت يقبل يرجع

احمد - والله هاي ماصايره قابل يروح يقتل الرجال على جذبه مايصير هيج ترا ارواح الناس مو لعبه

سيف - نعرف بس ويه منو تحجي تعال فهم اخوك

جوان - اااخ يارعد اااخ حيدر يمه اخذ سيف وروحو بدون رعد لا ترجعون

حيدر - ماشي سيف حضر نفسك نروح

سيف - تمام ابدل واجي

بتول - راح سيف يبدل جو البيت كُلش متوتر
كلنا كاعدين على اعصابنه ورعد موبايله مغلق

راحو سيف وحيدر وره رعد

واحمد راح لغرفته يكمل دراسته بقينه اني وامي وتبارك لا ساعه ولا ساعتين الليل كله ننتظر يرجعون مارجعو

____

نور - ماكدرت انام غير 3 ساعات صار الصبح
كمت رحت للغرفه بعده الغرفه هوسه تيلا بس منظفه الكزاز شكد انقهرت واني اشوف الغرفه كله مكسر اثاثها نزلن دموعي طلعت ملابسي ودخلت للحمام اسبح شوي وطلعت نشفت شعري لبست دشداشه طويله ولفيت الشال نزلت جوه اشوف بتول وتبارك نايمين على التخم بالصاله وامهم برا تحجي بالموبايل رحت للمطبخ تيلا جانت تحضر الريوك كتلها

: صباح الخير حبيبتي

تيلا - صباح خير ماما

نور - ماما جوان شبيها

تيلا - مايعرف ماما

نور - اممم زين بابا رعد مارجع

تيلا - لا ماما بابا حيدر راح بابا رعد

نور - قصدج راح يم رعد لو شنو

تيلا - اي ماما

نور - ليش رعد وينه

تيلا - انا مايعرف ماما

نور - ماشي حبيبتي

عفتها وطلعت برا خاله جوان ما انتبهت عليه ضلت تحجي بالموبايل واني بالصدفه سمعتها

جوان - وولك لا تخبلووني خلي يرجع شيسويله
لرجال هيَ حجايه كالها من غبائه ميخالف بغير طريقه مو هيج منا للعصر اشوفكم بالبيت مفهوم

كله امك تكول اذا ماترجع يارعد اغضب عليك
وما احجي وياك بعد اي هيج كله مرته تعبانه خلي يرجع ليش هيج ديسوي اي انت هيج كله ماشي يمه دير بالكم علي تمام يمه الله يحفظكم مع السلامة

نور - خلصت كتلها

: خاله شكو رعد وين

التفتت عليه غيرت الموضوع

جوان - ها يمه شلون صرتي

نور - احسن الحمدلله بس رعد وين

جوان - ماعرف يمكن برا

نور - خاله متأكده تعرفين وينه فدوه احجيلي شصاير

جوان - يمه ليش تشغلين بالج ما ناقصج تعب

نور - خاله هو بقه على البال تعودت
رعد وين

جوان - راجع للموصل من البارحه

نور - صخام الصخمني شلون راح

جوان - شلون يعني كل شي توقعي من رعد

نور - ليش راح

جوان - علمود الولد اخو صديقتج يكول اروح
اربي واخوانه خافو لا يتهور حالة عصبيه يموت الولد راحو ورا هسه خابرت سيف كال نحاول
اليوم نرجع

نور - نزلن دموعي كتلها

: ياريت لو مارحت يم زينب والله لو اعرف هيج يصير جان مارحت للموصل كله

جوان - الله كريم يمه بعد الفات مات لا تنقهرين
كال جم ساعه ونرجع

نور - ان شاءالله راح اكعد بالحديقه شوي مخنوكه جوه

جوان - ماشي يمه اخذي راحتج

نور - راحت واني رحت كعدت بالحديقه واكرر ويه نفسي

الحمد لله اختبار من الله ان شاءالله اكون كد الاختبار ان شاءالله يارب صبرني قويني فرج همي يارب الصبر الصبر يارب ارزقني الصبر اعتذر منك ربي من اكول تعبانه اعتذر من اكول شوكت افرح
بس ربي لا حول لي ولا قوة الا بك يارحمن يارب
اهدي يارب فرح كَلبي بس اريد اعيش حياتي بهدوء بدون مشاكل ماريد شي ياكريم

شهكت من البجي رفعت ايدي لسماء ودعيت
ربي تعبانه وحدك تعلم بحالي ارزقني الصبر يارب

خليت ايدي على بطني ابجي واحجي

: يمه بس تجون تنورن حياتنه ان شاءالله كل مشاكلنه تخلص

مسحت دموعي وكمت بهدوء دخلت جوه
صعدت فوك للغرفه الم الغرفه وابجي مانزلت
جوه يمهم كملت شغلي شوي شوي مر الوقت
صار الليل ساعدت تيلا والبنات بتحضير العشى
اكلت شوي وصعدت فوك للغرفه ورعد ماكو
موبايله يدك مايرد عفته حاولت ادرس ماكدرت
ماكو تركيز العقل مشوش احس روحي ضايعه
الخبيث بدونه اضيع وهو هيج يتعامل وياي
بسيطه يارعد بسيطه

كمت فرشت السجاده من احس روحي مخنوكه
اصلي ركعتين افتح القرآن اقره شوي وابجي
وادعي ربي ارتاح كملت ورحت جوه الفراش اريد انام ماواكدر التفكير تعبني كعدت ابجي

اوووووف يارعد وينك

واني دابجي اندك الباب مسحت دموعي
سحبت الشال خليته على راسي

: اتفضل

انفتح الباب شوي جانت بتول

بتول - جيت اشوف الحلوه مالتنه شدتسوي

نور - ياعمري محد غيرج حلو تعالي كعدي كُلش ضايجه ومخنوكه

بتول - خاف تنامين ماريد ازعجج

نور - لا حبيبتي حتى نوم ماكدر انام ماعرف شجاني تعالي

جتي كعدت يمي على السرير كالت

بتول - داده هيج فراك رعيد يتعب

نور - خلي يروح مالي شغل بي

بتول - ههههه واضح علمود هيج صارلج
يومين ماتنامين حقج متعوده على حضنه

نور - ياااا انتو كلكم هيج سبحان الله واني عبالي بس رعد اكله سوالفك منحرفه

بتول - ههههه شبينه نخبل المهم شوي ويجي رعيد

نور - حلفي

بتول - والله هسه سيف خابر امي كال بالطريق
لا وكولي شنو بويه متت ضحك ههههههه

نور - شنو

بتول - سيف يكول اخو صديقتج يكول
رعد مدري وين ماسكه وداكه دكه من هاي الزينه
خله يعترف يكول جذبت واعتذر من رعد يلا عافه
ههههه سيف يكول ادبه تأديب الولد يصيح عوفني مخبل انت شنو من بشر هههههه متت ضحك

نور - يااا صدك تحجين

بتول - اي والله ههههه هذا خبال زوجج بس كليلي هو طبعه شوي قاسي حكم شغله بس شلون وياج حنون ماعرف سالفه تحير

نور - وين الحنيه كل مايتعصب يفقد عليه يكسر ويشمر

بتول - صح بس شكد يتعصب مايمد ايده عليج
صدكي من حبه ولا هو مو هلكد خير او ملتزم علمود يفكر يجوز او ما يجوز

نور - اااخ يابتول الله يهدي حيل تعبانه ويه اخوج

بتول - هههههه الله يساعدج هسه صدك تعالي
كلهم وافقو على ركان واني اولهم اكيد فديته
ههههه

نور - هلوو فديته ومافديته شنو منو

بتول - ههههه اي غير راح يصير ختيبي

نور - هههه ختيب يابه حتى مو خطيب

بتول - ههههه شمعرفني البنات هيج يتعيقلن
هسه عوفج من الشقه اني ماعرف شي وباجر راح يجون يحجون عن المهر وهل سوالف علميني فدوه شسوي يعني اكشخ واتموع كدامه لو بعد وكت

نور - هههههه عزه بعينج اني راح اصير ام
ماتموعت يم اخوج المنحرف وانتِ بعدج مامسوين خطوبه تردين تتموعين كعدي راحه ستري على الرجال مايصير هسه

بتول - لا يعني هيج ادلع علي واتنعوص من احجي ويا اخفي جبار البداخلي بس هاي الفتره وبعدين ارجع طببعي ههههه

نور - هههه لا مايحتاج خلي يشوفج مثل ما انتِ
مايحتاج تتصنعين علمود اي شخص وانتِ بنوته فرفوشه وحلوه وسوالفج تخبل على ياجبار
تحجين ههههه

بتول - جبار ابو الموليده ههههه

نور - هههه والله عليج سوالف تخبل نيال ركان بيج

بتول - اووو من هسه ادلعه ركاني صدك نياله

نور - عزه ليش عندج تواصل ويا ؟

بتول - بيني وبينج اي فقط سلام وكلام سطحي والله مانحجي شي ثاني

نور - ميخالف ياعمري بس انتبهي كل ثنين الشيطان ثالثهم بعده محرم عليج لاتنسين

بتول - اي هو ان شاءالله هسه شسوي ماكلتي

نور - باجر من يجون اني وتبارك نحضرج

بتول - فدديت عمي مو مرت اخ عسل طبيعي
بس باقي اروح اشتريلي فستان بسيط نازك
البسه باجر

نور - البارحه اخذتلي فستان من محل
كُلش حلو من الموصل شوفي بلكت يعجبج

بتول - لا حبيبتي ماريد مايصير شلون البسه وانتِ بعدج مالابسته

نور - ازعل منج شنو هذا الحجي ماكو فرق انتِ اختي مو بس اخت رعد

حضنتني تبوس بيه فرحانه

بتول - داده اعشكج عشك ماصاير من اروحلج سبع فدوات امممح

نور - هههه حبيبتي خلي اشوفج الفستان لحظه

بتول - تمام

نور - كمت فتحت الكنتور طلعته جان فستان لون احمر هادئ وحلو ستان انطيتها

: هذا ان شاءالله يعجبج

بتول - عزززززه يخبل يخبل بربج ذوق منو هذا

نور - هههه ذوقي اني وهو

بتول - اروحلكم فدوه شكد ذواقين لا داده يخبل غير راح يتخبل ركاني

نور - هههه هو هذا المطلوب كومي لبسي نشوف شلونه عليج

بتول - اي يلا

نور - اخذت الفستان وراحت للحمام تبدل
واني كاعده على السرير ايدي على بطني
احس بحركات اطفالي فديتهم شوي وجتي
رفعت راسي يخبل عليها

: ولج توله لوله هاي شنو ما شاءالله تخبلين ياعمري

بتول - صدك

نور - اي والله كُلش حلووه كمر مو بنيه

بتول - يبووو اخجل اني

نور - هههه فديت التخجل ويه مكياج بسيط
وحجاب تلفين صح ؟

بتول - اي بديت اتعود على الحجاب

نور - الحمد لله عندي واحد مثل لون الفستان حلو يطلع ويا اومكياج بسيط الا اطكين بالكاع من الجمال

بتول - ههههه هيج تكولين يعني اخبل ركاني

نور - اي طبعا هههه

واحنا دنحجي وجان يدخل رعد

بتول - ياهلا برعيد

رعد - هلا بيج بعد اخوج

نور - التفت يباوع عليه بتول كالت

بتول - نور حبيبتي اروح اكمل دراسه بعدين نحجي تمام

نور - تمام ياكَلبي اخذي راحتج

طلعت بتول بقينه وحدنه كمت سديت باب الكنتور وهو واكف يباوع مايحجي ماهتميت ولا حجيت ويا عدلت الفرشه مال سرير ردت اطلع برا مسكني من ايدي كال

رعد - لا تروحين

نور - التفتت اناظر بعيونه كتله
: شتريد مني

سحبني لحضنه كال

رعد - كلج اريدج يصير لو مايصير

نور - عينه بعيني نزلت دموعي كتله
: عوفني كافي تعبت وياك

نزل ايده بهدوء على خصري وسحبني الا اكثر
حط راسه برقبتي يشم بيها كال بهدوء وحروف متقطعه

رعد - ا ح ب ج

نور - غمضت عيوني اخذ نفس ثاني ابتعد
جنت لابسه تراك قميص فتح شوي منا كتله

: شدتسوي وخر

رعد - اشش هسه تعرفين

نور - نزل التراك من ايدي مكان العصرهم البارحه
شاف اثار لمسات ايده حسيت بي تندم من نظرات عيونه سحب ايدي وخله على صدره يتنفس بهدوه نزل لمستواي باس ايدي العضد مكان اثار لمساته البارحه وكال

رعد - اعتذر اذيتج البارحه بدون ماحس

نور - تعودت هو انت من تفقد تذكر نور منو

رفع راسه باوع بعيوني وكال

رعد - والله احبج ومن حبي الجنوني الج
هيج تصرفت لعد ترديني اسكت واني اشوف هذا الحقير هيج يحجي على عرضي

نور - اني شنو ذنبي تعصب عليه

رجع حط راسه برقبتي اخذ نفس وكال بهدوء

رعد - ذنبج احبج واغار عليج

نور - هذا مو ذنب ولا عذر الحب يكون مصدر امان واطمئنان مو عصبيه واذيه وتملك مفرط

ابتعد دخل ايده بين خصل بشعري بهدوء وعيونه على شفتي تقدم باسني غمضت عيوني ابتعد فتحت عيوني ضحك

رعد - هههههه بسرعه اتذوب بنت كَلبي

نور - مو صوجك حقك صوجي اني

ابتعدت بسرعه رجع سحبني لحضنه

رعد - ههههه تعالي اشتعلو اهلج شحجيت
بسرعه تزعلين

نور - وخر اريد اروح

رعد - ماكو روحه لي اي مكان واني يمج

نور - رجع حط راسه برقبتي كال

رعد - ها هسه تصالحنه هههه

نور - لا

رعد - ههههه ليش ياظالمه

نور - اني ظالمه ؟؟

رعد - اي ماعندج رحمه رحمي بحالي شوي
خبلتيني فوك خبالي

نور - انت خبلتني مو اني

ابتعد ابتسم نزل لمستوا بطني خله ايده على بطني وباسها كال

رعد - شلونكم بويه الله يساعدكم ويساعدني على الهرمونات المزاجيه عند امكم ههههه

نور - هيج صار الحجي ليش ماتكول الله
يساعدكم على اعصاب ابوكم

رعد - هههه بويه بأقل من شهر بفضل الله
خليتكم ابطنها ومع ذلك ما راضيه عليه شفتو
هاي امكم

نور - اي عفيه من هسه طلع عينهم على سوالفك المنحرفه

رعد - هههههه اشتعلو اهلج شبيها سوالفي

نور - لا يبو كل خير بيها
كام سحبني الا ولَف ايدينه على خصري وكال

رعد - اي شلون يعني كل خير

نور - ماعرف

تقدم باسني بخدي وعضني

: ااخ رعد شبيك وجعتني ليش هيج
ابتعد يضحك كتله

: جم مره اكلك لا تعض ماحب العض يوجع

رعد - ههههه مشتاكلج شسوي

نور - بال عض تعبر عن شوكك ؟ وخر

ابتعد رحت اشوف خدي صار احمر مكان العضه

: اوووف منك هسه هذا شيوخره هسه يصير ازرك

اجه وكف ظهري علي حضني وايده على بطني
باسني بخدي مكان العضه وضحك كال

رعد - ههههه عادي خليها تبين بالعكس حلوه

نور - ياحلوه تخبلت هسه شيكولون اهلك
عيب ماحلو هيج خصوصيات تبين مو كافي
الرقبه متحسس من وره سوالفك مغطيتها
بالشال هذا شلون اخفي

رعد - هههه مامسوي جريمه مرتي وحر خلي يباوعن ليش مهتمه

نور - من صدك ماتستحي اكله خصوصيات ماحلوه تبين يم الناس يكول عادي هو شنو يمك مو عادي
بس فهمني

رعد - انتِ مو عاديه يمي و هاي اسمها عضت حب ما سامعه بيها

نور - قلدت طريقة كلامه مثله احجي

: لا وين اسمع بييها

يباوع عليه يضحك خله ايده على شفتي سحبها بيده وكال

رعد - مو شفه عسل شلون تقلد هههه

نور - اوو خجلتني شكراً

رعد - ههههه اشتعلو اهلج فلا تكعدين راحه

نور - شمسويه

تقرب اكثر يشم برقبتي

رعد - كولي شنو ماسويتي

نور - ابتسمت وجان يندك الباب ابتعدت ضاج ههه

رعد - عفيه الباب يندك بس من اريد اتقربلج ملاحظه انتِ لو ماملاحظه

نور - هههه ماعرف

راح فتح الباب طلعت تيلا

رعد - لا مستحيل انتِ موقته جيتج وياي اعرف

نور - ياااا ههههههه

تيلا - بابا مايفهم انا مايفهم انت كلام

نور - ههههه خطيه عوفها شمعرفها هيَ

رعد - واني مو خطيه اريد اشبع من مرتي كلما اتقرب تجي تخرب اللحظه

نور - ياااا غير صدفه شبيك هههههه

رعد - هيج صدف بس وياي تصير

نور - ههههههه اي

رعد - بابا اني من يكون عند ماما انتِ لا تجين
حرام عليج تخربين اللحظه

نور - متت ضحك عود يحجي مثلها علمود تفهم وهيَ تهز براسها

: ولك رعد عوف البنيه شبيك خطيه ههههه

رعد - دافهما شمسوي

تيلا - بابا انا مايفهم كلام انت ماما كبير كال
انت ينزل يم ماما كبير

رعد - اذا ماما كبير مانكدر نحجي

نور - متت ضحك كتله
:ههههه هاحبيب الروح ماتكدر تحجي مو

رعد - لا والله ههههه
اروح اشوف شتريد وراجلعج نكمل

نور - ههههه منحرف رووح

راح هههه التفتت خليت اساس على خدي
شوي خف اثره

_
وهيج مر الايام بتول اجوي ركان وامه وخواته وعمامه علمود المهر واتفاقهم على موعد الخطوبه بصراحه عائله محترمه امبين من اسلوبهم بالكلام
اتفقو بعد امتحانات نصف السنه فقط يعقدون و يلبسون حلقات بدون خطوبه والعرس الله اعلم شوكت يكون

وحياتي الحمد لله صارت اهدء بس اكثر شي جان مخوفني رنكين لا تسويلنه مشاكل ويوميه جنت ادعي الله يبعدنه عن المشاكل لان تعبت والله بعد مابيه طاقه للمشاكل والحمد لله بعد فتره كالو رنكين سافرت يم اخوها كُلش فرحة حسيت
هم وانزاح

قرب موعد امتحانات نصف السنه وبده رعد يدرسني ومنا ضغط الامتحانات ومنا رعد وحملي
كُلش تعبت هاي الفتره بس رعد جان دائما وياي
ويحفزني الحمدلله كملنه الامتحانات اني وبتول

رعد جان ياخذنه سوا نروح نمتحن بس اني بغير مدرسه مو ويه بتول جان هو ياخذنه ويرجعنه
مايقبل نروح ويه السائق والحمد لله خلصنه الامتحانات بعد تعب

وحيدر بهاي الفتره اخذ خطيبته وسافر الانطاليا ، تركيا ومناك هو وهيَ وحدهم سولهم جلست تصوير حجزو فندق ومصور وكُل شي قبل لا يروحون وبقو هناك ناوين يكملون شهر كامل يلا يرجعون

واحنا حياتنه عاديه جميله بين تعب الحمل التهيت
وكمت احضر شوي شوي جهاز الأطفال بعد فتره
استلمنه النتائج واني وبتول ودخلنه وزاري
والفرحه ماوسعتنه شعور كُلش حلو ماتوقعت
ادخل وزاري بصراحه لكن الحمد لله دخلت مر يومين بعد استلام النتائج

واجه يوم عقد قران بتول
___

بتول - جنت نايمه صار الصبح كمت عززززززه اليوم عقد قراني على ركاني فدوه سحبت الموبايل راسلته كتبتله

: صباحك توله لوله

شوي ودزلي بصمه بصوته فتحته

ركان - صباح الورد ياورد انت
يعني اليوم اكدر ابوسج براحتي اووف شوكت نعقد

بتول - ههههه عزه هذا من هسه هيج يبووو كتبتله

: عيب ابني عيب الثكل حلو ركااااني

دزلي بصمه ثانيه فتحته

ركان - هههه يبقى ثكل وياج ياروح ركانج غير ميت بيج

بتول - ابتسمت كتبتله

: اوي اروحلك فدوه يلا حبيبي اروح اكوم نويره
تجي وياي لصالون ست تبارك طالعه

كتب

: ههههه تلكيها بحضن اخوج لا تزعجيهم

بتول - ازعاج ؟؟ والله اليوم اخبصهم خبص غير اني راح اعقد مايصير هذا الحدث يمر مرور الكرام

دزلي بصمه ثانيه يضحك كال

ركان - ههههه اي حقج اريد حُمره حَمر خوش

بتول - كتبت
ليش الا احمر

ركان - احبه يلا روحي

بتول - كتبت

: تمام احبك

رجع كتب

ركان - العشك انتِ

بتول - يمه اروحلك فدوه

شمرت الموبايل كمت غسلت وجهي رحت دكيت
باب غرفة نور ضليت ادك ماكو صحت

: ووولكم كومو اليوم عقد قراني شبيكم شهل برود

شوي وفتح الباب رعد كال

رعد - من طيح الله حظج هيج واحد يصيح من الصبح

بتول - اي غير اليوم عقد قران اختك وصديقك
مو عيب بعدك نايم ولو ركان كلي تلكي بحضن مرته ماصدكت

مديت راسي نور جانت نايمه رجعت باوعت علي كتله

: واضح سهران
كفخني على راسي

رعد - ام لسان استحي شوي شنو سهران
وهذا ركان اني اعلمه يحجي عليه وهو اسوء
مني اذكرج

بتول - فدوه ركان وين اكو منا لا تحجي علي

رعد - هاي اولها هيج من طاح حظج وحظه

بتول - شكرا هدية عقد قرانه هذا ميخالف تمون
وخر هسه

ضحك بعدت ايده ودخلت جوه صعدت على السرير اكوم بيها نايمه العروس ههههه

ووولج نور حول حول نووووور كومي اليوم عقد قراني كووومي يمعود

رعد - على كيفج ويه مرتي لا تفز ههههه

بتول - ايباااه هيج تخاف عليها كون ركان ينعدي منك اللهم امين

رعد - اي اعلمه ولا يهمج

بتول - ياريت ههه

رعد - وين امي

بتول - جوه

رعد - ماشي

بتول - نزل رعد واني رجعت اكوم بيها

:ووولج نويره كومي داده عيوني كووومي

فتحت عيونها شوي

نور - ها ولج شكو شصاير

بتول - يااا غير عقد قراني اليوم كومي
عروس حقج ماتشبعين نوم ههههه

نور - صدك الكال تجيك التهايم وانت نايم

بتول - ههههه ترا واضح وامبين بدون تهايم

نور - نفس اخوج الظاهر انتو كلكم هيج

بتول - هههه شبي اخوي فديته يخبل حنين عليج

نور - اي كُلش واضح من يتعصب
واحنا دنحجي حسيت بنبضات ابطني كعدت
كتلها

: هاج استلمي شوفيهم ديحسون اكو مناسبه

سحبت ايدها وخليته على بطني انصدمت هههه

بتول - عزه شنو هذا

نور - جهال اخوج فرحانين اليوم عقد قران عمتهم

بتول - يمه فدوووه والله احسن من ابوهم
عفيه شوكت يجون طولو

نور - ههههه رعد يوميه هيج يكول

بتول - جم شهر باقيلج

نور - يمكن 4 اشهر و20 يوم

بتول - ان شاءالله تكومين بسلامه حبيبتي
يلا كومي تاخرنه

نور - وين تبارك

بتول - ماعرف عندها شغله كالت بعدين اجي

نور - ماشي بس اغسل واجي

بتول - ماشي داده انتظرج

عفتها ونزلت جوه رعد وامي جانو كاعدين بالصاله

: يمه راح اخذ نور واروح لصالون بس ارتب نفسي شوي علمود الصور طلب ركاني

جوان - ولج استحي شوي عيب عليج ثكلي ركاني شنو

رعد - ولا تكول اخوي الجبير كاعد منطلقه بالحجي

جوان - اي فدنوب ماتستحي

بتول - ههههه والله احب الطف جو وياكم شبيكم
هسه رعوده عادي اخذ نور

رعد - تبارك وين

بتول - ماعرف طالعه عندها شغل تتأخر كالت بعدين اجي

رعد - بس انتِ تجهزين نفسج

بتول - قصدك مكياج اي بس اني اذا تحب نور هم خلي تجهز نفسها

رعد - لا مايحتاج بس انتِ جهزي

بتول - براحتك هسه تقبل نور تجي

رعد - اي خلي السائق ياخذكم

بتول - تمام

واحنا دنحجي نزلت نور ما شاءالله بطنها شكد جبيره وحلوه طالعه دبدوبه خطيه حتى تلبس عبايات خليجيه علمود لا يبرز بطنها بس تخبل نزلت شوي شوي

نور - يلا نروح منو ياخذنه

بتول - السائق بس اجيب الشال مالي لحظه

نور - تمام
راحت بتول واني كعدت يم خاله جوان كالت

جوان - ها يمه شلونج ويه التوأم

نور - والله تعبانه خاله حيل تعبانه جسمي ثكيل
كوه امشي وبعد كدامي اكثر من 4 اشهر

جوان - اي ما شاءالله بطنج جبيره يايمه وتوأم فرق

نور - شسوي الله يسهل الحمد لله

رعد طلعت ملابسك خليته على السرير ويه المنشفه مو تروح تكَلب الكنتور اضل ارتب وراك والله تعبتني

جوان - يااا هاي بعده هيج ههه

نور - اي والله تعبني كل شوي مخربط الكنتور
وتعالي نور رتبي

رعد - هههه شبيج بويه ليش عصبيه اليوم

جوان - صدك يمه شبيج

نور - ماعرف خاله تعبانه من كمت من النوم
واني اتقيأ نفسيتي تعبت من هذا الموضوع

جوان - لعد لا تروحين يمه ابقي ارتاحي

نور - لا اروح بلكت التهي هناك ويا بتول
واحنا دنحجي نزلت بتول

بتول - يلا داده نروح

رعد - دير بالكم على نفسكم

بتول - ان شاءالله يلا نويره

نور - اي يلا

كمت طلعنه صعدنه بالسياره وتوجهنه لصالون
شوي وجتي تبارك كعدنه اني وهيَ ننصح بتول هيج حلو وهيج ماحلو بس هيَ جهزت نفسها احنا ماسوينه شي لان ماكو حفله فقط يعقد عليها ويلبسها الحلقه بدال الخطوبه وكالو وره ماتدخل كليه يسون عرس مرتب

بقينه كاعدين اني وتبارك نحجي وبتول الكوفيره
ترتب بشعرها

بتول - نور تعرفين شيكول الافندي مالي هههه

نور - شيكول

بتول - اريد حُمره حَمره ههههههه

نور - هاي هيَ اولها وهيج هههه

تبارك - نفس طبع رعيد شكد جانت تكول الله يساعد نور هسه اني اكول الله يساعدج ههههه

نور - والله حبيبتي ماتوقع ركان مثل العندي

بتول - لا ركاني احسن اهم شي مو عصبي
مثل رعد

نور - اااخ العصبيه يمنا ينضرب بي المثل
الله يساعدني

تبارك - امين ههههه

بتول - هههه

التفتت باوعت على شعري كلت للبنيه

: حبيبتي رفعي كم خصله هنا يطلع احلى

- ماشي

بتول - مر ساعه وكملت رحت بدلت لبست قفطان مغربي لون ابيض كله كرستال يجنن والمكياج كُلش مرتب وحلو شعري سوته خصل كيرلي بسيط
ورفعته قسم والباقي بقى متناثر على متوني (اكتافي) طلعت من غرفة التبديل جانو يحجون تبارك ونور كتلهم

: شنو رائيكم بالسندريلا بتول

نور - بسم الله ماشاء الله تخبلييين

تبارك - يمه فدوه اروح لوردة بيتنه تخبلين
ياعمري ما شاء الله

بتول - من هيج كالت تبارك تذكرت ابوي نزلن دموعي كامت تبارك حضنتني عرفت ليش بجيت

تبارك - الله يرحمه ياعمري كافي دموع
لا تخربين المكياج

بتول - هو جان يكلي وردة بيتي اااخ تبو
مشتاكتله والله

تبارك - حبيبتي الله يرحمه حتى اني حيل مشتاكتله بس شنسوي الحمد لله نور داده خابري رعيد خلي يدز السائق

نور - تمام

سحبت الموبايل خابرته شوي و رد
: هلا حبيبي دز السائق خلصت بتول

رعد - ماشي بويه شلون صرتي

نور - شوي احسن

رعد - دوم بنت كَلبي يلا هسه يجيكم السائق

نور - تمام ياكَلبي

سد الخط شوي واجه السائق رجعنه عفتهم مشغولين صعدت فوك للغرفه تعبانه كُلش شفته
كاعد على المكتبه يشتغل بال لابتوب

رعد - ها بويه شوكت رجعتو

نور - هسه شدتسوي

رعد - اكمل جم شغله قبل لا التحق

نور - شوكت تلتحق

رعد - فديومين

نور - اووف شبسرعه يجي وقت الالتحاق

رعد - تمر الأيام بسرعه

نور - اي الله كريم

رحت بدلت لبست تراك خفيف وعريض
علمود بطني تمدتت على السرير سحبت الموبايل اتصفح بي عجبني طقم ملابس أطفال مال ولاده كتله

: رعد شوكت تودينه نروح نشتري ملابس لأطفال

مارد عليه رجعت صحته

: رعد

هم مارد شبي هذا كمت وكفت يما

رعد - ها بويه محتاجه شي

نور - بعدت ايده وكفت مقابيله صغرت عيوني كتله

:مو داحجي وياك ليش ماترد تجاهلني يعني هيج صار الحجي وياي تجاهل بسيطه يارعد

رعد - هههههه شبيج والله ما انتبهت مندمج بالشغل

نور - لا دتجاهلني واضحه ترا

سحبني لحضنه كعدنه على رجله وكال

رعد - اكو واحد يجاهل روحه

نور - لا

رعد - اي لعد شلون اتجاهلج وانتِ روحي

نور - اوووي فدوه

بسته بخده ودفنت راسي برقبته حضنتي كال

رعد - جهالي متعبيج

نور - كُلش لا تذكرني ماتوقعت الحمل هلكد صعب

رعد - ماكو شي سهل

نور - اي طبعاً رعد

رعد - عيونه

نور - اذا صارلي شي

رعد - اششش لاتكملين

نور - الاعمار بيد الخالق مانعرف شيصير
لازم نتوقع كل شي

رعد - كافي بويه سدي الموضوع ان شاءالله تكومين بسلامه واحبلج بتوأم ثاني ههههههه

نور - ياااا اسكت الله يخليك هما ذوله تعبوني انوب توأم ثاني لا عيني مخبله اصلا ماريد جهال بعد كافي ثنين

رعد - دروحي اني اريد مايكفي ثنين

نور - ترا اني التعبانه مو انت هو انت شنو اليهمك

رعد - ميخالف بس من تشيليهم بيدج يروح كل تعبج صدكي

نور - ان شاءالله يلا حبيبي كمل شغل اروح اشوف البنات وين وصلو

رعد - لبسي شي طويل لا تنزلين هيج

نور - بدون ماتكول

ابتعدت باسني بخدي واني هم بسته وكمت لبست دشداشه طويله لفيت الشال ونزلت جوه صار الليل اجوي عمام ركان وامه وخواته فقط اجه الشيخ عقدلهم قدمو الضيافه راحو عمامه والشيخ

بقه هو امه وخواته اجه علمود ياخذون صور احمد اخذلهم صور لبسو الحلقات بس بدون اغاني فقط ام ركان وخواته هلهلو شوي وبس كل شي
ماسوو علمود موت عمران
_

بتول - اجه ركاني عقدنه لبسني الحلقه وهمس بأذني

ركان - طالعه كيك مال عض

بتول - يااا هاي رومنسيتك من امداني لعد

ركان - هههه بعدين اشوفج رومنسيتي مو هسه

بتول - خوش ننتظر شعدنه

لبسته الحلقه هلهلو الحجيه وخواته واحمد صورنه
شوي وكالت الحجيه

ام ركان - داده جوان اذا مابيها احراج الكم خلي
العرسان يروحون يكعدون وحدهم ياخذون راحتهم بالحجي ركان جان يريد يسئلها كم سؤال

رعد - جذاب لا عنده سؤال ولا شي ارعن اعرف شعنده

ركان - ههههه اي صرت انت مو

رعد - تعلم ابني تعلم

ركان - هاي هيَ اتعلم واخرب حياتي هههه

جوان - هههه عادي يمه بعد صارت زوجته بس
اكيد كلام بحدود

ام ركان - اي طبعاً
يلا يمه اخذها وروحو لغرفة الضيوف

ركان - تمام

بتول - هما يحجون واني ماخذه وضعية الخجل
هههه

رحنه لغرفة الضيوف اول ماسد الباب اجه
يمي باوع بعيوني توترت بصراحه بعد خصل شعري على وجهي ضم وجهي بيده وعيونه بعيوني تقدم باس راسي وكال

ركان - احبج

بتول - مارديت مدري ليش توترت نزلت راسي
رجع رفع راسي الا يناظر بعيوني وشعري خله ايده على خصري تقدم باسني حسيت تسارع نبضات كَلبي من التوتر حتى مابادلته ابتعد شافني متوتره كال

ركان - ها بتولي شبيج

بتول - متوتره

ركان - ليش

بتول - ماعرف

ركان - لسانج هل طول هسه توترتي

بتول - يااا شبيك هاي اول مره شخص يكون قريب عليه هلكد اكيد اتوتر

ركان - هههه خوش هسه شلون

بتول - شنو ماعرف

ركان - ههههههه يلا تتعلمين ويه الايام

بتول - اي خوش

رجع باسني حط راسه برقبتي كتله
: ركاني

ركان - هيمان بحبج صدكي

بتول - فديت تعرف اني كُلش احبك

ركان - اي واني موت احبج العشك انتِ يحلالي

بتول - ابتسمت اخذ نفس من رقبتي سحبني الا اكثر احس كَلبي راح يطلع من مكانه من التوتر كتله

: ركان

ركان - روحه

بتول - فدوه كُلش متوتره خليها لغير مره

ابتعد كال

ركان - ورايه التحاق تخيلي اموت شلون واني
اتحصر على بوستج

بتول - يااا بسم الله عليك ليش تحجي

ركان - اي لعد شنو هنا جم بوسه ليش متوتره

بتول - ماعرف

ركان - الله يساعدني امبين راح اتعب وياج

بتول - هههه كول يا الله يمعود

ركان - ونعمه بالله

بتول - باسني بخدي وعيوني وراسي وشفتي
ابتعد كال

ركان - يلا اليوم اقدر توترج بس حسبي حسابج
لغير مره ماريد توتر اريدج مثلي لا تستحين مني

بتول - احاول ان شاءالله بس لحظه اني ما استحي منك بس ماعرف ليش متوتره هههه

ركان - حظي

بتول - هههههه فديت حظك يلا نروح هسه عبالهم
صاير شي بينا

ركان - اي تجيك السمعه وانت مامتهني بالنعمه

بتول - هههههه تتهنا ياكَلبي بس مو هسه

ركان - يلا ننتظر شورانه ههه

بتول - اي

طلعنه من الغرفه كعدو شوي وراح واني
صعدت فوك لغرفتي بدلت وغسلت وجهي
صليت ونمت

___
بعد مرور فتره من الزمن

نور - مرت الايام والاشهر امتحنه وزاري بس اني اجلت مادتين وبتول ماده و النتائح ماطالعه بعدها

دخلت نهاية شهرال8 بطني كبرت اكثر وجسمي ثكل ونفسيتي تعبت بصراحه وبعدني اتقيأ واتعب وخمول ونوم ومع ذلك اتحرك شوي شوي علمود الحمل

سوينه سونار اخير علمود نعرف وضع الأطفال وجنسهم علمود الملابس طلعو ثنينم ولد اهم شي الخلقه الكامله الحمد لله على كل شيء

اول ماعرفت كتلهم خلص راح اسميهم وعد وسعد

رعد عجبه وخاله جوانه هم حبت الأسماء
بدينه اني خاله جوان نشتري جهاز الطفل
لمدة يومين خلصنه كلشي الحمد لله

بس ننتظر ينورونه وبيوم جنت كاعده ادرس المواد
المئجلته دخل رعد جان يحجي بالموبايل ركزت بدراستي حسيت بألم بسيط ماهتميت لان هاي الفتره جم مره حسيت بألم ورحنه وطلع مو ولاده

تعلمت على هذا الألم يجي ويروح كملت دراسه
شوي وحسيت بالألم صار اقوى خليت ايدي على بطني واذكر اسم ربي : بسم الله الرحمن الرحيم

بده الألم يزيد اخذت نفس شهيق زفير حس عليه رعد خلص المكالمه اجه يمي

رعد - ها بويه شبيج

نور - بلعت ريكي كتله
: الم اكو الم

رعد - الم قوي لو عادي

نور - ماعرف

رعد - نروح لدكتوره ؟

نور - خلي نصبر شوي

بعدت الكتب تمدتت بده الألم يجي ويروح واني اذكر ربي وادعي بداخلي وهو بيده اوراق الشغل
فجأه حسيت بألم قوي بعد ما اتحمل صرخت
بعلو صوتي

: رررررعد بعد ماتحمل الحكني

اجه ركض مسك ايدي

رعد - بس اهديه بويه انتِ موعد ولادتج لو شنوو

نور - يومين وادخل شهري ااااااخ الم والله الم ااااااخ

رعد - كومي شوي شوي بس اشوف امي لحظه

نور - بسرررعه استعجل

نزل جوه واني ابجي وادعي الم فضيع جوي البنات وخاله جوان

جوان - ها يمه الم الولاده

نور - يمكن خاله ااااالم كُلش قوي مداتحمل
ااااااخ

رعد - يمه شسوي هسه

جوان - روح شغل السياره بسرعه

رعد - تمام

بتول - يعني راح اصير عمه اليوم يااااي شكد حلو

نور - ووولج بتووول راح اموت ياحلو ااااااااخ

بتول - بسم الله عليج داده لا تكولين هيج

جوان - طلعيلها عبايه شي تلبسه بسررعه

بتول - ماشي

جوان - تبارك يمه انتِ تعالي ويانه روحي بدلي

تبارك - تمام

نور - اااااااخ خاله فدوووه مداتحمل فدوووه استعجلوووو

جوان - كومي يمه شوي شوي

نور - كومتني كوه لبستني العبايه وشمرت الشال على راسي طلعنه من الغرفه اريد انزل جوه ماكدر بجيت مسكت ايد خاله جوان كتلها

: خاله ماكدر انزل

جوان - حاولي يايمه

نور - والله ماكدر اااااااخ بطني

جوان - بتول صيح رعيد بسرعه

بتول - تمام

نزلت جوه ركض صحته جان يشغل السياره

: رررعيد تعال نور ماتكدر تمشي

رعد - اي يلا جيت

بتول - ركضنه فوك ماتكدر تنزل من الدرج
تبجي وتصرخ اجه رعد شالها وداها لسياره
تحجي ويا وتبجي شكد انقهرت عليها

_

نور - ررررعد

رعد - ياروح الرعد انتِ

نور - ابجي واحجي

:الم والله ااالم اااااخ

رعد - تحملي بويه هسه نوصل حبيبتي

نور - ااالم ااااخ يارب سهل يارب سهل

حطني بالسياره وره جتي تبارك كعدت يمي
وخاله جوان كعدت كدام ورعد يسوق شغل السياره
طول الطريق اصرخ وابجي وهو يهدي بيه وتبارك
ماسكه ايدي تقره ادعيه وايات قرانيه واني اصرخ
بأسم رعد انخبص وياي

: رررررعد

رعد - ها ياكلبه الرعد

نور - اااستعجل فدوووه اااااخ الم قويه تعبت

رعد - اي هسه شوي ونوصل حبيبتي تحملي شوي

جوان - يمه اخذي نفس واهدي شوي فدوه اروحلج وانت يمه سوق اسرع

رعد - والله سريع

نور - رغم الألم تذكرت امي بجيت

: اااااخ يايمه وينج بنتج تريدج تعالي يايمه اليوم يومج تكونين يمي

تبارك - تحجي وتبجي بجتنه وياها شكد صعبه
بست راسها كتلها

: كافي ياعمري احنا يمج حبيبتي كلنا يمج

جوان - اني امج يايمه انتِ مو وحدج

نور - ماتقصرون بس ياخاله تمنيتها وياي بهيج يوم
لا هيَ لا ابوي صعبه والله صعبه

اني هيج كلت مد ايده رعد مسك ايدي وهو يسوق كال

رعد - اني يمج ياكَلبي لا تنقهرين وفرحي
راح نصير عائله وعد وسعد راح ينورون حياتنه
اليوم فقط مسموحلج تبجين دموع الفرح عروك كَلبي يمه مرتي راح تصير احلى ام واني اصير احلى اب

جوان - بدموع / اي يايمه الله يتمم فرحتكم

نور - امين

بعد ربع ساعة وصلنه للمستشفى وبعد الألم قوي
نزلنه من السياره مسكت ايد رعد وخاله جوان وامشي ابطىء من الألم متت جابو الكرسي مال مرضه كعدوني علي حولونه لغرفه خاصه

المستشفى جانت اهليه
اجوي الدكاتره قيمو حالتي كالو ولاده
جهزو غرفة الولاده نزلن دموعي شوي وجتي الممرضه تاخذني نزل رعد لمستواي مسك ايدي باسها وكال

رعد - بنت كَلبي لا تخافين ان شاءالله تكومين بسلامه راح انتظرج تطلعون انتو الثلاثه

نور - نزلن دموعي مسكت ايده كتله

:رعد امانه اذا ماطلعت جهالي بأمنتك واذا بيوم تزوجت خليهم يم خاله جوان الله يخليك لاتخليهم
جوه رحمة مرت الاب الي عشته اني لا تعيش جهالي اوعدني

نزلن دموعه باس راسي وكال

رعد - كافي بويه ان شاءالله ترجعين بسلامه لا تكولين هيج اني من بعد رحمة الله عايش عليج
بدونج ماكدر اعيش حياتي

انتِ سعادة حياتي احبج اعشكج ميت بيج وبحبج ماريد حتى اتخيل حياتي بدونج لا تكولين هيج

نور - يحجي واني دموعي تنزل باس ايدي وكال

رعد - يلا انتظركم لا اطولون عليه

جوان - يمه لا تخافين ان شاءالله تكومين بسلامه

تبارك - اي حبيبتي ان شاءالله كلنا ننتظركم

نور - ان شاءالله ادعولي
التفتت على رعد كتله
: رعد تقدم

رعد - شنو

نور - تعال تقدم

تقدم بسته بخده وهمست

: بنت كلبك تعشكك عشك جنوني مثل حبك الجنوني احبك

ابتعدت باس ايدي نزلن دموعه مسحتهم وابتسمت ابتسامة ممزوجه بدموع الألم

جتي الممرضه اخذتني لبسوني الملابس واخذوني
لغرفة الولادة دعيت الله هذا الدعاء قبل لا يبدون

اللهم يا مسهِل الشديد ويا ملين الحديد ويا مُنجِز الوعيد يا من هو كل يوم في أمر جديد

نزلن دموعي كملت الدعاء

أخرجني من حلق الضيق إلى أوسع الطريق بك أَدفعُ ما لا أطيق ولا حول ولا قوة إلَّا بالله اللهُمُ لا سهلَ إِلا مَا جَعلتهُ سَهلًا وَ أَنتَ إِن شِئتَ جَعلتَ الصعب سَهلًا الحمد لله على كل شيء يارب

_____

بتول - راحو اهلي ماصبرت ابقى وحدي
خابرت ركان وكتله تعال نروح قبل رحت بدلت
بسرعه ولفيت الشال وطلعت بالحوش انتظره
شوي اوصل توجهنه للمستشفى اشوف كلهم
واكفين ورعد خطيه امبين علي الخوف رحت
يم تبارك وامي وركان وكف يحجي ويه رعد

بتول - ها يمه شوكت تطلع

جوان - منو جابج انتِ

بتول - ويه ركان جيت

جوان - ليش جبتي الرجال يجوز عنده شغل

بتول - عادي واذا استاهل اني

تبارك - ههههه

بتول - والله ههه اي شوكت تطلع

جوان - ماعرف قبل شوي دخلوها

بتول - ان شاءالله تكوم بسلامه

تبارك - ان شاءالله

بتول - التفتت اشوف رعد كتلهم
شبي رعد مقهور على نور ؟

تبارك - اي والله لو تشوفين قبل لا يدخلوها
مسك ايدها نزلت دموعه والله استغربت
ماتوقعته هلكد يحبها

بتول - اي والله خطيه كُلش يحبها الله يحفظهم البعض

جوان - امين

بتول - رحت يمه وكفت كتله
: الله يساعدك خويه

رعد - ونعمه بالله بعد اخوج

ركان - يعني هسه مانعرف نسميك ابو منو ههه

رعد - حتى اني ماعرف

بتول - سمو اول واحد وعد نور كُلش تحب هذا الأسم

ركان - نسميك ابو وعد والله حلو اني
شوكت اصير مثلك

بتول - ياااا شديحجي هذا اشرتله يسكت

رعد - ماتستحي كدامي هيج تحجي

ركان - هههه ليش استحي اقصد شوكت اصير
اب شعور حلو يكولون

رعد - خلي اجرب واكلك حلو او لا

بتول - باوع عليه ركان غمزلي خزرته ضحك
عفتهم ورجعت يم امي مر تقريبا ساعه اقل هيج شي وجان ينفتح الباب طلعت الدكتوره ركض رعد
بتجاها كال

رعد - ها دكتوره بشري

بتول - اخذت نفس وكالت بتعب خوفتنه

الدكتوره - ال.......................................

_
_

____
يقول الشاعر

كُنت أرى كل معشوقين
غيري وغيرها يلذّان
في الدنيـا ويغتبطان
وأمشي وتمشي هيَ
في البـلاد كأننا
أسيـران للأعـداء مرتهنان

أصلي فأبكي في صلاتي لذكرهـا لي
الويل مما يكتب الملكان

ضمنت لها أن لا أهيـم بغيرهـا وقد وثقت مني بغير ضمان ألا يا عبـاد الله قوموا لتسمعوا خصومة معشوقين يختصمان

_

انتظروني في البارت الأخير 🔥🤏🏼

فضلاً وليس امراً التصويت بالنجمة وتعليق بين الفقرات اتمنى توصلو البارت اقل شي 200 تعليق

بارت طوووويل احداث نااااااار يستاهل تفاااعل حلوه مثلكم حتى انزل البارت الأخير بأسرع وقت تفاعلكم يحفزني اكتب البارت وانزله اسرع ❤

حسابي انستجرام انشر هناك كلشي يخص الرواية والابطال والروايه ومثبت قناة
التلي هناك👇

حسابي واتباد تابعوني حتى يصلكم كل جديد 👇

Jehan-Stories

نزلو الرواية عندكم في المكتبه حتى يصلكم الأشعار اول ما انزل البارت الاخير

_

والان ياقلبي انتم ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا