رواية خنقت الورد يا يمه و بيدي انكسر ذبلان الفصل الثامن 8 - بقلم Thalia Shire

على الغداء
هالمره كان موجود
قررت أعطيه أكبر طاف في الحياه
صحيح حسيت بالخوف لسى بقلبي لكن تشجعت وحاولت أرجع لتين الأولية اللي رغم كل شي ما يهمها ولا يأثر فيها لكن هيهات
ناظرت بالبنت اللي بيد خالتي
ابتسمت بحنان شكلها مريضه أول شي خطر ببالي يوم شفت وجهها الطفولي جمالها سبحان الله رغم مرضها إلا أنها حلوه
الحين هذي بنته؟؟ أنا لازم أسأل تاله وإلا لين
غريبه ما أشوفها إلا وقت الغدا
بدر بصوته الجهوري شرايكم بنات تطلعون لتين اليوم تورونها تورينو
راكان بحماس سيييي عليك داادي فاهمني من الصبح أقولهم بس لتين قالت ما أروح إلا وبسام معي
شرقت بالشوربة الله يقلعك يا راكان!!
ضحكت يلدا وضحكوا الباقي معها وهي تربت على ظهري بحنان بسم الله عليك
وما قدرت أمنع نفسي من إني أشوف ردة فعل الأخ
ناظرت من تحت المنديل وكأني أمسح دموعي بسبب الشرقة
كان ياكل بهدوء ولا كأنه في أحد حوله
انقهرررت
يولي ما بقى إلا هو أحرق أعصابي عليه
تحمحمت بدلع عموو
عمي بدر بابتسامة عيون عمو آمري
هالمره شفته رفع عينه وظل يناظرني ثواني وبعدها قام
يييييي كنت بقوم أنقز من الفرحه عرفت إش اللي يقهره
رمشت بعيوني موافقه أطلع أحس إني متضايقه شوي
ابتسم وأحلى طلعه لك روحوا يا بنات وانتبهوا لا تتأخرون
لين بابتسامة اممم بنوديك مسرح الموسيقى
تاله وساحة ماليو
راكان لا لا مو حلوه كلها تفاهة رقص وغباء بوديك متحف السنيوري مواكلفو
وبعدها السينما وبعدها أحلى عشوة لأحلى مرة أخ بقاعة دونا
عبست بوجهي السخيف راكان كل شوي يعيد هالعبارات وكأنه يبي يذكرني إني مرة بسام
هديت أعصابي
مو مشكلة اللي يريحكم
بقوم ألبس
تاله قامت معي حتى أنا

اليوم الـ [5] بين أمواج البحر
كان واقف يتفرج على منظر البحر وهيبته
غريب البحر
يريح وبنفس الوقت يخوف
ودك ترمي اللي داخلك فيه وبنفس الوقت تخاف لا ترمي نفسك معه ضيق من هم الزمن وغمه
لف وناظر طلال اللي منهمك بالتركيز بالبوصلة المفصلة قدامه
وقف جنبه كابتن ثاني وكان ألماني
كان يتناقش مع طلال وطلال يناقشه وشكله منهمك بعمله وناسي كل شي وراه
ابتسم
شكله حلو
وكأنه كل شي تحت يده
لو سهى لحظة ممكن يروح الملايين بسببه
ناظره طلال بعد ما ابتعد شوي الكابتن الثاني
ابتسم مبسوط
هز راسه فيصل اييه البحر لونه حلو فاتح
طلال بحماس ما شفت شي للحين بالخليج العربي
لما بنروح ع أسبانيا بتشوف المحيط الأطلسي الله أكبر عليه هذاك اللي من جد تحس وسطه بهيبه ورهبه
سرح فيصل
ما قطع عليه شي طلال
فجأة لف فيصل وعطاه ظهره تعتقد طلال إني بنسى في يوم؟!
طلال بحزن كان وده يترك اللي بيده ويروح له يواسيه
ابتسم بحنان فيصل إنسى....إنسى أحسن لك ولغيرك حط ببالك هالشي وبتقدر تنسى
صدقني كلها فترة وتسمع إنها انخطبت وأنت بتشوف طريقك وانتهى الموضوع
شد قبضته على سور سطح السفينة وغمض عيونه بألم
لازم نتعذب بصمت حتى ما نألم غيرنا
لازم نصبر ونخفي آهاتنا حتى ما نزعج غيرنا
لازم نسكت وما نشتكي حتى ما نتعب غيرنا
لكن نحب ونخفي مشاعرنا حتى ما نضايق غيرنا هذي صعبة وصعبة وصعبة
اااه بس لو إني أقدر آخذها حتى لو من غير عيال

طالعت بلبسي بالمرايه كنت لابسة ترانج كوت سكري وتحته بنطلون وبلوزة بنيه وحجاب بني مموج بالبيج وبووت بيج
أخذت وحده من الشنط اللي معبيينها تاله ولين بدواليبي
ابتسمت اليوم بنبسط وما راح أخلي شي ينغص علي طلعتي
خرجت من الغرفة تقابلت مع لين عند الدرج كانت لابسة ترانج كوت موف فاتح دايما ألوانها هاديه وناعمه مثلها تذكرت الحقير سطام كشرت لا إراديا وطلعته من بالي
وبابتسامة مشاء الله لين حلو عليك هاللون
ابتسمت بهدوء يسلمو عيونك الحلوه
الله يسلمك
نزلنا سوا
كان راكان وتاله واقفين ينتظرونا
طالعني وابتسم وهو يبعد يد الخادمة ويفتح الباب احممم الجميلة أولا
مدري ليه يلعق دايما علي بالجميلة مع إني ما أشوف بنفسي ذرة جمال
تاله ولين وربى أحلى مني!!
ابتسمت راكان اعقل
راكان برقة لعيونك
تاله اففف اشك انها زوجتك مو زوجة بسام شكلك متولي المهمة عنه
راكان هههههههههههههههه ولين ابتسمت
أما أنا عادي ما علقت قلتها قبل ما أبي أنغص على نفسي
وأول ما طلعنا من البوابة الداخلية وقفلت الخادمة الباب
وقفت سيارة شفتها قبل كذا لكن ماني قادره أتذكر
ونزل بسام من باب المرافق ووقف السواق السيارة بالباركينق
غريبة ليه ما يسوق؟؟!
ألقى نظره سريعه علينا ولاحظت إنه ركز نظره علي على وين؟؟
راكان وهو يعدل كابه رايحين نتمشى بس ممنوع الأكبر من الخمس وعشرين صح لتين
توترت
ناظرته لقيته يناظرني كأنه ينتظر الجواب
طالعت راكان المبتسم بمشاكسه
تبخرت قوتي ولا إراديا قلت وأنا أمشي مدري
وبسرعة دخلت بالسيارة وسكر لي الخادم الباب
لاحظت كثرت الخدم عندهم وللحين بسام لغز ما فهمته وش مجيبه السعودية يشتغل عند عمي أجل
ما وعيت إلا ع صوت تاله لتووون شوبكي
ها امممم ولا شي
ركبوا كلهم
وشفت بسام واقف عند الدرج ويلوح لنا بابتسامة باي
؟؟؟!! وش يبي ذا الحين
دزتني تاله برجه شفيك سرحتي وبهمس هذا اللي ما أطيقه
كشرت اييه ما أطيقه بس مستغربة بأي وجه يأشر باي
تاله ههههههههههههههههههههههههههههههه
باستنكار شفيك؟؟
تاله ابتسمت ابتسامة واسعة ما سمعتيه وش قال تو
قلت بلامبالاة لا وما أبي أسمع
راكان لف علينا قال غصب عنك بتسمعين قال هي ما ودها أروح بس متوتره
عشان كذا قالت مدري
رفعت حاجب بقرف نعم؟؟؟ أقول راكان واللي يرحم أمك ترا اليوم ناويه انبسط اقفلها من سيرة صديت نفسي
قال بسرعة أمنيتي أعرف سبب الكره الجسيم
لين اللي دايم تنهي المواضيع في الأزمات راكـــــــــــــــــان
راكان الورا الورا بسكت
وعشان يخفف الجو مد يده وشغل المسجل
وصدح صوت الأغاني الأجنبيه بالسيارة تضايقت حسيت إني مخنوقة
تاله بزهق حط رودي راكون
راكان بانصياع غيره
كان صوت المغني حلو فيه بحه غريبة ومدري حسيته غريب لكن كل مالي أحس بخنقة مدري يا عالم الأغاني أكرهها مو من زود الإلتزام بس مدري ليش أكرهها ومن أسباب كرهي لبسام إنه كان كل يوم يشغلها ع الصباح
بالصبح فيروز وبالليل أم كلثوم هالاثنين اللي يسمعهم بس وأنا كل مره أركب السيارة تجيني حالة نفسية
رصيت ع يد تاله بالغلط
طالعتني نونا فيك شي؟؟!!
تنهدت وعيوني غرقانه خليه يسكرها بليز تاله
تاله باستغراب من عيوني راكان سكر المسجل
لف علينا وهو مو أقل استغراب من أخته ليه؟؟؟!
قلت أبعد عيونهم عني بس لما أكون معكم لا تشغلون لي ميوزيك ما أحبها
ما علقوا وراكان سكر المسجل وهو ساكت
أحسهم متقبلين مزاجيتي وبنفس الوقت كثير تصرفات يستغربوها لكن يسكتون
الله يستر؟!!

ناظرت جنبي كان نايم بعمق ع السرير من يوم دخلنا الهوتيل
أما أنا ما قدرت أنام
ولا قرب النوم لجفوني
بالي مشغول صار لنا عشر أيام بالبحر وتونا واصلين بيروت
اليوم بنستقبل وافي وبعد بكره بنبحر لمدريد
رجعت شعري على ورى وأنا ماسك الجوال طمنت الوالدة على وصولي
وما منعت نفسي إني أدق عليهم
تقصدت أدق ع البيت لعل وعسى أسمع صوتها
وأكبر علامة إحباط لما سمعت صوت الفلبينية المكروه ترد علي
Yes
: I want Layla please
: ok sir
ثواني وجات ليلى وكأنها كانت تكلم أحد
الو السلام عليكم
طلال وعليكم السلام هلا بالغالية
ليلى طلال؟!؟
طلال ضحك بتعب ههههههههههه بلحمه وشحمه
وبحماس طالعت بربى ربى هذا طلال
ربى حمر وجهها وتلعثمت آآالله يسلمه
ضحكت ضحكة عاليه وشو الله يسلمه أقولك هذا طلال وصل شفيه وجهك قلب أحمر
قاطعتها وأنا مبتسم ليلوه اتركي البنت بحالها
ضحكت على ربى اللي جريت على فوق ههههههههههه والله وحبيتي يا ربى
طلال باستهبال حبت؟؟! حبت منو؟؟؟
ليلى ريان ولد الجيران
طلال بعصبية نعم؟؟! والله لأحش قلوبهم حش هم الإثنين
ليلى هههههههههههههههههههههههههههه أحد قالك تستهبل تدري إني أقصدك إنت
طلال واخترب المود يللا يللا بس سلمي عليها وخليني أشوفها تطب بيتهم
ليلى احلف بس من الحين _ تنهدت_ ما أقول من أول الله يعينها زوجتك
مسكينة ربى ما طحت إلا عليها
ابتسم ابتسامة واسعة وهو يعيد الموقف اللي صار تو بباله وكرر جوابه المعتاد على هالدعوة إلا يا حظها وأمها راضية عنها وداعية لها بليلة القدر
سكتت ليلى..........الله يرحمها
طلال امين يللا سلمي على زوجك مع السلامة
ليلى يوصل إن شاء الله
سكر منها التفت لفيصل انسدح جنبه غمض عيونه ويحس بمشاعر قويه تجتاحه
فتح عيونه ببطأ ورفع يده حطها ع كتف فيصل النايم ولا داري عن الدنيا
هزه بخفه فصوول
فيصل تقلب هممممم
طلال رجع يهزه فيصل قم خلنا نروح نستقبل وافي
رجع انقلب ع الجهة الثانية وما رد عليه
زفر طلال وقام فتح الشنطة أخذ منشفته ودخل يتروش
.
يتبع

كانت مبسوطة مره وما انبسطت بيوم من يوم جات إيطاليا مثل هاليوم
تمشوا بمتحف سنيوري ماكفيلو اللي يعرض صور لأهم الرسامين والفنانين بالعالم
طلب منها رسام شاب يرسمها لكنها رفضت وبشدة بسبب كرهها للجنس الذكوري بعكس تاله اللي رحبت بكل صدر رحب
والحين هم مارين بساحة الموسيقى حتى يدخلوا السينما
إزعاج وناس المكان مزدحم مره
كانت واقفه هي وتاله
لين دخلت محل للعطور وراكان راح يجيب من مكان قريب عروض الأفلام
تاله لتين وش تحبين أفلام رعب أو رومانتيك أو آكشن
لتين اممم ولا وحده أحب الدراما
تاله جات ترد لكن شفتها تناظر وراي
لفيت باستغراب
شفت شاب بوسط العشرين يمكن
شعره أسود وملامحه مزيج شرقي وغربي بوجه عريض من ناحية الفك
كان حاط غيتار على صدره وواضح من لبسه إنه ولد ناس
والأغرب إنه أشر لتاله بابتسامة وتاله راحت له وسلمت عليه بحرارة
والبنات حوله من كل جهة
كنت مصدومة مدري اش اسوي ومين هذا اللي تاله مطيحه الميانة معه
سحبتني من يدي نونا هذا ولد خالي رودي
وبرجتها مدت يدي له
وقبل لا يحط كفه بكفي بابتسامة أربكتني لأنه فعلا كان وسيم خصوصا من قريب
سحبت يدي بسرعة تــــــــاله لا
تركتني بتعجب شفيك؟؟
قلت بعصبيه وأنا أعدل الترانج كوت حقي ولد خالتك وش دخلني أسلم عليه ما يجوز رجال أجنبي يلمسني حتى إنتي كيف تسمحين له
ما ردت وواضحه الصدمه بوجهها
صعقت لما شفته حك راسه بإحراج وهو يناظرني بنظرة غريبة سكوزا سنيورا أنا الغلطان تاله متعوده علي
يتكلم عربي ؟!!!!!!!!!!!قلبت الأمور بعقلي يا غبية قالت ولد خالتها اوكيه بس شكله ؟؟؟امم
ما رديت انحرجت مره وحسيت بربكه أول مره أحسها
يمكن نظرته لأنها غريبة أحس فيها حزن وجانب صافي بعد
شوي جا راكان ولين
راكان قرب منه هلا هلا برويد والله شلونك خيوو
رويد بابتسامة وديعة بخير شلونك أنت
حتى ابتسامتة غير
لما يبتسم ما تصدق إنه هذا بهالمكان ويعرف كل هالنواعم اللي حوله
راكان تمام شفت مرة...
سكرت له فمه لين ومدت يدها تصافحه آهلين رويد شلونك
مديت يدي ومسكت كفها
رويد ضحك ضحكة صغيرة مميزة لا تسلمي علي المدام ما ترضى
لين ابتسمت بهدوء اوكيه شلونك
رويد بخير
راكان خاوينا احنا رايحين للسينما
رويد وهو يمسك البنت اللي جنبه وهي تتمايل مع خصرها سكوزا عندي حفل الحين خلوكم احضروا
لتين تقززت من منظرهم وأشاحت بوجهها عنهم
راكان بأسف ياليت بس لتين تكره الموزيكو
رويد عقد حواجبه المرسومه لتين؟؟ مين لتين
تاله سحبتني لجنبها هذي لتين
رويد رجع طالعني بنفس النظرة وردد بتعجب تكره الموزيكو
في أحد يكره الموزيكو؟!
لتين بضيق أنــــــا
لين يللا خلونا نمشي بيبدا الفيلم
تاله بابتسامة يللا باي رويد نشوفك هالأربعاء
رويد حياهم بيده ولف بعد ما رمى علي نظرة ما اهتميت لها رغم إني حسيت بأحاسيس غريبة بداخلي
ومشينا
وبشرود وش اسمه ولد خالك راكان
راكان وهو يناظر بالعروض اسمه رويد بس معروف عالميا باسم رودي
عقدت حواجبي وش عالميا؟؟؟
تاله بفخر وحماس رودي مغني إيطالي مشهور هو اللي كنا حاطينه بالسيارة وقلتي قفلوه
تفاجأت وبقوة وبعد مغني مره وحده لا الله يعينك يا لتين ع الأشياء الجديده اللي راح تواجهيها ولا بعد سلام بينهم عادي حتى لين العاقله؟!
وقفنا برا
راكان ها أي فيلم تبين لتين
لتين وهي تطالع بالأفلام
كان في فيلمين رعب
واحد اسمه SALOوالثاني BLACK CAT
وفي واحد فيلم رومانسي HARRISON FORD
اممم احترت ما أحب الرومنسيه
ناظرت لين وتاله وش تقولون انتم
تاله أنا أقول سالو شكله حلو
لين ناظرتها لا مانتي شايفه صورة العرض كيف رايحه فيها
راكان تسند ع وحده من البنايات بالله وهو في فيلم إيطالي نظيف
طالعته يمممه ما كأنه عمره 15 سنة
لين بعصبيه غريبة عليها راكان وجع شهالكلام بعدين إنت من متى تدخل سينما بدون أحد كبير معك
راكان بزهق اففف بدت المحاضرات لا تخافين ما عمري دخلت اخلصوا علينا
قلت خلاص هذا الثاني BLACK CAT
القط الأسود اممم نجرب حظنا
تاله قلبت الورقة هذا طيب دراما لتوون مو تبين دراما
أخذ الورقة راكان اييه هذا دراما The Saint of Fort Washongton ما انتبهت عليه تبونه
اتفقنا ودخلنا سوا
جلسنا جنب بعض بالصف القبل الأخير ما كان المكان مره مليان
بس الجو حماسي
تاله عن يميني ولين عن يساري
شوي جا راكان وبيده البيبسي والبوب كورن
أخذت حبة منه يسلموو راكون يا حبي لك
راكان سوى انه استحى فديـــــــتك
تاله ضربته على راسه اصطلب شوي ويذوب
ضحكت ههههههههه يممي طعمه جنان
وابتسمت بحزن تذكرت ربى وعبد الله
ربى تحب البوب كورن وعبد الله يعشق البيبسي
تنهدت بداخلي وركزت ع شاشة العرض السوده

ناظر الساعة رجع الجوال للحين هاللوح نايم
لمح من بعيد زول وافي كان مميز لأنه طويييل بشكل
طلال وهو طويل وعريض وافي أطول منه بشبر تقريبا
ونحيف ماهو بعريض
رفع النظارة عن عيونه وبيده شنطة صغيرة
قرب منه وسلمو على بعض
طلال هلا والله برفيأ دربي هلا شلونك خيوو
وافي بابتسامة الحمدلله بخيرشلونك أنت
طلال منيييح مناااح
وافي وشوو؟؟
طلال ههههههههههه على وزن عال العال
وافي ضحك ضحكة صغيرة وينه فيصل؟
طلال ضربه على كتفه ياخي اضحك تضحك لك الحياة ليه دايما ثقيل والا مو فالح تضحك الا على نكت الاخ فيصل لما ينكت علي
وافي عقد حواجبه يتذكر اهااا على خشمك هههههههههههه هههههههههههههههه
حتى ضحكتة تطلع مقطعة لأنه مو دايما يضحك
ابتسم بحنان عسى دوم هالضحكة فيصل راقد للحين
وافي متى وصلتو
طلال الساعة 3 الفجر والحين خمس العصر
بالقوة اصحيه يصلي ويرجع ينام من جديد حتى كان على أساس إنه بيجي معي يستقبلك لكنه ما قدر المهم ما علينا منه متغدي؟؟
وافي مسك بطنه اييه الحمد لله
طلال عارفه وش تغديت؟؟
وافي وهو يكمل باقي أوراقه كروسان وشاي
طلال بالله احلف انت هذا غدا الحين
وافي نحن قوم لانأكل حتى نجوع وإذا أكلنا لا نشبع
طلال انت كل أول بعدين اشبع امش نتغدا الحين حتى أنا مو ماكل
وافي طيب شرايك نصحي فيصل ونروح ع المغرب لأني الحين ما اشتهي
طلال ابشر اللي ودك فيه
وخلصوا الاجراءات وطلعوا

دارت على نفسها بالفستان الفيروزي القصير تحت الركبه كييييييييييف
ناظرتها من فوق لتحت ربى حلو يجنن عليك هاللون
وديم بغرور لا داعي لا داعي
جمانة خرجت من الحمام مالت عليك لا تصدقين حالك ربى تقولك كذا عشان ما تزعلين وتروحين بيتكم وتنام لحالها
وديم طنشتها بسوي نفسي ما سمعت
ربى قامت تغني بطرب أغنية الطقاقات
سـو كنك مادريـت وبـوسني
وسوها ثاني على انـك تعتـذر !!
قاطعتها جمانة اشششش انا بكمل وبدت شوي وتدخل جو معها وديم ع الأخر وهي ترقص وتحرك شعرها زي المهابيل وربى مبتسمه تتفرج عليهم

وقول أسـف مانتبهـت وضمنـي
والعذر مقبول ولـك منـي شكـر

فتحت الباب طالعتهم؟!!!!!!!!!
ضحكت من قلب
وديم جلست بالأرض من الفشلة وسوت إنها تعدل الصندل احمم ههه
جمانة على رجتها هههههههههه هلا عمتي
ليلى هههههههههههههه وبخبث مين هو اللي يسوي نفسه ما درى ويبوسك يا وديم
وديم حمرت وخضرت هههه لا مو أحد
جمانه مو أحد هااااااا مو طلووول
ربى اختفت ابتسامتها
وديم ببديهة وشووو؟؟؟!! والله لو بقى آخر رجال بالعالم ما تزوجته<<بتكحلها عمتها
ليلى نزلت عيونها بابتسامة شفيه أخوي يا وديم
وديم انحرجت وبترقيع هااا امم كيف أتزوج اللي بنت خالتي وأعز إنسانه تبيه
ربى داخت شتقول هذي شتخربط؟؟؟
ليلى ناظرت ربى!!
جمانه ياهووووووو وهجمت على ربى باستها بأقوى ما عندها على خدها بتصيرين زوجة طلال يا قلبي عليييييك
ربى باحراج جمااااااانه
ليلى هههههههههههه أصلا هو يا ربى خاطبك بس ننتظره يرجع عشان أسألك دامك عرفتي فكري بالموضوع وغمزت لها وخرجت
نطوا ع السرير عندها جمانة ووديم برجتهم وهم يصارخون بحماس وفرحة
بعدت يدها بصدمة رباااااااا شفييييك ليه تبكين؟؟؟!
ردة فعلها الجمتهم
بهاللحظة مين يشاركها
لا أم
ولا أخ
ولا صديق
كلهم تخلوا عنها بأحلى لحظة بحياتها......!ّ

وبنفس الوقت كانت لتين تعيش أسوأ لحظات عمرها
مدت لها المنديل لين خلاص لتين يا حياتي لا تصيحين عشان خاطري
مو قادره الفيلم مؤثر ويحزن التمست فيه شي من حياتها
قصته واحد انهدم بيته وهو يعاني من انفصام بالشخصية وكيف انه يعيش فقير
نفس تفاصيل حياتها
كانت عايشه بتناقض عند عمها وبحياة بائسة
راكان وهو يقفل جواله هذا السواق جاه
ركبوا بالسيارة ولتين لا زالت تبكي
وقلبهم متقطع عليها
وأكثر واحد متأثر راكان شوي ويبكي معها
لتين خلاص قطعتي قلبي
لتين........................
تاله مسحت دمعتها بسرعة يللا عاد لتين عشان نروح نتعشى
راكان بلا عشى بلا زفت حتى أنا انسدت نفسي الفيلم كئيب
وفعلا رجعوا للبيت
والمصيبة إنه بسام كان بانتظارهم...!

جلس عند راسه فيــــــــصل فيصل وربي لو ما قمت بهذي على راسك حرك يده وهو شايل الطفاية حقت السجاير
فيصل فتح عيونه بنعس نعم
طلال نعامة ترفسك قم جا وافي بنطلع نتعشا
فيصل وهو يتثاوب الساعة كم
طلال ست المغرب
فز فيصل اوكيه بتحمم وأطلع
لف عليه وينه وافي
طلال وهو يدور لبس بشنطته برا في الصالة ينتظرك
دخل الحمام ياخذ له دش
طلع له ملابس وهو يصفر
لبس بنطلون جينز فاتح وبلوزة بيضه عليها بلوفر صوف سديري لونه كحلي
تعطر
وطلع وافي
وافي وهو يناظر التلفزيون سم
طلال جلس شلون شغلك؟؟
وافي سكر التلفزيون وناظره تمام شفيك تسأل الحمد لله كل شي ماشي تمام
طلال اهاا إلا ما تدري الخبر قلت للوالده إني أبيها
وافي يستهبل بجدية مين هي؟!
طلال ناظره من طرف عينه مين بتكون يعني الخدامة
وافي ههههه ربى قصدك
طلال بعصبيه لو سمحت.....
فيصل وهويمشط شعره الرطب أعصابك كل هذا عشان ست الحسن والدلال ربى
طلال قام وهو ثاير والله لو أسمع اسمها ع لسانكم لأدفنك إنت وياه رمى علبة المناديل صحيح قلة حيا
فيصل ههههههههههههههههه
وافي امش امش بس يا روميو زمانك
ابتسم ابتسامة واسعة فيصل قد تخيلت إنه هاللوح بيحب
فيصل وهم طالعين هههههههههههه لا والله
طلال ايييه تمسخروا العلة مو فيكم يا رب يا وافي يجيب لك اللي تكسر راسك
وأنت يا فيصل لا تقول لا اخلص علينا يا رب انك تجيك الليـ..
قاطعه بضيق اسكت واللي يرحم والديك
طلال ما بسكت يا رب تجيك اللي تنسيك وتسعدك
ما رد عليه لف بضيقه
وافي ابتسم ليه لا طيب اذا تستاهل نحبها مو حرام
طلال بقهر نشوف
ومسرع ما تناسى ضيقته فيصل مع الجو الشبابي

كانت هدت شوي بس آثار الدموع واضحه بوجهها
آخر واحد دخل راكان وسكرت الخادمة وراه الباب
وقف بسام اللي كان جالس يدخن بالصالة وشكله جالس بالبيت لابس ترينق قطني لونه زيتي
ناظر فيهم آهلا
جات بتطلع تاله
وقفها لحظة تاله
طالعت فيه
قال وهو يتأمل وجه لتين اللي ما عطته وجه وجات بتطلع لكن تاله وقفتها
قرب منهم ميل راسه بتفحص واستغراب شفيك تصيحين؟؟
نبرته ماهي متعوده عليها مسحت دموعها اللي نزلت بصمت
لف عليهم ونبرة صوته علت ليش تصيح؟؟
راكان قطع النقاش رحنا السينما وكان الفيلم مؤثر
ناظرني بصدمة وهو ساكت لثواني وكأنه يفكر
وبعدها قال وهو معقد حواجبه وشكله عصب
وليه إن شاء الله رايحين السينما من متى؟؟
لين بهدوء بسام أبوي وأمي يدرون إنا رايحين السينما
بسام بقهر ومن غير كبير تدرين وش معناها سينما إيطاليه
لين بنظرة عتاب وأنا مو ماليه عينك
"بنظري أشوف دخول السينما من أشد المحرمات لعدة أسباب أولها إنه مختلط ثانيها الموسيقى على طول شغاله فيه وثالثها لو الشخص يتفرج فيلم ببيته يقدر يتحكم بمقاطعه الفاسدة أما السينما ما يقدر وغير كذا جوها ما هو جو ناس مسلمين متمسكين بدينهم خاصة"
ما رد عليها مسك لتين من يدها وسحبها معاه وهو طالع
خييييييير شيبي هذا؟؟؟!!
ما عارضت لأني كنت تحت تأثير الصدمة
دخلنا غرفتي / ـه
ترك يدي برقة سكر الباب وأنا دقات قلبي صفت الطبلون
كنت منزلة راسي وأنا حاضنه يديني لصدري
قرب مني وبطرف إصبعه رفع ذقني
بعدته بقوة اتركني وتفضل لو سمحت
ما رد علي رجع لفني لجهته
طاحت عيني بعينه ارتبكت حسيت إني بموت ما أدري ليه كذا يطالعني بنفس نظرته اللي بالخبر
برمت شفتي بصيييح والله بصيح خليه يطلع
قال بهمس حنون ليش الصياح لتين وهو كله على بعضه فيلم
ما قدرت بكييييت بكيت من قلبي وكأنه صدمة إعلانه بوجهي إنه زوجي توها تطلع
قربني له من غير تردد وحضني
ما تكلم بس أنــــــــــا اللي تشبثت فيه رغم إني أكثر وحده أعرف مدى حقارته.!
يمكن لأني محتاجه حضن أرتمي فيه من بعد عبد الله
اااه يا خوي وينك عني أنا أتعذب بصمت
تركني لين هديت
ولما حسيت بنفسي واستوعبت أنا وين!!
بعدت عنه بسرعه وأنا أمسح دموعي اطـــلع برا
:......................
لا رد متكتف ويناظرني
كنت مرتبكه ومتوتره لأبعد حد ما توقعت إنه يجي اليوم اللي أسوي فيه هالحركة
يا ربييي ترحمني برحمتك
سمعت صوته المبحوح وهو ماسك قبضة الباب وعاطيني ظهره
بكره رايحين لجدتي الكل هناك بيعرف إنك مرتي أتمنى نطلع بصورة طيبه
وسكر الباب
انهرت ع السرير أبكي بس أنا ما أبييييك يا ربي وش هالمصيبة
بس أنا ما يهموني وأهله يدرون بطبيعة علاقتنا واللي يصير يصير........!

: إنتي مالك دخل
جمانة بعصبية وديييم لا تعاندييين هذا أحلى؟!
وديم برفعة حاجب انزين وأنا ما بي ماااااااااااابي موعاجبني اوكيه
جمانة بصراخ بس هو مو لك
ربى مسكت راسها يا ربييييي خلاااااص ارحموني طول الوقت مضاربات مو الحق عليكم علي أنا اللي جايبتكم هنا
وديم بعصبية يعني نروح بيتنا
ربى لا بس اهدوا شوي مو كذا على طول
جمانة هدت وديم هذا أحلى عليها
وديم لا لا ربى أحلى عليها الفاتح شوفي هذا البنكي يجنن
ربى بدهشة وشو أحلى وما أحلى على ايش تتكلمون أنتم
جمانة قلبت المجلة قاعدين نختار فستان ملكتك
ربى ببلاهة رددت ملكتــــــــي!! أي ملكة بالخير أنا ما وافقت
جمانة ببرود وبتوافقين بالأخير يعني عشان كذا بنبدا من الحين نجهز عشان أول ما يرجع عمي تصير الملكة على طول
ربى قامت والله أنا لو أجلس معكم دقيقة زيادة بنجن
وطلعت وسكرت الباب وراها
نزلت تحت
شفت أبوي جالس وخالتي ليلى
رحت له وضميته شلونك دادي
مسح على راسي بحنان الحمدلله بخير شلونك أنتي
ربى والله راسي بينفجر من وديم وجمانة
ليلى هههههههههههههههههه ليه
ابتسمت طلعوا جنوني وهم بس يتضاربون
ليلى ابتسمت هم كذا في ناس تعبر عن حبها بهالطريقة
وغمزت لها
ربى ارتبكت خافت أبوها يكون شافها
ناظرت فيه ابتسم قالت لك خالتك
ربى تستعبط على وشو؟؟
ضمها زيادة على طلال أخوها
ربى غطت وجهها بكتفه اييه
أبو ماجد هههههههههههههه فديت الحيا كله عادي يا بنتي تبينه حياه الله ما تبينه الله معه
سكت
وش أقول
اييه أبيه
حمر وجهي حتى صرت أحس إذني تحرقني
وقفت بصعوبة اممم ااا بستخير أول
ابتسم بحنان وبادلتني الإبتسامة ليلى كلها حب وحنان خذي راحتك
وصعدت غرفتي بسرعة
لقيت جمانة ووديم على نفس حالتهم من مشكلة لمشكلة...........!

طلعت من الغرفة اليوم بنروح عند أهل خالتي يلدا
أبغا أروح أسألها عن طبيعتهم عشان أعرف وش ألبس وكيف أتصرف
انتبهت على غرفة مفتوحه وصوت يطلع منها
قربت مديت راسي !!

غرفة بيبي توحي بالنظافة بلونها الأبيض الممزوج بخضرة الأعشاب
!
وكأنه في أحد بالسرير
قربت منها من غير تردد
هذي بنت بسام!!
كانت تبكي حتى صوتها خفيف لما تبكي
شلتها ناظرتني من غير تركيز
ضميتها أهديها
أعشــــــــق الأطفال
كنت واقفة عند التسريحة وأهزها بخفيف عشان تهدا
وفعلا هدت
تأملت وجهها
ملامح طفولية ناعمة وخدودها حمرا مليانة فمها مفتوح
وعيونها فيها سحبه على ورى
شكلها غريب!!
ابتسمت
بستها وأنا منجنه على شكلها
دخلت قلبي هالبنت
وأنا ناسية إنها بنت بسام
يناااس تهبــــــل
ما حسيت فيه إلا لما وقف وراي ومد يده على راسها ومسحه
انحرق وجهي مو عشان شي قد ما هو عشان اللبس اللي كنت لابسته
تنورة فوق الركبه بشبر وبدي بلا أكمام لونه أحمر ساده
عادي عندي
لكني استحيت منه ما أدري ليه
ناظرني من فوق لتحت
احمم انقطع نفسي يا ويليي ليش يناظرني كذا؟؟
حسيت بيد على صدري
كانت يد البيبي دفتني بتروح لبسام وبسام واقف وراي على طول
ولما دفتني انعدم توازني ورجعت عليه
لف يده ع كتوفي ووقفني
أخذ البنت مني
ضمها
وأنا أناظره منبهره ومنحرجه وجهي صار بلون بلوزتي
بدت أفكار تجي براسي طردتها وجيت بمشي
مسك يدي وهمس لتين
ناظرته بتوتر وأنا أسحب يدي
تركني وقال لا تلبسين هاللبس هنا مانتي جالسه بالحالك
عقدت حواجبي أنا ما أشوف إنه فيه شي وبسخرية دامك زوجي كل اللي بالبيت محارمي
دخل راكان قاطعنا تشآآآآآآو سكوزا قطعت شي وغمز لبسام
بسام ناظره ببرود ورجع ناظرني وبحزم لتين روحي غيري ملابسك
قلت بدلع عفوي مااابي راكان أمك تحت؟
راكان ابتسم سي لابيلا
بسام بعصبية راكــــــــــــــان
راكان طالعه وهو يبتسم للتين نعم!
قال وهو شايل ميرا انقلع برا
راكان بصدمة أفــــــــا ياخوي
ضحكت أبد مو لابق عليه كلمة أفا بوسط هالمكان
ناظرني بسام حسيت إنه وده يذبحني
ورجع طالع راكان فارقنا أنت ما تفهم؟؟
راكان بمسرحية سكوزا ياخي قلت لك قطعت عليكم شي ما رديت يللا كنت جاي أشوف ميرا لأنه ميري عند أمي تاخذ أدويتها
أدوية؟! يعني صح مريضة تثبتت شكوكي الله ما خلاه من اللي سواه فيني؟؟ بس حرام وش ذنبها؟؟
رفع يده بسلام آرفيدرتشي
وطلع والمصيبة قفل الباب وراه
ارتبكت
بسام رفع حاجب ما راح تلبسين؟؟ الحين رايحين وبنظرة حسيت إني احتقرت نفسي منها وغيري هاللبس فيه رجال هناك
طلعت من غير لا أرد عليه
وش يعني في رجال ليكون بجلس معهم أنا
شفت بوجهي خالتي يلدا
أشرت لي بابتسامة ع الجلسة الفوقيه تعالي أجلسي
ابتسمت لأني كان ودي أجلس معها ع انفراد
.
.
.
من ايطاليا.. كلنا أقرباء، فقد جففت ثيابنا شمس واحدة

>> نهاية الجزء الخامس عشر

بسم الله الرحمن الرحيم

>>الجزء السادس عشر

الويل للبيت الذي تصيح الدجاجة فيه ويصمت الديك

..0..الحزن..0..

هو أن أشعر بدوامة الخوف تلاحقني ولا مفر منها إلا إليه ؟!!

بيروت/لبنان
هناكـ شعرهـ بينـ الجرأة والوقاحهـ...!ّ
ولا والد لمنـ لا خُلقـَ لهـ.....!ّ

في أحدى مقآهي بيروت الناطقة بجرءتها وجمالها الفاتن..
عدل نظارته بابتسامة فيصل وشرايك تجي تشتغل بالشركة عندنا
فيصل ناظره بتفكير وبإحراج ما أدري والله يعني لسى ما عندي خبره تعرف
وافي حط يده على ظاهر كفه وشد عليها إنت تعال ولك مكتب خاص فيك وسكرتير يعلمك بكل شي
فيصل بحيره وبنفس الوقت تجشع قولتك كذا أنا كنت ناوي أشتغل مع ابوي في أرامكو
طلال وهو يشرب القهوة التركية بتمتع أيد وافي فيصل أحسن لك من الدوامات ونظام أرامكو تراه متعب
فيصل أدري تذكرني بأبوي أشوفه بعيوني كيف يتعب والإجازات والحوسه غير النقل اللي كل شوي طايحين فيه والبعثات وأنت أول واحد هذا وأنت بحري عملك
جات المضيفة المغناج وقفت بتسكع ملاصقه لوافي بدكون شي؟
بعد وافي وعدل جلسته
فيصل جاته الضحكة على شكل وافي اللي فجعته بحركتها الفجائية
طلال بدا مؤشر العصبيه يرتفع عنده
قال بصوت خشن لا شكرا
لفت بجسمها بدلع وعطتهم ظهرها ووجهها بس لوافي ابتسمت ابتسامة بينت صف أسنانها اللولو وكانت قمة في الجمال الصناعي طبعا
ما بدك شي أخ... سوري ما تشرفنا
ما حركت فيه شعره متعود على هالمناظر شغله بشركة تصدير يعني أربع وعشرين ساعة سفر قال بهدوء وهو يقوم حاب أشوف المدير ممكن بعد إذنك
وشكلها خافت قالت بارتباك لشو المدير في شي دايأك
وافي وعينه على جاكيته يدور بجيوبه ع الجوال في ناس متطفلين
كسرت عينها وفهمت آهاا
وهي ماشيه صقعت جسمها بكتفه بكل وقاحة وابتسمت من بين أسنانها بقهر يي شوو مهضووم وزرييف
ناظر وافي بفيصل وطلال بلا مبالاة يللا
فيصل تفل صح قلة حيا أنا بحياتي ما شفت مثل جرأتها
طلال بعصبيه ليه سكت كان يبيلها كف يعرفها مع مين واقفه هالخايسه الواطيه
وافي ابتسم بهدوء كل المشاكل تنحل عنده خذت اللي تبيه؟؟
طلال لا بس سوت اللي ما يتسوى
وافي أسألك خذت اللي تبيه؟؟
طلال بعصبيه وهو يدف الكرسي بيد وافي ماني برايق لك
فيصل اففف بدت المزاجيه بطقوسها معه ابتسم لوافي لا ماخذته يا وافي
وافي بأحلى ابتسامة أجل خلاص ما صار شي
وطلعوا.......تاركين القهوة لها

دخلت غرفتي ألبس وأنا ماني مستوعبه خالتي يلدا قالت لي أشياء كثير عن عائلتها ماني قادره أركز لكن كل اللي أعرفه بهاللحظة إني طحت على ناس مو من مستواي أبد لا مادي ولا اجتماعي أنا ويييييين وبسام ويـــــــــــن؟!
فتحت الدولاب أخذت بنطلون أبيض رسمي وبلوزة فوشيا وعليه جاكيت رسمي أبيض من نفس البنطلون يجي كأنه ترانج كوت يتسكر بأزارير كبيره جنبيه شكله فخم وراقي
أخذت حجاب فوشي بزخرفة بيضه ناعمه لازم لأني ما راح أفصخه ابتسمت بسخرية على كلمة خالتي يلدا
: أنا سألت شيخ وقال لي يجوز تكشفين على خوال زوجك دامك بغربة
صحيح إني ما أعرف بالدين إلا الفروض لكن مو لهالدرجة ساذجة
وخالتي المسكينة محسبه إنه الشيوخ الحين مثل أي شيخ على أيامها
الحين كل من ترك لحيته وقصر ثوبه وأفتى قال عن نفسه شيخ
أذكر إني مره بالثانوي قالت لنا الأستاذه عبارة من حديث في مادة الفقه وللحين راسخه بعقلي "أجرؤكم على الفُتيا أجرؤكم على النار" رواه الدارمي في ‏ ‏سننه
استغفر الله يا ربي
ابتسمت هذا كلام رب رب الله يحفظها تعلمني الكثير لكني ما أطبق
بوزت شفاتها بضيق شي ما تربيت عليه أحس صعب أطبقه
تمتمت بنفسها يا رب أسألك العفو والمغفرة ورحمتك يا رب
بعد ما لبست وشفت شكلي ع الآخر
طلعت برا حسيت البيت هادي وينهم ليكون راحو؟؟ لا ما أتوقع؟؟
شفت جوليتا طالعه وبيدها صينية دائرية قزاز وإبريق شفاف فيه عصير وجنبه كاس وجايه تدخل غرفتي
وقفتها جوليتا وش هذا؟؟
جوليتا ابتسمت عصير برتقال من شجرة البيت
ابتسمت صبي لي
صبت وقدمته لي بريجو
شربت منه طعمه حلو وفيه لذعة حموضه أحب الحامض بالأكل
رجعت الكاسه غراتسي
وقبل لا تروح تذكرت جوليتا وينهم؟؟
جوليتا باستغراب راحو لكن السيد بسـ... وقبل لا تنطق
دخل بسام بهيبة جسمه وطوله يا ويليييي أنا وهو بس << كنت بقول وثالثهم الشيطان لكن تذكرت إنه زوجها ههههههههههه
التفت كانت جوليتا مختفيه
احمم صرت العب بطرف الطرحه وبصوت مبحوح أصرف بسام وينهم؟؟
ناظرني وهو يعدل وحده من اللوح ع الجدار أمي راحت تمهد الموضوع لجدتي والبقيـ..
:أي موضوع؟!
أحيانا أحس عقلي يوقف عن العمل
بسام وهو يتقدم مني وأنا أرجع وبصوته الهادي وكأنه يذكرني موضوع خطوبتنا
تضايقت وهذا لين وين بيوصلني اللين صقعت بالجدار
والله أحس بيغمى علي يا ناااس شيبي مني؟؟!!
متخدره هذا هو الاحساس اللي يوصف حالتي وهو ماسك طرف طرحتي ويفكها
بلعت ريقي وش بيسوي تحركي لتين لا تسمحي له
ما في أمل أجزائي انشلت
نزل الشيلة ع كتوفي
كنت أنحرق بصمت
شعري الملفلف رابطته ذيل حصان وماني حاطه خط كحل حتى من يوم جيت إيطاليا صرت مثلهم ما أحط مكياج
قرب أكثر؟؟؟؟؟؟!
حطيت يدي على صدره ودفيته بخفيف لأنه ما فيني قوة
نزل لمستواي وهمس بإذني
: تدرين إنك صرتي أكثر جاذبيه
شهقت ودفيته ووجهي زاد أحمراره أحس بحرارته للآن
بعد عني وهو يضحك اللي يشوف قلت نكته
قلت وأنا البس حجابي بتوتر سخييييف
بسام يحك ذقنه ويرجع يضحك أنتي شفتي كيف شكلك هذا وأنا ما سويت شي
أبصم إنه أحد مشربه شي
أشر لي بإيده يللا ناويه تنامين وابتسم
مشيت بسرعه وأنا اسمعه يضحك بخفه
جيت بركب السيارة اللي واقفه يا ربي أنا هالسيارة شايفتها لكن وين ما أدري؟؟
مسك يدي بسام
ناظرته باستغراب وأنا ابعد يدي بسرعه
شفيك؟؟ تعالي اركبي ورا
فتح الباب دخلت وركب جنبي وحرك السواق
وأنا أكبر علامة تعجب على راسي صح يمكن عشان اللي قالته خالتي
تذكرت الحركة اللي سووها فيني أول ما بشوف تاله بذبحها السخيفه ليش يتركوني معاه بالحالي
لف علي أولا زوجك محنا غرب ثانيا ما هي بحلوه ندخل كل واحد لحاله
ناظرته بطرف عيني وإنت كيف سمعتني إن شاء الله
بسام ببساطة مسك يدي وحطها على صدره
انتفضت و سحبتها بســــــــام بسألك سؤال واحد
ما رد وظل يناظرني يستنى السؤال
ناظرت عيونه البنيه بشجاعه مدري من فين جاتني ليـــــــــه تزوجتني؟!
وبهدوء شفت بعيونه لمعة غريبة وكأنه يبي يقول شي
تركني ولف وجهه ع الشباك يتأمل أحياء تورينو الراقية بصمت..!

....!ّ تعال أحتاج أسولف لك عن الأيام وأشكي لك
وأفض غيم الحزن وأنثر حنين الشوق بقبالك....!ّ
الساعة 3:30 الليل/ الخبر
ناظرت السرير جمانة نايمه رغم إنها مرجوجة لكن اللي يشوفها وهي نايمه يقول هذي ما في أهدى وأركز منها على نفس نومتها ما تحركت أما وديم مسويه ملاهي بالسرير أنا بالأساس ما نمت من يوم ناموا هم الساعة1 وأنا سهرانة قبل نص ساعة غفلت عيني وقمت على ركبة بظهري منها
ماني قادره أنام
أحس الحزن مملي الغرفة
اشتقت لأمي....ّ
نزلت دمعة حاره من جفوني وأنا أتذكرها
ما كنت أنام إلا وهي ع السرير جنبي وما كنت صغيرة كنت بالثانوي
أمي كانت غير الأمهات مصبحتنا وممسيتنا أنا وماجد بدلعها وبنفس الوقت حازمه
ما خرب ماجد إلا بعدها لأنه ما لقى اللي يحتويه
أنا ...محتاجه من يحن علي ومثل ما يقولون " فاقد الشيء لا يعطيه"
كنت أساير مصيبتي وأتسلى عنها بمصايب لتين وكنت أعتبر نفسي عايشه بجنة جنب نارها
مسكينة ما قد شفت بحياتي وحده بقوتها
غمضت عيوني ودموعي نزلت أكثر ولا قدرت أمنع شهقة طلعت مني
قومت وديم من نومها ببكاي
ناظرتني وهي تفرك عيونها ربى؟! شفيك؟؟
مسحت دموعي بخنقة نامي ما فيني شي
قربت مني مدت يدها لي
ناظرتها
ضمتني وأنا ما صدقت أرتمي بحضن يلمني
ضميتها بقوة وأنا أفرغ كل دمعة حبستها.....!ّ