رواية خنقت الورد يا يمه و بيدي انكسر ذبلان الفصل التاسع 9 - بقلم Thalia Shire

نزل السواق فتح لنا الباب مد يده لي بسام
طالعت يده وبتردد حطيت يدي فيها لأني كنت خايفه بسام أعرفه لكن هذولا ناس أول مره بقابلهم وما أعرف كيف بيستقبلوني
رفعت راسي بحيرة على امتداد النظر
جسر مغطى بالزرع والورد
ينتهي بقصر متربع على صفحة الموية الصافية
فتحت فمي لا إراديا
من المنظر
مشى ومشاني معاه
فجأة انتبهت على نفسي لما فتحت لنا الخادمة الباب بلبسها الأنيق مثل فساتين الإنجليز القديمة
واستقبلتنا بأدب
ابتسم لها بسام وهز راسه وكمل مشي
للحين أنا مبهورة البيت من داخل مو بس من برا أبيض كل شي فيه أبيض أوسكري
وفي الصالة
وقفوا كلهم أول ما دخل بسام وأنا معه
الابتسامة المرسومة على وجيههم طمنتني
شديت على يد بسام وقربت منه
حط يده على خصري وقربني له
تمتموا بالتحية ورجعوا جلسوا عادة الغرب غريبة !
اممم وحده بالأربعينات خمنت إنها أخت خالتي يلدا لأنها تشبهها مره
ابتسم أهلا سكوزا ع التأخير
ابتسمت الأربعينية وهي تضمه ع الخفيف أهلا مسموح حبيبي
ناظرتني وتوسعت ابتسامتها وقلبي يدق بأعلى شي
مدت يدها وسلمت علي
شدت على يدي وكأنها تطمني كومي ستاي لتين؟؟ "كيف حالك لتين"
ابتسمت ابتسامة واسعة على لهجتها الإيطالية البحته لدرجة توقعت إنها ما تعرف عربي ستو بيني غراتسي " الحمدلله شكرا"
انتبهت على واحد داخل من برا مد يده لبسام تشآآآو وبعدها مد لي يده
انحرجت
حط يده بسام بكف الشاب وابتسم بمعنى سكوزا بشير خطيبتي ما تصافح
ابتسم كوزي كوزي "لا مشكلة"
ودخل
قدمتنا
أشرت على شاب بأواخر العشرين شكله
هذا ابني إياد وهذي زوجته شجن سعودية
لحظة لحظة ابنها؟!!!!
ومتزوج!!
مستحيل مشاء الله تبارك الله مو مبين إنه ولدها شكلها صغيرة
ابتسمت لتين دوفي؟ "لتين وينك"
استوعبت بإحراج إنه يد بسام للحين على خصري سي سكوزا كون تي " نعم معكم آعتذر "
رجعت أشرت على الثاني اللي أول ما دخلنا سلم علينا كان جالس وذراعه ع كتوف لين هذا ابني بشير مو متزوج آخر العنقود
ابتسم لي بريجو
رديت الإبتسامة وأنا أطالع بتاله اللي غمزت لي
تذكرت صح يا ويلها لأنها راحت وتركتني
بس وينها جدتهم نفسي أشوفها
وكأنه قرأ أفكاري
همس لي لتين جدتي تكلمك
لفيت أدور وينها
لتييين شسوى لك بسام؟؟!
ضحكوا كلهم
وجهي انحرق
دامكم عرسان اليوم تنازلت عن غداي الجماعي وتغدينا الحين السفره تستناكم
وأشرت بيدها للخادمة
لفيت ببطأ بسام هذي جدتك؟!!؟
ضحك بود ايييه أصغر مني صح هههههههه
قلت من بين أسناني شيييل يدك
استغربت إنه عاندني واختفت ابتسامته توه شحلوه شد علي وغرس أصابعه بخصري حسيت إنه يشد علي وكأنه يضغط على نفسه
رفعت راسي ع الصوت اللي جا من ناحية الدرج الرخامي
اللولبي

:اووووه لتــــــــــــــــين
انصدمت رويد!!
بسام ابتسم بسرعة أعرفك رويد على زوجتي
حسيت إنه انصدم زوجتك!! بينفونيتي
" أهلا"
مد يده ورجعها كأنه تذكر سكوزا كومي ستاي بسام
بسام وهو يمشي بالاتجاه اللي أشرت عليه الجده الحمد لله عن إذنك ما تغدينا
رويد ابتسم لي ابتسامة واسعة
وجلس

سلم المفاتيح
الموظف أهلا وسهلا فيك خيوو شرفتنا
ابتسم الله يسلمك مشكور أخوي
عدل كابه ولبس النظارة الشمسية السوده
أشر لفيصل ووافي اللي واقفين ينتظروه يللا
ركبوا السيارة الخاصة
وافي سند راسه ع الكنب الجلدي طلال كم مدة الرحلة
طلال ناظر الساعة يمكن اسبوع
فيصل ابتسم أنا متحمس لإسبانيا ما قد رحتها
وافي بعملية فتح أزارير قميصه العلويه حلوه أحلى شي فيها المعالم الإسلامية
طلال من طرف خشمه حريمها ماصخين
فيصل هههههههههههه مثل - وهو يميع صوته- يي شو زريف ومهضوم
طلال ههههه أشين بعد هذي تتميجغ هذيك ما عندها واحد اثنين ثلاثة
وافي دفه بكوعه هييه بس بس وين ناوي توصل
فيصل وطلال هههههههههههه
طلال أنا أحبها لأنها ثاني رحلة لي أول ما بديت أشتغل
فيصل طلال حلو
طلال وشو؟!
فيصل إنك تشتغل بحار
طلال بثقة وابتسامة حب من صغري أمنيتي أطلع بحار زي بباي
وافي ابتسم احلف بس
طلال ههههههههههه لا جد والله حلوه بس متعبه مثل الطيار أربع وعشرين ساعة مسافر
فيصل بتفكير أعتقد إنك لازم تكون تحب السفر ورايق بس إنت مزاجي كيف مشيت معك الشغلة
طلال بنغزه وش قصدك؟؟
فيصل هههههه أقصد إنك ما تنفع لأنه مزاجك ينقلب بسرعة ومن غير سابق إنذار
وافي بجدية بالعكس مثل البحر غريب تنقلب أحواله فجأة
طلال تكتف إنت وياه ماكنكم تسبون من الصبح أشر على فيصل إنت لا تنسى إني خالك مو لأني معطيك وجه تطيح الميانة
فيصل هههههههههههههه كيفي
طلال ابتسم بداخله وهو يشوف فيصل مبسوط الله يتمم عليه الفرحة

وهي تلبس حجابها بالحوش واقفه مع جمانة تودعها يللا باي أنتي ووجهك بفقدك وبوسي لي ربى إذا صحيت يا عمري عليها ما نامت بالليل
جمانة تطالعها بعصبيه مع وجهك إنتي انقلعي أشوف من بيت عمتي
وديم تنرفزت جماانوه ماني فاضيه سامر ينتظرني والا كان فرشتك الحين
جمانه تحرك حاجب وتقلدها ماني فاضيه؟؟ إلا قولي خايفه
وصوت البوري يشق الإذن صار له ساعة ينتظرها سامر
وديم رفعت الشنطة ودررربج على راس جمانه
جمانه صرخت لأنه الشنطة فيها عطر ضرب براسها اححح يا حمـ###
وتهجم عليها وتعضها
وديم اااااااااااااااااااااااااااااااااااااااااااااا
كل أهل الخبر سمعوها
وتجري ورا جمانه اللي حطت رجلها
رفعت الشنطة وبأقوى ما عندها ضربتها بذراعها
سمعت صرخة لكن فجأة استوعبت إنها ماهي بصرخة جمانة
فتحت عيونها على وسعها ســـــــــــــامر!!!
طالعها والشرر يطلع من عيونه صاحيه إنتي؟؟؟؟؟
جمانه واقفه وراه رافعه راسها تناظر نهاية طوله وتدور على راسه في السما مشاء الله طويييييييل<<هالشي لاحظته لتين
وديم بخوف سامر والله هي ضربتني أنا ما قصدت ما أدري إنه أنتـ..
قاطعها بعصبيه امشي قدامي أشوف
مشت وهي تتحلطم الله ياخذك يا جمانه تشوفيين
جمانه ما تابت وهي مو مستوعبه انها واقفه للحين وانتي معي بعد تضرب وتبيني أجلس اناظرها حبيبي أنا آخذ حقي بيديني الثنتين ورفعت يدينها بالهوا توريها
وديم تحترق من العصبيه تركت سامر وأبوه وراحت لها
ما سمعت إلا صرختها ورقعة باب الفيلا
قالت من بين أسنانها وهي تضرب الباب برجولها والله لتشوفين يا سخيييييييييفة
ومشت
سامر واقف متكتف يناظرها ودخان يطلع من راسه وبصوت يخوف
ادخلــــــــــي السيارة
احمم حطيت رجلي أعرف وش بعد هالنبرة
الله يرحمك يا وديم ويوسع مدخلك.....!

انتبهت إنه هدأ فجأة وكأنه يفكر
أحسن بعد يتركني بحالي
بس مو مرتاحه لسكوته اللي هبط فجأة
قطع من الستيك اللي بصحنه وبشوكته مده لي
ناظرته !

استوعبت اللي سويته!!!!!
أكلتها؟؟؟؟
أنا بديت أخاف على نفسي من الشخص اللي قدامي ألاحظ إني لا إراديا اخضع لكلمته
إنسان غريب غامض يفرض حضوره ويلفت الكل لوجوده ويخلي الكل يسمعه
بس أنا مستحيل استمر على هالحال خاصة إني للحين ما أدري ليه وكيف تزوجني؟؟
انتبهت عليه سرحان وهو يناظر بالصحن
فجأة رفع راسه وركز بعيوني
توترت وأرخيت هدب عيني
: من فين يعرفك رويد
طالعت فيه بصمت
هذا اللي قلبه فجأة عشان كذا حسيت إنه غرز أصابعه بخصري لما نزل رويد
يكرهه لهالدرجة وإلا بينهم شي
طيب وش دخلني
: أنتظر منك إجابة
باختصار رديت يوم رحنا السينما شفناه بساحة الموسيقى وسلم علينا
بسام بــــــس؟؟
لتين بعصبيه ايييه بس وليش تسألني وشدخلني فيه أنا
بسام ناظرني وطول وهو يناظرني
تركت الشوكة صدت نفسي أحس بضيق زهقت أبي أرجع الخبر !!
تذكرت عمي وبسام تذكرته كيف كان يعاملني
حسيت بالخوف
وقفت
وقف معي
ومسك يدي
انتفضت من لمسته
طالع فيني باستغراب
ورجع مسك يدي وشد عليها
دمعتي نزلت بسام اتركني إنت تبي تاخذني لعمي أدري قولي إنك جايبني هنا عشان توديني له
حسيت إنه تفاجأ من كلامي وأثر في شي فيه
وبدون مقدمات ضمني
وبهمس مسح على راسي قلت لك أنا هنا غير إنسي بسام القديم!!
ارتفعت نبضات قلبي وحمر وجهي من جديد
:احم احم أقول بسام
ما تركني غمض عيونه وهو على نفس وضعه راكــــــان اذلف
راكان ههههههههههههاي هادم اللذات هاا وين تلقاها لا بيللا راضيه عنك
بعدت بسام عني بإحراج
مسك يدي ومشى ولا كأنه سوى شي
وراكان من جد ذلف لما شافنا جايين
.

تقلبت في السرير الصغير اللي بعلية الباخرة
مديت يدي وخذيت كاسة المويه شربت منها بعطش عطشان حدي بسبب الحلم اللي شفته بلمار
عقدت حواجبي وأنا أعدل جلستي بوسط السرير
ناظرت الغرفة باستغراب وذهول الأنوار مسكرة وعلى طول الرف الطويل المثبت بوسط الجدار كاسات شموع صغيرة
عاكسه وهجها ع الجدار وكأنها تراقص ظلالها
ناظرت جنبي
فتحت فمي!!
وش يحس فيه هالآدمي
طاح من عيني صراحة
وافي!!
وافي العاقل الهادي المثقف
نايم بشورت بس!!
وأكيد هو اللي فاتح هالشموع طول عمري أنام مع طلال ما قد سوى حركه مثل هذي
لحظة ليكون وافيـ.... لا لا استغفر الله ما أتوقع طالعت نفسي بسرعة أتطمن الحمدلله كل شي تمام
صراحة خفت وعشان كذا شلت مخدتي وقشي ورحت رميت نفسي على سرير طلال بعد ما طفيت الشموع الغبية اللي مولعها حسيت إنه مريض
بس تعال في لبنان ما كان يسوي هالحركات وش جاه؟؟
غمضت عيوني بتفكير الصباح رباح وبفهم كل شي

....!ّ ما بقى بالدنيا وردة
ما ذبحها الشوق فيكـ....!ّ
صحيت من النوم وأنا حدي تعبانه وزهقانة وقرفانة عمري الإكتئاب مسيطر علي
سحبت روبي ودخلت الحمام
عبيته واسترخيت فيه
مو الحمام وإنتو بكرامة بيت الشياطين
كل الوساوس والأفكار الشينة خطرت ببالي
بكيت قهر على أمي اللي راحت وتركتني وحيده بهالدنيا
بكيت أخوي اللي فقدته وراح مع روح أمي
بكيت أختي وتوأم روحي اللي للحين ما أدري عنها شي ولا أعرف حيه أو ربي أخذ أمانته اللي أهداني فيوم ياها
كل شي
كل شي بحياتي بكيته تمنيت إني ما انولدت ولا عشت بهالدنيا الظالمة
حتى طلال
طلال اللي حبيته يتعمد نرفزتي ويحب يناقرني
تعوذت من الشيطان غسلت جسمي بالمويه الدافيه ولفيت الروب علي وطلعت ناظرت الغرفة وأنا أمسح وجهي المرهق
تذكرت وديم وجمانه
عضيت شفتي نايمه لهالوقت وتاركتهم
الساعة كانت 2:00 الظهر
دهنت جسمي بكريم الفراولة أحبــه يذكرني بلتين
مسحت دمعتي زهقت من الدموع بس وش أسوي تسليتي الوحيده
أخذت تيشيرت مشمشي على وردي فاااتح وتحته بنطلون برمودا أبيض
نشفت شعري بالسشوار وتركته على طبيعته أصلا هو قصير ما يحتاج له شي
رشيت ع رقبتي عطر الجسم الفراولة
لبست الشبشب وطلعت من الغرفة
غريبة وينهم بالعاده مطيحين بالغرفة عندي
قابلت نورميا شغالتنا Where is Girls?
ردت بابتسامة Oh, they are went two hours ago
تضايقت راحوا من غير ما أسلم عليهم

Ok, where is dad and Aunt
نورميا too go
تأففت وين راحوا بعد هذي أكره إجازة صيفية مرت علي حسيتها ثقيلة من جد
نزلت تحت
سمعت صوت من ناحية المجلس
غريبة مو نورميا تو تقول إنهم راحوا هذا صوت رجال؟!!
تعديت الصالة ورحت للمجلس الخارجي
مشيت بشويش وأنا أتخيل شكلي لو طلع حرامي
مديت راسي وأنا أميز الصوت
؟؟؟؟؟؟؟؟؟؟!!!!!!!!!!!
[ ]
؟؟

انتهزت الفرصة وافي ما كان موجود راح ياخذ له عصير وطلال واقف يشوف شغله حكيت راسي بارتباك أقول طلال
ناظرني بتعب ورجع يطالع قدامه شعندك؟؟
جيت أتكلم مو قادر زفرت طلال ناظرني
طالعني باستغراب شفيك مو على بعضك
عضيت على شفتي اسمع بقولك خويك هذا انت ماسك عليه شي
عقد حواجبه خويي!! قصدك وافي؟؟
فيصل بتوتر اييه في غيره يعني
طلال ولفته الموضوع وباهتمام شي مثل ايش يعني؟؟
قلت بسرعة شوف أنا بقولك وإنت فهمني لأني صراحة مو راضيه تركب براسي وأنا ما عمري شفت عليه إلا الخير وما أعتقد إنه واحد مثله يسوي شي مثل كذا
طلال بدا يعصب لأنه خاف اخلص علي وش شايف عليه شرب لا سمح الله
الله يخسك دايما تفكيرك وسخ اسمع قمت بالليل شفته نايم بشورت كأنه بنت لا وفاتح لي شموع الأخ عايش جو خفت على نفسي منه والله
ملامحه جامده ما أدري هي صدمة وإلا ايش ما أعرف
وفجأة ضحك ضحكة خلت الكل يلتفت علينا
تنرفزت ومن بين اسناني ما يضحك يا سخيف
طلال وهو يشوف وافي جاي ههههههههههههههههههههههههههههههههههههه
هههههههههههههههههههههههههههههههههههههههه
وقف وافي وهو يعطينا العصير
لفيت وجهي مابي
وافي شفيك يا رجال وش صار له خالك؟؟
جاوبه طلال وهو بيتقطع من الضحك
اسمع فيصل يظن إنك gay هههههههههههههههههه
وافي ناظرني من غير أي تعابير تتفسر وكوب العصير اللي بيده ثابت
قلت بعصبيه من ضحك طلال المستمر لا تلومني الحاله اللي شفتك فيها الليل تثير الشك
طلال ههههههههههههههههههههههههههههههه
ضربته على راسه كل هواااااااااا
وافي ابتسم وهو يكمل العصير قصدك ع الشمع
فيصل استغرب منه بكل ثقة يتكلم والشورت
طالعني انحرجت إني فكرت فيه كذا أنا متعود من المتوسط إني أنام كذا
وإذا ما توفرت هالأجواء ما أقدر أنام
فيصل تدري إنك تافه مع احترامي
وافي بخفة هههههه اعتبره إدمان ياخوي لكن أنا بجد ما أقدر ما شفتني في لبنان ما نمت أنا مواصل اليومين اللي جلسناها بلبنان واسأل طلال
طالعت طلال وأخيرا وقف ضحك أومأ براسه كنت أدري فيك بس وش بيدي
فيصل بتعجب طيب ليه ما تشوف لك حل يعني هالشي يسيء لمروؤتك
ابتسم وهو يربت على كتفه فيصل أنا أدري لكني تعودت ما سمعت بالطفلة اللي ما كانت تنام إلا على كتف إختها وإذا صار غير كذا ما تنام تظل سهرانه أيام
عقدت حواجبي ووش صلتك إنت مين اللي عودك على هالحال؟؟
وافي أنـــــــا مدري كيف بس تعودت خلاص
شوف إذا شغلت الشمع ونمت وأنا ما يغطي ظهري شي حتى لو بنص البرد أنام فورا أما غير كذا ما أقدر أنام
فيصل وللحين مو راكبه عقله اييه الله يعينك
طلال ابتسم عاد أنا استأذني أول مره جيت أنام عنده ما فاجأني مثلك
وافي ههههههه أقول انشغل بعملك تعال فصول خلنا نجلس

تكتفت و أنا أناظره بعصبيه مكبوته الحين كل هالزعل والسخافة بس لأنه شافني اتضارب مع جمانة الزفت
تأففت بصوت عالي
ما في أمل معطيني أكبر طاف وراسه براس اللاب توب وهو مسدوح ع السرير
من بين أسناني قلت وأنا أفتح سحاب بلوزتي العلوي بقهر
ساااااامر
:.........................
عليت صوتي سااااااااااااااااااامر
عقد حواجبه وهو على نفس الجلسة بس عيونه علي خييير شتبين؟؟ ماني فاضي لرجتك اذلفي وسكري الباب وراك
لما قال لي كذا انقهرت ولعععت
قمت وقفت قدامه وضربت الأرض برجولي وبخشونة حاولت أظهرها الحين كل هالزعل عشان شي ما يسوى
طالعني باحتقار كنتي راح تكسرين يد البنت وشي ما يسوى
طالعته بمكر وش دخلك فيها؟؟
حسيت إنه ارتبك قال يصرف أعتقد مالي دخل لكن أنا يدي آلمتني كيف لو هي يد بنت
قاطعته اييه يد بنت رقيقة ما تستحمل يااااااي وأنا أختك تهاوشني وتهزأني قدامها وعشانها
مسحت دموع التماسيح بس هذي جزاة طيبي معك تسفل فيني قدام الغريبة
غطيت وجهي بيدي يعني إني أبكي وأنا ميته ضحك على علامات التعجب والاستفهام اللي بوجهه؟؟؟
أحسسسن
سامر بهدوء وديم أنا ما هاوشتكـ...
قلت وأنا أكمل الفيلم الضعيف اللي ماله إخراج مالي دخل أصلا إنت ما تحبني ودايما تهزأني
كملت بكا وطلعت بسرعة من الغرفة وجري على غرفتي
ما صدقت أحط رجلي بالغرفة وطحت ع السرير أضحك
ههههههههههههههههههههه يا حليلك يا سموور صدقت
:صدقت؟؟ ها والله إنك حمــــــــــــــــــــــ####
شرقت بضحكتي وأنا أشوفه واقف قدامي
لحقني يعني كان ناوي يراضيني يااااااهووو
فرحت من قلبي
شفته يناظرني وهو مسوي فيها معصب مستغفلتني يعني هييين يا وديم تشوفين إذا عطيتك وجه مره ثانيه
وجا بيطلع
نطيت وتمسكت فيه لا سااامر بليييز الله يخليك لا تزعل بس كنت بختبر غلاتي عندك
بعد يدي بدفاشة العيال وخري عني انزييين أنا الغبي اللي مصدقك وعايش بتأنيب الضمير
هالمرة تعلقت برقبته وحلفت ما أتركه إلا وهو مسامحني
سامر وهو يحاول يبعدني واضح إنه خجلان ههههههههههه
وديم وربي لو ما تركتيني ما بيصير لك طيب
ما تركته أول قول
سامر بعصبيه وش أقول؟؟ قالوا جنيك آمييين
وديم بابتسامة واسعة قول إنك سامحتني
سامر انخنق لأني كل مالي أرص عليه طيييب اتركيني
وبكل برود أول سامحتني
بعد يدي بقوة اييييييه فكيني عاد ولا سوبر جلو أعوذ بالله
غمزت له وهو يعدل ياقة قميصه كل هذا عاد عشان ست جمانوه وكملت أغمز بعيوني كم مره
طالعني مفهي وش تسويين إنتي؟؟
مشى الله يخلف عليك بس!
ضحكت لما شفته سكر الباب والله وشفت ذله أمسكها عليك يا سمووور!!!

....!ّ نقل فؤادك حيث شئت من الهوى
مالحب إلا للحبيب الأولِ ....!ّ
الرحلة كانت للحين رايقه وهاديه
الهوا حلو فيه لذعة بروده
أنوار الباخرة هاديه
وما في إلا صوت الموج
وافي قدامي يقرا في كتاب مشاء الله عليه إنسان مثقف ما يضيع وقته من غير فايده عشان كذا ما استغرب إنه شايل حلال عائلته
ابتسمت على تفكيري يوم شكيت فيه
هذا طلال جاي بعد ما ناب عنه الكابتن الثاني
فصخ كابه الخاص بالبحاره وهو يرجع شعره على ورا بإرهاق من بداية الرحلة هو ماسكها الصبح له والليل للكابتن سميث
سند نفسه ع الكرسي ما ودكم تنامون
قلت ببساطة لا
وافي سكر الكتاب وابتسم بصفاء لخويه شلونك؟ تعبان؟؟
طلال فرك عيونه بتعب هلكان مو بس تعبان ودي اتعشى وانام ما اقوم ومسح على بطنه
فيصل بسم الله عليك بقى ربع ساعة ع موعد العشا
خذلك تصبيره وطلع من جيبه بسكويت لواكر بالبندق تفضل
طلال يستهبل خذلك تصبيره لوزين
فيصل هههههههه خذ وإنت ساكت
أخذه وبحسره ويش يسوي هذا ما يمديه حتى ينبه معدتي إنه بينزل لها أكل
وافي بابتسامة الله عليك يا طلال أصلا هالبسكويت المفروض ما تاكله لأنك الحين راح تتعشا ولااا بتنام بعد عشان صحتك
طلال يا أبو صحة إنت لو تعبت التعب اللي تعبته راح تاكل حتى لو تونه نيه
فيصل وععع استغفر الله طلال لو سمحت اسكت حالتك مستعصيه إذا جعت
وافي ههههههه الله يعينها
فيصل كمل وهو يقلد طلال بثقته إلا يا حظها وأمها راضيه عنها وداعية لها بليلة القدر
ابتسم
وتوسعت ابتسامته
حتى بانت صف أساننه المرصوصة كلها
وافي فهم من ابتسامته إنه مبسوط بربى قال بهمس الله يسعدك معها
طلال وفيصل آميييين
وافي هههههه مشاء الله لقطتوها
شوي جاهم صوت من بعيد
طلال وهو يقوم ياليييل بدا التغاريد حضرة الملحن
فيصل ههههههههه يا حليله الولد شكله حزين
وافي ابتسم هذا العشا جا يا طلال
طلال تنهد وأخيرا
ظلوا جالسين لين جو خدم السفينة ورتبوا الطاولات على سطحها وقدموا الأكل وصوت مزمار المراهق للحين ما انتهى يكمل عزف سيمفونيته الحزينه
كل يوم الساعة 12:00 الليل بالتمام يطلع ع السطح ويبدا يعزف بالمزمار الخشبي اللي معه
والمشكلة ما يقدروا يحاكوه لأنه سويدي وما يتكلم بغير لغته
عمله عامل نظافة للسفينة فماهو بحاجة للغة
صحيح مزمار ونغمته محرمه وطلال يتضايق منه ووافي ما يعنيه ولا يهتم له لكن أنا أشوف متعه فيه
نبرة الحزن فيه تأسرني
توديني لعالم ما فيه إلا أنا ولمار
أحبها
وبظل طول عمري أحبها
مرت نسمة هوا رجعتني للواقع
ولطبق السلمون اللي قدامي.......!

....!ّ على مثلك أنا مابكي ومثلك ما يبكيني
أنا ابكي على حظي جمعني فيك وأشقاني ....!ّ
صحيت من النوم راسي مصدع
رفعت راسي أتذكر اللي صار أمس
بعدت شعري عن عيوني
ورجعت يدي بكسل ع السرير
صدمت بشي قاسي
لفيت
شهقت وانا أقوم من السرير بسرعة
بســــــــــام؟؟؟؟؟؟؟؟!
تقلب وفتح عيونه طالعني بابتسامة ناعسه صباح الخير
رمشت بعيوني وأنا أناظر روب النوم اللي علي
الحمدلله ساتر لكن كيف وش صار أنا ما أتذكر شصار بالضبط
"ساتر! يعني لفوق الركبه قصدها"
انتبهت على بسام قام بسرعة وكأنه توه يستوعب
..
أمس الليل كنا سهرانين في بيت جدتي " جدة بسام" في الحديقة
إحنا البنات بس أنا وتاله ولين وشجن مرة خالو إياد وبحضني كانت ميرا بنت بسام!!
شوي دخلوا البنات لأنه الجو برد ودخلوا ميرا معهم وأنا حبيت أظل شوي بالحالي تركوني براحتي
وبوسط خلوتي رجع رويد وكان مو صاحي
بس شفته قدامي
صرخت
وبعدها ما أدري وش صار بالضبط لأني طحت على يد بسام!!
رغم كرهي له إلا إني أشكره لأنه دايما ينقذني من هالمواقف!!
حتى بعز كرهه لي في الخبر؟؟!!
ما أدري ليه دايما أتعرض لها أنا... كم مره كنت بضيع وبيروح أعز شي أملكه
.
"تدري ليه يالتين لأنك تكشفي وجهك أجمل صورة أبدعها ربي لكل الناس وأي شي ثمين دايما عيون الناس عليه تتمنى تسرقه"
استوعبت إنه واقف قدامي
هزني بخفة لتين إنتي معي
بعدت يده عني بقرف وش جابك هنا؟!
بسام بهدوء وهو حايس بوزه ما كأنها هي اللي كانت بالليل تترجاني ما أتركها
لتين بصدمة وإحراج كـــــــــذاب
بسام ببرود
اييه حتى شوفي نايم بملابسي
طالعته فعلا كان نايم بملابسه بس أنا كيف؟؟
أقصد كيف أنا غيرت وأنا ما أذكر شي
قلت وأنا ما أبغا انصدم بهجوم وأنا كيف غيرت ملابسي؟؟
بسام ببتسامة وكأنه طفل سوى إنجاز أنا غيرت لك
نعممم؟!!! بسااااااام يا حمــــــــــار
فتح عيونه بصدمة وش قلتي؟؟
بلعت ريقي وأنا أسوي إني مو خايفه أحسن ماحد قالك تكذب ما علموك بالمدرسة إنه الكذب حرام
قرب مني وكعادته يهمس بس كان قريب ويبدا مصاخته
علموني!
رفع ذقني بطرف اصبعه علموني و علموني بعد إني.......
سكت
مسكت خدي استوعب
فركته بحيا وخدودي مورده
قلـــــــــــــيل حـــــــــيا
ما سمعني ولا راح يسمعني لأنه خرج وتركني وحدي
وقفت قدام المرايا
سرحت بموقفي معاه
وبشكلي
روب نوم فوق الركبة على طول لونه فوشي بأكمام قصيره شعري الملفلف مفتوح ومنساب بتموج أحلى حالات شعري لما أكون قايمه من النوم
ابتسمت هذي كلمته السخيف
بس مدري كيف شافني
مسكت قلبي اللي كان يدق بقووة
تحول حياي لألم
وأنا أعصر على قلبي ما أبي أحبه يا ربي ما أبي
يا رب رحمتك
يكفيني عذاب....!
هالإنسان شفت بين يدينه أنواع الذل واكتفيت...؟

كنت مسدوحه ع السرير ومغمضه عيوني ما فيني أقوم أكيد الحين بتجي الخدامة تقومني الفطور ولازم ننزل مع إنه بابا مو موجود من يومين هو في ميلانو لكن لازم سفرة الفطور الكل يجتمع عليها
تذكرت وش أمس صار
أول ما دخلنا داخل
طالعنا بسام وسأل بتلقائية وين لتين؟؟
رديت عليه وأنا أحضن ميرا برا جالسه لحالها
قام
كنت بقول له خليها ودها تجلس بروحها لكن قلت وش دخلني يصطفل مع زوجته
طلع وشوي ما نسمع إلا صوت صرخة
نطينا كلنا
شفنا بسام ماسك لتين بين يدينه طايحه ويهاوش برويد اللي ما كان صاحي
سفل فيه ما بقى كلمة ما قالها
وبكلمة من جدتي وقفت اللي يصير
رويد يحزني حالته صعبة
هو مغني معروف
وأبوه إمام جامع كبير بروما !!
ساكن عند جدته لأنه أمه متوفيه من يوم كان عمره 5 سنوات
وبهذا انحرف خصوصا إنه جدتي ما منعته لما نوى يدرس فن الموسيقى الإيطالية أبوه عارض ولما شاف ما في فايدة طلع من البيت ومن المدينة كلها وسكن روما
يحزني لأنه ضايع طيب وقلبه أبيض لكن عايش بشتات الدنيا غرته
وموقفه اللي صار مع لتين لا يغتفر خاصة إنه بسام من زمان ما يحتك فيه ورسمي معه ما كأنهم عيال خيلان
سكت بسام مرغوم تحت سيطرة جدتي ولا انتظرنا طلع من البيت وهو شايل لتين
هههههههه تذكرت شكله لما دخل البيت وكان متوتر
حط لتين بالغرفة ومن الصدمة كانت تقول كلام ما تفهمه من ضمنه وحده اسمها ربى وعبد الله اللي عرفت من بسام إنه أخوها وربى أعز صديقاتها
والأغرب إنها كانت متشبثة فيه وما تبغاه يتركها هههههههه والله لو تدري عن نفسها كان انتحرت لأنها أرغمت بسام ينام عندها
ههههههههههههه مسكينة يا نونا
بالقوة حاولت أصحيها وخليتها تلبس ملابسها ونامت على طول
قطعت أفكاري لما دخلت
لتين قربت بهدوء تاله
مسحت على راسي تلووو
فتحت عيوني وأنا أبعد خصلات شعري المصبوغ بخصل بنية هممم
لتين رمشت بعيونها نايمه بالعدسات تلوو؟!
تثاوبت وأنا أبعد الفراش لا هذي عيوني الطبيعية
لتين جلست بلا كذب تلوو والله من جد ما ينفع تنامين بالعدسات
تاله وهي تفتح دولابها ما نمت فيها وربي هذي عيوني الطبيعية
لفت علي وفتحت عيونها على وسعها
قربت منها لونها أخضر صافي على أزرق
قلت بتعجب بس أنا دايما أشوف لون عيونك عسلي
تاله ههههههههههه أنا ألبس عدسات وأصبغ شعري كل شهر لون وأمس انتهى الشهر عشان كذا اليوم شفتي لون عيني الطبيعي
ذهلت منها حرام ينعدم شعرك!
برمت شفتها ما أقدر أحب اهتم بنفسي بزيادة - ابتسمت - واليوم بروح الكوافيرا تروحين معي
لتين بتفكير مدري بس ما عندي شي بس شعرك حرام ما يخرب
تاله بلا مبالاة إلا بس أقصه كل فتره وأزيته دايما يعني أعوضه وابتسمت ابتسامة واسعة يللا بدخل اتحمم وأنزل
إلا صح كيف نومتك أمس وغمزت لي
ما استوعبت شفيها؟؟!!
تاله تكتفت بشورت البجامة وهي متكيه على باب الحمام بسام شفيه عقلك وقف؟؟
قلت بسرعة اييه صح يا ويلي ليه خليتيه ينام عندي يا زفتتتت
تاله ببرود أعصابك يا حبيبي إنتي اللي تمسكتي فيه تقولي قرد متعلق بأمه
انحرجت وجععععععععع
تاله ههههههههههههههههههههههههههههههههه والله وما نمتي إلا وهو جنبك ويا حليله أخوي مو مصدق
حمرت خدودي يا فشلتي لو علي كان ما نزلت الفطور
تركتني ودخلت تتروش!!

....!ّ تعبت أهرب من الأشيا البسيطة من تفاصيلكـ
تعبت أسأل زوايا البيت..عن أول وآخر أحوالك ....!ّ
طالعته ماني مصدقه
لابس ثوب أبيض وشماغه على كتفه
شعره طول شوي وصار له لحيه خفيفه
بيده شنطة صغيرة موقفها جنبه
وباليد الثانية جوال
سكره وناظرني
هذا.... أنا مو مصدقه
نظرته غيير في شي بوجه محلو
ومن غير مقدمات جريت له ضميته وبكيت
مـــــــــــــــــــــــاجد
ضمني بقوة ودار فيني وهو يضحك يا حبي لك كبرتي يا ربى
هو يضحك وأنا أبكي بلاه ما يدري مدى الألم اللي سببه لي
تركني
وأنا أناظره مو مستوعبه
ابتسم ولمعة عيونه ما اشتقتي لي..
مسحت دموعي ورجعت ضميته مو بس اشتقت لك أنا مت وحييت وأنت ما جيت
هدأ صوته وقال بألم بسم الله عليك هذاني واقف عندك وما عاد أتركك أبد
بعدت عنه بس أنت تركتني وأنا كنت أحتاجك
: وأنا كنت بحاجة لهالخلوه الي فرغتها لنفسي هالمدة وبحزن كنت أناني ربى لكن الحمدلله اللي غيرني
ست شهور يا ظالم ما شفتك فيها رجعت ضميته وتشبثت فيه كأني ما ابيه يضيع
قال بخبث لو أدري إني بنحضن كل هالأحضان كان من زمان جيت
ضربته على صدره سخيف بعطيك كل اللي تبي بس لا تتركني مره ثانيه
مسح على راسي ولا يهمك إلا صح وينه خالك طلال وغمز لي
مسرررع عرف
استحيت مالت عليك هذا اللي عرفته
هههههههههههه ترا أنا كنت أتواصل مع أبوي من قبل شهر
انصدمت جد؟! ليه ما قال لي طيب
ماجد أنا قلت له لا تقول لها والا هو أصر
سحبني من يدي وجلسني اجلسي سولفي لي وش سويتي بغيابي
كنت اتكلم وأتكلم وفجأة انتبهت وأصريت عليه يحكي لي كل شي سواه من يوم طلع من البيت لين هاللحظة
ماجد وهو يعدل جلسته ويربت على كتفي وأنا جالسه جنبه
اييه يا أختي العزيزة طلعت من هنا تذكري يوم الأربعاء 2/11/1430 ذي القعده واليوم إحنا 12/4/1431 ربيع ثاني
من يوم طلعت من هنا رحت الديوانية شفت خويي بسام جاي ثاير عشان موضوع صحبتك لتين وعمها الله يهديه لما سفرها وإحنا كل هالفترة اتكلم له عنها وكان يدري بحبي لها بس ما يدري إنها لتين ابتسم بس خلاص ايام وولت
لاحظت إنه قال الله يهديه وين اول يا ماجد كان ما يقوم من جلسه إلا وهو لاعن عشرين واحد وشاتم خمسين
ربى بابتسامة ودموعها تهدد بالنزول مراهقه ها
ماجد ههههههه بالضبط المهم من بعد ما تضاربت معه وأنا ما شفته طلعت من الشرقية رحت للرياض لواحد من أخوياي كان معنا هنا ونقل الرياض واللي ما ادري عنه انه التزم
جلست عنده حبيت أُلفته وروحه الطيبه مع إنه والله يا ربى ما كان كذا أبدا بس قربه من ربي غيره
وقدر بأربع شهور يغيرني تماما من الجذور
وهذا أنا قدامك ماجد الجديد إمام مسجد الفرقان هنا
مسحت دموعي والعبره خانقتني
وأنا أقول فيه شي فيه متغير محلو هذا أثر الإيمان
ضميته يعني إنت كنت من فتره هنا
ماجد صار لي شهر ونص ساكن بشقة بسام
ربى بضيق وكدر وش وداك شقة الزفت هذاك
ابتسم ليش معصبه قابلني قبل شهرين بالضبط بطلب منه
نزل راسه عرفت أشياء كثير يا ربى ما كنت أعرفها بس كل اللي أبيك تفهميه إنه بسام مو كـ..
قاطعته لأني ببكي ما أبي أسمع منه شي يكفي اللي صار بلتين للحين ما أعرف أراضيها
ماجد شد على يدي قومي خلنا نطلع للصالة الحين أبوي جاي وبكره عندي لك خبر
الا صح سمعت إنه علاقتك بخالتي ليلى سمنه على عسل
وأنا ماسكه يده قلت بمحبة لأنها عسل وما لقيت منها إلا كل الخير
ماجد وهو يسحب شنطته آهاا عشان طلالوه
قلت من طرف خشمي لا والله ما بقى إلا ذاك الواثق
ماجد هههههههههههههه افا من الحين
ابتسمت وأنا أذكره شايف نفسه مره واثق لدرجة
ابتسم وهو يطالعني بتساؤل ما يستاهل طيب؟؟!
نزلت عيوني وقلت وأنا أجلس بصراحة إلا بس يقهههههر لكن فديته
ماجد ههههههههههههههههههه إنتي حالتك مستعصيه يستاهل ويقهر وتتفديه ناظرني بعصبيه مصطنعه قدامي بعد
ابتسمت وأنا العب بشعري عادي خطيبي
:يعني وافقتي نقول مبروك
استحيت وأنا أشوف أبوي وخالتي ليلى دخلوا
وقفت لا امم ها بطلع غرفتي
وطلعت من غير لا أرد على أحد وأنا أسمع ضحكهم
.
.
.
من ايطاليا.. رجل دون امرأة حصان بلا لجام، امرأة دون رجل سفينة بلا دفة
>> نهاية الجزء السادس عشر
.

ماشاء الله تبارك الله لا حول ولا قوة إلا بالله ولا تضره
بسم الله الرحمن الرحيم

>>الجزء السابع عشر

كل الطرق تؤدي إلى روما

..0..الحزن..0..

هو أن أسكن مدينة الأحلام،، وأبني قصور الهيام،، ثم مع مضي الأيام،، أستيقظ على أنين الأوهام،،،
....!ّ لولا الهوى ما ذل في الأرض عاشق
ولكن عزيز العاشقين ذليل ....!ّ
اجتمعنا كلنا على طاولة الفطور بس باقي بسام
عمره طويل هذا هو نازل من الدرج كان لابس بنلطون أسود وبلوزة حمرا لابقه على لونه شكله توه متروش
نزلت عيوني بارتباك وأنا اتذكر الأحداث الجديدة اللي صارت
قلبي كان يرقع لدرجة إني ما قدرت أرفع كاس العصير وتركته
واللي زاد الطين بله همس للين بإذنها قامت وخلته يجلس مكانها قدامي
يا ربيي لو إنها تاله كان ما رضت
تعجبني بعنادها
مد الكاس لتاله صباح الخير
الكل صباح النور
صبت له من الحليب شرب منه شوي وهو يناظرني
انشغلت بالسجق الايطالي اقطعه ما علي منه
راكان بشبه عصبية نطق متقصد مشاء الله سيد بسام كان ما قمت من غرفتي تاركني أنام بالصالة بعز البرد
بسام من طرف عينه ببرود لا تكذب ما نمت بغرفتك أمس
وقفت اللقمة بحلقي مو راضيه تنزل
لا لا تكمل أرجوك
ما استوعب اللي قاله وراكان مسكها
قال وهو يغمز لي بالله وين نمت أجل يا بعدي
بسام طالعني لاحظ وجهي كيف محمر حسيته رحمني مالك دخل
وفجأة كلهم ضحكوا ما عدا أنا وبسام
وكرهت هالاشتراك بينا
أنا منحرجة وهو ما أدري بإيش يفكر غامض هالانسان ما أعرف أي تفاصيل لمشاعره
خالتي يلدا تهاوشه راكان كل وإنت ساكت ورآك مدرسة
راكان وقف الحمد لله يللا آرفيدرتشي
قرب مني وهمس وهو ياخذ جاكيته شرايك فيني أحرجته صح؟؟
ما رديت عليه وناظرته بنظرة خلته يبلع ريقه بتمثيل ويعتذر
سكوزا لتين أنـ...
بسام بحزم راكان اترك البنت بحالها وروح لمدرستك
قال أحرجته قال وأنا ما حسبت حساب لمشاعري
ابتسم وهو خارج حسيت إنه من جد تحسف
لفيت عنه وكملت عصيري اللي مو راضي يخلص مدري أنا شبعانة وإلا هو كثير...!

فتحت عيوني على صوت رجولي نسيته من فتره ابتسمت
: رب رب ما بتقومين
رصيت على عيوني شكثر أحب دلعي من أعز الناس لتين وأمي
فتحتها بشويش وبصوت ثقيل لا تناديني بهالاسم
ابتسم وهو ماسك كرتون بيده ليه؟؟
بس كذا ما أحبه يذكرني بلتين وبأمي
حسيته تحبط
اوكيه قومي بس أنا بناديك فيه متعود عليه
ضحكت من غير نفس على راحتك
مسك يدي وقومني اعتدلت بجلستي ع السرير
شعندك مصحيني من الصبح وتوي انتبه ع اللي بيده شهذا؟
ماجد صباح الخير اخيرا انتبهتي جايب لك معصوب
ربى بإحباط نعم؟؟؟
ماجد ضحك على شكلها شفيك؟
ربى بعدت الفراش وقامت مابي ما أحبه استغفر الله الله يكرم النعمه
دخلت الحمام
غسلت وجهي وفرشت أسناني
طلعت لقيته جالس على مكتبي وبيد ماسك الملعقة وبيد العلبة وياكل
ابتسمت على شكله كأنه طفل عمره 10 سنوات
بادلني الابتسامة ما غيرتي رأيك
بعدت شعري عن عيوني وأنا أقاوم حومة كبدي لا
هههههههههههههههه طيب انزلي الفطور جاهز أبوي وليلى تحت
استغربت ليلى حاف
ناظرني بهدوء والملعقة واقفه قدام وجهه ايه ليلى حاف اكبر مني ب3 سنوات
ومرة أبوي مو أكثر ولا أقل
حسيت فيه ما تقبلها لسى
للحين ماجد فاقد أمي
كان يموت فيها
طردت الأفكار من راسي حتى ما أبكي طيب يللا ننزل
قام وخرج من الغرفة
تحسرت لأني قلبت مواجعه بس مصيره يتقبلها مثل ما أنا حبيتها!!

غمض عيونه بانزعاج من النور القوي اللي صدمه
جاه صوت فيصل المبسوط وافي قم الساعة عدت العشر وإنت نايم
عدل جلسته بضيق يووووه
شفيك؟؟
ناظر الساعة كانت عشر ونص راح موعد الإكسرسايز حقي
فيصل ابتسم وهو يفتح ستاير الغرفة ودخل نور الشمس ومنظر الموج الأزرق الصافي يفتح النفس على بالي شي
وافي قام وهو يرتب اللحاف ليه هذا مو شي؟؟
فيصل يناظر الشورت بازدراء خله الحين يجون الخدم يرتبونه
هز راسه بإحراج لا أحب ارتب أشيائي بنفسي
فيصل مشاء الله عليك
ابتسم وهو يتثاوب فطرت أنت وطلال
طلال الدب فطر قالك ما قدرت أسد جوعي إلا بالسفرة اللي حطوها
وافي بهدوء هههههههه وإنت
فيصل بابتسامة أنتظرك
وهو يسحب منشفته ابتسم بود اوكيه الله يعطيك العافيه ربع ساعة وجاييك
خرج وتركه يتمتع بحمامه الدافي

كانت لابسه بنطلون جينز فاتح وبلوزة بلا أكمام سوده
وشعرها رافعته ذيل حصان باهمال
والترانج كوت حاطته ع الكنب تنتظر تاله رايحين للكوافيره
لين قاعده تشرف ع الخدم اليوم بتجيهم وسن
بنت طيبه بعد اللي صار قدامها بالحديقة مع بسام اتصلت على لين وما سكرت الا لما سمعت صوتها وتطمنت إنها بخير
ابتسمت وهي تتذكر ربى قد ايش وحشتها هالبنت
فجأة خطرت ببالها فكرة
توترت لما فكرت كيف بتنفذها
ومسرع ما طلعت لتين على حقيقتها لما تبغا الشي تسويه وبطريقتها الخاصة
بس إن شاء الله هالمرة ما يوقف بطريقها شي خاصة إنها لأول مره تجرب تتعامل مع جنس ذكوري ولا بصفته ايشـ/زوجها
ارتبكت شكثر الكلمة قويه وصداها أقوى،،
طالعت بنفسها بالمرايا عاديه هذا وصفها لنفسها دايما
مشت باتجاه غرفة راكان ورجولها تخطي وترجع
وبطريقها كانت غرفة تاله مفتوحة
دخلت أخذت وحده من عطورتها
سبحت نفسها فيه وخرجت ولا انتبهت لها تاله اللي كانت لاهية بدواليبها تطلع حجاب مناسب مع الترانج كوت
غريبة هالبنت اللي يشوف شكلها وأناقتها ما يفكر أبدا إنه هذي شخصيتها المايلة للرجة
وصلت للممر
غمضت عيونها وهي ماسكة مقبض الباب
123 زفرت بتوتر
رجعت على ورى بفجعة لما انفتح الباب
طالعها متفاجأ وشكله كان لابس بيخرج
رمشت بتوتر وهي تفرك يدينها ببعض أنا......اممم
ترك الباب وقرب لها
بعدت على ورى بسرعة كنت بقولك شي
لمحت شبه ابتسامة منه ومال لداخل تفضلي
هاااا أنا أدخل غرفته ؟؟!!
ما وعيت إلا وهو ساحبني من يدي مدخلني جلسني وجلس قبالي تفضلي شتبين؟
رجعت شعري ورى إذني واستحيت من نظراته
احمم كنت بقولك...
بهدوء ونظراته للحين تتفحصني نانا شي ناقصك مو مرتاحة تبين شي؟؟
حمر وجهي وتلعثمت معد أقدر اتكلم ونانا بعد يدلعني ناوي علي شكله من غير شي بديت أفلت نفسي وأتبع هواي!!
هوا يا عالم أبي هوا
ما في أكسجين انعدم من الغرفة
وقف
وكأنه جاي لي
وقفت بسرعة معاه
وعقلي اشتغل بسرعة ما في إلا هالفرصة إذا تبين تكلمين ربى
قربت منه وبدلع زين بقول
ناظرني حسيت إنه تورط
ههههههههههه
صرت قباله بالضبط حسيت إنه جسمي يولع من الحيا والدنيا كلها صارت حمرا
بس بسوي اللي ابيه بسوي كفاية ساكته عن حقوقي
اممم بسام حبيبي؟؟
فتح عيونه بصدمة وبهمس آمري
ابتسمت بخبث مديت يدي للفحته وقعدت أحركها وأنا أناظر تحت لأني بموت بين لحظة وثانية
أبي أكلم ربى!!
:..................................

لثواني حسيتها ساعات ما رد وش موقفي لو ما وافق حسيت إني حقيرة
ولما ما رد
رفعت عيني ببطأ أناظرة
شفته سرحان يناظرني
احممم
تركت اللفحة وبعدت شوي وبصوت مبحوح هاا شقلت؟؟
وإللي ما تدريه يا لتين إذا إنتي خبيثة فبسام أخبث بأضعاف؟!؟!
لف عنها رمى نفسه ع الكنبة براحة وقال ببرود بشرط
لتين بترقب وشو؟؟
أشر على خده بهدوء
لتين ما استوعبت ايش؟؟
رجع أشر على خده تبوســـــــــيني
رمشت كم مره
قام لعندها بحركة فاجأتها وأرعبتها
وش ناوي عليه هذا؟؟
حسيت إنه غطى النور عني وصرت صغيييرة بالنسبة لجسمه همس وهو يلمس رمش عيني برقة
هذي لا عاد تكرريها؟؟
:وش هي
الحركة اللي تو سويتيها ودايم تسوينها لا توترتِ
وابتسم بخبث
يعني يدري فيني متوترة
قلت استعبط أبعد الاحراج اللي اجتاحني ليه؟؟
ما أقولكم بعض الأحيان عقلي يوقف!!
نزل لمستواي وباس خدي بهدوء وبرقة اعدمت وجودي
بس... لأنها توترني معاك
لا إراديا رجعت سويتها حركة وتعودت عليها
إذني انحرقت
وبنفس الهمس ما قلت لك لا تسوينها
وبارتباك بعدت عنه مما مقدر متعودة
دخل يدينه بجيوبه وهو يناظرني
تنفست الصعداء لما دق الباب وانفتح
لفيت عطيته ظهري
كانت الخادمة
: سنيوري بسام السيارة جاهزة
هز راسه باوكيه
خرجت وقفلت الباب وراها
حسيت بشي ع ظهري
تشنجت
لفني بقوة بسام وهو معقد حواجبه وش هذا اللي بظهرك؟؟
خفت وعيوني غرقت توقعت حشرة وإلا شي
رجع يسأل من بين أسنانه ونبرة صوته احتدت وش هذا اللي بظهرك؟؟
قلت ودموعي نزلت من الخوف وش هو تكلم؟؟
مسكني من كتوفي ولفني ع المرايا الطويلة بعد شعري ناظري وش هذا مين مسوي فيك كذا؟؟
غطيت وجهي بيديني الثنتين ناسيه
ناسيه!!
نسيت لأنه الألم راح لكن ألمها النفسي للحين بقلبي
قلت بين بكاي لما حسيته بينجن من نظرته لو ما تكلمت وبصوت متقطع آثار سجني
زادت تعقيدة حواجبه وسمعته يهمس لييه؟؟
رجع شعره على ورى بعصبيه وهو يدف الكرسي ويجلس ع السرير بعصبيه
ويكلم نفسه ليييه يا ربي ليه وش اللي يصير؟؟
مسحت دموعي بخوف من شكله
حسيته قدام شي كبير هو ضعيف قدامه بس وش الشي اللي يضعف قدامه بسام اللي ما يهزه شي
كانت تناظره مو منتبها على نفسها
هالة النور بملامحها الجريئة محمره
تفاصيلها لانت بفعل الدموع اللي مغرقة عيونها العسلية الصافية
وكله ولا نظرة عيونها
لوحة فنان غرقان بحزنه ينسج ملامح محبوبته الفاتنة الخبيثة وبكل هذا تجمع براءة طفل ما عاش طفولته ولا تهنى بها
حست بدفا يلف جسمها كله
والسببـ...حضن بسام اللي لمها بحنان ما انتبهت إلا وهي غارقة فيه
تشبثت فيه وهي تبكي بصمت إنت ليه تسوي فيني كذا أنا ما أستاهل كل اللي يصير لي حرام عليك
ما رد رص يدينه عليها
شهقت بدموعها بسام دخيلك قولي ليش متزوجني؟!
بعدها عنه بهدوء مثل ما أخذها وقرب وجهه منها لا تسألي عن أشياء أحسن لك ولي ما تعرفينها
ضربته على صدره برجا وضعف خانها طيب أنا أتعذب بسببك
دفها برقة ع الكنبة خلاها تستريح فيها
ركع قدامها وبان طوله قدام قصرها وبصوت غريب ما فهمته لا يغرك ترا كلنا بالهوا سوا
وبيده مسح دمعتها وموضوع ربى نتكلم فيه بس رجعت الليل
طلع وتركها
مثل ما هي وردة ذابلة تنتظر سقيا قاسيها....!ما فهمت وش يقصد شدت شعرها بقوة وهي ترص على راسها يا ربيي لين متى بوقف قدام غموضه أبغا افهمه وأرتاح يا رب ساعدني
تنهدت بصوت عالي وتركت العنان لدموعها
دخلت تاله
نونا يللا تأخرنا ساعتين شتسوين هنا إنتي
وقفت قدامي لتيييين؟! ليه تبكين
يا بعد قلبي وحضنتني بقوووة
حسيت إني بنخنق وبصوت خافت اتـ..ركيني تلو بنـ..خنق
تركتني ههههههههههه أحسن عشان ما تبكين مره ثانيه عشان واحد ما يستاهل شفته وهو خارج من عندك قولي وش سوالك وغمزت لها يللا توناا قولي
طالعتها بنظرة وأنا أمسح دموعي تونا بعينك
ههههههههههههههه يوووه شحلوه الدلع عجبني من اليوم ورايح دلعك تونا وإلا نانا -وبنغزة - زي ناااس
حمرت خدودي وصار الجو حار
رغم اني لابسه شي المفروض يبردني
بعدت وجهي عنها بضيق من الشي اللي وصلت له
بسام أمره يهمني...!
صرخت بوجهي وجععع لتييين قومي عطيتك وجه بيروح حجزنا
قمت من غير نفس انزين لا ينط لك عرق
وبتوعد هيين يا لتين والله لاوريك وتشوفين وقولي تاله قالت
ما عطيتها وجه أخذت الترانج كوت حقي لبسته لفيت الطرحه وأخذت الشنطة يللا
مشت معي وأنا جاهلة بنيتها...؟!

: امم أروح ليه لا بس وش مسويين يعني
أبو ماجد أهل ليلى كل أربعا لازم يجتمعون تعال توسع صدرك معهم
ماجد وعقله صار متفتح أكثر ومتفهم للأمور بعقلانية هز راسه بتفكير اوكيه مو مشكلة أشوف وأرد عليك
ابتسم ربى مبسوطة معهم
ربى بابتسامة واسعة مرره خص نص جمانوه مجننتني هالبنت ويوووه لما تجتمع مع وديم تقول كبريت وغاز
هههههههههههههههههههههه
تذكر وديم وطفاقتها ما قدر إنه ما يضحك
هالبنت عليها تصرفات يا ما لعوزت الكل معها
ابتسمت ليلى بس منمدجين مع بعض وإلا
ربى هههههههه إلا وبقوة بعد
أبو ماجد ناظر مرته إلا يا ليلى طلال متى راجع
بلعت ريقي بحيا هذا وش جاب سيرته الحين بس فديته وحشني صار له 3 اسابيع تقريبا غايب
طلعت منها تنهيده عميقة
استوعبت النظرات الموجهه عليها
نزلت عيونها بإحراج بالغ
الكل ههههههههههههههههههههههه
ماجد متعمد والله يا ليلى أخوك عامل عمايله بأختي هذا وهي لسى ما ملكت يعني حبايب
ربى رصت ع الشوكة الله يقلع ابليسك يا مجود
ليلى هههههههههههههههههههه مدري والله مين اللي عامل عمايله في الثاني
حتى هو ما صدقنا يطلب يتزوج وتجي اللي على هواه
أبو ماجد ابتسم بحنان يعني ربى تحبيه؟!
يلعن ابليس أبو الأب الفلاوي هذا!! هذا سؤال ينسأل؟؟ الله يهديك بس..
ربى قامت بإحراج وبدلع ضربت الأرض برجولها باباااااااااااا
الكل ههههههههههههههههههههههه
تركتهم وطلعت على غرفتها تجري
ماجد ههههههههه يا حليلها لا أنا هذا طلال لازم أشوفه
ليلى ابتسمت بحب للحين تستحي شوي من ماجد خاصة إنه يناديها باسمها وهي فسرتها إنه أمر طبيعي لأنه ما في فرق كبير بينهم
أبشر بطلع لك صور من عندي له يا حبه للتصوير
أبو ماجد قام ترا اللي ما تعرفه عن نسيبك شايف نفسه مره ابتسم بس ولد ناس وأصيل
سفره دايمه
ماجد ابتسم وزاد فضوله يعرف هالشاب اللي قلب إخته مية وثمانين درجة وأبوه حبه بهالطريقة

: والله إن ما اقتنعتي مالي دخل فيك
لتين باقتناع تام برأيها شوفي صبغ ماني صابغه عاجبني لون شعري أنا جيت عشان جسمي وبشرتي وسويت اللي بغيته
الحين جست سشوار وتقص أطرافه أكثر من كذا نو نووويه مستحيل ما تعرفين شكثر شعري غالي علي رغم إنه مزهقني
تاله وهم حاطين لها جهاز التجفيف بعد الصبغة على شعرها تنهدت لتين ذبحتيني بعنادك غيري سوي لوك جديد
لتين ما أبييي
تاله بعصبيه اوكيه براحتك خلي بسام يطالع بغيرك
انصدمت من الكلمة لو قبل كم يوم سامعتها كان ما اهتمت لكن هي يهمها أمر بسام
تخيلت للحظة إنه بسام فعلا يطالع بوحده غيرها
عصبت وارتفع ضغطها كلمت الكوافيره وهي تسفه تاله قصي أطرافه وسشوريه وبسس
تاله لفت وجهها إنتي حره
وبدأت الكوافيره الإيطاليه بكل مهاره وحرفيه تقصقص أطراف شعرها التالفه اللي أنهكها إهمال لتين لصحتها ونحفها بسبب تركها الأكل لمدة طويلة
وأثناء ما كانت تقصه كانت توصف لها طريقة الغذاء الصحية للإهتمام بالشعر
وكيف إنه الغذاء الصحي عامل رئيسي مهم برونق الشعر وحيويته
طالعت نفسها بالمرايا كلها ثواني وخلصت القص وبدت بالسشوار
كانت معبسة كلمة تاله وعتها على اشياء كثير بس حتى لو هي ما تدري وش هو ناوي عليه ناداها صوت بقلبها بس إنتي بديتي تميلين له ويهمك رأيه
بس هو ما يهتم ..مين قال يهتم والدليل تصرفاته
اففففف راسي صدع
من يوم دخلت الكوافيره وهم مستلمينها من أصابع رجولها وطالع إللين خصل شعرها الكستنائية
لمعت عيونها بالمرايا العاكسه للكوافيره الواقفة على راسها تشتغل بصمت والجهاز بإذنها تتراقص على أوتاره
غريبة لون شعري حلو أول مره أنتبه عليه
ليه تاله مو عجبها
: عجبني مين قال موعاجبني لكن أنا أقول غيري
مجرد تغيير
انتبهت عليها فوق راسي وكنت أتكلم بصوت عالي
ناظرتها
ابتسمت
رديت لها الابتسامة وأنا أعبر عن إعجابي بشكلها بإشارة اوكيه من يدي
كانت هالمرة صابغة شعرها أسود وحواجبها مشقرتها برسمة الشيطان
ولون عينها انتبهت عليه بنفسجي غامق
لبسها كله على بعضه ستايل غربي كان
ذكرني شكلها الأنثوي بشي واحد
جويل لما تاخذ شخصية وتلعب فيها وتطلعها شي ثاني
ابتسمت شفت هالبرنامج مرتين ورسخ بعقلي
ذكرى أليمة هزتني ورجعتني للماضي سنتين
" البيت فاضي
عبد الله راح يوصل أمه وعمي مو فيه سهرته الليلة صباحي على قولتهم
راحت سهى تحضر عرس بنت جيرانها وأمرتها تعزل غرف الضيوف كامله
مع الحوش
وبعد ما نظفتها وخلصت وهلكت بالشغل رمت نفسها ع الكنبة الطويلة بالصالة
وكان التلفزيون شغال ع قناة الـmbc انتهى برنامج وطلع جويل اللي هو هالبرنامج
ما صدقت إنه طلع لأنها شافته قبلها مره وعجبها وتمنت تتابعه زي باقي البنات لما كانوا يتحكون عنه بالمدرسة
ما وعت إلا على إيد تهوي على كتوفها وتجرها توقفها
عطاها كف وراه كف ثاني يالفاجـ## شتسوين هنا
وانهال عليها بالضرب
ما كانت تدري إنه جاي وإلا كان ما طبت الصالة
وما تركها إلا وهي مذبوحة تنزف بصمت
تنزف أنين وألم وظلم ما لها ذنبهـ.."
سمعت صرخة تنمي عن إعجاب بالغ
أثاريها صرخة تاله
وهي تصرخ بتكرار واااااااو روعة لتين طالعه تهبلين مشاء الله عليك
مسحت دمعتها بسرعة ولفت تشوف شكلها بالمرايا
كان شعرها الطويل اللي وصل لآخر ظهرها مع السشوار عادة ما يبين طوله كويس لأنه ملفلف
قصت أطرافه بتدرج زاد كثافته
ومع السشوار والشدو الفيروزي اللي حاطته لها الكوافيرة الخبيرة زاد جمالها
روج بلمعة وردية على شفاها العريضه
أبرز ملامح وجهها الفاتنة من غير تزييف زايد وبأناقة بالغة
كالعادة ناظرت نفسها مدري ليه كل هالإطراء من تاله عاديه وأقل من عاديه بعد
ع العموم استانست بكسرة الروتين هذي
لولا الذكرى اللي سيرت علي وقلبت المواجع
تاله مسكت يدها بحنان تونا ابتسمي ما ابي اشوفك زعلانة ليكون زعلتي عشان الكلمة اللي قلتها لك
لتين بعدت عيونها عنها تكابر وإذا؟؟ ما همني أصلا
تاله بنغزة وهم خارجين علينااا ما همك هاااااا وأربع وعشرين ساعة معاه بالغرفة وكل هذا ما همك
حمرت خدودها انطـــــــمي
ههههههههههههههههههههههه شفتي عاد يا أمي حبيه مو غلط
لتين استوقفتها كلمتها قالت بشرود بعد ما ركبوا وسكر الخادم الباب تهقين نقدر ننسى جروحنا اللي سببوها هالأشخاص
تاله بابتسامة وهي تمسك يدها نقدر لتين نقدر خاصة لو كانوا هالأشخاص يحبونا
حبهم لنا بيغفر لهم زلاتهم مهما كانت
لتين بعدم فهم شقصدك بـ..يحبونا؟؟
تاله ناظرت الشباك ما أدري إنتي فتحي عيونك وناظري بكل اللي حولك وبتفهمين قصدي رجعت ناظرتها بابتسامة وهي تدخل لها خصلة من شعرها ظاهره من الحجاب شغلي مخك شوي لتين إنتي ذكية بس الظاهر التعب أثر عليك لأنه واضح إنك ما كنتِ كذا عوامل أثرت عليك
لتين بضيق إنتي وش دراك وش كنت؟
تاله هههههههههههههه الله يخلي عالمتنا النفسيه لين هذا كلامها عنك أنا مجرد ناقل للأمانة
كانت بتكمل حديثها لكن وصلوا واضطروا ينزلون
.

ليلة زواج بدور..
ابتسمت وهي تنتظره كان خارج كلمها وقال لها تنتظره بغرفته بيقولها شي يسعدها
نقلت نظرها من العطور المصفوفة ع التسريحة لجدران الغرفة بلونها السكري الباهت مع قهوة بحليب وارتكزت أنظارها ع لوحة فنية لبيت حجري يطل على نهر جاري وغربة الشمس معطيته روح صافية بلمحة حزن
تنهدت الحزن صار عالمها أي شي يربطها فيه
أولهم لتين وتاليهم ماجد اللي اكتملت فرحتها فيه لولا تنغيصة لتين عليها
وآخرهم طلال قلبها دق بقوة وهي تتذكر مكالمته اليوم لليلى يطمنها بوصوله لأسبانيا
مسحت وجهها بظاهر كفها اشتقت له
ابتسمت بغصة وبهمس وحشني هواشك وتحريشاتك ههههه وكل شي
: ضحكيني معك
انتبهت له واقف قدامها مبتسم وبإيده كاسة الميلك شيك بالفراولة من باسكن
عطاها تفضلي أهلا بك بغرفتي المتواضعة
أخذتها وظلت واقفة وش كنت تبي تقولي بسرعة تراني متحمسه
هههههههه طيب ارتاحي
فضخ كابه وعلقه ع العلاقة بالزاوية
وجلس ع السرير وهو يفصخ بلوزته ويرميها ع الكمدينة
جلست ع الكنب مجووود جاي تقولي شي والا تستعرض لي بجسمك
ههههههههههه انتظري طيب ليه مستعجلة ما تفيدك العجلة ترا
بهاللحظة ابتسمت ابتسامة صافية وسرحت لو لتين ترجع شقد بيكون مناسب لها ماجد
بعد ما تغير ما اعتقد إنها ترده وشكلهم لايق لبعض
ولا إراديا خرجت منها الكلمة لو رجعت لتين بتكونون أحلى ثنائي
انتبهت عليه عدل جلسته وابعد عيونه عني ربى لازم تسمعيني
خفت من نبرة صوته خفت وبقوة بعد حدسي يقولي في شي ما يخليني مرتاحة وكأنه يهددني لا تفرحين كثير يا ربى طمنتني كلمة ماجد إنه شي بيسعدني بدأت دقات قلبي تعلى مسكت صدري بألم أسمعك يا ماجد وبهمس ....للنهاية

ماسكه يدها بحب شأد إلك وحشي يا توتا والله كتير شتأت لك
ابتسمت بود وأنا بعد اشتقت لك وسن وما راح أنسى أفضالك عليّ
شو ما عملت شي
كانت تحرك راسها بعفوية وتتحرك بكل مرونة تفضح مفاتنها بتنورتها السودة الماسكة القصيرة وبدي بلون دم الغزال مع شعرها البندقي المنسدل بنعومة لقدام
كان شكلها كأنها عارضة بجمالها الفاتن وملامحها الحاده
حطت يدها على ظهرها بحنان وين رحتي
ابتسمت بمحبة للين الطيبة معكم
قدمت لها الخادمة العصير ردتها بلطف ما لها خاطر بشي
بس ودها تجلس بحالها
كانت لمتهم حلوة وكل شي فيها مرتب
خاصة إنه وسن من النوع اللي تحلى القعدة معها بعفويتها وهبالها مع تاله
بعدت شعرها عن عيونها وسن ضحكتها حاده وعاليه
البيت كله أكيد سمعها الحمد لله بسام مو فيه
؟؟
!!ابتسمت بسخرية من تفكيرها
ما تبي بسام يسمعها وينفتن فيها طيب بسام زوجي ومن طبع الأنثى تتملك
لا بس هو يعني لي
توسعت ابتسامتها ويعني لي الكثير بس كيف اتصرف ما اعرف
ما أبيه يعرف
وعلى هالفكرة صحت على صوت تاله وهي تكلم وسن
هذا بسام رجع الحين أجيب ميرا كانت معه
وقفت وما كأني أنا اللي أتصرف أحس حالي غريبة معقولة بسام غيرني؟؟
وبهدوء تاله أنا بجيبها استريحي
لفت عني بغمزة
سفهتها وكنت عاطيه المدخل وجهي وعن يميني البنات
شفته جاي
بيدخل
طلعت بسرعة وتوتر له
بسام
بسام وهو يكمل مشيه بعد ما عطى ميرا لخادمتها الخاصة هلا
مسكته من إيده وسحبته بعيد عن البنات
كان صوت وسن المدلعة معبي المكان
فتحت أول غرفة دفيته عليها ولأنه مو مستوعب دخل بسهولة وقفلت الباب
رحت لوصيفتها ميري
ابتسمت سي سينيورا
قلت بتوتر ودي ميرا عند تاله
هزت راسها إلورا وراحت
رجعت دخلت غرفتي
احترت وأنا أوقف عند المرايا ما أعرف أهم شي إني أطلع حلوه بعيون بسام حتى لو ما حبني
فتحت الدولاب أخذت فستان قصير لونه بين السماوي والريشي قصير لين نص الفخذ ومن فوق كوكتيل
بدلت ملابسي بهدوء
رجعت شعري على ورى وثبت عليه طوق من اللولو
ومن نفس اللولو لبست بنحري كان شكله متناسق مع اللون
غمقت الروج على شفاهي العريضة على قولة ربى عاطيتني جاذبيه
اي جاذبيه الله يرحم أمك
وبهاللحظة عبست عند هالكلمة لأول مره أحس بمعناها فعلا الله يرحمها بس أنا أمي الله.. ما قدرت أدعي عليها رغم القسوة اللي أحسها في قلبي منها
تمتمت بضيق الله يسامحها
أخذت صندل ناعم ع الأرض لونه أبيض كريستالي
رشيت من عطر فيمي بوس <<ههههههه أحس ريحته نوم
ابتسمت على شكلي امم لا بأس جذاب إذا ما كان حلو
وبصوت عالي أروح القهر اللي فيني والله ما خليك تطالع بوسن يا بسام بوزت أنا أحلى منها ع الأقل أنا مسلمة
مدري كيف طلعت هالكلمة مني نزلت راسي فعلا أنا مسلمة تكفيني هالنعمة
ولو ما كانت متمسكة بديني بالتمام لكني ما أطلع بالشكل اللي تطلع فيه وسن بطنها وفخوذها وظهرها كله طالع لكل الرجال..
"ولو يا لتين كلها مفاتن وإنتي تطلعين مفاتنك للرجال ولو جزأ منها ع الأقل وجهك وهو أكبر فتنة في المرأة للأسف أول كنا نادرا ما نشوف وحده كاشفة وإذا شفنا انتهرنا فعلها لكن اللحين صار شي طبيعي تعود الكل على شوفته وكأن نظرتنا لمجتمعنا تبلدت ما عاد أحد يهمه شي والفتن كثرت وهذي من علامات الساعة
اللهم إنا نعوذ بك من الفتن ونسألك يا مثبت القلوب أن تثبت قلوبنا على دينك اللهم آمين..!"
رمشت بتوتر لأني سمعت حس أحد
لفيت بسرعة
حطيت إيدي ع فمي لما شفت بسام واقف بميلان ع الجدار اللي يفصل بين الغرفة حقت النوم والغرفة المكشوفة عليها وبعيونة نظرة غريبة نفس ذيك النظرة اللي عجزت أفهمها
استوعبت أنا دخلته هنا وبعدها دخلت وراه ووو
شهقت بصوت عالي لما تذكرت إني بدلت هنا لااااااااااااااا
غطيت وجهي اللي انحرق
أنا!!
غيرت قدامه!!
ياااااربي
كرر كلمته وهو على نفس الوقفه أعيدها
وبهدوء وهو يقرب لناحيتي
عمرها ما أثرت فيني وإنتي بعيدة عشان تأثر فيني الحين
لا تقرب بليييز ارجوك بيذبحني هذا اليوم
ما استوعبت شقال كنت بعيدة شتقصد بسام والله كل يوم أغرق بغموضك ؟؟
وبرقة بعد يديني عن وجهي
تأملني وأنا منزله عيوني بالأرض مالي وجه أرفعه بعد اللي صار
حسيت من لمست يده إنه متوتر ويمكن مرتبك بعد
رفع ذقني باصبعه وبنبرة حنان لا تخافين ما في أنثى تأثر فيني أنا
وأشر ع صدره بكل غرور
قوته تعجبني وبنفس الوقت تعذبني
أكره شوفته ضعيف ويجذبني بروده وغروره
يحرقني بجرأته و يطفيني بتصرفاته حتى تجاهله يوترني
باختصار هالإنسان قلب موازيني...!
رجع يكمل بنفس الهدوء وعينه للحين ماخذه راحتها ما غير وحده
جات ببالي على طول زوجته ونطقت لا شعوريا بضيق زوجتك الأولى؟!
ناظرني بصدمة وفجأة تعقدت حواجبه
كملت أستحثه ع الكلام وهو قريب مني ما تفصلنا سنتيمترات أم ميرا؟؟
صغر عيونه وهو يكرر وراي أم ميرا!!!!
وفجأة ابتسم وتوسعت ابتسامته وتحولت لضحكة مميزة ما قد سمعت مثلها بحياتي رغم كرهي له بهالموقف
شقصده يستهزأ فيني؟؟
ضربته على صدره بإحراج لا تضحك تراك تقهرني قول وخلصني أدري فيك تحبها من كنت بالخبر
غرقت عيوني بس مدري ليه تزوجتني؟؟
شوي هدأ ضحكه واختفت ابتسامته
قرب مني رجعت على ورى لين لصقت بالباب
حط يده ع الباب وراي جنب راسي
تدرين؟؟
ريحة عطره خنقتني ووترتني زيادة
رمشت بتوتر
غمض عيونه بصبر سحبني له
فقدت توازني كالعاده وأنا بين يدينه
حمرت خدودي وإذني
وارتفعت حرارة جسمي بحيا ياااارب رحمتك أنا مو متعوده على هالتصرفات
بعدت عنه بسااام اتركني
طبع بوسه طويله ع خدي وتركني عشان ما ترمشين مره ثانية
بعدت بسرعة وأنا أعدل الفستان المنحوس وتحسفت لأني لبسته ما بقى شي مستور
طلع سيجارة من جيبه وولعها
تأكدت إنه متوتر بس ما جاوب ع سؤالي واليوم لازم أعرف قصتها هالميرا
ورغم كل شي أحبها وبظل أحبها هالبنت وأموت فيها
عدلت شعري ووجهي رايح من حركته بسام أبي أعرف عن زوجتك
ابتسم ابتسامة جانبية وخفت لا يرجع يضحك
لا تخافين مردك بتعرفين والأيام بتكشف لك توسعت ابتسامته وهو ينفث الدخان بحرية بس عجبتني هههههه
وش هي اللي عجبته؟؟ كشرت ما أعتقد إنه يضحك
وبعدت عنه رحت للتسريحة خلعت الطوق وانسدلت غرتي براحة ع جبيني
لاحظته واقف وراي على طول يتأملني وهو يدخن
تنهدت ابعد شوي
:...............................

ترجيته بعيوني ارجوك ارحمني
قرب زيادة وكأنه ناوي علي ويدري باللي فيني بس أهنيك يا بسام قدرت تفوز بقلبي
دق قلبي بقوة لما مد يده ومسد ع طول شعري وهمس حلو بس أول أحلى
قرب لأذني أحب طبيعتك أكثر
ابتعد وابعد قلبي معه
أنا اليوم يا عالم بموت مو طبيعي اللي يصير معي
ناظرت الفراغ اللي خلفه يوم اختفى
كنت بلحقه أقوله ينتبه لا يخرج عند وسن
لكني تراجعت لما تذكرت كلمته
مدري ليه ذكرني بالمتلثم أول شخص قلبي دق له نفسه غامض يجي وبلحظة يختفي
مسكت خدودي المولعة وأنا أناظر حالي بالمرايا
أول مره أحس إني حلوه حلـــوه وجذابه بعد
يمكن لأني سمعتها منه من فم رجال تكون غير ومو أي رجال هذا
بسام زوجي ووحبيبي بعد
غمضت عيوني وأنا أتنهد بعمق شكلي ببدل وأنام
وما وعيت أفتح عيوني إلا ع دق الباب
توقعت الخدامة تناديني العشا تفضل
دخل راسه وابتسم بتصفيرة يااااااهووو يا لابيللا شو هيدا الجمال ما بأدر أنا
ابتسمت يسلمو راكون
شوي شفته مرفوع بالهوا
جره بسام وطلعه عطاني ظهره وهو يكلم راكان بكل برود خير أخ راكان شتبي داخل عند مرتي
راكن بعصبيه وهو يعدل قميصه كنت بناديها تسلم ع وسن طالعه
بسام ما تبي تسلم عليها اوكيه يللا فارقنا أشوف ولا عاد تقرب من هنا
وسكر الباب
سمعت راكان يتحلطم ويهدده بإنه بيطرده من غرفته
بلعت ريقي وعيوني بالأرض للحين تأثير كلمة مرتي ساري مفعولها علي
قال بعصبية لتين لو سمحتي ما عاد أبي أشوفك بهاللبس بالبيت
رفعت عيني بتكشيره اففف رجعنا للطير ياللي
تفحص ملامحي والسيجارة للحين بيده اوكيه
ما رديت عطيته ظهري بروح أبدل وسمعت صوت الباب وهو يتسكر
للحظة كرهته حسيته رجع بسام اللي يأمر وينهي ع كيفه رجع بسام البارد المتسلط اللي بكلمة لازم أنفذ أوامره التابعه لعمي
لازم ينكد علي و أنا اللي كنت بطلب منه أكلم ربى
زفرت وأنا أمنع دموعي مدري أنا متى مكتوب لي أفرح من غير كدر!!

....!ّ تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك ....!ّ
صحى مروق ومبسوط ع الآخر شاف طيفها في نومه
وش يبي أكثر من كذا..
ابتسم وانسدح ع السرير بكل قوته جنب وافي
ولأنه نومه خفيف فتح عيونه وناظره بصمت
ابتسم صبحك الله بالخير
قام رمى عليه المخده من غير ما يرد
ودخل الحمام
طلال شف قليل الخاتمه يسفهني
حك راسه وراح لسرير فيصل وبنفس الحركة رمى نفسه
ولا كأنه في أحد جنبه
نايم ومستغرق بالنوم
اففف الله يعينها اللي بتتزوجك يا فيصل
بعد عيونه بحزن وهو يتذكر لمار وبصوت عالي فيصل فصوووووووووول
فصولياااااااا
فتح عيونه وهو يتثاوب وابتسم ابتسامة واسعة ذكرتني بعبد الله
طلال عقد حواجبه مين عبد الله؟؟
فيصل تقلب وجلس ع السرير وشعره حايس خويي اخته بالرضاع تصير خوية ربى
طلال بعصبيه وصوت يرعد قص بلسانك يا حماار لا تجيب طاري زوجتي
؟؟!!
قام بسخرية زوجتك ههههههه متى الزواج يا خال ما عزمتنا افا افا والله ما هقيتها منك
قام بعصبيه وهو متنرفز حده لازم تعكر مزاجي انت والدب الثاني أخذ اللفحة حقته والجاكيت وطلع من الغرفة رايح باتجاه الباب
فيصل وهو يفتح الدولاب ياخذ منشفته صرخ على وين؟؟
طلال بصوت أعلى مالك دخل انطق مع اللي معك وخرج ورقع الباب
ابتسم فيصل أبي أعرف من فين وارث كل هالعصبية هالانسان
خرج وافي وشعره يقطر مويه وهو ينشف شعره بهدوء
فيصل لف عليه صباح النور
وافي وعيونه تدور بالغرفة صباح الخير وينه خالك؟
فيصل وهو يدخل الحمام والله طلع وهو معصب ويسب فيني وفيك مدري اشفيه
وافي ابتسم غريبة كان مروق بس صحاني بطريقة سخيفة وما عطيته وجه شكله عشان كذا عصب
فيصل مدري عنه خلني اتروش واطلع نشوفه وين راح
وافي رجع يطلع ملابسه الله معك

بعدت شعرها بخنقة وهي تمسح دمعة طاحت
الكوافيره بعطف شو ست ربى ما خلصنا دموع
رجعت تمسح دموعها ياليته بإيدي لكن وش أسوي
ربطت شعرها كله على ورى وارخت جسمها ع الكرسي المايل براحة عشان تمكيجها
هذي ثالث مره تبدا ويخرب كل شي بسبب دموع ربى
من أمس من سمعت الخبر من ماجد وهي منقلبة
توقعها تفرح
لكن وين تفرح وهي تعرف بقلب لتين الله يعينك يا قلبي ويسهل عليك
ابتسمت بوجهها ابدا حبيبتي
تنهدت بعمق اوكيه
كملت لها المكياج وهي مستغربة بكاها ما هي عروسة عشان تبكي
لهالدرجة فاقدة عروستهم اللي بتتزوج!!!
كلٍ على ليله سرى...

كنت لابسه بنطلون أسود وأطرافه ذهبي وعليه بلوزة لين الركبه لونها أسود ووسطها صور لأبراج عالميه بالذهبي
ومغطيه شعري بإيشارب صغير أسود
ناظرت الساعة وأنا واقفه عند باب غرفتها صار لي ساعة أنتظرها تفتح
باقي شوي ويجون بيت جدتي
ابتسمت ابتسامة صمت وألم حلو إنك تعيش مع عائلة تحبك وتعزك
الكل حولك ويسأل عنك ومعاك ع الحلوه والشينة
وأخيرا فتحت ست تاله
سحبتني من يدي وهي تدور شو رايك
ناظرت تنورتها الكلوش القصيرة الخضرا مع قميص أصفر مفتوح من قدام وتحته بدي أبيض
مع شكلها واللوك الجديد طالعه تجنن
ابتسمت قمر مشاء الله عليك
تاله كشرت مو أحلى منك مالت عليك سرقتي الأضواء عني من يوم جيتي
انحرجت وأنا أتذكر كلمة بسام أمس ليه ناديتيني
تاله ضربت راسها صح تذكرت تعالي اجلسي
جلستني ع الكرسي
بحط لك لمسات بس عشان تظهر ملامحك أكثر
قلت بضيق لازم ماله داعي في خوالك
تاله بهدوء غريب عليها لازم اليوم بتعرفين خبر حلو لازم تكونين مشرقة
وابتسمت ابتسامة واسعة وهي تضرب الفرشه بخفة على كامل وجهي
تكفيين يالمشرقة إنتي
هههههههههههههه وفجأة سكتت
لتين ممكن أسألك سؤال
الله يستر من أسألتها قلت وأنا مغمضه عيني إسألي بدون مقدمات مو لابق عليك الأدب ترا
ههههههههههههههههه اسمعيني زين
اسمعك
وهي تخط الكحل على عيوني من برا رمت سؤالها حسيته خنجر دخل بقلبي وعجز يطلع
رمشت بتوتر كم مره خلتها تشيل إيدها عن عيني شوي وبقسوة حاولت أظهرها وأمنع مشاعري الباقيه شفيها أمي؟؟
تاله بحنان ما تدرين عنها شي ما ودك تشوفينها؟؟
بعدت عيوني عنها للشباك وأنا على نفس جلستي لا هي ما ودها تشوفني عشان كذا عمري ما تمنيت....نزلت راسها وهي تمنع دموعها....وبشفه ترتجف أشوفها
تاله بنفس النبرة مسكت يديني الثنتين بس لتين ما في أم ما تبي تشوف بنتها أكيد لها أسبابها
قمت سحبت يديني بقوة منها وأعصابي ثارت ربى ما كانت تتجرأ تفتح معي هالموضوع لأنها تعرف تأثيره علي
قلت بنبرة مرتفعة أرعبت تاله و ما في أم تترك بنتها وهي ما كملت شهرين
ما في أم تترك بنتها عند ناس هي أدرى بنواياهم الشينة
ما في أم تقدر تترك طفلها وهو لسى يطلب حليبها
مسحت دموعها بقسوة
ما في أم ترضى ضناها يعيش ربع اللي عشته أنا
ضربت على صدرها بحسرة وصوتها تجهش عند حرمه بآخر عمرها والمرض ينهشها وتحتاج من يعولها
عند عم ما أمنت نفسي عنده وأنا بوسط بيته وهو من لحمي ودمي
عم أرسلني بيدينه للكلاب ينهشون لحمي
عند واحد ما في بقلبه ذرة رحمة وإلا إحساس مثل أخوك يا تاله
أخوك ذبحني وأنا حيه
خلاني ما أعرف وش معنى حياة
ما لها طعم عندي خلاني أعيش تناقض كرهني عيشتي
لين وصلت للي وصلته الحين
شوفيني تحسبين مبسوطة عاله على ناس ما أعرفهم ولا يعرفوني وبغربة وتشرد
تكفيني الليالي السود اللي عشتها
وبعد هذا كله بكل بساطة متزوجني كيف ما أدري ليه ما أعرف وفوق كل هذا خلاني
أحبـ...
وراح صوتها بالبكى
وهي تطلع جاريه من الغرفة
راكان واقف مذهول
وبسام ماسك كتفه اللي صقعت فيه لتين وكملت مشيها مو ألم بقد ما هو صدمة من صوتها المجروح
وتاله بالغرفة تنتحب قصة لتين

....!ّ((أنساك)) هاذي حطها بين قوسين
يعني على ما قيل ماني بناسيك
لو يفرشون الدرب شوك وثعابين
ما أقدر أغير عنك دربي وأخليك
لأني "أحبك" والمحبة ترى دين
وأنا ((قطعت الوعد وبالحب أوفيك))
هالحين "أحبك" وبعد بكره وبعدين
وأظل يا روحي على طول مغليك
((الحب ماهو يوم وإلا بيومين))
الحب رحلة عشتها في شواطيك....!ّ
توهم زافينها بدور كانت ابتسامتها الناعمه أحلى شي فيها
ولمعة الفرحة اللي بعيونها كل بنت تتمناها بليلة زواجها
همست بإذنها رورو
رفعت حاجب وشو؟
جمانة بابتسامة وينك؟؟
: معك
ضحكت بخبث شوفي وديموه كيف تبكي على أختها والله لاوريها خلها تجي بس بمسكها عليها
ربى ههههههه حرام عليك وبحزن وعيونها غرقت ما قد ذقتي طعم الفراق عشان كذا تضحكين عليها
جمانة بعصبية يا زفت لا تصيحين أنا ما جيت ورضيت أمي عشانك وبالأخير تصيحين والله لو ما سكتي كف على وجهك يسكتك
ضحكت وهي تمسح دموعها أعوذ بالله منك خلاص ما بصيح
جمانة وهي تطلع جوالها اييه خلك كذا سنعه عشان ما اضطر استخدم يديني
ربى بقهر ما كأني عطيتك وجه بزيادة
ما ردت عليها وابتسمت بخبث أقول ربى ما ودك يرجع عمي
ربى بحيا وضيق أشك صراحة إنه بيرجع شكلها عجبته الجلسة هناك ونسى نفسه
جمانة تسوي إنها مصدومة اوف اوف والله زعلانة عمتنا لا عاد مستحيل ينساك أكيد راجع قريب إن شاء الله
ربى نست نفسها وضيقتها وقالت بصوت خافت إن شاء الله وفجأة استوعبت وشو؟!
نساني أنا ضربتها بشنطتها الصغيرة وهي تمشي وجعع جمااانة يا قليلة الحيا
جمانة وهي تبعد ههههههههههههههههههههههه
ربى وحمر وجهها والله لاتشوفين حسابك بالبيت
وراحت تسلم على بدور قبل لا تطلع مع زوجها
ناظر الناس قدامه بوسط مدينة مدريد الساحلية والجوال للحين على إذنه
مدري جمانة متقصده والا هو قلبه ما طاوعه يسكر وهو يسمع حكيها
نبهه صوتها المعصب عمي
قال بروقان هاا جمون شلونك؟
جمانة بابتسامة أنا زينه الحمدلله إنت شخبارك وبدلع وكذب سوري ما انتبهت ع الجوال
طلال لا عادي خذي راحتك
جمانة نعم؟؟!!
طلال بثقة شفيك؟ قلت شي؟؟
جمانة مدري المهم متى راجع وحشتنا ترا وشدت على كلمتها
طلال وبعد ما سمع صوت ربى قرر متى بيرجع قال وهو يوقف قريب إن شاء الله قريب
جمانة ابتسمت عاد عمي هالله هالله بالهدايا يقولون أسبانيا بضايعها زينه وأصلية
طلال زينة وأصلية هاا أبشري من عيوني
جمانة يا قلبيي يا عمييي وبطفاقة ع فكرة ربى قالت لي سلمي ع خالي طلال
طلال عصب وشو؟؟
جمانة تلعثمت هاا ما قالت شي والله
طلال سكر بوجهها
حمااااااااره كم مره أفهمها إني ماني بخالها
رجع شعره بقوة على ورى
بقطع نفسي أذبحها وش أسوي بهالغبية
حط يده على كتفه لا دخيلك في ناس يبونك مو بس هي
طلال زفر بجنون والله يا فيصل لاحطك افرشك قدام هالعالم
وافي وفيصل هههههههههههههه
وجلسه وافي يا خوي استريح راحت والا جات تبقى حرمه
طلال حط الجوال ع الطاولة وهو يهز رجوله بعصبية والله حاله أنا هالاسبوع ماشي
فيصل انصدم بس حنا قلنا بنجلس عشر ايام
طلال بضيق غيرت رأيي وبرجع بالطيارة خلي سميث الكلب يكمل الرحلة
وافي بابتسامة جانبية وبهمس حتى ذا ما سلم منك توكم متفاهمين وش حلوكم
فيصل بنفس الهمس الله يهداك ما تعرفه هذا لا عصب ما درى من قدامه الله يعينها
وافي اسكت بس لا يسمعك ويبدا باسطوانته المعتاده
فيصل هههههههههههههه
طلال من طرف عينه بقهر ضحكوني معكم بالله
وافي بهدوء يمتص غضبه أبد شرايك نروح نشوي اليوم بحديقة باركي ديل ريترو
وعلى ضيقته ما مانع
فيصل بحزم أقول طلال ما كأنك كبرتها وهي صغيرة خلاص عاد جايين ننبسط لا خطبتها طلع عيونها على هالحركات السخيفة اللي قاعدة تسويها
طلال بهيام وهو يمسك صدره ما قدر صدقني يا فيصل ماااا أقدر
فيصل أخفى جرحه اللي ما اندمل ويحاول يتناساه لكن عبث في أحد يقدر ينسى نفسه وهواه؟؟!!
أقول انثبر إنت وقلبك الغبي وخلها تلعب فيك على كيفها
طلال بنظرة ما كأني عاطيك وجه
وافي هههههههههه لا أحسن قوموا تطاققوا
طلال وهو يحك راسه متى رايحين ترا بديت أجوع
فيصل وإنت متى ما كنت جايع
وافي هههههههههههه
طلال يمسح على بطنه المعضل الحمدلله ع الأقل نحيف مو زي غيري ونغزة يالحبيب ترا يبيلك ريجيم مكثف
وافي هنا تكلم أقول طلال لا تتحمس ترا فيصل انحف منك
طلال أنا أطول
فيصل شدخل أطول أنا أنحف
طلال بلا مبالاة عاادي
فيصل طيب ليه مقهور
طلال بقرف اففف فيصل لو ما انطميت بتصرف معك تصرف ثاني
فيصل يا ليت تغير هالكلمة لأنك غثيتنا فيها
وافي وعلا نبرة صوته يا خي خلاص طفشتونا شفيكم إنتوا الاثنين شجاكم صايرين بزران استحوا على وجيهكم كل واحد أتفه من الثاني
فيصل وطلال مع بعض لا يا شيخ إحلف بس
وافي ابتسم والله
وضحكوا كلهم بوقت كانت الشمس غربت فيه وخلفت وراها أجمل منظر يتربع بسما هالمدينة الصناعية الخلابة
.
.
.
من ايطاليا.. الحب يحكم دولته بلا سلاح
>> نهاية الجزء السابع عشر

بسم الله الرحمن الرحيم
>>الجزء الثامن عشر

ساعة الغضب ليس لها xxxxب

..0..الحزن..0..
هو أن يكون من الخير لكما أن تقتسما الطريق فيظهر شريكك على حقيقته الوخيمة!

بالسيارة كانت ليلى وربى وجمانة ووديم اللي للحين تمسح دموعها
جمانة بهمس وديم مشاء الله عليه ولد خالتك مملوح
وديم بوسط دموعها أدري
كشت عليها مالت الحمدلله إنه ما طلع عليك
وديم بحده كلي تبن
جمانة باستهبال كلي معاي طيب ما أحب آكل لحالي
ربى علت صوتها لأنه أصوات وديم وجمانة بدت تعلى أقول ماجد
ماجد بحنان لف عليها لأنه عارف شكثر هي متأثره من اللي قاله لها من أمس
تنهد بداخله يا حظك يا لتين بوحده تحبك مثل ربى!!
الله يعوضها
هلا آمري رب رب
ربى ابتسمت ورضت بواقعها وعناد أخوها وتعليقه على هالدلع روح بيتنا على طول وديم وجمانة بينامون عندنا
ماجد إن شاء الله
وفجأة الكل التفت على صرخة وديم ااااااااااي
ليلى انفجعت شفيكم؟؟
ماجد ارتبك وقف السيارة ومو عارف كيف يتصرف مع المخابيل اللي وراه
وديم ماسكه كتفها وتمسح دموع التماسيح جمانة الحمـ## عضتني
جمانة ما ردت
ليلى زفرت يا الله منكم انتوا الثنتين جمانة ما توقفين حركاتك
جمانة بنرفزة عمتي هي اللي قالت كلام ما ينقال
ماجد بهدوء أحرك يا ليلى
ليلى بحنان وصوت دافي حرك يا ماجد طفاقة بنات مدري متى بيعقلون
وديم دفتها بيدها سخيفة
جمانة بعصبية وإنتي اسخف
ربى غمضت عيونها وربي لو ما توقفين إنتي وياها بعلم جدتي ع المسخرة اللي تسوونها ورخت صوتها وإنه أصواتكم طلعت عند ماجد
وديم تكفيين خوفتينا يا مامي
جمانة كملت بصوت معتدل وبكل براءة بعدين عادي مو وديم تقول إنكم خاطبينها لماجـ..
حطت يدها وديم عند فمها وبخنقة اسكتي الله يفضح ابليسك يا غبية
ربى تطالعهم هههههههههههههههههههههههههههههههههه
هههههههههههههههههههههههههههههههههههههههههههههههههه ههههه
ماجد اللي ما سمع شي ابتسم لضحكة إخته اللي طالعه من قلب وتمتم إن شاء الله دوم يا رب
ليلى راسها مصدع مسكت راسها بألم ماجد الله يسعدك مطولين
ابتسم ماجد لا كلها عشر دقايق تعرفين القاعات بعيدة عن وسط البلد
ليلى بتعب صادق
ربى بخوف بعد اللي صار لليلى ومع طلال صارت تخاف عليها كثير ماما فيك شي
ماجد ضربت الكلمة عنده ع الوتر الحساس
ماما
يا كبرها يا ربى!!
كانت ملامح وجهه تتغير بالضيق وبكل هدوء تتابعها جمانة ووديم
الأولى تتأمل في محاسن خلق الله على قولتها والثانية تتأمل داخله و كل اللي تعرفه إنه ولد خالتها وأًعجبت بتغيره وعجبها صموده
انتبه عليها لا حبيبتي ما فيني شي لا تشيلين هم كله صداع من العرس من زمان ما صار عندنا عروس
وحب يلطف الجو حتى ما يبين الضيق عليه لأنه مره ما عجبه إنه ربى تنادي وحده غير أمه بمعنى الأمومه كلها كلمة ماما ما تستحقها الا اللي تعبت وربت أمه بس هي الوحيده اللي تستاهل هالاسم
إن شاء الله قريب نفرح بربى
الكل إن شاء الله
وربى غرقت بحياها وبطيف طلال
مد يده لا إراديا وشغل المسجل ع الشريط اللي فيه
خيم الصمت مع ظلمة الليل وضوّ القمر وعذوبة القرآن من حنجرة شيخ الأئمة ماهر المعيقلي " يعجبني صوته هالشيخ أحسه يدخل القلب ويفرض الإحساس بالخشوع "

....!ّ يا زمان الآه عشت المستحيل وانتهى حلمي بطعنات الرحيل وانتثر دمعي على خدي النحيل
وين ذاك الحضن ياليته يعود وين راس المجد مع ساس الجدود وين نبع الحب موثوق العهود
....!ّ
صار لهم نص ساعة جالسين سألوا عنها
ردت يلدا بابتسامة ارتباك إنها نايمه
وإذا مرت ع الكل ما مرت ع الجدة رويدا لأنها تعرف القصة من أولها لهاللحظة
طبعا حدث اليوم يرجع التقرير فيه لحضرة السيد راكان سألته وبكل مرونة جاوبها
كان جالس وعقله مو معه حتى أخواته وراكان واضح عليهم إنه في شي صاير
اثنين كانوا متخلفين لسى ما جو
بشير تنهد وهو يميل على بسام بهمس شفيك؟ زوجتك فيها شي؟؟
بسام طالعه لمدة بصمت وبعدها قام
هز راسه بشير مو عارف اشفيه غريب اليوم مو طبيعي في شي صاير
وقف عند باب غرفتها دقه بخفة وحاول يفتحه
زفر للحين مقفلة الباب
رفع حاجب ومشى بالممر لجناح أبوه وأمه
فتح الباب راح لزاوية قريبة من البلكونة الواسعة المطلة ع البحيرة الخارجية كاملة
نافذة قزاز صغيرة فتحها سحب مفتاح غرفته بسهولة وطلع
ما اهتم بالعواقب أهم شي يدخل يشوفها الحين
حرك المفتاح وانفتح
دخل
صوت جزمته ضرب بالسيراميك وأصدر صوت حاد
ناظر الغرفة ما في صوت
تركزت عيونه ع السرير
قرب منه
بعد البطانية بخفة
متكومه على نفسها ونايمه وواضح من ملامحها إنها نامت تبكي
مسح ع راسها وهو يجلس ع طرف السرير
ولما تحركت ابعد يدينه وتكتف يتأملها ويتأمل ضيقها بنومتها
حتى وهي نايمه ما هي مرتاحه
تحركت وفتحت عيونها وأول ما طاحت عينها بعيني غرقت وأبعدت عيونها وهي تعدل جلستها بسرعه وبصوت مبحوح وش جاي تسوي هنا؟؟
خذيت نفس وبعدين لتين وش بيفيدك البكا؟
نزلت دموعي فورا وبضعف كرهته شتبي مني أنا تعبت
أنا تعبت يا بسام اتركني بحالي
صوتها وهي تبكي وتتكلم من بين دموعها اللي صارت ملازمتها يقطع القلب
لعبت فيني إنت وعمي ما بقيتوا فيني روح وهذا إنت رجعت لاحقني
ليت عبد الله هنا وزاد بكاها
لأن مالي عزوة تعذبني يا بسام وش ذنبي لو أبوي طلعت للدنيا وهو ميت
وش ذنبي قولي؟؟
مابي منك شي بس رجعني الخبر واتركني بحالي
يدري فيها ضايقه وتقول هالكلام من ورا قلبها وإلا ما في وحده تتمنى ترجع للي كانت هي فيه
ومن غير نقاش سحبها وغطاها بحضنه
حاولت تبعده بسااااااااااام
اشششش لا تتكلمين
تمسكت فيه لما حست بحنانه اللي معذبها
ولما هدت بعدت عنه
وعيونها في الأرض
رفع ذقنها برقة
ناظر عيونها بحر العسل تلمع
والكحل ماخذ حريته بوجهها
مد يده
ناظرتها بعجز
مسك يدها وقومها قومي غسلي وجهك وتعالي نطلع جدتي تسأل عنك
بعدت عيوني عنه مابي أطلع لهم
بسام برقة لتين جدتي طلبتك وحاسه إنه فيك شي
قمت مرغومة عشان ما أفشل خالتي يلدا وشفته ينتظرني قدام الشباك العريض وبيده سيجارة على نهايتها

مسدوحين ثلاثتهم ع السرير العريض بعد ما صلوا الفجر
وديم هاديه لأول مره بحجة فقدها لبدور أختها
جمانة تثاوبت ربى شتسوين بالجوال بهالوقت
ربى ابتسمت على صوت المسج وفتحته
حطت الجوال قدام عيونها انتظر هذي شوفي
صورة بدور ع الكوشه ومعها زوجها
دققت بالصورة هذا عادل؟؟ ما انتبهت عليه بالعرس
قامت وديم وسحبت الجوال ناظرته بتمعن ضمته لصدرها ورجعت تبكي
تنهدت ربى وبعدين وديم غرفتي تملت مناديل خلصتيها
جمانة ابتسمت مشاء الله بدور مملوحه بس زوجها عادي
ربى بلا مبالاة عادي مو شرط يكون حلو عشان تتزوجه يعني مو بني آدم
جمانة عبست أنا ما قلت كذا قصدي أقارن بينهم
بس تصدقين عاد وديم أحلى من أختها
عند هالكلمة رفعت راسها وديم وبردة فعل غريبة رمت الجوال عليها بابتسامة إحراج مالت عليك توك تتفلسفين
ربى ضحكت على وجه جمانة وهي مو مستوعبه الحركة ههههههههههههههههههههههههه
جمانة بتكشيرة ربى مو كأني اسمع صوت رجال يا إما أبوك يا إما خطيب وديم
وديم ضربتها وجع إن شاء الله ما قلت لك كذبه وكذبناها لا تعيدينها
جمانة بعدم اكتراث ما حد قالك تكذبين على بالك باخذه مثلا وغمزت لها
وديم بعصبيه خذيه وتهني فيه بعد شعندك
تركتهم ربى يتناقرون لأنها فعلا سمعت صوت ع الباب مره ثانية
فتحته
واقف بالطرف وعيونه مغمضه ربى
ربى ابتسمت هلا
ممكن؟! أصوات العلل اللي عندك!؟ أبي أنام تعبان بكره وراي عمل
عقدت حواجبها عمل؟!
اللي تذكره إنه فصلوه كيف الحين؟؟
ماجد ابتسم وعين مفتوحه والثانية مقفلة أبوي شغلني عنده بالشركة
وبفرحة نقزت عليه و ضمته
ضحك وهو يتركها يللا دعواتك
وقبل لا تدخل ربى لقت شنطة وديم حقت العرس تنحذف من داخل
وسمعت صوت ماجد النعسان وهو رايح انتبهي يا أختي من أي حوادث مو ناقصين يرجع المعرس مفجوع على زوجته
ويييي يا ويلي شقاعد يقول
وفجأة تلاقي الصندل على راسها
صرخت بألم
جاها ماجد بسرعه شفيك ربى
مسكت راسها وشوي وتبكي
قرب لها وهو معقد حواجبه تعورتي؟؟ ياليـــل متأكده هذولي بنات
طلعت وديم يا قلبي ربى هذي جمون الحمـ...
شافت عيون ماجد تنزل بسرعه للأرض
حطت يدها على فمها تمنع الشهقة ودخلت ورقعت الباب نيابة عن صرختها
ربى ابتسمت بين ألمها مو ع الموقف قد ما هو ع ردة فعل أخوها يالله يا ماجد قد ايش تغيرت
ياهووو نكلمك مو توني موصيك لا تروحين لطلال مشوهه
ربى انحرجت قالت وهي تبعد بالله؟ مو أنا قايلة لك ادخل لا تشوف خطيبة المستقبل
ماجد كرر وراها بعبط خطيبة المستقبل
ربى ضحكت وهي تتركه وتدخل تشوف حسابها مع البنات
رجع عادها
خطيبة المستقبل
وديم!! عز الله رحت فيها يا ماجد ههههههههههه
دخل غرفته وسكر الباب