رواية خنقت الورد يا يمه و بيدي انكسر ذبلان الفصل الحادي عشر 11 - بقلم Thalia Shire

مشاء الله تبارك الله لا حول ولا قوة إلا بالله
بسم الله الرحمن الرحيم

>>الجزء العشرون

المرأة تكتم الحب أربعين عاماً ولا تكتم البغض يوماً واحداً
..0..الحزن..0..
هو أن أبتسم وفي داخلي أشلاء وشرايين تنزف حبا وشوقا يبحث عن سراب،،،
فيصل وهو يسند ظهره ع الكرسي باستغراب مين الدكتوره سهى؟؟
سامر خويه ياخي سهوووه الزفت أم عبد الله خوينا ""سامر خوي فيصل وعبد الله و أخو وديم""
قرب منه باهتمام اييه وش فيه عبد الله
سامر ابتسم أنا قلت لك عندي خبرين كلهم حلوين بس واحد منهم في شماته
وضحك بقهر
فيصل صغر عيونه بلهفة يتعلق بعبد الله
سامر ابتسم اييه
حس كل الشوق يفيض فيه لخوي عمره أدفع عمري وأشوفه وأجلس معه لو جلسة وحده ما تعرف يا سامر قد ايش أنا أغليه وأعزه عبد الله أخوي اللي ما جابته أمي
سامر بابتسامة حزن كلنا مشتاقين له الحين اسمع شفت سهى هذي يقولك تزوجت من شهرين
فيصل فتح عيونه وشوو؟؟؟
وأبو عبد الله؟؟؟
سامر باستهزاء هه على بالك هالأشكال تجلس على واحد طلقها وتزوج عليها خدامته الإندونيسيه لا وأزيدك من الشعر بيت تزوجها وهي مريضة إيدز
فيصل بصدمة نعـــــــــــــم؟؟؟؟؟؟؟ إنت من وين جايب هالمعلومات
سامر بحسره على بالك أنا تارك موضوع عبدالله لعلمك بس أدري مكانه الحالي
فيصل وقف ويين قولي والله لاروح له لو فيها موتي
سامر يهديه إنت إجلس وكلنا بنروح له بس خلني أكمل أمه الله يسلمك تزوجت ولد وزير من شهرين لعب عليها طبعا تعتبر زي أي كنبة بالبيت متى ما زهق منها رماها لكنه طلع يعجبك وكأنه ربي حط عذاب أخت عبد الله بيده
أول شهر سفرها جنيف وبعدها مسكنها بملحق القصر المهجور
عض شفاته ليه طيب؟؟
سامر يحرك كوب القهوة مدري يقولون مريض
فيصل لا حول ولا قوة إلا بالله طيب أبوه جاه المرض
سامر وش رايك يعني متزوجها أكيد بس أنا مدري عنه شي بس اللي عرفته عن أمه
يقولون حالتها حاله
فيصل بألم تتوقع عبد الله لو عرف بيرضى
سامر بلع ريقه ما يدري لكنه لو درى حلف ما يرجع إلا وهو لاقي إخته
حاس بوزه فيصل وهو يقوم وياخذ بوكه وجواله يللا أجل أشوفك سمور أنا لازم أروح
وقبل لا يطلع حط يده سامر على كتفه ولفه فيصل
ناظره من غير لا ينطق عيونه لحالها تكلمت عن عذابه
وش صار عليك؟؟ أنت ولمار
فيصل بتنهيدة عميقه الله يقدم اللي فيه الخير المهم حنا الحين لازم نروح لعبود
إلا هو وينه صح
سامر سحبه تعال أنا بقولك كل شي....

ناظرت البوكيه للمره الألف هالورقة ما كانت فيه أمس
لعب الشيطان براسها إلا يمكن كانت فيه بس أنا من الربكة ما شفتها
وبرعب رجعت قرت الورقة من جديد
بخط أنيق حروفه عريضه

لحظـــــــة الغــــــروب... أمـــــام هامــــة الجبـــــل الأبيـــــض
التوقيــــــت. 5:30 .
طبقت الورقة ودخلتها بجيبها
هذي بتكون أكبر مجازفة بحياتها لكن لازم تشوفه وتعرف مين هالإنسان الغامض بحياتها ولازم تعترف لنفسها صحيح حبت القاسي بسام لكن الملثم كان أول شخص قلبها دق له
وبحسرة وش قصتك يالتين ما تطحين إلا ع اللي الغموض مغلفهم
عضت على شفتها
طقطقت أصابعها بحيرة اليوم العرض وبكره زواجنا وأمس أنا وبسام متخانقين بسبب هالزفت اللي ماني عارفه مين هو
فتحت شعرها وتركت ملابسها معلقة ودخلت تاخذ لها حمام دافي تريح أعصابها فيه قبل العرض باقي نص ساعه ويكون الموعد اللي محدد بالبطاقة
فتحت المويه نزلت بارده زي برودة مشاعرها بهاللحظة
وبتفكير قدام هامة الجبل الأبيض
يعني وين؟؟
هل ممكن أنه يقصد إني أروح لهالمكان
مستحيييييل
لا لا وين ممكن يكون
وبعد ربع ساعة كانت رابطة الروب ع خصرها وطالعه
نشفت شعرها بالمنشفة
طاحت عينها ع الشباك العريض المتوسط الغرفة
شهقت بخفوت يمكن يقصد البلكونة لأنها موازية للجبل الأبيض
وبحماس غريب بدلت ملابسها عشان تلحق ع الموعد قبل لا تروح للكوافيرا
اليوم أول مره راح تزور دور الأزياء حق جدتها
متحمسه له خاصة إنه تاله حكت لها عنه وإنه جدتها حياتها وعمرها هالدور
وتبذل كل مجهودها حتى تطلع أزياء بشكل مريح وجذاب للسيدات وبنفس الوقت موديرن ويميل للغرابة بعض الشيء
تبرز فيه مفاتن المرأة ومحاسنها
وبالموعد بالضبط كانت واقفه ولافه حجابها الأزرق حول وجهها بقلق وارتباك واضح
سمعت صوت لفت وجهها
هو
هو نفسه وبلثمته بعد
وبلحظة عقلها اشتغل لكن للأسف متأخر مره يا لتين
شال اللثمة عن وجهه وهو يقرب لناحيتها ويتسند ع السور بكل هدوء
حطت يدها على فمها وشهقت شهقة صدمة وقهر ممزوجة بحقد توغل بقلبها

: إلا يمه وينه طلال
ابتسمت بحب هذا أخوك أشك إنه العروس مو المعرس
" باللغة العربية الفصحة كلمة العروس هي نفسها تطلق ع المرأة والرجل هذي معلومة قالها لي أخوي واستغربت مره حبيت أزودكم فيها بس احنا دايما دارجة ع ألسنتنا إنها للبنت"
يوسف ههههههههههه من يومه طلال مهتم لدرجة زايدة
وعلى هالطاري دخل طلال وع إذنه الجوال كان يكلم وافي
سكره وباس راس أمه وأخوه هلا والله منور البيت أخوي
هلا بالغالي مشاء الله وش مسوي بعمرك
طلال ابتسم بثقة ومسح ع سكسوكته خبرك لازم نحلق قبل بيوم أخاف انخدش او يصيبني شي يوم الملكة أتورط
هز راسه لولا المرجله اللي فيك كان قلت إنك مره
عصب طلال يوسف لو سمحت عن المسخرة
أمه وأخوه ههههههههههههههههههههه
وشوي تذكر إييه صح تذكر خويي سلمان
يوسف اييه وش فيه؟؟
طلال أبوه مملك بخليه هو يملك لفيصل ولمار لأنه مستحيل واحد يوافق يملك لشخصين ما يتوافقون
أمه بقهر اييه أكيد لأنه يدري إنه حرام ما يسويه
طلال يممه الله يهداك من قال إنه حرام
اييه حرام اللي تسوونه تخربون الأنساب بدل لا تعدلونها
ضحك يوسف بخفة يا الغالية لا تتعبين روحك دامه الموضوع وصل ليد طلال ومتعلق بعد بفيصل إعرفي إنه ماله فايدة الكلام
باس يدها أهم شي خليك راضيه وكل شي يصير تمام
وبهمس أخاف تحل علينا اللعنة
يوسف هههههههههههه الله يخس ابليسك يا طلال هذي امك
أم إبراهيم بنغزه وش قلت؟؟
طلال ابتسم أبد سلامة قلبك وروحك يا حياة روح طلال
اييه العب علي بكلمتين
يوسف وهو يقوم الظاهر ربى لاعبه فيه من الحين
طلال تنهد ومسك قلبه اخخ من النسوان صحيح فتنة
يوسف ههههههههههه يللا في أمان الله يالمعرس في أمان الله يالغاليه
الله يحفظك يمه
طلال بصوت عالي ولا عاد تجيب اسمها ع لسانك يا زوج ناديا
سمع ضحكة أخوه على غيرته بس وش يسوي قلبه مو ملكه وما يقدر يحكمه دامه شال أغلى الغوالي ربى هالإنسانه اللي سحرته من أول موقف أول ما شافها في تشيلز يوم تعالج لمار
كيف خدودها كانت محمره وتحاول تاخذ نفس
خاصة نظرتها المصدومة يوم كان يطالعها مبهت بجمال عيونها اللوزية
غصب عنه ابتسم شوق ووله
ناظر حوله أمه راحت من زمان وتركته بعالمه يسرح
نزل راسه ع الجوال دق ع فيصل ما رد عليه تذكر صح اليوم مقابلته الشخصيه في شركة جد وافي
اسماً إنها مقابله وإلا هو من زمان له مكان فيها
تنهد الله يوفقك يا فيصل والله ما أرتاح لين أشوف يدينك بيدين بنت أختي لمار
تذكر شكلها يوم جا بنفسه يخبرها كيف طاحت عليهم مسكينة هالبنت
من صغرها بلاوي
أبوها يوم توفى كانوا كلهم معه بالحادث سلموا ما عدا أبوها الله أخذ أمانته فيه وهي تأثر قلبها لأنه جات الضربة ع القفص الصدري عشان كذا تجيها تشنجات بين فترة وثانية
هز راسه أنا اللي بجمعهم إن شاء الله أنا...

الأبيض هو عنوان هالصفحة
كل شي ينطق بالفخامة والأناقة
الدور من أولها لآخرها يغلفها البياض
طاولات مرتبه بشكل أنيق يتوسطها مسرى ينتهي بساحة متسعة لوقوف العارضات
وبالمدخل طاولة كرستالية فارهه
يتربع على سطحها قالب من الكيك الفاخر يغطيه طبقة من عجينة السكر وبخط غاية بالأناقة كتبت عبارة

Dama Bianca..
السيدة البيضاء..
الحضور تمتعوا بمثلها لكن الأصغر حجم مع كوب قهوة الإسبرسو الإيطالية الشهيرة
.
))هذا حلمي إني أسوي دور أزياء بهالإسم وبهالتصميم((
دخلت مع تاله ولين ع الغرفة الخاصة
لين بابتسامة هادية لتين يللا إنتي وتاله ترا ما باقي شي ويبدا العرض
كلهم عشر عارضات تتقدمهم تاله بطولها الفارع وجسمها المتناسق تتمايل بفستان من الساتان الأبيض وبدخله جريئة من جهة الصدر يسطو الأسود ملك الألوان
شعرها الأسود هالمره رجعته لطبيعته وما رحمه غير لتين على قولتها انحرق وهي لسى ما طفشت من الصبغ
وبكذا كانت طلتها شقرا محض من عيونها الخضرا الزمردية لين بياضها وخصل شعرها الذهبي
كانت آخر وحده تطل ع الحضور وبعدها طلعت الجدة بأناقتها وهيبتها
حيت الكل بتلويحه رقيقة مثلها وكملت مشيها
ابتسمت لتين لخالتها يلدا ولين حتى جيهان ابتسمت لها من غير لا تدري من الإرتباك اللي فيها
أبهرت الجميع بحضورها
واللي ضحكها أكثر شي
إنه ما بقى ولا قطعة من العروض وهي كلها عشرة ولتين رقم 11 وفستانها كان أول طلب لكن الجدة رفضت وبكل فخر صرحت إنه لخطيبة حفيدها
بدلت الفستان بسرعة تحس بخنقة فيه كل ما تتذكر اللي صار معها اليوم مسكت خدها بحسره

: ابتسم بحاجب مرفوع للحين ما تدرين مين هو المتلثم صاحب البوكيهات
ناظرته باحتقار تدري إنه كلمة حقير قليلة بحقك
وبصوت ونبرة أول مره تسمعها من بسام وهو في إيطاليا الأفضل يا لتين إنك تثمنين كلامك عشان ما تندمين بلحظة
ردت بألم أنا أصلا كلي ندم ع اللحظة اللي عرفتك فيها وعرفت حقيقتك يالخاين
سحبها له
وبفحيح تدرين الرجال وش يسوي بمرته لو قالت له هالكلام
خوفها ألجمها لحظتها ما قدرت تنطق
كمل أقلها سطار يرد الكلمة لفمها لكن إنتي أنا أعرف وش حلك
تأمل خدها الخالي من أي مسحوق تجميلي
نزلت عيونها بتوتر ولا إراديا بدت ترمش ومن الضيق غمضت عيونها بقوة حتى توقف حركة عيونها
باسها برقة
وتركها وابتعد
بلعت ريقها بربكة
مد يده لجيبه وبخفه خرج مجموعة بطاقات وفردها قدامها ع حافة السور
بترتيب
ناظرها معقولة وحده بذكائك يا لتين ما عرفت؟
كشرت بوجهها وهي تتأمل البطايق بحذر
ولما فهمت الأحرف لطبيعة دراستها الإنجليزية ارتفع الدم بوجهها
أشفقت على نفسها كيف هالإنسان يحركها وكأنها دمية بين يدينه
THE MANEGER
المدير ويقصد مدير أعمالها إللي هو بسام يعني المتلثم بسام اللي كان يسوي كل هالتصرفات بسام
طيب ليييه؟ سؤال واحد بس براسي ليه؟ أبي أفهم وش موقعي الإعرابي الحين
مرت نسمة هوا وطيرت البطايق الواحده بعد الأخرى وانتهى كل شي
وكأنه ما كان ولا انوجد هالمتلثم بيوم
ناظرت المنظر اللي يناظره وهو يولع سيجارته
الشمس غربت ومنظر السحب وهي تخترق أعلى قمة الجبل الأبيض المحمر بفعل الشفق رائع
مشهد كله رومانسية وحزن
اكتفت إنها ناظرته بعتب وحب وكره وحقد واحتقار وطلعت
انتبهت وهم بالسيارة على تاله تساسر راكان
راكون أبيك من غير لا يحس بسام تسأل لي رويد ليه ما نزل ألبومه الجديد اللي كان يسجله
راكان هز راسه إلورا
رجعت أسرح فيه مخوف الكل أعوذ بالله
بس بيني وبينكم أحب هالرهبة بالرجل
أقولكم أنا غريبة تعجبني القسوة في الرجل وبنفس الوقت أحب حنانه ما أحب الرجال اللي طاير في حرمته وسمعا وطاعة لكل شي !
سبحان الله أطباع!
نزلنا من السيارة وكانوا كلهم موجودين والصدمة إنه حتى رويد اللي ما شفناه بعد ذاك اليوم كان موجود
وشكله مريض مدري فيه شي لحيته طالعه وحالته حاله
انتبهت ببسام دخل وأنا توني بفصخ بوتي
ناظرني وناظر رويد ما اهتميت له
وبحركة من تاله عشان لا تصير مشاكل بليلة العرس سحبتني يوووه تونا ممنوع المعاريس يشوفون بعض ولازم تنامين بدري وتريحين أعصابك
وطلعتني معها الدرج
وفعلا حطيت راسي ع المخده ودخلت بدوامة النوم...

الأربعاء 12/6/1431 هـ .
إيطاليا/ 8:00
نزلت مبكر هالمره عادت البيت الساعة 9:00 يكون كله حركة والكل قام
وهالمره هي نامت بدري وصحت قبل ساعة من قومتها المعتادة
شافت تاله بترينق الرياضة رامية نفسها ع الكنبة وأول ما شافتها ابتسمت هلا بالعروس جاهزة
ابتسمت بارتباك الحين بروح مع خالتي
ابتسمت أنا كنت بالجيم والحين بطلع أتروش والحقكم
أنا باستغراب من الحين؟؟؟
اييه وإلا بس انتي العروس
حست بوزي لا بس أنا بيسووا لي أشياء إنتي مشاء الله دايما مسويتها يعني ما تحتاجين لها
ضحكت بخفة وهي تقوم بروح أساندك نفسيا وبحالمية حطت يدينها على خدها يااااااي وأخيرا بتتزوجين بسووم وبتنامين عنده
فهيت بوجهها خيييير شفيها هذي
والمصيبة بسام كان وراها ولمحت شبح ابتسامة على وجهه
جلس بعيد عني وبصوت مبحوح صباح الورد
بلعت ريقي وقعدت ألعب بسحاب الشنطة
ابتسمت تاله صباح النور أنا طالعه أتحمم
وطلعت الدرج بسرعة
ما كنت أبغاها تروح لاااا يا ربيي
حسيت بقطع شعري لما شفته رفع جواله وطلع
بنفس الوقت جات الخادمة تخبرني إنه خالتي يلدا برا تنتظرني بالسيارة

دار المفتاح بالباب ودخل
فتحه وهو محمل بالأكياس عبووووووود
حط الأكياس ع الطاولة ودخل الصالة عبد الله
وكالعادة شافه معتكف عند الشباك
تنهد وراح له عبود
التفت له عبد الله بصمت
ابتسم بندر ردينا للطير يللي
وبخاطره المفروض تفرح اليوم عرس إختك
رجع عبد الله يناظر الدنيا برا
على ساحة زيورخ
رمى عليه بندر المخده وهو يجلس شوف لو بتكمل هاليوم على هالحاله بطلع وأتركك
لف عليه عبد الله ويدينه بجيوبه أدري بندر أنا متعبك وياي وإنت متفضل علي ومسكني عندك لكن ودي أسأل وش صار على رحلة جنيف
زفر بندر الحين شلون أفهمه هذا
حك راسه اسمع مثل ما دورنا النمسا وألمانيا وفرنسا كلها بالنت ندور جنيف بعد وقفت عليها يعني
عبد الله بضيق يا بندر وين بتكون وش رايك حنا نروح لجنيف ومنها نطلع لفينيسيا ونبدا نبحث بإيطاليا
بندر بحماس وشو ايطاليا انت لاااا مستحيل تكون فيها
عبد الله بشك إنت ليه كل ما قلت لك إيطاليا رفضت وبإصرار
بندر يبعد الربكة عنه وهو يقوم ياخذ الريموت ويفتح التلفزيون بس لأنه مستوى المعيشة فيها مره مرتفع
عبد الله بتريقه ومره صراحة سويسرا منخفض مستوى المعيشة فيها عشان كذا أنا هنا
بندر سكر التلفزيون وقام له حط يده على كتفه عبيد إنت صبرت كثير ولازم تثابر
ولعيونك أنا بوظف واحد يتولى البحث عنها بإيطاليا ابتسم هاا وش قلت يالدلوع
ضحك عبد الله من غير نفس والله يا بندر إني من دونك ما أسوى عسى الله لا يحرمك اللي تحبهم
ابتسم ابتسامة صفرا وناظر جواله يهتز ع الطاولة امم آمين أنا بطلع أشوف تلفوني وأرجع
وقام بسرعة
سند راسه ع الكنبة وسرح فكره بذيك الليلة السوده
كان له أسبوع و يوم بالضبط بالنمسا
لا مؤوى ولا غذاء
كل اللي كان مجمعه بيطلع يسافر فيه ويكمل دراسته حطه بهاليومين بالسكن
وما قدر يكمل فطلع
وكأنه ربي أرسله له
كان واقف قدام محطة القطار
يتأمل الرايحين والجايين
اقترب منه شخص بكامل زهوه وغناه
ابتسم لوسمحت
فتح عيونه وهو يرص ع جسمه من البرد والجوع تكلمني؟؟
توسعت ابتسامته ايه نعم وش رايك تنقل لي شنطتي وأعطيك أجرها
حبس دموعه وحسرته ولوعته آخرتها يا عبد الله حمال
حسبي اللـ... مهما كان أبوي بس وش أسوي الله يسامحك يبه الله يسامحك
وبنظرة ألم حمل الشنطه الجلدية الفاخرة ومشى معه باتجاه السيارة الفارهه
ابتسم الشاب وهو يفتح الباب تفضل نشرب قهوة سوا
عبد الله بقهر يخفيه لا تسخر من حد ربي يقدر بيوم وليلة يحولك للردى
تفاجأ كأنه وصعق ورد لا إراديا بس أنا ما اتمسخر عليك ولا انتقص منك كل ما فيها يا رجال إني وحيد هنا وبكره مسافر لسويسرا شفتك وحيد مثلي وقلت يا رجال اسحبه معك
ناظره بشك إنت وش تبي بالضبط
سحبه معه وركبه السيارة
وظل عليه لين طيح ميانته
وأخذه معه لسويسرا يوم عرف قصته على أمل إنهم يبحثون سوا
على إنه هالشاب إللي هو بندر يسكن النمسا وما يدري عنه ولا شي ثاني إلا إنه من أبناء كبار التجار في العالم مو بس بالسعودية
فتح له قلبه وشقته وما قصر معه
ناظره وهو يدخل الله يقدرني يا بندر وأرد لك جمايلك
تنهد بحرقه يا رب إذا كانت لتين ميته فخذ روحي وريحني
جلس جنبه بندر بتأنيب ضمير الحين إنت ليه ماد البوز امش قم اطبخ لنا الطباخ طلع بإجازة
وأنا جبت معي أغراض
ابتسم على عيني وراسي كم بندورا عندنا
بندورا بعينك
ناظره بألم
بندر تألم مثله لا تناظرني كذا إنت ووجهك
عبد الله بابتسامة ذكرتني بلتين يوم أقومها تطبخ لي
بندر بطفش مصطنع ياااا هاللتين
ههههههه عمتك
بندر بمزح لو لقيتها وش بتعطيني
عبد الله بلهفة والله لأعطيك اللي تتمناه وبابتسامة مشاء الله مع إنه مو ناقصك شي
انتبه على نظرته ايي يالخبيث إذا ودك فيها نتوسط لك بس خلها تجي مع إني ما اعتقد إنك تقدر تاخذها
وسكت بحنين تذكر يوم سامر يطلبها بالمزح منه
لأنه عبد الله باصم بالمليون إنه إخته ضاعت وراح كل شي تملكه
بندر تورط عض على شفته أتزوجها وهي بتعرس اليوم على بسام وأصير أنا....
ههههههه تخيلت
عبد الله شفيك تضحك زي المهبول
خالد ههههههه ولا شي قم عابل طبختك
عابل؟؟ وش عابل هذي
بندر ابتسم يعني قوم شوف طبختك وقابلها
توجه للمطبخ عبد الله والحزن ينهشه على إخته

الخبر// السعودية
الساعة 8:00 مساء
ابتسمت للمصورة للمره الألف آخر شي جلست ع الكنبة بفستانها البنفسجي
أنا تعبت
وديم بدفاشة ربرب بسرعة طلال بيدخل يتصور معك
ومن الربكة وقفت ورجعت تجلس يا ماااااامي أبي خالتي ليلى ناديها
وديم بضحكة خبيثة نونو طلال ما يبي أحد معكم
وطلعت بسرعة
عضت على شفتها ربى وقلبها يرقع من الربكة وبنفس الوقت كانت فرحانة
غمضت عيونها
ابتسمت ماما أنا اليوم بملك وبسوي اللي كنتي تتمنيه إنك تشوفيني عروس
هدت نفسها لأنها وعدت الكل وقبلها حالها إنها ما تبكي اليوم
شوي انفتح الباب وطل طلال برزته ووسامته الواثقة
ابتسم وقرب منها وهمس هلا بأحلى عروس شافتها عيني
بلعت ريقها وما قدرت تنطق بحرف
ضحك بخفة انزين مبروك
وبهمس الله يبارك بعمرك
قربت المصورة ممكن لو سمحت
طلال ناظرها
ابتسمت بود ابتسم وحط يدك ع خصرها عشان تضبط الصورة
ربى ودها تاخذها وتفقع وجهها الملون وتبتسم بعد
وطلال ينفذ لأول مره الأوامر من غير اعتراض دام الشغلة فيها حركات ليه لاااا؟؟
.

....!ّ أبي عشق تحسب له كل نظرات العيون حساب
وأبي دين على ديني وقلبٍ على قلبيّ ....!ّ
الأنوار الصفرا مطوقة حواف حديقة الملك الأول
الأجواء الفرايحية طاغية ع المكان
الطاولات مغطية بقطع الدانتيل الأبيض الفاخر مثل ثوب العروسة
مزينة بزهر التوليب الأحمر
وعلى كل طاولة مزهرية "البونبونيرا"
(( نوع من الحلوى الإيطالية الأصل لكن الحين موجوده في كل مكان يوزعونها بالأفراح وحفلات المواليد عبارة عن حبة لوز مغطية بسكر وبالشام يسموها
"ملبس" مثل هذي

في إيطاليا لازم هالحلوى تتوزع بكل مناسبة دينية أو حفلات زواج وأعياد ميلاد
لأنهم يعتقدون فيها إعتقاد خرافي إنها تجلب خمسة أشياء
الثروة والصحة والسعادة والخصوبة وطول العمر
وحتى بفرنسا لازم وجودها بمثل هالمناسبات)).
حديقة الملك الأول من أفخم الحدائق بإيطاليا وأغلاها أجرة
يتراوح ثمن تذكرتها ما بين السبعين إلى المئة ريال تقريبا للشخص
ولأنه أول حفيد للسيدة رويدا يتزوج حجزتها بأكملها الليلة
العاملات يتنقلوا وكأنهم نحل بين الطاولات
كثير حضر لكن كلهم من الأقارب احترام لرغبة لتين بأنها ما تبغا تنحجز حريتها بالحجاب بهالليلة
.دخلت السيارة اللين وسط الحديقة
فتحت لها الباب الخادمة ونزلت
وكأنها ملاك من السما نازل
فستانها دانتيل أبيض خالص من غير أي لون يدخل معه
الطرحه قصيرة مثبته بتاج ملوكي مرصع بالألماس
على شعرها المرفوع بطريقه جذابه
نحرها يزينه طقم من الألماس الثقيل
ما حست لتين بصدق غنى وثروة هالعائلة إلا لما شافت طقمها والتاج
ابتسمت بتوتر وارتباك
لما نزل من السيارة اللي قدامها بسام ببدلته البيضة
حبست أنفاسها ونزلت عيونها بتوتر كبير
اقترب منها
حط يده بيدها ورفعوا روسهم مع بعض للحضور
جسر منخشب البلوط الفاخر يتوسط الحديقة الخضراء
وكل الحضور ينتظروا طلتهم
ابتسم لها
رغم إنها متضايقه والحزن كاتمها إلا إنها ما قدرت تقاوم ابتسامته
ابتسمت بضعف
همس بإذنها
حتى بضعفك ذابحتني !
حمرت خدودها فوق ماهي محمره
ابتسم بهدوء وكملوا مشيهم ع الإيقاع الرومانسي الهادي
الحين هذا ليه قاعد يبتسم افف يا ربي استغفر الله بيصير فيني شي اليوم
صاير وقح بسام
لين وصلنا للكوشه كانت روعة عبارة عن حديقة من زهر التوليب بمختلف ألوانه
ولأني أدري إنه زهر التوليب يخص العشاق بس
ابتسمت بألم ودمعت عيوني
جدتي وهي تضمني تتتتتو لتين حياتي ما أبغا دموع ما تعرفيني ما أسكت لما أبكي
ضحكوا كلهم يلطفوا الجو
راكان وكان طالع بالبدلة السوده كشيخ ورزه وكأنه أكبر من عمره
ناظرني وناظر بسام وغمز له مبروك يا أحلى عروسين الله يهنيكم
بسام من طرف عيونه الله يبارك فيك
راكان وبنغزة وليه تقولها من خشمك
ضحكت عليه يا حبي لك يا راكان دايما ملطف الجو
بسام طالع فيه بنظرة
اففف حتى بعرسك نفس النظرات
ههههههههههههههههه يستاهل
سلم علي رجال شكله بالخمسينات أول مره أشوفه
من يوم شفته ما يحتاج أحد يعرفني عليه نسخة كربونه من رويد عرفت إنه خالي
مؤيد
أبو رويد
سبحان الله في نور بوجهه زايد جماله بلحيته البيضه الطويلة
تفاجأت لما ضمني وقال بوقار
أنا ما أحضر هالمناسبات لكن لما عرفت إنك بنت نجد جيت من غير نقاش
لهدرجة يعز أمي!!
إذا هي فعلا مثل الكلام اللي قاله لي بسام حتى عرسي ما عرفت تحضره
بان الضيق بوجهي
شد على يدي يا بنتي الحياة قصيرة خليك متفائلة دائما الحزن ما يفيد بشي
اعصي شيطانك وابتسمي وعيشي الحياة مثل ما ربي كاتبها
ابتسمت له شكرا خالي
وبابتسامة حلوه العفو واجبنا
جات تاله وسحبته مني يوووه لتين إلا خالي مؤيد يا ويلك تسرقيه مني
الباقي تهني فيهم
أنا وخالي ههههههههههههههه
بشير لنا الله حنا يا تاله
تاله بهجوم إنت عندك لين
ضحك بشير على غيرتها الواضحه والله كلكم عينين بالراس
بسام كان ساكت استغربت وبحذر اختلست النظر له
تجمدت شفته يطالعني وشكله مطول
رويد ما جا لأنه بسام حلف ما يحضر عرسه
دقايق جات جدتي وهي محاوطه ذراع وحده معها
شكلها بالثلثينات أنيقه لدرجة وطلتها راقية
فستانها أسود طويل يزحف وراها ذيله والألماس المرصع بالحجر الزمردي
يغطي نحرها وإذنها
ابتسمت لها كانت حلوه بجد
تشبه خالتي جيهان افف وينها ذيك لفيت لقيتها ضامه بسام
ضغطت على أسناني بقهر وعصبية دبت فيني
جدتي بفرحة وحب لتين أعرفك بنتي من زوجي نجــــد
طن الإذن براسي
حسيت صار ظلمة ع عيوني
شديت على يد بسام لا إراديا وبدوره حضن كفي بكفه الكبيرة وكأنه يطمني
الكل ساكت وكأنه ينتظر ردت فعلها
جات عيوني بعيونها
رسمت الألم والحنين والحرمان والظلم والقهر بنظرتي
أما هي ما أعرف بس كل اللي أعرفه إنه يمكن هذي هي نظرة الأم
وخارج إرادتي وسيطرتي فتحت لي حضنها وارتميت فيه
بكيت من كل قلبي
بكيت كل لحظة مره مرت بحياتي
بكت معي هذا أمي يا عالم أمي القاسيه اللي تركتني وأنا رضيعه وراحت
أمي اللي ما تهنيت بوجودها ورحيلها
وبضعف نسيت كل حقدي وكرهي لها ماما
مسحت دموعي بكفها الناعمه وبصوت أنعم منها قالت ببكا حياتي لتين
رجعت أضمها وأدفن نفسي بصدرها
لين راحت الحمام وهي تبكي وتشهق
وتاله ضامه أمها وتبكي معها
بعدني عنها وحضني باس راس أمي
وكملت دموعي بحضنه
تشبثت فيه وتمنيت من كل قلبي بهاللحظة إني اعترف له بحبي لكن في شي أقوى مني يمنعني خاصة بعد ما عرفت حركة المتلثم
أخذ منديله الأحمر المثبت بجيبه بأناقة ومسح دموعي بحنان آلمني
همس بهدوء لا تبكين وتبكين قلوب الناس معك
مسح آخر دمعة نزلت اتفقنا
لف على أمي اللي قاعده تمسح دموعها بأناقة
ابتسم على فكرة لتين أمك أغلى إنسانة على قلبي بعد الوالدة الله يحفظها وبعـ... سكت ما كمل حك راسه بإحراج خالتي نجد وينه ولدك
لفيت على أمي بصدمة عندك ولد؟؟!
ابتسمت بحب وهي تضم كتوفي لها اييه أكبر منك بـ 4 سنين بس ما قدر يجي لأنه عنده عمل بمدينة ثانية
تدرون لحظتها حسيت إني ماني وحيده بهالدنيا وإنه لسى عندي سند وأهل ماني غريبة بين هالعالم
لحظة شلون أكبر مني بـ4 سنين؟؟
يمكن ولد زوجها !!
أمي وهي تناظر بسام صراحة يا بسام أحسدك على بنتي مشاء الله تبارك الله كبرت وحلوت تدري ما توقعتها بهالحلا وأنا أقول ليـ...
قاطعها بسام اييه شفتي شلون خالتي أكيد هي بنتك ولازم تكون حلوه وابتسم ابتسامة لها معنى
الله يستر شكل الليلة ما بتعدي على خير
قربت جيهان وهمست بإذن أمي
لاحظت وجهها انقلب قربت مني وضمتني لها مسحت دموعها حياتي أنا لازم أروح الحين
قلت بداخلي مو الحين بعد هاللحظة اللي حسيت فيها بالإحتواء تروح وترجع لي وحدتي
وقبل لا تمشي مسكت يدها ناظرتني بعيون غرقانة بست يدها وراسها وتركتها
راحت وهي تبكي والحين تأكدت من صحة كلام بسام!
ناظرتها بقرف ياليتك يا ماما شايلتها معك اففف
رجعت تتلزق ببسام حبيبي بتطول بالسفر
ابتسم لها بإحراج امم أسبوع
سحبت باقتي بعصبيه واضحه ومشيت
جيهان باستغراب وش فيها لتين؟؟
بسام بإحراج يمكن متضايقه عشان خالتي نجد
باسته على خده برقة اوكيه عمري ألف مبروك لك مره ثانية
وبمجامله ابتسم لها الله يبارك فيك عقبالك
ضحكت بغنج وراحت
رفع راسه
الناس بدت تروح
حك ذقنه بتفكير وهو يطالع جدته وأمه يودعون الناس
قرب لها يمه
هلا حبيبي
يمه أنا الحين رايح دعواتك
باس راسها ويدها
استوقفه أبوه يتكلم معه اللين يجهزوا لتين
وهي تتجهز بتطلع
فجأة تسكرت الأنوار وتوجه نور أبيض بشكل دائري ع الكوشه الطبيعية
جدتي والكل ملتفين حولنا لتين وبسام إحنا عندنا لازم العروسين يرقصوا سوا يللا
وسحبت يدي وحطتها ع كتوف بسام
واللي صعقني إنه الثاني ما صدق مسك كفي وبدا الرقصة
رمشت بعيوني يا ويلييي شقاعد يصير كل شي فجأة
أصوات صراخهم وتصفيقهم اربكتني زيادة
بلعت ريقي بساااااام
وبعيون ناعسة آمري
ممكن تتركني أنا مو متعودة على هالحركات ولا أحبها
ومن غير نقاش تركني
على التصفيق والتصفير
مد يده لي راكان
بسام أقول وخر لا أشوتك الحين
هههههههههههههههههههههههههههههههههههه
بيمسك خصري شكله بدل يديني
تاله بضحك همست لي تدرين مره بعرس خالي إياد رويد طلب يرقص معي
وربي أذكر إني انفجعت بسام ما كان هنا وإلا والله كان حطه ورقص عليه بالسيارة
ضحكت بنعومة صاحي هذا
تاله بابتسامة حب أخوي الله يعينه جدتي تقول إنه متغير مدري شصاير فيه
وخفضت صوتها أكثر لما بتسافرين مع بسام بروح أشوفه
قلت باهتمام وين بنسافر
تاله بحالميه جزيرة صقليه
ابتسمت لها يللا شوفي أمك تناديني
وكملت طقوس الوداع الأخيرة

....!ّ طلبتك أرجوك لا تردني قول :تم
إحرص على نفسك ترآك غالي
....!ّ
ماجد بهدوء اوكيه طلال مو ناوي تهوينا تأخر الوقت
طلال بغرور ما كأنك قاعد على كبودنا ترا تونا معاريس
ابتسم ها ربى تبيني أطلع
ابتسمت ابتسامة حيا صفرا وكأنها تقول له لاااااا
ضحك وقام بس لازم أطلع يللا نشوفكم على خير
تثاوب ماجد ترا أنا نعسان وما لي خلق انتظر وقت طويل والا بنادي لك اختك تتفاهم معك
طلال ياااااااليت كان زين تريحنا منك
ضحك وتركهم
ربى تلعب ببوكيه الورد حقها
حست بشي على كتوفها
لفت له
كان يبعد ورده من الزفة بقت على ظهرها
ابتسم تدرين ربى
ابتسمت له
كمل بحب واضح أنا اليوم أسعد إنسان
نزلت عيونها بحيا
طلال وهو مستمتع بحياها أنا طول عمري همي بشغلي ما كنت أهتم لأي وحده من جنسكم الناعم لكن يوم شفتك حسيت بشي غريب
وهذا اللي كان يخليني أتناقر معك خاصة إني كنت أحس إنك تكرهيني
صح؟؟
ربى لا إراديا قالت صح
بهت بوجهها صح؟؟!!!!
انتبهت ع اللي قالته وعلى شكل وجهه ضحكت من قلب
ابتسم وهو معقد حواجبه في وحده يوم ملكتها تقول لزوجها أكرهك
ربى بدفاع ما قلت
قلتي
ما قلت
قلتــــــي
وبعناد أكثر ما قلــــــــــت
سحبها له وباسها وبخبث ها الحين قلتي؟؟
ربى بصدمة وحيا هااا امم بروح أكلم خالتي
مسكها من يدها وجلسها ويييين ليلى راحت تنام من زمان
ربى بارتباك طلال ما لاحظت إنك زودتها
ضحك بجنون فدييييييييييييييت اللي زودتها معها
وبدلع حيوي طلاااااال
: وتقول زودتها بعد
ههههههه
ناظر الساعة يوم دخل ماجد ووجهه معفوس من النوم
طلال من غير مطرود بسرعة
وقف ووقفت معه ربى
غمزها وهو يحط بيدها شي اوكيه أشوفك بكره حبي
ماجد وش حبي ما حبي إنت صح مصاخة
ربى دوروها ما عاد لها وجود بينهم
طلال قرب منه وبثقة وش عليك إنت زوجتك لا سمح الله
ماجد دفه أقول مع السلامة
طلال بكبرياء شوفي ربى أخوووك من أول ليلة يطردني عشان أذكرك بس
ابتسمت له وبحيا انتبه على نفسك
رمالها بوسه ما توصين حريص
ماجد يناظرهم لا احضنوا بعض احسن
طلال وهو طالع يااااليت ما اقول لا بس ممنوعين تحت الـ 18 من العرض
هنا من جد خرج وإلا كان بيجيه شي من ماجد اللي ناظرني وأنا وجهي مخطوف ياويلي منه طلال جريييء
ابتسم لي وباس جبيني مبسوطة
ربى بحيا الحمد لله
وهو يتثاوب للمره العاشرة الله يوفقك يا رب يللا شكلي بنام بمكاني
ربى وهي خارجه معه إلا مجود خالتي ليلى رجعت من القاعة مع أبوي وإلا معك
ماجد بنغزة معي دام أخوها موسع صدره وجايبك
ابتسمت وإنت ليه مقهور
ماجد ههههههههههه الله يسعدك يا رب يللا تصبحين على خير
وإنت من أهله
دخلت غرفتها فتحت كفها
ابتسمت
ورقة وردة مجففه
مكتوب فيها
.
الكابتن
طلال بن فيصل الفهد
######055
.
12/6/1431 هـ
بأجمل ليلة من عمري!
.ضمتها لصدرها ودعت برقة يا رب تحفظه لي من كل سوء

حس بشي على راسه
فتح عيونه بصعوبة داليا!!
شتسوين هنا؟
داليا بنبرة طفولية على مشارف المراهقة أصحيك قلت بتوديني البحر طلعت الشمس وإنت نايم حتى العمل ما رحته يا ويلك من جدي
ابتسم غصب عنه وبعد البطانية عن رجوله اوكيه البسي الحين بتحمم وأطلعك نفطر سوا
تخصرت كيف كانت ملكة خويك طلول ما حكيت لي أمس رجعت وحطيت راسك ونمت وأنا قاعدة أنتظرك
ضحك بهدوء وهو ياخذ منشفته دلوو خليني اتحمم وبقولك كل شي أمي وينها؟؟
داليا ماما نايمه بعد مو كلكم حضرتكم رحتوا الملكة إلا أنا
طنشها ودخل الحمام يتحمم
تذكر فرحة خويه طلال أمس رقص وهيص على كيفه
وأخيرا جات اللي تكسر راسه
تذكر إنه سلمان دق عليه يواعده عشان ملكة فيصل
بما إنه حضرة السيد طلال مقفل جواله أمس
وما شافه إلا بالقصر
سلمان أخو دنيا ومشاء الله عليه رجال ما عليه كلام يوم طلب منه طلال وافق ودق الصدر على طول
هو وأبوه
طلع من الحمام وهو يدندن
شافها جالسه ع السرير بلبسها
إنتي ما تستحين تشوفيني وأنا مو لابس
داليا بلا مبالاة مو جديده عليك دايما نايم من غير ملابس
هههههههههههه اخخ منك ما ينقدر عليك
تذكر يوم يحسبه فيصل شاذ ابتسم بهدوء
وهو يلبس قميصه البرتقالي
داليا بتروح بهذا للعمل
لف وناظرها وهو يمشط شعره ما بروح العمل شلون أروح وأنا باخذك أفطرك
فديت أخوي والله إنك أحسن من مهوور قليل الحيا
فتح عيونه وش قلتي؟؟
داليا بخوف هااا ولا شي
ولا شي تدرين ماهر أكبر منك بعشرين سنة وتقولين عنه هالكلام
داليا بدلع سوريي وافي لا تزعل
ناظرها وهو مكشر ولا شعوريا راحت الكشرة أصلا هو نادرا ما يعصب
لأنه شبه نباتي ما ياكل لحوم كثير إلا نادرا
بس السمك ياكله بانتظام
قربت منه حطت كفها بكفه مشينا
وافي يلبس نظارته الشمسيه مشينااا

....!ّ ريح حياتي معك وارتاح
لاتزيد همي وتشغلني!لاشفتني خذ معاك سلاح..!!
صوب على قلبي وأقتلني..!!
وإن شفت دمي بصدري ساح
ضمني وبدمع عينك
اغسلني
وإن أسألوك اهلي وش فيه راح ..؟!
قلهم غلطته ليش يعشقني ..!!....!ّ

في جزيرة صقلية أبرز معالم إيطاليا ومكملاتها
تحديدا في ...[ باليرمو] العاصمة

.

تسحبت بهدوء وطلعت من غرفتها
بروب نوم ناعم أبرز معالمها الأنثوية بلونه الوردي الفاتح
خرجت للفناء الخارجي
وبصمت تكتفت قدام المسبح وظلت تتأمل شروق الشمس بفكر وبال مشغول
الحين هي تعتبر عروس
بس مستحيل ينطبق عليها هالإسم وهي مع بسام خاصة إنها ملاحظته هو بعيد عنها
من أمس أول ما وصلوا بالطيارة 4 الفجر
وراها جناحها بالفيلا وما شافت وجهه بعد كذا
زمت شفاتها ببرودة تسللت لجسمها
حست بيدين تحاوط ذراعها
لفت برعشة
ابتسم لها صباح النور
وبرقة واقتضاب ردت صباح الورد
وانسلت من يدينه بهدوء أضاف لها رونق خاص وترك عامل التجاذب يزيد بالنسبة له
تحمحم ينظف حنجرته فطرتي؟
هزت راسها بلا ونسمة هوا طيرت شعرها المنسدل على كتوفها بنعومة
حست فيه يناظرها وكرهت هالإحساس
بسام بعد صمت لتين تدرين بوضعنا أبوي الله يحفظه كان يبيها أسبوعين هالسفره بس أنا قلت إنه لا أنا ولا إنتي راح نستفيد دام القلوب متنافرة
تعذبت بداخلها وزاد جرحها جرحين فوق ما إنها تحبه يعترف إنه نافر منها
صدت عنه ببرود
بسام يكمل أنا قلت إنتي متضايقه هالفترة وش رايك لو ننسى اللي صار معنا بس هالإسبوع ونعيش كصديقين
وبطلاقة أضاف بوريك صقلية كلها ع الأقل ترتاح نفسيتك ولو مده بسيطة
وبألم اجتاحها رفعت عيونها اللامعة له وأومأت بموافقتها
وبكل ألم ومعنى قسوة بالحياة تركته ودخلت
.
.
.
من ايطاليا.. ليس كل ما جاء على اللسان مصدره القلب
>> نهاية الجزء العشرون

بسم الله الرحمن الرحيم
>>الجزء الواحد والعشرون

من يرغب في الكثير لا ينال شيئاً
..0..الحزن..0..
هو أن أكون بقربك بعيدة وأن أشعر بوجودك بقربي رغم المسافات الطائلة بيننا!،،،

طلع من عمله مستعجل
تقابل عند بيتهم مع وافي وفيصل وسلمان وأبوه
وهذا هو الحين واقف قدام باب بيت أخته
سم بالله ودخل تفضلوا حياكم
الكل الله يحييك
ربت على كتف فيصل وهم جالسين
ناظره بتوتر كبير
طلال
ابتسم له يطمنه آمر وأنا خالك شفيك كانك دجاجة ترجف هذا وإنت تبيها وغمز له
فيصل بتوتر أكبر أقول ممكن تنقطنا بسكاتك ولف على وافي... وافي
وافي بابتسامة هادئة آمر معرسنا
فيصل بارتباك زايد لأنه عرف أكثر عن خويه عبد الله إنت متأكد إنه بيملك
طلال رفع حاجب الحين من الصبح راجنا وآخر شي هالسؤال طالع قدامك يكون أحسن بس
ولفه خلاه يواجه أبو سلمان
اللي كان ينتظره
ابتسم باحترام شلونك ولدي فيصل
فيصل بلع ريقه الحمد لله بخير وصحة
طيب خلنا نكمل الإجراءات...

داخل وبوسط البيت
في الصالة المفتوحة الكل مجتمع والفرحة والتوتر عنوانهم
نزلت من الدرج أم خالد وبيدها اليمين ماسكه بحنان ذراع بنتها
فستان أبيض ناعم على قد جسمها وشعرها الأسود منسدل على كتوفها مع لمسات خفيفة من الميك أب من يد سارا إختها
هذا طلبها ما تبي تفرح بطريقة البنات وبهرجتهم لأنه الفرحه بكبرها بعيونها هي زواجها من اللي حبته وأخلصت له
جلست ع الكرسي
جمانة بفرحة تزغرد كلللللللللللللللللللللللللللوش وقولوا بسم الله على...
سكتتها وديم بحركة من يدها وهي تعدل تاج لمار الصغير مالت ع الصوت تقول طقاقة حلقها مشروخ
فتحت عيونها بصدمة نعم نعم وش قلتي ست وديم؟؟
وديم بغرور كلام الملوك لا يعاد
وما تلاقي الا بيد جمانة بشعرها ملوك هاااا وتبن !
وديم بصرخة عربجيه اااااااي شعري يا مال الـ...
فكتهم ربى بتنهيده يا ربييي منكم ارحموا العروس ع الأقل
جمانة بتصفيره شو ها الحلا ربى ؟
ابتسمت بحيا ما عليك زود جموون
وديم بخبث إلا عمك المكروه يا جمانة ما بيدخل يسلم ع العروس
قزتها ربى بنظرة وانشغلت بلمار لموو حبي وريني الإبتسامة أشوف مين قدك بتاخذي فيصلوه حبوب العيلة
لمار ودقات قلبها تزيد ربى بربك هذا نفس الإحساس اللي أحسه حسيتيه يوم ملكتك على خالي
ربى ضمتها بحنان لمار حبيبتي شي طبيعي الخوف إنتي لسى قدامك حياة جديدة وإنسان مسؤولة عنه بس لا تتورتين زيادة تدرين إنه الإنفعال ما ينفع لك
لمار تعدل شعرها بتوتر وبهمس اوكيه
وبخبث جات ساره بنات يللا سلموا ع لموور بياخذها فيصل
كنت أسلم عليهم وأحس روحي بتطلع من الخوف والربكة خلاص يعني بصير زوجة فيصل ع سنة الله ورسوله
تنهدت بارتباك وأمي تلبسني العباه
جات جدتي ضمتني وبكت
بكيت معها ما قدرت أمسك حالي
سحبتني خالتي سلاف وعند الباب شفته واقف ومنزل راسه للأرض وأول ما شافنا
رفع عيونه لي
مرت دقايق ساكنة
العيون تحكي حكي القلوب
وكأنه الكون كله فضى وما بقى فيه غير هالقلبين
طلال بحنان مسك يدي وغطاها بكف فيصل الدافي
: أنا اليوم ارتحت وأنا أشوفكم سوا وكأنكم لوحة وريشة فنان
حسيت بربكته الله يسعدك يا خالي ويوفقك وين ما كنت
وبردة فعل غريبة ترك الكل ومشى معي
في السيارة طلال يسوق وحنا الإثنين هاديين
نتأمل الكفوف المودعه لنا...!

....!ّ أحبـك لــو تكون حاضـر احبك لـو تكـون هـآجر ومهما الهجر يحرقـني رـاح امشي معـآآك للأخـر....!ّ
لبست بنطلوني الجينز الفاتح مع التيشيرت الأبيض وعليه الترانج كوت الأسود
حطيت الجونتي والشال الصوف بشنطتي وطلعت انتظره بالصالة
لكني شفته واقف ينتظر
قلت باعتذار سوري تأخرت
ناظرني نظرة سريعه ومسك يدي لا عادي
لمسة يده عفويه لكن أثرت بقلبي الصغير
لين طلعنا وركبنا القطار وأنا للحين سرحانه بهالإحساس
صوته شدني لتيــــــن!!
: هاااا
وش اللي ها لي ساعة أكلمك
حمرت خدودي بحيا وأنا أنزل عيوني ليدي اللي للحين بحماية يده
رفع حاجب باستغراب وناظر مكان ما أناظر لمحت شبح ابتسامة على شفاته وبعدها ترك يدي
ومن غير إرادة رجعت مسكت يده وأنا أناظر من الشباك المساحة الخضرا الواسعة
حسيت فيه يشد على يدي غمضت عيوني باضطراب وهمست بداخلي
يااارب ترحمني برحمتك..!

....!ّ يوم اللقاء لا تعتذر عن غيابك
طاب الخفوق الي بهجره تماديت
اقولها بقلب صافي هلا بك لك وحشةٍ يومك عن العين ابطيت
ارتاح انا لشوفتك وانسى عذابك
ومهما حزنت افرح لجيتك لا جيت
غصبٍ علي حبك لحضرت جنابك يغفر ويسمح الى منك اخطيت
ارجوك لا تقطع حبال الرجا بك
ياما عليك ارهيت دمعي وهليت
ويا ليت طيفٍ في خيالي سرابك يسري بطيفي وتعرف اش منك قاسيت ....!ّ
للحين واقفه قدامه مثل ما أمرني من عشر دقايق
عيوني في الأرض لأني حاسه بنظرات التأمل تسبق حروفه وتغطيني
غمضت عيوني يوم حسيت بيده تحاوطني
ضمني
بحنان ولهفة وشوق وعذاب وألم
سمعت همسه وحشتيـــــــــني يا حياة الروح !
ما كان مني إلا إني رفعت يدي بتردد وضميته
دفنت راسي بأعلى خصره يمكن الحين عرفت ليه جمانة دايم تقولي قصيره أنا ويارا
وبصوت عذب كمل وهو يجلسني ع طرف السرير لمار
رفعت عيني له غرقت بالدموع وأنا أشوف معاناتنا مع بعض
مكتوبه بعيونه اللامعه
مسح الدمعه بطرف اصبعه الحاني وابتسم أحبك يا حياتي
................................!