رواية خنقت الورد يا يمه و بيدي انكسر ذبلان الفصل العاشر 10 - بقلم Thalia Shire

نزلت مع بسام ويده محاوطه كتوفي
أخذت نفس وأنا أسلم ع جدتي
خذتني بحضنها ما تركتني حتى قال بسام بمزح أربكني
ها يا جدتي ترا أغار أنا زوجها ما قد حضنتني كذا
الكل هههههههههههههههههههههههههه
راكان نطق ويا كثر ما أخاف وأحط يدي على قلبي بس شفته بيتكلم لأني أدري فيه بيجيب العيد
علينا بسووووم؟!!
بسام ابتسم بوجهه وطالعني بنفس الابتسامة حسيت بعيونه كلام لكني أوقف عاجزه قدام نظراته ما أعرف وش يقصد للحين؟؟
كنت واقفه جنبه بينا شبر
فجأة ما حسيت إلا بوحده جايه ورمت نفسها بقوة بحضن بسام وهي تضحك
فتحت فمي
بنت أكبر مني يعني يمكن بأواخر العشرين
شعرها باذنجاني وملامحها متناقضة
عين وسيعة بأنف واقف وفم عريض"ما لاحظتوا إنها تشبه أحد؟؟"
أكثر شي ملفت فيها كان جسمها مثل تاله طويله وجسمها متعوب عليه في النوادي والريجيمات
والأغرب من هذا كله إنه بسام كان يضحك معها وكأنه عاجبه الوضع إنها بحضنه
توقعتها زوجته أم ميرا
رصيت ع أسناني ورمشت بتوتر لما جات عين بسام علي أول ما دخل رويد
حيا الكل وناظرني وابتسم ابتسامة واسعة حلوه
وقرب
ارتبكت أكثر ولا شعوريا صرت أرمش بعيني
ريحة عطره انتشرت بالمكان
تذكرت اللي صار لي هذاك اليوم
حسيت إني برجع وبكل ثقة جاي بعد
انتبهت لبسام ترك اللي معه وقرب مني وحاوط يده على خصري وقربني له
رويد ولا كأنه واقف بسام بجثته قدامه
حسيت برهبه بسام جنبي
وهذاك قدامي وبينهم نظرات كأنها تحدي
غمضت عيوني بألم هو كل ما شاف بسام رويد غرز أصابعه بخصري وش ذنبي؟؟
أخيرا نطق رويد بصوته الجذاب
تشوري دي ستا سيتا !
سمعت شهقت لين وسجى وشفت تاله تحط يدها على راسها
ما عرفت شقال بالضبط لأنه متقن للإيطاليه ويتكلم بسرعه وطلاقه
ولا مداني أفكر لأن بسام بعدني بقوة طيحتني ع الكنبة والمصيبة طحت ع خاله بشير اللي سندني بسرعه وهو يقوم لبسام
قاموا كلهم وهم شايفين بسام مسك رويد من ياقته ومن غير ما يتكلم
وجهه هو اللي كان ينطق عصبيه
ارتعبت أول مره أشوف بسام بهالشكل
ست سنوات ما قد شفته بهالمنظر
وجهه مسود وعرق بجنب جبهته طالع ويتنفس بصعوبة
رفعه بيد لأنه أضخم منه بوضوح
ومن بين أسنانه يا خسيـــــــــــس
هذي مو مثل اللي تعرفهم _ صرخ _ فاهم
ورفع يده بيعطيه الكف توقعت ينشل منه
لكن جدتي مسكته
وبعين مترجيه وحازمه نزل يدك يا بسام واتركه خلاص كفايه ما حشمتوني إنتوا الإثنين
ناظرها ورماه بالأرض ومسحه بنظرة احتقار ومشى
وقف عندي مسكني بيدي بهدوء ولا كأنه توه معصب
وسحبني له
لصقت فيه ورمشت
ناظرني بعصبيه ومن بين أسنانه لاااا ترمشيين
فاضي هذا وقته يقولي هالكلام
وبين هالمعمعة فتحت الخادمة الباب ودخل اللي اشتقت له فعلا ولحنانه
ابتسم للكل واختفت ابتسامته لما شاف أشكالهم
الكل معبس
ورويد متسند ع حضن جدته
نطت تاله له وارتمت بحضنه وهي تمسح دموعها داااااااااادي وحشتني
مسح على راسها بحنان وأنتوا بعد وحشتوني
تسحبوا بهدوء راكان ولين يسلمو عليه
لف بسام عنه
وناظر الموجودين
ووجه كلامه لجدتي اللي قاعدة تمسح ع شعر رويد بحنان ومحبة واضحه وهو هادي ولا يناظر ناحيتنا حتى
هذي ثاني مره والله وهذاني أحلف قدام الكل وربي اللي خلقني وخلق هالحقير لو رجع قرب ناحية مرتي جنازته بتحضروها
راح لأبوه باس راسه ويده عن إذنك يبه
وسحبني معه لفوق
كنت أرتجف من الخوف
وتألمت كثير لأنه بسببي صار اللي صار
دخل الغرفة
وقفل الباب
فصخ بلوزته وارتمى ع السرير وزفر بضيق
وجهي انحرق قلت وأنا مستحيه بصوت واطي خير إن شاء الله
ابتسم الخير بوجهك
صعقت هذا اللي توه معصب ومزلزل البيت بصوته
شاف تعابير وجهي
قام
وجا لناحيتي
مد يده بكل سهولة وشال حجابي
وبصوت هادي يخوف رويد مد يده لشي مو ملك له خاص فيني أنا من أملاكي
وأنا أكسرها هاليد اللي تنمد على ورقة من أملاكي فما بالك لو كنـ...
قاطعته وأنا أتذكر البنت اللي حضنته لو سمحت ما أبي أسمع
من نظراته واضح انه انصدم
لكنه قرب أكثر ولف وجهي بيده وصرت مقابلته مباشرة
أنفاسه ريحة عطره البارده المختلطة بريحة السجايراربكتني وزاد هذا حياي منه الحين ليه مو لابس قميصه
ضعفت ما أقدر هذا الشخص نقطة ضعفي
همس يعجبك؟؟
صدمني سؤاله واحتقرت نفسي وش شايفني حتى يسألني سؤال مثل كذا أنا ما طالعت الرجال وأنا تايهه عشان أطالعهم وأنا الحين اعتبر متزوجة حتى لو على ورق أنا ما شفته
ابتسمت بسخرية مثل ما عجبتك المدلعه اللي تحت
عقد حواجبه وصغر عيونه
بعدت وشبكت يديني ببعض وأنا مقهورة الغيرة ذبحتني
جاوب بطريقة غريبة تعجبه وتذبح لتين
قرب منها
ولتين يا زعم ما هي خايفه واقفة ما تحركت
رسم شبه ابتسامة وقرب وجهه منها
رفعت حاجب ورصت على يدينها اللي بدت ترجف من الربكة واذنها بدت تحمر من الحيا
بسام عاجبه الوضع يعجبه حياها ويستمتع لما يشوفها تحمر وتنقلب
وبحركة بطيئة باس أنفها الواقف بشموخ
لتين وهي ترمش بسرعه بعدته عنها إنت صاير قلييييييل حيا
ضحك من قلب وابتسم أخيرا
زوجــــــــتي تدرين وإلا أعلمك بطريقتي
بلعت ريقي بتوتر وما رديت مع إني كنت شوي وأموت من الخوف والخجل
رجع يسأل أعلمك؟؟
ناظرته بطرف عيني يستهبل الأخ بالله علمني ما أدري والله من متى؟؟
شفته قرب
نقزت لآخر الغرفة وأنا أسمع ضحكته المميزة اللي تزيد ارتباكي
انقــــــــــــــــــــــــلع
حط يدينه بجيوبه وطلع سيجارة وولعها
نفث منها
وهو يناظرني كأني مجنونة بالزاوية تعالي ما بسوي لك شي
هه غبية أنا العب ع الزفت اللي تحت مو علي أنا لتين الخالد
ابتسم ابتسامة جانبية والنعم والله لكن إنتي الغبية مو هي
عصبت وولعت من العصبية والغيرة والقهر أعموا عيوني
جيت عنده وأنا أوجه اصبعي بوجهه شوف ما أبي أشوف وجهك هذا انقلع برا
أخذ اصبعي بسرعه وباسه إنتي الغبية هذي البنت تصير خالتي
؟!!
قد ايش أنا غبية وحمـ## وكل سبات الدنيا دايما أطلع خسارنة قدامه
كمل بهدوء ورمى القنبلة وخالتك بعد؟!!!؟!!

: سامر بالمجلس مع ماجد
وديم بنرفزة رمت الغطوة والشنطة هالولد ما يغير عادته يقولي أطلعي وهو طاق حنك مع أخوك
ربى وهي مسدوحه ع السرير تكتب بلابتوبها ههههههههههههه خليهم وحشوا بعض من زمان ما تقابلوا
قربت بفضول وش تكتبين؟؟
ربى ابتسمت وهي تبعد الجهاز لما أخلص بقولك
وديم بلا اهتمام اييه وش صار بعد ما قلتي لي وش سبب غيبة أخوك؟؟
ربى وهي تطالع الشاشة اممم ظروف
وديم بالله إحلفي بس ما كنت أدري
ربى هههههه لا والله - هزت كتوفها- بس كان حاب يغير نفسه
وديم بعدم اقتناع اها
دق جوالها
رفعته بعصبيه نعممممم
ربى مسكت إذنها الله يعينك يا ولد خالتي ويعوضك خير بإذنك
وديم بعصبيه متأكد إنك برا والا جالس مع مجود
ومن بين اسنانها زيين سكرت السماعة وقامت وربي شغلك عندي يا سامر إذا ما قلت لأبوي
ربى ههههههههه الله معك
حركت يدها بالهوا وهي تطلع مع السلامة
سكرت ربى الاب توب
وانسدحت ع السرير
تناثر شعرها الأسود حولها برقة
غمضت عيونها وهي تسترجع كلمات خاطره قرتها
رعاكـ الله يا نور البصر.. [تجي وتروح] وحبك في الضمير..
غيابك يووم يالغالي دهر..
غيابك يدعي الخاطر كسير..
بعدت غرتها وقلبت ع الجهة الثانية وبصوت مسموع
متى بترجع يا طلال!
رجعت راسها ع المخده وهي ترسم صورته بمخيلتها وتكتب تحت بالخط العريض
لكـ وحشه تعدت كل المواصيل]]..
تنهدت وهي تتذكر شكله لما يناقرها وضحكت لما تذكرته كيف يعصب على كلمة خالي
وبصوت مليان حب وشوق والله إنك أحلى خال بالوجود
.
يتبع

....!ّيقولوا الناس: بغيابي تشب القلب وتضوي لك
حنيني من وهج شوقه..يميل القلب لا مالك
قضى دمعي من عيوني.. أبي من عيونك أبكي لك
تعبت أهرب من الأشيا البسيطة من تفاصيلك
تعبت أسأل زوايا البيت عن أول وآخر آحوالك....!ّ
فتحت الغرفة والنور
عقدت حواجبها ونادت أختها باستغراب لماااار
لموور إنتي هنا؟؟؟
دارت عيونها بالغرفة
سمعت صوت ونور خافت جاي من غرفة الملابس
دخلت بسرعة
كالعادة شافتها متكومة على نفسها ع الصوفا البرتقالية المدورة
تنهدت وهي تقرب منها بهمس لمو حياتي
جلست جنبها حطت يدها على كتفها
رفعت راسها
منظرها قطع قلب أختها
دموعها خط شق خدودها نصفين
شفايفها الرقيقة ترتجف بصمت
وعيونها كلها ألم وحزن ما قدرت تخفيه وتصبر أكثر من كذا
ضمتها بحنان وهي تخفي دموعها لمار حبيبتي وش اتفقنا لا تسوين بنفسك كذا كفايه
ضمتها زيادة وزاد نحيبها من غير لا تنطق
دخل خالد إللي كان يدور عليهم
ولما شافهم بهالحال حك حاجبه يمنع نفسه لا تتأثر زيادة ويحصل اللي ما يبيه لأنه عاطفي لأقصى حد
أشرت له سارا يروح
قال بصوت غلفه الحنان والحزن يارو تحت
سمع شهقة لمار وأومأت له سارا براسها إنه يروح
رجع على ورى وطلع بقلة حيله
وش بيده يسوي أخته صمدت مده وإنهارت بأشد قوه ما كان أحد متوقعها
حابسه نفسها وصحتها تدهورت وصارت تنكتم كثير عايشه على كمام الأكسجين اللي بغرفتها
عجزوا معها مو قادرين يتصرفون بشي
وفيصل العاشق بصمت كل يوم ينقتل بهدوء لكن إبتسامته مرسومة على طول خوف من إنه يعذب أحد معه لكن لمتى؟؟؟ وش نهاية هالصبر؟؟
استوعب إنه في وحده واقفه قدامه تطالعه بذهول
ناظرها وهو رافع حاجب مع التفكير
يارا ارتبكت لأنها كانت واقفه عند الباب بتدخل وهو واقف عنده وسرحان
بعد بإحراج وهمس اسمحيلي
دخلت يارا وقلبها بيطلع كفايه عليها كذا
حرام عليك يا خالد!!

....!ّيا خسارتنا المريرة نارنا صارت رماد
واحد وعشرين دولة ما تصدت لليهود....!ّ
كانت طبيعتها خلابة وللحين مثل ما تشوف هذا اللي خلا الأندلسيين يتمتعوا بإحساس رقيق ومرهف دفعهم إنهم يألفوا الألحان السهله والعذبه بنفس الوقت حتى تتماشى مع حياتهم وطبيعة حبهم للغنا واللهو
الترف اللي كانت عايشه فيه الأندلس أثر بأهلها كثير يوم طاحت بيد النصارى
عشان كذا شفت كثير من القصايد اللي ألفها أصحابها نابعة عن عاطفة قويه وشعور بالحزن منها ابن الآبار شاعر أندلسي معروف يقولك بقصيدة رثاء للأندلس..
يا للجزيرة أضحى أهلها جزرا للحادثات وأمسى جدها تعسا
ففي بلنسية منها وقرطبة ما ينسف النفس أو ما ينزف النفسا
مدائن حلها الإشراك مبتسما جذلان وارتحل الإيمان مبتئسا<<هذا البيت مره أثر فيني *الأندلس:أسبانيا والبرتغال حاليا..
ابتسم طلال بأسى جد حلوه القصيدة ومؤثرة
تنهد وافي كل شي قاعد يروح من بين يدينا وإحنا له وأولى فيه لأنه كان لنا وبيبقى لنا لكن وين اللي يسمع ووين الي يقول ويفعل
ضرب كفه ببعض ما بيدنا شي إذا حنا فلسطين من أراضي الوطن العربي متكتفين قدامها مثل قلتنا ما بيدنا إلا الدعاء والله يسهلها
وأخيرا رفع راسه فيصل وهو يسمع من البداية ومستمتع بمعلومات وافي الشامله
ناظر الجسر قدامه والمويه الصافيه بمجرى النهر قدامه ما كذب هذا هي أسبانيا جمال وروعة ومناظر ابتسم بفخر حتى لو ضاعت منا لكن بيوم من الأيام كان يحكمها الإسلام
هزه وافي وين وصلت؟؟
ابتسم وهو يلف معكم وينه طلال
وافي بحنان هذا اللي معنا صار له ربع ساعة رايح
فيصل انحرج وين
راح يكلم مديره على الرجعة تخيل المجنون بيرجع بكره بالطيارة
ناظره فيصل وحنا
وافي ابتسم بهدوء وهو يتكتف ويناظر البحيرة إذا ودك تجلس جلست معك وإذا نويت ترجع بعد أنا حاضر
فيصل ربت على كتفه تسلم يا وافي هذا من أصلك أنا أقول دام طلال بيرجع خلاص خلنا نرجع كلنا
وهو يمشي معه على قولك نرجع كلنا

رفع عينه لها ينتظر ردة فعلها توقع تصرخ بوجهه أو تكذبه لكنها بكل بساطة
ناظرت ببرود لو قلت لي إنها هنا تنتظرني برا الغرفة ما بروح لها إذا إنت عرفت وش معنى الأم يا بسام أنا ما عرفت ولا عمري راح أعرف
تركته بصدمته وطلعت
شافتهم كلهم جالسين
استغربت جدتها فيه لسى
قربت منها اللي تتسمى خالتها
للحين لتين تحس إنه ماهي مستوعبه نفسها يعلى وينزل
حضنتها كيفك لتين حبيبتي
ناظرتها بقرف وبعدت يدها عن كتوفها ماني بخير دامك طلعت بحياتي
جيهان بصدمة ودلع لتين أنا خالتو
لتين بتريقه لا عاد تصدقين ما أعرف ارتجفت شفاتها قالت تقوي نفسها وهي تجلس جنب راكان تحس الكل صاروا غرب عنها
يكون بعلمك لا إنتِ ولا اللي تتسمى أمي تهموني ولا عمري فكرت أسأل عنها حتى خل اللي تركتني عشانه ينفعها
بعدت عيونها عنهم
حست بيد تحاوط ذراعها
رفعت عيونها له
ناظرها راكان بانكسار وحنان وكأنه يواسيها
كان ودها ترتمي بحضنه وتفرغ اللي فيها عيونها غرقت سحبت يدينها بهدوء وخرجت للمر
دخلت على أول غرفة
راحت لها كانت بسريرها ساكته
أخذتها بحضنها ضمتها وبكت
تحركت بحضنها مو فاهمه شي بس كل اللي تعرفه هالطفلة إنها تعلقت بهالبنت اللي تقطر حنان
حطت يدها ع كتفها بحنان
لفت بفجعة ولما شافتها نزلت عيونها وتركت لدموعها الراحة
أخذت منها ميرا وضمتها لتين
مسحت دموعها آمري خالتي
يلدا بعطف لتين مهما كان هذي أمك وشرح لك بسام وش السبب اللي تركتك عشانه
لتين مجروحه وماحد حاس بعمق الجرح اللي بقلبها شهقت وهي تبعد شعرها عن عيونها ما أبيها خالتي ما أبيها واجهت الموت وهي بعيدة عني خلي زوجها ينفعها
ما أبي أشوفها
يلدا وهي تمسح على شعرها لو إنتي ما تبين تشوفينها ولا مو مهتمه أجل ليه تبكين
سكتت لتين ما عندها رد لأنها فعلا تبكي لشي يهمها
ربتت عليها وهي تحضنها لتين أحيانا الدنيا تمشي عكس اللي نبيه بس إحنا المفروض نوقف قدام هالمصايب وما نضعف
لأننا لو ضعفنا ما راح نقدر نعيش
وهي تبكي وبصوت كله يأس ياليتني أموت يا خالتي ولا أشوف اللي قاعد يصير فيني أخرج من مصيبة أدخل بأكبر منها
:اششش لا تتكلمين
قال هالجملة وهو ياخذها من حضن أمه رفعها بيدينه
يلدا ابتسمت باستغراب بسام!
وهو يلبسها الترانج كوت بنطلع شوي يمه تغير الجو عن هالخنقة
لتين وهي تبكي بس أنا ما أبي أطلع
حط الحجاب على راسها مو على كيفك وشالها وطلع
لتين متمسكه فيه ودافنه راسها بكتوفه وبهمس بسام اتركني
ما رد عليها وهو ينزل الدرج بسرعه
كلهم كانوا تحت
ابتسمت الجدة بتوتر ما قلت لكم يا عرسان الأسبوع هذا بيكون زواجكم ولما ترجعوا بنسوي الترتيبات
بسام ناظر لتين للحين دافنه راسها فيه ابتسم بانتعاش لما نرجع نتفاهم
ضحكوا عليه لما قال هالجملة وكأنه مو مصدق تصرف لتين وخرج

حط اللقمة بفمه وطالع الكل شفيكم؟؟
ربى ههههههه شكلك نسيت تمشط شعرك
حط يده على راسه ورجع شعره على ورى بإحراج من ليلى
ليلى بحنان هههههههههه شكلك جوعان بالعافيه عليك
ابتسم وهو يرجع ياكل الله يعافيك
عمر إلا يا ماجد وش رايك تكمل نص دينك
بلع اللقمة ببطأ وناظر أبوه وحول عيونه لربى المبتسمة بحماس وليلى بملامحها الحانيه
تثاوب وهو يكمل أكله إذا هالشي بيسعدك ويسعد أمي بقبرها أنا ما عندي مانع
ترحم عليها الكل ونقزت ربى لأخوها وضمته
ماجد ناظرها باستغراب وهي ضامته وهو جالس ع الكرسي وشكلهم صاير يضحك
عمر وليلى هههههههههههههههه
ماجد هههههههه ابعدي عني خليني أكمل أكلي
تركته وهي ترجع لمكانها شرايك بوديم
ماجد بابتسامة حلوه ليلى أدرى بهالأمور شرايك يا ليلى
ليلى ابتسمت والله وديم ما عليها مشاء الله فرفوشه وحلوه وغير كذا قريبتكم يعني أدرى فيها وربى تحبها هذا يكفي
ربى يا قلبي عليك يا خالتي الله لا يحرمني منك
الكل آميين
ماجد بمرح شف! الحين مين اللي المفروض يحبها أنا وإلا ربوه
ربى بدينااا من الحين
الكل هههههههههههه
قام الحمدلله
ربى شرايك خالتي نكلم خالتي اليوم نروح لهم
ماجد من فوق الدرج بصوت عالي مسرع خليني أقلب الفكره براسي أول
عمر قلبو إبليسك بجهنم قول آمين من أول قاعد تلعب علينا
ماجد هههههههههههههه سووا اللي تبون
ليلى وربى ههههههههههههه
كملت ليلى بنغزه لا اليوم في ضيوف مهمين جايينا بكره خلينا نروح لهم
ربى رفعت حاجب باستغراب ضيوف؟؟!
ليلى اييه ضيوف مهمين لابوك ولنا
قامت بتطلع غرفتها غريبة ما قلتي لي قبل
ليلى أنا أمس عرفت
ربى اها مو مشكلة بكره بكره أهم شي إنه يتم الموضوع
ليلى وهي تناظر ربى بسعادة إن شاء الله

عدلت حجابي أول ما نزلني
فتح باب السيارة الخادم
أخذ المفتاح بسام وأشر له يروح
ما رضى وكأنه متدبس بالأرض
ابتسمت مع إنه ما كان وضعي يسمح أبد
آخر شي عصب عليه وغصبه يروح
قلت وأنا متكتفه ليه خليته يروح ناقصين حنا مصايب
قرب وجهه مني وبعدت أنا وبابتسامة خبث تخافين علي؟؟
بوزت وأنا ألف وجهي بتوتر عشان أمك
وبنغزه أمــــــي؟؟؟ اعترفي عادي إنك تحبيني وميته علي
الحب مو عيب على فكره
ناظرته يستهبل هذا
ضحك بخفه وهو يفتح الباب تفضلي
لفيت وجهي مابي وين ماخذني
ابتسم بحنان ماخذك تغيرين جو وتنسي الدنيا ومصايبها
حسيت إنه ماخذني أسكر قال تنسي الدنيا قال هههههه
:إن شاء الله دوم
طالعت فيه بسرعة نزلت عيوني وأنا منحرجة
قرب مني ههههه
بعدت بسرعة بسام حنا بالشارع بروح معك بس بشرط
رجع لفحته على ورى وهو يلعب بالمفتاح آمري
رمشت أنا واقفه قدام بسام وهو مبسوط لا ويقول لي آمري وين ربى وعبد الله لو قلت لهم أكيد بيحسبوني انجنيت
حسيت بلمسة يده الناعمه على خدي
عيني طاحت بعينه
شي فيها شدني ما قدرت أرفع عيني وكأني مخدره
خدودي انحرقت وإذني راحت فيها كل هذا بس لأنه باس جبيني
تحمحمت بحيا وصوتي مبحوح جيب ميرا معنا
ناظر البيت وكأنه يفكر من عيوني ادخلي انتي
ركبت السيارة قفل الباب وراح
قدامي البيت وع اليمين الباركينق مثل المظلة محفوفة بالشجر وفيها كم سيارة
لفتتني السيارة الحمرا هذي اللي ماني قادره أعرف فين شفتها تذكري يا لتين تذكري
مو قادره
منظر البحيرة خيالي والبط يسبح فيها ويحرك جناحاته وكأنه ينفض نفسه ويدفيها من ثلوج توسكانا القاتلة
كان برد فعلا نفخت ع القزاز تكون بخار
رسمت بطرف إصبعي قلب لا إراديا كتبت فيه بسام
بس مسرع ما انمسح وكأنه يرفض اعترافي
ضحكت بهدوء وأنا أشوف الخادم والسواق يتناقشوا بعصبيه شكلهم
تصرف بسام غلط لازم السواق والخادم يكونوا معنا تنهدت وأنا أذكر حكي خالتي يلدا
..... أبوي كان رجل سياسي مهم ومعروف بإيطاليا
وكان عنده معارضين كثار أولها لأنه مسلم من عائلة كاثولوكية متعصبة
لدرجة إنه أفراد عيلته هم اللي كانوا يحاولون يقتلوه إللين مات مغتال على يد رجال تحت سلطة عمه عشان كذا ماحد من عائلتنا يطلع إلا وحوله حراس لأنه سبق وبشير جاته رصاصة برجوله منهم
أما أمها واللي هي جدة بسام وجدتي عندها دور تصميم معروفة هي اللي تشتغل فيها تاله عارضة زي ما عرفت اسمها السيدة البيضاء Dama Bianca بس خاصة بالسيدات
وعدتني تاخذني لها يوم بس مدري متى مع اللي قاعد يصير معي
فكرت لثانية بأمي حسيت بالكره يتسلل لقلبي وبنفس الوقت شعرت بالحنين
ما أدري لو شفتها وش بسوي عشان كذا أفضل إني ما أشوفها!!
انتبهت على صوت ميرا
نسيت كل اللي كنت أفكر فيه وأخذتها من بسام ضميتها وأنا أبوس خدودها المليانة
يا قلبي بموت لو يصير فيها شي
:بسم الله عليك لا تجيبين هالطاري
طالعت وجهها البريء قاعده تضحك وتحاول تنطق كأنها طفل بشهوره الأولى
عمرها أربع سنوات لكن المرض متمكن منها وحالتها ما هي خفيفة
سبحان الله اللي يشوف العز اللي هم عايشين فيه ما يتوقع إنهم عاجزين يشفون بنتهم
ليه لأنه ربي عطاهم المال لكن الصحة بيده حتى يحس الإنسان كيف هو عاجز ويحتاج الله بكل وقت وبكل زمان ومكان

وصل فيصل وهذا هو واقف قدام بيت طلال
طلال بابتسامة يللا ضف وجهك وسلم لي على أهلك وخاصة هههههه داليا
ابتسم وافي بشوق لأخته أبشر
ضغط زر الأنترفون بقلة صبر مشتاق لأمه ولأهله كلهم
فتح له البواب آوووه مستر طلال
طلال دخل بسرعه وترك الشنطة وطنش البواب وتركه يكلم نفسه
دخل البيت ريحة البخور فايحه وأصواتهم متجمعين غريبة بس يللا حلو الكل هنا ما يحتاج يمر عليهم بعدين
شاف أمه جالسه وخواته
ترك الكل وراح لها باس راسها ويدها وضمها يمممه وحشتيني
أم إبراهيم شهقت طلال فديت قلبك حبيبي الحمدلله ع السلامة تعبان يمه روح إرتاح
أم خالد لا ما يرتاح أول شي يسلم علينا وبعدين على بيت حبيبته
طلال وهو يسلم عليهم عقد حواجبه ما غيرها ربى حبيبته!! مين؟!
الكل هههههههههههههههه
جمانه بنغزه أفا يا عمي نسيت خطيبتك
وخطيبة بعد فهموني شسالفة؟؟!!
أم إبراهيم أنا خطبت لك يا طلال واليوم بتروح تشوفها لأنهم وافقوا
طلال وعلامة تعجب فوق راسه تدور وافقوا بعد؟!! مين هم ؟!!
وبعصبيه قلت لك غير ربى ماني متزوج
إبراهيم وهو داخل مع يوسف للحين مراهق يا طلال مين غيرها يعني أكيد ربى اللي رجيت راسنا فيها وأمك تقدر تسوي شي غصب عنك؟؟
ارتاح طلال وانبسط بعد وبحركة عفويه حك راسه بس ما أبي أتزوج الحين
الكل نعمممممم!!
طلال هههههههههههههههههه عليكم أشكال احمم أقصد يعني مدري تجربة جديدة وحاس إني مدري كيف
سارا تطالع خالها ياحلوه وهو مرتبك أول مره أشوفه كذا وما قد توقعت إنه في يوم يرتبك دايما واثق من حاله
يارا ههههههههه خالي وش بقيت للعروس
وبلحظة رجع طلال الأولي رجع الكاب على راسه إييه ومتى بنروح
أم إبراهيم بحب واضح لولدها الصغير الحين ننتظرك إدخل بدل ثيابك وبسرعة لا تتأخر وإلا بهون
قام بسرعة لا دخيلك لا تهونين ما صدقت أنا
وطلع
الكل ههههههههههههههههههههه
جمانة والله ربى مو هينه شف وش سوت فيه
يوسف باستهبال الحب وعمايله
ههههههههههههههههه
واكتفت لمار بابتسامة تمنع دموعها المتحجرة!!

الجو هادي المطر توه وقف
شايله ميرا النايمه على كتوفها ومغطيتها بالترانج كوت حق بسام
القمر مضوي السماء

فضلوا يمشون على رجلينهم وبإصرار بسام من غير الحارس
كانت تعبانه ومهلوكة الجو يهلك من البرودة
مع إنها تعودت بس برد تورينو يدخل العظم
مد يده للمره الخامسه لتين بطلي عناد وعطيني ياها إنتي من غير شي تعبانه
من غير نقاش استسلمت وعطته هي
شالها وضمها لصدره بحنان
وبيده الثانية حضن يد لتين البارده
قربها منه ثاني مره لا تطلعين من البيت من غير جونتيات شوفي كيف شوي وتتجمدين
نزلت عينها لجسمه ولا إراديا قالت بسام إنت بردان شوف كيف القميص ملصق عليك من المطر
تكلم والدخان طلع من فمه بسبب البرودة لا تشيلين همي أنا رجال وابتسم
ما قدرت ما تبادله الإبتسامة يالله شقد أنت حلو يا بسام!! خسارة فعايلك وإلا كان طلعت كامل والكامل وجه الله..
لما شافها مسرحه فيه
ضمها لجنبه وكملوا طريقهم...

جلست ع الكنبة الطويلة اممم طيب هالضيوف أول مره يجون
ليلى بزهق ربى طفشتيني هذا عاشر سؤال تسأليه
ربى ههههههههههههه طيب طولوا حاسه فيه شي وراك
احساسي دايما بمكانه
ليلى وهي تقوم هذا هو دق الجرس خليك عاقله
طلعت وتركتها
ربى شف! خليني عاقله ليه من متى أنا مجنونة
ما أمداها تكمل تفكير إلا وأم ليلى وأم خالد وأم فهد مقتحمين المكان
ربى !!!
أم إبراهيم بحنان وشوو يعني ما بتسلمين علينا ربى؟؟؟
ربى بارتباك ههه هلا هلا جدتي الله يحييك
سلمت عليهم قامت تصب القهوة
وبهمس وهي تعطي الفنجان لليلى هذولي الضيوف خالتي
ليلى ابتسمت مو عاجبينك
ربى على عيني وراسي والله وأحلى ضيوف لكن ليه ما قلتي لي أنهم هم؟؟
ليلى توسعت ابتسامتها وناظرت أمها يمه جا طلال
ربى من سمعت الإسم لا شعوريا طاح الفنجان من يدها
قامت ليلى بسرعة بسم الله عليك حبيبتي
أم إبراهيم هههه من طروا الحبايب
انحرجت ما عرفت كيف تتصرف
جلستها ليلى ما عليك حبيبتي الخدامة تنظفه
أم إبراهيم شالت تلفونها هلا يمه هههه اصبر شوي هههههه انزين مع السلامة
قفلت تلفونها يمه ربى حبيبتي المعرس بيشوفك
ربى بصدمة يشوفني؟؟!!!
طالعت ليلى
ليلى بحنان ربى حبيبتي هذا من حقه وحقك شرايك
ربى بهمس يعني أبوي عارف من أول
ليلى لا على أساس خطبة رسمية لكن قال بيشوفك الحين
أم فهد قومتها يللا ربرب بلا دلع يعني ما تبين تشوفين طلال
ربى بارتباك لا
الكل هههههههههههههه
ماجد من ورا الباب احممم يا ولد
ليلى قامت ماجد
ماجد ابتسم ها وين العروس؟؟
ربى راحت له وتمسكت فيه ماجد بلييز ما أبيه يشوفني
ماجد ههههههههه عن الدلع ربى والله رجال والنعم فيه ارتحت له وبعدين فوق كذا - غمز لها - مملوح
ليلى هههههههههههههههههههه
ربى بإحراج شوف أنا بإيش وهو بإيش
ما وعت إلا وماجد ساحبها معه ومدخلها المجلس

مسحت على راسه بحنان وحب وإخته مستلمته تريقه حتى وهو نايم
أبو فيصل هههههههه انتبهي لا يطلع ولدك كذا مناقراني
سجى بدلع باباااااا حرام عليك
فيصل فتح عيونه وفز سجى!!!
سجى انفجعت شفيك بسم الله؟؟
وبصوت باهت من الصدمة إنتِ حامل؟؟!!
سجى استحت ونزلت عيونها اييه
أم فيصل ههههههه صار لها أربع شهور بس مو مبين فيها
فيصل رفع حاجب بفرحه يا زعم مستحيه يعني
سجى بقهر وش شايفني لوح قدامك ما أستحي
فيصل ضربها على راسها وهو قايم خبله ما تستحين من أخوك
أبوه وأمه ههههههههههه
تثاوب وهو يطلع الدرج تصبحون على خير أنا هلكان بروح أنام
أمه الله معك حبيبي
الكل وإنت من أهله
ناظر سجى بنظرة فهمت عليها وطلع
نقزت الدرج وراه دخلت وسكرت الباب
فيصل وهو يسمع صراخ أمه تهزأ فيها عشانها بتجري
إنت متى بتركزين ناويه تطيحين ولد ماهر
سجى شهقت وهي تضم نفسها بسم الله عليه أعوذ بالله
ابتسم بلا معنى وبعيون مترجيه وهو يفصخ قميصه معطيها ظهره شلونها؟؟
سجى كانت عارفه بيسأل عنها قلبها عورها عليهم الإثنين تعبانين خاصة لمار حالتها كل يوم تردى عن الثاني
تنهدت بخير
لف عليها
رفع راسها وبألم سجى خليك صادقه معي شلونـــــــها لمـــــــــار؟؟
لفت عينها عنه ومسحت دمعه طاحت غصب عنها
فيصل لمار مو بخير مريضه وتعبانة نفسيتها البنت انهدت مره وحده
أنا ما أقولك كذا عشان أعذبك زيادة لكن البنت بتروح من يدينا وإحنا مو قادرين نسوي شي
سكت لدقايق
بعدها تركها وأخذ روبه الديشانبور ودخل الحمام
بلعت ريقها ومسحت وجهها لما دق جوالها طلعته
"" مهورتي ""
حاولت تعدل صوتها
:هلا حياتي هلا بالغلا
سجى وبصوتها المدلع آهلين بيبي
: شلون حبي والنونو
مدت بوزها اممم حبك مو بخير والنونو مدري عنه
ماهر هههههه أفا مو بخير وولدي ما تدرين عنه
سجى وهي تطلع من الغرفة وبصوت واطي ماهر حبيبي قلت لفيصل إنه لمار تعبانة
ماهر بجدية لاااا يا شيخه لا تقولين
سجى بحزن والله حزني توه رجع وسألني عنها قلت له إنها بخير بس هو أجبرني أتكلم
تنهد الحين هو موجود
سجى دخل يتروش
ماهر إذا ما نام لما بجي الحين بسلم عليه وإنتي لا تشيلين هم اللي الله كاتبه بيصير
سجى الحمد لله على سلامة وافي
ماهر الله يسلمك حبيبي
سجى اوكيه بايات
ماهر بسرعة لحظة لحظة كذا من غير شي
سجى تستهبل شي مثل إيش يعني
ماهر دخل جو معها يعني شي من هنا وإلا هنا
سجى والعبط وصل حده هناك وشو يعني
ماهر عصب الله يقلع ابليسك انقلعي
سجى ههههههههههههههههههههههههههاي أحبك مهوري
ماهر هههههههههه فديتك حبيبي مع إني مو هذا اللي كنت أبيه بس أعرف الحين كيف آخذه يللا إفتحي لي أنا عند بيتكم
سجى نطت قول والله
ماهر هههههه والله وشوي وشوي سجو حبي لا يصير ع البيبي شي
سجى بغيرة وهي نازلة الدرج ايييه كله البيبي والبيبي أنا صرت كخه من الحين
ماهر بصوت ساحر يأثر بسجى إنت الأصل يا قلبي الأصل والبيبي الفرع
ابتسمت بحيا يسلموو حبي
ماهر بنفس الصوت يعني حبيبي بطول عند بابكم حفظت النقوش اللي فيه
سجى وهي تضغط زر الأنترفون ههههههههههه تفضل
.
.
.
من ايطاليا.. الشجار القديم سهل التجديد
>> نهاية الجزء الثامن عشر

صباحكـ/مساءكـ توسكآآآني..!

تحت مرآى تلكـ الأظلال..

كنت مختلفة عنهم..؟ هم يألفون وينغمون..! موسيقاهم..

وأنا...ّ

أسطرها بين وريقات أزهاري

أستنشق عبيرها الفوآآح منعشا مسائي المرهق...!

ثم أقدمها لهم بود تمتزج به لوعة الإنتظار...

أعود لألتقط بعض صور توسكانية [تورونيه] تحديدا

بين جدران القصر المصقول بدفء شاذ شيئا

وعنفوان رجل قاسٍ بالأحرى عاشق..،،

وأخيرا،،

لفافة تحترق وتحترق لتسقط على أديم أرضها لتنهي ربيعا في مهده،،،،،،!

أحد أحياء توسكانا الشماليه

تحياااتيـ..
بائعة الورد

بسم الله الرحمن الرحيم
>>الجزء التاسع عشر

متى وجدت الإرداة والصبر لا يوجد شيء صعب

..0..الحزن..0..
هو أن أصمت وفي داخلي ألم طفل يتكلم،،،

صنمت أول ما دخلني ماجد
ما في حركة ما في نفس عيني جات على طلال
وكأني مو مستوعبه ما نزلت عيوني
أحسها علقت مو راضيه تتحرك
استوعبت لما شفت نظرته وكأنه أسعد إنسان
وضحكة ماجد ربرب كل هذا تكحلي عيونك بالغاليين
بلعت ريقي الله يفشل ابليسك يا ماجد ما بعد صار زوجي
وبدل ما أطلع جلست
مدري شصار فيني أحس إني مو ربى والله مو حاسه بتصرفاتي
وهالمره نزلت عيوني ع السجادة
مرت ثواني هاديه
بس اللي فجعني
إني شفت طلال قام وجلس جنبي بيني وبينه كنبه تقريبا وقعد يناظر الأرض كأنه يدور شي
رفعت عيني لماجد استنجده لقيته يناظرنا كأننا معاتيه وفوق راسه عبارة
وش يحسون ذولي؟؟!!
ماجد أقول أخ طلال شفيك؟؟
طلال عدل جلسته وناظرني حسيته كأنه ما يبي يغمض عيونه
لأنه كان مركز نظره علي وبصوته الواثق
أدور اللي ربى تدوره
فهمت قصده انحرجت
وماجد قعد يضحك عجبته التريقه اللي طلال طلعها علي
وقفت
ولا اهتميت لنظراتهم بس قبل لا أخرج انتبهت بالمرايا اللي قدامي إنه طلال
بشخصيته الواثقة كان يناظرني ويبيني أجلس بس كرامته فوق كل شي لأنه يدري إني ما بسمع له
دخلت الحمام بسرعه
ناظرت شكلي بالمرايا
تنورة كلوش بنفسجيه وبلوزة بلون الذهب المطفي
تحت الصدر حزام عريض بنفسجي
شعري القصير الأسود مفتوح بحيويه وخدودي كانت بلاشر طبيعي
كنت مستحيه وبنفس الوقت حسيت بشعور حلو وأنا أتذكر مقابلتنا
ابتسمت برضا يا رب تسعدني وتكتب لي الخير مع طلال
انتبهت إني قاعده أدعي بالحمام
طلعت ولفيت من الدرج الخلفي ورحت غرفتي عشان ما حد يستلمني مو ناقصة
ما أمداني أدخل الغرفة إلا والجوال يدق حلفت ما أرد
كانت وديم
ألاحظ إنه هالبنت دايما تخرب لحظاتي الحلوه
لما ما رديت كم مره وصلني مسج
توقعت شي مهم
فتحته كان فعلا من وديم ومهم بنظرها وسخيف بنظري

"""ربوووه بدور الزفت ما راح ترجع قبل اسبوعين قال
الله ياخذ ابليسه زوجها يقهرررر مسوي فيها روميو """

ههههههههههه الله يعينك يا ماجد!!
سكرت الأنوار وفتحت الأبجورة الطويلة غيرت ملابسي ورميت نفسي ع السرير
ما بنام بس أبي أفرغ نفسي عشان أفكر بالأشياء الحلوه
لتين واتطمنت تدريجيا عنها مع إني أشك باللي يسمى بسام
وطلال وبيصير ملكي هالاسبوع مثل ما قال أبوي
ااااااااخ يا رب الله يرحمك ماما
غمضت عيونها وهمست مثل ما دايما تكلم أمها
ماما أنا فرحانة خليك راضيه عني...
أتمنى تكوني جنبي الحين أرتمي بحضنك وأخبرك بمشاعري
ضمت الدب الوردي لصدرها وحاولت تتذكر موقف طلال حتى ما تبكي..

دخلنا كان البيت هادي
الخدم يتحركوا فيه للحين
وخالتي يلدا الله يخليها جالسه تنتظرنا
ولما شافتنا كأنه جبل وانزاح عن قلبها
قامت أخذت ميرا بسرعة وضمتها وهي تمسح ع راسها قبل لا تعطيها خادمتها حبيبي وأخيرا رجعتوا شغلتوا بالي عليكم
باس راسها بسام
يلدا لا عاد تعودها وتطلع من غير الحراس يا بسام رضاي عليك معك لتين إنت مو لحالك
ابتسم بتعب تطمني عليها إذا كانت معي تسمعي خبر وفاتي منها هي بنفسها وهي سليمة
يلدا ولتين بعفوية بسم الله عليك
رفع حاجب يا بختي والله عندي أم وزوجة يخافون علي
وضمنا بيدينه العريضه
استحيت مو من شي قد من كلمة زوجتي للحين مو متخيلتها
يلدا عقدت حواجبها شفيها ثيابك ليه مبلله بتمرض بسام وعرسك بعد أسبوع
لفينا الاثنين على هالكلمة
شفيكم مو قالت لكم ماما؟؟
تكلمت بصعوبة عرس ايش خالتي؟
وبسام يناظرني وكأنه يستنى النتيجة
يلدا حبيبتي لتين ماما قالت لازم نسوي عرس حتى الناس ما تتكلم عنا
تعرفين مكانتها بالبلد وتهتم أمي بهالأشياء
وبعطف يللا لتين وافقي عشان خاطرها خليها تفرح فيكم
عقدت حواجبي متكدره لأنه للحين ما أعرف موقعي وبقية حياتي كيف بتكون وكثير أشياء في بسام وفي حياتي غامضه للحين ما فهمتها
:ها شقلتي توتا
فركت عيوني بتعب سووا اللي يريحكم ما فرقت معي
وطلعت الدرج
وأنا أسكر باب غرفتي سمعت خطواتهم ع الدرج
وقبل لا أقفل الباب حط يده بسام
فتحته باستغراب
ابتسم بود تصبحين على خير
بعدت عيوني وأنا أخلع حجابي وإنت من أهله
تركني وراح
سكرت الباب ورحت آخذ دش وللحين سالفة العرس مأثره علي
ماني متخيله إني بكون عروس لا ومع مين مع السيد
بسام
تنهدت بعمق وأنا أفتح المويه وأجلس فيها الله يقدم الخير..

....!ّالوفا الغالي توفا والألم حقق مرامه
قلت: يالمجروح قلبي كل خاين له ندامة
قالي: ياليت ربي حط للطيب علامة....!ّ

الظهران مول//Costa Coffee
حط الأكياس وأشر للجرسون لو سمحت واحد موكا بارد لف عليها ربى لاتيه صح
ابتسمت بتعب اييه زين انك ما نسيت
طلب لها وابتسم وهو يرجع شماغه على ورى أفا والله أنسى شي مفضل عند أختي الغالية
نزلت عيونها للأكياس تسلم
ماجد وش بيبقى لك الحين
بقى لي صندل عالي اممم التاج خالتي ليلى قالت لي بتجيبه محل تعرفه هي مثل ما انا ابيه
ووووحلق مناسب عشان الزفة بتكون قبل لا يلبسني الطقم طلال
قالت اسمه وابتسمت وعيونها تلمع
ابتسم ماجد بحب لهالدرجة تحبيه؟
استحت ربى وقالت وصوتها تغلفه نبرة ممزوجة بفرحة وحزن
أنا مو متطمنه من الكلام اللي قلته لي عن لتين وبسام
ماني متصورة هالإنسان يطلع منه كل هذا
ناظرته مو عارفه كيف توصل له الفكرة يعني مو متخيله أبد اللي قلته
طيب وش ردة فعل لتين بس هي امنيتي اعرف بوشو تفكر الحين
تتوقع تقبلته
قرب جسمه من الطاولة المربعه للكوفي وهو يحط يده بتفكير على ذقنه تتقبله ليه لا ؟؟
بس صعبه صراحة على اللي كان يسويه وتوسعت ابتسامته بعدين انتي ما تدرين وضع لتين يعني هي هناك بحاجة وغربة من الطبيعي انها تحبه لما تكون ما تعرف الا هو هناك خاصة لو عاملها بطيب واظهر الشي اللي يخفيه
بس لو كانت هنا ههههه اتوقع تروح عليه ولا كان فكرت تناظر وجهه
بس ارجع اقول الرجال ترى لهم تأثير على البنات اللي مثل لتين اللي تكون محتاجه عاطفيا حد يوقف معها ويحسسها بالأمان والحنان اللي هي فقدته من صغرها
سرحت بأخوها ولا انتبهت حتى على دخان الكوفي اللي قدامها
يتكلم عنها ولا كأنها بيوم كانت حبيبته
ابتسمت بألم هذا هو الحب الحقيقي إنك تحب الشخص وتتمنى له الخير سواء كان معك أو مع غيرك آذاك أو ما آذاك تظل تحترمه لأنه بيوم من الأيام كانت له مكانة خاصة بقلبك
يعني لو واحد غيره كان انفعل وما رضى يتكلم عن انسانة كان يحبها صارت لغيره
بس الظاهر هذا الوفا اللي قليل صار بهالأيام ونادر بين الناس
لكنه ما انمحى من قلب ماجد سواء للإنسانة اللي حبها أو لخويه اللي عرف عنه....
"أنا من الأشخاص اللي مؤمنه وموقنه إنه الوفاء في هذا الزمن للأسف شبه صار معدوم وما تعرف الشخص إلا بعد مصيبه تصادفك معه وكل شخص انعدم من الوفاء دخل ضمن قائمة المنافقين بأعمالهم وأخلاقهم لأنه يظهر شي غير اللي داخله الحمدلله الذي عافانا"
رفع صوته طلاااااااال
انتبهت عليه هاا شفيك تصرخ
من الحين أخذ عقلك يا ساتر
بعدت عيونها عنه لا والله اني ما كنت أفكر فيه
ماجد ابتسم اوكيه اشربي قهوتك عشان نرجع ليلى دقت تقول العشا جاهز
رشفت من القهوة اوكيه خليه يحطها لي سفري بشربها بالسيارة
لا خليك اشربي وبعدين نطلع
لا والله ماجد خلاص اصلا تعبت من العصر وحنا نلفلف
شدراني عنكم البنات ما يعجبكم العجب
وبابتسامة ليكون وديم كذا
ربى ههههههههههههه وأكثر يا حبيبي أنا رحمة جنبها
وبهمس الله يعيني
ربى وشوو؟؟
ماجد ولاشي خلصي القهوة خلينا نمشي
هزت كتوفها قلت لك خليها سفري ما رضيت!!

....!ّ حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لـك
واخلي ظلالي يسبقنـي.. قبـل يحضنـي منزالـك
....!ّ
قلبت القنوات بطفش
تاله بعملها من الصبح تتدرب لعرض جديد نهاية هالأسبوع قبل العرس بيوم يعني يوم الثلاثاء وعرسنا الأربعا
لين بالجامعة وراكان بالمدرسة
ميرا للحين نايمه
وخالتي راحت تزور امها قبل لا أنا أصحى على قولتها تتفق ع العرس أحس أنهم متحمسين وأنا وبسام ما همنا لأنه ماحد يعرف بمشاعرنا أتوقع يدرون لكن مطنشين
على طاري بسام اكتشفت اكتشاف والله يستر من الجاي
بسام يدرس بمعهد طيران باقي له سنة ونص هي سنتين خلص نص وبدى بالكورس الثاني يعني!!
مطولين بإيطاليا
بعدت شعري وأنا أميل بجلستي ع الكنبة وبسخرية يعني كيف؟ وين تتوقعين يالتين تروحين هنا أهله وناسه وهناك مالك أحد لا أهل ولا ناس خاطري أعرف شي واحد عمي وينه وليه ما سأل عني ودور أكيد شايف له صيده تلهيه ما فكرت أسأل بسام لأني ما أبي أعرف عنه شي ولو خبرني بوفاته ما راح أبكي عليه
شخص واحد ما اشتقت لأحد كثره
أخوي،،،
عبد الله
والله لو شفته لأتصدق لـ100 فقير شكر لربي
شفت وجهها قدامي نسيت كل شي وأخذتها وبديت ألعب معها
: ميرو حياتي قولي مـ..ا..مـ..ا
ضحكت بطفولة وابتسمت ميري بحنان
أشرت لها تروح وأنا بمسكها
طلعت براسي بخليها تنطق ماما لو وش يصير
قعدت أحاول تعبت معها ومو راضيه بستها على خدودها الحمرا على طول
اففف ميرا حبيبتي ما لقيتي تاخذين من أبوك إلا العناد
: وش فيه أبوها عاد حدك إلا الوالد
رفعت راسي ع الصوت ما انتبهت وش قال
حط جاكيته الأسود الرسمي ع الكنبة وقميصه الأبيض مفتوحه ياقته وكتبه فوق بعض ع الطاولة
شكله راجع من الدوام
بلعت ريقي بتوتر من شكله الأنيق رغم بهذلته
قرب مني ورفعها بالهوا وباسها ميرا بابا شلونك اليوم
وبكل براءة طفولة ضحكت بصوتها ونطقت بعدم وضوح مـــ..اما
بغيت أنجن قالتها أخيرا
ناظرني بسام بصدمة سمعتي اللي سمعته
ابتسمت وعيوني تلمع وقمت باخذها منه أضمها قالتها تعبت وأنا أعلمها
تيبست يوم بعد يدي وضمني معها
وبصدق التمسته بصوته تدرين شكثر فرحت بنطقها ما كانت تتكلم أبد حاولنا معها من عمرها سنة وحنا نجيب لها الألعاب والمربية دايم تحاول تكلمها لكن ما في فايدة
باس راسي وابتسم تسلميـ...
تركته وجلست وبتوتر يزيد كان وديتها لأمها يمكن تنطق
ناظرني وهو مضيق عيونه رجعت تقول أمها
وإنتي وين شايفتها جالسه إن شاء الله
بسام لا تستهبل ودها لأمها حرام عليك تحرمها منها من يوم جيت ما شفتك وديتها لها
زفر ونادى ميري خذيها وديها لأمي شوفيها جات
أخذتها وأشك إنها فهمت كلمة وحده
جلس قدامي وهو يفتح باقي قميصه وهو رافع حاجب ناظرني ما بيننا مسافة
: إنتي منو قالك إني متزوج وعندي بنت بعد وميرا بنتي؟؟؟
كتمت نفسي وأنا ألعب بأظافري مدري شقول استجمعت قوتي لين متى ساكته وانحرق بمكاني
وبنظرة حسيت شوي وأبكي إنت قلت..أنا سمعتك
ناظرني بصدمة أنا!!!؟؟
وانا امسح دموعي اللي بدت تنزل مدري ليه يمكن لأني أحس بالضغف قدامه
كنت تكلم بالتلفون زوجتك وقلت بوسيها وقولي لها بابا مشتاق لك وياويلها تنساني
بسام ابتسم ر غم استغرابه وحافظه النص بعد اخخ منك يالتين وتكذبين عيني عينك وتقولين إني ما أعني لك
انهارت هي متضايقه وحالتها صعبه وهو بكل بساطة يبتسم
حطت راسها بين يدينها وهي تمسح دموعها بألم
حط يده على كتفها المهتز من البكا لتين...
بعدت يدينه ما أبي منك شي ولا تبدا باسطوانة اللف والدوران والتطنيش
قال بسرعه اوكيه قولي لي كيف جزمتي إنها بنتي وإني متزوج بس عشان هالمكالمة
ما ردت هذولا هم الرجال يسوون اللي يبون دايما وبعدين بكل برود ينكرون كل شي وكأنه شي ما صار
لما شافها ساكته قرر يكمل مسك يدها
ما قاومت

:ميرا أختي مو بنتي!
رفعت عيونها وجات بعيونه ظلت تناظره بصدمة
كمل بصدق أنا مو متزوج صحيح عمري 28 سنة بس مو متزوج لأسباب مو لازم الحين تعرفينها
وقفت بذهول مستحيل مستحــــيل اللي يصير معي
وقف معها لفها لجهته وكمل بصوت هادي إنتي زوجتيني وخليتيني أخلف وسميتي بنتي بعد
قاطعته وعيونها مغرغرة وبهمس ليه ما قلت لي؟؟
قرب راسها منه وضمها مسح على كتفها بحنان إنتي أول إنسانة أتزوجها وما قد لمست مره بحياتي حتى إنتي وإنتي زوجتي!
استحت وهي تبعد عنه وتمسح دموعها
إنت ما خليتني أدري عن شي كل شي فيك غامض
رفع حاجب وتظنين إنك كتاب مفتوح يا لتين 6 سنوات وأنا أشتغل عند عمك وللحين ما أعرف كل تفاصيلك الداخليه
عقدت حواجبها بعدم تصديق!
أردف يوضح قلت داخليه يعني ما أعرف شي عن مشاعرك بس وإلا الباقي حافظة مثل اسمي
لتين بابتسامة سخرية وما كفاك؟؟
قرب منها ومسك كفينها من أطراف أصابعها وهو يتأملها وبصوت هامس
أنا أجهل أهم جزء فيك واللي أنا معاك عشانه
قرب يدينها له وباسها فهمتيني؟
فهمت وكيف ما أفهم وهالإنسان صار في داخلي عالم!
اكتفيت بابتسامة أمل من غير لا أرد
دخل راكان وهو يلهث ههههههههههه الحقوا أمي دخلت بنقاش حاد مع خالتي جيهان عشان العرس
ناظرناه حنا الاثنين ويدي للحين بيده
تكلمت لما ناظرني بسام راكان قول لأمك هي تتكفل بكل شي جيهان مالها دخل ولا أحد طلب رأيها
راكان بس هذي خالتك يالتين!
انزعجت قلت بضيق وأنا ما أعترف
قال بإصرار اعترفتي والا ما اعترفتي هي خالتك وخالتي نجد أمك بعد
من بين اسناني نطقت بقهر راكــــــــــــــان
وباستفزاز رد نعـــــــــــــــــــم
ناظرت بسام بترجي وقهر بساااااام
وكأنه أحد كب عليه مويه بارده انتفض نعم
كملت بعفويه ناسيه أنا وش لابسه "شورت مخطط فوشي وأخضر وأزرق وبلوزة بكم طويل بيضه وبالوسط فيها قلب بنفس لون الشورت"وأنا اتمسك فيه بدلع شوووفه
لف عليه بسام راكان اعقل وبلا تفاهه
راكان بخبث عداااااااال لا تذوب علينا بس
شفت شي يطير وراكان يهرب
ووراه بسام
ناظرتهم بهباله وخدادية الكنبة الصغيرة طايحه في الأرض بعد ما أصابت راكان
فديت بساااام ما يرضى علي
تاله ههههههههه شقايل راكان
ناظرتها وهي طالعه الدرج ابتسمت وصل لك
تاله ههههههههه بسام تحت معه شافهم أبوي ويوم سأل
قاله بسام إنه راكان يعلق تعليقات تخدش حيائك
ضحكت وضحكت من قلب بعد مو لشي قد ما لأني فرحانة اليوم بس لأني عرفت إني أول بنت بحياة بسام!
يالله شكثر حلوه الكلمة
الحمدلله يا ربي
طالعت تاله اللي جلست ع التلفزيون بلبسها تلوو شسويتي اليوم
جلستني معها بحماس وتركت التلفزيون توتا عندي لك اقتراح وجدتي شجعتني عليه وقالت لي أنا أسألك
ابتسمت بتفاؤل وشو؟؟
سحبتني لها وباستني بقوة بعدتها واستغربت تلوو ما أحب بنت تبوسني
غمزتني بخبث بالله طيب إذا ولد أقصد إذا بسام عادي؟؟
ضربتها على كتفها وخدودي حمرت قليلة حيا أصلا إنتي من يومك
ههههههههههههههههههههه اوكيه اسمعيني
يوم الثلاثاء بيكون العرض
وطبعا أي مصمم أو مصممه غالبا يكون آخر التصميمات فستان عروس
ومدام إنتي عروستنا إخترناك إنتي تلبسيه وتاخذيه بعد العرض يعني يكون فستان زواجك هديه من دور التصميم حقت جدتي
سكت أفكر والله قويه الحركة يعني أكون عارضه بذيك الساعة نو نو ما أبي
صرخت بوجهي لتين مو على كيفك إحنا قررنا وخلاص
جلست لين بعد ما سلمت وواضح وجهها مصفر تذكرت سطام الله ياخذه كل اللي فيها منه الله لا يوفقه آمين
دامكم قررتوا ليه جايين تقولون لها
اييه والله صادقه ليه جايين تقولون لي الحين
تاله زفرت بعصبيه أولا لين بلاش تتقمصين دور عبد الله بن أبي سلول الحين
ثانيا لتين أنا أمزح استغفر الله كذبت ما قررنا جدتي ما رضت الين توافقين
ابتسمت على عصبيتها وناظرت لين شرايك لولو
ابتسمت أنا أقول حلوه الفكرة وما بينقصك شي لو نفذتيها
تنهدت أوكيه عشان خاطر جدتي أسوي أي شي
وبسرعة هجمت علي وطبعت بوسه طوييييييله ع خدي
حسيت أحد بعدها عني
شفت بسام يناظرنا بعصبيه خييييير تاله؟؟
فهيت أنا وجهي صفر شلون يفكر هذا
تاله بابتسامة غبية وشوو يعني زوجتك حلال عليك وحرام علينا
قرب راكان ببرود ومد يده قدامي ممكن
ما فهمت عليه
أشر ع يدي
صرخ بسام فيه راكان وتبن
انفجع وجلس ع الكنبة يا لطيييف كأنه ماحد تزوج غيره اففف استغفر الله ما فيها شي لو بست يدها يعني هي مثل أختي
بسام وكان جالس جنبي وأنا أطالعه بابتسامة هادئة أختك بعينك لتين مالك دخل فيها
تأفف بطفوليه لتين لتين لتين لتين طفشتنا إلا صح ع الطاري لتين وش معنى اسمك
ابتسمت تصدقون إني ما أعرف رجعت ظهري ع الكنبة وهزيت كتوفي ما أعرف
أفااااا يا ذا العلم ما تعرفين معنى اسمك وبفخر ضرب على صدره أما عني فأسمي يدل على الرزانة والوقار والعزة
تاله وهي تلعب بشعرها ايييه صح مره يقولون انه راكان نوع من أنواع الكلاب
الكل هههههههههههههههههههههههه
راكان بقهر أخفاه يعني مو أحسن من التالوله إنتي لتين إذا ما تعرفين وش معنى تالوله أعلمك يعني الحبة اللي تطلع بالجلد يسمونها بعضهم إثلول وحرك حاجبه يقهرها
تاله بغرور هييهييي يا حبيبي اسمي معناه النخلة الصغيرة
شكبرك قد الحمـ## وصغيرة بعد
بسام وهو على وشك يضحك على مناقرهم راكان احترم نفسك والا ابعرف كيف اخليك تحترم غيرك عدل
سكت بضيق
ناظر لين بحنان وإنتي لين وش معنى اسمك
ردت بنعومة وهي تمسح ع خدودها الورديه لين يعني ضد الخشونة النعومة والرقة
راكان بحب يا علني أفديك يا أختي أول مره أشوف وحده إسمها مناسبها مو أخوك بسام من كثرة الإبتسام المفروض نسميه كشرام
قالها بطريقه مسرحيه ضحكتنا كلنا حتى بسام ضحك
طالع بلتين اللي قاعده تضحك من قلب كأنه صار لها سنة ما ضحكت
لمعت عيونه بنظرة حاول يخفيها لا تكشف نواياه
غطت يدها بفمها وهي تضحك
ابتسم عجبتك هاا؟؟!
لف عليهم أجل أنا بقولكم وش معنى اسم ميرا
له عدة معاني بس اللي حنا أخذناه إنه نوع من أنواع الزهور وإلا كيف لتين ؟؟
لتين ابتسمت حتى أنا سمعت إنه نوع من أنواع الزهور
ناظرها ولف اوكيه واسم لتين معناه
رمشت يعرف معنى اسمها؟؟!!
تنفست ببطأ وسعادة وهي تسمعه
تاله بحماس اييه وش معنى اسم لتين صراحة أنا أول مره اسمعه بس عجبني
بسام معناه شدة الحلاوة
راكان بزهق شوف عاد نعرف انها زوجتك وانك تحبها ما قلنالك تغزل فيها قلنا نبي معنى اسمها
بسام شلون تفكر انت؟؟
راكان ههههههه من جد والله
بسام بجدية من جد وسحب لتين لحضنه يعني مو مبين عليها
لتين خدودها حمرت
صفر راكان يا ويل حالي شوف خدودها وش صار فيها
بسام ابتسم مالك دخل
ع الاقل فيها حيا مو مثل بعض ناس ربي حارمهم هالنعمة
راكان بطرف عينه شقصدك؟؟
تاله هههههههههههههههههههههههه
راكان بقهر اضحكي انتي مره يضحك صراحة بموت أنا
لين ابتسمت وهي تقوم بدو مناقرهم تاله وراكان الله يعين
وقفت الخادمة باحترام Il cibo è pronto
"الطعام جاهز"
وبدقايق كان الكل من أكبرهم لأصغرهم ملتفين حول السفره
.
يتبع

سلم عليه بحرارة هلا والله وغلا مرحبا بالنسيب
هلا فيك يالغالي ها شلون أسبانيا يا فيصل
ابتسم فيصل ابتسامة باهته حلوه
ماهر بتفهم إن شاء الله انبسطت عاد وافي موصيه فيك أنا ويقول إنه ما قصر
فيصل ههههههه أكيد دامه أخوك ما بيقصر
تسلم والله
ضيفته القهوة سجى أخذها منها وجلسها ارتاحي انتي
سجى بمشاكسه فيصل قم خذ القهوة من ماهر
فيصل قام هههههههه وتتأمر بعد
ماهر يسحب الدله حلفت ما تاخذها استريح لف على زوجته سجو وش هالحركات
ابتسم فيصل وجلس ما له خلق لشي
سجى حاست بوزها إنت ضيف وهذا بيته
ماهر مو ضيف يا سجى لين متى أعلمك بيصير بحضنك ولد وإنتِ للحين بهالعقل
سجى فتحت عيونها إنتـ... ماااااهر شووووفه
ماهر ابتسم وهو يعطي الفنجان لفيصل وش علي منكم أخ وإخته
سجى عصبت تركت الفنجان انزيييين وطلعت وتركتهم
فيصل وماهر هههههههههههه
ناظر ماهر بفيصل بتأمل ضيق عيونه فيصل
فهم عليه همممم
للحين تفكر فيها؟؟
الحين وبكره وبعده إنسانه عشت حياتي وتفكيري معها ماقدر أنساها
وبألم جاوبه شسوات طيب قولي الحل ما لك إلا النسيان
فيصل حط رجل على رجل شف ماهر أنا فكرت بشي خلني أقولك هو
ماهر معه وباهتمام قول نورنا يمكن تفيد بشي
حك راسه وهو معقد حواجبه أنا قررت أتزوج لمار ونتبنا عيال مو شرط نجيبهم
فتح فمه وشوووو!!
فيصل بضيق ماهر أنا ما قلت لك عشان تعارضني أنا أتكلم جد وبألم وحزن كمل
لمار تعبانه ويقولون حالتها صعبه وأنا مقدر أشوفها كذا وأجلس ما اسوي شي
ماهر بينجن من جده هذا اييه بس فيصل العيال زينة الدنيا إنت تقول كذا الحين بس بكره بتتمنى العيال وإذا إنت ملت عليك حياتك لمار هي أكيد بتتمنى تحس بالأمومة ويكون لها طفل منكم إنتو الإثنين فكر زين يا فيصل قبل لا تتخذ أي خطوة بحياتك
زفر زفرة عميقة دخلت عليها سجى
ماهر وقف اوكيه فيصل أنا أشوفك بعدين الحين لازم نخرج
فيصل وقف الله معكم
قرب لزوجته ومد يده يللا حبيبتي
ناظرته بطرف عينها وتقدمت عليه
طالع فيصل وابتسم قول آمين
فيصل من غير نفس هههه آمين
ماهر الله يعيني عليها ويعينك ياااا رب

تناظر التلفزيون مع أمها لفت عليها بابتسامة ماما بروح عند ربى
أم سامر وهي تناظر بنتها شلون تروحين لها أكيد مشغولة الحين تجهز لملكتها هالأربعا
وديم بترجي ماااااااما بساعدها
قطع حديثهم دخول سامر من العمل
جلس وهو ماسك بطنه يممه جوعاان حدي
ابتسمت بحنان ثواني ويكون الأكل قدامك وديم حبيبتي قومي حطي له الغدا
ناظرته بتأفف انزيين
ابتسم بخبث شفيك تناظريني كذا
وهي تروح بس لأنه طلباتك كثرت
أفا والله وهذا اللي بتفارقنا وكذا
مدت راسها من المطبخ بفجعه ليش أفارقكم
ابتسمت أمها يمه البنت لا كبرت لازم يصير لها بيت بروحها
وقفت عندهم باستغراب وهي مفهيه شلون يعني؟؟ بتطلعوني من البيت
ضحك سامر والله إختي عليها غباااااء
زفرت بضيق مااااا فهمت
مسح على وجهه بتعب وهو يفصخ الشماغ مو لازم تفهمين أول جيبي الغدا وتعالي أقولك
وطيران راحت والفضول يذبحها
ليكون بيتخلصون مني وييي ليش طيب
وبالها مشغول حطت الصينية بقوة قدامه ع الطاولة القزاز وطلع صوت عالي
سامر عقد حواجبه بعصبيه شفيك انتييي شوي شوي
وديم جلست سوري ما قصدت
ايييه من الحين بدت تفكر الست
وديم عصبت شوف ما أحب أحد يكلمني بلف ودوران قول اللي عندك بصراحة
ضحكت أمها عليها ما هي عارفه وش بيجي لها
سامر توسعت ابتسامته وهو يشمر أكمامه ويمسك الملعقه انزين يا أم الصراحة
ولد خالتي ماجد طلب قربك وينتظر ردك
وديم بصدمة وشوووووو؟؟؟؟!

قدام البحيرة بجلسة الحديقة الخارجية الجو حلو الشمس طالعه تعتبر وفي نسمة برد خلتني أحط سكارف ع رقبتي وشال صوفي بألوان الورد من خياطة لين غطتني فيه برقة
حسيت قلبي يتقطع عليها وتحسبت بقلبي على سطام اللي مستغربة منه
إنه أهلها ساكتين واللي عرفته بعد إنه جدتي سوت مشكلة وقت خطوبتها لأنها مو موافقه عليه والعله مو من مستواهم يعني أنا وش أصير لكن لأني من العائلة حبتني وشجن يا حبي لها هالبنت مره طيبه أبوها سفير
ناظرت بطنها ما تعتبر كبيره بالشهر السادس لكن خالي إياد مره متعلق فيها
ابتسمت الله يخليهم لبعض
ريحة كيك الليمون من دادا لينزي طباخة البيت تشق الأنفاس مع قهوة الإسبرسو المركزة
مزيج مريح ومنعش
جنبي خالي بشير شي ثاني هالإنسان أحسه غريب وفي غرور شوي للي ما يعرفه بس يموت بشي إسمه لين
مره يحبها وما يرضى عليها وهو السبب إنه سطام ما يجي بيتهم لأنه مو عاجبه ودايم يتضارب معاه
جلستنا عائلية كلهم جالسين
عمي بدر وهو حاضن بنته ميرا ناظرني بمحبة سمعت يا لتين إنه ميرا نطقت على يدك
ابتسمت بإحراج اييه عمي
قاطعني مو قلنا أنا أبوك
ناظرت الكل بحيا اوكيه بابا
ابتسم عيون أبوك أبيك تعلميها تقول بابا بعد
ضحكت بخفه هذي أعتبرها غيرة
ههههههههه بنتي مثل ما هي بنت يلدا وإلا
يلدا وهي تاخذ من الخادمة طبق كيكة الليمون غرآآتسي
ناظرته بحاجب مرفوع من يومك تغار مني
بدر بإنكار أنا؟؟؟؟!
الكل ههههههههههههههه
يلدا بس يا حلوها من غيره عسل على قلبي
ابتسمت بود سبحان الله الحب واضح بينهم الله لا يفرقهم
راكان بمشاكسه نط مااااااااام
ابتسمت وش عندك راكون
راكان بدلع ماما إليسار تبي تجي بيتنا تتعرف عليك وع لتين
استغربت ليش أنا بالذات وبعدين مين ذي إليسار
تاله أروت فضولي وهي تتخصر وليش لتين بس؟؟
راكان بغرور لأني أحكي لها عن مرة أخوي الحلوه وقالت بتشوفها
مدري ليه لا إردايا ناظرت بسام
شفته يطالع بجواله ورفع عينه وناظر راكان ورجع مره ثانيه للجوال
انقهرت واضح إنه مو مهتم
وشوي انتبهت على خالتي تهاوش راكان أنا كم مره قلت لك اترك عنك هالحركات
راكان بزعل يمه أنا صغير حر ام عليك بعدين هي تحبني
فتحت عيوني أستنى ردة فعلهم من كلامه
بدر يتصنع العصبية حبتك القرادة وش تحبني ما تحبني توك صغير على هالسوالف التهي بدراستك أحسن
يلدا تركت صحنها بعصبيه راكان أنا وش قلت لك على هالبنت الكافره
جدتي برزانة صحيح إنها صغيرة بس ما ينفع تصاحب هالأشكال يا حبيبي
راكان بزهق انزين من اليوم إذا شفتها بقول لها انقلعي من وجهي أنا ما أماشي كفار
الكل هههههههههههههههههههه
ناظرته بضيق هاليومين صاير ما يجلس معنا واليوم بالقوة صادته جدتي وهو جاي من المعهد أحس في شي شاغله وعلى طول الجوال بيده ومكالمات وما يكلم قدامنا
شجن بهمس لتين شفيك؟
أنا بسرحان ولا شي بالي مشغول شوي
شجن مسكت كتفي بطيبه وأشرت على بسام بعيونها فيه
توترت وهذا دليل إجابتي بنعم
همست لي قبل لا تقوم اصبري وكل شي يتصلح
راحت لزوجها
شفته يحاوط كتوفها بيده ويسند ظهرها ع الكنب بابتسامة رسم الحب فيها بريشة العاشقين
رجعت عيوني لبسام
فجأة رن جواله قام ع استعجال ودخل
هبت نسمة بااردة انكمشت على نفسي حتى في داخلي برد
ما عاد أعرف وش فيه
صحيح ما عمري فهمت عليه بس كانت تصرفاته الغريبة معي تعجبني والحين من فتره وهو مهمل كل شي
ناظرت جدتي وهي تتكلم عن رويد
بشير ناظرني أنا ولين ودي أعرف وش السر اللي مخلي أمي تعشق حفيدها بهالطريقة
ابتسمت حتى هذا يغار!
لين بابتسامة صافيه تدري وش صار فأبوه وكيف حاله الحين هذا اللي مخوفها عليه
حط يده قدام عيوني لتوونا وينك اليوم بس تسرحين
قلت بإحراج لا بس اا
ضحك لا تكملين عروس ومشغوله ندري فيك بس هاا لا تشيلين هم ولد أختي يعجبك
بلعت ريقي وش يقصد هذا؟؟
ضحكته العاليه ونقيضتها ضحكة لين الخافته خلتني أستوعب إنه قال شي محرج بس لأني ما فهمت اكتفيت بابتسامة إحراج
وعقلي مع اللي داخل يكلم للحين ما طلع وأظن إنه ما بيطلع...!

اسمع دق ع الباب
زاد الدق وبإلحاح أزعجني وقومني من عز نومتي
صرخت بصوت مدري من فين طلع مييييييييييييييين؟؟
وربي لو هي وديم ما راح تعدي عليها بخير
جاني صوت إمي مرتاعه يمممه سامر افتح
رميت اللحاف ونقزت من السرير
فتحت الباب بخوف من نبرة صوتها خير يمه صاير شي
أمي ودمعتها بعينها يممه وديم من يوم دخلت غرفتها ما طلعت للحين وما ترد
رجعت شعري بقوة على ورا وأنا أتوجه لغرفتها الحين كل هذا حيا عشان ماجد من يوم درت عن الخطبة دخلت غرفتها وللحين؟؟؟
دق الباب وديــــــــــــم
وبصوت أعلى وديـــــــــــــــــــــــــم افتحي
لف على أمه اللي تمسح دموعها يا ويلي على بنتي وش جاها
سامر بعصبيه بطلع أجيب مفاتيح السبير
ثواني ورجع
دخل المفتاح بالباب وقبل لا يحركه انفتح وطلعت وديم
بعيون ناعسه وشعر مبعثر وأزارير بلوزتها مفتوحه هااا شفيكم ازعجتوني جبتولي الصدا.. وقبل لا تكمل شافت أمها تحضنها بقوة وسامر يطالع فيها الود وده يذبحها وبنفس الوقت ارتاح إنه ما فيها شي
ولأنها من النوع إللي ما تظهر مشاعرها بعدت عن إمها بخفه وش صاير ماما
خوفتيني عليك يا بنتي
سامر بعصبيه وبشبه صراخ ممكن تفهميني وش هذا اللي سويتيه
عقدت حواجبها ببراءة وش سويت؟؟
نايمه ومقفله الباب وندق عليك كأنك صمخه كل هذا نوم
وبلا مبالاة بعدت شعرها عن عيونها وبتثاوب قالت تأثير الصدمة
: خير شفيكم أصواتكم لتحت
باس راس أبوه أبد يبه وناظر وديم بقهر مسوية لنا فيلم بنتك
ابتسم أبو سامر وفتح يده
راحت له وديم بحيا وضمته دادي والله ما سويت شي هم مكبرين السالفة وتعرف امي قلبها رهيف
أم سامر طالعت فيه طيحت قلبي هالبنت بتموتني ناقصة عمر
الكل بسم الله عليك
أبو سامر وش سويتي؟؟
وديم مدت بوزها قالي عن عن...
سامر علق الشريط .... عن ماجد يبه
وديم طالعت فيه بقهر ابتسم أبوها بحنان إييه
نزلت عيونها في الأرض من الصدمة قفلت على نفسي الباب ونمت ما حسيت فيهم
أبو سامر حصل خير ههههههههه طيب قفلي بلوزتك وإلا بس فالحه تقفلين الأبواب
حطت يدها على صدرها وشهقت البلوزة كلها مفتوحه من فوق
وسامر عشان يحرجها ضحك بصوت عالي
ومن الفشله مسكينة رجعت دخلت غرفتها
أبوها بصوت عالي لا تقفلين الباب
الكل ههههههههههههههههههههههههههه
أم سامر بحزن والله بنفتقدها
أبو سامر مسك يدها وهم ماشيين ماهي طايره إن شاء الله بتسكن هنا أفهم من هذا إنها وافقت
سامر وهي خلت فيها موافقه قالت وشوو؟؟ وطارت على فوق ما شفنا وجهها إلا الحين
أبو سامر ههههههههههههه إرفق فيها يا ولدي هذولي البنات ما يبيلهم الشدة كل شي بالطيب يجي

12:30 تورينو//إيطاليا
كنت أشوف بعض الملابس لبعد العرس اللي وصتها لي خالتي يلدا من ميلانو وجابها اليوم معه عمي بدر
رجعت التنورة القصيرة للدولاب ارتبكت وأنا أتذكر عمي بدر وش قال
الدور اللي فوق بيقلبوه جناح خاص لنا أنا وبسام
ماني مهتمه بشي بس خايفه مدري ليه
سمعت دق ع الباب
ادخل
دخلت جوليتا
آنسة لتين هناك طردية لك بالأسفل
طردية؟؟؟ طردية ايش؟؟؟
أخذت غطا حطيته ع كتوفي احتياط ونزلت
وينها؟؟
فتحت لي الباب جونا كوي سنيورا "هنا سيدتي"
حطيت الغطا ع راسي
وأنا مستغربة الوقت متأخر والبيت كله نايم بهالوقت هنا ينامون بدري ويقومون بدري
عتبت الباب وعضيت شفتي بصدمة

....! وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك....!ّ
دخل البيت والإبتسامة شاقه حلقه
باس راس أمه وجلس جنبها وأخذ الدله يصب له قهوة بكل رواقة
ها يمه وديت المهر
اييه توني راجع ومريت ع فيصل
أم إبراهيم الله يوفقك يا ولدي
آميين وكأنه فجأة تذكر وتشوشت صورة ربى بفكره وحلت محلها دموع لمار ويأس فيصل
قرب من أمه وحط يده ع فخذها يممه بطلبك لا ترديني
أم إبراهيم بحنان آمر يا ولدي
وبهدوء ناظر عيونها يمه تدرين إنه أخواتي سواء سلاف أو أم خالد غلطوا بحق عيالهم فيصل ولمار
تنهدت أم إبراهيم
أدري يا ولدي لكن وش بيدنا نسويه
طلال بحزم يمه هم غلطوا وحنا مو مستعدين نخسر هالولدين لازم نزوجهم
أم إبراهيم بعصبيه وشلون نزوجهم يا طلال وهم ما يتوافقون
طلال وهو بعد بدا يعصب يمه مثل ما علقتوهم ببعض لازم تجمعوهم وفيصل توني طالع من عنده وربي حالته ما تسر لا عدو ولا صديق وسلاف قاعده تبكيه يمه لمار بتروح من إيدنا وحنا جالسين نناظرهم فيصل معزم إنه يتزوجها حتى لو ما يجيبون عيال وهو سأل خالد وخالد تعرفينه كيف يعز خواته وهو مسؤول عنهم ولولا إنه عارف حالة إخته كان ما وافق وأقنع أمه بعد لكن هي خايفه منك إنتي وش ردت فعلك
أم إبراهيم وكأنه جتها مصيبه وعمك أبو فيصل وش رايه بهالبلوى اللي ناويينها
طلال حط الفنجان وزفر عمي موافق وهو مكره لكن وش بيده
ناظر لبعيد أخفى عنها سر التبني لأنها بترفض أكيد
طلال القوي اللي ما يهزه شي تأثر بهالسالفة توقع فيصل يروح معه يسافر ينسى كل شي لكنه كان يشوفه وهو يناظر ذاك الصبي يوم يطلع ع السطح بوسط الليل ومعاه مزماره
كان يشوفه وهو يمسح دمعته بألم وحرقه ولوعة
وكيف يقوم من نومه بوسط الظلمى ويدعي ربه
غمض عيونه بقوة يمنع الدموع لا تاخذ مجراها على خده
رفع راسه بشموخ وبقهر مدري هي حركات بزران أو مراهقة متأخرة مدري
وبعصبيه رمى الفنجان من قدامه اللي قاهرني إني محذرهم يتركون هالحركات اللي ما لها داعي وشوفي وين وصلتنا
أمه وهي تمسح دموعها خلاص يا ولدي قدر ربك ومكتوب
قام وهو ياخذ جواله عن إذنك يمه بطلع أريح راسي من هالمصايب اللي كل مالها تزيد
طلع وتركها ترثي أحفادها اللي ما تهنوا بشبابهم
ً

....!ّ اظهر قواة البأس والضعف خبه.. ترى الضعيف ضعيف لا طعم لا لون....!ّ
غمضت عيونها بقوة وهي تاخذ نفس بخوف ناظرت البوكيه مره ثانيه هذا وش جابه أنا ما صدقت أنسى
نزلت للأرض لمست أوراق ورد الروزماري الناعمه
بلعت ريقها وهي تشوف ورقة صغيرة بين الورد خرجته بارتجاف
كان مرسوم فيها حرف وحيد من غير ولا عبارة
r
رفعت راسها تيبست
حطت يدها على فمها وهي تشوف المتلثم
لوح لها وراح
اختفى عن نظرها
وبرعب وقفت وش يبي فيني يا رب تساعدني
ناظرت جوليتا خادمتها واقفه وراها وبهمس أمرتها تشيله تطلعه على غرفتها
ثواني ولحقتها هي
دخلت الغرفة بسرعة وخلعت حجابها على صوت تسكيرة الباب وخروج جوليتا طاحت عينها ع الرف الطويل الزجاجي بجدار الغرفة
عادة يزينه مجموعة تحف لكن الحين
كل البوكيهات اللي تلقتها لتين قبل كانت مرصوصة فيه
وبصوت عالي وهي تكلم نفسها يا ربي من فين طلعوا ذولي أنا تركتهم عند العجوز ليزا
قربت من البوكيهات نفس التنسيق نفس الشكل والريحه ما تغيرت
ولأنها كانت تشتغل كبائعة تدري إنه فيه ماده خاصة تحفظ للورد شكله لمده
بس هذي مده طويلة تقريبا شهرين
ومع بطايقها وحروفها كاملة ناظرت البوكيه اللي قبل هذا وكان يحمل حرف الـ e بزهر الخوخ

مسحت جبينها بعرق متوهمته وفجأة انفتح الباب ودخل اللي ما تمنت تشوفه هاللحظة أبدا
جلس ع الكنبة توقعتك نايمه وأدق الباب ما تردين
ارتبكت وتلعثمت ااا لا كنت بنام
رفع حاجب اشفيك؟
لتين بخوف وقلبها يدق بقوة ولا شي
انتبهت غريبة وش جابه بسام بهالوقت
كان لابس بيجامته وشكله توه متروش
قام جاي لها
وصلت حدها بالخوف يا رب ما ينتبه
قرب لها هزها من كتوفها لتين وش فيك؟؟ ليه وجهك مصفر؟؟
خوفها تحول لهجوم قالت بعصبيه ولاشي اتركني أبي أنام
ناظرها لفتره ورفع راسه بيروح تحولت عيونه للي وراها
فتح عيونه باستغراب وش هذا؟؟
لتين مسكته ولا شي بسام اطلع أبي أنام
ناظرها بنفس النظرة وبعدها عن طريقه بخفه وراح للرف الزجاجي
ناظر البوكيهات ورجع ناظرها
بلعت ريقها للمره الألف
يوم طرح عليها السؤال
: من فين جايبه هالورد؟!
الخوف اللي فيها والربكه هي اللي تخلي اللي قدامها يشك
وبعصبيه مالها داعي ما أدري جيت لقيته هنا
ولما قرى الكروت رفع عينه لها بعصبيه كست ملامحه ومن بين أسنانه لتــــين من صاحب هالبوكيهات؟؟
زفرت وهي تتكتف قلت لك ما أدري
راح لها مسكها من يدها ونفسه بدا يعلى ما بتتكلمين؟؟ يعني من بيكون جابها انخلقت من حالها بغرفتك ووش هالحروف اللي بالكروت
لتين بخوف وقوة قلت لك ما أدري
على صوته على صوتها تدرين.. كلها ما تدرين عنها شايفتني مخبول قدامك!!
بدت أطرافها ترتجف لكنها للحين متماسكه صرخت بوجهه يوم رص ع ذراعها قلت لك ما أدري اتركنــــي وبألم يدي تعورني
تركها بنظرة احتقار الود ودي أعرف ليش تكذبين؟؟ هاا تكلمي؟؟
وبصراخ ما أدري قلت لك والله إني ما أدري مين هو بس إنه واحد متلثم كان دايم يطلع لي وفتره انقطع والحين رجع أنا ما أدري عن شي
دق الباب وسمع صوت أبوه
وبصوت حاول يهديه يبــــــــه ما فينا الا العافيه
رجع لها وهو زام شفاته الرقيقه وراص ع أسنانه ما أعتقد إنه من صالحك هاللي قاعده تسوينه يا لتين
تدرين فيني لا حطيت أحد براسي
وبنظرة ذبحته لأنها ضعفت وبدت الدموع تتجمع بعيونها قلت لك ما أدري عن شي واللي تبي تسويه سويه أصلا أنا ما عاد يهمني شي حتى لو رجعت بسام الأولي
بسام الظالم الكريه المستغل
كل شي فيك هاليومين ذكرني فيك يوم كنت تشتغل عند عمي
وعمرك يا بسام ما راح تحرك فيني شعره لأني أدري فيك ماخذني ليه أنت حر وياليت تنفذ عملك بأسرع وقت وتوصلني لعمي
مسحت دمعتها بضعف وعزة نفس رجعت لها بهالوقت
تركته ودخلت الحمام
ناظر الفراغ تنهد براحة عميقة يخالطها الألم وخرج
.
.
.
من ايطاليا.. المصيده لا تجري وراء الفئران
>> نهاية الجزء التاسع عشر
تمنياتي بقراءة ممتعة في أمان الله
بائعة الورد