الفصل الثالث عشر

رواية خريف أغسطس الجزء الثالث عشر 13 بقلم حميدة عبدالحميد خريف أغسطسرواية خريف أغسطس الحلقة الثالثة عشر

امي نزلت الكُبايه ف الطربيزة وبنظرات كُلها جديه قالت لي ي عائشة بعد تخلصي من الشاي ممكن نتكلم ، قلت ليها حاضر ي امي ، جا محمد وقعد جمبها وقال ليها خير ف شنو قالت ليو لالا خير ي ولدي كلام بين بت وبتها ابتسم وقال ليها لالا تمام ، عُدي استأذن وطلع لانو شغلو من الصباح ، وعمار طلع الجامعة ودا اخر سمستر ليهو اما قُصي هو وابوي بيطلعوا مع بعض بعد الفطور لانو شغالين ف الخلا زارعين ليهم بطيخ وعجور وعيش ودخن، خلصنا من شراب الشاي ولميت العدة دخلتها المطبخ ورجعت لي امي لقيتها براها قلت ليها محمد فات قالت لي اي لانو صحبو الفاروق موكلوا يتابع إشراف بناء المركز ، شلت نفس عميق وقلت ليها الفاروق دا اخوهم ل أميرة وقبس صح ؟

قالت لي بس ياهو زاتو قلت ليها ايوا ، قلت ليها اها ي امي عايزة تتكلمي معاي بخصوص شنو ؟

شالت نفس عميق ووجهت نظرها للفراغ وقالت لي قبل ترجعي هنا ام معتصم اتصلت لي ، قمت ع حيلي قالت لي اقعدي قلت ليها ي امي انا معتصم م برجع ليهو تاني ، قالت لي خليني اتم كلامي أول قلت ليها اها قالت لي هي بتعتذر ليك شديد نيابة عن معتصم وعن كل زول ف الاسرة وبتقول ليك مهما حصل هي حتشوفك زي بتها وهي م شافت منك إلا الخير إبتسمت وقلت ليها ي امي ام معتصم انا م شفت منها حاجة كعبة وأهل معتصم كلهم م شفت منهم حاجة كعبة وحتي معتصم زاتو

م شفت منو حاجة كعبة بس ي امي الكلام القالو معتصم دا انا تاني م بقدر ارجع ليو وصدقيني اهلو مهما حاولوا معاي انا م ح ارجع ليو لانو ف حاجة في قلبي بقت م طايقه معتصم بجد، قالت لي ابشري ي بتي وماف زول ح يجبرك ع حاجه انتي م عايزاها والمهم اسي انتي ح تقعدي ف البيت وما ح تتطلعي نهائي لحدي م تخلصي فترة العدة تلاتة شهر ، قلت ليها ان شاءالله، خلصت كلام مع امي ورجعت غرفتي يوسف طبعا نايم وكان محموم شويه ، اتفحصت حراراتو لقيتها

نزلت شويه شلتو ووديتو لي امي وانا نظفت البيت ورتبتوا طبعا ، قفصي حق العصافير جبتو معاي ورجعتو ف مكانو الأول وهو جمب شجرة المنقة ، وطلعت مُسجلي برضو وختيتوا ف غرفتي طبعا بيتنا كبير وكلوا شجر ، عندنا شجرة منقة ودي من تكون داخل جوا البيت بتصادفك وتاني شجرة ليمون وشجرة زونيه ودي م شاءالله كبيرة شديد مالية البيت كلو وعندها ضل حلو وبنجدع فيها السراير، ومن دون الايام الجو كان حلو شديد ، نسمة باردة وسُحب مغممه ، خلصت نضافة

ومشيت قعدت تحت شجرة الزونيه ، امي جات وشايله معاها بامية ، ادتني ليها عشان اقطعها وتعملها للفطور وهي قعدت ف السرير التاني وفضلت تقعطع ف الطماطم والبصل ، وفضلنا نتونس ، لحظات بس والباب ضرب ، لبست توبي واتبلمت لانو م معروف مرات يصادف يكونو رُجال واخواني كلهم طلعوا فتحت الباب وجو بتين ومرة داخلين سلموني سلام حار ، وإتضح انو ديل قبس وأميرة وأمهم، فضلتهم جوا البيت، دخلوا وسلمو امي ، قبس قالت لي ماشاءالله جيتي ل ناس أمك ،

ضحكت وقلت ليها اي ، بس جيه أبديه ، وكلهم فهمو إنو انا أطلقت جات ام قبس وقعدت جمبي وب إبتسامه مريحه جدا مسكت يدي برفق وقالت لي كلو لي خير ي بتي قلت ليها فعلا ي خالتي كلو لي خير الحمدلله ، أميرة قالت لي علفكرة فقدناك ي عائشة بجد فقدناك كتير قلت ليها وانا اكتر ي أميرة قبس قالت لي طبعا اخوي ح يبني مركز وبكدا حنكون ضمنا المعلمة الاولي لحلقة النساء قلت ليها كيف م فهمت ؟

قالت لي احتمال كبير اخوي يجي من السفر ف الايام دى والحمدلله ح يستقر هنا وهو كلفني إنو افتش مُعلمات نساء يدروسو القران الكريم وانتي ي عائشة م شاءالله خاتمه اللهم بارك ، امي قالت ليها بس عائشة حاليا م بتقدر تطلع قالت ليها اصلا ح ياخد فترة أربعة شهور وح يبنو طابق زيادة والباقين جاهزين كلهم ، قلت ليها ان شاءالله ، ي قبس ، جبت ليهم موية شربو وونسو شويه وفاتو حقيقه قبس إنسانه ظريفه وطيبه شديد ورغم علاقتي السطحيه بيها بس هي م شاءالله ، قدمتهم للباب ورجعت واصلت شغلي ، ٠٠

ف جانب آخر٠٠٠٠ فتشت ل كم مطعم وكانو كلهم قافلين ووحدين أكلهم خلص م عرفت أعمل شنو مشيت الفرن و اشتريت عيش بس وغشيت ناس امي ، دخلت جوا وسلمت عليها ٠٠ كل لوحات الصدمة اترسمت ف وشها وبنرة حادة قالت لي جيت مالك؟

بس م يكون وقبل تتم كلامها قاطعتها وقلت ليها لالا رهف موجودة بس جيت اشوف لو عندكم آكل ، قامت ع حيلها وقالت لي يعني اكل ف بيتك ماف قلت ليها موفر اي شي بس رهف قالت م بتعرف تتطبخ قالت لي تمام ، ح تتعلم فيما بعد اصبر عليها بس، ضحكت وقلت ليها تتذكري ي امي عائشة لمن جات كانت م شاءالله ف الطِباخه سرحت مسافة وقالت لي ي حليلا من قبيل بتذكرها ، قلت ليها ي امي بعدين اتصلي لي امها وخلي تتكلم معاها قالت لي ان شاءالله، جابت لي سلطة

اسود ومكرونة ومحشي وقالت لي هاك اصلا دا باقي العزومة شلتهم منها وطلعت ، مسافة الطريق إتصلت لي مجاهد وسالتو من أخبارك الشغل ، قال لي والله ضاغط شويه قلت ليو معقولة انا غايب منكم تلاتة يوم بس قال لي انت عارف عندنا نقص ف العمال قلت ليو تمام بكرة ح انزل ان شاءالله، قال لي بكون احسن ، قفلت الخط وانا بمسح ف وشي من التوتر فجاءة لقيت نفسي عايش ف دوامه من التوتر والحرب النفسيه، وصلت البيت ووقفت العربية برا فتحت الباب من دون م

أعمل صوت ودخلت جوا ، عاينت يمين وشمال م شفت رهف دخلت المطبخ ختيت الحاجات وصادف العِشا اذن دخلت جوا بحركة بطيئه سمعت صوت رهف بتتكلم بالتلفون ، اتسللت براها وم ختيت ف بالي حاجة افتكرتها بتتكلم مع صحبتها ولا كدا، وقفت جمب الباب عشان اناديها وهي كانت راقدة ف السرير ومدياني ضهرها وكانت مُندمجه مع المكالمه شديد وقبل افتح خشمي واناديها سمعتها قالت ٠٠

= معقولة ي قلبي انا اخونك وبعدين معتصم دا م عندي ليهو حاجه وانا عرستو عشان ابوي بس و ح 1 2الصفحة التالية مدونة كامومنذ 4 ساعات 0 5 دقائق