رواية خطأ طبي «عقاب الاماني» الفصل الخامس وثلاثون 35 - بقلم نورمـين

#خطأ_طبي «عقاب الاماني»

بقلــم : نورمين 🖤🦋

...

ثاني يوم، العصر جنة دنبـدل لان حنروح لبيت اهلي.

امي صارلها فترة تلح عليه اجي ومتريد تظل بس هي تجيني.

وعقاب هم رضى يجي وياي، فـ مكيفة كلش.

جان كاعد وفاتح اللابتوب، اجيت اخذت ملابس وردت اطلع ابدل برة، وكفني كلامه ..

عقاب: وين وين ؟

اماني: ابدل غير؟

عقاب: عليج الله مجنت ادري ترا؟!!

اماني: شتريد لعد اذا تدري وليش تسأل؟

ابتسم بجانبية، عاف اللاب ع الجرباية وكام يمي.

عقاب: بدلي هنا ليش طالعة لبرا؟

اماني: م..مو ا.. استحي ..

عقاب: بعد الصار البارحة كله، منين تستحين؟

طبيت بهدومي من الخجل، عيوني تباوع للكاع او لاي شي عدا وجهه وعيونه..

اماني: واذا، بعدين عيب عليك تحجي هالشكل!

عقاب: العيب بالجيب يابة، عليمن هالمستحة هو بقى شي مشفناه؟؟

ضربته ع كتفه باندفاع وهو يضحك ..

اماني: عزا لعزاك شكد متستحي

شردت منه للحمام وسديت الباب عليه من جوة ..

اخذت نفس، اوووف حسيت الدم كله تجمع بوجهي وصرت حمرة.

سمعت صوته قريب مني، ادور كمش اليدة مال الباب بس لكاها مقفولة.

حجة بصوت عالي..

عقاب: الزمج بعدين واراويج، ليشوفها البارحة يكول الله يساعد عقاب عليها ع هالوكاحة، وهسة كال تستحي كال هههه..

ملامحي تبعثرت بخجل، هاي اني صدك هيج كمت اشك بروحي من وراه!!

بعدين شجاه انكلب منحرف فد مرة!

ورة نص ساعة، كملنا وطلعنا.

بالطريق جنة متونسين وعالكين اغاني وعجبني اصور فديو اني وياه..

عليّت صوت الاغنية شوية، صاح بيه.

عقاب: مو لهدرجة، نصيها حبيبتي ..

اماني: بس شوية علمود الفديو

باوعلي بنظرة ميخالف.

فتحت الفديو وكمت اغني وية الاغنية وعقاب يسوق، يباوع ويبتسم بس بدون كلام..

بس اني كفيت ووفيت غنيت عني وعنه هههه.

دك عليه ضرغام، اشرلي اطفي الاغاني طفيتهن وجاوب.

عقاب: هلا حبيب شلونك

ضرغام: مو زين

عقاب: خير يا طير؟

ضرغام: جنات زعلانة مني صار من البارحة ولسة

عقاب: اي واذا زعلت شبيك رح تموت؟

ضرغام: لان احس روحي رح اختنك بدون صوتها، تعودت عليها عقاب

عقاب: اذا هيج حقك، المهم ع شنو زعلت؟

ضرغام: لان حجيت ع بدلتها

عقاب: هن كلهن نفس الطينة، اي كمل

خزرته وهو ضحك، تذكرت البارحة شون ع كل فستان يطلع عيب شكل.

ضرغام: هو الصراحة هي حقها، لان اني صيحت عليها مو حجيت ..

عقاب: صيحت شكلت؟

ضرغام: حجي مال دماغسزية يابة ..

عقاب: لا يا زمال، هي هيج لعد!

ضرغام: عقاب لتلومني، انت مشفت شون عقلي يطير وية كل مرة تدنك بيها ويطلع صدرها، ادري كرن لو شنو، بعدين احنه هم عدنه احساس مو خشبة، تطلع بيهن كبالي الله يرضاها محمد؟؟!!!

انهد بالحجي وعقاب كام يتحمحم يريده يسكت ماكو وهذا مستمر جنه مسجل.

خربت ضحك عليه، اخير شي عقاب صاح بي.

عقاب: كافي ابن ال****** مو ****** نعلعلا صفحة لخلفك

سده بوجهه واني مصدومة ..

عقاب: خير؟

اماني: هستوني تاكدت انو انت معندك ذرة مستحة!

عقاب: لازم شغل البارحة ما انطاج دليل اكيد؟

اماني: يوووه هم كال البارحة كافي شبيك لخاطر الله!!!

حجيت بنفاذ صبر واني بين التوتر والخجل، ضحك بصوت عالي ع ردة فعلي.

عقاب: ليش شنو اكو شي احلى من ليلة البارحة حتى نسولف بي؟

اماني: متصيرلك چارة ولله..!

درت وجهي للجامة، خربحظه شكد صاير معنده حدود!!

من اصفن، اكول هالشي حلو بس اني لان ممتعودة عليه دا احس بالصدمة..

يعني وين قبل وين هسة ..

وصلنا، لزمت ايده وطبينا سلمنا ع اهلي..

كعدنا نسولف شوية، احس النفسية حلوة!

حتى نظرات ماما وبابا متغيرة مو مثل قبل بيها شك وخوف.

ريان منسجم وية عقاب بالحديث.

ريان: انت المن تشجع بلا؟

عقاب: مدريد وانت؟

ريان: اني كتلوني عمي

سوة حركة غرور، ضحك عقاب وكله.

عقاب: ولله عبالي عندك ذوق، طلعت بلا ذوق

ريان: لا خلينا حبايب وكلمن يحترم راي الاخر رجاءًا، ترا اني يم برشلونة ما اتفاهم و ابوية ماعرفه منو

ضحك عقاب وبابا رد ع ريان.

رياض: هيج صارت ولك؟

ريان:  تعبير مجازي لتدقق فدوة دكتورنا

التفت لعقاب..

ريان: تعرف تلعب بلي ستيشن؟

عقاب: من زمان جنت العبها، هسة مهاراتي ع كدي

ريان: لعد خلي نختبر مهاراتك ونشوف!

عقاب: يلا

كاموا لغرفة ريان وماما كلتلهم..

سما: مو تظلون هواي تلعبون، مبقة شي للعشا

ريان: لتخافين يوم عقاب هسة رح اعشي عشا خرافي بحيث ميشتهي ياكل بعد

عقاب كفخه ع كيف وكله بمرح..

عقاب: عليمن هاي ولك، نشوف منو يعشي منو!

ضحكنا عليهم، ريما جانت فاصلة عننا ..

عقاب مسولفله قسورة عالصار بينهم، وهو حجالي فعرفت والا ريما اسئلها متحجي شي..

مادري شبيها، الاعرفه هي تحبه بس تصرفاتها تناقض مشاعرها تمامًا!!

يعني ليش هيج تسوي بالولد اذا هي صدك تحبه؟

ورة شوية، كمت وية ماما وريما نحضر العشا.

جنت احجي وية ريما بهمس ..

اماني: هسة غير افتهم انتِ شيوجعج؟ لا من قريب ترحمي ولا من بعيد!

ريما: متفهميني اصلا عليمن احجي مادري

اماني: احجي حجي ينفهم حتى اعرف شون اجاوبج!!

ريما: لا هذا هو، اسكت احسن

اماني: براحتج عيني بس انتِ الخسرانة

ريما: انتِ ويامن؟ منو اختج اني لو هو!

اماني: وية الحق اني وانتِ طلعتي روحه للولد، اصلا متعجبة شلون صمد وياج هالفترة كلها

ريما: اماني وخري من وجهي لا اطلع حركة كلبي كلها بيج

اماني: و على شنو كلبج محترك يمه؟ مو هذا لردتي، صار وابتعد عنج ها اها ارتاحي

خزرتني وجانت حتحجي بس ماما اجت..

سما: شعندجن تتبسبسن؟ سمعني وياجن

اماني: ع الشغل ماما ع الشغل..

احجي وعيوني ع ريما الي معاجبها الوضع..

كملنا صب الاكل وحطينا عالطاولة.

سما: رياض ارجع حاجيهم رح يبرد الاكل وهم ماكو!

كام بابا بس كلت.

اماني: اكعد بابا اني رايحة اصيحلهم

سما: يلا وعود هم الزكي يمهم مثل ابوج

اماني: ههههه لا اجيبهم واجي

سما: نشوف

صعدت لفوك، اسمع بس صوت ضحكات عقاب وتصنيفه ع ريان..

ما خليتهم يحسون ع وجودي، ظليت واكفة اباوعلهم.

عقاب: هههههااااي هم تريد تتعشا بعدد؟؟ ولك اني عقااااب عقاااب مو اني الاخسر

ريان: ديلا العب

عقاب: العب ليش لا، بس وراي عشا حبيب، انت عشيتك فما تشتهي

ريان: يابة ولله اليدة مالتي بيها خلل متدوس متدوس!!

عقاب: كوووم لك، لتدور ذني السوالف المكسرة اعترف بالخسارة وتقبلهاا

ريان: ولله عاطلة متدوس هاك شوف!!

عقاب: صم حلكك مو بذاك الكيم جانت عندي شو ما بيها شي لو بس عندك؟

ريان: اي ولله يجوز

عقاب: هه كول ولله مرتين!

يحجي ويتفاخر ع ريان، الظاهر فايز عليه بالبلي ستيشن..

ابد مشفت عقاب هيج فرحان ومنطلق ويسولف ع راحته، فظليت صافنة بي ومبتسمة لحد ما انتبهلي..

عقاب: هاا شبيج صافنة؟

اجيت يمهم وكلت ..

اماني: ماكو، منو الفايز؟

عقاب: مو عيب هالسؤال، اكيد اني!

ابتسمتله وحطيت ايدي ع جتفه ..

ريان: مون اليدة مالتي عاطلة، انتِ مو تدرين بيها ربها كامز ومتشتغل زين؟

اماني: واني شمدريني بيها؟

ضحك عقاب..

عقاب: ديلا بلا.. هذا اخوج ممعلميه الروح الرياضية، صار ساعة ما ظل عذر ما طلعه عالبلي، ساعة الشاشة ساعة الكير ساعة اليدة، عيب باباتي هالسوالف عيييييب! تقبل الخسارة وانجب

ريان: دروح يا خسارة، الصوج باليدة اني ما اخسر

عقاب: اي اي .. يلا كومي نتعشا وانت ظل لتجي عود

ريان: لا عيني متت جوع اني هلكد ما صيحت

ركض كدامنا واحنه نباوعله ونضحك ..

عقاب: اخوج من صاحي

اماني: بس انت انطلقت وياه!

عقاب: ايي رجعني لاجواء قبل ..

اماني: بس تدري، معبالي انت تعرف تلعب وهيج

عقاب: ليش قابل وحد؟

اماني: مادري عبالي ملتهي شغل وهالسوالف

عقاب: الشغل اله وكته واللعب هم، جنت اني وبيري وقسورة نلعب بس هالحجي من زمان كلش، احح ..

ذب حسرة، ضجت وسكتت ..

وصلنا للصالة، كعدنة نتعشة.

بابا وعقاب يسولفون ع شغل الحزب والحملة الانتخابية واحنه مجرد مستمعين.

رجعنا للبيت بعد وقت طويل.
جان يوم حلو وكلش فرحت من شفت اهلي متقبلين عقاب وهو هم!

بدلت ملابسي وتمددت بحضن عقاب الي جان فاتحلي ايديه..

باوعت بعيونه بسعادة.. ادور بسته بخده .

عقاب: لا تتحارشين

اماني: اني فرحانة

عقاب: فدوة للتفرح، حاس بيج اصلا ..

اماني: شلون؟

عقاب: عيونج.. يحجن كلشي واللمعة البيهن تعكس فرحج.

اماني: ما اكدر اوصفلك شكد اني فرحانة، انت واهلي علاقتكم حلوة واليوم شفت بعيني هالشي، جنت احلم بهيج ايام عقاب احلم!! ممصدكة انو تحققت!

ابتسم وربت ع شعري بلطف..

عقاب: صدكي حبيبتي، لتظلين عايشة بوهم ها صدك صار هيج؟ تحقق حلمي؟ هذا عقاب؟ اتركي لنفسج مساحة تستوعبين وتفرحين باللحظة..

هزيت راسي وشبكته ..

عقاب: غمضي عيونج

اماني: ليش؟

عقاب: هسة دغمضي!

اماني: ممرتاحتلك بس تمام ..

عقاب: شاطرة.

غمضت وحسيت بي مد ايده ع رموشي، جعدت ملامحي وسألت..

اماني: شدتسوي!!

عقاب: الاعب رموشج

فتحت عيوني بصدمة، رئسن وخر اصبعه همزين ما انفكست عيني..

عقاب: جان تعورتي ليش فتحتي عيونج؟

اماني: اااا .. مممادري ..

رمشت بتوتر من القُرب الي بيناتنا..

ونزلت نظراتي لصدره حتى ما اتوتر اكثر من نظراته.

رفع وجهي بايده، تلاكت نظراتنا وكلبي رجف ..

عقاب: لوما هالقفص الصدري جان من زمان گلبي طار وية رمشة عيونج..

تجمدت بمكاني من جمال كلامه..

مد ايده لخدي ومررها برقة وكمل وهو يباوع بنص عيوني ..

عقاب: عيونچ احلى عيون ممكن تمر عليه بكل حياتي..

اماني: اني احبك ..

عقاب: مو بكـدي امنيتي.. مو بكـدي.

تجرأت وبسته، وشوية شوية اخذ السيطرة مني وتاهت ارواحنا مع بعض بعالم الحُب..

ثاني يوم، وصلني عقاب وراح للشغل.

بالمستشفى مشى الوقت عادي بس اخير شي..
جنت اتفقد المرضى وصاحولي على عملية مستعجلة لحالة طارئة..

لبست ملابس العملية وطبيت اني ودكتور ساري وبعد دكاترة من اختصاصات ثانية لان الحالة خطرة والوضع كلش حرج..

خدر المريض الدكتور المختص..

وبلشنا بالعمـلية، كلبه تعبان والعرفته يعاني من مرض ضغط الدم وهالشي ابد مو بصالحه خاصة بمثل هيج وقت!

وادور عنده شريان مسدود ومحتاج لقسطرة، وهالعوامل كلها ساهمت بتعقيد الحالة اكثر واكثر..

تعبت حيل وساري اخذ مكاني..

فجأة لمحت وجه المريض، ضيقت نظراتي وميزته!!

وكع المشرط من ايدي بالكاع..

ملامحي بهتت من الصدمة وعيوني توسعت..

لا يا الله!!

...

عقاب

خلص شغلنا اليوم من وكت، الحجي راح للبيت هو وقسورة.

وظلينا اني وليث وشاهين وضرغام.

عقاب: اي وتالي صالحتك لا؟

ضرغام: لسة ولك لسة..

شاهين: اوي قاسية

ضرغام: نجب انت

شاهين: انجب اني ما عندي مشكلة، بس خلي اكلك شغلة

ضرغام: نجب كتلك

شاهين: جنات رح تتعبك، يمه فدوة لحبيبتي تحطها عالجرح يطيب جنها نسمة من رقتها ..

ليث: اوووعععععع

سوة نفسه يتقيئ بعدما سمع غزل شاهين.

ضرغام: حتى الولد لعبت نفسه، غير تنجب

شاهين: هه انت وياه نفس الحقد عدكم عادي عادي اتفهم

ليث: اني شعليه يمطي!

شاهين: مو ذيج الحلوة ما انطتك مجال، جيت تطلع عصبيتك يمنه

ليث: هو اني يمته معصب اصلا؟ شاهين من صدك لازم تنجب لان كمت تلوص

ضرغام: اتفق لااااااازم

ليث: تذكررررت

باوعناله بتعجب لان صاح!

باوع عليه وكال..

ليث: عقاب شنو ردت تكلي البارحة؟

هزيت راسي بضجر ..

عقاب: هاي انت لسة تتذكر!!

ليث: لعد شعندي، سولف سولف

ضرغام: شكو؟

ليث: حالي حالك، انتظر عقاب يريح فضولي ويجاوب

شاهين: سولف عقاب صعد الفضول يمي هم، شكو شصاير البارحة؟

باوعتلهم بعدم تصديق..

عقاب: نسوان انتو؟

ليث: مو بس النسوان عدهن فضول ترا

شاهين: اي بالضبط، احترم وجود شاربي وامور اخرى رجاءًا !

عقاب: ولغسل لفك ولف اشيائك

كام وكف وكال بدرامية..

شاهين: لااااااا... الا الاشييييااااء.. تندثر الحياة وتضيع البشريةةةةة

كفخه ضرغام.

ضرغام: انت اسكت.. اسكت!

حك مكان الكفخة وكعد

شاهين: مو شكول شقة، اصلا مو صوجكم صوج ليضحككم

عقاب: محد عتب عليك وكلك ضحكنا

شاهين: هي معروفة، سوي زين وذب بالشط

ليث: عقاب ما تفلت، احجي شعندك ومعليك بهذا خلي وحده يلغي ويسكت مثل الچلب

شاهين باوعله بتفاجئ، واحنه ابتسمنا ع الجفصة..

ليث هستوه يلا حس ع روحه شكال!!

شاهين: شكلت ولك؟

ليث: شكلت؟

شاهين: قبل شوية من دتكول لعقاب احجي

ليث: يمته شوكت حجيت اني اصلا؟

ضرغام: خفت من شاهين؟ وسفة عالشاااارب

ليث: يا نعال انت، اني محاجي شي اصلا

شاهين: ادوووور نعال!!!!!!

ليث: يبووووووو ولك مو عليك ع ضرغام

ضرغام: ليييث يا نعال اني الك!!

حطوه وكتلوه، شبعت ضحك عليهم وهو يرافس جواهم ويمدلي ايده عود حتى انقذه.

واني اخبث، امدها وارجعها لورا وهو يشيط ويظل يغلط ههههه.

...

اماني

الحجي هو المريض!!!

شلون وليش وحده؟

قسورة والولد وين عنه؟؟!!!

شراح يصير بعقاب اذا عرف؟

شلون لو ما كدرنا ننقذه...؟؟!!!!

يا رب دخيلك ساعدني، انطيني القوة وكون وياي حتى انقذه..

اخذت نفس قويت روحي ورجعت ..

كلبه وكف كذا مرة بس ما استسلمت ..

لحد ما اخير شي انقذته!!

تنهدت براحة وحسيت هستوني جريت النفس..

طلعت خابرت لعقاب، ماعرف شكوله ولا شلون اصوغ اله الخبر!!

دكيت مرتين يرفضه، بالثالثة جاوب باستعجال..

عقاب: شوية واخابرج مستعجل هسة

اماني: عقاب الحجي هنا ..

حجيت ببساطة، بس اكدر اتخيل ردة فعله هسة..

عقاب: ش..شنووو؟؟ شيسوي الحجي بالمستشفى؟ دكتورة احجيييي!!!!

كمت اسمع اصوات الولد وياه يكلوله شبي الحجي بالمستشفى وهو فقد كام يصرخ..

اماني: مسوي حادث بالسيارة

عقاب: ياااا رب رحمتككككككك .....

دمعت عيوني عالطريقة الحزينة الي جر بيها الحجاية..

عقاب: وهسة شلونه دكتورة طمنيني كلبي خلص!

اماني: بخير بخير لتخاف، حالته مستقرة واني رح اشرف ع حالته بنفسي

عقاب: الف الحمدلله والشكر يا رب...

اماني: اي الحمدلله هو احسن ..

عقاب: وقسورة شلونه؟

اماني: ما ادري ما شفته ..

عقاب: شن..شنوو؟؟ شنو ما شفتي دكتورة هو وياه جانننن!!!!!

اماني: عقاب مجان اكو احد وية الحجي، بس هو ما جابو قسورة!!

زفر وحجة بقهر..

عقاب: رح اتخبللل يالله وين قسورةةةةةةةة وييييننن!!!!

صارت يمه هوسة، كلبي وجعني يربي بسلا صار بي شي من ورة هالاخبار...

صوجي اني حجيت لو ساكتة احسن..

بس لا هيج موضوع مو مال ينسكت عنه..

زين قسورة وين؟؟

رحت للطوارئ، سألتهم كالو ماكو حادث غير الحجي ووحده جان مجان اكو وياه شاب.

طلعت للمسعفين، كالوا نفس الحجي ..

اجة عقاب والولد طايرين، شافني برة اجة عليه.

عقاب: وينههه الحجي؟؟

اماني: بخير ولله بس اهدئ

نتر بيه بحدة.
عقاب: كتلج وينه دكتوورة!!!

اماني: تعال ورايه

اخذتهم للعناية المركزة..

اماني: بس واحد يشوفه

عقاب: اي اني

شاهين وضرغام وليث ما رفضوا، راح عقاب وهم ظلوا برة.

باوعتله من الشباك كامش ايد الحجي ويباوعله بحزن..

...

عقاب

عقلي وكف من سمعت الخبر من الدكتورة..

كلبي انكسر بالنص، نص يم الحجي ونص سم قسورة الي مادري بي وين اصلا!!!

شصار وشنو هالحادث هذا؟

مو قسورة اخذ الحجي يوصله للبيت، شلون صار حادث؟

وليش الحجي وحده اخذوا للمستشفى؟
قسورة وين؟؟؟
شديصير يربي!!!

من طبيتله للغرفة، شفت الاجهزة داير مدايره وفاقد الوعي ..

ع صدره اثار العملية.. كلبي انعصر حيل.

كعدت يمه وكمشت ايده ..

باوعتله بشكل مطول وللان ممستوعب الصار..

عقاب: فقدت ابوية من قبل مرة، الله يخليك لتعيدلي الوجع و الموقف مرة ثانية .. لسة جروح ذيج المرة ما طابت لتجي وتلچمها بعد فدوة اروحلك...

سكتت شوية ودمعتي نزلت ..

عقاب: ماعرف شنو حقيقة الصار، بس كلبي يكول اكو لعبة بالموضوع، و الا اكشفها واخلي الي تجرأ وغدرك يعض اصابعه ندم..

اخذت نفس انعشت خلايا جسمي المحترگة ..

عقاب: انت بس صير زين وكله يهون وينحل.. شوفتك هيج ممدود هدت حيلي هد يـبعد حيلي انت يابة..

بست ايده وكمت طلعت..

....

اماني

عقاب جوة والولد يستفسرون..

ضرغام: دكتورة شنو الوضع بلا جذب؟

اماني: مستقر ولله لتخافون

شاهين: اذا مستقر ليش حاطي هنا؟ وليش هلكد الاجهزة متصلة بجسمه؟؟

اماني: اي نعم حالته مستقرة بس ما تخطى مرحلة الخطر، حطيناه بالعناية لحتى نظل مراقبين تطورات وضعه اول باول..

ليث: شنو معنى هالحجي دكتورة؟؟

بلعت ريكي، وكلت بجدية..

اماني: كل الاحتمالات مفتوحة وكلشي ممكن، فـحضروا نفسكم للجاي..

شاهين بهتت ملامحه وضرغام خزرني كأن معاجبه كلامي ..

اما ليث ضحك بسخرية تنطوي عن صدمته بكلامي وكال..

ليث: هههه خوش نكتة هاي دكتورة، بس ابد مو وكتها، ابد ابد ابد ابدددددددد..

ظل يعيد بالكلمة وملامح وجهه الساخرة تبدلت لباكية ..

ليث: الحجي ميموت... ميصيرله شيييي ميصييييير تفتهميينننن؟؟!!!!!

ضرغام جره عني وشاهين كعد وحط ايديه ع راسه بلا حول...

عصرت قبضة ايدي بقوة واحاول اخلي نفسي متماسكة اكثر..

مو وكت انهياري وعقاب بأشد الحاجة الي بهالوقت..

طلع، كاموا وكفوا ..

عقاب: الحجي بخير لحد يخلي بباله

شاهين: بس الدكتورة مدتكول هيج!!

عقاب: معليك بيها

اندار عليه، نظراته ذابلة وتعبانة..

عقاب: قسورة وينه ليش ما جابوه لهنا هم؟

اماني: ما عندي علم، سألت بالطوارئ ورجعت سئلت المسعفين كالوا ماكو بس الحجي جان بالسيارة ..

عقاب: اخذيني للمسعفين

اماني: تمام

عقاب: ضرغام تعال وياي، وانتوا ظلو هنا

ليث: رجلي ع رجلكم!!

شاهين: اني هم، عقاب الثار ثارنا كلنا

صاح بيهم

عقاب: لحد يلغي زايييييد!!!! كلت ظلوا هنا يعني تظلووون، حرف واحد ما اسمع!!!!!

ليث رد بحدة ..

ليث: عقاااااب!!

تقدم عقاب حط وجهه بوجه ليث وحجة بنبرة تحذيرية.

عقاب: ليييث لتخليني اطلع عن طوري!!!!!!!!!

ليث كبح نفسه بالكوة وعقاب اشرلي بـ يلا.

مشيت وهم ورايه..

وصلته يم المسعفين ووكفت ع صفحة.

عقاب: حبيب الرجال الجبير بالعمر وين لكيتوه ومنو جان وياه؟

-بمنطقة....... وحده جان بالسيارة

شفت عقاب صفن، هي المنطقة هاي بعيدة ومليون بالمية مو على طريق بيت الحجي، اكيد اكو ألنا بالموضوع!

عقاب: متاكد وحده؟

-اي متاكد وحده والسيارة مفلشة تفلش جانت وبلغنا المركز سحبها

عقاب: يا مركز؟

-هو التابع للمنطقة نفسها

عقاب: زين، مشكور عيني

-تدلل

راحوا وعقاب فرك وجهه بايديه وعروك وجهه وركبته برزت من الاعصاب..

عقاب: رح اتخبل قسورة وين!!!!!

ضرغام: ماكو غير حازم ورا هالسالفة

عقاب: اكيد ماكو غيره بهالحقارة!!! الحكني

ضرغام هز راسه واني كمشت ايد عقاب وكتله..

اماني: وين رايح هيج!

عقاب: ظلي يم الولد ولتروحين منا منا علما ارجع

صحت بي بخوف..

اماني: اني شحجي وانت شتحجي!!!

عقاب: هذا لعندي هسة، يلا فوتي جوة لتتعبيني ..

كالها بهدوء وجر ايده مني وراح..

هاي اللحظات..

الي يعوفني بيها وراه وحدي، اصارع الخوف والقلق والتوتر، هي اكثر شي اكرهه بالدنيا...

اكره من يروح للخطر برجليه وميقبل يسمع مني..

اكره بروده تجاه الموت وعدم اهتمامه لحالي من بعده..

اكره هالحالة.. اكره هالوضع.. اكره هالعيشة الكلها خوف بخوف!!!

رجعت طبيت للمستشفى وكلبي يدك بضعف جوة صدري من شدة القلق..

اماني: يا رب ..

ردت احجي وسكتت من هول الشعور..

اماني: يا رب انت اعلم بحالي و ادرى بألي بصدري..

يصعب عليه ادعي، غصة جبيرة بكلبي و احس ع شعرة وانفجر بچي، فأختصرتها لان الله يعرف الي اريده اصلا..

ورة ساعتين ونص تقريبًا ..

اجة عقاب ووجهه كله علامات ضرب هو وضرغام، الظاهر متعاركين وي احد.

اماني: شبي وجهك شكووو؟!!

شاهين: بشر شصار شسويت؟

عقاب: دورت عليه ببيته بالمستشفى بمكتبه ماكو! فص ملح وذاب هالحيوان

ليث: هو مو بالسجن شطلعه؟

عقاب: لتخليني اجيب السجن والقانون والدولة كلهن هسة!!!

ليث: جيبهن!! وين جنت من طلع هالكلب؟ هستوك تحجي!

عقاب: وشمدريني بي طالع!!!

ليث: جان لازم تدري، مو من وكع الفاس بالراس تندرت وصرت تدور وتتمحرگ، عقاب خلي ببالك قسورة والحجي اذا صار عليهم شي الذنب ذنبك انتتتتت!!!!!

جره شاهين وصاح بي..

شاهين: شهالحجي ليث عقاب شكو!!

ليث: شلون شكو مو هو الكتل روحه ودك صدره لو اني اتكفل بحازم لو مو قبول!!!!

رجع باوع ع عقاب وكال بحدة..

ليث: انتتت الي ردت تتكفل بموضوع حازم ومخليتنا ندناله وعلساس حاط ناس تراقبه، وينهم جماعتك؟ شصار وشحصلنا منهم هسةةة؟ الحجي ممدود جوة بين الحياة والموت وقسورة مندري بي وين ولا شحاله اصلا!!!!! فاخ كلبك هسة عقاب افندي؟

اني جنت مصدومة بالتحول الغريب لشخصية ليث، ابد ممتوقعة من شخصية مرحة مثله تطلع هيج عصبية!!

ضرغام يباوع بصمت وعقاب كذلك..

محجة حجاية ولا دافع عن نفسه حتى، بس خلص ليث كلامه دار وجهه وراح ..

صحت بليث بغضب..

اماني: ترا مو بس انت المحروگ كلبك ع الحجي، لتلوم عقاب لان هو اكثر واحد بيكم شايل مسؤوليات، وما اتوقع هو مكيف بالي ديصير حتى تجي فوك قهره تزيده قهر، اللوم ميجيب غير المشاكل والتفرقة، اصحى.. انتوا لازم تكونون ايد وحدة هسة مو تتفرقون وواحد يلوم الثاني!!

عفتهم وركضت ورا عقاب ..

امشي واتلفت بالممرات، وين راح هذا بكل هالسرعة!!! 

...

انتهى..

لا تنسوا التصويت والتعليق لان تفاعلكم مدا يعجبني ابد!

#الكاتبة نورمين 🦋🖤