خطأ طبي «عقاب الاماني» الفصل الحادي وستون 61 - بقلم نورمين

#خطأ_طبي «عقاب الاماني»

بقلــم : نورمين 🖤🦋

...

توفيق: هسة احجي لو لا؟

اماني: احجي!

توفيق: عندي جوة 5 نماذج حلوة وصغيرة، اعضائهم بعدها بحيلها.. يعني مثل الفاكهة الي هستوها نضجت..

تمتمت بعدم تصديق..

اماني: لا مستحييل..

بعدين صرخت وكمت وكفت ع حيلي..

اماني: انت اكيد صار لعقلك شي!!!! مستحيل اسويها مستحيييييل!!!!!

توفيق: لاحظوا اني بعدني مكلتلها شتسوي، بس هي فهمت!!

باوع ع زلمه وكال بثناء وهو مبتسم.

توفيق: لهالسبب بالذات اختاريتچ انتِ لهالمهمة مو اخوج او ابوج، لأن انتِ اذكى وحدة بيهم!!

اماني: كلامك هذا لا يقدم ولا يأخر شي عندي، مستحيل تلوثني بوصاختككك!!! سامعني اني مستحيل أأذي بشر مستحييييل!!!!!

قهقه بسخرية وكعد، حط رجل ع رجل.

اشر لزلمته الي وراه اجة انطاه جكارة چروت "الغليظة الي لونها بنـي".

اخذها منه حطها بحلكه، علكها اله ورجع باوعلي مطولًا وهو يستنشق دخانها ..

نفث الدخان وكال بحقارة.

توفيق: يبدو انتِ هم مثل ابوج، ناوية تصعبيها عليه وهي سهلة، وبهالحالة تضطروني الجأ لأساليب ما اريد استخدمها، بس شسوي؟! انتوا دتجبروني!!

كتمت مشاعري الي دتنبض برعب وكلت بنبرة اصطنعت بيها القوة..

اماني: عمو الله يخليك اني رح اسوي كلشي انت تريده، الا اذية الناس فدوة اني ما اكدر انفذ هيج شي.. رجاءًا اترك اهلي انت مشكلتك وية ابويه ليش دتاخذ ثارك مني اني واخوتي وامي؟! حله ويه بابا وتصافوا منك اله وخلونا برة جرائمكم!

يسمعلي وساكت، ملتهي بجكارته.

توفيق: حجيت هالحجي وياه هواااي من قبل هواااي اماني، بالعيني واغاتي بالتهديد ماكو، الا بالتنفيذ يلا تندر وصارلي المنقذ الخارق ليريد يخلص عائلته من هالتهلكة.

اماني: يعني امي وابويه زينين؟! واختي؟!!!

توفيق: حالهم يعتمد عليج، نفذتي الي اريده فهم بخير وماكو عليهم شي، كبرتي راس وكمتي تبيعيلي مثاليات تافهة ساعتها يصير عليهم بلاوي

غمضت عيوني مستنشقة ماء خشمي بصعوبة، الهي دخيلك امتحانك صعب..

لا اهلي اكدر اتنازل عنهم، ولا ارواح العالم البريئة..

زين والحل شنو؟!

انداريت برعب باتجاه الصوت، الي ديطلع من غرفة بنهاية هالممر والي يعود للاشخاص المحتجزين..

بجي واصوات توسل ومناجاة بالعفو عنهم حتى يرجعون لاهلهم ولحياتهم بسلامة..

انعصر كلبي عليهم، خاصة انو ميزت صوت بنية تتوسله وتكوله "امي منتظرتني اصبلها غدة من ارجع من المدرسة"

هنا صدك ادمرت، اعصابي تلفت وكمت ما اميز ع شنو ابجي واحزن اذا كل الي داير مدايري يحثني عالبجي!

توفيق: اذكرج بأخوج ريان، خاف نسيتـي ترا حالته بالويل.. اي تاخير مو بصالحه وانتِ ضيعتي عليه هواي وكت.

باوع ع الساعة، ضحك وكال..

توفيق: اكيد الولد ديتشاقون وياه بهيج وكت، ملاعين يموتون عالشقـة وطياح الحظ.. شتكولين نخليهم يكملون شقة لو نبطلهم؟ عندج دقيقتين تحسمين قرارج وتنطيني الجواب الاكيد قبلما يوصل اخوج الحلو للحلقة الاخيرة

قبضت ايدية بقوة لدرجة انحفرت اظافري بلحم باطن كفي.. قويّت كلبي وبدافع انساني بحت، قررت اتخلى عن اخوية!

دمعتي نزلت بس حسيت كلبي الي ديبجي مو عيني، نغزات كامت تلسع بخافقي وخلتني اواجه ألم فظيع بصدري..

توفيق: ها وين وصلتي؟

اماني: تعوفهم اذا تنازلت عن ريان؟

باوعلي متفاجئ، هز راسه واخذ نفس من جكارته سارح بالنظر بالفراغ، ع الاغلب ديفكر!

نترت بي..

اماني: دا اكلك تعوفهممم اذا تنازلت عن اخويييةةةة؟؟!!!!!!

توفيق: طبعا لا!

رديت مستنكرة.

اماني: لك انت شنووو!!!!!! حرام عليك حررررام وللله شنو انت متحسسسس!!!!! متسمعهم شلون ديصرخون يطلبون منك الرحمة؟؟ ما عندك كلب انت؟؟؟؟؟؟ مو انساااان!!!!!!؟؟؟؟

نفث دخان جكارته لفوك، صفن بي ورد بمنتهى الهدوء.

توفيق: تؤ.. اني شيطان برتبـة انسان! والشياطين ما عليها عتب..

اماني: ما تفاجئت اصلا!!

توفيق: بس لحظة، اني الي تفاجئت هنا حضرة الدكتورة!! تتنازلين عن حياة اخوج؟؟؟؟ الي هو من لحمج ودمج علمود كم شخص متعرفيهم اصلا!! هه.. ع كولتج ما عندج كلب انتِ؟!

اماني: انت متعرف شنو معنى تضحيتي هاي ولا حتعرف بحياتك!!!! ولعلمك بس اتخذت هالقرار بكلبي لان اني مو مثلك! مستحيل اظلم بشر ع حساب نفسي او ع حساب عائلتي ابدا !!!!

اردف بتحدي..

توفيق: هسـة نشوف اذا هالحجي يظل نفسه لو يتغير

ضيقت عيوني ناظرتله باشمئزاز..

مدا احس بألم ايدية لان اصلا الم كلبي وعقلي والضغط الي دا اعيشه مكفي وموفي.

توفيق: معين..

نادى، فأجة ذاك طاخ راسه بخضوع وكال.

معين: أأمرني سيـد

توفيق: وللهي يا معين، رايدك تتصل على اخوك التوأم معاذ، وها خليها مكالمة فيديو، لان اكيد الدكتورة اشتاقت لاختها خلي نشوفهيّا خطية ليظل بالها

معين: اي سيـد صار

اماني: ع شنو ناووويييي!!!!!! الا اختيييي لااااا لاااا لتلمسهاااااا توفيقققققققق يااااا كلللللب يا ساااافل لااااااا

كمت اصرخ بهستيرية، هجمت عليه اريد اكطعه بسنوني هالسافل هذا، بس اجو زلمه لزموني وظلوا كامشيني واني اصيح واستريح بخوف ع ريما.

توفيق: كلتها من قبل وارجع هسة هم اكلج.. الي جوة رح يتفصخون يعني يتفصخون مبيها مجال للنقاش، والي دتسوي هذا كله مجرد مسرحية فاشلة .. ومن كتلج دتصعبيها ع نفسج وع اهلج ما صدكتي، فانتِ تعاملي وية نتائج قراراتج بعد اني مالي دخل

طلع معين تلفونه، اتصل وباللحظة رد عليه اخوه التوأم، والي هو نفسه الحاجاني من تلفون ريما لما خطفها..

نسيت شلون اخذ نفس، وروحي انشالت وانركعت بالكاع مية الف مرة بعجز، لان كمت اعرف هالاسلوب معناته اكو شي صايرلهم وديهددني بيهم من خلاله ..

انطه التلفون لتوفيق.

توفيق: يا هلا بمعاذ البطل، شلونها ضيفتنا؟!

معاذ: عال العال سيـد، تحب تشوف؟

توفيق: اي بس لاختها مو الي..

معاذ: تدلل علينا سيد انت واختها..

سمعت اصوات صرخات ريما وبجيها ..

ريما: لاااااااا شييييييل ايدك حيووووووااااان، لتكمشننننيييييي حقققققييييييرررررر شيييييللللل ايييييددددكككك عنييييي، يااااا ربيييييي ....

رديت بعنفوان واني اتلاوى وياهم حتى يعوفوني ..

اماني: اختتتتيييي لككك عوفهاااا كوللهم يعوفوهاااااا توفيييييققققققققق!!!!!!!!!!

أشر لمعين، اجة خلة التلفون كدامي وتوضحتلي الصورة..

وياريتها ما توضحت..

سكنت ملامحي بألم، جمدت ومحاولاتي بالمقاومة كلها تتوجت بالفشل..

ظلت عيوني جاحظة مركزة نظراتها ع التلفون، والدموع تنزل وبس الله ليعلم شحال كلبي بلحظتها...

توفيق: منظر بشع مو بلا.. شتكولين دكتورة؟!

ريما: اماااااني كوليلهم خ يعوفوووني امااااانيييي لك ايييييدددك عووفنيييييي ااااااااااااههههه...

جانوا امددين ريمـا ع جرباية فردية، رابطين اطرافها للجرباية بحبال، ومجرديها من ملابسها وباقية بلبس خفيف حيل يفضح ما يستر..

ويتلمسون جسمها بقذارة وهي تصرخ وتبجي وتغلط وهم لا حياة لمن تنادي..

وفوك كل هذا عددهم هواي، يعني الي داشوفهم اني 4 بس اتوقع عددهم اكثر من هيج ..

ريما: اختيييي فدوة سويييي شيييي اماني دتسمعينيييييي!!!! ياااااااا رب ... لككككك لتلزمنيييييي حقيييييييررررررررررر .. ياااااا مغيييييث اغثنـييييييييييي....

لساني مربوط، شسوي ووين انطي وجهي ولله اختبارك هذا مميت يا الهي .. دا اموت ببطئ اني.

توفيق: منا لدقيقتين، اذا ما كلتي اي حيكون فلم السهرة اليوم بطلته ريما الحلوة وية نخبة من افضل واكفئ زلمي، وبصراحة غير؟ اني اتمنى ترفضين عاجبني اشوف احداث الفلم بكل حمااس.. شتكول معين تحب هيج افلام انت؟!

معين: اموت عليهن سيـد صدك جذب ..

توفيق: ها اها، شفتي شلون وبعدين انتِ كلبج طيب والشباب محتصرين، ارفضي حتى تكسبين بيهم اجر، هم يحررون شهواتهم المكبوتة وهم اختج تتونس، ها شكلتي؟!

معين: ولله يابة هاي فرصة من العمر، يا ليتني كنت معهم

اردف الحقير بشهوانية وهو يبرم بشواربه، نتر بي توفيق بعصبية.

توفيق: انججججججببببب حيوووان!!!!!

ارتعد بهلع وطخ راسه كايل بأسف..
معين: العفو سيد مو بقصدي

توفيق: انجب كتلك ووخر من وجهي يلا!!!!!

انصرف، تلفونه لازميه اليه وحاطي كبالي..

تدمرت نفسيًا بين صرخات اختي الي تطلب مني انقذها وبين صرخات وتوسلات العالم الي جوة ..

وكعت بالكاع، حطيت ايدي ع ركبتي حسيت الهوا ماكو وكلبي يريد يطلع من صدري هلكد ما ينبض برعونيـة.

توفيق: خلصن الدقيقتين ترا!!

بلعت ريكي بألم وشلت راسي باوعتله بحقد ونظراتي تجدح شرار..

توفيق: خلص وقتج، يلا شباب افترسوها

صرخت تلقائيا بالنفي...

اماني: لااااااااا لااااااا موافقة موافقة ولله موافقة بس عوفوهااااااا

اخذ التلفون وكللهم..

توفيق: معاذ رجعها يم اهلها وانتظر مني خبر.

معاذ: صار سيـد

سده وانطاه لزلمته، ادور اجة قرفص كدامي ..

كل الحقد والكراهية الي ممكن تخطر ع بال احد، جانت بداخلي تجاه هالسافل ..

توفيق: ادري بيج متهونين بأختج، بس حبيت امهد للموضوع، ريان بعدين ريما .. طلعتي خوش اخت، صح ضحيتي بريان بس بريما اختلف الوضع!!

تغاضيت عن كلشي كاله وسألت..

اماني: ريان شنو مصيره؟

توفيق: شوفي هو يفترض انفذ كلامج واطكله سفن، بس اني شنو رح اسويها في سبيل الله واداويه وارجعه الج صاغ سليم، عايل وياج اني عميي؟!! هم كولي مو زين وياي عمو توفيق؟!!

هسهست بغـل..

اماني: الله ياخذك يا كلب!!

توفيق: ميخالف معصبة رح امشيها الج

كام وكال موجه اوامره لزلمه.

توفيق: معين حضر غرفة العمليات وانتوا طوقوا البيت زين، ماريد الطير يطير فوكاه، فتهمتوني؟

ردوا بخضوع..

-صار سيـد

توفيق: يلا كلمن لشغله

انصرفوا جماعة، اما ذولة الي جانوا كامشيني ردوا جروني وكفوني.

مشى توفيق وهم ساحليني وراه بالغصب..

ما اعرف اذا قراري جان صح او لا، بس الي اعرفه مستحيل اخلي اختي تنخدش كرامتها وانوثتها بهالطريقة الوحشية..

طبينا لغرفة، جبيرة وبيها معدات طبية متنوعة بس مهملة ووصخة.

توفيق: هذا ميدانچ بعد، انطلقي!

رغم هذا قراري، بس من صارت صدك كلش خفت وتأذيت..

تمتمت بتوسل..

اماني: لا الله يخليك لا ما اكدر..

توفيق: نسيت اكلج شغلة مهمة، بقواعد لعبتنا التراجع ممنوع.. التراجع شبي معين؟ م..م..ن..و..ع ! صار واضح لو يحتاج اكلج شينتظرج اذا أصريتـي؟!

شهكت بوجع، ما منها مفر بعد..

بعز ضياعي بذيج اللحظات.. جان عقاب ع بالي.

عقابي وينك؟!

مو كلت قبل لتصيحين اسمي تلكيني يمج احميج، وين حجيك الي لعد؟!

ربي انت اعلم بالي ديصير، تدري انو اني انجبرت وانو ما الي سلطة ع ايقاف هالمجزرة..

سامحني الهي دخيلك..!

لبست ملابس العمليات وباشرت..

حطوا كاميرا حتى يوثقون كلشي اسويه، والهدف معلوم حتى يلزموها ضدي ويهددوني بيها..

والله اعلم شراح يخلوني اسوي بعد، ورة هالمأساة..

شباب وبنات بعدهم موصلوا عمر ال20 وال 25 سنة..

امددين كدامي بفعل المخدر، فاقدين للوعي واني اشتغل باجسادهم والرجفة ماخذتني..

اغمى عليه اكثر من مـرة بس رجعوا صحوني ورجعوني لحلبة الموت هاي بكل وحشية..

توسلت هواي وهواي ولكن.. ما من مجيب.

بالنهاية، ولما اتميت اخراج اعضاء كل الاشخاص الي جايبيهم، كعدت بالكاع وضميت وجهي بايدية وكمت ابچي بكدما هسة اني متأذية ومهمومة..

دا احس بنفسي مجرمة، شأفرق عنهم؟

صحيح الدوافع مختلفة بس الوسيلة وحدة..!

هم ع فلوس واني ع اهلي والضحية ناس مالهم اي ذنب!

رفعت راسي وهمست..

اماني: مالي عين اطلب منك شي يا الهي.. بس..بـ.. ــس..

غصيت بالنفس، سحبت شهيق انعشت بي اوصالي المتعبة وكملت..

اماني: بس انت تعرف اني شنو موقفي وشنو صار ويايه، سامحنـي دخيلك..

كلتها ورجعت دخلت نوبة بكاء عنيـفة.
استنزفت بيها كم هائل من طاقتي بس بنفس الوقت تخلصت من بعض الاثقال الي توسدت صدري بجسارة.

.......

عقاب

خرجـوني لغرفة اعتيادية بعدما استقر وضعي ولله الحمد.

ليث: اخر شي سالتني ع ريان وبعد ما شفتها

قسورة: اني هم

ليث: اي هو جنة واكفين سوة، من صحتلنة اني وسجاد

قسورة: اي اي صحيح

ليث: اي ابو الحب لتقلق، يجوز راحت للبيت ترتاح

عقاب: اي بس ما كالت حتروح!

قسورة: يجوز جانت مستعجلة وما كدرت ترجع تكوللنا، اني متاكد لكت ريان ورجعت هي وياه

عقاب: كلبي ما مطمن شو..

سجاد: ولا اني عقاب، جانت مو طبيعية البنية وحتى اخر شي من حجينة وياها جابتلها هاي الممرضة تلفونها وهي ردت بس شنو وجهها ميتفسر

بانفعال سألت.

عقاب: شلون يعني ميتفسر؟؟ قسورة انت احجي لاحظت بيها شيي؟!!

لاحظته خزر سجاد حتى يسكته، ورجع كال.

قسورة: وانت صدكت، ترا البنية وضعها عادي غير جانت قلقة عليك شلون تريدها تصير يعني؟ اكيد يتخربط وضعها ولتنسى العاشته مو سهل، تعب وقلق وسهر شيسون بالواحد؟!

كلامه منطقي نوعًا ما، بس شيقنع كلبي؟
دا احس بي ينغزني، ممرتاح مادري ليش..

معقولة العملية السبب؟

لا شو من كعدت وشفتها يمي مجان اكو هيج احساس!؟

عقاب: تأكدلي منهم لعد، بالي مشغول عليها

قسورة: تدلل، هسة اخذلك الاخبار من ريما، انت بس ارتاح وليهمك اي شي

عقاب: دمشي خابرها فظني

قسورة: رايح رايح

طلع برة يحجي وياها، ضرغام كام يعدل بالمخاد وراية وشاهين يمرغ برجليه، اما ليث كامش علاكة اكل وسجاد كلاص مي ودولكة ومتحضر حتى يصبلي..

عقاب: هاي شدتسوون؟

ليث: تاكل؟

سجاد: بـل ريكك حبيب.

اباوعلهم متعجب مدري مصدوم، صايرين حزب كل واحد لازمله سالفة.

عقاب: اخ لك وخر!

دفرت شاهين ابتعد شوية ورجع يمرغ برجليه.

شاهين: شبيك فوك ما ادللك وامرغلك!!

عقاب: احد عاتب عليك؟

شاهين: احد لو ثنين هههههههههههه

ضحك ضحكة اخت الجذب، مبينة بس هيج حتى يلطف جو.

ظليت اباوعله بتك عين ممصدك التفاهة الي عايش بيها.

شاهين: دضحك شبيك نفسية، مو جان بينك وبين الموت شعرة، المن معبس متكلي!!

عقاب: من تبطل سخافة عود تعال نحجي

شاهين: حييييييل، مطولة شغلتنا لعد

عقاب: وانت كلتها، تكسح منا يلا

شاهين: تكسحنا، ارتاح

كام وكف ع صفحة..

باوعت ع ضرغام يكوم ويكعد يعدل بالمخاد ورة ظهري ويغطيني وياخذله صفنة، وبس اتحرك يرد يسوي نفس الحركة.

عقاب: اوخر عنك حتى تتمدد؟

ضرغام: لا ابد

عقاب: لا ولله شو الا اوخر وتجي انت بمكاني!!

دا اكوم لزموني رجعوني للفراش..

ضرغام: اكعد راحة لتظل كل شوية كامز، جرحك لينفتح

عقاب: وخروا عني حتى ما اكمز، خبلتوني ترا

حجيت بنفاذ صبر، رجعوا لورا بقة بس سجاد هو ودولكة المي مالته والابتسامة الغبية على وجهه.

عقاب: متـوخر شمتاني؟

سجاد: تبل ريكك حبيب؟

عقاب: حبتك حية ام راسين، وخر لا انيم الكلاص براسك

حجة بانزعاج..

سجاد: عنيف.. مو مال واحد يداريك ديلا يطبك طوب

عقاب: مريض بس مو معاق اسم الله!! شبيكم انتوا كل واحد لازمله سالفة ومتكومين فوك راسي!! ادري صخام مريض غير يعوفوه يرتاح ينجب شوية خو مو يظلون مخيمين ع راسه!

شاهين: هاي طردة

ليث: دكولها من الاول وفظنا عليمن نزلت علينا نزلة ونص

سجاد: اندري، بس مو صوجه صوجنا احنه كبرنا راسه ودنهتم بي

ليث: اي وعلي هاي اول مرة تحجي شي صحيح، تعال ناكل الاكل هذا ميريده

سجاد: جايك حبيب

ليث: المي وياك مو تنساه

سجاد: صكد جذب

ضرغام: اني هم اروح اكل لعد

شاهين: ظلت عليه لعد، اني هم اروح شو جعت

هزيت ايدي بتعجب، سبحان الله غيّر حالهم من اهتمام وخوف للامبالاة وجوع فجائي.

ديلا بعد احسن هو اني هذا الردته، يوخرون عن وجهي.

رجع قسورة.

عقاب: ها بشر؟

قسورة: نايمة بالبيت، ريما كالت متجي اليوم للدوام تعبانة

عقاب: اي الحمدلله.. يلا ميخالف..

قسورة: اي انت ارتاح وكافي تفكر بيها، نايمة وبسابع حلم تندلك انت وين هسة!!!

حجاها بمرح، ابتسمت براحة وكتله.

عقاب: هسة الحكها للحلم لعد

قسورة: عااش هيج اريدك

مروا يوميـن والدكتورة ماكو، لا هي ولا اي احد من اهلها موجود.

اتصل ع ريان مغلق، قسورة يتصل ع ريما نفس الشي.

الحجي يتصل بالدكتور، يروح لشغله والنتيجة وحدة!

اخير شي قسورة حجة وية مدير مكتبه، كله رايح لاربيل هو وعائلته بأجازة.

عقاب: وانت كل عقلك صدكتت!!! اجازة ايش بهيج توقيت مستحيل اصدك!!! اكيد صاير شي

قسورة: يابة انت بس ع كيفك جرحك يمعود!

عقاب: شوف اني وين احجي وهذا وين يحجي!!!!

كمت وخرت الاجهزة والشغلات لحاطيها ع جسمي، قسورة يصيح يريد ماكو قفلت.

قسورة: ترا بعدك ما صرت زين وين رايح!!

عقاب: كافي هيج، خلي اشوف شديصير الظاهر انت مو مال واحد يعتمد عليك

نتر بيه..

قسورة: ترا مو بس حبيبتك المختفية، حبيبتي هم خلي ببالك هالنقطة!

عقاب: مو اشوفك دورت سويت شي!! شو مكابلني وكاعد!

قسورة: لان هي وية اهلها مسافرة تتونس، شسويلها يعني الحكها؟؟ وحتى اذا جانت مو سفرة ونسة فهي بأمان دام اهلها موجودين واربيل مكان امن محد يكدر يوصللهم

عقاب: شفت؟ حتى مرة لخ من اكلك مو مال واحد يعتمد عليك متضوج ادور!

قسورة: بربك!!

واني دا البس، كلت بلامبالاة.

عقاب: سويچ سيارتي وين؟

صاح بيه بعدم تصديق..

قسورة: لا انت رسميًا شفطت!! ماكو متسوق ورجلي ع رجلك وين متريد تروح اني اوصلك

عقاب: ديلا امشي كدامي

قسورة: يلا نازل اشغلها، انتظرك

عقاب: تمام

الولد كلهم بالشغل طبعًا، وبس قسورة الوحيد الي مرابط وياي بالمستشفى صبح وليل.

.......

ليث

رجعت للبيت الظهر، والروايح اللذيذة زحفت لخشمي..

استنشقتها مغمض عيوني متخيل النكهة.

-ها يمة اجييت

نزعت حذائي وطبيت.

ليث: لا يمه بعدني بالدرب

-او كبر لهالحلك

بستها وضحكت..

ليث: شلونج ولج شدتسوين

جانت دتنظف بالخضرة، من كلتلها هيج شالت الكدر الي بصفها دتركعني بي..

-اني كم مرة كايلتلك لتحجي وياي هيج!! صاحبتك لو امك اني!!!

كمشت ايدها ورديت..

ليث: شبيج متتحملين شقة غير اضحك وياج اني

-لتضحك وياي سرسري

ليث: ليش ولج امونة لييش

دلعتها لان اسمها ايمان، شو هاي كامتلي بحيلها واني طكيتها ركضة للغرفة وسديت الباب.

هي منتهية مو مال تركض وراي، بس يلا تلزم الجفجير وتوكفلي تهدد وتعد وتصف.

-دطلع واني اعلمك، الا اعيد تربيتك يا ****

فتحت الباب ومديت راسي كايل..

ليث: هايشنو تفشرين ولج؟!!! هسة منو السرسري بينا؟

طببت راسي بساع لان شفتها دنكت حتشمرني بشغلة، وفعلا وية ما سديت الباب حسيت بدبة قوية..

فتحتها ع كيف واشوفلك مزهرية مشمورة ومكسرة تكسر..

ظليت فاك حلكي بصدمة.

ليث: هم بيج بلاء ولج امونة!!

-اليوم انعل **** يا *** يا ***

ليث: دخييييل الله الحكولييييي

سديت الباب وهي واكفة تدك بالجفجير عالباب وتصيح افتحه.

-افتح الباب اذا انت زلمة

ليث: كبالج مو زلمة، بس وخري

-طاح الله حظك كون

ليث: رحم الله والديك هتلر

-شكلت شكلت؟!

ليث: هاا اا مكلت مكلت، بعدين اكلج .. كافي بداعة حبنا امشي صبيلي غدة وعوفي العرك مو متت جوع

-اصبلك سم ادبسز

ليث: الله سم ومن ايدج، شطيباته

-لا تتلوك

ليث: دمشي صبيلي حبابه

-ادكك يلا

ليث: اهووو هي مال مساومات امونة كعدي راحة

-خو انت دتجيبها لروحك؟!!

ليث: شون مصيبة، عمي اني غالط مفشر! شو اسمج ايمان ودا اصيحلج بي عليش معصبة غير افتهم!!

-اطلع دا اكلك عليش ابو حلك الخايس

ليث: يمه يا حبيبتي يا بعد عيني امشي صبيلي غدة ووخري جفجيرج هذا ترا حتزرفين الباب

-وازرف راسك هم بي، اطلعععععععععع!!!

ليث: بلا هسة اني لو متصخم متزوج مو احسلي، مريتي تجيبلي الغدة ولا منيتج صار ساعة اتوسل بيج

-وهي منو لتقبل تاخذك، هم مصدك روحه ولله يا الله

فتحت الباب بضوجة من حجيها، هي هم انصدمت ورفعت سلاحها -الجفجير-

ليث: ليش شناقصني وميقبلن ياخذني؟ طول؟ جمال؟ ذكاء؟ رجولة؟ شو كله متوفر منية البطرانة لترفضني؟!!

-الطول طول النخلة والعقل عقل الصخلة، حايرلي ببطنك النهار كله، من غير شغلك الي ميخلص وطلعاتك لتوالي الليل، انت هم مصدك روحك شو وتسولف؟!

ليث: عوفج من هالحجي، تصبيلي غدة لو لا؟

-اي تعال

ليث: بس متضربيني!

-هسة اذا اريد اضربك ما اكدر قابل، تعال تزقنب

ليث: وعلي يا ايمان اذا سويتيها وغدرتيني واني اكل تصير مو حلوة، هاي من هسة دا اكلجياها

-دنجب انجب

عافتني وراحت، صبت وحطت الاكل عالطاولة وكعدت تكمل تنظيف الخضرة.

اجيت اتمشى بحذر، ما مرتاحلها متاكد تريدني أئمن وتچفتني.

بس شسوي ماكدر اقاوم اكثر، ريحة الاكل دوختني واني ضعيف كدام هالمغريات..

ترددت، بعدين كلت يلا قابل هاي اول لو اخر مرة اكلي جفجير عالغدة، امي وتمون عليه.

كعدت مسيطر كبالها ونافخ روحي.

كمت اكل، اندمجت بالطعم لحد ما فشيت من وحدي.

ليث: هو كل ليجي كال اني اطبخ، عمي امونة وبس بالطبخ

-ردينة؟

ليث: اسف سكتت، بس بربج يمه اسألج سؤال وكليلي الصدك ها مو تجذبين عليه؟!

-ليش اني يمته مجذبة؟

ليث: يمة ركزي وياي، اني دا اسال مو انتِ

-الغي فضني

ليث: عود صدك هذا الحجي الكلتي عليه مال محد تقبل تاخذني؟!

عبيت لفة بحلكي وحجيت، فطلع كلامي ممفهوم نوعًا ما، ضربتني بعود كرفس وكالت.

-دكل عدل الكبر، منو راكض وراك!! اكل ع كيفك

ليث: يمه لتخلين عينج ع حلكي، كتلج ركزي ع سؤالي مو ع حلكي

-شون حلك هسة هو، سابل شكبره

ليث: هم يالا يكفي، اي جاوبيني متنسيني سالفتي ترا

-شنو مناسبة السؤال هسة؟ اكو شي يعني؟

ضحكت ع فضولها، عجيب الامهات شلون عدهن مية شخصية وشلون يبدلن بيهن كلهن وية اولادهن وبطريقة تصفن!!

-هاي الضحكة معناها اكو شي، سولف ولك شعندك من وراي!

ليث: امونة شلچ بيهن هالدرابين، اطلعيلي بالنظيف

-يعني شوف.. هو انت صح سرسري بس ابني واحبك

ليث: انعم الله، وبعد؟

-وصح انت هايشة استرالية بالاكل ومتكوم الا تنفض الاكل نفض بس الشاهد الله زلمة ماكو منك

ظليت صافن..

ليث: هسة اني شدوس ولج؟ حيرتيني هاي مدح لو ذم؟

-دسكت واسمعني

ليث: اي بلا؟

اخذت عضة من فخذ الدجاجة، وحطيت فوكهن خاشوكتين تمن ترست حلكي ترس.

-هو انت صح جنك واحد مشوه، واذا سولفت تجفص، واذا عصبت تفقد، واذا واحد ضوجك تحقر وياه بس تبقى خوش ليوثي وألف وحدة تتمناك

حطيت ايدي ع خدي وامضغ بالاكل بتفكير وصافن عليها بملل.

ليث: بس اريد اكلج شغلة، ابنج لو عدوج اني؟

-ياا غير ابني!

ليث: لعد هو هذا حجي؟ يعني تخيلي مثلا مثلا مثلا، ها مثلا مو تصدكين!!

-فتهمنا لتلح

ليث: خوش، اي تخيلي رايحين نخطب وسألوج عليه، وكلتيلهم هذا الحجي شتتوقعين طردتنا شلون تصير جلاليق لو مرافس؟

-ايبااااخ حتى اكضهن امعطهن معط وعلي، تايهين الهن جلاليق ومرافس

ليث: اشتغل العرگ البصراوي لك هلااا خالليييي

طكيت اصبعتين وكلت بضحك.

وما احسلك الا فجلاية نامت بكصتي، ع شوية جان فكست عيني.

ليث: هاي شبيييييج!!!!!

-وشباچة لهالحلك، لا تتمركص احترم النعمة

ليث: هو انتِ بس عليه تطبقيهن ذني

-دنجب واكل بسكوت

ليث: هو هم هيج

رجعت اكل واباوعلها بملل، ولله هايهيه بس هاي الناقصتني ست ايمان تظل تبيس بيه عبالك جايبتني من الشارع.

سكتت شوية، ورجعت سألتها.

ليث: ترا لو لاحظتي، اني لسة ما اخذت جواب منج

-جنك تريد فجلاية بعد انيمها بالجهة اللخ

ليث: نعمة الله لشمرين بيها حرام، لو هذا الحجي بس عليه؟ انتِ متطبقي

-استحقيت الفجلة الثانية

شمرتني، ملت براسي بس هالمرة كدرت اتجنبها ولزمتها بأيدي.

ضحكت بأنتصار وكلتلها واني رافع الفجلة بايدي لفوك.

ليث: دخلنا يا عراق انذار، تحزم جيشك الباسل، جف غيرة والثاني ناررررر، يا ستااااااار يا ستااااااااررررررر وهلا هلا هلا هلاااا

اسوي جف غيرة والثاني نار، ورافع بايد فجل وبايد فخذ الدجاج واهز ركبة.

-كون النعمة تكلبك شاذي

حطيتهن بالكاع وجريت بوش.

ليث: استغفر الله، كله من وراج خليتيني اتحمس وتهيج قاسم السلطان الي بداخلي

-ليش هي هاي يمته لقاسم؟

ليث: العببب، امونة هو انتِ ميدانج قاسم السلطان شمعرفني اني

-اي غير هذا الصوت العذب مال ايام كبل..

باوعتلها بحالمية وقلدت نظراتها بمرح.

ليث: العندليب الشجي، الطرب الاصيل ابو قاسمممم

-شوف شلون يلهيني

ليث: اني شعليه، غير انتِ ما صدكتي اجة اسمه وضربتيلج صفنة جنج مراهقة

-ليث كوم من وجهي لا ابتلي بيك!

حجت بعصبية فأردفت بمرح حتى الطف الاجواء.

ليث: تدللين كايم، بس فدوة لخشمج الحلو، كليلي وريحي كلبي، اذا اخطب وحدة ترفضني؟

-ولك انت خبل! غير اشاقيك هي منو البطرانة هاي الي تتقدملها ومتوافق، غير حظها كاعد من حصلتك، ولك ابو حلك انت الف من تتمناك

ليث: هذا الحجي المعدل، كفو من شاربج امونة

-شنو ولكككككك؟؟!!

حسيت ع جفصتي، فكلتلها محاول ابرر موقفي.

ليث: اسف عبالي سجاد لو شاهين، متعود اكللهم هيج

-لا انت مو وجه نعمة، اذا واحد ضحك بوجهك يبتلي، اني الك سكتتلك هواي ولك *****

كامت ورايه واني سويت الدرب شبختين.

-اوكف ابو كراصيع!!!! اليوم اطيح حظ حظك

ليث: اللله افلتتتتتتت

ظلت واكفة تهدد تهدد، واني قافل الباب.

-كونك زلمة كوم افتحلي الباب

ليث: درجعي لكرفساتج الله يخليج

-مو اذا ما تفتحها اكسرها ع راسك وراس الخلفك

ليث: اذا تكدرين وبيج حظ، كسريها يلا

-لا يا ****

ليث: هواي غردتي اليوم، بسچ ما تعبتي

-دخل افوخ كلبي واراويك التغريد ع اصوله شلون يصير

ليث: العبببببب، يعني هذا كله هيج مقبلات

-اي عفيه، ضامتلك قوزي غلط ع تبسي فشار وضلوع باجة الا تلوك لوجهك

ليث: امونة احنه هيج شقة منشاقة، الا الاكل لتدخلي بيننا رجاء ترا جوعتيني ومصار ربع ساعة من كملت غدة!!

-مو عبنك هايشة متشبع

ليث: واني اكول شاهين ليش يصيحلي هايشة، طلعتي انتِ السبب، مع الاسف

-الهايشة معروفة للكل، مو الا واحد يعرّف عنها

ليث: ديلا ميخالف ..

دك تلفوني سجاد، فتحت الاتصال وخليت المايك مشتغل.

سجاد: الوووو

-وعلو تنام بلهاتك ترا اني يمك مو بالموبايل

سجاد: هايشكو ليث؟

ليث: ماكو بس امونة دتقسمـلي

سجاد: سلملي عليها عود

ليث:يوصل، خيرك ليش خابرت؟

سجاد: حبيبة الكلب هنا

اردفت بصدمة..

ليث: قصدك اميمة؟

سجاد: اكيد اقصدها، بعدين كم حبيبة كلب عندك انت!!

ليث: بس هي يابة، بس توترت شجابها عليك مدري انت شجابك عليها

سجاد: مو فنك اني وينننن؟؟

ليث: وين يعني مو عفتك قبل ساعة بباب بيتكم وطبيت لبيتي؟!

سجاد: لا حبيب، افتريت ورجعت لعقاب لان خابرني ورحتله للبيت

ليث: خير خو ماكو شي؟

سجاد: دتعال هسة لتفوتك الفرصة، وعود افهمك وجه لوجه

ليث: ديلا جاييييك

سديته وطلعتلي قميص عالسريع لبسته ولبستلي بنطرون.

طبعا هالحجي والست امونة واكفتلي تتصنت وتتسأل منو حبيبة الكلب والمن تريد تروح مو هستوك اجيت.

اخذت غراضي، وكملت فتحت الباب تلكتني ايمان تبصبص بشك.

-ها خير يا طير؟

ليث: خير يحلوة خييييير

-شنو سبب هالابتسامة ومنو هاي حبيبة الكلب ها؟

ليث: متعرفيها يعني، غير الدوووولمة!!!!

غمتني وراحت، ضحكت على رد فعلها..

-واني الصدكت حابلك وحدة مثل هالولد، ظل ظل حايرلي بالاكل والي بكدك عنده درزن جهال

دا البس بحذائي واكللها..

ليث: بالعافية عليه، بعدين انتِ مو تكولين كلمن عليه بروحه وشعلينا بالناس؟ ليش تقارنين هسة؟؟

خزرتني، كلت هاهيه رح نبدي جولة جديدة من الجفجير، اطلقت رجليه للريح وفلتت.

اخذتلي تكسي نزلت يم بيت عقاب، طبيت لكيت عقاب وقسورة وسجاد كاعدين، ويمهم المعلمة ام جنات وبناتها، وام اميمة واميمة.

سلمت، ردوا السلام واخذتلي زاوية يم سجاد كعدت بصفه.

ظلوا يتحمدون لعقاب عالسلامة ويوصوه يدير باله ع نفسه.

تركيزي جان منصب يم اميمة، حليانة مدري شوقي الها ديخليني احس بتغيير حلو بيها..

الدنيا تروح وترجع بالسوالف واني ضارب عچس وصافن عليها.

لدرجة من كد التركيز، حفظت كم مرة رمشت.

456 مرة..

لكزني سجاد، باوعتله اشرلي ع قسورة، الي كايم يجيب مي من المطبخ.

اشرلي بتعال، كمت رحتله.

قسورة: يول مو هيج فشلتنا كدام النسوان! عيونك شيلهن عن البنية!

ليث: واني شمسوي، بعدين منو كلك اني حاط عيوني على اميمة؟؟ لو لان حسبتلها 500 مرة رمشت و56 مرة التفتتلي، عبالك منتبه عليها؟ لا عيني غلطان ماكو هيج شي

ظل صافن ما عنده رد.

قسورة: انت صاحي خياي؟

ليث: صراحة مادري بس يعني ماشي الحال

قسورة: لا كلش واضح، هاك وديلهم هذني كاسات المي، واكعد بصف عقاب حتى لتصير عيونك ع البنية، كافي امها حست عليك فشلة

ليث: عشتو، شحست اني شمسوي، بتها كبالي فعيني تصير عليها لا اراديًا، شتريدني اغمض عيوني مثلا؟!

قسورة: دمشي امشي بس بطرك اللسان

كعدنا وقسورة لزك بيه، كل ما اميل حتى اخطفلها نظرات يميل ويايه ويسد عليه الشاشة.

لعب روحي كلش، اخير شي ضجت انتجيت لورا وكنسلت الوضع.

هو لا اني لمسولف ولا اني ممتع نظراتي بهالجمال، شالفايدة من وجودي مادري.

عذراء: لعد اماني وين شو ماهيه؟

عقاب توتر وسكت، قسورة رد بمكانه.

قسورة: راحت لبيت اهلها رادوها بشغلة مهمة

عذراء: هاا خير ان شاء الله

ام اميمة اردفت بعدم رضى.

-وهي شلون تروح وتعوفك متكول رجلي مريض اداريه شيريد ميريد؟!

عقاب: ما عليه شي خالة، وقسورة والولد باقين يمي فعادي

-اني لمصلحتك خالة، خاف تريد اكل شو شنو

سجاد اردف بمرح..

سجاد: علساس هي شيف شاهين بالطبخ، مكضيها دلفري خالاتي وهذا الرجال لكدامج هو يطبخ لروحه

عقاب خزره واني متت ضحك، لان هذا الاغبر ع لاهيته حجة وجفص.

-يا عود صدك انت تطبخ لروحك!!!

عقاب: عادي خالة ما بيها شي، اذا هي بالدوام اني اطبخ لروحي

-يا يااا !!! غير تسويلك اكل قبل لتروح لدوامها خو ما تعوفك وحدك تدور بالكدور وتطبخ!

عقاب: احنه متفاهمين ع هيج نسق خالة

-اذا مرتاحين هيج، الله يوفقكم شريد اني قابل

المرة من صدمتها حتى وجهها تغيرت ملامحه..

ضحكت كلت خ استغل الفرصة واحجي بأميمة.

ليث: يعني خالة هسة اميمة تعرف تطبخ كلشي؟

-اي لعد شلون، وهي من نوع روحها بالاكل يعني لو تجوع بنص الليل تكوم تسويلها كدر تمن عدس وتشريب

لمعت عيوني وحجيت ضاحك..

ليث: معدلة هاي خالة

شفتها كرصت امها وكلتلها ..

اميمة: بعد بعد افضحيني كدامهم!!

-اي وهي كلش تحب الثريد، بحيث تشله ارداناتها وتتربع وفنك تجرها عن الماعون

هنا وجهها صار احمر من الفشلة والولد كاموا يضحكون.

ليث: صحة وعافية متخليها

-مخليتها خالة قابل كايلتلها لا

ليث: اي زين تسوين..

ظلت بمكانها تفرك بأيديها بتوتر وفشلانة.

ادنيت ع سجاد همستله.

ليث: رح تطك شوف شدتسوي بروحها

سجاد: خطية ولله هههههه

ليث: لتضحك ادبسز

سجاد: اوي سندس متقبلين عليها

ليث: لك باع خدودهااا، تفاح وعلي واني شلون افقد عالتفاح..

سجاد: اثكل ولك ليسمعك قسورة

ليث: واذا سمع، خايف منه قابل

سجاد: نچر اخوووي

ليث: شعبالك لعد

ورة شوية، كامت هي وجنات ترخصن وطلعن بالحديقة.

كلت هاي فرصتك ابو الليوثات، لازم تستغلها.

طرت وراهن، بس شنو سويت روحي طالع اشوف الهوسة والصوت العالي الي جاي من برا.

سجاد غمزلي بخبث وقسورة يخزر حتى ارجع اكعد، اما عقاب رايح بغير دنيا مدري شبيه صافن وباله مو يمنه.

شفتهن واكفات ع صفحة، تقربت منهن ببطئ انتبهن لوجودي.

اميمة باوعتلي ودارت وجهها عني.

جنات: ها ليث رايد شي؟

توترت وضاعت مني الحروف، صدك هو اني شنو اريد؟

ليث: اا اي اي

جنات: تفضل

ليث: اريد احجي وية اميمة شوية

التفتتلي نص التفاتة وكالت بحدة.

اميمة: اعتقد لازم تسألني الي اذا ردت تحجي وياي، مو تسأل جنات

رفعت حاجبي مبتسم واردفت بمرح

ليث: من تنطيني وجهج وما تديرين عني، ساعتها يحقلج تكولين هالكلام

اندارت معصبة.

اميمة: وانت شكو بيه شعليك التفت ما التفت شيخصك؟

جنات: اني رايحة يم الباب، خاف يجي احد اكوللكم

ليث: تسوين فضل

اميمة: عليك مو عليه، وخري شو

دتروح لزمت ايدها، خزرتني خزرة تيهت علومي رئسن هديتها.

اميمة: منو سمحلك تكمشنننييي؟؟!!!

ليث: اا.. اسـ .. ف بالغلط..

اميمة: لا بالغلط ولا بالصح حتى، تفكر ولو مجرد تفكير تعيد هالحركة طخت لو لا؟

ليث: طخت يابه بس اخذي نفس شبيج فاحطة

اميمة: مالك علاقة بيه

ليث: لا الي

ردت مستهزءة..

اميمة: لا ولله؟ شنو علاقتك بلا شو تحجي بثقة ومصدك روحك!

ليث: اهووو هم حجاية مصدك روحك، انتِ صدك ترهمين چنة لامونة

اميمة: امونة منو؟!!

ليث: امي ايمان اسمها

رمشت بصدمة، دفعت ارتباكي للجانب وكلت بثبات.

ليث: اميمة اني احـ ...

قاطعتني لما رفعت ايدها بوجهي وكالت بحزم.

اميمة: اشش لتحجي شي

ليث: بس اني احبچ!!

اردفت بأنفعال خلتني مصدوم.

اميمة: كتلك لتحجيي شي لتحجييييي!!!

ليث: شنو من ردة فعل هاي… شبيج؟!

اميمة: ما بيه وياريت لو تشيل هالموضوع من راسك ومن كلبك هم

كلت ساخر ..

ليث: بهالبساطة؟! هيج سهلة عندج وعادي الموضوع؟!!

شوية شوية بلش صوتي يعلى بغضب ممزوج بالقهر

ليث: لج اني احبج احبججج تعرفين شنو يعني!!!!!!!

اميمة: ماكو شي اسمه حب، ماكو حب ماكوووو!!!

عكدت حواجبي وضيقت نظراتي بعدم فهم.. شنو قصدها بماكو حب؟!

جنات: صوتكم يمعودين ليسمعوكم

ليث: شنو قصدج بماكو حب؟؟ شمدريج ماكو حابـة من قبل ومخذولة احجي كليلي!!!

اميمة: ميخصك هالشي، وخر ليث

دفعتني دتمشي بس رجعت توسطت طريقها مانعها من الحركة.

ليث: ما اوخر قبلما تفهميني شنو قصدتي بكلامج!!

اميمة: لتصيح امي جوة خاف تسمعك

ليث: وتسمععععع!!! احجي دا اكول

اميمة: لتصيح!! متخوفني بصوتك العالي ترا، افتهمت لو لااا!!!!

ليث: لا اخوفچ ولا تخوفيني، سولفي وبس!

تنهدت، بعدها جاوبت بصوت هادئ ..

اميمة: ما حبيت من قبل، بس قصدي بالكلام ان الحب مو شي حقيقي، واصلا مو ياهو الجان يحصله!! مو كلمن انعجب بوحدة وكال احبها يعني صدك حبها، الحب الحقيقي يختلف

ليث: شمدريج يختلف اذا انتِ ممجربته؟ واصلا شلچ بهالفرضيات!!

اميمة: بحكم البيئة العشت بيها، شفت ان اغلب الي يدعون الحب جانوا جذابين، قلة قليلة اكدر اكول عليها فئة نادرة هي الي استمرت وجان حبها صادق

ليث: زين شنو معنى الحب بالنسبة الج؟ ليش تكولين ماكو حب وترجعين تكولين الحب الصادق قليل!!؟

اميمة: ما اريد اتفلسف عليك، بس برأيي ماكو شي اسمه حب

حجيت بأنزعاج..

ليث: هم ردت ع هالحجاية!!!

اميمة: ولله شبيك، يعني شنو تحب شخص؟ تتعود عليه؟ تتعود تسولف وياه؟ تتعود تنام وتطلع وياه؟! اي وبعدين؟ هذا التعويد والروتين ميسموه حب

ليث: منو كلج مو حب؟

اميمة: اني كلت لنفسي

ليث: لعد خلي اصحح لنفسج هالمعلومة، الحُب هو حالة من الاستقرار بالمشاعر، يعني تلقائيًا تلكين نفسج حابة فلان وحابة قربه وسوالفه وكلشي يخصه، وتبدين تتعودين عليه وعلى فكرة وجوده بحياتج، الاعتياد مو غلط اميمة! الغلط بهاي الطريقة الي حاصرة عقلج بالتفكير بيها، الحب شي كلش حلو واني اتفق وياج ان مو ياهو الجان يحصله، بس كلنا نكدر نحب وننحب، اما لياخذ ليحبه فهذا هو المحظوظ الاكبر!!

اميمة: ليث اني ما اؤمن بوجود الحب!

ليث: ولا اني اميمة.. ولا انيي!!

اميمة: لعد شلون تكلي احبج وانت متؤمن بالحب اساسًا؟!

ليث: جنت ما اؤمن قبلما اشوفج، اما بعدما شفتج أيقنت وآمنت بكل قواعد الحب ومبادئه واني الممنون..

شفت بعيونها نظرات مرتبكة على ضعف بالرد، يعني كلامي ديأثر بيها!!

ليث: اميمة تعرفين شنو يعني تكونين شعور اليقين التام لشخص غير قنوع غركان بالتساؤلات؟! تعرفين شنو يعني تكونين النبضة العنيفة المغايرة لشخص صحة گلبه طبيعية؟!

اميمة: زين تعرف شنو يعني تكون انت فكرة الاطمئنان بالنسبة لشخص عايش بخوف وقلق مستمر؟!

اردفت بابتسامة هادئة..

ليث: اول مرة شفتج بيها تملكني احساس غريب بعمري محاس مثله، رغم شكد الولد يحجون كدامي بالحب بس جنت اكول هذوله بطرانين كله جذب، بس من شفتج تغيرت كل افكاري وآمنت فعلا ان الحب موجود!

اميمة: شنو ليثبت انو كلامك صحيح واحساسك حب مو شي ثاني؟

اشرت ع كلبي وكلت..

ليث: هذا الي يثبت .. بس تخلين ايدج عليه حتحسين بصدق نبضاته ومشاعره، لج انتِ سببتيلي رعشة بكلبي مثل رعشة اول بوسة للبنات!!

تاهت بكلامي وبنظراتي، وللصراحة اني نفسي ماعرف منين ديطلع هالحجي وياي، بحيث مصدوم بروحي، شحال هي!!

اميمة: ااا ليــ .. يـث..

ليث: ها يـرعشـة گلبه..

اميمة: رأيي نفسه ما تغير..

تنهدت، وحاولت ما ابينلها حزني.

ليث: انتِ بس لتقفلين، سوية نغيـره شكلتي؟

اميمة: مادري..

اجتي جنات جرتها بساع علساس ديتمشـن، انداريت شفت امها وعذراء طلعن هن وميقات والولد.

بلعت مشاعري المضطربة حاليًا، وحجيت ع نفس طبيعتي.

ليث: ها وين جان ظليتوا عالعشا بعد وكت من هسة

عذراء: متقصرون خالة، احنه اهم شي اطمننا ع عقاب هذا هو كلشي منريد بعد

ام اميمة: اي ولله، انتو هم ما اوصيكم بالكم ع اخيكم وعلى روحكم

قسورة: ان شاء الله خالة

-يلا اميمة ماماتي خلي نروح

ليث: اني اوصلكم خالة

-لا ميحتاج، هياته بيتنا خمس دقايق منطول

ليث: حتلو براس الشارع، غير خطارنا صدك جذب

-لا يا امي اهل احنه ماكو بيننا واجبات

ليث: اي خالة ان شاء الله اهل

باوعت لاميمة من حجيت، كلبت عيونها بملل و دارت وجهها

ليث: سجاد السويچ

سجاد: اي خياي هسه

راح جابلياه واجة، مال سيارة عقاب.

شغلت السيارة وصعدت، وهن وياي.

رغم موقفها الفاشل وياي، بس مكيف لان رح اندل بيتهم!!

سنترت المراية ع جهتها، وظليت اخطفلها نظرات طول الطريق.

عابسة ورايحة بغير دنيا، ادري ليصارحوها بحب غير تفرح شو هاي تختلف!!

لا و طريقة تفكيرها ونظرتها للموضوع كله خلتني متفاجئ!

يعني صح جنت متوقع ترفض، بس مو بهيج كيفية وهيج منطق ابدًا!

وصفتلي امها الطريق، نزلتهم يم باب البيت.

مو بعيدين عن بيت عقاب، شغلة 4 دقايق 5 توصللهم.

-عاشت ايدك، زحمناك ويانه

ليث: لا خالة تدللون، ما سويت شي

-مع السلامة

ليث: الله وياج

انداريت لورا اباوعلهن من نزلن، شكد تمنيت تخلي عينها بعيني بس ما سوتها!

ظلت دايرة وجهها وممنطيتني اي انتباه لحد منزلت!

ضربت ع الستيرن بضوجة وشغلت السيارة راجع للبيت.

واول ما وصلت، انصدمت بألي شفته.

سحبت سلاحي ونزلت اركض..

كالرعـشة التي تلازم فؤاد فتاة يافعة قد حظت للتو بُقبلتها الاولى، هكذا كان حال فؤادي عندما رأيتك..
بقلم: نورمين

.....

انتهى

لا تنسوا التصويت والتعليق 🖤🦋

#الكاتبة نورمين