خذ بيدي ولا تسألني الفصل الثامن عشر 18 - بقلم نهى

خذ بيدي ولاتسألني

ام رضوان
-شنو وين الوعد اشو مشفنا شي منكم لحد الان
دخلت للصالة وشفت ام رضوان دتحجي بالنقال
وشافتني ونهت الاتصال
ام رضوان-يالله يالله مع السلامة بعدين احجي وياكم
التفتت علية
-شنو حبوبة اليوم مناوية تنزلين وتسوين عشا اني مو اليوم گلت عازمين بيت اخوي سرمد
-اي خالة هسة مراح اطول ترة العشا ميحتاج شي
-شنو شراح تسوين
-راح اسوي شوربة ومقبلات وكبة
هاجر-اي صدك رضوان قبل لايطلع كال راح اشوي كباب واجيب لبن ورگي وياي
-اي واني راح اسوي كيك الهم بعد العشا
-ايه يالله لعد اتحركي من گدامي لتظلين صافنة بوجهي خفي ايدج

لو اعرف هاي المرية شوكت تحن وتصير مسالمة وياي
-اگول هجورة اشو مدا اشوف كرار وينة خو منام
-لا اخذة رضوان وياه
مگلتي شنو گال رضوان على اللوك الجديد شنو رأيه
-لا مكال شي

اهوووو يهاجر شذكرتيني اني اريد انسى لحظة الاحراج الي سببتها لنفسي ولرضوان
طلعت اللحم وطلعت مواد الشوربة وگعدت ابلش اطبخ
وهاجر اتجهت واستلمت المقبلات
وعقلي كلة عند رضوان رحت دنگت عالكاونتر اريد اطلع الصحون سحبت سيت كاسات ورفعت راسي
بس حسيت افترت بية الدنيا ووگعت مني الكاسات
-اسم الله حبيبتي شبيج يالله يالله فدوة انطرد الشر
-والله ما ادري شبية دخت عبالك صاعدة بمصعد
سحبتني هاجر من ايدي وكعدتني على كرسي ميز الطعام
-تعاي گعدي ارتاحي اليوم كضيتيها كلة فرة تلكين روحج لان ممتعودة على هيج طلعة طويلة برة البيت
-اي والله صدك اني ابد ممتعودة وهاي ام الصالون هلست شعري هلس بالصبغ والتغذية
كعدت شوية ارتاحيت ودخل رضوان وشافني لازمة راسي وهاجر واكفة قريب علية دتسوي المقبلات
-شنو رونق سلامات شبيج
-مبية شي بس شوية لزمتني الدوخة
-گومي خل اخذج للمستشفى سوي تجييك عام
-لا ميحتاج هسة شوية واصير زينة

- لعد كومي تعاي صعدي فوك بالغرفة ارتاحيلج شوية

رفعت راسي وصارت عيوني بعيون رضوان ابتسم نصف ابتسامة
اني بسرعة دنگت مد ايدة وگومني
-لا رضوان ميصير اصعد هسة خل اخلص العشا
اليوم امك عازمة بيت اخوها
-اخ الله امي شتحس هي مو تدري بية اني اليوم نازل
مجاز ليش تسوي بية هيج يعني حتى مبية حيل مجاملات ولازم اگعد يمهم والله تعبان
رونق وهي تمد ايدهة وتلزم زند رضوان حتى تهدئة
-لاعفية رضوان لتسوي مشكلة وية امك وانت اليوم جاي

التفت عليها وحس بيها تخاف من المشاكل لان يعرف امة مراح تكدر عليه لكن راح تصب غضبها على هاي المكرودة
التفت على ايدها شلون لازمتة لاول مرة تلزمة وتتصرف بطبيعية
-لتخافين لخاطرج راح اسكت وابلعها هالمرة
اخذ كرار ونزلة للگاع ولزم ايد وحدة منة وگعد يمشي
وكروري يصيح بابا....بابا
-دتعال يابعد گلب بابا
حسيت بهاي الكلمات الي گالها لكرار شي مس گلبي لاول مرة
احس نظراتي بتجاه رضوان بدت تتغير وصرت اشوفة بغير منظار
يعني بالاول كنت اشوفة حبل النجات الي ساعدني
لكن الان اكو شي اتغيير بداخلي
حسيت بمشاعر جديدة
ما اعرف اوصفها
او بالاحرى اخاف اترجمها
حسيت بنفسي داخلة بصراع

من طلعو من المطبخ التفتت على هاجر دتسوي زلاطة
هاجر-تعرفين لاول مرة اشوف رضوان يسمع كلام احد
-شنو قصدج يعني هسة هو يعتبر سامع كلامي
-اي لان گدرتي تغيرين تفكيرة ومخليتي يروح يتعارك وية ماما ولو وحدة غيرج توزة وتخلي حتى يزيد على امي
-لا عادي اصلاً اني اكره المشاكل والله اخاف منها
-تعرفين صرت اتمنى امي الله يحنن گلبها عليج لان انتي خوش بنية وحبابة وانتي الوحيدة الي راح تتحمل امي ورضوان لان هاي تمارة بنت خالو سرمد ميصرفلها حتى تعيش ويانة هنا احتمال تخلي رضوان يعزللها ببيت لوحدها
من ذكرت اسم بنت خالها الي خطبتها عمتي لرضوان
گلبي انقبض
غيرت الموضوع لان اذا احجي بي احتمال ابجي وما اعرف ليش ابجي على شنو
-تدرين هجورة احس بيج دتضعفين شوية شوية
-اي لج سكتي رحت البس ملابس الي اشتريتهم ذاك اليوم كانو ضيكات علية هسة صارت زينة علية حسيت بالفرق
-شوفي بس استمري على الجدول الي سويتة الج وكولي گالت رونق وشوفي شلون راح تضعفين
-تدرين اليوم راح يجي نشوان ابن خالو سرمد
-مسامعة بي
هاجر وهي تسرح وتحجي بصوت ناصي
-اهووو سكتي بيني وبينج الحجي هذا نشوان الحب السري هذا الكبد مالتي
-وهو يعرف انتي تحبي
-لا يابة ولا اتجرء اصلاً احجي وياه اني حدي بس اعجاب بالنظرات فقط
هو اصلا ميباوع علية والله يمكن يخرب من الضحك اذا يدري بية اني معجبة بي
-ليش حبوبة يضحك عليج شنو شناقصج
-اهوو رونق خلينا لنغشم نفسنا ونضحك على روحنا اني المثلي اصلاً منو يشتهي يباوع بخلقتي مدتشوفين عبالك سايق تريلة لوري گصاب هاي كلهم الالقاب الي يطلقها علية الجميع
-لاغلطانة هجورة الي مثلج اخلاق وادب وحنونة وطيبة
صدكي بالله هذني الصفات بهاي الايام متتحصل نادرة الوجود بالبنات وانتي ترة بس تحتاجين تضعفين واذا التزمتي هاي السنة شوفي شلون الخطابة تصير تدگ بابكم عشرة عشرة
-اني الله وكليج ما اريد العشرة اريد بس نشوان الي
مو بحالي ابد
-انتي شمدريج راح يجي
-عن طريق بنت خالي بتول تصير اخت نشوان وتمارة
هي توصلي الاخبار اول باول
وگالت وصل من السفر عندة عطلة لان هو يدرس طب اسنان بالمحافظات فاليوم بالصدفة جاي وخالو عزم نشوان
ام رضوان-صلوات على محمد انتن هنا گاعدات تدگن سوالف وهاملات الطبخ والبيت
هاجر-شنو السالفة يوم ترة كلشي نظيف بالبيت وهياتة خلصنا العشا ورضوان جاب كلشي بقة بس ننتظرهم
-اني مو گلت متجاوبين وتمدين اللسان وياي
-اهووو هسة اني. شنو گلت حتى انتي بسرعة تزفيني بالرزايل حصرة علية احجي
-اكلج تكومين من گدامي يالخبلة لو اجي اعلمج شلون تراددين الظاهر من عاشر قوماً انتي قبل ما تلاسنين
هسة صايرة السانج شطولة
رونق اني گمت سحبت نفسي منهم بدون متحس علية خاف تنتبه علية وتظل تحجي وتنطيني المقسوم
رحت صعدت فوك شفت رضوان مشغل الTV
ومتابع فلم اجنبي ومنطلق وحاطلة كرزات وكرار متمدد بصفة ياكل جبس بس مسوين الغرفة مهرجان بالزعابيل
دخلت ظليت احجي عليهم
-صدك جذب رضوان هاي شمسوي بالغرفة والله اليوم طلعتها كلهة ونظفتها زين ليش كشور الكرزات بالگاع
مطشرة
-والله مو اني جنت حاطهم بالنفاضة بس هذا الوحش اجة وطشرهم
يأشر على كرار
وهذا اللاخ يباوع لابوه يأشر عليه وهو يضحك ويحجي
كلمات مخربطة بلغة مكسرة كلشي مفتهمت منة
-هسة مفتهمت منو بيكم المجرم
ظل اثنينهم يباوعون علية ابتسمت الهم
اتمنيت اخذلهم صورة لمنظرهم هذا
وكعدت انظف الغرفة وكلساعة ادنك اشيل غرض من الگاع
-والله يا كرار ينرادلك لوحدك اثنين امهات يالله يكدرون يكملون شغلك اكبر مزعبل
-زين وابو كرار ترة حباب ميتعب يحتاج بس وحدة
اني جمدت متوقعت رضوان يسمعلي
دنكت وعفتة واخذت كرار بالگوة ودخلتة سبحتة بالحمام
وبدلتله ملابس حلوة حتى خاف يجون
واني لبست دشداشة نيلي بيها وردي مطفي مرتبة
وحطيت
شوية ميك اب لان بيت خالهم كارثة باللبس والترتيب كلة عالموديل
انتبهت على رضوان فتح الكنتور وطلع شي من عندة
واقترب مني ومد ايدة گدامي
-هاج لزمي هاي الج
دنگت شفتها علبة مال ذهب اخذتها من عندة
وفتحتها اتفاجئت كان بيها حلقة وسوار
اشرت على روحي
-هاي الي الحلقة والسوار
-لا لأبوية طبعاً الج بالله شو لبسيهم خل اشوفهم عليج
والله لبستهم طلعت الحلقة على قياس صبعي فيت
ولبست السوار كان يجنن
اول مرة بحياتي واحد يذكرني بهدية رفعت راسي وكانت الدمعة بعيوني
-اشكرك رضوان على هاي الهدية راح اعتز بيها متتصور شلون فرحت
-بالعافية
انتبهت عليه شال كلينكس من العلبة واقترب مني
وحطها على شفايفي وهمس باذني
-ما احب واحد يشوفج وانتي حاطة مكياج لان هو انتي من غير كلشي تلفتين انتباه ونوب حاطة حمرة للشفايف بارزتها بصورة مغرية وكأنما تگولين للناس اريد بوسة
الله وكيلج ترة مو عبالج خلصت سالفتي وياج ترة گوة لازم نفسي عنج فلا تستفزيني بهاي الحركات
اخذت الكلينكس من ايدة وكعدت امسح
سحب الگلينكس مني ولزم الحنك ورفع وجهي الة وگعد هو يمسح بالشفايف انتبهت عليه باثناء المسح يعض بشفتة
اني گلبي صار طبل وصرت احس بالنبض صعد لرگبتي وگام ينبض
اخر شي ترك الكلينكس من ايدة وحط صبع الابهام على شفتي التحيتية وعصرها ودفعها بحيث صار صبعه تقريباً بين شفايفي
حسيت عليه ذاب وقرب علية وحط شفايفه بمكان صبعه مكدرت صرت ارجف لزمت ايديه خفت لا اوگع لان رجلية متشيلني
كمزت من مكاني ودنگت وشفت
كرار بين رجلية اني ورضوان ويدفع بية وحاضن ساق رضوان
بابا ...بابا
اني بسرعة ابتعدت
-احم احم اني راح انزل واخذ وياي هذا الوحش وانتي كملي ونزلي احتمال وصلو بيت خالي
هو طلع وسد الباب وراه واني گبل گعدت على السرير عبالك جنت بحلبة مصارعة لان حيلي كلة راح
كملت ونزلت جوة وشفت بيت خالهم واصلين دخلت عليهم بالصالة
وسلمت عالكل وشفت تمارة شلون تباوع على رضوان
وانتبهت على
هذا العلة ابن خالهم سرمد لؤي موجود
وواحد ثاني كاعد بصفه لابس نظارات طبية
شي اكيد نشوان
المهم هذا الي اسمة لؤي اكلني اكل بالنظرات
وعيونة منزلهم من علية بحيث استحيت يعني شايل وقاحة مشايلها احد
خفت لا رضوان يحس عليه
ابو رضوان تعاي بوية رونق فوتي هذولي اولادنا مو غربة
اشر على واحد مرتب بس ضعيف كلش بس حلو لابس نضارة طبية
-هذا نشوان ابن خال رضوان
وشي اكيد تعرفين لؤي
كان ضخم وصاحب لحية حلو مملوح بس محبيتة مبين جريء مو مثل نشوان مبين حباب
-وهذا لؤي هم ضابط مثل رضوان
اني سلمت عليهم ووانسحبت وگعدت بصف رضوان
الي كان ملتهي يسولف وية خالة سرمد ابو تمارة
اني كعدت بس فاجئني لؤي من سئلني
-انتي زوجة رضوان
-اي اني زوجة رضوان
عجيب هذا شنو من صلف يعني كان يكدر يسأل عمو ابو رضوان هذا السؤال ليش يجي يسألني الي
-اني ما ادري وين شايفج شكلج مو غريب علية
التفت عليه رضوان
اتفاجئت برضوان شكد نبه وفطن
على الرغم ان هو كان يتكلم وية خاله سرمد لكن الظاهر سمعه وباله كان كلة عدنا
-اتوقع انت متوهم لان زوجتي ابد متطلع من البيت فمستحيل تكون شايفها الا اللهم مشبه عليها
رفعت راسي وسرقت نظرة من هذا الي اسمة لؤي
يااا عزة اصخام هذا يحجي ويباوع علية شجاه اتخبل
حسيت بكرصة بروكي كمزت التفتت على رضوان اشرلي بعينة بمعنى اطلع من الصالة فاجيت اطلع كمت من يم رضوان كانت الصالة بيها طخم قنفات تركي فكان نشوان ولؤي كاعدين عالطرف قريب على باب الصالة فلازم اقترب منهم واطلع من الباب صدمني لؤي مد ايدة بكلينكس
-هاج اخذي شفتج بيها دم

بالقران بلحظتها لو انذبح قطرة دم مابية يمة هذا شنو من بشر شديسوي ترة صدك مصخها
اني من زود الارتباك
اخذت منة الكلينكس وطلعت كبل بوجهي للمطبخ انتبهت على روحي شلون اخذت نفس عميق اثاري كنت حابسة الانفاس من ورة هَـذا ابن اللذين
على اساس اني ناقصة مشاكل ويجي هذا البطران يجملني
جنت حاطة ايدي على صدري وايدي اللاخ ساندتها على ميز الطعام
دخل رضوان وهو يخزرني
-شوفي رونق ديري بالج اذا اشوفج بعد تدخلين للصالة فاهمة
هزيت راسي ب(نعم) مثل الطفلة المعاقبة
خرب حظي هسة عودك اني شبية خايفة عبالك لازمني متلبسة بس والله خفت لايروح رضوان يسوي وياه مشكلة من وراي
انتبهت على رضوان سحب المنديل من عندي
ومسح شفتي
-شفتج بيها دم الظاهر جنت وياج قاسي ذكريني المرة الجاية اكون رقيق وياج
رجع ضغط على شفتي بس بقوة بحيث اتأذيت

-انتبهي ترة هذا لؤي مو راحة
وزاد بالضغط
الظاهر كان حيل متمعن بتقاسيم وجهج لدرجة ان حتى انتبه على شفايفج
اخ الله اتمنى مو خطارنا ولا ببيتنا جان مسحت بي الگاع هالهتلي
-اخ اخ رضوان اذيتني
انتبه على نفسه وابتعد
-يالله صبو العشا
دخلت علينا تمارة وبتول وهاجر
انتبهت على تمارة اقتربت من رضوان وسحبتة من زندة
وهي تحجي بدلع
-رضاوي تعال سولفلي شنو اخر مغامراتك واخبارك اشو ناسيني
تتذكر من جنت كلشي تحجيلي شنو يصير وياك بالدوام او بالكلية بكلشي بحياتك شكد حلو جنا اصدقاء لكن اخر ثلاث سنين كطعت عني
والتفتت علية انطتني نظرت تحدي
سحبتة وطلعت وياه برة المطبخ عالحديقة وراح كعدو عالمرجوحة
بس عودك اني شنو انتبهت لروحي لازمة جدر الشوربة وهو عالنار بدون ما احس على روحي الا من طلعو يالله حسيت بالحرارة ووخرت ايدي الي انجوت من ورة هذولي
اخ يمة احس الدنيا احترت
-هاجر عفية فتحي التكييف احتريت
-اوك بس اصبريلي خل انقل كوس الزلاطة وصحون المقبلات لغرفة الطعام
اباوع عليهم من شباك المطبخ شلون يسولفون وهي مدري شنو تحجي وهو خربان من الضحك اوف يمة
والله لو هسة واحد يطخني ابجي
شنو ماخذين راحتهم اجت من خلفي هاجر
-لتضوجين ترة رضوان وتمارة من همة وصغار متعودين كلة يحجون ويسولفون سوية والله حتى كانو يدرسون سوة ترة مو عبالج علمود امي خطبتها الة همة هيج صارو قريبين لا ترة همة من زمان هيج وعلاقتهم قوية كأصدقاء مع بعض
زين اني شنو ذنبي اشوفة هيج منطلق وياهة واني زوجتة اشو ابد ولا يوم شفتة هيج يضحكلي ومنطلق وياي مثلهة
ماعرف شسوي احتاريت اتمنى اروح اكعد بنصهم
ادري هي شدعوة عليها هيج كاعدة قريبة عليه
والظاهر هو متونس وماخذ راحتة
اوفف بعد ما اتحمل طلعت متوجهة عليهم من باب المطبخ وصار بوجهي وية طلعتي لؤي اني دنگت وكملت طريقي ورحت على رضوان الي انتبه علية جايتهم
وشفتة انتبه على الي جاي يمشي خلفي شفتة خزرني
بغضب
رونق وهي تقلد دلع تمارة وتريد تذكر رضوان
-رضاوي حبيبي تعال اتعشا ترة صبينا العشا
گام وراح عالمطبخ وسحبني وياه التفتت عليه وشفت لؤي طلع لباب الشارع
ودخلني للمطبخ واتفاجيء بالبنات موجودات ومگدر يحجي شي بس حسيت عليه النار تريد تطلع من عيونة
ترة حلوة هاي بعني فوگ حگة دگة
همس باذني
-ولج انتي شنو ناوية تتحديني وتستفزيني
-لا والله ماعندي هيج نية بس حاسب نفسك الاول قبل متحاسبني
وشوف شلون مصختها وكاعد وياهة صارلك ساعة تدك سوالف وضحك وية هاي القصبة ام كفشة
وبعدين تعال احجي علية لتطلع حركتك بية يا استاذ رضاوي
ومن بعدها صرنا اني ورضوان على خلاف لاول مرة اصير بينا مشكلة وكانت السبب تمارة
وهو كان السبب لؤي
وبمرور الايام كثرت جيات لؤي لبيت عيالي
واغلب الاوقات يجي يكعد وية عمتي ام رضوان اذا ما لگة الولد واليقهرني حتى تجيبة يگعد بالمطبخ ويانة اني وهاجر
اشوف هاجر عادي وياه تتصرف وهو هم سبورت ودمة خفيف بس اني اتخبل منة
لان مادام هَـا جياته تكثر بس من رضوان وعمو يكونون خارج البيت
ما ارتاحلة وكل يوم يجيب وياه الي حاجة لو مرة عطر
واني ارفضهم بادب
لكن عمتي تفشلني تكلي اخذي حالج حالنة
مايرد الكريم الا البخيل
لو يجيبلي شال لو ساعة ايد
هاي من غير الكلمات الي يسمعني اياهم بحجة الشقة
بس اني ابد ولا انطيه مجال واغلب الاحيان اتركهم لوحدهم واخذ كرار واصعد لغرفتي

يتبع