خذ بيدي ولا تسألني الفصل السابع عشر 17 - بقلم نهى

خُذ بيدي ولاتسألني
للكاتبة nuha-d-h

سافر رضوان والتحق بالدورة مالتة وبقيت لوحدي اواجه مصيري ويه اهله الكل صار ينظرلي عبالك اني سبب
مرض امهم
نزلت مثل كل يوم دخلت عالمطبخ وحطيت القوري عالنار
وكترت المطبخ مگلوب گلاب من ورة عيد الميلاد الي ملحك كرار يتهنة بي رحت عالصالة وكعدت انظف بيهة ولميت الهوسة وشلت الصحون وبديت انظف وگلبي محمل ويحجي بالورطة الي طاحت فوك راسي
البارحة من طلع رضوان بالليل من رحت انام قررت ان اكسب رضوان هو صحيح كلامة اني ميصير اسوي هيج بي وهو الي عليه سواه
وهسة الامر راجع يمي على الاقل احاول
ولو الفاس طاح بالراس وامة ورطتة بخطوبة بنت خالة
لكن احاول
طبعاً ام رضوان مبطلت تنگ براسي وتذب كلام يسمم
لكن اتحمل عين لاجل عيناً تكرم شسوي لخاطر رضوان
اني اعرف كلش زين
هو هرب او بالاحرى عمي الي
گال اطلع ما اريد اشوفك اگبال وجهي والله كلة من وراي
سودت حياة الولد الي جان كافي خيرة شرة وعايش حياتة طول بعرض يعني هو هم الله يساعدة خطية هو ضغط على روحة واتزوجني وستر علية على الاقل هو حاول وسوة شي من جانبه الا اني مسويت شي بقيت مثل الصنم الي واگف بمكانه وانعي حظي لا حاولت وياه ولا اقتربت منة وبعدين بكل وقاحة ارفض زواجه من ثانية على يا اساس رونق اصحي على نفسج انتي لازم تتصحين وتصيرين قوية وتگعدين تدافعين عن حقج اي
رضوان من حقي اني وكرار
كمت كل يوم اشتغل وانظف وعيني عالباب
انتظر رضوان بلهفة بلكي يرجع
صرت اتنصت على اليحجون برضوان بلكي اسمعلي شي عن اخباره
صرت اباوع عالنقال اريد اتصل ومستحية اتصل واطمن عليه لو عيب
ام رضوان-شنو حبوبة وين صافنة احجي وياج من الصبح وانتي بالج مو يمي شنو سالفتج
رونق وهي تلتف على ام رضوان وتشوفها كاعدة عميز الطعام وتفر بيدها
-شنو گولي عمة اسفة منتبهت عليج
-اگلج اليوم اجت حماتج سهير عليج وانتي جنتي طالعة للمستوصف تلقحين كرار انتظرتج شوية وراحت
-مگالت شنو رادت شعجب مو من عوايدها تجيني
-واني شمدريني مگالت ظلت شوية تسولف وراحت

خل اخلص شغلي واتصل عليها اشوفها شتريد
لان هي مو من طبعها تجي وتسأل علية
رحت شلت كرار الي بدة يخطي هاي الايام وغسلت وجهة صار كلة كاكاو
ام رضوان -اليوم راح نعزم بيت اخوية ابو سرمد وعائلتة
علمود اليوم راح ينزل رضوان
اني من سمعت كلام عمتي ان رضوان اليوم راح ينزل گلبي ظل يدك حيل ما اعرف ليش حتى فرحت لان ذيج الايام عبالك مثل المسلوبة روحي حسيت بهواي فرق من ورة فراگه اتعلمت على صوته بالبيت وعلى سؤاله عني وعن كرار وكل يوم يدخل علينا وجايب وياه شي لكرار
خطية كان اذا يرجع من الشغل حتى او
تعبان لكن اول ميشوفنا يبتسم يارب شكد اشياء جنت محاسة بيها هسة يالله حسيت والله خطية رضوان الله بلاه بوحدة گلبها اعمى ومتعلق بغيرها بس اني لازم اضغط على نفسي وصار لازم احسس رضوان ان هو مهم بحياتي اني وكرار
اي صدك هو ليش ما اتصل بية هاي الايام ولا حتى سأل يالله هو المفروض اني اتصل اهوووو والله التفكير راح يخبلني
هاجر-هَـا رونق مو اتفقنا اليوم نروح واخذج للصالون

طبعا قررت ان اخلي هاجر تاخذني لصالون قريب عليهم اسوي وجهي وشعري
ام رضوان -شنو على وين ترحون واليوم عازمة اخوي
رونق-اي خالة الحك اسويلهم انتي كلتي عازمتهم على العشا شوية منتأخر
-اي ماما منتأخر هي هياتة هنا براس الشارع الصالون
والله كملت طبخ الغدة وخلصت تنظيف البيت كلة
وهاجر راحت على الاستقبال مطلعتها كلها ومنظفتها
رحت صعدت فوگ وبدلت واخذت كرار وياي
للصالون
رحنا وشفنا عندهم بس زبونة واستلمتي الثانية من دخلت عليهم الساعة ١٢الظهر لحد ما گالت الساعة ٥ حفافة وكص وصبغ وتغذية وتنظيف الجسم وبشرة
اني شعري واصل لنص ظهري
التفتت على هاجر وسألتها
-اگول هاجر رضوان شنو يحب الشعر الطويل لو القصير
-اممم اتوقع الطويل ههه لان اتذكر مرة جان يجر فاتن اختي من كصايبها ويگول اموت على البنية شعرها طويل لان كلش اتونس من اجرها من كصيبتها
-هههه اهووو اني وين سألتج وانتي وين رحتي بس يالله
راح اخلي على طوله بس اترتبة الي بكصة حلوة
وصبغت شعري اشقر رمادي زيتي
وحفيت وجهي وصار هواي تغيير بشكلي عبالك مو اني لاول مرة بحياتي احس هاي الواكفة گدامي بالمرايا مو اني وحدة ثانية تختلف عن رونق القديمة
اي لازم ابدي اغير من نفسي
سمعت نقال هاجر دك
-الو هلو رضوان شلونك الحمدلله على سلامتك اجيت
هَـا اي احنا بالصالون هذا هو احنا خلصنا مبقة عدنا شي
اي اي هذا الصالون الي يصير براس الشارع
اهاا تمام يالله ننتظرك اهووو بس لتصيح

رونق اسمع بكلام هاجر وگلبي صار طبل
نهت الاتصال والتفتت علية
-سكتي ولج اتصل رضوان وهو صاير نار
-ليش
-ولج واصل للبيت صارلة ساعتين ويگول متكولون وين صرتو ورونق ليش جهازها مغلق ولج كلش عصبي وهو يحجي
وراح يجي علينا هسة
يمة گلبي صار طبل خلصتني الحلاقة وكمت من جوة ايدها وشفت روحي بالمرايا صرت غير شكل ولاعبالك اني وحطتلي شوية ميك اب ناعم
فتحت نقالي شفتة مغلق لان مرات كرار يلعب بي
رحت فتحت النقال شفت الرسايل صارت ترگع اجيت افتحهم سمعنا صوت هورن السيارة
-هاجر اخذي كرار وطلعي قبلي لاخوج سكتيه على ما احاسب الحلاقة
حاسبتها ورة مطلعت هاجر ولبست شالي والجبة الاسلامية ولميت غراض كرار المهوسها بالصالون وهو حرك الجو حرگ بالهورن طلعت اركض من خوفي
شفتة نزل من السيارة من شافني طلعت واجة علية
والشرر يتطاير من عيونة
-غطي وجهج من احترگت عشيرتج بعدين احسابي وياج بس خل اوصل للبيت
يمة اني شفتة وسمعت كلامة واني بطني مغصتني
هذا شبي منو دافعة علية هيج
وصلنا للبيت بس عودك شنو ميت الف اية قريت
اول مدخلنا للبيت عمتي استقبلتنا
-يا صلوات اجيتو لو باقين برة ظالين احسنلكم
وهجيرة اني الج اليوم الا اعلمج هي هاي هم سواية تسويها تقشمرج مرت اخوج وتاخذج وياهة من الظهر لحد هسة بالصالون والله العالم وين اخذتج غير الصالون
هاجر-شبيج يمة گولي يالله شنو هذا الكلام ترة احنا رحنا للصالون واذا متصدگين روحي سأليها
-شوف شوف شلون علمت البنية شلون تراددني والله هاي مرتك يرضوان طلعت عين اختك وصارت ترادد وتمدلي اللسان هالطولة
رضوان -هاجر سدي حلكج
والتفتت وصعد فوگ
-رونق انطي كرار لهاجر وتعاي فوك وراي اريدج
رونق
من دخلت واستقبلتني عمتي بهذا الحجي عرفت بيها شاحنة رضوان علية وبس الله يعلم شنو من كلام حشت بعقلة
رحت انطيت كرار لهاجر
-عفية هاجر عينج على كرار
رحت صعدت وراه دخلت للغرفة شفتة ديبدل بملامبسه
جمدت بمكاني من منظره اول مرة اشوفة بهذا المنظر وصدره كلة طالع وظال بطرك البنطلون التفت علية ورفع حاجب
اني كملت دخولي للغرفة وكأنه شي عادي ان اشوفة بيهج شكل بس اني شنو جسمي كلة گام يعرك
نزعت الجبة وعلگتها ولحگها الشال
انتبهت عليه شلون عيونة تراقبني واتسعت عيونه من شافني شنو لابسة جوة الجبة واتفاجيء من شاف شكلي وشعري حسيت بعيونة دتباوع وراقبني شلون اتحرك جنت لابسة جوة الجبة بنطلون كابوي كاحت وعليه بدي قصير اسود نص ردن بس يصير حصر على جسمي
رضوان وبصوت خشن
-اكدر اعرف منو سمحلج ترحين للصالون بدون اذني ولا وهم طالعة من الصالون ومفرعة ووجهج مكياج
اني مو كلت ان متعتبين باب البيت اشو انتي ضاربة الدنيا بعرض الحايط ومحاسبة عندج رجال
- اسفة صحيح كلامك اني متصلت عليك كان لازم المفروض اتصل بس والله التهيت ونسيت اتصل عليك
-لاتگولين التهيت ونسيت
گولي اصلا اني محاسبة نفسي عندي رجال
-لا لا لتحجي هيج رضوان عفية لتصعب الموضوع علية
والله موهيج تفكيري عفية لتحرف كلامي
كل الي اطلبة منك تتساهل شوية وياي
يالله هسة برد اعصابك شوية
وبدت رونق باول خطوة من الوعد الي قطعتة على نفسها
كامت تحجي بدلع
مكتلي شنو رأيك باللوك الجديد حلو علية
رضوان خزرها
-منو گلج تعديلين بنفسج منو طلب منج تغيرين والمن هاي الهوسة كلها مسويتها
رونق بتردد
-اةةة اني قررت اني ابدي وياك حياتي وافتح صفحة جديدة واريد ابين لك انت مهم بحياتي مو مثل ما انت متصور وهذا هو بعد ما اگدر احجي اكثر من هيج عفية لتصعبها علية اريد منك تفتهمني
وتاخذ بيدي حتى ولو بدون متسألني اريدك انت تدليني
على الطريق الي راح يجمعنا سوة
واني راح اسلمك نفسي
رضوان وهو يتقدم منها
-انتي متأكدة يرونق معقولة انتي شجاعة لهدرجة
رونق وبخجل ويرافقه التردد والارتباك
-شوف مو اكلك انت دتصعب علية الامور
رضوان مد ايديه ولزمها من زندها وقربها عليه
وحس بيها رجفت على لمستة فتح شعرها الله يرونق
شعرج يموت طوله
اخرب على هيج شعر لزم خصلة وكعد يشمم بيها اقترب اكثر شافها شلون غمضت عيونها وجر نفس طويل وهمس باذنها
رونق اني اريدج تصيرين ملكي والله تعبني الانتظار

گعدها على السرير ووودفعها على كيف على السرير وتمددت بين ايديه وصار صدرها يرتفع وينزل بسرعة وصارت شفايفها ترجف
ومكدر يقاوم يشوف رجفة شفايفة ومياخذها بين شفايفه حتى يطمنها ان هو موجود وعايش لهاي الشفايف
حس على گلبه فاتتة نبضة خاينة بتجاهة من صارت شفايفها بين شفايفه اخذهم بلهفة وشوك ومدايديه على
جسمها واخذ يستكشفة بلمسات ايديه الخشنة وصار كل لمسة يسمع اناته وصار فوكها ورجع يفترس شفايفها الي تناديه حتى ياخذهم بين شفايفه من اتعمق اللمسات واصبحت
اللحضات اكثر خصوصية بينهم ومن اقترب للحظة الي تخليهم جسد واحد انتبه عليها غمضت عيونها وخانتها دمعة نزلت من طرف عينها
رضوان همس وهو يرجف من اللهفة
-رونق فتحي عيونج وشوفيني زين اريدج وياي قلباً وقالباً من اخذج
شافها متريد تفتح عيونها
اتوقف رضوان وجمد بمكانه
وادرك بهاي اللحظة ان رونق سلمتة جسمها بس بدون گلبها
رونق فتحت عيونها بحيرة بتسائل مستغربة ليش اتوقف وجامد بمكانة
بحيث اتخربطت وارتبكت
-اةة اةة رضوان احم ليش تباوع بوجهي اةة شنو متريدني
رضوان گام من على رونق وابتعد عنها وغطاهة
-اسف رونق ما اگدر اخذ شي مو الي رونق انتي ممجبورة تضغطين على نفسج حتى ترضيني
-ليش رضوان اني ممجبورة بيك اني اجيتك بكل قناعتي
-اسف رونق انتي جنتي توهمين نفسج ان انتي. ترديني بقناعتج لكن مع الاسف الي كنت نايم وياها قبل لحظات والي جانت بين ايدية كانت مجرد طيف رونق
ما اريدج تسمليني نفسج بدون گلبج
رونق اني اناني اريدج كلج ملكي ما اريد اي حاجز بيني وبين بيوم الي اخذج اريد كلشي بيج يستجاب للمستي وتبادليني اللهفة نفسها الي ابادلج بيها
وما اريد اي اشباح بيني وبينج اريد من تنامين بين ادية اريدج تباوعين بعيوني اريد اشوف رضوان وبس بعيونج وتصيحين باسمي بلهفة حتى اضمج بين احضاني واخذج وياي لعالمي
ما اريد احس ان اني واجب مفروض عليج
اسف رونق بعدج ممستعدة لرضوان
وخايف لا يجي استعدادج وادراكج بعد فوات الاوان وبوقتها مراح اسامحج

رونق
كان كلام رضوان الي مثل الي جردوه من كل اسلحتة وبقى ضعيف لا حول ولا قوة
عرفت ان رضوان يعرفني اكثر من نفسي
انتبهت عليه شلون يدكم قميصه وفتح الباب وطلع
بس كانت عيونة بيها هواي حجي
كمت من السرير وصرت اعدل بملابسي وايدي ترجف ورحت وگفت على المرايا اباوع لوجهي ولجسمي كان يوجد هناك اثار لمسات رضوان لازالت مطبوعة على جسمي مرت رجفة غريبة بجسمي
وانهاريت من حرب الاعصاب الي داعيشها
وصرت اضرب على وجهي
اصحي رونق كافي كااااافي كاااافي قصي مات مات
افهمي عاااد افهمي ميصير الي ديصير وياي
وصارت تضرب على صدرها بقبضات ايدها
وكعدت بالگاع تبجي
يارب انطيني القوة يا الهي
يتبع