خذ بيدي ولا تسألني الفصل الثاني 2 - بقلم نهى

خُذ بيدي ولاتسألني
للكاتبة nuha-d-h

اسم الله اسم الله شبيج يمة على كيفج شربي الماي ترة مطاير

رونق متت بدمي يمة شنو هاي منين طلعتلي بالله
لاعفية ما اريد اتزوج والله اموت اذا اتزوج غيرقصي اموت
اي بس صدك رونق مسألتي نفسج قصي يريدج
لو انتي من يمج تجيبين وتصفطين بكيفج
ظليت احوم بوكتها ما اعرف شسوي شفت عمي بوكتها راجع من الشغل وصبيتلة الغدة وسويتلهم الجاي وشفت عمتي ام قصي كعدت يمة وهاي الگعدة اني اعرفها دائما يكون موضعها تبادل الاخبار والاوضاع بين عمي
وعمتي يعني يحجون شنو سوو بيومهم متعودين لكن اني صرت مثل البزونة الي مضيعة جهالة كمت احوم فوك راسهم جنت خايفة خاف عمتي تفتح موضوع بيت ابو احمد فنتبهت علية
ام قصي-اي صدك اتذكرت قبل لا انسى اكو ناس اجو
ورونق -لاااااااااااااااالا
كمزو عمي وعمتي من مكانهم
-شوكو شبيج
رونق والدموع بعيونها وهي تأشر عالتلفزيون وتبجي
-كتلو عمار كوسفي خطية الله لايرضى عليهم خطية هذا كلة من ورة اصلع الكلب
عمي وهو يهز بيدة
-استغفر الله يالله عمي صدك تحجين لو تجذبين والله عبالي مدري ياهو الماتلج
عمتي-ايا مسودنة هي هاي هم سواية شبيج تخبلتي
انتبهت عليها رجعت التفتت على عمي تريد تكمل السالفة
رونق وهي تشهك وتبجي
عمي-هاااا هسة شكو شصار شبيج تبجين
رونق -عمي گولتك عمار كوسوفي يموت لو يطلع عايش
عاد هنااا طكت فيوزات عمي
- خايبة تگومين منااا لا بالعباس اهفج بطراك واسوي بيج صولة
من انعل ابو عمار كوسوفي لابو عشيرتة انة شلي غرض وكل ساعة مهبطتني

وبائت محاولاتي بالفشل الذريع وكمت من يمهم
شلون ياربي قصي التحق البارحة شسوي خاف عمي يقبل
رونق
بعد ما حجت عمتي ام قصي مع عمي عن الناس
عمي وافق عليهم بسرعة يگول خوش ناس
والولد ابن منطقتنا ونعرفه ونعرف اخلاقه وهو رابي وية قصي

بس عودك اني شنو ما احجيلكم عن حالي شصار بية
ثلاث ايام لا اكل ولا انام كلة من ورة التفكير شلون ياربي ما اريد اتزوج خلوني هيج منا لحد ما ايأس
من قصي يالله
ام قصي-رونق يمة شبيج وجهج اصفر عبالك نومية
رونق-مبية شي بس تعبانة
ام قصي -گومي يمة الله يستر عليج ساعدي رشا بتنظيف البنكات
رونق وهي تكوم -صار يمة تدللين
ام قصي-الله يرضى عليجن ويسترجن وان شاء الله يوم اشوفكم ببيوت ازواجكم

ورة ثلاث ايام اجو الناس يشوفوني واني دخلت عليهم وجنت شايلة الصينية ومشفت اي شي من الولد ظليت
كاعدة ومدنكة راسي بالعناد بلكي يشرد ولا سويت ولا عدلت نفسي ابد
انا شكلي زين يعني كل الي يشوفني يعجب بية يعني املك المواصفات المعتدلة من عيون واسعة وخشمي متناسق مع معاني وجهي وكان الشي الوحد الي يميزني
خدودي وشفايفي كان ممتلئات وبشرتي حنطاوية وطولي وسط مناسب كفتاة
بس مع الاسف هاي محاولاتي كلها بائت بالفشل
ووافقو الناس علية وعمي هم ردلهم الموافقة ورة يومين
لكن اني بغير عالم لوحدي كل يوم ابجي جوة البطانية يعني شنو راح اتزوج واحد غير قصي
ادري بروحي ماكو شي مضمون مع قصي يعني هو لا ملمحلي ولا مبين لي ان هو يحبني ابد ولا مرة حاول
حتى يبن ان هو يحبني ويريدني لكن اني كان عندي امل اذا مرت الايام اكدر اخلي ينتبه لي ويعجب بية ويحبني لكن شسوي اني اعرف حظي مكاعد وياه
والله اجة الولد هو وامة قبل المهر واخذوني اني وعمتي ام قصي للسوك حتى نشتري الحلقات
واشوف الولد كل ساعة يحجي وياي ويضحك واني بالي مو يمة
والله وخلصنا شغلاتنا ورجعنا وصلنا قريب على بيتهم ونزلت امة
وبعدين رحنا على بيتنا اول ما وصلنا يم الباب نزلت عمتي ودخلت واني اجيت انزل
احمد-رونق انتظري لتنزلين اريد احجي وياج
رفعت عيني بعينة كان الله يستر عليه كلش حلو ووسيم واحلى من قصي بقاطات بس الحب مو بيدي ولا بيد واحد ثاني الحب اعمى والقلب وما يهوى

احمد-ممكن تاخذين رقمي وتتصلين علية من تلفون امج اريد احجي وياج بالليل حتى نتعرف
رونق-لا ما اخذ الرقم عودك من نعقد انت اخذ الرقم من عمي هو الي ينطيك اياه
احمد -صدك بنت ناس ومترباية بس تردين الصدك حبيت اجربج اشوف شنو ردت فعلج
رونق -ابتسمت على كلامه يعني الاستاذ گاعد يسويلي اختبارات حتى يشوفني دانجح بالامتحان او افشل
وبهاي الاثناء جنت ابتسم على كلام احمد وما اشوفلك الا باب السيارة ينفتح على فجاءة
وواحد لزمني من زندي حيل وجرني ونزلني من السيارة
ودخلني سحل على بيت
يمة عزة هذا قصي شجابة يعني هو ما لگة الا هذا الوقت يرجع بي والله عندي حظ فد عاوي
دخلني قصي عالبيت وهو يصيح بوجهي بصوت
عالي :لج شتسوين گاعدة وية احمد ابن جوارينا لوحدكم بالسيارة اليوم احرگ عشيرتج احجي
ام قصي اجت تركض على صياح قصي
-اوگف يمة على كيفك وية البنية ترة مسوت شي
ترة هي جانت گاعدة وية خطيبها واليوم يسون مشية زلم
ويعدون عليها
واليوم اجة هو وامة واخذنا اني وياهة حتى يشترون حلقات
عمتي خلصت كلامها وهو البيت احترك حرگ علينا بالصياح والغلط
شفت قصي اقترب مني وكمشني من زندي وسحبني حيل ودخلني عغرفتة
قصي:شوفي ولج لو تموتين ما راح اخليج تتزوجين فاهمة شنو شبيج لهدرجة مستعجلة عالزواج
رونق-لا والله ممستعجلة بس هو عمو الي وافق اني ملي دخل حتى ما اخذ رأي
قصي وهو يترك ايد رونق وميعرف شصار بحالة من سمع كلام امة حس ان رونق راح ياخذوها من بين ايديه
طلع من الغرفة وراح لعند عمي هناك بالشغل وبعدين رجعو سوية للبيت وبوقتها معرفت شنو حجو وشنو گالو
بس بعدين افتهمت ان قصي وعمي رايحين لبيت احمد ومعتذرين منهم
بوقتها من دخلو عمي وقصي عالبيت
سمعت صوت عمي يصيحني
رحت عليهم اركض واني اترقب شنو سوة قصي وليش
ظل يهوس علية شنو كان قصدة من گلي لو تموتين متتزوجين
: هَـا عمو صحتني ؟
:اي يابعد عمج صحتج حتى احجي وياج تعاي كعدي
رحت كعدت بصفة وانتبهت على قصي گاعد گبالي
: شوفي بوية ابن عمج رايدج الة على سنة الله ورسوله
وانة اعتذرت من بيت ابو احمد لان مجنت اعرف بقصي يريدج فبوية ابن عمج اولى بيج من الغريب فها شگلتي
رغد والفرحة ما سايعتها وكأنه هي بحلم
: اة اة بكيفج عمو انت شتفصل اني البس
ودنكت وضحكت وبسرعة طكيتها ركضة بوجهي للغرفة

وبعدها مرت الايام واتزوجت قصي وانجمعنا سوية تحت سقف واحد وكانت سعادت العالم كلها عندي
ولحد هسة اتذكر كلمات قصي هَـا ولج تردين تاخذين غيري وتتزوجين اجيت اتخبل من شفتج كاعدة وياه وتتمضحكين
رونق
اثاري هو كان يحبني بس كان يداري بحبة عبالة بعد وكت علية وحسبالة صغيرة عالزواج
وبعدها عشت مع قصي احلى ايام لم تخلو من مطبات وعراقيل التي تفرضها علينا الحياة لكن يبقى الاساس
متين

رونق وهي ترجع لارض الواقع من بعد سفرة الذكريات
وغلقت الالبوم ورجعتة بالكومدي
وشافت صورت عمها الله يرحمة واگعة بالگاع والله
شلت صورة عمي المرحوم ورجعتها لمكانها بالالبوم
عمي من بعد زواجي بسنة اتوفى وهو رايح للزيارة
ومات بالحادث
اتذكر من اتوفة جنت ستوني عروس
اوف الله يرحمك يعمي ويطيب روحك الجنة

سمعت صوت عمتي تصيحلي
: اي عمة جاية جاية
ام قصي : اكلج يمة اشو اتصل على قصي ميجاوب وظل بالي عندة
رونق: بالله شو اتصلي بعد مرة ثانية
ام قصي وهي تعيد الاتصال على ابنها
: يمة ماكو وليدي ميرد علية
:عمة عفيا لتخوفيني شنو سامعة شي عليه
: لا والله يمة مسامعة شي عنة بس البارحة حلمت حلم مو زين جنك عمج الله يرحمة اجاني بالمنام راكب بسيارة
ودگ الباب علينا وطلعلة قصي ركب وياه بالسيارة بس قبل لايروح عمج وياخذ قصي وياه انطاني سوار فضة
وبعدها گعدت گلبي كارصني ما اعرف ليش
وهسة جاي اتصل على قصي ماكو ميرد
رونق
مر يومين بحالهن ماكو اي خبر عن قصي
وخطية البنات سهير ورشا اجو من عيالهن لعندنا هنة وجهالهم طبعا اني صار الخوف بگلبي مثل قطعة جمر تحوس بصدري
رغم التهيت وية البنات وجهالهن وكانو جهالهم وكح
بس يوصخون وهنة الله يحفظهن ميردنهم
جنت بالمطبخ جاي اكتر الكاوتر ولازمة بيدي الصحون وسمعت
بباب البيت صوت
رمي طلق حرك الجو حرگ دخيلك ياستار شكو شصاير
رحت شفت ازواج سهير ورشا فتحو باب الشارع طلاكتين على وسعهم. رحت ركض لبست شالي خفت عبالي دخلو علنا هدادة او عدنا طلابة
ورحت شفت ام قصي والبنات ركضو على باب الكراج
بين ماكنت البس شالي سمعت صووت ام قصي وهي تهلهل بصوت عالي
اني بسرعة گلبي طار من الفرحة ورحت اركض
يمكن هذا قصي رجع بالسلامة طلت برة اريد اشوفة لان گلبي طگ عليه جنت مشتاقتلة وخايفة عليه
والله وصلت لعند الباب وكانت هنا الفاجعة شفت رياجيل وشباب المنطقة كلها ملتمة بباب البيت وشفتهم
شايلين على اكتافهم تابوت عليه علم العراق والتفتت على عمتي ام قصي شفتها تهلهل وتبجي
اخ الله لالااااااااااا مو قصي لااااااا عمة لاتگولين هذا قصي الي محمل بتابوت

يتبع