خذ بيدي ولا تسألني الفصل الثالث والعشرون 23 - بقلم نهى

خُذ بيدي ولاتسألني
بقلم الكاتبة Nuha-d-h

طلعت من الاستقبال واني اترنح من الخوف والتهديد
ما اعرف شنو اسوي بس على الاكيد راح استعين برضوان بس كون ينزل مجاز والله فاض بية الامر

حسيت بمعدتي ظلت تگلب وجسمي ظل يعرق عرق بارد
صعدت فوك لغرفتي وتركت هاجر هي تصب الغدة للخطار
لزمت معدتي ودخلت للغرفة وبوجهي للحمام واتقيأت حسيت روحي تريد تتطلع
كان تهديد لؤي جداً واضح وكان واثق من نفسه من يهددني ويتوعدلي
بس اكو الله موجود وميرضى بالظلم
غسلت وجهي طلعت من باب الحمام وايدي على معدتي واتكأت على باب الحمام ووجهي اصفر
يارب شنو الحل شنو اسوي ماكو غير انتظر رضوان
يجي
وصرت اعد الساعات على جية رضوان لان الخوف حطمني
رحت على هاجر
-عفية هاجر اتصلي على رضوان شوفي شوكت يجي عالبيت اشو اتأخر
هاجر بخوف
-شنو شبيج رونق اشو وجهج اصفر شنو مريضة
-لا مبية شي بس اسأل اريد اعرف شوكت يجي حتى اسوي لة مطبك برياني لان يحبة بس اتأكدي منة الباجر يجي عالغدة
انتظرت واكفة يمهة
هاجر-الو هلو شلونك رضوان
هاك هاي وحدة اكلت گلبي تريد تعرف شوكت تجي
انطتني النقال واخذتة منها وايدي ترجف وبصوت هامس
-الو شلونك رضوان
لا مبية شي بس ردت اعرف موعد نزولك عالبيت
حتى اسوي حسابك علغدة
ان شاء الله ننتظرك
ابتسمت
اي مشتاقتلك يالله مع السلامة يالله روح
نهيت الاتصال
ما ارعرف ليش مجرد سماع صوت رضوان يحسسني بالامان والراحة
رحت نزلت لعند عيالي والحمدلله هذا العلة لؤي راح
كعدت اراقب تصرفات عمتي وياي جداً طبيعية واصلاً
حتى مرات تسألني عن الحمل وشلون صرت حتى خففت عني من شغل البيت وصارت تخلي هاجر تشتغل وياي.
اي متقبل غلط هاي تمارة هي الي دازتة علية
بس والله ما اسكتلهم والا احجي لرضوان عليهم
واخلي يشوف شغلة وياهم
طبعاً استمريت حسبة تجيبني وحسبة توديني وكل ساعة اطمن نفسي مدام رضوان موجود اذن مراح يصير علية شي واني وكرار ابني نبقى بخير ومحد يكدر يأذيني
هاجر -يوم راح اسوي عشا خفايف عفية لان مسوية رجيم
ام رضوان -ادري انتي تسوين رجيم واحنا شنو ذنبنا
تموتينا من الجوع
رونق-كعدي هجورة اني گايمة اسوي عشا
ام رضوان -لا حبيبتي كعدي ارتاحي انتي حامل خلي هاجر تسوي عشا كلشي ماعندها اشو گاضيتها
اكل ومرعى وقلة صنعة خل نستفاد منها شوية قبل لتتزوج
رونق -لا عمة شعلية واذا حامل قابل ابطل ما اتحرك وهم فد مرة اريد اتبل الدجاج على باجر لان رضوان غداه باجر هنا راح يصير
ام رضوان -هَـا لعد براحتج اني علمودج والله اخاف عليج لان ببطنج ابن الغالي وليدي رضوان
انتبهت على هاجر تباوع لامها انطتها نظرة غريبة وراحت
ورحت وراها وشفتها وكفت على السنك تغسل البتيتة
ولزمتها من خواصرها ودغدغتها
وهي التفتت تضحك
رونق-شنو اشو الحلو هالايام مطنگر وين هاجر ام الضحكة. الحلوة ترة مو عبالج ممنتبهتلج
صارلج كم يوم مو على بعضج
-هااا اة اةةةةة لا ماكو شي هيج بس والله مرتبكة تعرفين الباجر يجي رضوان وبعدها گبل الخطوبة والمهر بنفس اليوم واني بس افكر
-هاا يعني ماكو مشكلة منا منا بينج وبين نشوان

.......طبعا اني عندي طريقة اعرف بيها شلون اطلع الحجي من هاجر واجرجرها بالكلام
-لا والله علواه كل الناس مثل نشوان
- زين اذا نشوان حباب لعد انتي ليش مرتبكة
-اةةة لا هيج مبية شي
-اكلج راح تگضيها علية. بس اةةة
-اهوووو رونق لتلحين عفية عوفيني بحالي
استغربت اول مرة هاجر تصيح بوجهي ابد ولا يوم خشنت خاطري
اوكفي اوكفي رونق فد لحظة هاي بس لا تمارة ماكلة عقلها بالكلام وتضايقها بسبب خطوبتها من رضوان خربت وتريد تخرب على هاجر والله ما اعرف ليش تغيير هاجر قالقني
رونق وهي تدنك راسها وتعبس وجها
-اسفة هاجر اذا ضايقتج بس عبالي اني مثل اختج
بس طلع مو من حقي اسألج واطمن عليج
درت وجهي ورحت للثلاجة حتى اطلع الدجاج وانتظر يموع لكن اتفاجئت بدين اثنين حاوطتني من خصري وحضنتني التفتت شفتها هاجر
تبجي وتحضن بية
-رونق اسفة مو تزعلين علية والله مو قصدي اصيح عليج والله اسفة سامحيني على كل شي
-انجبي لج اكو اخت تزعل من اختها الله الشاهد انتي بحسبة اختي اموت عليج هجورة
اشو هاي زادت بالبجي .......
ورجعت حضنتني .........
-اهووو اشو گلبتيها مناحة مو گلنالج طاح الحطب يالله تعاي خل انخلص العشا حتى نصعد فوك لغرفتج ونقيس الفساتين الي وصيتي عليهم بالنت والله خايفة خاف ما يجون على قياسي
-لا حبيتي هسة تشوفين بعينج شلون راح يرهمن عليج
زين اذا انتي الجسمج حلو تحجين هيج لعد اني شكول

-اهووو گامت تدلع لج انتي شايفة جسمج شلون صاير رشيق ومرتب معلج بعمتي من تحجي عليج ترة عادي هاي صارت تعلوقة عليج
وراح. تظل ملازمة الج منا لحد ما تتزوجين وتخلفين اطفال ههههه

كملنا العشا وشطبنا المطبخ وتبلت الدجاج وصعدنا لغرفنا
وكان كرار بهاي الفترة متنقل ما بين عمي ابو رضوان
او ضياء يعني الله يخليهم ويحفظهم من كل شر
يعني اشوف عمو ياخذة وياه يجي محمل حلويات وجباسة وضياء كلما يطلع وية جماعتة ماخذ وياه كرار
ھٍَھٍُھَ اتذكر عمتي من تجيها الحالة ويطبگن عندها
تگوم تحجي على ضياء لان دائما ياخذ كرار وياه من يطلع
ضحكني من جاوبها
-لج يوم دعوفيني خل اخذة وياي ترة هذا اخذة من حباً
بيه هذا اخذة استرزق بيه انتي مشايفة البنات من يشوفن كروري شيسوون كل ساعة وحدة تجي تكرصة من خدودة وتضحكلة
وبعدين ابنج يستغل الفرصة واعرفهم على نفسي بكل فخر اني عم هذا الحلو ومنها تبدي رحلة التكبيل
هاجر -هاااا يعني گول هاي الهوسة كلها شغلة زواحف

رحت اخذت كرار الي گوة قبل يصعد وياي صاير حرك
والمشكلة عمو ميقبل احجي عليه يعني على اساس اني ناقصة رضوان محرم علية احجي علية او اعاقبة
وهسة عمو وضياء كملت السبحة جريتة بالكوة وصعدتة فوك وسبحتة ونومتة. وكعدت انظف بالغرفة واحضرها لباجر على جية رضوان
شكد اشتاقيتلة حطيت راسي عالمخدة واني افكر بي
................................

رونق -هاج لزمي بس خل افتح الفرن
هاجر -اهوووو والله خبصتينا من الصبح لحد هسة على فد وكفة بالمطبخ والله علمود استاذ رضوان اليوم جاي
ضياء دخل على المطبخ ومد ايدة على صحن المقبلات
-اهوووو هاي شنو مسوين اليوم شنو اليوم عازمين
-لاحبيبي اليوم رضوان جاي وست رونق گالبة دقلة محتارة. شتسوي
-الله هنيال رضوان عمي اني اجي من السفر وارجع ومحد يحن علية بكباية
رونق وهي تبتسم
-اتزوج محد لازمك حتى مرتك اتدلعك وتدلل عليها
ويالله شيل ايدك من صحن المقبلات مو گعدت تنگش بي على ابو تصبر رحك على ما يجي الغدة
التفتت لهاجر
-حبوبة هاجر عينج عالدجاج اني صاعدة فوك احضر الحمام لرضوان على مايوصل
رحت تركتهم وردت اصعد فوك سمعت صوت لؤي صار بوجهي
عزة هذا شوكت اجة
من شافني عبرت من باب الاستقبال حتى اروح اصعد لغرفتي صاحني وكانت عمتي وعمو گاعدين يمة
-يابة شدعوة ام كرار السلام لله

الله لايسلمك
رحت بكل ثقة اسلم عليه
اتمنى ربي ياخذة اشكد اكرهة الله يساعد مرتة المگرودة على هالحيوان الي متزوجتة
ابتسمت نصف ابتسامة
-هلو شلونك لؤي
-زين انتي شلونج
وصارت عينة بعني
مهما ادعيت بالقوة امامه لكن ابقى من داخلي جدا شفافة وقابلة للكسر شفتة ابتسم ابتسامة جداً خبيثة بحيث اقشعر جسمي
-اة يالله اترخص منكم عن اذنكم
تركتهم وصعدت فوك لغرفتي واني الخوف برد اطرافي وصارت حصرة قوية بصدري
حسيت على شي دافي نزل على خدي
وكعدت اتحرك بالغرفة احضر ملابس لرضوان واني بالي مشدوه يعني شنو يكدر يسويلي
صارت ادموعي تنزل بالتوالي وحدة ورة اللخ
سمعت صوت باب الغرفة التفتت وهنااا وجان اشوف
رضوان شايل جنطتة على جتافه ولابس الزي العسكري المرقط والبيرية على راسه وابتسامتة على وجهة وعيونة تحجي وكانت بيهم الف لهفة بشوگ
محسيت على روحي من ركضت عليه صرت مثل الطفلة الي تشوف ابوها بساعة الورطة
رحت وشمرت نفسي بحضنة بدون تردد وشميت صدره
وهو بلحضتها فتحلي ذراعه وحطني بيهم الله شكد عطرك طيب منتبهت على روحي من نطقت الكلمات ولا انتبهت على نفسي بيوم بجيت
-اه اه هاي شنو كلة الي هذا الترحيب الحار رفع وجهي حتى يشوفني
-ااااخ يابة لج والله مشتاقلج بگد رحمة الله لج دتعاي خل اشبع منج شوف وحضن
رفعت وجهي الة
-اخ هاي شنو. دموع ليش المن
-والله اشتاقيتلك بعد لتغيب هواي علينا اشو هالمرة طولت
-هلة هلة اذا الفراق يجيب هيج نتيجة عمي كل يوم اني انزل واجب حتى تظلين تشتاقين لي
-لاعفية لتعيدها بعد
-اكول اشو جنج راح تگضيها علية سوالف واني جد جدي مشتعل
لج دتعاي خمطني ببوسة شغف ممزوجة بلهفة محبين
الى الان لم يتصارحو مع بعضهم بمكنونات قلوبهم
لكن كانت الافعال تعبر عن الف كلمة حب
صرت ابادلة العناق بدون خجل وصرت اطالبه بالمزيد وحسيت بروحي اجرء من عندة هالمرة صرت اني القائد وهو الي ضاع بين ادية
حضني بذراعه وحوطته من رگبتة
حسيت على ايديه نزلت تتحرك على معالم جسمي وصارت على بطني
ابتعد عني وعيونة تباوع على بطني
-اااخ يابة الحمل كبران واريد اشوفة
قترب من بطني وباسها ورجع وكف كدامي
واني جسمي كلة يرجف وعيوني ذبلت
-والله لو ما خطار ووقت غدة ثقي بالله ما اهدج
بس بختج بالخطار
عض شفتة ورجع حضني حيل
رونق كنت اتمنى احجيلة على لؤي بس كلت عيب خل بالاول يرتاح يجر نفس وعودك بعدين يعني مو اول ما يجي اني اتلكاه بالمشاكل ميصر
-حضرتلك الحمام
التفت علية ببتسامة
-تجين تليفين ظهري
رونق حسيت بخدودي صارو نار من الحرارة
-لا اسبح لوحدك انت مو كرار واسبحك يالله اني راح انزل حتى احضر الغدة وانت استعجل ترة الكل جوعانين ومنتظرينك

...........
ورة مخلصوا الغدة التهيت تحضير الجاي والحلة خليتهم بالصينية
وحسيت على ايد التفت حول خصري
وصوت يهمس خلف اذاني
- تركي الي بيدج وتعاي اريدج بشغلة كلش ضرورية اني صاعد فوك قبلج
التفتت عليه وعرفت من نظرت عيونه شنو كان يقصد
بالشغلة الضرورية
-مو تنسين صعديلي الجاي
شفتة راح عبر للصالة وراح صعد فوك
رحت صحت لهاجر حتى تاخذ الصينية وانتبهت على لؤي بعدة موجود
هذا شوكت ينقلع منا ادري شنو لزكة الله ياخذها اشكد اكرها
رحت صعدت فوك ودخلت للغرفة مشفت رضوان التفتت اريد اطلع وجان اشوفة كبالي شهكت ولزمت گلبي

-يمة گلبي خوفتني
رضوان وهو يسحبني
-اسم الله على گلبج لج تعاي بعد ما عندي صبر
ومن بعدها سحبني وياه وابد منطاني مجال
حقة يسوي هيج وياي لان يخاف ابدل رأي واتراجع
مثل كل مرة بس هاي المرة غير لا
احس بروحي مثل الاسير الي اتحرر من قفص الاسر
واصبح يتنفس الحرية اي حسيت بگلبي ينبض لرضوان
وحسيت بانفاسي تنادي لرضوان
((واخذني بأيديه بدون ميسألني ))
رضوان تعرفين شنو كنت اتمنى اول ما صارت عيني عليج كنت اتمنى هاي الشفايف تجيني بلهفة
وبشوگ عاشق
جنت اتمناهة تتوسل الي حتى اخذة بين شفايفي

سحبني لحضنة
اااااخ يابة ميت على حضنج
لداخل عالمنا الخاص وصار يقودني خطوة خطوة واني اتبعه مثل الطفلة المطيعة بين ايديه
وكنت ابادله نفس اللهفة وبكل جرءة
قلبت الامر عليه
وصرت اني الي اتفنن بتعذيبة
شفتة شلون ينظرلي بشغف
-لج دتعاي بعد مابقة عقل براسي
عندما اصبحت لحظات اللقاء وشيكة
رضوان بتردد يصاحبه الخوف
-رونق فتحي عيونج
فتحت عيوني بتردد
رضوان بتسائل
-رونق اني منو
رونق بهمسة شوق
-رضواااان
همس رضوان بهذا السؤال الغريب وكان المراد بهذا السؤال لكي يطمئن قلبه حتى يتأكد ان رونق اصبحت له قلباً وقالباً بدون اشباح بينهم

...........................
رونق
صرت ملك رضوان وكنت اسعد انسانة
انتبهت عليه گام من السرير وراح للحمام
بعدها رجع وبيدة جيكارة وكعد عالسرير
-رضوان وين كرار اشو مالة صوت
-خلي يولي الملعون بحضن ابوي اگلة تعال ميقبل يجيني واني گلبي يطگطك عليه اتمنى القگطة بعضة
ابو خدود
-اي خدودة طالعات علية
-اي صدك ذكرتيني تعاي خل اعضج من خدودج
حطيت ايدية على خدودي
-لالا عفية صير عاقل
شفتة طفة الجيكارة ورجع التفت علية واقترب مني
رونق واتذكرت سالفة لؤي
اي هو هذا الوقت المناسب هسة خل احجيلة عن تهديدة
-رضوان عندي موضوع كلش مهم اريد احجيلك عنة
رضوان وهو يقرب رونق من حضنه
-گولي اسمعج كلي اذاناً صاغية
-ما اعرف منين ابديلك بس هذا الشي مينسكت عليه ولازم احجيلك عنة هذا .............
ردت احجي وسمعنا صوت صياح ضياء بالبيت عالي وعياط
بحيث كمزت من مكاني بخوف وشفت رضوان گام من السرير وركض على ملابسه
باثناء ماديلبس ملابسه سمعنا صريخ هاجر تصيح بعالي صوتها
-يمةةةةةةةةة لج يووووووم

يتبع