رواية خذ بيدي الفصل الثاني عشر 12 - بقلم زهراء العراقيه

ترددت وخفت ....... تاليها گلت انه شعليه هي اذا ما تريده اگله  على سالفة التلفون...... اجه بالي الي صار قبل اشوية ...
- حسن ...
كانت الكهرباء طافيه وهو يهفي ومغمض
-ها
- ليش ما ..... 
ماعرفت اشلون أسائلة ...لكن اشوية الخجل راح بعدالي صار
- انت شو ما ...
- ما شنو هدواي ....
-يعني  ااا مممم لا هيچ
- احچي .
وگف عن التهفي ورفع راسه عليه ...
ضحكت
- لا تباوعلي حباب
حطيت ادية على وجهي
وخرهن وگال
- گولي ولج يبرصة
- شنو معناها هاي
گرصني
- گولي شتردين ؟
- مممم انت شو ما  .... ما ضربتني
-ها!!!!!!!!!!!
باوعلي بعتب
- من گالج علية ناقص حتى اضرب مرة ...!
تهاني هيچ گالت الچ ؟
بعدين تعاي اليوم شنو الي جد .. ليش اجيتي الي ...؟
- حتى ما تزوج علية هنيوة
عقد حاحبة علية وصفن بوجهي يباوعلي بستغراب واني ابلع بريگي خفت
- شنو شنو عيدي ...
- هي گالت والله
حطيت اصبعي على حلگي وهو طلعه وگال
- تهاني موو
هزيت راسي بنعم
- اهااا تهاني ..
ابتسم وضل يهز براسه متحلف بيها
- حسن ..  لا تگول الها حباب حباب
- وهي گالت الچ اني اضرب ؟!
مووو
- لا لا  لا هي مگالت بس انه اسأل ليش ما خنگتني او عض... يعني هيج هيج
اريد انام
- تعاي فهميني شنو قضيتچ شايفتني بعبع اكل ..
لا يكون بالمستشفى صاير بيچ شي ؟ او متعرض الچ أحد
نترت بوجهه
- لاء لاء محد . اقصد وسام ..
سكتت ودرت وجهي ..
- هدى .... صارحيني  .....هدى ..... شصار وياچ .... ليش  تعذبتي بحياتچ .... شنو سوة وسام .....
چان يضربچ ...
- كافي ... كافي
- صارحيني ليش چنتي خايفه مني

ما جاوبته
- چان يضربج اثناء العلا....
سكت ما كمل
تنهد وحل بينا السكوت ...اشوية وگال
من سمع صوت شهگاتي
- هذا مريض ... هدى مو انتي .... سادي ... عنيف .... الله غاضب عليه ...
سكتني ونمت بحظنه مطمأنه

گعدت الصبح ... لگيت نفسي وحدي ... ضجت
ليش ما صحاني ... باوعت للساعة توها ب 7 اشعنده طالع من وقت ..  گمت اغسل وجهي ... اشتميت ريحة تقلاة بالمطبخ .. ممم اليوم عطلة ليش تهاني گاعده من وكت ؟ دخلت ردت اصبح عليها بصراحه كنت ممتنه الها وچان اشوف حسن واگف على الطباخ ويقلي مقالي وحاط الچاي يتهدر على ام الفتل و يدندن وعايش الجو ... التفت شافني خلفه صافنه على الگيمر الي حاطه على الكاونتر
- صباح الورد لوردتي المفتحه
- صباح النور

مديت راسي اريد اشوف شنو يقلي
-ههههه هم بتيته
- روحي منا يلا العروسة ما تدخل لهنا
-اساعدك
- فاشلة جدا روحي
طردني وگفت يم عتبت الباب مبرطمه
-تعاي لا ازعلين خل اگلج شغله
بزعل
-شنو
لزمني من خدي وقبلني
اشگد هادئ وياي احسة مثل نسمة هوى عليل يبرد روحي من تمر شفته عليه
گعدني بالغرفة . ورة اشوية دخل عليه بالصينية انه شفت الگيمر عرب والعسل متت عليهن وهو ياكل بتيته وطماطه .. چنت اضحك عليه اشلون يگدر ياكلها ....
شلت الصينية وديتها للمطبخ ودخلت تهاني وجه ما يتفسر ...
- اغسليها صينيتچ  
-صار
دخل حسن
- شنو يسوي الورد
تعاي هدى
التفتت عليه
- بس اغسل ذني
اتقرب مني ولزمني من ايدي حيل كأنه يراوي تهاني . وراحنا من گدامها ..للغرفة ... 

ومرن ايام واشهر وانه الحمدلله زينة اخذني حسن لطبيب نفسي حتى يشوفني اگدر استغني عن العلاج ... قلل الجرعات واشوية اشويه اتخلى عنه ....
تهاني نفسها ما تغيرت دوم اكو مشاحنات بينها وبين حسن واكو نار غيره بنظراتها الي احسها تريد تكتلني .. بس هي ابد ما تأذيني حتى بالكلام ، التلفون ضل مرات اشوفه يگعد يخابر ومرات لا يعني قل اهتمامه بهاي هناء بس ما انتهى بيوم كل ساع يرن التلفون ويركضن البنات يسابقن يفتحن الخط بس تطلع هناء يگولن محد موجود امهن معلمتهن
ليش ما اجه حسن گال صبونا عشا من دگ التلفون رد هو .. اشويه وسد الباب
تهاني اتباوع الي بلوم زين انه شنو بيدي ..
رحت اريد امارس  عادتي بالتسنط عليهم
حطيت راسي على الباب ...
عذراء شافتني رادت اتصيح بيه امها منعتها وسحبتها ...!!!
سمعته يگول
-محلولة بس لا تبچين انتي .. الله كريم
رحت وما فهمت شي شنو هي المحلولة
الليل كله كل ما اصحى الگاه گاعد ومهموم .. اجانه يضحك ويسولف بس من اتصلت بيه هاي
شو كلش ضاج ...
مافهمت شي ضل يومين ضايج ...وما يحچي ويانا ....
احد العصريات جنت اقرة قرأن و تهاني تشتغل كالعاده ...
ندگ الباب .. ومن فتحنه البنات .. اجني يركضن
بيبي اجت بيبي
دخلت ام حسن وحسن خلفها ...
انه سلمت عليه عادي

- هلا بيچ
گالتها بثگل ..ولا چنها ذيچ الي تضحك بعرسي من ابنها !
يمكن نص ساعه المرة يمنه گاعده وتهاني ماكو ..
دخلت واخيرا
- اشلونچ عمه
بثگل
- هلا ام شروق
تباوسن وگعدت تهاني
-هدى جبتي ماي لعمتچ
عذراء -اني جبت الها
-گومي هدواي  سوي شي اشربه عمتي

ما اعرف شنو غاية تهاني من اصخرني گدام عمتي اصلا تهاني ما اتصخرني بالعاده ؟؟؟
- اي صار
عمتي باوعت الي بستصغار
- لا ما اريد قابل اني خطار و اضايفوني
حسن كان بالحمام
انجلطت تهاني من عرفت عمتي راح اتضل يمنا كم يوم راحت للمطبخ وصاحتلي
- اگلج هاي عليچ خدمتها اني ما عليه بيها وانت اگعدي يمها اني اذا اضل يمها اكتلها بيدي
-صار
- عايزه اني مصايب انتي بصوب . وهناء بصوب وانوب اجتني هاي الله الي يعلم شنو من مصيبة جايبه النا ...

وفعلا مصيبة ... بس تبسمر بتهاني .. چنت گاعده يمها واجه حسن هذا الحچي بعد العشا دخلت تهاني وقدمت الچاي
وگعدت يم حسن . انه على يساره وهي على يمينه .  وهو يضحك ويه امه .. مرة چبيرة مدگگه  وجها بنقش زرگه وبيضه حمرة مثل ابنها
اسنونها واگعه
عمتي
- صدگ دريت ببت عمك خطيه
اخوانها يردون يبيعون بيت ابوهم

فهمت انه ان هناء ارملة وعايشه ويه امها وعدها اثنين بنات واخوتها يردون يبيعون البيت ويتقاسمون الحصص؛ وضاله حايره
عرفت ليش حسن متكدر من خابرته .. ما ادري شو حسيت بشي يوجعني من عرفت ضايج عليها ...
وگعت اشويه جاي على ثوبي
عمتي
- شنو هاي الفهاوة
گرصت ثوبي بماي ورجعت الهم
مطت شفتها عمتي من شافتني وگالت
-ماعندك حظ اوليدي ....  بالنسوان لو برصة  مثل جبن العرب الفاهي ....
لو زرگة 
انه استغربت من كلامها صفني

تهاني
- اي والله عمتي ماعنده حظ مثل ابوه
وهزت راسه رافعه حاجبه بسخرية لعمتي الي بطلت تشرب جاي وتتخازر مع تهاني بالوقت الي حسن يشرب شاي ومغلس عنهن كأنه ما يسمعهن اصلا كان شارد البال ...

ثاني يوم عمتي بس تعيب على ترتيب البيت وحتى على تمشيط البنات كلشي تحشر خشمها ولزمت على حسن الا ينام يمها ...وانه ضليت وحيده اتمنى بس ترجع لبيتها وترجع الي رجلي تعودت عليه .

چنت گاعده يمهم ؛ دوم بعد العشا نگعد احنه الكبار عود وهو بالحقيقه تهاني تجبرني اگعد يم عمتي حتى لا تگعد هي ..بس حسن من يگعد تجي ...
عمتي  باوعت لتهاني بخبث
- اي حسن شرايك بالموضوع الي گتلك عليه

تهاني صارت اتصوفر وتنطي الوان تعرف جية عمتها مو خاليه
حسن
- بعدين يمه نحچي بهذا الموضوع 
عمتي
- لا يمه لازم يعرفن بعدين انت ما مقصر وياهن وهنه اشوفهن متراهمات .

تهاني
-  شنو القضية
ردت عمتي ببتسامة
- ماكو قضيه يعمه .. انتي وشلتي الرحم و ضرتچ مريضه تاخذ ادويه وينها وين الحمل

حسن بقلة صبر
-  يمه .. كافي سدي الموضوع
- شسد اخذ بت عمك وبت اخيتي هم ارمله و مرة نشطة اجيب الك الولد ...
انه ما تحملت كلامهم گمت .. وكأن سكين وانغرز بيه .... حسن يزوج !!!! هدتني هاي الفكرة ....انه ليلة ما يبات يمي اموت الف موته تعودت على ريحته همساته لمساته . صحيح تهاني وياي بس ما احسها ضرتي لأن من ازوجنا لليوم ما بايت بفراشها ليلة ...
البيت اجوائة  اكدرت خاصه تهاني سوت عركه ويه عمتها وحسن دخلها لغرفته  واسمع اصياحها وياه .. ندگت بابي ...
دخلن رقية  وفاطمه يبچن
هو انه دمعتي بخدي
- تعالن  يمي
حاوطتهن بأديه واسكت بيهن وانه اريد احد يسكتني ....

على الريوگ من راحن البنات للمدرسة طلب من رقية اتجيب اله غرض من الغرفة باوع لتهاني بتحدي
- اي يمه نخطبها لهناء ...اشعندي اني رجال مقتدر
انه الي احترگت مو تهاني ...شو ما حاسب الي وجود ...انه حاسه هو كلشي يسويه كيد بتهاني ...زين وانه ما فكر بيه كأني ما موجودة بينهم شو  !!؟؟؟
عمتي صارت تضحك وطلعت لهاته الي بلا اسنون وتهاني خزرته وگامت
- والله العظيم اطلگ منك ولا تاخذ هناء بعد
عافته وراحت هو گال خلفها
- يمه من اترجعين اخطبيها
التفت هناء عليه وراحت بعدها ...طلع حسن للشغل وانه گاعده اباوع للقوري وابچي
يوم ثاني مر چان عندي امل تهاني اترده ...بس كظته عرك وياه وما سوتها صدك ولا طلعت من البيت .....
اجتها اختها اخذتها وراحت للمطبخ عن عمتي
انه رحت اسمع بلكت عدها حل

تهاني
- عجوز النار شافت هدى تحت ابطي گالت اجيب الها وحده تفرسها ...اااخ الصبح اتگلي يلا روحي لو بس حچي ... حامض على بوزهن اعوف البيت والله

ام محمد
- شسوين لعد

- ما اعرف شوري عليه اطياف اكتل عمتي وارتاح ...

-اكلچ شي والله لو بس اتنزلين من راسچ اليابس وتعتذرين اله  وبكلمه طيبه اتهدية ترة والله من حبه الچ هيج يسوي وياچ

صاحت تهاني
- لا والله حبه الي كل يوم رايح لمرة ....ولچ يا حب هذا اتوسلت بيه وماقبل هي بقت كرامه هسه حايره خايفه اطلع من البيت وانطي لزمه عليه ...
-والله ما اعرف شكلچ
......

رجعت لغرفتي عرفتها مابيدها شي تهاني  ..
على العشا هم فتحت الموضوع  عمتي  وبلغت بناته ابوهن يريد يزوج اباوع لحسن شو ساكت ... مكيف بالثالثه ...
فاض بيه عفت العشى الهم ورحت لغرفتي انحب ........اجتني التخيلات مال انه بغرفه وحدي ظلمه ....واباوع من الشباك لحسن من بعيد واگف وعايفني ...يا يمة .... اخذ بيدي ولا تخليني .... والله انه احبنك ....
طلعت من غرفتي مدرعمه للهول هم شفت العمه گاعده وتحچي ويه حسن على التفاصيل
حسن
- اي يمه خابرتها وبلغتهم باچر انتي يمهم
گعدت يم تهاني ...چانت اتباوع للعمه بنكسار
من شفته هيج يگول وهاي هي هو مزوج  ... طفرت من مكاني وادموعي طلعن الهم وصحت وانه اشاهگ
- ليش تزوج عليه انه اشبيه ....
رعبته من طفرت هيچ
ضليت ابچي واصيح حتى شعري معشته فقدت كأنه النوبة البدائية رجعت من جديد ابداخلي اريد اسيطر عليها ما اگدر طلعت كل العنفوان على نفسي ضليت امعش واضرب بنفسي بحرگه
هو اتقرب مني ولزم ادية ...
-وخر عني كلكم نفس الشي .... ما تفكر بيه ولك انه احبك
ضليت ادفع بيه تلفت اعصابي ...
- والله لحرك روحي اذا تاخذه علي وادعي عليكم
تزوج تزوج تزوج تزوج انه شنو لعد
صحت
انه شنو

چنت ارجف واخزره بنظراتي الدامعه ..  والهث
حتى البنات التمن على صوتي
حسيت بنظراته عطف اذاني اكثر .... ردت اضرب نفسي لزم ايدي
باوعلي برقة واعيونه مترجية ابطل أذي نفسي -كافي ..
-وخر عني ... ازوجها واحسبني ميته ...
جرني بعنف گدامهن وحظني وانه ادفع ... مثل العصفور وهو ضخم ... احتواني 
ويقبل براسي
- اهدي يروحي ...ياب اهدي
گوة ركدت بعد ما تحركت بس انهد حيلي
رفع راسي عن صدرة وباسني من خدي .. گدام اهلة واخذني لغرفتنا ....
-وخر عني
گعدت على فراشي امسح بدموعي
-والله اذيتيني يا مرة والله احبچ
گعد يمي ...باس ايدي وگال
- اني عندي هاي النار واروح لغيرها ... هيچ اتحبيني   .... ليت النسوان تتعلم منچ وباوع للباب ... والله العظيم كلمة احبك منچ تسوة حور العين كلهن ...ولچ رديتي بيه الروح ..
حظني واني هديت بحظنه
رجعت ابجي بهدوء واجر حسراتي ...
- هش ... حبيبة اسكتي .. محد راح تجي بعدچ ...و لا قبلچ چان عندي مرة اتحبني  .
رفعت راسي اله
مسح دموعي بايده بحنيه وقبلني و ............

كنت نايمه وحاطه حسن بحظني وضاغطه  عليه كأني خايفه لا احد ياخذه مني ....
همس
- لو ادري خبر زواجي يحركچ هيچ واصيرين حارة كلچ دفوا چان سويته من زمان ...والله

-اسكت......گلبي يوجعني  بس اجيب طاري الزواج ...  اذا تريد تزوج ...والله انه لو اشرد منا لو احرك روحي ما اظل
رفع راسه عليه
- ظلي هيچ وردتي .... لا تخافين وعد مني موضوع بت عمي انتهى
ندگت الباب علينا
احتاسيت اني .. من سمعت صوت عمتي ضميت راس حسن بأديه وهو ضحك .. وابعدني راح لبس دشداشته ..
فتح الباب وراد يطلع ...هي مدت راسها وشافتني ملفلفه بالشرشف .. دفعها على كيف وطلع وياها ...
رحت انه سبحت ....طلعت من الحمام شفت تهاني جاية من المطبخ .. ما گدرت افسر نظرته الي ...
رحت للهول وسمعت عمتي ادردم على حسن لأن مخابر الناس معتذر منهم ...
انه گعدت يمه وهمست
- لا اتنام يم امك اليوم ...اريدك ...
هو بس سمعني .. سحبني وراح وعاف امه تحچي عليه ..
ثاني يوم راحت امه ما بقت يمكن زعلت عليه ...
وتهاني صامته ما عرفت موقفها ...
انه من غيرتي كل ما اشوفه بالاستقبال
اروح يمه اگعد ...
شيبته حتى من يجون ناس  اله بالقوة اطلع منه ..  ربطته ابد ما نطي وقت يگعد وحده .بس من اشوف البنات يمه اروح عنهم ...
وابصراحه اشوف بعيونه الارتياح من يشوف تمسكي ويلتمس غيرتي ...
ترة انه مو بارده ولا فاهية انه الخوف چان يمنعني اسوي اي فعل اخاف من رده الفعل ..
هسة التمست حنانه عليه فطلعت الي جواي وضهرته ...
جنت اكرز حب بغرفتي وسمعت حسن يصيح بعلوووووووا حسة
-هدددى تعاي ..  تعاي الحگي  
طفرت انه وكفشتي .. عفت الحبابي
ركضت طلعت تهاني من غرفتها هم مخترعه
رحنا للهول
حسن
- تعاي قبل لا اتروح ...
اشر على التلفزيون
چانوا يباعون فلم اجنبي 
- هاي اشبهج
چانت ممثلة اتخبل شگره
هزت بأيدها تهاني
-يا مثبت العقل ...
راحت لغرفتها وانه فرحت يعني حسن هيچ يشوفني حلوة بعينه
گعدت يمه
- ليش خانسه اهناك ما تجين يمنا
- انه ما احب الاجانب لو عراقي چان تابعته ..
- هو اكو احلى من الاجانب ...
- يلا راح اباوع لأنك تحبه ...بس حباب اقرة الي الترجمة انه اتروح وملحك اقرة
-هههههههههه    مدام على مودي موافق 
ضل يقرة الي وانه بس اباوع وبناته هم گالن بعد ما نقرة
وبته رقيه نايمه بحظنه وغافية ...
ضحكنا على البطلة اهواي لأن كل ما تطلع يگولن البنات هدى طلعت ...
انوب سون ابوهن البطل والبطل چان جسمه رياضي واصلع ...

مرت سنة على زواجي ... 
رحت لتهاني ... وانه متردده ...لا اتعصب علية
چانت حاطه نفط واصگع بالقمل مال راس بتها
- كم مرة كلتلچ لا اگعدين يم وسخات ....
اني اسمي مبتليه ...
باوعتلي صفح
- اشاريده  انتي ....
- اريد ....اريد ... انه انه .....يمكن حامل
تبدة النفط منها وضلت حايره بيه ...
عفتها .... العصر  اجتني  مكتئبة گالت خل انروح انحلل الچ  .
رحنا ..... وطلعت حامل بيومها السيد طار من الفرح .... انوب گام يصيحني ام علاوي ...
انه ما يخلوني اجيس الورد ...حملي چان صعب بس نايمه حتى اكلي يوصل لعندي وحسن حيل مراعيني لان قطعوا عن العلاج نهائيا ... ودوم يگعد يقرأ فوك راسي قرأن وانه هم ملتزمه بيه
كنت اخاف على ابني لا هم يروح بسببي ..
وهذا ابن الغالي ... چنا انه وحسن ننتظر تهاني اجيب النا العشة ...عذراء راحت اساعدها ...وصاحت لأبوها مفزوعه ....راح حسن وانه هم رحت وچان اشوف ذيچ المرة القوية واگعه لا حول ولا قوة .... شالها حسن وگعد يصحي بيها ..  ماكو منها جواب  .. !!

يتبع