البارت التاسع
دخل المكتب وقفل الباب ب المفتااح وخذا المفتاح وحطه ف جيبه فصخ البالطو رفع اكمام قميصه مركز كل نظظره ع مازن الا كان الرجفه واصله عيونه
اول ما باعد مازن من على اضواء وتخبت تحت المكتب ع طووول وباعدت المناديل الا كان ب فمها تورط مازن لانه يعرف انو سليمان قوي وممكن يجيب اجله(طيب ياملقوف مدام انك عارف لييش تلعب مع حبيبته المستقبليه؟؟)
مازن بخوف:اشبك سليمان ؟
سليمان وهو يمشي اتجاهه ببطئ ويرفع اكمامه:مادري اشبني؟
مازن:انت فاهم غلط
سليمان يتصنع الهدوء وهو العكس تماما :طيب فهمني
مازن:هي الا اغرتني
سليمان:هي الا اغرتك
اضواء:كذاب ف ن.....0
قاطعها سليمان :انطمي وانثبري مكانك
(للي ما ييعرف وش معنى انطمي معنها اسكتي بس بصيغه اجمد واقوى)0
سكتت اضواء وهجدت مكانها
سليمان:ايوا قولي كيف اغرتك؟
ابتسم مازن بخبث:اكيد مثل ما كانت تغري ارجال قبل فهاذا هو طبعها من زمان كانت وما زالت عاهي....0
قفلت اضواء ع ذنيها بيدها عشان ماتبي تسمع ذيك الكلمه منه خصوصا قدام دكتورها الا تعتبره قدوه لاكن قبضه سليمان اسرع من ان يكمل مازن اخر حروف كلمته البذيئه التي كانت كفيله باسقاطه ارض
مازن بالم:سليمان ليش ضربتني؟
جلس سليمان فوق مازن ع بطنه ومسك وجهه من فكه
سليمان:تتوقع انو انا غبي عشان اصدق ذا الكذب عنندي عيون اشوف فيها وعندي عقل افكر واحلل بيه وعندي مساعده اصدقها واثق فيها عاد انت غلطان انك تلعب معي انا ومساعدتي
مازن:لا خلاص سليماان ابعد عني
سليمان وهو يبكس مازن :اناادري انك حقير بس ما توقعتك تكون دنيئ لدرجه انك تدخل بنت بريئا مالها اذنب بهوشتنا وتتهمها بشرفها وتعيد غلطتك القديمه
كانو عبد الرحمان ويوسف وخالد متجهين لمكتب سليمان عشان يعطونه تقارير الحاله الا كلفهم بيه سمعو صراخ مازن وسليمان بداؤ يدقو ع الباب ولاكن بدون استجابه
يوسف:وش يصير جوا؟
عبد الرحمان:مع مين يتهاوشش الدكتور سليمان
خالد:ذا صوت الدكتور مازن
عبد الرحمان :يعيال لازم ندخل نسوي شي
يوسف :ايه من جد انا غسلت يديني بعد ما كان الدكتور سليمان بيكسر انف الدكتور مازن
خالد:وش رايكم نكسر البار
يوسف:طيب يلا انا وانت
عبد الرحمان:لا لا انا اقواء من خالد
خالد:لا والله
عبد الرحمان :تقدر تنكر؟
يوسف:مو وقت عنادكم يلا بسرعه
وطبعا قدرو يكسرو الباب وشافو سليمان مازال يبكس ف مازن ودمه فيده ومازن شبهه فاقد الوعي
يوسف بشبه صراخ:دكتور سليمان!!!
شافهم سليمان ومال باتجاه اذن مازن وهمس
سليمان بهمس:قسما بالله لو جبت للاداره والتحقيق اسم والا سيره اضواء اقسم بالله اني لاخليك اخس والعن من كذا لدرجه انك تكون سادح ف سريرك اخليك مشلول تبي تتأكد جرب تذكر اسمها
وقام من عليه راحو الشباب لمازن يتطمنون عليه
سليمان ببرود وهو يمسح يدينه من الدم:ودوه لغرفه الملاحضه انا باعالجه(لا يشيييخ احلف لا بالله)
خرجو الشباب مع مازن وراح سليمان للمكتبب وقال لاضواء:بعد نص ساعه اخرجي ومعك اوراق او أي شي للتمويه
فمكان ثاني كانت الشركه بفوضى وتوتر لانو جاهم شغل
فيصل :حمزه دق ع الممثلين واكد عليهم وارسل لهم سياره توديهم للموقع
حمزه :حاضر استاذ
فيصل:مروه
مروه:هلا استاذ؟
فيصل:الازياء جاهزه والكاميرات والافلام وكل شي ؟
مروه :كل شي جاهز بس الازياء كلفته بدور
فيصل:طيب هي وينها الحين؟
مروه :ب القبو(القبو معناها غرفه تحت الارض مثل المخزن)
فيصل:طيب انا باروح اشوفها تأكدي انو كل شي جاهز
مروه :حاضر استاذ
نزل فيصل للقبو شاف بدور دوبه بيتكلم عليها بس لاحظ سرحانها(سرحانها=شارده الذهن) بالازياء أي الملابس خصوصا ع لبس واحد الا كان لبس عروسه فستان الابيض مع طرحته والمسكه والكعب والاكسسوارات المناسبه عليها
كانت سرحانه ب الفستان ماسكه طرف الفستان وتحركه خذت نفس عميق وقالت
بدور:متى بيجي اليوم الا البس فيه فستاني الابيض (تنهدت مره ثاني:ههه واضح أي ماراح البسه يلا ما البسها انا بس تلبسها ليان اهم شي ليان (وضربت ع خده بخفيف:يلا يلا بدوور ركزي وخذي الملابس للسياره
وراحت بدون لا تتنتبه لفيصل
فمكااااان ثاني
كانو مركزيين فعيون بعض ومقابلين بعض وواضح الجديه بعيونهم
سمر:اكيد انا
علي:لا تحلمين كثير
اثنينهم بنفس الوقت :حجره ورقه مقص
علي:لااااا
سمر:يس يس
علي:اووف وين تبين تروحين مره ثانيه؟
سمر وبثقه : الشانزليزيه
علي:يعني بتفلسيني اليوم
سمر:ماراح اشتر من فلوسك باشتري بفلوسي بطاقتي معي (وطلعت البطاقه
خذا علي البطاقه من يدها بسرعه:أي بطاقه؟
سمر:علي جيب بطاقتي
علي:أي بطاقه؟
سمر:بلا سماجه جيبه كيف باشتري وبطاقتي عندك
علي :مين زوجك انا يعني انا المسؤل عن مصرفك خلي فلوسك للحاجتك المهمه
سمر:طيب عطني بطاقتي
علي حط اليطاقه بجيبه :لا خليها معي الين نرجع انا ما اثق فيك
سمر:اوف يعلي اوف
علي:يلاااا
ف مكان ثاني
ف بيت بدورين ما يسكن فيهاغير شاب واحد ف منتصف العمر
دوبه دخل البيت كانت الخدامه الا جايه من الشركه تتجهز عشان تخرج
(ملاحظه :الا ب العربيه الفصحى يعني يتكلمون بلغه غير العربي غير المزح والتريقه الا بين الابطال والشخصيات)
الخادمه:لقد انتهيت سيد سليمان هل تريد شي ثاني ؟
سليمان :لا شكرا
ولما كانت بتخرج جا سؤال ف بالها ع طول :سيد سليمان هل تسمح لي بسؤال؟
سليمان :تفضلي
الادمه:لماذا انت تعيش وحيل اقصد لماذا ليس لديك زوجه
سليمان ب ابتسامه خفيفه:لنقد انني طول تلك المده لم اجد الفتاه المناسبه لي
الخادمه:والان هل وجدها ؟
سليمان:تصبحين ع خير
عرفت الخادمه الجواب وابتسمت:تصبح ع خير سيد سليمان
الخادمه بعد ما خرجت تفكر ف نفسها:اذا كان وجدها لماذا لم يتزوجها؟
فبيت بدور الليل
كانت ليان تعلم خالد يقول كلمه
ليان وهي تأشر ع بدور:مين هاذي؟
خالد بحماس وفرح: بدوووور
ليان بشوي وشوووي وشوييييه عصبيه:لا يغبي هاذي ماما بدوور اييش؟ماما بدوور يلا قولي وش اسمها ؟
خالد بملل:لااا ما ابغى ابغى العب
ليان :اجلس مكانك
جت بدور:يااا ليان اتركي الولد يلعب وانتي لكي ساعه ماسكاه وش تعلمينه
ليان:مالك شغل(تتكلم ع خالد:روح الحين العب بس شوي وترجع فاهم
باعد عنها خالد شوي وناظرها :يا عجوزه انا ما احبك خلي الحرامي ياخذك ويقطعك ويرميك للانملز ( انملز=حيوان ب الانجليزي) وراح وتخبى ورا بدور
ليان:انملز انملز مرره وححده
بدور:يعني انتي ما علقتي الا ع انملز و الباقي ما همتك
ليان :لا ذا عادي كل يوم اتهاوش معاه ويقولي ذا الكلام بس لا فاجأني انملز اول مره اسمعها
بدور :خلودي ماما روح العب ف السبوره
خالد:اكتب الف وباء؟
بدور:ايه اكتب الف وباء وتاء واكتب 1و2و3 طيب
خالد:طيب (وراح
ليان :تعالي بدور اجلسي ابغى اكلمك
بدور باستغراب :هلا
ليان:اسمعي لما كنت عند عمي سمعته اليوم يقول لزوجته انو هيثم ولده يبيك
بدور:نعم؟؟
ليان :ذا الا سمعته وانتي وش رايك؟
بدور:طبعا لااا وش ابي ف عيال عم م ابيهم
ليان:ليشي بدور انتي ما تبين عيال عمي طارق او أي احد من اعمامي
بدور:شوفي ي ليان ما تشوفين تعاملهم معنا كاننا نتشحت عندهم عمي طارق ما يدري عنا ونادر ما يسأل عنا واحنا يوميا نروحله ونخابر به اما باقي عماني اشك انهم يتذكرون انو عندهم بنات اخ ما يجونا الا للمصال اعطينا ارضك بيعولنا ارضكم بس معليشماني متزوجه احد من عيالهم وانا متأكده انو يبون يزوجوننا عيالهم عشان اورث والكلام ذا لك كمان يليان لا تتزوجين احد من عيال اعمامي ابد
ليان:لا وش ابي فيهم انا بانتظر فارس احلامي مثلك
بدور:وش فارس احلامي ؟
ليان:لااااا انتي مو فارس احلامك انتي بطلك ومنقذك فيصل
بدور:ليااان
اجاهم خالد وف صباعه السبابه الغطئ تبع قلم السبوره:دادي فينقر دادي فنقر ويي اريو هير ايام هير ايام هاو دويويو(جتني حاله نفسيه من ذي الاغنيه قلت لازم ادخلها ف الروايه ههههههههه).
ليان:لا مو من جدك خلودي
بدور:هههههه يما فدوه يربي (وحضنته وباست خده بقوه
ف بيت ابو فيصل
كان فيصل سادح ع سريره ويفكر ويتذكر شكل بدور قدام الفستان دخلت عليه اخته
الاخت:هاااااااي
فيصل بتفاجئ:بيلسان وش جابك؟
بيلسان:بدال ما يقولون الحمد الله ع سلامتك ع طول وش جابك
فيصل :لا بس استغربت ما كملك شهر من سافرتي
بيلسان:الحين ذا ما يهم الا قولي وش سالفه بدور هاذي الا تودي ولدك عندها كل يوم ؟؟
فيصل:ولا شي مجرد موضفه حبها خالد قلت ابيها تساعدني ف خالد وهي ما قصرت تمسكه لي
بيلسان :بدون راتب؟
فيصل:ايه رفضضت انها تاخذ مني أي فلوس ل خالد
بيلسان :تزوجها
فيصل :يا لييييل حتى انتي
بيلسان :لا من جد اسمع ولد نااادر ما يألف احد وهاذي الموضفه مرره حبها خلودي مرررره وكمان ما اعتدق انو انت خلاف عن ولدك طبعك وطبع ولدك واحد ف تزوجه يكون تربي خالد قدام عيونك وكمان تجيبو اخوان لخالد
فيصل:لا والله
بيلسان :لا والله من جد لانو اذا انت ملاحظ ترا خالد مستوحد ما حولينه احد يلعب معاه يتهاوش معاه وخلاص تراها مسخت روح تزوج يااخي فرحنا فييك اما انت كمان
فيصل:ه بالله انقلعي ابي اروح اجيب خالد
بياسان:باجي معك
فيصل:لو تموتين يلا انقلعي لامي يلاااا
خرجت بيلسان خائبه الامل وراح فيصل جاب ولده
مكالمه جماعيه بين البنات
سمر:سلام كيزلاااار (اعتقد كل بنت بتفهم معناها بنات ب التركي )0
بدور:اهلين بناات
اضواء بذبول:هااي
سمر:بدور مين ذاك البزر الاصورتييه ب السنااب مررره كيييوت مين هو ا؟
بدور:ذا خلودي ولد مديري مثل المربيه يجي عندي البيت الين يجيله ابوه
سمر:كوووت يما يهبل كيووت خصوصا ما يقول دادي فنقر دادي فنقر كيووووووتت
بدور:هو ولياان كل يووم يتهاوشوف هي تبغاه يقول شي وهو ماهو راضي يقل مدري وش الا تباه يقوله
سمر :الا صح كيف حال ليان وكيفها مع الدراسه ؟
بدور:الحمد الله كويسه حتى الحين مدري اشبها مع الرياضيات اعتقد انها ماراح تدرس علمي بتدرس ادبي
سمر :الله يعين
بدور:اضواء اشبك ما تتكلمي؟
اضواء:بنات ابي اقلكم ع شي؟
سمر :خير ان شاء الله
اضواء:مو انا قلتلكم انو ذا الاسبوع راح يجينا جراح من مستشفى ثاني يشتغل عندنا اسبوع
سمر :طيب ؟
اضواء:الدكتور ذاك طلع مازن
سمر:مين مازن؟
بدور:مازن طليقك ؟
سمر :الحيوان ذاك؟
اضواء:ايه
بدور:خييير وش يبي ذا ؟
اضواء :الاخس والادهئ انو هو رئيس الثاني لفريقي
سمر:لحضه لحضه فهميني ؟
اضواء: مازن جا عندنا مثل اتطبيق فهو شريك رئيسي لمده اسبوع
بدور:المهم ما سواء فيك شي
اضواء بتردد:تنوم بسببي اليوم
سمر:وشش؟
بدور:كيف كيف كيف ؟
اضواء:تحرش فيني والدكتور سليمان ضربه
سمر:لحضه لحضه مين سليمان ذا؟
بدور :انتظري انتي الثانيه قولي السالفه من اول من البدايه
وقالتلهم اضواء السالفه من البدايه
سمر:الله ياخذه الحيوان الكلب الخايس الزفت
بدور:انا ادري فيه انه نذل بس ما توقعته انه مو رجال
سمرر:لا تقعي كل شي من ذا المازن الله يحرقه بنار جهنم
اضواء:بدور ممكن طلب؟
بدور:امري حياتي
اضواء :ممكن تغنينلي صوتك يريحني
بدور:ما طلبتي شي
وعدلت بدور صوتها وبدت تغني اول اغنيه هي:لو يوم احد في وحدتك نادى عليك ثم التفت وشفت ما حولك احد , هذا انا من كثر ما فكرت فيك ناديت لك والكل منا في بلد,
بينما كانت بدور تغني كانت ليان سرحانه ف الا اخذ عقلها كان ولد من مدرسه الثانويه الا قبالتهم كانت تشوفه كل يوم وقت الدووام ووقت الرجعه بس هو ما يعطيها وجه او الاصح ما يدري انو فيه وحده ما يبداء يومها الا بشوفته
ف مكان ثاني
كانت ريهام مجمعه عيال اخوانها واخوها معاهم ف المطبخ وواقفه عند الثلاجه وماسكه ملعقه الخشب
ريهام :الا اخذ اسكريم النوتيلا حقتي يجيبها لي ويعترف يلاا
بدر:يالييل ترا كلها ايسكريم لا تكبري الموضوع
اشرت الملعقه الخشبه عليه :يعني انت الا اخذتها
بدر:وش دعوه وش دخلي انا
دخلت تهاني المطبخ وكانت حاطه الطرحه ع كتفها شافت بدر
تهاني :وي وي وي بدر الله لا ينعلك فجعتني
كان بدر ماسك خيار وياكلها
ريهام :تاني شفتي مين اخذ اسكريم النوتيلا حقتي؟
تهاني :ايه ساره خذته تتوحم الاخت
ساره:تتوحد بكيفها بس ما تتوحم ع اسكريمي رحت الحكير مخصوص عشان اجيبه(الحكير ملاهي ب الرياض)0
تهاني:طيب انا وش دخلني عاد
ساره:انا رايحتلها الحين
وطبعا كانت مشاحنات سخيفه وعميقه بينهم
اليوم الثاني المغرب ف باريس
علي:خلاص يسمر صرنا المغرب اخلصي بسرعه عشان ابغى اروح اصلي
سمر : طيب خاص مشينا
ولما كانو يمشون لفت انتباه علي شي مرره عجبه
علي:سمر انتظري هنا خمس دقايق اروح واججي بسرعه
سمر:مدري مين اكل لحم راسي عشان اخلص بسرعه
علي:لحم راسك ..طيب طيب بس خمس دقايق شوي ذا المحل الا قدامنا لا تتحركي طيب
سمر:طيب
وراح علي للمحل الا قدامهم لفته سلسال صغير ع شكل ورده جوري صغيره لونها اسود فكر انها بتطلع حلوه ع رقبه سمر ف اشتراها لها وبد ما حاسب وطلع شاف رجالين كانو يختطفون سمر
يتبع.................
اخيييرا نزلت البارت التاسع تقدرو تزغلطو
اسفه اذا ماكان البارت قوي (كا ما نزلت بارت لاااازم اعتذر)0
وش توقعاتكم عن البارت الجاي
ومين يكون حبيب ليان
و وش راح يسير مع اضواء
وش بيسوي علي لخطاف سمر
و فيصل هل وقع بحب بدور والا لساته
وسليمان وش قصته
اتمنى انكم تقدرو تعبي ب تصويت ونشر واشتراك واحب اقراء تعليقاتكم واتقبل ارائكم
تشااو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!