البارت العاشر
..........................................
شاف علي اثنين رجال يسحبون سمر ل احد الزقاقات ترك السلسال و راح و جراء الين عندهم وهو يصارخ ب العربي :ياالعيينين ابعدو عن سمر حقتي
ضرب واحد منهم ب شنطته بقووه ع وجهه كافيه انه تفقده وعيه والثاني ترك سمر وضرب علي بوكس رجعله علي الدبل ولما كانو يتضاربون
سحبت حرمه سمر وقالتلها ب الفرنسي:ايتها الفتاه ابتعدي عن عراك الرجال والا ستتأذين
سمر ب الانجليزي:انني لا افهم الفرنسيه
المرأة ب الانجليزي:انني اخبرك ان تبتعدي عن العراك والا ستتأذين
سمر:لكن انه زوجي
المرأة:انتظري انهم رجال سوف ينهون الامر بينهم عاجلا ام اجلا
رجع الرجال الطايح لوعيه وبغفله من علي الا كان جالس فوق الثاني ويضربه مسكه الاول من ورا ب احكام ودوب الثاني بيضربه استغل علي احكام الاول له نط ورفص الثاني بكل رجوله صك راسه ب الجدار وفقد الوعي والثاني رفص عليه ركبته من قدام طاح الثاني مسك علي طوبه صغير دوبه ب يضربه ف راس الثاني الا كان يصارخ الا نو وقفه صوتها
سمر:علييي لاااا
دور عليها علي بعيونه شافها واقفه بين زحمه الناس طيح الطوبه وراح لها وهو يعرج وقالها ب قلق وهو يتفقدها
علي:فيك شي صارلك شي انتي بخير؟
سمر:ايوا انا بخير مافيني الا العافيه الا انت شوف حالتك وجهك مفقع وكمان تعرج انت بخيير؟
علي:انا بخير مافيني الا العافيه
المرأة:يجب عليكم الذهاب لقد قام احد الناس باستدعاء الشرطه يجب عليكم الذهاب فورا
سمر:يلا علاوي يلا رجعنا الفندق والا تجي الشرطه وتمسك كمان
علي بنفسه:علااوي؟!!
المرأْة:هيا امسكي ذراع زوجك واذهباء الان
سمر وهي تمسك ذراع علي:وكاني مسكت ذراع زوجي ويلاا للفندق
علي بنفسه:زوجي؟!!
سمر وهي تمشي وتقصد المرأة:شكرا لكي كثيرا (وراحو
المرأة ب العربي:يؤبروني شو انهم مره زريفيين(ب السوري
ف مكان ثاني
يتوجهه لمكتبه بعد ما خضع للتحقيق
كان الممرض يوسف وخالد والممرضه وليلى ونبراس ناطرينه عند مكتبه
يوسف:بشر دكتور وش صار؟
سليمان:ابد ولا شي بس تحقيق
ليلي:ها وبشر ؟
سليمان والابتسامه شاقه وجهه:طلعتا نظييييف
خالد :ككفو علييك
يوسف:ذييب ي دكتور اقسم بالله ذييب
نبراس:لحضه كيف طلعت نظيف وانت الا غلطان ؟
سليمان:شكلك ما تبيني اطلع منها ؟
نبراس:لا مو قصدي بس ي دكتورلا تنسى انك انت الغلطان يعني المفروض تتعاقب بس طلعت منها ولا كانك سويت و وش الا صار ؟
خالد:يوا صح كيف ما فكرنا فيها؟
يوسف :يواا صح كيف؟
ليلى:لانكم بقر
سليمان :انا ما ضربته كذا هو عمل شي غلط وانا عاقبته وهما اخذو ذاك الشي ب الاعتبار
ليلى بسرعه :وش الا عمله ؟
طالعهم سليمان واحد واحد:يلا روحو كل واحد ع شغله
خالد:ليش دكتوره قول لنا وش عمل الدكتور مازن
سليمان :قلت كل واحد لشغله قولو لعبد الرحمن يتجهز بيدخل معي عمليه
يوسف :طيب
بعد ما دخلوا لعمليه وخلصو
سليمان :شوف ي الدحمي لازم انت تطور نفسك ان ما ابغى أي احد من فريقي يكون متركك احب اشوفكم متقدمين ع طول
عبد الرحمن:والله ي دكتور انك رهيب انا ب البدايه كنت خايف ويا الله ذا الدكتور ما راح اخرج من عنده الا بطلعه روح ومدري كيف يعني كنت خايف بس بعدين لما عرفتك زين لا والله الدكتور سليمان اطلق دكتور مر عليا ب حياتي
سليمان :ههههه ع العموم ي عبد الرحمن تراك انت شاطر اشتغل ع نفسك اكثر وانت بتعرف خلاصك
عبد الرحمن بتردد:دكتور باسألك سوال ممكن؟
سليمان:ايه طبعا
عبد الرحمن:انت بينك وبين اضواء شي؟
سليمان:عفوا(انصدم
عبد الرحمان :لا تفهمني غلط دكتور بس يا دكتور احس انو انت مرره متعلق ب اضواء دايم اشوفكم مع بعض دايم هي الا تساعدك وكانها هيي المفضله عندك
سليمان:لا انت فاهم غلط علاقتي ب اضواء نفس علاقتي ب ليلى ونبراس وميعاد رئيس و فريقه
عبد الرحمان:ان شاء الله لانو انا فهمت من بدري ف احتمال لو ما اخذت الحيطه و الحذر يطلعون اشاعات وماحد بيتضرر من ذي الاشاعات غير اضواء دوبها ما خرجت من اشاعات الدكتور مازن اكيد ما تبيها تدخل شاعه ثانيه ف نصيحه ي دكتور انتبه ولي مسافه بينكم يلا استأذن ي دكتور
بعد ما راح عبد الرحمان
سليمان :متدربي جالس ينصحني ويعلمني الله ي دنيا يلا بس خل اروح وراي مناوبه الليل (وراح
بعد ما رجع بيته وجهز له الاكل تغداء
كان جالس ع الطاوله طالع حوله وحوليه وطلعت منه تنهيده عميقه
سليمان:هاااااههه ي سليمان البيت فاضي وكبير عليك كمان مافيه احد غيرك انت بس 31 يسليمان 31 متى تتزوج وتملي البيت بالضحك والبكاء والصراح والفرح والحزن متى متىىى ي سليمان
بعدها عدل منبهه ع الساعه 9الليل ف الجوال وراح نام
ف موقع التصوير
بدور:كم الساعه؟
مريم(زميلتها):الساعه1ونص
بدور:غريبه 1ونص واستاذ فيصل ما جاء الين الحين
مريم :كانك قلتيله تعال
بدور:كيف؟
مريم :شوفي وشوفي مين جايب معه
بدور:ياالبيه اطلق واحد يجي ف الحياه
ركض لها ووصل الين عندها :ماما بدور
مريم :ماما بدور!؟؟
بدور:حسبي الله ع ابليسك ي ليان لا تفهمين غلط مريم مو انا قلتلك انو خالد يحي عندي للبيت ف اختي ليان النذله علمته يقول كذا
مريم :اهااا
بدور:خلودي لا عاد تقولي كذا تراني ازعل منك
خالد:ليان قالتلي انادييك كذا
بدور:لا تسمع كلام ليان مره ثانيه اسمع كلامي انا بس طيب؟
خالد يهز براسه ب معنى طيب
مريم :كيووووت
فيصل:عبد الوهاب
فيصل:قد صورتو شي؟
عبد الوهاب:ايوا صورنا المشغل كله بس باقيلنا نصور الارتس وهي تشتغل ع المودل
فيصل:طيب وش الا ماسكنا؟
عبد الوهاب :الارتس ماهي راضيه يدخلون الشباب يصورو ف قلنا ننتظرك عشان نقولك البنات الا اخترناهم عشان هما الا صيور بدال الشباب
فيصل:طيب مين هما ؟
عبدالوهاب:مريم ونور وبدور
فيصل:طيب تمام
جوا المشغل كانو بس بنات
نور:ارتس فوز ممكن تنادي المودل عشان نبداء؟
فوز:ايه طبعا بس اول شي ابعدوعباياتكم عطوني اياها انا باعلقها
اعطوها البنات:شكرا
مريم:نور الا بتصور انا باساعدها بدور خليكي للمساعدتهم طيب ؟
بدور :طيب
وبدائو البنات يشتغلو ولما خرجو من المشغل
فيصل:ها كلشي تمام؟
نور:ايه صورت كل شي
سامي (موظف:مو كأنكم دخلتو شكل وخرجتو شكل ثاني
مريم:ايه الارتس حلفت انو ما نطلع من عندها الا وتعملنا مكياج خفيف مشاء الله تهبل وش زينها ذي البنت
طالع فيصل عيون بدور الا كانت مرسومه ب الاسود مثل لون عيوونها الاسود ورموشها الطويله اكثيره ابعد نظره عنها
فيصل/يلا لمو اغراضكم وروحو بيتكم
عبد الوهاب:استاذ مره بدري
بدور:ايوا ي استاذ الساعه يدوبها 4 ونص
فيصل:الا يبي يروح يروح والا يبي يكمل شغله يروح الشركه بس لاتتندمون ع الا بيصير لكم لانو انا رايح الحين الشركه
سامي:لا وش دعوه نروح البيت احسن لنا واصللا نحمد ربنا واحنا لقينالنا اجازه بعد ذا التعب
خالد:بدور بدور
بدور:هلا خلودي؟
خالد:ابغى اروح معك
بدور:طيب قول لبابا
راح خالد عند ابوه ورجع ل بدور
خالد:يقول بابا طيب بس لازم اخذ شنطتي من السياره
بدور:طيب خذها وتعال انا انتظرك هنا
ف مكان ثاني
الساعه 1ونص منتصف الليل دخلت عليه بطريقه مفجه وبدينها مع شوي من اكملمها دم وع البالطو تبعها متقطر دم كمان
اضواء:دكتور سليمان عندنا حاله طارئه
وهو يمشي بسرعه ب الممر :كيف الحاله
اضواء:ام واب وولدينن صغار حوالي 12 او 11 سنه صدمو بشيول
سليمان::شيول!
اضوا:ايو ي استاذ شيول
سليمان :طيب كملي
اضواء:الام و أحد الاولاد بخير مجرد خدوش ويتم فحصهم الحين اما الولد الثاني والاب حالتهم حرجه جدا شخصهم الدكتور صالح والاب عنده كسر مضاعف ف الذراع الايسر ف بيدخلونه غرفه العمليات الحين اما الولد حالته هو الاسواء كان ينزف بكثر
سليمان:وش تشخيص الدكتور صالح؟
اضواء:ماقالي ب التشخيص طلب مني اني اناديك بسرعه بس انا اعتقد انو الولد عنده ثقب ب الكلى وقفصه الصدري تظرر
سليمان:كيف استنتجتي ذا؟
اضواء:فيه جرح ف الصدري الايمن تحت عنداخر عضمتين وكان الجرح ينزف ب كثره حاولت اخفف من النزيف بس لما جيت امسح الدم حسيت بفراغ مو طبيعي ف ذاك المكان يا انو خلقته غير ي انه مكسور والاقرب والمنطقي انو مكسور
سليمان:وكيف حسمتي انو الكلى مثقوب؟
اضواء:لانو النزيف مره كثير بالنسبه لذاك الجرح وكان فيه ثقب اطالعه الثقب عن الكلى ب الضبط
ابتسم سليمان مثل ابتسامه النصر:برافو عليك ي اضواء مره تحسنتي باعتمد ع تشخيصك روحي شوفي باقي المصابين شوفي شغلك
اضواء:حاضر دكتور
ف مدينه ثانيه
كان نايم وصحى ع صوتها الدلوع الغير متوقع
سمر:علاوي حبيبي يلا قوم كفاك نوم
علي وهو لساته مقفل عيونه:همممم؟؟
سمر بدلع:يلا عمري قووووووم
علي :همم!
فتح علي عيونه شاف سمر قريبه منه ب الحيييل ولابسه فستان نوم فوشي وفاتحه شعرها القصيرالا يوصل لكتوفها المتناثر ع وجه علي
فتح علي عيونه ع الاخر وباعد عنها
علي بفجعه:بسم الله الرحمان الرحيم
سمر:اشبك حياتي ؟
علي:حياتي؟!!
سمر:ايه حياتي وعمري وقلبي وكل شي انتا
علي:يبنت سكنكي جني والا وش السالفه مسخنه(مرتفعه حرارتك)فيك شي
سمر:لا عمري بسم الله عليا
علي:لساتها تقول عمري
سمر:وش موعاجبك عمري اقول حياتي؟
علي:ححيااتي!!
سمر:مو عاجبك كمان طيب وش تباني اقولك؟
علي:يا بنت وش صارلك امس الليل انا وانتي متهاوشين ع شاحن الواي فاي
سمر بخجل:لا حياتي امس ما تهاوشنا ع الشاحن امس كنا مشغولين ب شي ثاني
علي بتشتت:هاا ايش عفوا وش كيف باردوم؟؟
سمر:اشبك حياتي نسيت والا ايش؟
علي:لحضه لحضه(يستوعب:انا امس كنت سكران شي؟
سمر:لااا حياتي حرام
علي:لساتها تقول حياتي لساتها تقول حياتي اشهد ان لااا الاه الا الله شكل موتي قرب
سمر:اسم الله عليك عمري اسمع باقولك شي(كانت تقرب منه وهوا يرجع لورا:اسمع كنت نفكر ش قد كنت مرره غبيه وسخيفه لما كنت عروس وكبريائي وزي كذا علي اشبك علي علي علي (وبشبه صراخ :عليي
طاح علي من فوق السرير وفتح عيونه
علي بفجعه:هاا ايش فيه؟
سمر:بسم الله انت الا ايش فيك انهبلت
طالعها علي كانت لابسه تنوره واسعه لنص الساق لونه ازرق سماوي وبلوزه اكمامها طويله للمرفق لونه فوشي ورافعه نص شعرها ب الربطه
نعم يا ساده كان علي يحلم
سمر:استغربت او الساعه 10 وانت لساتك نايم قلت خل اصحيك لا تفوتك صلاه الجمعه
علي:كويس انك صحيتيني الله وحده اعلم انو ذا الحلم كان بينهيني
سمر:وش ذا الحلم؟
علي:ولاش ولاش (وهو رايح للحمام وانتو ب الكرامه انتبه ع ملابس سمر:سمر والا يرحم ولادينك أي لبس معك بذا اللونارميه وانا بأشتريلك غيره يكفي انه ما يكون ذا اللون
سمر:لييش؟
علي:لا تسأليني معي حاله من ذا اللون بلايز بناطيل جزم اكسسوارات فساتين فساتين نوم
قاطعته سمر:عفوا؟
علي:لا تركزين ع ذا ركزي انك تنهين ذا اللون ما ابغى اشوفه اابد (ودخل الحمام
سمر:يا لطيف انهبل ذا الرجال حاط دوبه بدوب الفوشي
ف مدينه ثانيه
ع الجوال
اضواء:وش رايك ي بدور نخرج السوق اليوم
بدور:اوكي
اضواء:ودي اشتري هديه لليان
بدور:يا عمري مالو داعي
اضواء:الا لو داع مشاء الله ليان كبرت ولازمها المكياج وفساتين وكعوبه لازم
بدور:ادري ي اضواء بس هي ما ترتاح الا ب البنطلون كم مره حاولت اخليها تلبس فستان بس ما ترضى
اضواء:ما عليك المره ذي انا وانتي نتعاون عليها جيبها معك
بدور:اسمعيني احس ليان تتصرف معي باسلوب غير
اضواء:كيف يعني ؟
بدور:صارت عاملني بجفى تعاندني كثير ما عاد تجلس معي كثير مثل اول ولا عاد تسولف معي احسها تخبي عني اسرارها
اضواء:امن لانها بسن المراهق وتغير هرمونات وزي كذا
بدور: والله ما ادري يالله جهزي نفسك نص ساعه واحنا عند الباب
اضواء:طيب باي
ف المول لما وصلو
ليان :ياربي ليش تجبوني معاكم؟
اضواء:اقولك انتي بس جالسه بذاك البيت حاكره عمرك اخرجي معنا ماراح تموتي وكمان قفلي باقي زرار عبايتك مقفلتها الين الركبه لازم الكل عرف انك لابسه بنطلون
ليان:اوف ي اضواء لا تبدين
اضواء:ومتى بتتقطين ي ست ليان ؟
ليان:بدري دوبني صغيره عمري 15
اضواء:لا منتي صغيره وكمان عدلي طرحته اضبطيها ب التوكه
بعد فتره من التسوق كانت بدور تشتري من محل الفساتين وكانت ليان جالسه مع اضواء
اضواء:ليان اسمعي ب افاتحك ب موضوع
ليان:الا هو ؟
اضواء:بدور تشتكيلي منك
ليان:بدوور ليه؟
اضواء:تقول انو اسلوبك متغير معاها فيه شي بينكم شي زعلانه منها او شي؟
ليان:لا ب العكس مهما تعمل فيني بدور ما ازعل منها لو تذبحني يكفي انها اشايله مسؤليتي كامله من توفو امي وابوي
اضواء:طيب وين المشكله؟
ليان بشوي خجل وتوتر:يعني هي كم شغله بس
اضواء:بس؟
ليان:بس شوفي بدور مشاء الله تهبل شكلها ملامحا عيونها صوتها كلامها اسلوبها جسمها شعرها حتى مشيتها تهبل مشاء الله كلها انوثه مدري كيف طلعت انا اختها؟
اضواء:تغارين من اختك؟
ليان :يعني امكن؟
اضواء:طيب وش هي المشكله الثانيه؟
ليان:ركزي معي ذا الموضوع مهم مو بدور ترعى ولد مديرها بعد الدوام خلودي؟
اضواء:ايه تكفين عاد لا تقولين انك تغاري من خلودي
ليان:لا مو لذي الدرجه حتى انا احب خلودي مشكلتي مع اب خلودي
اضواء:اب خالد مدير بدور ب الشغل؟
ليان:ايوا اعترف لك انو مديرها طول ب عرض وسيم مز يهبل يخقق اعترفلك واعترف انو لوهله خقيت عليه وقلت يا حظ بدور اعترف بس وش اسوي اذا حط عينه ع بدور؟(اه ي ليان قد حط عينه عليها وانتهاء بس ناقص يفهم قلبه ويتحرك
اضواء:كيف كيف؟
ليان :انا افهمك يعني ي اضواء اسمعي يعني بنت تشتغل عنده الشركه جميله وطيبه وحوه وكيوت ترعاله ولده وهو قريب مرره منها سواء ف الشغل او لما يجيب ولده ورجعه اكيد واتحدى انو ما قد فكر انو يتزوجها اتحدااااه
اضواء:طيب وان قلنا كلامك صح وتقدملها ووافقت وبيتزوجو ما تبين تشوفي اختك عروس مبسوطه؟
ليان :الا ابي بس ما ابيها تفارقني اخاف تتزوج وتنساني هنا وحدي مع عماني وتلتهي مع زوجها وولده واذا جابت عيال ما راح تذكرني الا ب المناسبات و مو كلها
اضواء:ليان انتي عارفه ع مين تتكلمي عن بدور تنسى نفسها ولا تنساك تبيعنا كلنا ولا تبيعك ما يهمها احد ف الدنيا ذي غيرك ما تعرفين بدور انتي؟
ليان:ايوا اعرفها بس خايفه
اضواء:لا تخافي ي قلبي بدور اقواء وحده فينا كلنا تبللنا وتنشفنا لا طحنا كلنا تنكي عليها بدور اسم الله عليها ي جبل ما تهزك ريح ثقيي باختك وعتمدي عليها ع العموم مو ذا موضوعنا
ليان :وش موضوعنا؟
اضواء:مدير بدور من جد هينسم(وسيم ب الانجليزي
ليان :مولع
اضواء:الحين ودي اعرف تبع بدور والا تبعي انا؟
ليان :وش الا تبعك؟
بدور:بنات من الصبح وانتو تقرقو يللا انا خلصت شفت هناك كشك فيه اغلفه جوال روعه امشو خل نشوفه
بعد ما وصلو للكشك
بدور:ليان تعالي
راحت لها ليان:همم؟
حطت بدور طوق اذاني ارنب ع راسها
بدور :اضواء بالله مو طالع شكلها كيوت موت
اضواء:سلم قلبو الارنوب
دوبها ليان بتبعد الطوق:بدور وش ذ.......
قاطعتها بدور:وييلك لو تشيله وييلك
كملو البنات وكانت ليان تتلفت وبالصدفه شافت فيصل يمشي مع خويه راحت لعنده
ليان:اهلييين ابو خلود
فيصل:ابو خلود؟!
ليان:ايه اعتقد كان اسمك فراس؟
فيصل:فيصل
ليان:ايه هوا كيف الحال؟
فيصل:ي بنت استحي ع وجهك شوي اخوك ولد عمك ولد خالك ولد جيرانكم خويك؟
ليان :ي شيخ كل يوم اقابلك عن الباب وش الا فرق؟
فيصل:سليمان ادري انك تكتم ضحكتك لا تتسيمج
سليمان:ههههه لحضه والله ما اضحك عليك بس وش وضع اذاني الارنب ذي ههههههههه ههههههه
ليان:ذي بدور حلفت لو اني ابعدته بتذبحني
فيصل:بدور هنا؟
ليان:ايوا هي وصحبتها اضواء
سليمان ب نفسه:اضواء!!ممكن تشابه اسماء(والتفت ل فيصل الا واضح انو قلبه نبض من سمع اسم بدور (فنفسه:اوهووو واضح الح ف وجهه طيب تجرئ ياخي
بدور:وين ليان
اضواء:هي مين ذولا الشباب الا ليان واقفه معاهم (وبصدمه :هييئئئ
بدور :مين وين(وبصدمه :ههييئ
وبنفس الوقت
بدور :استاذ فصل
اضواء:الدكتور سليمان
استوعبو
بدور:كيف الدكتور سليمان؟
اضواء:مين استاذ فيصل ؟
بدور اصبري خل انادي ليان الحين تجيب العيد(تنادي:لياان
فيصل:شفت الا تأشر
سليمان:ذي بدورك
فيصل:وش بدوري اسمها بدور
سليمان :هممممم
مرت بدور من عنده وهي تمشي:استاذ فيصل مع السلامه
فيصل:مع السلامه
مرت اضواء جنب سليمان
سليمان:نيرس اضواء؟
اضواء:اوووه دكتور سليمان السواق منتظرنا برا ومعصب اشوفك بكره ف المناوبه اذا كانت مناوبتك معي باااي (وراحت
فيصل:اجل ذي اضوائك
سليمان :اسمها اضواء ي حمار
رجعت اضواء بيتها دق باب غرفتها ودخل ....0
يتبع00000000000
سلام
خلاص احسك طفشتو مني من كثر الاعذار الا اقولها ع العموم ب ادخل ب الزبده
وش مصير ابطال قصتنا
ليش سليمان ف بيت لوحده
متى يعترف ويقتنع علي انه يحب سمر
وش بيصير ب ليان
مين الا دخل الغرفه ع اضواء
قدرو تعبي بتصويت واشتراك ونشر واحب اقراء تعليقاتكم وتقبل ارائكم وانتقاداتكم والا عنده اي فكر يساعدني بيها يرسلها لي ب الخاص ورجاء انو تكون الفكره مناسبه للروايه والمعتقدات والعادات واتقاليد لاجواء الروايه
تشاااو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!