خذ تراني وفيت بوعدي الفصل الخامس والعشرون 25 - بقلم Meranai

البارت الرابع والعشرون

55555555555

ف غرفه

العروس

بدور:بنات احس ان كحلي ساح (ذاب)

اضواء:اشوف لاا ما ساح ولا شي اصلا طلبنا مكياج ثاابت ولا تنسين مثبت المكياج الا خلصناه ع وجهك

بدور:متأكده انو مكياجي ما خرب؟

اضواء :لا تعالي سمر شوفي؟

سمر:لا يجنن ما خرب

اضواء :طيب خلنا نثبت الطرحه ليان حبيبتي والي يعافيك عطيني علبه التوك من جنبك

تحسست ليان الكنبه ومسكت العلبه وعطته اضواء سمعو صوت الباب ينفتح دخلت زوجه عم بدور و بنتها وسن

ام وسن:مبروك ي بدور

بدور:الله يبارك فيك ي خاله عقبال وسن

وسن:لاالساتني صغيره مابي اتزوج الحين

سمر بصوت منخفض بس مسموع:30 ولساتك صغيره اجل متى تكوني كبيره ؟

وسن:تراني سمعتك

سمر:انا ابغاك تسمعي

وسن:وثاني شي عمري مو 30 عمري 29

سمر:لا يشييخه فرق كبيير

ليان:تراها سنه وحده خلاص اعترفي انو محد جا خطبك وخلاص

وسن:لايقلبي الشهر الا طاف جا ذا المهندس خطبني والا ناسيه بس ابوي رفضه لانهم و من ثوبنا

ليان:اتركي الفقش ي كذابه المهندس الا جا كان خاطب بدور بس تراجع لما قلناله انها مملكه وكان ابوك يبي يدبسك فيه بس هوا ما رضي ي الفقاشه

ام وسن تبي تغير الموضوع:طالع حلوه ي بدور اليوم مكياجك وشعرك

اضواء:قل اعوذ برب الفلق

ام وسن:بس فستانك موعاجبني خامته مو حلو والموديل مو ذاك الشي واضح انك استأجرتيه ب اربع ميه ريال

سمر:عفوا؟؟

اضواء:حبيبتي خامه فستانها وموديله وتصميمه ما يفهمه الا ناس الاتكيت الراقيين السنعه الذربه الا تفهم ف التصايم والموضه والاناقه مو الا مثلك انتي وبنتك

سمر:وكمان قيمه فستانها وحده اغلى من مكياج وفستان وشعر واكسسوارات كلكم الثنتين

وسن:لا ي عمريفستان الوحده منا يجي الف او الف وشوي ومكياج وشعر كل وحده فينا ب الف ريال

ليان:فستانها وحدها ب9 الف ريال من غيرالطرحه الا ب 7 ميه ريال تصميم خاص ي روحي

اضواء:شعرها ومكياجها اممم تقريبا ب 3 الاف ريال من غير التفاصيل اكسسواراتها الماس فيصل جايبها لها بس ما اعتقد انها اقل من 10 الاف ريال جزمتها ب الف ريال صافيه باقه الورد حقتها ب ب خمس ميه ريال مصروف شكلها تقريبا اممم فوق العشرين الف ريال سعودي

سمر:ذا غير القاعه والمصوره والمسيره والبوفيه والديكور والمطربه

ام وسن و واضح الحقد والكره ف عيونها :امم ع العموم احنا جايين نبارك ل عروستنا مبروك ي عروسه ( وخرجو

بدور:اضواء من جد الجزمه ب الف ريال؟

اضواء:لا طبعا ب ميه وعشرين ريال تخيلي اشتري جزمه ب الف ريال والله لو انها بتدخلك الجنه

نبذه عن شكل البنات:

اضواء:لابسه بلوزه ازرق غامق بدون اكمام ساده نص البطن وتنورره تل طبقات طول واحد لونه اسود وقصير لفوق الركبه ب اصبع وشعرها ويفي بسيط مكياجها الشدو نود و الروج بيج غامق والكعب احمر

سمر: كانت لابسه فستان اسود وعليه نقش ب القلتر الاسود مكياجها احمممر واسود وكعبها احمر وعليه قلتر شعرها ب الاسترير للمعلومه هي قصته ل رقبتها

ليان:لابسه فستان اخضر غامق ب كم واحد كات طويل بس فيها فتحه ل نص الفخذ شعرها ويفي صغير وماسكه شعرها من جهه اذنها اليسار ب زينه شعر ذهبيه مكياجها مكس ذهبي واحمر كعبها احمر

بدور:فستانها مثل فستان زواج الاميره كيت وطرحتها فرنسيه مكياجها عنابي وقلتر فضي ع المجوهرات الالابستها شعرها ويفي صغيربس لامته ع بعضه ع نهايه راسها كعبها فضي ب لمعته و الفصوص الا عليه مسكتها زهور الجبيوفيليا كبيره لدرجه الكتف الايمن للكتف الايسر

نرجع لل روايه

دخلت المصوره

المصوره:طيب جا وقت تصوير المعاريس

سمر:طيب يلا بنات مشينا

اضواء:انا ب اروح ادور ع بيلسان

سمر:يلا ليان

ليان:لا باضل انا الين بيدخل فيصل بعدها ب اخرج

سمر:براحتك

لماطلعت سمر شافت اختهاهند

هند:قلبيي ربي قلبي ع اختي الحامل

سمر:اشتقتلك هند (وضمتها

هند :ماني قادره احضنك تمام انتي وذي الكرشه

سمر:اقول لا تتشمتين ترا قبل شهرين كانت عندك اكبر منها

هند :الله يعينك يختي وانتي بكر (يعني اول حمل وولاده لها)الولاده بتطلع روحي

سمر:هند طسي عني ابغى استمتع ب كوني حامل لا تخرعيني من الحين دوبني ب الثالث وكمان ي كذابه مافي ولا كرشه الكرشه تطلع ف الخامس

هند:هههههه دوبك انتبهتي المهم اسمعي ب اقلك شي

سمر:الا هوا؟

هند:اسمعيني زين انتي من وقت ما تزوجتي وخرجتي من بيتنا وانتي ماعاد دخلتي البيت تقريبا 6او7 شهور؟ما عاد كلمتي ابوي تراه مره مشتاقلك ويعاتب عليك

سمر:زوجني غصب ي هند

هند:والحين انتي مو مرتاحه مو مبسوطه مو تحبي زوجك ومرتاحه مع اهله وهو كمان يحبك وحامل منه كمان؟؟هوا قال انه يعرف مصلحتك وذي هي مصلحتك كلنا نعرف كلنا نعرف انو ابوي ما عمره عمل شي يضرنا صح انه يقدر الفلوس بشكل كبير بس ما عمره ضرنا ولا اتخذ قرار لنا الا وهوا مفيد لنا

سمر:بس ما استشارني ولا كلمني

هند:لانه يدري انك بترفضي بسرعه دون ما تفكري هوا يدري بعقدتك من الرجال خصوصا بعد سالفه البهيمه الا ينحسب علينا عمنا

سمر:ما ادري ي هند خلاص قفلي الموضوع

هند:لا ماني مقفله الموضوع اسممعي زين ترا ابوي يحبك كثير وكل ما اروح عنده يسألني عنك وكل مره اقله بخير يسلم عليك وهوا يدري انك اصلا ما طقيتيه خبر زوريه مره وحده ب الشهر والا دقي عليه اقل شي يبرد قلبه بصوتك وقوليله انك حامل تراه ما يدري

سمر:ان شاء الله

هند:ع فكره ترا امي كلمتني

سمر:نعم؟؟وانشاء الله ما تقوليلي كلميها كمان

هندي:تطمني لا اصلا هي سألتني عنك قلتلها سمر ما تبي تسمع صوتك حتى الا يترك بنته عشان مصالحه الشخصيه وهي منومه ب المستشفى هاذي ما يحق لها تكون ام اصلا حتى استغربت من وين جابت رقمي

سمر:الا وينها بنتك؟

هند:مع ابوها مسكين تخيلي ماسك عبودي و تولين قلتله خلاص اعطيني تولين باروح فيها الزواج قالي لا خليهم عندي روحي انتي انبسطي وانا ب امسكهم ما وراي شي تخيلي خرجت من البيت وعبودي يبكي يبي معاي وتولين كانت ترضع وطاحت عليهاالرضاعه وجلست تصيح

سمر:ياا رحمته

هند:من جد شكلي ما راح احضر الزفه ب اسلم عليها وامشي

سمر:وش دعوه كلها ساعتين اصبري

هند:يختي راحمه باسم(زوجها)ما راح يقدر عليهم اول مره اتركهم عنده

سمر:مو هوا ابوهم خليه يتحملهم شوي

هند:ع العموم خليني اروح اتعرف ع اهل زوجك ما تعرفت عليهم كويس اشوفك بعدين ولا تنسين ابوي

سمر:ابشري

وراحت هند ومر الوقت وقبل الزفه ب دقايق ف غرفه العروس والكل كان منفعل ف ذيك اللحضه

سمر:ياا ربي ممكن تهدون شوي وش الا ملحوسكم كذا ؟

اضواء:العريس بينزف والا لا ؟

بدور بتوتر كبير:ما ادري ما قالي ولا بيلسان قالتلي ولا احد قالي

سمر:بدوراشبك اهدي

بدوربتوتر:ماني قادره من اول جالسه احاول اهدي نفسي ماني قادره مووت متوتره

المصوره:ع انو ماكنتي بذا التوتر مع العريس صح انك كنتي خجلانه وشوي متوتره بس مو زي الحين معليش ع اللقافه بس ودي اعرف ليه؟

معلومه المصوره مازالت موجوده عشان تصور الزفه

اضواء بغلاضه:انا اقلك العريس مديرها ب الشغل وكمان تقابله وجه لوجه من بعده الملكه وولده كان يجي عندها قبل لا تملك صح ي العروووووسه بدوور

المصوره:ولده قبل لاتملك ؟

بدور:ايه هوا تزوج وخلف منها وطلقها

المصوره ماتبي تتدخل ف امور عائليه:اهاا مشاء الله الله يديم عليكم السعاده

بدور:امين

اضواء:الحين العريس بينزف والا لا ؟

رجعت بدور ل توترها :ما ادري يااااا بمووت يبنات خايفه

راحت سمر ل ليان الا كانت تحاول تخبي دمعتها

سمر:ليان حبي ايش فيه مو احنا اتفقنا انو مافي بكاء اليوم ب المره ؟

ليان:وشو خليني ابكي مو كل يوم تتزوج اختي

بدور:ياا ليان خلاص لا تبكي تعالي

قمت ليان وتمشي شوي شوي ووصلت ل بدور وقبل لا تضمها

اضواء:ليان انتبهي حبيبي فستانهاابيض وانتي مكياجك لا حكي عليه ف انتبي اوكي؟

ليان ما بين دموعها :هههههه طيب ب انتبه واذا ساح مكياجي عدلوه لي

سمر:لااا وش يسيح خلصنا مثبت المكياج ع وجيهنا احنا الاربعه احتياج لا نزلت الدمعه من هنا والا اهنا

بدور:هههههه محد يبسطني غيركم الله يخليكم لي

المصوره وهي تدمع دمعه دمعه:يوه ي ربي ما تحمل ذي اللحضات وانتي حالفين عليا اني اصيح

اضواء:طيب ي الحساسه

دق الباب

اضواء:ايوا ادخلي

دخلت بيلسان

بيلسان ب الابتسامه:يا حلاوه عروستنا طالعه قمر

سمر:وش عرفك ب الزفه؟

بيلسان:شعيل والا مجيد ؟

سمر:كلهم اول شي شعيل وبعدها عبد المجيد

بيلسان:ع العموم جيت بس اشوف عروستنا لاني ماراح يمديني اشوفك بعدين

اضواء:مدام انك جيتي باسالك

بيلسان :هلا؟

اضواء:العريس بينزف معاها ؟

بيلسان:والله ما عندنا خبريعني محنا مخططين ع كذا بس اذا تبون عادي بادق عليه و عطول ما راح يطول

اضواء:لا حبيبتي ماله داعي مب لازم العريس ننبسط احنا بنات مع بعض دون لا ننحكر ويجون ويجون خالات كبيرات يدعون علينا

بيلسان:اجل ليه سألتي ؟

اضواء:عشان ما ننحط بوجه المدفع بعدين

سمر:يل ايلا خلونا نسحب عروستنا عشان الزفه يلااا

فنص الزفه ع اغنيه نبيل شعيل يقمر روح اختفي دق جوال اضواء خرجت عن الصاله

اضواء:ايوا نبراس ايش فيه؟

نبراس:اضواء تكفين تعالي بسرعه

اضواي:ليه وش فيه؟

نبراس:عندنا مشكله شفتي الملف الا اشتغلنا عليه تبع تقرير جراحه قصده القلب اختفى من الجهاز ما ادري وينه وانتي الا حملتيه ع الجهاز وانتي الوحيده الا تعرفيله تعالي بسرعه

اضواء:ما اقدر انا ف زواج صحبتي والحين الزفه ما اقدر وفوق ذا كله اجي الصباح اعدله

نبراس:ما ينفع الصباح فيه تفتيش وتخيلي لو فتش المدير وما لقى احد اهم التقارير انتي مستوعبه وش بيصير فينا ؟

اضواء:طيب خلي احد ثاني يشوفه لك

نبراس:يبنتي المستشفى متصربع كله ع بعضه الكلموجودينالا عليهم ناوبه الا ما عليهم حتى الا ميخذين اجازه سحبناهم ما بقى الا انتي و زوجك قبل شوي دخل

اضواء:بس ينبراس لابسه فستاني وكعب وتسريحه ومكياج وريحه عطري تشمينه ع بعد ميه كيلو ما ينفعاجي المستشفى ب ذي الحاله فشله وكمان ما اقدر اخلي صديقتي بذا اليوم المهم تكفين اعفيني

نبراس:تكفين الا انتي يبدور اعفيني انا الفريق خلقه ناقص ليلى راحت وانا وميعاد حايسين والاولاد من مكتب ل ارشيف وحوسه تكفين بس ذا الملف وخلاص ما راح يجي وقت زفتها ل زوجها الا وانتي موجوده تكفي الله يخليك تعالي

اضواء:خلاص كسرتي خاطري

نبراس:ممتاز انتضرك باي مووح(قال يعني بوسه وقفلت الخط

راحت اضواء ل سمر وفهمتها وقالتلها سمر تروح وهي بتتدبر امر بدورووصلت للمستشفى وتسمع صوت الكعب طق طق طق طق وريحه العطر والعيون المرسومه ب الشدو و الالاينر و شعرها الا باين من تحت الطرحه و انها كانت ملثمه وكان واضح انها ب مناسبه والاعين كلها عليها دقت ع نبراس قالتلها تجي غرفه الدكتور سليمان دخلت و كانتميعاد ونبراس وقفات عنده وسليمان يبعد الشماغ والطاقيه و العقال عن راسه

اضواء: معلييش تأخرت

سليمان: لحظه لحظه لحظه وش ذا الشكل الا انتي جايه فيه؟

ميعاد:تكفى دكتور لا تحاسبها الحين حاليا نحتاجها بعد ما تخلص هاوشها هزئها الا تبيه بس بعدين الحين نحتاجها

سليمان:طيب يصير خير خذي اللاب واشتغلي

اضواء:بس باروح مكتبنا

سليمان:قلت هنا

نبراس:خلاص هنا هنا لا تجنني الرجال اكثر داخله عليه بذا الشكل و العبايه مفتوحه والملابس قصيره

اضواء:أأأأأ لا انا كنت ماسكه العبايه وعند الباب تركته

سليمان:اضواء اجلسي اشتغلي

جلست اضواء وكانت راميه العبايه عليها ساترها بس مو بشكل كامل

سليمان وهوا ع اعصابه ويحاول يبعد انظره عنها : قفلي عبايتك زي الناس ولا تخليني انجن لساتني ما تزوجتك

بشكل بديهي ميعاد ونبراس ناظرو بعض وهما شاقيت الابتسامه وفاتحين عيونهم اخر شي (ذولا الثتنين محجبات وكاشفات الوجه للمعلومه بس

سليمان:وانتو نتتظرو دعوه يلاكل واحده لشغلها

وخلصت ذي الفتره بصعوبه ب النسبه ل سليمان واضواء لانو سليمان عيونه مب راضيه تبعد عن اضواء وشيطانه يوسوسله ليها وهوا ماسك نفسه غصب و اضواءمب مرتاحه لانهاحاسه ب عيون سليمان الا بتاكبها وطبعا هي عاجبها وبنفس الوقت لا

ف السياره بعد ما خلصو اشغالهم وعرف وانهم رايحين لنفس العرس

سليمان:اسمعي انا ما تكلمت ع لبسك اليوم لان كلساتك منتي بذمتي بس لما تتزوجيني ذا الملابس ما اشوفك تلبسيها طيب؟

اضواء:لا طبعا الملابسذي غاليه ما راح افرط فيها وكمان حلوه وعاجبتني

سليمان:ب النسبه ل غاليه اشتريلك اغلى منها و كانت عاجبتك بتعجبك غيرها بس انا ما احباحد يشوف زوجتي بملابس زي كذا ما احب

اضواء:يوه ي سليمان تفكيرك قديم مين عاد يقول كذا ما احباحد يشوف زوجتي وما احب احد يشوف زوجتي

سليمان:ايوا انا تفكيريقديم مدام انو ماحد يناظر لممتلكاتي انا مرتاح

وطق العرق عن اضواء:قلت ممتلكاتك ها؟

سليمان:ايوا انتي ممتلكاتي

اضواء:اجل وانت تعتبر من ممتلكاتي انا صح؟

سليمان:امم يعني ايه

اضواء:امم يعني انا الا يشوفوني بس حريم وبنات وش فيها ميه وحده غيري لابسه اخس مني جت عليا

سليمان :وانا وش دخلني ب الميه وحده او الالف انا باتزوجهم كلهم والا انتي؟

اضواء:لا تتزوجني انا(وتقدمت ولزقت بمقعد الراكب هي جالسه ورا )تتزوجني انا بس عادي تتغزل ب ميه غيري

سليمان:اتغزل ؟انا؟

اضواء:لا امي

سليمان:متى؟

اضواء:لاا توقف عند الا ستقبال وحولينك ثلاثه والا اربعه بنات او عند مكتبك ويكلمونك الممرضات الباقيات او الدكاتره او المريضات بدلع(وتقلدهم ب الدلع حتى ب تمطيط كلامهم:دكتور سليماان كيف كانت عمليتك الاخيره دكتورسليمان احس الادويه الا وصفتها لي باخرمراجعه ما نفعتي دا يوجعني دكتور سليمان دكتور سليمان دكتورسليمان جاني غثى

سليمان:طيب وش اسوي 1ا وضيفتي تحتم علي اني اساير وكمان هما يسألوني وش اسوي اقلهم لا؟

اضواء:ي سلام؟؟وليه ما يسألو الدكتور صالح او الدكتور نعمان فيه ميه وعشرين دكتورما جت الا عليك يسأونك؟

سليمان:شي طبيعي انا امهر جر....(استوعب:تغارين؟

اضواء ولساتها منفعله:ايوا طبعا اغار مو انت من ممتلكاتي شي طبيعي ب اغارعليك هذا تحذير ان شفتك تتكلم مع بنت ثانيه لااسحبك واكل لحمه راسك وهي انتف شعرها قلتلك من الحين عشان ما تستغرب بعدين لا سويتها

سليمان يضحك ب مكبوته

اضواء:وش الا يضحك؟

سليمان:ابد بس اول مره تقولين تغارين عليا

اضواء استوعبت الا قالته:أأأأأأأأ انا قلت كذا(ولزكتف الكرسي الراكب بسرعه:انسى االا قلته

سليمان:مستحيل

اضواء:تكفى

سليمان:لا

اضواء:اوف

سليمان:ههههه شكلو راح يكون بيتي حيوي قبل لا اخلف حتى

لزقت وجهها بالمقعد وقالت ب كل هدوء وطفوله وخجل:سليمان

سليمان :عيونه

اضواء:باسألك شغله طيب؟

سليمان:طيب وش هوا؟

اضواء بخجل وطفوله وشوي توتر:كم تبينا نخلف ؟

ناظرها بتفاجى وشافها تناظره بعيونها البريئه والخجل واضح عليها وبعدها رجع ناضر قدام وبعدها ابتسم

سليمان:ماادري امكن اكثر من ثلاثه

اضواء:خمسه يعني؟

سليمان:لا ثمانيه والا تسعه

اضواء بفجعه:ثمانيه والا تسعه مره كثيرعليا باتعب وانا اجيبهم

سليمان:هههههههه ما قلت الا لازم ثمانه والا تسمعه اهم شي عندي صحتك والايجي من الله حياه الله

اضواء:لااا؟

بس ما يمعن انو يكونو فيه اشقياء يعصدو ب البيت هنا وهنا بس هاا من الحين اقلك اقل من ثلاثه مافي ان قل مرره ثلاثه وان كثر10 ماابيك تعجزي بسرعه

اضواء:يحبيبي ما راح اجيب الثالث الا انا صرت عجوز تبيني اجبلك 10 تبيني اموت ؟

سليمان:بعيد الشرعنك

اضواءرجعت لوضعيتا:طيب عندي سؤال ثاني

سليمان:الاهوا؟

اضواء:تبي بنات والااولاد؟

سليمان:اول شي بطنك مو حضانه تقولي ابي بنت ابي بنت تطلعلك بنت وابي ولد اوبي ولد يطلعلك ولد ذا الا الله يحدده ثاني شي الايجي من الله حياه الله

اضواء:والنعم ب الله بس وش تحب قول البنات والا الاولاد؟

سليمان:انا احب البنات اكثر وانتي؟

اضواء:الاولاد ليه تحب البنات ؟

سليمان:كذايعني كيوت ولطيفين ومهما يكبرو يضلو لطيفين ويدورون حولين راسي بابا بابا يعني شغله حلوه عرفي يحسسوني اني اب فعلا ومهما كبرت او هما كبرو بيضلو يحسسوني ب الابوهه يحتاجوني سواء تزوجو الا لا وزي كذا وانتي ليه تحبي الاولاد؟

اضواء/ ما ادري امكن نفس سببك بس زي مايقولون الولد حبيب ماما والبنت حبيبه بابا وزي كذا هههههههههه

سليمان:وش الايضحك؟

اضواء:بالله شوف جبنا عيالنا وكم وكل شي واحنا لسى ما تزوجنا هههههه

سليمان وقف السياره:عادي كلا كم اسبوع واتزوجك ونبدء نخليالاتلكمنا فيه حقيقه (وقرب منها:ويصيرالسالفه الاتكلمي عليها وانتي مسخنه حقيقه

تذكرت اضواء الكلام الا قالتله لما دق عليها وهي مسخنه وخجلت مووووت وانتبهت انهم وصلو قاعه النساء

اضواء:ايواوصلنا شكرا مره ع توصيلي باي

سليمان وهوا عارف انه احرجها والشقه ماعاد تفارق فمه:مع السلامه

اول ما خرجت

سليمان يكلم نفسه ب صوت مسموع :اوووف ي شيطاني ماكان ناقصني الا انت طول ما البنت معاي وصوتها باذني الافكارالشينه ما خرجتعن راسي وكملتها لماتكلمت ع الاطفال (وبعدها ضحك بشويه هم:ههههههه ايه ي ربي مرر ذا الكم اسبوع خير ب اموت احضنها لي واشم ريحتها

معلومه غيرت من كلمه الرغبه اوالشهوه ل شيطاني عشان تكون محترمه شوي حتى وان ما عرفت اصرفها اقل شي اني حاولت

اول ما دخلت اضواء استقبلتها سمر

سمر:اشبك تأخرتي ؟

اضواء وهي تبعد عبايتها:بعدين اقلك زيفيتوها؟

سمر:لا مارضيت تنزف من دونك يلا الساعه صارت 2ونص بسرعه

وراحتلها وسلمت عليها وانزفت العروس لعريسها والكل يبكي بس اهم شي انو المكياج ما ساح والحوارالادار والعروس تلبس عبايتها

بدور:خلودي وينه؟

بيلسان :نايم يلا روحي فيصل يكره ينتظر كثير خصوصا عروسه

بدور بشوي نفسيه:ايوا هوا الاتزوج قبل كذا مجرب الشعور

سمر:اقولك لاتصيري نفسيه

بدور:اووف طيب ليان تعالي

اضواء:وشو يتاخذيها معك ؟

بدور:هاا؟لابس ما اقدراخلي ليان وحدها

بيسان:وش دعوه انا باخذ خلودي وبننام فبيتكم مع ليان ترانا من اول متفقه مع ليان وفيصل

بدور:وما تعلموني؟

ليان:مو وقتك يبدور يلا روحي

بدور:طيب صبر

اضواء:خير وش فيه الحين؟

بدور:ياااابنات ماابي اروح خايفه

سمر ما عاد تتحمل وبشبيه صراخ:يووه خلاص ماعاد فيني الحين صرتي خايفه واول تقابلينه ف الشغل احيان يجي بيتك تتكمين معاه ب الجوال وماكنتي خايفه والحين لماصار الموضوع جد صرتي خايف اقولك يلا طسي روحي يلات الولد ينتظرك يلااا يلا يلا

بدور:خلاص يما لا تاكليني

وسلمت بدور عليهم كلهم وراحت معاه ومرت الليله ع خير(معليش ع السحبه ع ليله بدور وفيصل بس ماني عارفه وش اكتب حاول اطلع حوار بينههم بس ما قدرت معليش

يتبع

اايباك بعد السحبه بس انشاءالله تكونالبارتحلوهع قد السحبه الاسحبتها

بالنسيه لكم مين احلا ثائي ب الروايه ؟

وش راح يصير بين بدروليان بما انهاراح تنتقل لبيت جديد؟

رأيكم ب البارت

قدرو تعبي ب اشتراك وتصويت ونشر واحب اقراء تعليقاتكم واتقبل ارأكم واحب اقاء افكاركم عن البارتات الجايه وراح ادخلهاا ذا لقيتها مناسبه بس بشرط تكون تناسب الاحداث ما تكون بعيده كل البعد عن الاحداث وتكون منطقيه شوي بالنسبه لمجتمعنا السعودي و ياليت ترسلونها ع الخاص عشان الحرق

تشااو