رواية خيال الكحيلة الفصل العاشر 10 - بقلم nashwa_alsltani

التاسع

مساء  الشوگ    ..❤️

#خيال #الكحيلة

#بقلمي_نشوى_السلطان🧚‍♂️

عوفني كافي عااااااد... احاجي وهو مايرد عليه جة يمشي قريب
فتح الجراره وطلع المكص .... كام يفدتح ويسد بي...

اني بحزتها انتهييييت ... عطت خاااااااااالي ادهااااام جده
عمي الحكوووووووولي... جة عليه وكضبني سحب الشال من

راسي وكطه غااادي.... االباب بحزتها انهجم كله تصيح
فك الباب يول وهو ولا يمه ....ادية على راسي ..
خليتهم رفعت راسي عليه كتلة شتريد تسوي احاجي بصوووت يرجف جان شكله وهو عصبي حيل يخوف .. داباوع عليه وجان يكول...

_ يسميج كحيلة يولي...
يجي هاد علينا لخاطرج ... يحبج موو... حاجيييييييني
تحبيييييي تريدي... والله اليوم كلها ماتفكج مني....

عاط بصوت عالي...
وخروووو عاد لحد يدك الباب مافتحة... عوفووووووني

_ كتله شبييييييك ماتزووووج لا انت ولا غيرك شبيك
والله حرام عليك تقبل تاخذ وحده انت ماتحبها... الله يخليك

عوفني... احجي ويا وهو يجر بشعررري.. سحب خصلة جبيره
خلاهه كبالي .. كال دتشوفين هذا شعرج عمري كله اكلج

لا انفرعين ولج شعرج ظميييييي  ... عدلي لبسج ...
كليةةةةةةةة عوفيهاااااا... وتااالي هذا التالي .. ولج بنت

عميييييي يتغزل بيها الغرررررريب ... عجل خل ازين شاربي واكعد مثل الحرمة .... بالبيت...

لا ذياااااب لا ابووووس ايدك لا كلشي سوي الا شعري...
كضبت اديه بقوه وهو يدفع بيه...
عاط ولا كلام....

صاح خالي دهام... ذيااااااااااب عوف البنيه
شنو هالحجي ابو ذياب وينك ... خل يطلع البنييييييية ...

الكل يدك والباب حسيته يريد ينقلع من مكانوو... سحب خصلة ثخينة وفتح المكص وكام يكص .. اني اعيط واصيح لا ذياب لاااا

لا شعرررررري ذياااااااب عوفني كمت اعيط وابجي بحركة وشعري كبالي بالكاع وبهدومي... وبيده معلكة خصلة... اتوسل

بي اجر بيده ردته بس يعوفني ... ماكدرت ... هو يكص ويكط واني اكمز واجر بنفسي ماكدر ..
اندفررر بحزتها الباب من سمعو عياطي وصوتي اني ابجي

طب خالي وعمامي يركضون... كعدت بالكاع بعد مابيه اكف الحيلي .. كمت الم بشعري واعيط ... الم واخلي بحضني.. وارجع

اتهمس بديه .. رفعتها خليتها على راسي.. شعري ماكو ولكم شعرررري كصةةةةةة

رفعت راسي.. كمت الحيلي .. عطت بوجهه بصووووت عااااالي.... مديت اديه وكمت اظرب على صدرة فقدت انتهيييت

كمت اصيح ... ليشششششششش ليشششششششش ولك ليشششششش
حتى الله مايرضيها شنو من بشر انتوووو ...
الله لا يرضى علييييك اعيط وابجي ودموعي تنزززل...

ادهام.... يول والله انت مو عاقل .تره هالحجي موصاير
تطلع مراجلك على حرمة عييييب يول .. امشي تعاي اطلعي
وين حجابهاا...

_ يحجووون ويلمون بيه صياح بالغرفة الكل التمو عليه ..
واني مابالي شي غير شعري .. ابجي والم بدية .. ادحك هدومي

كلها شعرر.. جت تركض عليه زهراء حظنتني وتبجي ويايه
انداريت على ذياب وهي كاضبتني وعطت بوجها وحجيت بحركة

كتله خاف جان اكو امل واحد بالمية اخذك .. هذا الوااااحد
انتهى... اكهرررررررررررررررهك ... اكهرررررك والله

اكرهك.... وخرت مني زهراء شلت الشال وخليته على راسي
جزاي  صاحت عليه انحلت اذانك يول شنووووون كصيت شعرها
تعاي يمه اطلعي تعاي... ولك ليششش

دحكت عليهم بنظرة ردت انفجر بيهم كلهم ... گوه تمالكت نفسي
احس بلعومي انجرح من عياطي وصياحي ...طب عمي وكام

يضرب بذياب... وعمي وطبان واكف بينهم... عبرت اني وطلعت بره الغرفه وجة يمشي ورايه خالي.. كال اطلعي جدامي

جاي وراج... طلعت امشي وابجي احس روحي تريد تطلع
جت ورايه زهراء... فتحتلي الباب..راحت تركض جابتلي كلاص

ماي طلعت للطرمة .. اريد اتنفس ... اخذت منها الماي وغسلت بي وجهي... خالي اسمعه صيح جوه وذياب يصيح والله الا

اذبحها والله.. عفت الهوسة مشيت وصلت قريب من سياره
اذياب اريد اطلع للشارع وجان زهراء تصيح ...

يووولي كحلااااء... صديت عليه لين ذياب ورايه وخالي وعمامي يركضون وراه والكل يصيح عليه... يووول عوف البنيه عوفهااا
وكفت اني كباله كتله شتريد..

وكف كال تعاي وين رايده.. صد عليهم صاح محد الا شغل بية
لحددددد يكضبني عوفوني...

ادهام... يول انت ازلمة عيب عليك شوووهيج الحجي... وخر وعووووف البنية

ذياب.. خوية ادهام افتهم اني عوفني كتلك....

كتله هسه انت شتريد مني احجي اريد اروح ...
ماكفااااك من اخذت اعز شي عندي وكصيتةةةةة ولك ليشششش

احاجي وهو عينه بعيني ساكت مايرد... كتله جاوبني شعري
ليش كصيته تنهددد وكال .. عجل وگلبي الكسرتي مافكرررتي
بيه...ولج ابن عمج تفضلين الغرييييييب عليه...

_ اشبييييييك انت ماتفهم شنو افضل من الاول كتلك اني وياك مانتراهم .. داحجي وجرني من ايددددي بقوه اصعدي جدامي اصعدي... لا انعل....... واعلمج منهو المايفهم....

كام يجر بيدي بقوووه واني اصيح وخر ماااصعد ..

ادهام... عوفها ذياب اني واديها عوووفها ماعليك وخر ايدك

_ لا شو اني اوديها اركبي خل اوديج .. اصعددددي
مو احاجيج لا ادحكيييين عليه هيج.. نزلي راسج واصعدي

_ ماريددد اصعد وياك ولا اريدك افهم عااااااد حسسسسسس
انت شنو من بشرررر ماكفاك الفضيحة والعركة السويتها اليه
ماررررريدك.. داصيح وجان يضربني راشدي قوي وكضبني
من ايدي فتح الباب صعدني بالسياره ليوره ... دفعني بحيل
وطبك الباب وصعد...

طلع السويج من جيبه وصعد ليجدام وخالي ادهام صعد بسده
ادحك جدتي مدري شتصيح ... جت تمشي علينا فكت الباب
صاحت شتريد تسويلها اعكب خل خالها يوديها اعكب يول

_ ذياب جدتي عوفيني اني اربيهااااا عوفيني ...

يول شبيك عوف البنت شسويت بيها اعكب مو احاجيك

جدتي مو داكلج اني بديها اوديها الابوها ارد اشوف
هم بعدددد يساندها ويكف وياههه...

عزة عليك شتريد اتكله يول عمك مريض انزل

استغفررر الله ... والتالي جددددتي لا تلحين عوفوني كتلكم لحد يتدخل بيه...

\ كحلاء يصيحون فوك راسي واني اهجس روحي بكابووووس
واريد بس اكعد .مدنجة راسي وابجي ... ركبت جدتي بسدي

كالتله ماتروح الا واني وياك .. شغل السيارة ومشة ...
بعدنا بداية الطريق وجان يدحك عليه بالمراية... خزرته بعيني وصديت... وصلنا البيت لكيت امي بالباب واكفه هي واختي

فتحت الباب ونزلت .. وهمه نزلو ورايه

امي ادحك عليه كالت ها شصارررر ...

صديت على ذياب كتلها شصار هذا ابن عمي التحجون بي
شوفي شسوووه بيه... اختنكت وبجيت ماتحملت عفتهم وطبيت جوه وطبت ورايه اختي.. اسمع امي تكول شبيها كحلاء
شسويت الها ذيااااب..

ذياب.. قصدج كحيلة ..شسويت ماسويت فوتو هسه وخل نسولف

كحلاء .. شفتهم من الجام طبو يمشون عفتهم وطبيت للمطبخ
ارتجيت وكعدت بسد الحايط..

اسمعهم يسولفون وجدتي تححي الامي كتلها سراب انطيني ماي
راحت جابتلي ماي وجتي ..

كتلها مريم خابرتكم مو ...

لا سلطان جة علينا اخذ خالي وراحووو عليكم بس مافهمنا شكو
ابويه مو هين مايدري امي تخابر عليكم ومحد يرد شكو فهميني
شصار زين انتي مو بالكليه شنو قبل شوي خابرت مريم
اتكول اذياب اخذها.. فهميني تره دخنا اني وامي

_ كتله مالي حلگ احجيييي عوفيني... اطلعي شوفي تلفوني بعده عنده لو انطاه الامي

سراب.. ياااااا عززززة التلفون شجابه عنده ولج شلوووون

شجابه بعد هاي بعد اخذه امشي شوفي شكو هالصياح...

سراب ... طلعت داشوف شصار مديت راسي من الهول لين ابويه هو وعمامي كبالي... رجعت اركض
كتلها كحلاء كحلاء ولج عمامي وابويه جوي ...

كحلاء.. خل يجون بعد هي بقت على ابويه خل يسمع خل يعرف ذياب شسوه بيةة

\ هااااا ليش شسوه ذياب ولج احجي عاااااد ...

_ اووووو عوفيني مالي خلگج راسي موتني والقهر البية يكفييي

سراب... اصبري خل اروح اشوف شكووو...

كحلاء.... عساهه بالگلاب وخري عني خل اكوم اولي الغرفتي

ذياب... عمي كبل ماتسمع من الكل اسمع مني اني

ادهام ... ذياب تره طوختها جثير كافي عاد السالفه ماتستاهل

ابو كحلاء... لا شكو شبيكم ليش ملتمين شنو الصار

وطبان... اخوي بنتك نكست روسنه ....

ابوذياب... انجبيببب وسد حلگك شبيها البنيه مابيه شي اعرف شلون اتحجي ...امشي اطلع امشي

ابو كحلاء .... دقيقه حجي .. وطبان شهالحجي ولك هي ارعن
تحجي على بنت اخوك گبالييي،،.

وطبان جبنااهه من كليتها ... وينها الست وينها صيحولها خل تجي
جبنها ها يابه ...

ليش جبتوها من كليتهااا تره افتر راسي شكووو اليوم

وطبان جايك بالحجي اخوي... راح جابها ذياب وجة شو مشوار ولين ابن العليان فوك روسنه .. هاد علينا ويدور عليها
تقبلهااا هااا حاجيني تقبلها هيج الزلم ورا بنتك
مو تخززززينه جدام الخلگ

ذياب.. عمي بنت عمي يعني شرفي واني ماقبل تجيها حجايه
والناس تسمع... خل اكولك من الاخير البنيه رايدهااا
وماقبل احد يتكلط عليها...

اي وهسه شنو الجديد ندري رايدها شنو الجديد ليش جبتها من دوامها ...

سراب اطلعي عليش لبدتي بسد الحايط اطلعي كليله فهمي السالفه

ادهام ... اهووو هاي السالفه ماتخلص روح يدياب روح عمك مريض شلگ بهالحجي

كحلاء.... شكد حقيرررر ونذل.. بقيت بالممر اسمع سوالفه ماتحملت كتله وخري ولج خل اطلع... لفيت شالي وطبيت للهول
هو كبالي واكف .. صاح هايات جتي تعاي تعاي

كتله اي جيت شعليك بيه عوفني اريد احجي

_ شتحجييين ها  شتريدين اتكولين..

تكليله جان يخابرني ويتغززززل بية .. تكليلة يدلعني كحيلة
ها حاجينييي لا تصدين غادي صدي عليه... شلون رحتي سويتي علاقة ويا الزلمة ... ولج هساع اذا اذبحج مايبرد گلبي...

صاح ابويه اشششش دقيقه لا تخاذنا بصياحك .. يولي كحلاء
صدك هالحجي.. حاجيني

ذياب... عمي شبيك شنو اجذب عليييك اني

ادهام ... البنيييية ماسوت شي جرمت خمو جررررمت

ذياب: اي جرمتت ماعدنه بنوات يسون سوايتهااا
ادهام :وشنو سوايتهااا بلاااا هااا راحت وياي لبيت

العليان حتى يتوسط لابوها حتى يطلع من السجن واخذنه رقم الرجال حتى نتواصل وياه والرجال لو ما شايفها مؤدبه ومحترمه ماچان خطبها

ياخويه ابو كحلاء معليك بحچي ذياب هذا من عصبيته يحچي هيچ

ذياب:خويه ادهاام كل عقلك تحچي تصرف كحلاء غلط
شنو تحچي ويه رجال غريب

هم يحچون واني عيوني عليهم وابچي كل حيل ما بيه
بعد وانتظر حكم ابويه عليه راح يصدگ ذياب لو يصدگني

دحك دار ابويه عليه وصاح

:كحلااااء احچي حچي ابن عمچ صحيح لو لا ؟صح انتي عندچ علاقه ويه ابن العليااان؟
اني ارجف ورجليه ماعادو يحملوني من ضرب ذياب والتوتر والخوف

كحلاء: حجيت بصوت يرجف والكا عيونه عليه اذا احجي واكول جان تواصل بينا ابوية راح يذبحني صفنت و كتله يابه يتبلى عليه هو الرجال شافني بس جم مرة وحتى ما گلي ولا ادري بي راح يجي يخطبنب
احچي واني ابچي وادحگ على ابوي
وچان ذياب يصيح من يمه
ذياب:چذااااابه اني الچ عجل والله انتي الي وما تصيرين لغيري لو شنو الدنيا تكف بوجهيييي

صاح عليه ابويه ابو كحلاء:ذيااااااااب
بنتي وبكيفي كحلاء لا الك ولا لغيرك ماانطيها بنتي  تبقى عندي وخوش سويتلي فضيخة هو هيج الحجي
ذياب: دقيقه عمي بس........

ابو كحلاء : ذياااااب لا بس ولا شيء خلااااص گتلك
بنتي ماانطيها

اندار عليه وانتي صعدي بغرفتچ وطلعه من البيت بعد
ماكو لا كليه ولا شي
والمبايل وينه جيبيييييه يلاااا
اني ابچي واشهگ گتله كحلاء: لااااا يابه عفيه كليتي شلووووون؟؟؟

ا:گتلچ بس كليه ماكووو وصوتچ مااسمعه ول جيبي امبايل اعلمج اني سهلة تكضبج ايدي

صاح ذياب:عمي هذا المبايل عندي
ابو كحلاء :انطينياااااه جيبه
ذياب :عمي اني رايدها لكحلاء بنت عمي واني اولى
بيها من الغريب

ابو كحلاء :ذيااااااب گتلك بنتي ماانطيها ويلاااا ماعندي حچي بعد السالفه تنسد
بقى يدحك علية ذياب واني ابجي صد وجهه ذياب وحچه ويه عمامي
عجل دزو على بيت العليان والي گعده وياهم على دوستهم بيتي وضربهم الي بنص بيتي والله مااسكتلهم عليها ان ماخليتهم فرجة الامة محمد

وطبان وعجيل:حگك لازم نگعدهم وناخذ منهم فصل
ودحك عمي وطبان على خالي ادهام وگله
وطبان:خويه ادهام خابر لبيت العليان وگلهم نطالبهم بفصل على دوستهم ديارنه وضرب ولدهم لابنه بنص بيتنه تره عيييييب واكفه نسكت الهم اذا ذياب سكت احنا مانقبل

ابو كحلاء : الگعده تصير بديواني واني اعرف شلون احلهاااز
دحچ خالي على ابوي وگله تأمر خويه صار
طلعو عمامي وابويه صاح عليه گلي اصعدي فوگ
ادحگ عليه وعيوني تتوسّله بس ابد ماكو امل
صعدت وامي تباوعلي ودموعها تصب
مكسور خاطرها عليه كل الي اني بي بسبب ذياب الله ياخذك ياذياااب دمرتنيييط دمرت حياتط
دخلت للغرفه وشمرت روحي على الچربايه وابچي دخلت عليه سراب گالت كحلاء انتي ليش ما تقبلين بذياب مادام ابن عمنه مو غريب ورايدچ صحت عليها وسحبت شالي ذبيته على بالكاع وگلتلها يبوووووعوفينييييييي مو ناقصتج روحي  وعوفيني وذياب لو يبقى اخر رجال بالدنيا مااخذه واني اصرخ اشوف سراب شهگت وخلت ايدها على حلگها  گالت كحلاء وين شعرچ!!!!
ذكرتني بشعري وگمزت بسرعه ادحچ بالمرايه والزم
شعري بايدي وابچي وادعي على ذياب  كتله نسسسيا اشوفه الابويه نسيت اشوفه الضرب خل يجي يشوف حالي

سراب... كسررر بيده ان شاءالله ياعمري لا تنقهرين يطول والله بس لا تبجين كلشي سعلة

بقيت ايام واني بلا اكل ومااطلع من البيت والكليه انحرمت منها ولمبايل عند ابويه ما يقبل ينطينياه
تغير شكلي وتعبت كلش  نفسيتي صفر روحي احسها مفرفرحة على سلطان شحاله هسه شيكول بليايه واني ماعرف شي عنه
كاعده والوووب احس روحي بسجن بس اريد اطلع منه ادحك من من شباج غرفتي عالشارع وينك يسلطان تعال اسأل شوف شصار بحالي ..
واني اتأمل وصافنه واحاجي روحي جان تفوت سراب كالت يووولي طلع خالي
ادهام مخابره ومتفق وياه يجون اليوم العصر  الكعده بالديوان وعمامي مصرين ياخذون منهم فصل

يعني شنو مافهمت...شراح يصير فصل...!

سراب... اي اي فصل كون ينطوج فصلية ههههههه

يولي اسمعيني شوكت الفصل يايووم ياساعه فهميني

اكللها العصر تكلي يايوم ...

_ بررربج يعني اليوم يجون يمنه بيت العليااان...

اي اي شتحجي عجل اني .. امي دزت على لمياء كلتلها تعاي ساعديني بالجاي ...

اوووف سراب الله يبشرج بالخيرر ...كون يلكولي حل
ادعيلي عليج الله ...

اذا دعيتلج وتحقق شتسويلي..

ههههه جدر دولمة اسويلج

هااااااااا كلشي وحاطين الاكد شبيكم واحد ماياكل خرب بالحظ موصوجج صوج الي يجي يبشرج كومي انزلي عليش محشوره هين دكومي شوفي شراح يصير تحلحليييي

كحلاء... شكوم والله حتى حيل ماكو لمياء شوكت تجي اريد تعدلي شعري ...

شتعدلين منه دعوفي هسه شكد غوية

ولج صفحة طويله وصفحة كصيره دشوفي شلون دمر شعري

سراب... تدرين. ذياب يقهرني....

دحكت علية كتله يولي تولين عن وجهي لا ابتلي بيج شلت المخده كتله انكلعي من جدامي لا اظربها بوجهج ...

يولي شبييييج هههههههه والله الحب بعيونه خطيه اليوم الصبح
جدتي نحجي الامي علية واسمعهم

خل تححي ماااريد اسمع ...

تكللها كل شويه يجي يسألني يكلله كحلاء شلونها تاكل لو لا
شلون حالها ...

اهوووو لا تجيبلي سوالفة سديهاااا شتريديني احن بيوم
ها احن المن للي سوالي هالسالفه الجبيره الي طير فرحتي
لو شوفة عينج دحكي شعري شصار بي كافي سدي سالفته
هذا مو حب هذا دمار انسان مريض مو صاحي

سراب...اووف مدري والله خل انزل وانتي كومي ورايه
كافي حابسه نفسج

اي خل ابويه يفوت للربعه واني انزل

الى متو تبقين حابسه نفسج ماكافي ليش مستحيه من ابويه

مو مستحيه بس مقهوره عليه وعلى نفسي ..

وليش انت شسويتي يمعوده دبطلي

ماسويت بس الدنيا افترت ويايه بسببي صارت سالفه وفصل وعشاير شلون تريدين بعد احط عيني بعينه...

شو انزلي وكاافي .. انطيني ايددج...

روحي سراب مانزل عوفيني

مو سلطووووون راح يجي عجل ماتريدين تشوفي
كومي راح انزل والحكيني...

_ كحلاء... الله كريم ... راحت سراب نزلت وبقيت كاعده وحدي
صافنه واتذكر سوالف سلطااان لمن جان يكلي

لا عمامج ولا الدنيا كلها تاخذج مني
لمن جان يكلي وعد وعد الحر دين الا اخذج ومستحيل
تصيرين الزلمة غيري... اتذكر كلامة وابتسم بدون ماانتبه النفسي

كمت شلت شالي خليته على راسي ... دحكت على نفسي بالمراية
شصاير بحالي بشرتي تعبانه .. وجهي ذبلان كلشي

عيوني متعبها السهر... تنهدت وكلت اتهون .. فتحت الباب وطلعت
حدرت عالدرج ... اسمع صوت ابويه .. يحاجي امي

يدور على العلاج.. بقيت واكفه ماكدرت انزل...
ادحك من فوك عليهم ... الكل مخبوص... اندريت ورايه ليش بيش

الساعه... دحكت ساعه 3 ونص .. العصر.. يعني الزلم على جيه
نزلت رجلي حدرت على كيفي...

الهول ماكو احد كلها فاتت للربعه...كمتلت الدرج ورحت للمغسلة غسلت وجهي...كملت شلت الخاولي دانشف
اسمع حس خالتي ولمياء فاتو للمطبخ ديسلمون ..
نشفت وجهي ومشيت ... جان تتلكاني لمياء

لمياء.. يبو هلاااااا وهلووووات بنتنا عليها فصول وكعدات

تعاي يسراب جيبي الجدريه ودكيلي

سراب اي ولج بلاوي وراه هاي المصكوعة...

ضحكت من شفتهم .. كتلهم اليسمعكم يكول مكيفين بالفصل

لمياء... يولي ماياخذوني فصلية

هههههههه وليش ولج شتسوين بالفصلية عبالج شي حلو
ولج الفصلية تشوف قهر بكد عمرهاااا

امشي خل اسلم على خالتي ...طبيت للمطبخ سلمت على خالتي
وامي جانت تسوي بالجاي تربعت بسد الكاونتر وكعدنا

وهناك وجان يطبون عمامي وولد عمامي وصارت خبصه
وصياح .. رفعت راسي كتلها ماما .. شكو شو صياح
خيرر خاف تجاتلووو

لا لا شبيج صارت بيج خوفه هاي ديقنعون بذياب

هاااا على شنو يقنعووو يعني... !!!

شمدريني غير علمود الرضه والكعده

هااا زين الله يستر من طيش ذياب وصياحة

سراب... ولجننننننن جووووي جووووي ...

صديت سراب ولمياء يدحكن من الجام....

كتلها شكووو ولج صوتج

لمياء.... ولج هو ياهو سلطان فهمينييييي

صاحت بيهم امي سدن البرده لا يشوفوجن عييييييب

سراب... هذا سلطان دشوووفي هذا الي لابس دشداشه وختره بيضه....

لمياء... همه كلهم معكلييين ولح ياهو منهم....

سراب... ولج هذا النص بيده سبحة لافها على ايده

هااا صح اني شايفته يولي بس ذيج المره بالبنطرون والقميص
هالمره ماعرفته كومي كومي... ولج دكومي شوفي

ام كحلاء ... لا كافي سدن البرده عاد

سراب... عليج الله يمه خل تشوفه حرام عليكم

كحلاء... اغمز الهااا واشر ادحك عليها هاي شتحجي جدام امي وخالتي شبيها تخبلت..

سراب... عليش تأشرين ... كلها تدري بالعشق والمعشوق
عجل بشرفج هاي الزلم جايين شيدررررون دكومي

لمياء... فاتوووو بعد وين تكوم ... خرب هذا المحزم يخبل

سراب... هذا هو بسسببة صارت العركة

لمياء شو كل شويه تحطوها براس واحد مافهمنا العركة منو السواها ذياب لو عذا

سراب... اخ كون الفصل هذا الي ههههههههههه

كحلاء ... صخام شكد مفضوحات اني راح اكوم افوت جوه انتن هين مصيبه كمت الحيلي ومشيت اريد اطب للهول تلكاني خالي دهام

دحك عليه كال ها ليش هيج ذبلانه

مارديت عليه بقيت ساكته

تنهد وخله ايده على جتافي طبطب عليه وكال يبعد خالج لا تنقهرين والله الي تريدي يجرالج لا تنقهرين

بتسمت وبجيت بنفس الحظة ماكدرت دنجت راسي وكتله الله كريم
مشيت وطبيت للهول

جتي خالتي كعدت يمي هي وامي ولمياء وسراب بقو بالمطبخ

اني يحاجوني واني بالي يم سلطان اسمع صوته وهو يحجي
الله بعد حسي حسك شكد مشتاگة الك...

واني سارحة وجان تجي سراب تركض كالت ذياب وعمامي وخالي
واكفين بالطرمة مدري شيحاجون ذياب...

كمت الحيلي مدري شصار بيه احس حيلي مات
كتلها يعني شنووو

صاحت خالتي شبيج خايفه اكعدي ماكو شي ديقنعووو
غير شبيج ياامي

كتله اووف والله خوفه صارت بية .. خاف هم يطب ويكتلني

لمياء... لا لا رجعو فاتووو للربعه

كحلاء....رجعت كعدت بمكاني وكمت ادعي يارب يارب
مالي غيرك يارب الستر منك يارب ماريد الفضيحة الاهلي
يارب عديها على خيررر...

واني صافنه وجان اسمع صيااااااح صار قوي كمت الحيلي
كتله شكوووووو يمة شصايرررر كامت امي وخالتي
كتله تجاااااتلووو يمكن ...

سراب ولمياء واكفين بسد الباب.. يسمعووون
جت تركض سراب كالت تجااااتلوووو يمكن

لمياء لاااااا دقيقه يمكن فصلووووها اصبري

ركضت عليهم كتله ولج فصلوووو شنووو. احجي

لمياء... ماااادري اسمع عمي يكول هذي دوسة رجل
وانضرب ذياب بنص بيوتنا وبديارنا فصلهااااا مره جدام مره

يتبع...

ياترى راح يوافق ذياب بهذا الفصل

ومن هي المررررة الي راح يتطوها الذياب
ومعقول راح يترك كحلاء تصير لسلطان

اوقات ممتعة اتمناهه الكم .. تحياتي نشوى

اكلكم تره ساكة اكثر مره بحياتي اعرف لان صداع فضيع
بس غلسوووووو ابداعه ادهاااااام💔