رواية خيال الكحيلة الفصل الحادي عشر 11 - بقلم nashwa_alsltani

العاشر

                    

      #مساء الشوگ ..❤️

#خيال #الكحيلة

#بقلمي_نشوى_السلطان

🧚‍♂️يا_حظ_منهو_بـ_نظرهۂ_العين_شافك
         #يروي_ظماهۂ_ونظرت_العين_تكفيهۂ

سراب ولمياء واكفين بسد الباب.. يسمعووون
جت تركض سراب كالت تجااااتلوووو يمكن

لمياء لاااااا دقيقه يمكن فصلووووها اصبري

ركضت عليهم كتله ولج فصلوووو شنووو. احجي

لمياء... ماااادري اسمع عمي يكول هذي دوسة رجل
وانضرب ذياب بنص بيوتنا وبديارنا فصلهااااا مره جدام مره

مشيت عليهم .. كتلها وخري خل اسمع ...
جت امي وخالتي وكلها وكفو  بسدي...

لمياء... منو هذا الديحجي...

كتلة صبري مادري... شمدريني

ام كحلاء... هذا حامد يمكن اخو الجبير..

لمياء... خرب العشيرة كلها جايه ولج اخ منج كحلاء كلها معارك عليج عجل شبية اني ناقصه ايد رجل محد يتعارك عليه

كحلاء... ولجن بطلن گرگة خل نفتهم اني وين وذني وييين

سراب... اسمعي اسمعي... يكله سلطان لا موراهمه

صديت عليها يعني شيقصد.... ؟

مادري مو عمي كاله انطي مره لذياب رضوة...

يمكن سلطان مارضة ...

كحلاء... اي يمكن اسمعي ...

سلطان ... يعني شلون مره بمره المن المره ...!

ابو ذياب... البنيه ماتنعز عليك افضالك جبيره يمنة
بس مثل مانرضيك انت هم ارضي اذياب... ها يابه لو شتكووولون

ادهام... خوش حجي بس شلون يرضوا..!

اذياب... دقيقه منهو الكال اني راضي...

ادهام... يول شحجينا تونا بره شو كل دقيقه برااااي

ذياب... لا لا ماكو هيج حجي...اني ماكلت اريد مره بس

ابو ذياب.. بس شنهوووو يول لا تسولف جثير البنيه ماترهم لك
سد سالفتك هاي....

ذياب ... خلص خل تبقى طول العمر كاعده ...

سلطان... هااا  هذا حجي بالله...شنو بكيفك يعني...!

ادهام... خويه سلطان ... بس صبر عليا كلشي ينحل ياخوية

.. حامد... كمل اخوي ابو ذياب......

اذياب... البنية مااننطيها ... واني اترخص ...

ادهام... ويييين اكعد ذياب...

سراب... عزززه كام اذياب وعاف الكعده...

ابو ذياب... يول مو احاجيك ارجع وين رايح الناس كاعدين
يول استحي...

ادهام... كمت عليه وكضبتها كتله ارجع عيب الزلم كاعدين شنو
جهال جدامك مو انت تعرف بالاصول غير تكعد وتكمل كعدتك

هي كعدة البنيه مانطيهااا... خلص لا فصل ولا ولا مدري ايش

ادهام... يول البنيه مالها هوى يمك يعني ترهم تخليها بدون زواج
يعني لا ترحم ولا تخلي رحمة الله تنزل.. امشي خل نطلع بره احاجيك ...

ابو كحلاء... ذياااااب اعكب ... شنو تكعد وترد تطلع مايرهم هالحجيييي احنا ما  جاي نلعب.... يول وين رايد

ادهام... هسه راجع اني وياه عنده سالفه ونرجع..

لمياء... تعالن طلعووو بره ...

سراب... امشي خل ندحك من جام المطبخ...

كحلاء... ماريد اشوفه ولا اريد اسمع سوالفه .. روحن انتن

لمياء... يولي خطية يحبج اسمعي شلون يحجي ومقهور

كحلاء... الي يحب مايأذي الي يحب مايحرگ گلب الي يحبه
ذياب اذاني ذياب اخذ من حيلي حييييل ...

سراب ...دمشي هسه وخل نفتهم السالفه ...

كحلاء... راح اكع يولي اكفي...

اخذوني للمطبخ يجرجرون بية .. وكفت بسد الشباج اني وياهن
سحبت سراب طارف البرده ودحكت .. لين واكفين خالي وذياب
لابس يشيمغ احمر وابيض لافك على راسه .. ادحك عليه
يحجي بحركة ... ياربي مدري انقهر عليه مدري انقهر على نفسي
يعني شسوي الگلبي الماهواك مو بيدي... اووف

لمياء... خطيه ذياب والله كسر خاطري ... تعال حبني يذياب
سوف اعطيك حبآ وقلبآ وحنان بس تعال ... خرب ذكرني بحنان وينها هسه هههههههههه

سراب.... صكع ولجن خل تفتهم ههههههه

ادهام:لك ذياب اگف شوي ياخوي بس خلي نحچي تعال هين اكف
كبتلي ماتكلي انت شنهو اليرضيك ...

ذياب:خويه ادهام لا اگعد ولا شي ماانطيهم كحلاء ياناس اصيح أعلي صوتي اخلي الديرة كلها تسمع بنت عمي وإني أريدها أني أولى بيها والتالي...

ادهام:ياخويه ياذياب اذا هي لبنية مو هاويتك ومن زمان بالله عليك اسألك جاوبني هي مو من گبل لا نعرف ابن العليان هي رافضتك
ها جاوبني...!

ذياب: اَي ادري بيها مو رايدتتتتني شأسوي ياخويه والله احبها

ادهام:عجل اذا تگول احبها عجل يرضيك تعذبها

ذياب:عجل ياخويه مو داگلك احبها وأموت بيها عجل لو مااحبها ما سويت الي سويتها هذا كله...

أني واگفه واسمع ولمياء وسراب فوگ راسي يگولولي يول دگي دكحي قيس وليلاااااه شلون يحبچ ويريدچ ظلي هيچ چان سراب گالت كوّن اشوف واحد يذبح روحه عليه عاااب حظي والله

التفتت عليها كتلها يولي تره گلبي خلصااااان وروحي طالعه
كوون اموووت هسه ولا هالعذاب .. عوفيني بحالي و خليني اسمع

ادهام:ذياب تقبلها تعيش ويه وحده ما تريدك تتخيل راح ترتاح بحياتك تقبلها؟

كحلاء... ادحك علية يحاجي خالي وهو مدنج راسو والجكاره بيده
جررر حسره وكال
لا طبعاً ماراح ارتاح بحياتي ولا اقبلها بس شأسوي ياادهام تعال فهم هذا يحاجي بصوت يقهر ويدگ على صدره يكله فهم گلبي وعقله ياادهام خرب عمري ...خرب گلبي ..

ادهام:ول يخوي ما اگول غير عاااب گلوبنه الي تحب الي مو الها
شسوي بعد كلشي مقدر ومكتوب... اني هاي شوفة عينك العرب كلها تدري حبيت والحبيتها ابن عمها اخذها مني...
ومن حزتها مادخلت مره الگلبي .. اني احس بيك
بس شبيدنا ياخويه...

ذياب:هاي هي ياخوي راح ارضى بقسمة ربي وكافي الي سويته أني اعرف أذيتها وآذيت اهلي وهم مااقبلها تجيلهم حچايه بسببي

طبطب على چتفه خالي وگله عفيه عليك هذا الي أني اعرفه ذياب الزلمه المعدل... الله يهينك بغيرها

ذياب... تسلم ياخويه الله كريم...

ادحك على لمياء وسراب راحن يركضن يبشرن امي
واني عيني على ذياب قهرني وقهرته ابن عمي كسرت گلبه

رغم اذاني بس يبقى ابن عمي رفعة راسي...
دمعت عيني من غير مااحس على نفسي خنگتني العبره

وكلت ربي مثل مازرعت حبي بگلبه شيلني من گلبة
اووف كون الله ينطي مره تحبه مثل حبي السلطان...

ادحك خالي يضحك وكدري شيحاجي... جره من ايدك
وكاله تعال وياي...

دحكت فاتو الصوت صار بعيد.. ركضت عالباب فتحت شويه
اريد اسمع شيحجون...

ادهام خويه خلي نكمل الگعده

ادحك ذياب كبالي بالباب واكف .. صاح
ذياب:لا خويه ادهام بعد مالي گعده وياهم هي كلمة احچيها واروح من هين ....

صاح ابويه حدر يذياب اكعد هين بسدددي...
لا يعمي اني عندي شغل.
هي كلمتين احجيهن وامشي...

كوول ياطويل العمر ... اي نسمعك...

گواكم الله ..بالنسبة للبنيه أني رافع نهوتي عن بنت عمي والله يرحم بالجميع ان شاء الله يلاا أني اترخص...

صاح عليه ابوي يول اذياب ارگح هين
يول لا تروح

صاح ذياب... عمي خلاص البنية وشلت نهوتي عليها وبالعافية على ابن العليان

ابو كحلاء:لاااا اگف صاح ابوي كال مادام المرك راح تصير الكم ان شاء الله بس ذياب مايطلع منهين اذا ماترضو...
الكل صاح ... اي حگ والله

حامد :تستاهلون ومن هلعيون گول يبن عمي...

ابو كحلاء:تنطونه مره لذياب
صاح ذياب:عمي أني لا اريد منهم مره ولا اتزوج سدو هالسيرة

ابو ذياب:ول انت ليش ما تستحي مو عمك يحچي وياك حدر هين

ذياب:العفو عمي... اسمعك گول..

سلطان:... يعني مره من بنواتنا غير...

ضرغام :دگ صدره وگله عندي ياخوي لا تاكل هم

سلطان ... منهي قصدك من بنوتتنا...

حامد... والله حگ يستاهل ذياب.. مثل ما عاف الحرمة الاخوي
ياخذ جدامها مره ...

ابو ذياب... اي هذا الحجي الراهم... هساع اكول اني
مدام نحلت المشكله .. محد يطلع اذا مايتراضون..

حامد.. لا ياخوي ماكو زعل ان شاءالله

ذياب... خل يحط بنت عمي بعيونه الاثنين ...
هذا الشي اليرضيني... اني اروح وراي شغل...

سلطان... كمت الحيلي صحت اكف يذياب...

ادهام.. ذياب.. اكف مو جاي يحاجووووك ...

ذياب... مورايح بعدني..

سلطان... البنيه بعيوني الاثنين ...لا تاكل هم

ذياب... بالمبارك عليك...

_ اكف يذياب... مو صرنا نسابه شو هيج الحجي ..

_ يعني شنهو..!

ادهام.. اييييي هساع صار اني ارتاحيت... والله عفية عليك
عمي خوش حليتها حل وهاي تراضوو ولزعل وله

سراب... تراضوووووو ولكم تراضووووو

لمياء... اول مره تجيبين علم بي خير ههههههههه

سراب اسمعي سلطان يگولة ...ماكو زعل اليوم احنا نساييب

ولج يحاجي ويضحك... يعني معقوووول ذياب قنع مااصدك

وينها كحلاء تعاي منا..يولي .. تعاي اسمعي سلطان شديحجي

كحلاء... طبيت اركض على صوت سراب... كتلة وصكع يمثبورة
حسج عالي... ادحك لمياء تهز بجتفها وتركص ...
كتلهم شبيكم ...

_ ذياااااااب فك النهوة يولي...

اي عادي سمعته ...

هاااا سمعتي عجل اشو مو فرحانة .....

دحكت عليهم .. كتلهم خايفه من هالفرحة...

صدت عليه امي كالت ليش شبيج...

مادري يمة خايفه من ذياب خايفه يطلع ضاملي شي

لا لا مايسوي شي كعد جدام زلم .. وحجة وكال ماريد بعد
لا تخافين اي شي ماكووو

لمياء... يعني راح تنطون كحلاء لسلطااااان ...

_ دحكت على امي كالت هسه خل نشوف ابوها شيكول مادري اني بكيفها وبكيف ابوها...

سراب.... ذياب طلع يووولووو

صديت عليها سراب واكفه باب المطبخ ... وادحك من الجام

لمياء... المهم تراضو خل يروح...

سراب... ماقتنعه بالرضة ابد ذياب مو بسهولة يتنازل

_ لمياء... ياسهوله هاي التحجين عنها شو خلاهه كعده عشاير
دبطلي يمعوده موزين قبل ... وج كحلاء.... ويجون هييين يمشون عليج بيت العليان.. هلا هلااااااا

سراب... ولجن كامو كلها طلعت...

لمياء... هههههههههه خرب يومج من قلب الحدث معاكم ميناس السهيل هههههه الحك يولو الحك خل نشوف وينة هذا ضرغام
الهد على ذياب... ياهيج الزلم يابلاش هههه

كحلاء ... عزه عليهن ذن ولا يسكتن صاحت امي ...
اثگلن يولن اثگلن تره مو حلوه بحكجن وانتن بنوات

سراب.... يمة تره دنشاقه شنو شفتيني مجلبين بذياله
ههههههه بس تريدين الصدك يمة تره حلو ويلوگل ل ل
صدك المن يلوك...

كحلاء تحجي وتضحك وامي مخنزره عليها طلعت امشي للمطبخ
مديت راسي من الجام .. دحكت كلهم بالشارع والباب البره مفتوح

الشارع مليان سيارات... ادحك كلها كبالي بس هو ماكو
جت لمياء كالت ها عيونج هين وهين ادورين عليه...

ابتسمت كتلها اي والله بس وينه شو ماكووو وياهم
بعدني داحجي ولين هو كبالي ... يحاجي خالي دهام
ويضحك هو يضحك لو الفرحة كلها صارت بصدري
الله شكد مشتاكة الك... ادحك عليه وابتسم لا ارادي
حلوه جمعتهم ... عمامي واكفين... وابويه واهل سلطان
ومن عركة وصياح الى ضحك وسوالف ...
يابعد طولي .. واخيرا كحلت عيني بشوفتك
شوكت يجي اليوم واكون حرمة سلطان العليان
سراب وراي واكفه هي ولمياء مدري شتشاورن
صديت عليهم كتلهن شبيجن

لاا يمه مابينا شي بس جاي نباوع عليج وانتي سارحة
ويا الخيال...

بربج دحكي عليه تعالن هين بسدي...

سراب... اهاااااا خير يايمه خير تره شفناه حلو يخبل
مايحتاج نشوفه ندري بي هيبة وطول وجمال ...

لمياء... تدرين يشبه ماجد المهندس...

كحلاء... لا قليل سلطان احلى شجاب لجاب...

يمة يمة .. على كيفج عيني تره ندري احلى بس اكول اكو شبه

سراب... صعدووووو راح يروحون...

كحلاء... اني راح اصعد فوووك...وخري لمياء...

سراب.. كضبتها من ايدهاا تعاي... عليش صاعده
ماتريدين تشوفين ابويه...

كحلاء... مادري عوفيني...

لمياء... تعاي يولي عمر العشك ماجان عيب وياحلاته لمن الخيال
يوفي ويجي يخطب الي اختارها گلبه ... ارفعي راسج يولي ولا تستحين الزلمة خطبج جدام كل الناس ...

سراب كليلها كليلها ولج عنااااد هايه صار جم يوم اتوسل بيها
تنزل وهي لا شون احط عيني بعين ابويه ...

كحلاء... عفتهن يحجن شفت السيارات مشن وعمامي جو يمشون
طبو للطرمة وياهم ابويه ..كتلها ماكدر عمامي النوب وياه شعيني
منهم .. لا ماريد ابقى ويفتحون وياي الحجي...طلعت اركض
طبيت للهول تلكتني امي وخالتي صاحت ها وين
راحو لو بعد...!

اي يمه راحو اني رايحة الغرفتي... صعدت للغرفه فتحت الباب وطبيت ...كعدت وحدي... صفنت اتذكرت ذياب وتذكرت سلطان
ودحكت على نفسي... وحاجيت روحي ... معقول ذياب راح ينسى
وراح يعوفني يارب مايكوون ضاملي ضميمة...

مرر يومين ... اني لا دوام ولا طلعه من البيت تلفوني
عند ابويه حياتي صارت بس نوم واكل...

روحي احسها بيت العليان ... هيج احس جسد من غير
روح ... شوكت اشوفه شوكت اسمع صوته ...

كمت الحيلي دحكت على نفسي بالمرايه...
عيوني ذبلانه ... فتحت شعري ،.. دالمة وجان اسمع امي تصيح
كحلاء يكحلاء حدري مريم نوبتين دكت عليج ..

اوووف خسرت كليتي بسببك يذياب... صحت جايه جايه
شديت شعري وحدرت... جانت الدنيا ظهر والجو حار
حس المبرده عالي... واني عالدرج دنجت راسي دحكت ماكو احد
مديت رجلي وحدرت.. طبيت للمطبخ لكيت امي دتصب بالغده

كتله شو ماكو احد وينهم ...

_ لا خالج بره ديحجي ويا سلطان واختج دتغسل وابوج هسه
على جية...

صدك والله ديحجي ويا سلطااااان !!!

اي اشوفج انبهتي...

لا بس داسأل يعني...

اي ديحاجي علمود البنيه...

يابنيه يمة ...

علمود البنية شبيج الرادوها كبالج ...!

هاااا قصدج مره لذياب...يعني هاي سويتوها صدك

يولي شنو صدك غير همه انطو مره رضوه

لا بالله .. والبنيه شنو ذنبها تتزوج ذياب حتى ترضي...
شنو فصليه ماخذها...

لا مو فصليه مابيها شي اذياب خوش زلمة شبي خاطر
هيج تكولين لا مو فصليه والبنيه سمعت صغيره وحلوه

هااا فوكاهه يعني ... خطيه والله حرام هسه شراح يسوي بيها

كلشي مايسوووي ذياب حريص ومن جان يمنعج تره حبآ بيج
مو كره لا تقيسيها هيج قياس...

يعني والله اتعجب عليكم ... زين دقيقه البنيه شنو موقفها...
شكالت موافقه لو بعد...!

مادري هسه نفتهم من خالج الحجي يمه ...!

زين وذياب يريدها ..!!!!

-الزلمة ذياب ماراد يتزوج الا ابوج وعمج لحوا عليه عاد يمكن هي قسمته .. الله يوفقه بحياته ...

والله مادري خايفه يعذبها لانها من جماعه سلطان....

لاااا شبيج وين لكيتي هالسالفه ... كلشي مايسويلها هسه
تعاي طلعي خبز ولا تبقين ما عنگج وعينج عالباب عوفي خالج هسه يسده ونفتهم السالفة...

اي ماشي ... مشيت طلعت خبز وداجهز بالغده ويا
امي ...فتحت الجدر كتله مامت اصب تمن لو لا ...
جان يجاوب ابويه .. اي بنيتي صبي...

من سمعت حس ابويه سكتت .. صديت لينه واكف وراي ... كال ها يكحلاء ليش خاتله مني

_ صفنت عليه وحجيت واري مرتبكة كتله لا لا
بس ...

اششش لا تكملين ... يبيتي صبي الغده ويا امج
وتعاي حدري واكعدي بسدي... من. زمان ماتسولفنا
عندي سالوفه صغيره وياج

ابتسمت كتلو .. ان شاءالله هسه اكمل وارجع
طب ابويه للهول .. ادحك عليه مدري شيحاجي امي

جان اسمع خالي  ديخابر فات للمطبخ وهو يكول
لا يخوي الامور عدلة .. دام الطرفين واحد مقتنع بالثاني الناس ماعدهم مانع ينتظرون خبر منكم

صفنت عليه كلت اي اكيد ديحجون بالبنيه ..
يارب خاف يعذبها والله خايفه من ذياب..

سد التلفون خالي وكال ها يكحلاء اليوم نازله جوه

_ ابتسمت كتله هسه واحد مايريد يكون وحده جم يوم
تحسسوني جنت مسافره ههههه

ادهام..هههههه من حقج يابه .. اكول ...الحجي وين

فات جوهو وامي راح اجيب صينية الغده ..

يله جهزي بين مااصلي... فاتت عليه صلاة الظهر
من وره ذياب ومشيته ..

كتله دقيقه خالووو ...

صد عليه كال ها ... كتلو خالو صدك راح ينطو مره
يعني هاي سويتوها صدك ..!

اي انطوه بنيه من بنواتهم ...

هااا يعني انطو ومنتهي كلشي...؟؟؟

اي هساع سلطان خابرني كال تفضلو عدنا جيب الاهل وتعالو...

زين شلون خالو معقول هالحجي البنيه شنو ذنبها

_ ليش شبيه البنية .. ماراح تلكة احسن من ذياب

_ شلون يعني .. انت شفت شسوه بيه .. شنو طنب هالمسكينه

_ لا يبعد خالج ذياب .. صح عصبي بس داخله اطيب انسان .. اني متأكد راح يخلي هالبنيه بعيونه الاثنين

_ زين انت حجيت وياه شكلك .. خاف ديسويها شغلة
اقصاد بينا وخاف يأذيها...

لا يااييه شسالفه كعدنه وصار الحجي جدام الكل
صبي الغده وعوفج من هالسوالف بعدج صغيره

هاا ههههه ياصغيرة ... ماشي خالو هسه ماعلينه من ذياب انت شوكت مهرك....

گريب گريب بس كولي ياالله كون ترهم ...

هااا صدك والله ...

الله كريم كلشي بوكته هسه خل نحل سالفتكم وسهلة اني الي انتظر كل هالسنين يكدر ينتظر اكثر ..
بس كووون ترهم ...

يبووو والله اتمنى يجي هاليووم واشوفك عريس

اكلج عوفج من الحجي الصلاة راحت صبي الغده وتعاي هل انتغده تره جوعان والسوالف ماتخلص

كحلاء... صبيت الغده وخليته وكعدنا كلنا عالسفره
ابوي حاجاني وكال راح ترجعين للدوام ..
بيومها صح فرحت بس جنت متوقعه راح ينطيني التلفون .. جنت اتمنى اكدر اسمع صوت سلطان لو لحضة... مر اليوم واهلي وعمامي مخبوصين بمشية
ذياب... جدتي رايحة وجايه .. مر اليوم وكعدت
جان يوم خميس .. دحكت عالساعه ...
7 وربع ... كمت لبست وكملت وحدرت .. سراب لكيته دتتريك .. اهلي كلهم نايمين .. اتذكرت سايق الخط
شلون ... كتلها سراب... رقن السايق مالتي عندج ...

دحكتلي وهي تاكل وحلكها مليان اكل ماتكدر تحجي
هزت براسها لا...

كتلها  بلي اتذكر دزيتله رساله ... مره من خطج
انطيني اخابره لان مايدري بية رجعت للدوام ...
وانتي كملي اكلج بس ديربالج لا تغصين

سراب...اهوووو شنو اغص عينكم عليه كبل وعالاكل   اكفي خما تاخذي وياج .. جيبي يولي

_ هسه انتي مو تعوفي بالبيت خليني اخذه

_ لااااا ابويه مايقبل جيبي ...

بداعتي سراب اختج اني الي تحبج حبابه انطينياه

_ اشوف اليوم مهتمة بالمبايل... خاف تريدين
تخابرين الخيال يولي...

ههههههه ولج دروحي السايق راح واتاخرت وماخابرت
راح اخذه ويايه ... يله باي

اكفي ولج جيبييي.....

كحلاء... عفتها تصيح عليه وطلعت ... اتصلت بالسايق .. بوقتها جان رايح لغير منطقه ..

كال انتظري شوي وارجعلج ...
بقيت واكفه بالشارع ... وادحك .. عالسيارات رايحة

وجاية... صفنت منين راح اجيب رقم سلطان..
اليوم لازم اخابره ... شلون هسه... طلعت التلفون من

الجنطة ... فتحت التلفون ... دورت الارقام ماكو...
زين هو عنده فيس... وسراب خطها بي نت مجاني..

ابحث عنه ... بس وين ابحث .. عالفيس...
اي عالفيس.. فتحت الفيس... مكتوب تسجيل دخول

اووو اتذكرت الخبله هاي ماعدها فيس...
واتي صافنه جان يدكلي هورن السايق... جفلت كتله

اي جايه .. خليت التلفون بالجنطه وركضت للسياره
سلمت وصعدت...

اخذتي السايق وطلعت للكيلة .. اول مانزلت طبيت للقاعه
سلمت على الاستاذ.. واعتذرت منة كتله صارتلي ظروف
وهسه رجعت ... واني احجي وياه وجان تصيح من بعيد
مريم ... لج كحلااااااء....
جت تركض وهي فاتحه ايديها ... الاستاذ ضحك عليها
كال تفضلو للقاعه اتأخرنا.. سلمت عليها وطبينا ...
جان علينا الاستاذ واني بالي يم التلفون تمنيت اكدر احصل
سلطان لازم احجي وياه لازم افهم منو هاي البنيه الي راح
ينطوها الذياب...مر الوقت وحساب بتلفون سراب ماكو
اخذت الكتب وطلعت للحديقه .. لكيت مريم
واكفه الها سياره الخط.. اشرتلي من بعيد بيدها وراحت ..
انتظرت شويه جاني السايق وطلعنا...
وصلت للبيت واني فرحانه بدوامي .. احس جنت فاقده اعز شي
عندي.. ماجنت اكدر اتخيل حياتي بدون كليتي...
طبيت واني اغني...

خبروني عنه شلونه والله زمان مفارك انه عيونه خبروني
عنه شلون هم مثلي دمعاته على خده واليحبه صار..

جان يصيح خالي... اليوم الطرب فوووول يابه

ضحكت كتلهم هاي انتو هين ...

كال فوتي يابه لو ندري هيج الكليه ترجعج فرحانه
ماخليت الحجي يبطلج... ...

سراب... يابه دخبروها عنه ...ههههههههه سلطان العليان شلونه والله زمان مفاركة عيونه

\ دحكت على خالي يضحك هو وامي على  حجاية سراب ...
كتله يولي ليش ماتجوزين عني... عفتهم وطبيت للغرفه
طلعت هدوم .. وطبيت كبل للحمام .. جان الجو حيل حار
سبحت وطلعت .. دحكت من فوك امي تكوي بالدشاديش ..
صحت ماما وين النيه اليوم البيت مخبوص ...

رفعت راسها ودحكت عليه كالت انزلي تغدي ...

سراب... عيني رايحين لبيت الي مفاركة عيونه....

صحت عليها كتله والتااالي ومو احدر اذبحج يولي

_ شبيك مااتشاقه رايحين كلنا مشية ذياب....

_ صحت يمة صدك المشيه هسه لو هاي دتسولف بكيفها

لا لا حدري تغدي احنا راح نمشي...

ماشي جايه جايه... طبيت للغرفه عالسريع مشطت شعري
ولميته وحدرت .. واني عالدرج ادحك خالي طلع من الغرفه
جن عريس..

كتلو هاااا خالووو اليوم الكشخة فووول الله الله شنو عالعطر

_ ها طيبة ريحتو مو ...

اي يجنن اليوم انت العريس...

اي هو هم هيج يابه ...

هاا شلون يعني....!!

ماكو شي انطيني من وراج السويج وينهم الربع

_ صاحت سراب من مكانها .. كملنا كملنه .....

دحكت كلهم كاشخين ومتهيرين ... كتلهم يعني اليوم وحدي راح ابقى ... ابقي يمي سراب

سراب... خاف ماتشتهين يولي ... ابقى يمها دروحي اريد اروح اقبض الفلم كله اشوف ذياب شيكول اشوف العروس حلوه لو لا

صاحت امي لا دزي على بنت خالتج خل تبقى يمج..

ابو كحلاء.... يله اني بره ... اطلعر عادالححي واخواتي طلعو جدامنه ماتكللي شوكت نطلع...

سراب... اني جاهزه راح اطلع...

كحلاء... طلعو كلهم بسيارة خالي ... طلعت اني وراهم ...
ادحك عماني سياراتهم عالشارع العام وياهم سياره ذياب طابكة على صفحة ... صفنت عليهم وهمه طالعين ... حلوه المشيه
والسيارات كلها سره جن زفه... الله يسعده ... بحياته
طبيت وطبكت الباب..

..... منال...ماعرف شلون صارت خطوبتي او شلون راح اكون بيوم عروسه صح جنت اتمنى هاليوم الي اللبس بي فستاني

واكون مع شريك حياتي الي يختاره گلبي..
لكن قدري اكوو الشخص عمري ماشايفته فقط مره واحده

ومن بعيد ... بيوم الي اجوي اهله وشافوني وهو شافني
جان بيبن شكله مرتب شخصيته حلوه لكن يبين

عصبي .. القدر خلاني اكون الشخص ماعرف اذا بيوم احبه او لا جنت كلش متخوفه من هالزواج رضيت

بي حتى مااكسر گلب ابن عني سلطان الي رباني وتعب عليه  وصلني للسادس اعدادي .. سلطان جان صاحب فضل علينا كلنا

بعد وفاة ابويه واخويه... لمن اجاني ضرغام وكال
منال اني اخيج وغلطت وضربت ازلمة وتعديت عليهم

بدايارهم وبسسببي اني سلطان ماراح ينطو المره
الي هو يحبها.. بقيت ساكته ماعرف شحجي..

فكرت بكلامة وبدون تردد ماكدرت اكول لا خوفآ
من ضرغام لا يأذيني وخوفآ عليه هو لا يتأذه

وماردت اكون سبب بتعاسة گلبين وافقت وكلت الكاتبه
الله الي لازم اشوفه ... وافقت وحة  هاايوم الي جان
راعبنب  احس روحي راح ادخل بمسؤليه حيل جبيره

بيومها لبسوني فستان زهري فاتح ... وكعدوني
بالهول والزلم بالربعه ...جو النسوان سلمت عليهم

بس احس روحي مخبوصه والف موال براسي
مره اكول بعدني  بالبدايه لو ارفض يمكن احسن

احس نفس ستعجلت وافقت على شي كلش صعب

كعدو النسوان والكل عينهم عليه ..
اسمع سوالفهم بس  اني بحزتها براسي الف موال..
ساره رايحة وجايه تقدم بالشربت والكيك
وامي كاعده غادي مني.. والكل عينهم عليه
اسمعهم يحجون .. حلوه والله محظوظ ذياب
شكد عمرها ... امي تحاجيهم وعماتي كاعدات

هناك وصاح ضرغام ... تعاي يمنال..

رفعت راسي على  ساره كتلها اروح يعني

كالت اي حبيبتي كومي الشيخ راح يسألج
اذا موافقه او لا ...

هزيت راسي اي... كمت الحيلي وكامو ويايه البنات
مشيت .. واحس رجليه ماياخذني...
وكفت بسد الباب واني مدنجة ... ومثلجة احس عضامي يطكن ...

وكف كبالي سلطان..  وحجة بصوت ناصي كال هلا منال ... الشيخ كبالج ويسألج ...انتي حره

لا تخافين من احد اني عندج  اني بظهرج اخاف متردده اذا ماتريدين گولي واذا تريدين بالف مبارك ...

رفعت راسي عليه ... سكتت ماعرف شجاوب
صديت على ساره كتله شتكولين اوافق لو لا 

ضحكت ساره  كالت يولي شبيج ... تحجين صدك

صاح ضرغام يله  يمنال فضينا الزلم ينتظرون

بلعت ريگي وصفنت  وكلت لا ... شنو اوفق واني بعدني حتى دراسه مامكمله وشلون اوافق على انسان
اني مااعرفة لازم مااوافق.. سلطان كال اني بظهرج
رفعت راسي على ضرغام كتله اخويه اني......

يتبع☹️💔 ياترى شنو الي راح يصيرررر

⠀