رواية خيال الكحيلة الفصل السادس وثلاثون 36 - بقلم nashwa_alsltani

الخامس والثلاثون

مساء  الياسمين   ..❤️

#خيال #الكحيلة

#بقلمي_نشوى_السلطان🧚‍♂️

..شايفين الخير الله يسعدج بنت عمي

..ويسعدك يارب ومنال ويجيكم الولد الصالح  داحجي واجان بس

اسمع  الباب الخارجي جفلت متت بدمي وكع تلفوني بالكاع لين سلطان وضرغام ابتسمت 

جة يمشي مد اديه على الجراب بخاصرته طلع المسدس  دحگ عليه وتقرب مني سحب سلاحه وخلاه براسي ...

ضرغام ... دقيقةةةةة عمي شسالفه ... يمعود

اذياب .... شكووو شبيكم ...

كحلاء ادحك السلطان ورجليه انتهت ،.. خليت اديه الاثنين على اذاني كتلوو سلطااااااان ...

صاح ولاااااااا كلمة ..... ضرغام ركض وكف كبالي ...
على عيطتي والصياح التمو جررر المسدس من سلطان
كوووه سحبه كله عميييي هوووب هدي اعصابك ...
شسالفه كول يااالله ... ذياب روح توكل ... جة ليث يركض
صاح شكووو

ويييييين يتوكل اكف هيييين انعل شيب ابهاتكم .. ولكم
حسبتكم اوووووووادم ودخلتك بيتيييييي... ولك نسيبي
والجدامك بنت عمك .... كام يتهاوم عليه يريد يضربة
وكف كبالة ليش وضرغام ...

اني وكفت على صفحة واصيح سلطان لااااااا

ذياب .... دقيقة دقيقة ليش هسه شنو الصار الجدامك اخيتي ...
وبنت عمي خيرك اخوي انت فاهم السالفة غلط ... لا تستعجل
بس خل انتفاهم تره احنا اهل

كحلاء .. سلطان والله العظيم الي ابالك مو صحيح والله
ذياب توا جة وبالصدفة ...

ضرغام ... توكلي فوتي جوه خيتي ...

صاح سلطان جووووا جدامي ....

جتي شهد والبنات سحبوني من ايدي ... طببوني جوه
اني امشي بس مثل الحلم شلون الصدمة ماعرف شجرالي
اجت بالي صورة سلطان وهو صايج والمسدس بأيذه

سمعت صياحهم واني بالمطبخ كتلها تجاتلووو موو
كمت الحيلي كضبتني ساره كالت وووين اصبري خل نفتهم

جت ام ضرغام تمشي سريع .. على الصياح وجهه اصفر
كالت شكووو يولن شبي سلطان ...

ركضت شهد جابت الها ماي كعدتها بسدي...

منال كالت خل اطلع اني اعرف شحجي ....

كتلها سرررراب رجعيها سلطان صاير نار ...

كامت الحجيه طلعت عليهم .... اني اريد اكوم اشوف شكو
ماكدر اخاف حتى ادحگ ...

سراب اسمعي ذياب صياحة عزززه

منال فتحت الباب وطلعت كتلها شراح تكول يعني
كمت الحيلي ركضت ليم الباب دحكت عليهم ...
اسمع منال تحجي ... كتله وخري مديت راسي اني والبنات

منال .. عمي كبل لا تحكم عليهم خل افهمك سالفه ...

شتفهميني يعني يوووولي اسكتي روحي من يمي

عمي والله العظيم انت مفتهم السالفه غلط ... ذياب ماعنده شي
ويا كحلاء وانت تعرف كلش زين هي من الاول گلبها مو وياه
شنو اليتغير هسه حتى ترجع تحبه وتحاجي وهي مخطوبه
عمي كحلاء طبت بالخير والصلح ولمو هي اني حالي جان
موهذا ...

الحجية اي يمة سولفي عوفوها تحجي ... والله ياوليدي
منال يوميه تحجيلي اتكلي كحلاء حاجت ذياب وصار زين ويايه وتغير ...

ذياب حجية شنو صار زين وياهه شمسويلها اني منال
من يوم الاخذتها مااذيتها ...اني احبها شهالحجي هذا هي مرتي لو عدوتي ... تره
هاي مرتي وباجر عگبة تصير ام الجهال ...
وماالگة احسن منها يكفي صبرتلي ... وتحملت جثير امور

ادري يمه هي هم ماذمتك الله شاهد ...

كحلاء ادحك سلطان مجتف اديه الاثنين لوره ويسمعهم بس
احسه مثل البركان ويريد ينفجررر ... كافي خل تكمل

كام يفرگ بوجهه وبراسه ... اني من شفت الكل مجموعين
ومتهومه بسالفه ذياب ماتحملت كمت ابجي دموعي احسها
نار تنزل ... شهد تسكت بيه بس ماكدر اسكت ...

منال عمي والله كحلاء احسن بنيه وحبابه وتحبك والايام هي الي راح تثبتلك

كاااافي منال كاااافي حدري يله ... البيت الي يهين سمعتي
ويشك بيه ويحطوني بغير خانة ماافوتله بعد ولا اتعده عتبته
اني رايح لكن الايام مثل ماكالت منال تثبلك منهو ذياب

خلي في بالك شغله مو ذياب الي يدحگ على عرضة ويركض
وراهه وهي بحبال زلمة ... من يوم الكطعت مهرها انت
انغسلت من گلبي وصارت اخيتي .خوش يابة
يله ابويه الحكيني اني طالع ....

كحلاء سلطان بس ساكت مارد ولا حجة شي شلون من جمره هامط ودطفت ... ادحك عليه ساكت جر ضرغام الكرسي وخله بسده
كالو اكعد عمي ... والله الحجالك كلنا نعرف شنو غايته

الحجيه ليش هيهو هذا مضعوف البخت الي حجالو هااا

سلطان سدو الحجي هسه خل يطلع اذيب سهلة ...

سراب ... منال جنطتج والتلفون بقن بالهول ...

شهد هاج هيان جبتهن

كحلاء بقيت لابدة بسد الباب وادحك عليه طبت منال تلبس بالعبايه
كالت كحلاء والله محد سوه هالسوالف غير اميره ...

شهد والله عمي مو هيج طبعه وكلكم تعرفو عمي اطباعه متغيره
وبسرعه يعصب ،.. اكو شي وهسه تشوفون
اذا ماطلعت شغلة سحور

منال مانريد نحط بحظنه ونكول تسحر بس الله موجود

شهد والله من زمان امي جانت تسولف على امها وخالاتها
اتكول شغلتهم بس سحور وين مااكو سحار يعرفو ويندلون مكانه
عجل عمي هيج حاله والله موطبيعي

منال يله حبيبتي كحلاء اني اروح ولا تحاجين عمي هسه خل يهدء
راح اطلع ذياب بره ...

الله وياج حبيبتي ...

طلعت منال اني طبيت جوا كتلها سراب الحكيني ...

ساره جت تمشي ورايه كالت هسه يجي خالج يحلها راح للمحلات
لا تنقهرين كحيله ...

واني امشي هزيت راسي عفتها وطبيت كعدت بالغرفه ...
همزين اهلي نايمين ولا جان شسكت ابويه شلوون قهر
جت سراب تسكت بيه كعدت بصفي

سراب كحلاء عوفي جوز اعصابه تعبانه بسبب الشغل
لو الاوضاع انتي لا تردين عليه شما يحجي

_ الى متى اسكت وماا ارد هاي كل مره يشك ويحجي
يعني راح يبقى العمر كله يحجي بسبب ذياب
وين اولي اني تعببببت والله تعببببت

اصبري هسه اجي كومي غسلي وجهج ارتاحي لما اشوف سلطان شيكول ...

تعاي عوفي لا تروحين ولا ابد

وج بس اشوف شصار اصبري ...

طلعت سراب وسدت الباب وراهه ... صعدت رجليه عالجربايه
تمددت احس رجليه ترجف ... سحبت اللحاف خليته على رجليه
ارتجيت عالجربايه مسحت دموعي وبقيت افكر. شراح يكضي
العمر .. بقيت افكر وصافنه ورا عشر دقائق طبت ساره

كعدت يمي كالت كحلاء فهمت السالفة كلها سلطان

تنهضت الحيلي كتلها اي احجي ياسالفه ...

يمعوده هو هسه يجي ويحجيلج اخذ مني حبايه مالت راس
وفد مره صاير تعبان ... كحلاء لخاطري لا تنقهرين والله سلطان يحبج وانتي واني نعرف شكد اميره تحب تخرب علاقتكم

_ يعني اميره ورا السالفه لو شنو مافهمت

اي اميره

زين اميره مو هين شجابها بالسالفه شبيج ساره

اووف كل البلاوي منها ومن نور ذني مايخافن الله
وحوفج من الي مايخاف الله المهم. اكوم اشوف ليلى نامت والملم هوسه الكرزاات عود ارجعلج

ماشي عادي اصلا راح انام مابيه بعد اسولف

وسلطان خطيه تعبان ماتريدين تشوفي

_ تعباااان عجل واني والقهر الي سببه الي ..
بعده كلشي مامفتهم يخلي المسدس براسي يعني شبي
لحد هالدقيقة مصدوووووه ورجليه ترجف

_ والله حقج اعرف هو غلطان وغلطة جبير بس اتحملي سلطان وانتو اثنينكم مو طبيعين

_ اووف ساره اني هم ماعرف شبيه مارات ماحب اشوف حتى شكله .. ومرات اختنك ومرات امووووت شوگ اذا بس اشتم عطره راح اتخبل شبينه. احنا

_ اوووو والله هاي بس لا سحر عليكم .. اني شاكة بهالشي
من شفتج تخافين وتسمعين اصوات

_ لااا عفية ساره تره اخاف يعني شنو اني عليه سحرر

ماعرف حياتي بس شك هذا لا اكثر .. احساسي يكول اكو سحر سطان موطبيعي بسرعه يعصب خل اروح بعدين نكمل حديثنه

دقيقه ساره ... اكفيي

ها حبيبتي كولي

بلغي سلطان كلمن يروح الحالة

ههههه لا والله صدك عود...

اي والله هذا قراري ومااتراجع عنه

زين ليش لا تتخبلين كحلاء

لا ساره بس والله مابيه اتحمل الشك مالته ولا بيه اكمل وياه
الى متى شيكضي هالعمر صدكي مدام ورايه اميره ماارتاح
وهو مدام يشك بذياب هم ماراح يرتاح

اي ويعني شتقصدين

ننفصل كتلج وكلمن يروح الحاله اني مو جايزين من عندي اهلي
حتى اخذ سلطان علو اقل زلة يخلي المسدس براسي

مو شك ولا زلة ماعليه هسه هو يفهمج

لا الله يخليج ماريد اسمع شي منه تعودت كل مرة هيج
ويرجع يعتذر بس تصل للسلاح لاااااا

حقج والله ... خل اروح وربج يحلهاااا

كحلاء طلعت ساره ورجعت تمددت بفراشي .. تذكرت من كتلها ماريدة ياربي شلون بيه اني اريده رغم كل الي صار ...
بس شديصير ويانه ياربي فرجك ...

مدده وعيوني تدمع وابجي واشهك مثل الطفل ...
ليش مايثق بيه مو يدري بيه احبه وروحي بي
شلون هيج يفكر ... اسمع الحجيه تحاجي بره وهو مدري شكول الها ... صوت ضرغام وليث وخالي جاي ... بس جانو يحجون بهدوء
سراب اختفت لو بس جايه ... اريد اكوم يم الباب اسمعهم
وارجع اكول النفسي لا مابيه اسمع وانقهر اكثر
بقيت بالغرفة التلفون بيدي اكلب بصورنه وابجي ..
خلص لازم انهي الي بينه وكلمن بطريق اذا ابقى وياه
يمكن القهر يموتني ... ابجي لحد ماعيوني ورمت ...
وره شويه صار هدوووء يمكم نامو . زين سراب وين ولت هايه
معقول عافتني وراحت نامت يم امي ...
واني صافنه اندك الباب على كييييف ...
كلت منو سررراب تعاي ...

انفتح الباب لين سلطان ... دحكلي واني ابجي ...
بسرعه عدلت نفسي ونداريت ...

سمعته فات وطبك الباب .... بقيت ساكته ومنطيته ظهري
جة كعد يمي عالجربايه ...

كحيلة ... اكعدي خل احاجيج ...

سكتت مارديت بس نهاررريت بالدموع ...

كحيله اكعدي الحجيلج خل احاجيج ....

ماررررريد سلطان ماريدددد روح وعوفني

وين اروح يولي وروحي معلگة بيج

لا صحيح معلگة وانت شلت المسدي وخليته برراسي بدون مايرفلك جفن ... لمو ضرغام ولا جان خل اسكت احسن
روح اني انسانه خاينة مافيدك

ول ابويه ادري اني غلطان والله بس اني موبيدي .،.

ليش موبيدك شنو الخلاك تحكم عليه هالحكم وتتصورني خاينه

- اني نبهتج وكتلج ذياب اذا تشوفي بالشرق تروحين بالغرب

اي ولو يعني شافني تره مانكلبت الدنيااااا

ادري بس المفروض تسمعين كلامي وماخلين الناس تحطج بغير خانه

منو همه ياناس هذوله اهلك كلهم يعرفون اذياب ابن عمي ونسيبكم

اي ماكتلج اهلي بس اني كبل يومين كالولي عليج وعليه وماسمعت منهن وتركت الموضوع لان واثق الي كالته مو صحيح

الكالته موو يعني اميرررره

خل اكمل وكافي تبجييين لا تكسرين كلبي ول يابه والله
اسف وحقج عليه بس انطيني مجال افهمج

شتفهمني وانت بحجايه وحده خلوك تصددددك

مو حجايه سمعت جثيررر حجي وعديت وكلت كحيلتي ماتطلع منها الشينه

لكن وصلني صور الج ... انتي وياه

صوررر شنووو ...! شتحجي

شمدريني دحكي اكعدي شوفي ...

فتح التلفون وطب عالواتساب مكتوب ام فهد ...
كام يمشي بالمحادثة ويشوفني الصور

حييييييييل هاي شنو صور واني بالمطبخ صور واني
بالطرمة واني بالهول وكل لقطه بيها ذياب واكف يمي
اتذكرت لمن طبت عليه وبيدها التلفون ... كتلة حسسسسسبي الله عليها هاي اميره شكد انسانه ماتخاف الله ... والله جان يحجيلي على مرته والله وسألهم

اشششش كافي فهمت السالفه من حجتلي منال ..

هم زين والله من صدكت

يولي والله ماعرف شبيه انغث واعصب واصير نار بسرعه
اتحمليني يبعد عيوني ...

دحكت عليه وعيوني كلها دموع كتله ماكدر سلطان اعفينيييي
ماكدر اعيش ويا انسان شكاك ويشك بأقرب الناس

يوووووولي مو شكاااااك تره الي صار ويانه مو قليل
ذياب جان يريدج واخذج البيتهم وبقيتي يمه والكل يدور عليج
وهو مو خايف وكف بوجهنه كلنه وكال احبها ...
شلون تريديني بعد اثق بذياب وهو واصل لمرحلة الجنووون
يولي من اتذكر ذيج الليله اشتعل بنااار خليني سااااكت
ماري احجي اكثر ر والنوب اجي والكة صور الج وياه

تره صور عاديه ماشفتني كاعده بحضنه

اششششش لا تسولفين سوالف كبار ...
اعرفي شلون تحجين صور مالتج ومالته واكفين سوه واني منا مخبل عقل ماكو براسي ارحميني يبنت الناس

خلص سلطان الي بينا انتهى ماكو بينه نصيب

يووولي شبيج

نزعت الحلقة واني ابجي كتله اخذه واخذ كلشي جبته الي
بس خليني اعيش مررررتاحة بدووون قهر

جريت اديه واني ابجي فتحت جف ايده وخليت الحلقه

يتبع ... التكمله الليلة بعد جزء اخر راح انزله وراه
انتظروني حبايبي

ورجاءا اخير اي تجاوز ممنوع ...
داتابع التجاوزات لان اعرفهم منو هم لان سابقا انطيتهم انذار ودخلو الان لحسابات وهمية لكن هالمره  ماراح اعدي  الحظر موجود
لان عيب من ابطال القصه  والله عيب التجاوزات
الكلمة الطيبة صدقه 

اما بخصوص الكروب مالتي عالفيس اسمه حكايات واشعار السلطانه وهناك نزلت قديوهات تخص كحلاء فديوهات عاديه
يعني ماطالع وجهه .. وراح انزل هناك بعد