رواية خيال الكحيلة الفصل الخامس وثلاثون 35 - بقلم nashwa_alsltani

الرابع والثلاثون

شهد عمو سلطان ...

اللتفتت على شهد وهي تصيح عليه

كال الها ها شهودده ... تعاي حدري ويانه

لا بس اميره تريدك ...

من كالت هيج كلبي لعب التفتت ورايه لينها واكفه اتبسم وبيدها التلفون .... مادري ليش خفت منها ومن شرهااااا

سلطان دحكلي ... جر حسره وكال الها شتريد يعني ...

الكل سكت ... كال وين فهد .. خاف تريده

_ لا فهد جوه بس هي تصيحلك ...

كام سلطان كال من رخصتكم .. اني كوه لازمة نفسي بقيت مدنجة مادحكت عليه ... حجيت بصوت ناصي كتلها ساره
وينهم خمو فات جوا وياهه ...

لا شبيج دحكي صاح عليها بالطرمة ديحاجيها ...

صديت دحكت الهم بسرعه... شفتها مدري شتحاجي وهو يأشر بأيده
وكأن ديتحلف بشي بس ماعرفت شكو .. رجعت انداريت ..
كتلها هذي الله يعلم شدتخطط

_ ماتكدر وعيونج عوفيها وخليج قوية تحاول تقهرج

طلعت الحجية ام ضرغام تمشي وكايده بيدها فهد ...
وكفت يمهم ... من شفتها قاطعتهم ارتاحيت ماريدها تتهنى وتغثني

ساره .. يولي شبيج وجهج تغير عوفيهااا وخليج ويايه خل نكول الادهام عالحمل

ها اي صدك ديله احجي ...

خالي يلف بيده ويدحكالنا صفح ... كال الها ها يولي ابين اتشاورن

اني يحجوون وصديت ورايه اميره ماكو داخله جوه وسلطان يحجي بالتلفون ... جة يمشي بالممشى صار ورانه ... اسمعه بطاري سفر
وحجز .. كتلها ساره شنو سلطان يريد يسافر

_ يمعوده احنا وين وانت وين بالج مو ويانه ابددد عوفي يسافر
هو هذا شغله كبل ابغداد مو تدرين بي ...

ادهام ... كومي تعاي اكعدي بسدي ...

ادحك الهم خالي يأشر الها بيدي ويطبط عالكرسي يكلها اهينه
اهينه اكعدي وهي تكله سلطاااان هين يمعود ....

يولي شمسوي اني عجييييب حرمتي انتي منين مستحية ...

كتلو خالو خل تكعد يمك وتسولفلك الصار واتفرحك

هاااا شنهو يابه شكو فرحوني عجل مو منعول اهل اهلي

ضحكنه وكامت ساره وهي خجلانه من سلطان .. كعدت بسده
كالتلو لو جاك وليد ( ولد ) شراح تسمي

ابتسم وكال خل يجي هو وينه

لا داسألك لوووو شراح تسمي ..!

نسمي سلطان شنسمي ها كحيله شتكولين

هالله هالله اي يابه يجنن واذا بنيه كحلاء ....

اي وداعتج اذا وليد ولا بنيه اسمهيها سلطان لو كحلاء بعد عايل..؟

ساره ... عجل تبشر طفلك بالطريق ...!

دحكلي خالي وكال يولي تحجيلي ابرود اعصاب حاجيها يولي
كوليله بعد هالعمر ويجيني جاهل ... يايابه والله عقل مايبقى براسي

كحلاء خالو والله مادتشاقة هي حامل

ساره تأشرلي وتعض بأصبعها تكولي سلطان لا يسمع

اووو واذا سمع ... صديت كتلو سلطاااان ساره حامل

سلطان يخابر ويأشرلي اكفي. مافهم عليه

التتفتت على خالي مصدوم .. لا عليج بداعة عيوني
صدك يولي حامل ...

ساره اي والله حامل

ادهم ... يمتى وشوكت ولللللللج ليش ماكلتيلي ...

صد عليه كال كحلاء ... والله مو مستوعب جاهل بالطريق
ومنو امةةةةة
امه سااااارة .... كام الحيله كال الها كومي على حيلج ...

ساره كامت وعيونها تلمع دموع ...

يولو عجل ماكلتييييلي  ولج كحيله والله من اطلقو سراحي داعش
مافرحت هالفرحة ... ولج يبعد عمره الدهام ...
تعاي تعاي ... كادها وطلعوا يمشون ... كتلو وين خالو

_ لا تحاجيني كحلاء رايح ابشر الدنيا كلها ... واكلهم
جايني صغيرون وامه سارررره ...

اخذها يضحكوون ويمشون والضحكة لوين حاضنها ويمشي
وليلى وراهم تركض ... التفتت سراب كاوية غادي بالحديقه
والهتفون بأذانها ... تسمع اغاني الخبله ...
تمشيت كوه من وجع رجليه ومشيت رحت ليم سلطان
هو يمشي رايح جاي يخابر ... مخبوص ...
صفنت يربي اميره شرادت منه وليش صاحت عليه
واني صافنه كال ها وين بالج .

لا بس صفنت شوي اكول شنو راح تسافر...

اي راح اطلع البغداد عندي شغل

ممممم تتاخر..؟

لا ماتاخر حسب الشغل اسمعيني كحيله ...

ذياب اذا جة هين تفوتين بغرفتج ...

هزيت راسي اي ... بس ليش

لا تسأليني ليششش اذا ذياب بالشرق انتي تروحين بالغرب
يولي لا تكسرين كلامي..

لا عادي مثل ماتحب ...

اي وبس اتحسن رجلج اخذي ساره واطلعي كملي امورج تاتنزوج

سلطان شعندك مستعجل خل نرتب امورنه ابويه يلكة بيت

شسالفتج انتي كل مااجيييب طاري الزواج تجفلين..

لا مو اجفل بس ماعرف اجله فتره خل ترتاح نفسيتي

شبيج ابويه شبيج حاجيني ليش هيج ذبلانه شو ادهام وطلع
وفرحنه بي شنو الي يأخر فرحتنه ... يولي اني كوه مصبر روحي
مرتي حلالي وجدامي شلون وبيت واحد شلون بعد اتحمل
مو معتلج بنار والله

سكتت رفعت راسي كتلو خلص الي تريده بكيفك

مو الي اريده اني لا الي انريده احنا لا ادوخيني ياولي

___ لا هاي هي كتلك نتزوج بس شلون راح تسافر وتعوفني
راح اشتاقلك

عحل لومنج هيج كولي خل انتزوج احجي انطقي ..
بس سوالف انتي حتى لهفتج مو مثل اول

لاااا والله احبك اموت عليك ...

عمرج جدامج بعد حيلي تعاي هل نشوف امج ...

كادني ومشينه طبينه من المطبخ تلكاني ضرغام

لابس دشداشه بيضه ومتعطر ومزين ... مممم
كتلو سلطان ضرغام متغيرر مو..؟

اي عاشگ يولي ...

صدددك الله عليك

يولي شعليج منه عوفي تعاي...

دكينه الباب كتلو عبالك نايمه امي ...

عجل تعاي اخذتي كعدني يم الحجيه وشهد .

لكيت شهد ترسم ... كتلها شتسوين ...

سلطان خل ترسمج هسه اجي

هااا تعال وين رايح ...

جاي هساع ماتاخر .. كعدني يمهم وطلع ...

شهد كامت تطلع بالرسمات كالت شوفي كل هاي الرسوم
اني راسمتهم ... تكلب بيهم ... اني بالي راح بعيد ..
سلطان شفته صعد فوك ... اميره ماكووو ...

كتلها شهوده اميره وينها

مادري شفتها صعدت فوك تمشي وادردم كتلت فهد خطيه وصعدته
والله لو يدري عمي ...

ياااا ليش خطيه ...

شمدريني مو تدرين بيها تنقط سم ...

زين اني هسه اجي افوت للحمام ...

اجي اساعدج ،

لا اكدر هسة ارجع كملي رسم ...

كمت الحيلي واني اتوجه عالحيطان گلبي لعب منها

صعدت لفوك ...

رجلي تأذيني بس ماتحملت ما اشوف شبي وصلت يم الدرج سمعت صوتوعالي يصيح وديحجي تحملت رجلي وصعدت فوك كوووووه صعدت لين باب غرفة اميرة مفتوح وهو بالباب رحت مشيت يمهم بس ناطيني ظهرو بقيت واكفه وهو يحاجيها

ولج جبتج هين علمود فهد وتحملت الحچي والملامه وتحملت زعل كحلاء علمود فهد واني اعرف كعدتج هين غلط ومايجوز بس كلت ميخالف بنت خالي واهلها مو هين بس ماتحترمين وماعندج اخلاق وهاي سوالفج هي نفسها من عرفتج لليوم

-تطردني ابو فهد ؟ علموددددددد

—اشششششششش سدي حلگج تعرفين ليش طلگتج وتعرفين السببلا تكولين هذا وذاك يلة توكلي روحي لبيت ام رشاد النور ماعرف علما يجون اهلج وفهد شوكت مايعجبني اجي اخذو اشوفو ومصرفة كله احتياجاتو توصللة بسسسس اسمعيني

اياج تسافرين بفهد بدون علمي والله ثم والله احرگج وادفنج واذا شفت رقمج بتلفوني بالقرآن اذبحج افتهمتيييي

..حسبي الله عليك ياظالم يا ماتخاف الله تطردني يول انيييييييي الف واحد يتمناني ماظاله عليك اني

...اااااي لا مل شوي وعاي عالسيرة تريدين بيدي ازفج ماعندي مانع ...

اندار سلطان واني بوجهه صرت سمعت كل الكلام بس مافهمت الصاير

سلطان عيونو تجدح نار وعصبي دحك عليه

-شصعدج هين ورجلج بعدها ؟

..ردت اشوفك

-تعاي

كادني بيدي واني ادحك على اميرة تريد تاكلني طببني للغرفه
كال هسه اجيج ..

سلطان فهمني شكوو خمو اكو شي

اسرلي بدية لا وهو يمشي ... حدر جوه طبيت كعدت عالجرباية

سمعت صوت بره ... كمت الحيلي دحكت سلطان وامف

هاي شنو كلهم واكفين وسلطان يزكح وضرغام فات من بره والحجيه لازمه سلطان تهدي بي

دنجت ادحك عليهم

سلطان-تاخذ اميره تذبها ابيت ام رشاد ولا دقيقه تظل هين

م ضرغام-شصاير ابني خلها عنك تولي

..ولاااااا دقيقه يمه كلت تبقى ولا لحظة

ضرغام-ماشي اهدأ وفهد ؟

..وياها

...عجل بس اطلع السياره

..فاتت شهد عليه للغرفة

-ول كحلاء شصار شبيها هاي البومة

..شمدريني والله ماادري شبيهم

-صخام عمي عصبي

سمعنه اميره تمشي بالممر وتتحسب علينا وتغلط
-شلوووووون ماتستحي والله لا ارزلها

لزمت شهد
..عوفيها تولي الله عليج لاتزيدين المشكلة

..اااااخ لو الزمها

..عوفيها يولي
اسمعي صوت ابوج جوه هساع يحلها

-اروح اشوف شيصير

..نزلت شهد راحت تشوف شكوو. اني بقيت وحدي بالغرفه

انقهرت على فهد خطية شلون

واني صافنه وافكر حسيت اكو احد ورايه انداريت عبالي اميرة
يمة خفتتتتتت ماكو اخد الغرفة اهجسها تخنكني ...

مشيت بسرعه عالباب فتحت الباب بقوة وحدرت اركض
نسيت حتى وجع رجليه ...

شلون حدرت وصلت جوه ماااادري ...

طبيت للهول شهد وسراب واكفات

رجلية موتتني صحت سرررراب

صدت عليه شهد

ها شبييييج كحلاء

سراب كحلااااء شكووو

كتلهم والله اكو شي فوك والله

اووو صدك تحجين يمعوده ماكو شي والله ليش خايفه

ركضت شهد جابتلي ماي ....

سراب كعدتني عالكرسي .... اني انهت ورجليه يرجفن

شبيج كحلاء راح اصيح سلطان

عوفي تعاي ...

لا دقيقه هسه اجي...

جت شهد جابت الماي شربت ... كتلها مخنووووكة طلعيني بره

كومتني الحيلي وطلعت امشي من المطبخ ..

فات ضرغام شايل السويج ... اشر بيده الشهد شكو

شهد ماعرف شبيها خطيه خايفه

_ حگها اذا اميره هين شلون ماتخاف ههههه سلامات اليوم شصاير هينه

سراب ... سلطان واكف ويا الشيخ حامد ...
عيني ليش ماتخاف وبنت خالك اذا تطلعلي بالليل واشوفها شهر ايكطونييي. يم الشيوخ ...

ههههههه اسم الله عليج ...

سراب ابتسمت دنجت طلعنا كحلاء وطلعنا لين اميره ورانه
وفهد كايدته بيدها يبجي وتجر بي ...

كعدنه كحلاء بالحديقه ...

ضرغام يمشي ويصيح امشي يابة اني وين وانتو وين

صعدها بالسياره وصععدو ..

كتلها كحيله اصخي وانسي الجن لان ضرغام اخذه وياه
راح يكطه ويجي

_ هي جن يولي شبيج تره خايفه والله

شبيج اميره عبالك شيطان وصابغ شعره اصفر

شهد هههههههههه خرب سراب انتي كارثه

عليج الله مو صدك ... اويلي بو اكضب شعرها شرط ازينه صفررر

كحلاء سلطان وينه طلع وراهم لو شنو ..

لا طب جوه اني  شفته

كامت شهد كالت راح اصيحله

كتله سراب اريد انام وديني جوه

كامت سراب كادتني طبينه جوه ... كعدتني بالمطبخ

شهد جابتلي كلاص شربت ..../

... طب سلطان علينه

كال خيررر شبيج ابويه

ماعرف شبيه سلطان

شلونج هساع

..زينه

قرب الكرسي وكعد بصفي

عافتنه شهد هي وسراذ وراحو بالهول

-شبيها العروس

..مابيه شي

..كحلاء دتصلين لو لا ؟؟

..اصلي بس مرات يفوتني فرض ومرات اتعاجز

..غلط حبيبي مايصير هذا كله يسوي عندج تعب والصلاة تساعدج على ذكر الله وحتى مااشوفج تقرين قرآن مايصير حبيبتي

..ان شاء الله حبيبي

-راح احجز بفندق (ديفان) بزواجنه ومن شويه يتحسن الوضع عود نسافر

..گلبي صار يدك ضجت ماادري ليش مارديت على سلطان

..شبيج ؟

..مابيه بس ليش مستعجل

-عجل شلون كحلاء شعندي منتظر على شنو انتظر فهميني ؟ بيج شي انتي ؟ ليش ماتريدين نتزوج بسرعه
لهفتج عليه مو هي ليش؟

..مابيه شي بس يعني بعد وكت

-مو بعد وكت الخميس نتزوج وخلص مابي نقاش الموضوع حسي بيه اريد ارجع الكاج بغرفتي اشوف لمساتج وانفاسج بالغرفة مو اثنينه بنفس البيت وبعيده عني

عافني وكام ضاج

-سلطان

..ها
-اني اسفة مو قصدي اضوجك اني احبك والله

-لزم ايدي باسها
واني اعشگج يولي روحي من الدنيا انتي اريدج يمي يولي اني بالاجتماعات الدنيا مگلوبه وافتح تلفوني على صورچ اريد بس اخلص وارجع للبيت

..شكثر تحبني

..بكد الدنيا بكد كل ثانيه تبعدني عنج

-اممممم اني هم

..دنج عليه وسحبني من خصري رفعني شوي عليه وباسني من شفتي على كيفه ... دفتعنه كتلووو

...موووووو صووووووووجك ليش هيج

..بكيفي انتي مالتي واني حر

..حررر مو وخر عييييب

..ضحك وكال يولي حسي مشتاااااااااگ

..يلا اريد انام ههههه
اوووو خلي اكعد سراب تنزل هين هي وشهد وانت نام بغرفتك

..لا خليها راح انام بالربعة

..ماشي اخذني .. يمشي ويشاقه كتلو اميره وين راحت

اششش عوفيها لا تعگرين مزاجي راحت عساهه بلا رده
حشى وليدي ...

سكتت مشاني للغرفة ورحت لفراشي نمت وغطاني ودنج على شفايفي باسني ونزل على رگبتي

...هوووووب هووووب كافي دفعته

وتكلي مانتزوج ولج ماتسكتيين

هههه مابقى شي والله

اخ منج خل اطلع احسن
.. تصبحين على خير

..وانت من اهله

راح وسد الباب

ثواني ودك الباب
..
ماتريدين انومج ؟

-لا روح ههههههه

سد الباب هم رجع دكه
-
ماتريدين تاكلين ؟

..لاااا

راح وفتح الباب انوب

شعندج نايمه خلينه نسهر

..شلت مخده يمي وشمرتها عليه

-هههههههههههه رايح ول يابه

راح وتمددت وضحكت على سوالفه بقيت افكر علما نمت

صبح الصبح كعدت وغسلت ورحت للهول كاعدين لكيتهم يسولفون لاكين بيت لأهلي وقبل العرس بيومين ياخذوه

كعدت اتريك وياهم ومحد جاب طاري اميره بشي ابددددد وسلطان ماموجود اكيد عندو شغل لو يمكن راح يشوف الطيران

خالي وساره يريدون يروحون يجيكون وضع البيبي

سراب تتريك وراسها بالتلفون وتتبسم غلست عنها

مر الاسبوع وتحضيرات العرس بدت وسلطان غير غرفة النوم وبديت اجهز ورجلي الحمدلله تحسنت كدرت ادوس عليها طبيعي بس مو چثير

جهزت ملابس ومكياج وذهب اني وسلطان ومرات سراب تجي ويانه ومرات ساره لو ام محمد

بس بدلة العرس اصر سلطان نختارها وحدنه وفعلاً طلعنه وحدنه يوم الاحد العصر رحنه على المولات وعلى محلات الفساتين بشارع 100 وشارع 60 شفت بدلة تركية مو منفوشة چثير بسيطة وبيها لون سلڤر الدمج مال اللونين ابيض وسلفر فضييييييع
الظهر كيبور ومرصع بكرستال ناااااااااعم والصدر على شكل قلب صاير والبدلة تلمع بالضوه دمااااااااار متت عليها واختاريت الها طرحة طويلة للكاع و

سلطان صافن عليها كال

-عجبتج ؟

-اي ايييييي حلوه كلش

-قيسيها

-بس ماتشوفني بيها

-لييييش؟؟

-مايصييييييير

..ههههههه يلا واخذي وياها شي يغطي صدرج وظهرج

-ساعدتني البنيه اللي بالمحل وطبيت اقيسها وجابتلي الطرحه فددددشي تجنن /////

نزعتها ولبست ملابسي
طلعت لسلطان شفتو يخابر بالتلفون اجيت يمو يكول لليحجي وياه اروح وارجع بنفس اليوم عرسي الخميس

..خلص وسد الخط
كتله وين تروح

-لبغداد

..شلون تروح وتعوفني وحدي بالهوسه

-اروح طيران وارجع بنفس اليوم
-شوكت

..باجر بال8 طيارتي وارجع بالليل
-ماشي

..البنيه ام المحل جت كالت ها هي ثبتي على هذا طقم الكرستال ؟

-اي هذا

سلطان-ها ماتلبسين الذهب ؟.

-لا يمعود موده قديمه البس كرستال
بقه الحذاء وحجز الصالون

-هساع بس خلصي من هين بعد فستان الحنه

-ها مر كلنه منسوي ؟

-يولي هو يوم بالعمر شنو ماتسوين بيناتنه مانعزم احد مو مثل العرس

-واخذت فستان للحنه مو بدلة لونه احمر ناري يجنن

كالت البنيه تجون تاخذوهن الثلاثاء اجهزهن

..تمام

..دفع سلطان نص السعر والباقي من ناخذهن

اكلج حبيبتي من وين نلكه حذاء للعرس

..موجود فوك بالطابق الثاني

-تماام احسن

صعدنه اختاريت حذاء واخذناه وطلعنه بس طلعنه شفنه صالون قريب كلتله خلي نحجز

-لا صالونات عينكاوا افضل

-اوكي نروح

...طلعنه لعينكاوا وافترينه كم صالون شفت صالون لبناني بي بنات شغلهم يجنن حجزت ليوم الاربعاء والخميس

فتح سلطان بالسيارة راشد الماجد ( سافرت وعيوني على الهاتف تنااااام ويفز گلبي كل ما الهاتف يرن-مسمعت صوتك ياحبيبي من اياااام والگلب للغالين يشتاگ ويحن) وصرت اغني اني وهو هم وكفنه بالترفك لايت وسيارات يمنه والاغنيه عاليه اني اصور
فديو وفرحانه وخوفه بداخلي بنفس الوقت

اخذنه الطريق للبيت كلو هيج
وصلنه البيت حدرنه لكينه الكل بالحديقة وامي توها واصله رافعيلها الخيط خطية وجهها يضحك

الكل فرحان ويسولف

..جوووعانين

-تعشيناااا حيرو بروحكم ليش ماتعشيتو بره

سلطان-ولااااا يهمج كحيلتي هساع نطلب بس هااا اللي يمد ايدو ويانه اكسرها

..اي اي اطلبلنه بيتزا وفنكر وصاج وحلويات

سراب-دحگ سلطان نسيبي الغالي اني ضميتلك اكل بالثلاجة بس برد وما اكلت زين اطلبلي بيتزايه وحده وياك

-لالالا ماكو

-بربك بس وحده لاتصير بخيل مثل مرتك

كحلاء-اني مو بخيله ليش مابقيتولنه عشا هااا

ضرغام-عوفيهم سراب هساع اروح اجيب من ابو عفيف لا من نية احد

كالت ساره الللللله زنود الست جيب يول ضرغام

ضرغام-تبشرييين

متت ضحك الكعده انگلبت اكل

سراب-عجل وين البدلة

..الثلاثاء عكب باجر نجيبها

..طلب سلطان عشا وتعشينه وتعللنه وسولفنه وضحكنه لل2 ونص بالليل تالي نمنه واني ماكعدت لل12 الظهر وسلطان رايح لبغداد هو وضرغام

والحجيه ام ضرغام وام محمد كاعدات يكتبن احتياجات العرس والغدا وليث ومحمد يشدون كنتور غرفتنه اني وسلطان وبابا وادهام نازلين للقلعه ياخذون فراش وغراض لبيتهم

كلت لساره يلا نروح صالون هم احظر نفسي كالت يلا
خابرت سلطان ماكو مارد دزيتلو مسج كتبتلو ( حبيبي اني راح اروح للصالون اني وسارة)

رحت بدلت واجاني مسج من سلطان( تمام عمري الفلوس اخذيهن من ام محمد)

(اي حبيبي)

رحت على ساره كلتلها انتي اخذي منها الفلوس استحي

راحت ساره اخذتهن وليث اخذنه للصالون اني وساره

نفس صالون اللي حجزتله للعرس

طبينه وكدامي عروس تجنن طالعه خلصت منها وكلتلها اريد اغير لوك بس مااصبغ شقارات بس خصليلي خصل بلاتيني وسويلي شعري كصة مدرجات كله

سوتلي شعري وخصلت بلاتيني وكصتلي شعري وشسورته طلع يجنن وحفيت شمع وخيط وسوتلي تنظيف جسمي كالت علمود تبقين تخلين كريمات منا للخميس يترطب جسمج

وسويت تنظيف بشرة ومقشر وبخار واخذت ماسكات منها ومرطبات وكلشي

لليل يلا خلصت وخابرنه ليث اجه رجعنه

وصلنه البيت بس فتت هلهلو البنات والحجيه ام ضرغام وكامت تهوس وتهلهل وماما هم هلهلت بقيت يمهم شوي وكمت بدلت وخليت شال على راسي وطلعت اساعدهم بالعشا وصاحت عليه ام محمد ماقبلت اشتغل

الساعه ب9 ونص بالليل وسلطان مارجع اتصلت بي ماكو كلت عجل بالطيارة
بال10 ونص جاب ليث حلويات وكرزات وكعدنه وكال الخطار باجر يجون اهلهم كرايبهم كالت الحجيه هلا بيهم

بال11 صارت جتي منال جابها ذياب سلمت عليهم وطلعت بره بالحديقة اتصل على سلطان يدك بس مايرد بعالاثناء بالب البره اندك كلت هذا سلطان انفتح ولين

ذياب جاي سديت التلفون وكمت الحيلي تقدم ديمشي اني مشيت كال

-شلونج كحلاء

..هلا الحمدلله زينة شلون منال بشر

..لا الحمدلله زينين
اني والله هم بديت يعني اميل الها

-الف الحمدلله الله يسعدكم احاجي واتذكر سلطان لمن نبهني من ذياب مشيت وعفته

اكول حنگة ارد اسألج الخميس زواجكم

-اي

..شايفين الخير الله يسعدج بنت عمي

..ويسعدك يارب ومنال ويجيكم الولد الصالح داحجي واجان بس

اسمع الباب الخارجي جفلت متت بدمي وكع تلفوني بالكاع لين سلطان وضرغام ابتسمت

جة يمشي مد اديه على الجراب بخاصرته طلع المسدس دحگ عليه وتقرب مني سحب سلاحه وخلاه براسي ...

...يتبع

الي كالو مليته وتعبنه عجل اني شكول
المهم راح تخلص ارتاحوا😔

ياترى شنو الي راح يصير وشنو الخله سلطان يجي
ضايج من بره ومنفعل بهالطريقة ...!؟