#خيال #الكحيلة
#بقلمي_نشوى_السلطان
صفنت كلت اني شنو مصيري اذا وافقت يمكن بيوم يرجع مرته
يمكن اكون زوجة ثانيه ...
صاحت سراب كالت ذياب بالمطبخ جةةةةةةةة
صديت عليها ...... سمعت صوته مدري شيصيح. سالني الشيخ
يابنتي انتي موافقه على هذا الزواج ؟؟
...
دحكت المريم ورحعت صديت عليه. كتلو نعممم موافقة
كامن يهلهلن النسوان ويهوسن هاي الزادها وهاي التمناهه بنت الشيخ لابن الشيخ جبناهه اخذوني بهوسة وهلاهل رغم جنت متألمة من سلطان بس بحزتها حيل فرحت شعور يخبل .. دامشي بالهوسة دحكت ذياب بالمطبخ يحجي هو وامي وحرمة عمي جرتني مريم كعدت بسد الحجيه
البنات كلها تدبج وتصفك
الا امي ادحك عليها واكفه بعييييد وتمسح دموعها كمت لحيلي رحت تمشيت عليها حضنتها قووووووي
...الف مبارك يمه الله يهنيج
...يمه لا تبجين والله ابجي وياج
..لا يمه مو خوش فال لاتبجين امشي اكعدي
كعدنا وجديتي جت يمي باركتلي وتصلي عالنبي
...يااايمه تمنيتج ماتروحين لغريب بس بعد كلشي نصيب
...شكثر انقهرت عليها بس ابتسمت بستها براسها
صاحت ساره البسن تغطن العريس راح يدخل
..يممممه شكثر البارحه اذاني بس گلبي بعدو يرحف بطاريه
عيني عالباب شوكت يدخل لماااا شفتو فات يبوووووووووو لابس دشداشة بيييييييضه وعكال وغتره وعباية شيوخ عطرو لهين وصل
بنات عمي فكن حلوكهن وحده تشاور بلخ
وصل ليمي هو وشيخ حامد وابويه
كمت لحيلي على بابا رحت ليمو
بست راسو وبست ايدو مد ايدو وحضني
.. الف مبارك بنيتي الف مبارك
صد على امي تقربت نطتو علبتين فتح الاولىبيه بتوت 3 لبسنياهم والعلبه الثانيه محبس
بست ايدو حضنتو قووووي والنسوان تهلهل شفت دموعو بجيت وياه
ما قبلت جدتي ابجي كالت مو زين تبجين يمه طلع بابا
تقدملي شيخ خامد باسني براسي وكعدنه اني وسلطان
لزمني من ايدي سلطان بس اهجس روحي صرت نار يممممه لمسة ايدو عذاااااااااب گلبي اهجس وكع مني
صديت لشيخ حامد خطية عبالك مزوج ابنو مو اخوه بنفسو يفتح بعلب النيشان ابتسمتلو دحك علي كال دوم الفرح دوم بعد اخوج
تقرب مني كال دحكي احسبيني ابوج لاتحسبيني اخو زلمتج والله اللي يغثج بكلمه ارشو بدم
فرحت چثيييير بكلامو كتلو الله يخليك شيخ
..لاتكولين شيخ صيحيلي يابه
...سلطان ضغط على ايدي صديت يمو كال
..شكثر يلوكلج الفرح الله يقدرني واسعدج
شايفه هاي النسوان اللي حولج ؟؟ والله لا اخليج ملكه بينهم
ما ابتسمت ابدددد
..دحكي علي ليش تتهربين مني
...
انت تعرف ليش
... فدم راسو شاورني وهو يضحك كال اكحيلة والتالي
..شنو التالي منو اللي يزعل اني لو انت
...يولي لاتخربين فرحتنا
...شفت الحجيه ام ضرغام تقربت يمنه شالت علب الحلقات نطتها لسلطان اخذها منها ولزم ايدي صاحت ساره هلهلن لبسني الحلقة ابتسمت اني ادحك الخالي عايف الكل ومكابل منال يمه شكد حلوينصديت على سلطان كال ها وين عيونج يبعد عيوني خليج وياي
قرب راسو بهداوه باسني بدون مانتبه دنگت راسي
والبنات كلهاااا صاحت هااااااااا مو هين مو هين يمعود
ضحكت وايدي على حلگي العيون كلها محاوطتنا واحنا بالنص
تقرب شاورني...بعد حيلي هاي الضحكه يولي واخيرا صرتي الي ومالتي
...اي عود لاتقصر بزعلي
...ضحك بصوت عالي كال منا وهيج ماكو زعل
عجل شكووو ها احجي وياه بزعل
همس بعد ماكو زعل مرتي وحلالي يعني بوس ومحاضن
هاااااااااا
يولي نجرب ..!
كتلو صخااااام
اشاقيج يابعدهن
صاخت الحجيه عجل ماتلبسها النيشان شو اتشاورون
قرب راسو كال عمتي عاد مدها تعرف شجاي الحاجيج
ضحكت كتلو عايزة والله
ضحك واخذ العلبة رجع يلبسني باقي النيشان
كلاده طويله على شكل نجمه بنصها كلمة الله
وبتوت 4 وسوار كارتير عريض وتراجي ومحبسين وخلخال ناعم
صفن علي كال وين الهديه اللي دزيتها بيد ساره
...يااا هديه
...الكلاده بيها اسمي
...ماادري
...صاح ساره كاللها وين الكلاده
كالتلو هاي يمك دحك عالعلبه طلعها تقرب مني كال تكلطي يمي
لبسنياها
شويه وكالو يلا نروح
... دحكلي كال لازم نمشي ثگلنه عليكم اليوم
كتلو لا عادي ....
يولي فكيها عااااد
مممممممممم
انعل والديه ... هم كالت ام يولي بنص الناس لا توازيني
ضحكت كتلو منو هو النعلت والديه
البكلبي يولي عوفج منه خابريني بالليل افتحي خطج
...كتلو الله كريم
...ول لا تشلعين گلبي
...هزيت راسي كامو يروحون طلعو وراحت وراهم امي وخالتي وحرمت خالي الثاني وجدتي
بقن النسوان كرايبنه اني راسي موتني ردت اصعد بس استحيت شلون اعوفهم كاعدين واصعد بس سراب عرفتني كالت
...ول شبيج تعبانه من الصبح انتي مصخنه كومي كوووومي روحي نامي يولي من وخصتجن عيني تره عروستنه الحذاء عدها مكطوع
كتلهااا هااااا يولي والتالي
اشاقيج هههههههههه دكومي نامي هسه
.ضحكت على سالفتها كتلهم اترخص اني اهجس براسي جبل
...كمت اصعد وصاحت سراب على زهراء يشيلون الغراض والذهب لغرفتي طبيت وخلوهن وكالت زهراء اني انزل اعزل البيت
بقيت اني وسراب بالغرفه كتلها افتحي الزنجيل ول متت
فتحتو ونزعت الفستان لبست دشداشه ورحت للحمام بوووجهي اسبح
موتتني الماشات والسبري بشعري
سبحت وكملت طبيت الغرفه لين سراب تفتح بالعلاليك وتطلع بالغراض وتدردم هاي شنو وهذا حلو وهذا غالي
يولي شتسوين
..يولي دحكي منو يجيبلي ايفون اني هااااا وانتي جايبلج ايفون 5 يولي تووووه نازل هساع شلون اموت روحي يولي خليج على تلفونج وانطينيااااااااه
...جيبييييي عود من تنخطبين كولي لخطيبج يجيبلج ايفون
...عذذذه شكد بخيله هو غير لو بس ينكطععععععع
شنهو يولي ....
نعالي اقصد حذاء السنديلا عشتووو
...رجعت تطلع بالعلاليك طلعت عطور واكسسوارات وشالات وشغلات مال بنات وحتى دباديب 3 كبار ههههههه
هاي شنوووووو يماااااااااااه كحلاء عجل اني اريد اتزوج
شنو شبييييج ..!
هاي هاي دحكي
كلاده كارتير هذا الموديل الحلقات الكبار بيها فصوص ناعم كتلها شوووو كومي من هين اطلعي دوختيني اريد انام امشي
...يولي بس ادحك الباقي بعد ما احجي
..اممممممشي اريد انام دفعتها وقفلت الباب رجعت تربعت بالكاع ادحك بالغراض تذكرت كلي خابريني وتلفوني عاطل ركعتو بالحايط
خل احط الخط بهذا الجديد
فتحتو هذا منين ينحط السيمكارت دحكت بالكتلوك فتحت مكان السيمكارت لازم ينكص السيمكارت
كطيتو وطفيت الضوه ونمت
ماااا كعدت للصبح امي تكعدني تكلي ساعه 7 الا ثلث كومي تأخرتي عالكلية
كمت من الفراش رحت غسلت وجهي ورجعت ابدل خليت بس كحله ومسكاره وحمره خفيفه رشيت عطر دحكت الحلقه بيدي ابتسمت وطلعت
صبحت عليهم كاعدين يتريكون
...هااااا شو انهزمتي البارحه بس طلعو الجماعه
...والله خالي راسي ذبحني ما صدكت انام
...
ها
يالله اني تأخرت مع السلامة
طلعت برا للخط ورحنا للجامعة
وصلت لكيت مريم قبلي واصله كالت اني عبالي اليوم ماتداومين
..لا ليش اداوم يمعوده امتحانات ولو ماقريت اني بس امشي
دخلنا محاضرات وخلصنا اليوم كالعاده ورجعنا للبيت رجعت حيل ضايجه ماادري شبيه
رحت للغرفه صعدت بدلت وغسلت ونمت مالي واهس اي شي
للمغرب كعدتني امي ول يمه كومي شبيج عين ماصلت عالنبي كومي يابنتي اكلي لكمة صلي
...اي يمه اي
كمت بدلت لبست شي طويل ونزلت للمطبخ سويت جاي وطلعت جبن من الثلاجه سويت لفه وكعدت اكل
خلصت طلعت للحديقة اغسل بالمغسله البره دحكت باب البيت مفتوح شويه وسيارة ذياب بالباب يعني كاعد بالربعه
اريد اسد الباب. طبكت سيارة سلطان ووراه سياره وخرت بسرعه من الباب
رجعت للحديقة اجه ورايه
..هيج تطلعين برا بدون غطا على راسج يولي ؟؟
ماردت اطلع بس سديت الباب
من احاجيج دحكي بوجهي لزمني من حنچي
..
اي
بقى لازم وجهي مسح على خدي يويليييييييي
وين تلفونج ؟
..مكسور عاطل
..عجل مو دزيتلج جهاز جديد وينو ..وخر ايدو مني
...ماحطيت بي الخط
...وليش ؟؟؟ دحكي بعيني وحاجيني ليش
...لازم ينكص
..وماكلتي لخالج يسويه ؟ ما خابرتيني من تلفون سراب تفهميني ؟ ليش بارده
...نمت ونسيت
..نسيتي ؟؟ الا انتي متعمده دحكي هيج اسلوب لا تمشين بي وياي
..هزيت راسي
...مسح وجهو كلي هين طابگة سيارة ذياب
..اي عادي ابن عمي وجاي علينه
..وانتي ليش تحاچيني بنتر ؟؟
لا ماكو شي
..احچي شبيج مثل الاوادم شكو گالبه وجهچ حجيتلج الصار وفهمتج ما جرمت كل الغلط انه ما حجيتلج من وكت عليش هيج صرتي مالج واهس
...صوتك سلطان شبييييك
...دحكي بالله العظيم هذا اسلوبج تعدلي لو اني استخدم وياج اسلوب ثاني فهمتج واعتذرت وماخليتج تنامين زعلانه اجيتج لهين واعتذرت شتريدين بعد وغالقة خطج ومصرفلج الوضع جهازج بدون خط متعمده
...واني فضلتك على ذياب فضلتك على ابن عمي هساع كلهم يلوموني يكولون شوف مااخذت ابن عمها وانت طلعت متزوج
...عجل كولي انج متحسفه ؟. كولي متندمه ماقبلتي بذياب
..سكتت
...ردي علي (صاح بصوت عالي )
..
ما كلت هيج كلت الكل راح يلومني لأن مايدرون متزوج وانت حضرتك لو كايل من البدايه جان كلنا انت مطلك مو هساع يلا تحجي
...لا هذا ردج واسلوبج يدل انج ندمانه انج وافقتي علي بس دحكي وحق اللي خلقج ..... سكت ما كمل
يصير خير مشه وصل ليم الباب كال طبي جوه وكبل الغرفتج
فهمتيييييييييي حجاهه بصياح واني اتلفت خاف يسمع ذياب
وابويه
عافني وطلع طبك الباب حيل
ركضت وراه فتحت الباب اريد اصيح ... نزل الجام
وكال شفهمتج انيييييي!
كتلو اي اي رايحة شفتو
اعصابو نار جانت تذكرت لمسة ايدو لزمت وجهي تنهدت قوي
صديت
طلع خالي وذياب كال ول منو سد الباب هيج
..ااا لا هيج اني ماادري وسديتو حيل دخكت ذياب يباوع بطارف عينه طلع يمشي ويفر بالسبحة دنجت راسي وركصت
ورحت لاكتني امي وعيوني مدمعه مدري شبيه مخنوگة دحكت الامي عرفت كالت
...ول يمه اكسبي الزلمه والله يحبج يابنتي لاتعندين وتركبين راسج يا امي
...يمممه هي مو غصب كلبي متصلب عليه مو بيدي
...يا يمه ابوج مو تزوج وحده كبلي سنه وطلكها شكو بيها دام عايفها مابيها شي
...هزيت راسي رحت لباب الربعه دكيت الباب كتلو خالي بس تعال شوي
...ها خالو ... !
...خالي اريد تلفونك ااا شسمه تلفوني انكسر وسلطان جابلي واحد بس لازم ينكص الخط
...هاج وجيبي خطج هساع اطلع اسويه
...خالي شعندو ذياب
...عزمتو عالعشا
.. ماشي اخذت التلفون منو وصحت سراب تجي تاخذ خطي تودي لخاي يكصو
دخلت عالصادره مكتوب رقم ساره اغلى ناسي عرفته رقمها ضغطت اتصال .. دك مرتين وجاوبت ه
...الووو هلا والله ...
عبالها خالي كتله اكفي يابه
.. اني كحلاء
...هلا يولي وينج خطج مغلق
...عاطل اسمعي سلطان وين
...
والله ماادري اني فوك اعزل
..انزلي شوفي وين الله عليج جان يمي وطلع زعلان
...ياااااا ليش يولي
اصبري انزل اشوف وارد اخابرج
خفت عليه الدنيا ليل سديت التلفون وانتظرت ساره ترجع تخابرني
ربع ساعه وردت خابرتني كالت يولي ضرغام هين يكولطب للبيت ومدري شخذ كتلو وين رايد كال لبغداد ماقبل احد يروح وياه
...يمممممه ساره شلون راح وحدوووو شلون
...عجل يولي تزعلون وترجعين تاكلين بنفسج
...يولي بس خابري شوفي. وين
..ضرغام هم انخبص اصبري دشوف يلا روحي
رجعت لخالي توه جاي نطاني خطي كتلو حطلياه بالايفون مااعرف
جبت الجهاز نطيتو لخالي حطو بالجهاز
طلعت اسم سلطان اتصلل ومغلق
نص ساعه واني اتصل ومغلق
خفففففت
خابرت ساره
...يولي هااا
...صوتها يرجف كالت ماكو يولي ..........يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!