رواية خيال الكحيلة الفصل السابع عشر 17 - بقلم nashwa_alsltani

السادس عشر

خابرت ساره
..يولي هااا

..صوتها يرجف ماكوو يولي راح يطلع ضرغام والضابط الثاني المسؤول عن حمايتو لبغداد تلفوناتو اثنينها مغلقه

...سديت الخط من ساره حتى ماسلمت عليها رجعت اتصل وماكو اتصل ومغلق تخبلت بقيت ابچي يربي بس يكون سالم والله توبه ازعلو بعد

تهسترت طلعت للحديقه اتصل وماكو امشي بالحديقه رايحه راده مرت ساعه وهم تلفوناتو مغلقه تخبلت رحت للربعه على خالي لين ابويه جاي وماادري

...كال ول شبيج تبجين شكو

..بابا سلطان ماكو
..
شنو ماكو يولي

ماكو من المغرب طالع لبغداد وحدو مامخلي احد يروح وياه ولهسه تلفوناتو مغلقه خابرت ساره تكول حمايتو وضرغام طلعو وراه لبغداد

ادهام__شنون يطلع هيج شو وخري

كام خالي وبابا اتصل على اخوه حامد مرتين اتصل مارد ومره مشغول

رد اتصل انوب وجاوبو ... هلا يخوي

...بشششر وينه سلطان ...

مااسمع شنو يكلو حامد لبابا ظليت اروح وارجع والتلفون بيدي ودموعي تصب نار اشتعلت بگلبي اريد بس اسمع صوتو.

رحت للمطبخ د اغسل وجهي امي واكفه وراي كالت
_يولي گتلج لا تزعلين الزلمة اكسبي ها خليتي يطلع تالي الليل وماكو عنو خبر شجااج خمو انتي جاهله

..يايمه واني شمدريني راح يطلع لبغداد لا تذبون علي الصوچ شوفي حالتي اريد بس اعرفو وين هساع

دخل خالي صاح عليه
_ول سلطان شوكت جان هين ؟؟

العصر ويه المغرب جة وراح

_اي وشلون طلع من هين لبغداد فهميني

__هيج يعني صار حجي بيناتنه وضاج
_
بس ضاج ؟؟ ابخت محمد مو انتي سبب طلعتو ؟

_ااا شسمه يعني هو زعل مني  شعلي

_يولي طفله انتي ؟؟ لمن انتي هيج زعلانه عجل ليش وافقتي ؟ زلمه  جاج  ماخلاج تنامين زعلانه ومقهوره وبرر موقفو عليش هيج تقابليه !  ها وانتي شلج دخل بالماضي مالو مالج حق

—انوب خالي هيج حاجاني واني انفجرت ابجي  امي جت تمشي كالت ماكو ابوج يكول بعدو مغلق صعدت لغرفتي بجيييت ابجي واتصل وهم مغلق

يااارب احفظو يارب خليتو امانه عندك ياربي احفظو

صارت الساعه 1 وربع وماكو ماتحملت اكثر كلت لخالي عجل مو طلعو وراااااه غير احد يتصل يطمني وينهم

شال تلفونو اتصل عبالي ع ساره

__هااا ضرغام وين انتو

ماسمع شنو يكلو ضرغام

بس طفر خالي كلو اووو  وهساع وين هو ؟؟

__يمممممممه ياربي مابي شي خالو شنو شبي سلطان لزمت ايدو واحاجيه خالي احلفك بالغاليه شبي

__ول اصبري

عجل ضرغام خليك عندو لاتعوفو وحدو فدوه السيارة فدووه بالحديد ولا بي يلا عود خابرني

—ضربت على وجهي

سراب وامي جن ليمي كالت امي

شبي خير يارب ؟؟

__طالع يسوق سرعه وصاير حاادث متأذيه سيارتو والولد الثاني ابو السياره الثانيه رجليه مكسره

—اهجس رجلي خدرت كعدت للكاع وجهي مثل الثلج ماشوف كدامي بس شي يغوش اسمع حسهم يصيحون علي ويضربون ع وجهي بس رحت بغير عالم تخيلي سلطان جدامي وكلو دم

ويييييين وعيت اني بالربعه رافعين رجليه على مخدات وخالي يفرك بيدي وسراب تفرك على صدري وامي تمسح وجهي بماي

__ كومي يولي مابي شي رايح للمكتب مامتأذي خابرني حاجيتو كومي

امانه يمه امانه خمو بي شي لا تجذبون عليه

كالت يولي كتلج مابي شي والله
_نزلت دموعي كلو مني اني السبب والله التوبه ازعلو بعد

اشرت   كلت لسراب وديني للغرفة
كمت لحيلي سندني خالي طلعت من الربعه لاكاني بابا كال هااا بابا ضغطج نزل

-اي بابا صرت احسن اروح انام

صعدتني سراب الدرج دخلت الغرفه وتمددت بفراشي جابتلي سراب التلفون وغطتني وطفت الضوا وراحت

فتحت تلفوني اريد اخابرو دحكت الساعه 2 وخمسه دكيت اييي مفتوح الخط  كمت الحيلي 

دك دك وماكو مايرد
رديت فتحت الواتس اب اخر اتصال من البارحه دكيت وهم مايرد

دزيتلو رساله كتلو
( حبيبي اني اسفه والله مو قصدي حقك علي والله من اتصلت وماحصلتك تخبلت التوبه اذا اعيدها بعد )
دزيتها دحكت  وصلت  انتظرتو يرد وماكو
شوي وشفتو متصل الان بالواتساب قرا الرساله وسدو ماجاوبني

اهووووو هذا شلون حرگ اعصاب
لل2 ونص رديت اتصلت بي نطاني رفض

عرفتو مايريد يسمع صوتي عفتو  كلت المهم هو بخير ماريد اخلي بعصب تمددت بفراشي وحاولت انام

الصبح حسيت على سراب تكعدني  فتحت عيني عاطت يولي
-
تداوييييييين ؟؟

هزيت راسي لا كالت عجل نامي  الضاهر الفرده مكلوبه

اكفي هي فرده

طلعت تمشي وتضحك كالت الفرده النكطعت  كتله ولج ماتواين عني

ههههههههه رايحة رايحة 

فتحت التلفون ماكو لا رساله ولا شي رديت نمت وماكعدت لل1 الظهر كووووه كمت من الفراش للحمام غسلت ونزلت جوه

ماالي واهس شي ابددد رحت على خالي  لكيته يصلح بالاوراق
كتلو خالوو  اكدراحجي وياك  كط القلم من ايده نزع النضارات
-
كال ها بعد خالج شلون صرتي

يكولون  زينه  جريت حسرة كتله خالي ماخابرت ضرغام لو شيخ حامد

-لا حجيت ويه سلطان

شووكت !!!!!!
-
الصبح

-عجل مايرد من اخابروو

—ملتهي بالزلمه اللي دعمو مدخلة مستشفى ع وسيارتو متأذيه العصر يردون من بغداد عود نروح نتحمدلو بالسلامه باجر

- صفنت كتلو ان شاءالله .. عرفت مايريد يحاجيني
كمت للمطبخ امي تصب بالغدا ساعدتها واجت سراب

_اوف. ماتكدرين  الا تكدرين عالزلمة
-
انچبي وعوفيني

—عجل شبيكم ثاني يوم المهر اتعاركون
—
يممممه والله مالي خلكها خلي تسكت

—ها يلا بطلت ترا عادي هاي المشاكل بهارات الحب

اي بس فارجيني  

صبينا الغدا وكعدنا كلنا الا اني ماالي نفس اكل خلصو الغدا اهلي ولمينه السفره وكلمن التهى بشغله سراب راحت تدرس وابويه نام وامي راحت وياه وخالي يحاجي ساره واني بقيت الوب اتصل بسلطان ومايرد

ضجت چثيررررر كمت دزيتلو رسالة صوتيه واني ابچي كتلو
( سلطان عليك الله احلفك بغلاتي تسامحني ادري ماتريد تحاچيني والله بس اتطمن عليك اسمع صوتك وروح )
دزيت الرساله وصلتو الساعه 1 و50 دقيقة الظهر كطيت التلفون وكمت ارتب غرفتي التهيت بيها شويه ودك تلفوني

دحكت لين سلطان يتصل كطيت البيدي وركضت
رديت بسرعه

...هلا حبيبي وينك
..هلا
..حبيبي بيك شي ؟؟
..لا مابيه الحمدلله زين
..زين شسمه اني اسفه والله
..
اااااااااااخ كحلاء اااااااخ

شبيك حبيبي

شبية كل الدتسوي وتكولين شبيه!
اجيتج بالليل ابرر واعتذر وبالمهر بالجذب ما بادلتيني مشاعرج كلت ميخالف ثاني يوم اجي الكاج بالباب بدون شال وشعرج طالع وذياب بالبيت يعني هيج عادي صرتي على ذمتي وتطلعين جدام الرايح والجاي بشعرج ؟  هاااااا تسكتين مو!

مو اسكت  بس والله !

لا اكفي  زين طبيت واحاجيج تردين من ورا خشمج كوه تحاجيني واكلج خابريني بالليل حضرت جنابج ماتخابرين ومامسويه السيمكارت هذا شيسموه ؟؟ يسموه لا مبالاة وعدم اهتمام
اكلج يولي لا يكون متندمه ما اخذتي ذياب  تسكتين

عجل هذا شيسموه فهميني تريديييييييييييي
يولي رووووحي ابخت محمد الدنيا طالعة من عيني روحي

...لاتروح حبيبي
..
روحي مااريد اجرحچ ارجع ويصير خير

بس دقيقه والله ...

كافييييييي. كتلج

سد التلفون وراح خلاني بناري الوب افتر رقمه الف مره دخلت عليه ورجعت لغيته شسوي هسه ماريد اتصل والكاه بعده اعصاب
جريت حسرة وكمت

كطيت التلفون واخذت ملابسي ومنشفه وطبيت اسبح

بقيت جوه الماي شويه اهجس  ارتاحيت جنت حيل متوتره طلعت  مشطت ونشفت شعري كملت دحكت الغراض والهدايا على حطتهن كمت خليتهن عالسرير افتحهن وارتبهن  ادحك شي احلى من شي

دباديب كبار خليتهن واحد يمي عالسرير واثنين بالزاوية

وسيت كامل مال حمام برنص طويل وبرنص قصير وخاوليات ومنشفه كبيره وشامبوات غسول جسم وصابونات جسم وبشره

والعلاكه الثانيه بيها باكيت كارتون بيها فرش مكياج وعطور
فتحته حيييييل هادء ...قريت الاسم مكتوب جادرو

ابتسمت عجبوني جثير
رتبتهن كلشي بمكانه. كمت وطلعت محاضراتي ادرس
ظليت ادرس للمغرب تعبت وبعد ما استوعب اكثر نزلت جوا كلت لماما راح اسوي بسبوسه طلعت المواد جان تصيح سراب

_الله يولي جوعانه

شوكت انتي مو جوعانه

-شعليج ماكله من جيبج باباااااااااااا تعال كحلاء ماتقبل اكل

صاح ابويه يولي عووفيهااااا

اكلي اكلي خلي راسج بالثلاجه واكلي شعليه انب

طلعت المواد وسويت شيره للبسبوسه وسويتها وخليتها بالفرن اروح واحي عيني عالتلفون مااتصل ادحك ع الواتساب متصل منذ 3 دقيقه كلت خلي على راحته المهم بخير رغم گلبي يطكطك عليه

لليل واهلي كعدو بالحديقة كالو باجر نروح لبيت سلطان نتحمدلو بالسلامه

بحزتها طار گلبي عاد شيخلص الليل ويجي باجر واني متحمسة كطع افكاري تلفوني ساره تتصل استغربت شعجب دكت هالحزه
رفعت الخط بسرعه وكلت

..الوو
..هلا خياتي شلونج
..هلا يغاليه شخباركم
..الحمدلله بعد عمري
..شلون ليلى ومنال وخاله ام ضرغام
..والله زينين اليوم ذياب جان هين يم منال
..هاااا شعجب
،..هههههههه والله جة هو ه وامو وكعدو سوه

..هاااا الله يسعدهم ياربي

..كحلاء شكثر تعزيني
..

الله يشهد غاليه علي
..عجل طاوعيني واكسبي سلطان يولي لا تلوعين گلبو يولي البارحه بال2 حاجيتو ويكلي خابريها شوفي شلونها
يابعد گلبي الزلم يتقشمرون بسالفه حلوه وضحكه ودلع اي لاتصيرين طفله دحكي هو شكثر مشاغلو غير من يخلص شغلو يسمع الكلام الحلو يولي يس طاوعيني والله يشيلج بعيونو

،..والله اني گلبي مفرفح عليه بس زعلان مايقبل يحاجيني وخابرتو اعتذرت مايقبل وكلبي يطك عليه اريد  بس اسمع صوته  حرت بشنو الهي نفسي بس مداكدر اصبر

..دحكي باجر تجون سالفه منه دمعه منا وراضيه

..ان شاءالله

..عفيه عليج يلا باجر تعالو قبل الظهر يولي
..الله كريم
..
يلا مع السلامه
..
الله وياج حياتي

سديت التلفون صفنت كلامها صحيح اني ليش اخلي يمل مني قررت اسوي مثل كلام ساره

سديت التلفون وركضت الغرفتي لازم اكون انيقه باجر فتحت الكنتور اشوف شنو البس باجر طلعت فستان وجان

دك التلفون
—يبووووووو شسالفة

دحكت رقم
منو هذا ؟ استغربت  صفنت لا ماارد عفتو مارديت رجعت للكنتور طلعت تنوره سودا بيها من الجوانب تطريز وردي فراشات صغااار كلش
وقميص وردي بي خيط اسود بلون الفراشات
وحضرت الذهب اللي جابو سلطان والكلاده اللي بيها اسمو وقاطعني تلفوني هم رجع دك نفس الرقم نطيتو رفض
اخذت سكرين للرقم ودزيتو لسلطان بالواتساب كتبتلو هذا الرقم مرتين خابرني ومارديت انتظرته يرد مارد كمت

كطيت التلفون ورجعت احظر الملابس ورهمت جنطة هم وياهن
خبصت الكنتور والجرارات ... دحكت هاي شراح ايلمهن علمود طلعه بسيطه هيج سويت والله ماينلامون بينه احنا البنات شكد خبيصةةةة كمت اشيل وكط بالغراض بالجراره

حسيت بتعب كمت كعدت عالسرير ولين وخالي ادهام دك الباب كال خالي كاعده ؟

—هلا خالي اي حياك

—هاااه اشوفج تحظرين ملابسج
-ابتسمت كتلو ا اي
—
الصبح بال11 هيج نروح وراح ناخذ ذبيحه
-هااه صدك
اي لازم

اي حك عجل باجر من وكت اكعد داحاجي شفت خالي مخبرص حسيت عنده شي كتلو ها خالي اكو بذيالك عجاجة ههههه —

ضحك وكال اي بالله. ردت اشورج دحكي هذا السوار حلو يعني انطيه لسارة يعني اني عجبني واخذتة

—الله خالي يجنن عليها بالعافيه چثير حلو ايييي عيني هدايا وذهب ههههههههه تستاهل ساره

—يولي عجل شنون غير الذهب للذهب هذي حب عمري
تدرين شكد عانيت يلة ردتلي
—
اي والله خالي صدكت ساره ذهب والحمدلله انجمعتوو

احاجي خالي واجتني مسجات عرفت من سلطان كال خالي عجل اخذي راحتج اكوم اخابرها  بس طلع جطيت
عالسرير فتحت التلفون

كاتبلي( الرقم اللي يجيج سويلو حظر ) بس هذا رقم شيخ حامد

—هااا يعني تريدني احظر شيخ حامد
—
ماكلت هيج اني اقصد الارقام الغريبه
—
اممممم خل اخابرو عيب
—
اي ليش لا
—اي عجل زين

رجعت اتصلت على شيخ حامد بس نطاني رفض شويه ورجع هو اتصل ورديت

الووو
...هلا يبعد اخوج
..هلا شيخ شلونك
..هلا بنيتي شلونكم
..اعذرني شيخ ماعرفت رقمك ومارديت
..حقج يابه ولا يهمج
اني خابرت اسال عليج خاف تريدين شي يابه

..لا يابه تسلم ماتقصر والله خيرك سابق
..دحكي اكحيله احسبيني ابوج لاتحسبيني اخو زلمتج اني عرفت صاير سوء تفاهم بينج وبين سلطان
دحكي اخذيها عبره من حرمته اللي طلگها سلطان ما يحب المره المهمله لو تتعمد تسوي شي يغثخ ذيج بنت خالي الله يستر عليها ما قدرت النعمه العايشة بيها وراحت بحال سبيلها انتي خليج فطنه يابه بنتي والله البارحه لو ادري طالع لبغداد ما اخلي يروح هذا عصبي
وخاف لا يصير شي

الله يسلمك بس والله هو ... قاطعني وكال

يابه ادري بيج تستحين مني بس تتعودين ان شاء الله اكسبي راعي بيتج وخيالچ بنتي دراستج تكمليها وحتى بيتج وحدج ان شاء الله

-قاطعتو لااا شيخ اني اريد اسكن وياكم
-
اصيله والله بس بيتكم وحدكم ترتاحون اكثر بعدين راح تعرفين كلامي صحيح

اسمعي مو عيب الحرمة تغلط وتعتذر من زلمتها ثقي بالله تكبرين بعينو

—تأمر اللي تريدو يجرالك وكلامك صحيح

—يبعد اخوج والله اصيله يلا يابه اخذي راحتج
—
الله يسلمك شيخ ماقصرت الله وياك

... كطيت التلفون وايدي ترجف مدري شبيه شلون حاجيته مادري يربي ذهببببب شيخ حامد الله يطول بعمرو

بس سديتو منو راسلني سلطان

—ويامن تحچين ؟
-
ويه شيخ حامد
—
زين..

مشا اليوم طبيعي عادي لثاني يوم الصبح صادف جمعة بال9 ونص كعدتنه امي كومن كافي نوم يلا ورانه روحه

كمت لحيلي نشيطة رحت للحمام غسلت جسمي وغسلت وكملت وجيت للغرفه بدلت ملابسي وخليت مكياج رسمت حواجبي وعيوني وخليت مسكارا وحمرة وردي خفيف ولبست الشال والحذاء ولبست ذهبي تذكرت ماصبغت اظافري واني بطبعي اعشق صبغ الاضافر امووووت عالصبغ
كعدت اصبغ لما يكملون اهلي هو ناشف

نزلت جوا لكيت خالي ادهام كشششخه على اخر حبايه والعطرررر يبووووو

—عجل كلكم خلصتو بس اني
—
عاد سراب اذا ماتأخرنه دروحي يلا

—خالي شنو هل كشخه
—
يولو عجل غير رايحين خطار
—
هااا خطار اي اي دحكلي صفح وابتسم

لل11 الا عشره كال ابويه يلا امشو ماظل وكت
—اصبرررر بابا حذائي بس البسو
—
يلا سراب فضينا

— عاطت اصبرووو البس حذاء قديم بلكي ينكطع هناااااك ربي كون ينكطع حذائي هناك تحجي وعيني عالسكف تدعي  ابويه صافن عليها
مافهم شتقصد

— كرصتها وكتلها انتي التالي وياج ماتجوزين

—عجل بس انتي ينكطع حذائج اني هم اريد

—يبوووووو علينا امشي كلهم طلعو ولا تكولين هناك من الحذاء مو خزيتينه

ههههههههههه تدللين سنريلا

رحنا للسياره وخالي قفل الباب وصعد وطلعنا لبيت سلطان
الطريق كلووووو اني گلبي يدك اريد بس نصل واشوفة

دزيت رساله لساره كتلها احنه بالطريق

وصلنا قريب من بيتهم السيطرة اللي يم البيت وكفونا كالو جناسيكم ووين رايحين بخزتها انذكرت اول لقاء اوف شلون يوم جان يخبل يوم كحلت عيني بشوفتك

كلو ابويه—يابه لبيت نسيبي سلطان العليان

—العفو حياكم الله هلا بيكم تفضلو
—
دخلنا ووكف خالي السياره نزلنا وفتنا من نفففففس المكان اللي شفت بي سلطان اول مره ونفسسس المكان اللي انكطع بي حذائي ضحكت هههههه ودنجت راسي

—ها سالمين شبيج
—
هين انكطع حذائي يولي

لين سراب تكف بالمكان وتسوي بحذائها تشخط بالكاع تكول للحذاء يول انكططططع يلا انكطع ادزي لزكت ماتنكطع

—ههههههههههههه خبله والله
—-
اشششش صوتجن

فتنا تلكانه ضرغام وشيخ حامد رحبو بينا چثير دخلونا للبيت والزلم ظلو برا

تلكتني حرمت شيخ حامد وبنتو شهد الچبيره وجت ساره وراهم

شكثر فرحت امشي وخجلانه مدنجة راسي وكلبي تتعالى دكاته دخلونا للربعة الجوه غير الربعه اللي كعدنه بيها من اجيت اول مره

شفنا الحجيه ام ضرغام كمت الحيلي

—هلا يمه هلا بعروستنا يهلا
—
هلا حجيه تقربت وبست راسها
—
كعدنا نسولف لشوي واجا شيخ حامد يسلم علينا
—
ول كومي اكحيله البيت بيتج كومي انتي المعزبه هين يلا

وكفت الحيلي واني مستغربه افوت لو لا امي اشرتلي فوتي

— مشيت وكلي خجل كمت رحت للمطبخ ويه البنات لكيت بنات شيخ حامد ومنال سلمت على منال جت حضنتني وبوستني صفنت عليها ياربي شكثر فقيره هاي البنيه الله يسعدك يذياب

كاعده تسوي عصير وكيك وبتيفور وكعك كتلها اساعدج جيبي
اخذت العصير وهي جابت الباقي وراي قدمناه ناطيه ظهري لباب المطبخ سمعت حس سلطان

جمدت بمكاني ماصديت بقيت ساكته اهجس گلبي يريد يطلع من مكانو ماتحملت انداريت وعدلت نفسي تقدم علينا سلم وباس راس امي وسلم على سراب

الاااا اني ما دحگ بوجهي

استحيت منهم چثير شلون هيج يفشلني جدامهم ؟؟
حسو علينا اكو شي

كالتلو الحجيه ام ضرغام
—
ول يابه حرمتك خجلانه
—
اي حجيه من يوم المهر هالخجل حتى الضحكه ماكو

—اااا لا والله مابيه شي
—
دحك علي سلطان وخله عينو على صدري على مكان الكلاده لابسه اسمو ابتسم وكال من رخصتكم طلع وبيده  التلفون

كعدت واني ضايجه وادحك وين راح ليش هاي لهفته تغيرت مني معقوله مل مني

كالت ساره تعالي اشوفج البيت
—
كمت وياها شوفتني الغرف الجوا والهول الثاني صعدنا فوك بي 4 غرف وحمام وكعده صغيره بيها تخف صغير خشب صاج وتلفزيون

اخر غرفة كالت تعالي حدري هاي غرفة سلطان

—فتحت الباب ودخلت وياها سميت بسم الله وطبيت دحكت شكبرهااا سويت كامل غرفة نوم چبيرة هذا الدزاين المصري الاخشاب مصريه كنتور 6 بوب شكبرو وميز تواليت والسرير نفرين بس يمكن يكفي 4 ويم السرير عالحايط مثل المسطبه جلد
الكاع مفروشه موكيت بيجي بي ماروني
وقاطع شكل قوس كبال السرير نازله منه مثل البرده شكل خرز ونمنم فتت بي لين غرفة ثانيه بداخل الغرفه بيها تخم وتلفزيون بلازما چبير وثلاجه وطبلات زجاج وبسد الثلاجه حمام

—هاااه شرايج حلوه مو
—
تجنن ماشاء الله هي وحدها بيت ههههه
—
هاذي البلكونه من هين عالحديقة واجهتها

تمشيت يم ميز تواليت شفت عطورو شلون مرتبهن واكثر عطورو ( HUGO) السمائي و( Black) وايف سان لوران
بس اكثر شي حاط 3 عطور هوجو اللون السمائي الظاهر يحبه

—ساره عادي افتح الجرار
—
هههههههه افتحي
-
فتحت الجرارات لكيت حاط ساعاتو يمكن بال13 ساعه لفتت انتباهي ساعات 2 رولكس وكل وحده بعلبتها

الجرار الثاني حاط اربطه مرتبهن حسب تدرجات الالوان
صدكني شكل الترتيب شكثر مرتب وحلو

—دحكي يولي
—
صديت على ساره فاتحه كنتورو اللي بي دشاديش مرتبهن هم على تدرجات الالوان وكل وحده معلك بيها الغتره مالتها والرفوف بيها ملابسو الداخليه

—الترتيب يجنن
—مايقبل احد يرتبهن غيرو ابد حتى الشغالع من تحي يكللها لا تكربين يم غراضي

—امممم
—الغرفة كلها حلوه
مندمجين نسولف اني وساره وفتح الباب علينا سلطان

يربي فششششششلت اريد ارفع راسي ماكدر كمت اعدل بالشال دحكن هو ابتسم
—
هاااا شعدجن هين
—
والله اشوف عروستك غرفتها مستقبلاً

طخيتها لساره بيدها يعني سكتي فشلت
—
هااا خير ان شاء الله
عاد عجبتج لا

—هااا اي حلوه
—راح هو اخذ عطر ورش منو يجنن العطر بدل ساعتو
واني مراقبه كل حركه منو تحاجيني ساره وعيني عليه  كالت  يله

—اخليكم براحتكم
—
ووووين لا تعاي احدر وياج
—
يول شبيج ترا كاطعين مهر هساع اجيج

—يبووووو صخام عليج ساره اشرتلها  تعاي  هو مرتحي عالميز يدحك عليه ويمشط بشاربو

سدت الباب وراحت

—ماتريدين تبقين وياي وحدج
—
هاا لالا بس يعني مو امي

هااااااااا امج !!

ابتسمت كتلو  اي شبيك

—واني شراح اسويلج تعالي يمي
—
سكتت ماتحركت بقيت بمكاني تقدملي جة يمشي لزم ايدي جرني يمو كعدني عالسرير ضحك كال ايديج ايتراجفن شجرالج

رفعت راسي كتلو هاا مادري

— ابتسم كال هاي شلون خدود احمرن يولي
—
اووو سلطااااان

هاااه شبيج لا تخبلين عليه ماراح اكلج  تريدين ننزل كومي
—
— لا بس بعدك زعلان ؟؟
—
رضيني انتي
-
شسوي يعني مو اعتذرت
—
عجل اني مو اعتذرت منج وماقبلتي شو
رضيني يلا

—مااا ....
—عجل خليج كام يريد يطلع اريد  انطق مادري شبيه همست واني مرتبكة تعااال
—ضحك بصوت عالي كال هااا
—
اني اسفه
—وبعد
واعتذر

وبعد؟؟
وبعد ما اعيدها

اي وبعد ؟.

شنو بعد... احاجي وهو بده يتقرب كمت الحيلي وكفت  دحكت صار قريب مني مد ايدي على حنجي

باسني بركبتي

بحزتها يمكن حتى دم مابقو بيه ادحك علو رجلي يرجفن اديه ماسيطر عليهن همس بصوت ناصي 
—شهالعطر حبيبي
— وهو يخاجيني دحكت ايدو مضمده

— كتلو سلطاااان شبيها ايدك
—
ماكو شي شبيج
—
عجل ليش مضمده

—خياط عادي
—عززززه
—
ماكو شي حبيبتي عادي
—
ماتأذيك

..مايأذيني بس من تعاندين وهيج تسوين بيه

—مااعيدها والله اني اسفه ماتدري شصار بيه من عرفت مسوي حادث

—ان شاء الله بعد ماكو زعل يبعد حيلي
—اممم
..
هم كالت امممم يولي كومي اطلعي من الغرفه لا هسه والله اعرس

يحجي ويضحك ..

كتلو لا والله ... جريت نفسي وخرت

كال ها تخبلنا من جديد يمعوده شقى تعاي

شقى موو  يحاجيني واني ارجع ليوره فتحت الباب

صاح يولي تعاي شبيج مشتاك والله

بعدددددددين فتحت الباب وهو يصيح عليه ويضحك
حدرت اركض لكيت ساره يم الهول عضيت اصبعي كتلها بسيطه الا اخليج بنفس الموقف امشي والرجفه بعدها بجسمي

...هههههههههه المهم تراضيتو

عجل وين اهلي
...
صاح عليهم اخوي حامد بالحديقة ماكو احد غريب وطلعو اطلعي يولي وياهم الجو حلو هساع اجي بعد وكت للغدا

... ماشي مشيت وعيني عالدرج ... فتحت الباب طلعت يمهم
..
السلام عليكم

..يهلا يهلا حدري يابه
..هين هين يمي اكعدي

..رحت كعدت يم شيخ حامد
..شلون اكحيله ؟

زينه شيخ الحمدلله

دحكت همزين ابويه رايح يصلي بس خالي كاعد

...ضرغام واكف يم نافورة الحديقة صافن وجهو علينا انتبهت عينو على سراب وسراب ماتدري مدري هي مثولتها علينا

مااعرف اللي شفتو صحيح لو يتخيلي

جت منال كالت ليش ما انتغده هين بالحديقة

...اي والله هين الجو حلو وربيع عجل يلا جيبو هين وهساع يساعدوكم الولد

...شيخ حامد عندو شهد ومحمد ليث
محمد مخلص كليه قانون ومحامي وليث مرحله ثالثه ادارة اعمال وشهد سادس اعدادي

سلطان جة يمشي من بعيد تقرب وكعد كبالي ...

صديت وراي بابا جة من الربعه كمل صلاة دزلي مسج سلطان فتحتو

( تنورتج ضيكه لا تلبسيها بعد)

ضجت بس مشيتها عبرتها رجعت خليت التلفون بسدي

رد وره شويه دزلي مسج شلت التلفون وعيني عليه فتحت الرساله

( عدلي شالج وغطي شعرج زين راح يجون ولد حامد )

اشرتلو بحواجبي شكو

اشرلي بيدو يعني نفذي

صاحت منال كالت يلا بنات تعالن ويانه كمنا سوه
دخلنا المطبخ نسولف ونضحك

سمعنا صوت هوسه وسيارات برا
..يمكن اجوي خطار

كالت ساره منو جه هساع

لشوي ودخل ضرغام كال زيدو الغدا وصبو الزلم وحد والنسوان الكم وحد

...منو اللي جه ؟

..بيت خالج ابو اميره وياهم نسوانهم

ساره وجهها صار اصفر دحكت شبيها
كتلها شبيج ؟؟

...ها لا بيت خالي اجوي اروح استقبلهم

...صفنت شبيها واذا اجوي ليش هيج ضاجت ؟؟

لحظظظظة اميرة موووو طليقة سلطان ؟؟

لحظة سارة بيت اهل اميره نفسهم طليقة سلطان ؟؟

يتبع....