رواية خيال الكحيلة الفصل الثاني وثلاثون 32 - بقلم nashwa_alsltani

الواحد والثلاثون

خيال #الكحيلة

#بقلمي_نشوى_السلطان🧚‍♂️
مساء الحب

ادحك بسلطان لون وجهو تغير ارتبك

..اكف اكف وين اللي طلعو ؟ مكتولين لو عدلين ؟
وين يعني ؟

وصلني بواحد منهم وشتريد اني حاضر شكد تكلفك فلوس حاضر اني انتظر منك اتصال

كلو بابا خير ؟؟

..معتقلين يم داعش طالقين سراحهم بنفس منطقتنة

..صاحت ساره ياااااااااا الله يااااااارب مو بعيدة عليك يكون عايش كامت تدعي وتبجييييييي

...سلطان  مسح وجهو بايدو وكال هساع اروح عندي مؤتمر يصير خير

...طلع سلطان وطلعت وراه

..حبيبي تتأخر ؟

لا ان شاء الله للعصر اكمل  / حسبتو مرتبك يمشي وبيده الجهاز
ياربي خاف خالي بي شي

كال فوتي كحيلة عليش واكفه بره

.. هزيت راسي   ومشيت امشي واتلفت عليه اسمعه يخابر بس مافهمت شديكول لكن مخبووص .. عفته وطبيت ... 

..راح سلطان ورجعت للغرفة
من حطولي المغذي علكوه بهاي التعلاكة مال مغذي اللي تتحرك

بقيت بالغرفة امي خطية نامت لان يضربوها مسكنات
شويه وجة  ليث جايب غدة وقنع ابويه يروح وياه للبيت وكال شهد وامه يجون العصر يبقون بالمستشفى واحنه نرجع للبيت والصبح هي تطلع امي من المستشفى

رحت على سارة كلتلها انزلي سوي فحوصات وسونار مدام بالمستشفى

لا لا عليش يمعوده ..

شلون عليش مايصير شوفي اشبيج مابيج ..!

.. والله ولا الي خلگ الشي سلطان يكول اكو معتقلين طللعين
كون وياهم خالج

ان شاء الله يارب دكومي حبيبتي والله مايصير

اي راح اكوم بس وين قسم النساء مااندل ؟؟

..اسألي هاي الممرضين اللي بداية القاطع

.. راح امشي واسأل

اي ماشي .. شالت الجنطة وطلعت
راحت خطية واني بقيت ادحك للمغذي شوكت يخلص

فتحت تلفوني طبيت  للواتساب كمت اگلب بالارقام
بلكي بيت خالتي احد عدهم نت ..

اتذكرت مريم .. اي مريم طبيت لأسمها  لكيت  عدها نت يبوووووو شكثر مشتاقتلها مريومة متصل بالنت  دكيت على رقمها حصلتها
تنهطت ...
مرتين دكيت
...
وجان اسمعها تجاوب بلهفة ... الوووو كحلاءءءءء

...مريووومة حياتيييييي

هلا كحلاء بعد عمري شخباركم

زينين يولو  شلونج شخبارج شوكت صار عندج شبكة

...والله  صار يومين من طلعنه جينا على سليمانية موووت احمر الطريق

..ليش ماجيتو على اربيل احنه هين

..صدك

..والله

...اي شلونكم شخباركم

..والله الحمدلله بس امي بالمستشفى سوت عملية وخالي ادهام اخذوه داعش وماكو منه خبر

...ياااااااااااا عززززززززه خطييييية ميستاهل

اي والله نريد بس خبر عنه ماكوو

اووف الله يكون بعونه .. زين  وخاله شلونها

..المرارة عدها مفجوره والله ماادري شلون جانت متحملة

..عجل وين كعدتو

...يولي الاجارات هين نار تعالي شوفي وشكثر نازحين بالخيم شكثر ناس بالسيطرات والله دمار الناس متدمرة

..اي حتى هين بسليمانية اللي ماعندو راتب كاعدين بالخيم

..يولي هي وين الرواتب لهساع ماكو

..اي صحيح

...والله ماادري بلكي الله يفرجها

..دحكي كحلاء الجامعة منزلين منشور كايلين الامتحانات مالتنة راح تنعاد كلها لأن الدفاتر محتركة بالمخازن بالجامعة وراح يسوون مواقع بديلة يعني يمتحنون الطلاب باربيل وبسليمانيه وكركوك وبغداد
لأن الناس نزحت لهاي المحافظات والطلاب اكثرهم هين

...يبوووووووووووووو على حظي ادري هي وين الكتب ماتكليلي بيش ندرس شلون حظ هذا

...هساع افتح فيس اشوف شكاتبين ..

.....

...ماشي وشوفي بلكي تحصلين احد من البنات شلتنه بلكي احد عندو كتب ملازم شي يولي شلون ندرس ماادري

..ماشي

..يلا حبي اخذي راحتج وسلمي ع خاله

..الله يسلمج حياتي

راحت مريم وفتحت الفيس طلعت موقع الجامعة وصفحات المحافظة صدك ناشرين الخبر

...الطلاب اللي باربيل يمتحنون بكلية الاداب والتربية مال اربيل ولازم يسوون احصائية ونسجل اسمائنة منزلين رابط نسجل بي المعلومات

فتحت الرابط صاير بي لوود چثير كلت بعدين افتحو

طبيت للتعليقات شكثر طلاب معلقين نااااس تطلب كتب وملازم من ناس اثاري شكثر طلاب هين باربيل

...دورت بلكي احد من قسمنه موجود لكيت بس بنية اسمها اسيل  بدون تردد گبل  راسلتها كالت كحلاء الدكاترة والاساتذة يوم بيومه راح ينزلون ملازم ومواضيع مختصرة وتأشيرات مختصرة بصفحة الكلية وبصفحة القسم وممثل الشعبه راح يدزلنه الموجودين هين باربيل

كلتلها عجل كلشي دزيلي عالواتساب

...سديت الفيس واني هم نعست وساره لهساع مااجت رحت مددت بالسرير الثاني والمغذي خلص بس وخرت المغذي وسديت الكانوله 
واني متمددة اهجس جسمي مكسررر ... حسيت بنفسي نعسانة
واني صافنه اتذكررت العرس ... ماعرف شصار بيه عبالك اختنكت
تعوذت الشيطان ... وماحسيت الا واني نايمة ...  

شووي وجان اجفل فتحت عيوني سمعتهم يحجون
شهد وامها وسارة والحجية ام ضرغام وامي كاعده تاكل خطية

...همست هااا شلونكم

..ها يولي كحيله شلون صرتي

..زينة
سلطان ما اجه

..لا بعد

..دحكت الساعه بال3 وعشره

..ها ساره شكالت الدكتورة

...الحمدلله وضعي زين  والحجيه هم تلاكيت  وياها من جت  وراحت وياي

..الحمدلله  يارب

..انتظرت لل3 ونص وماكو سلطان اتصلت بي نطاني رفض

..رجع اتصل بيه

كمت الحيلي طلعت خارج الغرفة

..الو ووو

..هلا حبيبي 

..تأخرت  ليش

..هساع كملت والله شوي واجي

..ماشي بس  حبيبي مريم تخابرت وياها الامتحانات مالتنه راح تنعاد من جديد هين نمتحن بس مانعرف شوكت ويريدون معلومات

..اي قبل شوي عرفت

ميخالف يصير خير بس خل اصل

..ماشي

..منو جة  ؟

..ام محمد والحجية

..ماشي

سديت التلفون ورجعت للغرفة   دامشي حسيت احد ورايه صديت  لين ذياب ورايه

وكفت ...وهو ديمشي  صار قريب عني .. سلم عليه
رديت ودنجت راسي ..

شلونها عمتي ...

الحمدلله زينه ...

شبيج ..!

رفعت راسي عليع كتلو شنو ..!

شنو هاي البيدج .. شو كلكم مقروضين

اي مريضه مالي خلگ ...

دحكلي صفح كال اجر وعافيه بنت عمي

الله يعافيك .. اريد افوت كال اكفي

وكفت وصديت عليه ... ساكت

كتلو خير ذياب...

ماكو الا الخير .. خمو محتاجة شي هين...

لا الحمدلله مامحتاجة شي ...

اريد منج شغله ..!

مني اني ..؟ خير شنو !

اريدج تحاجين منال

_ شبيها منال ..

يعني ماترين شبيها ..

فهميها تبطل شك وغيره .. وتخلي عقلها جبيره ...

شك وغيرررة !!

اي سالفتي وسالفتج مو ناسيتها .. ذبحتني واني مالي خلگها  بااي يم اهلنه بالانبار

_ ذياب سلطان على جيه اختصر ... عفية

تره اني ابن عمج واذا جة سلطان خل يجي..

ذياب اختصر الله يخليك تره راح افوت  انت تعرف طبعه مايقبل

شختصر كتلج مرتي تعبتني طفله طايشة تتصرف تصرفات اطفال
اعلم مايفيد . كلمة والثانيه كالت ماتحبني

_ خطيه ليش هيج وياهه ذياب تره منال ورده  وتحبك

_ استغفر الله شمسويلها اني ... يعني اذا اصفن كالت تفكرر بيمن
واحد مايصفن .. اذا اطلع راقبتني ... تلفوني وين مااكطه تركض وراه تريد تفتش ...

_ ميخالف حقها اصبر عليها..  مصيرها تتعلم

ايييي ايييي الحجي مايفيد 

دحكت عليه يجر حسرات .. كتلو تتعلم ماتبقى هيج بس انت حسيها بحبك اهتم بيها ...

احاجي  مايرد  ساكت  واني خايفه سلطان يجي ويشوفنه بعدين راح تتفسر غير تفسير .. كتلو من رخصتك ... 

اكفي كحلاء ...

ها ذياب... ديربالج على نفسج والي يحاجيج تعاي. عليه
اني ابن عمج ... اكسر راسوا

ماتقصر اشكرك ... فتحت الباب وطبيت بسرعه ...

دحكت كلهم على نفس اللمة ملتهين ... فتحت البراد شربت ماي

وعيني عالباب .. ارتبكت تخربطت ماعرف شصار بيه
ذياب مافات وراية اختفى ...

سحبت الكرسي وكعدت

لل4 وثلث  حة  سلطان دك باب الغرفة وفات سلم على امي بس وجهو ضايج حسيتو مثل المتوتر وكل شويه يدحك بالتلفون دقايق وكال تروحين للسوك ؟؟

..هاااا اي علواه بس اخذ كم شغلة  بس فلوسي يم ابويه

..
هي فلوس يايابه ،..

اقصد نمر ناخذ فلووس ونطلع

هههههه دكومي

يعني نمر مو

اي عجل ليش مانمر غير ناخذ فلوسج

هااا عجل يلا

..تحتاجون شي اجيب ويانه ؟؟

سارة-سلامتج حبيبتي الله وياكم

سلطان—باجر تطلعون من هين غير ؟.

سارة-اي

..عجل حضرو الغرفة 

..لاتهتم حضرناها

..سلمنه  عليهم وطلعنه نزلنه بالمصعد جوه وطلعنه لكراج المستشفى

صعدنه بالسياره ودك تلفون سلطان دحكت الاسم مكتوب ( مصطفى انبار) بسرعه رد بلهفة حجة كالووو

..بشششر

ماسمعت شنو يحجي وياه الولد

بس  سلطان يكله اي اي وميخالف ويا الله

اخير شي گله ماشي انتظر

سد الخط ..

—حبيبي صاير شي ؟؟

..لا حبيبي 

..عجل شبيك ؟؟

..لاتهتمين ماكو شي  طلع السويج ومشه جدامي

..سكتت لأن عرفته مايريد يحجي بس حسيت اكو شي مو طبيعي

بقيت ساكته دحكت الكانوله موتتني كتله حبيبي هاي ماشلناها اذتني

..هساع بس نصل بالسياره اشيلها الج

..ها تعرف ؟

..يولي هي كانوله

..امممم

... جعل محد يكول هالامممم غيرج اكول نروح فاميلي مول لو مجدي مول لو تريدين سوك يعني

.. ابتسمت كتلو بكيفك

..هسه ممن هين يطلع على فاميلي مول

تدرين شلون ؟ نروح لسوك القلعة كلشي بي واذا ردتي شي مالكيتي نروح للمولات

..مو هساع خاف يعزلون نروح للمول

..شنو رايده ؟؟

..اريد ملابس  داشاديش ماعندي قليل ...  ولا ملابس طلعه

اخذلج عبايه ....

عبايه شنو .!

عبايه خليجيه حلوه تلوكلج ...

اي عندي عبايه بس ماحبهااا

حبيها الخاطري ...!

مو احسها تبهذلني والله

واني اشوفها احلى شي عليج .. تعجبني العبايه. هيبة ...

عجل مدام تعجبك اخذها واللبسها مرات

مرات ههههه خوش عجل خل ناخذها والله كريم

..بقينه نمشي بالسيارة اربيل تجنن ماشاء الله وصلنه مجدي مول

دا انزل كال سلطان اكفي اشيلج الكانولة

...يلا بس عليك الله لا تأذيني

..لا جيبي ايدج  مانوجع

..سحب كلينكس وبده يفتح بلاستر الكانوله واني يطير عقلييييي من الكانولة يمد ايدو واني ادفعها  اكف والله توجع

يولي والله ماتوجع ..!

بس اكف دقيقه  سلطان اني افتحها

..كحلاااء دحكي هاي الطفلة وراج شلون حلوة

درت وجهي شفت طفله تجنن ماشاء الله شايلها ابوها وحسيتو سحب الكانولة  جريت ايدي كتلو لااااا

سلطان-يلا خلصنه ههههههه

...تقشمر عليه ؟؟

...صيري سبعه يولي

سبعه لو ثمانيه خرب والله مكانهت بوجع

هههههه يم اللسان تحشيشين بعد   انزلي

.. نزلت وهو نزل جة  يمي كضبني  من ايدي ودخلنه للمول

شعور يجنن لمن الانسان اللي نحبه نمشي وياه جدام العالم وبالحلال ابتسمت  وكضبت جف ايده قوي

طبينه المحلات كلها حلوه بالمول بس يعني كلت اخذ الشغلات الاريدها منا والدشاديش من السوك

اخذت ملابس داخلية وعطورات ومعطرات وكم قطعة مكياج وشالات 2 لأن  طلعنه بطرك ملابسنه وقطعتين فقط

......... سلطان يدور بالمول مااعرف على شنو

..كتلو شبيك على شنو ادور..! 

..اصبري

..يروح منا ويجي منا تالي كال اي هذا تعالي هين

..رحت يمو جان يوكف كبال محل بي صياغة ذهب

..كال فوتي
دحكت مستغربة ... .. سميت بسم الله ودخلنه ...

المحل بي بنات اثنين ديشترون .. تقربت منه وهمست بصوت ناصي شو جبتنه هين

صد عليه كال حتى اخذلج حلقه ومحبس ... وباقي الذهب

لا شو هسه امشي غير وكت

لا لا اكفي ... راح يم الرجال وسحب اللعلبة ... صد عليه كال تعاي

مشيت وكفت بسده ... كال شوفي الي يعجبج

..طلع حلقات ذهب والماس وحلقات ذهب بيها الماس  اشكال جانت كلش حلوات رفعت راسي عليه كتلو

..سلطان لا ناخذ ذهب حلقه ذهب وها هي

..اللي تعبج اخذيها لاتستحين مني شوفي التعجبج اشري عليها وخلص

..بقيت اقيس بالحلقات عجبتني حلقة تون وحده ساده والثانيه الوياها مشبكة كلش حلوة وقياسي بالضبط

.. كتلو هاي سلطان  حلوه مو..!

.. اي حلوه بعد محبس سوار

..لا بعدين مو وقتها هساع

..زين نروح من سوك الذهب اللي بالقلعة

..عادي بكيفك بس مو اليوم 

.. تره هالايام عرسنا خلي هالشي ابالج 

..شنووو

... عجل شنو يابه ... 

..كتلو لا عجل وخالي

..سكت سلطان نطه الحلقه للصايغ وزنها وكال سعرها نطاه الفلوس وحطها بعلبه  سحبها سلطان .. كال جيبي ايدج

ادحك البنات وابر المحل عينهم علينه والبنات مدري شيتشاورون
اعتقد عرفو سلطان ...

انطيتوا ايدي كضبها

..لبسني الحلقه ... كلش حلوه على ايدي ...

كال تعاي ... مشينا ... 

..اخذت كل اللي احتاجة حتى السراب والساره اخذنا ملابس ...
طلعنا من المول وبيديه العلاليك اخذهن مني

..حطهن سلطان بالسياره وصعدنه الساعه بال8 ونص تقريباً بالليل

.. كال حبيبي جعتي ؟؟

..يمكن هههههه 

... ابتسملي كرصني من خدي كال .. عجل نتعشى

..اوك

ودانه سلطان لمطعم صمد كعدنه وطلبنه عشى تونه بدينه ناكل شوي واتصلت اميرة ومارد عليها
اتصلت 3 مرات

صار عصبي سلطان نطاها رفض وراهه كام يتصل ضرغام
كال خير ان شاءالله لازم اكو شي .. شال التلفون جاوبه

دحكت اريد اعرف شكو خاف امي بيها شي ... شفت

..انتفض سلطان كام من مكانو اشرلي نمشي

..شبيك شكو ! ؟

..دفع الحساب وطلع عالسريع ركبنه بالسياره وشخطها سرييييع نمشي وسب بأميرة اريد افتهم منه ماكو

هدء شوي وكال فهد واكع ...

..الطريق كلووو عصبي وماحجه شي لمن وصلنه البيت وجان يدفر الباب حتى الحارس وخر ع صفحة طبيت لين دم يم الكاشي مال الحديقة والبيت هوسه فتت جوه لين اميره تبجي وشيخ حامد يصيح بيها يكللها انتي ماعندج عقل تعوفين الصبي وحدو.

سلطان فات جدامي يمشي لكاهه كاعده مخليه رجل على رجال

كال الها فهد ويييين ...

..اخذو للمستشفى ضرغام ومحمد

..انتي شنووووووو ابنج مادايرتلو بال بشنو ملتهيه

..عجل مو انت ابو لو كله براسي
لو ملتهيييي خل اسكت احسن تححي وادحك عليه

..وانتي شعندج 10 جهال !؟ هو واحد عجل ليش چلبتي الا تجين وياه بشنو مستفيد منج اني هين ؟ متدايره بال لفهد عليش باقية هين

..هو صعد عالكرسي اني شعلي جاهل مايكعد

...جاهل مو .. لو ملتهية بنور وربعها ...

جت شهد تركض على صياح سلطان

كتلها يولي شبي فهد

كالت وكع بالحديقة صاعد عالكراسي 3 مطبوكات محطوطات يم الحديقة يم درج الحديقة
والحديقة بيها درجات 3 ننزل عليها منهن وفهد مكلوب بالكراسي واكع على راسو عالدرج ومفتوح راسو.. خطيه فحم كوه ردتله روحة شلون هبطة

اوووف حبيبي خطيه ... دحكت سلطان طلع يمشي وبيده السويج

صاح عليه الشيخ كالو هسه يرجعون لا تروح

بس سلطان اعصاب ... عافنة وطلع اميره عينها عليه تريد تاكلني
لان سلطان صيح عليها جدامي ... سكتت ماحجيت شي

طبيت جوه اخذت ملابس وخاولي وصعدت  فوك
اريد اسبح  بس بالي يم فهد ... وسلطان راح وراهم للمستشفى

..خليت ملابسي بالحمام سمعت صوت شهد تصيح كحلااااء هاي العلاليك خليتهن بغرفت عمي سلطان

..طلعت من الحمام  رحت عليها لغرفة سلطان حطتهن عالسرير

..اكلج شهد تشتمين ريحة ؟؟ ريحة موطيبة  شنو هاي

..اي مثل العفونة

..افتحي شبابيك الغرفة خلي تتهوى

لعبت نفسي لزمتني دوخة قوووية كعدت عالسرير ركضت عليه شهد

..شبيج يولي

..ماادري اادوخة ذبحتني والله
..مددي ارتاحي هساع اجيبلج عصير
راحت شهد واني مددت غمضت عيني بلكي تروح الدوخة

..سمعت صوت خفيف بس صوت مو طبيعي كمزت من مكاني اتلفت يمنه ويسرى ماكو شي استغفرت ربي
حسيت شي على ظهري مثل قطرات الماي الحارة تنزل على طووووووول ظهري وصووووت رجع مره ثانية

جمدت بمكاني اريد اكوم ماتجرأت كمت بسرعه ركضت لباب الغرفة افتح الباب ماينفتح مقفول تخبلت شقفل الباب بقيت ادك بالباب وحسيت شي وراي ماكدرت اندار عيطت بصووووت عالي افتحووووووووو الباااااااااب  كمت ادك بالباب مثل المجنونة
وماكدر التفت ورايه خايفه ... وارجف

...انفتح الباب  بسرعه ..
شهد وشيخ حامد وليث واميرة واكفة وراهم

كتلهم عجل الباب ليش من افتحو ماينفتح

بقيت ارجف يحاجيني شيخ حامد واني لساني انعكد

حامد...شكو بنتي شبيج  خيرج ..

..ماحجيت بس صرت مي عركت چثيييير

..ما مااا اعرف اكو شي جان هين

ليث —شنو ؟  تتخايلين يابه

..مااادري والله صوت

حامد..سمي بالله وامشي حدري  جوه

..اي 
نزلت وياهم جوه ورحت غسلت

شصار ؟؟ شنو الصار وياي

بقيت جوه وشهد بدت تسوي العشا واميره دخلت المطبخ كااااااشخة ولا عبالك ابنها بالمستشفى اخذوه والتلفون بيدها كطته واجت يم شهد

..اسوي وياج عشى

شهد-لا حبيبه تسلمين اني اسوي

..براحتج

..راحت اميره ولين شهد تسويلها امدااااج  اي والله

...شبيج شهد  شبيها وياج

..اووف  كحلاء من اجت لهساع ماشفنه راحه وهذا ابنها خطية شلون وكع وكعه حيت  على صراخه وهي بالربعه سمعت صوتو يبجي تكله قزرقط

... ياااااا صخام  هو طفل  شلون ينطيها گلبها

..اي شعبالج غير ملتهيه بهذا اللي بالتلفون

...لطمت على وجهي يا يا يا شهد اسكتي عزززه معلينه احنه اسكتي فدوه  حرام ماعلينه

...اي والله اذا يدري عمي سلطان يكلب  الدنيا

..لاااا فدوه لاتكليلة اسكتي عفيه

والله ذابحتنه ابهذل الي يريدها وبنور ...

صدك هاي نور وينها ...

جتي اليوم عليها عالباب .. مدري شجابت الها بعلاگة وراحت ..

اووو شكد مكروها نور هم زين ماشفتها

كعدت يم شهد وهي تسوي بالعشى .. انتطرت وعيني عالباب

ويييييين يلا اجوي  صارت عشرة  الا ربع  يلا رجعو وسلطان شايل فهد بحضنو وهذا الطفل بس يبجي

.. كمت الحيلي تلكيته اردان سلطان كلها دم كتلو ها الله يساعدك شلونو فهودي

..الحمدلله خيطوه بلكي هساع ينام ضربتو ابره

..الحمدلله جيبه انومه

بس ديربالج الجرح ..

لا اعرف انطيني اخذتو من سلطان ورحت بالغرفة خليتو بحضني وبقيت اهزلو ونطيتو التلفون دخلت عاليوتيوب شغلتله طيور الجنة
ادحك علية .. يباوع ومنعس وجهه شاحب  بقت عيونو تغمض وتفتح اخيييييير شي نام حطيتو على فراشي على كييييف وكمت طلعت صعدت فوك اريد اسبح عاد

..بالممر الفوك سمعت صوت اميرة تحجي مشيت دحكت من بعيد
مدري شنو  تكله  بس  فهمت كلمتين تكله رجعني لخاطر فهد 

سلطان-هو انتي اهتمام مامهتمه بي وتجين تكليلي لخطار فهد  البينا انتهى من سنين ... والراح مايرجع بعد مشيت اني وجسمي كله يرجف من سمعته ماعرف شصار بيه حسيها راح ترجع تاخذ سلطان مني .. 

هي شافتني وكامت جان تكول لسلطان

‏..‎عجل اني ابن عمي محمود يريدني كاتل نفسو عليه

سلطان-اي بالمبارك الله يوفقج

مشه عنها سلطان راح للغرفة  عفتها ورحت امشي وراه وهي عيونها عليه تريد تاكلني
..
كتلو الغراض هساع انزلهن جوه شهد جابتهن هين احاجيه واني اباب الغرفه واكفة ماكدرت افوت الغرفة ابدددد عبالك شي مانعني

..فوتي شبيج  تره مااراح اكلج يابه

..لا اروح اسبح عفيه صيح شهد تنزل الغراض

..وليش ماتفوتين ؟؟  تعاي بنيتي الحلوه

..لا بس اسبح 

..يلا كملي وتعالي نسولف علمود الزواج

... لفت راسي اريد اروح سمعته جاب طاري الزواج اللتفت وكتله لااااااااااااااا يازواج
عطت بصوت مااعرف شصارلي حسيت على نفسي
كتله اسفه مو قصدي

..شبيج كحلاء ؟؟ شنو يازواج ؟؟ زواجنه شعندي منتظر ماتكليلي
جرني سلطان دخلني للغرفة وحسيت ناااااار الدنيا كلها بالغرفة صارت جهنم متت اريد بس اطلع  تقرب مني وخله ايده على خصري

اني عيني عالسكف ماعرف شبيه بدون ماانتبه دفعت سلطان وطلعت ركضت للحمام وقفلت الباب بسرعة

تنهدت وسلطان يدك بالباب

..يولي شجرالج فكي الباب شبيج

..مااابيه عوفني

...افتحي الباب  والله ماسويلج شي شنو تخافين مني

...كلتلك رووووووح  الله يخليك

...ماشي ماشي بعيني  حسيته ضاج ..

...راح سلطان بقيت واكفه شوي كطيت ملابسي وفتحت الماي طبيت جوه الماي حسيت جسمي ارتخه وارتاحيت

لبست ملابسي ولفيت شعري وطلعت من الحمام حسيت احساس تمنيت لو احضن سلطان كللللش رحت للغرفة دكيت الباب صاح ادخل  فتحت الباب واني بشعري المنشفه لافتها ... دحكت سلطان بس بالفانيله والبجامه ... رجعت طلعت وطبكت الباب اريد ارجع استحيت ..

جان يفتح الباب بسرعه كضبني من ايدي ..

رفعت راسي وعيني بعينه ...

همس شبيج .. اني ازلمتج ... وانت حلالي ...

كتلو الللبس هسه ...

ابتسم كال تعاي .. جرني كعدني عالجربايه ... طلع تيشيرت اسود لبسه ..

وكف كبال المرايه كام يمشط وعينه عليه ..
...

.. اني عيني عالغرفة استغرب اسمعت بيها صوت مثل قبل شويه والمغرب  معقول اتخايل اني
..
جة يمشي ثنه رجليه وكعد كبالي واني عالجربايه ..

شبيج اليوم ؟ جنتي هين  بغرفتي من رحت اجيب فهد ؟.

..هزيت راسي اي

..اي وشصار ؟

..ماصار

‏..‎عجل شهد كالت صحتي صوت وتبجين

..اي سمعت صوت بالغرفة وخفت

..لاتخافين ماكو شي  شنو ردتي تكولين

—مااعرف بس يعني من تروح من يمي اشتاقلك چثير

اي وبعدين يحاجيني وايده على حنجي ومبتسم

تقرب مني سلطان وحضني قووووي  كال اني يمج وعندج
وكلي الج ... يحاجيني واني شبون واحد مخنوگ انفجرت بالبچي

— حس عليه دابجي وخر مني ورفع راسي شبيج حبيبي  صاير شي ؟

..لا

..عجل شبيج ابويه انتي احجيلي مسويه شي بدون قصد وخايفة مني ؟

..لا والله بس حاسه حالي تعبانة

..زين احجيلي لاتخافين من شي

..ماكو شي والله بس هين اهجس الغرفة تخنك والبيت احسو اظلم

..مامرتاحة هين ؟

..هزيت راسي لا

..زين تحملي هل ايام ونطلع من البيت وعد

..هزيت راسي اي

..تنامين ؟؟

..اي راح اروح انام 

..ماشي اذا ردتي شي خابريني  وماريد عالدموع بعد ...

..باسني من. خدي  وحضني  كتلو اريد اروح

عفته وطلعت  طبيت  للغرفة كعدت صفنه توديني وصفنه تجيبني
كبالي عل الملايه بكرات .. جريت خيط شديته بالمرايه
كعدت حفيت شواربي ... جربت المنگاش عدلت شوي بحواجبي
شوي وعفتهم مالي واهس كطيت الي بيدي

ووكمت كطيت نفسي عالفراش  حتى شعري مامشطته ... تمددت وتذكرت الصوت ياربي كمت اتخايل .. تعوذت الشيطان ونمت وماكعدت للصبح على صوت الهوسه

كمت خليت شال على راسي ورحت غسلت وطلعت 
تلكتني شهد كالت جة ضرغام وسراب جابو امج

كتلها صدددددك ... حدرت اركض   طبيت للهول
الكل كاعدين ملتمين واني فاقده ولا جن نايمه. دنجت على امي بوستها حضنتها...

سلطان صحو النوم يابه

رفعت راسي لين سلطان ورايه لابس دشداشع بيضه والساعه سوده طالعه كلش حلوه عليه كتلو والله مادري بنفسي نمت هالكد

نوم العافيه ...

جت ساره كومتها وساعدتها دنوديها للغرفة مشينها كوه وصلناهه ويانه  بالت  نومناها عالسرير وغطيناها كالت عدها علاج

شربتها العلاج وخليتها ترتاح هي وبابا
طلعت للمطبخ سلطان كاعد يشرب چاي  ركضت اميره  حطتله ماعون كيك اكل منه  شوي وكام

...كحلاء يلا نروح للقلعة اني هم اريدجم  شغله

..هساع ؟

..اي يلا غيري ملابسج

..ماشي

رحت للغرفه دابدل لكيت سراب مخبوصه بالتلفون

كتلة راح اطلع للسوگ

سراب—بس فارجيني  اريد انام

كتله ماعرفت تريدين تنامين لو تخابرين ... جنت مستعجله

..رحت بدلت ولبست شال وكملت وطلعتله لكيت اميره لابسه ومبدلة وكالت لشهد خلي فهد يمج حبابه

سلطان—يلا كحلاء تأخرنه يحاجيني ويخابر  جة ضرغام شملو فرحان مدري اشاور سلطان  اني .. طلعت اركض 
اميره ادحك عليه ... مشيت كلت ياربي شكلي ماراح ارتاح
وهاي هيج مراقبتنا ..
مشينا وعفناها صعدت بالسياره سلطان الطريق كله مخبوص ويخابر  صفنت شبي ضرغام ومنو الخابر سلطان

وصلنه القلعة ونزلنه للسوك رحنه على محلات النسائية اخذت دشاديش وكم شغلة وسلطان اخذ ملابس رجاليه بس مو قياسو ابد
اخذ دشاديش وتراكسودات وقمصان وعطور شكدددد

...هاي لمنو ؟؟

...لصديق

..هااا

..خلصنه من المحلات كال نروح على الذهب

..لا غير اجيب وياي البنات

..دمشيييي شلج بيهن

لا همه يختارون ويايه

اووو شغلتجن طويله امشي يايابه ...

جرني عثرت ... واني امشي

كضبني من خصري كال لا تكعين كحيلتي  يبعد العمر  

ابتسمت كتلو لا مااكع وانت خيالي

هلا بهالحجي الزين  امشي يبعد شيبي  جرني واني فرحااااانة
وايدي بأيديه...  ...

...كملنه منه وطلعنه صارت الساعه ب 1 وربع الظهر دحك سلطان للساعه مالتو كال انتظر تلفون اذا اجاني هساع اخذج لمكان

..وين ؟؟

مفاجأة

...وكفنه يم ابو كنافه اخذلنه سلطان طعمها فضييييع يجنن اكلنه وشربنه عصاير ودك تلفوني بيدي العصير عفته ماكدرت ارد وهو بالجنطة
..
جاوبي شوفي منو

..سراب هاي بس تريد تزعجني

..دك تلفون سلطان هم رقم

..الوو
سلطان دحكت عليه انخبص رجع العصير خلاه عالميز متت خوف كلت امي صار بيها شي

.سلطان—جايك اقل ساعه اني يمك يول الف هلاااااااااا

..شكووووو سلطان طلع دفع الحساب كال

...امشي يولي اركضي للسياره

..بس فهمني وين رايحين

مارد عليه رحنه للسياره مشينه سرييييييييع حطينه الغراض ليورا وصعدنه وشخط السيارة سلطان وخابر على ضرغام
...الحكني انت وليث ومحمد والولد لسيطرة اربيل اريدكم جدامي

...شكو سلطان ليش لسيطرة اربيل زين رجعني للبيت اول

...ضحك هو بصوت عالي والفرحة مرسومه على وجهه لازم نسيتي خالج ادهام يولي ؟؟؟؟؟؟؟؟؟

يتبع ...

يتبع...