الثاني والثلاثون
#خيال #الكحيلة
#بقلمي_نشوى_السلطان
بس فهمني وين رايحين
مارد عليه رحنه للسياره مشينه سرييييييييع حطينه الغراض ليورا وصعدنه وشخط السيارة سلطان وخابر على ضرغام كلهم
...الحكني انت وليث ومحمد والولد لسيطرة اربيل اريدكم جدامي
...شكو سلطان ليش لسيطرة اربيل زين رجعني للبيت اول
...ضحك هو بصوت عالي والفرحة مرسومه على وجهه لازم نسيتي خالج ادهام يولي ؟؟؟؟
صديت عليه .. كضبت بيدي ايده ... كتله سلطاااان شتقصددد
عفيه لا تلعب بأعصابي
يسوق هو واني عينه عليه ... التلفون بيده
خلاه بصفه وابتسملي ...
ادهام رجع ... شبيدي سويت وماقصرت ورجعته
لاااااااا عليك الله والله ....! سلطان جسمي كله يرجف والله
اي والله وهسه هو ويا السايق مصطفى وصلو سيطرة اربيل
سلطااااان يعني خالي اليوووم اشوفه يعني عاااااايش ... زين وساره وامي .... سلطااااااااان راح اموت من الفرحة ...
لا ماصدك والله ..... يمة خاااالي رجع ...
دومها الفرحة يبعد شبيي ... اكفي الولد ديتصلون
شال التلفون جاوب اني بسرعه طلعت الجنطة فتحتها اريد اخابر امي ...
كضب ايدي وهو يخابر اشرلي اكفي ...
اويلي شلون اكف والله مابيه بعد اتحمل ...
حجة وياهم بسرعه وسده ..
كتلو اريد ابشررررهم حباب ...
اكفي يايابه بس انطينه مجال ناخذه ونروح ...
لاااا حباب يعني خالي عايش والله ماصدك ... اووووف
يمة تذكررت عرسه تذكرت ساره ودموعه ... گزبر جسمي
ماتحملت بجيت كتلو مشتاگتله والله ،...
جر راسي عليه وهو يسوق كال لا تبجين الحمدلله عايش
رفعت راسي عليه كتلو الف الف الحمدلله
مسح دموعي بيده وكال ...
هالفرحة هاي عندي تسوى جثيررررر
شكد ماانتي فرحانه اني فرحان اكثر ...
تلفونه مابطل تلاكينه عالطريق سياره ضرغام ومحمد
وبالسياره الثانيه دحكت ذياب وليث
كتلو سلطان يعنني ذياااب يدري بخالي
\ لا هسه سمع الولد جابوه .. وياهم ..
وصلنا السيطره ... طبكنا السيارات ... كلهم نزلو ...
اريد انزل صاح سلطان
وين يابه اكفي ....
اريد اشوووف خالووو
يبعد خوالي كلهم ... لاحگه تشوفي .. بس اكفي اكعدي بالسياره
زيييين ليش خل اشوووفه
اششششش وين جايه بنص الزلم هساع يجي بس صبرج ...
بقيت كاعده بالسياره وادحك عليهم نزلو يمشون كلهم .. راحو عن السياره تقريبا 20 متر .. اني كاعده وافرك بديه .. متوتره
گلبي يدگ ... عيني عالسيارات ... اريد اعرف بيا سياره
خالي ... سلطان واكف بعيد .. يأشر بيده ويخابر ..
يمكن دينطيهم إشاره ... دحكت يمنة يسرة ماكو ...
ذياب واكف بسد ضرغام مدري شيحجي ويخابر ...
بس لا كال الابويه خرب ... اني اريد ابشرهم ...
شوي وجا سياره جمسي بيضه .. طبكت بسد سلطان ..
اي يااااااالله يمكن هو ...
دحكت انفتح الباب ... والكل راحو يركضون ...
نزل خالي .....
هو مووو ... لا خرب منو هذا ... رجال غريب عبالي هو
شوي ونزل الاخ ... ركزت زين ... يارب يمكن هو اي هو
يمةةةةةةة گلبي ... هذا خالي اي ... لابس دشداشه بيضه
فتحت الباب دحكت الكل حاضني ويبوسون بي ....
ماتحملت بجييييت ودموعي ترست وجهي ... اريد امشي
اركض عليه ماكدر عبالك تسجنت ... اديه الاثنين على وجهي
وعيوني تصب .. ادحك حاضن سلطان ... يمة بعد عمري
وينج يساره ... مدي بحزتها اكمز اهلهل اصرخ من فرحتي
اهجس الكاع كلها ماعاد تلمني ...
دحك عليه سلطان كال تعاي تعاي ...
ركضت بسرعه اركض وابجي تلكاني هو وفاتح اديه ...
فتحت اديه الاثنين واخذته بحضني ...
ابجي مخنوكة خنك مابيه حتى احجي هو حاضني قوي ويمسح على ظهري ... وخرت منه ومسحت دموعي ... اريد احجي
جان يكولي ..
ساره وينها ..؟ يدحك يمنه ويسره التفت وراه
كتلو ساره موجوده تنتظررررك ... شلونك خاالو الحمدلله عالسلامة
الله يسلمج اشلونكم سولفيلي امج ابوج شلونهم ...
الحمدلله بخيرررر ناقصنه بس شوفتك
جة ذياب وكف بسده كالو والله بالنه عندك شلونك اخوي
سلطان دحك عليه ذياب واكف بسدي ... جرني بقوه من ايدي سحبني عليه .. رفعت راسي عليه حجيت بصوت ناصب كتلو شبيك
_ تعاي هين اكفي بسدي .... سكتت عرفته لان شاف ذياب
بسدي واكف ...
ادهام ... عجل وينهم شو ماكو احد ...
سلطان محد يدري جيت تلكيتك اني ولولد ...
ضرغام ... توكلوا هل نمشي مدام ختمتو من السيطرة
كحلاء ... مشينه ادحك خالي شلون تعبااااان لحتو عاليه
شعره عالي ومليان شييييب ...
سلطان صاح عليه كال اصعدي بالسياره هسه جايج
الولد كلهم صعدو بسياراتهم ..
خالي وسلطان راحو على السايق وكفو يمه سلمو عليه ورجعو
برجعتهم انتبهت ايد خالي مضمده ... شبي مجروووح ..،
ياربي شكد ضعفان صافي نص .. دحكت بصف سيارتنه مركونه
سيارة ضرغام ... وذياب صاعد بسده ...
صافن عليه ... صديت بسرعه ... جوي سلطان وخالي صعدو
شغلنا السيارات ومشينه ....
ليث بسدنه كل شوي يصير معلي المسجل ويطك اصبعتين ...
سلطان ملتهي يحجي هو وخالي عن الدواعش وشلون اخذوا
اني مابالي شي غير اشوف فرحة امي وساره
كل شوي امد راسي ادحك على خالي ياربي شلون صاير
حسبي الله عليهم ...
وصلنا منطقه بختياري ...
سلطان شال التلفون كام يخابر...
كتلو سلطان عليمن خابرت ...!
_ اريد اكول الابوج جايين احنه
هااا وتكله خالي ويانه ...!
ابوج يدري يابه انطيته خبر ...
هاااا عجل واني ماتكولي مووو
هههههه يولي هسه التريدي شنو يجرالج
اني افوت وابشرهم ....
سهلة هاي ...
ادهام .... اويلي شكد مشتاكلكم كلكم .. بقى بالي عد ساره
ليلى شلونها ...
زينييين الحمدلله كلنا ننتظر شوفتك
سلطان ... دحك ضرغام شلون طاير بالسياره ورانه ...
كحلاء.. انداريت اريد اشوف وينهم. صاح عليه
وييييين تباوعين .. راسج يولو
_ انداريت بسرعه دحكت وصلنه كبال البيت .. طبكت السيارت
اني فتحت الباب وحدرت بسرعه ...
طبيت اركض ... تلكاني ابويه وشيخ حامد وام ضرغام بالطرمة ... ... عفت الكل طبيت على امي وساره
اريد ابشرهم ...
فتحت باب الهول ... لين اميره كبالي .. ردت انلطخ بيها ...
عبرت من يمها ... جان تصيح ... شبيج ماتشوووفين
مارديت عليها ... طبيت اركض .. وصلت للممر صحت وييييينكم
سراب عالد رج حدرت .. طبيت للمطبخ ... لكيت ساره دتلف بالدولمة هي وشهد ... كتلها سارررررره
رفعت راسها عليه ... كالت هاااا شبيج اكو خبر عن ادهام يولي
كامت الحيلها ... ولين باب المطبخ ينفتح طب خالي وراه سلطان
جان يصيح خالي ... يولو هيانه ادهام .. رجعت القدر
رجعني الج من جديد ....
بحزتها حتى جسمي كزبر ... هي دتشتغل واديها كلها معجون ..
نفضتها وصاحت .... هلاااااااا هلااااااا يبعد طولي هلااااا
وج كحلاءءءء صاحت هيج وحضنته بقوووة
سلطان من شافهم عافهم وطلع ...
خالي كام يبوس بيها من كل مكان حتى من عيونها
وهي تحضن بيه وتبوس وتبجي ... وتصيح الحمدلله ربي
دعيت الله وستجاااااب ربي الف الحمدلله ...
بهالاثناء جت امي كايدتها ام محمد وسراب باب المطبخ
امي كاضبه عمليتها. وكوه واكفه ... صاحت خووووويه ادهام
رحت فدوه الطولك بعد اخيتك ...
ركض عليها خالي حضنها وباس راسها ... فاتح اديه
وحاضنها وحاضن ساره ... الكل من الفرحة يبجون ...
ياربي عيوني صارت دم من البجي
سراب جت ركض على خالي حضنتو من ظهرو وتبوس بي جرها خالي جوه ايدو يبوس براسها وراح على امي كاضبتة من ايدع وتبجي مثل ابن وامه /
وامي فرفحت من البچي لازمة عمليتها وتبجي وسارة مچلبه بي مثل الطفلة ولازمه ايدووو قووووي
وليلى فرحانه على فرح امها ...
اشتغلت هلاهل الحجيه ام ضرغام ووراها ام محمد حرمت شيخ حامد وسراب واني البيت صارت بي فرحه
كعدت الحجيه ام ضرغام بالربعة وصاحت علينه
..تعالن هيييييييين ولجن
كامت تغني( اليوم فرحتج يسويره فرحت كل العشيرة ) واحنه نصفك ونغني وياها لين سارة تجي من باب الربعه هي وخالي وتدبج وتهلهل ودموعها تصب وامي خطية نسيناها كالت سراب يوللللن امي ..
..رحت عليها ساعدتها خليتها بفراشها وهي تريد تكوم على خالي
.. كتلها يمه هساع اصيحو هين بس ارتاحي
..يولي وينووو خلي يجي يمي خل اشبع من شوفته ... والله مامصدكة جة وشافته عيني
..هسه يمه بس اصبري
...طلعت ليبره الكل ماتملن وفرحانين ،.. سلطان واكف مبتسم ويفر بسبحته ...
دحكتله من بعيد ...
ابتسملي واشرلي فوتي ... يمة شلون فرحة اليوم ...
..
طبيت الهول كلها ملتمه بي رجعت ادور سارة مشيت بسرعه طخيت اميره بجتفي مادري جان تزكح بيه بصوت عالي
..ثول ماتشوفين فوك الهوسه انتي
..اسفه ماانتبهت تره
..مره ثانيه انتبهي افتهمتي لو لا
اتجاهلتهت ماردت اغث نفسي واني فرحانه
عفتها ومشيت رحت للمطبخ البنات يحظرن بالطبخ
ساره تصب عصاير وخالي لازمها من ظهرها ومدنج يشاورها
...بقيت صافنه على منظرهم شكثر يخبلون وخالي شعرو كلو شيب ضعفان وتعبان تقربت يمو
..خالي شتاگيتلك يبعد هلي
..موو بكثري يولي
سحبني باسني من كصتي ...
..شلونج كحلاء سولفيلي شصار وياج يولي ليش ماقابله تتزوجين
..عجل اتزوج وانت ماكو منك خبر شلون افرح
..عجل هساع طلعت يلا فضوها وتزوجو خلونه نفرح
سارة—اي والله يولي عاب گلبي على سلطان فضوها وسوو عرس
وسلطان دخل علينه
-اي اييييييييي فهموها ام راس يابس اني اسبوع الجاي اعرس ترضين ماترضين بكيفج
-اي عاد مو هيج
..هيج ونص ...😉
ضحكنه كلنا وفهد اجه يركض شالو سلطان ببوس بي وجان اميره تصيح عليه تعاااال هين
..طبت علينه اخذت ابنها وطلعت
ادهام-منو هاي ؟؟
سارة-ام فهد
..خالي مثل اللي ماعجبتو حجاية سارة بس سكت واعرفو مايصرفلو هيج بس سكت
طلع هو وسلطان بره وساره كالت:
..ضاج ادهام
..ليش ؟؟
اعرفو ضاج من شاف اميره
..لا شلو علاقه بيها
..مو منها شخصياً لا من وجودها هساع يحجي بالموضوع علمودج يعني لأن سلطان نطاه كلمة هو مطلكها وماتنجمع وياه
..فهمي انتي عجل الوضع
..يصير خير
يلا يولي خلي بس نخلص الهوسه ومن الصبح نروح للصالون اني وياج
سراب—بس حفن الشوارب راح يهجون منجن زلمجن
..وصگع حفيت لنفسي تره
..واذااااا صبغي كصي شعرج صخمي ماتشوفين هالمصخمه كل يوم لون
..ياااااااا عيب يولي
ساره-صادكه هههههه
..اهووووو صوجي اگف وياجن الا اروح باجر وحدي
..صار الليل والعشى صار طبخ ثگيل
سلطان كال بال9 العشا ينصب واحنه نتراكض بالمطبخ
المطبخ چبير وارتاحينه بالطبخ وبدينه نصب العشا اني واكفه احضر ويه منال سمعت ذياب فات للمطبخ حاولت اطلع لا يجي سلطان وتصير مشكلة ردت اطلع والبنات ملتهيات بالتحضير ذياب صار بصفي
صديت غادي اريد امشي مشه جدامي سوالي حركة اشاره مافهمت شنو قصدة واشرلي اشرتله بيدي شكووو ؟؟
درت وجهي اطلع من باب المطبخ لين اميره بوجهي عفتها ومشيت طبيت الهول الدخلي كلو نسوان
وساره خطية تخدم بيهن شفتها تعبانه رحت اساعدها شلت صينيه بيها مي حسيت احد جر رجلي من الكاعدين ووكعت وانلوت رجلي طااااارت روحي متت عطت بصوت نسيت نفسي //
ركضت عليه سارة
عين ماصلت على النبي كومي حبيبتي
..لزمت ايد سارة كمت دست على رجلي وجان اعيط متت الوجع دمااااااااار
..يولن مناااااال سرااااب تعالن هين
..سارة الوججججع عفيه كعديني
سراب..صخااااام شبيج
..ماادريييييي وكعت
..النسوان بدن يتبسبن وحده منهن كالت عجل چنج عصفور شلون راح تشيلين مسؤولية شيخ سلطان وعزايمة وخطارة ؟؟
كلتلها-شدخل وكعتي بهالشي حادث وصار خاله شبيه حالي حال النسوان
..يا يااااا على كيفج تره ماكلت شي
سارة-حجيه كولي يا الله
اخذتني سارة وسراب سحبوني للغرفة وكعدوني عالسرير
سارة-شجاج شلون وكعتي
..ماادري بس حسيت احد جر رجلي
..ماشفتي منو ؟؟
..لا
اندك الباب
ركضت ساره فتحته فتح لين سلطان ... كالتله فوت
طب كال خيرررر شجاج ماتكليلي ..!
مادري وكعت
؟ شلون وكعتي شو اشووف
..شتشوف هو القدم
ساره ههههه تستحي اطلع رجليها
صددعليها وكال ماعليج منها دنگ عليه
.. شو اشوف ارفعي رجلج
رفعت رجلي شفتها عگدت لزمها سلطان جان اعيط
..اااااااخ توجعني عليك الله عوفها
وخرر ايديه .. رجع كضبها كال شبيج لا تخافين
..كومي البسي شي اخذج هاي انفسخت
..لالالالا مااروح يمممه هي تصير زينة
..كومي يا ابويه لاتعاندين يلا ساره جهزيها كملن واتصلب عليه ادخل السياره جوه
..طلع سلطان وساره طلعتلي عبايه وشال
كالت يلا كومي
..يبوووووو هساع الدكتور يحير شيسوي بيها يربي
..فاتت منال علينه تنهت
..كحلاء تلفونج وين حبابه ماعندي رصيد
..عالميز ذاك
..اخذته كالت بس فتحي الرمز
فتحته واخذته اني من وجع رحلي نسيت حتى تلفوني
..كملت وساره دكينه لسلطان دقايق واجانه ليث كال امشي يلا وشهد تروح وياج
..لزمتني شهد وطلعنه للطرمه كووووووه ادوس عليها متت وجع
صعدت بالسياره وشهد وصعد سلطان طلعنه وبوجهنا للمستشفى
الطريق كله يلوم بيه غير تنتبهين غير تديرين بالج ووووو
شهد..مو صوجها عمي صوج الحجيه ام رشاد هي جرتها من رجلها
—شنو ؟؟ شجاب ام رشاد هين
شهد..اجت جابت غراض لأم فهد قبل ما توصلون من السيطرة بساعه هي هين وبقت هين من طلع عمو ادهام
..شفتيها بعينج ؟؟
..اي عمي شفتها كحلاء دتصب ماي للنسوان وهي وره كحلاء صارت وعتتها من رجلها
...يصير خير خل ارجع
كحلاء..منو ام رشاد ؟؟
..ام زوجة اخوها لاميره يعني اخو اميره اهل زوجتو هين باربيل ساكنين من زمان قبل داعش بسنين
عجل متقصده تجرني .. والله خوش حزب مسويات عليه
.. عوفيهن ارجع ويصير خير
..والله ماتصور تسويلهم شي ماعرف ليش ساكت لوجود اميره اصلا
..عجل شكول اضرب حرمه ؟؟ عوفيني اني اتصرف
..سكتت درت وجهي للجامة وظليت ساكته وصلنه المستشفى مكتوب مستشفى ميديا
..شكو هين جان رحنه للطوارئ
..بيها طوارئ انزلي
..فتحت الباب ونزلت شهد ساعدتني وسلطان لزمني من الجهة الثانيه علما دخلنه المستشفى تلكانه ممرض كلو سلطان قسم الكسور
..طابق ثاني اخر الممر
..رحنه للمصعد وصعدنه ورحنه كص وصل سلطان فتنه للطبيب يمو طفل مكسور كملوه ووراه اني والوجع زاد ورجلي صارت زركة
..ها سلامات
..الله يسلمك دكتور زوجتي وكعت ورجلها هيج صارت
..كام الدكتور شاف رجلي كتبلي اشعه .. ://
جة ممرض خلالي الكرسي ودوني للاشعه صعدت على سرير الاشعه
شهد بسدي ادحك للمرض جان كلش وسيم وحلو ...
كالت منين هذا الحلو اليوم الغيره تشتعل الف
كتله اسكتي لا يسمعج سلطان
سلطان شاف الممرض دسوي بالجهاز دحك عليه ورد صد عليه ... كاعد عالكرسي ويطك ببالمز بالسويج
رفعت العبايه عن رجلي حتى ياخذ الأشعه
جان يكون الحيله وسلطان ونزلها .. كال تغطي شبيج
..كتلو ياااا ابتسمت واني متوجعه عرفتك ينغار
كال اي نسيتي الوجع مووو!
رفعلي حاجبو ونزل العبايه
اخذلي الاشعه كال امشو ورايه ...گلدني سطان وطلعنب الاخر الممر .. في سبيل ماابقى يم الدكتور لان شافه حيل حلو اني مبتسمه
لان شفته ضايج والغيره واضحة عليه ...
اشرتلو ها شبيك ...
ماردلي ... سكت كتلو سلطااااان الممرض كردي لو عربي
رفع حاجو عليه وكال تره حلوو ..!
ماتحملت بوجهه ضحكت ...
_ خل ارجع البيت ... اعلمج يولي ... طالعه عينج
شفته ضاج ماعرف شون كام يحاجيني كتلو والله العظيم اشاقه
وداضحك وياك شبيك ... والله مايحله زلمة بعيني غيرك
اي عجل كافي سدددددي سالفتج ...
سكتت واني كوه كاتمة الضحكة .. شهد يمي تضحك كالت حتى
هو انتبه عليه حلو ... شوفي شلون يفتر واديه ورا ظهره يريدنا بس نطلع ههههههههه يمة الغيره
بقينه كاعدين صح اتألم بس تحملت
وره شويه طلعت ورجعنه للطبيب شافها كال شي بسيط هسه نسويها ونلفها ولا تسوين عليها وسويها بمي حار صبح وليل ودهنيها اكتبلج مرهم اسبوع تصير زينه
..
شتسويلها دكتور مابيه شي بس انطيني مرهم
سلطان..اشتغل دكتور عوفها
..لزم رجلي الدكتور واني بديت ارجف اروح منا واجي منا
.. صاح يولي اركحي
..ماااااا بيه شي سلطان هي بس رض
...لزم ايديه وشهد لزمتني والدكتور طك رجلي يبوووووووووووواول ماعطت سلطان خله ايده على حلكي
كال فضحتيييينه يولي
ماتحملت عضيت سلطان بيدو وهو يضحك عليه كتلو هسه عاد حس بالوجع
كتبلي الدكتور علاج ولفها وطلعوني للسياره واني بس ابجي من كل عقلي دموعي تصب
.. يولي جاهله انتي تبجين
..اي من يصير الوجع بيك عود كول جاهله
..ياااايااابه ريتو الوجع بيه
دحكتلو هيج😒😒😒
مشينه ورجعنه للبيت وصلنه والحرس فتحو الباب
نزل سلطان وكال لشهد فوتي وة نزلني كادني فوتني من المطبخ والحبايب بالمطبخ تلكوني كلها كالت
...سلااااااماااات كحلاء
..الله يسلمكم
سلطان-منو ظل من النسوان ؟
..بس بيت الحجي ابو انمار راحو الباقين هين
كعدني سلطان عالكرسي ودخل للهول
..وين راح ؟؟
ساره- تعاي كومي .. كادتني
كمت مشيت شوي شوي وكفت يم الهول اني وساره
النسوان دحكن علينه واندار سلطان عليه
سلطان-تعالي اكعدي هين
..رحت كعدت
سلطان—كلكم مثل امي وكلكم اهلي وعلى راسي اشيلكم بعيوني ان ماشالكم البيت بسسس يم حرمتي (يأشر عليه) هي صاحبة البيت اللي مايحترمها مايحترمني واللي مايقدرها مايقدرني واللي يدوسلنا على طرف يهيني
صغيره طفلة ماتفهم اني راضي
ردن عليه...حشاك يمه الله يسعدكم
سلطان—مووو يم ام رشاد ؟؟
..اي يابه صادك الله يجعلكم ...
... زين عجل من رخصتكم
طلع سلطان والكل ساكت هدوووء ام رشاد ادحك عليه تريد تاكلني جت سراب كالت كحوله امي تريدج
كمت وياها واميره تدحك علينه مشيت كوه
طبيت للغرفه لين خالي يمها مخلي ليلى بحصنه
شبيج كحلاء شجرالج يايابه ...
مادري خالو انلوت رجلي ...
وهسه شلونها شو حدري هين خل اشوفها
لا الحمدلله احسن هسه ...
داحجي طبت شهد كالت كحلاء مبايلج رقم يتصل
كتلها منو ...
كمت الحيلي كتلهم رايحة اتمدد شويه ...
طلعت امشي اخذت التلفون .. صفنت منو هذا الرقم ...
جاوبت الووو..!
الو كحلاء ...
نعم منوو الوو ...
شبيج اني ذياب اريد احجي وياج اطلعي على صفحة ...
..... يتبع
وجاءآ رجاءآ تجاوز ممنوع .. برلماني سياسي
عضو مجلس مايهمني هالشي اني اخذت القصه
وحبيت انقلها الكم يعني ليش كل شوي وكلتو سارق
اموال الشعب يعني مااكو احد غني بهالبلد غي
المسؤولين ...! الى البعض طبعا ... اتمنى
محد يتجاوز الله يحفظكم ... تحياتي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!