السابع عشر
#مساء المسك ..❤️
#خيال #الكحيلة
#بقلمي_نشوى_السلطان
سارة وجهها صار اصفر دحگت گلتلها شبيچ؟؟
..هااا لا بيت خالي اجوي اروح استقبلهم
—صفنت شبيها واذا اجوي ليش هيج ضاجت؟؟
لحظظظة اميرة مو طليقة سلطان ؟
—ساره لحظة بيت اهل اميره نفسهم طليقة سلطان ؟؟
..اي نفسهم بيت خالي تعالي اكعدي انتي يم سلطان وعوفي المطبخ روحي
صفنت كتلها يعني اروح عادي اكعد هناك!!
اي اي شبيج روحي يله
... مشيت خطوه وكفت اهجس نااااااااااار اشتعلت بگلبي بقيت جامدة بمكاني صديت عليها كلتلها واميرة وياهم ؟؟
-
اي اكيد هي وامها هين ول امشي لاتعوفين زلمتچ اكعدي يمو امشي
..هزيت راسي واهجس النار صعدت لراسي رحت لباب المطبخ تلكوني شباب اثنين لابسين دشاديش وغتره ماشاء الله عليهم دنجت منهم وعبرتهم ..
—ول لحظة انتي كحلاء ؟؟
..
صديت عليه هااا اي اني
—
هلا وغلا تو نور البيت هلا بحرمت عمي شلونج
..انت ليث مو ؟. محمد شفتو بيوم المهر من بعيد هههه هلا بيك تسلم
— بالمهلي رايحه للحديقة ؟
..
امم اي
—
دحگي خيتي من يجن نسوان وعمي سلطان هين عوفي البيدج وخليج يمو اخذيها نصيحه مني
.. صفنت عليه ياربي خوفوني بكلامكهم ساره وليث ياربي شنو هالشالفه الطلعتلي كتلو هو اي رايحة من رخصتك
حجاها الحجايه ليث وبقت ابالي وصلت للحديقة بس مادخلت بقيت ادحگ من بعيد سلطان شايل طفل يطلع عمرو بال3 سنوات ويمو زلمة چبير وبنيه ماكو غيرها اميرة اي هيه هاي ادحگ عليه يلاعبه
الحسرة البداخلي ماتنوصف شجابهم هساع ليش الا اليوم
احاجي روحي ... ولين محمد يجاوبني
—جايين يتحمدولو بالسلامة تسيارة حدري يم عمي
..
صديت دحكت لين محمد اخو ليث كتلو اسفه مو قصدي اللي سمعته مني بس يعني تفاجأت
—هذا حقج زلمتچ وتخافين عليه روحي خيتي
..
ابتسمت كتلو شبيكم انت واخوك تدفعوني تدفع ابتسم مارد عافني ومشه شايل بيده علاليگ
... صفنت لازم اعبر لازم اروح اخليها تشوفني بس شلون خاف ماتحملها خاف اتجاتل وياههه سحبت نفس وطلعت امشي وكفت وره سلطان وسلمت
..السلام عليكم سلمت واني اعدل بشالي سلطان صد عليه دحكلي بنظرة غريبة
—عليكم السلام هلا يابه حدري هين حياج
..
هلا بيك شيخ
كعدت يم امي دحگت لأمي وسراب عرفتهم درو هاي اميرة ووياها امي ادحكلي واني ساكته ماحجيت شي بس متوترة رانفتسي تتعالى
دحگت ابنها نزل من حضن سلطان
راح لحضنها وهي عينها عليه وساره تقدملهم ماي بس وجهها ثگيل على اميرة حسيت هيچ
صافنه اني على سلطان التلفون بيدو ماادري شيكتب اني اريد اثبت بمكاني ماكدر عيني عليها احاول اخفي نظراتي لكن ماكدر البية مايخليني
لشوي وصلني مسج فتحتو المسج من سلطان كاتبلي( شبيج ابوي انتي ؟؟ )
— رفعت راسي عليه ...هو بيديه السبحة يفرك بيها بديه حسيتة مخبوص .. دنجت راسي وكتبتله مابيه شي حبيبي
..
ردلي ... عجل ليش ضايجه
مارديت عفت التلفون وبقيت احوس واتأفف صاح شيخ حامد
..هااا اكحيلة ما ضيفتينا مو گتلج انتي المعزبة اليوم
—خجلت بأترباك حجيت كتلو الضيافه بعد الغدا راح يخلص هساع يكمل كمت كال
...عجل يلا كولي للبنوات يصبون الغدا هين للزلم وانتو تغدو جوا على راحتكم احسن
سلطان—لا ماكو غريب خلينا كلنا نتغدا سوه يحجي وعينه بعيني
جان خايف لا اني ازعل او يصير شي تعوذت الشيطان ومشيت
كوه لازمة اعصابي ...
مشيت خطوتين وسمعت حس المره ام اميرة
—
مااا عرفتونا بالجماعة
حامد—اهلنا مو غريبين ام علي
ام علي...هلا بيهم بس مانعرفهم
...هساع وره الغدا تعرفون عليهم هساع صار الغدا
كملت طريقي رحت لساره للمطبخ ودمي نااااار نار
... كتلها ام ليلى يكول سلطان نتغدا سوه وصبو الغدا
..يولي اهدي شجاج مخبوصة اتلفتين
..
اي اي اهدأ هسة
..يولي لاتبينين شي اصلا مايعرفون بسلطان خاطب والله هساع اكيد راح يدرون امشي
ماتصور مايدرون عينها عليه واني كاعده مستحيل مادرو
مادري يولي لا تشغلين بالج عوفيها وامشي
...
هزيت راسي ومشيت ساعدتهم للبنات بالغدا نطينا المواعين للولد ينقلوها للحديقة انفتح الباب طبت مره متوسطه العمر ..
شفت ساره تحاجيها تكللها هلا خاله تأخرتي ...
عسيتها كتلها منو هاي...!
حجت بصوت ناصي كالت ،.. هذي تجي كل 3 ايام تساعدنا بشغل البيت ... دحكت المره ذبت عباتها وكامت تصب ويانه
كملنا السفرة وكعدنا نتغدا وبقو يسولفون بالوضع وحادث سلطان علما خلص الغدا
سلطان اشرلي تعاي بسدي...
دحكت اريد اعبر ليمه بس ماكدرت دحكت ابوي والزلم كاعدين
ماكدرت ... كعدت بسد الحجية ام ضرغام...
اريد اكل ماكدر نفسي نسدت ... هي كاعده تسولف وتحجي
ولا كأن كاعدين زلم حسيتها مو سهلة اللسان هين صار بداخلي
خوف .. هذي جيتها مو طبيعيه وعدها جاهل منه ..
يارب ابعدها عن طريقي ... شلون بيه اني
اموووت والله اموت اذا رجعتله...
صاحت على ابنها يله حبيبي فهودي روح يم بابا اكعد
صاحت عليه ام ضرغام ... وين يروح يمه يوصخ دشداشة ابوه
جاهل يمه خلي يمج انتي طعمي...
حسيتها ضاجت من حجايه عمتي ... جرت ابنها كعدته يمها
سلطان التلفون مالته يدگ كل شويه يسوي صامت ...
اشرلي بيده اكلي ...
هزيت راسي ماكدر ..
هو يخزر بيه كل شويه واني الدنيا طالعه من عيني ... ....
البنات شالن السفره اني تعمدت مااكوم لان اميره بقت كاعده
تقربت هي من سلطان تحاجيه وسلطان عينو عليه
اني احاول اخفي الي بيه ماكدر ادحگ عليها شلون تباوعله
حسيتها اكلته بنظراتها ... ..
اريدو بس يكوم عنها ماكام طكت روحي وهو يحاجيها مدري شيتناقشون كمت كلت الحيلي .. رحت لابويه كتله بابا مانروح
..اي يابه هساع يلا تهيرن ...
حامد..ويييين يابه شعدكم ...
..
هم يلا والله ابو محمد
.. جت ام ضرغان كالت شكو شعدكم يابه كعدو ويه البنات اخذن راحتجن اليوم عيد ميلاد شهوده روحن تونسن جوا
..والله شويه عندي شغل اني بالبيت
..عجل خلي البنات وام كحلاء واخلي ضرغام يوصلهن مو بعيد الدرب
،..ها هي براحتهم اني اتوكل من رخصتكم
كام ابويه وخالي بس خالي حسيتو يريد يحاجي ساره خطية
...خالي مو ردت تغسل تعال ادليك
اخذتو ورحت سيااارة صحت ساره كتلها يريدج بالربعه
طلع ابويه برا ينتظر خالي ادهام ووكف يمو سلطان وشيخ حامد وولدو
عشر دقايق وجه خالي متلهف خطيه فرحان
سلمو علينا كال ابويه بس لاتبقون لليل كنالو اي
...ساره طلعت من الربعه كالت امشي تعالي
...كامت امي وسراب ودخلنا جوه واجن اميره وامها كعدنا بالهول الداخلي
...كل عام وانتي بخير شهوده ليش ماكلتوو
...
يمعوده هيج نغير جو مو اكثر
ضحكت وياها وسراب بالهااا مو يمنه ابدددد عسيتها شبيج
...وجع ماكو شي
صاحت الحجيه ام ضرغام
...
وللل وين كحلاااء تعالي هين عروستنا
..دحكت ساره كاتمة ضحكتها
..هاا حجيه اني هين حياج تعالي كمت عليها
كالت: روحي لزلمتج بالمطبخ صبيلو جاي
...هااااا اي حجيه رايحه
ام اميرة...زلمتها منو ؟؟
الحجيه...ابو فهد يايمة هاذي حرمتو كاطعين مهررر
شنووو دقيقه يعني من كالو سلطان خاطب طلعت السالفه مو جذب
اي يمه عليش جذب زلمة ويريد بتزوج عيييب خمو عيب
هي الحجيه كالت هيييييج واميره انفضت من مكانها كامت الحيلها
وتأشر بيدها عليه ... هي هااااي الياخذها سلطان
كل عقلكم تحجووووون واني شنو موقعي وابنه
مو حرام عليكم ... تحرمون جاهل من ابنةةة
وهاي شنو الزعطوطة جايبيها السلطان .... هيج زلمة
ياخذ هيج وحده تفر بيدها عود ماعاجبهاااا
اني اريد انطق ماكدر عبالك الساني انربط ...
سارة...اميره سلطان مايقبل بهالحجي هاي حياتك وهو حر بيها
....عجل كولي تريدن تزوجنو هو انتن هذا طبعجن هججتوني من بيتي وهساع تريدن تزوجووو
اندارتلي وكالت دحكي حبيبتي ابو فهد مرجعو الي هاي طربة عرس دحكي بيناتنا وليد واني بنت خالو يعني اهل كبل مانكون نسابه
اريد احجي ساره اشوتلي عوفيها ... بقيت واكفه وافرگ بديه
...
كالت يااااااصلاواااات عجل ها هي طابخيها ماتخافون الله
هين امي حجت
..
دحگي حبيبة الاحترام للبيت اللي احنا بي ما اسمحلج تتجاوزين عيب
..والله عيب يطلع منكم جايات لايفات على زلمة متزوج تاخذنو من حرمتو سوء فهم وصار طلاك مو معناه اعوفه البنتج ...
طماعات عالفلوس جااااياات واضح شنو مستواكم.
سارة...حدج لهييييين اميره واكضبي لسانج احترمي نفسج كحلاء حرمت سلطان والناس خوش ناس .. ماقبل هيج تحجين
علو حرمة اخوووية ....
واني منداره ولين صوت سلطان بأذاني صاح ...
بصوت يرجع البيت
سلطان.. يوووولي اميرة عليمن جاي تحييين هااااا
اميرة... منهو هالزعطوطة الجايبها ...! كل عقلك تحجي
اششششش ان ماكضبتي لسانج وحق اللي خلقج حتى شوفت فهد تحلمين بيها دايسه بيتي احترمي البيت اللي انتي بي
طلاك وطلكتج مايربطني بيج شي اياج تتجاوزين حدودج هين
ام اميره...على بختك ابو فهد فوك ماتصلح الامور تزيدون الطين بله
...يحفظج الله ام اميره ..بس حياتي محد الو حق يتدخل بيها والبنيه اللي جدامكم حرمتي غصبن عن الكل
ماكو شي. يرلطني بيج مووو عجل وفهدد هااا شالت ابنها
دحگ وليدك جبتلك وليد يسوة راااا...
ولاااااا كلام تجاوزتي حدودج جثير يابه السمعتي هو الي صار
وماريد حجاية زااايده ....
-لا يابوي مانحجي خلها خلها الايام تثبلك مني اميره ومني هالزعطوطة اخذت ابنها وطلعت ادردم وتحجي ويا نفسها
امها كامت وراهه .. وهي تحجي .. عود احنا اهل وكرابة
تالي هيج ينحجي بوجهنه...
اني بحزتها لابده وره ساره وكل اعضامي ترجف .. ادحك السلطان
عيونه تجدع غضب... طلع جكارتو وكام يدخن ...
طلعت اميره بره البيت واحنا واكفين لشوي واجه ابوها صارت هوسه هو وسلطان وشيخ حامد
سارة وحرمت شيخ حامد صعدتنه اني وامي وسراب فوك وبقو جوا يتصايحون وكفت بسد المحجل اني والبنات نسمع صياحهم بحزتها اني الخوف اخذ من حيلي حيل شلون يربي شراح يصير شراح ايحلها اسمع سلطان يكول لخالو اللي عندي حجيته وسمعتو ماتصور اني غلطان بشي ولا اي بشر الو حق يتدخل بحياتي
اني وبنتكم مانتوالم من قديم ... فماكو داعي هالهوسة والحجي
احنا هين مو جهال طلگ رجع .. الراح مايرجع بعدددددددً
كالت ام محمد حرمت حامد ماعليكم خلوهم يدرون هسه احسن والله اعرف جيتها مو لله
شوفتو المر للزلمه وهساع صار عزيز والله حيل بيهم شيسوي بيهم
شايفه روحها بنت بغداد وحاسبتنه احنا اللي مو مثقفات عشتوو
الحجيه ام ضرغام ظلت جوا يمهم هي وضرغام وولد حامد بقت الهوسه نص ساعه تالي طلعو من البيت اخذهم ابوها
امي كالت خلي نروح راسي موتني واني هم شفت انو الاحسن نروح
كالت امي لأم محمد خلي احد يوصلنا
...يااا بعد گلبي حسبيها علينا فشله منكم بس بعد احنا صرنا اهل وهي طلقيتة اكيد تصير مشكله لأن كرايب
سارة..فكككه المهم عرفو وخلصنا سلطان يحلها ول اكحيله تحظري يوم الاحد العقد بالمحكمة ولا تهتمين
_ بقيت ساكته ماعرف شحجي .. صفنه توديني وصفنه تجيبني
حزتها عرفت ماراح ارتاح وهالحية ورراية
كالت امي يلعديمه عجل يلا خلي نتوكل
..هساع اشوف ضرغام يوصلكم
نزلنا ويه ساره وتحضرنا طلعنه من باب الداخلي لاكانا شيخ حامد
...بعد اخوج ام كحلاء احسبوها علينا هو شي لا بد منو اول تالي يعرفون واحنه اهل مابينا رسميات
...لا والله يا خيي ابد لا تخلي ابالك اكيد اهل
...ابويه كحلاء مهرج يصل قبل عقد المحكمة
..تسلم جاوبتها ودنجت راسي ...؟
دحكت سلطان ضايج جة يتمشى
كال: ها وين
... اني واكفه وره امي وهو عينه بعيني يحاجيهم ويدحك عليه كالتله امي نروح والله يا ابو فهد راسي موتني
..والله ماتروحون لاتخلون ابالكم كومي منال يلا شهد كومن سون العيدميلاد انسو السالفه يلا كومن شافني ضجت انقهر حاول
يخليني افرح قبل مااطلع اني بس ساكته ماحجيت شي
صاح ليث حدر تعال شوف شيريدن البنات جيب الهن
ليث...جيت عمي ....
ماخلانه نطلع سلطان راحن البنات واخذن سراب يركضن للمطبخ يحضرن الكيك الكل طلع بره .. اني شلت تلفوني ومشيت وراهن
كعدنا بالحديقه والحجيه ام ضرغام تدردم
....مااا تستحي هل بنت لسانها برنو عجل لو هي بعدها حرمتك وتزوجت عليها شسوت ..
غددددي على هيج لسان الا طلعه بلا رده
انوب ردت تحاجيني
..يولي خمو انتي هيج تسوين مثلها اذا تزوج عليج وجابلج حرررمة
ما حسيت على روحي كتلها حجيه لاتفاولين علي الحرمة الزينه تعرف شلون تحتوي زلمتها وماتخلي يدحگ لغيرها
حجيتها بزود واني فرحانه ..
نسيت وجود شيخ حامد وسلطان من حرگت گلبي
كلللهم ضحكو علي صاح علي شيخ حامد عفففففيه هاي النسوان
دنجت راسي بعد ماعرف وين انطي وجهي من الفشله
بقينا نضحك سلطان ترخص راح للربعه انتبهت وين راح وليش عافني وطلع .. اريد اكوم اشوف ماكدر خفت يكولون ركضت وراه ... كل شوي التفت ... واني صافنه وصلني مسج منه
... كحيلة تعالي هين فتحت المسج ابتسمت مارديت صديت ورايه
شلون راح اكوم شراح اكول الهم ...
شويه وترخصت منهم طبيت للمطبخ وكفت بسد ساره شلورتها كلتلها اشوف سلطان شيريد خاف يصيحوني
...روحي سدج امين بس لاتبطون يولي
...لا لا هسه اطلع ....
... عجل خوش يابه روحي لزلمتج
رحت امشي براحة على روس اصابيعي دفعت باب الربعه وفتت دحكت هدوووء ماكو احد بس السويج كبالي عالطخم هو وباكيت الجكاير .. صفنت وينه معقوله راح واني من اره
جان ينسد الباب صار صوت جفلت التفتت..هو واكف ورايه ابتسم
وجة يمشي ...
... كتله تره خوفتني
..
تخافين وانتي يم حبيبچ ؟
..امممم لا
..
صبرك ربي لاتكولين اممم
تعاااي تعااي
...ويييييين مايصير احنا وحدنااا
...تعالي لا تعاندين
صفنت عليه كتلو وين يعني نروح ...
مانروح يولي بس نكعد هين ...
لا سلطان اهلك واهلي هييين ... احاجي وارجف .. واتلفت ورايه
وشنو يعني ... انسي كلشي ... اني اهلج واني كلهم
لاااا بس ... داححي خله ايده على حلكي .. همس اش كافي ...
كعد عالطخم وكعدني على رجليه .. ادحك النفسي مثل جاهل وبحضنه .. رجليه مايطخن الكاع .. اريد ادحك بوجهه ماكدر
رهبة وخجل وخوووف وكلهن انجمعن بلحظة ...
هو يضحك كال يولي راح تموتين بين اديه شجرالج
سلطان عوفني حباب خلني اروح....
ووووين وييين .. وين تريدين ... هو اني صدكت عولت اشوفج
تدرين هاي الكعده اشتريها بسنين عمري...
سحب الشال من راسي وكطه بسده...
كمت الحيلي جان يسحبني ... ويين شبيج يولي ...
جرني عليه خله راسي على صدره .... بحزتها بس موت ماتت
اريد احجي ماكدر ... حتى حلكي يرجف... فتح القراصة وكام يلعب بشعري... صديت عليه كتلو سلطان
اشششششش خليج ويايه ...قرب راسه وباسني ... بهداوه من شفتي
...يولي شجاچ دحكي بعيوني لاتخافين ولاتخجلين انتي حلالي لاتخافين من شي وانتي بين يدي
...همستلو سلطااان بصوت يرجف
ها يبعد سلطان كولي ...
..احلفك بعزيز گلبك..
قاطعني
..انتي عزيز گلبي كولي بغلاتي عندكً
...بغلاتي عندك لا يجي يوم تكسر بيه وتكسر گلبي لا تعوفني بدونك
...قربني منو وسحبني عليه
كال: هذا( ويأشر على گلبو ) رجعتي لصباه والله رجعتيني لصباه
سلطان يعشگج يولي ... شنو اكسر بيج ... اكو واحد يكسر گلبو
...سلطاني اني اا
..
عيدي شنو گلتي
..شنوو حبيبي
..
شنو گلتي اول كلمة
.. ابتسمت كتلو كلت سلطاني
..
ول يابه سلطانج جرني وحضني قوووي وهمس يم اذني اني حبيبج وسندج الله يقدرني اسعدچ
...لا تتركني بيوم ولا تفكر بغيري بيوم اترجاك والله اموت
...بعد مني وكال الموت لاتجيبين طاريه
اني اعشگچ
قاطعتنه ساره دكت باب الربعه خفيف وحجت صوت ناصي
.. كال اهوووهساااااااع وكتج مثل هادم اللذات ومفرق الجماعات جيتي
... اني جطيت من مكاني كمت الحيلي ادور عالقراصه
وهو يضحك شبيج يولي... هيانها هاج هاج ...
كطها عليه .. لفيت شعري وشلت الشال خليته على راسي
وكفت غادي منه ... هو يدحكلي ومبتسم صاح تعاي يساره
يااااا عزه سلطان هسه يسمعون كوم
...ومايسمعووون بايك لو ناهب غير حرمتي
...خرب لا حباب دگوم يمعود
فتحنا الباب مالكينه احد ..
كال عجل شبيها هاي خربت عليه الكعده
كتلو والله زين سوت ... عبرت من جوه ايده واني اضحك
كال عليش تضحكين تكضبج ايدي
اشرتله بيدي اششش طلعت امشي رحنا للمطبخ نضحك اني فتت قبلو سراب بس لمحتني ناطيتني ظهر كاعده تحط كلاصات هي ومنال كالت
...عجل هي لو ابقى عليج وانتي يم سلطان سليمان ماتطلعين لليل واحنا النا الله حتى محد يكللنا الله بالخير
سلطان...افااااا غير انتي الخير والبركة
...صخاااااام ياااا خرب والله شسمه اني اقصد هيج على هاي شيسمونها هاي الكلتي عليها منال ثوب العرس
دحكنا عليها وضحكنه هههههههههههههه تخربطت احوالها من الفشله ماتهرف بعد شتسولف
طلع سلطان وكلتلها هيج احسلج
اييييييي على طاريشعندج تتصفنين يولي
اشوف اكو عصفور يحوم حواليج
...
سراب ... يا عصفور اسكتي
...بسيطه تكعين اني اعلمج ههههههه
طلعت للحديقه جابن البنات الكيكة وببسي وسفن وبتيفور وكعك ونساتل وحلاوه وشموع التمينا كلنا حتى ضرغام
كعدو ليث ومحمد يصنفون على شهد كبرت سنه الزعطوطه
والله وصارت حرمة ... يدابلون بيها وهي خازرتهم
بقيتا نضحك على سوالفهم .. جانت لمة حيل حلوه وحسيتهم
اهلي وكاني اعرفهن من زمان ...
شعلت الشموع منال حطت هديتها وغنينه هابي بيرثز دي تو يو
خلصت الاغنيه ليث كام خله اصبعو بالكريما مال الكيك وحطو على خشم شهد كال هسه صارت حلوه
...صاحت عموووو دحك ليش هييييييج شهد زعلت ...
صاح بي سلطان كلو عوفها يول
قطعت الكيك شهد ووزعت للكل بالمواعين كعدنا نضحك وناكل وسلطان عينو عليا واني بوست الهوسة عطره بخشمي يجي
كل شوي ادحك عليه ويبتسلي
كال لماما اني رتبت عالاحد المحكمة ان شاء الله
..ان شاء الله يمه الله يسهل عجل ادهام لو شايفو بلكي تعقدون سوه بالمحكمة
...والله صحيح راح من بالي اليوم احاجيه واحاول ارتب وياي حتى لو نأجل عقدنا اني وكحلاء حتى نصير سوا
شيخ حامد...اعذرونا من الصار اليوم
..
لا خوية ابد والله ماصار شي
ام شهد كالت شوكت تبدين تجهزين ؟؟ حتى نجيب المهر
..ماادري خاله كيفكم
..
نروح باجر شتكولين ام كحلاء
..والله يايمه بكيفكم ...
..عجل محمد ياخذنا اجي عليكم اني وسارة ونروح شويه من وكت
..عجل جهاز ام ليلى وكحلاء سوه باجر...❤️
الله يكثر افراحنا يارب
..
اميين
اشرلي سلطان كمت رحت يمو كال
..عمري هذا رقمي اخذتو البارحه خليتو بس الج خليتو بهذا التلفون حتى من اقفل ذيج خطوطي هذا ما اقفلو اخلي الج راح ادگ عليج
.. هاا اي احسن
دگ انطيته رفض وحفظتو
..انطيني تلفونج بالله
اخذو يكلب بي كال الفيس لا تلتهين بي طب على قائمة الاصدقاء
رفع حاجبه شفتو مو عاجبووو
كتلو شبيك هااا...
ماكو شي
..
سلطاني عفيه اريد اروح تعبت چثير وباجر اداوم
.. انتي بس تريدين تنهزمين عمي ماراح اكلج
لا هههههه وربي تعبانه اريد ارتاح
عجل يابه يلا كولي لامج نمشي
..خمو انت توصلنه
..اي عجل منو يابه ....
ابتسمتلي ورحت لأمي كتلها يلا تعبت
سلمنا عليهم وطلعنا ... للطرمة
ادحك سلطان يحاجيهم ...
كالت ساره ارجعي هاي الحمايه بره ... وكفت بسد الباب
ادحگ على مكفاه على طوله ... يربي شكثر هيبة
جابو الولد السياره للداخل صاح عليهم كلو جيب السودا المظللة
... صديت عليه كتلها سارة عليش مضللة
احسن هو مايقبل ...
والله مادري يله المهم نلتقي عود بوستها ومشيت
سلمنا عليهم وركبنا بالسياره ويانه ضرغام وسلطان
الطريق كلووو سلطان يراسلني اني كاعده وراه وضرغام يسوق
... دزلي مسج ... ليش ضايفه بالفيس كل ولد خوالج!
..
واذا همه ولد خوالي
..
عجل ماتويدين تضيفين ذياب..؟؟
لا شبيييك ...
ردلي الفيس لو يتبدل لو حذف للاصدقاء ...
زين ليششششش؟
ضيفي بنوات ماكو مشكله زلم لاااااااااا
..
هساع الله كريم
..
كحلاء اليوم بالليل تلغين صداقتهم
..
سلطان مو وكته
.. مفهووووووووم ؟؟
.. رديتله اي اي ماشي طفيت التلفون وخليته يمي الحلو نتراسل ومحد منتبه
وصلنا البيت نزلت امي وسراب
كال انزلي ولاترفعين عينج عالسيارات الوراي كبل للبيت عرفت بحزتها اكو حمايه ورانه .. كتلو اي دنجت راسي
طبيت بسرعه للبيت وكببببل لغرفتي صعدت فتحت الباب كطيت التلفون والشال ونزعت ملابسي بدلت لبست شي خفيف وكطيت نفسي عالفراش
الساعه 6 المغرب بسسس نمت ماادري ليش جنت تعبانه
دخلت علي سراب
...
هاااا تنامين
..اييي يولي سدي الباب
..شفتي هاي شسوت البومة حرمتو
..لا تكولييييين حرمتو مو حرمتو خليني انام
...مو صوجج صوجي اني اريد انطيج نصايح
..دروووووحي
ايياه شلون نصايح خاف فطائررر
اهووووو. انتم من تلزگون بسالفه هم اليجوع يمكم مايخلص
طلعت تمشي وادردم ويا نفسها
جريت الغطى ونمت ومااااحسيت بروحي الا على صوت تلفوني يدگ ... فتحت عيني ...صفنت نسيت اني نايمه دنيا ليل نهاررر
جريت التلفون ... رقم سلطان الجديد... فتحت خط وهمست الووو
..هلا يابه نايم الحلووو ..
ضحكت كتلو اي والله نمت ...
...
يولي شو من الغرب لهساع عايفتني
..
نمت حبيبي تعبانه
..شراح ينومج بالليل
..
ميخالف
..
اكعدي كومي صحصحي احاجيج
..كول حبيبي صحيت
..باجر محمد ياخذكم للسوك المهر تاخذين اللي بنفسج ماعليج باللي وياج اللي يعجبج تاخذيه
ان شاءالله حبيبي
بس اسمعي لبس طلعه ضيگ ماكو تنورات ضيكه ماكو وبنطرون ماكو
..ليش بنطرون لا
..
انسسسسي
..اهوووو جنگ ذياب
منو منوووو!!
لاااا اقصد يعني كلشي ممنوع
يولي اسم اذياب لا تجيبي على لسانج
ليش مو تراضيتو .. والراح راح
سمعتيينييي شكلت لا كل شويه وكايله ذياب اعرفي شلون اتحجين
...
اسفه موبقصد ...
ول ياب انتي اوزني كلامج كبل ماتحجي ...
صار حبيبي ...
اي سولفي...
..زين اريد اسالك شي بس لاتفهمني غلط...
..لا احجي
..
غرفة النوم مالتك هي نفسها من جانت يمك اميره ؟؟
...اغيرها لاتخافين ابالي هالشي واذا عجبج نطلع سوا ناخذ
..لا نختار سوه مو وحدي
..اي عجل يابه نختار سوه ليش لا
..اطلب منك شي صغيروني
...گولي تدللي
...عيدميلاد صديقتي مريم اللي اخوها يشتغل يمك الاربعاء واريد اروح
...هااااا بدينه ابوي انتي وين رايده
..
سلطاني هاي صديقتي من قديم والله احبها خليني اروح
..الله كريم منا للاربعاء...!
..ليييش غير باجر اخذلها هديه واخذ شي البسو حتى اطلع اخبل يكولون هاي خطيبة سلطان شلون حلوه ومدللها يشوفون دلالك عليه
...يااااااابه من لسانج
ههههههههه هسه شكلت
شنهو يايابه .... والله اخاف عليج
فديت الي يخاف عليه اموووووت عليك
هساع هذا صبغ او حب لو غزل
هههههههههه تكدر تكول كلهم
ها يولي شو هيج .!
لا حبيبي والله حب وغزل واذا ماتريد اروح يجرالك
عجل روحي بس لا تبطين
هلا هلا امووووووووت على بيت العليان
..
ضحك بصوت عالي وكال هلا بجنت ال العليان
.. هنيالي والله ....
...تدرين هذا فرق العمر 13 سنه بيناتنا اكثر شي احبة
..اممممم ليش
..مو هاي ال امممم مالتج تحسسني عندي طفله كاعد اربيها
..شنووو قصدك اني بدون تربيه لالالا عيني حضرت السياسي استاذ سلطان ما اسمحلك
..
مجنونة انتي يولي اقصد اعلمج ادللج
..ههههههههههههه اشاقيك يبعد الروح
.. اسمع الضحكة ول يابه مال يمي هساع انتي..
وشتسويلي ها .... سكت وهمس بصوت ناصي
تحبيني ؟؟
..اعشگ كلشي بيك والله
..اريدج ترفعين راسي بين اهلي وعمامي هساع اتعرفين عليهم اريد الكل يكولون هاي اللي اختارها سلطان
...حاضر حبيبي
..درستي؟؟ لو كبل نمتي
..والله مادرست هساع شوي انوب
...كحيلة خمو بالجامعه تتشاقين وتضحكين ويه زميل لو استاذ والله ثقي بالله اذبحج
،.لااا شنو السالفه بس يعني اكيد يصير حجي بيني وبين زملائي
..حجي شنو بالله
يعني حجي عاااادي
شنهو العادي خل نفتهم
شبيك ههههههههه
ديري بالج تره ماتحسين علي الا اني فوك راسج والله لو عليه
مااخليج تصليها بس اخ
... ضحكت كتلو ااي تعال عادي
...يلا كومي اكلي وراها اقري اني عندي شغل اخلص كم تلفون وارجع اخابرج
..عفففيه تلفونات
..والله محد كلج تاخذين واحد بالدولة....
...هههههههه اموت عالدولة الانت بيهاااا
اخ منج ملسونه وتدللعين على گلبي... يولي شوكت نعرس
هههههههه لا لا خل نأجلها مو هسه
الوضع مو تمام الانبار انذار صار يومين .... خل نتزوج
ماريد يصير شي وياخذني منج
اسسسسسسم الله شبيك هيج تحجي ...
عاد هاي دنيا ماندري شيصير بيهاااا روحي ادرسي يبعد حيلي
ماشي حبيبي اخابرك اخر الليل ...
ان شاءالله راح اروح هسه زلم جوي يمي ...
مع السلامة ... سديت الخط وكمت درست شويه حسيت نفسي بعدني نعسانه ... كطيت الكتاب ونمت ...
الصبح دك المنبه بال9 طفيتو وكوه كمت من الفراش سحلت نفسي للحمام غسلت وكملت ورجعت للغرفة
اسمع امي تصيح من جوا
..
يلا كحلااااااء ام محمد وسارة راح يجن يلا انزلي تريكي
..رحت للكنتور طلعت ملابس وجنطة وبدلت ملابسي وماخليت مكياج بس كحل ومسكارا وعطر
اخذت الجنطة والتلفون ورحت انزل
اني عالدرج وصلني مسج من سلطان ... دافتحة
وجان تصيح سراب .. يولي كحلاءءء تره ذياب الراح ياخذكم
بسيارته هو ومنااااال
دحكت سراب هيج تكول وسلطان دز مسج ...
كلت هاي هي عرف بذياب راح يجي وراح تصير مشكلةةةةةة
اريد افتح الرسالة وخايفة....
يتبع .... 🌹
مع تحياتي نشوى السلطان
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!