رواية خيِّال ومُهرة الفصل الحادي والثلاثون 31 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ

طوينه ايام ماضينا
نسينا شلون چنه بشوك نفرح لو تلاكينا

عريان السيد خلف

                          ♡ـــــــــــــــــــــــ ♡
«ياسر»

شَايِف مِن يجن كلهن ؟
لا بيك التگوملهن ، ولا بيك التِرتبَهن
حِزنك ، خُوفك ، والضَياع الـ بيك
گلي شلون متحَملهن ؟

كل وجع العالم اجتمع بيه...
شگد خذلوني
اقرب الناس الي خذلوني...

ما صار بيه وجع مثل وجع مُهره بگلبي..

رضا:  عندي فيديو الـ باقر...

ياسر:  يعني هذا الفيديو يفيدنه؟

رضا:  هو يهدد اذا ما اطينا الاوراق البلقاصه مالته چانن بعد منشوف مُهره...

علي:  اي خلي نطيهن اله لايسوي بيها شي ما اثق بيه ذره...

ياسر:  الفيديو شبيه؟

رضا:  الفيديو بيه يعترف هو كاتل ابوه حتى ياخذ املاكه...

علي:  عود صدگ

ياسر:  منين جبته الفيديو؟

رضا:  خليت كاميرا بمكتبه  والبارحه يخابر بمرته الثانيه وگللها نسيتي اني كتلت ابوي حتى تصير الأملاك بسمي اني وياچ...

علي:  يعني متزوج غير امي ثانيه اقصد ثالثه؟

رضا:  ايي..

ياسر:  اني بس اريد افتهم شلون يلحگ يسوي هاي المصايب كلها...

رضا:  غير عاار....

علي:  هسه شنسوي؟

رضا:  نهدده بيه..

ياسر:  واذا سوالها شي..

رضا:  ميگدر يسويلها..

اخذت موبايلي واتصلت بيه..

ــ انتَ وين؟؟

ــ بـ البيت.. شكوو؟

ــ جايك...

اجو وياي رضا وعلي واخذنه التسجيل  وگفت بالباب وگلتلهم..

ــ اني احچي ويه اول شي...

انفتح الباب واول ما دخلت شفت ديار ذبت نفسها عليه وگامت تبچي وتصرخ...

ــ ياااسر مُهره وووين؟؟

ــ عند ابوچ...

ــ من صدگ تعبني....

ــ يلا يروحي دخلي وياي رضا...

هزت براسها ودخلت واحنه دخلنه للأستقبال شويه واجه دخل والابتسامه ماليه وچه...

ــ هلاااا.. شرفتووونه..

ــ بلا كلام زايد شتريد من الأخير...

ــ اريد اوراقي الباگهن ابن خالك ومرتك واذا لگيت بيهن نقص تعرفني شسوي طلعت الجنطه هاي اوراقك گول وين مُهره  ؟

ــ موجوده..

من گال هيچ حسيت نار وشبت بيه ركضت عليه ضربته بوكس نام بالگاع گعدت على بطنه والبوكسات على وجها بكل قوتي الحد ما تعبت اخذت موبايله فتحته بالبصمه واتصلت على اخير شي متصل عليه ميجاوب..

رجعت خنگته

ــ احچي وينها؟؟

بقه ساكت رفسته بطنه مرتين ولزمت رگبته وضغطت عليها بكل قوتي وحچيت من بين اسناني...

ــ ووووووين  مُهره؟

حچه بغصه...

ــ بـ مخزن الأسلحه..
نطقها بصعوبه من گد الضرب..

عفته وطلعت ورضا جاب الجنطه وطلعنه نزلتهم بنص الشارع يرحون يودون الاوراق كلهن للشرطه ورحت وحدي اتذكر المخزن قبل كم سنه رحتله وصلت بضاعه مالت اسلحه بيه بس هو مو مال  باقر مال واحد من اصدقائه...

مشيت كل سرعتي الحد ما وصلت طلعت سلاحي ودخلت للبيت الباب مالته مابيه قفل  ريحته تلعب النفس وكله تراب... 

مشيت اكو بيه غرف هوواي بس سمعت صوت ركضت بدون صوت من وصلت يم الباب سمعت صوت مُهره تبچي وتصيح..

ــ طلعني منااااا..

دفرت الباب ودخلت لگيتها گاعده بالأرض واديها ورجليها مربوطه اول ما شافتني توسعت عيونها وگالت..

ــ ياسر...

ركضت بسرعه فتحت الحبل وضميتها بقوه وهي نهارت بالبچي..

ــ منو ايلمني
كبل لا اضيع يم وجهك
اعاين على وجوه الناس
محد بيهم يشبهك .
ضعت بلاياچ مُهرتي...

ــ لا تعوفني ياسر..

ــ عساني ميت قبل ما اعوفچ... 

شلتها من الأرض وهي حاضنتني بقوه متقبل تبتعد عني..

ــ ياا بعد حيلي لا تبچين...

ــ بعد ما أگدر يااسر تعبت...

ــ شلون اعوضچ مهرتي؟؟

ــ اريد ارتاح...

صعدت بالسياره مرت نص ساعه واجو الشرطه حچت كلشي مُهره وهم يسئلونها الحد ماخلصو اخذتها ورجعنه للبيت اول ما دخلنه طفرت خالتي ام رضا من مكانها ركضت المُهره وضمتها وهي تبچي...

ــ يمه خفت عليچ يا بعد گلبي..

ــ حبيبتي عمه الحمدلله مابيه شي...

ــ تعاي يمي شويه..

ــ خلي اسبح واجي يمكم...

اخذتها افنان للحمام واني اتصلت على علي...

ــ ها علي انتم وين؟؟

ــ راح نوصل...

ــ يلا منتظرك..

مرت 10 دقايق دخلو علي و رضا ومبينه فرحتهم...

ــ هاا شصار...

علي:  راحو الشرطه سحلو...

رضا:  باقر بححح..

ياسر:  شگد حاولت ما ادخله للسجن شگد حاولت اسامحه لان اگول ابوي مهما يكون..
بس هو وصل نفسه الهاي المرحله..

علي:  تتذكر شلون چان يعاملنه واحنه صغار
عمري ما سامحته هوواي كسر بيه اشياء مستحيل تتصلح..

رضا:  يمعودين تعالو ناكل متنه من الجوع عوفو هذا الحچي...

ـــــــــــــــــــــــ

«مُهره» 

دخلت للحمام سبحت وطلعت وهما كلهم خايفين عليه وبس يباوعولي دخلت للغرفه واجت وراي افنان..

ــ الحمدلله على السلامة يروحي..

ــ الله يسلمج حياتي..

ــ يلا تعالي ناكل..

رحت وياها يم الولد چانو يحضرون الأكل اول ما دخلت علي ورضا اجو يمي

رضا:  الحمدلله على السلامة عيوني وگفتي گلبنه عليچ.

علي:  الحمدلله على السلامة يااابه...

مُهره:  الله يسلمكم...

رضا:  سوالچ شي؟

مُهره:  لا...

رضا:  بيچ شي...

اجه يمه ياسر حاوط كتفه بأيده وگله..

ــ لا تلح ويه مرتي...

رضا:  ياابه غير اسئل عليها...

ام رضا:  شوو صاير نفس علي وياسر تگول ياابه..

رضا:  من عاشر القوم صار مثلهم...

علي:  الك الشرف تصير نفسنه...

رضا:  وين اكو مثلكم..

ام رضا:  يلا يمه تعالو اكلو..

اجه ياسر لزم ايدي وسحبني گعدني بصفه وگعد ياكل بس اني مالي نفس بقيت اباوع عليهم يسولفون ويضحكون وياكلون..

همس ياسر..

ــ ليش متاكلين؟

ــ ما اشتهي..

ــ اكلي بويا حتة تنامين وترتاحين..

ــ تمام..

شلت الخاشوكه اكلت كلش قليل بس علمود ياسر
وبعد ما گدرت وهو عرفني..

ياسر:  تروحين تنامين؟

مُهره:  اي تعبانه..

ياسر:  اجي وياچ؟

مُهره:  بكيفك..

رحت غسلت ودخلت للغرفه نزعت حجابي وتمددت على السرير غمضت عيوني بتعب ودموعي تنزل تچوي خدي..

اندگ الباب ودخل ياسر تمدد يمي اخذ ايدي باسها
تقرب عليهزاكثر وحط راسي على صدره ومسح على
راسي ضميه واني دموعي تنزل..

ــ لا تعوفني..

ــ اكو واحد يعوف روحه؟؟

ــ اني احبك...

ــ اني الحب كلمه قليله على مشاعري تجاهچ مهرتي...

بقيت  ضامه نفسي بحضنه الحد ما حسيته رفعني من صدره ونيمني على المخده وغطاني وبقه يلعب بشعري مرت دقايق وبسرعه نمت...

گعدت الفجر لگيت ياسر نايم يمي بست خده وگمت بدلت ورحت للمكان مالتي مرت ساعه واني گاعده..

بقيت افكر بكل لحظه مرت بحياتي
بكل جرح بقى بگلبي...
حسيت روحي بعد متتحمل تقاوم..
بعد ما اتحمل القوة الأظهرها للناس
واني داخلي طفله صارت يتيمه..
طفله تريد تعيش حياتها بسلام..

رجعت للبيت لگيت راشد وديار واگفين بالباب يردون يدگونه...

ــ هاي منو عدنه اليووم...

التفتت عليه ديار واجتي ضمتني...

ــ شلونچ...

ــ ردت امووت من گلتلي افنان..

ــ يروحي اسم الله عليج.. مابيه شي..

راشد:  شلونج خويه الحمدلله على السلامة...

ــ الله يسلمك...  الحمدلله..

دخلنه جوه لگيت عمه تسوي ريوگ ورضا گاعد منتظرها لان يريد يروح للدوام..

رضا:  شخبارك الوالد؟

راشد:  البارحه اخذو الشرطه وامي راحت لاهلها..
ديار ما قبلت تبقى بالبيت رادت تجي هنا..

مُهره:  طبعاً  تجون هنا غير احنه اخوان قابل نبقى كل واحد بـ بيت..

حضرنه الريوك وگعدنه ناكل سوه واجه علي وروسلينا..

علي:  هذا الاسبوع نروح البيتنه خلصنه كلشي...

رضا:  ها اني همين خلصت اليوم بعد بس كاونتر للمطبخ الباقي كله خلصته..

علي:  اليوم اخذ روسلينا ونجهز الاثاث...

مُهره:  بس مو تنسونه وبعد متجون..

علي:  لا يابه صدگ چذب هو اني اگدر افارگم..

مُهره:  حتى اني رب العالمين اخذ امي وابوي وعوضني بيكم صرتو انتم عائلتي..

رضا:  احنه عائله وحده ومحد يگدر يفرقنه حتى لو كل واحد صار بـ بيت..

خلصنه ريوگ غسلت الماعين ورحت للغرفه بعده ياسر نايم..  نزعت حجابي ودخلت جوه الغطه ودحست نفسي بحضنه وهو حضني حيل..

ــ شوكت تگعد؟؟

ــ صار يومين ما نايم..
ميت من التعب..

ــ كافي گوم..

ــ بس شويه ابقي لاتتحركين نام على صدري واني العب بشعره رجع غفه واني همين نمت....

ـــــــــــــــــــــــ

«ديار»

رحنه للدوام بس اني وافنان وصلنه راشد  .. 
خلصنه محاضرات رحنه للنادي ناكل شي واجه الأستاذ صديق راشد  ومالك يمنه وگال...

ــ السلام عليكم...

افنان ، ديار:  وعليكم السلام...

ــ شصار قبل يومين بقيت قلق عليكم گالو الطلاب صارت وياكم مشكله وانتم راجعين من الجامعه..

افنان:  مشكله بسيطه حليناها..
شكراً استاذ لان سئلت علينه...

احمد:  هاا ان شاء الله خير..

عافنه وراح واني بسرعه التفتت على افنان..

ــ ولچ شو هذا يباوع عليچ..

ــ غير يحچي وياي وين يباوع يعني؟

ــ لا نظراته تختلف...

ــ شبيچ خيه؟؟

ــ باعي شلون يباوع عليچ..

ــ ما اريد اشوف احسن خاف ابقى اعيش بالحلام..

ــ والله انتِ احسن مني اني بس يباوع عليه مالك اروح اسويها قصه...

ــ هههههههه...  ما احب اوهم نفسي بشي مصاير...

ــ اي والله احسن...

رجعنه للبيت چانو كلهم طالعين علي وروسلينا يشترون اثاث وعمتي ورضا راحو يختارون كاونتر بس ياسر و مُهره و راشد...

مُهره:  اصب غدا...

ديار:  لا گلبي اكلنه بالجامعه..

مُهره:  عافيات...

افنان:  ليش راحو بدوني اريد اشوف البيت..

ديار:  اول وتالي تشوفينه...

افنان:  هم صحيح...

ياسر:  تعالي دياري اريد احچي وياچ...

تقربت منه لزم ايدي واخذني الغرفة مُهره وگال..

ــ خابرتني عمتي ام مالك تريد تخطبچ...

حسيت ارتبكت وما عرفت شنو احچي... رجع گال..

ــ اني ادري بـ مالك يحبچ من زمان..

ــ شلون عرفت..

ــ من صورتچ المخليها بـ محفظته..

ــ هااا..

ــ ايي...  هسه انتِ شنو موافقه لان هما اجو لابوچ وگايليله ومنتظرين جواب..

ــ مادري...

ــ اكيد فكرتي من وقتها الهسه..

ــ انته شتگول؟

ــ اني اگول مالك يستاهل...

بقيت مدنگه راسي والعب بأظافري..
نزل راسه يباوع بعيوني وگال...

ــ هاهيه عرفت جوابچ...

ابتسمت عافني وطلع واني حسيت وچهي يطلع منه نار لزمت اخدودي مبتسمه.. 

گمت بدلت ورحت گعدت يمهم لليل رجعو روسلينا وعلي ورضا وامه گعدنه كلنه سوه نسولف ونضحك..

فتحت موبايلي شفت مالك دازلي رساله...

ــ صار 10ايام يالظالمه منتظر تگولي اي...

ــ چانت مشاكل ماگدرت اسوي شي...

ــ الخميس الخطبه...

ــ عگب باجر؟؟

ــ اي..

ــ مو بسرعه؟

ــ لا...

ــ خاف ما الحگ

ــ تلحگين ان شاءلله..

سديت الموبايل و رحت گعدت يم مُهره سولفتلها وگالت..

ــ باچر من الجامعه و نروح للسوگ نشتري فستان..

ــ اي لان منلحگ بعد...

ــ  اي هاهيه حياتي لا تفكرين..

ــ وامي؟

ــ خابريها وعزميها..

ــ ان شاءالله...

ثاني يوم اول ما خلصنه دوام اجه رضا وامه اخذونه للسوگ فريناه كله ندور على فستان واني ما مقتنعه بطلاع الروح يلا اقتنعت بواحد لونه ازرق جربته وكلش عجبني.. 

رحنه حجزنه كوشه و اشياء للتقديم واشتريت اكسسوارات وحذاء كعب وحجزنه بالصالون...

رجعنه للبيت هلكانه من التعب گبل رحت نمت ثاني يوم گعدتني ام رضا من الصبح...

نظفنه البيت اني والبنات وجابو الكوشه سوها واني رحت للصالون اني وافنان..

سويت تسريحه رفعت نص شعري ولبست تاج ومكياج بسيط ورجعنه للبيت لبست الفستان و اجو امه وبقيت عماتي وامي والبنات اجتي زينب يمي لابس فستان وردي وفاتحه شعرها وتهوس وترگص..

زينب:  ولچ شطالعه شنو هالجمال؟

ديار:  اسكتي راح يوگف گلبي من الخوف..

زينب:  يوم الألنه اني و رشودي...

ديار:  ههههههه... ان شاءالله..

رجعت ترگص وياهم اباوع للبنات واگفات على صفحه ويصفگن روسلينا لابسه فستان بيجي وحجاب و مُهره لابسه فستان  اسود وافنان لابسه سمائي طالعات يخبلن..

شويه سمعتهم گالو راح يدخل الشيخ و مالك واني گمت ارجف و گلبي يدگ بسرعه اجت مُهره  حطت الوشاح على راسي ورجليه بالمي  اطتني القران حطيت اديه عليه.. 

دخل مالك گعد يمي والشيخ گبالنه وبده يقره ايات قرانيه الى ان انطيته المواقفه ومالك همين...

بدت الهلاهل تعلى من طلع  الشيخ  و مُهره اخذت المي والقران ومالك رفع الوشاح من راسي وباسني بجبهتي چان لابس قاط اسود وجواه قميص اسود شكله انيق الدرجه...

لزم ايدي وحطها على گلبه وگال...

ــ أثگل شويه يگلبي....

ابتسمت لبسنه الحلقات واتفقت ويه بنيه صديقتي على جلسة تصوير..

من خلصت لبسني الذهب واكلنه كيك..

من راد يطلع تقرب عليه وحط اديه على خصري وباسني بخدي وهمس...

ــ  السنين التعذبت بيها بحبچ  اتعوضيلها يوم يوم..

ابتسمت وگتله

ــ وانا منو يعوضني...

ــ واحد يعوض الثاني..

يتبع🦋....

ـــــــــــــــــــــــ

لا تنسون التصويت والتعليق والله بنات جاي اتعب شاركو القصه ويه اقاربكم ويه اصدقائكم حتى تصير مشاهدات اكثر🤍🤍