رواية خيِّال ومُهرة الفصل الخامس والثلاثون 35 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
إن لَم يَكُن بأمكانِك الذَهاب لمكانٍ ما
عُدّ إلى نَفسك،
تحرك في ممراتِ ذاتِك،
إنها تَبدو كـ مساراتِ النور.

♡ـــــــــــــــــــــــ ♡

«ديار»

مر الاسبوع عباره عن سوگ اشريت غراضي وهلكت يلا خلصتهن..
حجزت سوالف الصالون والبدله لان بعد يومين العرس..

حضرت الجنط وگعدنه اني وروسلينا و مُهره نرتب بيهن ونسولف لان باچر يجي مالك ياخذهن..

روسلينا: اني وعلي تعاركنه واجينه..

ديار: يااا.. ليش؟

روسلينا: يشلع الگلب..
واني هرموناتي لاعبه بيه لعب 24 ساعه ضايجه وما بيه حيل اشتغل و هو مطايقته مدري ليش من يجي يمي تلعب نفسي...

مُهره: بس اول اشهر بعدين ترجعين طبيعيه..

روسلينا: من هو مو يمي اشتاقله واريده ومن اشوفه اتخبل مدري شبيه..

ديار: گليله اصبر عليه بس هاي الأيام..

روسلينا: والله هو خطيه ماخذني على گد عقلي بس اني كل سالفه اتعارك..

مُهره: هههههههه.. لا تضوجين حياتي كل وحده حامل تصير وياها سوالف غريبه...

ديار: اني ما احمل بسرعه لان لعبان نفس...
اريد اطلع واتونس واشوف الدنيا يلا احمل و اتعب..

مُهره: لا تحچين هيچ بكيف رب العالمين..

روسلينا: هي نعمه الحمدلله دائماً...

خلصنه الغراض و رحنه بالصاله يم ياسر وعلي گاعدين يسولفون..

علي: ها خلصتو؟

ديار: اي خلصنه..

علي: يلا خلي نروح لعد روسلينا..

مُهره: ليش متبقون يمنه؟

روسلينا: اي خلي نبقه كارها بيتنه كولش..

علي: لا حبيبي امشي نروح للبيت وبلا هالسوالف..

روسلينا: روح وحدك اني راح ابقى ما اگدر تلعب نفسي من البيت..

علي: استغفرالله واتوب اليه..

ياسر: ابقى شعندك؟

علي: باقي امري لله..

مُهره: راح احضرلكم الغرفه..

علي: لا خويه احنه نحضرها..

ياسر: اگعد واسكت هو يحضرها..
انتظريني مُهرتي جاي وياچ..

راح وياها واني صافنه عليهم علاقتهم تخبل مُهره كولش ذكيه وفاهمه وياسر نفس الشي علاقتهم تخلي الواحد يريد يتزوج بسرعه..

ثاني يوم انخبصنه شغل ونظفت جسمي وحفيت وجهي ولليل اجه مالك ياخذ الجنط البيتهم چانو الولد طالعين اني فتحت الباب الـ مالك...

باسني بخدي و گال..

ــ شلونه الحبيب؟؟

ــ الحمدلله.. وانت؟

تقرب يم اذاني وهمس...

ــ باچر وانتِ بحضني اصير احسن..

ــ ااااه... الجنط بالستقبال تعال نطلعهن اني وياك..

لزم ايدي ودخلنه للاستقبال وانصدم من شاف الجنط..

ــ هاي صدگ تحچين؟

ــ شنو؟

ــ شنو هاي الجنط كلهن ملابس؟

ــ اي ملابسي وغراضي...

ــ دهر الدهرچ نوب تحچي عادي بلا خلي احسبهن...

سكت شويه وگال...

ــ 14 جنطه ياظالمه اشيلهن وحدي...
لو جايب سياره حمل احسن..

ــ هههههههه.. لعد شسوي؟

ــ رضا راح يجي خلي انتظره وناخذهن اني وياه كل واحد بجنطه..

ــ تمام..

رحت ميته ضحك سولفت للبنات وصبيتله عشا گعد ياكل..

اني رحت لبست حجابي شويه ودخلت افنان تركض باستني وگالت...

ــ شفت دكتور احمد بره....

ــ اااااااه.... عليچ الله
شسوه
شگال
باوع عليچ؟

ــ شبيييچ... اطيني مجال احچي...
خلي نروح يم مُهره حتى مو كل شويه مسولفه الوحده..

ــ يلا امشي..

رحنه للمطبخ نباوع عليهم من الشباك وهما يطلعون الجنط ويحششون ويضحكون على مالك خطيه انقهرت عليه...

افنان: اول ما وگفت السياره چنت ميته ضحك على رضا رجع شايف سجى قهى ورايحه مرزلته من صدگ گعدت متت ضحك عليه...

نزلت من السياره..

ــ تعال انزل لا تخاف ماكو سجى هنا...

ــ والله صدگ تخوف...

ــ هههههههههه... رفعت راسي وشفته واگف باوع عليه وبسرعه دار وچه واني طبيت اركض..

ديار: يلا لقاء على السريع بين متنخطبون...

افنان: منو گلچ موافقه؟

ديار: توافقبن غصبن عليچ ولچ هو غير يسوي شلل نصفي..

افنان: چا المن متزوجه مالك...

ديار: غير الحب مال اني...

مُهره: ليش ما تنچبين اجسنلچ...

افنان: بببببيييي..

ديار: خلصو الجنط خلي انام عفيه باچر وراي گعده من الصبح..

مُهره: روحي نامي..

ديار: خاف تاخذن راحتچن بالحچي..

افنان: ياااا دروحي نامي شبيچ..

عفتهن ورحت نمت هلكانه من التعب الثاني يوم بدت خبصة المكياج والتسريحه هلكت من التعب يلا خلصنه اجاني مالك غطيت وجهي وطلعت هو لازمني صعدني بالسياره وصعد...

ــ شو بلا خلي اشوف

رفعت راسي وشلت البرگع اول ما شافني گام يرگص ويطگ اصبع ضحكت على حركاته..

رحنه للقاعه مليانه ناس بقيت گاعده اباوع عليه يركصون الى ان اجه مالك
بدت خبصة المكياج والتسريحه هلكت من التعب يلا خلصنه اجاني مالك غطيت وجهي وطلعت هو لازمني صعدني بالسياره وصعد...

ــ شو بلا خلي اشوف

رفعت راسي وشلت البرگع اول ما شافني گام يرگص ويطگ اصبع ضحكت على حركاته..

رحنه للقاعه مليانه ناس بقيت گاعده اباوع عليه يركصون الى ان اجه مالك..

مبين عليه الفرحه شعره نازله خصلات على جبهته و القاط لونه اسود ولابس قميص ابيض..

مدلي ايده انطيته ايدي باسها وسحبني نروح للستيچ طلعو اغنيه اجنبيه هو مختارها ورگصنه سوه من صدگ فرحتي ما توسعها الدنيا واني احقق حلمي ويه شخص استمر حبي اله اكثر من 10 سنوات...

بنهاية الأغنيه طلعت اغنيه عراقيه هوسااات گبل حولنه رگصنه الدبچ وهز كل البنات اجو يمنه يرگصن بس مُهره و افنان واگفات على صفحه وميتات ضحك واني لعبت لعب بالرگص ومالك يهوس ويضحك..

من صدگ احلى لحظات بحياتي...

طلعنه من القاعه بزفه رجت الگاع رج من گد ما اصدقائه كومه وكلهم يهوسون صعدنه بالسياره والفرحه غامرتنه لزم ايدي طول الطريق الى ان وصلنه للفندق وهمين نزلو قبلنه الولد ويرگصون وطلع وياهم مالك بقيت اباوع عليهم وميته ضحك..

شفت ياسر يهز چتف ويهلهل ومحتار شلون يرگص خربت من الضحك..

مرت ربع ساعه وبعدين راحو السياراتهم واجه مالك و مُهره وام رضا ساعدوني نزلت دخلنه للفندق بس دخلنه للغرفه سلمن عليه البنات وراحن واني گلبي يوجعني من القلق گمت اجي منا واروح منا..

دخل مالك شافني وابتسم تقرب مني باسني بجبهتي..

ــ تستاهلين ارگص بعرسچ...

ــ ههههههه.... علمودي رگصت لو علمود عرسك؟

ــ هو عرسي ومتزوج دياري بعد شرايد غير اذب لحم..

ــ ههههههه...

تقرب عليه اكثر وگال..

ــ احبچ وعلي...

ــ اني همين...

حط ايده على ظهري و سحب الحبل مالت البدله بهدوء وهو يطبع بوسات على كل انحاء وجهي وينزل على كتفي.....

تمت ليلتنه الاولى بقينه گاعدين للصبح حتى منتدم بعدين سوينه كلشي بنفسنه تعشينه وصلينه وشفنه فلم حتى شغلنه اغاني ورگصنه سوه....

ـــــــــــــــــــــــ

«افنان»

بدلت لبست بنطرون وقميص ابيض و ربطه واخذت عباتي والجنطه وطلعت من الغرفه و نصدمت من شفت مره گاعده بالصاله و يمها بنيه شابه استغربت من شفتهن لان ما اعرفهن سلمت عليهن ورحت للمطبخ اخذت ورجعت قدمته الهن..

رحت اسوي شي اقدمه واجت وراي ديار...

ــ ولچ تدرين منوو هاي؟

ــ لا منو؟

ــ ام استاذ احمد...

ــ يااا.... وشعدهت جايه؟

ــ تخطبچ...

ــ هااا؟؟

ــ اي والله..

ــ خاف غير وحده مو اني؟

ــ يااا هو احنه عدنه بنيه ممتزوجه غيرچ..

ــ والله مادي شو ما جاي استوعب...

ــ هههههه ديلا روحي گعدي يمهن اني راح اسوي قهوة واجيبها..

ــ ولا اروح...

ــ يااا... غير هم جايين علمودچ..

ــ استحي..

ــ امشي... امشي...

سحبتني من ايدي ودخلتني وياها للصاله گعدت يم امي واني احس نار تطلع من خدودي..

ــ انتِ افنان..

ام رضا: اي هاي بنتي الوحيده..

ــ اووي ما شاءالله شلون جمال...

ــ الله يسلمچ خاله..

ــ احمد يعرف الولد مالك وياسر و راشد والبنيه وياه بالجامعه يگول عجبني التزامها بالعبايه واخلاقها..
واحنه جايين على سنة الله ورسوله نخطب بنتكم افنان لابنه احمد...
واخذو راحتكم فكرو وسئلو على احمد وهذا رقمي...

مدت ايدها لامي تنطيها الرقم وگالت..

ــ انطيني رقمچ همين علمود اتواصل وياكم...

مُهره: راح اكتبلچياه خاله..

كتبت الرقم مُهره وانطتها الها اخذته وسلمت وطلعت واني ديار لزمتني من ايدي وسحبتني وصعدت فوگ..

ــ تعالي خلي نشوف هو جابهم...

وصلنه للغرفه باوعت من الشباك طلعت الحجيه وهو نزل من سيارته اول مره اشوفه ما لابس رسمي..
لابس تيشيرت وبنطرون...

بقى يحچي ويه امه وهو يفتحلها الباب بعدين ضحك وسد الباب مالت السياره وافتر صعد بمقعد السايق ومشت السياره وديار تگمز...

ــ ولچ طلع يحبچ فدووه شگد حلوين...

ــ كافي ديار...

نزلت مادري ليش ضايجه واحس حاصرتني البچيه..

رحنه للسوگ 5 ساعات نفتر ما گعدنه ولا دقيقه و ديار كلش صعبه متختار شي بسهوله تشلع الگلب يلا تختار..

رجعنه للبيت اني وماما والبنات راحو البيتهم گعدنه بالصاله كلنه...

ام رضا: اليوم اجو خطابه على افنان...

رضا: منو؟

ام رضا: ولد صديق الولد و دكتور بالجامعه واسمه.....
نسيت..

افنان: احمد...

بقو يباوعون عليه گبل دنگت راسي مستحيه...

رضا: ذيچ المره شفته ويه الولد طلعنه نتغده وهو وياهم اجه..

ام رضا: هاا...
وشتگول خوش ولد؟

رضا: اي كلش حباب وخلوق..
والقرار يرجع لافنان خليها تفكر براحتها...

مرت الايام وخلصت العطله واني بعدني مرجعه جواب اتصلت ام احمد مرتين على ماما وگلتلها بعدها تفكر قبل الدوام بيومين چنت گاعده بغرفتي احچي ويه مُهره وديار مكالمه جماعيه وفاتحين كام...

ديار: ولچ اني ما متعوده على هيچ دلال...

مُهره: بس بالبدايه...

افنان: نوب يخلونچ ترجعين من الجامعه قبل متنزعين ملابسچ تنظفين البيت وتسوين غدا...

ديار: لا يمه اسم الله..

مُهره: اول و تاليلازم تصيرين ام بيت اذا مو ويه عيالچ من يصير بيتچ وحدج..

افنان: ليش احسچ امي جاي تحچي مو مُهره...

مُهره: ومرض هي هاي الحقيقه..

ديار: مُهره عليچ العباس كافي خليني عايشه اللحظه..
خلينه نگلب على افنان..

افنان: يا طلابة افنان...

ديار: ومررض..... الولد منتظرچ صار اسبوعين فضيها...

افنان: اگلچ هي لعبة؟
شلون اوافق بهاي السهوله وشخص ما اعرفه و لا اعرف عائلته واروح اعيش وياهم عادي ترى والله صعبه..

مُهره: باعي افنان هو بكل الأحوال انتِ حيصير وياچ هيچ اذا ويه احمد لو غيره..
هي كل ابنيه تتزوج وتروح تعيش ويه عائله متعرفها وتتطبع بطباعهم.. هي المشكله الشخص الصح..
اذا رفضتيه يمكن ميجي مثله..

ديار: لاااا صدگ اليوم ماخذه دور ام رضا...

افنان: ههههههه.. هو كلامچ صح مُهره..
ولذالك اني خايفه..

قاطع كلامي دگة الباب..

ــ تفضل...

دخل رضا ودعت البنات وسديت الخط گعد رضا على طرف السرير وحچه بجديه..

ــ احنه صعبه علينه نفارگچ بس اول وتالي لازم تعيشين حياتچ افنان واحنه مستحيل نوگف بطريقچ..
المره يوميا تخابر وانتِ قرري كافي..
لو نگللهم لا لو اي...

ــ ما أگدر هسه اخلص جامعه يلا اتزوج..

ــ هو گال تداومين وياه ومستحيل يرفض موضوع الدوام..

ــ مادري والله خايفه..

ــ راح انطيچ ثلاث ايام بس فكري بسهن زين ورجعيلي جواب نهائي..

ــ تمام ان شاء الله..

تقرب عليه باسني براسي واني بقيت اصفن وافكر هاي الايام كلها حتى نوم ما انام ماخذ عقلي التفكير..

مر يوم وثاني يوم رحت للجامعه وصلني رضا اول ما دخلت لگيت ديارتنتظرني رحت سلمت عليها ورحنه گعدنه بالحديقه..

ــ بعدچ ما مقرره..

ــ لا.. اول البارحه اجاني رضا وحچه وياي ثلاث ايام ولازم ارجعله جواب لان عيب..

ــ ايي وانتِ شنو قررتي..

ــ والله مادري خايفه كولش..

قاطع حديثنه من اجت مهره سلمنه عليها وگعدنه نسولف شويه ودخلنه محاضرات ثنين وراها طلعت رحت للحمامات غسلت وعدلت ربطتي وطلعت اروح للبنات منتظراتني بالنادي ناكل شي..

تمشيت رايحه للنادي وسمعت صوت وراي يصيح بأسمي التفتت وشفته دكتور احمد وتجمدت بمكاني مثل الثوله بقيت صافنه عليه..

لابس قميص ازرق فاتح وبنطرون نيلي وشعره مرجعه ليوره..

تقرب يمي وصلي عطره قبله گال...

ــ شلونج افنان؟

ــ الحمد لله..

ــ عادي نحچي شويه..

رديت عليه بسرعه

ــ لااا..

بقى صافن وگال..

ــ ترى ما راح اكلچ شبيچ...

ــ العفو استاذ... بس البنات منتظراتني بالنادي..

ــ اي خمس دقايق..

ــ تمام تفضل..

ــ اني اعرف الموضوع صعب عليچ وعلى اي بنيه..
بس اني انعجبت بشكلچ وعباتچ الدست عليها من يومها واني گلبي مو الي..
وما ردت تصير بيناتنه علاقه مو على حب الله ورسوله وحتى هسه من حچيت وياچ لان اضطريت.
خفت ترفضين واني ما دخلت گلبي بنيه بسهوله..
دخلت بگلبي بنيه بعد ما صار عمري 30 ومستحيل اتخلى عنها بسهوله..

حسيت عقلي وگف بعد ميشتغل واديه ترجف وحتى مادري شنو ارد وشنو احچي..
اول مره يصير وياي هيچ بحياتي..

ــ عادي اروح؟

ضحك بصوت عالي وگال..

ــ اي روحي بس ديري بالچ لا توگعين...

بقيت صافنه هزيت راسي ورحت واني بالطريق يلا استوعبت هو ليش گال ديري بالچ لا توگعين ونسيت نفسي اني بنص الجامعه غميت گصتي على ثولي وانتبهت الطلاب كلها واگفه بس همزين محد شافني..

رحت للنادي وگعدت صافنه وافكر بحچيه...

مُهره: افنان بيچ شي؟

افنان: هااا... لا..

ديار: شنو تطلبين؟

افنان: ما اريد شي اني..

مُهره: مو انتِ سحلتينه لان جوعانه؟

افنان: هاا... هسه انسدت نفسي..

ديار: خاب شبيچ چنچ سكرانه...

افنان: شفت استاذ احمد..

ديار: ااااااه... وشصار احچي....

سولفتلهن الحچاه وبقن صافنات عليه يردن يستوعبن...

ديار: خاب لو اني واحد يگلي هيچ الا الزگله..

مُهره: ومرررض انتِ... افنان ترى مصختيها وانتِ مبينه مقتنعه بيه..

افنان: اي والله مقتنعه بس خايفه شكله حلو والبنات يحبنه شلون اتحمل البنات يتغازلن بيه گدامي؟

مُهره: عود صدگ على هاي احنه فحطانين ونقنع بيچ هو هذا سبب خايبه جيره بگصتچ..

ديار: من صدگ جيره بگصتچ طاحت وذره من اللساني واني احچي وياچ...

افنان: شبيچن نزلتن عليه دوسه ونص.

ديار: لان سبب خايس..

مُهره: يعني انتِ لس هذا السبب؟

افنان: لا هوايه اسباب من ضمنهن هذا السبب..

مُهره: افنان باعي.... هاي حياتچ وانتِ حكيمة نفسچ قرري وگولي الرضا..

افنان: ان شاءالله..

خلصنه دوام ورجعت ويه مُهره البيتهم ما رحت البيتنه
چان ياسر طالع رتبنه البيت وسوينه اكلات واجه ياسر گعدنه سوه اكلنه..

لليل اجه رضا وعلي و جايبين وياهم عشا من بره گعدنه كلنه سوه..

علي: ياسر لا تصير زوج مثلي وتخلي مُهره تصير حامل..

ياسر: ولك هنا شهرين ثلاثه وتخلص نساوتها..

علي: خاب غير ما عايش وياها وشايفها شلون صايره نفسيه.. من گد ما تشم كولشي يمها خلتني اشك بروحي ريحتي خايسه..

مُهره: ههههههه خطيه ترى حتى هي تعبانه..

علي: اي والله مرات تگعد تبچي تگول تعبت..

مُهره: ان شاءالله ما بقى شي..

علي: عليها شهرين ياا ما بقى شي...

ياسر: هههههههه قصدها على النساوه ؤاح تخلص يمعود على كيفك...

علي: عذروني هرمونات واصله للقمه...

رضا: يلا احنه هم يلا نروح الطريق بعيد...

ياسر: باتو هنا شعدكم رايحين بنص اليل..

علي: اي ابقى اني همين باقي روسلينا يم اهلها..

رضا: اني ما عندي شي بس خاف افنان عدها دوام و تحتاج شي من البيت وخطيه امي وحدها..

مُهره: ليش ما اجت عمتي وياكم..

رضا: چان عندي شغل وما گدرت ارجع للبيت اجيت گبل لهنا حتى اخذ افنان...

افنان: لا ان شاءالله غير مره خطيه ماما...

سلمنه عليهم وطلعنه والطريق كله رضا ما حچه وياي وصلنه للبيت بدلت ونمت للصبح رحت للدوام و اليوم عدنه محاضره مال دكتور احمد..

اول محاضره دخلنالهاچان هو موجود بالقاعه من اول ما دخلنه اني والبنات..

اول مابده سولف ويه الطلاب وبعدين بده بالمحاضره واني اباوع على تفاصيله ومتأكده من نفسي اني معجبه بيه اكثر من ما هو معجب بيه..

وگلت اليوم ارد خبر الرضا والله كريم شيصير بعدين خلي يصير..

باوع عليه واني صافنه عليه بس بالي بعيد مو يم المحاضرع..

اجت عينه بعيني ابتسملي ورجع كمل واني احس الحراره تطلع حتى من عيوني..

خلصت دوام ورجعت للبيت تغدينه وغسلت الماعين وقررت احجي لامي اني موافقه جبت الچاي مالتها وگعدت يمها..

ــ ماما اني موافقه..

ــ على شنو؟

ــ على الدكتور احمد..

ردت عليه بس من صدگ صدمتني صدمة حياتي بقيت صافنه عليها

ــ يااااا.. غير قبل شويه اتصلت امه وگتلها لا ما موافقه.......

يتبع... 🦋

ـــــــــــــــــــــــ

حياتي مسيو كووومه
اعذروني على التقصير وياكم..
الروايه قربة نهايتها ان شاءالله هاي اخر بارتات..
لا تنسون التصويت ❤🤍