رواية خيِّال ومُهرة الفصل السادس والثلاثون 36 - بقلم amna

«بسم الله الرحمن الرحيم»
«خـيَّـال و مُـهـره»
«آمـنـه عـادل»
========
«لا تنسون التصويت آغاتاتي»

«اللهم صلِّ على محمد وآلِ محمد»

ــــــــــــــــــــــ
أوتدري من الذّي إذا علّمته الطيران طار،
وعاد إليك
،إنّه من وجد فيك حريّته...

♡ـــــــــــــــــــــــ ♡

«مُهره»

مرت ايام و حياتي مستقره وعلاقتي ويه ياسر جاي تقوه اكثر...

شگد اگول اني احبه قليل بحقه ما چنت متوقعه نفسي بيوم احب شخص لهاي  الدرجه بحيث ما أگدر على فرگه حتى من ارجع من الجامعه اريد بس اشوفه من گد ما اشتاقله..

رجعت من الجامعه البيت فارغ چان ياسر بدوامه دخلت سبحت ولبست ثوب قصير الجو صاير حار مشطت شعري وعفته مفتوح وبديت احضر بالغدا حتى من يجي ياسر مكمله حطيت الدجاج بالفرن وسويت تمن و نظفت البيت..

رحت للغرفه حطيت حمره وجريت الكحله ورجعت حضرت الصينيه ودخل ياسر حط جنطته على القنفه وفتح اديه وگال..

ــ تعالي انطيني جرعه منچ..

ابتسمت ورحتله حطيت راسي على صدره وهو ضمني بقوه ويشم بيه...

ــ يعني شوكت تبطلين سالفت تنشيف شعرچ؟

رفعت راسي واني بحضنه..

ــ خلي اگصه...

ــ انچبي...

ــ يااا... بكيفي ترى هو شعري..

ــ انسي هاي السالفه... خلي مبلل لا تنشفينه....

ــ ههههههههه... عفيه..

طبع بوسه سطحيه على شفايفي وراح للحمام واني صبيت الاكل طلع من الحمام وگعدنه ناكل اتصل عليه علي جاوبه وفتح سبيكر..

ــ هلا ياسر .. شلونك؟

ــ الحمدلله انت شلونك..

ــ زين... تعالو تعشو يمنه انته ومُهره..

ــ مادري والله.. اشوف

ــ خلي تجي مهره يم روسلينا ضايجه..

مُهره: ليش شبيها؟

ــ ضايجه..

ــ ليش ما اجيتونه..

ــ غير انتِ بالدوام..

ــ يلا اوك اذا ياسر ما عنده شي نجيكم..

ــ تمام عيوني..

سد الخط وحچيت ويه ياسر..

ــ اگلك

ــ هممم..

ــ عبالك ناسيه السالفه من شفتك حاضن سجى بالمطبخ..

ــ ههههههه.... شذكرچ؟؟

ــ ما ناسيه بس مغلسه..
اي احجيلي شنو علاقتك وياها؟

ــ احنه من چنه اطفال اصدقاء..

حطيت الملعقه بالصينيه وشابكت اصابعي و ضيقت عيوني..

ــ ايييي....

ــ هههههههه.. هاي شبيچ شنو هالحركات؟

ــ كمل..

ــ اي چنت كلشي بحياتي اشاركه وياها وهي نفس الشي وهي حتى صديقات ماعدها اني الصديق الوحيد الها..

ــ ايي..

ــ ايي من اجيتي المطبخ چانت تسولفلي على الجامعه ومعاناتها ويه الطلاب كلهم يسموها المعقده وتبچي وضمتني..

ــ ليش هو مو حرام؟

ــ اي حرام بس هي تتصرف وياي مثل الاخ واخته...

ــ اروح اضم رضا لان هو مثل اخوي..

ــ حتى اطيح حضچ..

ــ لعد شنو انتَ وحد؟

ــ هي اجتي وضمتني واني بعدتها عني لان انتِ تدرين هما مو كلش متدينين وحتى ميلبسن حجاب..

ــ اي صح..

ــ اي وبس..

ــ يلا راح افوتها الك..

ــ رحم الله والديچ..

ــ ووالديك بالخدمه...

ضحك بصوت عالي عفته وگمت شلت الاكل وغسلت الماعين
و رحت للغرفه نمت لان گاعده من وقت وتعبانه شويه وحسيت بيه ضمني الصدره ويطبع بوسات متفرقه على وجهي واني تظاهرت نايمه الى ان نمت صدك..

گعدت على صوت ياسر...

ــ يلا حبيبي خلي نروح العلي جاي يتصل عليه..

ــ تمام..

گمت بدلت وطلعنه الطريق كله وجهي ثگيل على ياسر ما حچيت وياه شي وهو كل شويه يحچي وياي وما ارد عليه...

ــ شبيچ مُهره صدگ تحچيت سالفه صارلها سنه مدري اكثر هسه زعلتي عليها؟

ــ لا مزعلت عليها.. ضجت لان حتى ما گايلي علاقتك ويه سجى...

اخذ ايدي باسها وگال..

ــ وعيونچ مصايرلي مجال..
انتِ تدرين الفتره الفاتت عباره عن مشاكل..

ــ اي اعرف.. بس ما اريد شي تخفيه عني حتى لو قديم..

ــ تمام..

وصلنا البيت علي دخلنه بيتهم نظيف وبيه ريحه كولش طيبه ابتسمت واني تتنقل عيني على ترتيب الغراض مالتهم عبالك مسلسل اجنبي..

اول ما شفت روسلينا متغيره حيل و وجها شاحب وتعبانه بس ابتسامتها متفارگ وجها بادلتها الابتسامه ورحت بوستها وگعدنه سوه نسولف..

علي: تعودتو علينه بس احنه نجيكم؟

ياسر: لا والله ماكو وقت اني دوام ومُهره تدرس..

علي: اي عيني مُهره شلونچ؟

مُهره: الحمدلله انت شلونك

علي: الحمدلله... اني عندي فكره نروح كلنه للمطعم ونتعشى هناك وبعدين نروح البيت خالتي نشوفهم ونرجع..

مُهره: اي والله اني مشتاقه العمه صار هواي مشايفتها..

ياسر: يلا لعد گومو..

روسلينا: بس ابدل واجيكم..

طلعنا رحنه المطعم تعشينا وطول الوقت ياسر وعلي واحد يحشش على الثاني واني وروسلينا ميتين ضحك عليهم..

رحنه البيت عمتي فتحلنه الباب رضا وتفاجئ وگال..

ــ شنو هالمفاجئه التخبل....
ياا هلا وميت هلااا تفضلوو...

سلمت على رضاو دخلت لگيت عمتي گاعد بالصاله بوستها وگعدنه كلنه سوه...

ــ عمه افنان وين..

ــ دخلت للغرفه تلبس حجاب شو لزگت بلا شوفيها ياعمه وين راحت...

ــ رايحتلها...

رحت اني وروسلينا الغرفتها دگيت الباب فتحت الباب هي عيونها حمر...

باستني وراحت الروسلينا ورادت تطلع للمطبخ لزمت ايدها ودخلتها للغرفه حاوطت وجها بـ أديه وگتلها...

ــ چنتي تبچين؟

ــ لا..

ــ لعد شبيچ؟

ــ خلي اسلم على الولد واسويلهم شي يشربونه ونسولف..

ــ يلا .

رحنا وياها سلمت ورحنه حضرنه حلويات وچاي وديناالهم وگعدنه بالحديقه علمود تسولفلي..

ــ يلا احچي موتيني..

ــ اليوم اجيت الماما گتلها اني موافقه اتزوج الدكتور احمد..

ــ صدگ وافقتي...

ــ اي وحظي الفگر..
طلعو مخابرينها الصبح وماما گايلتلهم ما موافقه...

ــ يااااااا.... شلون تگللهم بدون متدرين..

ــ تگول لان طولتي عبالي رافضه..

ــ وهسه شلون؟؟

ــ مادري..

ــ انتِ تحبينه؟

ــ شو من گلتلي ماما گلتلهم رافضينه نقهرت حيل وحتى بچيت مدري شبيه..

ــ هاهيه تحبينه...

ــ ههههههه.. ولچ شسوي؟

ــ الله كريم لا تضوجين..

انقهرت عليها حيل دخلنه يم الولد وسمعت صوت رضا عالي اول مره اشوفه عصبي...

ــ يممممه.... صدگ تحچين؟

ــ يمه اني شمدريني بيها قابله غير يوميا يتصلون واگللهم بعدها تفكر...

ــ يمه شنو السالف هو هذا حچي عليچ العباس..

ياسر: على كيفك رضا هو الولد صديقنه نگدر نسوي حل..

افنان: لا خويه لا تگله هي قسمه وما صارت..

علي: لا تگله ياسر...
هو الموضوع اذا رب العالمين مقدرلهم تصير علاقه حتصير ميحتاج نگللهم..

رضا: لا شنو نگللهم امي جاوبت بكيفها...

مُهره: كافي رضا...

رضا: ايي مُهره اي..

افنان: لا تفكرون بالموضوع خلي يولي..
اجتو حتى نتونس..

روسلينا: شلونج بالدوام افنان؟

ــ الحمدلله... انتِ شخبار حملچ؟

علي: لا تذكرونها...

روسلينا: هههههه.... اسئلي علي.

علي: لعبت روحي خويه...
وين متروح ريحه مو طيبه الاكل تگعد تشمشم ببه ساعه يلا تاكل واذا بيه بصل متاكل..
الله وكيلچ صار يومين انام بالصاله تگلي ريحتك مو طيبه...

روسلينا: فضحنه...

الكل: ههههههههه

افنان: الرجال عنده كبت بس سئلته كتهن كلهن ما بقه شي...

علي: اي وعلي صاير عندي جفاف..

رضا: البارحه شفت هاي بت عمتكم...

مُهره: سجى؟

ــ اي هي.. تعينت وياي بنفس المكان..

ياسر: هاا..

ــ اي... بس الله وكيلك كلها تخاف تحچي وياها..

ــ هههههه.. احسن..

ــ اي طبعاً...

مرت ساعه احنه گاعدين نسولف ونضحك بعدين رجعنه للبيت

ـــــــــــــــــــــــ

«افنان»

ثاني يوم رحت للجامعه و قررت حتى محاضرته ما ادخل بيها من الفشله..

رحت گعدت يم ديار ومُهره.
سولفت مُهره الديار على الصار البارحه و هي ضاجت اكثر مني..

ــ عووود صدگ.. شلون خاله خيچ تسوي؟

ــ يمعوده مالي خلگ عوفي السالفه تولي..

ــ هسه شلون تدخلين للمحاضره؟

ــ ما ادخل..

مُهره: ليش متدخلين شنو قابل اول واحد بالدنيا ينرفض ترى الموضوع عادي..

ــ اي والله ليش ما ادخل...
ادخل للمحاضره واتصرف طبيعي وشنو يصير خلي يصير...

دخلنه المحاضره من خلصت دخل وراه الدگتور احمد اني چنت اعدل بجنطتي رفعت راسي لگيته داخل والكل يسولف ممنتبهله دخل بقيت مدنگه راسي ما اريد اشوفه..

بقيت اغلط على مُهره كل من وراها دخلت للمحاضره..

صاح بصوت فززني من مكاني رفعت راسي باوعت عليه عيونه تطلع نار من گد العصبيه وميباوع عليه ابد عكس يوميا..

ــ شوكت تبطلون الهوسه وتنتبهون اذا الدكتور دخل لا؟

ولد: نعتذر استاذ لا تضوج..

ــ يلا خلي نبدي شرح ومن اخلص خلي واحد يگول ما فهمت..

خفت من يمي مدري ليش طلعت دفتري ولزمت القلم بقيت افر بيه وهو يشرح وما رفعت راسي ابد..

الى ان سمعته گال اسمي...

ــ اييي ست افنان گومي...

رفعت راسي اباوع عليه رافع حاجبه ومتخصر ويخزر بيه..

گمت وما نزلت راسي نظرتله نفس النظره..

ــ نعم استاذ...

ــ شرحيلي الحچيته كله...

ابتسمت بوچه وگمت رحت وگفت يمه وشرحت الموضوع كله وعيني على الطلاب ما باوعت عليه من خلصت لگيته گاعد على الميز وحاط ايده تحت حنكه ويباوع عليه...

ــ ارجع..

ــ رجعي..

رجعت واني فخوره بنفسي ورافعه راسي واتبختر بمشيتي لان فشلته يستاهل...

رجعت المكاني خلصت المحاضره ورجعنه للبيت..

خلصت اليوم كله افكر بيه وبنظراته وبجماله شلون عيون شايل يسحرن اليباوع بيهن..

خرب حضي امي بكل شي تاخذ رئيي حتى اذا شي ميخصني البارحه حضي گاللها روحي گليلهم لا...

ثاني يوم رحت للجامعه اول ما دخلت اجت ابنيه ويانه بالقسم گالتلي..

ــ العميد يريدچ بالمكتب...

ــ يريدني؟

ــ ايي... غير انتِ افنان؟

ــ ايي..

ــ اي روحي...

رحت واني گلبي ما ناغزني حسيت راح يصير شي اول ما وصلت گلت بسم الله ودگيت الباب..

ــ تفضل..

فتحت الباب ودخلت وتفاجئت من شفت دكتور احمد گاعد ومحد بالغرفه غيره...

ــ تعالي افنان...

يتبع🦋.....

ـــــــــــــــــــــــ

لاتنسون التصويت والتعليق بين الفقرات
احبكم هواي ♡